السلام عليكم ورحمة الله وبركاته. الكلمة دي تكريم للابطال والبطلات اللي دخلوا دورة حفز سورة الكهف وحفز سورة الملك. اللهم بارك في ميزانكم عند ربنا سبحانه وتعالى في ميزانكم ذخر لكم عند الله واللي خدوا الاجازة والشهادة بتاعة التقدير على حفز سورة الكهف وسورة الملك
اللي هي اول دورة لنا في مشروع يمسكونا بالكتاب اول دورة بفضل ومنة الله سبحانه وتعالى يعني بدأوا ابطال من البداية وعملوا ضربة البدء بفضل ومنة الله. انا عايز اقول لكم قل بفضل الله وبرحمته فبذلك فليفرحوا. هي دي الفرحة الحقيقية. مبروك بجد يا شباب. مبروك بجد يا اخواني واخواتي
مبروك بحق وحقيقي. انا ابارك لكم بس بكلمة واحدة النبي عليه الصلاة والسلام قالها. قال وان صاحب القرآن يلقى صاحبه يلقى القرآن. حين ينشق عنه قبره صاحب القرآن. الكلمة دي ممكن يكون فينا ناس مش حاسة بها. انما فينا ناس عارفة يعني ايه انا صاحب القرآن ده قصة كبيرة. وانا بصاحبه في حفظ
وقاعد ماشي رايح جاي في البيت باحفظ في الصفحة اللي كانت صعبة علي شوية غير صحوبية التلاوة وانا كل ليلة باحافز على وردي من القرآن في الصلاة غير صحوبية التدبر وانا ماسك كتاب التفسير وانا بتدبر في الايات. غير صحوبية المدارسة وانا قاعد اتدارس مع اخواني او انت تتدارسي مع
اخواتك ايتين عشان تخرجوا الكنوز او بعض الكنوز اللي جواهم. يا جماعة دي صحوبية كبيرة قوي ده قصة كبيرة قوي يا جماعة. ده قصة حياة قصة الليل والنهار. قصة الفكر والقلب والوجدان والمشاعر دمي ودموعي وابتساماتي. كلها كانت بسبب القرآن ومع القرآن. كان الكتاب اللي
اختر لي دنيتي وهينور لك الوقت اخرتك وان صاحب القرآن يلقى القرآن حين ينشق عنه قبره ينشق عنه قبره ده اول لحزة يوم القيامة. ده اول لحزة اول لحزة الدنيا الطفل الوليد خارج بيصرخ وبيبكي رغم ان ايدين الحنان قاعدة تشيله وقاعدين يلفوه في حاجات ناعمة وزي الحريم
وهو بيبكي امال وانت طالع يوم القيامة في الزلام والفزع والاهوال وتسيير الجبال وشاهد والملايكة سائق شهيد امال ساعتها يبقى الفزع شكله ايه؟ تخيلوا بقى انا صاحبك القرآن. يا ترى الكلمة دي انت هتسمعها ولا مش هتسمعها
يا ترى الكلمة دي انت هتبقي من اهلها ولا مش من اهلها؟ يا ترى اول ما هي انشق عنك قبرك؟ اول حاجة هتشوفها في حياتك. في رحلة الخمسين الف سنة بتوع يوم القيامة. هتلاقي
القرآن في وشك ولا مش هتلاقي القرآن في وشك. السؤال ده لازم نسأل نفسنا فيه يا جماعة ايه ده يا جماعة؟ انتم عارفين يعني ايه انا صاحبك القرآن دي فرحة العمر كله. اول ما القبر
يتفتح كده وانت مستني يا رب يا رب الاقي القرآن في وشي يا رب. يا رب الاقي القرآن بيقول لي انا صاحبك القرآن تدفعي تمن اللحزة دي كم؟ عارفة لو انت نزلت في
غريبة وما عكيش فلوس وفلوسك اتاخدت منك والدنيا ما انتيش عارفة تروحي فين وتيجي منين وفجأة تخيل انت لو في الموقف ده فجأة لقيت صاحبك الملياردير اللي انت عارف ان هو من عيلة كبيرة جدا ويقول لك يا فلان. الله! يا نهار ابيض! ده ده بالتأكيد هيجيب لي سكن وبالتأكيد هيسندني وبالتأكيد انا اطمنت
خلاص تخيل بقى في اهوال يوم القيامة تلاقي القرآن انا القرآن انا صاحبك مش انت كنت مصاحبني بالليل. في الترتيل والتلاوة والتدبر. مش انت كنت مصاحباني بالنهار في الحفظ والمزكرة والتفسير والمدارسة. انا صاحبك القرآن. كلمة هتغير حياتك يوم القيامة
لو لقيت القرآن هو اللي في استقبالك يوم القيامة نفسنا نشوف اللحزة دي. نفسنا اول ما يتشقى عنا قبرنا نلاقي القرآن هو اللي في وشنا ابطال دورة سورة الكهف وسورة الملك. انا بدعوكم جميعا ان انتم تبقوا ابطال دورة المقنطرين. اللي هي الدورة التانية في مشروع
او معهد يمسكون بالكتاب المشروع اللي احنا عملناه عشان شباب الامة وبنات الامة والكبير والصغير والغني والفقير كله يمسك المصحف المحطات السبعة ده معهد عشان اللي عايز يجود ويختم وياخد قراءات ويبقى حاجة بقى بازن الله. يمسكون بالكتاب ده ده معهد معمول عشان
البسطاء بقى الشاب اللي في الاول اللي لسة في بداية الهداية. اللي بقى لهم سنين ملتزمين ولكن ما حفزوش حاجة. احنا بدأنا بالكاف والملك ان شاء الله مع بعض لحد ما نختم. وهنختم ما بدأنا الاول بسور النجا من من فتنة المسيح الدجال ومن عزاب القبر اللي هي الكهف والملك. الدورة التانية دورة المقنطرة
اللي هو الجزء التسعة وعشرين والتلاتين. اللي هي انك تقدر تصلي الليل. قيام الليل بالف اية فتكتب من المقنطرين. عايزين نبقى بقى ابطال دورة زي ما كنتم ابطال وبطلات دورة الكاف والملك الله يوفقكم. الف مبروك. قل بفضل الله وبرحمته. فبذلك فليفرحوا
هو خير مما يجمعون. القرآن اللي انتم حفزتوه والدورة اللي انتم حفزتوها لن ينساها لكم الله. وما كان ربك نسيا. يا اخواني يا اخواتي والباقيات الصالحات خير عند ربك ثوابا وخير املا. هو ده الامل اللي في الحياة. كل اية قريناها كل
اية حفظناها ربنا مش هينساها لنا لا دنيا ولا قبر ولا اخرة بازن الله. الله يوفقكم الف الف مبروك