الحمد لله واشهد ان لا اله الا الله وحده لا شريك له. واشهد ان محمدا عبده ورسوله صلى الله عليه وسلم. اما بعد اهلا ومرحبا بكم في لايف جديد. من لايفات يوم الاتنين النهاردة هنتكلم في موضوع خطير جدا. اه يا ريت نكتب النهاردة نكتب كل حاجة نكتبها. ونلخصها عشان هنعمل اه بوست كده مسابقة مين هيكتب احسن تلخيص للدرس دوت على صفحة دورات المهندس علاء حامد زي ما انتم متعودين فيا ريت نتابع ونكتب ونلخص عشان بص هينزل اول ما اللايف ده يخلص آآ هنشوف مين احسن تلخيص يعني. خلينا نبدأ النهاردة في موضوع خطير انا عايز اقول لكم مقدمة وهي ان ان الانسان في طريقه الى الله سبحانه وتعالى لا شك ان هو بيكون حريص جدا على ان هو يخرج من هزه الدنيا وقد جمع كل ما يقدر عليه من الخير والحسنات ويقعد يستكثر ويكتر من الحسنات والصلوات والعبادات وعمرات بقى وقراءة قرآن وعطف على مساكين وشنط رمضان قاعد هو ايه يستكثر قدر ما يستطيع لكن الاشكال ان في حاجات احيانا بتبقى في طريقنا الى الله مدمرة مدمرة. لكل اللي بنعمله واحنا مش واخدين بالنا ظن الانسان انه سيموت يوم يموت وهو على خير حال. ومغسل وضامن جنة ومصلي ست الاف الف ركعة وعامل ستميت حجة وبتاع وراجل في التمام ما كان عنده ظن ابدا او احتمال ابدا ان هو يعني يحصل له موقف يوم القيامة او او يخش النار اصلا. هو بيعمل وراجل خير وطيب. اكتشف يوم القيامة ان هو بح ما فيش اي حاجة. طب ليه كده؟ ليه كده؟ لانه يكتشف ان اه في صلوات كتير في زكاة ان شاء الله في اه صيام في حج في عمرة في كل الكلام الحلو ده. لكن نسى امر خطير جدا هو حقوق العباد. نسى ان هو هيقابل يوم القيامة ناس آآ هياخدوا منه آآ حسنات بقدر الظلم اللي وقع عليهم. لذلك النبي عليه الصلاة والسلام بيقول اتدرون من المفلس؟ المفلس قالوا من لا درهم له ولا متاع؟ قال لا لا. المفلس من امتي من يأتي يوم القيامة بحسنات صلاة وصيام وزكاة وكل ده ولكن يأتي وقد ضرب هذا واغتاب دوت وشتم اذا اكل مال هذا فيأخذ هذا من حسناته وهذا من حسناته وهذا من حسناتي. حتى اذا فنيت حسناته اخذ من سيئاتهم فطرح فعليه ثم ايه؟ طرح في النار. نسأل الله السلامة والعافية. لذلك النهاردة هنتكلم عن اكتر حاجة ممكن تاكل حسناتك تماما رغم ان انت عندك حسابات كتير ما بالك بقى لو ما عندكش حصص كتير لكن لو حتى لو عندك حسنات كتير ستأكل جدا من حسناتك وهي الغيبة بتكلم النهاردة عن الغيبة خصوصا لان الغيبة هي اولا اسهل المعاصي اللي بتاكل حسنات وهي اه معصية محببة شوية للنفس. يعني ايه اولا الحديث قال يأتي وقد زلم هزا ضرب هزا شتم هزا اكل مال هزا الحاجات دي كلها تقيلة شوية انت ركزت في كل الحاجات دي. آآ مش مش كلنا بنظلم يعني. يعني مش كلنا بقى ايه هنظلم ونأزي لا مش طبيعي انسان مؤزي وزالم صح؟ اه اه شتم هزا مش طبيعي مش كلنا بنشتم يعني مش طبيعي ان انا هشتم واحد بامه وابوه بقى واشتمه هو وامسكه. يعني اي حد طبيعي بينفر من الشتيمة بيعتبرها حاجة مش مش كويسة حتى لو مش متدين. الشتيمة مش مش اللي هي بنعملها على طول. اكل مال هزا برضو مش الطبيعي ان كل واحد فينا بياكل مال الناس وبتاع فضلا الموضوع مش سهل يعني عايز ان انت بقى تبقى حد جامد لكن الايه الاخطر من كده كله وهو اخطر من كل دوت وهو الغيبة لان الغيبة يجتمع فيها امور الامر الاول انها سهلة جدا. لعب اللسان يعني هي حاجة باللسان تتقال كده في نص الكلام انت ما بتحسش بها. الحاجة التانية ان هي اه ما بتبانش يعني مش بتبان ان هي حاجة وحشة يا عالم امسك واحد مسلا ايه اقعد اسخف عليه وقلس عليه قالس على هدومه اليس على شكله اليس على لبسه تألس على لونه بتبان ان انت زريف كمان يعني انت مش بتشتم هنا خد بالك مش بتشتم لأ انت قاعد بتستلمه زي ما بنقول كده بتسف عليه زي ما بيقولوا بتألس عليه بتتنمر عليه على لونه على شكله على مشيته على لعبه على اي حاجة بقى. فهي في الشكل العام شكلها حاجة دمها خفيف الكوادر لما بيشتم حتى الناس تقول يا عم ما تشتمش. لكن الغيبة بتبقى دايما في سياق دم خفيف. دم خفيف وهزار. وادينا بنهزر. ودلوقتي الغيبة بقت صور تانية اكثر مزاحا زي كوميكس. كوميكسات اعمل كوميكسات ركب وش صاحبك ركب وش لعيب كورة. ركب وش ممسل واضرب وبتاع وانشر بقى ملايين بقى يشوفوا الكوميكس ده. والدنيا في الظريف كلها وفي اللذيذ واحنا ايه بنهزر وبنخف وبنضحك. ما فيش حاجة يعني وهي حاجة مهولة جدا وبتاكل حسناتك او برامج دلوقتي بقت برامج كاملة اه اه قائمة على غيبة اه زي برامج توك شوز مسلا كتير برامج بقى اللي بيقعد طول البرنامج يألس على على مجموعة من الناس يألس على لعيبة يألس على على مواقف بتحصل في البلد يألس على ناس معينة يجيب فيديوهات متصورة الناس يقعد يعني يخليها اضحوكة عشان البرنامج يروج. وملايين بقى بيتفرجوا وبيضحكوا هزار وياخد الموضوع بقى تريند ونقعد بقى نجيب فيديو لواحد اتمسك عليه. نقعد نلف الفيسبوك كله وكله بيسخر وكله بيألس والموضوع شكله برضو ايه؟ احنا في الظريف وفي اللزيز والموضوع مش مستقبح عند الناس وما فيهوش مشكلة. تخيل احنا بنعمل الموضوع واضح معلش انت كل يوم هتزلم كام واحد يعني ممكن ما تزلمش حد. هتأكل مالكم واحد يعني؟ لكن كل يوم انت تغتاب كم واحد؟ هي دي المصيبة ان انت ممكن تغتاب عشرات في اليوم الواحد. مئات في اليوم الواحد. طول ما احنا قاعدين في الشغل طول ما احنا قاعدين في المدرج. طول ما احنا احنا قاعدين في السكشن طول ما احنا قاعدين مع قرايبنا قاعدين زي ما بيقولوا كده بنجيب سيرة الناس. من الاخر بنجيب سيرة الناس طول النهار بنجيب سيرة الناس. ولما بنجيب سيرة الناس ما تفهمش ليه؟ مش طالبة معنا نجيب سيرتهم بالخير ابدا. لازم نجيب باي حاجة فيها انتقاص. وده هنقوله كمان شوية يعني ايه سبب كده يعني؟ لان الانسان بطبيعته هو اصلا فيه نقص. فبيحب يطلع النقص اللي عند الاخرين عشان ده بيحسسه بشيء من الكمال فدي مصيبة سودا يعني. فالمهم احنا ما تفهمش ليه بتطلب معنا ان احنا نجيب عيوب الناس ونقعد بقى نهري ونجيب شفتي فلانة شفت فلان عمل ايه؟ وفلان ابنه متخلف وفي شكله متخلف ودي لبسها كان زفت وشفت فرحها كان تعبان شفت الولا ده اللعيب فلاني ده ما بيفهمش ما لوش فيها دعاويل. ده فاشل. ده حكم ظالم. ده مدرب ضايع. ده صايع. ده مغني فاشل بقى ايه بنصلي القعدة ونجيب سيرة الممسلين والمغنيين ولعيبة الكورة واصحابنا وزمايلنا وقرايبنا وكل واحد في الواقع كل الناس هتتجاب هتتجاب. عشان القعدة تبقى مسلية والقعدة تبقى فرفشة. فدايما هتلاقي نفسك مع صاحبتك المواصلات قاعدين نجيب سيرة الناس. في المدرج قاعدين نجيب سيرة البنات. في الحياة العادية في شغلك قاعدين طول النهار تجيبوا في سيرة الناس. في مديرك في زميلك هي الحياة كده على بعض ده اللي بيحصل ده اللي بيحصل. هتجد ان انت فعلا لو ركزت لو ركزت في اللي انت بتعمله اسناء اليوم انت بالفعل بالفعل ترتاد مئات في اليوم والليلة انت بالفعل وقولوا لي اه او لأه انت بالفعل تغتاب مئات في اليوم والليلة اذا لم تكن تغتاب بشكل مباشر فانت تشارك في غيبة او تسكت عن غيبة او تسمع وتتلزز بسماع عيوب الاخرين ونقائص الاخرين او ترى المنكر ولا تبالي بتغييره. تقر ما عنديش مشكلة قولوا اللي تقولوه انا مش مش فارق معي لا تزب عن اخيك لا تدافع عنه في كل الاحوال انت مشارك في هزا الاسم خد بقى الصدمة العصبية اللي هتيجي لك دلوقتي الامام الذهبي عمل كتاب اسم الكبائر وزكر فيه الكبائر اللي في الاسلام. وزكر من الكبائر الغيبة الغيبة اذا الغيبة ليست من الصغائر الغيبة من الكبائر ان ربنا وصفها وصف بشع جدا في القرآن. ايحب احدكم ان يأكل لحمة اخيه ميتا فكرهتموه والنبي عليه الصلاة والسلام رأى في رحلة الاسراء ناس لهم اظافر من نحاس يخمشون وجوههم بيقطعوا لحمهم. فقال من هؤلاء يا جبريل؟ قال هؤلاء الذين يأكلون لحوم الناس. ويقعون في اعراضهم يأكلون لحوم الناس يعني بالغيبة ويقعون في اعراضهم. فدل ذلك الاية القرآنية مع العقوبة الشديدة يوم القيامة ان دي مش صغائر ان ديت من الكبائر للاسف. يعني تخيل انك انت اه بتصلي الصلاة في وقتها لابسة حجاب كويس. بتقري وردك في القرآن لكن مقابل زلك بتعملي مئات من الكبائر تخيل الموقف هيبقى اي يوم القيامة ويا ريتها حتى كبائر في حق الله. يعني مسلا الواحد لو عمل كبيرة متعلقة بحق الله بس. خلاص. يعني ممكن يتوب ممكن يستغفر ممكن ربنا يسامحه او حق الله وربنا بيرحمه. لكن المشكلة بقى الاكبر ان الغيبة دي لو كانت في حق لك تهون. مش قصدي اهون لان لهوان حق الله. لكن هتتعامل مع واحد. اتعامل مع ربنا بس. وربنا رحيم. لكن ان انت وقعت في زنب متعلق بحق البشر. وهذه مصيبة كبرى للاسف. ودايما اقول لاخواني يعني ازا وقعت في معصية فلا تقع في معصية فيها بشر. لان الله يرحم والبشر لا يرحمون لان الله يتجاوز عن حقي والبشر لن يتجاوزا عن حقهم يوم القيامة ابدا ما فيش حد هيجي يوم القيامة يعني يسامح في حسنة ولا يبقى عنده فرصة يدي حد سيئة ومش هيديها له. فاللي عايز اقوله ان الغيبة مصيبتها ان هي تعلقت بحق ادمي حق ادم يعني حتى لو ربنا سامحك هيبقى بيزل فيه حق ادمي انت مش عارف هتتصرف فيه ازاي يوم القيامة فده هنتكلم فيه كمان شوية بس احنا بنتكلم على عمق المشكلة. المشكلة في حاجة بتتعمل مئات المرات. بتتعمل اه وهي كبيرة واضف الى ذلك ان هي متعلقة بحق آدمي يعني الموضوع مش عارفين تورطنا فيه. لذلك النبي عليه الصلاة والسلام قيل عن امرأة سئل عن امرأة آآ قالوا ذكروا من يعني كثرة صلاتها كثرة صيامها كثرة يعني زكرها ونحو زلك وصدقتها قالوا ولكنها تؤزي جيرانها بلسانها. تؤزي جيرانها بلسانها. فقال عليه الصلاة والسلام هي في النار هي في النار وذكروا له امرأة من قلة صلاتها وصيامها وصدقتها يعني على قد حالها بتصلي الفرائض بس. والنوافل قليلة قوي. فقال قالوا لكنها لا تؤذي جيرانها. لسانها نضيف جدا ما تتكلمش في حد ما تجيبش سيرة حد ما تغتابش حد. قال هي في الجنة هي في الجنة لذلك النبي عليه الصلاة والسلام الحديس ده دلوقتي هتفهمه بعد المقدمة اللي قلتها لك. قال من يضمن لي ما بين لحييه وما بين فخذيه زي اضمن له الجنة. من يضمن لي ما بين لحييه وما بين فخذيه اضمن له الجنة. ليه؟ للسبب اللي احنا قلناه. لان انت لو ضمنت الحاجتين دول ضمنت اكتر حاجتين بيدمروا الحسنات. فسهل بقى اقل حسنات توصل اقل حسنات توصل. لان انا لو عامل حسنات قليلة اه بس ما فيش حاجة خدت من حسناتي. عدي. زي المرأة التي تذكر من قلة صلاتها وقلة صيامها ولكن لا تؤذي جيرانها. لكن يا فرحتي لو انت جيت يوم القيامة بحسنات كالجبال ثم جئت بلسان مدمر او بمعاصي فرج زي العادة السرية زي الاباحية زي الزنا زي زي الحاجات دي كلها اللي احنا قلناها في اول الايه؟ قول خلوا بمحارم بمحارم الله انتهكوها. دول يأتي بحسنات مسل الجبال. يجعلها الله هباء منثورا. فمعاصي اللسان ومعاصي الفرج بتأكل الحسنات. لان هي متعلقة بحقوق ناس. وبالتالي طب انا لو قدرت اضمن الاتنين دول اضمن لساني يبقى لسان نضيف مش هيجيب سيرة حد اضمن فرجي ما فيش بقى انتهاك محرمات ما فيش الحاجات قلة الادب والكلام ديت. بالتالي لو انا صلاتي حتى قليلة صيامي قليل صدقتي قليلة لكن هروح هلاقيهم زي ما هم سلام. ما فيش حاجة كلتهم. وبالتالي ادخل بزلك الجنة. عشان كده قال من يضمن لي ما بين لحيي وما بين فخذيه اضمن له الجنة. وعلشان كده النبي عليه الصلاة والسلام قال لمعاذ ابن قال قال معاذ يا رسول الله اه قال له يعني قل لي نصيحة كده تجمع لي كل حاجة. قال امسك عليك هذا خلي بالك من لسانك ان ده اللي ممكن يوصلك وهو هو اللي ممكن يدمرك. امسك عليك هزا. فقال اومؤاخذون نحن بما يتكلم يا رسول الله قال ثكلتك امك يا معاذ. وهل يكب يكب الناس؟ وهل يكب الناس؟ وهل يكب الناس على مناخرهم في النار يوم القيامة الا حصائد الا حصائد الا حصائد السنتهم الا حصائد السنتين. تتخيل انت يعني يكون واحد كل حاجة لزلك قال بعض السلف يصوم الرجل عن الحلال ثم يفطر على الحرام. يعني مسك نفسه لا سرق ولا زار ولا ولا عمل كل حاجة تمام. وبعد كده يروح بوم يضرب خيبة تدمر الايه؟ تدمر له الدنيا كلها. طيب خلينا الاول نعرف الغيبة علشان لما نيجي نتعامل نعرف احنا بنتكلم في ايه هنتكلم في كفارة الغيبة. الصحابة نفسهم سألوا النبي عليه الصلاة والسلام لان هم سمعوا اية بتقول ولا يغتب بعضكم بعضا. طب ما يعني ايه غيبة؟ ما هو بس ايه الغيبة عشان نتعامل وده من حرص الصحابة على ان هم يطبقوا الايات. فكان اي اية تشكل عندهم يسألون. فقالوا يا رسول الله ما الغيبة؟ ما الغيبة؟ فقال عليه الصلاة والسلام ركز ذكرك اخاك بما يكره ذكرك اخاك بما يكره فقالوا يا رسول الله لسة بيستفسروا بيزيلوا الاشكال. ارأيت لو كان في اخي ما اقول؟ يعني انت بتقول زكرك اخاك بما يكره. هل قصدك حاجة مش فيه ولا حاجة فيه؟ يعني لو هو مسلا هي حاجة فيه بس هو برضو بيكرهها ما بيحبش حد يقول له يا اسود ما حبش حد يقول له دي اوزعة. ما حبش حد يقول له مسلا يا يا غبي مع انه ممكن يكون فيه الصفات ديت ارأيت ان كان في اخي باقول وقال صلى الله عليه وسلم ان كان فيه ما تقول فقد اغتبته وان لم يكن فيه ما تقول فقد بهته يعني ايه الكلام ده؟ قال ما هي دي الغيبة. ما هي الغيبة ان انت تقول حاجة فيه. بس هو ما بيحبش حد يقولها هو انت كمان! كمان! عايز تقول حاجة مش فيه هو انت عايز تقول حاجة مش فيه ده انت لو قلت حاجة مش فيه يبقى عملت مصيبتين. الاتنين كبائر قال ان لم يكن فيما تقول فقد بهته يعني واحدة منفسنة من واحدة فبتقول البت دي شكلها وحش وهي شكلها جميل يبقى جمعت حاجتين غيبة قالت والله لبسها بلدي ويقرف هي لبسها كويس ما فيهاش حاجة يعني. ان جمعت بين الغيبة والظلم. قالت والله عريسها عريسها متخلف هو متجوزة راجل كويس ما فيهوش حاجة. عريسها قليل الادب هو الراجل كويس ما فيهوش حاجة. فكده جمعت بين الغيبة وبين الايه؟ الظلم. يبقى جمعت كابرتين مش كبيرة واحدة. والنبي عليه الصلاة والسلام بيقول حديس مرعب مرعب جدا. قال من قال في اخيه ما ليس فيه. من قال في اخيه ما ليس فيه من قال في اخيه ما ليس فيه اسكنه الله ردغة الخبال يوم القيامة اسكنه الله ردغة الخبال يوم القيامة حتى يخرج مما قال حتى يخرج مما قال فقيل وما ردغة الخبال؟ قال عصارة اهل النار مش انت كنت قاعد بتاكل لحمه كده وكمان بظلم خد بقى تخش في عصارة اهل النار وتقعد فيها الى ان يأزن الله سبحانه وتعالى ان يبقى كمان غير ان انت تاخد عقوبة الغيبة هتاخد عقوبة الظلم والبهتان يبقى للفايدة الاولى ان الغيبة اه اه متعلقة بعض الناس هقول لكم كفارة الغيبة ما تستعجلوش. بعض الناس يقول لك انا ما قلتش حاجة مش فيه دايما في الغيبة في مشكلتين عند الناس. المشكلة الاولى ان هو بعض الناس بيفتكر ان هو طالما بيقول حاجة فيه يبقى ما فيش مشكلة بيقول لك ما ما هو تقول له مسلا ما تقولش على فلان ده مسلا اوزعة مسلا ولا قصير وبتاع عشان هو ما بيحبش كده بيقول له يا عم ما هو اوزعة. ما هو قصير ايوة ما هي دي الغيبة ما هي دي الغيبة هو انت عايز تقول حاجة مش فيه كمان طالما هو بيكره كده لو هو ما بيكرهش كده خلاص لكن لو بيكره كده تمام يبقى دي الغيبة هي دي الغيبة السيدة عائشة اقول لكم بقى الرعب والله العظيم حديث تخوف. السيدة عائشة كانت ما عارفين كانت بتغير من زوجات النبي عليه الصلاة والسلام فكانت صفية بنت حيي بن اخطب زوج النبي عليه الصلاة والسلام شكلها جميلة جدا. جميلة جدا اجمل نساء اليهود. صفية بنت حية بن فالسيدة عائشة يعني في غيرة شوية. فقالت يوما للنبي عليه الصلاة والسلام حسبك من صفية انها هكذا. حسبك من صفية انها هكذا ما قالتش قصيرة. ما قالتش حاجة اصلا. شاورت بس بايديها. حسبك من صفية انها هكزا واشارت بيدها يعني قصيرة. فقال النبي صلى الله عليه وسلم لقد قلت كلمة يا عائشة ويعتبر دي كانها كلام طالما اشارة ويل لكل همزة لمزة. فسواء باللسان او بالايد الاتنين زي بعض قال لقد قلت كلمة يا عائشة. لو مزجت بماء البحر لمزجته. يعني لو الكلمة اللي انت قلتيها دي اتحولت لحبر وحطيناه في البحر البحر كله يتلون. زنوب الكلمة ديت يعني. لو حطينا زنوب الكلمة دي اتحولت لزنوب والزنوب دي لها لون حطينا اللون ده في البحر كله يتلون عشان عملت كده بس احنا بنعمل كده وبنعمل كده وبنعمل حركات بصوابعنا قلة ادب جدا وانتم فاهمين انا قصدي ايه. فتخيل بقى كل الحاجات دي بتعتبر غيبة ومنها اللي يعتبر ظلم وبهتان لو هو مش حقيقي واحد بيقول على واحد كده. ما هو مش مجنون. يبقى جمع بين الظلم والغيبة. تخيلوا بقى يبقى الفايدة الحاجة الاولانية الناس بتقولها يقول لك ما هو كده اصلا. طب ما هي دي الغيبة يا استاز الحاجة التانية عند الناس. الحاجة التانية عند الناس حتة ايه حتة لما يقول لك ايه ماشي يا عم انا اقدر اقول له كده في وشه. هو بيفتكر ان هو طالما يقدر يقول له كده في وشه يبقى دي مش غيبة. يعني مسلا فلان ده غبي. طول عمر يعني ما تغتابوش يعني. يقول لك عادي انا ممكن اقول له كده في وشه عادي. انا ممكن اقول له كده في وشه عادي. طب ما هي ما ما هو برضو غلط. هي ما بقتش غيبة. في وشه هتبقى ايه؟ هتبقى شتيمة. يعني ما عملناش حاجة. طلعنا من الغيبة دخلنا في الشتيمة. هو ايه الفرق من الغيبة والشتيمة الشتيمة قدامك. الغيبة بتبقى من وراك. تمام؟ طب لو هي لو هي حاجة في واحد اقل له انا ممكن اقول له في قصاه في وشه ان هو اوزعة ما هي سخرية تبقى سخرية ما انت بينطق كزا حاجة من وراه هتبقى غيبة او ظلم من قدامه هتبقى شتيمة لو مش فيه وسخرية لو فيه. ما ما يعني ما رحناش بعيد. فمش معنى ان انت تقدر تقولها له في وشه ان عادي شغلها من وراه لأ ايه الحاجة الوحيدة اللي ممكن تقولها من وراها حاجة ما بيزعلش منها. خالص خالص تمام؟ واحد عنده مسلا ايه ندبة هنا كده ما بيزعلش الناس تتكلم يعني عادي هو بياخدها هزار والناس عارفين انه ما بيزعلش فقال لك شفت الندبة دي بتضحك اوي لأ عند فلان هو الموضوع ده عادي خالص. فازا كان حاجة شبه كده ماشي. هو هو ما بيكرهش ان ناس تقول له مسلا ايه؟ عندك حتة وده كده هو عادي ما بيزعلش خالص الموضوع ده. فلو حد قال كده من وراه ماشي ممكن دي تعدي لكن لكن هو بيضايق منها بيزعل من كده او هي حاجة مش موجودة اصلا. ما هي دي هتبقى غيبة او ظلم ولو من قدامه هتبقى شتيمة او سخرية. الفايدة اللي بعد كده ان الغيبة لا يلزم ان تكون في الشخص بعينه بس بل قد تكون فيه ملبسه مأكل مشرب اولاد زوجته بيت اي حاجة من دول. اي حاجة متعلقة به. واحد قلس على ولاد واحد. يبقى اغتابوا واغتابهم واحد قلس بيسخر من بيت واحد. يقول لك بقى ساكن في حتة بيئة ساكن في حتة معفنة غيبة انه اكيد بيكره زلك. تمام واحد يقول لك ده ساكن مسلا تعليمه تعليمه زفت وما عهوش شهادة وتعليم تحت وما ما كملش تعليمه. غيبة باقول لك يا عم انا جيت جنبه وانا ما قلتش عليه حمار ماشي ما هو تعليمه لبسه بيته ولاده مراته مشيته كل دي تدخل في الغيبة تعال نقول فايدة كمان. ما احنا قلنا فايدة ردينا على كزا شبهة. ان انا ايه هو كده فعلا آآ ممكن اقول في وشه آآ ان ان مسلا ايه ان لا ده انا ما بتكلمش عليه بتكلم على هدومه ده بيت وده تعليم وكل ده داخل في الغيط الاخطر بقى تعال بقى في الحتة الجامدة جدا ان الغيبة لا تكون فقط باللسان انما تكون باللسان باليد بالاشارة بالكتابة باي وسيلة يفهم منها الانتقاص زي ما السيدة عائشة عملت كده شاورت. دي اشارة دي غيبة انك تعمل كده انك انت وهو ماشي مسلا ايه تقعد تألس على ماشيه وتعمل كده تسف عليه شوية. تمام دلوقتي من الغيبة الكوميكسات اللي هي انتشرت جدا جدا جدا. كوميكس. يعني ايه كوميكس يعني بيجيبوا صورة مسلا مشهد من فيلم مشهد من مسلسل. آآ حد مقلي الصورة ويركب عليها آآ راس لعيب مسلا راس واحد زميله يركب صورة على صورة ويحط علشان يسخر من شخص او يسخر من ناس او كده ده غيبة يعني الغيبة تكون بالكوميكس تخيل بقى الكويس ده خد كم شير والمشكلة عارف انت لما اغتاب واحد قدام واحد اتنين عرفوا. تخيل بقى كم الشير في صفحات قائمة على الكوميكس الصفحات دي كلها صفحات محرمة ما ينفعش تشير فيه اي حاجة فيها فعلا تأليس او سخرية من اشخاص باعينهم. تمام؟ ممكن واحد مسلا اه يسخر من وضع عام يعني ما حاجة حاجة عدسة غريبة في الناس لأ بس من غير ما يزكر شخص ولا ولا حد معين تمام آآ من ذلك من الغيبة زي ما قلنا مشاهدة التوك شوز اللي هي قايمة على الغيبة توك شو معروف هو تأليس. كله تأليس. فاكرين مسلا كان باسم يوسف زمان كده في اوائل السورة. كان له برنامج مشهور اسمه برنامج باسم يوسف مشهور قوي كان له برنامج اسمه البرنامج هو كان بيقدمه. كان هو قائم على السخرية كلها سخرية فين رموز ومن سياسيين ومن واقع وجماعات واحزاب بيقعد يمسك كل الناس يقطع فيهم. ده برنامج كله حرام كل غيبة من اوله لاخره غيبة. تمام؟ واي برنامج مثله مثله هو غيبة برضه واللي بيقول واللي بيتابع واللي بيشير واللي فرحان بالكلام ده كل دول وقعوا في غيبة كل دول واقعين في غيبة. ما ينفعش ان احنا نفرح بحاجة زي كده. حتى لو كان حد في الظاهر بيبين ان هو انا بدافع بدافع وبنشر احاول ابين قضايا وبتاع في طريقة احسن انك تبين بها القضايا والدافع بها عن الظلم وتعرض فيها قضيتك غير انك انت تغتاب مئات الاشخاص في كل حلقة وتعمم بقى ما هو الموضوع ما بيسلمش هو مش بيتكلم في ظالم بس لا ده بيجيب ناس وبيجيب محافظات وبيجيب فئات وبيجيب جماعات نجيب ناس ما بيسلمش. الموضوع ما بيسلمش الموضوع ما بيسلمش دي غيبة برضو. تخيلوا بقى فكم بقى الغيبة اللي احنا عايشين فيها بقى مهول جدا جدا. مسلا الناس بتوع كوميدي كوميدي اللي هو برنامج كده واحد يقف على مسرح ويقعد يالس يالس هو شغلته يالس والناس تضحك فكل ما اه اه تأليس كده كل ما يقلس على ناس باعينهم. سيبك ممكن واحد بيسخر من موقف عام. اه من بيسخر مسلا من حاجة غريبة في البلد عموما يعني. بس هو ما جابش سيرة حد ماشي لكن بيجيب اسماء واشخاص او او يفهم منها انه بيتكلم عن مين يقعد يمسكهم يالس عليهم وعلى طريقتهم ومشيتهم والموقف السخيف اللي حصل له ويجيب بقى القصص ديت. تمام مسلا آآ برنامج برامج زي زي مسلا صفحات كتير جدا جدا جدا موجودة دلوقتي على الميديا هي قايمة على الاستلامات. يعني عايز يجيب مشاهدات يطلع آآ صاحبنا دوت يجيب فيديوهات لناس موجودة على التيك توك. فيديوهات لناس اليوتيوب ويجمع الفيديوهات دي وهو يضيف الكومنتات بتاعته بقى. يعني فيديو فيه واحد وقع فيديو وفيه واحدة مش عارف حصل فيها ايه. مواقف سخيفة حصلت واتصورت يعني بيبتدي هو يجيب المواقف ديت ويسخر من اصحابها يسخر من اصحابها ويضحك الناس يجيب مشاهدات دي غيبة انا عايزك تتخيل احنا واقعين في قد ايه غيبة من ذلك ماتشات الكورة ماتشات الكورة انت قاعد دلوقتي بتتفرج على كورة. ماتش خطير ماتش مصر لعيب. فكلنا قاعدين بنتفرج. اللعيب ضيع ضربة جزاء. حمار غبي حيوان ما بيفهمش ابن وابن وابن. اه. الشعب كله اغتاب واحد كنت اتمنى اطلع لعيب كورة مش كويس. اعتقد ان اي لعيب كورة ما بيعرفش يلعب هيخش الجنة انا اظني ان اي لعيب كورة ضيع بلانتي في حياته هيخش الجنة. بحسنات الملايين اللي شتموه آآ الحكام حكم طلع كارت اصفر عمل فاول مش عاجبك عشان ده فريقك ملايين ملايين في لحظة واحدة تشتم الحكم اغتبوه قلسوا عليه. غير بقى ان بيتقعد عدة ايام يمسكه الحكم دوت. يمسكه اللعيب دوت. وينزلوا سف عليه بقى. ينزلوا شتيمة فيه. ينزلوا غيبة فيه بالايام ملايين ملايين ملايين الغيبات بتحصل في الشخص الواحد تمام غير بقى التقليس على ما بين فريقين اهلاوية يسخروا من الزملكاوية والزملكاوية يسخروا من بتاع الاسماعيلي. المصريين من السعوديين قاعدين من الليبيين كل دي غيبة تخيل بقى احنا فين من القصص ديت؟ تخيل انت عايز قد ايه تقوى عشان تنجو يوم القيامة؟ تخيل الخطر اللي احنا عايشين فيه زلك سفيان السوري بيقول كلمة خطيرة بيقول ارمي رجلا بسهم لان ارمي رجلا بسهم احب الي من ان ارميه بلساني. احب الي من ان ارميه بلساني طيب. خلينا نقول النقطة المهمة اللي انتم عايزينها انا بقى اعمل ايه علشان ما اغتبش او اتوب ازاي من الغيبة؟ ده السؤال الاهم النهاردة صح اولا عندنا كزا حاجة لو في احتمالين احتمال انت غتبت او بتحضر غيبة هو دلوقتي احنا بنقول انا المفروض انا نفسي ما اغتبش حد. الا في حالات زي ما هنقول في ست حالات يجوز فيهم الغيبة. هنقولهم النهاردة ست حالات يجوز فيهم الغيبة غير الست حالات دي اللي هقولهم اي حاجة تانية هتبقى غيبة فانا دلوقتي انا عن نفسي ما اغتبش حد سعادة ما اجبش سيرة حد بسوء قط. تمام طيب حصل قدامي ان حد اغتاب لازم تنكر. طب تقول لي انكر ازاي احيانا بيبقى حد كبير احيانا بيبقى ابويا احيانا بيبقى امي احيانا بيبقى ناس احيانا ببقى ابقى لوحدي وهما قاعدين يتكلموا الانكار يا جماعة بيكون باي طريقة اي طريقة توصل الرسالة يعني مش لازم اقول مش لازم اقوم اخطب خطبة. مش لازم اقول يا اخوانا ده حرام اتقوا الله فممكن دي تبقى عند بعض في بعض المواقف ما تبقاش سهلة لكن لو انا اقدر اقول كده ده اولى بصوا مسلا معاذ ابن جبل في غزوة تبوك لما النبي عليه الصلاة والسلام سأل على كعب ابن مالك خد بالك لما النبي سأل على كعب ابن مالك قام واحد اغتابه فقال قال النبي اين كعب بن مالك؟ قام رجل قال يا رسول الله حبسه بردي والنظر في عطفيه حبسه برديه والنظر في عطفيه. برد اللي هي الملابس والمعاطف والكلام دوت. يعني بيقول يعني الراجل ده راجل بيدلع من الاخر ومهتم نفسه بشياكته ومش بتاع مرمطة ومش بتاع جهاد. ده اللي ايه؟ ده معنى الكلام فقام معاذ ابن جبل بص بقى هيرد الغيبة هيردها ازاي؟ قال بئس ما قلت. بئس ما قلت. والله يا رسول الله ما علمنا عليه الا فانا ممكن انكر باي طريقة. مسلا هقول يا جماعة عايز مسلا اقول كلمة سهلة. مسلا قدامي ناس صعب ان انا يعني ازعق لهم مسلا او كده. هقول كلمة بسيطة اقول يا اخوانا يا اخوانا يعني يعني بلاش نجيب سيرة الناس. دي ده انكار خلاص. انت كده انكرت انت كده انكرت. يا اخوانا بلاش نجيب سيرة الناس. ما تعرفش تقول كده؟ بس يا جماعة خلينا يعني نحافظ على حسناتنا. بلاش نجيب سيرة الناس بسوء غيروا الموضوع يا جماعة او انا اغير الموضوع احاول اخدهم في موضوع تاني. يا جماعة بلاش نجيب بلاش نشتم بقى نتكلم على ان حد من وراه كلام يدل على انكارك للي بيحصل. تمام؟ آآ باي طريقة تقول اتقوا الله. تقولوا يا جماعة اللي بيحصل ده غلط ما ينفعش نجيب سيرة الناس. فضل هم بقى يجيبوا سيرة الناس ويغتابوا قوم هم اول ما انت قمت ده نوع من الانكار. على فكرة ده نوع من الانكار. يبقى انا ما اجبش سيرة الناس لو حصل قدامي حد حصل كده آآ اتكلم. خد بالك مقابل كده فيه اجل النبي عليه الصلاة والسلام قال من زب عن اخيه المسلم عن عرض اخيه المسلم زب الله عنه النار يوم القيامة. من زب عن عرض اخيه المسلم زب الله عنه نار يوم القيامة عن وجه النار. الله! جميلة قوي. طيب طب انا بقى اغتبت حد قبل كده؟ اعمل ايه؟ اه. احنا عندنا عندنا آآ حقين في الغيبة حق الله وحق اللي انت اغتبته تمام؟ حق الله معروف. ايه حق الله جاب ازاي نقول اه نقول واقول والله تتوب الى الله. وتبطل غيبة خالص ما تجيبش سيرة حد خلاص بسوء. ويعني وتعزم الا عد الى الغيبة وتكثر من الحسنات والصدقات والكلام ده. ده حق الله. عشان كده بقول لك حق الله التعامل مع ربنا سهل. التعامل مع ربنا منها سهل. اما التعامل مع الناس هو اللي مشكلته. هيفضل بقى حق اللي انت اغتبته ودي المشكلة الحق اللي انت اغتبته يحتاج ان انت تتحلل منه. يعني تطلب منه ان هو يسامحك فعندنا مشكلة دايما في الغيبة ان هو يقول لك مسلا عندنا احتمالين ان انت اللي انت اغتبته ده ممكن توصل له او اللي انت اغتبته ده مش ممكن توصل. خلينا في الحالة الاصعب. ان انا اصلا مش ممكن اوصل له. اغتبت واحد عمري ما هقابله في حياتي. اغتبت ناس ومش فاكرهم تمام؟ فهنا ما فيش غير حل واحد. انك انت اولا تذكرهم بخير. زي ما ذكرتهم بسوء تذكرهم بخير نمرة اتنين نمرة اتنين انك انت يعني تكثر من الاستغفار له. تقول اللهم لو انت عارفهم باسمائهم تدعي لهم ربنا يغفر اللهم اغفر لفلان وفلان وفلان وفلان. طب مش فاكر اسماؤهم او كان عدد كبير او انت تقول اللهم اغفر لكل حد اغتبته يا رب. يا رب اي حد اغتبته يا رب رب اغفر له واجعل دعائي ده مقابل الغيبة اللي انا اغتبتها له. ده ينفعك يوم القيامة ليه؟ لان انت يوم القيامة هتيجي مسلا هيجي صاحبنا ده ياخد حقه تلاقي في ميزان حسناته دعائك له. استغفارك له. الصدقة اللي انت طلعتها له مسلا مقابل الغيبة مسلا تصدقت يوم من الايام قلت دي عن فلان. ويا رب دي قصاد الغيبة اللي اغتبتها له. ويا رب يعني ايه نجيني يوم القيامة. فييجي صاحبنا يلاقي يوم القيامة في صحيفته استغفار يقول ده مين ده؟ يقول لك والله ده علاء استغفار لك. اذا الصدقة دي جاية لي منين؟ والله ده علاء. مين علاء ده يا جماعة؟ فتيجي بقى نيجي بقى بعد كده يقابلك هو ده علاء اصل ده اغتابك وليك عنده حسنات فهيسامحك اه ربنا هيراضيه او تتحل باي شكل. فانت الحل ان انت اه لو حد زي ما قلنا مش عارف توصل له خالص ده الحالة الاولى مش عارف توصل له او عددهم كبير زي ما قلنا تمام فالحل ان انت تزكرهم بخير تكثر من الاستغفار لهم باشخاصهم باسمائهم لو عارف اسمائهم او بالعموم ولو عرفت كمان تطلع صدقة عنهم يبقى احسن واحسن. طب انا عارفه بقى شخص اغتبته وانا عارفه واقدر اوصل له هنا بيبقى فيه اشكالية بتاعة ازاي هقول له طيب احنا عندنا احتمالين الاحتمال الاول ان انت يغلب على زنك. يغلب على زنك. ان هو شخص كويس وطيب ومحترم. ولو قلت له هيسامحك ومش هيحصل مفسدة. مش هيحصل مفسدة ما بينكم. هتفضل علاقة كويسة. تقول له والله يا فلانة في يوم من الايام كده ايه؟ بس ما تقولوش بالتفصيل. يعني لما تيجي تعمل كده بالتفصيل. ما تروحش تقول انا قلت عليك كزا وكزا وكزا صعب ممكن تقولها له باجمال تقول له معلش انا عايز اقول لك حاجة بس يعني ايه تسامحني. مرة كده وانا قاعد يعني ايه جبت سيرتك كده يعني ايه ما قلت كلمة كده ما عجبتنيش فانا حسيت ان انا يعني اه اه اغتبتك. فمعلش سامحني وخلاص. ممكن تسامحني؟ فلو هو شخص كويس. انت عارف انه كويس وعارف انه هيسامحك. وانت عرضت رعب الشياكة ما قلتش تفاصيل قوي عشان ما توغرش صدره. وانت عارف ان هو مسله هيسامحك والعلاقة ما بينكم. بلا يحترمك والموضوع يعدي عادي. قل له قل له واطلب منه ليه العفو؟ لأ في واحد صعب مش هقدر اقول له مستحيل. لو قلت له هتحصل مشكلة كبيرة جدا ومش هيسامحني ابدا. وعلاقتنا هتبوظ ومش هعرف اقول له اصلا. وهيقعد يسألني ليه وقلت ليه وقلت ايه وممكن اطلع منه اسوأ ما رحت له فين هنسأل الشخص ده عرف انك اغتبته اصلا؟ يعني لو الشخص الصعب دوت هل عرف انك اغتبته؟ لو عرف انك اغتبته خلاص لازم تروح له ما هو كده كده عرف. لو هو عرف انك اغتبته كده كده لازم تستسمحه لانه خلاص عرف. لكن تزل الحالة الاخيرة ان انا عارفه وهو ما يعرفش ان انا اغتبته وفي نفس الوقت لو قلت له يغلب على ظني ان المفسدة هتكون اكبر وان انا قلت له علاقتنا فعلا هتفسد. والدنيا مش هتبقى سليمة. وانا علاقتي به كويسة. فلو قلت له وممكن ما يسامحنيش وممكن علاقتنا كمان تبوظ. فمسل هزا خلاص. والله اعلم مسل هزا انا عامله زي الايه؟ زي الناس اللي انت مش عارف توصل لهم هيبقى دوت تزكره بالخير تستغفر لي ممكن تتصدق عنه. يبقى ده الكفارة بتاعته لان صعب ان انت اقول لك اعمل مفسدة كبيرة زي ديت. فهمنا يا احبابي ازاي نتوب من الغيبة طيب انا فاضل لي آآ محورين هقول المحور الاول اللي هو انت برضو مستنينه وهو هي الست حالات اللي ينفع الغيبة فيهم الغيبة تجوز في ست حالات ست حالات اكتبوهم تمام؟ الحالة الاولى التظلم الحالة الاولى ايه؟ التظلم واحد رايح يشتكي واحد لحد آآ يعني حيرفع عنه الظلم دوت او قاضي او حاكم او اب فراح يشتكي له من حد عشان زلمه فحيضطر يقول له يقول له فلان ازاني زلمني ومش كويس معي فهيحكي له هنا ده يجوز لا لان امرأة ابي سفيان امرأة ابي سفيان راحت للنبي عليه الصلاة والسلام قالت له يا رسول الله ان ابا سفيان رجل شحيح. بص اهي جابت سيرته بسوء. وحاجة ما يحبهاش. بس انا بتظلم دلوقتي. انا مراته والموضوع ده مآزيني. قالت ان ابا سفيان رجل شحيح لا يعطيني ما يكفيني وولدي فقال لها عليه الصلاة والسلام خذي ما يكفيك وولدك بالمعروف. يعني خدي من امواله حتى لو ما من غير ما يعرف. بس على قد احتياجك وما ديش والا يبقى غلط. يبقى الحالة الاولى التظلم. بس التظلم ده له ضابطين. اولا بتتظلم عند اللي فعلا هينفعك. مش تزلم اقول الناس كلها هي قالت للرسول عليه الصلاة والسلام ما راحتش قالت لجيرانها وصاحباتها والعيال والشارع كله عارف لأ انا قل التظلم عند من يعني تنفعك نصيحته او يقدر يساعدك او يقدر يغير معك او حيحكم في مسألة بس زائد ان عند التظلم اقول بقدر الايه الوصف اللي يكفي الشخص اللي قدامي يفهم ويساعدني ما ينفعش تقول مسلا ان سفيان رجل شحيح مسلا وقصير لو كان قصير مسلا كده آآ كده ايه؟ كده آآ قالت حاجة ما لهاش علاقة. فاهم ازاي فاني ابا سفيان آآ فلان على فكرة فلان اخد فلوسي وبتاع والراجل ده اصلا غبي ومتخلف واسود وانا مش طايقه ايه ايه ده بقى يعني دي غيبة الزيادة دي غيبة. ان هي ما لهاش علاقة بالتظلم. فلازم اكون بتكلم على قد الوصف اللي هيفيد والشخص اللي هيفيدني. اما لو انا وصفت اوصاف زيادة عشان من الغل فزودت من عندي. بقت غيبة. او بكلم ناس ما لهاش علاقة الموضوع خالص قاعد احكي لكل حد بقابله. لأ تبقى برضو ايه يبقى التظلم. نمرة اتنين الاستعانة اكتبوا نمرة اتنين الاستعانة. يعني ايه الاستعانة يعني انا شايف منكر قدامي بيحصل. وانا عارف آآ حد ممكن يساعدني على ازالة هزا المنكر. فرحت قلت له فلان بيعمل كزا علشان يساعدني ان انا اغير المنكر دوت. زي مسلا واحد راح لاب قال له ابنك آآ بيشرب سجاير ابنك بيشتم. ابنك خلي بالك منه علشان ماشي مع عيال مش تمام. فديت كلها حاجات هو يكره اكيد الولد ان يتعرف عنه كده آآ لكن ده انا بستعين بالاب عشان يساعدني على طريق ممكن. او واحد صاحبنا واحنا عايزين نساعده ان انا عرفت عنه حاجة بينتكس مسلا او رجع لمعصية معينة فانا بقول كم اخ كده حواليا انا عارف ان لهم تأثير عليه. كلنا هنتعاون لان احنا نساعده ونرجعه لصوابه. فاضطريت اقول لهم يا جماعة فلان بينتكس. فلان بيقع الحقوا اخوكم هو شكله كويس وبيحضر دروس بس راجعة للايه؟ راجعة لكزا او راجعة لكزا فقلت حاجات اكيد هو مش حابب كده. بس انا بقول لناس هتعيني على تغيير المنكر. لكن ما اروحش بقى اروح فاتحه في الدنيا كلها. كل ما اقابل حد اقول له فلان انتكس. سواء كان هينفعني او ما ينفعنيش. لا انا بقول لبس الدايرة الياسة تساعدني على تغيير المنكر. فازا كان الكلام في حدود الدايرة ديت اذا لا بأس دي مش غيبة في الحالة ديت. قل عادي. قل فلان انتكس. قل فلان بيقع يا جماعة. تمام؟ وقولوا باسمه. عشان احنا عايزين نتعاون ان احنا نساعده. ازا كان مسل هزا لا بأس. اما ان انا بقى عرفت عن فلان نقص قاعد باقول اللي رايح واللي جاي ومش نيتي الاعانة ولا نيتي تغيير المنكر انا بتشفى فيه وبافضحه وخلاص لا ما دي غيبة بقى ايه بقى؟ يبقى قلنا اول حاجة التظلم فهمناها. تاني حاجة الايه؟ الاستعانة. طب تالت حاجة. تالت حاجة الفتوى او الاستفتاء الفتوى او الاستفتاء او طلب النصح عموما يعني. طلب الايه طلب النصح فواحدة رايحة للمفتي بتقول له والله آآ جوزي سرق فلوس اكل مال يتيم آآ اخويا اكل مالي ايه الحكم؟ آآ والله آآ ابني ضرب بفلان فبتستفتيه. يعني مش بتتظلم هي بتستفتي فاضطرت ان هي تقول جوزي واخويا هنا يجوز برضو حالة الاستفتاء. وان كان حتى بعض العلماء قالوا مش لازم تقول الاسم اصل دي فتية فمش هيفرق مع المفتي هو مين. فبعض بيقول من الاحسن انت حاسة بفتيا تقول آآ رجل فعل كذا وكذا. ما حكمه؟ امرأة فعلت كذا وكذا. ما حكمها؟ شف دقة الفقهاء حتى دقة الفقهاء في في موضوع الغيبة دوت حتى بيقول لك حتى في دي يعني لو قدرت حتى مش لازم تقول جوزي مش لازم تقول اخويا مش لازم تقول ابويا يعني لو قدرت تقول للمفتي فعل كزا امرأة فعلت كزا يبقى الطف وابعد عن الايه الاشكال حتى الفقهاء بيتكلموا في حاجات دقيقة اوي قبل ما اقول لكم الرابعة. بيتكلموا بيقولوا لو واحد مثلا سألته عن واحد هتصدمكم على فكرة دي قوي. فبيقول لك آآ ايه اخبار فلان؟ فقلت الله يهديه الله يهديه. بيقول له دي غيبة تقول لي ازاي ده انا بدعي له اه انت بتدعي له في الشكل. لكن اللي اتفهم اللي قدامه فاهم ايه فهم ان فلان ده وحش. فانت انتقصت منه في شكل دعاء شكل دعاء تعبيرك بيدل كده الله يهديه. فلان ده ربنا يهديه. ربنا يصلح له حاله شكلها دعاء بس العلماء اعتبروا دي من الغيبة لان هي وصلت لقدامك ان هو انتقاص. في فرق بين انا بدعي لك من غير ما يبان علي ان انا بنتقصك. بدعي لك عموما. ويقول ده فلان ده ربنا يكرمه والله. ربنا يصلح له احواله. ده حبيبي راجل طيب يمكن بص شكلي ربنا يهديه. ربنا يصلح له حاله. فهمت انت ايه اشعة غلط حاجة مش مزبوطة فيه. خلي بالك صدمة صح؟ والله الفقهاء بيتكلموا في حاجات الواحد يحسها ايه ده؟ احنا بنضيع احنا بنضيع يا رجالة. حتى دي؟ اه لا عندهم ميزان حساس جدا في الكلام اه احنا قلنا تلاتة قلنا كده التظلم. الاستعانة الفتية. فاضل تلاتة. ركزوا معي. نمرة اربعة التحزير والنصح التحزير والنصح. يعني انا عارف ان فيه حد آآ ظالم او او او نصاب وفي حد بيتعامل معه في حد بيتعامل معه ما هي دي بقى اللي بدل ما بقول لك احنا مسألة ربنا يهديه وكده افرض افرض ان انا بتعامل مع واحد والواحد ده انا عارفه بيتعامل مع واحد والواحد ده نصاب وممكن يأزيه. فانا ينفع اروح اقول له خد بالك فلان نصاب او واحد رايح يتجوز واحدة وفاكرها مسلا محترمة وهي مش محترمة فراح رحت انا قلت له خد بالك البنت دي مش محترمة. مش كويسة ما ابعد عنها. دي مش غيبة. تمام؟ او واحدة هتتكب في عريس والعريس ده مسلا مش ملتزم. وهو شكله ملتزم في الزاهر وبيقول انا متدين مش ملتزم. فراح واحد قال له والله خلوا بالكم يا جماعة فلان ده مش ملتزم. راجل مش من ضبط مش كويس. دي مش غيبة. لان ديت فيها ايه؟ تحزير. نصيحة وتكون برضو النصيحة على على قدر الموضوع. تمام؟ بمعنى ايه؟ بمعنى مسلا واحد بيتعامل معي في الفلوس فواحد ده مسلا نصاب مش كويس فجه واحد يحزرني الف خلي بالك فلان ده نصاب. مسلا فلان ده نصاب ومراته قليلة الادب. التانية دي ما لهاش لازمة. يعني ماشي نصاب دي النصيحة. طب مراته قليلة الهدف دي ما كنش لها لازمة ما تفرقش معي. فانا حتى لما بنصح على قد الايه؟ على قد ما اجيش مسلا اروح احزر واحدة اه اقول لها مسلا فلان ده مسلا مش باين يا جماعة ومسلا عنده وحمة هنا ما هي الوحمة دي ما كتش هتزعل في الجواز في يعني مسلا يعني المهم ان انا لما بنصح على قد المصلحة بس. ما جبش سيرة حاجات تانية. تمام؟ لزلك النبي عليه الصلاة والسلام اه جاءته ايه؟ اه آآ فاطمة بنت قيس. فاطمة بنت قيس. فاطمة بنت قيس. فقالت يا رسول الله خطبني ثلاثة او خطبني ابن صفوان خطبني ابا جهل وخطبني معاوية. خطبني ابا جهل وخطبني معاوية. وخطبها اسامة. يعني انت ازاي التلاتة خطبوها؟ من التلاتة عليها يعني بس ما فيش حد لسه اترد عليه لان لو واحد خطب اصلا ما ينفعش ده ييجي. بس هم التلاتة لسة ما اتردش عليهم. هي سامعة ان ده عايزها وده عايزها وده عايزها. فراحت تقول له انا سامعة ان في ناس يعني ابو جهل بيتكلم علي ومعاوية بيتكلم علي فايه رأيك قال النبي عليه الصلاة والسلام اما معاوية فلا مال له. مفلس ما عندوش فلوس يتجوزك. واما ابا جهل فضراب للنساء واما ابا جهل فضراب للنساء. قاسي جدا على النساء وبيضرب بعصاية مش هتستحملي لا ده ولا دوت. سم نصحها باسامة هنا قال عن معاوية كلام وقال على ابا جهم كلام بس هنا من باب الايه؟ النصيحة. واقتصر في النصيحة على الشيء المؤثر في الزواج بس فهمنا الفكرة يبقى الحاجة الرابعة هي النصح والتحذير النصح والتحذير طيب خمسة الخمسة ان يكون شخص مجاهر بفسق او ببدعة. خمسة ان يكون شخص مجاهر بفسق او ببدعة او بظلم شديد. تمام؟ يجوز الناس تزكره بما فيه. تزكره بما فيه. فعلى على طول بقى خلي بالكم فلان ده فلان ده مبتدع. فلان ده بينشر بدع فلان ده وده بيرد على السؤال اللي اتسأل. ينفع نتكلم عن الشيعة؟ ينفع اتكلم عن فعيرة ينفع نتكلم عن المعتزلة؟ طبعا. وبرضو ده يدلك عليه خلينا في اللي فاتت اللي هي نمرة اربعة اللي هي التحذير اللي هي كل علماء الحديث لما كانوا يتكلموا على بعض المحدثين يقول لك فلان ده ضعيف. فلان متروك فلان كذاب فلان وضاع فلان كزا. كل ده اسمه تحزير عشان ما تاخدش منه الحديس. وده مش غيبة. مش غيبة في الحالة ديت لكن الخمسة دي اللي هي بقى حاجة اشد واحد مجاهر بفسق مجاهر ببدعة مجاهر بظلم فيمكن زكره بما بالحتة ديت يعني برضو ما نوسعش اوي يعني نقول مسلا الممسل الفلاني ده مجرم بينشر فسق وفجور دي مش غيبة دي مش غيبة لكن ما اقولش عليه حاجة ما لهاش دعوة القصة دي ما قلتش بس ابوه قصير. لا دي ما لهاش لازمة. ما لهاش لازمة او اجود من عندي مسلا اقول دي فلاني مسلا رقاصة مسلا تقول دي فاسقة فاجرة يا جماعة وبحزر منها ما اقولش ان هي زانية ما ينفعش. ما هي جبت منين دي؟ ما هي دي دي ما لهاش لازمة يعني. اه هي بتنشر فجر بتنشر فسوق بتنشر بس ما ازودش من عندي. ما اقولش ان هي زانية حتى داخل ورقاصة ما لكش ان انت تقول عنها زانية. الاربع شهود بقى والكلام ده. فبرضو في الزلم تتكلم في الحتة بتاعتنا. تقول فلان ده ظالم فلان دوت مفتري فلان ده فاسق فلان ده يا جماعة تسمعلوش فلان ده مبتدع بينشر بدعة فلان ده قبوري فلان ده صوفي بينشر اا بدعة شديدة فلان ده بيقول كلام مخالف للكتاب والسنة. فلان ده بحزركم منه. ما تسمعش فلان. بس بقدر الايه؟ الحاجة. وتكون حريص. وانت بتتكلم عشان ما تزودش. عشان كده بقول لكم مشكلة البرامج اللي هي بتتكلم في الحاجات دي ان هي بتزود قوي. يعني يا ريته حتى بيقدر يقتصر على الحتة دي. لان بعض الناس بياخد دي وبيقول لك طالما يجوز كده فبيفتح بقى على البحري. فيجيب سيرة كل بقى الصغير والكبير ويألف ويصدق ويكدب ما فيش حد بيعرف يزبطها لان هي عايزة زبطة معينة يعني علشان تبقى في حدود الجائز. لان احنا بناخده لحد ونتوسع على راحتنا ونقعد نبرر لنفسنا انا كده بحزر انا كده بنصح لأ انت كده زودت احيانا بنأفور يا جماعة يعني نتكلم في قدر الفسق قدر البدعة قدر الزلم بحدود تمام مش مش معنى ان فلان ظالم ان عرضه مستباح في كل شيء. مش معنى ان فلان عنده بدعة ان عرضه مستباح في كل شيء نألس عليه وعلى اهله وعلى امه وعلى لبسه وعلى منظره وعلى ونجيب سيرته ونتهمه في عرضه. لأ لأ مهما كان لا يجرمنكم شنآن قوم على الا تعدلوا اعدلوا هو اقرب للتقوى. انا بقول ده مجاهر بفسق اتكلم عن فسقه. ده مجاهر ببدعة بتكلم عن بدعته. ده مجاهر بتكلم عن ظلم فجيب بقى عرض ولبس وشكل ومشيته واهله وامه ومراته ما عشان كده صعب ما تلاقيش حد بيعرف يزبط الزبطة ديت اخر حاجة احنا قلنا كده ليه؟ الخمسة. اخر حاجة ان يكون هو ده لقبه. هو ما بيزعلش ان هو لقبه حاجة حاجة مش حلوة بس هو ما بيزعلش زي ما كان بعض الائمة زمان اسمه الاعمش يقول لك الامام الاعمش. كان في امام اسمه الاعرج. مثلا فهو هو لا يعرف الا بذلك. وهو ده اسمه المشهور به. وهو ما بيزعلش الموضوع دوت. يقال ابقى ايه؟ الاعمش. الاعرج وزي ما ربنا قال عبس وتولى انجاه الاعمى هو هو بيعرف ان هو هو يعرف عبدالله ابن ام مكتوم معروف بالاعمى. وهو ما بيزعلش ان هو اصلا ما بيزعلش من كده. هو ده لقبه. فهو ما بيضايقش. فلو واحد هو ده لقبه. هو اصلا ده هو معروف في الشلة كده معروف في المجتمع كده وهو قابل كده يعني هو مش بيتضايق هو مشهور باللقب دوه الموضوع مش مضايقه ودي شهرته هو ما بتعرفش غير غير كده يعني هو ما بيتعرفش غير لما نقول الحتة ديت. فده لا بأس ان هي تتقال حاجة زي كده. اذا كان مثله لا يعرف الا ايه؟ الا بذلك. فدي الحالات اللي ايه؟ يجوز فيها الغيبة. في دقيقة واحدة هقول عشان ما فيش وقت آآ كيف ننجو من الغيبة؟ اولا استعن بالله. لان اللسان ده معملناش غير ربنا ان يحيينا منه. استعن بالله وسل الله ان يقيك شر اللسان. وكان النبي عليه الصلاة والسلام بيقول اللهم اني اعوذ بك من شر نفسي وشر لساني شر لساني. فاستعذ بالله من شر اللسان. دي نمرة واحد. نمرة اتنين ان دائما تفكر في عيوب نفسك. دائما فكر في عيوب ايه؟ نفسك. كل ما تفكر في عيوب نفسك هتجد نفسك مستحي انك تتكلم في عيوب الناس. ليه؟ لان انت تقول طب انا اتكلمت النهاردة في عيوب الناس. طب ما هو ربنا بكرة هيفضحني. ما بكرة الناس تجيب سيرتي. بعض السلف كان بيقول كلمة خطيرة جدا جدا جدا احفزوها. بيقول كان هناك اقوام لهم عيوب لهم عيوب فسكتوا عن عيوب الناس فستر الله عيوبهم وكان هناك اقوام لم تكن لهم عيوب لم تكن لهم عيوب فتكلموا في عيوب الناس. فتكلموا في عيوب الناس. فاحدث الله لهم عيوبا فاحدث الله لهم عيوبا وتكلم بها عنهم الناس خلي بالك. فركز في عيوب نفسك وقل انا مش هتكلم في حد عشان ما حدش يتكلم في. زي ما انا لي لسان الناس لهم لسان. وزي ما انا هم لهم عيوب انا لي عيوب. فاسكت واستر عشان ربنا يسترني في الدنيا والاخرة وعندي من عيوبي ما يكفيني. لذلك قيل لاحدهم ما نراك تغتاب احد؟ قال لست راضيا عن نفسي حتى اغتاب الناس نمرة تلاتة انك انت تكثر من الصمت. اعتاد الصمت. ما تتكلمش الا بحساب كل في الحديس كل كلام ابن ادم عليه كل انك ما تزال سالما ما سكت. انك ما تزال سالما ما سكت. فان تكلمت كتبت لك او عليك وكان احدهم يقول الصمت حكمة وقليل فاعله. الصمت حكمة وقليل فاعله. وقيل لاحدهم ما لنا نراك كثير الصمت قال ندمت على الكلام مرارا ولم اندم على السكوت قط. ندمت على الكلام مرارا ولم اندم على السكوت قط نمرة اربعة ان تشغل لسانك بزكر الله. عارف لما تتعود على زكر ربنا هتلاقي نفسك مستخسر تكلم الناس. يعني تقول ما لسه هتكلم انا كمل كمل كمل. سبحان الله والحمد لله سبحان يعني عود لسانك دايما على سبحان الله والحمد لله ولا اله الا الله والله اكبر اي نوع من الزكر قرآن او كده بحيس ان انت من كتر ما اتعودت عليه بقيت بقيت بتكسل تكلم الناس. مش عايز تكلم الناس. مش عايز تخش في مواضيع ما لهاش لازمة. لان ده بيمنعك من الزكر اللي انت بتحبه وبتتلزز به. نفسك ان لم تشغلها بالحق شغلتك بالباطل نمرة آآ خمسة ترك مخالطة الناس قدر المستطاع الا عند الاحتياج يعني ابعد عن الا لو بقى ناس صالحين جدا ماشي لكن الناس العادية فضلا عن الناس اللي مش كويسة. حاول لا تخالط الناس الا عند الحاجة. لما نحتاجهم بس. غير كده في حالك من الان للاسف احنا في زمن مخالطة الناس اصبحت شر للاسف. الا قليلا من الصالحين ترك المخالطة وعدم الاكثار منها. واخيرا كثرة ذكر لقاء الله يوم القيامة. يعني مش عايز اطول عليكم اكتر من كده. يا رب يا رب يا رب يا رب يكون الموضوع نفعكم. انا عارف خوفتكم النهاردة قوي بس معلش ان انا اخوفكم النهاردة. ان انا اخوفكم النهاردة. عشان امنوا يوم القيامة احسن من ان انا اشتغلكم واضحك عليكم وامنكم النهاردة وتخافوا يوم القيامة انك تلاقي حد يخوفك في الدنيا عشان تأمن في الاخرة احسن من انك تتعامل مع حد يأمنك في الدنيا فتخاف في الاخرة خوفتكم بس عشان بحبكم عشان مصلحتكم. عشان ما اتمناش ابدا ابدا اشوف حد فيكم في النار. لا انا ولا انتم. ما اتمناش ابدا بعد الدورات وبعد مبادرات وبعد الدروس وبعد الصلوات واحد فيكم الهامة يحصل له وبدا لهم من الله ما لم يكونوا يحتسبون. ما احبش لنفسي كده. ما احبلكمش كده عشان بحبكم في الله مطلوب منكم دلوقتي على طول تروحوا على صفحة دورات المهندس علاء حامد. صفحة دورات المهندس علاء حامد هتلاقوا فيه بوست فيه مسابقة احسن تلخيص للدرس بتاع النهاردة واحسن تلخيص هيبقى له تكريم. انا بحبكم في الله. يلا على طول دلوقتي اشتركوا مسابقة. صفحة اسمها دورات المهندس علاء حامد. الله يرضى عنكم محبكم. سلام عليكم ورحمة الله. اللايف هتلاقوه مسيب على الصفحة