استشعر كده يوم القيامة تلاقي واحد كده ما له ده يا جماعة لا هذا ربه قال له اليوم ننساك. طب مشكلة ده هتتحل ازاي؟ ها؟ اقترحوا كده حلول يا جماعة السلام عليكم ورحمة الله وبركاته. الحمد لله رب العالمين له الحمد الحسن والثناء الجميل. واشهد ان لا اله الا الله وحده لا شريك له واشهد ان محمدا عبده ورسوله. وبعد فاسأل الله سبحانه وتعالى ان يبارك في هذا اللقاء وفي كل لقاء وان يمن علي وعليكم بعلم نافع وعمل طيب ورزق مباركة. ونسأله سبحانه وتعالى ان يغشانا برحمته وينزل علينا سكينته وان يذكرنا الله واياكم في الملأ الاعلى ذكرا حسنا. ويستعملني واياكم استعمالا رضيا مرضيا طيب الله زكركم وطهر الله قلوبكم. هذا اللقاء هو متمم لما بدأناه ويسره الرب سبحانه وتعالى ما في سورة النور. كنا قد توقفنا عند قوله تعالى لقد انزلنا ايات مبينات والله يهدي من يشاء الى صراط مستقيم. بعدما ذكر الله سبحانه وتعالى الايات وبين مسال اهل الايمان ومسال اهل الطغيان وذكر الايات والادلة والبراهين التي في الكتاب المنزور امامنا وهو هو الكون زكر بعض المشاهد والبراهين التي تنور القلوب والعقول. زكر الله سبحانه وتعالى بعد كل هذا ذكر حال الناس مع الباب ده هيكون ايه؟ مع كل الانوار دي وكل الجمال ده في ناس لن تؤمن وفي ناس لن تهتدي. سبحان الله زي ما انت بتشوف دلوقتي في من دلائل والايات والبراهين لما بتلاقي مسلا في اخوانك في فلسطين وغيرها. الثبات والصمود تجد ان في ناس عطشانة وتبدأ تسأل تقول ليه الناس دي بتقول الحمد لله اه سمعت حد ملحد يعني او هو يعني ممن اه قضية الاديان لا تشغله كثيرا وهو اقرب الى الالحاد لكن قال كلمة اهتز لها قلبي وانتبه لها عقلي ان سبحان الله هناك امور هي منورة في زاتها منورة لغيرها. نورها الله سبحانه وتعالى لتكون احدى الدلائل التي في الارض تدل وتكون اية على وجود الرب سبحانه وتعالى وتقديره. فكان بيقول ايه؟ بيقول مستحيل اللي بيحصل في فلسطين ده انا آآ استطيع ان انا اتفهمه واقول ان دول شعب الله المختار مع اليهود. ثم قال كلمة قال ان كان للكون اله ، فشعبه هم اهل فلسطين. باقول لو آآ لو في الكون ده فيه اله فشعبه هم دول. طب هو عرف ازاي من سباتهم وصمودهم وطريقة كلامهم. بيقول لو فيه شعب لله مختار فهو ده. فسبحان الله الشاهد ان في انوار الانسان بيراها تشوف الناس البنت في الانقاض وتقول له انقزوا لاول امي واخواتي وعمتي وسيبوني انا في الاخر. طيب هو ده آآ الحاجات ديت ما بتشغلكش. ان لم تشغلك فسل الله ان يعطيك قلب بل حيا يارا ما في حاجات كده لو مش دي ما تحركتش بعدها لو قلبك ما اتحركش بعدها ومع الحاجات دي على طول ما تنتزرش بقى اية تحركك. امال هتنتزر ايه؟ لأ ده انت ما بتعملش اي حاجة بقى الا تسأل الله ان يعطيك ايه ؟ جسدا حيا وعقلا حيا وقلبا حيا. فانك قد قبرت عليك صلاة الجنازة. فنسأل الله العفو والعافية. نعوذ بالله ان نرى النور فلا ننتبه له كل اية بتمر عليك صباحا ومساء. الاية دي الاية دي محتاجاك انك تتفاعل معها واديكم سمعتم في يوسف وقرأتم كثيرا هذه الاية الرب جل وعلا يعاتب ويقول وكأي من اية في السماوات والارض يمرون عليها وهم عنها معرضون. ربنا يقول في ايات كتير في السماوات والارض. يمرون عليها وهم عنها معرضون. شوفوا بعدين يمرون عليها دي يعني يعني هم متمكنين جدا من هذا المرور. والمرور ده ربنا بيعاتب كتير في كتابه من يمر على اياته ولا يستبصر. ان يشوف الاية بعينه وآآ ما يتحركش ولا يقف معها الله سبحانه وتعالى في الصافات بيقول لقوم مكة في قريش ويتكلم عن لوط وان لوطا لمن المرسلين اذ نجيناه واهله اجمعين الا عجوزا في الغابرين ثم دمرنا الاخرين وانكم لتمرون عليهم مصبحا حين وبالليل افلا تعقلون! سبحان الله! فربنا بيقول لهم انتم بتمروا عليهم وبتشوفوهم. فالواحد اما ييجي يشوف الايات ديت يدرك كويس قوي ان ربنا سبحانه وتعالى بيحرك في قلبك عبودية الالتقاط او لم يسيروا في الارض فينظروا كيف كان عاقبة الذين من قبلهم هم ليه الناس بتعدي وما تاخدش بالها؟ ليه؟ اولم يسيروا في الارض فينظروا كيف كان عاقبة الذين من قبلهم الايات دي ربنا بيزكرها ليه؟ عشان بيقول لك انت ماشي اعمى ليه؟ ليه انت ماشي اعمى؟ هو الخطر كله انك تكمل الاعمى وتلقاه هكزا. ليه؟ لان ربنا قال ونحشره يوم القيامة اعمى. قال رب لم اعمى وقد كنت بصيرا. انا كنت ببص في الدنيا قال له اتتك اياتنا فنسيتها. قال كذلك اتتك كاياتنا فنسيتها، وكذلك اليوم تنسى. من اكثر الايات في سورة طه سورة طه ديت يعني ايه آآ بتطري على القلب كده لكن من الايات التي تؤزك ازا هذه الاية. وكذلك اليوم تنسى. ايا يعني مهيجة للقلب المنتبه. وكذلك اليوم تنسى. فالحاجات دي لما هتنساها هتلاقي نفسك نفسك مهزوز في يوم وقيل اليوم ننساكم كما نسيتم لقاء يومكم هذا. يا جماعة والله والله اي والله لو في نعيم في الجنة. مسلا وليكن شرب الخمر. وليكن آآ نعيم آآ الجلوس الانهار نعيم آآ اصطحاب الانصار والسير معهم في الجنان. لو النعيم ده اتقال لك ده انت مش هتاخده عشان ما كنتش مسلا في الدنيا بتزكر الانصار كتير. ومين اللي هيكلمك مسلا؟ استشعر كده انك تخش الجنة فتجد ان سعد بن معاذ يتكلم عن الانصار وبيقول لك احنا بس بنديك الروشتة وكل انت لك ما تشتهي في هذه الجنة لكن في حاجة مش مش هتاخدها. ايه هي؟ انها مش هتجلس معنا انت مش هتجلس معنا. استشعري كده ان آآ جويرية بنت الحارث وزينب رضي الله عنه. بتقول لك انت لك كل حاجة في الجنة لكن في حاجة واحدة بس مش هتاخديها ايه هي ان انت مش هتقعدي مع امهات المؤمنين يعني دي حاجة انت ما لكيش علاقة بها لا لك علاقة بخديجة ولا بعائشة. وطبعا خديجة واولادها. ففاطمة بنت محمد معنا يعني. وعائشة واخواتها. اسماء بقى. خلاص زينب بنت جحش وحمنا خلاص آآ لن تجلسي معنا اما حكى الجنة بقى معاكي كل حاجة اقعدي خدي كل حاجة بس الموضوع ده مش آآ مش يعني انت آآ معنا والكمل ما لكيش علاقة لا اسية ولا مريم هتشوفيهم برضو ولا اخت موسى ما لكيش علاقة بها ولا ام مريم امرأة عمران. ففي فريق كده آآ هم قاعدين في مكان يعني انت ايه المكان ده ما يخصكيش. ليه؟ انت كنت ناسية زكرهم في الدنيا فهم آآ يعني ايه جلسوا مع بعض ايه ده؟ كده قالوا ايه ان دي كانت ناسيانا فننساها هنا مش محتاجينها والله هي ما كانتش بتزكرنا اصلا. ويوم ما تزكرنا تزكرنا كلام عابر جدا يعني. بس انت معك كل حاجة تانية بس معروفة معروفة ان الاخت فلانة انا مش عايز بقى المرة دي اسمي اسمي بقى. لان مجرد اني اضرب مسال مزعج لكن الاخت فلانة دي لما ما لهاش علاقة بالكلام ده. شف الموضوع مزعج ازاي؟ المشكلة يوم القيامة اللي يقول لك كده ربنا سبحانه وتعالى. طب بالله عليك هتروح فين والسماء بنيناها بايد وانا لموسعون. السماء بتاعتنا والارض فرشناها فنعم الماهدون. والارض اللي انت ماشي عليها دي ومن كل شيء خلقنا زوجين لعلكم تذكرون. طب انت هتفر هتروح فين؟ سما مش بتاعتك. ارض مش بتاعتك. تروح تحتمي مع اي حد مش بتاع طب هتروح فين؟ انا هفر فين اقترح حلول لهذا الرجل. له حل هناك مشاكل لا حل لها. في مشاكل ما لهاش حل. مشكلة انك تتزحلق من على الصراط وتنزل على النار ما لهاش حل. مشكلة انك تستلم كتاب بيسارك ما لوش حل ما لهاش حل. مشكلة ان ربنا سبحانه وتعالى يحاسبك ويقول لك ويناقشك الحساب من نوقش الحساب عزب خلاص مجرد ما تتناقش خلاص بقى في في عزاء عبدي فعلت كذا وكذا وكذا وكذا يقرر بك الزنوب لغاية هنا الدنيا امان لكن يقول لك انت ليه عملت وبقى في نقاش خلاص ما الدين ده ما لهاش حل بقى. الله اكبر والله ربنا يعافينا عشان كده من الآيات آآ هي في سورة واخدة من آآ من اسمها نصيب. يعني اسمها هو ده ترجمة الحال ايه هي سورة الجاثية؟ وقيل اليوم ننساكم كما نسيتم لقاء يومكم هذا. زي ما انت تركت زكر اليوم ده اه نتركك نتركك بقى خلاص. هنا دي سورة الجاسية هتلاقي على طول وانت بتقرأ الاية دي وانت ماشي في سورة الجاسية هتلاقي من غصب عنك كده كأنك قلبك جثى. نسأل الله العفو والعافية الخلاصة اللي عاوز ازكركم بها في المقدمة دي الانوار يا جماعة. الانوار اللي انت بتشوفها دي ربنا سبحانه وتعالى يعني احنا كل يوم بتنزل علينا انوار زي كده الامطار. مستمرة اربعة وعشرين ساعة. كلها نور. ليه؟ عشان تبدأ تمشي الضلمة دي ضلمة الدنيا بالانوار دي. لكن لو اتحجبت عنها تبقى مشكلة كبيرة قوي. ربنا سبحانه وتعالى بقى بيزكر لنا ان فيه ناس ما انتفعتش عتش بالانوار دي. بالله عليك سورة النور بالايات اللي احنا زكرناها ديت المفترض ده لو مصنع ينتج ايه؟ هينتج منتجات عالية قوي. صح؟ منتجات فيها اتمكين فيها تبديل من حال سيء الى حال اجمل واحلى. ينتج مجتمع منور قوي صح؟ فعلا. لكن في ناس سبحان الله ربنا زكر لنا بقى الناس ديت. مين هم؟ ويقولون امنا. امنا بالله وبالرسول واطعنا ثم يتولى منهم ثم يتولى فريق منهم من بعد ذلك وما اولئك بالمؤمنين. واذا دعوا الى الله ورسوله وما بينهم اذا فريق منهم معرضون. وان يكن لهم الحق يأتوا اليه مزعمين. افي قلوبهم مرض ام ارتابوا ام يخافون ان يحيف الله عليهم ورسوله بل اولئك هم الظالمون. ده حال ناس ده حال ناس ربنا بيزكر لنا قد ايه ان مرض القلب ممكن يوديك هنا. فيه واحدة عندها غل وحسد تجاه اخواتها المؤمنين. يوديها هنا. فيه واحد شايف هو اللي بيخدم ربنا بس. هو اللي بيخدم الاسلام هو الاسلام كله اهم حاجة ان هي ايه؟ ندرس الايه؟ العلم ده. احنا طالما بندرس قراءات وقاعدين مع بعض كده وبندرس عقيدة وبندرس كزا خلاص احنا بنخدم الاسلام وغيرنا لا نراه. بل ربما مع الوقت نحتقره. فازا شفنا حاجة حلوة في الامة مش طالعة من البيئة بتاعة مش قادرين نتحملها فلازم ايه؟ نتكلم عليها. فنبتلى في الكلام عن الايه؟ عن الاشراف. طب هو ايه اللي وقعني هنا الامراض المرض اللي جوة سبحان الله احيانا بيكون البداية حاجات سلوكية وبعدين يا جماعة اخطر ما في النفاق عارفين ايه هو ان اخطر ما في النفاق انه ليس قرار. يعني ايه؟ يعني مش واحد كده صحي من النوم كده بص في الساعة كده لقى الساعة كم؟ الساعة خمسة وعاوز ينام من الفجر راح مقرر ان هو من هنا وراح يبقى منافق. يعني هيعمل ايه؟ قال انا هبطن الكفر. وهاظهر الاسلام. ده قرارا هعمله من النهاردة لأ دي تراكمات حصلت بعد كده راح هو هنا وبقى بيمارس عادي وبقى مش فارق معه. انتم واخدين بالكم؟ النفاق عملي اخطر ما فيه انه مش قرار. بعد كده بيصل ممكن ياخد القرار على ما يبقى اعتقادي. اتمنى الكلام يكون واضح. واخدين بالكم؟ هو لا تقوم الى الصلاة الا وهو كسلان ولا ينفق الا وهو كاره ولا يذكر الله الا قليلا. وازا حدس كذب واذا اؤتمن خان. خلاص؟ وازا عاهد غدر هو دي حياته كده واخدين بالكم؟ حياته كده هو راشق في الكلام ده كله. فايه اللي يحصل؟ آآ بيزعجه جدا انتصارات المسلمين. بيزعجه جدا الخير الذي ينزل على العاملين لدين الله. والتوفيق. بيتألم جدا ان الكفار والقيم الغربية واخدين بالكم؟ هي كلما وقع في خصومة فجر. فايه اللي يحصل كل يوم بقى الكفة بتاعة النفاق بتزيد تزيد تزيد تزيد تزيد يصحى من النوم خلاص. كان ثم هنا رجل مؤمن. كان فيه واحد كويس فيسرح بقى واخدين بالكم نسأل الله العفو والعافية. قد يكون الواحد بقى عنده بعض المؤشرات والتلبس ببعض الايه طور النفاق العملي لاعتقادي وارد. لكن يعني كل من حضر مثل هذه اللقاءات وبيسمعها عشان يتعلم عن دينه وجاي يحاول يقول له يا رب علمني يا رب فهمني فان شاء الله ليس هذا من المنافقين بازن الله. كل اللي بيقيم الليل ولو بالوتر ويزكر الله فيما بينه وبين نفسه ان شاء الله ليس من المنافقين. بقول الكلام ده عشان الناس اللي راحت مطلعة دلوقتي خناجر وبدأت تعور نفسها لان انا حاسس ان في ناس دلوقتي قطعوا شرايينهم وقاعدين دلوقتي ايه بيدوروا على منديل يلمموا الجراح بتاعتهم. فيقول الله سبحانه وتعالى في شأن هؤلاء تلك الايات قيل من سبب النزول لهذه الاية وان كان يعني السبب ده من ناحية السند في نقاش لكن المعنى مهم جدا في واحد اسمه بشر مكان منافق وكان له خصم يهودي كان اختلف مع واحد يهودي لما اختصم بينهم وبين بعض كان ليهم مشكلة في ارض ده يقول له بتاعتي وده يقول له بتاعتي ده الحتة دي بتاعتي ومش عارف ايه. فاليهودي ايه؟ جعل اليهودي يجره الى رسول الله صلى الله عليه وسلم. يقول له طب تعال نشتكي لمين نروح لمحمد ونحتكم له والمنافق يجره الى كعب بن الاشرف اليهودي نسأل الله العفو والعافية شوفتوا الفكرة فين ده يجره الى رسول الله وهذا يجره الى كعب ابن الاشرف. ويقول ان محمد يحيف علينا وقيل ان كان بين وبين علي ابن ابي طالب خصومة في ماء وارض. فقال المغيرة اما محمد فلست اتي ولا احاكم اليه انه يبغضني وانا اخاف ان يحيف علي نسأل الله العفو والعافية. وفي ناس كتير كده على فكرة ان اليومين دول تيجي تقول له طب تعال ايه آآ نسأل حد من اهل الفضل واهل العلم تعال نروح مكتب الازهر اسأل العلماء اللي هناك تعال نعمل كزا يقول لك ايه انا ما ليش في الكلام ده طب ما هتروح لمين يا ابن الحلال عشان نعرف ايه اللي لنا واللي علينا شرعا يجيب اي حد بعيد عن الوحي. فربنا بيقول ويقولون امنا بالله وبالرسول واطعنا. ثم يتولى فريقكم منهم من بعد ذلك. الناس دي زهروا امتى يا جماعة في مجتمع النور؟ وكأن الانوار اللي في سورة النور كشفت لنا المنطقة تلاقينا الاماكن الضلمة اللي فيها وبقت لنا الحاجات العافية. مع اما النور بيجي انت بتشوف كل حاجة. فهتلاقيهم معك في التوبة هتلاقيهم معك في الاحزاب هتلاقيهم معك في سورة النساء هتلاقيهم في الانوار. فدايما ايه بييجوا الاماكن اللي بيكون فيها قوة للمسلمين. بتلاقيهم بيزهروا لهم سلوكيات كده بيزهروا لكن في الاوقات اللي فيها ضعف وكده مش محتاج هو ينافق يعني. هو ايه بيبقى بقى على كفره الاصلي بيزهر. نسأل الله العفو العافية. فيقول الله سبحانه وتعالى وهو يتكلم عن حال هؤلاء بعدما ذكر الكفار واحتج مين؟ ذكر المنافقين. بعد ما زكر الايات السابقة اللي مليانة ادلة ساطعة على وحدانية الله وعلى آآ عزة هذا المصدر الوحي. رغم توفر الايات البينة اللي اوصلت المؤمنين للنور والهداية لكن فيه فريق ربنا سبحانه وتعالى زكر لان كان لهم موقف في غاية الغرابة. كان موقف بعيد اوي اغمضوا اعينهم عن النور وحب ده انه قاعد في الضلمة. انتم عارفين الخفافيش؟ الخفاش يا جماعة بيطلع امتى من الاوضة؟ لما تنور. عشان كده احيانا في واحد يقول لي يا شيخ انا في قلبي زنب ما متعلق جدا به. نقول له نور القلب. اول ما هتنور الخفاش بتاع التعلق ده هيجري. هيطير. لكن عشان القلب مش متنور لكن القلب اول ما هينور خلاص خفافيشك كلها هتطير. الشيطان رامي لك شوية خفافيش في الاوضة الضلمة اللي جوة دور كل الاوض اللي في قلبك هتلاقيه بدأ يطلع. بيضايقوا جدا من النور. النور بيتعب عينهم. النور بيتعبهم. فسبحان الله! الايات دي بتقول لنا ان فيه ناس عندها ازدواجية ظاهرا ايمان وعمل لكن ايمان باللسان لا يكفي. الايمان ده لازم يترجم في اعمال وسلوك. في ناس كده سبحان الله بتشم ريحة ايمانهم من سلوكهم كلامهم. تشم الريحة كده تحس كده في ناس كده مجرد والله ممكن يبقوا يستشيروك استشارة عادية استشارة عادية خالص تقول سبحان الله باي قلب هذا الذي يحتويه هذا الجسد. ما اجمله وما اعقله وما اطيبه. واضح جدا ان القلب ده جميل اوي. لان القلب الذي يخرج تلك الحروف بهذا الجمال لأ ده حروف حروف حروف جميلة حروف لابسة متزينة اللي بينمق يا جماعة بيبان في ناس كده سبحان الله! وفيه ناس العكس تماما في قلوبهم مرض. مرض النفاق بقى. هؤلاء اللي ربنا قال عليهم يقولون امنا بالله وبالرسول واطعم. مش كل شوية واحد يقول لك كلمة ادنى طول ما هو بيقول. لا لا القول ده لازم يزهر في اعماله او يظهر في سلوكه لكن اعماله بتكزب لسانه عشان كده ربنا وصفهم قال وما اولئك بالمؤمنين. مواطن بيتفضح فيها الانسان. هيبدأ ربنا سبحانه وتعالى بقى كلك مواطن منها. المواطن دي بقى ايه هي؟ لما بيقع في مشكلة ونيجي نقول له طب تعال يا سيدي. مش انت جاي تعال هتتحط في اختبار وخلي بالكم يا جماعة يأبى الملك سبحانه وتعالى يأبى الرب جل وعلا ان يترك الناس ان يقولوا امنا ولم يضع لهم اختبارات في مبادئهم وفي قيمهم مستحيل انس وانسي. الدنيا بتقول لي انا انا صابر. انت يعني كلامك حلو عن الصبر واكلمك حلو عن المعاني دي. اه نحط في اختبارات انك بتقول انا الحمد لله مبدأي ما باكلش المال الحرام. انت هتتساب يعني؟ لا طبعا. قاعدة كل مبدأ. يعني انت مبدأك عندك تقولي الحياء والعفة مش ده مبدأك؟ اه وانت بتنادي بها تختبري فيه. هيقدر عليك بلاء يعني اختبار. تتحطي؟ اه. يبقى هواك في ضد المبدأ هو كده حسبتم ان تدخلوا الجنة انتم فاكرين انتم هتخشوها؟ اه ولما يأتكم مثل الذين خلوا من قبلكم مستهم البأساء والضراء وزلزلوا يا عم انت بتقول عادي وانا عندي استعداد ضحي عشان الجنة؟ اه تتحط في الموضوع ده. انا عمري ما اخد مال حرام ده مبدأ يعني؟ اه طبعا يا شيخ انت بتتكلم في ايه طيب وضيق عليها وبنتها عاوزاه تكمل في الجامعة الخاصة وابنها في تالتة سانوي عنده دروس وزوجها عاوز يعمل عملية يضيق عليها. طب وهي شغالة في جمعية خيرية في ناس بتبعت هات لها فلوس عشان الصدقات تبدأ بقى تاخد منها وتبدأ ايه ما انا برضو من العاملين عليها ما انا برضو من الناس اللي ربنا اعلم بحالي وانا برضه فتاخد الحاجات دي خلاص وتبدأ تسرسب فيها بقى تسرسب فيها تيجي تفاجأ ان المال اللي بيروح لها بقى تقريبا ربعه اللي بيطلع لله طب وتلات تربعه؟ بيرجع بيطلع لله برضه على منهجها ايه؟ فتتحط فين؟ في الفخ ده. واخدين بالكم؟ انا عارف دلوقتي ان في ناس بتهرش من المسال ده خلاص وهو قاعد دلوقتي بياخد ايه شهقة معينة ان هو عارف هو بيعمل ايه. فديت اختبارات اختبار بيتحط فيه الانسان فواحد بيقول انا بغض بصري او بحافظ على فيتحط في اختبار واحد يقول لك انا امين والحمد لله بحافظ على اعراض المسلمين وهو شغال مسلا استشاري ولا بيجاوب في الفقه ولا الكلام ده كله فيلاقي ان كل واحد بيستشيره يبقى عنده شغف ان يطول معه ويسحبه انت بتعمل ايه يا ابن الحلال؟ اختبارات فواعي تكوني فاكرة ان الاختبار ده انا عاملة الحاجة دي لله وهتتساب. لأ ده انا هتتحط في جو معين يتحط فيه بقى وتشوف بقى هل انت فعلا صادق ولا لا. فالناس دي بيقولوا امنا. الناس دي بيقولوا امنا بالله. احنا امنا بالله. وامنا كمان بالرسول من بنطيع ربنا طيب يا سيدي هيقدر الله عليك شيء خلاص انت بقى ملتحي بقى وبتاع ورحت للاخت المنتقبة اللي رحت لها دليل انك تسأل مش عارف في مسجد الرحمن قال لك ده فيه مسجد هنا في امبابة اسمه الرحمن وجميل جدا وفيه اخوة زي الاخوات ما شاء الله لا قوة الا بالله. راح الاخ مسجد الرحمن ويسأل الشيخ بتاعها وبتاع يا عم الشيخ قال له انا بسألك على اخت هنا اسمها مش عارف ايه قال له الاخت دي ما بتفوتش فار درس وما شاء الله راح المسكين بقى راحت المسكينة قبلت بالاخ ليه؟ لانه جاي من ناحية الامام. بقى جايبنا من المسجد. وما شاء الله قال لها انت آآ ما شاء الله عليك يا ريم. انت بتصومي اتنين وخميس سبحان الله! اول ما عمه الشيخ قال لي انك بتصومي اتنين وخميس وقلبي بدأ يرفرف ويقول ايه اللهم لك الحمد. سمى صحابي في هذا المكان وبدأ بقى ايه؟ قلبه يرفرف انا خلاص في هنا واحدة صحابية وهي تقول له سبحان الله! اول ما قالوا لي ان انت بتصلي الفجر معهم قلت الله اكبر. يا جماعة في لسه في امبابة مصعب بن عمير من يذكرني مصعب بن عمير واتجوزوا بقى على الايه؟ على الجو الجميل ده. فصاحبنا في يوم من الايام اختلف معها في حاجة اتزنق كان عاوز يجيب عربية ويسافر الخليج فقال لها ممكن بس تساعديني الدهب بتاعك اللي انا لسة مديه لك من شوية. ابيعه بس وان شاء الله الزنقة دي وبتاع باع الدهب وباع صاحبة الدهب وباع كل حاجة وخد ورسها وخد كل حاجة ويجي في يوم من الايام واحد يقول له طب تعال نروح للشيخ وائل بقى اللي كان في مسجد الرحمن نحتكم له. يقول لها مين وائل؟ وائل؟ وائل ده انا اه اللي كان في زمان ده اه احنا مالنا ومال وائل الله ده كان البوابة اللي عرفت بيها ريم الله المستعان فيتحط في الايه في الاختبارات دي سبحان الله فيقول الله سبحانه وتعالى عن الناس دي ويقولون ايه؟ امنا بالله وبالرسول وطنا. ثم يتولى فريق منهم يتولى وهو الزهاب اي يخرجون وهم قد بيتوا غير الذي قالوه بالسنتهم في سورة النساء يقول ويقولون طاعة فاذا برزوا من عندك بيت طائفة منهم غير الذي تقول والله يكتب. والله يا جماعة سورة النساء دي كل القرآن جميل. بس يشوفوا الاية هنا. الاية بتقول ايه؟ والله يكتب. شف ان وانت بتمكر بزوجتك وانت بتأمر كوري مع اخوكي وبترتبه مع المحامي هتاخده ازاي وتغيره الكالون وهتمنعه ازاي من الابواب. انتم مدركة وانت بتعملي الكلام ده كله والله يكتب ولله المسل الاعلى اعلى بس عشان تاخد بالك وانت في تشوف المحكمة كده تلاقي ان في حد جنب القاضي قاعد امال يكتب اجاباتك فانت عينك عليه. الراجل ده مركز وبيكتب كل حاجة. ولله المسل الاعلى. والله يكتب. ربنا بقى ايه؟ بيكتب لك. فشوف ان انت قاعد اومال ليه تزبطه ومزبط الدنيا وما حدش عارف اللي انت ومين انت والمحامي. والله يكتب ما يبيتون طب انا هعمل ايه ؟ ربنا بيطمن قلبك. فاعرض عنه. فاعرض عنهم وتوكل على الله يعني الدنيا هتظبط يا عمي وكفى بالله وكفى بالله وكيلا سبحان الله عشان كده كل موضع سمعت فيه نصا وخرجت عازما على الا تنفزه فاعلم ان سم باب من ابواب النفاق قد طرق قد دخلت منه كل موضع سمعت فيه نصا وخرجت عازما على الا تنفزه فاعلم ان سم باب من ابواب النفاق قد طرقت عليه. انت كده بتخبط على الباب يا نجم. ويقولون طاعة فاذا برزوا من عندك بيت طائفة منهم غير الذي تقول. والله يكتب ما يبيتون. سمع درس عن تحريم الربا. سمع كلمة عن عن تهريب الربا راح مطقطق رأسه وصلى مع الناس وخارج. خارج على ايه؟ عازم على الاستمرار في الربا. ده فيه فرق بين واحد يقول الله المستعان يا رب اعني يا رب على ان انا اخلص بقى من الزنب ده. ربنا يبدلني مكان احسن من اللي انا فيه ده. الله المستعان. يا رب استرني يا رب. وارزقني بل بقى هو مكمل واخدين بالكم؟ هو مكمل بس مبتلى فين؟ يقبل ان الزنب غلبه. لكن فيه واحد يسمع من هنا يقول لك ايه؟ يا عم احنا مكملين. سيبك من الكلام اللي انت قلته ده. سيبك من الكلام ده. اي نص او واجب امر الله به تسمعه وتقرر المخالفة دي شعبة من شعب النفاق العملي. اعاذنا الله واياكم فدول لم يطابق ما قالوه ما فعلوه. يبقى ان حصلت المخالفة لما تقولون ما لا تفعلون كبر مقتا الله ان تقولوا ما لا تفعلوا. ان تقولوا ما لا تفعلون. داع. دا يؤدي الى ان الله يمقت هذا الرجل ومن الناس من يقول امنا بالله وباليوم الاخر وما هم بمؤمنين يخادعون الله. انا باكلمك عن قيام الليل بس انا مفرط فيه ليس هذا هو الباب لكن انا بكلمك عن عن حاجة اه انا متعمد ما بعملهاش مش مسألة بقى غفلة وتقصير وبقول لك ربنا يعيني وربنا لا لا انا بقول لكم عن التدبر وعن قراءة القرآن بس انا مقصر فيها وبسأل الله ان يعينني. ليس هذا الباب الذي ايه نحن نتكلم عنه الباب اللي احنا بنتكلم عنه انا بكلمك على الحاجات اللي انا بعملهاش. قاعد اقول لكم انفقوا يا جماعة انتم فين؟ وبعد ما يتكلم بحرارة الانفاق. وانا باتكلم اصلا بيني وبين نفسي انا مش هاطلع. وانا مالي انا انا اقول لهم بس واخدين بالكم في فرق مهم قوي عشان الجماعة الجليدة اللي شغالين دلوقتي تقطيع في الشرايين بالموس الحاد. ركزوا الله يكرمكم لان ما منا الا وانسان يعصي او يقصر. ففي فرق بين هذا وذاك. اقصد ان الفرق واضح ان شاء الله لمن كان بيسمعني بهدوء وهو ايه؟ رايق. فيقول الله وتعالى عن هؤلاء ويقولون امنا بالله وبالرسول واطعنا ثم يتولى فريق منهم من بعد ذلك. وما اولئك بالمؤمنين. دول مش مؤمنين. طيب ربنا هيحكي لنا بقى مشهد. المشهد ده مهم جدا ادراكه. يقول واذا دعوا لو كان في مشكلة ولا حاجة دي من اكتر المواطن اللي بتفضح سلوك هؤلاء. وبتزهر جدة وتزهر جدا كذب هؤلاء. اذا دعوا الى ان يحتكموا الى الله سبحانه وتعالى واذا دعوا الى الله ورسوله ليحكم بينهم اذا فريق منهم معرضون. من علامات النفاق عدم التحاكم الى الله ورسوله وشريعته. افحكم الجاهلية يبغون؟ ومن احسن من الله حكما. مين يا جماعة؟ ومن احسن من الله حكما مين مين احسن؟ لا احد؟ اه. ما حدش يعرف يفهم الاية دي الا اللي عنده اليقين. عشان كده ربنا قال ايه؟ ومن احسن من الله حكما لقوم يؤمنون لا لقوم يوقنون. لازم يكون عنده يقين تام ان القوة في شرع الرحمن. وان الخير في شرعه ممكن انت مش هتكوني مستوعبة كويس قوي ليه هو اللي يبقى ليه القوامة؟ ليه هو اللي ياخد الحضانة بعد سن كزا؟ لان الولد بعد سن كزا يخير تبقى مع والدتك ولا والدك لو حصل انفصال ليه وليه وليه وليه وليه ولي ولي وليه لا يفهم هذا الا من لديه اليقين التام واخدين بالكم يا شيخ الشقة من حقي والمفترض يكتبها لي ملك لأ ده مش شرع ربنا. امال ده شرع مين؟ ده شرع الفيلم اللي كان بيقول الشقة من حق الزوجة ده ده شرعهم لكن شرع الملك لأ شرع الملك ان يجيب لك سكن مناسب لك. طالما انت في مرحلة انك بطي الحضانة. انك معك الايه؟ حضانة للاول واخدين بالكم لكن لأ ده انا عاوزة ومش عاوزة وده النوم والسكن بتاع التجمع ده انا هحافز عليه. والله ما عندناش في الشرع ان ايه يسكنك في التجمع ولا في مدينة يا شيخ ولا في ازاي؟ امال يسكنني فين؟ يسكنك سكن مناسب ما فيهوش الاهانة وما فيهوش التضييق عليك. وسكن مناسب لمسلك. لأ انا كان بابا كان قايل لي في زمان ان الشقة من حقي وسأل عمو تامر محامي كبير هو على فكرة كان قال له اه فعلا الشقة من حقها. ربنا يرحم عمو تامر لانه مات. ويهدي بابا لان شمس عمره تغيب وركزي انت بقى انت عاوزة تطبقي شرع مين؟ ومن احسن من الله حكما لقوم يوقنون. فربنا سبحانه وتعالى يقول حاكيا عن المنافقين. واذا دعوا الى الله ورسوله ليحكم بينهم اذا فريق منهم معرضون. لو حصل خصومة بينه وبين حد من المؤمنين واحد تقول له ايه طب تعال نحتكم للنبي صلى الله عليه وسلم. تعال نحتكم لشرع الله سبحانه وتعالى. تعالوا نشوف الشرع بيقول ايه. لا يحب التحاكم الى الله ورسوله. انتم واخدين بالكم هنا اية بتقول ايه ازا دعوا الى مين؟ الى الله ورسوله ليحكم بينهم ليحكم ولا ليحكم؟ ليحكم؟ ولا ليحكم اه هو اصلا النبي صلى الله عليه وسلم انا اقصد ليحكما هم الاتنين ولا ليحكم ما بينهم؟ هم. ايوة مفرد صح؟ بدون الالف لذا لان حكم النبي صلى الله عليه وسلم هو حكم الله سبحانه وتعالى. فان النبي لا يحكم الا بما امره الله. لان النبي لا تحكم الا بما امره الرب سبحانه وتعالى. فالمقصود بدعوتهم الى الله اي دعوتهم الى الرسول ودعوتهم الى الوحي. فمن باب الاجلال انك مدرك كويس قوي انك وانت النهاردة واحد بيقول لك النبي صلى الله عليه وسلم قال ده حكم الملك. ما هو مين النبي صلى الله مين النبي؟ ما هو ده رسول الله. والجملة دي يا جماعة احنا عارفينها كل الناس عارفاها الطفل عارفها والكبير عارفها بس هي جملة عميقة. جملة ايه؟ رسول الله رسول الله يعني الله في عليائه جل وعلا ارسل اليك هزا. ده انت النهاردة لو جالك واحد وقال لك انا جاي لك من عند فلان وهو كان عاوز يقابلك لها لها قدر يقول لك مين ده؟ ده جاي من عند فلان بايه؟ انت ممكن يعني فتتعامل بطريقة مختلفة. هنا بقى صلى الله عليه وسلم رسول الله. المعنى ده يعني عيشوه كده بعد اللقاء هتلاقوا نفسكم يعني ايه فيه معنى تحس ان هو احيانا بيغيب احيانا بنتعامل مع النبي صلى الله عليه وسلم منفك الجهة عن حضور هزا المعنى عشان كده ممكن التعامل يقل شوفوا يا جماعة الله سبحانه وتعالى هنا قال اذا دعا ليحكم الرسول بينهم بما انزل الله اذا فريق منهم معرضون. طيب الاية الاولى كانت بتقول قول ايه الفريق هيحصلو ايه هنا الله سبحانه وتعالى ذكر الاعراض لكن الموضع اللي فات ثم يتولى فريق منهم من بعد ذلك وما اولئك بالمؤمنين. يتولى فهنا تولي وهنا اعرابي. المتولي ممكن يرجع. المتولي ممكن يرجع. لكن المعرض قلما يلتفت ويرجع. الاعراض من اعرض الوجه يسمى ده معرض. فيسيبك ويمشي. فده من اشد من تولى فيذهب ولا يعودون. لا يريد التحكم لله ولا لرسول الله صلى الله عليه وسلم. كما قال الله سبحانه وتعالى الم تر الى الذين يزعمون انهم امنوا ما انزل اليك وما انزل من قبلك يريدون ان يتحاكموا الى الطاغوت وقد امروا ان يكفروا به. فبيقول له في الفخ ده ويريد الشيطان فعل مضارع يفيد ايه؟ استمرار الانشغال بك. عادي جدا ممكن تنجح في ميت معركة في مية واحد يوقعك في كل مرة حد يقول لك انا مختلف معك طب تعال نحتكم تلاقي الشيطان حاضر لك ويريد الشيطان ان يضلهم ضلالا بعيدا فدول لا يريدون حكم الله سبحانه وتعالى في قلوبهم. لا يشترط ان يكون ذلك في المحكمة يا جماعة. حتى لو في بيته. زوجته بتقول له ايه طب تعال يا سيدي نشوف ربنا بيقول ايه ان كنت هتمسكني فبمعروف وان كنت هتسرحني فباحسان. اقول لها اه عاوزة تتطلقي؟ اه تتنازلي على كل حاجة انا عملتها. يا ابني ده اسباب الطلاق يعني بعدد شعر راسك. ازاي انت تاخد منها كل الكلام ده كله؟ هم. ربنا سبحانه وتعالى انك تاخد مما اهديتها شيئا. شيئا اي حاجة. ما ما الشيخ الله يكرمك. جزاك الله خيرا. ما هي اه تلوست بكسرة سماع اللي زيك. يا عم سبك مني انا انا راجل مش فاهم حاجة. شف اي حد رح يا عم الحاج كده لايه؟ لجهة موثوقة تسق فيها انا ما بسقش الا في دماغي. ما هي دماغك ديت لو دناتها كده بالطريقة ديت هي ديت اللي هتكون معك دماغ من فكر وقدر. هي اللي الدماغ ديت اللي هيرهقه عروض فيها يا ابني تب وهيا نيجي نقولها اتق الله وما ينفعش ان انت ايه تمنعي منه الاولاد وتحجبي عنه الاولاد والكلام ده كله. وهو كان يعني صح اللي هو عمله؟ يا ست انا مبعوث جاي ادافع عنه. انا اكلمك انت وهو انا بكلمك انت في قبرك. هل ده هينفعك كل شيء تحسي ان هو مش هينفعك في قبرك سيبك منه دلوقتي فنسأل الله العفو والعافية. تقول له اديني النفقة بتاعتي. ما فيش اديني كزا. لا ما فيش والده متوفي من اكتر من سبعتاشر سنة. واخته النهاردة اتنين وتلاتين سنة متزوجة والتانية تمانية وعشرين لسة مش هتزوجها تقول له عاوزين ورس بابا يقول لها ما فيش حاجة اسمها ورس بابا. انت عاوزة ايه؟ هنبيع الارض ونخسر هنبيع محل ونخسر هنبيع كزا ومش عارف ايه؟ طب يا ابني ما هو سهل اللي احنا هنقسم لا لا ما فيش حاجة اسمها سهل اه عاوز تضيع لسه في واحد كده كنت داخل في مشكلة كده في الورس الناس دي سنهم كم؟ يعني صاحب الورس ده اللي هو الجد ساب لهم الاراضي دي. اللي بيكلمني عنده سن قد ايه دلوقتي؟ حفيد عنده اربعين سنة. يعني ابوه ما لحقش ياخد. ما عرفش ياخد اهو بص فالحفيد اللي عنده اربعين سنة بيكلمني. رغم ان ربنا بيقول مما قل منه او كثر. من اول ما يموت يلا. فبقول له طيب هم اعمامك بيقولوا ايه ؟ طب ليه مش اتقسم كزا كزا وبدي له الحلول القانونية والشرعية وكل حاجة يعني الموضوع سهل جدا اهو. سهل جدا انك تقسم الايه المشاع ده بطريقة معينة وكل واحد ياخد حقه. قال لي لا ده عمامي بيقولوا لي ممنوع البيع. فبقول له ليه؟ يقول لي يا عمي يقول لي هتبيع عرضك؟ فانا باهزر يعني باقول قل له يا عم طب قل له يا عمي طيب انت بتحافز قوي على عرضي؟ اه طب اشتري انت عرضي. طالما هي كده لا هي اهواء اهواء الشيطان بيكون حاططها في الحتة ديت. هو مبسوط هو بياخد سبع تمن تلاف جنيه والدنيا ايه مبسوطة معاه اخته مسكينة زوجها بياخد تلت تلاف وربعمية جنيه بالعافية وحياتهم يعني مش قد كده فنفسها تبيع بقى وجزء من ورث ابوها اللي المفترض المفترض كانت تاخده من سبعتاشر سنة. هو يقول لها ليه؟ ونضيع ورسنا ليه يا ابني يا ابن الحلال انتم عارفين يا جماعة الحتة ديت حساسة جدا عارفين ليه؟ شوفوا الورث ده ربنا ما تركش الناس تقعد تقسمها. يعني انا مش والدتي حصل لها حاجة ولا والدي حصل له حاجة ولا زوجتي حصل له حاجة فانا اقسم مع نفسي لا لا لا. شف الرب جل وعلا اول ما روحها طلعت اه حصل تدخل من السماء على طول بيان من السماء. بالنسبة لممتلكات الاخت فلانة اه هتتوزع كالاتي. انت هتاخد كزا اختها هتاخد بنتها هتاخد امها هتاخد كزا ابوها هياخد كزا وانت برة المشهد اصلا. انت فقط منفز تمسك الورقة وتمشي عليها. تخيل بقى انك بتقول ايه تاخد الورقة دي وتعطلها تروح واخدها كده وراميها في الايه؟ في الملف. وعادي وممكن تبقى لحية اطول من الايه اطول من نقابك. اللي بيعمل الكلام ده كله هو هو اللي بيفتي ان الايجار القديم لا يجوز. خلاص ابوه يموت ولا امه يموت وسايب له شقة ايجار قديم؟ اه يقاتل ويحافز عليها. الله! طب واللحية دي يا ابني رد الحقوق للناس. ما الله اكبر اخته اتطلقت او ترملت خلاص عاوزة تتجوز بقالها سنتين تلاتة لوحدها ومحدش حاسس بيها نفسها تتزوج ابويا يقولها ايه نعم انتي انتي فيك ايه خلاص انتي خلاص انتي داخلة على اربعين سنة ويبدأ بقى يقول له كلام تجريح للاعراض ولا التاني يقول لك ما عندناش بنات بتطلق تتجوز. تجيب لنا العار. والله انت جالك العار من يوم ما ما بعدت عن كلام العزيز الغفار. سبحان الله! تبعد عن الوحي تخش على طول في غابة. غابة. وكل واحد بقى ايه يألف تأليفات. ندرا علي. ما انا متجوزة وده بسبب الضغط بتاع المجتمع. دي لو ايام الصحابة هتقول ندرا علي ما انا مش متجوزة ولا هتكلم اي راجل في الدنيا. معه كلام بس بنضحك على انفسنا شريعة غابة. فهنا الاية ما بتقولناش انت لازم تكون في محكمة. لا لا لا انت اصلا مجرد حتى لو قاعد في اوضتك. انت في في حد بيحصل صار لك واحد يتحاكم عشان كده مهم انك تبقى عارف آآ في كل صغيرة وكبيرة. الحاجة دي هتطبق شرع ربنا ازاي؟ وبلاش الفكر العلماني. ان انك بتحتكم للشرع ما تبقى في الجامع على قد الصلاة وكده. الحياة ما ليش دعوة الحياة. الدين ما لوش علاقة بالحياة. هو الدين اصلا اتى للحياة. عشان تتحرك من محراب الصلاة في محراب الحياة هو ده الدين. فسبحان الملك. واذا دعوا الى الله ورسوله ليحكم بينهم اذا فريق منهم معرضون. يعرض ولا مش رايح انا للشيخ ومش عارف ايه والكلام ده كله. المهم قال لها احنا هنسأل الشيخ ولا هنعمل في اي حاجة لا في الدهب ولا في الميراس. وراح ماسك كوباية الشاي ومديها وفاصلين من بعض وهي قالت حسبي الله ونعم الوكيل. وراحت داخلة ايه لقاء وبتسمع الشيخ في امومة وقاعد عمال يتكلم عن الايه؟ عن الزوج فوق الزوج ومش عارف ايه وبيقولوا ما ينفعش الزوجة تعاقب زوجها انها تحرمه من حقها الخاص ومش عارف ايه. قال له الله يفتح عليك يا مولانا. الله يفتح عليك علي يا ست تعلي الشيخ ده اسمه ايه؟ انا حبيته قوي. فتقول له اسمه ابو ابراهيم. طب ممكن تديني تليفونه؟ فتقول له والله انا ممكن اجيبه لك من الاستشارات فتدي له تليفون ابو ابراهيم. يقول له يا سيدنا ما بيقوليش طبعا الشيخ ده سيدنا ويقول لي لازم دكتور مش عارف ليه عم ييجي ايه يبقى داخل بعشم كده لازم يخش لي من باب تاني. اقول له يا سيدنا دكتور انا كنت عاوز حضرتك كده في حاجة في عندي زوجتي بتحب جدا حضرتك وبتكبرك اوي. انا قلت لها والله نشوف ربنا بيقول ايه. وغالبا الناس دي بيقولوا نشوف ربنا هنشوف ربنا بيقول ايه في المسألة دي وقلت لها والله اللي الشيخ يقوله والله لو حكم علي ماشي وانا هشغل وانا ابص يا شيخ خليها هي اللي تكلمك ويروح فاتح السبيكر يا سيدي ايه حكم الزوجة الناشز ولازم هو هو اصلا حكم خلاص يبقى دوري بس ان انا امضي يعني. ايه حكم الزوجة الناشز اللي بتعمل واحد اتنين تلاتة شف يا سيدنا بيجي زوجها من من بالليل يبقى نفسه يعني في كوباية شاي نفسه في قعدة حلوة تقول له انا عندي ايه عندي آآ الحصون وبراجع فانا اقول فعلا يا بنتي الحلال بتعملي كده يا تروحي معيطة وتقول لي ايه آآ بس انا كان عندي كلام يا شيخة اقول لها ردي بس الاول بتعملي كده فتقول لي اه فاقول لها لا ما ينفعش ومش مش عارف ايه والكلام ده كله تروح مقيطة وتقول لي ماشي بس ممكن حضرتك تسمع؟ اقول لها اتفضلي بتقول لي ده واخد مني ورسي وواخد مني كزا ومش عارف ايه والكلام ده طب مع الشيخ الله يكرمك ده موضوع تاني هنبقى نتكلم فيه بعدين هستأزنك بس عشان انا عندي ايه آآ الفجر بيأزن لازم انزل اصلي. خلاص؟ آآ الشبكة قطعت. ده اسمه ايه بقى؟ ده اسمه ان يكن لهم الحق يأتوا اليه مزعمين. لما نشوف سيدنا الشيخ بيقول ايه؟ جاي جري على فكرة انت بتعملي كده خلاص؟ وانت في مرحلة الخطوبة وانت في مرحلة الخطوبة اه مش هنسأل الشيخ. امال هنعمل ايه؟ ندور على النت على فتوى تانية. اه طب والشيخ اللي كنا بنسأله في كل صغيرة وكبيرة؟ لأ ما احنا عارفين رأيه ايه في في المسألة دين العيال اصل هيزنقوا ان احنا مرة فاكر في الفين وسبعة تمانية في حد كده كان كان في الشغلانة كده وكان ايه في كلية وملتحي. المهم كان بيدور على عمل وكده. وبعدين حلق اه لحيته. الحجة ايه؟ الحجة ان الوزيفة ديت هي طلبت كده جيب اللي انتم هتاخدوا بالكم بعد كده ان هو بعد سنتين هيفاجئ ان مدراءه اصلا كتير منهم ملتحين. وناس كتير ملتحي. بس المهم هو ايه؟ كان داخل ايه بالفكرة ديت او وهو كره او في في كره جوة في شدة علي. بس انا راضية. واخدين بالكم؟ في فرق بين ان انا اكون راضي مرتاح وفي فرق بين انا مش مرتاح بس راضي الشاهد انا مرة بداعبه وبقول له ايه؟ طب انت كنت استفتيت مين؟ طبعا هو كان بيستفتي في كل صغيرة وكبيرة اتنين تلاتة كده يعني قريبين منه عنده سقة فيهم وهم من اهل الفضل والعلم نحسبهم والله حسيبهم. المهم دايما بيستفتي هؤلاء. فانا فاكر يومها قال لي ايه؟ قال لي انا قال لي انا افتيت حد وهو اللي قال لي كده. قلت له استفتيت مين؟ قال لي الصراحة يعني ما رضيتش استفتي فلان وفلان وفلان وفلان. المهم عدى لي التلاتة وعدى لي كل المشاهير انذاك فقلت له طيب شيطانك قال لك تختار مين ؟ فراح قال لي على واحد انت تحس اصلا عشان يجيب تليفونه دا الجن الازرق ساعده فيه. واحد بعيد جدا واحد مش عارف ايه والكلام ده كله. فبقول له طيب هسألك سؤال بصدق. طبعا هو بقى كان بقى اشتغل بقى له تلات سنين وعنده ايه الشفافية معه يعني. فقال لي بص من الاخر انا كنت تبقى دور على حد يقول لي اللي انا عاوزه. بس هو بقى كان ايه نفسيتي هنا وربنا يلهمني في الرشاد وكده. كويس ان ده لسه صاحي. بس من يومها وانا فاهم بقى مفهوم كده بقى بيجي لي ايه هو؟ احيانا لما بتدورش على فتوى. امال انت بتدور على ايه؟ انت مش محتاج فتوى. لكن انت محتاج حاجة تانية غير الفتوى. احنا عارفين محتاج ايه هو محتاج يستف الورق محتاج يستف الورق هو فاكر ان هو بيعمل ورقة هيقدمها لان مدام ليلى في الدور التالت فوق. واخدين بالكم؟ فبيقول لك بس انا عاوز بس امضى هنا عشان بس الورقة اللي ايه والملايكة وهي بتكتب في بتاع فتاخدها كده يعني. يقول لك ايه وسأل الشيخ آآ حودة البشبيشي. خلاص يبقى حودة البشبيشي امضي هنا فهو بيدور على تستيف الورق. الاية بقى اللي تنفضه اية فصلت. وما كنتم تستترون ان يشهد عليكم سمعكم ولا ابصاركم ولا جلودكم ولكن ظننتم ان الله لا يعلم كثيرا مما تعملون. انت كنت فاكر ان الدنيا ايه هتعدي ذلكم ظنكم الذي ظننتم بربكم ارداكم. فاصبحتم من الخاسرين. فان يصبروا فالنار مثوى له. وان يستعتبوا فما هم من المعتدين واخدين بالكم اوعى تكون فاكر ان الليلة بتعدي يعني ستفي ورق. ما تستفش ورق. عادي جدا بص يعني انا بقول لك اهو ما تروحش للشيخ واحلق. خلاص احلق كده وقول انا مبتلى وهخالف السنة وهخالف امر النبي صلى الله عليه وسلم في الامر ده ويا رب اعني انا مبتلى يا رب بسماع الاغاني ونفس الامارة غلباني ويا رب اللهم اني اشهدك اني لن اجمع على نفسي معصيتين معصية الزنب ومعصية التأويل. اللهم اني اشهدك على هذا ولذلك دايما كنت اقول للشباب انت واقع في فخ وواقع في مشكلة ما تلبسش الاسلام للمشكلة بتاعتك دي. انت قاعدة عمال تكلمي خطيبك ولا وعاوزين نتكلم ومش عارف ايه وبتاع القصة دي كلها تروحي تكلم خطيبها؟ اه طيب وبعدين هي عارفة كويس قوي كويس قوي ان الملف ده رايح فين؟ فتيجي تقول ايه؟ والاسلام بيقول عادي. هو بيسمع اغاني الاغاني ديت انك تسمع موسيقى والكلام ده وساوئة. الواحد عمال يسمع مهرجانات وبتاع سوءة. فبدل ما يقول ان السوءة دي انا اشيلها لأ يشيلها الاسلام واخدين بالكم بدل ما يشيل هو المشكلة لأ ويقول ان دي معصية ونفس الامارة بالسوء ايه؟ آآ يعني واقعة فيها لا تلبسها للاسلام. قاعدة تحط لي عطور برة وهي ماشية وتلعب لي في شعرها وتلعب لي في كزا والكلام ده كله. بدل ما تقول والله انا يعني انا عندي يعني ربنا يعيني بقى وان انا اتحجب وان انا اكون لابس بس حجاب شرعي منضبط؟ اه تروح قايلة ايه تلبس المشكلة دي لمين؟ للاسلام. تقول لك لا هو الاسلام اصلا عاوزنا ان احنا نبقى كده. ما هو انت ليه في كل مشكلة الاسلام اللي يتحاسب عليها؟ لأ خلي الاسلام نقي. قل اسلام اجمل من كده بكتير بس انا يعني من الاسلام حافز على عفتي وحيائي وبتاع بس انا يعني ايه ادعي لي يا شيخ جميل قوي اللي يبقى في المنطقة دي كويس ونطلب منه الايه الافضل ان شاء الله والطاعة بس ما ينفعش يبقى في المعصية وكمان شغال تأويل. واخدين بالكم؟ قاعد يرفع عليها قواضي ويزلمها. ليه؟ اصل هي عملت كزا يا سيدي لو جدلا عملت كزا لا تعامل من عصى الله فيك بمعصية الله فيه. يعني هو عصى ربنا تروح انت تعصي ربنا لأ فالمعنى ده مهم جدا ويكن لهم الحق يأتوا اليه مذعنين. سبحان الله! انت صحيح ممكن الحكم لا ترتاح له لكن ترضى به في فرق كبير احنا مش يعني ممكن انت مش تكوني مش مرتاحة قوي. اه في قدر من الخشونة ازاي كتب عليكم الايه؟ القتال واخدين بالكم؟ النقطة دي مهمة تفك اشكالات كتير. لان بعض الناس ممكن يضغط عليك ويقول لك ايه؟ لا ده انت تبقى راضي ومرتاح. لأه دي نقطة مهمة. قد اكون راضي بس مش مرتاح بس انا راضي خلاص زي الواحد بيبقى ممكن يكون راضي على الالم بس مش متلزز به يعني. فصحيح ان الحكم قد لا ارتاح له لكن انا ارضى بحكم الله واصبر عليه. ولا ارضى بغيره بديلا ولو على نفسي. يا ايها الذين امنوا كونوا قوامين بالقسط شهداء لله. ولو على انفسكم. عارفة تقولي ايه؟ والله العزيم احنا ندمنا لما نزلنا لما نزلنا من امريكا. اقسم بالله لو كنا هناك كت خدت حقي يا ريتني كنت في بلد غير اللي بتحكم بشرع ربنا في المسألة دي. يا ريتني كنت في بلد ما كنتش بتاخد بالاحوال الشخصية ولا مش عارف ايه مش زي عندنا كده يقول لك ده بيتمنى ان يكون في بلد يعني هو قدرا ربنا اكرمه ان هو في بلد الحتة دي بيطبق فيها الشرع وماشية بالشرع هو لا ده كان بيتمنى ان يكون في حتة ما فيهاش الشرع فنسأل الله العفو والعافية. فربنا يعلق على هذا السلوك المنحرف بمازا ؟ تلات تساؤلات. التساؤل الاولاني يفترض ان مرض القلوب هو اللي حال دون وصول الايمان لتلك القلوب. فاكتفوا باظهار الاسلام وخدعوا المجتمع. فربنا يقول ايه؟ افي قلوبهم مرض؟ يعني ينكر عليهم طبخهم اللي عملوا كده ده بسبب فيه خلل في القلوب؟ افي قلوبهم مرض ام ارتابوا؟ ولا هم ناس شاكين؟ حصل لهم بقى فيه شك سبب عدم سماع الريب ده ايه هو الشك قصدي عدم سماع حكم الله سبحانه وتعالى الشك والريبة وقلقان واخدين بالكم؟ وده اللي اتكلمت فيه من شوية عن الرضا. تبقى راضي وعندك يقين ان ده الحق. ماشي؟ مش عندك شك. عشان فيه ناس عنده لبس بين الراحة والشك الراحة الحرج الحرج في الفعل الحرج يكون في الفعل. اللي ايه؟ انا اظن في الحكم. انا في انا عندي حرج من الحكم ده الصراحة يعني. لا لا لا ده حكم ربنا على العين والرأس. وراضي وراضي. انا مش مستمتع لان اتحكم علي. ما فيش مشكلة. انا متضايق ان اتحكم علي بس آآ ده تشرع ربنا اه خلاص اشتغل به وارضى زي البلاء. انت بتبقى راضي راضي. وآآ ما فيش اي اعتراض ما فيش اي اعتراض بس اكيد في تقلب ما فيش لزة يعني مش قاعد عمال ارقص ان ابويا مات واختي تحت الانقاض. فافي قلوبهم مرض ده التساؤل الاولاني التساؤل التاني ام ارتابوا الشك ممكن يودي هنا نسأل الله العفو والعافية. شاكك. طب والتالتة؟ ربنا بيقول ايه بقى؟ التساؤل التالت انه يفترض انه يكون سبب اعراضهم هو خوف هؤلاء من زلم محمد صلى الله عليه وسلم ام هنا ربنا سبحانه وتعالى يعني هم هنا ليست للاضراب الابطالي يعني مش الغاء اللي قبلها لا. يعني قام ارتابوا وهم في قلوبهم شك بلا شك فلو كان عندهم يقين ان ده من عند الله كانوا هيحبوا التحاكم له. لكن اللي عمله كده ام يخافون ان يحيف الله عليهم ورسوله. هم خايفين يعني ربنا هيزلمهم لو تحاكموا الى الله كل الاحتمالات دي كل الاحتمالات دي لا تخرج الا من قلب ظالم. ولزلك ختم الله بهذا حكم عليهم بالزلم بل اولئك هم الظالمون. هم خايفين ان يحيف الله عليهم ورسوله. هم اهل الظلم والحيف والجور واخدين بالكم فهم قلبهم فيه مرض وفيه ريب وشك وسمع فين؟ في كل هذه الامور. والسبب الزلم لو وقعوا فيهم. وفي قول تاني هم لا يخافون هم لا يخافون ان يحيف الله عليهم ورسوله. هم واسقين النبي لن يجور عليهم. لكنهم ظالمون ومن ظلم هؤلاء انهم لا يحبون التحاكم الى الله ورسوله. هم عندهم سقة ان النبي ازا حكم فهو عدل. واخدين بالكم من القول ده؟ يبقى فيه توجيه اخر ان هم لا ده عندهم يقين ان محمد سقة. زي يقين ان ايه؟ ابن اخطب. لما قال ايه؟ اما اخوه بيقول له اهو هو هو؟ قال له اه هو هو. قال له طب هنعمل ايه؟ قال عداوتهما حيت سهلة قال له يعني ده النبي اه وده اللي مكتوب في كتبنا؟ قال له اه يعني ده خلاص بقى هنؤمن بقى. قال له لأ. طب ليه يا عم؟ ده انت كنت قاعد اومال تسخني وتقول لي جاي اهو جاي اهو ما هو جه يلا بقى لا اصل هو جه من ايه؟ مش من آآ كان هو عاوز هييجي من باب معين فهو دخل من باب تاني ما عجبوش وتلاقي الصوت وسبحان الله تروح وناقلاك نقلة تانية بقى على مين ؟ على النضافة. مين بقى انما كان قول انت بتيجي تقول ايه طب المؤمنين يعملوا ايه ؟ لو لو في لو في مشكلة انما كان قول المؤمنين اذا دعوا الى الله ورسوله ليحكم بينهم ان يقولوا سمعنا واطعنا واولئك بك هم المفلحون. دي طبعا عاوزة تعليق يعني رايق فنخليه للمرة الجاية ان شاء الله. لان ما ينفعش تعدي على شميت ريحة حلوة شفت نور قدامك النور ده لأ انت محتاج بقى تقعد وتتفرج عليه تتفرج بقى على المؤمنين لما بيتحطوا في الموقف ده بيبقى سلوكهم عامل ازاي سلوك مختلف تماما تماما بصعب آآ مصعب اظن ابن الزبير على ما اذكر يعني. هو من من التابعين يعني. في يوم من الايام بيحاور حد من الانصار فشاب من الانصار يعني قال كلمة شديدة عليه يعني فغلط فيه جاب واصعب قاعد على زي السرير يعني كده قاعد على كنبة يعني فقام وهب ان الانصاري قايم يتخانق مع الشاب ده فانا ساعد ابن مالك. فقال يا مصعب ان رسول الله اوصانا بالانصار خيرا فقال اقبلوا من محسنهم وتجاوزوا عن مسيئهم. اهو الراجل جاي قايم بيتخانق قايم بيتخانق. خلاص؟ قايم اهو. فانس بس قال له ايه؟ اللقطة دي على الطاير كده. يعني كده ان هو ايه زي ما يكون تويتة كده قرأها وهو ايه رايح. فراح قال مصعب بن زبير يعمل ايه؟ يعني اما احنا حاول كده نتفكر كده ونتخيل كده. الراجل ده ايمانه عالي قوي. هيعمل ايه هيروح راجع وساكت صح؟ يسكت لا لا لا ده عمل حاجة تانية خالص عارفين عمل ايه ؟ وضع رأسه على الارض راح نازل كده وحط وشه على طرد قال كلام رسولنا على العين والرأس. عفوت عنه. ده ده في خناقة ده وهو بيتخانق راح حط وشه على الارض وراح قايل كلام رسولنا على العين والرأس. مش قال له بقى انت مش شايف هو بيقول ايه؟ طب والله انا هسكت بس هروح اقول لكبيره لا بقى الناس دي مش هنا الناس ديت هنا في الاية دي. الناس دي في الاية اللي انت قدام عينك دي. انما كان قول المؤمنين ازا دعوا الى الله ورسوله ليحكم بينهم ان يقولوا سمعنا واطعنا واولئك هم المفلحون. ربنا يرزقنا الفلاح دون ان سيبي الجمال ده كده زي ما هو كده عشان نحافز على ايه عليه ونيجي له ان شاء الله يوم الاسنين القادم. اسأل الله سبحانه وتعالى ان يمن علي وعليكم لحسن الفهم وحسن العمل وحسن الختام. اقول قولي هذا واستغفر الله لي ولكم