1
00:00:13.050 --> 00:00:34.600
السلام عليكم ورحمة الله وبركاته. اهلا بحضراتكم في الدرس الرابع من دروس دورة التدبر الله اول مفتاح من مفاتيح التدبر. هو التواضع. التواضع للقرآن. يجب ان تتواضع للقرآن ان القرآن معلم

2
00:00:35.150 --> 00:00:53.700
وربنا سبحانه وتعالى هو اللي نزل القرآن. والقرآن هو كلام الله فازا ربنا ما علمكشي مش هتتعلم ربنا بيقول في سورة البقرة الاية متين اتنين وتمانين واتقوا الله ويعلمكم الله. تتقي الله ربنا يعلمك

3
00:00:54.800 --> 00:01:16.900
ابن تيمية كان يذهب الى المساجد المهجورة القديمة ويعفر وجهه في التراب ويقول يا معلم ادم ونوح وابراهيم علمني. يا معلم موسى وعيسى ومحمد علمني لزلك يجب ان الانسان يتواضع

4
00:01:18.000 --> 00:01:30.950
حط في زهنك دايما ان هناك حكمة من كل شيء من كل حرف في القرآن هناك حكمة ما فيش حرف في القرآن زائد. ما فيش حرف في القرآن جه بالصدفة. ابدا

5
00:01:31.500 --> 00:01:53.900
ازا كنت مش عارف الحكمة دي مش معناه ان هي مش موجودة ابحث عنها اقرأ اكثر شغل مخك لكن في النهاية يجب ان تجلس امام القرآن الكريم مجلس المؤدب التلميذ الذي يجلس امام الاستاذ ليتعلم

6
00:01:56.100 --> 00:02:18.350
ناس قالوا لي ده فيه برنامج عامله واحد آآ منصر ومتنصر مشهور وواحد ملحد وبيتريقوا على القرآن الكريم رحت بصيت لقيت بصراحة مسخرة ما فيش كلام معين واحد يرد عليه خالص وكلها تريقة. ومحاولة لنزع قدسية القرآن زي ما بيقولوا

7
00:02:20.450 --> 00:02:37.800
وبعدين سألت نفسي سؤال طب الناس دي كل اسبوع بتجيب اية قرآنية وتقعد تتريق عليها ده معناه ان هم بيقروا قرآن طب ليه القرآن ما هداهمش لو القرآن بيهدي ما هداهمش ليه ؟

8
00:02:38.700 --> 00:03:02.450
الى ان وجدت الاجابة على سؤالي في الاية ستة وعشرين من سورة البقرة ركز معي في الاية دي ان الله لا يستحيي ان يضرب مثلا ما بعوضة فما فوقها فاما الذين امنوا فيعلمون انه الحق من ربهم

9
00:03:02.750 --> 00:03:20.950
واما الذين كفروا فيقولون ماذا اراد الله بهذا مثلا يضل به كثيرا ويهدي به كثيرا وما يضل به الا الفاسقين. يعني ايه ان الله لا يستحيي ان يضرب مثلا ما

10
00:03:21.500 --> 00:03:49.350
ايه ؟ بعوضة فما فوقها. مثل مش واضح اما الذين امنوا فيعلمون انه الحق من ربهم. انا مؤمن مش فاهم الحكمة لسة لكن اعلم انه الحق من الله وان هناك حكمة انا قد لا اكون لا اكون اعرفها ساعلمها ان شاء الله او قد لا اعلمها لكن هناك

11
00:03:49.350 --> 00:04:16.700
حكمة واما الذين كفروا اتريقوا يقولون ماذا اراد الله بهذا مثلا؟ شف شف الكلام اللي موجود. هنستفيد ايه من الكلام ده؟ الكلام ده ايه؟ اي كلام! ها اسمع بقى يضل به كثيرا ويهدي به كثيرا. ربنا يضل به بالقرآن ناس كتير

12
00:04:17.550 --> 00:04:32.200
ويهدي به ويهدي بالقرآن ناس كتير يا نهار ابيض! طب انا خايف. احسن بعدين اقراه واضل. الاية تقول لك لأ ما تخافش. وما يضل به الا الفاسقين. ما تخافش انت لأ

13
00:04:32.350 --> 00:04:53.450
انت هتقرا وتدخل على القرآن مدخل المؤدب المهذب المتعلم الذي يريد ان يتعلم تهتدي تدخل على القرآن مدخل المغرور الذي يريد ان يخرج اخطاء سيضلك القرآن وسيعطيك ما تريد واكثر عشان تضل

14
00:04:53.900 --> 00:05:15.850
ازا القرآن عنده القدرة على الهداية وعنده القدرة على الاضلال. بنفس قوة القدرة على الهداية. المهم انت مدخلك على عامل ازاي انت داخل عامل ازاي ؟ شف عن جندب بن عبدالله ده احد الصحابة اللي كانوا شباب صغيرين واتربوا على ايد النبي عليه الصلاة والسلام

15
00:05:16.250 --> 00:05:38.700
بيقول كنا غلمانا حزاوره مع رسول الله حزاورة يعني في نيجرز لسة ايه شباب اتناشر تلتاشر سنة على على كده البلوغ فتعلمنا الايمان قبل القرآن ثم تعلمنا القرآن فازددنا ايمانا

16
00:05:39.350 --> 00:06:00.100
فتعلمنا الايمان قبل القرآن الايمان بقوة القرآن. الايمان بان القرآن كلام الله. الايمان بان القرآن يستطيع ان يغير. الايمان بان القرآن فيه شفاء ويستطيع ان يشفي ثم تعلمنا القرآن فازددنا ايمانا

17
00:06:01.500 --> 00:06:30.150
يبقى مهم جدا جدا جدا مدخلك على القرآن تدخل بتواضع. ما دخلتش بتواضع انت ضعت دخلت بتواضع ستتعلم وستشعر بنشوة وستشعر بتغيير كبير جدا جدا في حياتك جزاكم الله خيرا وبارك الله فيكم وصل اللهم على محمد. ونلتقي ان شاء الله في الدرس الخامس حيث نتعلم كيف نضع انفسنا

18
00:06:30.150 --> 00:06:39.450
في كل جملة قرآنية ونستكشف الرسائل المرسلة الى قلوبنا. ابقوا معنا في الدرس الخامس بازن الله. والسلام عليكم ورحمة الله