سلام عليكم ورحمة الله وبركاته. فيه ناس يا جماعة زعلانين عشان كريستيانو رونالدو راح نادي النصر في السعودية. وفيه ناس فرحانين وفيه ناس يقول لك صفقة انت فين من كل ده؟ انت فين؟ احنا قاعدين نتفرج على مشاهد ليه ناس بتنجح وناس بتفشل؟ وناس بتطلع وناس بتنزل انت فين؟ ان لم يكن لك
خطة فانت في خطة الشيطان او انت في خطة غيرك. ناس كتير دلوقتي بتفكر انا سنة جديدة. طيب اعمل ايه في السنة الجديدة؟ انا هاديك اربع خطوات بازن الله تبقى من شخصيات السنة الجديدة ده ايه؟ يعني لو جم في اخر عشرين تلاتة وعشرين قالوا مين شخصية العام؟ يبقى انت من الشخصيات دي بازن الله. اربع
خطوات لتغيير حياتك لازم تحطهم في خطتك للسنة الجديدة وفي اي خطة يا جماعة ايا ما كنت انت هتبدأ من امتى لازم تكون في اي خطة حطها الاربع خطوات دول. رقم واحد الصلاة الفروض الخمسة. الرسول عليه الصلاة والسلام يقول اول ما يحاسب عليه العبد يوم القيامة الصلاة
يبقى ما دام دي اول حاجة تتسألي عنها لما تدخلي قبرك لما تقفي يوم القيامة بين ايدين ربنا لما تتوازن اعمالك على الميزان. لما تعرض على الله دي اول حاجة لما تمسك الصحيفة بتاعتك اول ما يحاسب عليها العبد. يبقى دي اول حاجة لازم تخططي لها. يبقى دي اول حاجة لازم نخطط لها الصلاة. ليه؟ فان
وقد صلح العمل وكله انت عايزة السنة دي تبقى تبقى حياتك صالحة فيها. انت عايز السنة دي تبقى كلها استصلاح وكلها صلاح. كل اعمالك هتصلح لو صلاتك صلحت. الصلاة هي العمل الوحيد اللي لو صلح حياتك كلها هتتصلح وهتتغير. عشان كده اللي ما بيصلوش وان فسدت فسد
العمل كله مهما اشتغلت مهما خططت مهما اشتغلت على تطوير نفسك مهما كبرت السي في بتاعك مهما خدت شهادات عالية حياتك هتبقى حياتك يعني ايه تفاحة لابس تفاحة فاسدة ما ينفعش انها تتاكل انا معي شهادة بس الشهادة فاسدة انا معي فلوس بس فلوس فاسدة وان فسدت
فسد العمل كله. يبقى الصلاة رقم واحد. طب رقم اتنين. بعد الصلاة الحياة الاجتماعية. ابوك. والدتك. اصحابك. جيرانك اختك اخواتك الله الحياة الاجتماعية انت بتقول دي رقم اتنين ليه ؟ لان احنا في زمن السوشيال ميديا السوشيال ميديا وداخلين على الميتا درس كمان
داخلين على احنا كل شوية بندخل في واقع افتراضي. يا جماعة ما ينفعش فتخطفوا الطير. ما ينفعش نتخطف من بعضنا. ما ينفعش نتخطف من الحياة الحقيقية. حبيب قلبي ابوك واش مكنة ايه تي ام ساعة ما تحتاج بتروح لها. حبيب قلبي انت لما هتكبر هتعرف هو بيعاني من الواحدة قد ايه. هو محتاج يقعد معك قد ايه. عشان كده ربنا قال وصاحبهما
في الدنيا مش وبرهما وصاحبهما. لازم تبقى صاحب امك. لازم تبقى صاحب ابوك. لازم تبقي صاحبة والديك. لازم الرسول عليه الصلاة والسلام يقول من اراد ان يبسط له في رزقه. عايزة السنة الجديدة دي تبقى سنة مليانة فلوس مليانة رزق وينسأ له في اثره. عايزاك
هتبقى سنة مباركة لها تأسير كبير اوي في حياتك وينسأ له في اثره. يبقى لك تأسير كبير في الحياة. حتى بعد ما تموت وربنا يطول لك في عمرك فليصل رحمه. يبقى قعدتك مع والدك ووالدتك ده تخطيط لمستقبلك. يبقى صلتك لارحامك. يبقى برك لجيرانك. يبقى صلتك لاخواتك
اخواتك كل ده اخطر تخطيط في السنة الجديدة. الخطوة التالتة والمهمة جدا دراستك وشغلك بقى. لازم تشتغلي على نفسك السنة دي. لازم تطور في حاجة لازم تزود السي في بتاعك السنة دي بحاجة. لازم في دراستك اوعى تبقى الدراسة على قد الدراسة وخلاص. لازم تاخد دورة تفيدك في مستقبلك. اوعي انت مسلا شغال شغلانة معينة
انا وانت شغالة مهنة معينة لازم تاخدي دورة احترافية تنقلك لقدام يا جماعة فيه ابليكيشن دلوقتي بتنزل بتلغي مهن يا اخوانا فيه مهن دلوقتي بتتلغى بتتلغى الزكاء الصناعي جاي اما تقعدوا مع الناس اللي بتتكلم في الزكاء الصناعي فيه مهن السنتين اللي فاتوا بس كانوا بيقولوا دول اكتر عشر مهن مربحة
سنة عشرين تلاتين الزكاء الصناعي طالع يلغي المهن دي اصلا لازم تطور نفسك لازم تعرف ايه الجديد في الدنيا لازم تبقي على طول الله سبحانه وتعالى قل فليرتقوا في الاسباب. ارتق دايما. وخد باعلى اسباب توصلك دايما. الرسول عليه الصلاة والسلام يقول المؤمن القوي القوي في مهنته. القوي
في امكانياته القوية في تطوير مهاراته خير واحب الى الله من المؤمن الضعيف. يبقى اوعي تضيعي الخير اللي جواك وطور نفسك يا جماعة لازم تشتغلوا على نفسكم. ولازم تطوروا نفسكم ولازم تبقوا سابقين الدنيا مش الدنيا هي اللي سابقاكم. الخطوة الرابعة اللي لازم تحطوها عشان تغشوا
غيروا حياتكم بازن الله سبحانه وتعالى في اي خطة بتعملوها الخطوة الرابعة بعد خطوة الصلاة فاكرين مش عايزين ننسى رقم واحد الفروض الخمس رقم اتنين الحياة الاجتماعية والتواصل مع احبابنا. ولازم يبقى لنا احباب احنا محتاجين حضن نعيش جواه. الخطوة التالتة اللي هي
دراسة والشغل بتاعكم. وتطوير نفسكم. الخطوة الرابعة دين بقى. اللي هو حفظ القرآن او طلب العلم. اللي هو دينك دينك لحمك دمك كت لسة دلوقتي بقرأ في صحيح ابي داوود حديس زلزل قلبي يا جماعة. حديس صحيح وصححه الشيخ الالباني. ان النبي عليه الصلاة والسلام بيقول ان اللي بيجاوب في القبر اجابات
صحيحة في اول ليلة في القبر فبيقولوا من ربك قل ربي الله ما دينك ديني الاسلام؟ من نبيك نبي محمد عليه الصلاة والسلام؟ خلاص الف مبروك انت كسبت فجأة ان في سؤال رابع. على فكرة السؤال الرابع في القبر اللي ناس كتير ما هيش عارفاه. السؤال المرعب في القبر اللي ناس كتير ما هيش عارفة انها تتسألوا. ايه هو السؤال
ده السؤال ده بيتسألوا مين؟ اللي هيقول ربي الله وديني الاسلام ونبيي محمد. فالملايكة تقول له في الحديس الصحيح ايه؟ وما يدريك؟ يعني ايه وما يدريك؟ جبت الكلام ده منين
عارفين طالب اجاوب في لجنة الشفوي اجابة صح. فالدكتور قال له طب الكلام ده بقى انت جايبه من كتاب الوزارة او من الكتاب اللي انا نزلته لكم ولا انت كتاب
كده مؤلفة من دماغك انت جايب الكلام ده منين ؟ يعني انت بتتسأل عن مصدر معلوماتك الدينية. هو انت روض رياض الصالحين. رياض الصالحين ده في كل بيت يا جماعة. طب ما
خلي من خطتك السنة دي انك تقرأ رياض الصالحين. تقري كل يوم صفحة. كل يوم صفحة هتيجي اخر السنة هتلاقي نفسك بقيتي عندك معلومات جبارة في الدين. ما تخلي خطتك ان الرياض
الصالحين ده تقرا منه كل يوم صفحة. السنة دي ايه المشكلة يا جماعة؟ اخوانا يا اخوانا دينك دينك لحمك دمك. اربع نصايح مهمين جدا. اربع خطوات لتغيير حياتنا اوعوا اوعوا تتوانوا عنهم الصلاة والفروض الخمسة وتزبيط صلاتك ازا صلحت صلح العمل كله. بعد كده ارحامك وامك وابوك
واخواتك والتواصل الحي معهم. يبقى من اراد ان يبسط له في رزقه تبقى سنة كلها خير. وينسأ له في اثره من المؤثرين في الحياة فليصل رحمه. رقم تلاتة دراستك وشغلك انك تكبر السي في بتاعك وتشتغل على نفسك وتاخد دورة
فادي قوية جدا تنقلك في حتة تانية في مجالك وتبقى قيمة في اي مكان انت موجود فيه. حتى لو شغلك اه اتخلى عنك انت قيمة في الحياة الكل بيطلبك لانك بروفيشنال بحق وحقيقي. وهو ده المسلم المؤمن اللي بحقه حقيقي. رقم اربعة هتعمل ايه في حفز القرآن او طلب العلم الديني اللي هو
فالسؤال الرابع في القبر اللي ما حدش واخد باله منه وما يدريك. جبت منين بقى ان ربك الله ونبيك محمد ودينك الاسلام؟ فيقول لهم القرآن قرأت كتاب الله جايبه من الايه انا جايب من عارفين زي كتاب الوزارة كده انا جايب من المصادر السليمة الصحيحة بتاعة القرآن والسنة هزا الكلام العزيم الله يوفقكم. الله
يبارك في اعماركم. الله يبارك في كل ايامكم. وللاخرة خير لك من الاولى. يعني اللي جاي احسن من اللي فات ان شاء الله. اللي جاي احسن. مستقبلك احسن مستقبلك طول ما انت ماشي مع الاربع خطوات دول هيفضل في رضا الله واحسن. يا رب بازن الله ايام مباركة علينا جميعا بازن الله