قلبي مشاعر رحمة انما الرأفة دي ان انا لازم اقف في ضهرك. لازم اسندك لازم اتدخل. ففي حاجات كتير جدا البشر ما يقدروش يعملوا لبعض فيها حاجة. ما نقدرش نبقى رؤى بيننا غير انك انت لو عشت في ازمة كل واحد حواليك ده انت تتجنن. ده انت يجي لك انهيار عصبي. ده انت يجي لك اكتئاب ما لوش حل الا ان يشاء الله. لو عشت مع معاناة يسهل لك الجماع. الجماع يعني لو واحد يتزوج واحدة فيه ناس يا جماعة ما يعرفش يعني اللقاء الزوجي من غير ادوية ومن غير موضوع يسهل لك الجماع ربنا سبحانه وتعالى فبيقول انا جاي اتكلم عن ربنا. انا اصلا كده كده في دولة اوروبية كلها موبقات اصلا. وكلها زنا والعياذ بالله. بيقول قعدت اكلمهم هم الاتنين عن الاسلام. بيقول الراجل اسلم اسلم السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير كله واليك يرجع الامر كله. اللهم صل على عبدك ونبيك محمد صلى الله عليه وسلم. في الاولين والاخرين وفي كل وقت وحين. اما بعض اخواني واحبابي في الله هنتكلم النهاردة بازن الله هنبدأ في اسم من اعظم اسماء الله الحسنى. اسم كلنا محتاجينه يا جماعة. هنتكلم النهاردة عن اسم بيطمعك. بيطمعك في فرج ربنا حتى لو انت ما تستاهليش. بيطمعك في رحمة ربنا حتى لو انت ما تستاهلش ناس كتير قوي قل له ادع ربنا، يقول لك بس اصل انا ما استاهلش ، اصل انا وحش. اصل انا باعصي ربنا على طول. الاسم ده بيخليك تطمع في فرج ربنا. حتى لو انت ما تستاهلش بيخليكي تطمعي في كرم ربنا. وفتح ربنا ومدد ربنا حتى لو انت شايفة ان انت ما تستاهليش. اسم جميل قوي يا جماعة. الاسم النهاردة ده بيبشر كل مريض بالاكتئاب النفسي. الاكتئاب ده مش الضيق النفسي. انت ممكن تتضايقي شوية وواحدة صاحبتك تتصل بك ولا واحد صاحبك يفوت عليك ولا يجي لك ماتش كورة تفك. الاكتئاب يا جماعة ان ما فيش حاجة بتخلي الواحد يفك نسأل الله اليقين والعافية. وربنا يشفي جميع المبتلين يا رب. الابتلاء ده يا جماعة زي واحد ايده اتقطعت كده فواحد قبل كده ايده اتخدشت وراقت فبيقول له انت هتبقى كويس لأ. ايده اتقطعت دي عايزة قدرة بقى من ربنا كبيرة اوي عشان يرجع انسان تاني يتبسط بيعرف يفك بيعرف يفرح بيعرف يبقى عنده شهوة لحاجة بيعرف يبقى نفسه في اي حاجة. الاسم بتاع النهاردة بيبشر كل واحد مريض بالاكتئاب النفسي. كل واحد عنده قلق وتوتر او نوبات هلع او فزع او احساس نفسي رهيب كل واحد مر بلحظات سودا في حياته. اسم الله الرؤوف. اسم الله الرؤوف يا جماعة. اسم الواحد حاسس به اوي اليومين دول. اسم بيكلم كل واحد عايش في مشقة او في عنت او في الام او كل واحد عايش في معاناة الاسم ده بيكلم الطبقات الكادحة في الشعب. الطبقات المطحونة مهمشة. بيكلم الناس اللي عايشة تحت خط الفقر. اسم الله الرؤوف بيكلم الناس اللي عايزة تنتحر وعندها خواطر انتحارية. وعايشة في عزاب نفسي اليم اسمه والله الرؤوف بيكلم الناس اللي عندها اكتئاب واللي عندها توتر وفزع وهلع. اسم الله الرؤوف بيكلم الناس اللي بتعاني في حياتها واللي عندها مشاكل واللي بتمر بازمات سوداء في حياتها اسم الله الرؤوف بيبشر كل دول. اسم الله الرؤوف للي حاسس انه ما يستاهلش للمكسورين. للي على وشك انهيار عصبي خلاص من كتر الضغوط اللي عايش فيها. للمقهورين اسم الله الرؤوف. للانسان اللي الماضي بتاعه وحش اوي اوي اوي وعايز ارجع لربنا وبيفكر يا ترى هيقبلني ولا مش هيقبلني ؟ اسم الله الرؤوف لكل واحد بيحب ربنا عشانك يا رب. عايز يتقحم الاهوال. عايز الحاجات فوق طاقته وفوق احتمال جسمه. ولكن مش قادر ولكن مصمم انه يتقحم الاهوال. عشان ربنا اسم الله الرؤوف اسم جميل اوي اوي اوي اوي اسم ضد المعاناة. يا جماعة واحنا بنتكلم عن الرؤوف عايزين نتكلم ان مهما قلنا عن اسم الله الرؤوف. احنا مش هنقدر نوصف فوق رأفة الله زي ما عليه الصلاة والسلام قال لا احصي ثناء عليك. ما اقدرش يا رب. ما اقدرش اوصف رأفتك قد ايه. ولا رحمتك قد ايه؟ ولا قوتك قد ايه. ولا عظمتك قد ايه؟ ولا جلالك قد ايه ؟ ما اقدرش يا رب يا شباب. يا جماعة كم ملك الوقتي في السماوات مهول؟ وكم ملك في الملأ الاعلى ما نعرفش عنه حاجة. كم حدس مذهل ايه دلوقتي بيحصل في الكون والمجرات ما نعرفش عنه حاجة! يا جماعة كم مخلوق لله عظيم! في السماوات والارض ما نعرفش عنه حاجة كم صنف من اصناف النعيم اللي يفوق الخيال والتصور البشري ما نعرفش عنه حاجة. كم قصة من قصص لطف الله وفرج الله بتحصل الوقتي في الارض. وفي السماوات السبعة وفي الكون ما نعرفش عنها حاجة. يا جماعة رأفة ربنا فوق اي تخيل وعظمة ربنا فوق اي تخيل. عشان كده مجرد معرفتك لله بتحل مشاكل حياتك وانت مكانك. مجرد معرفتك لله. ما تفكريش انت بتطلبي ايه. فكري انت بتطلبي من مين ؟ ساعتها هتطلبي اي حاجة. ما تفكرش انت بتستغفر من كبير قد ايه ؟ فكر انت بتستغفر للي رحمته واسعة قد ايه. ما تبصيش لزروفك وانت واقفة على بابه. بصي لقدرته. سبحانه وتعالى يا جماعة بيسموها اعظم ام مضحية في العالم. انثى الاخطبوط. انثى الاخطبوط بتفقس خمسين الف بيضة. وبتفضل واقفة ست شهور ما بتاكلش ما بتسعاش على رزقها ليه؟ خايفة ان يتاكلوا لو هي راحت في اي مكان. بتفضل ست شهور ما تاكلش جعانة لاخر نفس في حياتها اول ما البيض بتاعها بيفقس هي بتموت من الجوع لاخر نفس في حياتها. ده ده ايه؟ ده ده رأفة مخلوق. رأفة ام بولادها. امال رأفة الخالق امال رأفة اللي خلق الرأفة. امال رأفت ده الام تبص لابنها ابنها الدموع نزلت من عين الام قلبها يتشرخ مهما كان ابنها غلطان سامحه وتعفو عنه دي رأفة مخلوق. اللي حط الرأفة في قلبها بك هو ربنا الرؤوف. امال رأفة الخالق الناس كلها مبهورة دلوقتي ودكتور محمد مشال الله يرحمه بعد حوالي خمسة وسبعين سنة قضى منهم خمسين سنة بيعالج الفقراء لما شاف واحد طفل ينتحر لان امه ما عهاش تمن حقنة الانسولين. فبيوفر تمن العيش والطعمية والعشاء لاخواته. فولع في نفسه دكتور محمد مشال وهو لسه متخرج من الكلية خده في حضنه بيحاول ينقذه والولد مات محروق في حضنه. بيقول انا اتحطمت نفسيا وقررت ان انا انزل حياتي للفقراء. رأفة قال خلاص انا مع اعود هعيش حياتي كلها ارأف بالفقراء. اسأل الله ان يتقبل منه الخمسين سنة. بما فيهم ويعفو عن سيئاته يا رب. قال انا هعيش حياتي للفقراء. دي رأفة مخلوق يا جماعة امال اللي حط الرأفة في قلب محمد مشالي. امال اللي حط الرأفة في قلب كل دكاترة الغلابة. امال اللي حط الرأفة في قلب كل اللي عمله وجمعيات خيرية في الارض. كل اللي بيجروا وبيطلعوا قوافل خيرية في حلايب وشلاتين والمخيمات بتاعة اللاجئين في العالم. امال اللي الرأفة في قلب الشباب اللي بيجروا عشان حقن العلاج الكيماوي للاطفال اللي بيموتوا بالسرطان. اللي تمنها بيعدي الميت الف جنيه وبيلفوا الدنيا عشان يلموها اومال اللي حط الرأفة في قلب الشباب اللي بيستكشفوا الاسر الفقيرة ويوصلوا لها في الصيف والشتا والبرد والتلج امال اللي حط الرأفة في قلب كل كل اللي بيعملوا الاعمال الخيرية الله الرؤوف سبحانه وتعالى. يعني ايه ربنا الرؤوف؟ يعني ايه ربنا الرؤوف سبحانه وتعالى؟ عايزين نعيش النهاردة مع الاسم ده النهاردة هنتعلم النهاردة وبازن الله وفي السلسلة بتاعة اسم الله الرؤوف. لاني مش هقدر اتكلم في مرة واحدة. ده انا النهاردة هاكلمكم عن معنى اسمه الله الروفس. بازن الله بس ويا رب نقدر نتكلم عنه. النهاردة هنتكلم عن المعنى بس. انما لسة بقى ايه ايه هو مدى رأفة ربنا في الكون وازاي ان ربنا رؤوف في حياتنا مرة تانية ان شاء الله. ايه الفرق بين الرأفة والرحمة والرؤوف والرحيم؟ ده دي حاجة تالتة بازن الله. نعمل ايه وننال رأفة الله ازاي؟ وندعو الله باسمه اللي نرعوه فيه ازاي دي وقفة رابعة بازن الله. انا النهارده عايز اقف بس مع يعني ايه الرؤوف يا جماعة؟ فتش عن الرؤوف في حياتك. فتش عن الرؤوف في كل نجاح في حياتك انت بقى دلوقتي كلية اللي انت خدتها فاكر مادة مادة؟ نص المواد انت كان المفروض تسقط فيها صح ولا لأ ؟ نص اللجان الشفوي اللي انت دخلتيها نص لجان اللي انت دخلتها في الكلية العملية بتاعتك انت كنت المفروض تصطي فيها. كتير اوي من الامتحانات العملية اللي انت دخلتها كنا واقفين قدام باب اللجنة فاكر وكنا بنقول احنا ساقطين ساقطين لو دخلنا الوقتي التساهيل عليك يا رب. مين اللي سهلها لك؟ لو كان ربنا عاملك بالاسباب في الشهادة اللي انت خدتها. وفي الجواز وانت لو كان ربنا عاملك بامكانياتك واسبابك. لو كان ربنا عاملك في كل نجاح في حياتك بامكانياتك واسبابك. وما ادكش تساهيل من عنده. وما جابهاش من عند وجمال يعني ايه الرؤوف يعني هاتها من عندك جمايل يا رب. يعني ايه الرؤوف؟ يعني التساهيل من عندك يا رب. يعني ما تعاملنيش بامكانياتي يا رب ارحم ضعفي ارأف بضعفي. ارأف بنقصي يا رب قدر زروفي يا رب ربنا سبحانه وتعالى والله يقدر الليل والنهار. يعني ايه الرؤوف يا جماعة؟ يعني تخيل انت كده فتش عن الرؤوف في كل نجاح نجحت به النجاح ده له رأفة ربنا ما كنتش نجحت به. رسالتي الماجستير ولا الدكتوراه لولا ربنا قيد لك اللي يساعدك فيها. كنت مشيت بالطريقة ديت. فكر في كل كل حاجة فكر في كل زرف في حياتك لولا ربنا اداك حاجات يسرت وسهلت لولا التسهيلات الربانية ما كنتش قدرت. فتشي عن الودود في كل لحزة في حياتك. فتشي عن الودود لما جا لك اكتئاب ووقفتي تصرخي له. ونقصك منه. فتش عن الودود. لما الدنيا كلها اسودت في وشك وخلاص وانتهيت وكدت انك انت تنهار وترفع الراية البيضا في الحياة وتسقط صريع الاكتئاب النفسي. فاكر ربنا عمل معك ايه فاكر عشان كده اسم الله الرؤوف بيخليك ترضى عن الله. ليه؟ لانه ياما نفس عنك ياما كنت خلاص انتهيت ثم بعثناكم من بعد موتكم ياما مت اكلينيكيا. ياما قيمتك في حياة الناس انطفت. ياما خلاص كنت ضعت وانتهيت. ياما كنت تاجر امتى اتحطمت في السوق والديون تراكمت عليك. ياما كنت واحدة خلاص انتهيت واتطلقت ومستقبلك ضاع. ياما كان ياما عديت بقى زمان الرؤوف ما سابكش. الرؤوف انقزك. الرؤوف رأف بحالك وقومك على رجليك تاني. سبحانه وتعالى. الرؤوف فتش عن الرؤوف. عشان كده اسم الله اسم بيتضمن معنى الحب. اصل انا هارأف باللي قدامي ليه ؟ لو انا ما باحبوش لازم يبقى في قلبي عواطف. عشان احس باللي قدامي. عشان اقدر ضعف اللي قدامي بيبي عشان احس بمعاناة اللي قدامي ولله المثل الاعلى. احنا لما بنتكلم على الالفاظ البشرية مش لازم يبقى نفس اللفظ انا قصدي فيه في التعامل مع الله. انما انت انا باقرب لك يعني ايه الرؤوف؟ الرؤوف بيقول لك ربنا بيحبك قد ايه ؟ حب الله للعبد قد ايه ؟ عشان يبقى قلبك جامد في الحياة. انت لك رب رؤوف لك رب رؤوف امك لما بتلاقيك في ازمة بتصعب عليها. يا ابني والله على عيني ان انا اشوفك في الازمة دي. يبقى قلبها هيتفطر عليك بس هي مش قادرة تعمل حاجة. عشان كده ربنا قال رحماء بينهم. ما قالش رؤفاء بينهم. اصل الرحمة انا ممكن ارحمك. انا انا انا ممكن يبقى اخوك واختك وصاحبك وصاحبتك ووالدك ووالدتك وجيرانك ده انت لو عشت مع معاناة الناس كلها وهم الناس وهم الفقرا وهم التلاتة الخيار اللي في العالم تحت خط الفقر وهم اللاجئين. وهم وهم ده انت تموت فيها. ما تقدرش تستحمل نفسيا وعصبيا. عشان كده الرؤوف بالالف واللام هو اللي يقدر يرقص بالبشر هو اللي يقدر يقدر زروفك وضعفك وحالك. هو اللي عالم بك الوقتي. هو اللي مش هيسيبك اسم الله الرؤوف. به الشرك بيبشرك. اسم الله الرؤوف بيبشرك يا كل واحد مكتئب مهموم مغموم. ياكل واحد بيعدي بلحزة سودا في حياته. ياه اصل الرأفة يا شباب ضد القسوة الرأفة ضد الحسم. الرأفة ضد ان ان انسان يقسو عليك. الرأفة دي احيانا احيانا انت لا تحتمل في حياتك غير الرأفة احيانا احيانا انت بيعدي عليك لحزات في حياتك مش قادرة هتنهاري جاي واحد يعاتبك والله ما قادرة استحمل منك كلمة. انا بنهار. انا ما استحملش الوقت غير الطبطبة. انا عايزة حضن انا عايز حد ياخدني في حضنه. انا عايز حد يطبطب علي. انا عايزة حد يستوعبني. انا عايزة حد يحتويني مرة بكلم واحد. في مشكلة بينه وبين واحد في المسجد والله العزيم هاقع من طولي. هنهار لو كلمتونا اكتر من كده. خلاص حسيت انه وصل خلاص. بينه وبين القاع لحزة سبناه رأفة به الله يرحمه هو ده اسم الله الرؤوف هتحتاجه في اللحزة دي. عارفين لما اب يدي لابنه دواء والواد يموت بسبب الدواء والاب واقف هيموت على ابنه والناس واقفة حواليه انت اللي موته انت اللي ضيعته. انت السبب في اللي حصل. انا والله ما قادر. انا ممكن اكون انا السبب في مشاكلي. انا ممكن اكون انا اللي جبت لنفسي بايديا المصايب اللي انا فيها. بس انا والله ما قادر استحمل يا رب. انا والله يا رب محتاج انك انت انا محتاج اغاثتك يا رب. انا محتاج تغيثني. انا محتاج الشفقة محتاج العطف محتاج الرأفة محتاج المواساة. محتاج حد يقف جنبي ويسندني. محتاج حد ينقزني من ان انا اقع وانهار وكل حاجة تسود في حياتي. انا محتاج الطبطبة والحضن دي لحزة اما تكتشف اسم الله الرؤوف في حياتك. اما تشفي معنى اسم الله الرؤوف ويعني ايه رأفة الله. سبحانه وتعالى. يعني ايه رأفة ربنا سبحانه وتعالى؟ تعالوا ندخل في معنى اسم الله الرؤوف. لان المعاني كتير اوي المعنى الاولاني لاسم الله الرؤوف. تعالوا يا جماعة نتكلم في معاني كتير اول معنى العطوف. العطوف بس اول ما اتكلم عن معنى العطوف هتكلم عن معنى يعني كنت هأجله. بس نفسي اتكلم في الوقت اصل احنا كلنا محتاجين اوي في الزمن اللي انتشرت فيه المعاصي ده ازاي نرأف بالناس؟ ازاي نرأف ازاي لنا رب رؤوف بنا؟ المعنى الاولاني يا جماعة اللي هبدأ به اللي بيحميك من السكك السوداء. اللي بيحميك من المعاصي اللي ربنا يعلم هي هتعمل وبال في حياتك قد ايه. اللي بيحميك عشان كده ربنا كلمك عن النار كتير اوي في القرآن ليه ؟ كلمك عن يوم القيامة كتير ليه ؟ كلمك عن القبر كتير ليه ؟ ده ده رحمة. ويحذركم الله نفسه. ليه ؟ والله قهار جبار والله رؤوف. والله رؤوف بالعباد من رأفته بيحذرك عشان ما تعانيش عشان ما تدخلش السكك السوداء برجليك بيحزرك من المعصية. اسألي كل واحدة وقعت في الفاحشة. اسألي كل واحدة عملت علاقة محرمة مع واحد اسأليها سكتها بقت سودا قد ايه ؟ حياتها اسودت قد ايه ؟ دنيتها ضاعت قد ايه ؟ اسألي اسألي كل واحدة قبلت انها تصور مقطع والعياذ بالله اباحي ولا حاجة. نص ساعة بالوف مؤلفة اسأليها حياتها اتدمرت قد ايه. اسأليها حياتها اتحطمت قد ايه اسأل. اسأل اسأل كل واحد شرب مخدرات واسأله في الاخر بيته خرب قد ايه وحياته اتحطمت قد ايه وخسر كل حاجة في حياته قد ايه. اسأل كل واحد كل اسألوا اسألوا بركة الدنيا وبركة العمر اتمحقت من حياته قد ايه. اسألوا كل واحد مشي في سكة غلط عشان تعرفوا ليه ربنا لما قال ويحذركم الله قال والله رؤوف. رأفة ربنا دي كلمة اب يا جماعة. ده كلمة اب وربنا ارأف بنا من ابائنا. ده كلمة اب يا جماعة اما يقول لابنه يا ابني انا مش عايزك تعاني في الدنيا دي. يا ابني انا مش عايزك تتعب زي ما انا تعبت. يا ابني انا مش عايزك تتبهدل في الحياة. يا ابني اسمع كلامي. يا ابني زاكر. يا ابني اعمل كزا. يا ابني اشتغل. يا ابني شف مصلحتك. يا ابني ما تصاحبش فلان اللي هيضيعك. يا ابني ما لكش دعوة بكزا يا ابني انا مش عايزك تتعب في الدنيا دي كلمة اب يا جماعة. الرؤوف ده الرؤوف ده ما فيش حد في الدنيا كلها يقدر يرأف بك زي ربنا. ولله المثل الاعلى ربنا بيقول كلكم كلكم ضال. طب الحل ايه يا رب؟ استهدوني. بس كده يا رب اهدينا بس كده. كلكم جائع. طب الحل يا رب استطعموني. بس كده بس كده. كلكم عار. طب الحل ايه يا رب؟ استكسوني. يا رب اكسونا واطعمنا واهدينا بس كده بس كده. استهدوني استطعموه نستكسوني. استشفوني استدفعوا الضر بي. بس. ارفع ايدك تاكل سلبا الله الرؤوف مش هيسيبك. مش هيسيبك وانت عاري. مش هيسيبك وانت جعان. مش هيسيبك وانت تايه. مش هيسيبك وانت متعزب. مش هيسيبك وانت مظلوم رؤوف عشان اللحزات السوداء في حياتك ده ايه ؟ تعرف ان لك رب لا يمكن هيسيبك. ربنا الرؤوف بيطمنك ان لا يمكن اتخلى عنك لا يمكن هيسيبك تتعزب. لا يمكن هيسيبك تتبهدل لا يمكن هيسيبك تعاني. بس رح اقف على بابه. وازا سألك عبادي عني فاني قريب. ده ربنا بقى يعني كل معاملته للعبد انما الاية التانية. امن يجيب المضطر المضطر هنا الرؤوف بقى. اللي هو خلاص يا رب انا في لحزة سودة في حياتي. يا رب. يا رب ما تسبنيش. ما تسبنيش. امن يجيب المضطر بس خدي بالك اذا دعان اذا دعى كم واحد فقير كم واحد طبقة كادحة لو قام الوقت اتوضأ وصلى ركعتين هيتغير في حياته حاجات كتير. كم واحد مريض لو قام الوقت بكى له دموعه. امي الناس بك لو شافت دموعك ما بتسيبكيش وري له دموعك. وري له دموعك. عيطي له عيطي عيطي. حسي بمشكلتك وانت ساجدة بين ايدين لحد ما تعيطي. عيط لما ربنا يشوف دموعك. ربنا الرؤوف مش هيسيبك. سبحانه وتعالى. يبقى المعنى الاولاني انا ابوي بس ربنا اعظم كمان رأفة من الاب اللي ما بيسيبكش تدخل نفسك في سكك المعصية فيحذرك ويوجهك وممكن يمنع عنك المعاصي وما يسيبكش تدخل في السكك الضلمة والسكك السوداء. المعنى التاني العطوف العاطفة هو ينفع اقول ربنا عطوف؟ اه ينفع اقول ربنا عطوف لان باب الاخبار اوسع من باب الاسماء والصفات. فده مش اسم لربنا. ربنا مش اسمه العطوف. ولكن ده خبر. يعني مجاهد الامام مجاهد بيقول وحنانا من لدنا قال وتعطفا من الله علي. يعني ممكن اوصف ربنا بالعطف اطوف سبحانه وتعالى. يعني ايه العطوف يا جماعة يعني ايه يعني ايه الرؤوف عطوف عارفين قصة ابراهيم ابن ادهم لما راح يحج مراته فقيرة معدمة اولاده معدمين وهو الشوق هرم قلبه. طلع يحج مش قادر. طلع يحج. اولاده جعانين. فمعدي واحد من الامراء. فشاف بيت فقير فقر رهيب وحالة فبص كده فصابوا عليه الرأفة واتحركت في قلبه قال لهم بيت مين ده ؟ قالوا له ابراهيم ابن ادهم. ابراهيم ابن ادهم يعني مسلا مش الشيخ الشعراوي بقى الوقتي كمان اكبر كمان. يعني الله يرحم الشيخ الشعراوي ومشايخنا جميعا. ابراهيم ابن ادم قام ماسك صرة دنانير مليانة دهب في دهب. وقام راميها. الناس كلها بكت من الفرحة والبنت بنته قالت هزه نزرة نزرها لنا عبد. نزرة رأفة. نزرة رأفة من عبد خلتنا اغنيا في لحزة. فكيف لو نظر لنا الله امال نظرة رأفة من الخالق. ازا كان دي نزرة رأفة من المخلوق. اومال نزرة رأفة من الخالق؟ ساعات نروح في استكشافات لاسر فقيرة تلاقي واحد ومحتاج دواء بسبع تمن تلاف جنيه وعنده ازمات وعنده مشاكل وعنده قضايا. تلاقي كل الفريق اللي رايح يستكشف جري يسعى في حاجة ويبهدلوا نفسهم وطلعت دي رأفة مخلوق. مرة واحد والله فقير ما انساهوش الله يرحمه مات. بكى في الاخر. انتم بتعملوا معه كده ليه؟ انتم بتعملوا معه كده ليه؟ يقول لي يحميه لانه مدة من المرض ما استحماش واللي اشترى له مروحة واللي جاب له اكل واللي جاب له دواء واللي اتصل له وعمل له اتصالات عشان حاجات مهمة في حياته هو راجل مشلول قاعد اصلا قاعد وفقير ومرمي وما لوش حد في الدنيا. سبحان الله العظيم. الراجل بكى. انتم دي رأفة مخلوق ومال رأفة الخالق. امال رأفة رأفة مخلوق زي علي ابن ابي طالب رضي الله عنه وارضاه. بيقول لو كان الفقر رجلا لقاتلت المقاتلة دي يعني حياة او موت. يعني اقتله او يقتلني. يعني انا مستعد اموت عشان الفقراء ما يعنوش انا مستعد اتقتل بس المرضى والمساكين ما يعانوش. ده درق! ده دي رأفة مخلوق. امال رأفة الخالق سبحانه وتعالى. قادم للقضاة. ربنا ادى له رأفة من ايام دي حقيقة في مصر القاضي ده. ربنا يرأف به زي ما رأف بهزه المرأة. فدخلت واحدة ستها تتحبس في سبع تلاف جنيه. شيك بسبع تلاف جنيه. فقال لها يا ستي انت ليه خدتي السبع تلاف جنيه؟ قالت له والله دول الف جنيه بس بس هو الراجل اللي ماضي سبعة سبع تلاف علي وانا اصلا دافعة منهم جزء انا كنت بادفع له ستين جنيه في الشهر وانا ما عدش معي فما قدرتش ادفع له. فالقاضي قال يا ستي طب ابشري. ربنا يحلها لك. الراجل استشعر فيها الصدق. فبيسأل المحامية الراجل ما فيش مش راضية ترد قام القاضي قام مطلع خمسميت جنيه من جيبه وقال دول بداية السبع تلاف جنيه للست. حد يساعدنا يا جماعة دول اللي في جيبي الوقتي. ما اتكسفش انه يعمل كده. سبحان والله ربنا يرأف به. الناس لما اتلموا لها تمنتلاف جنيه. المحامية اتصلت بصاحب الفلوس قال لها انا ما عاد ليش حقي الا غير خمسمية جنيه. خدي خمسميت جنيه يا ستي اهو يا محامية سبع تلاف وخمسمية القاضي اداهم للست الفقيرة قال لها يا ستي يا غلبانة الخمس قال للناس الخمسمية اللي اللي الراجل خدهم لعلوهم الخمسمية انا اللي طلعتهم من جيبي. عايزين فلوسكم ولا نديها للست ادوا الفلوس للست خرجت بسبعتلاف وخمسمية جنيه. دي الرأفة يا جماعة. دي رأفة مخلوق. امال رأفة الخالق جميل قوي لما يبقى القاضي رؤوف ودكتور الغلابة رؤوف والداعي الى الله رؤوف والحاكم رؤوف هتبقى الدنيا جنة. صفة الرأفة دي بتخلي الدنيا يا جنة لما بتيجي رأفة الله سبحانه وتعالى. يبقى المعنى التاني التعطف. ان ربنا عطوف سبحانه وتعالى. ان ربنا بيتعطف علينا. ان ربنا هيعطف عليك مش هيسيبك. مش هيسيبك شوفوا نزرات العطف بتاعة الغني العطوف. بيعمل ايه لما نظرة العطف من ربنا نظرة الرأفة من ربنا. المعنى التالت من معاني اسم الله الرؤوف. معنى جبار فيه ناس بتنجح في في الدراسة وناس بتسقط. فيه ناس من اللي بتسقط بقى يقوموا منجحينهم. ليه؟ يقول لك درجات الرأفة. يعني ايه درجات رأفة؟ يعني هو ساقط. خدي بالك بقى المعنى ده جبار. يعني هو ساقط بس رأفة به ادوا له درجات رأفة ونجح. خدتوا بالكم يعني ايه رأفة؟ يقول لك احنا ممكن حصل له ظروف وهو جاي ممكن ما كانش نام كويس ممكن في خمس ست درجات فرق اديهم له وايه وطلعوه رأفة. يبقى الرأفة ان واحد يستاهل انه يسقط ولكن وقفة بينجحناه. اهو ده المعنى الجبار بقى. تيجي تقول لواحد ادعي ربنا وقل يا رب يقول لك انا ما استاهلش. هو مش بيديك لانك تستاهل. هو بيديك لانه الرؤوف. بيديك لانه كريم يبقى اسم الله الرؤوف هيطمعك في فرج الله. حتى لو ما استاهلش. حتى لو ما تستاهلش. اسم الله الرؤوف هيطمعك في اجابة دعائك حتى لو ما تستاهليش اسم الله الرؤوف هيخليك تجري على ربنا في كل لحزة سودة في حياتك. في كل لحزة الم في كل لحزة الم نفسي في كل لحزة اكتئاب. في كل في لحزة دين خلاص مش عارف تسده ازاي. في كل لحزة اضطرار في كل لحزة زنقة امتحان. اسم الله الرؤوف هيخليك تجري على ربنا في كل لحزة لحظة ازمة وانت موقن انه مش هيسيبك ليه؟ ده انا ما استاهلش اصل هو الرؤوف. معنى خطير يا جماعة المعنى ده غير لي حياتي في الدعاء. لان خلاص انا ما عادش رفعة ايدي مرتبطة بحال عبادتي. صحيح العبادة بتزود اجابة الدعاء طبعا. وعلى قد ما بتعامل ربنا معاملة حلوة على قد ما بيعاملك احسن معاملة سبحانه وتعالى. ولكن طب افرض انا وحش. واحتاجتك يا رب. اقف على بابك ولا لأ ؟ تعال. الرؤوف بيقول لك تعال مهما كنت عامل. مهما كنت يعني سودت الدنيا واحد من اخواني راح يدعو الى الله في دولة اوروبية مع اخوة التبليغ والدعوة ربنا يحفزهم ويبارك فيهم. فواحد جه قال له انا مراتي مقطعاني ومتمردة علي تعال قل لها كلمتين. بيقول صاحبي ده حبيبي ده هو استاز في الجامعة بيقول راح يقول لمراته كلمتين لقى مراته مع راجل في فراش الزوجية بتزني شوفوا الرؤوف الراجل بيزني وربنا بيرحمه من جهنم شوفوا يا جماعة الراجل بيخون زوج مع زوجته. وربنا بيرتب له النجاة من الخلود في جهنم بيقول الراجل اسلم وراح معه المسجد بقى فصاحب البيت بيجري ورا صاحبي ده بيقول له طب ومراتي هو يا عيني شكله يعني الغيرة عنده فيها اشكالية شوية. قال له طب ومراته قال له ما دام الشيطان اللي في حياتها مشي مراتك هتستقيم لك بازن الله. سبحانه وتعالى. الرؤوف اتوقع الخير من الرؤوف في كل مشكلة. توقعي الخير من الرؤوف في كل ازمة. توقع الخير من الرواف. اجري عليه بقى قل يا رؤوف. يا رؤوف انا ما استاهلش بس انت رؤوف. يا رؤوف يا رب يا رؤوف ارأف بي. انا عندي امتحانات ومش قادر انا انا مديون يا رب وخلاص اتفضح. انا يا رب في مشكلة انا يا رب مريض. انا يا رب عندي عندي الام نفسية رهيبة. انا يا رب باعاني المشكلة عندي انا يا رب خلاص انا مش قادر استحمل ان انا مراتي انا وهي هنطلق. يا رؤوف انا مش قادرة استحمل ان عيالي يتشردوا. يا رؤوف هو ده رؤوف بقى. هو ده الرؤوف يبقى ده المعنى التالت. المعنى الرابع انا الرابع ده يا جماعة عارفين لما تيجي ايام الامتحانات ويقوم الدكتور بتاع المادة يشيل تلات اربع ابواب عن الطلبة يخفف المنهج عنهم. اهو ده رأفة بقى. يعني ايه الرؤوف بقى هنا؟ شوفوا بقى المعاني المنهمرة دي. اولا اللي يقدر زروفك. ده الرؤوف. اللي ما هو يعني ايه رأفة؟ رأفة يعني انا زروفك. يعني انا حاسس بضعفك. حاسس باللي انت فيه. حاسس. يعني قدر زروفك. يعني انت ايام ما كنت طالبة في الجامعة كنت بتختمي المصحف في كل اسبوع وكنت دلوقتي معك اربع عيال شالينك وطلبات جوزك شلاك وقفة منهارة من البكاء وانت بتطبخي يا رب عايزة اعبدك ما قدرش مالك الركعتين اللي بتصليهم الوقتي دول بميت ركعة من بتوع زمان. سنك كبر وانت شاب كنت مكسر الدنيا في الدعوة وكنت مقطع الدنيا في العبادة ما عدتش قادر تعمل اللي انت كنت بتعمله. كبرت او مرضت. الرؤوف مقدر زروفك. والركعتين منك دلوقتي بالف ركعة من زمان. اتشغلت وانت في عنق الزجاجة الوقت بتجهز عشان تتجوز ما حدش عندك وقت تحضر دروس كتير زي زمان. يا دوبك بتسمع درس في الاسبوع ولا حاجة. يدوبك حاجات يدوبك بتصلي نص ساعة قيام ليل الرؤوف مقدر زروفك. الرؤوف مقدر. انت انت عندك عندك انشغالات جت في حياتك. بتاخد دواء والدواء مهبطك وهدك. وما انتاش قادر عندك انزلاق غضروفي وبيدوك ادوية بسيطة للعضلات بتنيمك خمستاشر ساعة في اليوم ومش قادر ومقهور على العبادات اللي بتفوتك. الرؤوف مقدر زروفك. الرؤوف اللي بيقدر زروفك ده الرؤوف. عشان كده يا جماعة لو كان مراد ربنا منك ان كمية العبادة وربنا خلقك ليه؟ عمرك ما هتعبد ربنا زي ما الملايكة عبدته. امال مراد ربنا منك ايه اومال ايه مراد ربنا؟ مراد ربنا انك تعبده رغم زروفك. ساعتها عبادتك تبقى اغلى عند ربنا من عبادة الملايكة. لان الملايكة لو وراه جواز ولا وراه عيال ولا تجري على على دفع فواتير وايجار شقة ولا بتمرض ولا بتتعب ولا بتهبط ولا بتدوخ ولا بتحتاج تاكل ولا عندها شهوة الجسدية ولا الملايكة ما عندهاش انت كل ده عندك. وسط الزروف ده كلها بقى الرؤوف بيقدر. عشان كده الحمد لله تملأ الميزان. ليه؟ لانه رؤوف مقدر الكلمة منك سبحانه وتعالى. الرؤوف اللي مقدر زروفك. الرؤوف اللي بيقدر نفسيتك بيقدر انك عايز تفهم عشان كده القرآن بدأ بالرؤوف. الحمد لله. يعني قولوا الحمد لله. الحمد لله. الحمد لله ليه كده؟ قل الحمد لله كده وخلاص مش ربنا قال لك قل الحمد لله لأ ربنا ما عملش كده الحمد لله ليه ؟ عشان هو رب العالمين عشان هو الرحمن عشان هو الرحيم. عشان هو ما لك يوم الدين. شوفوا ربنا بيقول لك قال لك قل الحمد لله وبيقول لك الحمد لله. تقولها ليه؟ يعني يعني ربنا مقدر انك انت انسان محتاج تفهم. محتاج تستوعب. محتاج تحس محتاج تعيش. الرؤوف رأفة بك سبحانه وتعالى. الرؤوف اللي يقدر ضعفك. ودي قصة خطيرة جدا جدا جدا. يعني ايه اللي يقدر ضعفك؟ حتى الشريعة كلها كده كانوا خمسين صلاة خليهم لك خمسة آآ وانت مسافر وانت مريض بقى فيه رخص. يبقى الرخص دي ضمن اسم الله الرؤوف. اللي مقدر سهل عليك الشريعة. يبقى ده الرؤوف سبحانه وتعالى. اومال حدود للرحيم بقى. هنتكلم فيها لما نيجي نشوف الفرق بين الرؤوف والرحيم. يعني ابني وقع آآ امبارح فالولد بيعيط وبيسرخ ها امه عملت ايه وانا عملت ايه ؟ الام هنا في الموقف ده تجري ضنايا ابني حبيبي. ما لك؟ الاب يقوم واقف كده ومبتسم. ايه يا عم ما استاز شاطر الاب قلبه بيتفرم زيه زي الام بالزبط وممكن اكتر منها. ولكن الام مش قادرة رأفة. الاب بيتعامل بالرحمة بقى. لأ انا عايز ابني يبقى راجل. انا عايز ابني اقدمه للحياة للحياة. فلازم اؤهله ان فيه الف واقعة ممكن يوقعها في مستقبله هيعمل ايه ؟ وهيتعامل ازاي ؟ فده الفرق بين الرأفة والرحمة هنتكلم فيهم بازن الله سبحانه وتعالى بعد كده. انما احنا لا نزال في معاني اسم الله. الرؤوف اللي يقدر ضعفك. يعني ايه اللي يقدر ضعفك؟ يعني فيه شهوة، فيه حرام. اداك الف بديل حلال لكل حاجة حرام. الله! لانهم الخمرة حلوة فيه مليون عصير. فيه لحم الخنزير فيه مليون نوع لحمة مشوية كل حاجة. اللي برضو اللي اداك الف طريق للتوبة والمغفرة والرحمة. ما انا وقعت في زنب اتبع السيئة الحسنة تمحها. بس كده بس كده. طب يا ربنا بقى لي سنين يا رب اعمل ايه ؟ ليلة النصف من شعبان. ليلة اخطر ليلة في حياتك. كل حاجة تروح بس ربنا يغفر لك سبحانه وتعالى. اداك الف طريق للفردوس الاعلى. الفردوس الاعلى ازا سألتم الله فاسألوه الفردوس الاعلى. بكلمة يا رب اداك الف طريق لرضاه. لدرجة ان السواك مرضاه للرب. حتة خشبة تحطها في بقك ترضيه عشان يتناسب الدين مع طاقات البشر كلهم. عشان ما فيش انسان يقول لك مش عارف ارضيه عشان ربنا يرأف بجميع العباد. فالقوي يعرف يصوم والغني يعرف يتصدق والشجاع يعرف يجاهد. والضعيف المريض الغلبان يزكره. كل واحد يبقى عنده الطريق لربنا سبحانه وتعالى. عشان كده لنهدينهم سبلنا سبيلنا. الدسوبال كتير كتير اوي اوي اوي. عشان كل واحد يلاقي نفسه مع ربنا سبحانه وتعالى. اداك الف طريق لانك تحصن الصالحين مين اللي قعده قبلك الف سنة؟ يجاهدوا ويعبدوا ربنا زي ليلة القدر ومواسم العبادة رمضان وعشر زي الحجة وعاشورا ليه ؟ عشان ربنا يرفعك اسمها الرأفة يا جماعة. الرأفة انه يعلم ضعفك. فاداك طرق كتير اوي تتناسب معك. وخفف عنك الدين والرخص وعشان كده لولا اسم الله الرؤوف كتب الحياة بقت لا تطاق. لو كان ربنا عاملك بالحق والمستحق. لو كان كل زنب من زنوبك عقوبته نزلت والرؤوف ما حجبش العقوبة عنك. كانت حياتك اتدمرت لو كان ربنا تمن طلب منك تمن كل نجاح من نجاحات حياتك من الاسباب والامكانيات. لولا الرؤوف كانت الدنيا بقت معاناة في معاناة. لولا كان القبر بقى كله مشقة. كان يوم القيامة بقى كله مشقة لان زي ما هنتكلم ان شاء الله المرة الجاية الرؤوف يوم القيامة. الرؤوف في القبر. الرؤوف عند الموت. الرؤوف مع المزنبين اقف مع التائبين الرؤوف مع الصالحين. الرؤوف في حياة البشر كلهم ايه! الرؤوف عمل ايه؟ لكل الدنيا بجميع انواعها والله رؤوف بالعباد دي اية وان الله بالناس لرؤوف. يعني ربنا مش رؤوف بالصالحين بس. ورؤوف بالدنيا كلها والناس كلها مرتين في القرآن. ربنا رؤوف بالناس سبحانه وتعالى. عشان كده لو كان ربنا طلب منك تمن كل حاجة نفسك فيها بجد من غير درجات الرأفة. من غير ما يرأف بك من غير تسهيل ربنا من غير هاتها من عندك جمايل يا رب. كانت الحياة بقت معاناة ومعاناة. وعزاب في عزاب. وكان كل نعمة عشان تاخدها كنت هتدفع تمن غالي جدا جدا جدا. يبقى دي الوقفة آآ التالتة والرابعة والخامسة مع اسم الرؤوف. آآ ايه كمان معنى الرؤوف؟ الرؤوف اللي يقدر لحزة فشلك. حتى لحزة الفشل. يعني طالب في السانوية العامة وما جابش مجموع النهاردة الرؤوف مش هيسيبه. بس رح له واحنا قلنا من يجيب المضطر بس ايه ازا دعان. ازا دعاه. ما هو مش بيسيبك. الرؤوف من معاني الرؤوف يا جماعة اه كل الحكام يقول لك انا عايز ارفع المعاناة عن الشعب. لأ هو ربنا اللي يرفع المعاناة عنك. في الاخر ما بيرفعوش حاجة. الرؤوف اللي مش هيسيبك تعايش عشان كده واحد فقير. فقير طب ربنا ساب الفقراء ليه ؟ يا ابني ما هو الفقير اللي ساب ربنا؟ ما الفقير يقف على باب ربنا وياخد واحدة فقيرة واحد صاحبنا في استكشاف فتعامل معها غلط دعت عليه. حياته اتملت مصايب. رجع يبوس ايديها عشان تسامحه. قلت سبحانك يا رب! طب دي بدل ما كانت تدعي عليك تقف وتقول يا رب ارزقني. مستجابة الدعاء وما هيش عارفة. مستجابة الدعاء وما هيش عارفة. سبحان الله العظيم! فتن عن اجابة الدعاء اللي ربنا اداها لها بالازمات والتفكير في الهموم اللي هي فيه. فانت اقف على بابه. كل المنتحرين لو كانوا جروا عليه. لو كانوا عليه وصرخوا له زي ما انقز المنتحر بتاع امريكا وهو بيلف حبل المشنقة حوالين رقبته. وبتوع التبليغ والدعوة بيخبطوا على بابه. انا اما اشوف فيه ايه! تحول الى داعي من الدعاء الرؤوف اجري عليه. اجري عليه ما تيأسش. ما تيأسيش اسم الله الرؤوف معمول عشان اللحزة دي. عشان اللحزة السودة دي عشان اللحزة اللي الدنيا اسودت في وشك داهي اسم الله الرؤوف ربنا قاله عشان هزه اللحزة يعني فالرؤوف اللي مش هيسيبك تعاني وساعة الزنب وساعة الفشل مش هيسيبك. بس انت الجأ اليه. ايه تاني معاني اسم الله الرؤوف؟ من معاني اسم الله الرؤوف يا شباب آآ الذي احيانا بيبقى الحاجة اللي انت نفسك فيها فيها مشقة. في رفع المشقة عنك. هو ده الفرق بين الرؤوف الرحيم بقى. ايه الرحيم؟ الرحيم اللي انت فيه حاجات كتير اوي في الحياة ما فيش فيها مشقة اصلا لانك انت ربنا خلقها كده. يعني الشمس انت مش لو الشمس دي كانت اقرب او ابعت كنت عشت جليد او حر نار وكان الغلاف الجوي نسبة الاكسجين مش كده! ربنا يريحك في الحياة من غير ما تحس! من غير ما تحس دي الرحيم! الرحيم! فالرحيم يا اما ما تحسش ان فيه اصلا مشقة يا اما يبقى فيه مشقة ولكن ربنا هيحميك بها من حاجة اسوأ الف مرة. زي ما بتدي لابنك فهو بيعيط بس ممكن هيجي له تسمم في الدم دي مصيبة. او تسمم في المخ ربنا يحفزنا ويحفز احبابنا يا رب. يبقى الرحمة دي الرحمة. اومال ايه الرأفة ان فيه مشقة انا داخل امتحانات دكتوراة صعبة جدا. وربنا يشيل المشقة عنك ان انت نازل مسلا وراك مهم وربنا يشيل يشيل مشقة طلب الرزق. يشيل المشقة. فتلاقي الدنيا بقت جميلة وسهلة. زي ما هنتكلم بعد كده زي في غزوة تبوك غزوة تبوك رهيبة. وسايبين السمار ورقبتهم هتتدبحوا. الحر كأنه سكينة هيدبح رقبتهم. ربنا عمل ايه بقى؟ اهي دي بقى ثم تاب عليهم ليتوبوا انه بهم رؤوف. الرؤوف بقى ما بيسيبكش ساعة المشقة داهيت. يبقى اللي بيشيل عنك المشقة في الحياة. يعني ايه عشان كده من المعاني بتاعة الرؤوس يا جماعة المتساهل. اللي بيسهل لك الدنيا. اللي بيسهل لك الحياة. اللي بيسهل لك الامور الدنيا والحياة. يعني ايه التساهيل؟ ده معنى جبار بقى. معنى جبار ومعنى خطير جدا. ومعنى اه اه يعني عظيم جدا اه اه ومحتاج وقفة اه اه يعني ايه التسهيل بتاع امور الحياة؟ يعني تسهيل تسهيل الشفاء فكشفنا ما به من ضر. الكشف ده كأن واحد اتشال عنه الغطا متخيلة! يعني المفسرين بيقولوا ان الامراض المزمنة زي بتاعة سيدنا ايوب ديت واحد بقى له تمنتاشر سنة مريض سكر ولا سرطان ولا لما يتشال المرض يتشال في لحظة! فكشفنا تسهيل الشفاء. تسهيل النوم. فيه ناس ما بتنامش غير بمهدئات ومنومات. فيه ناس بتعاني وبتكافح عشان تنام. الصحابة في المعركة. وربنا بيقول اذ يغشيكم النعاس امنة. يغشيكم النعاس من عند ربنا كده يقوم راسه تقع كده لوحده. ايه السهولة دي! النوم بقى سهل اوي. يسهل لك يسهل الموت. زي ما ملك الموت اعطى لسيدنا ابراهيم فاعطاه ريحانة فشمها ريحانة وردة جميلة فشماها فقبض فيها. ده ده رواية زكرها ابن حجر في فتح الباري. يعني الموت بقى بيشم وردة يسهل لك يسهل لك الرزق. يأتيها رزقها رغد. الرزق هو اللي جاي لك. مش انت اللي بتسعى له. يسهل لك الشفاء. فكشفنا ما به من دور يسهل لك النصر. فاذا دخلتموه فانكم غالبون يسهل الفتوحات. والنصر والانتصارات في فازا دخلتموه فانكم طالبون يسهل الهداية. واذن في الناس بالحج يأتوك رجالا وعلى كل ضامر يأتينا من كل فج عميق. ازن بس ييجوا. يعني احنا بتطلع عنينا في الجولات والدعوة والدروس واقناع الناس ونادرا اما حد بيلتفت لازم لا لا لا اما ربنا يسهل هداية الناس بقى. سبحانه وتعالى يسهل لك الجواز. فجاءته احداهما هي اللي جا العروسة اللي جاية. مش هو اللي قعد يلف ويجري ويدور وبقى له اربع سنين بيدور ومش عارف يلاقي. فجاءته احداهما يسهل لك سبحانه وتعالى يقول فلما تغشاها حملت حملا خفيفا فمرت الاية دي من معجزات التيسير. في الحياة وربنا بيقول على سيدنا سليمان هذا عطاء هنا فمن او امسك بغير حساب. بعض المفسرين قالوا انه امسك في جماع زوجاتك وملك اليمين. يعني سيدنا سليمان بيقول هجامع ميت امرأة النهاردة ييجوا بميت راجل يجاهد في سبيل الله. ومنين ده امن او امسك بغير حساب. تيسير الجماع تيسير حدوس الحمل فيه ناس بقى لها عشر سنين نفسها مراتها تحمل. فلما تغشها حملت. ايه ده بالسهولة دي يا رب! تيسير حدوس الحمل. تيسير التسع شهور على المرأة بقى. تسع شهور وتعبان. تيسير دول حملت حملا خفيفا فمرت به. ايه اليسر ده؟ طب تيسير الولادة بقى؟ فلما وضعتها في سورة ال عمران فلما وضعتها قالت ربي اني وضعتها وضعتها ده وضع ده واحد جاب حاجة وحطها كده هي الولادة ممكن تبقى سهلة كده تيسير تيسير كل حاجة يا جماعة تيسير تربية الاطفال بدل ما عينيك تطلع فيهم. قام تقبلها ربها بقبول حسن وانبتها نباتا حسنا. تيسير الاختراعات العسكرية والتنمية والنهضة في الدولة ان له الحديد ايه ده! اه ربنا بيلين السنن الكونية. لمن يشاء من عباده تيسير تيسير كل حاجة تيسير النجاح. تيسير تغيير شخصيتك والتخلص من عيوبك. تيسير العبادة والصلاة تيسير الطريق في التغيير فسنيسره لليسرى. تيسير الملك والعز والسلطان وشددنا ملكه. هو كل حاجة ممكن بايد ربنا بالمنزر ده كل حاجة سهلة تيسير المغفرة قال رباني ظلمت نفسي فاغفر لي فغفر له. بس كده بس كده تيسير المغفرة تيسير تيسير زوال السحر والحسد يا عائشة اشعرت ان الله قد افتاني؟ يا تصدقي يا عائشة ان بصلاة ليلة واحدة ربنا يزهب السحر بتاع اليهود عني تخيلي تيسير العلاج السحري والحسد والعين والكلام ده كله. تيسير التخلص من الاعداء وتيسير الحفظ. لما النبي شاف الصورين كورتين في ايده بيقول فنفختهما فتارة اللي هم الاسود العنسي ومسيلمة الكذاب يعني كلبشين ربنا طيرهم في سانية. فنفختهم فطر تيسير الاصلاح لحالك. واصلاح قلبك يصلحه الله في ليلة. تيسير يا جماعة. ربنا قادر انه ييسر كل حاجة. التساهيل عليك يا رب يعني ايه الرؤوف؟ يعني التساهيل منك يا رب. يعني انت اللي بتسهلها من عندك يا رب. يعني انت اللي قادر يا رب. يعني هاتها من عندك جمايل يا رب. يعني انت يبقى يسيرة بتيسير الله سبحانه وتعالى. طيب هنتكلم بعد كده في باقي المعاني بقى يا جماعة. نلم لان انا كنت متخيل والله سبحان الله ان انا هجيب اسم الله الرؤوف في نص ساعة اعتقد ان احنا داخلين على ساعة الا ربع وانا مش عايز اطول عليكم. اعتقد ان احنا داخلين على الساعة الا ربع واحنا بنتكلم عن بعض معاني اسم الله الرؤوف ده لسة دا لسة فيه معاني خطيرة في اسم الله الرؤوف لسة فيه معاني عظيمة في اسم الله الرؤوف لسة فيه معاني كبيرة وجبارة. فضل ومنة الله سبحانه وتعالى. نراجع بقى اللي احنا خدناه مع بعض النهاردة. ايه الرؤوف؟ الرؤوف اوف قلنا اللي العطوف. العطوف يعني شفتم طبيب الغلابة الله يرحمه دكتور مشاري وهو وغيره من اخوانه الاطباء. شفتم القاضي الرؤوف شفتم بتوع الجمعيات الخيرية شفتم الامير اللي رأف ببيت ابراهيم ابن ادهم وادا لهم سروة ييجي ميت الف ميتين الف مليون جنيه في لحزة شفت رأفة ربنا بقى ربنا ده رأفة الخالق. يعني رأفة المخلوق دي لا شيء. شفتم رأفة الام لما تشوف دموعك وري له دموعك. المعنى تاني اللي مش شرط تكون تستاهل عشان يديك. يبقى ما تقولش ادعيه ازاي وانا ما استاهلش ؟ لأ درجات الرأفة بتبقى ساقط ورأفة بك ينجحوك. ربنا يرزقنا النجاح في الدين والدنيا والاخرة يا رب. يبقى ازا الرؤوف اللي بيديك ويفتح عليك ويكرمك حتى لو ما تستاهلش. لانه الرؤوف. رقم تلاتة تلاتة قلنا الرؤوف اللي آآ آآ زي بالزبط اما دكتور المادة يشيل عنك بابين كده او نص المنهج قبل الامتحانات رأفة وزروف كورونا ومش كورونا. الرأف يبقى المعنى التالت اللي بيقدر زروفك المعنى الرابع اللي بيقدر ضعفك. اللي بيقدر ضعفك. اللي بيقدر زروفك عشان كده معك تلات عيال سنك كبر مرضت بتاخد دوا هدك الركعتين بتوعك دول غاليين عنده اوي. ما تزعلش الرؤوف مقدرك. المعنى الرابع اللي مقدر ضعفك. عشان كده اداك الف طريق. الف بديل لكل شهوة حرام. الف طريق التوبة والمغفرة لو وقعت الف طريق للفردوس الاعلى الف طريق لرضاه. الف طريق لانك تحصل زمان في الازمنة الغابرة كانوا بيقعدوا الف سنة يجاهدوا في سبيل الله. خفف عنك الدين بالرخص. يبقى ده المعنى الرابع. المعنى الخامس للرؤوف سبحانه وتعالى. اللي بيقدر فشلك ولحزة الزنب عندك اتبع السيئة الحسنة تمحها. المعنى السادس للرؤوف اللي ما بيسيبكش تعاني. اللي مستحيل يسيبك تعاني سبحانه وتعالى اللي بيرحمك بقى في لحزات ضعفك الرهيبة ولحزات وقعتك وانهيارك داهيت عشان كده ساعة واحد عايز ينتحر واحد في فقر اجري على ربنا. اجري على الرؤوف شف الرؤوف هيعمل لك ايه. يبقى اللي مش هيسيبك تعاني وبيرفع عنك المعاناة. المعنى السابع اللي بيحميك من الطرق السوداء من المعصية اللي هتؤدي حياتك كلها في الام ومشاكل. عشان كده يحذركم الله نفسه. والله رؤوف. اسألوا كل متبرجة كل واحدة مش العلاقة حرام مع راجل. كل واحد شرب مخدرات. كل واحد مشي في سكة افلام اباحية. كل واحد مشي في سكة زلم ولا مال حرام. اسألوهم شوفو حياتهم اسودت قد ايه عشان كده من رأفته كلمك كتير عن النار والقبر لانه رؤوف والقيامة عشان زي ما الاب يحزرك من المستقبل مش عايزك تتبهدل يا ابني في ولا تعاني في حياتك ده سبع معاني. المعنى التامن الذي يعطيك النعم بلا الم. اللي بينزع المشقة من حياتك زي ما اتكلمنا كده عن تيسيرات حياة الصالحين. عن التساهيل المتساهل. المتساهل زي ما هو بقى لبعض العلماء. يعني فيه واحد ما بينجحكش غير نقطة بنقطة ربنا بيسهلها عليك. اللي بيجيبها لك جمايل من عند سبحانه وتعالى اللي حياة الصالحين خلاها اية من اياته في السهولة. سهولة موت سهولة نوم سهولة زواج سهولة آآ آآ حمل سهولة رزق سهولة نصر سهولة شفاء سهولة مغفرة سهولة زوال سحر وحسد سوء اسهولة اصلاح قلب. سهولة يسهل لك كل حاجة في حياتك. وده معنى جبار. ان شاء الله لما نقف معه في خطبة جمعة بقى منفصلة ان شاء الله بازن الله في معنى السهولة. يا جماعة اسم الله الرؤوف. اوعى الدنيا الوقتي بقى يقول لك الجنيه بييجي بطلوع الروح. ليه؟ لان الناس ما عادتش بترأف ببعض. تلاقي واحد يرمي امه من البلكونة لان عندها كورونا وواحد يرمي مراته من البلكونة اللي عندها كورونا واولاد يقفلوا على امهم البيت لحد ما تموت لان عندها كورونا وكمسري قطر واحد يقول له ما عييش فلوس ادفع يرميه يقول له انزل من القطر الواد ينزل تحت عضلات عجلات القطر يموت ما فيش رأفة. فلما بقى ما فيش رأفة من قلوب الناس تجاه بعض خلاص ما عدناش بنتعامل بالرأفة الا من رحم الله سبحانه وتعالى. فبقت الحياة صعبة وبقى الجنيه بييجي بطلوع الروح. لو رأفنا ببعض ربنا هيرأف بنا او نبعد يعني نفترق بقى على هذا المعنى الجبار. معنى اسم الله الرؤوف. ندع الله الرؤوف. لحد ما نلتقي تاني بازن الله. اللهم يا رؤوف. اللهم بحالنا. اللهم اشف صدورنا. اللهم يا رؤوف اذهب الهم والغم عنا. اللهم ارأف بحالنا. اللهم يسر نجاحنا يا رب اوف ويسر فلاحنا يا رؤوف. اللهم ادي الديون عنا يا رؤوف. اللهم ربي لنا اولادنا يا رؤوف. اللهم يسر لنا امورنا يا رؤوف. اللهم سهل لنا نفسياتنا يا رؤوف. اللهم سهل لنا امورنا يا رؤوف اللهم عاملنا برأفتك يا رؤوف يا رحيم. عاملنا برأفتك يا رب لا نستحق كرمك وعطاءك. ولكن لا لنا عنك يا رؤوف يا رحيم. فاعطنا برأفتك واكرمنا برأفتك وجود علينا برأفتك. اللهم عاملنا برأفتك تب علينا يا رؤوف اغفر لنا يا رؤوف اصلح احوالنا يا رؤوف ارؤف بنا وبازواجنا وباولادنا وبمشايخنا وباحبابنا ارأف بالمذنبين وتب عليهم. ارأف بالصالحين وساعدهم واعنهم. ارأف بالاموات وادخلهم الفردوس الاعلى. ارأف بنا ايا رؤوف يا عظيم الرأفة يا رب يا عظيم الرأفة والرحمة يا رب ارأف بنا يا رؤوف يا رحيم. سبحانك اللهم وبحمدك اشهد ان لا اله الا انت استغفرك واتوب اليك. جزاكم الله خيرا