ويقول لك لأ انت جاهل وما بتفهمش ومش عارف ايه والكلام ده وحوارات كتيرة قوي وقاعد عمال تدوس معهم والكلام ده عشان ايه يعني ما خلاص واضح ان انتم دخلتم في حتة من الشخصيات اللي هيكون من اشبه الناس بخوات ابن جبير وهييجي معنا اخوات تقريبا اللقاء اللي بعد القادم ان شاء الله المقداد ده شخصية النبي صلى الله عليه وسلم بيحبها جدا السلام عليكم ورحمة الله وبركاته الحمد لله رب العالمين وله الحمد الحسن والثناء الجميل. واشهد ان لا اله الا الله وحده لا شريك له واشهد ان محمدا عبده ورسوله. وبعد نعودا حميدا واسأل الله سبحانه وتعالى ان يفتح علي وعليكم اه هذه اللقاءات وهي في قصصهم عبرة هنتكلم عن حكايات حكاها النبي صلى الله عليه وسلم وهنتكلم عن شخصيات رباها وصنعها النبي صلى الله عليه وسلم. صنعت على عين النبي صلى الله عليه وسلم هذه اللقاءات هيكون فيها جو من التبسط شوية استهدف فيها الشباب والفتيات بيستهدف فيها الوالدين المستهدف فيها المربين فهي دردشة ممكن نسميها بقى جلسة العصر الرمضانية فاسأل الله سبحانه وتعالى ان يفتح علي وعليكم هنتكلم فيها عن بعض الحكايات سواء كانت حكايات حكاها النبي صلى الله عليه وسلم او اه مواقف حصلت اه مع اصحابه رضي الله عنهم. اولا نتكلم عن شخصيات رباها النبي صلى الله عليه وسلم طبعا ليس الهدف ان احنا بنحكي حدوتة لا احنا بنحكي عشان نقتدي ونتأسى بهؤلاء بل ان الحكايات عن السلف الصالح جند من جنود الله. يثبت الله بها قلوب اولياءه كما نسب ان ابا حنيفة كان يقول هذا فميزة الحكاية ان هي بتقربكم قوي قوي من آآ محاسن هؤلاء واخلاق هؤلاء واداب هؤلاء. لدرجة ان الامام ابو حنيفة نفسه كان بيقول ان الحكايات عن العلماء احب لي من كسير من الفقه لانها اداب القوم واخلاق القوم الهدف من الامر ده ان انا مش هكون مجرد ان انا بحكي للخير وبس. لأ اللي انا اقتدي بالخير ده كن بالخير موصوفا ولا تكتفي ان تكون للخير واصفا في فرق كبير انك تظل تصف الخير وفي فرق انك تبدأ تطبق الخير وتكون ايه؟ موصوفة فنسأل الله ان يسددنا واياكم. في حد بيسأل بيقول هل ممكن اطفال سن ست سنوات يسمعوا معي ويشرفونا طبعا هيكونوا زينة المجلس فربنا يحفزهم ويبارك فيهم. فكن بالخير موصوفا ولا تكن للخير واصفا وفقط لان يا جماعة حرف الواو هو الراء والدال الجملة دي الواو والراء والدال الحروف ديت. هل هنشم منها رائحة الورد هل احنا هنشم منها من الحروف دي رائحة الورد؟ مش هنشم منها رائحة الورد فمجرد الحدوتة فقط لأ احنا بنحكي عشان يكون في دايما في ترجمة للحكاية ديت مارس ابن دينار كان بيقول كلمة جميلة قوي بيقول ان الحكايات تحف الجنة اي تجعلك تعيش كانك ايه محفوظ وفي الجنة وحولك تحف منها وكان الجنيد يقول ان الحكايات دي جند من جنود الله سبحانه وتعالى وان القصص وانك تعرف القدوات جند من جنود الله يقوي الله بها ايمان العباد. فقالوا له هل في دليل على الكلام اللي انت بتقوله ده اهو في جماعة كده بيبقى ما شاء الله دايما بيفكروا ايه الدليل؟ الناس اللي بيحبوا النبي وبيعزموا قوي النبي صلى الله عليه وسلم ما بيسمحوش ان اي حد يوجههم. لأ اي حد يسأله يقول له اي حاجة يقول له جزاك الله خيرا على النصح. لكن هل من دليل هل العلماء قالوا الكلام ده النهاردة اللي بيشتري حذاء اعزكم الله اللي بيشتري تيشرت اللي بيشتري اي حاجة بيتأكد وده انه يسأل بقى الناس اللي مهتمة قوي يقول له آآ انت ايه رأيك في النوع ده والكلام ده؟ فبيتحرى في اللبس ده طب احنا مش هنتحرى لدينا ده ولا ايه عقلك ده ما تسمحش لاي حد يلعب فيه وقلبك ده ما تسمحش ان فيه اي حد يلعب فيه اي حد يقول لك اي حاجة اه حاول تعرف الكلام ده؟ ايه الدليل بتاعه لان النهاردة في سموم منتشرة كتيرة جدا في الجو ناس كتير بترمي شبهات وبترمي اشكالات وبترمي شكوك في عقول الشباب وفي قلوب الشباب. فما تسمحش ان في حد يرمي في قلبك ولا في عقلك بلاش تخلي قلبك ده او عقلك ده عامل زي عفوا يعني مكان القمامة. اي حد معه اي حاجة يرمي. اي بوست كده آآ في شاب واحد جايب عربية جديدة فملطخها بالدم كده عارفين انتم الناس اللي بيكون عندها اللي في اعتقادات الارضية دي. فهو جايب بايده كده وحطها عليها الدم وايه عامل بقى خمسات كده على العربية ففي شاب صغير عشر سنوات بيسأل قريبه ولد كبير في تالتة اعدادي بيقول له هو ليه عامل كده؟ قال له ده سنة عن النبي فانا مسكت ودنه كده وقرصته فبقول له ايه؟ انت جبت الكلام ده منين فالولد الصغير بهزار كده قال له هو كان ايام النبي فيه عربيات اصلا عارفينها تقول لي ان سنة بيجيب عربية كان بيعمل كده. فالتاني راح ايه؟ حط ايده على راسه كده قال له صح فهو سبحان الله مهم اوي ان يكون الشاب يكون عنده صاحب اه مهارة وصاحب طريقة تفكير ان بيحلل المعلومة التفكير النقدي مجرد النقدي ده مش مجرد ان هو يرد الحاجة لأ يحللها يحاول يشوفها ايه الايجابي اللي فيها ايه الصح اللي فيها وياخده اي حد يقول له كده وبتاع والكلام ده يكون راكب العربية بتاعتك وشايف لمبة البنزين قاعدة تنور فبالليل بقى واحد يقول لك هو ايه ده فهو بقى مش فاهم ما يقولش مش فاهم انا مش عارف هسأل حد. يقول له لا دي حاجة كده تقريبا والله اعلم يعني انا ما بفتيش بس يعني تقريبا الله اعلم. دي حاجة كده ايه بتونسنا الطريقة لان بالليل الانسان بيحس بالوحشة. ويبدأ بقى يعمل فيها الانسان العميق الانسان في الايه؟ الفيلسوف فخلي بالكم يا شباب من الشباب اللي العميقة دي فهو بيقول له هل في دليل على الكلام اللي انت بتقوله ده ان الحكايات بتقوي القلب فعلا قال له اه قال الله سبحانه وتعالى وكلا نقص عليك اي نقص عليك يا محمد من انباء الرسل من قصص الرسل الانبياء ما نثبت به فؤادك ميزة القصص دي بتخليك دايما انك ايه قريب اوي وبتعرف اه حاجات كتير بتتعلمها عن دينك وقيم بتربط قوي على قلبك فبتحس ان انت ايه خلاص لا انت مستوعب الايه وعنوان الدرس في قصصهم عبرة. يعني ايه في قصصهم عبرة يعني ايه كلمة عبرة؟ عارفين العبرة؟ يقول لك فلان يا عيني ده قاعد بيبكي ده واحد يقول لك ايه اللي مخليه كده عنده عبرات؟ يعني العبرة دي اللي هي الدمعة. صح سميت الدمعة عبرا لانها تعبر من داخل العين الى الخارج فسميت عبرة وتلاقي ان الكباري يقول لك الكوبري ده كوبري العبور خلاص ممشى العبور يعني الناس بتتحرك عليه من مكان لمكان فيعني ايه بقى في قصصهم عبرة؟ عبرة ديت يعني انت بتاخد من القصة موقف وتعبر بي وتطبقه في حياتك وتستفيد به في حياتك واصل ليكم الموضوع بتاخد الفكرة وتعيش بيها زي مسلا القصة اللي ايه مشهورة جدا سواء كانت قصص رمزية او قصص حقيقية. من القصص الرمزية المفترضية ان الخنزير قال للاسد تعال اتخانق مع معايا وتعال نتصارع ونشوف مين فينا اللي يكسب فالاسد طبعا يعني يا ابني انا ما بحبش ادخل الخناقة مع الايه مع الحاجات ديت. فالمهم هو اصر فلما اصر الخنزير هو الاسد فالاسد رفض خالص فالخنزير عاوز يستفزه يعني فقال له ايه قال له لو انت ما دخلتش معي في المصارعة دي انا هاقول قدام الناس كلها في الغابة ان انا طلبت ان انا ادخل في آآ مسابقة مع الاسد. والاسد جبن ان يصارعني. لان الاسد خاف مني الجملة ديت مؤزية صح؟ الجملة دي مؤزية مش اي حد يستحملها ان الناس تطلع عليك اشاعات كده مرتبطة بالجبن يعني. وكلام استفزازي كده بس تاخد ايه من الخنزير يعني؟ الاسد قال له كلمة مهمة اوي قال له ايه؟ قال له احتمالي لكزبك اهون علي من ان تتلطخ يدي بدمك بيقول له لا انا اتحمل الكدب بتاعك وانك تقول الكلام اللي ما لوش اي لازمة ده. احسن بكتير ان ايدي تتلطخ بالدم بتاعك وانا بضربك. فدي بتكون عبارة عن ايه دي دي قصة اهي صح؟ انت عاوز تاخد منها الخلاصة. الخلاصة ان في مشاكل كتير الداخل فيها خسران في نقاشات كتيرة لو دخلتها هتخسر حتى ولو كسبت جميل فخليك دايما اسد كده عندك شعور الايه؟ العزة كده. يعني نقي المعارك اللي تخشها. نقي النقاشات اللي تخشها يعني دي كده حاجات خلي عندك ايه يعني ترفع مش كل حاجة ايه خشوا على فكرة الكلام ده هنلاقيه في البيوت وهنلاقيه في الاسر وهنلاقيه مش عارف ايه والكلام ده كله المفهوم ده المفهوم ان الانسان يختار النقاشات اللي يدخل فيها النقاشات الجادة النقاشات اللي تبنيك وتسريك وترقيك مش اي نقاش يعني تدخل كده على الصفحة بتاعتك بتتخانق بقى وحوارات كبيرة قوي. ايه؟ عشان ايه؟ عشان مسلا آآ العربية دي نوعها ايه وخناقاته التغافل فيها ده يدل على نبلك. انك انسان نبيل لان دي حاجة ايه؟ عالية يعني. النهاردة هنحكي قصة كلكم عارفينها والقصة ديت كلكم تقريبا عدت عليكم كده. لكن خلونا نحكيها من باب وازكر في ان الزكرى تنفع المؤمنين. وبرضو في نفس الوقت لعلنا اه نستفيد منها فوائد اخرى ان شاء الله القصة دي صاحبها شخصية ابداعية مرحة جدا شخص مرح آآ الشخص ده آآ كان بيعمل مواقف كتير فيها تلطف مع النبي صلى الله عليه وسلم. وكان عفوي جدا يعني. والشخصية ديت هو مر بموقف في الموقف ده وسبحان الله اتحط في في وقت في حاجة محرجة جدا مع النبي صلى الله عليه وسلم فهنشوف وهو لما مر بتلات مراحل. المرحلة الاولى مرحلة انه عمل زنب او اخطأ المرحلة التانية مرحلة ان الشيطان قاعد يعاتبه على الخطأ ده. المرحلة التالتة ازاي هيحل المشكلة دي؟ ودي قصة وكلنا بنقع فيها يوميا تقريبا وهي قصة المقداد المقداد ده شخصية جميلة قوي وكان هو بيحب اه دائما يدخل السرور على النبي صلى الله عليه وسلم ببعض المواقف. احيانا كده تلاقي ان في بعض الشباب في البيت لان بيحب يهزر مع والده. بيحب يهزر مع اخوه الكبير. بس الهزار الصحيح الهزار الصحي هي بتهزر مع مامتها. بتهزر مع اختها بس الهزار الصحي اللي مش مشارك لان في بعض الناس اما بيجي يهزر هزاره غير جيد يعني الهزار اللي فيه استعمال الايد واللي فيه التهكم واللي فيه في الاخر خالص ايه الهدف من الهزار؟ انك تيجي تهزر معي. ايه الهدف؟ انك بتدخل السرور علي. صح؟ انك تفرحني ان نوع من انواع المعايشة نوع من انواع الود طيب اما انت النهاردة تطلع علي لفز وتقول لي انت بتهزر معي. واللفز ده بيأزيني نفسيا. انت كده بتهزر معي! اما بتستعمل ايدك حتى لو انا ضحكت انت كده بتأزي نفسيتي وبتسحب من الرصيد خلي بالك والنقطة دي مهمة قوي قوي انك بتسحب من الرصيد كل واحد له رصيد عند التاني يعني انا علاقتي بيني وبين اخويا فيها رصيد. الرصيد ده فهو شاحن عندي مجموعة من المواقف مجموعة من الود مجموعة من حاجات كتيرة جدا. اخويا اما بيعمل موقف واتنين ويكونوا فيهم قدر من الخشونة بيسحب من الرصيد بتاعه عن فقعد يسحب يسحب يسحب في يوم من الايام هيجي يعمل موقف مش هيلاقي رصيد النهاردة اما عملت معي موقف انا عديت ليه انك ليه الجميل علي آآ انت ما تقصدش. انت ما شاء الله عملت معي كزا وكزا وكزا وكزا ففي حاجات كتير جدا آآ انت مخزن عندي رصيد. لكن اما تسحب مرة بالتنمر مر بالاستهزاء مرة بالسخرية مرة بالضرب مرة بموقف بايخ مرة مرة حتى لو احنا بنهزر وبنضحك هيجي في وقت من الاوقات هنفجر فيك وصدقني لما هنفجر فيك بيحصل تراكمات. التراكمات دي لها ما بعدها. انت بتكون شايفها ان هي بسيطة. بس قدام الموضوع هيختلف في يوم من الايام حسيت قلت انا ليه اخويا مش بيحكي لي زي ما بيحكي لفلان انا لي اختي ليه بتاخد راحتها جدا مع المعلمة ومش مش بتحكي لي؟ اه. احد الاسباب احد الاسباب وليس هو السبب الوحيد. بس احد الاسباب المركزية لان الرصيد خلص ان الرصيد بتاع الامن والامان خلص ورصيد السرية. انتم عارفين برضه اما تكون انت عندك يعني في ناس يا جماعة اللي هو يكتم السر ده دول ناس معدودين تقدر تعدهم كده خمسة ستة في العالم تقريبا دلوقتي في العالم بتاعك يعني يعني في المحيط بتاعك انت تعرف كم واحد مهما اتكلمت معه وما قلتلوش ان ده سر ما يتكلمش ابدا مع اي مخلوق في ناس يقول لك الحاجة الوحيدة اللي هو ما عملهاش ان هو ما عملش مداخلة مع الجزيرة وحكى الموضوع بتاعي بيقول لك الحاجة الوحيدة اللي انا ما شفتهاش له يعني الصراحة يعني بس قال لي تيتة ولا واحيانا يقول للي قدامه كل حاجة الا ان هو ايه يعني آآ النهاردة العصر هم راحوا على فكرة ورنوا علي عشان اجي يعني بس انا قلت لأ بقى ما ارضاش اسيبك وكده. طب ما تقول له بقى يقول لك انا ما قلتش اسمك على فكرة. يا سلام عليك طب ما انت عارف ان الدواب اللي ماشية في الشارع عرفت انت بتتكلم على مين يعني فالمعنى ده مهم قوي يا جماعة الناس اللي بتحفز السر دي وعلى فكرة النبي صلى الله عليه وسلم قال لنا كلمة جميلة جدا قال لنا النبي صلى الله عليه وسلم ازا التفت اخوك فهي امانة. يعني انا باكلمك دلوقتي. وانا باكلمك انت حسيت مني ان انا صوتي بيوطى. باوطي صوتي شوية وبصيت يمين وشمال كده عشان اتأكد ان ما حدش بيسمعني. انا ما قلتلكش ان ده سر. انا ما قلتلكش ان ده سر النبي صلى الله عليه وسلم يقول ازا التفت اخوك فهي امانة خلاص امانة يعني ايه؟ ما ينفعش تنقلها بقى انت لازم يكون عندك الوعي ولو حصل ايه ما تقولش الا بفتوى تستفتي حد يكون فاهم تقول له دلوقتي انا والدتي بتقول لي اخوك قال لك ايه. ينفع اقول لها ولا لأ لان هو موضوع خاص جدا في كزا وكزا يبقى الموضوع بيتوزن ميزان الدهب. تعرفوا حد كده في حياتكم؟ تعرفوا ناس كتير كده في حياتكم انك تقول له الجملة ما تطلعش منه ولا هو عامل زي الاوضة الازاز؟ الجملة من هنا بتتقال نشر التسعة. نشر التسعة ايه؟ ده بيبقى فيه عاجل على الصفحة على طول. واحيانا يروح داخل على جروب فيه عشرة. يقول لهم يا جماعة الكلام ده خاص بكم انتم بس. بكم انتم بس؟ ويقول لك انا ما قلتش لحد. هو احيانا في ناس بيقول لك انا ما قلتش لحد وبيبقى قاصد قاصد ان فيه واحد اسمه حد هو ما قالوش قعد كده في واحد اسمه محمد واحمد وها عمرو. هو يقصد بقى ان ان في واحد ربنا خلقه كده وهم مسميينه في البيت حد. يقول لك انا والله ما قلت لحد. هو يقصد ايه بقى يقصد الشخص ده بس انه يكون قال له طوب الارض. آآ الشخصيات دي غالبا عشان برضو هو يبقى عارف نفسه لو ان منكم واقع في الحتة ديت. اما تكبر شوية هتلاقي كل اللي حواليك العلاقة بتاعتهم والكلام بتاعهم الكلام الزاهر السطحي. عمرهم ما هيخصوك بكلام عميق وعمرها لان يستشيروك مهما كنت كويس ومهما كنت عاقل ومهما كنت حاجات جميلة قوي ليه؟ لان الصفة دي مؤزية جدا لكل انسان. ما حدش يستحملها خالص. ان كل حاجة كده تروح قايلها لأ. ودي مش صراحة. هذه وقاحة المهم تعالوا نرجع بقى لصاحبنا رضي الله عنه وهو المقداد المقداد ده المقداد ده انسان جميل جدا. بيقول اقبلت اقبلت انا وصاحبان لي وقد ذهبت اسماعنا وابصارنا من الجهد. يقول انا جاي انا ومعي اتنين بقى ايه يعني جسمنا متبهدل وعينينا خلاص من الجهد تعبانة خالص. تعبانين اوي. الناس دي يا جماعة كانوا اغنيا اوي خلي بالكم لكن لما هاجروا المدينة وسافروا لتكتحل اعينهم برؤية النبي صلى الله عليه وسلم وان يعيشوا مع النبي صلى الله عليه وسلم وضحوا بحاجات كتيرة جدا. كان من ضمنها ان هم ضحوا باماكن المجد بتاعهم وبيوتهم انا هسألكم سؤال لو انت عرفت دلوقتي وحضرتك عرفت دلوقتي ان النبي صلى الله عليه وسلم احياه الله وهو في المدينة حاليا هل هيكون من اهتماماتك الاولى وترتيباتك الاولى انك تسافر له مش ان بابا يقنعك وان ماما تقنعك لأ انك انت اللي قاعد ترتب انا اعرف ان في شباب دلوقتي عاوزين يسافروا وروسيا ويكملوا الدراسة فيها ربما يكون شغفهم بروسيا اكتر من شغفهم ان هما يسافروا لو النبي صلى الله عليه وسلم كان موجود طب لو انت صادق وبتقول لي الكلام ده صحيح. اما تروح تقابل النبي صلى الله عليه وسلم. وتطير وتكون على هناك. هتكوني ماسكة برضو الموبايل بتاعك وكل شوية قاعدة ما انت تابعي الانستجرام والكلام ده وانت قاعدة اربعة وعشرين ساعة كده معهم وتبقى ايه؟ هتبقى مشغولة بالكلام ده. وانت هتبقى مشغول وانت قاعد مع زيد. والبراء قاعد تقول لهم ايه؟ ما في حد معه الشاحن عشان انا عندي دور في بابجي كده عاوز اقفله ممكن يكون ده وهل الموضوع هيبقى مش من مش من الذوق انك تعمل كده ولا الموضوع هيبقى لا من حاجة تانية ما تعملش كده؟ عموما اللي مشغول بالحاجات دي هو المفترض انا مش هقول له بقى موضوع الشرع والحكم الشرعي ايه؟ لان يعني احنا مش في الدايرة دي دلوقتي لكن اقول له خلي بالك انك عقلك بيتسرق وهتعيط كتير وهتندم كتير عما تكبر وتكبر دي يعني مش هيبقى عندك عشرين سنة لأ لما تكبر ديت اما تكون عندك خمستاشر سنة هتندم وهتدنك تاكل في نفسك وما حدش هيحس بك. لانك هتلاقي ان عقلك ضعف. هتلاقي ان عقلك بدأ يضعف وهتلاقي انك اتجوزتي وبقيتي عروسة وبقيتي ما شاء الله وبتفتحي بيت ومش فاهمة حاجات كتيرة جدا جدا من ابجديات الحياة. وعقبال ما تفهميها از كوني دفعت كتير من فواتيرك. واللي متجوزين دلوقتي وبيسمعوني عارفين انا بقول ايه. فهو بيقول انا اقبلت على النبي صلى الله عليه وسلم وقد زهب بدء اسماعنا وابصارنا من الجهد فجعلنا نعرض انفسنا على اصحاب النبي صلى الله عليه وسلم كلنا بقى نحاول بقى يعني ايه عارفين كده نلمح بقى ان احنا نحاول نقرب كده فنسلم على ابو بكر وعمر ماشي نسلم عليه فاذا ولا واحد منهم يهتم بنا. ليس احد منهم منهم يقبلنا. ليه؟ ما هو كلهم برضه ايه؟ بسطاء. وما حدش معه حاجة يديها لهم. نفسهم ان هم يديهم بس ما فيش ما فيش حاجة اديك ايه فاتينا النبي صلى الله عليه وسلم فانطلق بنا الى اهله. فاذا سلاسة اعنز بيقول اول ما رحنا للنبي صلى الله عليه وسلم خد باله على طول. مهم قوي انك تكون لماح. مهم قوي انك تكون لماح احيانا تكوني في البيت وتحسي ان مامتك تعبانة وقايمة من النوم كده زورها وجعها بلاش تعملي نفسك يعني ايه مش عاوزين نقول من ايه يعني البلد دي اتزلمت كتير. المهم بلاش تتغافل يعني حاول تكون لماح على طول تقول لوالدتك يا امي خلاص انت لأ ريحي يا ماما. اه ان شاء الله احنا ايه احنا هنعمل الاكل النهاردة اه انا اللي هكوي النهاردة الحاجة لوالدي انا اللي هرتب البيت انا اللي هعمل كزا انا اللي هعمل كزا خليك دايما لماح لما تلاقي ان اللي قدامك متوتر او اللي قدامك فيه مشكلة والكلام ده خليك زي زي النبي صلى الله عليه وسلم على طول فهم هم بقى بيسألوا النبي صلى الله عليه وسلم النبي صلى الله عليه وسلم على طول فهم هم عاوزين ايه. فالنبي اخدهم على طول وانطلق بهم الى اهله. فاذا سلاسة واعنز سبحان الله. فقال النبي صلى الله عليه وسلم احتلموا هذا اللبن بيننا فقال فكنا نحتلب في شرب كل انسان منا نصيبه كل واحد منا كان بيشرب ايه؟ النصيب بتاعه. فسبحان الله النبي صلى الله عليه وسلم ضيفهم وقعدهم صلى الله عليه وسلم بمكان بجوار بيته وبدأ يقول لهم كل يوم احنا هنشرب مع بعض. لغاية ما الله سبحانه وتعالى يمن عليهم وامورهم تتحسن افضل. فهم كان كل واحد منهم بيشرب ويرفع للنبي يسيب النصيب بتاع النبي صلى الله عليه وسلم. قال فكان النبي يجيء من الليل فيسلم تسليما نائما ويسمع اليقظان. يعني النبي صلى الله عليه وسلم ييجي بالليل يعمل ايه عارفين الجماعة اللي بيضربوا تقريبا بيريحوا عليه نص ساعة كده عارفين في ناس بيحطوا ايديهم على الجرس مش بيشيل صابعه لغاية ايه لغاية ما حد يرد انا من رحمة الله عليا ربنا كرمني يعني عملت يعني زرار مخصوص اللي انت ركبته عشان اقفله في الوقت اللي انا عاوزه يقفله. ما حدش خلاص بقى ايه يستطيع ان يصل اليه. بسبب ايه؟ بسبب هزا السلوك اللي لو احنا سبحان الله اتأدبنا بادب النبي صلى الله عليه وسلم خلاص انت تضرب زي احيانا واحد يتصل بك. يا جماعة الاستئذان ده معناه ايه معناه هل يسمح وقتك انك ترد؟ هو ده الاستئزان اسمه استئزان يعني انت لما تخبط بتستأزن هل يسمح وقتي وزروفي ان انا ارد عليك ولا لا في بعض الناس عنده الاستئزان حاجة تانية. احنا عارفين ايه هي هل انت موجود؟ فيجب عليك ان تفتح؟ هو ده عنده الاستئذان. انك موجود؟ اه. اذا وجب عليك فرض عين زي كده فرض صلاة الضهر انك تفتح وتضيفني وفيه ناس عندها ده البعد بتاع الايه الاستئذان. المقداد بيقول لنا شوفوا الادب يا جماعة. فالنبي صلى الله عليه وسلم يعمل ايه؟ يدخل. فيقول ايه؟ فيسلم صلى الله عليه وسلم تسليما لا يوقظ نائما. كم واحد في البيت عندكم اما بيدخل البيت بيسلم تسليم لا يوقظه نائما؟ هتعرفوا كم واحد واحد في البيت بيعمل كده هتعرفوا ناس كتير كده بيعملوا كده واحد اتنين تلاتة ده في ناس بتضايق اما يجي يلاقيك نايم انت مش عارف اللي انا جاي دلوقتي ؟ طيب آآ يعني يا ابي انت حضرتك انا عارف ان حضرتك انت الجاي بسان اصابتني سنة من النوم. لان انا لست اله لا تأخذني سنة ولا نوم. انا انسان مسكين برضو بنام. واتاني ما يشغلني انا ده ده النبي صلى الله عليه وسلم وقف بلال قال له احرسنا لغاية ما الفجر يأزن. بلال نام من التعب ولما بلال نام النبي صلى الله عليه وسلم صحى على لسعة الشمس. وده اليوم الوحيد اللي فاتهم صلاة الفجر. فراح النبي يشوف اول واحد مين بلال. فوجد بلال نايم فصحاه فقال له يا رسول الله اصابني ما اصابك يا رسول الله؟ نقول له طب ما انا برضه نمت يعني اعمل ايه؟ في واحد يسلم اعمل لا يوقظ نائما وهناك من يسلم سلاما يوقظ حيا يصحي الناس ويفتح الجراج وتلاكسات تحت بقى يعني انا عندي واحد يا صديقي ما بيعرفش يرن الجرس. لازم يعني العربية يعني يصح خمسة ستة حواليه يعني هو بيحس كده من باب ادخال السرور على الناس ان نسمعهم صوت التلاكس الجديد. فالنبي صلى الله عليه وسلم كان ازا دخل يسلم تسليما لا يوقظ نائما ويسمع اليقظان لو واحد صاحي يسمعه. قال ثم يأتي المسجد فيصلي صلى الله عليه وسلم. ثم ياتي شرابه في شرب صلى الله عليه وسلم اتاني الشيطان ذات ليلة وقد شربت نصيبي. بيقول الشيطان جا لي وبعد ما شربت النصيب بتاعي. فقال محمد صلى الله الله عليه وسلم يأتي الانصار فيتحفونه. وطبعا ما قالش صلى الله عليه وسلم يعني المقداد وهو بيقول ان الشيطان جه يقول لي ما قاليش ان محمد صلى الله عليه وسلم قال له محمد ياتي الانصار بيهون دايما صاحب الشأن عندك في قلبك. هو دخل يقول له ايه؟ اهو محمد ما يا عم انت يا عم الشيخ ايه دي يا عم ابعت له رسالة قل له يا شيخ ما بتجيش النهاردة انا تعبان آآ والدتك هي بترد عليك ليه كده؟ اقول لها ما انا مش هسمح ان حضرتك تكلميني بالطريقة ديت خلي بالك كده هي بتفرض عليك وانت سمعت الشيخ النهاردة قال لك ما تسمحش لحد ايه يفرض عليك رأي صح؟ فبيقول ايه؟ اتاني الشيطان وذات ليلة فالشيطان لما اتاني وقد شربت نصيبي قال محمد يأتي الانصار فيتحفونه. فالشيطان لما جه للمقداد وقال له ان محمد بيروح للانصار وهم بياكلوه بيشربوه فانت يعني ايه فبيصيب عندهم ما به حاجة الى هذه الجرعة. الجرعة دي نصيب النبي صلى الله عليه وسلم. كل واحد بيشرب نصيبه. والنبي يسيبه نصيبه. قال له نصيب النبي ده مش لازم يعني انك ايه يعني فده ان وراه لغاية ايه ما خلاه يشربها. هو الشيطان كده برضه لانه يضحك عليك يضحك عليك لغاية ما تصدق ويوقعك في التواريطة. في اتنين كانوا ماشيين. الطريق. فواحد منهم مسك حاجة من على الارض. فقال له ايه؟ في يدك تمرة قال له انت ايدك فيها تمرة؟ قال له لا. قال له لا في ايدك تمرة. قال له لأ. قال له في تمرة. قال له لأ. هو الراجل اللي مسك الحاجة كان عارف ان هي ايه. هي كانت بعرة وراجل ايه؟ البعير يعني فهو كان مسكها كده يلعب بها بقى ما تعرفش المهم فهو اخدها وهو لو في يدك تمرة قال له لأ في يدك تمرة لأ من كسرة الكلام قال له لأ تمرة تمرة تمرة فاكلها وصدقه. فسبحان الله احيانا الشيطان برضو بيوصلك للمرحلة الحالة دي. ان ده انه يخدعك لدرجة يكدبك يخليك تكزب نفسك. فالشيطان خلاه قال له الكلمتين دول لغاية ما شربها. يقول فلما وغلت في بطني اول ما دخلت بطني ايه اللي حصل علمت ان هذه وان ليس اليها سبيل ندمني الشيطان. هو ده انه يضحك عليك يقول لك يفتح الدرج وخد منه. وبعدين انت ايه انت اصلا ده انت عاوز ايه؟ ده انت عاوز انت عاوز تعمل رصيد. ده انت عشان تعمل رصيد للموبايل بتاعك عشان تبعت ايه؟ عشان تبعت لخالتك كل سنة وانت طيبة كلمي ابن عمتك تقول له اخبار رمضان ايه؟ وتكلم زميلك معاز وتقول له يلا عشان نوزع التمر فديت لله هي لله هي لله لا منصب ولا لجاه فدي كلها للخير فانت بس افتح الدرج عادي جدا وما تاخدش الف جنيه خد خد خمسمية. فهو الشيطان يظل يسول لك الصورة وبتاع ده هي زي اختي وبعدين مسكينة وبعدين ما حضرتش الاستكشن اللي فات طب ما يعني انت ترضاها لاختك انت ترضى لاختك كده لا ما تحضرش السيكشن كده وتدنيها كده تايهة ومش عارفة المعيد قال ايه. انت تحب ان اختك تسقط. لا يا اخي نخليها تسقط وخلاص. وخلي بالك دي اخت منتقمة. يعني اما تسقط هيشوفوا بها ايه النادي بالتزام نشوف بقى الالتزام وشوف مش عارف ايه لكن انت النهاردة عمال تفرغ المحاضرة ديت وتحاول تشرحها لها كمان ده ده سرور ادخلته على قلب مسلم. فما بالك ده ده مسلم عادي فما بالك بقى لو كانت مسلمة وكانت منتقبة وكانت مسكينة. ومش لاقية حد في الغربة ديت ان دي بتخبط مشوار بين محافظة لمحافظة عشان تيجي الجامعة ديت وبعدين نطقها في الانجليزي مش قد كده والمعيد كله بيتكلم انجليزي يعني حتى كمان لو حضرت مش هتفهم. انت يا اخي ايه قلبك حجر؟ فطبعا قاعد الشيطان يجيبه مرة في اتنين في تلاتة فخلاص استجاب. فيبدأ ايه؟ يبدأ يعرض خدماته. وهي اما تشوف ان هو متصل الان وباعت الحاجة. اتق الله بقى. شوفي سبحان الله ان هو مش معنى تختارك على فكرة هو لو عاوز يعاكس لما هو ممكن يروح لاي واحدة بشعرها يعني والجامعة مليانة يعني اشمعنى اختارك انت يعني؟ لا هو اكيد طبعا شايف ان انا عاوز يفيدني بالله سبحانه وتعالى وعاوز يخدمني وعاوز وعاوز وعاوز وعاوز وعاوز وعاوز وعاوز ده حتى اشوف الكتاب بايه كاتب في الملزمة ايه فوق كاتب دعاء اللهم لا سهل الا ما جعلته سهل وعامل كده جدول تحت اه في موضوع الصيام وكده. اه مرة في اتنين الملزمة رقم اربعة بيكون عليها قلب كده. بحبك يا ربي. وعامل قلبي كده ايه وفيه سهم كده ده الصلاة بعد كده بعد كده ان القلب ده بيبقى احمر. كان الاول اخضر عن ما كان فيه صدا. بقى النهاردة احمر. بعد كده بعد كده بعد كده بعد كده يجي الشيطان يقول له لأ انت كده دخلت انا كنت انا كنت موصل لك حتة صغيرة خالص انت دخلت في الموضوع فالانسان اما بيدنه ماشي ماشي ماشي يفاجئ ان موضوعي كشكول محاضرات ده هو ما كانش كشكول ولا حاجة ده كان الجسر اللي يقربك من اختنا الكريمة. ونبدأ بقى ندخل بقى في ايه هنعمل ايه جدول رمضان مع بعض وصنع في رمضان ونصنع بعض في رمضان والحب يصنع في رمضان حب الله طبعا حب النبي صلى الله عليه وسلم وحب التراويح. وطبعا يعني النهاردة السحور وان الله وملائكته يصلون على المتسحرين. طب ما ما قل انت توقظها في الموضوع ده طب ده ده كان سرت لأ طب ومين اللي قال لك ممكن نامة؟ مش تتأكد ان هي صاحية ما هو ممكن تكون تمسلت وهي نامت لأ لازم تكلمك بصوتها وبعدين ايه ده صوتها ما له تعبان كده انت تعبانة لأ انت تعبانة لأ لازم اتأكد وندخل في حوارات انتم عارفين اخرتها ايه وفي ناس كتير من اللي بيسمعوني عارفين ان هو مر على التجربة ديت وراح طب امة ورجع. عارفين لعبة الامة؟ هو راح لغاية الاخر رجع فالشيطان في البداية بيخش لك بطريقة منطقية. يبقى طريقة فيها خير. وده هنتكلم معه اكتر واكتر في قصة اخوات ابن جبير. هتحس ان الحوار واقعي جدا كأنه شيخ لابس غترة وقاعد قدام الحرم. هو بيكلمك كده واللحية الجميلة وبتاعته والكلام ده. منطقيا جدا وماشية صح لكن دايما الشيطان وهو بيديك المنديل المبلل تحته جمرة من نار. اول ما هتمسك المنديل انت فاكر ان هو ما فيش تحته حاجة بس هو بس اول ما تمسك الجمرة وتصرخ ما اعرفكش اول ما ما يمسكك السلك العريان سلكك سر سعادتك اول ما هتمسكه وتتكهرب وتضيع منه يقول لك لأه ما كنتش كده انا كنت بقول لك اتصور جنبه انا رحت تتصور لا ده انا كنت يعني بقول لك بص لها خدت رقمها لأ انت بقيت صعب خالص مش كده. فالشيطان وبيسيبك في احلك الزروف. تحاول بقى تكمل بلاء انتهت القصة. هنشوف هنا الشيطان هيعمل معه ايه المرة القادمة ان شاء الله والحوار ده هينتهي على ايه فاسأل الله سبحانه وتعالى ان يسددنا واياكم ويتقبل منا ومنكم صالح الاعمال واسأل الله لي ولكم حسن العمل حسن الخلق وحسن الختام. جزاكم الله خيرا