الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم اما بعد اهلا ومرحبا بكم في اه لقاء جديد من لقاءات لايف يوم الاتنين اه اخر لايف اتكلمنا فيه في موضوع خطير جدا جدا ووعدنا ان احنا نكمله في اللقاء دوت او نتكلم في حتة تانية متعلقة به اتكلمنا المرة الاخيرة في ايه اتكلمنا في الوسواس الذي يصيب الانسان وسواس اللي زي الوسواس القهري ووسواس الطهارة وسواس في العقيدة. واحد بيعتقد نفسه بيكفر وواحد بيعتقد نفسه بيطلق مراته. واللي بيعتقد ان هو ما توضاش ويتوضا تاني وتالت ورابع. جوة الصلاة يقعد يعيد في في تكبير يكبر كتير ويعيد التشهد ويشك في الركعات. كلمنا لايف كامل اكتر من ساعة في القصة ديت واتعلمنا ايه اللي نعمله. مع الوسواس دوت. والحمد لله رب العالمين. ازن في ناس كتير استفادوا منه يا رب. تكونوا استفادتم منه. وناس كتير يعني الدنيا نورت معها وقالت يعني انا اول مرة اعرف ان انا الوسواس دوت في ميزان حسناتي اصلا وان ده وان ده يعني خير وان ده رحمة من رب العالمين دليل على الايمان. وازاي اقدر اتعامل معه؟ وازاي اقدر ابقى حازم وحاسم في التعامل مع الوسواس؟ يمكن تكرار الكلام استهلك من هنا وقت لكن اللي عايز يرجع للموضوع بتفاصيله يكتب على اليوتيوب كده آآ وسواس ويكتب علاء حامد او يكتب القضاء النهائي تقريبا سمته القضاء النهائي على وساوس الكفرية ووساوس الطهارة. يعمل سيرش على اليوتيوب هيلاقي الدرس او على الساوند لان الموضوع ده مهم جدا. ازاي نتعامل مع الوسوسة كان في نقطة مهمة احنا قلنا بردو عايز اضيف نقطة صغيرة كده قبل ما نبدأ موضوعنا النهاردة اللي هم قريب منه لكن آآ في باب تاني بس هو يعني ايه مش بعيد عن الوسوسة. آآ وهو ان احنا قلنا ان الوسوسة دي فاكرين قلنا ان هي عبارة عن افكار عشوائية بتهجم على دماغك وبتقعد تطرق بشدة دماغ كده وبتتولد زاتيا وبتروح زاتيا. فقلنا ان مش الحل فيها ابدا ان انت تتفاعل معها لا في العقيدة ان انت تسأل ولا في الاحكام ان انت تعمل. يعني ما تقعدش تكرر عشان الوسواس حاجة معينة. ما تروحش تسأل كتير انا كفرت ولا ما كفرتش؟ انا عملت كزا. انا كده كافر ولا مش كافر؟ غلط. مش حل الوسوسة ان انت تقعد تتفاعل معها. سواء بالسؤال او بالتفاعل الايجابي معها. واتكلمنا بالتفصيل في الموضوع ده. وقلنا الحل المثالي اللي هو قاله النبي عليه الصلاة والسلام في الوسوسة. قال فليستعذ بالله ولينتهي فليستعز بالله ولينتهي. يعني يقول الانسان اعوذ بالله من الشيطان الرجيم ويتفل عن يساره مثلا ثلاث ولينتهي ان يتوقف فورا عن التفكير في هذه الوساوس وده الحل المسالي اللي في الاخر الطبي النفسي وصل له ولاء وجدوا ان ايقاف التفكير هو ده الحل المسالي عشان كده حتى كل الادوية النفسية اللي اللي بتعطى لمريض الوسواس هي مش بتعالجه في الحقيقة. هي في الحقيقة بتعمل خمول بحيس ان هو عقله يبطل يفكر فكر في الافكار ديت. هي في النتيجة بتخلي عملية الانتهاء او التجاهل اجباريا. عشان كده للاسف مريض الوسواس لما الموضوع بيهدى معه افتكر ان هو خف فبيبطل الدواء. فلما يبطل الدواء بيهجم عليه الوسواس بقوة شديدة يمكن اكتر من الاول ان الدواء مش ما كانش بيعالج. الدواء كان بيساعدك تعمل الحاجة اللي انت مش عايز تعملها. اللي هي التوقف والانتهاء. تمام فلزلك الانسان المفترض ان هو يحاول يعمل الموضوع ده بنفسه ويجتهد ان هو يعمله بنفسه ان ينتهي لا يستجيب. طيب تفاصيل الموضوع ده في اللي فات. اللي عايز اضيفه بس المرة دي ونسيت اقوله اللايف اللي فات وهو ان بعض الناس وده شفته بعض الناس يقول لك انا لما بيجي لي الوسواس بستغفر هل ده صح ولا غلط تفتكروا يعني لو ان انسان جاله وسواس جا له وساوس كفرية مسلا وساوس كفرية في حق الله تعالى. وساوس فعلا زي ما وصفناه المرة اللي فاتت اه اه هل صح ان هو يعني يستغفر من الوساوس ولا ده مش مش احسن حاجة. اه الاستغفار عموما جميل. يعني يعني اكيد اي استغفار حلو. بس في الموطن ده بالزات. ان انسان جا له وسواس كفري مسلا هو استعزمه يعني. فهو ما تفاعلش معه. هو هينتهي خلاص. تمام؟ نفترض ان هو حينتهي. بس هو راح قعد يستغفر من هذا الوسواس هل ده تصرف ايجابي في الحالة دي ولا لأ مم كويس كده انتم بقى بدأ يبقى عندكم ايه؟ وعي آآ سؤال هل النبي عليه الصلاة والسلام قال ان اللي يجي له الوسواس يستغفر اولا ما قالش كده لما جا له الراجل قال له انا بيجي لي في دماغي كلام. والله السما طز تنزل على دماغي احسن ما اقول الكلام دوت. فما قالوش استغفر قال له فليستعز بالله ولينتهي ليه يا جماعة؟ لان انا لو استغفرت من الوسواس ده ده دليل على ان انا بعاتب نفسي وبلوم نفسي وشايف ان انا مقصر ومزنب لان الوسواس ده بيجي لي احنا اول حاجة قلناها في اللقاء اللي فات ان الوسواس مش زنب مش خطيئة مش حاجة تستدعي ان انت تتوب منها وانما هو ابتلاء ابتلاء زي مرض البدن ابتلاء ربنا بيبتلي به العبد والحل زي ما اتكلمنا المرة اللي فاتت. فهو مش ذنب بل هو اجر زي ما بينا المرة اللي فاتت زي ما ابتلاء البدن له اجر. ابتلاء العقل اللي هو اصعب له اجر. فانت بتؤجر اصلا. فلمازا تستغفر تمام؟ فالاستغفار ده نوع من التفاعل الايجابي مع الوسواس. اللي هو قلنا ما ينفعش تتفاعل معه. والصح تتجاهله. ومن التجاهل ان انت ما من الوسواس انما تستعز بالله من الوسواس تمام لان البعض بيعتقد ده الحل يقول استغفر الله. مش عارف الافكار دي بتيجي استغفر الله. لا انت كده بتلوم نفسك. وبتقطم نفسك وبتعاتب نفسك. واحنا مش عايزين كده احنا عايزين ان احنا نستعز بالله نبقى اقوياء قدام ونقول له انت ما لكش لازمة. انت تافه. انت حقير. انت لازم تطلع برة. انت ما لكش وجود في حياتنا. مش استغفر منك مش هحس ان انا مزنب. مش هحس ان انا مقصر بسببك واطردو تماما وما اتفاعلش معه ابدا دي كانت خاطرة كده سريعة كنت عايز اكمل بها الصورة بتاعة المرة اللي فاتت. طب احنا النهاردة هنتكلم في ايه هنتكلم في الخواطر بقى ايه الخواطر دي؟ زي ما سمينا الدرس ده خواطر. الخواطر مش الوسواس بقى. يعني خلاص احنا عدينا الوسواس اللي هو الافكار الايه؟ القهرية ديت اللي تأتي بشكل مزعج تطرق العقل جدا وبتزعجه جدا وبتدمر عليك الحياة وبتتراكم وبتعمل لك توتر لأ لأ مش مش هاتكلم في ده خالص خالص انا هتكلم عن الخواطر العادية مش وسوسة. خاطر عادي بيجي لاي حد خواطر بتيجي للصالحين بتيجي للفاسدين بتيجي للانبياء خاطر يعني خاطر عدى علي اتعامل معه ازاي وطبعا هنا مش هتكلم على الخاطر الحسن الخواطر اللي بتيجي الانسان مش وسواس وده مش مريض وسواس ولا واحد موسوس خواطر عادية زي واحد جا له خاطر كده يزني جا له خاطر يعمل حاجة شمال جا له يأزي حد جاله خاطر كفري بس مش وسواس يعمل معه ايه لان ده بقى ده الحالة اللي هي انسان طبيعي بقى خلاص مش مريض مش موسوس مش مش مبتلى بوسواس لأ ده ده خاطر عادي بيجي لاي حد النهاردة كلامنا على الخواطر بقى تمام؟ ايه التعامل معها الصح خواطر زي ما قلنا الخواطر على انواع في خواطر نافعة تلاقي واحد بيفكر في قرآن بيتدبر اية بيفكر في ان شاء الله حتى بيفكر في حياته فكر في في المرتب يفكر هيدفع جمعية ازاي بيفكر في عياله بيفكر في حاله مع الله. كل دي خواطر نافعة. ودي مش مزعلاني في حاجة ومش كلامي مش هيكون عليها اكيد لان دوت الخواطر دي اصلا نافعة. سواء بيفكر في خواطر تنفعه في دنياه. زي اللي بيفكر في شغله وعمله وشهادته. ومزاكرته والجمعية والفلوس والدخل وهجيب فلوس منين واصرف على العيال منين؟ دي خواطر نافعة لانها تنفع في دنياه على الاقل. ومش حرام وفي خواطر اعلى وهي خواطر اللي تنفعه في الاخرة كمان زي تفكيره في حاله مع الله في سيئاته في ذنوبه الماضية في تفكره في في تقصيره في الصلاة تفكروا في القرآن ده اكيد. كل دي خواطر نافعة انا اكيد كلامي مش على ديت لان ديت مهما زادت مهما طرخت عقلك هي لا تضر بل هي نافعة دائما وفي خواطر بتعدي علينا كلنا كده اللي هي ايه؟ اللي هي بتيجي من حديس النفس زي ايه مسلا؟ زي واحد مسلا بكرة عنده امتحان دماغه على طول مشغولة بالامتحان. دي برضو ما تهمنيش مجرد ما تمتحن بكرة كل ده هيروح واحد فرحه كمان يومين فدماغه على طول في الفرح وفي في البيه وفي القصة الحاجات اللي ما خلصتش في البيت والكلام ده. ده ما يهمنيش دي حاجات كده ايه عبارة عن حديس نفس مرتبط بحدس هو كده كده انت موجود فيه. ودي مجرد ما الحدس يخلص هتروح لوحدها من لا وسوسة ولا هي من الخواطر اللي انا عايز اتكلم فيها لان دي حاجة ما تنفكش. مش ممكن واحد فرحه بكرة مش هيفكر فيه. ولا واحد امتحانه بكرة مش هيشغله. ولا واحد ابنه مسلا في عملية مش هيبقى مشغول به. كل ده مش شاغلني انا مش في بالي لا الافكار اللي هي النافعة. لان ديت كويسة اصلا. ولا كلامي على الحديس النفسي بسبب امر اصلا كده كده بيشغلك. ده غصب عنك. وكده كده اول ما الامر ده بينتهي الكلام ده بيروح لوحده انا النهاردة هتكلم على الافكار بقى ليه؟ اللي هي خاطر مش وسوسة بقى ها؟ مش وسوسة. لأ مش وسواس. الوسواس اتكلمنا عنه المرة اللي فاتت الخاطر السيء ايه الخاطر السيء ده بقى الخاطر السيء هو افكار سيئة بتأتي للانسان زي واحد جاله خاطر كفري كده فكرة كفرية يعني جه في باله كده هو طب آآ طب ما ممكن يكون الاسلام غلط. شفت شفت الخاطر ده عدى كده طب آآ طب ما يمكن المسيحيين هم اللي صح خاطر كده عدى مش وسواس آآ طب ما طب افرض آآ ما طلعش فيه دار اخرة حاجة كده عدت اه طب هو ليه ربنا مش بينصر المسلمين؟ هو كده ممكن ما يبقاش فيه ربنا بيحصل الخواطر دي بتعدي على الانسان دي خواطر في العقيدة تمام؟ خاطر عدى كده مسلا طب ما طالما ربنا كتب اعمال العباد طب ما هو كده يبقى اكبرهم طب ما كده ممكن يبقى ربنا زلم العباد خاطر كده عدى عليك اعمل معه ايه او خلينا نقول خواطر بقى في الاعمال. انا كده ضربت لك مثال بص هي الخواطر يا جماعة على آآ انواع في خواطر متعلقة بالعقيدة زي اللي قلتها لك ديت شفت الخواطر اللي انا قلتها دي بتيجي لاي واحد تعدي كده صح في نوع تاني من الخواطر خاطر تاني زي خواطر متعلقة باعمال القلوب يعني ايه اعمال القلوب اعمال القلوب السيئة بقى اللي هي ايه؟ اللي هي مسلا الحسد هاتف قلبه كده يعني يعدي عليه حسد كده. يعمل ايه او خاطر مسلا ان هو عدى عليه الشناوي احب ما يكرهه الله في لحظة كده البنت كده عدى في قلبها ان هي بتحب التبرج واني شايفة الحجاب ده مش اه ما بقتش احبه زي الاول. خاطر كده عدى يا مش او خاطر مسلا سيء زي ايه؟ سوء الزن في لحظة كده جاء له الشيطان في لحظة بدأ يبص لواحد ويسيء به الظن بلا سبب بلا سبب ما فيش اي سبب ان هو يسيء به الزن. بس هو بدأ يسيء به الزن. يقول له انا حاسس ان هو حاسس ان هو بيعمل لي كل دي خواطر بس متعلقة بايه باعمال القلب يبقى قلنا مسال على خواطر متعلقة بالعقيدة مسال على خواطر متعلقة باعمال القلب زي الرياء. ممكن الرياء يعدي عليك كخاطر ان انا كنت بصلي بالناس صوتي حلو وبعد كده حسيت ان ايه اندمجت فجا لي خاطر الرياء ها حسن صوتك عشان الناس خاطر برضه بيعدي على اي حد فينا نعمل معه ايه في بقى خواطر متعلقة بالاعمال بقى الجوارح اللي هو خاطر متعلق بحاجة هعملها بالجوارح فعلا زي ايه؟ زي واحد مسلا دلوقتي جه في باله انا عايز اقوم من دلوقتي اتفرج على الاباحية خاطر جا له طلبت معه يتفرج على الاباحية دلوقتي بنت مسلا جالها خاطر عايزة تاء تاء مثلا ولد بعث لها رسالة وكان بيكلمها كلام يعني فيه حب وكده وهي مطنشاه. فمرة واحدة في لحزة ضعف كده جا لها خاطر ايه ترد عليه او هي كانت مش بتتفرج على اغاني ولا افلام فمشغلين في البيت فيلم كانت هي بتحبه. فجاء لها خاطر كده طب ما اقوم اتفرج عليه او ولد جا له خاطر يعاكس بنت او جا له خاطر يعمل عادة السيئة لو جا له خاطر في رمضان اقوم افطر. آآ هافطر شفتم الامسلة دي ؟ انا بس عايزك تستوعب انا باتكلم في ايه مش بتكلم في وسوسة مجرد خاطر عدى على واحد تمام الخاطر ده حكمه ايه لان كل اللي انا قلته ده انا متأكد وانتم قولوا لي صح ولا غلط الامسلة اللي انا قلتها دي بتعدي علينا كلنا ما فيش حد فينا سالم الخواطر ديت سواء سواء المتعلقة باعمال القلوب زي الحسد وسوء الظن والرياء. والحاجات دي او متعلقة بحاجة حاعملها بالجوارح زي ان انا آآ طلبت معي اعمل حاجة غلط حاجة شمال حاجة مش محترمة حاجة مسلسل فيلم اسمع اغنية امشي مع تعمل عادة السيئة كل ده بييجي ما حدش يحسسني ان هو ملاك كلنا بيعدي علينا الخواطر ديت معلش انت ماشي في الشارع بيجي لك خاطر طب ما بص على البنت وانت بيجي لك خاطر طب ما ابص على الولد اللي بيبص علي في الدفعة كل دي ايه وتعدي علينا حلو طيب القاعدة الاولى ان هذه الخواطر لا مفر منها يعني لا يمكن ان يسلم منها احد ادي الخواطر لا مفر منها لا يمكن ان يسلم منها احد خلاص يبقى دي القاعدة الايه الاولى علشان ما تعتقدش ان حصول الخاطر ده يضر دينك او ان هو ده زنب. لأ. مجرد ورود الخاطر الى الان ما فيش مشكلة المشكلة زي ما حقول لكم بعد لما اكمل هتفهموا فين امتى هتيجي المشكلة حلو الكلام طيب وعلى فكرة الخواطر ديت اللي انا قلتها دي انا قلت لا يسلم منها احد صح لا يسلم منها احد ولا الانبياء تاني هذه الخواطر لا يسلم منها احد بل لم يسلم منها الانبياء تعالوا اديكم امسلة يوسف عليه السلام في قوله تعالى ولقد همت به وهم بها لولا ان رأى برهان ربه طبعا همت به دي مفهومة. هي همت به ناوية تعمل وعازمة وخلاص هتعمل وهم بها دي طبعا اختلفوا فيها. بس في احد الاقوال ان هم يوسف كان خاطر عابر يعني زي طبيعة نفس مشاريع واحدة همت به فخطر جا له خاطر كده سريع وبعد كده دفعه سريع زي سحابة صيف دفعوا بالايمان بالله تعالى. لولا ان رأى برهان ربه طبعا البرهان دي فيها كلام كتير بس عموما ودفعه بتزكر الله وبقوة الايمان اللي دفعه بذلك يبقى ادي يوسف عليه السلام صح قول الله تعالى في سورة البقرة ام حسبتم ان تدخلوا الجنة ولما يعلم الله الذين ولما يأتكم مثل الذين خلوا من قبلكم مستهم البأساء والضراء وزلزلوا حتى ها حتى يقول الرسول ها والذين امنوا معه متى نصر الله متى ايه؟ متى نصر الله يعني وصل لمرحلة اللي هو هو فين اين النصر الذي وعدنا متى سيأتي فده خاطر خاطر كده من شدة البلاء عدى عليه برضو اللي بيقول ده هل الانبياء معصومون الخاطر ده يا جماعة اصلا ما لوش علاقة بالعصمة لان ده زي ما قلنا الخاطر ده من الحاجات اللي من جبلة البشر مش الانبياء يا جماعة بشر النبي بيمرض ؟ اه. بيموت ؟ اه. بيدخل الخلاء؟ اه. بياكل بيشرب اه لانه بشر الحاجات اللي هي من طبيعة البشر الانبياء بتحصل لهم والخواطر ديت من طبيعة البشر الانبياء مش معصومين من ورود الخواطر وانما معصومين من ضرر الخواطر. ان الخاطرة تستقر. او ان هي تضر او تتحول الى عقيدة او عمل واما ورود الخاطر مع دفعه ده اصلا لا يضر بل هو اجر الانسان ازا دفع الخاطر السيء يؤجر يأثم فالانبياء مش معصومين من ورود الخواطر السيئة آآ اللي هي سحابة صيف بتعدي عليهم لانهم يدفعونها بحسن الظن بالله والتوكل عليه فيؤجرون وبالتالي هم بيزلوا في دائرة الايه؟ العصمة خد بقى المسال الاصعب. المسال الاصعب سورة يوسف عليه السلام قال تعالى حتى اذا ايه؟ في اخر السورة لانك لاول مرة تسمع الاية ديت حتى اذا استيأس الرسل سمعتها دي قبل كده حتى اذا استيأس الرسل وزنوا انهم قد كوزيبو وزنوا انهم قد كزبوا تاني حتى ازا استيأس الرسل وظنوا انهم قد كذبوا طبعا كوزيبو دي فيها فيها اقوال بس احد الاقوال ان الانبياء من شدة البلاء جاء لهم خاطر انهم قد كذبوا فيما وعدوا من الله بالنصر تخيل يعني الشيطان استغل لحظة شدة البلاء وبدأ يحاول يدخل في عقل النبي او نفس النبي ويجيب له الخاطر بتاع اين النصر؟ لقد كذبت فيما وعدت من النصر بس اللي فسر التفسير ده قال ان ده مش مش ظن مستقر عندهم. انما خاطر عدى عليهم ودفعوه دفعوه بحسن الظن في الله ودفعوه بالتوكل على الله ودفعوه بالاستعاذة من الشيطان خدنا بالنا من الملاية ديت وزنوا انهم قد ايه كذبوا تمام؟ فايه على احد الاقوال ان هم ان خاطر جاء لهم ان هم قد كذبوا فيما وعدوا في من النصر تمام؟ لكن يحمل هذا التفسير على انه خاطر ودفعوه فاجروا على دفع الخاطر. ولم يستقر وده بيحصل لنا كلنا يا جماعة. معلش احنا لما بنشوف اللي بيحصل للمسلمين في سوريا بيحصل لهم في فلسطين ان احنا بنقعد ندعي بقى لنا عشرات السنين بندعي بالنص. احيانا بيجي انسان لحزة ضعف كده فيجي في باله يقول فين ربنا فين النصر طب فين فين الكلام؟ فين اللي بنقراه في القرآن؟ بس عبارة عن ايه خاطر وبعد كده الانسان يقول اعوز بالله من الشيطان الرجيم يعني استغفر الله يعني الواحد استغفر الله ايه اللي بيجي في دماغ الواحد ده استغفر الله صح يحصل طيب هنا بقى السؤال بقى اللي بنسأله ان ان طالما كلنا بيحصل لنا كده اه القاعدة التانية احنا قلنا القاعدة الاولى ان الخاطر لا يسلم منه احد الخاطر ايه لا يسلم منه احد ازا خلاص اتعامل معه ان ده ده من الحياة البشرية اللي بتحصل لاي حد وبالتالي السؤال اللي جاي طيب ايه الحل؟ ايه العمل؟ ايه الحكم يبقى الايه؟ المحور التاني هو امتى بقى يضرني اه هنا بقى نقول ابن القيم رحمة الله عليه كان بيقول واعلم واعلم ان ورود الخاطر لا يضر وانما يضر استدعاؤه ومحادثته. يعني ايه الكلام دوت ابن القيم بيقول ان مرور الخاطر لا يضر القاعدة بتقول الخاطر ازا مر لا يضر اكتبوها الخاطر اذا مر لا يضر وانما يضر ازا استقر تاني الخاطر اذا مر لا يضر وانما يضر ازا استقر ابن القيم بيضرب مثال على الموضوع دوت واحد معدي على الطريق كده. واحد مشاغب معدي على الطريق هو كده كده هيعدي هو مش واخد باله منك. هو هو بيشغب كده بس فلو انت سكت وسبته في حاله عدى خلاص مش هيضرك صح لكن لو ناديت عليه قلت له تعال هيجي لك ويقعد معك ويبدأ يأزيك بكلامه ويضرك يبقى بالزبط كده الخاطر كده ازا مر لا يضر وانما يضر اذا ايه؟ ازا استقر تمام لزلك الامام النووي بيقول والخواطر ازا لم تستقر ويستمر عليها صاحبها فانها معفو عنها الامام النووي رحمه الله تعالى بيقول الخواطر ازا لم تستقر ويستمر عليها صاحبها انها معفو عنها باجماع العلماء لانه لا اختيار له في وقوعها. خد بالك لانه لا اختيار له في وقوعها يعني هو غصب عنك دي بتيجي غصب عنك ازاي تحاسب على حاجة هي رغما عني ولا طريق له الى الانفكاك عنه وهذا الذي اخبر عنه صلى الله عليه وسلم بقوله ان الله تجاوز لامتي ان الله تجاوز لامتي ما حدثت به نفسها ما لم تتكلم به او تعمل ان الله تجاوز لامتي ما حدثت به نفسها ما لم تتكلم به او تعمل وده اللي احنا قلناه تتكلم به او تعمل هو ده ايه؟ هو ده معنى الاستقرار. ما انا طالما الحاجة اللي جات لي خواطر بدأت اتكلم بها واتفاعل معها وعجبتني. وبدأت اعمل رد فعل او ان انا بدأت اعمل بها بالفعل ما هو ده دليل على ان هي استقرت. يبقى هنا يبدأ الايه يبدأ الضرر يبدأ الضرر تمام واحد جا له خاطر كده ايه ان انا عايز آآ عايز آآ اعمل عادة سيئة. فقام فعلا وبدأ يحضر استخبى والكلام ده خلاص هيواخز بقى بالخط لان هو بدأ فعلا التنفيز تمام؟ واحدة بتسيء الزن بصاحبتها. من غير اي سبب. ما فيش اي سبب ولا قرينة ولا دليل على سوء الزن دوت وبدأت فعلا ان هي تبعد عنها آآ وتتجنبها وتحزر منها يبقى انت هتآخذي الزلم ده وبالخواطر اللي حصلت لان ده كده تحول الخاطر الى الى افعال الى افعال طيب خلينا آآ نتصور المسألة التلات حاجات اللي احنا قلناهم الاول. فاكرين احنا قلنا الخواطر تلات انواع في خواطر عقدية كفرية تمام؟ وفيه خواطر متعلقة باعمال القلوب زي الحسد والرياء والكلام دوت. وفيه خواطر متعلقة باعمال الجوارح. اللي هو بقى واحد هيروح ايه؟ هيروح يتفرج على حاجة هيروح يكلم بنات هيروح يعمل حاجة الكلام اللي احنا ايه قلناه تمام تعالى نمسك كل واحدة ونشوف تفسيرها ايه في قول النبي عليه الصلاة والسلام ان الله تجاوز لي لامتي عما حدثت به نفسها ما لم تعمل به او تتكلم او ما لم تتكلم تبيع وتعمل لو احنا قلنا الخاطر الكفري الخاطر الكفري ايه هو العمل بالخاطر الكفري؟ ما هو عمل كل شيء بحسبه يعني ايه؟ يعني يعني الخاطر الكفري متى يضر يضر اذا انعقد عليه القلب واستقر في القلب تاني الخاطر الكفري متى يضر اذا استقر في القلب وركن القلب اليه وسكن اليه واعتمده خلاص وانعقد عليه بمعنى واحد جا له كده خاطر كده عدى عليه ان آآ ما زي ما قلنا كده مسلا شاف المسلمين مزلومين في كل مكان قال لك طب فين ربنا؟ خاطر كده عدى عليه الى الان لا يضرك طالما دفعت وخلاص لكن فعلا وصل قعد يفكر كتير وطالعة بنتيجة فعلا واستقر في قلبه ان هو مش ما فيش ربنا فعلا مش محتاج يتكلم بقى هنا يعني حديس بيقول يتكلم به ازا كان مثله يتكلم به. لكن ممكن الوسواس او الخاطر الكفري مش محتاج اتكلم به واحد خلاص استقر في قلبه انه لا يوجد اله واحد قعد يسمع بعض الايه الفيديوهات اللي فيها شبهات آآ بعض الفيديوهات اللي فيها شبهات اه عن الاسلام او اللي هي بتزين الالحاد في الاول كان بيسمع بس وبعد كده بدأت خواطر تيجي له وبعد كده سمع اكتر وبعد كده استقر فعلا في نفسه ان هذا الكون خلق صدفة وانه لا يوجد خالق لهزا الكون. استقر فعلا مش وسوسة ومش خواطر عابرة هنا يبدأ يضر هزا الامر ويبقى حكمه حسب الايه ما اعتقده تمام آآ واحد مثلا اه بيعتقد زي ما بعض الناس فعلا هناك في صنف زي دوت بيعتقد ان ان ايه المشكلة ان احنا يعني ما نؤمنش بالرسل تمام يكفي الانسان يؤمن بالله. وبالتالي عنده كل بقى كل الملل صحيحة تمام آآ النصرانية يهودية كل ده من فممكن يكون خاطر عدى عليه يقول ايه المشكلة؟ يعني حد ما امنش بسيدنا محمد؟ طالما امن بسيدنا عيسى كان في الاول خاطر ودفعه بس بعد كده استقر عنده ان لا يوجد مشكلة. المهم انسان يؤمن بالله ولا داعي للتفصيل في مسألة الايهام بالانبياء. واللي يؤمن باي نبي الدنيا تمشي معه وخلاص. هنا تحول خاطر ده العابر الى شيء انعقد عليه قلبه واستقر فيه وبدأ يعتقد وخلاص وركن اليه وسكن. وهي دي العقيدة ايه هي العقيدة؟ هي مجموعة معاني وافكار وتصورات تستقر في نفس الانسان فايزة الخاطر ده تحول الى معتقد هنا الضرر. ويأخذ حكم بقى حسب الخاطر اللي جا له دوت دي في مسألة الايه؟ العقيدة طيب مسألة الاعمال القلبية اللي هي زي ما قلنا ايه زي الكبر العجب الحسد الرياء سوء الزن بالمسلمين ديت قلنا ممكن تبقى خاطر تعدي. امتى امتى بقى فعلا واخذ عليها ازا فعلا تحولت الى عمل. زي ايه زي مسلا واحد عدى عليه خاطر الرياء لا هو هو كان في الاول عدى عليه بس هو عجبه الاول ما كانش يضره كان هيدفعه وخلصت. لأ عجبه فركن اليه وبدأ فعلا تحول من نيته انه كان لله تحول ان نيته باعت من اجل ان يقال كزا ويقال كزا ويقال كزا. هنا الخاطر يضره لانه استقر وزي ما قلنا واحد كان بيسيء الظن بصاحبه او باخيه او باخته و ما فيش اي دليل على على اللي انت الزن اللي انت بتزنه فيها. وبدأ يكرهه في الله بلا سبب. وبدأ يعاديه وبدأ يبعد عنه لأ انت كده بقى خلاص ده مش مش خاطر بقى ده استقر وبدأ يتحول الى ايه؟ الى عمل الكبر مسلا واحد ايه جاله كده خاطر كبر كده في لحزة. فيه واحد دفعه وفي واحد استمر معه وبدأ فعلا يشعر في قرارة نفسه. انه افضل من كل الناس ان كل الناس لازم تعاملني وانا وانا بدأ ايه خلاص لأ بدأ فعلا بيعتقد هزا الامر واستقر عنده. هنا يبدأ الايه يبدأ يحاسب على الخاطر وعلى العمل السيء خلاص فهمناها كده في العقيدة. وفهمناها في اعمال القلوب فاضل الايه؟ اعمال الجوارح اعمال الجوارح اعمال الجوارح امتى الخاطر ده يضر لأ لو في سبب لسوء الزن مش هيبقى حرام تمام؟ واحد فعلا فعلا في سبب واضح جدا ان انا اصيب الزن ده موضوع تاني. عشان كده ربنا قال ان بعض الزن اثم مش كل الزن اثم تمام عمل بقى انا جالي خاطر في احد الاعمال. لأ اللي عايز يعرف الفرق بين الخاطر والوسوسة يرجع للايف اللي فات بقى قعدنا فيها الشوية ديت اللي هو سميناه التخلص النهائي القضاء النهائي على الوساوس الكفرية ووساوس الايه؟ الطهارة طيب واحد بيقول دلوقتي انا آآ اه جا له خواطر في الاعمال بقى يعني جا له زي واحد جا له خاطر انه يزني جا له خاطر ان هو يشرب خمر، جا له خاطر ان هو يتفرج على فيلم. جا له خاطر ان هو يشوف اباحية، جا لها خاطر ان هي تقلع الحجاب جا لها خاطر ان هي تخش تسمع البي تي اس تاني. جا لها خاطر ان هي تشوف آآ فيلم مسلسل تركي تاني. خلاص بقى فتحت وبدأ امتى بقى يؤخز؟ لغاية دلوقتي لو جا له الخاطر ودفعه هنشوف دلوقتي حكمه ايه لكن لو انه استرسل وبدأ يتحول لا ما بقاش خاطر بقى ارادة وبقى عزيمة ثم انتقل الى دائرة الفعل بدأ يعمل اجراءات علشان ينفز هذا الخاطر. بدأ يشوف الجهاز بقى ويبتدي يفتح عشان يدور على الاباحية بدأ يخش يقلب في التليفزيون عشان يشوف المسلسل بدأت ان هي تشوف بقى بدأت تطلع هدوم التبرج عشان خلاص هي خلاص خلاص الحجاب ده كفاية كده بدأ يتحول لعمل فعلا بدأ يدور على نمرة البنت في الموبايل عشان خلاص هيكلمها بدأت بترد فعلا بتكتب رسالة على الواتس عشان ترد على الولد اللي بيحبها بدأ فيه اجراءات حقيقية ما بقاش مجرد ايه خواطر بقى في عمل في عمل تمام؟ فهنا بقى يبدأ الايه؟ تعال بقى تبدأ تتحاسب على العمل دوت خلاص؟ فهمنا كده متى يضر؟ دي احنا دي ده المحور التاني. متى يضر الايه؟ الخاطر وده ده تفصيل في اللي احنا قلناه اه ان الخاطر اذا مر لا يضر وانما يضر ازا استقر. وكلمة استقر دي هي دي التفصيل اللي انا قلته دلوقتي. يعني ايه استقر يعني ايه استقر في العقيدة؟ يعني ايه استقر في اعمال القلوب؟ يعني ايه استقر في اعمال الجوارح تعالوا بقى ناخد شوية احاديس وادلة عشان حتزيد المسألة وضوح الحديس الاول هنفهم منه ايه الحكم بقى لو انا دفعت الخاطر السيء؟ انت قاعد تقول لنا بس الحاجات اللي ضدنا؟ ما تقول بقى الخير بقى اللي معنا. تعال ده انا هديك هدية دلوقتي هديك هدية عسل بص الحديس ده. النبي عليه الصلاة والسلام بيقول ايه يا جماعة؟ بيقول ان الله كتب الحسنات والسيئات يعني كتب ايه الاعمال الصالحة؟ وايه الاعمال السيئة؟ وبينها للناس تمام ثم بين ذلك ثم بين ذلك فمن هم بحسنة فلم يعملها كتبها الله عنده حسنة كاملة. الله اكبر فمن هم بحسنة ده موضوع لسه ده ده اللي قلنا مش هتكلم فيه بس هو الموضوع جميل. من هم بحسنة فلم يعملها كتبت له حسنة كاملة يعني كان ناوي دلوقتي يقوم يصلي ركعتين. بس حصل ظروف وبتاع وحد شغله للاسف ما صلاش ما صلاش فيكتب له ياخد حسنة. مش هياخد عشرة. هاخد حسنة كانت ناوية تتصدق على مسكين. فنزلت آآ دورت عليه ما لقتوش قالت لا قدر الله شاء فعل. تاخد ان شاء الله ايه حسنة كاملة. تمام لم يعملها. مجرد هم بس قال انا طب اتصل بفلان ايه؟ اقول له كلمة طيبة. ما اتصلش بياخد حسنة كاملة قال ومن هم بها فعملها كتبها الله عشر حسنات الى سبعمائة ضعف الى اضعاف كثيرة وان هم بسيئة فلم يعملها ها ايوة الخاطر اللي دفعته ده كتبها الله عنده حسنة كاملة. الله اكبر. كريم والله. كريم يا رب وان هم بها فعملها كتبها الله سيئة واحدة حتى ما قالش سيئة كاملة. قال سيئة واحدة. يبين يعني ان هي ممكن ايه؟ كمان استغفاري يطيرها. سبحان الله يبقى انا عايز اقول ان احنا نستفيد الحديس ده فوايد كتير الفايدة الاولى ان انا استكثر من النوايا الحسنة. طالما النوايا الحسنة عكس النوايا السيئة. الافكار السيئة لو دفعتها ما تأثمش الافكار الحسنة مجرد انت ما تسترسل معه حتى لو ما عملتهاش بتاخد حسنة يا عم فكر افكار حسنة كتير قل انوي الصدقة وانوي الخير وانوي بر الوالدين. وانوي صلة رحم. اللي عملته عملته واللي ما عملتوش خدت عليه يبقى ده باب حلو وهنشوف دلوقتي باب خطير هقوله لك كمان شوية واللي عملته آآ كتر النوايا عشان يبقى سبعمية واضعاف كتير طب بقى اللي اللي يهمني بقى في الحديس اللي هي الجايزة بقى من هم بسيئة فلم يعملها. اللي هو اعكس بقى هو دفع الخاطر السيء ده ببلاش! ده صعب جدا ده عليه عليه اجر يا جماعة يعني انا دلوقتي بس مجرد جا في بالي بس ان انا خاطر بس عايز ابص للبت اللي معدية يعني فقلت لأ مش هبص دي حسنة انت جاية في بالك طب ما ما منزل مع البنات زي ما هم قالوا لي في خروج كده فيها اولاد بس انا قاعدة زهقانة بانزل معهم وخلاص لأ لأ لأ مش هنزل معهم يا حسنة تمام؟ آآ طب آآ انا عايز وحشتني اغاني البي تي اس انا هخش اسمعها لا لا لا خلاص اسمع حسنا تمام لا انا انا عايز عايز املى الموبايل تاني. بشوية المقاطع والافلام والمسلسلات والكلام ده لا لا خلاص بقى انا شلتها بقى خلاص استغفر الله. حسنة يلا ده جا لك خاطر كوفري فدفعت حسنة. جا لك جا لك خاطر آآ سوء زن. جا لك خاطر رياء. دفعته حسنة. خاطر سوء زن دفعته حسنة كبر دفعته حسنة ده انا ما عملتش حاجة مجرد الدفع حسنات من هم بسيئة فلم يعملها كتبها الله حسنة ها كاملة. كاملة طب اذا هم بها فعملها. هم كتب الله سيئة واحدة. شف من كرم ربنا ما قلش كاملة حتى النبي عليه الصلاة والسلام قال ساعة واحدة. فلو عملها ياخد خلاص هي سيئة هياخدها وهو بقى ايه؟ هو لو استغفر ان شاء الله تتمسح بس توبة طبعا صادقة نصوح تمام والكلام دوت طيب فهمنا الفكرة يبقى ديت كلام على الخواطر مش على الوسوسة. الوسوسة في الدرس اللي فات طيب دلوقتي آآ يبقى احنا فهمنا كده الحديس ده وفهمنا الفوايد المستنبطة منه. حلو تعالوا ناخده بقى ايه ناخدوا حاجة هناخدوا حاجة تخوفك شوية وحاجة هتفرحك شوية ايه الحاجة اللي هتخوفك شوية؟ لو ان انسان نوى نوى عملا سيئا جاله خاطر سيء في الاعمال وهم به حوله الى هم. وتحول الى ارادة وعزيمة ثم انتقل الى خانة الفعل ولكنه منعه من الفعل مانع. تاني هنا هو ما دفعوش واسترسل معه ونوى وحولوا العزيمة وحوله لارادة وانتقل ناوي يعمل وبعد كده وهو بينفز في حاجة منعته سهيل هل يأخز الاسم ولا لأ ها تفتكروا ياخد الاسم ولا لأ ؟ فيه حاجة منعته بس ما عملش السيئة في الاخر بس منعه مانع مش مش هو مش هو اللي رجع. هو منع بقدر الله بس لو عليه من هيعملها هل يأخز الاثم ام لا يا رمي هو ما عملش هل يؤاخذ ويأخذ الاثم ام لا الاجابة صح برافو عليكم الاجابة يأثم. طبعا يأثم يأخز الاسم لانه لم يمتنع من نفسه وانما منعه مانع انما ايه منعه مانع ولولا المانع لفعل شفتم انتم اختلفتم في الاجابة. بس الصحيح انه يأثم. واجيب لك الدليل اجيب لك الدليل النبي عليه الصلاة والسلام مش ممكن الحديس ده تكونوا عارفين او مش عارفينه. بس هاته لي من النت حلو الحديس دوت قال عليه الصلاة والسلام ازا التقى المسلم ان ازا التقى المسلم ان بسيفيهما بسيفيهما القاتل والمقتول في النار القاتل والمقتول في النار وقالوا يا رسول الله هزا القاتل يعني في النار ماشي. فما بال المقتول فما بال المقتول قال انه كان حريصا على قتل اخيه انه كان حريصا على قتل صاحبه خد بالك هي الحديس ده مش بيتكلم في واحد زالم واحد مزلوم لأ اتنين زلمة الاتنين مسلمين زلمة بيحاولوا يموتوا بعض والاتنين فاسدين الاتنين زلمة. مش واحد معتدي وواحد بيدافع عن نفسه. لأ اللي بيدافع عن نفسه ده يبقى ايه من مات دون دمه فهو شهيد. ده موضوع تاني هو بيتكلم في اتنين بوغاة اتنين زلمة ظلمة بيضربوا في بعض بيحاولوا يقتلوا بعض تمام؟ فبيقول لو واحد فيهم اكيد هو اللي هيموت الاول. هيقول الاتنين في النار طب ليه التاني؟ طب المقتول لي في النار ليه قال لي ان هو يعني لولا ان الاولاني سبق كان هو اللي قتله يعني ما ما منعه من قتل اخيه الا ان هو مات انه كان حريصا على قتل صاحبه تمام؟ فايه؟ فدل الحديث على انه هم بالسيئة لكن منع منها بمانع قهري فاثم لانه لم يمتنع من تلقاء نفسه اه بالزبط كده. لو كانت جات له الفرصة كان هو اللي قتل بس هي ما جاتلوش الفرصة يبقى ده الحديس اللي هي الاولاني الحديس التاني هيبقى في برضو نفس المعنى بس جواه وفيه معنى تاني حلو هنقوله قول النبي عليه الصلاة والسلام انما الدنيا لاربعة نفر تاني انما الدنيا لاربعة نفر. يعني الدنيا حاجة الناس حاجة من الاربعة عبد رزقه الله مالا وعلما فهو يتقي فيه ربه هاتوا الحديس ده يا ريت هاتوه عشان ده لازم يتقرا. طويل اوي فهو يتقي فيه ربه ويصل فيه رحمه ويعلم لله فيه حقا. فهذا بافضل المنازل واحد معه مال وعلم. وبيستعمل ماله في خدمة دين ربنا. اكيد ده اعلى حاجة قال ورجل عبد رزقه الله علما ولم يرزقه مالا معه علم بس ما هو شمال شايف صاحب المال بيقول يا رب لو كان عندي مال زيه وينظر لصاحب المال يقول لو ان لي مال لو ان لي مال كمال فلان لعملت بمثل عملي قال فهما في الاجر سواء او فهو صادق النية بص خد بالك فهو صادق النية قال قال آآ قال فهو بنيته فاجرهما سواء فهو بنيته فاجرهما ايه؟ سواء قال وعبد رزقه الله مالا ولم يرزقه علما ولم يرزقه هي علما معه مال وما عندوش علم فبالتالي لا يتقي فيه ربه ولا يصل فيه رحمه ولا يعلم لله فيه حقا ده بقى اسوأ المنازل قال الاخير بقى رجل اتاه الله لم يؤته الله لا علم ولا مال لا علم ولا مال وقال لو ان لي مال جمال فلان لعملت بمثل عمله. قال فهو بنيته فوزرهما سواء. فهو بنيته فوزرهما سواء خد بالك هو ليه الاخير ده خد الوزر لانه منعه مانع وهو عدم وجود المال لانه لو كان له مال لفعل مثل فعل هذا الرجل فهمنا الفكرة وديت زي ما قلت لك الحديس ده فيه لمبة خضراء قوي ولمبة حمرا قوي اللمبة الخضراء بتقول لك هو انت ايه اللي مانعك تاخد اجور كل الدنيا اللي حواليك انا دلوقتي حدود امكانياتي انا راجل على قد حالي يدوبك بصلي وبحفز قرآن. آآ طب ما تنوي اعمال الاخرين قل لو ان لي مال كمال فلان لعملت مسل عمله. بس فهو صادق النية لازم تكون صادق. تقول لو انا عندي ربنا سخر لي امكانيات زي الداعية الفلاني كنت عملت زيه. ولا ربنا اداني موهبة فلان كنت عملت زيه. ولو ربنا اداني امكانيات عقل فلان كنت عملت زيه. ولو انا عندي ظروفي زي ظروف فلانة كنت عملت زيها صدق لم بقى لم كل الدنيا اجرهما سواء انت خسران ايه ان انت تنوي ده انت بخيل اوي انوي يا عم انوي يا عم. يبقى انت حطيت مع عملك كل الاعمال اللي ناويتها. بس الصدق نفسك لو انا عندي ظروفي زي فلان كنت لو انا عندي اسلوب زي فلان كنت بقيت زيه. لو انا يا رب عندي فلوس زي فلان كنت بقيت زيه. نفسي ابقى زيه لو انت صادق والله تاخد الاجر زيه يبقى دي اللمبة الخضراء الجميلة اللمبة الخضرا ليه الجميلة دي اللمبة بقى الحمرا اه وللاسف هي اللمبة الحمرا هي اللي شغالة اللمبة الحمرا هي اللي شغالة وهي ايه ان كتير من الشباب هو زي الرابع بس مش واخد باله كتير من الشباب والبنات هي زي الرابع بس مش ما بناخدش بالنا البنت اللي بتتفرج على البلوجر البنت اللي بتتفرج على بنات عندهم تشانيلز على اليوتيوب. وبتلبس وضيق وبتطلع وميك اب وقلة ادب بس مشهورة وبيجي لها فلوس وفانز وكل الناس تتكلم عليها من جواها من جواها بتتمنى تبقى زيها وهي محجبة وبتصلي وبتحفظ قرآن بس من جوة بتتقول لو سمحت له الفرصة كت عملت زيها في كده شاب عادي جدا لا هو ممسل ولا مغني ولا بتاع مهرجانات وفي حال وربنا يعني مخليه على قد حاله مش عارف يعمل معاصي عشان هو على قد حاله يشوف الفنان الفلاني يتمنى يبقى زيه. يشوف بتاع المهرجانات الفلاني يتمنى يبقى زيه يشوف بتاع الشمال يتمنى يبقى زيه. طب انت انت ما عملتش حاجة تاخد كل الاوزار ديت وانت قاعد في مكانك. طب ليه ليه؟ مع ان المسألة كانت نية بس طب ما تنوي الخير وان يقلد الناس الخير عشان كده بيقول ان هو يأثم ليه؟ اذا هم الانسان بعمل كان خاطر بالنسبة له. فتحول الى عزيمة وارادة. ثم استقر ثم هم به الانسان اما بفعله لكن منعه مانع يأثم ناخدها مسال خدناه في فقه الصيام لو ان انسان نوى الافطار. نوى الافطار وقال انا هاقوم اكل دلوقتي وراح فتح التلاجة لقى ما فيش اكل فقال خلاص هكمل صيامي هل يصح صيامه الاجابة لا هذا قد افطر لانه منعه من الافطار مانع هو فعلا قطع النية ونوى الافطار واضح فده خطير جدا جدا الكلام خطير جدا جدا تمام ادي الخواطر يا احباب من الخطورة بما كان ليه من الخطورة بمكان لان الخواطر ديت هي بداية الضرر ينبغي الانسان بعد اللي قلناه ده كله يحزر جدا لان هذه الخواطر هي بداية كل شر والاسترسال معها اه طبعا ازا كانت نافلة يصح احنا بنتكلم عن الفرض الاسترسال معها يضر النبي عليه الصلاة والسلام بيقول العينان تزنيان وزناهما النزر والاذن تزني وزناها السمع واليد تزني وزناها البطش والرجل تزني وزناها الايه؟ المشي والقلب يهوى ويتمنى. الخواطر اهي والقلب يهوى ويتمنى والفرج يصدق ذلك او يكذبه. يعني ابتدي القلب يتحول عنده الخواطر. الخواطر يتحول لايرادات. وبعد كده ممكن يتحول الى الزنا يبقى مبدأ الضرر والشرر بيكون خواطر بتأتي الانسان كده مسلا اللي بيقعد يفكر في البنات اللي بتقعد تفكر في الشباب. اللي بيقعد يفكر في الاوضاع اللي للاسف الجنسية اللي بتقعد تفكر في العلاقات الحميمة. ده اكبر زبون للاباحية ده اكبر زبون للاباحية. لان هو الافكار دي هتروح فين بعد كده؟ ما هو عايز يحولها للواقع فتلاقيه على طول اول ما تيجي اي صورة اباحية قدامه يروح داخل ومكمل حتى لو ما فتحش لوحده يبقى كل الحاجات دي بتطلع لنا غصب عننا على النت. بس في واحد اصلا ما جتش في باله ما كنتش في باله. فلما جت عداها لكن واحد اصلا طول النهار بيفكر افكار جنسية في افكار اباحية في اوضاع مش كويسة طب جا لك بقى وانت بتقلب على النت يا عم ما دخلتش عليها لوحدك هي جات لك وانت بتألم هيحصل ايه؟ هتتشد لها ليه اول ما هتيجي لك هتلفتك؟ ما هي هي في بالك بقى لها مدة هتلاقي نفسك بوم دخلت عليها ووقعت وفيلم فيلم في لقطة في لقطة في صورة في صورة عملت وعكيت الدنيا ورجعت تاني لا تفتحه صح شكرا يا اسامة انك ان تفتحه تلجه يبقى ايه؟ يبقى القلب يهوى يتمنى الفرج يصدق زلك او ايه؟ او يكذبه تمام لزلك الخواطر بيقولوا عليها ايه يا جماعة؟ بيقولوا هي بذور الشيطان يبذرها في قلب الانسان ثم يسقيها ثم يسقيها حتى يحولها الى ايرادات وعزائم واعمال يبقى انا لو دفعت الخاطر يبقى انا رميت البزرة برة الارض اصلا فالسقيا لا تفيد في هزه الحالة فمهما حاول الشيطان يسقي فانه لا آآ مش هيحصل حاجة في النهاية لكن اذا البزرة انا قبلتها وخدتها وحطيتها وسبتها في الارض خلاص هي عرضة الان وارد ان هي تفضل في الارض وما تتسقاش بس الشيطان مش عبيط مش هيسيب بزرة موجودة ومش هيسقيها هتنبت هتطلع ايرادات عزيمة فعل طب مين اللي عمل كده؟ انت. سبت البزرة ليه في الارض المفروض يجي لك الخواطر دي تدفعها. تستعيز بالله منها وما تسترسلش معها ما تسترسلش معها تمام؟ ودفع الخاطر ايسر من دفع العمل ده بص هو بيقول لك خواطر تتحول الى ايرادات ثم عزائم ثم افعال. كل واحدة فيهم اسهل من الثانية دفع الخاطر ايسر من دفع الارادة ودفع الارادة ايسر من دفع العزيمة ودفع العزيمة ايسر من دفع الفعل كل ما تجيبها من الاول اسهل سهل انك تطرد الخاطر صعب تطرد العزيمة صعب ترجع وانت خلاص بتباشر العمل ما تصعبش على نفسك اطرد الخاطر تمام وبعد كده بيقول لنا ايه؟ ان الخواطر ديت هي غالبا اكبر سبب من اسباب الانتكاسات بيبقى مسلا شخص الى الله سبحانه وتعالى سم البنات هي تابت من من الحاجات اللي مش تمام. تابت من الصحبة السيئة من مشي مع ولاد. تابت من والبنطلونات المقطعة والكلام دوت وتم الاباحية وتاب من خلاص تمام بس هو بعد ما هي تابت بقى الشامبورد برضو اقول لك ليه في ناس بتنتكس بعد فترة من التزامها؟ وده هيفسر لكم ليه؟ بنشوف ممسلات مغنيات بيرجعوا هو الشكل في الزاهر تائب خلاص بس فيه هنا خواطر كتير جدا جدا كل شوية يفكر في الماضي كل شوية تفكر في شكلها قبل كده كانت عاملة ازاي. دلوقتي ما حدش معبرني زمان كانوا بيعاكسوني. دلوقتي ما فيش آآ صاحباتي مش مش بيهتموا بي زي الاول لما كنت وكنت يقول للزمان يرجع يا زمان ونبدأ بقى في حالة من خواطر بس كان معي الدنيا كانت الدنيا كلها بتتفتح لي. كان مرتبي قد كده في الشغلانة الحرام. كان البنات كلها بتكلمني خواطر بعد ما تترك نفسها لهزه الخواطر هيحصل ايه؟ تبدأ بقى ارادة العودة. رميا بقى لها مدة طويلة ملتزمة وتسيبها برضو وبعد كده تبدأ عزيمة وبعد كده نشوف تخفيف حجاب ونشوف كلام مع بنات ونشوف اباحية ونشوف وهي لسة الشكل يعني ها لسة ومرة واحدة انتكاس الله! ايه اللي حصل؟ الاخت انتكست فجأة. الاخ انتكس فجأة. لا ما فيش حد بينتكس فجأة قاعدة اكتبوها ما فيش حد بينتكس فجأة انما هو بيدمر من فترة ولكن ما حدش حاسس وهو ما بيشتكيش وهو غلطان تمام فمن اسباب الانتكاسات الايه الاستسلام لهزه الخواطر ومن اسباب ذنوب الخلوات من اضرار الاتحاد دي الاستسلام الايه؟ الخواطر هي مبدأ زنوب الخلوات هو اللي بيعمل حاجة في ذنوب الخلوات المعروفة بتبدأ بايه؟ قاعد مع نفسه كده دماغه اشتغلت بتاع يلا بنا فيلا بنا ايه اللي حصل تمام خطر يعني الانسان ينبغي ان هو ايه يحزر من هذه الخواطر ويدفعها مش معنى ان انا اقول لك ان هي ما بتضركش سبها. لأ ادفعها عشان ما تتعودش عليك طب ايه الحل بقى؟ اخر محور خمس دقايق ايه الحل مع الخواطر ديت الحل هو ان يذكر العبد اطلاع الله عليه ويستحي من الله الذي يعلم السر واخفى سواء منكم من اسر القول ومن جهر به ومن هو مستخف بالليل وسارب بالنهار يوم تبلى السرائر افلا يعلم اذا بعثر ما في القبور وحصل ايه ما في الصدور ام ابرموا امرا فانا مبرمون ام يحسبون انا لا نسمع سرهم ونجواهم ورسلنا لديهم يكتبون يستحي انسانا يكون واقف في الصلاة ويفكر في الاباحية تخيلوا ده بيحصل يا اخوانا. بنت بتصلي بين يدي الله بتفكر في ولد بيحصل ولا ما بيحصلش ولد بيصلي ساجد ساجد ويفكر في البنت بيحصل ولا ما بيحصلش الا تستحي وان يطلع الله عليك في هذا المقام الشريف. وانت دماغك كده تمام واحد قاعد في مسجد بيحضر للمعصية اللي هيطلع عليها بنت بتقرا قرآن ودماغها في في الكيد بصاحبتها والحسد والحقد وازاي هتغلها وازاي هتكيدها وازاي هتحسر قلبها وهي بتقرا قرآن حتى لو ما بنقراش قرآن ولا بنصلي اسباغي سان يستحي ان ربنا يطلع على العقل ده تمام؟ لزلك النبي عليه الصلاة والسلام قال ايه؟ استحيوا من الله حق الحياء استحي من الله حق الحياء قالوا له يعني ازاي حق الحياء؟ قال ان تحفز العقل وما وعى تحفظ العقل وما وعى وان تحفز البطن وما حوى وان تذكر الموت والبلى يبقى حفز العقل وما وعى ده حق الحياة من الله. انا استحي ان ربنا يكون اكرمني بالعقل. واكرمني بالوعي وانا استعمله في هزه الافكار الخبيثة الدنيئة حتى لو مش هعمل حاجة مجرد ان انا استرسل معه احنا قلنا ورود الخاطر لا يضر. انا مش بلومك على ان الخاطر جه انا بالومك على الاسترسال فيه تاني. مش بالومك ان الخاطر ورد ممكن وانا بصلي يجي لي خاطر اباحي ورود لا استقرار ما عنديش مشكلة ييجي في اي وقت انا مش زعلان مش متضايق غصب عني ادفعوا حقجر وخلصت لكن انا بتكلم في الاسترسال الاسترسال فدي مصيبة كبرى شباب وبنات بيقعدوا يفكروا في تخيلات جنسية سبب ان هو سايب نفسه الموضوع دوت وبالتالي ده بعد كده بيفسد عليه زواج وبيفسد عليه حاجات كتير. يعني مش عايز اتكلم في كلام يستحي منه بتحصل مشاكل كتير بعد كده في الزواج سبب كثرة الافكار ديت بدون تفاصيل يعني فيستحي الانسان ان يطلع عليه ربه بهذه النعمة يستعملها فيسترسل في افكار قذرة او قبيحة او دنيئة تمام الحياة اللي تمنعك من زلك ان تنشغل تنشغل بالافكار النافعة وزي ما قلنا بصوا يا جماعة العقل ده مطحنة زي ما اي مطحنة شغالة حطيت فيها حب هيطلع دي حطيت فيها زبالة هتطلع زبالة وهي شغالة على طول ولازم تطحن حاجة ونفسك ان لم تشغلها بالحق شغلتك بالباطل. نفسك ان لم تشغلها بالحق فكل ما انسان يشغل نفسه بالافكار الطيبة والافكار الخواطر الحسنة بيشغل المكان اللي ممكن الخاطر السيء يجي له فيه من الحاجات المهمة جدا ان انت تبعد عن كل حاجة بتستثير عندك الخواطر يعني ما تقعدش مع آآ حد بيقعد يتكلم في المواضيع ديت. ما هو هيستثير عندك الخواطر ما تقعديش مع البنت اللي بتقعد تتكلم في الحاجات اللي مش كويسة ديت عشان بعد ما تسيبيها بتقعدي دماغك تودي وتجيب في الحاجات ديت تمام انا ابعد عن المثيرات التي تهيج عليها الخواطر من صور من كلام من ناس معينة من صحبة كل ده ابعد عنه علشان دوت اللي بيهيج عندي الخواطر. انا ابقى نيمتها وهديت علي. اقعد مع واحد يهيجها علي تاني اقعدي مع زميلتك تهيجها عليك. تشوف صورة تشوف مسلسل تشوف آآ حدك كنت متعلق به هاجي زي واحد كان ساب واحدة وخلاص ابتعد عنها وهدي ودماغه هديت خلاص برضو راح يشوفها دخل على صفحتها بايده دخل على صفحتها وما عملهاش ان فولو وما بعدش عنها. كل حساباتها لسة عنده هي كانت خلاص هديت في موضوع العلاقة دوت وبعدت عن الولد بس هي سايبة الباب مفتوح لمسحة الاكونت بتاعه ولا عملت له بلوك ولا مسحت نمرته هتبقى هديت تروح هي عاملة اثارة لنفسيها داخلة على حسابه وتتابع بوستاته وتابع مع تعليقاته. تشوف صوره القديمة وما ساحتش الصور بتاعته من على الموبايل. طب نعمل لك ايه وبعد كده تقول لك الخواطر مبهدلاني يا جماعة الخواطر دي هتدمرك هتضيع مزاكرتك نفسها تقعد كده سرحان. الخواطر دي بضاعة المفلسين واحد مش عارف يعمل واقع فعايشه في في الوهم بضاعة المفلسين ما تضيعش وقتك. ما تضيعيش عمرك ما تضيعيش ناقش نفسك. ما تضيعش مزاكرتك. عشان شوية خواطر بلهاء لا تعود عليك بفايدة. لا دين ولا دنيا واي حاجة بتفكرك وبتهيج عليك الخواطر امسحها انسفها خلاص ومن الحاجات اللي تساعد على على ان انا الخواطر تقف غض البصر عموما غض البصر ده نهاية. لان البصر يا جماعة هو المدخل اللي بيدخل لي الداتا اللي بيدخل لي المعلومات والمعلومات دي هي اللي بشتغل عليها بعد كده. تاني البصر هو عبارة عن الايه؟ المدخلات يدخل لي هنا صور بيدخل لي كلام بيدخل لي حاجات وبعد كده دماغي تشتغل عليها ولا انا وقفت المدخلات مش هيبقى فيه مخرجات لو انا قفلت مش هيبقى فيه لو انا وقفت المصدر مش مش هلاقي مخي يشتغل على حاجة والحزر من رفقاء السوء طبعا ومن يذكرون بهذه الايه؟ الاشياء واخيرا ينبغي الانسان ان يكثر من الاستعاذة بالله من هذه الخواطر قل اعوذ بك من شر نفسي وشر مني وشر سمعي وشر بصري. تمام؟ وان يهتم بطلب العلم وتدبر القرآن وكثرة الذكر والصلاة مع حسن تدبر هذه الاشياء. وبازن الله تعالى تنفعه ويكثر من القراءة في سير الصالحين وسير الانبياء. فلعل الله ان ينفعه بهذه الامور. وبكده نكون اتكلمنا في كل المحاور. ايه هو الخاطر ايه حكمه متى يضر؟ متى لا يضر؟ ماذا لو منعت؟ نويت منعت ايه اخطار الخواطر؟ كيف امتنع عن الخواطر؟ خلصت المحاضرة بتاعتنا النهاردة نسأل الله ان يعيزنا واياكم من شرور انفسنا. ومن سيئات اعمالنا وان يعيذنا من شر هزه الخواطر وان يعني يعني يحمينا من كل هذه الشرور وان يثبتنا حتى نلقاه على خير. اقول قولي هذا واستغفر استغفر الله لي ولكم سبحانك اللهم ربنا وبحمدك اشهد ان لا اله الا انت استغفرك واتوب اليك. السلام عليكم ورحمة الله