السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله. وبعد فاسأل الله سبحانه وتعالى ان يطيب زكركم وان يتقبل مني ومنكم هذا السعي وان يقال لنا يوم القيامة سعيا مشكورا هذا اللقاء نسأل الله سبحانه وتعالى ان يلهمنا واياكم فيه التوفيق سنتكلم فيه عن ما يتعلق بالصوم. ما يتعلق بالصوم من باب من يرد الله به خيرا يفقهه في الدين فنسأل الله سبحانه وتعالى ان نكون ممن اراد الله بهم خيرا ووفقهم في الدين حديث آآ في بداية هذا اللقاء وذكر به النساء وهو ان النبي صلى الله عليه وسلم امر النساء بشيء اه ينبغي عليهن ان يهتمن يهتمن به وان يرعاه ايه هو بقى الحديس ده؟ قال النبي صلى الله عليه وسلم عن يسيرة بنت ياسر سبحان الله شوفوا الاسماء عاملة ازاي؟ ياسر بيسمي قالت ان النبي صلى الله عليه وسلم امرهن ان يراعين بالتكبير والتقديس والتهليل وان يعقدن بالانامل فانهن مسئولات مستنطقات سبحان الله! هذا الحديث النبي صلى الله عليه وسلم امر النساء ان يراعيني من الرعاية التكبير قول الله اكبر والتقديس تقديس الله سبحانه وتعالى بمثل آآ التسبيح سبحان الله لان فيه التنزيه والتهليل وهو قول لا اله الا الله وكأن النبي صلى الله عليه وسلم يخبر النساء ان آآ لديكن اوقات كثيرة فلا تبخلن على الصحف يوم القيامة انها تكون ثقيلة بهذه الاذكار وقال النبي صلى الله عليه وسلم ناصحا للنساء ان يعني يقولوا الكلام ده بالانامل. يعني بصوابعهم باطراف الصوابع زي الايه؟ التسبيح بتاع الصلاة كده فانهن اي الانامل وهي اطراف الصوابع ورؤوس الصوابع مسؤولات اي مسؤولة عما تفعل ومحاسبة عليه مستنطقات اي ستنطق وتتكلم بما عملت وستشهد على يا صاحبها فنسأل الله سبحانه وتعالى ان يلهمكم هذه الاذكار ان تهتموا بها وهذا الحديث لعله ان شاء الله ينفعكن الصيام الصيام هي عبادة من اجل العبادات وهي العبادة التي يكاد يستحيل فيها انك ترائي فيها اني مخلوق لانك انت ممكن تصلي وانت على غير وضوء ممكن تدخل المسجد عشان الناس يقولوا عليك. ممكن اه ما حدش عارف انت اتوضيت ولا لا لكن الصوم ايه اللي يخلي انسان يصوم يعني انت ممكن تصلي ممكن تحج ممكن تعمل عمرة عشان الناس يقولوا لكن الصوم مستحيل تتم العبادة دي كاملة الا وانت فيك بقايا من المراقبة والحياء من الله سبحانه وتعالى لان الانسان ممكن يتزوق يشرب حاجة تدخل الحمام يعمل اكنه بيتوضى يشرب ماية اه يدخل المطبخ يعمل اي حاجة حتى لو انت سجنته ومنعت عنه الماية ومنعت عنه الطعام ممكن ينوي بينه وبين نفسه ان هو ايه؟ ما يصومش وما نواش الصيام فلازم يكون فيه نية فسبحان الله عشان كده الا الصوم فانه لي هذه عبادة عبادة اهل الاختصاص فالعبادة ديت جميلة جدا جدا ومن جمال هذه العبادة انها تأتي حتى تستعيب وتعيد الثقة بنفسك من خلالها ازاي انك طول السنة بعيد عن ربنا في حاجات وممكن اه يعني ازا اه خلوت آآ بمعصية ربما نظرت ربما تكلمت ربما غفلت ربما ربما لكن بيجي الصيام فلا احد يراك وانت مكمل صيام مش عاوز تفطر مش عاوز تاكل مش عاوز تشرب مش عاوز تعمل اي حاجة فكأنك بتقول يا رب ما زال في قلبي بقايا خير بقايا حياء بقايا مراقبة فمن جمال هذه العبادة انها بتيجي عشان تشاور على النور اللي لسه في قلبك. وتقول لك لا ما تيأسش من نفسك. انت لسه فيك خير كتير. احنا اه انت وقعت واتفرجت مشكلة وغلطت واطلقت بصرك ومديت ايدك واستهنت بموضوع المراقبة لكن اياك اياك ان تقنط. ما تيأسش لسه قدامك حاجات كتير قوي الصوم ده عبادة جميلة عبادة جميلة قوي عبادة فيها اه اه انضياء عالي جدا بتنور كأن الصوم ده قنديل يمشي في القلب كأنه نور ماشي في الروح بيبدأ ينور لك بعض الحاجات كده سبحان الله. وان الصوم اه طبعا صعب ان انا اتكلم عن فضائل الصمت هياخد وقت كتير قوي لكن سبحان الله المتأمل يعلم قطعا ان هذه العبادة هي عبادة مزيلة للاتربة مزيلة للرام مزيلة للحجب. ولزلك سبحان الله الناس بتقبل على القرآن في رمضان. ليه؟ احد الاسباب باب الرئيسية انك صمت يعني لو قلنا جدلا وتنزلنا في الخطاب ان في انسان مبتلى بعدم الصوم في رمضان قلما يقبل على كتاب الله فمش هيعرف يقبل على القرآن ليه؟ لان المسبب الدافع للقرآن احدا مدائن مسببات الدافعة الرافعة للعلاقة مع كتاب الله هو الصوم. والصوم ده اسانسير بيرفعك للتقوى التقوى دي دور عالي دور كده هنقول مسلا دور المية في البرج. اسانسير الصعود الصيام اسنسير الصعود للصيام هو اللي بيصعدك فوق فوق فوق وكلما ارتفعت كلما تخففت الاحمال لانك بتكون عامل زي ايه بالزبط اللي كان واقع وقع على الارض ووقعت عليه اه رملة وقع عليه طوب وقع عليه تراب. فلما بيقوم كلما قام الاحمال دي والاتربة دي بتقع منه. فكل اما يقف الاتربة دي تقع تقع تقع تقع. لغاية ما يقف بقى تماما فينضف نفسه. هو الصيام بيعمل معك كده طيب ايه هو بقى الصيام الصيام في اللغة يعني فلان صام عن كزا يعني امسك عن كزا يبقى في الاصل في اللغة معناه امسك قبضت نظرت للرحمن صوما يعني نذرت للرحمن امساكا ان انا هامسك. هتمسك عن ايه بقى؟ في واحد صايم عن الحرام في واحد صايم عن الكلام في واحد صايم عن كزا يعني امسك. طيب في الشرع بقى في المفهوم الشرعي في المصطلح الشرعي ده احنا كده فهمناه في اللغة معناه ايه؟ طيب من ناحية شرعا معناه ايه هو الامساك عن الاكل والشرب وسائر المفترض وهتيجي معنا ايه هي المفترض اه مع النية من طلوع الفجر الصادق الى غروب الشمس يبقى الامساك عن الاكل والشرب وسائر المفطرات مع النية من طلوع الفجر الصادق الى غروب الشمس ادي الايه باختصار الصوم طيب الصوم ده له اركان اه يعني ليه اساسيات بدونهم ما يبقاش اسمه صوم؟ اه هم حاجتين اتنين الركن الاول الامساك عن المفطرات من طلوع الفجر الى غروب الشمس. ايه الدليل؟ قول الله وكلوا واشربوا حتى يتبين لكم الخيط الابيض من الخيط الاسود من الفجر الركن التاني يبقى مينفعش واحد يجي يقولي انا صايم وبياكل انا صايم وبيشرب انا صايم وايه متلبس بشيء من المفترض لأ ما ينفعش الركن التاني هو النية الفرض لازم تنوي قبل ما تنام ابلى عفوا ما الفجر يعني ليلا لازم تبيت النية النية الصيام انا صايم النهاردة صيام واجب صيام فرض علي واجب علي سواء كان رمضان سواء كان نذر سواء كان قضاء لازم تبيت النية يعني الفجر لا يؤزن عليك الا وانت ناوي فما ينفعش اخت عليها يوم قضاء تصحى من النوم الفجر ازن تقعد كده على الساعة تسعة تقول خلاص انا هصوم النهاردة واعتبره من الايام اللي علي. لا ما ينفعش ليه لان ده يوم واجب اليوم الواجب الفرض لازم نبيت النية لازم نبيت النية لكن لو انا صاحي وصحيت الضهر وبعدين قررت ان انا اصوم صوم تطوع. ينفع؟ ينفع تمام كده يبقى دول الركنين اللي علينا طيب حكم صيام رمضان فرض صيام شهر رمضان فرض جعله الله احد الاركان الخمسة احد الاركان الخمسة وسبحان الله ابتلينا ان في ناس بتتكلم في كل حاجة يحيل درجة ان في ناس مسلمة لا يرون ان رمضان اصلا ايه؟ ان الصيام فرض وده للاسف الشديد بسبب رقة دينهم رقة الدين وهؤلاء الذين لا يعني بعضهم لا يؤمن بالسنة وبعضهم يرى ان القرآن محرف. ومن اعتقد ان القرآن به تحريف فقد خرج عن ملة الذي انزل عليه القرآن فحكم الصيام واجب. قال تعالى يا ايها الذين امنوا يا اللي مؤمنين بالدين ده كتب عليكم الصيام كما كتب على الذين من قبلكم لعلكم تتقون وقال تعالى فمن شهد منكم الشهر فليصمه وقال النبي صلى الله عليه وسلم بني الاسلام على خمس من ضمنهم وصوم رمضان وده عليه اجماع من الامة والاجماع لا يجوز لك انك تخالف. يعني انت ممكن تخالف في اشياء لكن لما الامة تجمع العلماء كلهم يكون في اجماع. الاجماع ده ما ينفعش ابدا تخالفه زي ما ما ينفعش تخالف الايه؟ الاية والحديس ومن انكر فرض الصوم من المسلمين وبعد ما يبين لي فقد آآ كفر منكر هذا الامر. طيب وقلنا ان الصيام فيه صيام ويجب في صيام التطوع وده اشرت اليمين شوية هل اللي يفطر في رمضان بس هو مش منكر ان هو فرض. هو بيقول ان هو آآ طاعة وواجب علي بس انا مقصر هل عليه حاجة هل هو اثم من افطر متعمدا في رمضان وهو يعلم انه قد ابتلي بذنب فهو مرتكب لكبيرة من الكبائر دابة ابن حجر الهيتمي اعد ان من الكبائر في كتاب الكبائر من كتاب الزواجر بتاعه عد ان آآ ترك صوم يوم من ايام رمضان والافطار فيه دا يعد من الكبائر وده اتى منكر عزيم جدا لدرجة ان النبي صلى الله عليه وسلم قال بينما انا نائم اذ اتاني رجلان فاخذ بضبعي اخذوا بكتف النبي صلى الله عليه وسلم بيد النبي. ثم انطلق بالنبي صلى الله عليه وسلم. قال ثم انطلق بي فاذا قوم معلقون عراقي بهم ناس ممسوكة من ايه؟ من رجليهم كده مشققة اشداقهم شفايفهم قاعدة متشرشرة كده بالسكاكين تسيل اشداقهم دما. قاعدة تنزل دم قلت من هؤلاء؟ قال هؤلاء الذين يفطرون قبل تحلة صومهم لعقوبة واحد صام وبعدين افطر عمد قبل ما المغرب يأزن فما بالكم باللي ما بيصومش اصلا واخدين بالكم؟ اللي ما بيصومش بقى ده اخباره ايه عشان كده الامام الزهبي بيقول لنا وعند المؤمنين مقرر ان من ترك الصلاة والصوم انه شر من الزاني ومدمن الخمر بل يشكون في اسلامه ويظنون به الزندقة والالحاد شف بيقول ايه بيقول اللي اللي تارك الصلاة والصوم ده شر من الزاني شر من مدمن الخمر يعني لو عندكم واحد في البيت بيرتكب الفاحشة ومدمن للخمر لو عندكم واحد ده اقل فسادا وافسادا من تارك الصوم بل يقول الامام الذهبي بل يشكون ده بيقول لك ده عند المؤمنين مقرر ده عند المؤمنين عند الناس التانية ما لناش علاقة لكن عند المؤمنين يشكون في اسلامه. يقول لك الواد ده مسلم وايه؟ بل ويظنون به الزندقة والالحاد عافانا الله واياكم من العفانة آآ فضل صيام شهر رمضان فضل ان النبي صلى الله عليه وسلم قال طبعا انا هاشير اشارات والا عشان احاول يعني آآ يعني الخص فقه الصوم. يعني على قد ما اقدر واتكلم في بعض المخدرات آآ والا الموضوع محتاج اكثر من لقاء يعني فضل الصوم قال النبي صلى الله عليه وسلم من قام ليلة القدر ايمانا واحتسابا غفر له ما تقدم من ذنبه وقال ومن صام رمضان ايمانا واحتسابا غفر له ما تقدم من ذنبه فانت قدام وليمة وغنيمة كبيرة قوي من صام رمضان ايمانا تصديقا ان الله قد فرضه عليه واحتسابا صبر واحتسب وحاول ايه؟ عارف كام واحد؟ يقول لك معلش احتسب يا سيدي معلش يا بنت الحلال احتسبي عشان ولادك احتسبي يا عم اصبري واحتسابا غفر له ما تقدم من ذنبه ويقول النبي صلى الله عليه وسلم رمضان الى رمضان مكفرات لما بينهن اذا اجتنبت الكبائر احيانا بعض الافاضل بيتكلموا عن رمضان فيجي يقول لك ايه اهم حاجة ان رمضان ده يعني ايه ما تتعاملش معه ان هو ايه آآ هو الملخص وهو المخلص وهو كل حاجة رمضان مجرد مساعد والا رمضان احنا داخلين ان هي مجرد محطة بنزين وخلاص احيانا الخطاب ده اما بيزيد عن حده يزهد الناس في قيمة رمضان بقى رمضان له قيمة لابد ان تستثمر يكفي تلك الغنائم التي سمعتموها الان وطبعا الحكمة من مشروعية الصيام حاجات كتيرة قوي يكفي انها انه سبب في تزكية النفس وتطهيرها لان الصوم يضيق مجاري الشيطان من بدن الانسان. الشيطان يجري من بني ادم مجرى الدم. فالصوم بيخنق الشيطان ولذلك لا تجد فتاة مبتلى بالشهوة ولا شاب مبتلى بالشهوة ورزق الصوم والتسبيح الا وقد خف هذا الباب ان لم يزل تماما عنه يصوم ويكثر من التسبيح بازكار في الغدو والاصالة الصبح وبالليل الاذكار الصباح والمساء الا وتجد حتما ولابد ليه؟ لان فيه بيوت اذن الله ان ترفع البيوت دي اللي بترفع اه بترفع بسبب ايه؟ بسبب الرجالة اللي جوة. ما لهم الرجالة دول بيعملوا ايه؟ بيلعبوا ولا بيعملوا ايه الرجالة دول؟ لا شغالين. شغالين بيعملوا ايه الناس اللي شغالة دي؟ هل شغالة قاعدة بتجيب سيرة سين وصاد؟ لا لا لا نسيت قاعدين نسبح نسبح له فيها بالغدو والاصال رجال الرجال دول لما ربنا بيرزقهم الحاجة دي بياخدوا بقى من الاية اللي قبلها نور على نور يهدي الله لنوره من يشاء فموضوع الاذكار الصباح والمساء دي مهمة جدا جدا جدا والاذكار ما لهاش علاقة بالايه؟ لازم يكون في المسجد ولا غير المسجد. بالنسبة للشباب ان استطاع ان يمكث في المسجد فكان بها وبالنسبة للنساء فجلسة الشروق وجلسة الغروب مهمة جدا. في تلت جلسات ما تضيعهمش جلسة السحر وجلسة البكور وجلسة الغروب ان استطعت فلا تقطع عادة ان الملائكة تكتب لك فيها شهود الخيرات فتزكية النفس قلنا ان هي الصوم بيساعدك في كده الصوم بيزهدك في الدنيا وشهواتها لانك كل يوم ها هناكل فين النهاردة؟ هناكل ايه؟ حلويات منين؟ مش عارف ايه؟ والكلام ده. عشان كده مهم جدا ندي محاضرة ما ليس من رمضان بعدين كده ايه مرضان مش رمضان اللي هي حاجات تمرضك زي رمضان اصلا المفترض ان الاكل فيه يقل. الغريب ان الاكل فيه بيزيد رمضان المفترض من المطبخ يقل فيه العمل. تلاقي ان العكس اللي بيزيد اتلقى ان المفترض رمضان الاستهلاك فيه يقل اللي هي الاستهلاك بيزيد سبحان الله يبقى في الصوم والنبي بيحصل تزهيد الصوم بيديك آآ بتشعر بالجائع في عطف على المساكين والشعور بالالام لان الصائم بيذوق الم الجوع والعطش وان يعضه الجوع فيبدأ يشعر بغيره ولزلك تلاقي الخير بيزيد جدا في رمضان تلاقي شنط رمضان وتلاقي العطف على المساكين والفقراء والكلام ده كله ده احد اسبابه المركزية هو المعنى ده حتى ولو لم تلحظ هذا الامر طيب واه شروط وجوب الصوم انت كلمتنا بمعنى الصوم معناه ايه؟ وقلت لي ايه الاركان بتاعته؟ طب ايه شروط وجوب الصوم؟ صيام رمضان اا في شروط سريعا كده نقول اا اا خمس ست شروط الشرط الاولاني الاسلام انك تكون مسلم فلا يجب ولا يصح الصيام من الكافر لان الصيام عبادة والعبادة لا تصح من الكافر واخدين بالكم؟ ازا اسلم نبدأ بقى نكلمه لكن الاصل هو مخاطب بالاسلام اولا. سم نخاطبه بغير ذلك الشرط التاني ان يكون الانسان بالغ فالصوم لا يجب على من لم يبلغ رفع القلم عن ثلاث كما قال النبي صلى الله عليه وسلم وذكر منهم الصبي حتى يحتلم لكن هل لو صام واحد غير بالغ يصح صومه؟ نعم يصح وينبغي لولي امره ان يأمره من باب التربية انك ايه؟ تأمره انت من يعني احنا بنعد اولادنا من وهم عندهم اربع سنين وتلت سنين بنعدهم بنعدهم للحياة اللي هيبدأوا يمارسوها بعد عشرين سنة. بعد خمستاشر سنة عمال يتخرجوا ويبدأوا ايه برجل الحياة فبقالنا من وهما عندهم تلت سنين بنأهلهم طيب اهله يا سيدي لليه للمستقبل الخالد فينبغي ان ولي الامر ان يأمر ابنه بالصلاة بالصيام ويعوده عليه الشرط التالت وهو العقل ان الانسان يكون عاقل فلا يجب الصيام على المجنون واحد مجنون لا خلاص رفع القلم عن ثلاثة فذكر منهم النبي المجنون حتى يفيق. تلاتة الصحة لان المريض الذي لا يطيق الصيام لم يجه ملائه لا يجب عليه الصوم. وان طب لو صام صح صيامه قال تعالى ومن كان منكم مريضا او على سفر او على سفر فعدة من ايام اخرى لو زال المرض وجب عليه قضاء الايام التي اه افطرها الشرط الخامس هي الاقامة وعدم السفر. فلا يجب الصوم على المسافر فلو صام المسافر صح صيامه لكن لو افطر لم يرتكب المخالفة فمن كان مريضا او على سفر فعدة من ايام اخر الخلو من اعزار النساء من حيض ونفاس لان لا يجب عليهما الصيام وابتلينا بمن ابتلاه الله بعقله دخن وعفن وكل الاتربة والاتخنة في قلبه اللي بيتكلموا في مسل هزه الاشياء ويقولوا ايه لأ عادي تصوم يعني احيانا سبحان الله الانسان عما بيكون مبتلى بفساد قوية بتلاقيه يخرج منه امثال هذا العفن يعني وخطاب هؤلاء ومنازرة هؤلاء يعني كما قال الشافعي لو نظرني الف عالم لربما غلبتهم ولو نظرني جاهل لغلبني. يا مشكلة انك اما تنازر حد لازم تتأكد ان هو ايه عنده الاسس بتاعتك لكن في واحد يقول لك اه اقنعني بقى اقنعني بقى ها ان البنادول مفيد لمسكن للالام تقول له طيب اقنعك ازاي؟ انت طبيب انت مش عارف ايه؟ لا يقول لك انا مرتاح. يقول لك طب تعال نجرب. التجربة يقول لك لا وانا اهبل عشان اخد واموت انتم اصلا حاطين فيه سموم وبتعملوا فيه شرايح عشان تتبعوا الناس وتعرفوا الناس ساكنة فين وبتاع وتتبعوها من خلال الموبايلات والتقنية الحديسة يا كفار. عارفين انتم الجماعة دول طب ده هتخش معه اتناقشه ازاي ده بقى خلاص يقول لك ولو راجل اطلع كلمني ولو راجل تعال نعمل منازرة طيب بالنسبة لشهر رمضان حد بيقول المحزن ان في كتير من الناس انقادوا لهم عادي عادي. يقضوا قومه يوم القيامة فاوردهم النار مع النار آآ النبي صلى الله عليه وسلم قال فوجدت اكثر ايه اهلها النساء هييجوا منين؟ ما هي بالليل الشريحة اللي بتتبع دول اه الله سبحانه وتعالى اطمنوا يا جماعة. الله سبحانه وتعالى لا يضيع صدق انسان فيضيع عنده صدق ما فيش واحد يكون صادق في البحس عن الحق ثم العدل سبحانه وتعالى يضيع صدقه لا لا وبعدين يا جماعة انتم بتصوموا لمين؟ يعني انت بتصومي لمين باختصار يعني هو انت عاوزة تصومي لمين؟ لله ولا ولا الهواك لله ولا لمولاك ولا لهواك؟ لله؟ اه هو الذي يحدد تصومي امتى وما تصوميش امتى لان بعض الناس يقول لك احنا مش قادرين هنفطر ازاي والكلام ده كله؟ لو كنت بتصومي لله هتلاقي نفسك بتصومي الدنيا سالكة. سهلة خالص يعني لكن لو حضرتك بتصومي لحاجة تانية هتلاقي الدربكة ديت عالية عندك يعني تلاقي الحزن العادي اللي هو مجرد بس ايه زي الحزن العائشي كده اه الله المستعان انا كده مش هطوف بالبيت لا لا هتطوفي والدنيا ايه ماشية يعني اه طيب دخول شهر رمضان ازاي نعرف ان بقى رمضان دخل علينا نصوم ابنا ومش امتى؟ يسبت دخول شهر رمضان برؤية الهلال. انك تشوف شهر رمضان برؤية الهلال. لو شفته رؤية الهلال سواء بنفسك او بشهادة غيرك على رؤيته. ويكون عدل سقة او ان تخبر به ممن ايه؟ تسق فيه فلو شهد مسلم عدل برؤية هلال واحد مسلم عدل مسلم واحد شاف الهلال خلاص فمن شهد منكم الشهر فليصمه اذا رأيتموه فصوموا ابن عمر بيقول لنا اخبرت النبي صلى الله عليه وسلم برؤية رمضان فصامه وامر الناس بصيامه طيب بالنسبة للحسابات الفلكية الحسابات الفلكية هي معينة وليست هي الاساس هي بتساعدني ولكن لا اعتمد عليها. ولذلك الدول التي تصوم فقط من خلال الحسابات الفلكية فقط بدون شهود الهلال انتهى صومها في مشكلة وهي خاطئة ومخالفة للسنة لان في حاجات يا جماعة احنا مهما كنت انت يعني عندك ثقة وعندك كل حاجة في الاخر يعني حتى بتعدي الحسابات الفلكية اللي تلاقيهم بيتلخبطوا ولا ما بيتلخبطوش؟ ده عنده نظرة وده عنده نزرة ولو الحسابات الفلكية كلهم متفقين عليها مش هتلاقي عندهم بخلاف صح بيتلخبطوا برضه فنحن نتعبد لله سبحانه وتعالى بما يريد الله سبحانه وتعالى طيب انا ما شفتش الهلال وما شهدش مسلم عدل برؤيته. يعني انا اللي انا شفته ولا فيه مسلم شافه نعمل ايه؟ وجب اكمال شعبان ثلاثين يوما لان لا يسبت دخول الشهر بغير هذين الامرين. اما رؤية الهلال او اتمام شعبان تلاتين يوم. لقول النبي صلى الله عليه وسلم صوموا لرؤيته وافطروا لرؤيته فان غبي عليكم يعني مش شفتوه فاكملوا عدة شعبان ثلاثين خلاص وطيب انقضاء رمضان خلاص رمضان خلص ولا لسه؟ هو تسعة وعشرين ولا تلاتين ينقضي برؤية هلال شوال بيشوفوا اتنين مسلمين عدل بالنسبة لرمضان دخول الشهر بواحد لكن خروج منه اتنين فان لم يشهد مسلمان عدلان برؤية هلال وجب اكمال عدة رمضان ثلاثين يوم. وبالنسبة للمراصد دلوقتي احنا عندنا مسلا مرصد في مصر اه سبع مراسم الناس ايه بتشوفهم. فاحنا بيبقى عندنا عمليا هو التلسكوب بيكون مطيه متوصل بشاشة والشاشة دي قاعدة لجنة شرعية اللجنة الشرعية دي اكتر من واحد فعمليا بيكون اكتر من واحد شاف هذا الهلال طيب وقت النية في الصوم قلنا بالنسبة للفروض الواجب الصوم الواجب ينويه من الليل في الصيام. لان النبي صلى الله عليه وسلم قال من لم يبين الصيام قبل الفجر فلا صيام له ولو قبل الفجر بدقيقة واحدة ولو قبل الفجر بدقيقة واحدة صلاة التراويح صلاة التراويح والسحور ده عمل يدل انك ان هناك نية لان بعض الناس يقول لك على هل لازم كل نية كل يوم؟ لا مش كل ليلة انك تنوي. مجرد انك بتتسحر ومجرد انك رايح تصلي التراويح فده معناه انك ايه؟ بتصلي التراويح ده مؤشر والسحور ده مؤشر انك ايه نية الصيام ايه لغد الا لو في واحد هو هيسافر بكرة ورايح مشوار فهيفطر وما يعرفش ايه هيكمل كم يوم في السفر ده اما يجي يصوم تاني هيجدد النية زي ما قلنا كده ان تكفي النية من اول الشهر ان الانسان ينوي النية ديت وبعد كده بقى مؤشرات النية وموجودة. يعني واحد صاحي الساعة اتنين بالليل عشان نتسحر يعني مش لازم لان بعض الناس عنده وسوسة وانا حريص ان انا يعني ااكد على المعلومة ديت لان البعض عنده وسوسة فبيهلك نفسه انا طب يعني ايه النية؟ طب انا ما حدستش نفسي وبعدين وده انه يدخل يدخل فين ايه الاشكالات ديت طيب ايه هي الاعذار المبيحة ان انا افطر في رمضان دي اعذار تبيح لي ان انا افطر في رمضان؟ اه ايه هي؟ رقم واحد المرض الكبر واحد كبير في السن او مريض يجوز للمريض الذي يرجى برؤه انه يفطر يعني ايه يرجى برؤه؟ واحد تعبان وان شاء الله خمس ست اسبوع كده خمس ست ايام اسبوع شهر اتنين ربنا يشفيه. لكن في مرض لا يرجى برؤه لا يرجى شفاؤه. زي واحد عجوز واحد عنده مرض خلاص بعنيه مرض ممتد وبيكمل معي وربنا يشفي الجميع المرض واحد مريض او كبير ده يجوز للمريض الذي يرجى برؤه ان يفطر. طب فاذا برئ وجب عليه انه يقضي الايام اللي هو فطرها كما قال تعالى فمن كان منكم مريضا او على سفر فعدة من ايام اخرى طيب المريض اللي يرخص له الفطر. ايه هو المرض ده؟ اي مرض واحد عنده دور برد عنده شوية رشح زوروا واجعه حالقه لأ المرض الذي يشق على المريض الصيام بسببه المرض الذي يشق على المريض الصيام في مشقة في مشقة او ان الدكتور الثقة العدل يقول له ان ده هيتسبب في اشكالات كبيرة جدا طبيا مش مجرد مبالغة ان يقولها الطبيب او ان يكون طبيب اصلا عنده رقة في الدين مش فارق معه الناس تصوم ولا مش تصوم؟ لا احنا عاوزين طبيب عدل ثقة هو اللي يقول الطبيب ده يكون ايه؟ راجل فاهم كويس قوي يقول ايه الامر ده. طيب مريض لا يرجى برؤه اللي هو بقى واحد عنده مرض آآ مسلا المرض ده نسأل الله العفو والعافية صعب جدا ايه ان ظاهرا لا يرجى برؤه. هو المرض ده مزمن ومكمل معه او واحد عاجز عن الصيام واحد كبير في السن عجوز ده هيفطر ومش هينفع يقضي هيبقى يجوز له ومباح له انه يفطر ما يصومش ومش واجب عليه انه يقضي لكن عليه حاجة ايه هي؟ الفدية. ايه هي الفدية بقى؟ ان يطعم عن كل يوم مسكين يطعم عن كل يوم مسكين لان ربنا دعا للاطعام معاد للصيام والامام البخاري آآ ذكره اما الشيخ الكبير اذا لم يطق الصيام فقد اطعم انس بعدما كبر عاما او عامين عن كل يوم مسكين وقال ابن عباس في الشيخ الكبير والمرأة الكبيرة لا يستطيعان ان يصوما فليطعما مكان كل يوم مسكين فالنهاردة واحد عاجز عن الصيام. واحد عاجز عن الصيام. او مريض مرض آآ مزمن مش هيقدر يصوم. واحد كبير في السن عاجز او واحد مريض المرض الذي لا يرجى برؤه لو مرض يغلب علينا ان شاء الله الظن ان هو يشفى بعد شوية لا ده هيصوم اول ما يتعافى لكن التاني ده اللي مش زاهرا لن يتعافى ده يفطر وعليه القضاء هيطعم عن كل يوم ايه؟ مسكين يطعمه ايه ايه يعني باختصار فيما يخص يعني الجو المعاصر بتاعنا يعمل له وجبة. وانت بتعملي الاكل بتاعك زودي طبق واديه لحد من المساكين طب ينفع اطلع التلاتين وجبة في اول يوم لا تطلعيهم في اخر يوم يعني في اخر يوم في رمضان ممكن تتطلعي تلاتين وجبة لتلاتين مسكين او تطلعي كل يوم عن ايه؟ عن يعني انا النهاردة آآ صمت. النهاردة فطرت هتطلعي عن النهاردة عن كل يوم مسكين عن كل يوم مسكين نصف صاع من در اللي هو القمح او التمر او الرز ومقدار الصاع يعني اتنين كيلو وربع فيكون الاطعام عن كل يوم كيلو ويعني تقريبا وتمن يعني عشان ما تخشوش في المتاهة ديت زي ما قلت لكم هي وجبة. الوجبة ديت بقى ممكن حضرتك تكلفي مطعم تقولي له انت كل يوم في حد هيجي ياخد منك وجبة وتتفقي مع حد المساكين يروح ياخد وجبة. او تيجي في اخر يوم في رمضان تطلعي تلاتين وجبة اه اه ويتوزعوا من المطعم ده طب ينفع ادي لها اديها فلوس؟ لا ما ينفعش تديها فلوس ما ينفعش تدوه تديها فلوس ودي من الملامح الجميلة ان من العبادات الرائعة في رمضان انك لازم تركزوا فيها هي عبادة الاطعام. شوفوا الاية بتاعة الوجه بتاع الكلام عن الصيام شهر رمضان الذي انزل فيه القرآن هتلاقوا فيها عبادات عبادة الدعاء عبادة الاطعام العبادات دي ركزوا فيها لان هي دي العبادات اللي جت معنا في رمضان هتلاقوا بقى ولتكملوا ولعلكم ولتكبروا ولعلكم تشكرون. هتلاقي ضمائر الجمع تعرف ان انت ايه العبادات محتاجة ان تكون كتل ان يكون في تجمع ان يكون في صحبة صالحة جو انك تقفل على نفسك وتنعزل دي لأ ليست من مقاصد رمضان ولزلك جو التراويح وجو انك تشهد مع الناس التهجد والحاجات دي كلها والاعتكاف كل ديت فيها فكرة الجماعية السفر يبقى قلنا المريض والكبير. تاني حاجة السفر يباح للمسافر انه يفطر في رمضان ويجب عليه القضاء. لان ربنا قال او على سفر فمن كان منكم مريضا او على سفر ولقول النبي صلى الله عليه وسلم لما سئل عن الصيام في السفر قال ان شئت فصم وان شئت فافطر والنبي خرج الى مكة صائما في رمضان فلما بلغ مكان معين افطر النبي صلى الله عليه وسلم وافطر الناس فيباح الفطر في السفر الذي يباح فيه قصر الصلاة. وعلى خلاف بقى بين العلماء هل كل ما يسمى سفرا ولا اللي يعدي تمانين كيلو على في المشهور في موضوع السفر لكن في نقطتين مهمين جدا في موضوع السفر النقطة الاولى وهو ان ياخد الرخصة اللي مسافر سفر حلال مش سفر حرام او احتيال واحد مسافر عادي رايح مصلحة معينة بتاع لكن واحدة رايحة تحضر فرح بنت خالتها او في حمو وبيكا والفريق اللي ايه واغاني ودوشة لا يجوز لها ان هي تاخد بالرخصة دي لان الرخص في الطاعة هذا هو الايه؟ الاصل طب واحد عاوز يأتي اهله فبيتحايل طب تعالي نروح مش عارف نزور عمتي ولا مش عارف ايه والكلام ده كله. لا يعني يجوز له انه يفطر لانه ده واحد بيحتال طيب واحد مسافر صام صح صومه؟ اه يصح صومه كنا نسافر مع النبي فلم اه الناس بيقول لنا يعني فلن يعيب الصائم على المفطر ولا المفطر على الصائم. كان سايبه. لكن في شرط وده الامر التاني اللي قلت هقول لكم على حاجتين الحاجة التانية ان هو في شرط في الايه بس الصيام في السفر الا يكون شاق عليك واحد مسافر في عربية مكيفة ورايح مشوار القاهرة والاسكندرية ورايح يصدر رد وراجع وما فيش تعب ولا اي حاجة ولا راكب الطيارة كلها ساعتين وهينزل قطر ولا الامارات ولا الكويت والموضوع بسيط ده عاوز يصوم يجوز له انه يصوم هو مباح لك انك تغفر عاوز تصوم تصوم ما فيش مشقة لكن لأ ده واحد رايح والطيارة اتأخرت وقاعد ومصدع ودماغه متفرتكة وماشي في الحر ولا رايح مواصلات وبتاع والكلام ده كله وفي مشقة قال في في مثل هذا النبي صلى الله عليه وسلم قال ليس من البر الصيام في السفر فهذا الحديس محمول على من يجد مشقة. ليه؟ لان له اصل له سبب ورود الحديس ده. النبي صلى الله عليه وسلم رأى في السفر رجلا صائما قد زلل عليه من شدة الحرف والناس مجتمعة حواليه فقال ايه ده؟ فقالوا له ده واحد يعني يا رسول الله كان صائم فقال ليس من البر الصيام في السفر ده مش من الحاجات الحلوة يعني سبحان الله! برضو من الحاجات اللي اللي تبيح لك انك تفطر وهو اعزار بناتي حواء الحيض والنفاس. المرأة التي اتاها عذرها تفطر في رمضان وجوبا ويحرم عليها الصيام ولو صامت لا يصح منها ده حديث ابي سعيد ان النبي صلى الله عليه وسلم قال اليس اذا حاضت لم تصل ولم تصم فذاك من نقصان دينه. ويجب عليها القضاء لقول عائشة رضي الله عنها كان يصيبنا ذلك فنؤمر بقضاء الصوم ولا نؤمر بقضاء الصلاة من الحاجات اللي تبيح الحمل والرضاعة المرأة لو كانت حامل او مرضعة اللي هو الخوف من الهلاك سواء على نفسها ولا ابنها وخافت على نفسها او خافت على ابنها بسبب الصوم جاز لها انها تفطر. يجي الدكتور او الطبيبة برضو ايه الدكتورة الايه اللي فاهمة دينها ومهتمة بدينها لعدل سقة. قالت لها خلي بالك صومك ده هيأسر على الجنين مسلا هيأسر عليه هيبقى فيه تعب عليك فده جائز ان هي تفطر؟ جائز. انس قال قال رسول الله ان الله وضع عن المسافر شطر الصلاة والصوم. وعن الحبل والمرضع الصوم طب والحامل والمرضع هتقضي ولا مش هتقضي؟ هتقضي الايام اللي هي فتراتها لو خافت على في خلاف بقى بين العلماء لو خافت على نفسها وابنها لو خافت على ابنها ونفسها كده كده هي يجوز لها ويباح لها انها تفطر طيب امتى نقول عليها انها تطعم مسكين ولا مش تطعم مسكين ابن عباس بيقول لنا ان المرضع والحملة اذا خافت على اولادهما افترطا واطاعتا يعني لو هي هتفطر عشان خوفا على ابنها هتطعم والمسألة خلافية ولعل ان شاء الله الراجح ان ما فيش ايه ما فيش اه كفارة في هذا الامر هو القضاء فقط طيب الحاجات بقى المختارات ايه الحاجات اللي تفكر ايه الحاجات اللي ممكن تفطرها؟ ازن كلكم عارفينها صح؟ ايه؟ يلا قولوا كده عشان نشوف كده انتم صاحيين ولا نايمين عشان لو قلتوها ممكن ايه ننجز في الدرس وخلاص كده نكتفي باللي احنا قلناه ما شاء الله عليكم خلاص ما انتم عارفين اهو. طيب خلونا نقول كده سريعا اول حاجة الاكل والشرب الاكل والشرب عمدا نركز بقى الاكل والشرب ايه؟ عمدا تاني الاكل والشرب عمدا وكلوا واشربوا حتى يتبين لكم الخيط الابيض من الخيط الاسود من الفجر يبقى لا يباح للصائم الاكل والشرب بعد طلوع الفجر حتى غروب الشمس طيب واحد اكل وشرب ناسي صيامه صحيح؟ نعم صيامه صحيح ويجب عليه الامساك اول ما يتذكر او يذكر فمن نسى نسي وهو صائم فاكل او شرب فليتم صومه فانما اطعمه الله وسقاه. يعني النبي صلى الله عليه وسلم بيقول لنا ديت ايه باش اه عليه مشكلة يعني آآ طيب واحد اكل وشرب خطأ هو مش ناسي هو صحي من الفجر صحي عشان نتسحر وراح ايه لقى كده ايه طبق فول ومش عارف ايه وبتاع وقال لك الحق وراح مقبل على الاكل. وراح واكل قال لك ايه؟ الحق وبعدين بعد ما كل كده وبتاع بيقول لك هو الفجر اتأخر ليه؟ فبيبص على الساعة لقى الساعة تمانية الصبح ده حكمه ايه في الشرع لو تعمد الاكل بلا تحري ده خلاص ده افطر لو تحرى ثم اكل فده حكم حكم الناس يعني ايه تحرى؟ بص في الساعة كده فهو يقليه من الساعة تلاتة وهي كانت الساعة مسلا اربعة ما خدش باله فده تحرى سأل قال لوالدته الفجر ازن قالت له لسه يا ابني. فده تحرى. جه بعد ما اكل والدته ما خدتش بالها فده ايه؟ ده معزور. لكن واحد بياكل ويشرب كده بدون ما يتحرك؟ لا ده في حكمه ايه في حكم الذي اكل عمدا وشرب عمدا طيب ايه كمان؟ الاتيان الاهل يبطل الصيام بالجماع. فمن جامع وهو صائم بطل صومه وعليه كفارة طبعا ادنى نقول عليه كفارة عليه التوبة والاستغفار. عليه التوبة والاستغفار وانه يقضي اليوم الذي اتى فيه اهله. يعني هو فعل الموضوع ده؟ اه هيقضي اليوم ده. جميل. وايه كمان عليه عليه ان هو يصوم ستين يوم ورا بعض ستين يوم ورا بعض فان لم يستطع استطاع حقيقية شبه جسمه ما شاء الله لا قوة الا بالله ويجي يقول لك انا مش قادر. ليه مش قادر اه في مشقة بس انت تقدر فان لم يستطع هيطعم ستين مسكين عن كل يوم. يعني لو عمل الموضوع ده عشر تيام هيطعم ايه؟ بتاعه هيجي واحد بقى ايه يهزر ويجي يقول ايه؟ لا انا خلاص انا مش قادر. لا اتق الله فالامر اه شديد آآ في معنى اتيان الاهل والجماع هو انزال آآ ماء الشهوة اختيارا فاذا حدث هذا الامر سواء باي احتكاك بتقبيل او غيره فده فسد صومه لكن عليه القضاء وليس الكفارة لان الكفارة فقط في اتيان الاهل طيب واحد صحي من النوم فاحتلم هذا ليس عليه شيء تلاتة التقيؤ عمدا واحد حط حاجة في آآ بوقه مسلا او عامل صابعه وبتاع عشان يخرج ما في بطنه ده قال النبي صلى الله عليه وسلم من استقاء عمدا فليقضي من استقاء عمدا فليخلو في سؤال بيقول ان المرأة التي اتاها اهلها هتعمل زيه ولا لأ؟ ده خلاف بين اهل العلم ولعل الراجح ان الموضوع خاص بالرجل فقط لان النبي صلى الله عليه وسلم في الحديس الذي اشتكى الرجل لم يقل له انك هتصوم واهلك هيصوموا والموضوع عند الرجل يبقى التقيؤ عمدا اه فاحيانا بعض الناس يكون مصدع اه بطنه مكركبة بتاع بيكون عنده ايه؟ شعور الغثيان ده فيتقيأ ايه؟ عمدا فيقول النبي من زرعه القيء يعني اللي يغلبه للقيء يجي له من غصب عنه فليس عليه قضاء. لكن اللي استقاء عمدا فعليه القضاء ده من الحاجات اللي طبعا خروج آآ دم الحيض والنفاس وده اتكلمنا فيه من شوية وده لو خرج قبل ازان المغرب بتلات دقايق خلاص افطر لكن الافرازات وليس يعني دم صريح فلا تتم الصوم نية الفطر واحد قال انا خلاص هفطر ونوى عزم فمن نوى الفطر قبل وقت الافطار وهو صايم بطل صومه اه والعياز بالله الردة تفسد الصوم؟ اه الردة هو في حد ممكن؟ اه ده ده كتير على فكرة ازاي اه واحد يسب الدين والعياز بالله خلاص بيتخانق في الشارع سب الدين راح صيامك. ايه كمان فواحد بيتفرج على حد من المسلسلات والافلام والكلام ده كله ويشك في القرآن او السنة والكلام ده كله وقال لك القرآن ده محرف ولا اي حاجة. راح عشان كده ايه ما تسمعوش الايه؟ حاجات كتيرة دي. طيب في حاجات بقى معاصرة فيها حاجات كتير زي ايه زي بلع الريق مسلا هل بلع الريق يفطر في حد عمال اقول سب الدين قال لك كده بنات سانوي. البنات سانوي بيسبوا الدين لو في بنات سانوي بيعملوا كده فيعرفوا نسأل الله العفو والعافية ان ليس في بيتهم رجل لان لو في بيتهم رجل رجل يعني رجل يعني ذكر خلاص ما خرجت هذه النبتة من هذا البيت اه نرجع نقول اه بلع الريق هل يفطر؟ لا ولا يفطر بلع الريق لمجرد ايه؟ البلع يعني طيب اه واحد في اسنانه بقي في خلال خلة الاسنان مسلا في خلال الاسنان واحد ايه؟ بقايا اكل وكده. ان تعمد ان هو يبلعها لكن لو بلعها سهوا فدا ليس عليه شيء طيب بخاخات الربو البخاخات البخاخات دي بيتحط فيها بصوا هو الاول المفترض اللي هي التي تجاوز اللي بتدخل الجوف من خلال الحلق. حاجة تدخل الجوف خلاص تدخل الجوف من خلال الحلق الحلق ده اللي هو ايه الجماعة بتوعت التجويد مخرج الخاء او الحاء يعني دول اخ اح عارف الحتة دي؟ اه اللي يعديها بقى. اللي يعديها ويدخل على الجوف ايه؟ مفترض في المجمل بخاخات الربو بخاخات الربو دي احنا عندنا ممكن تستعمل تلت حاجات اما تستعمل حاجة صلبة زي البودرة اللي بتتحط ديت آآ كبسولة كده فيها بودرة بتتحط في الجهاز او يكون حاجة سائلة او غاز اللي بيستعمل الغاز لا ده لا يفطر اما اللي بيستعمل البودرة او بيستعمل السائل ده يفطر. البودرة طبعا واضحة. طب انا هعرف ازاي الفرق بين السائل والغاز؟ بخ على ايدك بخة لو لقيت فيه سائل بعد ما ترش على ايدك لو لو عملت مية يبقى ده سائل. يبقى ده يفطر ما تستعملوش طيب في بعض الناس بيحطوا اقراص تحت اللسان. يكون عنده مسلا ازمة معينة ولا بتاع فيخاف فيحصل له حاجة فيروح حاططها في حادق اللسان لو ما بلعش يعني ان هو يحطها تحت لسانه وما يبلعش لغاية ايه ما تمتص الحاجة ديت لا تفطر بشرط ان هو يتمضمض وما يبلعش منها حاجة لو بلع شيء بلا قصد فلا شيء عليه معجون الاسنان يفطر والا ما يفطرش. لا لا يفطر لكن ينبغي انك تحترز كويس قوي ويبقى طب زبدة الكاكاو بردو متهترش آآ القطرة بتاعة الودن وقطرة العين على كلام المجمع الفقه اه لا ما تفطرش قطرات الازن وقطرات العين ويعني من باب الامان انك ممكن بعد ما تحط في عينك عارفين قناة دمعية اللي هي اه يعني اه في اخر العين كده انت ممكن تحط ايدك كده دقيقة بعد ما تحط عشان ما فيش حاجة تنزل في الحلق اه بمناسبة النساء المكياج لا يفطر واحد بلع النخامة واحد يعني ايه؟ اه النخامة بتاعته بلع الكلام ده. احيانا واحد يكح ولا بتاع مش عليه ايه؟ حاجة واحدة بتدوق البلغم يعني وحد اه بتذوق الطعام بتدوق الطعام عاملة الاكل وكده عليها حاجة ابن عباس بيقول لا بأس ان يذوق الخل والشيء يريده واحدة يشتري حاجة يبقى ما فيش مشكلة ان هو ايه؟ ممكن ايه اه يدوق آآ ايه تاني آآ السجاير السجاير بعيدة ان هي كمان حرام ان هي تفطر لان في جزء منها بيدخل الايه؟ الحلق اا منزار المعدة يفطر على قول الجمهور هو اشبه بالقيء العم اللي يعمله يفطر اه جهاز التنفس الصناعي ما يفطرش لان ده هوا جهاز الاستنشاق اللي بيتحط فيه بخار ومادة سايلة والكلام ده ده بيفطر طب الحقن طب ما انا قلت ان السجاير حرام اصلا انا قلت حاجة تانية الحقن الحقن آآ في مغزي في حقن مغزية اللي هي بتغني عن الاكل والايه والشرب زي محلول الجلوكوز ومحلول الملح الحاجات دي بتفطر خلاص الحقن الغير مغزية ولا تدخل من جهة الحلق لا تفطر يعني ممكن واحد ياخد مسكن حقنة مسكنة اه لانها غير مغزية وما دخلتش من الحلق الحقن اللي تحت الجلد زي بتاعة السيولة والكلام ده برضو ما تفطرش. وقلنا القطرات بتاعة الايه الودن. طيب واحد راح للدكتور الازن وعمل له ايه غسيل وعمل له ميه وبتاع الاذن مش جوف اه الكحل ما يفطرش عملية ليزك وبتاع ما تفطرش طيب المراهم وقسطرة الشرايين بردو ما تفطرش طيب الراجل بيخيط الجلد ده فتح الجلد ده ده يعمل حاجة لأ ما يحرقهاش. غسيل الكلى نسأل الله العفو والعافية. غسيل الكلى يفطر غسيل الكلى يفطر لان الدم خروجه لما خرج وعاد فعاد بغذاء فكأنه اخز الايه؟ دم. لان عشان كده من ايه؟ برضه ده هيتفرع موضوع التبرع انك تتبرع بالدم يعني في دم خرج منك ده لا يفطر لكن انك تاخد دم يفطر وبالتالي سحب عينة ما تفكرش وسحب العينة غير الحجامة في خلاف ايه بينهم يعني والحجامة على الراجح ليس في ياء فقط. طب حكم الاشعة الاشعة اللي بدون صبغة ما تفطرش اللي بالصبغة هنا بقى ايه اللي فيه الكلام يعني فتوى المجمع الفقه الاسلامي يعني هي ما تفضلش واحد بياخد عينة من النخاع الشوكي ربنا يعافينا واياكم ما يتفطرش الا لو خد جلوكوز طيب حكم آآ مسلا بعض الادوية اللي زي اللبوس والحاجات ديت توأخدوا مني من الخلف او الامام شرجي او غيره اه ما يفطرش آآ يعني ده معزم اللي ممكن تبقى الحاجات اللي ايه المعاصرة اللي مشهورة ان تلاقي فيها ايه؟ اسئلة. طبعا في حاجات من ديت فيها خلاف بين العلماء لكن حاولت بقدر الامكان اقول لكم ان الايه؟ ايه اللي بيقوله؟ المجمع فقه الاسلام. طيب مستحبات الصيام يستحب للصائم انه يراعي في صيامه وبعض الامور منها السحور لقول النبي تسحروا فان في السحور بركة بركة انك سبحان الله ان الله وملائكته يصلون على المتسحرين فنسأل الله سبحانه وتعالى ان يرزقنا واياكم هذا التوفيق وقت السحور من امتى لامتى؟ من منتصف الليل الى طلوع الفجر ده الصحوب تأخير السحور ده برضو من السنن حديس زيد رضي الله عنه يقول تسحرنا مع رسول الله صلى الله عليه وسلم ثم قمنا الى الصلاة قلت كم كان قدر ما بينهما قال خمسين اية يعني تقريبا ربع ساعة كده ومن السنة تعديل الفطر يستحب لك انك تعجيل الفطر مش تعجيل الوجبة. عارفين انتم الجماعة دول اللي يقعدوا يقولوا بس المحشي جه والايه البانيه جه وبتاع او السمبوسة وبتاع هنقعد ودي السنة والسنة ان احنا نفطر الاول يا حاج. السنة انك تفطر على تمرة تفطر. طيب انك زي ما بيقولوا كده ايه اه تبل ريقك كده وخلاص قال النبي لا يزال الناس بخير ما عجلوا الفطر الرجالة اللي هم الرجالة عادي بيفطر بتمرة كده ويفطر ويفك صيامه وبعد كده ينزل يصلي وبعدين يرجع وسبحان الله ده ابرك بكتير يعني غير ما يدخل ايه؟ جامد قوي يعني طب يفطر على ايه الاصل يفطر على رطبات. الرطب ده اللي هو التمر الاصفر فان لم يجد فتمرات وان تكون اه وتر. يعني واحد تلاتة خمسة سبعة كده فان لم يجد فعلى اه جرعات ماء. لحديس انس كان النبي صلى الله عليه وسلم يخطر على رطبات قبل ان يصلي فان لم تكن رطبات فعلى تمرات فان لم تكن حسا حسوات من ماء. حسا حسوات من ماء الدعاء عند الفطر واثناء الصيام طب انا ما لقتش حاجة افطر عليها اعمل ايه؟ انوي الفطر خلاص انا نويت الفلتر انا مسافر ولا راكب العربية ولا في الطيارة مش لاقي اي حاجة اكلها ولا الاقي حاجة اشربها اعمل ايه؟ خلاص نويت الفطر. مش احنا قلنا الموضوع بالنية ده انت انت اصلا بتنوي الصيام بالنية يعني واحدة الساعة تلاتة الفجر والفجر باقي عليه عشر دقايق راحت نوت قالت ايه؟ انا كان علي الصيام انا هصوم النهاردة اللي هو بكرة مسلا اللي يوم السبت ده ولا الحد. قالت انا هصوم يوم من اللي علي فده خلاص بالنية ديت صامت صح؟ اه كزلك احنا بنقول بالنية زي ما قلنا من شوية ان الفطر واحد عزم على الافطار. نوى ان انا خلاص انا فطرت. حتى لو ما لقاش ماية فاهمين فنفس الكلام هنا واحد ما لقاش حاجة ياخدها لا لا اطم رطب ولا لقى تمر ولا لقى حصوات من ماء حسوات يعني الماء يعني آآ آآ قطرات من ماء اي ميه يعني يعني فبلاش الماية دي سبحان الله الدعاء عند الفطر من آآ المستحبات ليه سبحان الله موضوع النية هنا؟ فان لم يجد شيء نوى الفطرة بقلبه كأن الشرع لا يريد تعذيبك واحد مسافر ولا واحد في الطريق ومش لاقي ميه ولا لاقي اكل ولا لاقي اي حاجة لانه متعزب بقى انا لسه ما صمت انا لسه ما فطرتش انا لسه مش عارف ايه وده انه ايه قاعد امال يفرك في نفسه وبتاع وانا فاتني التعجيل وفاتني اخز بالليل لا لا يا سيدي الموضوع بسيط خالص الله يريد قلبك لا يريد تعذيبك اه من المستحبات الدعاء عند الايه؟ عند الفطر. واسناء الصيام برضه. لقول النبي صلى الله عليه وسلم ثلاثة لا ترد دعوتهم. الصائم حتى اه يا سلام! حتى يفطر. وبعدين في عنده حتى يا يبقى الصائم طول النهار وعند الفطر طول النهار وعند الفطر من المستحبات الاكثار من الصدقة وتلاوة القرآن وتفطير الصائمين ودي عبادة للاسف للاسف للاسف تلاقي كتير من اهل الاستقامة اللي بيدعوا ان هم عاوزين يركزوا في رمضان بيفوتوها يعني او العبادة دي منتشرة جدا بس تلاقيها ايه من الناس العادية لكن اهل استقامة لا اصل انا مش فاضي. رمضان ده لي انا بس انا مش فاضي للقصص دي شف كان رسول الله اجود الناس بالخير وكان اجود ما يكون في رمضان حين يلقاه جبريل. شوفوا اثر لقي رسول الله ولقي القرآن. ركزوا وكان جبريل يلقاه في كل ليلة من رمضان ديت من العبادات المهجورة ان جبريلك فين هو؟ مين اللي ايه؟ اللي كل يوم بتقعد معه كده عشان ايه؟ للقرآن. كان يلقاه في كل ليلة من رمضان. فيدارسه القرآن فيدارسه القرآن في شغل قرآن رمضان ده يا جماعة شغل التوسيق توثيق العلاقة والارتباط بالقرآن مش شغل مجرد التلاوة. التلاوة ده طول السنة انت بتقرأ القرآن هنا في رمضان بقى لأ شغل التألق والتأنق حتة شغل خاص هنا مع كتاب الله فيدارسه القرآن. قال رسول الله صلى الله عليه وسلم حين يلقاه جبريل اجود بالخير من الريح المرسلة. يا سلام على الجمال انس بيقول ان عباس بيقول لنا ان النبي صلى الله عليه وسلم اصلا هو اجود الناس. وهو اجود واحد. اجود واحد دايما يجود بايه؟ بالخير على الناس بكل اعمال البر. ده اجود واحد وكان بقى اجود ما يكون في رمضان. بيبقى في رمضان حاجة بقى ايه ما قلكش خاصة حين يلقاه جبريل. تحس بالليل بقى الجود بيتغير تغير رهيب. انتم فاهمين فاهمين التدرج اللي يقولوا ابن عباس ابن عباس بيقول لك هو اصلا اعلى واحد وبيجي في رمضان بقى اجود ما يكون. بيكون بقى يعني عارفة كده ييجي واحد يقول لك جاب اخره اه بيبقى اعلى واعلى امتى؟ حين حين يلقاه جبريل وبعدين عاوز يقول لك ايه؟ والموضوع ما كنش ليلة. لأ كان جبريل يلقاه في كل ليلة فيدرسه القرآن. فكان النبي بيطلع من المدارسة ديت بايه؟ بالشحنة دي طلع بيه فلرسول الله حين يلقاه جبريل صلى الله عليه وسلم اجود بالخير من الريح المرسلة. عارفين الريح المرسلة يا دوب فيها المطر؟ بتنزل على الجميع. مش ناس وناس. بيقول لك النبي صلى الله عليه وسلم بيبقى الخير بتاعه كده والعلماء يقفوا وقفات يطيروا ويا ترى ان المدارسة هي اللي هييجي في قلب النبي على العطاء والانفاق هو ده يا جماعة الخير هو ده الاسر الحقيقي للقرآن يعني لو في واحد النهاردة قال انا هقفل على نفسي وهركز مع القرآن في رمضان. والله ليطلع لو فعلا لو والله لو القرآن اسر فيه ليطلعه واخدين بالكم؟ لازم القرآن يفجرك. يفجر الانهار في قلبك. يفجر الانوار والانهار والخير والعطاء. هتلاقي نفسك لازم بتطلع خلاص بتشع زي الريح المرسلة لو فعلا القرآن اثر فيك. لو انت فعلا اثم مع القرآن. القرآن يأبى انك تقفل عليه لا القرآن تقفل عليه بالنهار بالليل عشان النهار سبح طويل يبقى تحتك على طول اول حاجة ان القرآن بيهيجك يبهجك الحاجة التانية بقى يقولوا يا ترى ان القرآن هو اللي عمل كده في النبي صلى الله عليه وسلم ولا ان النبي صلى الله عليه وسلم بسبب الانهار اللي كانت في قلبه من المدارسة دي والنفحات دي حب يشكر فخرج الجود وجود الحب والشكر فاهمين يعني يا ترى الخير اللي طلع ده هو بيعبر عن جمال النفحة اللي دخل قلبه. فبيقول لا انا لازم اشكر انا بعد ما خدت كده ان انا خدت امبارح بالليل انا لازم اتحرك زي ما انت كده عشان كده اما بتطلعي من التراويح تلاقي نفسك كده ايه عندك هيجان على الخير عندك تألق وعاوزة تحلقي في اعمال البر اما بتصلي تراويح وتهجد والكلام ده كله تلاقي نفسك كده سخن عاوز تتحلق تحلق. طب السبب ايه؟ هو سبب ان القرآن رفعك بسبب الرحمة اللي نزلت عليك بعدما انصت لكتاب الله ففيه رحمة غشيتك. هذه الرحمة غطتك. فخلتك انسان والرحمة ديت يا جماعة عاملة زي ايه ايه اللي بيقل الا لو انت حطيته في المية بيترفع فوق ما ينزلش في حاجة كده لو نزلت عليها الماية بانها ترتفع ترتفع ترتفع ترتفع. ايه هي؟ زي السفنجة مسلا. خلاص زي السفنجة طبقات الزيت لو انت الزيت كده وحطيت الماية ترتفع هو القرآن بيعمل فيك كده. القرآن ينزل عليك يرفعك يرفعك يرفعك. كل ما ينزل ترفض تترفع فانت مش عارف ايه اللي بيرفعك؟ هو القرآن. قاعد يرفعك يرفعك يرفعك. فده اول حاجة. الحاجة التانية انك بتطلع من التراويح والمتعة اللي انت خدتها اقسم بالله لازم ايه؟ لازم اشتغل انا لازم اشكر هتشكر ازاي بقى؟ هتكون في حتة تانية. عشان كده الاكثار من الصدقات وتلاوة القرآن وتفطير الصائمين وسائر اعمال البر مستحبات الاجتهاد في صلاة الليل وبالاخص في العشر الاواخر من رمضان. لان النبي اذا دخل العشر شد مئزره واحيا ليله واقيقز اهله. خلاص الموضوع في حتة تانية خالص من ضمن المستحبات الاعتبار في اه اه في رمضان قال عمرة في رمضان تعدل حجة مع النبي صلى الله عليه وسلم. يا سلام وقول اني صائم لمن يشتتك واذا كان يوم صوم احدكم فلا يرفث ولا يسخن فان سابه احد او قاتله فليقل اني امرؤ صائم انا صايم طيب في مكروهات للصيام؟ اه في مكروهات للصيام. زي ايه؟ المبالغة في المضمضة والاستنشاق وبالغ في الاستنشاق الا ان تكون صائما. فيه سؤال جميل النساء تصلي في البيت ولا تصلي في المسجد بصوا يا جماعة قاعدة القواعد ان الصلاة في البيت افضل للمرأة في المساجد. ده الاصل. ماشي؟ اه. ولكن هذا الاصل لابد ان يراعى في سياق. ايه هو السياق لما نيجي نشوف ان احنا النهاردة المرأة ايمانيا وقلبيا لما بتنزل التراويح والتهجد في الوقت اللي احنا فيه تتغير تماما وبتروح في حتة تانية خالص فايمانيا قلبها يحلق فقاعدة تسمع قرآن لكن اما بتصلي في البيت ممكن اصلا تصلي الصلوات وهي ايه الدنيا فيها هدوء وبرود وواحد مشغل التليفزيون وده بيلعب وده بيعمل ففي مشتتات فالاصل الاصل الصلاة في البيت ان كان ثم القلب حاضر ويحلق فان القلب لا يحضر ولا هي عارفة تفهم ولا عارفة مستمتعة وبتنام وبتتاوب وبتاع والكلام ده كله وتنشط في المسجد فالمسجد ماشي؟ ده امر مهم جدا زي الصلاة ايه؟ رايحة تعمل عمرة هي قاعدة في الفندق تنزل تصلي في المسجد النبوي ولدنا قاعدة في الصد فوق ففي في ضابط لازم يراعى. ما ينفعش بقى ان حضرتك تمسك الاحاديس ديت وتدنك اتراء تقول لزوجتك على فكرة الصلاة في البيت افضل. الصلاة في البيت افضل. طب مين اللي قال لك كده؟ تقول ايه؟ يقول لك النبي صلى الله عليه وسلم طب يا سيدي النبي صلى الله عليه وسلم قال لك ولا تمنعوا اماء الله مساجد الله. بس كده ما تمنعهاش تسيبها هي قلبها هناك خلاص خاصة في الزمن اللي احنا فيه ده هل تضمن في الزمن اللي احنا فيه ده؟ احنا مش في الجو الهادي يا جماعة في المدينة المنورة وزوجتي وهي قاعدة في البيت ما شاء الله سكون الليل وهدوء الليل وسمعة وبتاع وقرآن والدنيا جميلة وفي لا الموضوع صعب الموضوع صعب. فكل واحد يرجع بقى فيه واحد اصلا اه يقول لك انا لبيتي افضل. جميل. هو ده اصل يا جماعة احيانا بيكون الموضوع راجع للمود يمكن برضو في واحد اصلا ما بيحبش يحتك بالناس. فيقول لك البيت افضل وفي واحد بيكون مش حواليه مسجد اه جميل اه صوت قارئ طيب في مسجد مقيم على السنة في مسجد اه في مصلى يليق بنساء امة محمد صلى الله عليه وسلم السماعات كويسة السجاد كويس ففي مش عندهم حاجة زي كده. وزلك من الصدقات الجميلة والحسنات الجميلة انك تهتم بمصلى النساء حتى اذا دخلت المرأة كان احد الافاضل يقول لي انا بتدين الى الله ان انا بهتم ببيت الله. اهتمام يفوق كل الايه البيوت التي حوله ويقول لي انا لي نية ان الحياة مليئة بالضجيج. الحياة مليانة ضجيج ومليانة تعب ومليانة مشقة. فاريد ان من دخل المسجد يشعر بالسكينة والراحة اذا حصل توترات في البيت فما هو الا ان يدخل المسجد فيرتاح بيقول لي فلا اريد ان ازعجه بصوت سماعة بتوش. ولا مروحة بتعمل كزا ولا تكييف بينقط. ولا مش عارف صوت اطفال مش عارف ايه انا اريد ازا دخل بيت الله يرتبط عنده ارتباط شرطي ان هذا ثم مكان السكينة فيسمع صوت جميل وبتاع والكلام ده كله ممكن تلاقيه كان بيصرف في السماعات احيانا كان بيعدي من مية وخمسين الف ودي كانت نيته بيقول انا عاوز مصلى النساء ان النساء لو دخلت المسجد تحس كده ان هي احسن من بيتها السكينة والهدوء والنضافة والكلام ده كله هتحب بيت الله فتبدأ ترتبط عندها السكينة والهدوء ببيت ربنا. فتقول والله انا من احلى ايامي ثم كنت مرتبطة بالمسجد. في ناس بقى عندها النعيم العالي ده والنوايا الجميلة دي نرجع نقول من مكروهات الصيام واحد المبالغة في المضمضة لان النبي صلى الله عليه وسلم قال وبالغ في الاستنشاق الا ان تكون صائما. يعني انك تستنشق تلات مرات دي من ضمن المبالغة. يكفي مرة واحدة آآ القبلة لمن تتحرك شهوته. واحد لا يملك آآ نفسه. فبنقول له ابتعد عن هذا الباب. آآ بلعاني النخامة ان استطاع انه ايه واحد زي البلغم وكده ما قدرش آآ مش لاقي مكان خلاص لكن لو لقى مكان يفضل انه ايه؟ لا يبلع آآ ذوق الطعام لغير حاجة. واحد بقى رايح جاي يدوق البسبوسة وريني كده يا امي عشان اشوفها وكل شوية ايه قاعد عمال يتمحك فيها. لأ الاصل انك ايه تبعد مم الدرس ده ما كنش درس فقه بمعنى الفقه يعني هو كان بس اطلالة سريعة عشان انا عارف ناس كتير ممكن تكون آآ ما درستش قبل كده فقه والحاجات ديت فكان يتمنى لو ان احنا ايه نعدي سريعا. فلعل ان شاء الله الاطلالة السريعة ديت تكوني مفيدة لبعضكم. ويكون من ضمن الاستعداد لان احنا دايما بنستعد لرمضان قلبيا وبتاع. وانا قلت لكم قبل كده في اللقاء العام الماضي ان لازم يكون في قدر من الاستعداد العقلي ومن ضمن الاستعداد العقلي انك تتفقه في الدين يكون عندك خلفية بالزكاة بالصيام بموضوع تكافؤه ان شاء الله ممكن نتكلم فيه في اسناء رمضان. ربنا يعيننا ويعينكم ويسددنا واياكم. وجزاكم الله خيرا. واسأل الله ان يتقبل مني ومنكم صالح الاعمال. والسلام عليكم ورحمة الله وبركاته