رضي الله عنه الذي كان له مع النبي صلى الله عليه وسلم شأنا فنسأل الله سبحانه وتعالى ان يرزقنا التأسي بهؤلاء ومحبة هؤلاء واسأل الله ان يمن علي وعليكم برضا منه كما رضي على هؤلاء السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله وبعد فما زال الحديث اولى قصة المقداد رضي الله عنهم المقداد رضي الله عنه مازال يحكي القصة اللي حدثت لي مع النبي صلى الله عليه وسلم فكنا اتكلمنا ان المقداد رضي الله عنه الموضوع آآ وصل معه ان هو شرب نصيب النبي صلى الله عليه وسلم اه المقداد رضي الله عنه زي ما اتكلمنا في اللقاء السابق هو لقاء مسجل موجود ممكن ترجعوا وتسمعوه هو بيحكي قصة حدثت لي اه مع النبي صلى الله عليه وسلم يقول اقبلت انا وصاحبان لي وقد ذهبت اسماعنا وابصارنا من الجهد فجعلنا نعرض انفسنا على اصحاب رسول الله صلى الله عليه وسلم. فليس احد منهم يقبلنا يعني بيقول احنا كنا تعبانين قوي قوي قوي وكنا حاسين بالتعب وحاسين بالارهاق فبدأنا يعني نحاول بقدر الامكان ان احنا نعرض انفسنا على اصحاب النبي صلى الله عليه وسلم. يعني نحاول كده ايه قاعدين كده واحد بيقول لك فلان بيلمح فلان بيحاول يقرب فلان شكله عاوز حاجة فهما حاولوا يقربوا من اصحاب النبي صلى الله عليه وسلم اي حد من الصحابة معدي بقى يحاولوا يحتكوا به كده آآ تؤمر اي خدمة يسأله سؤال مش عارف ايه يقول فاتينا النبي صلى الله عليه وسلم فانطلق بنا الى اهله. على طول انت مهم قوي تكون عارف اللي قدامك ده بتقرا عينيه في ناس كده سبحان الله عندهم الفراسة ديت عندهم التوسم ده متوسمين يلقطك على طول يشوفك انت بتفكر في ايه؟ نفسك في ايه ولزلك وده كان خلق نبوي موجود في بيت النبي صلى الله عليه وسلم. هو يقول لها انا عارف ان امتى بتكوني فاضية عني يا عائشة وامتى بتكوني ايه؟ مش راضية عني فبيفهمها من الكلام صلى الله عليه وسلم لما بتكوني راضية عني بتقولي لا ورب محمد اي كلام كده تقولي ايه؟ تذكري اسمي. اما تكوني زعلانة تقولي لا ورب ابراهيم. بتحلفي بايه؟ فالنبي صلى الله عليه وسلم ايه التقط هذه الاشارة وهذه التنميحة وهي برضو كانت تقول فنظرت الى النبي صلى الله عليه وسلم فرأيت في عينه انه لا يكره اني انتصر يعني يعني بينها وبين زينب شيء فهي احبت ترد على زينب فبصت في عين النبي صلى الله عليه وسلم الاول فعرفت على طول ان النبي صلى الله عليه وسلم لا يكره انها تنتصر ففعلا احيانا يكون الضيوف عندنا في البيت وماما يا عيني تعمل كل التلميحات وكل الاشارات وكل ما لز وطاب والوالد برضه يعمل كل الاشارات ويشغل الاشارة اليمين والشمال والاحمر والاصفر والاخضر ان صاحبنا او صاحبتنا تفهم. ما فيش خالص ودي لها اسباب كتيرة جدا منها ان احنا ما بنعلمش وندرب الاولاد على هذه الالتقاطات يعني الضيوف موجودين دلوقتي في البيت الوالد يقول للابن ايه شوف شوف مامتك عاوزة ايه يا محمد يا عسل لا لو مامتي مش عاوزاني يا ابي. مامتي ما نادتش. طب شفها كده يمكن يمكن تكون محتاجاك لا لا انا عارف ان هي مش محتاجاني طيب ادخل كده لاختك قول لها شوف ماما كده لو عاوزة ايه فانا عارف ان اختي نايمة على فكرة طيب شف مامتك بدل ما انا اوديك تشوفها فاحياثا بيضطر احيانا كده ايه تلاقي الناس سبحان الله عارفين كده لما تبقى انت قاعد في محفل خاصة في الرؤية الشرعية والكلام ده وكل الناس فهمت منيحة الا انت كله قاعد عمال يغمز لك قم بقى والسلام بقى لو الخالة اللي موجودة والايه والغمزة بتاعة الخالة او الخال يعني. بيبقى كل العالم شافها اللي هي. بتقول لا ما حدش خد باله يعني فالخلاصة ان الواحد يكون عنده اه مفهوم التلميح ده يعني القصة دي بسيطة وممكن الواحد يعني يحس ان هي حاجة عفوية. بس صدقوني يا جماعة اللي بقوله ده يستفاد منه جدا في مهارات الحياة في حاجات كتير جدا ممكن تتلقط بحاجة زي كده. واحد بيسألك سؤال بيستشيرك في حاجة. فانت على طول التقطت كده شيء هو لمح به. خليك زكي خليك المعي فهنا النبي صلى الله عليه وسلم هم بيتعرضوا له النبي فهم على طول. هم اللي عاوزين سؤال ولا عاوزين حاجة. زي ما ابو هريرة برضه في يوم من الايام عمل الكلام ده يقول فاتينا النبي صلى الله عليه وسلم فانطلق بنا الى اهله فاذا سلاسة اعمد فقال النبي صلى الله عليه وسلم احتلبوا هذا اللبن بيننا. اللبن ده يكون بينا احنا التلاتة يعني وده يشير ان كان في مكان اللي بهؤلاء. وجميل ان يكون في مكان للضيوف يا جماعة وهزه العادة ما زالت موجودة عند الكثير من بلاد الخليج نسأل الله ان يوسع في دورنا وفي بيوتنا. جميل الانسان اللي ربنا رزقه بيت ان هو هو بيصمم البيت وده بيفرق حتى في المهندسين المهندس اللي بيكون عنده اسر وعنده تراس اسلامي وعايش على الاسر وهو بيقترح على الناس يقول لهم انتم هنا ممكن يبقى الضيوف لهم باب معين ولهم حمامهم الخاص لهم اسلوب يعني حياة مستقلة تماما ليه؟ لان لو الضيوف جم حتى وما فيش حد يستقبلهم من الرجال فممكن يدخلوا المكان ده ويكون سهل جدا بعد كده حافظ على حرمة البيت تحافز على اكرام الضيف ابنك يقعد معهم ان حتى لو في عامل او حاجة يضيقهم لغاية ما انت تيجي فده مهم جدا مهم جدا ان البيت ياخد راحته ان الزوجة والاولاد وان الاسرة تبقى بتتحرك براحتها خالص النهاردة للاسف اما بييجوا ضيوف خلاص تحس ان هم دخلوا السرداب بقى خلاص ممنوع الصوت ممنوع مش عارف ايه طب لو طفل رضيع بيعيط هتعمل ايه والستارة لو اتحركت آآ هيكشف حاجة وبعدين الناس تقعد ازاي يعني ملفات كبيرة جدا يعني ومعقدة سببها ايه؟ سببها ان حاجة بسيطة زي ديت سبحان الله ممكن نفتقدها يعني. فالواحد لما بيكون عنده البعد الرسالي ده في العمل بتاعه بيأسر بعد كده وهي بس هي حاجة احنا ورثناها كابر عن كابر يعني لكن لو انتبهنا هتلاقي زي ما احنا دلوقتي ورسنا اوضة اوضة السفرة والنيش واوضة الصدود للضيوف والكلام ده اه يعني ما زال كتير في القرى وانا يعني بيت الوالد ايام ما كان يعني قديم قبل يعني حوالي خمسة وعشرين سنة كان الغرفة بتاعة الصالون اللي هي الضيوف لها باب خارجي ولها استقلال تام مختلف تماما وبيسموها اوضة الجلوس فديت كانت موجودة آآ لما كان في عادة معينة. طيب احنا النهاردة انا كمسلم مهندس بصمم آآ سواء آآ معماري او مصمم مدني لازم انا يكون عندي رؤية للموضوع ده واقنع بيها العميل لعله يستجيب زي ما اتكلمنا قبل كده في رؤية المصلى لما بتكون عندك مصلى انت عملت مكان للنيش ما تعمل مكان للمصلى عملت مكان لحاجات انت عارف ان هي لا تسمن ولا تغني من اي شيء فاعمل مكان لمصلى البيت يكون فيه انس كده واللي منكم عمل المصلى دي ما شاء الله يعني استفاد جدا يعني آآ فالهدف ان آآ مهما كانت المساحة صغيرة مهما كانت المساحة صغيرة العقل الواعي والقلب المتسع يقدر يحط فيها حاجات كتير يعني فحتى في بيوت بيوت الاندلس آآ المسلمين كانوا يعملوا ايه؟ يخلوا فيه في وسط البيت حتى في العماير اللي بتتبني. النهاردة بيعملوا مساقط من الناحية الهندسية لازم يبقى في تهوية ولازم المسقط النهاردة لما تيجي تعمل المسقط وتفكر فيه كده مسقط يمين ومسقط شمال. طب انت النهاردة لو عملت متسع في وسط البيت وان ست مكان ما يعادل كده مسلا غرفة او غرفتين او زي الصالة كده في وسط البيت لو سبت المكان ده في وسط العمارة تبقى بتغزي الاضاءة على كل الشقق بتغزي الشمس الهوا التهوية وكل حاجة وهي هي فكرة المصائط لكن بيت اسلامي بقى ان ولادك يخشوا المكان بيلعبوا النساء ياخدوا راحتهم في المكان ده ياخدوا راحتهم في الكلام في النقاش في اللبس في حاجات كتيرة قوي يعني وده ما زال موجود في بيوت كتير جدا في بلاد المغرب وسوريا. نسأل الله ان يرفع عن بلاد المسلمين الكرب فهنا النبي صلى الله عليه وسلم قال لهم انتم هتقعدوا هنا وتحتربوا من هذه اللبن فكان يحتلمه في شرب كل انسان منه نصيبه وهو بيقول وكنا نرفع للنبي صلى الله عليه وسلم النصيب بتاعه. كان النبي بيتأخر شوية فكان آآ يذهب الى الانصار. ويأتي الينا آآ بالليل. فيجيء من الليل فيسلم تسليما لا يوقد نائما ويسمع اليقظان. اتكلمنا عن الكلام ده وشرحناه بما فيه الكفاية قال ثم يأتي المسجد فيصلي صلى الله عليه وسلم تحية المسجد ثم يأتي شرابه في شرب صلى الله عليه وسلم فاتاني الشيطان ذات ليلة وقد شربت نصيبي فقال محمد ياتي الانصار فيتحفونه ويصيب عندهم ما به حاجة الى هذه الجرعة الشيطان جه قال له بقول لك ايه؟ يا مقداد انت راجل يعني واعي ومشغل دماغك كده وخليك فاهم محمد بيروح للانصار واكيد يعني الانصار دول اهل كرم يعني ده اسمهم انصار يعني ده اواوكم فبيروح لهم فبيتحفوه واكيد بيشرب عندهم وبتاع يعني هو جت على شوربة اللبن دي هو مستنيها فالنصيب بتاع محمد ده هو مش محتاجه فاتيتها فشربتها انتم ملاحزين ان في الجملة ديت مش هو زكر المقداد ان الشيطان قال له اشربها هل الشيطان قال له اشربها انتم حاسين دلوقتي ان الشيطان قال له اشربها الشيطان رسمي ظاهرا ما قللوش يشربها. الشيطان كل اللي فيها ادوية ان هو بيروح وهو ما لوش في يعني يعني هي جت على دي هو الشيطان بيفتح لك السكة دايما افهمها كده الشيطان بيديك الضوء الاخضر. لكن انت اللي بتعدي خلي بالك فاوعى في يوم من الايام تفتكر ان اه ده هو شيطان لأ هو الشيطان شوفوا حتى يوم القيامة في الخطبة المشهورة. اسأل الله سبحانه شف الخطبة الوحيدة اللي يعني انك تدعي ان ربنا ايه؟ لا فلك من الحاضرين اياها قبة الشيطان في النار. وقال الشيطان لما قضي الامر ان الله وعدكم وعد الحق ووعدتكم فاخلفتكم لكن خلي بالكم يا جماعة عشان ما حدش كل شوية لانه ماسك في وما كان لي عليكم من سلطان الا ان دعوتكم انا بس بقول لك ايه فاستجبتم على طول لي. فالسرعة فالسرعة ده انا كنت بقول لك ما تبص بصة لقيتها بتتفرج على المقطع كله انا بقول لك بص بصة او تقعد ساعة بس طولت قوي او قلت لك رن عليها شوفها لو هي صاحية بزكرها بصلاة الفجر انت خدت نص ساعة ده انت شرحت فقه السنة. وقعدت ساعة تتكلم فهو الشيطان بيجيلك يا دوب بس يخدش الكارت انت اللي بتشحن بقى خلاص الرقم ظهر تروح واخده وشاحنه فهو الشيطان قال له ايه قال له انت مش واخد بالك يعني من الموضوع دوت محمد صلى الله عليه وسلم بياكل ويشرب عند اهله وعند الانصار فانت ايه اللي يخليك انك لا تأكل وتسيب له نصيبه فسبحان الله فالمتأمل سيجد ان ده خلق دائما موجود الشيطان يستعمله كثيرا حتى يزين لك وهتلاقوه بقى وهو بيتكلم مع ادم الا ان تكون ملكين او تكون من الخادمين وعلى فكرة انا والله بنصح فقاسمهما اني لك ما من الناصحين فلما ذاق الشجرة انتم خدتوا بالكم هو قال له ايه قال له ما نهاكما؟ ربكما عن هذه الشجرة الا ان تكونا. لكن قال له كلها انتم حاسين ان في القصة قال له ايه؟ كل من الشجرة يا ادم لا طبعا الشيطان يقول لك لا انا اقول لك اعمل الغلط لا لا لا عيب برضو. انا برضو عارف ربنا انا عمري ما اقول لك اعمل غلط الشيطان يلعب في النص الشيطان مش هيجي يقول لك ربنا بيقول لك صلي وانت تقول له تقول له لا. يقول لك بص هو انت مش ملاحظ ان الصلاة اسقطها الله على المسافر وان المريض له قصر اه ننبهر طب وانت تقريبا تعبان صح؟ انا حاسس انك تعبان بس لكن ما يقولكش يلا اقصر الصلاة واقلب. هو ما يخشش معك في الدايرة دي هو بيفتح لك الطريق وبيفتح لك الخط وهنا الشيطان يقول محمد يأتي الانصار فيتحفونه ويصيب عندهم ما به حاجة الى هذه الجرعة او هذه الجرعة فاتيته فشربتها اول ما فاخذها فاتيتها فشربتها فلما ان وغلت في بطني وعلمت انه ليس اليها سبيل. خلاص دخلت جوة ندمني الشيطان. قال ياه انت شربتها انت ايه يا اخي حد يشرب حاجة النبي هو انا قلت لك اشرب انا بقول لك هو اكيد مش محتاجها انت ايه اللي خلاك تستعجل وتاخدها انت يمكن اقول لك نتصدق بها الفقراء انت كده على طول هو ما فيش خالص فين وفين وفين وفين وفين وفين وفين وفين وفين ويمسكك بقى ياخدك على الطريق الاقليمي كله. بس مش اقليمي بقى. طريق جلد الزات انت مش اخت. انت لو كنت اخت كنت عملت كده. هي في حد يعمل كده؟ لا انا ما عدتش آآ ما عدتش هوسوس لك. انت عديتيني. لا لو سمحتي ابعدي يعني انت اصلا ممكن انت اللي بتوسوسي لي كده سبحان الله! فيبدأ يبهدل الدماغ ويبهدل القلب ويحبطك ويقنطك ويبهدلك ويمسكك في الحتة دي. ولزلك يا جماعة دايما العاصي ما تسيبوش لنفسه لان بيكون نفسه والشيطان ويستلمه بقى وخاصة لو هو كان من اهل الرحمن ومن اهل الطاعة بيتفرتك بقى وبيتبهدل ليه؟ لان خلا بنفسه والشيطان يستلم قال ندمني الشيطان قال ويحك وطبعا مش الندم توبة؟ اه بس ده ندم تاني الندم توبة اه بس ده مش ندم التوبة ده ندم التأنيب واعباء وزلك يا جماعة التأنيب النهاية على عمال تأنب نفسك وادى انك تجلد زاتك مش هي دي التوبة التوبة ندم دافع. لا ندم مانع لان في ناس ندم ندمه يقعده عن العمل ولا يرى الامل وفيه ناس الندم بتاعته يزيده في العمل ويتمسك بالامل. ده الندم المحمود الندم المحمود انك تقولي انا وقعت لكن ان شاء الله ارجو ان تبدل سيئاتي حسنة انا وقعت لكن ارجو ان يكون هذا الذنب هذا الذنب المثاب. يعني ايه ذنب مصاب؟ يعني هذا الذنب دفعني ان انا ايه اعيد تاني واعمل بحياتي من اول وجديد واجدد تاني الاوبة والتوبة وتجديد الايمان فالمعنى ده مهم قوي ان الانسان يكون مستحضره لان لو لم تزنبوا لذهب الله بكم. واتى بقوم يزنبون ثم يستغفرون فيغفر الله سبحانه وتعالى لهم هذه ليست دعوة للاستمرار في الذنوب. ولكن هي دعوة لترك القنوت قال ندمني الشيطان. قال ويحك ما صنعت ما صنعت اشربت شراب محمد يا انت شربت شراب النبي دي اخرها انت حاجة صعبة قوي انت حاجة مؤزي قوي. واسبق المقداد وصحابي وفي الجامع وجنب بيته ايه ما فيش خالص فيجيء فلا يجده. كده هييجي محمد ما يلاقهوش. اه فيدعو عليك فتهلك فتذهب دنياك واخرتك وبدأ بقى يستلمه بقى. قال له هو هييجي دلوقتي خلي بالك هيجي دلوقتي. يعمل ايه؟ هيدعي عليك. ما هو انت اللي زيك ما ينفعش. خلاص انت بقيت وحش قوي وحش قوي ده في حد هيقبلك ولا الناس الكويسة هتقبلك خلاص حتى لو كان الحلو ده اسمه السراج المنير حتى لو كان الرحمة المهداة حتى اللي هو ما خرج منه اي كلمة غليظة. ومع زلك هيدعي عليك لانك انت عملت حاجة مؤزية جدا. ايه ده! تاخد حاجة النبي ايه يا عم فسبحان الله! ويستلموا بقى الشيطان ويفرتكوا في الحتة دي يدعو عليك فتهلك فتهلك فتذهب دنياك واخرتك فبدأ يعني ييأسه من الصالحين ويسبته من اهل الخير ودي بالمناسبة برضو من ضمن الحجج اللي الشيطان بيعملها وكل الناس الا من رحم ربنا بيعمل الغلط. طيب اول حل ايه؟ الشيطان يقول له ايه؟ بص خلينا نتفق انت لو كنت انسان محترم ما كنتش عملت الغلط ده فانت تروح حاسس راسك وتقول له اه فعلا انا مش محترم. وبناء عليه في واحد مش محترم يقعد مع الناس المحترمة فانت هتروحي تقول ايه الطبيعي يعني وانت بتتناقش مع نفسك؟ لا طبعا فيقول لك بما ان اللأه طبعا اه اول حاجة نعملها سيب حلقة المسجد ما هو خلينا بقى عشان نبقى محترمين عشان ما نلوثش الناس دي ده لعل الله يخسف بهم بوجودك فاول حاجة نسيب الصالحين. ليه ما انت بقى بص اصل انت طول ما انت وسطيهم الشيطان هيضحك عليك بقى ويقول لك سيدنا الشيخ والشيخ راح والشيخ جاي وتضحك على نفسك. انت لا شيخ ولا ما شيخش. انت انسان خلاص شيخت وانسان كبرت وخلاص بقيت بتهيص هيبقى اول حاجة نعملها ونستهدى بالله كده اه نصنع بيئة ايمان خاصة بنا اسمها بيئة العصاة التائبين بيت النادمين خلاص مش عاوزين نبقى مخلصين اه عايزين نفوق بقى من فوق بقى من اللي فات طب وبالنسبة للحلقة حلقة قرآن انا بقول لك حلقة الجمع مش احنا مش هنصلي الجمعة في المسجد اللي فيه الاخوة يقول لي حلقة المسجد انت انت جبلة ما بتفهمش. انت مش مستوعب انت عملت ايه؟ انت برضو لسه هتدنك تتمحك في الصالحين. عشان الناس تشوفك وتشوف سيدنا يعني دي حاجة صعبة قوي انت فعلا شكلك مش عاوز تتوب انت فعلا لو صادق كنت وقفت مع نفسك. بس انت شاطر واضح انك مش عاوز تقف مع نفسك ويستلمه في الطريق ده يبقى اول حاجة على قد ما استقالتي ويروح مقدم استقالته منين؟ من امامة الجامع وبعدها من آآ اشراف على الصفحة. طيب ليه اشراف الصفحة ما له؟ اقول لك اصل الصفحة دي نضيفة وانا مش كويس فما ينفعش واحد مش كويس يمسك صفحة نضيفة والناس بقى والله اتاسرنا جدا بك وما شاء الله البوست ده جميل. وهتخدع يبدأ الشيطان ياخده واحدة واحدة. واحدة وعلى فكرة في الوقت ده بيعمل طاعات رهيبة يعني ممكن يروح يلاقي نفسه كده خلص البقرة وال عمران في قعدة وتصدق بالف جنيه. ليه؟ لان الشيطان عاوز يغريه ان القرار ده قرار صح مية في المية وبدليل انت شف احنا اما بعدنا وبدأنا نركز بدأنا نشتغل لكن طول ما احنا وسطيهم هنستخبى فايه اللي يحصل؟ يكمل معه يكمل معه سحبة ورا التانية ولا الرابعة ييجي الشباب يسألوه انت فينك في صلاة الفجر؟ ما تردش ده ضغطوا علي ده بيتصلوا بي طب بيضغط عليك؟ قل لهم هو انا لازم اصلي عندكم؟ اه حلوة التعبير ده. اقول لهم هو انا لازم اصلي عندكم؟ انا باصلي تحت البيت قل له كده ما تتكسفش انت يا ابني انت بتابع قل له دخول الدين على فكرة مش لازم يكون من عندكم. انا ممكن اخش الجنة من اي مكان ويبدأ الشيطان يدي له تسهيل كده وتبرير في موضوع ايه بيستسهل ترك ترك التعاون على البر والتقوى فيبدأ يدي له شبهة. ايه هي الشبهة؟ على فكرة دخول الجنة مش انت الباب الوحيد انا ممكن ادخل الجنة من اي مكان تاني. رغم ان اخونا ده ما قالوش اصلا ولا جابت له سيرة اي عمل ولا اي حاجة يعني فسبحان الله فالشاهد يعني ان المكنة دي مكنة التبرير بعد التقصير دي بتدمر اذا انه يبرر يضرر. لا لا لا هو يا جماعة النهاردة اما في واحد بيتعب جسديا الدكاترة بيمنعوا عنه الاكسجين اما في حد بيتعب جسديا الدكاترة بيمنعوا عنه النفس انت البيئة الصالحة النفس اليوم اللي تقول عنه انا هشيلها زي بالزبط ما تشيل الماسك بتاع الاكسجين من على بقك اول ما تسير خلاص الشيطان انفرد به انفرد بك بعد في مناعة ولا في اي حاجة بس جيت لي في الواسع تعال لي بقى ده انا وقعتك وانت وسطيهم. فما بالك بقى وانت لوحدك! ده انا هاجي لك لمس كتاف بالربش عشان كده يا جماعة شوفوا اخطر ملفين الشيطان يستلمك فيهم بعد المعصية هم الملف الاولاني ان ييأسك الملف التاني ان يبعدك عن الصلاح. لو خد منك الاتنين دول بس. خلاص بقى انت كده حضرتك رحت في حتة في طريق اللا عودة الا ان يلطف الله بك. وهو الشيطان هنا بدأ كمان بقى ايه؟ يدخله في حتة الوحشة مع اهل الصلاح فمحمد هنيجي فلا يجده فيدعو عليك فتهلك فتذهب دنياك واخرتك وعلي شملة بيقول انا كنت لاقي اعبي شم متغطي بشملة اذا وضعتها على قدمي خرج رأسي واذا وضعتها على رأس خرج قدمي. يقول والله انا مش عارف اعمل ايه. عارفين هو سبحان الله. وجعل لا يجيئني النوم. النوم خلاص راح يعمل العمرة قوائم وسبحان الله مهموم ما بينامش الانسان المهموم والقلقان المتوتر ما بيعرفش ينام فيجبها من الناحية دي يجيبه من الناحية دي. يغطي رجله كده الشيطان يروح يقول له ايه؟ آآ موضوع كبير. يحاول يا عيني يغطي رجله يجي له من على مش هيسيبك وخلاص دخلك في التوتر وادخلك في الاضطراب النفسي دوت وسبحان الله معظم الاضطرابات او كسير بلاش معظم كسير من الاضطرابات سببها يعني سببها هنات في الطريق مع الله سبحانه وتعالى او عدم عن الله سبحانه وتعالى. اقول كسير ولا ولا اعمم وعلي شملة اذا وضعتها على قدمي خرج رأسي. او اذا وضعتها على رأسي خرج قدماي. وجعل لا يجيئني النوم. النوم خلاص فلت مني. واما صاحباي فناما دول ناموا بقى ولم يصنعا ما صنعت سبحان الله فجاء النبي صلى الله عليه وسلم فسلم كما كان يسلم آآ ثم اتى المسجد فصلى آآ فجاء النبي صلى الله عليه وسلم فسلم كما كان يسلم ثم اتى المسجد فصلى ثم اتى شرابه فكشف عنه فلم يجد فيه شيئا النبي صلى الله عليه وسلم باع راح للنصيب بتاعه ما لقهوش سبحان الله فرفع رأسه الى السماء. فلما رفع رأسه الى السماء فقلت الان يدعو علي فامن. شوفوا الشيطان يعمل ايه سبحان الله! واحيانا برضه النفس التي لا تفقه عن الله وعن مراد الله. وقعه فين خلى لك كمان هو اول حاجة اداك لقطة عن الدعاء عن الصالحين وبعد كده يخليك تترجم اي حاجة في الاطار ده. في الاطار الوحش ده يعني على سبيل المسال انت تعرف ان المشايخ دايما بيلموا تبرعات عشان يغتنمه ويكونوا ناس اثرياء ويعيشوا كده وعندهم حجة ان هم في الدعوة يعني ولازم برضه يصرف عليهم وكده فيرمي لك الفيروس ده خلاص نبدأ بقى ترجمه في كل حياة اتلعب ان الشيخ ما شاء الله لا قوة الا بالله الصوت بقى حلو في التسجيلات. مش هقول لك بقى جاب ايه. بس الصوت بقى حلو فتلاقيه بقى درس على الخاص كده ويبعت للي يقول له ماشية معهم. الله اكبر لا فعلا البرنامج بدأ ياسر تلاقيه مسلا آآ جاب عربية جديدة يقول لك الله اكبر يا اخي برضو سبحان الله الدعوة بتكسب في ناس بتعمل كده لا شك في ناس بتعمل كده نسأل الله ان يسترنا في الدارين بس شوف بقى ازن الشيطان يدخلك في الحتة دي واوحش حد اللي بيكون الشيطان مستلمه مع الصالحين ان الشيطان يستلمك مع الصالحين. حاجة صعبة اوي اوي. ولزلك كل الدعاة وكل الصالحين الذين يعملون لدين الله لابد ان يحموا وجاههم ويحموا نفسهم من هذا الباب ويظلوا دايما هم اليد العليا ولا يكون ابدا يد سفلى. دايما هم اليد العليا رفع النبي صلى الله عليه وسلم رأسه فقال فقلت الان الان يدعو علي فاحب. انا هضيع كده فقال النبي اللهم اطعم من اطعمني واسق من اسقاني نقول له يا رب اطعم من اطعمني واسق من سقاني اول ما سمعت الحديس ده والدعاء ده حصلت بقى مشكلة التفكير اتقلب عند المقدام والشيطان خسر الخطة كلها لان الدعاء ده عبارة عن ايه؟ النبي صلى الله عليه وسلم يدعو يدعو في المستقبل ان الله سبحانه وتعالى يمن على من يطعم ويسقيني ان الله يطعمه ويسقيه فدعاء عادي زي ما انت كده تقول ايه اللهم اجبر من يجبرني يا رب استر اللي يسترني يا رب ارزق اللي هيرزقني النهاردة. فانت بتدعي الدعاء ده. ولزلك هزا الدعاء ناس كتير على فكرة اللي فاهم في السنة اما بيكون قاعد مع حد ويعزموه وبعد ما يخلص الاكل يقول لهم اللهم اطعم من اطعمني واسق من سقاني يعني هو بيقول لك ايه زود الله يكرمك وهات تاني اكل اديته عصيره كده واكله وبتاع فيروح بعد ما يخلص يقول لك اللهم اطعم من اطعتني واسق من سقاني فانت تفهم ان ده مش دعاء نهاية الطعام. ده دعاء تجلاب طعام ده اللي فاهم في السنة بيقول الدعاء ده. اللي مش فاهم بقى قوي بيقوله في الاخر كده يعني فمتورطوش انفسكم مع حد فاهم وتقولوا الدعاء ده. فيقول لك هي ايامها؟ انت خالص ما خدتش بالك خالص فعمدت يقول اول ما النبي صلى الله عليه وسلم قال كده فعمدت الى الشملة فشتدتها شدتها على طول علي واخذت الشفرة. جيت على طول على السكين. ما هو بيدعي النبي صلى الله عليه وسلم. فانطلقت الى الاعنف ايها اسمن. عشان انا اذبحها للنبي صلى الله عليه وسلم اشوف كده اتخن واحدة واخلص عليها فاذا هي حافلة فاذا هي مليانة لبن وكل الايه؟ الاعنز كن هن احفل كلهن؟ يعني كله كله الايه؟ كله مليان لبن. فعمدت الى اناء لال محمد صلى الله عليه وسلم شوف هنا كلمة محمد صلى الله عليه وسلم بدأت تبرز كان الاول ايه ان محمد يزهب محمد يدعو الان يدعو لكن هنا صلى الله عليه وسلم بالرحمة هنا انتشرت. وبدأت يعني تسيطر على قلبك. وطبعا سبحان الله الانسان لما بيكون من جوة صافي الحاجات دي كلها بتزهر بقى لان التوب الابيض بتخدشه اقل ترابا فهما عشان الناس ديت آآ الصحابة دول رضي الله عنهم. دايما هم منطلقين وعلى فكرة دي من علامات المؤمن المؤمن الحي وهو ماشي في الطريق الى الله بتحصل له هنات وبيقع. وبعدين يروح وفايق كده ايه اللي انا عملته ده؟ انك تقلق منه اللي عنده الجبروت اللي تقلق منه اللي عنده الجبروت ومش همه يقول لك اه هي كده وانا ماشي كده ده اللي بتخاف عليه لكن اللي ما تخافش عليه قوي ان شاء الله اللي هو فعلا بيتضايق اوي ويحاول يستغفر ويحاول يستدرك وبعدين يقع تاني ويحاول تالت. اللي زي ده ان شاء الله بازن الله سيرجى له بحسن الختام لان النبي صلى الله عليه وسلم قال لنا ما من عبد مؤمن الا وله ذنب يعتاده الفينة بعد الفينة يعتاده الفينة بعد الفينة يعني بيقلع عن الذنب ثم يعاوده. ثم دي يعني للتراخي. يعني بعد شوية ممكن يقع فيه تاني ويقع فيه احيانا وبعدين يفعله على سبيل العادة المتقطعة يروح عامله ايه؟ ثلاث اربع مرات وبعدين يروح سايبه وفي رواية له ذنب هو مقيم عليه لا يفارقه. دائم الوقوع فيه. وده من باب الغفلة نسأل الله العفو والعافية حتى يفارق اي الدنيا. وان المؤمن خلق مفتنا توابا نساء اذا ذكر ذكر. فييجي بقى اوقات رمضان دي سلسلة تزكية بالدار الاخرة فيفوق. طيب هو الحديس ده الهدف منه ايه؟ ان ربنا يخبرك عن حالك وانك اصلا ضعيف خلق الانسان ضعيفا عشان كل مسلم كل مؤمن يعرف انه لا حول لي ولا قوة له الا بالله يحاول بقى انه يجدد التوبة الى الله دايما يتبرأ من حوله. يتبرأ من قوته. يتبرأ من ايه؟ من هذه الاشياء. وطبعا كل واحد بقى له هناته. في واحد جنته قلبية ودي مدمرة يعني اللي زنبه حتى ظاهر ده في الاخر غير اللي زنبه عقبه وكبر وشايف نفسه وانا صاحب القراءات وانا اللي مفترض اعمل وهم لأ هم يسمعوا كلامي انا يعني الكلكعة بقى اللي في الداخل دي حسد وغل واحتقان دول مشاكل ضخمة جدا نسأل الله العفو والعافية لان قلوبهم كانت نقية على طول فاء فقال فعمدت الى اناء النبي صلى الله عليه وسلم ما كانوا يطمعون ان يحتلبوا فيه قال فحلبت فيه حتى علته رغوة وبرضو سبحان الله برضو دي نقطة مهمة جدا هو اللي عمله المقتاد ان هو خلاف ادب اخد الحق بس صح هو مجرد ان هو اخذ حق مش حقوق لكن مش ارتكب الذنب المرعب يعني او الذنب المخيف ودي برضو من ضمن الحاجات ان احيانا نستفيد منها فايدتين. الفايدة الاولى ان الشيطان بيكبر عندك حاجات يعني في اخت تقول انا وانا بتصدق الناس شافوني ياه على الرياء ويا كزا وانا حاسة ان انا هموت انا مش عارف ايه انا منافقة انا المنافق انا مرتبط مش يسموني مروة وانا المفترض يسيبوا كلمة مروة ويسموني المنافقة. وتضغط جامد في الملف ده لمجرد دي حاجة عابرة جدا جدا يعني او علت صوتها مسلا وهي بتتكلم مع فدي نقطة ان احنا ننتبه لها ان ده خطأ اه بس الخطأ ده يتحط في السياق بتاعه طبعا اقصد الخطأ بتاع المقداد. لكن الخطأ ان في حد شافني وانا قصدي وانا بعلي صوتي على حد وبتاع ده خطأ بس مش الخطأ الضخم الحاجة التانية ان دايما اهدر اه الديانة العليم ان ما بيقبلش ان الاخطاء البسيطة تعدي اه هو غلط اه مش كبير بس انا مش هعديه هحاول بقدر امكاني اصلحه يعني. لكن انا ليه بقول الكلام ده؟ لان عندي اسئلة كتير ونقاشات كتير في ناس يا جماعة تخصصه هو رئيس قسم. رئيس قسم ايه؟ ده فاتح جامعة مفتوحة واونلاين كمان اسمها جامعة جلد الزات وزات الجد هو سبحان الله استاز ورئيس قسم في هزا الباب. مش وراه الا الموضوع ده الجلد الزات ده عامل زي الحجر الاسود كده. كل شوية يطوف يروح يستلمه بيطوف ويروح يستلم. ما يعرفش يعيش. هو بيحس ان ده السكر بتاع الشاي. الحياة ما تتزبطش الا بانيه اما يحط عليه سكر الجلد. يقول لك بس الان استمتعت. انا ادخل كده كده انام بقى وده طبعا له اسباب كتيرة جدا منها طريقة التربية طريقة فهمه عن الدين. طريقة الفهم الاستقامة وطبعا التبريد بقى ان دي نفس دوامة. بصوا يا جماعة اي نفس تلومك النفس اللوامة لا تقعدك ابدا عن العمل ولا تقطع عنك الامل نفس اللوامة ما بتعملش ده النفس اللوامة لا. النفس اللوامة بتدفعك. فيقول فلما انا انطلقت ولقيت ان ان الاعنز مليانة لبن. عمل ايه بقى فعمدت الى اناء لآل محمد صلى الله عليه وسلم. ما كانوا يطمعون ان يحتلبوا فيه ما كانوش يحلموا فحلبت فيه حتى علته الرغوة. ودب بركة دعاء رسول الله. اللهم اطعم من اطعمك فجئت الى النبي فقال اشربتم شرابكم الليلة صلى الله عليه وسلم مشغول بمين من صحابه يسألهم الاول. طب هم عملوا ايه؟ هم شربوا ولا ما شربوش اخبارهم ايه؟ طمنا عليهم. مهم جدا يا جماعة عبودية التفقد دي طبيعي انك تتفقد اخواتك ان تتفقد الناس بتاع لا تغفل عني فاني مكروب فكرة انك تتفقد كم واحد النهاردة بيصلي التراويح مش شايف زمايله تفقدتهم اتصلت بهم قلت لهم طمنونا انتم فين لو في مصلى النساء وانت بتصلي طمنتي عليهم التفقد ده عبادة مهمة جدا جدا. ناس كتير بتقع بسبب قلة التفقد ديت فاحنا الانبياء وصلوا ان هم تفقدوا حتى الطير وتفقد الطير وبعدين ما قلش فين الهدهد؟ قال ما لي لا ارى هو انا ليه انا انا المشكلة؟ انا اللي مش شايف تفقدون احد؟ قالوا نفقد فلان ثم تفقدون احد نفقد فلان ولكني افقد جليبي كم جليبيب في حياتك لا يراه الناس وانت تتفقده لا يفعل هذا الا انسان متصل بالله سبحانه وتعالى فقال اشربتم شرابكم الليلة قال قلت يا رسول الله اشرب هو ما جاوبش ودي من الزكاء ودي من الزكاء يا جماعة انها تكون زكي ولماح يعني مسلا بيقول لك اشرب ما انا قلت له لا اصل اللي حصل ومش حصل لا لا لا. قال اشرب يا رسول الله فهو ما جاوبش فالنبي صلى الله عليه وسلم يا جماعة كان رحمة مهداة. اللي قدامك عما تلاقيه قاعد بيفر منك ما ما تخنقش عليه ما تخنقش عليه انت ما جاوبتش على السؤال انا سؤالي واضح اعيد تاني في بعض الاباء بيخلي السؤال نغمة موبايل وقل طب يا محمد وصل الصوت ووصل السماعة وهات الميكروفون عشان تقريبا والدتك ما سمعتش. نعيد تاني السؤال. اعمل لك صدى صوت له. كان واضح ان حضرتك ما خدتيش بالي. لا هي خدت بالها وبتقول لك قبلي في شوية يعني ايه مروءة وعدي السؤال فقلت يا رسول الله اشرب فشرب النبي صلى الله عليه وسلم ثم ناولني فقلت يا رسول الله اشرب فشرب ثم ناولني فلما عرفت ان النبي قد روي واصبت دعوته. خلاص كده ان الدعوة جبتها. هو قال اللهم اطعم من اطعمني واسق من سقاني. كده انا خدت الدعوة. والشيطان كان بيقول لي ايه؟ هيدعي عليك فهو حط خطة لنفسه وحط مؤشر لو دعا لي يبقى كل الفكرة ديت ايه؟ انتهت وشوفوا يا جماعة برضو الصحابة من الحاجات الجميلة قوي يعني هو قال ايه؟ فندمني الشيطان. جاء الشيطان. قال لي الشيطان احيانا الانسان لما بيبقى هو بينه وبين نفسه عارف ان فيه خير عنده وان هو الحمد لله مقبل على الطاعة والكلام ده ان هو يدرك ان هو بشر وان الشيطان موجود في المشهد مش كل شوية تلاقي انا وحشة انا مش عاوز مش انا مش استاهل اعيش انا شيخ مش عارف ايه تيجي تقول لها يلا قدر الله وما شاء فعل واستغفري الله سبحانه وتعالى تعيزي بالله من الشيطان وطبيعة ان الشيطان برضه انت ما تنسيش ما انت كنت آآ مش واخدة بالك ان في شيطان في المشهد وشيخ الموضوع مش شيطان ما هو الموضوع في انا انا بقول لحضرتك انا اللي فيا المشكلة انا اللي فيا كزا خلاص والله الشيطان بيديكي درس خلاص هو الشيطان طلع شيخ وطلع علامة فقيه شافعي وانا مش واخد بالي وحضرتك ابليس حاضر له طب هقول لها ايه؟ فاحيانا بعض الناس بيكون دي طريقة تفكيره مع نفسه فينسى خالص دي مش دعوة انك تطلع نفسك من المشهد لكن دعوة انك ترحمها يا جماعة لن تستطيع ان تصل بدابة الى الله انت لا ترحمها لازم ترحم الدابة اللي انت راكبها دي عشان تاخدها الى الله سبحانه وتعالى علشان توصلك اه انت غلطتي اه هنتحاسب. خلاص ما فيش نوم النهاردة الا اما نخلص اللي علينا. ما فيش نوم النهاردة الا لما تتصدق بتلاتين وجبة. ما فيش نوم النهاردة الا اما اخلص بتاعي اه بضغط عليها زي ما بتقول لابنك ما فيش نوم لما تخلص الواجب اللي عليك لكن مش كل شوية ادانك تبكت في ابنك انت فاشل. استشعروا كده لو واحد كده بيصحى كده اسمه الورد اليومي. اول ما يصحى كده يروح داخل على ابنه. قم يا فاشل. يا بلاش نقوم وعلى فكرة انت بتقوم بطريقة غلط يا فاشل يا فاشل. على فكرة انت بتفتح الحنفية غلط يا فاشل. انت مش عارف ايه انت مهزأ. انت مش كويس. انت مش ناجح انت مش عارف ايه. مش انا قلت لك انت فاشل. على فكرة حتى صيامك انت فاشل وانت في المطبخ فاشلة وكل حاجة فاشل فاشل فاشل البني ادم ده يا جماعة هيعرف يعيش في الحياة مش هيعرف يعيش في الحياة. البناء ده ده شيله بقى وحطه انت لو انت ماسك نفسك بقى كل شوية تضربها بالاقلام آآ تديها كلام يوجعها تضرب من تحت الحزام وفوق الحزام ومن كل حتة الطبيعي نفسك دي خلاص اتدمرت فربنا يلطف بنا. النبي صلى الله عليه وسلم بيقول لنا يقل احدكم خبثت نفسي بلاش تقول كلمة دي خبثت ديت ما ينفعش. طب ليه يا رسول الله عشان يقول لك يعني ان ما فيش نفس امارة لا طبعا النبي صلى الله عليه وسلم يشير لمعنى اخر فقلت اشرب يا رسول الله فشربت. فلما عرفت ان النبي قد روي واصبت دعوته ضحكت حتى القيت الى الارض. انا بقى ايه ايه استمتعت اوي اوي اوي ووقعت على الارض وقال النبي صلى الله عليه وسلم احدى سوءاتك يا مقداد. اه احدى سوءاتك اياه مقداد. عملت ايه؟ احدى سوءاتك دي معناها ايه احدى سوءاتك دي معناها ايه اما يقول له احدى سوءاتك يا مقداد انت اما كده واحد يقول لك كده احدى سوقاية على فكرة دي احدى سوءاتك انا عارفك اكيد انت عملت اللقطة ديت انت تستفيد ايه اول ما حد يقول كده بقى ان واضح جدا يا جماعة انه يفهم ان السياق ده ان ان المقداد كان شخصية مرحة وواضح ان الموضوع ده بيتكرر منه كتير ولزلك من المعاني المهمة جدا تحقق ولا تحقق بلاش التحقيقات الكتير فهو بس حقق بس حاول تفهم وايه اللي حصل لكن التحقيق الكتير ده يعني المهم يعني المهم خد العنوان مش لازم تقرأ كل صفحة يعني فقال احدى سوءاتك يا مقداد فقلت يا رسول الله كان من امري كزا وكزا وفعلت كزا شوفوا النبي صلى الله عليه وسلم يستمع للقصة ما يقاطعوش وهو قاعد يضحك ويهزر وتحس دي يا جماعة احنا بشر التوازن النبوي. من شوية كان بيصلي السنة. ومن شوية دخل قال السلام عليكم بصوت واضح. ودلوقتي كان بيشرب اللبن ودلوقتي قاعد بيضحك ويهزر ويسمع قصة كلها هزار ونقول له يعني احنا فاضيين يعني للقصص ديت طب ما بقول لك ايه ما تراجع كده معي اواخر هود دي ناس عايشة ان ده الدين لا النبي صلى الله عليه وسلم يسمعه ثم يقول له ما هذه الا رحمة من الله بقول له اللي حصل ده رحمة من الله. مشي يقول له ايه طيب اديك شفت الشيطان بيعمل ايه في الانسان؟ واديك خدت بالك اهو واللي بيتعدي على حقوق غيره واللي بيحصل ابنك بيقول لك يا ماما انا اتفرجت على حاجة او عملت كزا وبعدين انا وفقت مع نفسي مش عارف ايه مش لازم اول كلمة اه شفت بقى اللي بيكزب شفت اللي بيحصل له؟ شفت وكان ممكن يقع من الدور التاسع وممكن يركب الاسانسير والنور يقطع منه والاسانسير ينزل وده انه محبوس لمدة ستين سنة جوة وما نعرفش نطلعه. انت ترعبه ليه في طريق العودة طريق العودة ده لازم تقول له هذه رحمة. اللي حصل ده ده رحمة من الله سبحانه وتعالى. بتقول له اهي دي من بركة الله سبحانه وتعالى. اهي ده من بركة القرآن اللي في قلبك من بركة رحمة الله بك من ستر الله عليك من تسديد الله لك فقال له ما هذه الا رحمة من الله؟ افلا كنت ادمتني فتنوقز صاحبين فيصيبان منهما. طب ما كنت صحتهم بقى بالمرة طالما ايه انا افتكرت ان هم قلت والذي بعثك بالحق ما ابالي اذا اصبتها واصبتها معك من اصابها من المال. اهم حاجة انا وانت نشرب وخلاص. وواضح كده في رده ان هو كمان بيهزر يعني يعني بيقول له ايه؟ يا رسول الله مين يشرب؟ اهم حاجة انت وانا. احنا نشرب خلاص فالنبي صلى الله عليه وسلم يقبل منه هذا الامر ويتعامل معاه بهدوء لا يحقق صلى الله عليه وسلم بس شوفوا يا جماعة اسر الكلمة الطيبة عملت فيه ايه لما وقع في خطأ او تقصير احوج الناس يا جماعة محتاج للرفق حتى لو كان صحابي محتاج انك ترفق به وشوفوا النبي صلى الله عليه وسلم لا غضب ولا اي حاجة بل بالعكس قال له خلاص انت فهمت الدرس كويس فلا داعي لللوم ولا داعي لاستذكار الاخطاء ولا داعي ان ان نظل ان ايه نبتت فيهم يوم واتنين وتلاتة ونكتب على الجروب وشوفي يا تخيل يا خالته ولازم لعمته تعرف لأ عمته عمته لازم تحضر المجلس ده ده مين هيصدر الحكم؟ ده عمته دي العمدة هي لازم تتكلم في الموضوع فشوفوا سبحان الله ما هذه الا رحمة. كلمات لوحدها درس تحتاج انك تتكلم فيها سنة وتغافل شديد جدا. وآآ في عز الوقت ده مركز صلى الله عليه وسلم. ما زال يتفقد يقول له طيب ما كناش صحيناهم معنا لا ينسى الباقين صلى الله عليه وسلم فنسأل الله سبحانه وتعالى ان يرزقنا واياكم. فلو تصورنا ما مر بهم مقداد مع النفس. وشفنا كده الموضوع مشي ازاي؟ هنلاقيها تلات مراحل مرحلة حملته على الوقوع في الخطأ سم مرحلة تأنيب النفس واللوك ثم مرحلة اصلاح النفس والتهذيب مع وجود الدعم الحقيقي تتضاعف قوة المسلم نحو اصلاح زاته. لو لقى الدعم ممكن بقى يقبل على المرحلة التالتة دي بقوة لكن هو شايف في عينك انك ما زلت تعامله بالعاصي وشايف في تلميحاتك اه عاوزين بقى نقفل الموبايل الساعة حداشر بقى عشان ايه ما الواحد ما يسرحش هو شايف ان ما فيش دعم خالص شايف ان في تبكيت في ضرب ضرب فايه اللي بيحصل فالطبيعي الانسان بيبصف. يا جماعة انت حكم ولا مصلح؟ ايهما تفضل ان تكون؟ النبي صلى الله عليه وسلم في الموقف ده هو مصلح وليس حكما وده اللي لازم الامهات والاباء والشباب يفهموه كويس جدا. احنا يا جماعة مصلحين قبل ما نكون حكام اما واحد يستفتيك بقى ويستشيرك خليك تبقى حكم ماشي يا سيدي لكن انت دلوقتي انت مصلح فنسأل الله سبحانه وتعالى ان يسددنا واياكم ويوفقنا واياكم لما فيه خير ويفتح علي وعليكم. جزاكم الله خيرا. وانطلقوا الى مطابخكم مأجورين ان شاء الله ذهب المخطئون بالاجر كله فهنيئا لكم انكم تاخدوا الاجر يعني. جزاكم الله خيرا