السلام عليكم ورحمة الله وبركاته الحمد لله رب العالمين له الحمد الحسن والثناء الجميل. واشهد ان لا اله الا الله وحده لا شريك له. واشهد ان محمدا عبده ورسوله. وبعد حديثنا ما زال عن الاسد يعني الاسد في براثنه للاسد خال رسول الله صلى الله عليه وسلم الاسد الذي كان من اعمدة المسلمين للغزوات مع رسول الله صلى الله عليه وسلم تكلمنا عن سعد ابن ابي وقاص مجاب الدعوة الاسد في براثنه اللي سماه الاسد مين؟ حد عارف مين اللي قال عليه الاسد في براثنه يعني الاسد وهو يعني في قوة ايه مقصر وانت تتغافل طالما حاجة مما تمر يعني هي يعني هي غلطانة في ايه يعني؟ حاجة ايه المشكلة؟ عد يا عم انت كنت بتاكل تلتمية خمسة وستين وجبة غدا بس في السنة اه جأشه واه حدة مخالبه مين اللي سمى سعد الاسد هو عبدالرحمن بن عوف. عبدالرحمن بن عوف وده هنعلق عليها ان شاء الله لما ييجي وقتها ان قال لي ان جميل ان الناس اللي حواليك يكونوا عارفين آآ التميز اللي عندك. انك تكون متميز في شيء فريد في شيء. عندك تفرد عالي قوي في شيء وان اللي حواليك يعرفوك بده ويثنوا عليك خيرا بهذا لان في ناس كتير ممكن بحجة التربية وبحجة عشان الناس اللي قدامنا لا تعجب ولا تفتتن يوصلهم لمرحلة من مرحلة ان هم الدونية وعدم رؤية المواهب والنعم التي حباهم الله بها هنا ييجي دور المربي دور المعلم الناصح الراقي دور الام والاب الواعي ما زال الحديس عن سعد رضي الله عنه مجاب الدعوة زي ما هيجي معنا ويزكرونا لو نسينا نعلق على انه مجاب الدعوة. وان له قصتين في موضوع اجابة الدعوة دي حاجة عالية اوي سعد رضي الله عنه كان اليوم يوم اسلام سعد ابن ابي وقاص رضي الله عنه كان من اكثر الايام برا بالمسلمين من اكثر الايام برا بالمسلمين واجزلها خيرا عن الاسلام هل ممكن لما حضرتك دخلتي طريق الاستقامة وحضرتك استقمت هل ممكن انك لما خدت طريق ربنا ممكن انت كنت مؤسر جدا على الفريق بتاعك مؤسر جدا على صحبتك في الدرس. مؤسرة جدا على صحبتك في الجامعة. لما خدتي طريق الاستقامة ولا الموضوع ده مش ما فرقش كتير في ناس يا جماعة اما بتاخد طريق الاستقامة بتقلب الجامعة بتقلب الجامعة في ناس بتدخل الجامعة مسلا كان في حد في جامعة خاصة كان في اولى جامعة بيقول لي كنت تقريبا انا الوحيد اللي من اهل الاستقامة زاهرا يعني. والله اعلم بالبواطن بيقول بفضل الله في سنة تالتة كان معي اكتر من سبعتاشر كان فيه سبعتاشر حد ايه من اهل الاستقامة كان موجود فجميل الوقت الزهبي ده انك تتخرج من الجامعة وانت معك شهادة الجامعة تكون معك شهادة تقلت قوي الصحيفة بتاعتك تتخرجي من السانوية العامة وتكون معك برضو مجموع بس مش مجموع السانوية لأ لان السانوية ممكن تنفعك وممكن ما تنفعكش ومش غالبا هي اللي هتحدد مستواك ولا حاجة ولا مستقبلك. يا جماعة مجموعك في السانوية لا يساوي مجموع رزقك مجموعك في السانوية العامة ما لوش علاقة بمجموع الرزق بتاعك. رزقك حاجة ومجموعك حاجة النقطة دي مهمة قوي قوي لان في بعض اولياء الامور للاسف وصلوا ولادهم للفكرة دي ان على حسب مجموعك في السانوية على حسب مستقبلك ورزق الله لك. يا ترى بقى هترزق ارزاق عاملة ازاي انت ونصيبك. فاوعوا تحضروا العفريت ده لاولادكم لان هو مش مجرد مشكلة آآ مش هتكون مجرد مشكلة زهنية قصدي مسلا نفسية وفقط لأ طريقة تفكير هتضرب طريقة تفكيرك كاملة هتتضرب وما ينفعش ابدا اعلي عند اولادي. هذا السقف وقاعد بحول لهم من مدرسة داخل المدينة لمدرسة خارج المدينة عشان التعليم جميل حاجة كويسة من باب اخز الاسباب. لكن هو لما بيشوف بزل حضرتك في الماديات بتاعة الدروس. بزل حضرتك في ماديات المدارس بزل حضرتك الوقتي تصحي بدري جري عشان تعملي لي الاكل قبل ما انزل وبزل حضرتك بدري عشان تلحقي تكوي الملابس او تجهزي الدنيا كلها. اما بيشوف البزل الكتير ده واهتمام حضرتك ده واهتمام الوالد. وبعدين يدور على الاخرة الاخرة كقيمة وكمفاهيم متأخرة قوي ده انا بقول لحضرتك احنا بعد الجمعة يا امي انت اتأخرت ليه؟ والله ما كان الشيخ بعد الخطبة كده قال لي ايه نص ساعة كده واتكلم على مفهوم لان كنا داخلين عاشوراء ولا حاجة وبتاع اه مش انت مش عارف انك عندك امتحان وعندك مزاكرة فهو الولد بيحصل له كده ايه في ازمة وانا من اسرة مسلمة متعزم دين ربنا ولا انا من اسرة عاملة ازاي يعني يعني انت حضرتك يعني بهدلتيني جدا عشان انا آآ اتأخرت في حصة ما روحتش حصة العلوم ولا الاحياء ولا الرياضة نمت بهدلتيني وبابا اتصل بي وقال لي ما انا مش مخلف راجل وبعد كده احنا اللي هنصحيك وقاعد يتابعني والكلام ده اجي في صلاة الفجر يا امي نفسي كده ان حضرتك تبزلي عشر معشار اللي بتبزليه معي عشان الدرس اللي هيكون الساعة خمسة الفجر وخمسة ونص على الشروق ليه مش بتبزلي معي الوقت ده ليه مش طول اليوم بتقولي لي قرأت وردك ولا لا؟ زي ما بتقولي لي حليت الواجب ولا لا عارفين الاجابة ايه؟ الاجابة الحقيقة مش الاجابة اللي هناخد عليها درجات الاجابة اللي توهمي بها نفسك او توهم بها نفسك وتضحك على نفسك براحتك. لكن الاجابة الحقيقية بل تؤثرون الحياة الدنيا بس انت ان الساعة اتية دي وانت مش شايفها لان لو ان الساعة اتية هتكون بتمشي على الارض وعينك على السما تشوفك انت بتبعد ولا بتقرب هل الحاجات دي النهاردة المدرس اللي قاعد بياخدك مقاولة من الساعة تلاتة العصر ويسلمك لزميله الساعة اربعة وبتاع الساعة اربعة ياخدك على طول لخمسة وبتاع خمسة ياخدك لستة وبعدين تروح البيت تعمل ايه بقى عبدالرحمن لسه هيفرش المصلى السجاد عشان يلحق يخطف صلاة العصر يا سلام وبعدين ييجي بقى اخته الكبيرة ولا حد فاهم يقول يا ماما انت شايفة عبدالرحمن ايه اللي بيعمله ده؟ معلش يا مي بقى انت عارفة عشان الدروس وكده. انت عارفة عشان المدرسة ربنا بس ايه يعديها منه على خير وربنا عالم وهو ييجي يقول انا قلت المدرس ورفض وقال لي ما ينفعش. انا مش عارف ده مدرس ايه ده مدرس يعني انا بدفع بدفع فلوس لمدرس يدمر ابني يدمروا قلبيا وعقليا ويتعامل معاه ان هو حاجة كيس وبيحشيه وخلاص حاجة عشان في الاخر خالص يجي يتقيأها ايام الامتحانات وخد الدرجة انا بعمل كده عشان ايه؟ بدمر ابني في حين لو المدرس بس بص له وبرأ له لأ ترد على المدرس وما تسمحلوش انه يمد ايده. الضرب ممنوع آآ التبريء ممنوع. الاهانة ممنوعة مش عارف انه يلمس جسمك ممنوع كل ده جميل لانك بتربي ابنك على المعاني دي. برضو مش ربيته ان هو ممنوع عمال يكون في ازان يقول له لو سمحت انا هصلي مع كلامي انا حضرتك هتقبلي الكلام ده كلنا مش هنقبل الكلام ده وهنقول ان المدرس ده عديم الايه التربية وانه بيربي خطأ. يبقى انا لو عملت كده لو انا عملت كده لا مع ان الصلاة عندنا اقل بكتير من الموضوع ده حضرتك احنا الصلاة مش زي الماس لان الماس عليه درجات الصلاة مش عليها درجات فحضرتك سيد العارفين طبعا وعارف طب الولد ده لو هو في الحصة واحد اتصل به كنسل عليه فبعت له على الواتس قال له في حريقة في البيت وماما ماتت واختك مي ماتت والله اعلم بقى اخواتك ايه مش عارفين نطلعهم. وراح مصور له صورة من الحريقة اللي قاعدة بتاكل في الشقة الولد ده بص وقال له طب معلش بس هخلص الدرس ده وبعده عندي درس اخلص الساينس وان شاء الله هدخل بس درس الانجليزي واجي بسرعة هاجي لكم على الساعة ستة ان شاء الله لو فيه حد قال كده ده يبقى ايه لو في شاب الموقف ده حصل له مش مجنون مش عاقل مجنون ما عندوش احساس لا ما عندوش احساس دي كده كلمة كلمة طيبة كده انا يعني انا رفيق قوي ليه كده او حاجة تبقى حاجة صعبة خالص صح محمد صلى الله عليه وسلم يقول من فاتته صلاة العصر فكأنما وتر اهله وماله يعني ملك اتفقد واهلك اتفقدوا ده ده صلاة واحدة بس اسمها العصر فلو انت عندك ان العصر قيمته زي قيمة النبي صلى الله عليه وسلم اللي قال لنا عليها هتعرف كويس قوي لأ انا ازبط اخرتي وبعد كده ازبط دنيتي انا بتفق مع المدرس لو سمحت انا ميعادنا الساعة كم؟ الساعة تلاتة طيب انا الساعة اربعة عندي درس في كزا؟ اه طب احنا بعد ازن حضرتك احنا عايزين حضرتك تطلعنا الساعة اربعة لعشرة او تبدأ حضرتك لما مش هينفع ابدأ التلاتة على عشرة لان في مجموعة الساعة اتنين. يا فلان بي انا انسان مسلم انا افتخر بديني ولما يلاقي ان في والدين بيفتخروا وراه وبيسندوه ساعتها خلاص كلهم هيتزبطوا لكن هو في وبالاخر يا جماعة المال ازا تكلم سكتت كله قيمة وحتى لو هو ما غيرش انا احط رجل على رجل واغيره عشان هو يدرك تماما ان في شاب في يوم من الايام في اولى سانوي قال له صلاتي وبعد كده شف الدرس فانا هدخل اصلي كان عندي شاب في تانية سانوي كان يعمل كده مع المدرس يقول له انا يا استاز انا من بعد ازان من بعد الازان حضرتك مطالب تسيبني عشر دقايق ادخل اتوضا ونصلي. حضرتك لو ما عملتش كده انا لن اتفاعل معك مع الحصة ولن اتي وهاجي بمزاجي وهاجي متأخر وهاطلع برة وبتاع. انا لو قلت لك انا مزنوق جدا وعايز ادخل الحمام هتقول لي لأ وبالفعل بيقول لي عملت كده وسبت بيقول لي بعد تلات تيام المدرس شكرني واستحى وبدأ يفضي عشر دقايق عشر دقايق يوميا وان الكل يصلي وبقت الطلبة كلها بتصلي لما الموضوع ده تم وهكذا يا جماعة الشاب ده الى يوم القيامة بياخد اجر الشباب دول لكن احنا بنربيه على ايه؟ معلش بقى عم ييجي وتعال تصلي يعني ايه يعمل اصلي انت ليه الدين رخيص اوي عندك كده خلي بالك دي فاتورة وهتدفعيها حضرتك. ليه؟ لان الولد ده في يوم من الايام هيحصل مع فهيختلف في اي حاجة. هيختلف مع حضرتك تيجي تقول له عيب وبر الوالدين. لا البر ده ماما كنت زمان تقوله لي. البر ده مين اللي قاله لي مش ربنا؟ اه ما هو ربنا اللي قال لي حاجات تانية وانت ايه خالفتيها فما ينفعش الفكرة اليهودية دي بقى نؤمن ببعض ونكفر ببعض. الدين ناخده فخلي بالكم هتدفعوا فواتير وهتدفعيها رسمي. وممكن تدفعيها تدفعيها بقى. مش هو ده الشاب اللي انت خدتيه من من وقت الصلاة وخليت ان الصلاة تتاخد منه وورد القرآن طبعا ما تقرأش. ايه ده كان بيحلف لي بالله ان ورد القرآن الذي لا يتعدى تلت ساعة بيقرأوا كأنه حشيش. بيشرب مخدرات ويقول كانوا بيدخلوا علي بالليل ممنوع لو لقوا مصحف على لأ انت بتعمل ايه؟ في الاجازة. خلاص ما هو الدين في الاجازة. الاستقامة بقت في الاجازة فهو برضو اما يكبر يقول لك يا امك انا مش فاضي لك. عندي شغل. اما وهكزا واللي زي النوعية دي اوعوا تقبلوه لولادكم لان ده انسان مش همه دين الرحمن هو ما اترضاش على كده ما عندوش ان الدين غالي يا جماعة اغلى شيء في حياتك هو دينك لو انت يعني انت مسلم وحاضر عندك المعنى ده هو اغلى حاجة دينك دينك ده اللي هيتدن هو البوصلة وانسان لا يصلي انا لا اسق فيه قيد انملة اي واحد بيتقدم لبنت مش بيصلي خلاص ولا كرامة اعتزل قبل الاستخارة ما فيش استخارة ما تستخيرش مجرد ما تعرف على طول برة زي كده بالزبط يساوي يا جماعة لو فيه واحد متقدم لبنت بتكلم ولاد بل بتقابل ولاد برة وبيخلو ببعضهم برة لو يعني جدلا ممكن تقبل البنت دي لكن ما تقبلش ولد ما بيصليش شفتم يعني طبعا ما بقولكوش يعني انا بس من باب التنزير عشان اديك استبشاع المسألة ليه؟ لان يوم القيامة اول سؤال هو عن الصلاة فاذا صلحت صلح سائر العمل. طب لو فسدت؟ دي المادة اللي ما ينفعش تجيب فيها اه ضاد جيم. ما ينفعش يا حبيبة قلبي الصلاة دي خلاص فلتت؟ اه يلا المنهج كله ضرب بس انا بني جامع وكنت بزور تيتة وعامل نخلة في مش عارف فين في حي ايه والايتام والكلام ده كله انتهى يا سكر فسد فسد سائر العمل. خلاص. بس انا كنت كنت كنت خلاص انتهى فدي بازت انتهى كل حاجة وحسبنا الله ونعم الوكيل بكل مدرس وكل مدرسة لا يهيئ اوقات للصلاة في في الجدول بتاعه وهدى الله الامهات والاباء اللي بيتفقوا مع مدرسين في اوقات الصلاة. لأ ويجيبوهم البيت يطلع قبل المغرب بدقيقتين. والمغرب بيأزن تم جاي تربيني على ايه؟ انت يا كائن يا مخلوق انت. جاي تربيني على ايه انت طالع تربي يبني على ايه ناقص عنده درس عنده درس ايه انت راجل انت لابس اللي في رجلك في راسك ليه انا جايبك عشان ايه طيب يا ترى هتصلي بقى جوة؟ لا لا انا هطلعهم قبل العشاء بعشر دقايق والله المدرس ده يا جماعة غير متربي واوعوا توافقوا عليه والاسرة اللي توافق تاخد نفس اللقب اللي انا قلته من شوية بمعنى ايه؟ غير متربية على الاسلام هو ده اللي انا اقصده فالله الله في دينكم فاحنا نرجع نشوف سعد ابن قاس اليوم اللي دخل فيه الاسلام قلب. قلب المحيط بتاعه. انت ممكن تبقى كده؟ ممكن تبقى الشخصية الفواحة هات الدفعة بتاعتك ممكن تبقى انت الشخصية الفواحة بتاعة المجموعة بتاعتك ان يحسوا كده ان لأ في الصلاة انتهى يا جماعة كأنه لا يعرفنا ولا نعرفه اه في اخت بتقول ان باباها آآ في اخت بتقول ليه يا شيخ مش متربي يعني انا النهاردة عم مدرس يجي لي ويقعد مع ابني قبل الصلاة صلاة المغرب بدقيقتين. واذا انه يدي له ساعة ويسلموا على العشاء قبلها بدقيقة. ده جاي يربي ابني على ايه وهذا ليس عنده شيء حتى يربي ابني عليه. فعشان كده هو عديم التربية ده قليل دي كانت كلمة انا كنت اتلطف فيها. هذا عديم لانه ليس معه شيء يعني يعطيه جميل فهذا الباب اتمنى تكون الفكرة وصلت يعني لو لحق المغرب قبل العشاء بربع ساعة. ده دين مين ده بقى؟ ده دين مين يا استازة اسراء؟ ان انا اصلي العشاء قبل العشاء ابقى اصلي المغرب قبل العشاء بعشر دقايق ربع ساعة بادي من ده الاسلام هو الاسلام قال لي كده. صل براحتك خالص. الضهر صليه الساعة تلاتة. والفجر حاول كده الكلام ده كله اه انا هنا عملت ايه بقى انا قلت له ان درس الماس اهم من درس الايه؟ العصر فالعصر يتأخر لكن الماس لا دي ده الفردوس الاعلى. ما ينفعش لازم الدنيا تكون متقدمة على الاخرة. اخرة ايه اللي جاي تتكلم عليها دي عموما هو كل واحد بيبص للحاجة على حسب الشيء اللي غالي عنده ورخيص يعني البنت اللي بتاجر بعرضها ومتساهلة في عرضها هي عندها الحاجة دي رخيصة. هي لو غالية مش بسهولة هتسيبها كده فكل واحد بيتكلم على حسب الرخص والحاجة الغالية فانا لو عندي الصلاة غالية ابك هاشوف بقى واحنا طبعا لا نهمش ابدا انك تجيب مدرسين واحلى مدرسين في الدنيا تقدر تجيبهم لكن تبقى مدرك كويس قوي انك جايب مدرس يعلم حاجة في حاجة اعلى منها. يعني لك ان تتخيلي لو انت بتناديه وفي الحصة وهو قال للولاد ماما تنادي بابا تنادي ولا تعبرهم تسمع كلامي انا فقط وقبل ما ترد عليهم تخلص اللي انا بطلبه منك انا. ما لكش دعوة بباباك ولا بمامتك. واما ترجع تقول لهم كده. المدرس قال ما تسمعش كلامهم في حقي انا طب في حق ربنا ربنا يقول حي يناديني الازان حي على الفلاح وانا اقول له لا الفلاح في الكيميا اللي انا فيها دلوقتي صلاحي اللي بيتنادى علي ده عشان كده يا جماعة دايما احنا نسأل انفسنا هو ايه رقم واحد في حياتنا؟ وايه رقم اتنين في حياتنا الاولويات دي لازم تتزبط كويس قوي قوي قوي في حياتنا يعني انت مطلوبة انك تسمعي كلام زوجك. صح طب لو زوجك بيقول لك كلام وربنا قال كلام تاني. زوج بيطلب امر وربنا نهى عن هذا الامر هنعمل ايه هنسمع كلام زوجي ولا هسمع كلام ربنا؟ اللي فاهم الاولويات على طول قولا واحدا. هيقول كلام ربنا. نفس الكلام بقى. انت عندك اولوية يا ابراهيم دلوقتي ده وقت صلاة العصر ودلوقتي وقت صلاة الاحياء وقت درس الاحياء هتقدم ايه؟ الغالي عندك هتقدمه الغالي عندك هتقدمه انا ممكن اه يبقى فيه مساحة عشر دقايق ربع ساعة خلاص مسلا العصر بيأدن تلاتة ونص مع الاقامة اربعة لعشرة. خلاص يا شباب انا هطلعكم الساعة اربعة وان شاء الله في الدرس التاني الساعة اربعة ونص ان شاء الله تقدروا تصلوا جماعة اه هنا مسلا في الصالة عندنا في اي مكان ده ماشي في مساحة لكن تطلعه لي الساعة ستة ويطلع من عندك يدخل المدرس التاني والمدرس التاني يسلمه للمدرس وكل واحد يقول له انا ما ليش دعوة ما صلتش ليه في في اللي قبلي ربنا يهدي المعلمين دول لانهم كما قال النبي صلى الله عليه وسلم كلكم راع وكلكم مسؤول عن رعيته. هذا المعلم مسؤول وما من انسان ولي امر عشرة فما فوق الا اتى يوم القيامة يده مغلولة عند عنقه يجي يوم القيامة ايده مربوطة على رقبته على زوره ده ايه بقى؟ على حسب بقى يفكه العدل او يوبقه الظلم. انت فاكر انك هتعدي؟ والله ما هتعدي والله ما هتعدي ييجي يوم القيامة وتتسأل تعال بقى الاولاد دول لما اجو لك في زروة الشباب عملت ايه ده انت المفترض لو مدرس فاهم قيم قيمة ومعتز بدينك قوي ده الطلبة اللي جاية الدرس ما بتصليش مفترض يطلعوا بعد ما انتهت السنة خدوا الاحياء وافتخروا بالاسلام وبدأوا يصلوا لازم دي تبقى من القيم اللي انت بتتميز بها كمسلم لكن يعني سبحان الله يوم القيامة هنعرف الحاجات ديت بقى ايه والناس بتتحاسب عليها ربنا يسلمنا ويغني لنا فسعد مجرد ما نور الايمان شع في قلبه خلاص المكان كله نور انا عاوز كده برضو عاوز عم حضرتك النور الايمان ونور الاسلام ونور الاستقامة ينور في قلبك طبعا كلنا عندنا نور واننا عندنا نور في قلبنا لكن مين اللي النور ده منور ده موضوع تاني خالص بقى كل واحد وحسب. في واحد اما بيستقيم الحي كله بينور تلاقي بقى العلاقة كلها بقى العلاقة الجيرة بقت كويسة الطريق بقى كويس المحلات بتتعامل معاها بطريقة الدنيا اتغيرت ليه هو سبحان الله مصدر نور الانسان يكون مبارك اينما كان انت في المطار مبارك انت في الطريق مبارك حد من الشباب يعني كان عندنا سفريات كده فكل تلت اربع شهور لازم نسافر يعني فوهم من يعني انتيمي اللي بيسافر معي قال لي هو انت مش ملاحز حاجة يا محمد احنا مقصرين جدا ليه في آآ في دعوة الناس الاجانب واحنا في المظاهر فبقول له يعني انت شايف الوضع احنا بنبقى يعني الموضوع نص ساعة ساعة وبنسافر على طول فما عندناش وقت يعني فقال لي لأ قال لي انا عاوز اجيب كتب مترجمة للتعريف بالاسلام بكل اللغات وانا في المطار ده صيني ادي له كتاب هدية ده كزا ده كزا ده كزا ده كزا ده كزا ده كزا وفعلا عمل الموضوع دوت وكان له اثر عالي جدا يعني بل كان بيجيب كتب مصاغة بطريقة شيك كده وبتاع وعندي الوجبات وبتاع واحنا نازلين ايا كان بقى الدولة اللي احنا فيها وكان يدي مضيفة اه كتب هدية هو ده الانسان اللي اللي مشغول مشغول ان الساعة اتية فدايما مشغول ان يعبي حسنات يعبي حسنات. وان دايما شايف ان البشر كلهم دول مخلوق ربنا كرمه فبيحاول بقدر الامكان ان ابليس ما يخطفش الشخصية دي منه لان ابليس عاوز ياخد الانسان اللي ربنا كرمه ده ويدخله النار انا في شاب في تانية سانوي كنت مرة في المسجد وبعدين انا ما عاهدت ابدا ان انا يعني عمري ما على ما ازكر يعني ان انا اصلي والتفت واقول السلام عليكم ورحمة الله السلام عليكم ورحمة الله هو عنده شغف رهيب جدا ان الانسان المكرم ده يدخل الجنة فمشغول بقى بالفكرة دي يقول لك لا ده انسان مكرم ليه ابليس يتخطف يخطفه مني فبيتعامل بقى بطريقة زي ما فيه ناس بيتعاملوا مع الكلاب ان هي وفية والقطط ان هي مقطقطة ومش عارف ايه والبط مبطبط والكلام اللي هو قاعد عمال يتعامل مع الحيوانات ده الانسان ده لو يعني ايه يعني عنده الرقة بتاعته اللي قعد امال يوزعها على الحيوانات دي. لو الرقة ديت فعلا سماوية يشوف مين المخلوق اللي ربنا كرمه مين المخلوق اللي ربنا اول ما خلقه قال للكل اسجدوا له هيلاقي ان هو الانسان ده حاجة كبيرة قوي انه يتعامل مع الانسان بطريقة مختلفة. هيطلع ينطلق مع انسان والبشر بطريقة مختلفة. طريقة محمد صلى الله عليه وسلم طريقة الشفقة ان يتمنى ان الناس دي اخد بحجزكم من النار. قاعد يحاول بقدر الامكان ياخد ايه؟ فالمدرسين الاباء والامهات وكل الناس يعني في المجتمع لو انطلقوا من النقطة دي الدنيا بتختلف تماما سعد واضح ان هو احراج المبارك عشان كده احنا قاعدين كل ما نجيب كلمة من عنده نطلع اغاني وناخد منها فوايد. فيعني في يوم بدر كان لسعد وقصة كبيرة قوي مع هو واخوه يعني الاسرة بقى تعال نشوف الاسرة ميزة اما تكون الاسرة جميلة كده بيتقدم برضه ايه؟ خير للدعوة. وده جميل اوي يا جماعة. تكون اسرتكم اسرة اه رسالة لها رسالة. رسالة في خدمة الاسلام والمسلمين. رسالة بيعملوا وجبات للفقهاء. رسالة بيهتموا بالايتام. انا واختي مهتمين اه البنات اللي بتتجوز مهتمين بالمراهقات اللي ايه؟ لسه ما خدتش طريق الاستقامة مهتمين انا واختي انا ومامتي دايما يكون عندنا مشروع اخروي انا وزوجي عندنا مشروع نفتخر به غدا يوم القيامة. ما احنا فاتحين سوبر ماركت. افتخري به في الدنيا بقى وكلي لكن احنا عاوزين المشاريع الاخروية. انت وزوجك فكري ايه المشروع اللي ممكن نعمله للاخرة ويشارك فيه ولادنا كلنا. يبقى عندنا كده مشروع الي اه نيجي كده يوم القيامة معانا المشروع ده تعالى يا محمد تعالى يا صهيب تعالى يا يحيى تعالى يا فلان وادخل انا وزوجي ده مشروع احنا جايين عاملينه زي ما الشباب هندسة كده بيبقى مجموعات ويعملوا مشروع تخرج احنا عاوزين نعمل مشروع تخرج من الدنيا كاسرة المشروع ده تزوب فيه الانا ويزوب فيه الشحناء ويزوب فيه الحاجات بقى ديت وتبقى ايه الدنيا جميلة جدا. فهي دي كانت اسرة جميلة قوي فرغم ان والدته كانت شديدة لكن ده ما يمنعش ان ممكن ايه اخوه ييجي معه. وده اللي حصل كان ليه اخ جميل قوي اسمه عمير وواضح ان هو شربه الحاجات اللي هو شاربها فليهم موقف مشهود يوم بدر اه عمير ده كان شاب صغير فتى حدس يعني سنه صغير لم يجاوز الحلم الا قليل. يعني لسه بنتكلم كده حداشر ونص اتناشر ونص بنتكلم في تانية اعدادي كده يعني فلما اخذ النبي صلى الله عليه وسلم يعرض جند المسلمين قبل المعركة. النبي صلى الله عليه وسلم بيبص على الجنود وقاعد يفرز كده العدد ويشوف الشباب اللي معه ويشوف الناس واحد بقى ايه سبحان الله دي برضو شوفوا سبحان الله دايما المشرف على الحاجة القائد على الحاجة هو موجود يا جماعة موجود في كل التفاصيل مش بمجرد دي اه يعني يكون قاعد في بيته وخلاص. هنا دلوقتي العالم المعاصر يقول لك ايه؟ والله ان مسلا اشوفه مسلا امريكا وهي بتحارب اي دولة. اي دولتين بتتخانق مع بعض. ما تلاقيش القادة في على الارض. يقول لك ايه احنا خدنا قرار بكزا وقاتلنا هو قاتلهم ولا ايه؟ هو بس خد القرار. لكن غير موجود في المشهد. غير موجود في الحدس محمد صلى الله عليه وسلم وكل القادة من بعده هم في الحدس. ليه؟ لان سبحان الله آآ غير بقى المفاهيم بتاعة القدوة والاقتداء والتأسي بالكلام الكبير ده. والكتير اللي كلكم عارفينه فيه مفهوم تاني انا عاوز اخش الجنة زي ما هم عاوزين يخشوا الجنة يعني. هم يموتوا شهداء وانا ما اموتش شهيد ليه هم ياخدوا الاجور وانا ما اخدش الاجور ليه اليوم يبقى واخدين الاجور كلها وفي العرق والجري وبتاع وانا واخد الايه؟ اجر التكييف يعني. انت برضه مش هتيجي وتجري معنا مرة ولا ايه اثيوبيا باتريك كان لسعد واخيه عمير ده موقف اي هو موقف النبي قاعد بيبص عليهم بقى عمير قاعد اومال يستخبى عمير سنه صغير تخيل كده شاب في تانية اعدادي اهلا يا موني استخبى يتوارى عمير خلف اخيه سعد طيب ليه خايف من ايه؟ عمير خايف من ايه؟ خايف ان يراه رسول الله صلى الله عليه وسلم طيب ايه المشكلة لو النبي صلى الله عليه وسلم شافه فيرده لصغر سنه. يا سلام على الجمال يا جماعة يعني مسلا خاله رايح الساحل فابن اخته ماسك فيه وعمال يعيط وبتاع وعلى السلم وعاوز اروح مع خاله وعايز اروح مع عمته وبتاع اه طب ليه وما علش سيبيه وبقى اصله لسة صغير وما ينفعش ييجي يمكن يروحوا لحمام السباحة وتسيبوه وبتاع فالولد قعد ميه يعيط عاوز يروح مع خاله فين السحر والتاني عاوز يروح مع عمته فين آآ الجونة بقى هترتيب الجديد. فده عاوز يروح مكان وده عاوز يروح مكان صح؟ طب وعمير عمير بيعيط عشان عاوز يروح ايه عمير عاوز يروح مكان ممكن ما يرجعش عمير بيعيط ان خايف ان لقطة الشهادة بتفوته طب هو انت يا عمير مين اللي رباك؟ يا ترى اللي رباك كان رباك قال لك ان وقت الصلاة وانت بتصطاد كمل صيد عشان تتعلم وتبقى انسان كده صياد كويس وبرضو ايه والخدعة بقى خلاص احنا بنعلمه عشان يبقى ايه انسان مسلم كويس مسلم ايه وما بيصليش انت بتضحكي على نفسك كلمة مسلم دي كده ايه زي ايه؟ تبقى في مصلحة حكومية فيقول لك ايه اطلع عند الاستازة عزة هات لي دمغة الله يكرمك وبعدين رح عند الايه مش عارف ايه هات لي تخليص ايه بعشرين جنيه. ايه الورق ده يا جماعة ايه علاقته بالموضوع ده؟ ما بيقولوش اي لا طعم ولا لون ولا ريحة. هي كده حاجة لازم تتحط عشان الورق يعدي هو برضو عشان احنا نعدي المعاني دي ونضحك على نفسنا احنا بنعلمه عشان يبقى مسلم قوي ويخدم دينه. دين ايه بقى اللي هيخدمه فعمير لأ عمير اتربى تربية تانية تماما مختلفة خالص سبحان الله فساعة واقف في الغزوة عمير قاعد يستخبى ورا اخوه ليه؟ خايف ان النبي صلى الله عليه وسلم يلمحه ولو لمحه هيبقى سنه صغير فيرجعك. لكن النبي ابصره شافه النبي صلى الله عليه وسلم؟ اه طبعا قائد طبعا. ما فيش حاجة هتخفى عليه. ازا كان سليمان اللي كان بيتفقد زي ما النبي يتفقد كان بيتفقد الطير. يعني خلص كل الجيش ويخلص كله اه الطير بقى فين هنا؟ ده في هنا حاجة ما جتش ما لي لا ارى الهدهد. ده الهدهد مش موجود. ده انت واخد بالك من الهدهد! امال الجنود هتبقى واخد بالك من ايه سبحان الله هل احنا كده في بيوتنا؟ هل احنا كده في في المؤسسات اللي احنا بنعمل فيها؟ عبادة التفقد في الحلقة ممكن النهاردة اه تشوفي بنات كتير جدا معاكي في الشغل وبتاع وواحدة غابت. انت عارفة هي غابت ليه عارفة نفسيا جسديا مرض آآ انت عارفة ايه المشكلة اللي مرض بها؟ بتسألي عليها؟ اه انا بسأل سؤال عابر كده. لا لا لا عبادة التفقد دي مهمة قوي النبي ابصره ورده فجعل عمير يبكي. عاوز حد كده عنده ايه يعني خمستاشر سنة فيما تحت. بيسمعني دلوقتي يقول لي ليه يكون بيبكي تتوقع يكون سبب بكاوي ها تتوقع ايه اللي يخليه عمير يبكي قاعد ما يعيط اول ما النبي صلى الله عليه وسلم شافه وقال له مش هتنفع ايه اللي يخلي عمير دلوقتي تتفجر مشاعر الحزن بداخل قلبه. والدموع تنهمر من على وجهه يا ترى اتاخد منه موبايل ولا اتاخد منه السيف بتاع الصيد ولا اتحارب من ايه بالزبط ايه اللي ايه اللي مخليه يعيط ها لانه مش هيلحق امنيته ضاعت. اه هو كان عايش على امنية وكم مغروس عنده رسالة الجماعة بتوعوت الرؤية بقى والرسالة والكلام ده الجماعة اللي بيتكلموا ليل نهار في الرؤية والرسالة والقيم ومش عارف القصص دي كلها. ايه الرؤية اللي حطيتوها في الحلقة بتاعتكم واللي الرؤية اللي حطيتيها لاولادك ايه الرؤية اللي هو رايح لها هو كان محطوط له رؤية حاسس ان هي بتضيع مشروعه الحلم الكبير المد هيفلت منه دي فرصة ممكن ما يلحقهاش من كسرة عياطه وان قاعد عمال يشد في اخوه. والنبي صلى الله عليه وسلم يقول له لأ اطلع وهو قاعد ماسك في اخوه سعد ياه بيبكي لفوات الطاعة بيجيب ركعة يعني يعني قلما اشوف الوضع ده مسلا حوالي سبع تمن سنين عمري ما شفت الوضع ده ان هو يجيب ركعة يعني ففي يوم من الايام لقيته دخل المسجد متأخر بعد الصلاة اصلا ما خلصت وبعد ما سلم كده وبتاع فانا طالع فبسلم عليه اخبارك وبتاع وكده بس واحد كانما فقد امه دموع رهيبة هو طبعا مقاوم الدموع يعني واضح ان هو فبقول له ما لك يا فلان قال لي مش عارف من ساعة ما صحيت وبصيت في الموبايل لقيت وقت الفجر فات حاسس ان فيه سكينة في صدري ياه هو فيه كده اه في كده يا جماعة هو دي حرارة الايمان حرارة الايمان زي ما انتم شفتم في بنات ممكن تعيط ان الدرس فاتها او ان هو فات حزين ان الطاعة فاتته ايه بقى مين اللي رباه التربية دي بقى مين اللي غرس فيه المعنى ده فده معنى عالي جدا جدا ان يكون موجود بانسان فيه كده مرة في واحد برضو عندنا في المسجد راجل كبير هو حاليا يعني حاجة وستين يعني. من حوالي عشر سنين طبعا هو اللي بيفتح المسجد يفتح المسجد ويأزن ويعني ويفتح المسجد قبلها بنص ساعة يعني قبل الفجر ما يأزن بنص ساعة فاليوم ده غريب ما لقيتوش فلما سبحان الله وجدت جه تاني يوم بقول له انت كنت فين امبارح قال لي كان يوم كزا مواصف اليوم وصف فيها الايه؟ صعب فبقول له ليه قال لي والله يا محمد انا تقريبا خمستاشر سنة ما فاتتني صلاة الفجر امبارح كان فرح ابني اخروني منهم لله فنمت فضاع علي صلاة الفجر ياه في ناس كده اه في ناس كده الشاب اللي انا بحكي لكم عليه ده مرة من الايام كده فبقول له حاجة فقال لي كلام يعني فبقول له انت بتكزب علي يا فلان اتكلم بصدق راح معيط قعدت له يا عم انا بهزر معك ايه اللي بتعيط ليه قال لي انت اول مرة اول مرة في حياتي حد يقول لي انت بتكزب اننا الحمد لله عمري ما كذبت في حياتي ليس هناك شيء يدعوني ان انا اكزب ليه اجزب فكرني بشعبة لما كان يقول والله لو نادى مناد من السماء ان الكذب حلال ما كذبت ليه اكذب ده اصلا؟ ليه يبقى فيه فصام بين الظاهر والباطن فسبحان الله على فكرة اللي انا بكلمكم عنه ده عشان بعضكم ممكن يبقى فاكر ان ان الناس دي بقى ايه الدنيا ضاعت وبتاع لا يا جماعة الشخصيات اللي انا بكلمكم عنها دي شخصيات انا اتعرفت عليها في اولى في نهاية اولى سانوي او في تانية سانوي يعني. الشخصيات دي ما رأيتها تخلفت عن مجلس علم. طول فترة اه السانوية مجلس علمي يعني علم شرعي كانوا بيحفزوا القرآن في الوقت ده كلهم بفضل الله ختموا القرآن وكلهم وانا كنت اقول لهم شوفوا مجموعكم في سانوي ده اللي هيخليكم تكملوا مع اهاليكم اهاليكم خليكم تكملوا في الاستقامة ولا هيكونوا عائق؟ بفضل الله كلهم كلهم. طبعا كان في منهم الاوائل على المحافزة يعني. كل المجموعة اللهم لك الحمد دخلت المكان اللي هم اللي كان في الرياضة العلوم فاللي كان في علمي رياضة دخل رياضة واللي دخل آآ واللي كان علم احياء دخل به آآ دخل طب وكده. بس كده؟ لا يا جماعة اه منهم دلوقتي معيدين في الكلية ومنهم الان الناس مش عاوز اقول طبعا اثرني لان ايه؟ الناس ديت آآ منهم معدين في الكلية دلوقتي ومنهم ناس مشاهير جدا في تخصص معين وفي انجلترا فالشاهد الناس دي اه ما ابدا في حاجة لخبطتهم واللهم لك الحمد طبعا لو كتير منهم معروفين اعلاميا يعني ومشهورين يعني. اللي ربنا سددهم هي فكرة ايوا اتته الدنيا وهي راغمة وربنا لا يجرب الرب سبحانه وتعالى لا يجرب ما ينفعش تجرب ربنا انت ما ينفعش تجرب ربنا انت تدخل ويكون لك يقين تلاقي الحاجات ديت ايه موجودة؟ فهو عمير قاعد بيعيط عشان الايه عشان الطاعة فاتته مش عشان بقى اتاخد الموبايل ولا عشان بيتقال له ايه ومش عارف ايه لا الكلام ده بقى يا جماعة الناس ديت عالية قوي بقى. سماوية فرق له قلب النبي صلى الله عليه وسلم. النبي صلى الله عليه وسلم قلبه رقي جدا. فاجاز مين؟ عمير. ياه سبحان الله وفي واحد سبحان الله كان برضو اتى في اظن في احد. الفتى ده كان تقريبا عنده تلتاشر سنة فالنبي صلى الله عليه وسلم لم يأذن لي في احد فبيقول للنبي صلى الله عليه وسلم ايه؟ بيقول له يا رسول الله لا تحرمني دخول الجنة ياه لا تحرمني دخول الجنة. شف الكلام عامل ازاي؟ يا رسول الله لا تحرمني دخول الجنة فوالذي لا اله الا هو لادخلن الجنة. ايه يا جماعة السقة دي! شاب في تالتة اعدادي بيتكلم مع النبي صلى الله عليه وسلم كده. بيقول له يا رسول الله النبي صلى الله عليه وسلم بيقول له لأ انت سنك صغير ما ينفعش. فبيقول له يبقى بعفوية وبفطرة الانسان السوي. فبيقول له ليه تحرمني الجنة؟ والله هدخلها فابتسم النبي وقال بم طيب عشان بايه بقى؟ تخشها بايه قال بحبي لله ولرسوله كثيرا ولاني لا افر في الزحف. انا في انا بحب نبي اوي وباحب ربنا قوي وانا في وقت الجد ما بفرش انا راجل وسيدني يا رسول الله وجربني ثم تركه النبي ومات يوم احد شهيدا سبحان الله! ايه الجمال ده! ده كان فتى بني هاشم الايمان كده يا جماعة الايمان اللي يخلي آآ ساق ابن مسعود كجبل احد. الموضوع لا بالتخن ولا بالقوة ولا بالجسم ولا بالشهادات هو بالايمان. هو اللي عمل كده القوة اليقينية. يا جماعة احنا بصوا يا جماعة انتم متفقين ان ولادكم بعد خمسين سنة ستين سنة في رواية ضعيفة سبعين سنة هيكونوا كلهم في التربة انتم متفقين على كده وعندكم يقين في كده ولا الموضوع ده قلقانين منه؟ احتمال ما يحصلش واخدة حضرتك صك بالامان ان ولادك مش هيخشوا التربة دلوقتي لسة قدامهم الف سنة كلهم هيخشوا ؟ اه. طب حضرتك مفهماه من اول ما هيدخلوا هيتحاسبوا حساب وفي اختبارات وفي نتيجة السنوات اللي عاشوها ومش هينفع في النتيجة دي مش هينفع في النتيجة دي ان يقول له انا معي شهادة ان انا دكتور وشهادة ان انا مهندس وشهادة ان انا كنت فاتح محل كان بيكسب وكنت عامل موقع وكنت عامل تطبيق وكنت ببيع كزا وكنت بعمل كزا اه كل ده على حسب نيتك وبتاع هتاخد عليه لكن خلينا ده رقم اتنين رقم واحد اخبار الصلاة ايه معك اخبار الدين ايه؟ من ربك؟ مش من الرب الحق؟ احنا بنقول لك ربك انت اللي عشت مع اسمائه وعشت مع صفاته وعشت مع كلامه. الرب اللي انت عبدته. احكي لنا. ربك ما دينك؟ دينك انت اديني اللي كنت بتفتخر به الدين اللي كنت بتفتخري به الدين اللي كنت بتعتز به دينك انت مش الدين الحق السؤال مش عن الدين الحق الدين عن دينك انت عن تدينك احكي لنا من الرجل الذي بعث فيكم؟ طب هو محمد مش بعث في ايوة بس جالك قل لي عملت ايه ياه ده موضوع كبير اه طبعا كبير لان ممكن ولادنا كلهم يبقوا عايشين اربعة وعشرين ساعة تلاتين يوم في الشهر تلتمية خمسة وستين يوم في السنة عايشين في اتجاه يجوا يخشوا التربة يتسألوا على حاجات تانية خالص. وانا قاعد اومال اعد لهم ايه؟ قاعد يستشعر كده ان ابنك عنده امتحان في اللغة الانجليزية. وانت بقى هريفي الالماني ويعدي مستوى يدخل في اللي بعده يدخل في اللي بعده يدخل في اللي بعده يدخل في اللي بعده. يدخل الامتحان الانجليزي. ايه ده ايه ده يا امي؟ انت خدعتيني هو ايه اللي حصل اه انت عندك امتحان انا انجليزي انت ايه اللي مخليك تزاكر الماني كنت فاكر والله مش عارف ايه لا يا حبيبي عندك امتحان انجليزي. بس قالوا لي الالماني اه الالماني فيه مستوى رفيع كده هنشوفه كده في الاخر بس الاول جاوب على الامتحان الاصلي الباب ده مهم جدا فاوعوا اوعوا تكونوا آآ يا جماعة ما تاخدوش اللي عند الغرب كده بايه؟ بكل حاجة زي ما البعض بيقول سنأخز كل شيء حتى الايه؟ القاذورات التي في بلاش تمشوا ورا الناس دي فلتر فلتر انت مسلم فلتر. واعرف كويس اوي خليك احسن مهندس احسن دكتور احسن نجار احسن سباك احسن مدرس احسن تاجر احسن اي حاجة ربنا من عليك حتى احسن واحد ساب تعليمه عادي جدا بس تكون دايما الاحسن. ليبلوكم ايكم احسن. فخليك دايما احسن. شف انت مكانك فين لك احسن احسن ينفع في وقت ان الساعة اتية. اما تيجي الساعة اه انا الحمد لله انا استعملت اللي ربنا اداني فيه عشان اجاوب على السؤال بتاع الساعة ده. اه فربنا وزع الارزاق. كل واحد بقى والرزق بتاعه بقى. انا طلعت ربنا رزقني ان انا دماغي كويسة جدا في التحصيل وربنا رزق التاني مال والرازق التالت حاجة كل واحد بقى والكليات فعمير لما حصل كده رق له النبي صلى الله عليه وسلم رق شديد عند ذلك ووافق عليه. فلما وافق اقبل عليه سعد فرحا. سعد فرح قوي مش قاعد بقى يا عيني. ويا عمير هات طب مش عارف وتعال خد حضن لاخوك الكبير ويا عمير ومش عارف ايه طب ما خليك يا عمير نفسي يا عمير طب هات التيشرت بتاعك ويا عيني عليك يا عمير عارفين انتم اللي ايه؟ ان بعض الناس اللي بتعمل كده على طول جري فرح مبسوط اخوه خلاص دخل دخل وخد الفرصة فعلى طول سعد وعقد عليه حمالة سيفه. حمالة السيف دي الحاجة اللي بيعلقوها على العاتق بتاعهم على الرقبة يعني عشان يحطوا فيها السيف هو مش عارف يعلقها من كتر من وهو صغير فهو اللي ربطها له وانطلق الاخوان يجاهدان في سبيل الله حق الجهاد. الله الله! مش بقول لكم يا جماعة اسرة ممتدة اسرة جميلة اسرة لزيزة زي اسرة مسلا انس ابن مالك الاسرة ديت سبحان الله اسرة غريبة. انس ابن مالك اخوه البراء ابن مالك ابوه ابو طلحة الا لما سمع سمع صوت البلابل في الحديقة تزكر قوله لن تنالوا البر على طول. فانفق ايه؟ الحديقة بتاعته كلها. تصدق بها. ام الروميساء لما النبي دخل الجنة سمع خشفة ايه؟ نعلها. سمع صوتها. فقال من هذا؟ قالوا ده ام رميساء دي ام سليمة. روميساء بنت ايه؟ من حامي رسول الله فدي ام رميساء اخوه البراء ابن مالك اللي كان عمر بيقول عليه لا لا تأمروا البراء فانه مهلك الجمال ده بقى. عمه انس ابن النضر اللي كان بيقول واه لريح الجنة اني لاجد ريح الجنة دون احد خاله حرامي ابن ملحان اللي كان بيقول فزت ورب الكعبة بلغوا قومنا ان لقينا ربنا فرضي عنا ورضينا عنه. ده صحيح البخاري. ده خاله بيقول كده طب خالته امه حرام بنت ملحان. اول شهيدة في قبرص. قبرها هناك اول غزوة في البحر كانت خالته مشاركة فيها طب زوج خالته عبادة ابن الصامت. اللي عمر قال له قبح الله ارضا ليست ليس فيها امثالك اللي ارسله عمر الى عمرو ابن العاص وقال له رجل بالف يلا خد شيل لا لا لا ايه البيوت دي يا جماعة عيلة جميلة كده يعني انت عيلتك كده برضه؟ اه ممكن تبقى عيلتك كده؟ ممكن. بس انا عيلتي مش قد كده. خلي عيلتك الجاية كده. عيلة ولادك. جهزي ولادك. انت ولاد اختك مش انت واختك ملتزمين واخوكو طيب يلا جهزي بقى لو انتي مش عارفة تعملي مع الكبار اعملي مع الصغيرين وخليهم يبقى هم بيتنافسوا كده ان يطلعوا بعد مسلا عشرين سنة تلاقي ابنك وولاده واخواته وولاد خالته وولاد عمامه ولاد كده وحوش. وحوش كده تيجي يوم القيامة تقول له يا رسول الله زي كده بندخل ما اماكن بتفتخروا كده ده ابن يا شيخ وده ابني ومش عارف ايه. آآ الدكتورة مايسة سلمي على عمه. مين مايسة دي؟ بنتي. ما انت لازم تقولي الدكتورة كده وتتكي على حرف ايه؟ الدكتور. طب ليه؟ عشان ما هو ما ينفعش اقول لبنتي كده يعني مش عارف ايه. وكلنا بنفتخر بالكلام ده. ومحمد بيه يخش محمد بيه سلم على عمه كل انت قاعد عمال تفتخر عاوزين بقى نفتخر بقى زي ما الاسرة دي كده ايه بتفتخر فهو انطلق يجاهد هو واخوه. فلما انتهت المعركة عاد سعد الى المدينة وحده فين عمير الجماعة تم عمير فقد خلفه شهيدا على ارض الوفاء. على ارض بدر واحتسبه عند الله. مين اللي قتله بقى عمرو ابن ود عمرو ابن الود وهو اللي قتل عمير ياه ايه الجمال ده يا جماعة عمرو بن ود يا جماعة وحش الوحوش عند الكفار يعني يحكى ان في ايام الاحزاب قعد المرة يقول ما مني ومن يبارز من يبارز من يبارز فعلي قال انا ابارز يعني. فالنبي صلى الله عليه وسلم قال يا علي انه عمرو ابن ود. اقعد يا علي الموضوع مش بسيطة كده يعني عاوز اطلع اطلع. لأ ده ده وحش ده كان بيقف كده يا جماعة وعشرة يدانهم يحاولوا ايه؟ يوقعوه ما بيعرفوش. فهو راجل يعني حاجة كده تنين مجمع حاجة كده تلات ترلات ماشية مع بعضها ده اللي قتل عمير. معنى كده ان عمير كان فين يا جماعة؟ كان فين في المعركة مش قاعد بياكل تمر على الناحية التانية ولا قاعد ماسك الراية وواقف فوق الجبل وقاعد يقول جم جم الكفار جم لأ يا جماعة ده كان جوة قوي كان داخل جوة المشهد ده مشهد لهم يوم بدر ويوم واحد سعد كان له مشهد ما هو اسرة ممتدة قلت لكم بقى ويا جماعة اللي بيعمل للرسالة ما بيعرفش يقف. يعني في بعض الناس يقول لك احنا خلاص بنينا جامع سنة اتنين وتسعين وبعدين خلاص بقى يا عم الشيخ بقى خلاص ايه انتم عايزين منا ايه تاني يا عم انا مش عاوز منك انا بقولوا لك صحيفتك ايه التقل اللي فيها من بعدها اليوم اتسألت فتوى او استشارة يعني واحد والده توفي وكان سايب اه عامل مسجد صدقة وقف لله بس لسه ما فتحهوش يعني كانوا يخلصوا كل حاجة بس جت ظروف كورونا وكده عمل ايه هل المسجد ده آآ مشكلة التكييفات بتسحب كهرباء كتير؟ اه فراح واخد التكييفات بتاعة الجامع وباعها بعد وفاة والده وايه السؤال بقى؟ السؤال ان هو عاوز يوسع الدور الاولاني فياخد من المسجد تلت المسجد فنسأل الله السلامة وحجة ايه؟ ما احنا بنينا جامع بقى خلاص هي الفكرة كده. فكرة انك تكون رسالة للاخر. مش خلاص بقى مشهد في بدر. لأ الى يوم ما اقابل ربنا. انا زني واقف عشان كده يا جماعة الموقف اللي انا اتسألت فيه النهاردة ده بقول لكم اهو ما تستنوش ان ولادكم يتصدقوا عنكم اعملوا كل حاجة واستمتعوا باساركم وقدام عنيكم قدام عينيكم ما يا محمد انا يا ابني لو حصل لي حاجة وبابيع كزا. محمد يا حاجة مش هيبيع. لا يا عم الشيخ ده محمد ده بيدي دروس. يا حاجة اسمعيني. محمد هيجيب عربية لله ويقول لك دي بتاعة الدعوة. وهو طبعا رايح جاي بها. فيقول لك ان دي الدعوة يا حاجة سيبي محمد في حاله واعملي حاجتك فاحد بقى عمل موقف فيه كم موقف غريب جدا. لما الزلزلة الاقدام وزلزلت حول النبي صلى الله عليه وسلم والوضع كان صعب جدا والمسلمين تفرقوا عن النبي صلى الله عليه وسلم فكان فيه ازمة ضخمة قوي الازمة دي لم يسبت فيها حول رسول الله الا عشرة. درجة ان هم قالوا النبي صلى الله عليه وسلم قتل في مواقف يا جماعة ما بيقفش فيها الا اللي اتربى واللي شال من الاول واللي كان فاهم المعاني الكبيرة الرجالة فوقف سعد بن ابي وقاص يناضل عن رسول الله صلى الله عليه وسلم بقوسه. فكان لا يرمي رمية الا اصابت من مشرك مقتلا ما هو كان بقى بيتدرب هو بقى التعليم اهو شفتم بقى هنا المؤمن القوي؟ اه بيعرف يرمي بس عشان ايه؟ يستعملها في خدمة الاسلام في خدمة دينه فيما يعود عليه بالنفع مش قاعد امال ليه؟ يقول لك ايه ما بيلعب فروسية ليه؟ عشان الاسلام قال لنا تعلموا الفروسية. هو بيتعلم الفروسية وهو سايب وقت الصلاة. وبيتعلم مع مي ليه؟ وهم الاتنين في مكان مختلط يعني ولا السباحة نزل وعورته مكشوفة ليه بيتعلم السباحة لاجل الدين الا انه يغطي عورتك واخدين بالكم؟ بيتعلم سباحة عشان الدين قال له اتعلم سباحة وبيتعلمها ام ايه؟ مع ناس مختلطة ايه السباحة دي بقى طب كده بتسبح في ايه بقى انت بتسبح يعني ايه في الهزار فسعد رضي الله عنه وقف يناضل عن النبي صلى الله عليه وسلم بقوسه. وكان بقى في من الحاجات المهمة. مهم قوي تكون متفرد وعندك ميزة لو الاسلام احتاجك لو المسلمين احتاجك لو المجتمع المسلم اللي انت عايش فيه احتاج الحاجة يلاقيك انت معك المادة دي. مادة دي بقى التميز ده برمجي التميز ده تصميم التميز ده آآ حسن تجارة التميز ده ترجمة التميز ده تربية التميز ده ايا كان بقى اي تميز لما تكون متميز تبقى انت سهم جاهز انك تستعمل في كنانة الاسلام فلما رآه النبي صلى الله عليه وسلم بيرمي بالدقة والتركيز ده والتفرد ده جعل يحضه حرض المؤمنين. ويقول له ارمي سعد ارمي سعد ارمي فداك ابي وامي. يا سلام على الجمال! مشكلة ان الجمال ده عاوز اعلق عليه هياخد ساعة لوحده واحنا خلاص عدينا ساعة قصة لكن خلونا يعني ايه نشير من بعيد يعني ان سعد النبي صلى الله عليه وسلم بيقول له ارم فداك ابي وامي شوفوا يا جماعة الترغيب والتشجيع والتحفيز والسناء طب يا رسول الله اصل قلبه كده يا جماعة قلبه ايه وضهره ايه؟ اعوز بالله كده الاخلاص بتاعه هيضيع يضيع ايه هو اللي زي ده عدى المرحلة دي فشوفوا سبحان الله هنا النبي صلى الله عليه وسلم بيقول له ايه ارم فداك ابي وامي. ده الوحيد الذي فداه النبي بابيه وامه عشان كده يا سعد كان يظل يفتخر بها طوال حياته ويقول ما جمع النبي صلى الله عليه وسلم لاحد ابويه الا لي شفته معه؟ سعد خد المنزلة العالية ديت قوي وده نستفيدها يا جماعة ان احنا دايما نشجع من حولنا. نشجع اللي احنا عاوزين منهم حاجة عشان كده مهم قوي الخطاب دايما الناس المسئولة مسلا انا مسؤول على اسرتي انا مسؤول عن حلقة انا مسؤول في المدرسة انا مسؤول في المصنع انا مسؤول في اي مكان انا مسئول دايما حافظ على خطابك. خلي خطابك دايما خطاب تحفيزي. خطاب تشجيعي. خطاب ينتشر للناس مش كون انت وكبد الحياة يكفي كبد الحياة الله يكرمك. الحياة تقيلة الحياة مليانة مشاكل عاوزين يعني نقوم الشباب مقومهم بايه؟ بالسلاح ده نعم العبد. النبي صلى الله عليه وسلم عاوز يقول للصحابي انك ما بتقيمش الليل ليه؟ يقول له نعم العبد عبدالله لو كان كان يقوم من الليل. شوفوا يا جماعة عاوز يقول له قيم الليل. فقالها له ازاي نعم العبد عبدالله لو كان يقوم من الليل تدخل البيت كده فتلاقي الاكل بارد انت عاوز تقول يا جماعة عاوزين الاكل سخن ايه انتم تتوقعوا ايه اللي بيتقال؟ ايه اللي بيتقال دلوقتي في الاسرة اما تدخل تلاقي الاكل بارد وانت كنت ايه عاوزه سخن يعني وجاي جعان جدا ومتبهدل في الشغل خناقة ماشي واحد واحدة بتقول ممكن يحصل خناقة. ايه اللي بالكلمة؟ الكلمة اللي ممكن تتقال. ايه ده ماشي ايه كمان؟ ممكن ناك بيتقال كلام فظيع وواضح ان هو من فظاعته ومش عاوزين يكتبوه ها ايه اللي ممكن يتقال دي مش عيشة اه دي مش عيشة الاكل بارد ليه؟ يا سلام! الاكل آآ لزيز ده واحد بيهزر لغاية امتى ايوة لغاية امتى؟ المهم سبحان الله نعم الزوجة لو سخنتي الاكل انت بتعملي ايه طول اليوم؟ اه فعلا ده اللي بيتقال. كنتم فين من الصبح؟ حرام عليكم حضرتك هو بيتقال لها حضرتك؟ اكيد طبعا حضرتك مش من باب الايه؟ الادب لكن من باب الايه؟ الشخص الحاضر امامي لكن خلونا بقى ايه افضل ممكن جملة نقولها خلينا بقى نتعلم من النبي صلى الله عليه وسلم. عاوزين نقولها بس بطريقة فيها تحفيز الاكل تحفة بس لو كان سخن. جميل ها يا سلام لو الاكل كان سخن. جميل ممكن تسخنيه عاوزين كلام اكتر ما عدا النبي قط طعام ما شيء ياخده يحطه في الميكروويف ماش هو اللي يشتغل مم تسلم ايدك ممكن تسخني الاكل ايه اللي ممكن يقوله الاكل اللهم بارك حلو اوي اوي اوي والله احنا بنتعبك جدا انا تعبتك خالص. ربنا يطعمك من الجنة. واسأل الله ان يكرمك خيرا استسمحك بس لو في فرصة ممكن نسخن الاكل من اه انا حاسس ان هو تقريبا انت انشغلت او ما خدتيش بالك ان هو بارد او ممكن انا اقوم بس انا اقوم دي قد يكون فيها قدر من العتاب الخشن والزعق انا عارف ممكن تقول لها لأ بصي هو طب خليني انا عارف انك تعبانة او مشغولة بالاولاد او حتى لو مقصرة ايه المشكلة يعني؟ ايه المشكلة يا جماعة؟ يا جماعة ايه المشكلة ان يبقى اللي قدامك ايه يعني لما يبقى منهم اتناشر وجبة وفي رواية يا سيدي تلاتين وجبة منهم باردين من خمسة وستين وتلتمية ساخنين. حلوين عدل فنسأل الله سبحانه وتعالى ان يرزقنا الادب باداب النبي صلى الله عليه وسلم. واسأل الله ان يعلمنا ويفهمنا واحنا يا جماعة هنرتاح كتير لو اتأسينا بالنبي واقتضينا به صلى الله عليه وسلم. بس هتلاقي الامور بسيطة والامور مش مكلكعة. الكلكعة دي يا جماعة احنا نستوردها في واحد بيتصل كده سلام عليكم باندا اه او هايبر مش عارف ايه اه لو سمحت عند حضرتك تلتميت جرام اه نكد وكلكعة؟ لا والله ما فيش بس اليومين دول هو الكرب بس. طيب لو سمحت اتنين كيلو الله يكرمك. لان انا حاسين ان اليومين دول الدنيا رايقة يعني فعاوزين ايه؟ نولعها في شعشعة في حاجة كده بتعمل شعشعة في البيت دي بس موجود منها ربع كيلو بس اه لأ هاتها هاتها هتعمل شغل ان شاء الله ممكن تفرق معنا شوية فاحنا احيانا بنستوردها ونشتريها من برة لكن هي الدنيا عادي انت لو ركزت هتلاقي الدنيا عدت يعني. ايه المشكلة ان الصحي من النوم لقيت ابنك فاتته فاته درس يعني؟ ايه اللي هيحصل يعني؟ ايه اللي هيحصل في كوكب الارض يعني خلاص قدر الله وما شاء فعل المرة الجاية نزبط الموبايل او في حد ينبهك وانتهى الموضوع بس عادي جدا ربنا يسترنا واياكم واسأل الله ان يرزقني واياكم حسن العمل وحسن الخلق حسن الختام. سددكم الله واواكم الله. جزاكم الله خيرا