السلام عليكم ورحمة الله وبركاته. شبابنا وبناتنا واحشني جدا ربنا يبارك فيكم وربنا يحفظكم يا رب. احد اخواني كان بيتكلم معي فبيقول لي انا كان نفسي اقوم الليل قوي. ده الكلام ده لسه من يومين كده يعني. بيقول لي نفسي اقوم الليل جدا. بيقول لي زبطت المنبه. وبعد كده برضه ضميره ايه؟ يعني مش على قد المنبه وخلاص. قال لي
قبل ما انام قعدت استغفر عملت جلسة استغفار لله سبحانه وتعالى اتقرب بها الى الله. بيقول لي فالمنبه ضرب فانا صحيت مش قادر قمت قافل المنبه ونائم تاني بيقول شوية لقيت طيارة هليكوبتر جت من فوق البيت عندي صوتها مرعب. صوت رهيب. فبيقول طبعا صاحي بقى واتفزع وقام وقام الليل
بفضل الله سبحانه وتعالى. فانا وقعدنا نضحك مع بعض فبيقول لي ربنا بعث لي طيارة هليكوبتر. طيارة هليكوبتر عشان تصحيه لقيام الليل. قلت له يا ابني انا اقصى حاجة حصلت معي ان مرة ربنا بعتني نملة قعدت تقرص في ساعتين لحد ما صحيت من قيام الليل. انت الله اكبر اللهم صل على النبي عليه الصلاة والسلام. انت
ربنا بعث لك طيارة هليكوبتر. يا اخوانا حسيت ان الموقف ده يعني الموقف يكون بسيط ولكن مليان عبر كتير اوي. اول عبرة لو اتعلمتها من الكلام ده ونفسي كلنا نتعلمه
ان الله يساعد الذين يساعدون انفسهم. ساعد نفسك عشان ربنا يساعدك. ساعدي نفسك عشان ربنا يخرجك من اللي انت فيه. ما تقعديش مستنية فجأة كده فرصة تيجي حاجة غريبة تحصل لك عشان تطلعك من اللي انت فيه. ساعد نفسك. صاحبي ده لما عمل جلسة استغفار وزبط المنبه وخد
اسباب الارض وخد باسباب السماء. ربنا بعث له طيارة هليكوبتر صحته. يعني ربنا ممكن يعمل لك اي حاجة. ربنا ممكن يغير لك الدنيا كلها. ربنا ممكن ينقل لك الجبال من مكانها ولكن ساعد نفسك عشان الله يساعدك وثق ان ربنا يقدر يعمل لك كل حاجة. ولكن سنة ربنا في الحياة انك انت لازم تساعد
نفسك. الاول من تقرب الي شبرا تقربت منه ذراعا. لازم الشبر الاول منك انت عشان حياتك تتغير. وعشان ظروف حياتك تتغيري. ما تستناش ان امواج الحياة الحياة تلقيك على شواطئ الصدفة آآ شواطئ النجاح بالصدفة لازم تشتغل. الحاجة التانية اللي اتعلمتها مش لازم تستني طيارة
عشان تفوقي. ما تخليك خفيف النوم. احنا ليه نومنا تقيل؟ مش لازم تستنى ابتلاء شديد جدا عشان تفوق. مش لازم تستنى مصيبة تحصل عشان قرر انك انت تتغير او عشان تقرر ان يبقى عندك اوراد عبادة او عشان تقرر انك انت تتوب. او عشان تقرري انك انت تشتغلي في الدعوة. او عشان تقرر ان انت تتغير
مش لازم طيارة هليكوبتر يا جماعة. فيه ناس ما بتفوقش غير على الطيارات الهليكوبتر. غير على الابتلاءات الهيلوكوبتر. وفيه ناس بتقدر تصحى بسهولة. الحاجة التالتة اللي اتعلمتها الموقف المؤثر قوي ده يا جماعة ان ربنا سهل قوي ان هو يدي. ربنا سهل قوي ان هو يعمل لك حاجات كتير. ربنا ادى له اية. هو ده هينسى طول عمره ان ربنا
ربنا بعت له الطيارة من فوق بيته عشان تصحي له قيام الليل. هو ده هينسى انه لما عمل جلسة استغفار ربنا رزقه قيام الليل؟ هو ده هينسى بكاؤه لله في هذه الليلة
هو حاسس ان اللي قومه ربنا واللي اختاره ربنا سبحانه وتعالى اصل قيام الليل ده مش اي حاجة. انا لو رئيس جمهورية كل ما انزل بلد الاقيك تلاتة اربعة هم اللي في استقبالي. تلاتة اربعة هم اللي في استقبالي. لما اجي اعين محافظ للبلد. هاعينهم منهم. لما هاجي اعين وزير هاعينهم منهم. هم دول اللي في استقبالي. الملك بيتنزل
كل ليلة في التلت الاخير اللي في استقبال الملك بقى في قيام الليل دول لما ربنا يصطفي دعاء من دول لما ربنا يصطفي مصلحين ومغيرين من دول لما ربنا ينزل
عطاءات منهمرة على دول. فقيام الليل ده مش عطاء قليل. اما هو يعرف ان ربنا ادى له ده بسبب اقباله على الله. ربنا سهل قوي ان هو ربنا سهل انه يغير حياتك. انه يغير حالك. انه يخليك تتدين وتلتزم وتبقى عابد وتبقى شغال في الدعوة. ويبعت لك اللي يربيك. ربنا سأله
دنيتك اللي يرزقك انه يفتح عليك. احنا مش عارفين ناخد من ربنا ليه؟ ده لو ابوك اللي عنده الثروة هيبقى سهل انك تاخد منه. لو والدتك اللي عندها يبقى سهل انك تاخدي منها. مش عارفة تاخدي من ربنا. اللي احن عليك من امك وابوك. اللي احن عليك من نفسك اللي بين جنبيك ربنا سهل قوي ان هو يدي. مش عارفين ناخد
من ربنا ليه؟ مش عارفين نستمطر عطاءات ربنا في حياتنا ليه؟ عايزين نتعشم في ربنا ونطلب من ربنا ونتعب مع ربنا ويا بخته انا عاملها ورقة ليه لا والله يا جماعة كاتب فيها يا بخته اللي هيصبر على باب ربنا سبحانه وتعالى. الحاجة الرابعة اللي استفدتها من الموقف الجميل قوي ده. موقف ربنا بعت لي طيارة هليكوبتر
الحاجة الرابعة ان لو ارادك لاقامك. لو ارادك لاقامك فكري هو انت لسه ما اتفتحش عليك في الدين او في في طلب الليل فكر فكري كل واحد بيعصي ربنا مننا كنت عليك ليه يا رب؟ فكر ليه اللي وقع في الزنا دهان على ربنا
والا ما كانش سابه لو ارادوا لعصمه زي ما عصم يوسف الصديق. فكروا يا جماعة. هو ليه ساعات بنهون على ربنا؟ عشان مش راغبين اليه فربنا لا يريدنا في هزه اللحزة عايزين نفكر كويس واحد صاحبي يعني كان بيحكي لي بيقول لي كلم البنت الانتيم بتاعه بقى واتفق ان هو ينزل على النادي نادي الجزيرة بقى ايه
نتقابلوا مع بعض والبنت سبقته وهو نازل المفوت على واحد صاحبي يمكن ياخده بقى ايه ياخده معه النادي. يعني هو كمان التاني يكلم بتاعته وتبقى ليلة حلوة بقى ويخرجوا مع بعض
بيقول فض عليه لقى واحد تاني ما يعرفوش ملتزم رايح يدعو صاحبه. رايح يدعو صاحبه كان رزق الهداية لصاحبي ده هو اللي راح. لحبيبي ده هو اللي راح. بيقول التزمت وتوبت وسبت البنت وسبت كل حاجة. الكلمة اللي قطعت في قلبي الشاب بيقول لي بيقول لي انا برتب لمعصيته وهو بيرتب لهدايتي. سبحان
تعالوا شوفتوا الغالي عند ربنا ربنا ما بيسيبوش. ربنا بيعصمه. لو ارادك لاقامك في قيام الليل. لو ارادك لاقامك في الدعوة الى الله. يبقى لازم نتصالح مع ربنا ربنا يا جماعة لازم نتصالح حياتنا ما لنا مشاكل. عايزين نتصالح مع ربنا عشان المشاكل دي كلها تروح. ربنا يريدك. ربنا يريدك. ربنا بيحبك. لولا ان ربنا بيحبك
فيه ملايين مملينة قاعدة على الفيس دلوقتي. وقاعدة على السوشيال ميديا الوقتي. اشمعنى انت اللي ربنا سمعك؟ اشمعنى انت اللي ربنا سمعك؟ لان ربنا بيحبك. لان ربنا بيحبك احنا قاعدين في المنزر الجميل ده والشلال اللي ورانا ده الماية الجميلة المتفجرة اللي ورانا مش عارف بقى بالليل النور جايب ولا مش جايب منظر تحفة سبحان الله! قلنا
حاجة جميلة من المنظر الجميل ده. ونتكلم معكم عن ربنا. لعل القلوب تتحرك. ربنا بعث لي طيارة هليكوبتر. يقدر يبعث لي هليكوبتر يقدر يغير مسارات الطيران في العالم كله عشانك. يقدر يوريك ايات تغير حالك. يقدر ييسر لك الطريق. يقدر ييسرك لليسرى. ولكن هنعمل
عشان ربنا ايه؟ ساعد نفسك عشان ربنا يساعدك. ان شاء الله بازن الله دقيقتين وهتقابل معكم تاني على الصفحة الرسمية بتاعتنا دي ان شاء الله بازن الله انا هسيب لكم فرصة بس ابعتوا لي دلوقتي مشاكلكم وتساؤلاتكم. شبابنا وبناتنا وكلكم بازن الله سبحانه وتعالى. ابعتوا لي الوقت الاستفسارات والتساؤلات بتاعتكم. وهنعمل
نعمل مع بعض جلسة تفتح لي قلبك الوقت اللي ما قعدنهاش من زمان. ان شاء الله بازن الله ابعتوا لي وانا دقيقتين تلاتة كده ان شاء الله هابدأ معكم بالثبايا اسمها
افتح لي قلبك افتحي قلبك. وان شاء الله بازن الله ارد فيها بقى على مشاكلكم فجهزوا المشاكل. بحيس اول ما ابدأ البس تقوم المشكلة واصلة لي ابدأ ارد عليها ان شاء الله بازن الله جزاكم الله خير