بسم الله والحمد لله والصلاة والسلام على رسول الله وعلى اله وصحبه ومن والاه واشهد ان لا اله الا الله وحده لا شريك له واشهد ان محمدا عبده ورسوله. اللهم صل على سيدنا محمد النبي وازواجهم وازواجه امهات المؤمنين وذريته وال بيته. كما صليت على ال ابراهيم انك حميد مجيد. اما بعد اه قبل ان نبدأ في درس اليوم احنا كنا طالبين بحث مهم جدا جدا المرة اللي فاتت. وهو بحث آآ متعلق بمسألة آآ الرضاعة اه آآ للبن الصناعي عندي ملاحظتين الملاحظة الاولى طبعا في ناس جزاها الله خيرا ارسلوا البحث ولكن في ملاحظتين. الملاحظة الاولى ان انا توقعت ان النساء هيكونوا آآ يعني انشط في هذا البحث لانه متعلق بهنة وايه يهمهم يعني ان هم يحرزوا هذه المسائل وده اللي انا ما لقيتهوش الحقيقة. فدي كانت اول ملاحظة يعني الرجال اللي ارسلوا عددهم اكتر بكتير من النساء يعني لو ما خلتنيش الذاكرة هي واحدة بس اللي بعتت يعني او اهتمت بالبحث وده الحقيقة يعني علامة استفهام كبيرة هل ده معناه ان احنا ما آآ يعني في آآ فيما نفعله لا نرجع الى آآ حكم الله ورسوله صلى الله عليه وسلم يعني اهو بنعمل اي حاجة وخلاص كيفما اتفق لان البحث مهم لكم آآ ازا انت مش في الموقف دلوقتي هتحتاجيه بعد شوية لو هتحتاجوا واحدة قريبتك او واحدة معرفة كنا ما نهتمش بالابحاس دي او الاسئلة دي اه آآ فده الحقيقة ايه بالنسبة سيبكم من البحس كبحس يعني سبكم من القصة دي الخوف ان يكون له ما وراءه. يعني يكون عدم الاهتمام بهذه المسائل خصوصا مع سهولة الوصول لاي كلام بس لو اه عملنا بحس على جوجل او غيره فانا ده الخوف الخوف يعني انا مش ايه مش الخوف من ان انتم ما وعدتوش بحس او ما فيش زعل يعني ان شاء الله بينا لكن الخوف ان نكون مش فارق معنا ربنا قال ايه ولا النبي قال ايه عليه الصلاة والسلام العلما رأيهم ايه في المسألة ادينا نعمل اللي نعمله ونعجن اللي نعجنه وده آآ لن يخيل على الله عز وجل يوم القيامة يعني العجن اللي احنا بنعمله ده وهو اي حاجة تتعمل وخلاص ربنا هيسألنا عن ده لتوافر العلماء وسهولة الوصول الى اقوالهم. زمان ما كانش فيه الكلام ده انت عشان تعرف قول عالم مسافر المسافات آآ دلوقتي الدنيا سهلة بضغطة زرار وانت قاعد في بيتك نجيب اقوال العلما كلهم في المسألة فيبقى ده اول مسألة يعني اللي كنت عاوز انبه عليها. المفروض كده رجع تاني صوت دي اول مسألة عاوز انبه عليها الحقيقة المسألة التانية اه ان اللي بعته الابحاس بقى يعني كأن انا يعني ما اعرفش ما وضحتش كويس ايه المطلوب من البحس ده البحس ده ما كانش المطلوب منه ان احنا نجيب نقولات عن العلما اللي قالوها في الكتب ما كانش ده المقصود من البحس ده قوي. احنا كنا عاوزين فتاوي لعلماء معاصرين حاضرين المسألة مسألة الرضاعة الصناعية فما ازنش حد يعني ايه لمس في الحتة دي غير يمكن اظن واحد بس ما قالش الكلام يعني هو نقل نقلات عن الكتب. وبعدين في الاخر قايل كلام اه له علاقة بالمسألة يعني او اللي احنا طالبينه بس ما قالش ده كلام مين فانا ما بقتش عارف دي فتوة مين آآ حد تاني آآ نقل كلام مش شايف له وجهة قوي يعني آآ ذكر جاب آآ موضع من كتاب الحدود حطه هنا والحقيقة مش شايف له وجه لان هو يتحط هنا الا الا ان يكون هو نقله فيه نوع من الايه الاختصار لاني انا مش عايز ادخل في في المسألة يعني كمسألة لكن فكرة ان احنا نجيب النقل ان هو آآ حتى ترضعه اللبأ آآ اللبأ ده هو مدته اربعة ايام ونخلص. انما هو في كتاب الحدود بيكمله بعد كده. يعني اللبأ اربع تيام ونخلص. يعني ده يبقى حجة او دليل على اننا نربع صناعي يعني ولا ايه؟ مش فاهم لكن هو على كل حال في كتاب الحدود بيكمله على الكلام ده ان هو بعد اللبأ لو لقينا اللي اترضعوا آآ نقيم الحد على آآ الزانية عياذا بالله لو ما لقيناش هنسيبها لغاية ما تفطمه. هو ده الموطن اللي ممكن يذكر هنا مش موطن اللبأ وبعدين زكره هنا بقى لأ برضه فيه نزر شديد يعني حتى الموطن التاني ده هيبقى فيه نزر لانه ما هواش آآ له علاقة يعني في يعني هو قياس مع الفارق بشدة. ويا جماعة عشان نلخص الموضوع واللي انا هقوله ده هيبين المطلوب ايه؟ انا البحس ده انا لسه محتاجه هيبين ايه المطلوب وايه الفرق بين المواطنين المطلوب دلوقتي. دلوقتي واحدة بترضع هي مش هتمتنع من الرضاعة الطبيعية. يعني وده الفارق الجوهري بين مسألتنا ومسألة الحدود الست دي لو ماتت رجمت انقطعت عنه الرضاعة الطبيعية تماما انما مسألتنا مش كده اصلا مسألتنا مش كده مسألتنا ان هذه المرأة هتمتنع عن الرضاعة الطبيعية فترة الصوم ومش كل فترة الصوم كمان يعني احنا لو دخلنا في التفصيل شوية هتلاقي ممكن ترضع ساعة ولا اتنين كمان فترة الصوم وبعدين يحصل بقى ايه تخف الضعف ولا بتاع فتمتنع ويدخل ساعتها اللبن الصناعي وبعدين آآ لما تفطر هتفضل بترضع طول الليل طيب العلماء ذكروا في الكتب وده بعضكم نقله جزاكم الله خيرا ان العبرة هنا بالايه؟ بالضرر الواقع على على الطفل فهل عندنا بقى قول معتبر ان ده فعلا مضر اللبن الصناعي ومش على الدوام يا جماعة نركز في الكلام هنا مش بنقول هنستبدل دبدة على الدوام مش دي مسألتنا اصلا. خلوا بالكم يا جماعة عشان المسألة دي مهمة جدا دي مسألة هنقول للمرأة في طريق او يحرم عليك الفطر مسألة كبيرة جدا فما يجيش حد يقول لي ان اللبن آآ الصناعي مضر مطلقا كده لأ معلش الكلام محتاج مجهود؟ اه محتاج مجهود لكن له ثمرة هينبني عليه عمل نحتاج اليه كثيرا ايه بقى؟ المسألة المسألة هل اللبن الصناعي لو استخدمناه فترة تلاتين يوم ولا تسعة وعشرين يوم وفي اليوم ده تقريبا تلت اليوم بالنسبة للبن الصناعي وتلتين اليوم اللبن الطبيعي فهل ده مضر على الطفل هي دي المسألة بتاعتنا هل هذا فيه ضرر على الطفل؟ فنجيب بقى نقولات في دي. اول حاجة بخصوصها كده خلاص طيب الصوت كده المفروض رجع تاني هو ما عرفش بيحصل ليه طيب انا ما عرفش بقى انتم سمعتم لغاية فين فخليني اعيد بسرعة في دقيقة واحدة. المسألة بتاعتنا باختصار اللبن الصناعي لو استخدمناه آآ مكان اللبن الطبيعي لمدة تلاتين يوم لتلت اليوم او اكتر شوية وبعدين فيه لبن طبيعي باقي اليوم هل ده فعلا فيه ضرر هيقع على الطفل من دي من من الصورة دي احنا مش بنستبدل ده بده على الدوام. عشان يجي حد يقول لي اللبن الصناعي هيضر بالطفل ولبن الام فيه فوائد ما احنا عارفين الكلام ده مش دي مسألتنا. يعني اللي بعت قال ده مش دي مسألتنا اصلا احنا مسألتنا هي الصورة دي اللبن الصناعي شوية هيخش في اثناء اليوم شوية فهل فعلا فيه ضرر شديد هيقع على الطفل ولا لأ هي دي المسألة خلاص اه محتاجة طبيب طبعا يبقى قوله يعني طبيب قوي في الحتة دي ولو نعرف نجيب اكتر من قول الاطباء يبقى فيه بحث في الحتة دي يا ريت خلاص وبعدين يبقى ده بحث طبي وبعدين بقى عاوزين فتاوي علما خلاص ده المطلوب مش مطلوب نقول من الكتب ولا آآ قياسات وحتى القياس حتى اللي ارسل الحقيقة يعني قياس لأ ده مع الفارق الشديد. يعني ما ينفعش اصلا يذكر في هذا الموطن والله اعلم. يعني يعني نظري انا في هذا القياس انه ما ينفعش اصلا يذكر في هذا الموقف النقل الزي يعني اتى به احدكم من كتاب الحدود لا في فرق في فرق شديد بين هنا وهنا هو اصلا النقل خطأ اصلا ولعل والله اعلم ايه الناقل وهم او مش عارف يعني انما انما هو يعني النقلة انما حتى لو جبنا النقل الصحيح. فدي واحدة هتموت مش واحدة بعد كم ساعة هترضع خلاص طيب نبتدي بقى لسة البحث قائم آآ اه خلونا بقى نتكلم في البحس المرة الجاية. البحس قائم وعاوزين فيه كلام لناس. يعني بلاش نقعد نتكلم فيه دلوقتي خلاص بدماغنا احنا عاوزين فيه كلام لناس سواء اطباء او علماء والمسألة كبيرة المسألة كبيرة مش مسألة بسيطة خلاص يلا نبدأ بقى عشان ما نضيعش وقتنا بسم الله والحمد لله والصلاة والسلام على رسول الله وعلى اله وصحبه ومن والاه واشهد ان لا اله الا الله وحده لا شريك له. واشهد ان محمدا عبده ورسوله. اللهم صل على سيدنا محمد النبي وازواجه امهات المؤمنين وذريته وال بيته كما صليت على ال ابراهيم انك حميد مجيد اما بعد. قال ومن نوى صوما ثم جنة او اغمي عليه جميع نهاره لم يصح صومه لئن افاق جزءا منه او نام جميعه آآ ده طبعا كلام البهوتي بيقول من نوى صوما هم دنا او اغمي عليه جميعا هريسكوا من جن دي ما بتحصلش نادرة انما ممكن احد يغمى عليه اليوم كله؟ اه بحيس انه ما ما يصحاش منه ولو جزء اه. لو ده حصل يصح صومه. طب لو فاق ولو جزء يسير من النهار يصح صومه. خلاص اول واحد ودي بقى الصورة الاشهر ان واحد نام طول النهار. بافتراض ده. دعكم الان من مسألة خلوا بالكم يا جماعة ودي مسألة مهمة وهتقابلنا النهاردة كتير. مسألة ايه بقى العلماء يا جماعة ركزوا في دي. العلماء قد يذكرون بعض المسائل اللي يكون فيها حاجات حرام. وما يقولوش حكم المسألة يعني ما يقولكش ان ده حرام لاني هم بيبحثوها من وجه اخر. من وجه تعلقها بالباب التي ذكرت فيه. يعني هنا في باب الصوم مثلا. واحد يقول لك نام جميع نهاره لا شك ان جميع نهاره ديت ده قد يكون مأزورا من وجه ان هو ايه ما صلاش الفرض حتى. ما هو لو صحي صلى الفرض آآ كده ما يبقاش اسمه نام جميع النهار انما واحد نام جميع النهار لا صحي صلى ضهر ولا عصر ولا لا سيبكم من المغرب. لا صحي صلى ضهر ولا عصر ازاي بل ولا فجر. لانه لو صلى الفجر لا يصدق علي نام جميع النهار لو صلى الفجر يبقى كان مستيقظا بعد النهار. لأ ده ده واحد نام من قبل الفجر ما صحيش غير بعد المغرب مفهومة كده فالمسألة دي بلا شك لو بحثناها ودخلنا في تفاصيلها ممكن وفي بقى مسائل اسرح من دي في الحرمة. هتأتي معنا ما تجيش تقول ايه؟ دول قالوا آآ كزا كزا يبقى يجوز لأ ما يجوزش ولا حاجة. ده مش معناه الجواز. وهنا بيبحث تعلق هذه المسألة بالباب فقط. احنا في باب الصيام احنا في باب الصيام مش في باب الصلاة ما حدش في كتاب الصلاة فنبحث مسألة اللي ينام عن الصلاة ايه حكمه؟ مش ده موضوعنا مفهومة دي؟ طيب واحد نام جميع النهار واحد نوى من الليل الصيام ونام طول النهار ما صحيش اي وقت غير بعد المغرب يصح صومه؟ نعم يصح هنا برضه ما بنتكلمش عن الثواب. الذي حصله بنتكلم انه يصح صومه فلا يقال له اقض هذا اليوم لا يقال له ذلك. خلاص طيب قال ويجب تعيين النية بان يعتقد انه يصوم من رمضان او قضائه او نذرا او كفارة. لقوله صلى الله عليه وسلم وانما لكل امرئ ما نوى يبقى ادي بتعيين النية واحنا قلنا قبل كده اني تجزئ نية واحدة للشهر كله صح فاكرين لأ بتعترض علي ولا لأ ؟ لأ صح صاحيين كده. ايوة احنا قلنا ان كل يوم له نيته احسنتم احسنتم ماشي احنا قلنا كل يوم له نيته وهذا هو المذهب طيب النية دي بقى يجب ان تعينها من الليل. تعينها يعني يبقى النية انك هتصوم بكرة من رمضان او بكرة قضاء او بكرة نذر او بكرة كفارة لا نية الوجوب. يعني مش لازم تقول ايه آآ مش عفوا مش تقول حتى يعني ولو بقلبك آآ انه آآ بكرة صيام فرض مش لازم فرض. ما هو رمضان فرض معروفة يعني. واضح اه حافز بيقول زي السحور اه يعني الاكل والشرب بنية بنية الصوم نية واحد نايم ياكل الساعة تلاتة والفجر الساعة اربعة ليه يعني؟ هي ما هياش عادته انه ياكل تلاتة هو بياكل عشان بكرة صايم. خلاص كفاية ما توسوسوش في موضوع النية ده يعني خلاص قال ويجب تعيين النية من الليل لحديث من لم يبيت الصيام قبل طلوع الفجر فلا صيام له خلاص لأ ما فيش آآ كل يوم له نيته يا عمرو. كل يوم بنيته. مش نية واحدة للشهر كله خلاص طيب قال لصوم كل يوم واجب. اهو لصوم كل يوم واجب يبقى كل يوم له نيته. لا نية فردية ودي احنا قلناها مش لازم آآ انه ينوي كون الصوم فرضا مش لازم لانه لو نوى كونه من رمضان فهو يشمل الفرضية وزيادة يشمل انه فرض ويشمل انه من رمضان كمان واضح طيب وهو قال لك الايه بتاعة حافز الحتة اللي حافز بعتها قال ويكفي في النية الاكل والشرب بنية الصوم اللي كان حافز بعتها مين اللي قال مش عاوز حد يكون بيحضر معنا دروس الفقه من الاول. الطهارة. عاوز حد في الصوم يحضر معنا الصوم بس. مين اللي قال؟ عثمان. عثمان ايه بقى اسمه عثمان ايه يا زياد يلا بسرعة او غير زياد يعني مش لازم زياد مين اللي بيقول ويكفي في النيات الاكل والشرب وبنيات الصوم؟ ده كلام مين عثمان النجدي احسنتم طيب قال ويصح صوم نفل بنية من النهار ولو بعد الزوال طيب آآ قبل ما نشوف المسألة الزوال ده ايه الزوال؟ حد يعرف ايه الزوال حد يعرف ايه الزوال الغروب العصر مقاولين لاهل الجروب الظهر ثلاث اقوال لاهل الجروب الزهر الزهر زوال الشمس عن كبد السماء ماشي دخول الليل الظهر اول المغرب طيب الزوال يا جماعة جزاكم الله خيرا. طبعا في ناس جاوبت صح وناس جاوبت آآ هتجاوب صح بعد كده ان شاء الله كلمة الزوال دي يعني زوال الشمس عن كبد السماء وازا ولز الشمس عن كبد السماء ده اللي هو وقت الظهر. وقت الظهر خلاص هو ده الزوال طيب ليه اتسمى زوال مش وقته بقى ونشرح الشمس بتمشي ازاي وتضل ازاي والكلام ده مش قضيتنا خالص دلوقتي انما احفزوها كده. خلاص اللي هيكمل معنا في الفقه هيعرف الكلام ده بالتفصيل يبقى الزوال هو زوال الشمس عن كبد السماء وده وقت الظهر وقت صلاة الظهر. خلاص كده طيب هنا بيقول ويصح صوم ويصح نفل بنيته. احنا كده بنقرا الكلام البهوتي بس. ويصح نفل بنية من النهار ولو بعد الزوال سورة المسألة صورة المسألة ان واحد الصبح وبعدين انا هنوي النهاردة صوم. الصبح بقى مش بالليل هل وصوم نفل خلاص صيام نفل يصح صومه ولا ما يصحش؟ ايه رأيكم تاني واحد صحي الصبح وقال انا هنوي النهاردة صيام نفل يصح ولا ما يصحش؟ هل يصح خطأ. واللي هيقول ما يصحش خطأ. والواجب التفصيل زي ما بعض الناس الشاطرة. كلكم شطار طبعا كل الناس شطار يعني انه لو لم يأتي بمناف يصح صومه لو لم يأت بمناف يعني ايه لو لم يأت بمناف؟ يعني لو ما كانش كل او شرب او جامع او كده ماشي انما لو اتى بمناف يعني واحد قام وكل وشرب وهيص وعمل كل حاجة وبعدين الا اما نصوم بقى النهاردة. لأ ما ينفعش فلو لم يأتي بمناف يصح صومه قال لك ولو بعد الزوال. يعني حتى لو كانت النية بعد الزوال ما فيش مشكلة حتى لو حتى كانت نيته الصوم بعد الزوال ما فيش مشكلة ماشي يعني ايه؟ يعني واحد ما كلش ولا شرب ولا جامع ولا اي اتى باي مناف يعني من او مفسد لمفسد الصوم. وهتيجي معنا ان شاء الله النهاردة واحد ما لم يأتي باي مناف من آآ او مفسد من مفسدات الصواب وبعدين نوى صوم نفل آآ الساعة اتنين الضهر اتنين العصر تلاتة العصر اربعة ايه رأيكم يصح صوم ولا ما يصحش صومه؟ نعم يصح هنا قال لك ولو بعد الزوال. خلاص هسألكم سؤال كده ومسموح بالهبد هسألكم سؤال ومسموح بالهبد هنا بيقول يصح نفل بنية من النهار ولو بعد الزوال خلاص انا هقرا جملة وهشطب على جملة. هقول يصح نفل بنية من النهار ايه رأيكم الجملة دي لو وقفت عليها كده مش تحمل نفس المعنى مش ده السؤال هي تحمل نفس المعنى يعني ويصح نفل بنية من النهار فانت اول ما تقراها تقول ايه في اي وقت من النهار. مش فارقة بقى ليه يرجع يقول ولو بعد الزوال ومسموح بالهبد احسنت يا محمد محمد ما بيسبش فرصة لحد اه اه يبقى كلمة ولو دي احفزوها كده بقى احسنتم ولو دي اشارة لوجود الخلاف يعني لما قال لك ولو بعد الزوال اعرف ان المسألة فيها خلاف خلاص فكأنه بيقول لك ايه القول الذي اقول به انه تصح النية ولو بعد الزوال. خلافا لمن قال لا تصح بعد الزوال مفهومة دي عشان كده ازود الجملة دي. مع انه لو شالها الكلام ماشي لما يقول لك ويصح نفل بنية من النهار. لو قريت الجملة دي هتفهم ان النية في اي وقت من النهار يصح بها الصوم. مش محتاجين يعني نكتب ولو بعد الزوال. طب ليه كتبها ولو بعد الزوال اشارة الى وجود خلاف في هذه المسألة فهمتوا طيب قال ويصح نفل بنية من النهار ولو بعد الزوال لقول معاذ وابن مسعود وحذيفة وحديث عائشة دخل علي النبي صلى الله عليه وسلم ذات يوم فقال هل عندكم من شيء؟ فقلنا لا قال اني اذا صائم وهذا الحديث من الاحاديث التي تؤثر في المرء جدا الحقيقة النبي عليه الصلاة والسلام يا جماعة دع الان هم طبعا بيأتوا بهذا الحديث علشان يستدلوا على المسألة انه يصح الصوم ان صوم النفل بنية من النهار. لكن الحديس ده فيه مسألة تانية اكبر بقى من مجرد الحكم وهي حال النبي صلى الله عليه وسلم. صلوات ربي وسلامه عليه. صلوا على النبي حاله المشرفة التي اختارها الله عز وجل له ايه بقى حاله؟ انه يدخل على آآ بيوته صلى الله عليه وسلم ما يلاقيش حاجة ياكلها صلى الله عليه وسلم لما نقول يا جماعة ما يلاقيش حاجة ياكلها مش يعني ما يلاقيش آآ لحمة وفراخ وسمك وجمبري والرز موجود والمكرونة والتلاجة مليانة جبن لأ انت كده واجد اللي تاكله انت مش واجد نوع معين ده موضوعك انت بقى. انت غضبان النهاردة علشان ما فيش لحمة على الغدا ده موضوع تاني لأ ده النبي يدخل يقول لعائشة الله على نبينا محمد صلى الله عليه وسلم يدخل يقول لها هل عندكم من شيء؟ هتقول لأ ما عندناش حاجة اصلا تتاكل شوفوا احنا احوالنا بقى طيب لما عائشة تقول لأ ما عندناش حاجة تتاكل عارفين ده معناه ايه يا جماعة يعني معناه ان حتى ما فيش كم تمراية ياكلها النبي عليه الصلاة والسلام ليه بقى؟ اجمعوا بين الحديس ده والحديس التاني انه لا يمر الهلال تلو الهلال تلو الهلال يعني شهرين اهو ورا بعض لم يوقد في بيوت النبي صلى الله عليه وسلم نار وقيل لها وما كان طعمكم؟ قالت الاسودان التمر والماء. يعني كون يبقى فيه تمر في البيت ده معناه ان في حاجة عندنا تتاكل لانه ده طبيعي النبي صلى الله عليه وسلم يقعد الشهرين ما بياكلش غير تمر ما بياكلش غير تمر فكونه يدخل يسأل عندنا حاجة تتاكل فتقول لأ يعني ما فيش تمرتين تلاتة حتى النبي ياكلهم عليه الصلاة والسلام في البيت انت بقى حالك عاملة ازاي يا اللي بتغضب تخش تغضب وتافف وترزع وتقل ادبك وتتسخط على قدر الله عز وجل محتاجين نهدا يا جماعة ونتأسى بالنبي صلى الله عليه وسلم. احنا لسه هنشوف النبي عمل ايه ؟ عليه الصلاة والسلام لكن محتاجين نهدى شوية خلاص وده مش دعوة للنساء ان هي تبلطج وانها ما تعملش اكل لأ عشان بس ايه الكلام يبقى موضوع في نصابه يعني خلاص لكن لو حصل هذا الكلام من غير بقى تقصير من المرأة حتى لو بتقصير ما تدخلش تقل ادبك ويعني ايه معنى الكلام ده ما تقلش ادبك وتزعق يعني ما انت مش واخدها من بيت ابوها عشان تقل ادبك عليها وانت مش جاية البيت عشان تكفريه برضه يعني الحاجات اللي بنشوفها في بيوت المسلمين الان دي حاجات انا والله ما فاهم يعني وخصوصا بيوت الناس المتدينة المفروض انها متدينة يعني قبل ان التربية وقبل المروءة اللي بتقيم البيت فانت بتتقي الله فيها آآ تتقي الله عز وجل في في الزوجة. وهي بتتقي الله فيك ده امر آآ كبير ومرعب ان ايه ان احنا يعني ازاي ترضي به وينام غضبان عليك في في شيء آآ قد يكون له حق فيه. فتباتي والملايكة بتلعنك. ازاي ما تترعبيش من حاجة زي دي وانت ازاي تروح تمد ايدك وتقل ادبك وتقول الفاظ البنت عمرها ما سمعتها في حياتها وقد وصاك النبي عليها صلى الله عليه وسلم وكان اخر كلامه صلى الله عليه وسلم قال ايه؟ الصلاة الصلاة وما ملكت ايمانكم واتقوا اتقوا الله في النساء. فانهن عوان عندكم تعمل كده في وصية نبيك صلى الله عليه وسلم يعني احوال تعبانة بيوتنا احوالها خربانة. بيوتنا دي اللي هي بيوت مين؟ بيوت الناس المتدينة ها ما ينفعش تبقى كده البيوت نرجع تاني النبي صلى الله عليه وسلم يدخل يقول هل عليه الصلاة والسلام صلوا على النبي هل عندكم من شيء فتقول له لأ ما عندناش حاجة وفهمنا يعني ايه لأ ما عندناش حاجة دي. يعني ما عندناش حاجة ما عندناش النبي عليه الصلاة والسلام يعمل ايه؟ مش بس يصبر يا جماعة. ولا بس يرضى ولو صبر لاثيب ولو رضي عن آآ قدر على قدر الله عز وجل ما اقامه الله عز وجل فيه من حال لا اسيب ثوابا اكبر. لكن ده النبي يروح لحتة ابعد من ده كله ده يرضى بما اقامه الله فيه وايه يحول يحول المشهد لمشهد اخر فيه ثواب غير ثواب الثواب القلبي يعني كانت ممكن تقول له لأ خلاص لأه وراضيين يا رب وراضيين عن على قدرك ومبسوطين باللي انت اقمتنا فيه هتاخد سواب عالي جدا. وقطع النبي صلى الله عليه وسلم كان هذا حال قلبه. كان هذا حال قلبه لكن النبي يعمل ايه عليه الصلاة والسلام كمان ؟ يقول لك اني اذا صائم يقوم يحول المسألة لايه؟ لثواب محتاجين برضو نتعامل مع ربنا سبحانه وتعالى بهذا الايه النوع من الذكاء في تحصيل الثواب نشوف كل حال او كل قدر قدره الله عز وجل علينا ازاي نخرج منه باكبر مصلحة زي ما دماغك شغالة في الدنيا كده عاوز تخرج بمصالح في الدنيا شغل دماغك في الاخرة شوية ماشي شغل دماغك في الاخرة لأ يا علي هو كمان مش القدم القدم ده اللي هو الغموس. زمان كان عادي ان هم ياكلوا العيش بس اصلا يعني مش لازم يقعدوا يبقى فيه عيش وهموس لو العيش موجود يبقى كده عندهم اكل والعيش ده اللي هو ايه خبز الشعير. اللي هو كان آآ كان يعني نوع رديء من الخبز كمان لو ده موجود في البيت كده اسمهم عندهم اكل مفهوم؟ وورد حتى مش عن النبي بس عن بعض السلف انه كان كده. كان اكله انه يجيب خبز الشعير يبله في ماية لانه ناشف وياكله كده خلاص احنا كلنا خلاص صلى الله على النبي محمد عليه الصلاة والسلام ماشي يا جماعة. قال ويصح نفل بنية من النهار ولو بعد الزوال وعرفنا ليه قال ولو بعد الزوال طيب قال وامر بصوم عاشوراء في اسنائه يعني في اثناء يوم عاشوراء امر بصومه طيب فدل هذا على ان صوم النفل يصح بنية من النهار ما لم تأتي بايه؟ زي ما قلنا بمفسد من الاستاز صابر او بمناف قال وان نوى الافطار افطر. مسألة مهمة جدا ركزوا معنا فيها يا جماعة مسألة مهمة جدا جدا يلا ركزوا بقى معنا وصلوا على النبي كده عليه الصلاة والسلام عشان ايه آآ يعني يفتح لنا آآ ابواب الفهم قال وان نوى الافطار افطرا مسألة خطيرة. يعني ايه بقى دلوقتي حضرتك صايم او حضرتك صائمة الشيطان لعب بدماغك ولا بدماغك قلت انا هافطر واللي يحصل يحصل عزمت على الفطر وبعدين وانت رايح للمطبخ حصل اي حاجة. الحاجة دي بقى ممكن ايه ابوك دخل ما آآ قلت لأ خلاص نكمل اليوم ده ناقص ساعة اي حاجة بيقول لك انت اصلا فطرت انت اصلا فطرت خلاص يعني مجرد نيتك الافطار خلاص انت كده فطرت. ليه؟ لان هذه النية قطعت نية الصوم مفهومة دي حتى لو ما كلتش حتى لو ما كلتش ولا شربت خلاص يا جماعة؟ طيب هيبقى اليوم ده اليوم ده يقضى امسكه حرمات الزمان لو لو يوم لو يوم اه اه من رمضان تمسك. ما تاكلش وتشرب لحرمات الزمان وتقضي هذا اليوم خلاص حديث النفس لا حديث النفس حاجة وانك تعزم ده حاجة تانية. طيب العزم الاكيد ولى مجرد التردد في النية حتى التردد في النية يبطلها لأ ده في اي صوم في النفل والفرض ماشي ده في النفل والفرض خلاص واحد نوى وبعدين جه ياكل ضميره صحي. وقال لأ انا هاصوم يومه باطل هذا الصوم باطل الا في حالة واحدة انه كان صيام نفل كان صيام نفل ونوى نية اخرى ولم يأتي بمناف بين النيتين ساعتها نقول له تصح نية النفل من ايه؟ من النهار فهمت ليه يا حافظ سؤال حافز هنفرق فيه بين واحد صايم نفل ولا واحد صايم فرض لو صايم نفل وبعدين جه ياكل ويشرب وقال يعني نوى انه خلاص هيفطر. وبعدين ما فطرش. ينفع ينوي الصوم تاني؟ اه ينفع ينوي الصوم تاني لو صيام نفل. ليه؟ لان احنا لسه واخدين المسألة. انه آآ انه له ان ينوي الصوم من النهار ولو بعد الزوال. فهمتوا انما لو صايم صيام فرض يوم في رمضان مثلا نقول له خلاص اليوم ده تمسكه وتقضي هذا اليوم فركزوا في المسألة دي مهمة جدا خلاص وانه الافطار افطر اي صار كمن لم ينوي لقطعه النية ماشي آآ وليس كمن اكل او شرب فيصح ان ينويه نفلا بغير رمضان. ودي اللي احنا لسه قايلينها دلوقتي آآ طيب في واحدة بتقول انا حنفية اعتقد انا حنفية اعتقد يعني انت شاكة انت حنفية ولا لأ ؟ مش عارف يعني. دراستي الفقهية كلها كده. في اغلب تطبيقي على اساس ده ، والحنفية في صيام النفلة وفطرت علي قضاء فلزم التزم بده صح وما اخدش بالايسر له آآ هو ده سؤال انا ما قريتش السؤال ده علشان يعني اللي كاتباه على قد ما هو سؤال بيتكرر يا جماعة. وانا هاقول اللي يعنينا منه هنا المسألة دي مسألة كبيرة جدا جدا ومش هينفع نايه نفردها يعني لو اتكلمنا فيها ممكن ناخد ساعة او اكتر خلينا في دقيقة واحدة هقول حاجة. هقول يا جماعة ان اكتر من تسعين في المية من الاحكام الفقهية التي نزكرها هنا وسائل خلافية ومسائل الاجماع هي اقل الفقه. مسائل الاجماع هي اقل الفقه. يعني ايه مسائل الاجماع اللي كل العلماء فيها؟ اجمعوا على قول واحد زي كده ان الصلاة واجبة دي مش هتلاقي فيها خلاف ماشي ان صوم رمضان واجب. مش هتلاقي فيه اخلاف الاجماعات دي قليلة جدا في الفقه. هي اقل مسائل الفقه. اقل مسائل الفقه آآ هي مسائل الاجماع واكثر الفقه مسائله وقع فيها الخلاف. طيب احنا دلوقتي بندي آآ احكام ما ينفعش في كل حكم اقف اقول لك اقوال العلماء كلهم في الحكم ده ما ينفعش ولا هي مرحلتنا ان احنا نشوف فيها الخلاف العالي ولا انت هتطلع بحاجة هقعد اقول لك في كل مسألة كل العلماء قالوا كذا ده قال كذا وده قال كذا. هتطلع انت تايه طب انا اعمل ايه دلوقتي هو احنا اللي بنعمله ايه؟ احنا بناخد القول اللي بيقوله صاحب الكتاب اللي احنا بنقراه خلاص؟ وهو المعتمد في احد المذاهب طب انا وده بقى المسألة اللي تعنيني. انا عشان كده ابتديت بالكلام ده. انا كنت سألت شيخ تاني اثق في علمه ودينه وافتاني بحاجة وانا بعمل بها. لا بأس. ده مش معناه ان الشيخ ده جاهل ولا معناه ان اللي بيدي الدرس دلوقتي مش فاهم. خالص لان المسائل فيها خلاف. فكون واحد بياخد بقول واحد تاني بياخد بقول دي يعني ما زال آآ ما زالت الامة على هذا خلاص طيب فدي مسألة تعني اللي هم بايه؟ الناس اللي هي مش بتدرس. يعني انا بسأل اللي بيتقال عليه بعمله. الناس اللي بتدرس فاحنا دايما بنقول انه افضل طريقة لدراسة الفقه هي الفقه المذهبي افضل طريقة ضبط لك المسائل وتمنعك من الانحراف الفقهي الانحراف يعني تبقى ضال يعني انحراف فقهي خلاص وتمنع عنك التشويش يعني فيها فوايد كتيرة جدا جدا. فده افضل طريقة لدراسة الفقه خلاص طيب يلا نكمل قال ومن قال ان كان غدا من رمضان ففرضي لم يصح الا ليلة الثلاثين من رمضان هي مسألة آآ مش عاوز اقف عليها كتير عشان الوقت وهي مسألة يعني ايه ما حدش نادرة الوقوع ما حدش بيحتاجها ابدا خلاص عمرو آآ فراج مصر يخليني اقول اللي انا مش عاوز اقوله آآ يعني هو لو لو احنا شايفين ان مسلا عثمان النجدي والبهوتي ناس ضلال يعني هيقولوا كلام في الفقه وما عهمش دليل يبقى نقفل بقى الدرس ونشطب ونمشي يعني يعني يا جماعة انتم متخيلين كده فقيه كبير وقبل ان يكون فقيها فهو رجل ذو دين عنده دين يجي يقول لك هذا حلال وهذا حرام ولا دليل عنده عشان نقول عاوزين القول اللي معه دليل يعني يعني بالعقل كده سيبكم دلوقتي من اي آآ بالعقل هيجي البهوتي يتجرأ على هذا المقام الذي هو فيه موقع عن الله سبحانه وتعالى ويقول لك ده حلال وده حرام على ما كان عليه من ديانة وصلاح فيقول كده مستحيل تعتقده ده. انا ما اعتقدش ان ممكن واحد فيكم يعتقد ده خلاص هيقول طب لأ انا بقول الدليل الراجح اعتزر عن عدم الاكمال الدليل الراجح عند من يعني البهوتي لما قال في المسألة دي ده يجوز فاكيد دليل الجواز هو الراجح عنده طيب واحد تاني جه قال ده لا يجوز. من العلما برضه الفقهاء تأكيد دليل عدم الجواز هو الراجح عنده. فكلمة ركزوا في اللي انا هقوله ده واحفظوا الجملة دي كلمة دليل راجح كلمة خاطئة لابد ان تقول راجح عند فلان كلمة كلمة تاني احفظه. كلمة دليل راجح باطلاق هكذا كلمة خاطئة كلمة خاطئة لان الراجح عند فقيه مرجوح عند اخر ماشي اتفهمت دي؟ تاني لان الراجحة عند فقيه مرجوح عند اخر فكلمة الراجح باطلاق كلمة غلط غلط حتى في الاذهان يعني. انا هنا دلوقتي مش يعني انا بتكلم اذهانكم انا بكلم عقولكم خلاص؟ لان اكيد اكيد البوتي لما كتب ده يجوز فهو عنده دليل الجواز راجح هتروح لحد تاني مش هنخرج برة المذهب حتى جوة المذهب الواحد فهتلاقي غير البهوتي اي حد من القدامى اي حد اي حد في الملعب شيخ الاسلام تيمية اي حد هيقول لك لأ ده لا يجوز معنى كده انه دليل عدم الجواز عند الثاني ده ايه؟ هو الراجح. ودليل البهوت عنده مرجوح خلاص طيب عبدالعظيم بيقول هو ليه لو نوى الفطار في رمضان وما فطرش؟ ليه ما ينويش الصيام ويكمل صيامه؟ هو هل يصح يا يا عبد العظيم؟ هل تصح نية الفرض من النهار ما هو دلوقتي هو نوى نوى الافطار في رمضان. يبقى ده هو في النهار دلوقتي. صح هنقول له كده انت فطرت ومعنا فطرت معنى قولنا انت فطرت مش يعني كلت وشربت لأ يعني قطعت النية يقول طب خلاص هنوي تاني قل له لأ تعال بقى هي مش سبهللة النية بالنهار لا تكون الا في صيام النفل فهمتوا طيب هل يجوز قول لفظ الراجح عند العلما لأ لا يجوز لان مين العلما ما هو لو راجح عند كل العلماء يبقى دي مسألة اجماع يبقى مش قول راجح بقى ما هو بمعنى ان ان القول الراجح يبقى فيه قول مرجوح صح كده ده معنى ان في فقه ان ده قول الراجح يبقى فيه قدامه قول مرجوح الزيتون عند العلما يعني الالف واللام دي بتفيد ايه اللي في العلما دي ما انت لو تقصد هو الراجح عند كل العلماء ان كل العلماء يبقى دي مسألة اجماع مش مسألة خلاف. يبقى ازاي ده راجح وازاي في مربوح؟ تقول لأ انا اقصد علما بعينهم كده يبقى سميهم مش مش عند العلماء. مين العلما؟ سمي آآ شيوخك او سمي فقهاءك الذين ترجح عندهم هذا القول. المسألة بسيطة يعني مش ايه عاوزين وجع دماغ هنا بقى قال ياللا ياللا ياللا ياللا نرجع تاني باب ما يفسد الصوم او باب ما يفسد الصوم. تمشي كده وتمشي كده وما يوجب الكفارة؟ قال يفسد صوم من اكل او شرب او استعطى او احتقن او اكتحل بما وصل الى حلقه او ادخل جوفه شيئا من اي محل كان او استقاء فقاءه لو استنى او باشر فأمن او امزى او كرر النظر او حجم او احتجم وظهر دم ماشي. نرجع تاني بقى يفسد صوم من اكل او شرب او استعطى طبعا احنا هنا بنتكلم هو لازم كنا نربط الكلام ببعضه انا رجعت تاني بس هو هيقول لك ايه انه لازم يكون عامدا وزاكرا يعني هيجي لنا شوية شروط تحت كده. بس خلونا نمشي. واحد اكل يقصد صوم. دي مش محتاجين نتكلم فيها كتير. شرب يرصد صوا. استعطى يعني حط حاجة في مناخيره. خلاص؟ في الانف حط بقى نقط هي دي ده دلوقتي اللي موجود او مرهم في مناخيره فوجد الطعم بتاع النقط اللي حطها دي ولا المرهم ده في الحلق او في الدماغ يفسد صومه خلاص ليه علشان يا جماعة الانف منفز للجوف الانف منفذ للجوف النبي صلى الله عليه وسلم قال ايه؟ للوقيت بن صبية وبالغ في الاستنشاق الا ان تكون ايه؟ صائما الان في منفذ للجوف خلاص يبقى استعطى آآ فهمنا يعني ايه او احتقن يعني في دبره زي كده الحقنة الشرجية مسلا واحد احتقن يعني حقنة شرجية طيب دي بعيدة اوي ما فيش حد دلوقتي بيحصل ان الحقن الشرجية نادرا. لكن الصورة المشهورة دلوقتي تلحق هذه المسألة ان بعد آآ قضاء الحاجة في ناس تروح مسلطة الشطاف على فتحة الدبر بالزبط. فتدخل مية فيدخل الماء في الدبر خلاص فالصورة دي الصورة دي اه آآ تفسد الصوم فانتبهوا لهذا لهذا المعنى وانتم صايمين خلاص؟ يبقى ما فيش حد يسلط الشطاف لدرجة ان الماية تخش من فتحة الدبر لان هذه الصورة تفسد الصوم فدي مسألة مهمة خلاص آآ قال يقصد صوم آآ قال او احتقن او اكتحل بما وصل الى حلقه ماشي؟ اكتحل بما وصل الى الى حلقه. يعني ايه يعني واحد حط كحل الكحل ده يوصل يحس به في حلقه ماشي طيب آآ ليه؟ قالوا لان العين ايضا منفز العين منفز للجوف برضو خلاص اصحاب الامساك الشديد يعملوا ايه؟ يتعلموا يتعالجوا ما يسيبوش نفسهم للايه لغاية رمضان ويقولوا آآ احنا ما نعرفش نعمل ده الموضوع هيبقى فيه اذى وضرر وكذا يفطروا يفطروا او آآ قبل ما يفطروا بقى يروحوا يسألوا حد غيري فتوى تانية غيرها. يعني لو ما يفطروش يروحوا يسألوا حد تاني غيري ويشوفوا هيقول لهم ايه بس ما تسألوش حد حنبلي بقى عشان هيفطركم ماشي لأ يعني خدوا ادوية ما تهملوش نفسكم وتقولوا آآ احنا ايه هنسلط الشطاف وهو ايه الموضوع بيتحل كده في ادوية خد الدوا واديك اهو معك شهرين من دلوقتي ادينا بنقول من بدري اهو معك شهرين ابتدي خد الدواء الامساك يروح ندخل رمضان ان شاء الله الدنيا ايه وبعدين تختار انواع اكلك اللي بتاكلها على السحور علشان ما يحصلكش امساك بالنهار وما تجيش تعك في الفطار يعني يعني في حلول تانية غير انك تيجي بالنهار وتسلط الشطاف على آآ فتحة الدبر فيدخل الماء تيجي تقول طب انا اعمل ايه خلاص قال او ادخل جوفه شيئا من اي محل كان ماشي سواء بقى الشيء ده مغزي ولا ما هواش مغذي زي ايه يا جماعة؟ عشان بس ايه؟ ممكن واحد يقعد يلعب بفتلة في بقه كده ويروح ايه بالع الفتلة يفطر اهو ده يفطر خلاص آآ ممكن اه او باخرها بقى خرزة. اي حاجة اي حاجة تخش جوفك خلاص فطرت طالما انت انت عامل ده بقصد عن قصد ماشي طيب ايه تاني؟ من الصور اللي قالوها اللي هم من حتة لاي محل كان ده واحد يروح يقعد يشم في دخان الاكل ده يفطر ما تروحش تقعد الاكل بيتعمل تروح تقعد تشم في دخان الاكل خلاص تفطر المسألة دي واضح يا جماعة؟ الصوت واضح طيب او آآ ويولع بخور بالنهار ويقعد يشم في البخور دخان البخور ما تعملوش كده برضو ما حدش يولع بخور في في نهار رمضان ده معنى كلامه انه ادخل جوفه شيئا من اي محل كان. سواء من الانف سواء من الفم خلاص طيب اه واحد دخل قطنة في ودنه لأ ما يفطرش لان الاذن من الظاهر وليست من الباطن خلاص النساء اللي هي اساسا بتطبخ تحترز عن هذا ما امكنها. تشغل الشفاط لو في شفاط فوق البوتاجاز تشغله ما فيش تشغل الشفاط اللي في المطبخ تغطي الحلل وهي بتطبخ يعني تحترز عن هذا ما امكنه وما تروحش تشم حاجة بقصد بقى. خلاص طيب آآ ولو جه في ذهني دلوقتي برضه صورة من الصور المنتشرة اللي الناس بتعملها هقول لكم عليها ان شاء الله او استقاء فقاء. يعني استدعى القيء مش قاء مش زرعه القيء. لا مش غلب عليه القيء فقاء لأ ده ده استقاء فقاء هو الذي استدعى زي حط صباعه في بوقه فقاء لا يفسد صومه قال او استمنا آآ او باشر فامنى او امنى. او استنى يعني بيده فامن او امزى يفسد صومه على المذهب خلاص؟ فاكرين لما قلنا لكم العلماء بيذكروا مسائل قد تكون في نفسها محرمة لا يشير من قريب ولا من بعيد ان المسألة محرمة مش بابها اصلا مش بابها احنا هنا مش جايين نقول لك حكم الاستمناء ايه مش مش جايين نقول لك كده احنا جايين نقول لك هذا الاستمناء اذا فعل يؤثر على الصوم او لا يؤثر دي مسألتنا عاوز تشوف حكم الاستمناء رح شفه في بابه فهمتم دي يا جماعة بعض الناس بتتلخبط في ده. يقول لك لأ ده احنا خدنا في الفقه انه اذا استنى والشيخ ما قالش ان هو الاستمناء حرام. ما هو هو احنا هو احنا بنناقش مسألة الاستمناء دلوقتي؟ لا مش مسألة الاستمناء الفقهاء كانت دماغهم مترتبة مش زينا كله كده متلخبط على بعضه دي ناس دماغها مترتبة عارفة تقول ايه فين ماشي قال او استمن فامن او امزى فسد صومه معروف طبعا الفرق بين المني والمذي. خلاص؟ المني اللي هو هذا السائل الابيض السخين الذي يخرج بشهوة وبدفق ويشعروا آآ المرء بخروجه المني المذي مساء الاصفر رقيق يخرج متسبسبا عند الشهوة لابها. يعني هو يخرج عند الشهوة لكن لا يخرج بشهوة وقد لا يشعر بخروجه اصلا. يعني ممكن المذي ينزل والواحد ما يحسش انه امزى ده الفرق بين المني والايه والمذي. المذهب وطبعا المذهب قوله شديد في الحتة دي انه لو استنى فامن او امنى يعني حتى لو استنى ثم لم يمني ما ما لم يخرج منيا لكنه انذى نزل مذي برضو يفطر. او باشر يعني ايه باشهر يا جماعة يعني دون الفرج. يعني لم يدخل في الفرج في فرض امرأته. وانما باشر دون الفرج او قبل او لمس فامنى او امنى بردو كده يعني واحد اه قبل امرأته لو لمس امرأته فامذى نزل المذهب برضه يفطر بده خلاص؟ طب نعمل ايه؟ تلم نفسك ماشي؟ والنبي صلى الله عليه وسلم رخص في القبلة لشيخ ولم يرخص لشاب ماشي وآآ كان النبي صلى الله عليه وسلم يقبل وهو صائم تقول عائشة لكن كان املككم لايه كان املككم لايه حد يعرف ماشي هي مش حاطة همزة عاوزين الهمزة الهمزة فوق ولا تحت؟ ايه رأيكم؟ اكتبوا تحت ولا فوق ما تكتبوش بقى يعني الكلمة اللي انتم بتكتبوها دي تحت تحت لاربه كده طيب لاربه او لارابه. الاتنين كان املككم لاربه يعني لفرضه صلى الله عليه وسلم او كان املككم لارى به يعني لغرضه قالوا النبي ما يشتهيش الا اذا اراد ان يشتهي. عليه الصلاة والسلام وهو كان مالكا لارى به لغرضه وكان مالكا لاربه لفرجه خلاص تمشي كده وتمشي كده. طيب قال او استمنا آآ اوباء شرع وعرفت يعني ايه باشر بشر يعني دون الفرج. يعني لم يدخل او قبل او لمس فامنى او امزى. فسد صومه او كرر النظر فامنى هنا ما قالش او امزى واحد كرر النظر نظر نظرا آآ اثار شهوته وهنا مش مش بنتكلم في حكم النظر وكرر هذا النظر او اطال النظرة الاولى خلي بالكم هنا لا هو استنى ولا هو باشر. ده مجرد كرر النظر فامنى وهذه المسائل ربما يسألوا عنها الشباب فسد صومه كذلك. طب ام ذا؟ لا ما يفسدش صومه ليه ومش ليه والنقاشات دي مش مش مرحلتنا ولا غرض من درسنا ده لكن في المسائل دي. يعني من الاخر يا جماعة اللي هيستني او يباشر دون الفرض او يقبل او يلمس هيفسد صومه يفسد صومه بالمني او بالمذي بخروج المني او المذي. واحد كرر النزر فسد صومه. طب امزة؟ لأ لا يفسد لا يفسد صومه او حجم او احتجم وظهر دم واحد حجم او احتجم يعني هو الحجام هو اللي بيعمل الحجامة او هو اللي بيتعمل له الحجامة انتم عارفين الحجامة ممكن تتعمل بدم وممكن تتعمل بايه من غير ما نشرط فما يخرجش دم لو ظهر دم وايه افطر الحاجم والمحجوم خلاص نقرا بقى الكلام اللي جاي ده عائد على كل اللي فات. عامدا ذاكرا لصومه لا ناسيا او مكرها. يبقى واحد كل عامدا ذاكرا ماشي واحد كل عامدا ذاكرا آآ طب واحد كل ما هواش عامد لأ ناسي عفوا ما هواش عامل مكره هنعرف ازاي دلوقتي ممكن تحصل المسألة دي. ومسألة ممكن تقابلنا في المكره دي هنشوفها كمان شوية ان شاء الله واحد كالمكره نقول له خلاص ما انت لسه صايم طب واحد كل بس كان ناسي انه صايم قل له برضو انت لسه صايم. خلاص آآ قال عامدا ذاكرا لصومه آآ لا ناسيا او مكرها وحايل لك ايه بقى عثمان الناجي دي ؟ قال ولو بوجوري مغمى عليه معالجة ولو بوجور مغمى عليه معالجة. يعني ايه المسألة دي؟ ايه الودور ده الوادور ده اللي هو الدواء الذي يوضع في الحلق. خلاص كان واحد اغمى عليه يا جماعة صورة بقى المسألة دلوقتي واحد اغمى عليه غيبوبة سكر غيبوبة السكر دي لما بيغمى عليه بيعملوا له ايه يحطوا له ايه عسل صح في بوقه هو مغمى عليه هو مش دريان باللي بيحصل فيه فبيحطوا له شوية عسل كده علشان يفوق طيب هو مغمى عليه في نهار رمضان وبعدين حطوا له شوية عسل ففاق ايه رأيكم صيامه ده صحيح ولا بطل بطل الصوم صحيح زياد ماشي؟ يصح صحيح. خلاص كله صحيح؟ الحمد لله؟ فيه حد له قول تاني بطل مين اللي بطل فيهم في تلاتة قالوا صحيح مين اللي بطل فيهم ولا كلهم ابطال طيب هو من باب بس التدريب يعني من باب التدريب فاحنا ممكن ايه نعقد لكم المسألة ونقول لكم ايه؟ اللي يقول صحيح غلط واللي يقول باطل غلط. والجواب التفصيل انه لو اغمى عليه طول النهار وافتكروه بعد المغرب وحطوا له عسل وفاء فصيامه ايه؟ باطل لانه لانه آآ ما فاقش ولو جزءا من النهار وهو غالبا لو سابوه طول النهار وجم يحطوه العسل بعد المغرب برضه مش هيفوق هيبقى مات يعني غالبا لكن على كل حال اداء انا ما كنتش بسأل السؤال عشان يعني الفخ ده لأ هو واحد واحد آآ عليكم السلام واحد آآ اغمى عليه في نهار رمضان حطوا له شوية عسل عشان يفوق مسلا. وهذا العسل ده الوقت ده مش غزاء ده علاج. هو هو حاطينه علاجا عشان يفوق فده مكره يعني ده في حكم المكره خلاص؟ لاني الاكراه نوعين. ان واحد يكره ليفعل او يكره بان يفعل به فهمتوا دي وانتم كمان واحشني طلاب الاكاديمية كلهم. ان شاء الله نتقابل السبت الجاي بازن الله طيب مفهوم كده الاكراه نوعين يا جماعة. الاكراه نوعين واحد اكره ليفعله هو يعني هيتقال له لو ما عملتش هقتلك ورافع المسدس عليه ده واحد مكره هيتقتل خلاص لكن هو اللي هيعمل في الاخر واحد فعل به. يعني ايه فعل به اربعة كتفوه وواحد فتح بوقه واحد صب في بقه الماية ده هيعمل ايه ده فده نوع اكراه تاني انا ما عملتش مش انا اللي رحت شربت آآ لا لكن هم اتعمل في كده خلاص؟ طيب ليه لحديث النبي صلى الله عليه وسلم عفي لامتي عن الخطأ والنسيان وما استكرهوا عليه طيب وحديث ابي هريرة مرفوعا من نسي وهو صائم فاكل او شرب فليتم صومه فانما اطعمه الله وسقاه متفق عليه خلاص ولا ان طار الى حلقه ذباب او غبار من طريق واحد ماشي الدبان دخل في بقه ودخل في جوفه خلاص الدبانة نزلت لتحت هنقول له فطرت كمان يعني يعني مش كفاية العذاب اللي هو فيه يعني يعني الراجل متعزب الدبانة في بطنه دلوقتي نقول له كمان فطرت! يعني حرام سيبوه بقى في حاله. او غبار طريق آآ تراب آآ عاصفة ترابية دخلت في بوقه برضه ما يعني خلاص الراجل هيعمل ايه ؟ او دقيق او دخان فلا يفسد صومه لعدم امكان التحرز منه ذلك ركزوا يا جماعة ولا ان طار الى حلقه ذباب او غبار او دقيق او دخان. ده طار هو اللي جا له. مش انت اللي رايح تشم وتبلع الدخان ماشي يا جماعة؟ يبقى ده فرق. الفرق ايه؟ ان ده لا يمكن التحرز منه انما التاني يمكن التحرش منه ده انت اللي رايح وداخل المطبخ وتفتح الحلة عشان تشم الدخان عشان بيشبع الدخان ده ولا بيعمل ايه ماشي اشبه النائم او فكر فانزل واحد فكر فانزل يعني ان واحد قعد يفكر في حاجة اثارت شهوته فامنا من غير نظر لشيء ومن غير اي حاجة هو قعد يفكر بس فامنا قال لك ده ما يفطرش ليه؟ لقوله صلى الله عليه وسلم عفي لامتي ما حدثت به انفسها ما لم تعمل به او تتكلم خلاص وهذه المسألة احترزوا منها احنا خلي بالكم يا جماعة هذا الفكر اذا استرسلت معه اه محرم بس ماشي يلا يلا بطلوا كتابة بقى بطلوا كتابة خلاص خلاص ركزوا معي. مش عاوزين هزار بقى في آآ خليكم معي ركزوا معي. خلاص قال وقياسه على تكرار النائب طب يعني مش عاوزين نقول ماشي. او احتلم واحد احتلم وهو نايم ما يفطرش خلاص طيب وكذا لو زرعه اي غلبه القيء وكذا لو زرعه اي غلبه القيء او قطر في احليله او غيب فيه شيئا فوصل الى المثانة لم يفطر. الاحليل اللي هو الذكر العضو يعني العضو الزكري عند الرجال هو ده الاحليل خلاص ركزوا معي يا جماعة بقى. سيبكم من الكلام دلوقتي. خليكم معي في الفقه ده الاحليل العضو الذكري خلاص آآ بيقول آآ لو قطر فيه شيئا اه آآ ولو زرعه الغيب اي غلبه القيء آآ ما يفطرش. احنا قلنا اذا استقاء فقاء يفطر يفسد الصوم. انما لو لو زرعه القيء غلبه القيء لأ ما يفطرش خطر في احليله شيئا دي مسألة نادرة ما بتحصلش يعني آآ بتكون علاج لبعض الامراض لكن نادرة لكن حتى لو حصل كده ده ما يفطرش خلاص لانه لا يصل للجوف شيء وما فيش منفذ من الاحليل الى الجوف وانا من المثانة الى الجوف خلاص هو الاحليل اخره المثانة والمثانة لا لا لا منفذ. منها الى الجوف وانما يترشح البول اه يعني البول بيترشح على المسألة مش مهم دلوقتي ما فيش منفز خلاص طيب اه قال او اصبح وفي فمه طعام فلفظه ركزوا يا جماعة في المسألة دي لانها الحقيقة انا باجد جرأة عجيبة ركزوا. كله بقى يركز. صلوا على النبي كده عليه الصلاة والسلام. كله يركز معي لو سمحتم احنا خلاص قدامنا يعني بالكتير عشر دقايق ان شاء الله اقل كمان ركزوا في المسألة دي لان في جرأة عجيبة من المتدينين بعد ازنكم المسألة دي يعني ايه حضرتك تبقى متدين وبتتقي الله عز وجل وتخاف من ربنا والاقيك بعد الاذان ما يأذن تقعد تاكل وتشرب ازاي يعني يقول لأ اصل هو الازان بيأزن بدري. ايه الجرأة دي ايه الجرأة دي الازان بيأزن بدري قاله البعض ماشي الحال والتانيين قالوا لك لأ لازم بيأذن في وقته ايه الجرأة اللي انت فيها دي يعني يا جماعة بطلوا كتابة لو سمحتم ركزوا في اللي انا بقوله خلاص اسمعوا الكلام بقى ايه الجرأة اللي احنا فيها دي حاجة هتأدي لفساد صوم رمضان في ناس بتعمل ده في الايام كلها في ناس بتعمل ده في الايام كلها. تلاقي الاذان ازن وده قاعد بياكل ويشرب ما تعملش ده حتى ان اعتقدت ان الاذان بيأذن بدري هو فين الدنيا وفين الورع بقى هيزهر امتى لو مش هيزهر في في المواطن دي هيزهر امتى يعني؟ خلاص؟ فيه ناس اشد سفاهة بقى. تعمل ايه؟ تتريق على اللي ما بيعملش كده شوفوا انا هادي ازاي في في الفقه والخلاف وباقعد اقول لكم اعملوا يعني لو سمعتوا ده ماشي الحال ده انما فيه مسائل كده بتدل على يعني ايه خفة الدين خفة الدين مهما انت كنت بقى راجل خاتم المصحف راجل دقنك واصلة لغاية نص بطنك ولا انت منتقبة حتى عينك مش باينة لكن في مسائل كده يعني يعني تدل على خفة الدين فين دينك وكمان بتتريق على اللي ما بيعملش كده انه مع الاذان مع قول الله اكبر خلاص يمسك لو حتى قبله بشوية احتياطا اتريق عليه وترميه بجهل ايه ده! ايه ده طيب المسألة بقى بتاعتنا دي مسألة على جنب كده كنت ايه انا حبيت آآ اشخط فيكم شوية. المسألة بقى واحد اصبح وفي فمه طعام فلفظه. يعني ايه؟ يعني وهو بياكل الاذان اذن قدامك حاجة من اتنين. المزهب بقى عندنا اهو. لازا نأذن حضرتك كملت وكلت انت فطرت لفظت الطعام من فمك خلاص صيامك صحيح خلاص طيب فيه بيبقى فيه حتة كده بقى اللي هو ايه؟ يشق لفظها اللي هو ايه بتجري مع الريق ودخلت خلاص ده ما فيهاش مشكلة. ده كأنه نوع اكراه ده غصب عنك ده ما انتش ما عملتوش عامدا ده هو جري مع الريق ودخل خلاص طيب طيب آآ الناس اللي بتحط كريمات رجليها قوية شوية او في آآ المهم وتلاقي آآ طعمها في الحلق. يعني انتم عارفين لو دهنت باطن رجلك كده بحاجة قوية لها نفوس شوية بتحس بطعمها في بوقك بعد شوية هل ده يفطر؟ لأ ما يفطرش ليه لانه ما فيش منفز من الايه من باطن الرجل للجوف ما فيش منفز طيب آآ قال ولان اغتسل ايوة احسنت يا حافظ. هو بيقوله ان اللي وصل عرض وليس العين احسنت هم بيقولوا اللي انت حسيته في حلقك ده ده مش مش معناه وصول عين الدهن ده لأ ده وصول عرض من اعراضه ماشي البرفان حكم حكم البخور لعله اشد كمان ده البخور آآ بيكون آآ انا طبعا انا في ذهني دلوقتي البرفان اللي هو اللي بيترش ها مش اللي هو البلية ده اللي هو بيتباع باتنين جنيه قدام الجوامع ويقول لك مسك وعودو لأ اللي هو بيترش البرفان اللي بيترش البخور ده بيكون في الاخر دخان انما البرفان اللي بيترش ده رذاذ يعني كمان ده سائل. يعني ما هواش دخان. ده سائل فانت لما بترشي او انت لما بترش ويروح داخل منه في بوقك وفي مناخيرك ويصل الى الحلق ده لعله اشد كمان من البخور. خلاص مش الريحة بقى. يعني لو واحد بيقول لأ ده انا برش بعيد على مسلا الهدوم وبعدين بلبسها مسلا وما فيش حاجة بس بشم الريحة لأ بتشم الريحة دي ما هواش ده برضه عرض ما هواش الايه طيب قال ولا ان اغتسل او تمضمض او استنشق فدخل الماء حلقه. فلا يفطر لعدم القصد حتى ولو بالغ في مضمضة واستنشاق. او زاد على ثلاث فلا يفطر لكن تكره مبالغة في مضمضة او استنشاق لصائم خلاص قال ولا يفسد صومه بما دخل حلقه بلا قصد خلاص واضح الكلام ده واحنا قلناه قبل كده انا بحاول آآ يعني ايه اركز برضه في كلامكم عشان مهم آآ واحد سمه وانا مش قاصد. دخلت مكان فيه ريحة بخور. اعمل ايه؟ ريحة البخور مش قضية. ريحة البخور مش مشكلة. المشكلة في الدخان نفسه الدخان ده تروح تقف قدامه وتشمه لأ ما تعملش كده خلاص والناس طبعا للاسف في ناس كتير متعودة تشغل بخور في نهار رمضان الاولى ان احنا ما نعملش ده قال وان اكل المسائل دي مهمة وهنختم بها خلاص. قدامنا خمس دقايق يا الله وان اكل ونحواه شاكا في طلوع الفجر. نحو الاكل ايه؟ اي حاجة من المفسدات زي شرب زي جامع كان في طلوع الفجر شكا في طلوع الفجر يبقى احنا بالليل ولا بالنهار يا جماعة واحد شاكك الفجر طلع ولا لأ؟ يبقى احنا دلوقتي بالليل ولا بالنهار كنا يعني يعني بالليل صح كده واضحة دي طيب واحد بالليل وشك الفجر طلع ولا ما طلعش ماشي فكل وشرب خلي بالكم هنفرق بين مسألتين ركزوا معي واحد شكل فجرة العلماء هو اللي ما طلعش وواحد تاني اعتقد ان الفجر طلع دي مسألة ودي مسألة انما خلينا في اول المسألة دي واحد شاكك هو الفجر طلع ولا لأ ما حوش لا ساعة او معه ساعة بس ما يعرفش امتى الفجر بيأذن وهو في منطقة بعيد ما فيهاش مسجد يسمعه المهم هو شاكك هو الفجر طلع ولا ما طلعش؟ شاكك فكل هل صومه صحيح ولا مش صحيح؟ قال لك الصوم صحيح الا في حالة واحدة انه بعد كده عرف ان الفجر كان طلع فكده يبقى صومه ايه؟ باطل. يعني ايه؟ يعني ايه يعني بيبص في الساعة لقاها الساعة خمسة هو كده الفجر ادن ولا ما ادنش هو مش عارف الفجر ادن الساعة كم وايه شاكك الفجر طلع ولا ما طلعش راح ايه قال راح خاطف له لقمتين تلاتة كده وبعدين فدخل عليه اخوه بعد شوية او تاني او بالنهار عادي بقى تاني يوم. فبيسأل هو الفجر يا جماعة الساعة كم؟ يقول له ده الفجر بيدن اربعة ونص هو كده عرف بالنهار ان هو كان بياكل ويشرب والفجر مأذن ساعتها نقول له صيامك باطل فهمتوا انما هو شاكك الفجر طبعا ما طلعش وفضل شكه كده ما تيقنش ان هو آآ او لم يعلم بعدها ان الفجر ان ان النهار آآ قد آآ يعني طلع النهار هنقول له صيامك صحيح. مفهومة دي قال لا في غروب الشمس يعني لا في غروب الشمس. يعني واحد شك في غروب الشمس. يبقى احنا بالنهار ولا بالليل ردوا عشان هيبقى فيه سؤال كمان شوية واحد شك في غروب الشمس. يبقى احنا في النهار ولا في الليل في النهار صح كده طب واحد شك في غروب الشمس خلاص فرح واكل. واكل وشرب وبعدين فضل على الشك ده ركزوا في الصورتين دول الاولاني شك الفجر طلع ولا ما طلعش كل وفضل على الشك ده لم يتبين له شيء ده صيامه صحيح ولا لأ رد صحيح احسنت يا احمد واحد شك في غروب الشمس واحد شك في غروب الشمس فراح واكل او شرب وبعدين لم يتبين له شيء. لم يتبين له شيء ده صيامه صحيح ولا باطل فسد الصوم ايه الفرق بين الصورتين يعني ليه هنا قلنا يصح الصوم وهنا نقول فسد الصوم حد يعرف احسنت احسنت يا مروان احسنت يا محمد سعيد احسنت يا احمد السيد احسنت يا كريم بقول لكم كلكم محسنون ماشي احسنتم. ان اليقين لا يزول بالشيء. اليقين لا يزول بالشك في الليل انت كنت بالليل ده اليقين انك في الليل شكيت الفجر جه ولا لأ اليقين لا يزول بالشك. انت لسة بالليل بالنهار انت في النهار وشكيت الشمس غربت ولا لا هيبقى انت لسة في النهار. فيبقى انت كانك كلت وشربت في النهار. الا لو بعد كده بقى بان الشمس كانت قد غربت هنقول لك صيامك صحيح. لكن احنا دلوقتي في الصورة بتاعتنا ما بان لكش حاجة بعد كده ان الفجر طلع ولا ما طلعش ولا بان لك وقت اكلك وشربك يعني ولا بان لك ان الشمس كانت غربت ولا ما غربتش فهمتوا دي قال وان اكل آآ ونحوه في وقت اعتقده ليلا فبان نهارا اي ظهر طلوع فجر او آآ او عدم غروب شمس قضى الواجب لانه لم يتم دي مسألة الاعتقال. احنا قلنا لكم فرقوا بين مسألتين واتكلمنا عن مسألة واحدة. اللي هو واحد شاكك. واحد اعتقد كزا اعتقد النهار ليلا او الليل نهارا يعني ايه اعتقد ده؟ يعني مسلا مسلا حضرتك نايم الساعة سبعة بالليل طبيعي هتصحى اتناشر واحدة بالليل مسلا حضرتك رحت صاحي من نومك على التلاجة عدل يا ايه قعدتك وقعدت تاكل وتشرب خلاص في عز ما انت بتاكل وتشرب لقيت حد هو انت بتعمل ايه ده احنا ايه ده احنا الضهر وكئيك اليوم ده انت دومك سحب شوية وصحيت الضهر. انت هنا وانت بتاكل وتشرب كنت بتعتقد هذا دي مسألة تانية ها مش مسألة انك شاكك لأ انت معتقده ليلا اصلا انت فاكر نفسك الساعة واحدة بالليل طيب دي مسألتنا ان اكل او نحو الاكل بقى شربت جامعت كده في وقت اعتقده ليلا فبان نهارا قضى الواجب ما تجيش تقول ايه اه طب انا لا ده انا كنت انا غلطان ده انا مش نقول لك لا لا لا ما فيش كده لانك هنا ما نتاش ناسي ركزوا انت هنا مش ناسي لأ انت هنا اعتقدت اعتقادا خاطئا خلي بالكم بقى هنا فرقوا بين مسألتين برضو يا جماعة. احنا هنا مش هنقول انك انك تأثم فرقوا بمسألة الاثم ومسألة بطلان اليوم يعني ممكن نقول فسد اليوم ولا اثم عليك. لو انت ما انتاش مقصر يعني. سيبكوا من مسألة الاسم دي. يعني الاسم ما فيش تلازم قد تكون اثما وقد لا تكون دي مسألة تانية على جنب. نبحسها بعدين انما اليوم فسد. دي مسألة. هل معنى اليوم فسد ان انا اثم مش شرط ممكن تبقى قاسم ممكن ما تبقاش قاسم دي مسألة تانية تبحث ان مليون فسد. ليه؟ لانك كلت او شربت بالنهار فهمتم دي هي دي المسألة التانية بقى انه اعتقده ليلا فبان نهارا. قضى الواجب لانه لم يتم وكذا يقضي ان اكل ونحو الاكل يعني يعتقده نهارا فبان ليلا ولم يجدد نيته لواجب. لا من اكل ونحوه ظنا غروب الشمس طب مسائل يعني ايه مش وبعدين ندخل بقى في الايه في الجماع وما يوجبه نقف هنا اقول قولي هذا واستغفر الله العظيم لي ولكم سبحانك الله وبحمدك نشهد ان لا اله الا انت نستغفرك ونتوب اليك. السلام عليكم ورحمة الله وبركاته