انت يا اما عاوز البنت اللي انت خارج معها الوقت دي. اللي انت قاعد معها على شط البحر الوقتي ده ايه؟ اللي انت راكب معها العربية دهي اللي انت بتشيت معها ده ايه! اللي انت بتتكلم معه بقى لك ساعتين بالليل الوقت ده هو ممكن البنت دهي تكون انت عاوزها بجد
نفسك تخطبها بجد نفسك تجوزها بجد وممكن تكون مش عاوزها. لو انت عاوزها انا هاقول لك كلمة واحدة بس. اللي انت عايزه من ربنا في الحلال اوعى تاخده في الحرام. اللي انت نفسك تتهنى به في الحلال. اوعى تستمتع به في الحرام. اوعى لان لو ربنا سبحانه
على اعاقبك على الحرام على استعجالك للرزق في الحرام اصل هي لو رزقك هتاخدها هتاخدها. فانت استعجالك عليه بالحرام انت مش بتاخد حاجة من ربنا غصب عنه اوعى تفتكر انها في ايد نفسها ولا في ايد ابويا في ايد ربنا. سبحانه وتعالى عايزها اطلبها صح. اطلبها من ربنا. اطلبها من ربنا. انا ما عييش امكانيات. احنا والله العزيم
لو انت طلبتها من ربنا بتاعته. والله العزيم لو انت طلبتها من ربنا بحقها. وخدت بالاسباب ونزلت واشتغلت والدنيا مقفلة قدام الشباب كلهم والله العزيم لو انت صادق ونفسك انك تتجوزها بجد. وطلبتها صح ونزلت واشتغلت واتقيت ربنا. وما عصتش ربنا معها. وما عرضتش مشاعرك
ومشاعرها لان هم يتحطموا لان تسعة وتسعين في المية. في علاقات ما بتكملش. لو انت صادق ربنا هيجوزها لك. الا لو انتم فعلا مش الخير لبعض وربنا عاين لكل واحد منكم الاحسن من التاني. حبيب قلبي الموضوع مش مجرد مشاعر. حبيبي تخيل شاب كده انا عايز اسافر امريكا انا هموت
على امريكا. انا انا لو ما سافرتش امريكا قضية عقاب حبيب قلبي. انت خدت لوتاري؟ لأ ما فزتش في اللوتري. معك جرين كارد؟ لأ. طبعا ما عييش جنسية من باب اولى
طيب انت معك فيزا لأ ما ما ادوهاليش في السفارة. طب انت حاجز في طيارة او سفينة لا لا المركب الصغننة ده ايه؟ المركب الصغننة اللي بصطاد بها الترعة اللي جنب بيتنا ده ايه هتعمل بها ايه! عدي بها المحيط الهادي. هعدي بها من افريقيا لحد امريكا. ازاي يا ابني المركب دي طب في لأ
ده فين ؟ امال انا هاجدف بايدي. انا هاصارع الدنيا. حبيب قلبي بس بالراحة. انت هتتحطم. انت مركبها في مركب لا فيها مجاديف. ولا عارف انت رايح فين ولا معك اسبابها. انت بكرة هتبقى اكبر شرخ في قلبها مدى الحياة. هتبص لك في يوم من الايام وهي مع راجل تاني
دخل بيتها من بابه واتجوزها هتبص لك وقلبها بيتشرخ. هتبقى قاعدة مع زوجها وبتفكر فيك انت وخلاص القصة وانتهت. الا لو قلبت بقى والعياذ بالله يعني خيانة وده لا انت ولا هي انت اغلى من كده وهي اغلى من كده. خد بالك انت في يوم من الايام هتشوفها وهي مع راجل تاني دخل البيت من بابه وقلبك هيتشرخ
حبيب قلبي ما تحطمش مشاعرك. اطلبها صح. اطلبها من ربنا. خد بالاسباب اللي ربنا يعينك عليها. ولو صادق ربنا هيعينك. ولو اتقيت ربنا فيها ربنا يعينك