الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم. اما بعد اهلا ومرحبا بكم في لقاء جديد. بعد رمضان اول لقاء لنا بعد رمضان آآ وبعد رمضان بيبقى الموضوع معلوم ان كلنا بنحس بغربة بعد رمضان يبقى الواحد حاسس ان هو مش هو. انا ايه اللي حصل؟ انا انا واحد بينكر نفسه يعني عايز يقول انا مش انا يعني انا انا خلاص بقيتش ما بقتش مش مصدق ان انا بعد الصلاة والتهجد والعبادة والاجتهاد اللي كنت فيه. ايه اللي بيحصل؟ الدنيا بتتفرط مني كل الخطط اللي انا حاططها راحت كل الدنيا بتبوز مني الدنيا انا انا حاسس ان انا بضيع ده الاحساس العام اللي بيبقى بعد رمضان خلينا الاول نبدأ بحديث مشهور وبعد كده نتفرع منه بنحدد بالزبط احنا في مشكلة كبيرة يعني الموضوع يتحل وان شاء الله خير. علشان برضو ما نسوتش الدنيا على نفسنا. يعني الدنيا صعبة واحنا مش ناقصين فعايزين حد يدينا الامل ان ان شاء الله خير وكل حاجة هترجع كويسة حديس مشهور جدا هو حديس حنظلة اه لما مر ابو بكر رضي الله عنه وارضاه عليه وسمعه لا قاعد كده شايل هم الدنيا يعني قال ما لك يا حنظلة؟ فالحديث مشهور قال نافق حنظلة. قال له ليه بس ايه اللي حصل؟ قال نكون طيب ليه؟ بيقول عن نفسه منافق بيقول انا منافق طب ليه بس واحدة واحدة بس استهدى بالله ليه بتقول على نفسك كده فهل نكون عند النبي عليه الصلاة والسلام؟ فيذكرنا بالجنة والنار كانها رأي عين. يعني لما بنكون عند النبي في درس عند النبي عليه الصلاة والسلام النبي عليه الصلاة والسلام بيزكرنا بالجنة والنار فبنحس بان احنا الايمانيات عالية جدا والطاقة عالية جدا والحماس عالي قوي ونحس ان احنا في الجنة فازا عدنا الى بيوتنا لاعبنا الاولاد والزوجات والكلام ده ونسينا كثيرا. فبنريح شوية. تمام فقال يا حنظلة آآ فابو بكر لما سمع كده قال لك لأ ده الموضوع ايه الموضوع كبير وانا نفس الحالة دي بالزبط فلو الكلام على نفاق يبقى انا منافق زيك يا حنظلة يبقى يلا بنا كلنا نذهب الى النبي عليه الصلاة والسلام. وجميلة ابو بكر الصديق لما حط نفسه على طول في الموضوع ما قلش على ابو بكر الصديق انا الجامد يا حنظلة ما تقلقش الدنيا تمام لأ. حط نفسه على طول في الايه؟ جوة المشكلة وبدأ يتعامل على انه عنده نفس الايه؟ نفس المشكلة. وكمان واخد حنظلة وشايل الهم وبيقول له يلا بنا نروح للنبي عليه الصلاة والسلام. وفعلا راحوا للنبي عليه الصلاة والسلام. حكى له حنظلة القصة كلها النبي عليه الصلاة والسلام بيسمع بكل هدوء وبدأ يحلل الموقف حنظلة ازا حنظلة يعتقد انه اذا لم يكن حاله الايماني دائما مثل حاله عند النبي عليه الصلاة والسلام في المسجد في الدرس يبقى ده النفاق فالنبي عليه الصلاة والسلام بيصحح له الايه التصور بتاعه وقال يا حنظلة يا حنظلة لو انكم يعني لو العادي بتاعك زي عندي لو انكم تداومون وداومونا على الحال التي تكونون فيها عندي تمام لو انكم تداومون على الحال الذي تكونون فيه عندي. يعني لو ده العادي بتاعك يعني لو درجة ايمانك العادية اللي في البيت وفي الشارع وفي عملك زي ما انت عندي في المسجد معي في درس بنتكلم على الجنة والنار لو انكم تداومون على تلك الحالة التي تكونون فيها عندي. والله يا حنظلة لصافحتكم الملائكة في الطرقات وعلى فروشكم يعني ده لو انت كده الايمانات ده العادي بتاعك والله الملايكة تنزل تسلم عليك. تنزل تسلم عليك بنفسها من كتر ايماناتك العالية. لكن ما فيش حد كده. قال ولكن يا حنظلة ايه ساعة وساعة. ساعة وساعة. يعني ساعة يكون فيها الايمان عالي اوي. ساعة الدرس وساعة وبعد كده اخش بقى دي اللي هتودينا لرمضان يعني تمام والساعة التانية بيكون الايمان اقل شوية. لكن ننبه على نقطتين. النقطة الاولانية آآ آآ ان الساعة التانية النبي عليه الصلاة والسلام يقصد بها يقصد ان الساعة دي بيبقى الايمان اقل شوية فممكن نتوسع في المباحات. ممكن نقلل شوية في في المستحبات. ممكن نريح شوية. لكن ما يقصدش الساعة التانية ديت ساعة من الفجور والمعاصي زي ما الناس خدت الحديس دوت وقال حطت عليه التاتش بتاعها وهو تاتش آآ آآ قبيح جدا جدا جدا. وكلمة اعتقد انها من اقبح الكلمات اللي يمكن حد يقولها في حياته. هم خدوا حديس ساعة وساعة وحوروه وبدلوه وضافوا عليه تاتش قبيح قالوا ساعة لقلبك وساعة لربك. ساعة لقلبك وساعة لربك. وهذه اضافة قبيحة جدا. ولو ان الانسان يعني يعلم قبح هذه الاضافة ما تجرأ ان هو يقول الكلمة دي ابدا. لان ده معناه معنى الكلمة دي ساعة لقلبك وساعة لربك. يعني الساعة التي تكون فيها يكون فيها قلبك هي الساعة التي تكون فيها بعيدا عن ربك والساعة اللي بتكون فيها مع ربنا دي بقى الساعة الكئيبة اللي بنستحملها وبنقضيها عشان نخش الجنة وخلاص بس احنا قلوبنا مش بتبقى فيها. لكن التانية دي هي دي ساعة قلبك وهي دي بقى اللي هي فيها الاغاني وفيها بقى الهزار واللعب وفيها الفسح وفيها البنات وفيها الشرب وفيها قلة الادب وفيها الافلام وفيها لبس والمسخرة هي دي ساعة ايه؟ ساعة القلب واما بقى الصلاة والصوم والحجاب الواسع والجو الكئيب ده. ده ساعة لربك دي بقى ايه عشان يعني ايه نعدي وخلاص حاجة قبيحة جدا يعني. هل النبي عليه الصلاة والسلام عليه الصلاة والسلام كان يقصد ذلك ما اقبح هذا الكلام. يعني هل النبي كان يقصد ذلك؟ يقصد ساعة وساعة. ساعة لقلبك وساعة لربك ما هذا القبح ما هذا الكلام الشنيع؟ يا اخواني ساعة القلب اللي يقول لك كده قل له العكس ساعة القلب هي ساعة الرب والساعة التي نبعد فيها عن ربنا هي ساعة شقاء القلب. فمن اعرض فمن اعرض عن ذكري فان له ايه؟ معيشة ضنكا ونحشره يوم القيامة ايه؟ اعمى. صح؟ من اتبع هداي فلا يضل ولا يشقى. تمام؟ صح من عمل صالحا من ذكر او انثى وهو مؤمن فلنحيينه حياة ايه؟ طيبة. ولنجزينهم اجرهم باحسن ما كانوا يعملون تعس عبد الدرهم. تعس عبد الدينار. تعس عبد القطيفة. تعس عبد الخميصة. تعس وانتكس. وازا شيكا فلن اللهم اجعل القرآن العظيم ربيع ربيع قلبي ونور صدري وجلاء همي وذهاب غمي وحزني شف احنا بنقول ايه قلناها كم مرة في رمضان ديت في حاجة عجيبة يجي واحد بعد كل ده ويقول لك ان ساعة قلبي غير ساعة ربي. ورغم كل الايات كل الاحاديث ربنا قال وانه اضحك وابكى وانه هو امات واحيا. القلوب بين اصبعين من اصابع الرحمن يقلبها كيف يشاء. فلأ الكلام ده قبيح جدا جدا انه يقال ان ساعة قلبك هي غير تماما ساعة الله سبحانه وتعالى. شيء بشع جدا. والنبي اصلا ما كانش يقصد كده عليه الصلاة والسلام النبي عليه الصلاة والسلام حتى يقصد بساعة وساعة. ساعة طاعة وساعة معصية؟ ابدا انما يقصد ساعة بيبقى فيها مسلا حاجة عالية زي درس وفي مسجد ومع النبي عليه الصلاة والسلام. والساعة التانية مع الولاد والزوجة تمام الساعة ساعة القلب هي ساعة الرب في الحقيقة. وانما مقصد حديس ساعة وساعة يعني ساعة ينشط فيها الانسان جدا في الايمان وساعة بيكون ايمان اقل شوية بس مش بنوصل لدرجة ان احنا نعمل معصية او نفجر او نبعد خالص نسأل الله السلامة والعافية اللي عايز اقوله ان انا عايز اطلع من الحديس ده لنفس الفكرة بالزبط في رمضان اه ان احنا بنقول رمضان بالزبط زي وبعد رمضان هو عبارة عن ساعة وساعة ساعة وساعة. طيب نطبق نفس الكلام ونشوف وهل احنا في الامان ولا في الخطر؟ يعني هنعتبر شهر رمضان ساعة. والسنة كلها ساعة لان لا يوجد اي شيء يقارن برمضان فلا يمكن يعني القاعدة الاولى اللي بننطلق منها اللي بنحاول نطمن بها نفسنا شوية ان لا يمكن بحال من الاحوال تجد بعد رمضان كرمضان. هذا هذا محال يعني عشان بس ما تتعبش نفسك وتحس ان انا بضيع والكلام دوت لأ احنا الاول بنسأل هل احنا فين بعد رمضان؟ هل الفكرة ان مشكلتك ان انت بس الدنيا قلت معك شوية؟ يعني الورد قل قيام الليل قل. آآ ما بقاش فيه تهجد قوي زي الاول آآ بس لسة بعمل واجبات يعني انا لسة بصلي الصلاة في وقتها بصلي في المسجد. آآ الحجاب تمام اللي ما رجعتش الاغاني والمسلسلات والافلام. طب ما مش وحش يعني يعني كويس كويس. احنا كده كده عارفين متأكدين ان ما فيش حد بعد رمضان هيبقى زي ايه؟ هيبقى زي قبل رمضان هيبقى زي في رمضان. يعني عشان نبقى واضحين. ده رمضان بالزبط عامل زي حنظلة لما يقارن نفسه مع النبي عليه الصلاة والسلام. ويقارن نفسه في بيته. تمام فهو قال له ساعة وساعة مش ممكن يعني. عارف احنا لو لو العادي بتاعنا طول السنة زي رمضان بقى كان ملايكة صفحتنا في الطرقات وعلى فروشنا. لكن احنا بنقول القاعدة الاولى ان لا يمكن يكون بعد رمضان زي رمضان. ما فيش زي رمضان لان رمضان له زروف تانية يا جماعة. تفتح فيه ابواب الجنة تغلق فيه ابواب النار. تصفد فيه ليه الشياطين والكلام دوت وده غير متاح في سائر العام فلكن احنا بنسأل السؤال احنا كده كده هنقل بعد رمضان. حلو؟ كده كده هنقل بعد رمضان. بس هنقل فين بقى؟ رحنا فين هل رحنا زي ما راح حنظلة؟ هو بيقول انا بارجع البيت بالاعب الاولاد تمام ملاعب الاولاد وبلاعب الزوجة وبهتم بشغلي وكده فبريح شوية. هل احنا في الحتة دي زي حنظلة يعني يعني مسلا اللي دلوقتي بيعاتب نفسه على تقصيره بعد رمضان. هو بيعاتب نفسه علشان مسلا علشان مثلا آآ حس ان هو الفترة اللي فاتت ديت مسلا ايه آآ اتفسح كتير آآ نام كتير شوية اكل كتير آآ زيارات كانت كتير قوي. قعدنا كتير مع الولاد ومع الزوجة ومع الزوج وخرجنا وزياراته. حس يوم اتكعبل هي لو انت في الحتة دي ما فيش مشكلة لغاية دلوقتي ده طبيعي. يعني انت عايز في العيد تعمل ايه كمان اللي عايز اقوله قاعدة مهمة هو انا ليه بعكنن على نفسي المباح ليه بعكنن على نفسي المباح يعني انا دلوقتي في عيد انا داخل عيد مسلا تمام؟ وكده كده طبيعة العيد له عباداته صلة الرحم اه ادخال السرور على الاولاد. ادخال السرور على الزوج والزوجة. التوسعة على الاولاد في اللعب والاكل والشرب. تمام؟ اه العائلية آآ نوع من الايه؟ التوسع شوية من نوع ده دي طبيعة العيد. طيب انا بعمل كده طب ليه اعمله وانا متعكنن متنكد واحس ان انا انا انا دايما خارج ومتضايق من نفسي بزور وانا مش طايق حد. ليه؟ حاسس ان ان وردي في القرآن قل مسلا. او انا لا عايز اروح عشان القيام تمام؟ طب انت ليه يعني يعني موت وخراب الديار؟ عملت حاجة كان ممكن تبقى تحولها لعبادة وانت افسدتها على نفسك. طب ما هو اللي انت فيه دوت عبادة يعني انا دلوقتي لو انا خلاص هو طبيعة العيد فيه فسح وفيه مع الولاد ومع الزوجة وزيارة اهله والاوقات اغلبها بتضيع في حاجات زي كده. طب احتسب يعني طب ما ما يبقى فيه نية نية نية ادخال السرور على الاولاد وعلى الزوجة. وصلة الرحم وبر الوالدين. طب ما دي عبادة يعني حتى حنظلة هو بيتكلم ان غالب الزن ان حنظلة محتسب برضو. يعني حنظلة مش بيتكلم ان اللي هو بيعمله مع الزوجة والولاد ده في الهوا هو بيقول ان هي دي عبادة برضو بس مش بتديني الايمانيات زي درس في مسجد مع النبي ما اكيد اكيد اكيد صلة الرحم واللعب مع الولاد وان كان عبادة لمن احتسب وان كان عبادة لمن احتسب زلك لكن اكيد اثره الايماني مش زي درس مش زي صلاة اكيد بس على الاقل مش ما يبقاش موت وخراب ديار مش مش كمان انا واقع في في في مباح وتسبب ان انا قصرت بعض المستحبات وكمان ما حطتش نية في المباح دوت احوله حتى لعبادة احاول اواسي نفسي ان على الاقل وقتي مش بيضيع اللي بتقعد تطبخ كتير مسلا من ساعة رمضان في في كحك وفي طبيخ وفي عزومات طب انوي احتسبي احتسبي وقفتك في المطبخ وقفتك حتى في الكحك احتسبي زلك يعني يعني يا جماعة ما نبقاش احنا بايه بنضيع بنضيع الاوقات وبنضيع مجهوداتنا في نفس الوقت الايه الصلاة والورد كمان بيضيع. فاللي عايز اقوله ان اول حاجة ان احنا لازم نستوعب. اولا ان بعد رمضان مش هيبقى زي رمضان مبدئيا نمرة اتنين نمرة اتنين المفروض ان الحاجات اللي خدتني شوية في العيد اه او بعد العيد لو هي في دائرة المباحات المتوسعة يعني مجرد هي مباحات انا ما رجعتش لحرام بس انا توسعت قوي في المباحات ان انا خرجت كتير وهزرت كتير ولعبت كتير وقعدت مع كتيره والورد قل والصلاة يعني اتضربت شوية مش مشكلة بس المفروض ما كانش يبقى موت وخراب ديار. يعني على الاقل كنا نحتسب في هزا المباح علشان على الاقل اكون في عبادة اه هي عبادة اقل في القوة الايمانية لكن هي عبادة في الخلاصة انا حياتي ما راحتش. تمام يبقى لو بنتكلم الشخص ده بنقول له خلاص دي انت كده كده الموضوع بالنسبة لك مش صعب مع الوقت هنبدأ نرجع وده هنتكلم فيه كمان شوية لكن انا مشكلتي بقى في الايه الشخص التاني دوت. اللي هو هو نزل لغاية فين يعني النبي عليه الصلاة والسلام قال لكل عمل شرة. لكل عمل ايه؟ شرة. ليه كده؟ ليه كده ايه الدنيا بتبقى سخنة زي العشر الاواخر والتهجد واللي اعتكف واللي ختم كم ختمة في رمضان لكل عمل شرا هو رمضان الشرة بتاعة العام ولكل شرة فترة كل طلعة كده لها نازلة. ما فيش حد بيفضل فوق على طول. لكل شرة فترة فقال فطوبى لمن كانت فترته الى سنتي يعني يعني ايه طوبى لمن؟ طوبة دي حاجة حلوة والله التوبة ازاي! ده بيقول فترة! ازاي حاجة حلوة! اه. طوبى لمن كانت فترته الى سنته يعني هنيئا لمن ازا ازا نزل ازا فطر فانه لا يصل الى فعل المنكرات وترك الواجبات طوبى لمن كانت فترته في الى سنته. يعني لما بينزل يعني بيأسر في المستحبات. اه بيتوسع في المباحات ماشي. بيزود في المكروهات ماشي لكن ما بيوصلش ان هو ايه ان هو بيعمل محرمات ويترك واجبات وكأن النزول دوت عاملين احنا يمكن قلناه قبل كده في لايف قبل كده ان احنا بنصور الموضوع كأن في خط احمر تخيل معي خط احمر حلو الخط الاحمر ده تحتيه فعل المنكرات وترك الواجبات. حلو فوق الخط الاحمر ده يعني بنعمل الواجبات وبنترك المنكرات وبعد كده في فوق الخط الاحمر ده الوان بقى. فيه برتقالي وبعد كده اصفر وبعد كده اخضر وبعد كده اخضر غامق دي تدرج تدرج في فعل المستحبات وفي ترك الايه؟ وفي ترك المكروهات وفي وفي الاقتصاد في المباحات مع احتساب النية في المباحات فكل ما الانسان يترك المنكرات ويفعل الواجبات ويترقى في المستحبات والكلام ده بيطلع بيطلع بيطلع دي الشرة بتاعته طيب بعد فترة يحصل ايه؟ هيحصل ايه الفترة ديت فبينزل لو نزل من الاخضر للاصفر ما فيش مشكلة نزل من الاخضر للبرتقاني ما فيش مشكلة وهو ده معنى قول النبي عليه الصلاة والسلام طوبى لمن كانت فترته الى سنته. يعني يعني ايه بينزل يعني؟ بدأ يقلل المستحبات شوية. زود المكروهات شوية توسع في المباحات شوية ماشي لغاية دلوقتي احنا الدنيا ملمومة حدش يقدر يقول لك انك انت بتعمل حاجة غلط. وان كان يعني الانسان بنقول له خلي بالك ما تطولش عشان ما ننزلش اكتر من كده. بس ماشي لكن بقى لو نزل معدل الخط الاحمر ده بقى ايه ده عايزين نسأل هل احنا عدينا الخط الاحمر هل في حد هنا وصل ان هو نزل تحت الخط الاحمر يعني ايه بقى نزل تحت الخط الاحمر؟ يعني بعد رمضان مش بس الضربة جت في ورد القرآن ولا قيام الليل؟ ولا مسلا آآ الاذكار بتقع مني شوية ولا كلت كتير ولا نمت كتير ولا كحك ولا اكل ولا فسح لأ انا وصلت ان انا صلاة الفجر راحت مني اوف دي مصيبة سودا مصيبة تمام؟ لا ده وصل ان انا باجمع صلوات كده احنا في خطر كبير جدا فعلا لأ ده وصل ان انا انا عايز اقول مش عايز اقول لك انا سمعت كام اغنية في العيد انا راجعت خلاص عادي. انا اول ما العيد جه لقيت نفسي بقى دخلت الاغاني سمعت بي تي اس وسمعت كوري وسمعت عربي انا شفت افلام. انا دخلت السينما في العيد انا قلعت اللبس الواسع. ورجعت البنطلونات تاني ورجعت للضيق تاني ورجعت احط ميك اب في الشارع تاني انا رجعت كلمت البنت اللي كنت قلت خلاص في رمضان نهدى على نفسنا شوية رجعت كلمتها انا اتفرجت على اباحية مش عايز اقول لك انا رجعت اتفرجت على الاباحية انا عملت العادة السيئة كزا مرة بعد رمضان. لأ كده احنا خطر كده في مشكلة فعلا اي حد حصل له اي اعراض من الاعراض ديت او مثيلاتها. لأ احنا كده نزلنا تحت الخط الاحمر لأ مش ده اللي بتكلم فيه انا بطمن الاولاني وبحاول اطبطب عليه واواسيه عشان انا زيه وكلنا وحشين بس ننزل تحت للدرجة دي ؟ لأ كده كتير طب هتقول لي هو هو احنا معصومين مش هنغلط هنفرق برضه خلينا نخش في ليفل تاني. هنفرق بين اللي نزل تحت الخط الاحمر بسرعة وطلع وبين اللي نزل وقعد ما كلنا بنغلط. علاء حامد بيغلط الشيوخ بيغلطوا. الصحابة بيغلطوا. ما فيش حد ما بيغلطش تقول لي طب يبقى احنا كلنا بننزل تحت الخط الاحمر. اه بس بفرق بين اللي نزل كده بسرعة ورجعة تاني واللي نزل وقعد تحت الخط الاحمر ما كلنا بننزل تحتيه احيانا. هو ما فيش حد فينا بيبص بصة حرام ابدا بيحصل ما فيش حد فينا بيغتاب ام ابدا بيحصل ما فيش حد فينا مسلا وقعت منه صلف من يعني صلاة كده كل فين وفين تقع منه صلاة بيحصل ما فيش واحد مسلا عمل حاجة مش يعني يعني تساهل شوية مع واحدة ولا مع بيحصل بس بيحصل وبسرعة بنرجع اعاتب نفسي وبقول لك لم الدور وابتدي ارجع على طول دي دي طبيعي دي طبيعة البني ادم. كل بني ادم خطاء كده كده وخير الخطائين التوابون ربنا قال عن المتقين والذين ازا فعلوا فاحشة او ظلموا انفسهم. يعني بنزل تحت الخط الاحمر بس ايه طالعة بسرعة ذكروا الله فايه فاستغفروا لذنوبهم ومن يغفر الذنوب الا الله ولم يصروا على ما فعلوا وهم يعلمون. ليه رجع بسرعة لم يصروا فده برضو ما عنديش فيه مشكلة لان ما فيش حد يا جماعة عشان نبقى طبيعيين. هو انا بقول لك مجازا ان ان الشخص الحلو ده اللي فوق الخط الاخضر. اللي فوق الخط الاحمر. بس هو ما فيش حد بيفضل فوق الخط الاحمر على طول. مهما كان اتقى الاتقياء بينزل بينزل. لان كل بني ادم خطاء. بس هو بينزل ويطلع بسرعة. فده برضو مش مزعلني انا اللي مزعلني ان واحد فيكم يبقى نازل تحت الخط الاحمر وقعد من بعد رمضان يعني راجعة للاغاني من رمضان. كل يوم بيسمع ولا يبالي ما صلاش الفجر من رمضان ومش فارقة معها تمام؟ لبس الضيق من اول العيد من ساعة ما جابتها جايبة هدوم العيد ضيقة اصلا هي شارية هدوم العيد كده ومن ساعتها ما قلعتش الهدوم الضيقة تمام وواحد تاني راجع من يوم العيد وهو بيتفرج على الاباحية من يوم العيد وهي رجعت للولد. من يوم العيد وهو وهو بيعمل عادة سرية لغاية النهاردة. مش اللي هو زل زلة ورجع ولا يوم كده آآ نسى نفسه وتاب؟ لأ وقاعد تحت الخط الاحمر ده بقى بنقول له احنا كده ايه احنا كده بنهزر احنا كده بنهزر لو احنا بنتكلم في فتور ماشي لكن احنا ننتكس للدرجة دي ؟ لأ لا حرام حرام اللي اتعمل في رمضان ان هو يروح كده يا جماعة. يروح لازم يخاف يا جماعة لازم يخاف لان ربنا لما اثنى اثنى على مين؟ اثنى على قال ان الذين قالوا ربنا الله ثم استقاموا ان الذين قالوا ربنا الله ثم ايه ثم استقاموا استقاموا هم دول تتنزل عليهم الملائكة الا تخافوا ولا تحزنوا وابشروا بالجنة التي كنتم توعدون نحن اولياؤكم في الحياة الدنيا ولكم فيها ما تشتهي انفسكم ولكم فيها ما تدعون نزلا ايه؟ نزلا من غفور رحيم واضح؟ فالايات دي بتثني على مين بتثني على ان الذين قالوا ربنا الله ثم استقاموا عمر رضي الله عنه يقول استقاموا على الامر والنهي ولم يروغوا روغان الثعالب يعني ايه لم يروغوا رغان الثعالب؟ يعني مش مش كل يوم بحال. مش في رمضان حاجة وفي شوال حاجة تانية خالص. ده بيروغ بقى. ده ايه؟ بيروغ روغان الثعالب استقاموا. رمضان مش رمضان هو طول السنة مستقيم ده اللي بيأمن حسن الخاتمة هو انت تأمن ازاي حسن الخاتمة؟ ازا كنت بتلتزم في رمضان بس يعني حتى الفرصة ان انت تموت على حسن خاتمة راحت هتقعد طول السنة في خطر بقى طول السنة مهدد هتقول لي يا سلام! ده كان الواحد نفسه يموت في رمضان. خلص رمضان. هتعمل ايه بقى؟ كنت انت منشن. انت بتقعد نشان على آآ ربنا يبارك فيك يا مروان يصلح حالك تمام اه اه انت كنت بتوع النشان اللي بينشنوا على ليلة القدر واللي بينشنوا على رمضان. عدت ليلة القدر وعد رمضان. ورجعت انت تاني. وانت رجعت تاني احنا في حالة تهديد طول السنة يا ترى هموت على المعصية ولا هموت على الطاعة اموت وانا مفرطة ولا هاموت وانا باصلي هاموت وانا تاركة وانا بعد صلاة فجر ما صلتهاش ولا بعد صلاة فجر صليتها وبعدين يبقى انا كده ما حققتش الوصف ثم استقاموا يبقى مش انا في الحالة دي اللي يتقال لهم تتنزل عليهم الملائكة الا تخافوا ولا تحزنوا وانا في خطر الملايكة هتنزل تقول ايه في حالي وانا عارف ان انا مش مستقيم انا قطعت من ساعة رمضان دي مشكلة كبيرة الحاجة اللي بعد كده ان ان ربنا سبحانه وتعالى نجد اللي حضر معنا آآ سورة الزاريات فاكرين في سورة النجم فاكرين سورة النجم لما ربنا سبحانه وتعالى اتكلم على زم اللي هو قال ايه؟ افرأيت الذي تولى تولى واعطى قليلا واكد يعني ايه اعطى قليلا واكد يعني ايه اكدة؟ اكدة يعني قطع اما الحاجة اللي توقف الواحد مسلا بيسموها كوديا كلمة اكده يعني قطع يوقف اعتى قليلا يعني اشتغل شغل قليل وبعد كده ايه اكدى ربنا بيزم النوع دوت اللي هو بيشتغل قليل ويقطع يقطع طب انت قطعت ليه قطعت ليه فاكرين قلنا الايات سياقها جميل جدا قال افرأيت الذي تولى واعطى قليلا واكدا اللي قطع بعد رمضان عامل زي كده. اعطى قليلا واكد. طيب انت اطعت ليه؟ ما هو فيه احتمالات الاحتمال الاول انك انت جالك وحي من الله وقال لك انت مية مية في رمضان. وكده كده خلاص انت داخل الجنة خد راحتك يا باشا. واشتغل على ايه انحرف زي ما انت عايز كده كده انت مغسل وضامن جنة وده مش حاصل ربنا قال افرأيت الزي تولى واعتق قليلا واكد اعنده اعنده علم الغيب فهو يرى يعني هل انت يعني اطمنت فعلا ما هو انت ليه قطعت ما هو ده سؤال غريب. هو انا في رمضان عبدت ربنا ليه؟ ولبست واسع ليه ليه؟ وبطلتي كلام مع ولاد ليه؟ علشان اخش الجنة. حلو طب بعد رمضان عملنا عكس كده ليه ازا كانت النية ان انا اخش الجنة. يبقى فيه احتمال من اتنين. اما ان انت فعلا ضمنت الجنة وجالك الوحي ان انت من اهل الجنة فخلاص عادي اقطعي ده مش حاصل او احنا كدابين في النية ودي مصيبة. هو احنا غير صادقين يبقى احنا كنا ماشيين مع التيار في رمضان بس. لكن فعلا فعلا انا اريد الجنة انا اشك كده لان اللي عايز الجنة قطع له ما هو انت ما تجلكش وحي انك من اهل الجنة وانت بتقول انا عايز الجنة ليه ليه اطعنا اعنده علم الغيب فهو يرى شفت نفسك في الجنة طب يا اخي ما حصلش. طب تعال بقى الايات هتقول لك ده انا هجيب لك مسال لواحد بجد مغسل وضامن جنة بجد بل هو افضل رجل خلقه الله تعالى بعد محمد عليه الصلاة والسلام ام لم ينبأ بص بعد ما قال ايه؟ واعتقل عنده علم الغيب فيرى. ام لم ينبأ بما في صحف موسى وبعد كده يقول ايه؟ وابراهيم الذي ايه؟ وفى. الله يعني كأن الاية بتقول لك يعني يا اخي يعني زي ما بنقول كده بالبلدي اتكسف على دمك تتكسف على دمك ابراهيم وفى ابراهيم افضل رجل خلقه الله في زمانه لما كان في زمانه ما كانش فيه حد ربنا خلقه احسن من سيدنا ابراهيم قبل ما سيدنا محمد اتخلق. عليه الصلاة والسلام وهو الشخص ده اللي هو افضل رجل خلقه الله في زمانه افضل مخلوق خلقه ربنا في زمانه. وضامن الجنة وفى وما قطعش وما قصرش في حاجة طب انت اللي ضامن الجنة ولا حتى جاء لك وحي ان انت على جنب حتى في اي حتة ولا ولا انت نبي ولا صحابي ولا طب انت بتقطع ليه سيدنا ابراهيم واز ابتلى ابراهيم ربه بكلمات ايه؟ فاتمهن ما كانش بيأسر ابدا. بيجيب مية في المية دايما. وهو وفى وهو يعني ضامنها طب انت بتقطع ليه؟ لك في ابراهيم اسوة قد كانت لكم اسوة حسنة في ابراهيم والذين معه. مش كده خدوا اسوة. انت بتقول يا اخي ده هو يعني ما قصرش طب النبي عليه الصلاة والسلام ربنا قال له واعبد ربك حتى يأتيك اليقين. اهو اعلى واحد عندنا واعبد ربك حتى ياتيك اليقين. انت قطعت ليه قصرت له لازم نفضل يا جماعة شغالين كده الى ان نلقى الله سبحانه وتعالى ونفضل نقاوح ونحاول ونقوم ونقع ونقوم ونقع ونقوم ونقع الى الابد وان شاء الله اللي بيحاول هيوصل لكن انا مش عايزك تستسلم كده ها وتبقى ضعيف كده انا خلاص انا وقعت انا بضيع انا بالسلامة لأ قاوم وما تبقاش سازج مع الشيطان يعني ايه سازج يعني ما يبقاش الشيطان وقعك واحدة تروح انت مدي له الباقي وانا هسألكم السؤال دوت وتقولوا لي هل وقعتم الوقعة دي مع الشيطان ولا لأ بعد رمضان احنا طبعا طالعين بقى ايه الجمدان كله بقى مخاتمينه بص بقى مخلصين مقطعين سجاجيد الصلاة. حلو طلعنا بعد رمضان انا فاكر نفسي جامد ولا فاكرة نفسك جامدة فطلعت من رمضان هوب مرة واحدة ما اعرفش ازاي في العيد شفت فيلم اباحي ما اعرفش ازاي في العيد سمعت اغنية بي تي اس. ما اعرفش ازاي في العيد حصل كلمت الولد تاني. خلاص؟ حصل اللي حصل خش بقى الشيطان عليك بيقول لك ايه طب آآ ما تنفعش كده ما خلاص بقى. كده بازت. خلاص انت اصلا مش نافعة وانت مش نافع انت ازاي هتنزل تصلي بالناس بعد كل دوت؟ وانت ازاي اصلا تصلي في مسجد بعد اللي انت عملته وانت ازاي يعني ما لابساني حجاب وواسع ونقاب وعاملة لي الاخت راحت الاخت جت وانت لأ ما ينفعش كده انت قدوة سيئة اصلا فنريح بقى سبحان الله ما تفهمش بقى ايه القرار الغبي اللي بيتاخد ساعتها ان انا ايه صح انا انا ضحكت انا مش ايه بقى اللي تروح عامل مع الشيطان حركة هو ما ما كانش يحلم بها يروح صاحبنا مسلا بعد ما وقع في فيلم اباحي حلو وعمل عادة السيئة خلاص المفروض بقى تب وارجع وعادي لأ. قطع صلاة طب ليه ليه ليه ليه القرار المتخلف ده هي آآ سمعت اغاني تالت انا كده ما ينفعش اللبس الواسع لبست بنطلون. طب ليه ليه ؟ يعني الشيطان ما كانش بيحلم بدي لا لا انا انا انا اتفرجت على افلام طب انا مش هصلي الفجر. طب ليه ليه ليه ليه القرار الغريب دوت يعني انا عملت معصية الشيطان كان بيحلم بها هي بس اروح انا مدي له الباقي تمام؟ اروح انا مسلا اروح بقى ايه اقول انا انا لأ لأ انا مش كويسة فمش هينفع فاروح راشق ما قرتش القرآن النهاردة. طب ليه عشان انا النهاردة مش مش راضي عن نفسي النهاردة انا كلمت ولد. النهاردة انا سمعت اغاني. فالصراحة حسيت ان انا ما ليش نفس اقرا قرآن. طب ليه ليه بعمل في نفسي كده؟ ليه القرار الغريب دوت؟ يعني الشيطان خد منك جولة تدي له المعركة كلها؟ كلها بدون مقاومة بدون اي معاناة يعني هو كان حلم حياته ياخد منك جولة وخدها بدل ما انت تدي له وتعمل ريمونتادا تحط عليه في الجولة التانية تروح انت مدي له المعركة كلها وتسلم كل اسلحتك بكل سزاجة حصل اكيد حصل اكيد حصل فده يعني الصراحة اللي بيعمل كده يعني اقول له يعني الشيطان يعني بيقول لك يعني مية مية كتر خيرك. الصراحة انت عملت في نفسك اللي ما كناش بنحلم به لأ انا عايزك حتى سمعت اغاني يوم مسلا لأ عادي خلاص خلاص استغفر الله واتوب اليه. ورد القرآن شغال عادي. ازكارك شغالة عادي. صلاة شغالة عادي. تقومي الليل عادي. حجابك ما لوش دعوة. انت مش قدوة سيئة. انت واحدة بتعافر. انت بتحاولي انت بتقعي وتقومي زي البني ادمين انت مش ملاك انت اتفرجت على اباحية لأ اغتسل واستغفر وانزل صل في المسجد عادي واقرا وردك عادي وكلم وانصح الشباب عادي. انت مش ملاك انت بتعادي انت بتحاول تقع وتقوم انت ما ضعتش ما تعملش مع الشيطان حاجة وما كانش يحلم بها ما تبقاش غبي اسف واضح قوم على طول ريمونتادا تمام قرار غريب ان حد ينهار الانهيار ده ويستسلم ويسلم كل اسلحته للشيطان في معركة هو ما كانش يحلم فيها باكتر من جولة واحدة طالع طالع من التصفيد بيتمنى يرجعك لمعصية ولا معصيتين انت عملت معه الواجب والزيادة كارسة كبيرة جدا وحركة غريبة جدا ممكن نقع فيها الحاجة اللي بعد كده ان احنا بقى بنحاول ايه؟ نشجع نفسنا نشجع نفسنا ازاي؟ نشجع نفسنا ان نقول كما قال النبي عليه الصلاة والسلام لعبدالله بن عمرو بن العاص لا تكن مثل فلان لا تكن مثل فلان كان يقوم من الليل فترك قيام الليل هنحاول ما نتركش مع التأكيد ان برضه اكيد بعد رمضان مش زي رمضان بعد رمضان ايه؟ مش زي رمضان انا بقول ما تتركش قيام الليل بس مش بقول لك صل زي رمضان. يبقى انا يبقى انا ايه ده مش طبيعي. ما فيش حد هيصلي زي رمضان بس انا بقول لك ما تتركش القيام عموما اجمالا ما تتركش الورد خالص انا عايزك حافز على الفكرة نفسها حافز على الايه على الفكرة نفسها بمعنى انك انت يعني حافز على شيء من القيام حافز على خيام اه مش هصلي بجزء ولا بجزئين طب صلي بحزب طالب حزب. اه مش هقرأ تلات اربع اجزاء في اليوم. طب اقرأ جزء اقرأ جزئين اه مش هصوم يعني يوم وافطر يوم. طب صم الستة من شوال وبعد شوال صم يوم في الاسبوع او يومين في الاسبوع بالكتير مش عايز اكتر من كده اللي هو الفكرة نفسها موجودة صح برافو عليك يا اسماء. احب الاعمال الى الله ادومها وان قل. ليه؟ لان المداومة بتديني حتى احساس ان انا اتقبلت ما هو لما انا اداوم ده ان شاء الله اكون اتقبلت بس اللي بيقطع يخاف ما هو ليه قطعت هل ربنا ما قبلنيش هل ربنا رد عملي؟ يبقى انا بشجع نفسي به. بشجع نفسي بالفكرة ديت ان ان شاء الله طالما انا آآ مستمر يبقى ان شاء الله مقبول. اه مش زي رمضان وهو والبشمهندس قال لنا ما فيش حد هيبقى زي رمضان فانا ما فيش مشكلة كل شوية بس ما فيش حاجة ما بتروحش مني خالص. تمام؟ فقيام ليل موجود فيه ورد قرآن فيه ازكار فيه صيام فيه تمام لكن وبرضو في نفس الوقت بحاول ابعد عني المنكرات قدر ما استطيع فما فيش اباحية زي رمضان. ما فيش اغاني. ما فيش افلام. ما فيش مسلسلات. وقعدت ما ببقاش باخدش القرار الغبي بتاع يلا بنا احنا كده ضايعين يلا نقع نكمل وقوع لأ بقوم تاني بقوم بقوم بعافر بقاوم بحاول. وربنا يعلم ان انا ضعيف. ويعلم ان انا خطاء وهو خلقني كده. كل بني ادم لكن خلقني بفهم وبرجع فانا بفهم وبرجع بس هي دي الحياة قصتي مع ربنا بقع وبقوم وبفهم وبرجع وعلى الله يعني تمام بس بسيط جدا بتشجع نفسك بايه شجع نفسك انك انت بتشوف ان النبي عليه الصلاة والسلام كان بيدعي بالثبات. فانت بتشجع نفسك بادعية الثبات كان يقول اللهم اني اعوذ بك من الحور بعد الكور احيانا بنسمع الدعاء ده ما بنفهموش. فرصة نفهمه. يعني ايه الحور بعد الكور الكور الناس لما بيبقوا عارفين العمامة بتاعة الصعايدة وكده لما بيحطوا العمامة دي بيسموها ايه بتكورة العمامة بيكور العمامة ولما يفكوها بيسموها الحور. ان هي اتفكت اتفك كده اسمها الحور ولف العمامة اسمه الايه؟ الكور فاتسمت كل حاجة بتتلف كده وتتمسك كده كور كل حاجة بتفلت حور النبي عليه الصلاة والسلام كان بيقول ايه؟ مين اول مرة يفهم الدعاء ده صحيح طيب يا رب نكون فهمتكم حاجة جديدة. اللي ايه؟ كان يقول اللهم اني اعوذ بك من الحور بعد الكور يعني من الانتكاس بعد الاستقامة. من التفريط بعد الالتزام. فقولوا الدعاء الجميل ده وانا فهمتوه. وخليه النهاردة وردكم في الصلاة اللهم اني اعوذ بك من الحور بعد الكور وكان يقول يا عليه الصلاة والسلام يقول اللهم اني اسألك الثبات في الامر اللهم اني اسألك الثبات في الامر والعزيمة على الرشد في الامر والعزيمة على الرشد. كويس اللي فهمه اللي فاهم الدعاء النهاردة خلاص فرصة جميلة انك هتقوله بقلبك ودعاء جديد اول مرة اقوله وانا فاهمه اللهم اني اعوز بك من الحور بعد الكور. الحور اللي هو فك العمامة والكور ايه ربط العمامة. تمام؟ فكويس نقوله دوت نلتزم به النهاردة يمكن الدعوة دي النهاردة تطلع ومن قلبك وانت لسة فاهمها وسخن كده ربنا يسبتك بها وكان بيقول عليه الصلاة والسلام اللهم اني يا مقلب القلوب ايه؟ ثبت قلبي على دينك. تمام؟ وكان يقول اللهم يا ولي الاسلام واهله مسكنا الاسلام حتى نلقاك عليه. فاللي عايز اقوله ان احنا ندعي كتير ليس لك الا الله. ودي وقفة خطيرة جدا ومهمة جدا خلينا برضو نستطرد كده في الحتة دي شوية. ان فعلا عارف الوقعة اللي بعد رمضان اللي حصلت لك سواء الوقعة دي في فتور او ان انت آآ حصل لك وقعت في محرمات. بغض النظر الواقعة عاملة ازاي بس طلعت منها بفايدة كبيرة جدا هي الفايدة دي ان انت ولا حاجة. يعني ايه ولا حاجة يعني ما لكش غير ربنا يعني ايه ما لكش غير ربنا. عارف هي لو بك هي لو بك كنت كملت عادي بعد رمضان. والله لو انسان طالع بالفايدة دي بس يبقى استفاد من الفتور. واستفاد بل من الانتكاسة نفسها ان هو يرجع يقول يا رب انا ما ليش غيرك يا رب. هي لو بي يا رب ما كنتش وقعت هي لو بي ما كنتش انتكست. هي لو بي ما كنتش فطرت لكن انا اتأكدت ان هي بك. وانت اللي بتوفقني وانت اللي بتسددني وانت اللي بتعيني. فاللهم اعني. اللهم اعني على ذكرك وشكرك وحسن عبادتك وتقول زي ما سيدنا ابراهيم بيقول ايه؟ ربي اجعلني بص الكلام يا جماعة. ربي اجعلني مقيم الصلاة ومن ذريتي. انا مش انا اللي بصلي انا انا انا بحاول باخد بالاسباب بس ربنا اللي بيوفقني في الاخر. مش سامعنا يا جماعة مين سمع في الصلاة في التراويح ولا في التهجد الامام وهو بيقول ايه؟ الله اجعلنا لك زكارين. اللهم اجعلنا لك شكارين. اللهم اجعلنا لك رهابين. اليك منيبين او واهين. ما خدتش بالك اجعلنا دي ان انت ما لكش غير ربنا اياك نعبد واياك نستعين. تعلى قوي معك لما تحصل لك فتور. لما يحصل لك انتكاسة ترجع فقير الى الله ما فيش انا. ما فيش انا جامد. ما فيش انا صليت. ما فيش انا اللي مستقيم. ما فيش انا ملتزم. ما فيش انا ملتحي. ما فيش انا الاخت المنتقبة. ما فيش والله لولا الله ما اهتدينا. ولا تصدقنا ولا صلينا ما ترجع فقير. والله لو طلعت من الوقعة ديت بمنزلة فقر يبقى احسن حاجة رجعت بها. بدل ما تعمل القرار الغبي وتسلم اسلحتك للشيطان نطلع بقرار زكي واعمل ريمونتادا وارجع تب من المعصية اللي عملتها. وارجع فقير الى الله. اشد فقرا الى الله. مكسور الخاطر. مكسور مكسور في نفسك. حاسس ان انت ما لكش غير رجعت كمان مش بس تبت. راجعت معك منزلة هي من اعلى منازل القلب على الاطلاق. وهي منزلة الفقر الى الله احد السلف كان بيقول كلمة جميلة اوي بيقول لان ابيتنا نائما واصبح نادما خير لي من ان ابيت قائما واصبح معجبا. تاني كان بيقول الله لان ابيت نائما. انام ما اصليش قيام ليل خالص وتروح علي بس اصبح نادما صاحي ندمان وحاسس ان ما ليش غير ربنا وفعلا انا انا انا ولا حاجة انا بص اديني ما صلتش اهو قيام الليل هو كان ما كانش فيه مانع يمنعني المنبه مزبوط ووردي ونايم في معادي ما صلتش ليه فعلا ربنا خزلني. صاحي ندمان وصاحي مفتقر الى الله. بيقول الحالة دي احب الي من ان انا اكون قمت واطلع بعد قيام اقول انا قمت الليل انا جامد. لان ابيت نائما واصبح نادما. خير لي من ان ابيت قائما واصبح معجبا. فلو طلعت من ان انت راجعت رجعت بقلب نادم وقلب عازم على العودة الى الله وقلب مستعين ومتوكل على الله والله طلعت بمكسب كبير جدا بمكسب كبير جدا ليس لك الا الله سبحانه وتعالى مهم قوي الكلمة اللي هقولها لكم ديت كان احد السلف بيقول كلمة مهمة كان بيقول لا لا مفر من سنة الغفلة ولكن كن طفيف النوم تاني مين كتبها لا مفر من سنة الغفلة. يعني كلنا بنريح وكلنا بنقع ولكن كن خفيف النوم ولكن كن ايه؟ خفيف النوم يعني لو ريحت خلاص ما تطولش بقى. يعني انا جاي لكم اهو بعد رمضان باسبوع مسلا ولا بعشر تيام لسة احنا فيها ما تطولش ما تطولش ما تقلش عشان ما تتعودش على الوضع الجديد انا دلوقتي لو مسلا ايه عارف لما تقعد في مواصلة كده وايه وغفلان ما خلاص غصب عني تعبان قاعد بانام كده لو انا خفيف النوم هيحصل ايه؟ لو جه حد يا اخينا محطتك جت هعمل ايه؟ ها هصحى بسرعة وهنزل صح يا اخينا آآ خلي بالك انت هتقع هقوم تخيل بقى انا نمت نمت نمت نمت مين هيصحيني ما حدش هيعرف يصحيك بيبقى صعب جدا تصحى. فكل ما تكون خفيف النوم هتعرف هنلحقك وترجع تقلت في النوم العودة هتكون اصعب. يعني عشر تيام بعد رمضان انا ريحت ماشي احنا لسه فيها. احنا كده خفيف النوم. لكن عشرة بقوا عشرين بقوا شهرين انا ما اضمنش انك ترجع تاني خلاص. انت هتعلى في الوضع الجديد وهتنسى اصلا الوضع القديم. والندم هيروح وهتبقى خلاص انت متسق مع الوضع الجديد كن خفيف النوم. النهاردة يعني ايه النهاردة يعني النهاردة نبدأ نبدأ كل حاجة ترجع ايه اللي يرجع واحد اي حد في رمضان نرجع له اي واحدة يعني تعاوني لك في رمضان ارجعي لها دي مش صحبة رمضان المفروض تبقى صحبة السنة كلها اول حاجة صاحب واصبر نفسك مع واصبر نفسك مع الذين يدعون ربهم بالغداة والعشي تمام يبقى اي حد كان معنا جنبنا ساعدنا في رمضان نرجع له والعكس اي حد بعد رمضان جت الضربة منه خلاص واضح ده لازم يستبعد والا الندامات هتيجي الندم هيجي صدقوني يوم يفر المرء من اخيه الاخلاء يومئذ بعضهم لبعض عدو الا المتقين تمام آآ قال اني كان لي قرين يقول وانك لمن المصدقين فاذا متنا وكنا ترابا وعظاما انا لمدينون قال هل انتم مطلعون؟ فاطلع فرآه في سواء الجحيم قالت الله ان كدت لترضين. ولولا نعمة ربي لكنت من المحضرين حوط نفسك بالطيبين والصالحين او الصالحات اللي عرفتيهم في رمضان وابتدوا بقى يا جماعة انتم فين؟ يا جماعة احنا فين يا جماعة؟ يا جماعة ما بتسألوش علي ليه من بعد رمضان؟ يا جماعة في ايه يا جماعة؟ انتم فاكريني جامدة ولا ايه؟ انا بضيع الحقوني استغاسة الحقونا بجد يا اخت مريم يا اخت اسماء يا اختاه يا جماعة انتم فين؟ عايزين نعملوا جداول. عايزين ننشط بعض. عايزين نتابع بعض في قيام الليل. اتصلوا بي في صلاة الفجر. اه تابعيني في قيام الليل. انت كل يوم هسمع لك صفحة وانت تسأليني على ورد القرآن. خلص نفسك ما ما فيش انا عايز حاجة بسرعة. ده اسرع حاجة تجيب معك. على طول الزم نفسك في صحبة. حط اوراد مع ناس. دبس نفسك مع واحد في ورد. خلي الناس تسأل عليك وتتصل خلص في نفس الوقت ابعد عن اي حد اتلسعت منه بعد رمضان. لان لسعته هتطول وده اللي هيجيبك الارض واحنا لسة فيها خفيف النوم عشر تيام حددت بالزبط مين صاحبي ومين مش صاحبي مين عدوي ومين صديقي ونكب على اصدقائي الصالحين. وابعد بقى عن الناحية التانية دي الحاجة التانية انك انت كن سياسي مع النفس هي مش هترجع زي رمضان ومش هترجع على طول واحدة واحدة ونحاول ايه نعمل جداول واوراد يعني مسلا انا عايز ارجع اقرأ جزء واحد بعد رمضان في اليوم عايز اقرأ جزء واحد بعد رمضان والله الجزء كام صفحة عشرين صفحة طيب حلو انا هعمل حاجة كويسة اقرأ بعد كل صلاة ركزوا معي ركزوا معي هسهلها لكم خالص بعد كل صلاة مش هقوم من الصلاة الا وانا فاتحة موبايلي او المصحف وقارية تلات صفحات تلات اوجه يعني تلات اوجه من المصحف مش هقوم تلات اوجه هياخدوا كم دقيقة. اربع او خمس دقايق. اربع او خمس دقايق يعني اقل من وقت ركعتين مش هقوم من المصلية الا وانا قارية تلات صفحات خمس صلوات بكام صفحة كده خمستاشر صفحة خمس صلوات بخمستاشر صفحة فاضل كم فاضل خمسة بس فاضل خمسة بس الخمسة دول هنجيبهم ازاي هنصلي بالليل خمس ركعات كل ركعة صفحة ركعتين في ركعتين في ركعة يبقى انا رجعت قيام الليل كمان وحطيت جواه جزء من الورد بتاعي يبقى انا صليت بالليل خمس ركعات اتنين في اتنين في واحدة وكل ركعة بصفحة خلص الجزء صعبة ما فيهاش اي حاجة اي حاجة الموضوع كله دقايق بسيطة. رجعت اهو قيام الليل رجعت الجزء طب عايز اقرا جزئين سهلة اضرب في اتنين بعد كل صلاة نقرا ست صفحات قيام الليل خمس ركعات كل ركعة صفحتين او نزود عدد الركعات ادي رجعنا للقرآن بكل بساطة. ورجعنا كمان لقيام الليل بكل بساطة الست من شوال لو صمنا اتنين وخميس هنجيبهم من دلوقتي هيتجابوا يوم اتنين وخميس هيتجابوا ادي الصيام تمام الازكار سهلة دي اسهل حاجة. بعد العصر وبعد الفجر نقول الايه؟ نقول الاذكار بتاعتنا تمام صحبة تدرج مع النفس في الايه؟ في الطاعات ويا ريت البنات نصلي اول الوقت نعود نفسنا اول وقت نصلي خلاص محاولة تمشي مع البنات اللي لبسهم كويس البنات اللي لبسهم كويس علشان ده اللي هيساعدك تسبتي على اللبس الكويس كتير من البنات بعد رمضان نزلوا بنفس اللبس اللي كانوا بيلبسوه في التراويح او في المسجد او كده خدوا تريقة وحصل وقولوا لي حصل ولا ما حصلش خدوا تريقة واتقال لهم ايه اللي انت لابساه دوت فاكرة نفسك رايحة التراويح فاكرة نفسك رايحة الجامع خلاص ده اللبس ده بتاع التراويح وبتاع المسجد البسي زينا ايه اللي ايه اللي اتقال ليه اتقال لك كده عشان انت رجعتي للناس ديت هو انا لو كنت اصلا رجعت لبنات بيلبسوا زيك واحسن منك انت هتسمعي الله عليك! ايه الجمال ده الف مبروك اللبس الجديد ده انت شكلك احلو بقيتي جميلة. هي هي نفس اللبس هو نفس اللبس مرة اتقطمت واتألس علي ومرة اتقال لي انت زي القمر وجميلة الفرق بين مين البني ادمين اللي قابلتهم؟ وكل حاجة على كده فالناس هي اللي بتساعد او بتحبط واضح يا جماعة يبقى احنا محتاجين ان احنا نجتهد ونرجع واحدة واحدة ونسايس النفس ونتوب من اي معصية عملناها نرجع تاني ونعرف ان لأ مش معنى ان انا وقعت ان انا وحش انا هرجع تاني انا قصتي مع ربنا ان انا بقوم واقع انا قصتي مع ربنا دايما ان انا بحاول واعافر. ربنا كريم ربنا رحيم. اه انا انا خطاء بس تواب. اه يا رب انا خطاء بس تواب وهكزا وابتدي ايه ابتدي ارد وارجع تاني. يبقى انا بقلل المنكرات وبافوق وبعرف ان انا مش انسان مش كويس لأ. انا بني ادم باقع وبقوم وبعافر الطاعات بحاول اتدرج والصحبة برجعها تاني ومعي مع كل ده منزلة الافتقار الى الله اللي اكتر هو اهم حاجة كنت طلعت بها بعد الوقعة ديت ان ما ليش غير ربنا وفعلا انا ولا حاجة من غير ربنا وفعلا هو اللي بيهدي علشان كده هاقول قل ادعية الثبات من النهاردة في كل صلاة هدعي ربنا بالثبات واستعيذ به من الحور بعد الكور. واطلب منه الهداية واكيد هيستجيب لي لان الله لا يرد السائلين ولا يستحي ان يرد عبده صفرا خائبا ازا صدق في الايه ازا صدق في الدعاء تمام ويعني آآ دعونا نختم بهزا الايه؟ بهزا الدعاء العزيم لاحد السلف وهو يقول الهي لو اردت اهانتي لما هديتني ولو اردت فضيحتي لا ما سترتني فمتعني بما له هديتني وادم لي ما به سترتني يا ارحم الراحمين يا حليم يا عظيم يا كريم انا المذنب المصر انا الجريء الذي لا اقلع انا المتمادي الذي لا استحي هذا مقام المتضرع المسكين والبائس الفقير والضعيف الحقير والهالك الغريق فعجل اغاثتي وفرجي فعجل اغاثتي وفرجي وارني اثار رحمتك واذقني برد عفوك ومغفرتك يا ارحم الراحمين يا زا المعروف الذي لا ينقضي ابدا ويا ذا النعم التي لا تحصى عدد اسألك ان تغفر لي ذنوبي رب كم من نعمة انعمت بها علي قل لك عندها شكري وكم من بلية ابتليتني بها قل لك عندها صبري فيا من قل عند نعمته شكري فلم يحرمني ويا من قل عند بلاءه صبري فلم يخذلني ويا من رآني في الخطايا فلم يفضحني اسألك بعفوك ان تغفر لي ذنبي. اللهم امين فنسأل الله ان يسترنا وان يغفر ذنوبنا وان يردنا اليه مردا جميلا اللهم انا نعوذ بك من الحور بعد الكور اللهم انا نسألك الثبات في الامر. جزاكم الله كل خير اللهم ربنا وبحمدك اشهد ان لا اله الا انت استغفرك