السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له. واشهد ان محمدا عبده ورسله. وبعد فاسأل الله سبحانه وتعالى ان يزينا واياكم بزينة الايمان وان يسترنا واياكم بستره اليوم ان شاء الله ارجو ان يكون له ما بعده ربما يكون هو اخر يوم في ايام في قصصهم عبرة في رمضان فاسأل الله سبحانه وتعالى ان يتقبل منا ومنكم صالح الاعمال وان يبارك بالحضور فلعل يعني حضورهم مبارك ان هم يحضروا هذا المجلس الذي ربما يكون من الخواتيم عبدالله بن سلام الشخصية السالبة الذي سلمها الله سبحانه وتعالى هو بيقول قلنا اتكلمنا ان هو كان بيفكر في النبي صلى الله عليه وسلم وبينتظر النبي صلى الله عليه وسلم والقصة المشهورة لما سمع بدخوله الى المدينة رضي الله عنه لما دخل المدينة وكبر والكلام ده عمته قالت له ايه؟ مين ده وبتاع؟ فالقصة اللي احنا حكيناها المرة اللي فاتت يقول ثم مضى لرسول الله صلى الله عليه وسلم وبدأ هيبدأ حديس مع رسول الله. لكن قبل هذا الحديس انبه على امر ينتشر كسيرا في اللقاءات وهو نوايا مجلس الطلب نوايا المجلس. ونعدد مسلا خمسين ستين نية جميل ان احنا نقول جددوا النوايا لكن احيانا تعدد النوايا احيانا بيكون سبب لتشتيت النية ايه ده انت نويت كده الله المستعان انا نسيت ان هو انشراح الصدر انا نسيت ان هو مش عارف ايه واصبر نفسك انا نسيت ان هو يا جماعة لم يكن من هدي الصحابة رضي الله عنهم وليس من هدي السلف انهم قاعدين يعددوا النوايا قد يكون مرة مجلس اتنين آآ في عمل معين للانسان يعني واحد يقول لك ايه؟ باقول لك ايه يا محمد الله يكرمك عندنا زوج وزوجة كده متوترين شوية ما تيجي تصلح بينهم فانا اقول له طب سبني دقيقة كده انوي بس ان هي اصلاح زات بيني يعني. استحضرها يعني فمجرد ان انا ايه استحضرها لكن بقى مش استحضر نية اصلاح زات البين. ونية اجابة وتلبية دعوة مسلم. ونية ونية ونية ونية ونية الحاجات دي اصلا ليست من هدي السلف آآ ان هم قاعدين يعددوا النوايا وهم قاعدين في كل صغيرة وكبيرة آآ هو في فرق بين التذكير في فرق بين التزكير وفي فرق بين ان ايه؟ ان الانسان يزل الموضوع ده مشغول به ليل نهار. النقطة دي مهمة قوي ان الواحد ينتبه آآ لها يعني ليه؟ لان احيانا طبعا انا يعني جزى الله خيرا اللي كان بيزكرنا بالنوايا دلوقتي فلعله يؤجر ان شاء الله آآ فكرة تعدد النوايا في زيادة من الاجور لو كان خيرا لسبقونا اليه لو كان خيرا لسبقونا اليه كلف ما لم يفعله الصحابة والسلف الصالح وقائدهم رسول الله آآ لابد ان احنا نربي انفسنا على هذه المعاني زي بالزبط انا رايح اصلي نيتك ايه في الصلاة؟ ايه نيتي في الصلاة؟ رايح اصلي اصلي امرني الله سبحانه وتعالى اذا سمعت النداء خلاص انا رايح استجيب امر الله سبحانه وتعالى احيانا بقى تيجي لي نية ان انا اتكلم مع الله سبحانه وتعالى. استحضر معنى معين فده اه مهم ان الانسان بيعمله. انا ليه بقول كده يا جماعة مش بقول طبعا لحد بيكتب بوستات على النوايا وكده لكن انت مهم انك تقرأها مرة يعني مهم انك تقرأها مجلس العلم ده فيه كم فضل شف في صبر اصبر نفسك هي مع الذين يدعون ربهم. في اجر ان الملائكة تحفك وان الله يزكرك. اه انك تقول الكلام ده من باب ان انا اتشجع للعمل ده. لكن انا استحضره في كل صغيرة وآآ كبيرة ده امر صعب جدا طيب الامر ده اما بيكون عندك استحضار استحضار العمل ده انت بتعمله لله سبحانه وتعالى في واحد رد عليك رد خشن جدا فانت استحضرت معنى معين لله سبحانه وتعالى مش هترد عليه الردود ديت. الباقي بيجي بقى فده اسمه ايه؟ الانسان ده تاجر نية. تاجر نية ده يا جماعة مش مسألة ان هيكح هيقول لازم يستحضر مية نية. ويبقى بقى ويبقى فكرة استحضار النوايا نفسها هي مزهبة للنوايا. واخدين بالكم فالواحد يستحضر ان ان فكرة ان استحضار النوايا غير فكر استحضار النية غير فكر التعدد النوايا. تعدد النوايا ده قد يشغلك بعد زلك وانا شفت كتير من الاستشارات والشباب والاخوات اللي بتيجي منهم اسئلة كتير في اشتراك عام ان باب الوسوسة والتفكير وجلد الزات الحاجات ديت قد بتكون التركيز فيها قوي قد يكون احد اسبابها ليس سبب كبير بس هو سبب موجود حد فاهم بقى من اللي انا باقوله ده لا نستحضر نية حد فاهم من اللي انا بقوله ده؟ يا جماعة النوايا اه بلاش تفكروا فيها انا بقول ان احنا نقعد نكتب نوايا لكل مجلس ونستحضرها في كل مجلس خلي بالكم انا بتكلم على الديمومة في كل مجلس نكتبها ونعمل الكلام ده هذا الامر لا اراه صحيا ولا اراه اه هدي نبوي فاسأل الله سبحانه وتعالى ان يرزقنا حضور هذه المعاني يهذب قلوبنا وقلوبكم ان شاء الله كل شيء زاد عن حده انقلب الى ضده فهو بيقول رضي الله عنه عبدالله بن سلام لما بقى خلاص النبي صلى الله عليه وسلم اقبل الى المدينة وهو بلغه قال فكان اول ما سمعته منه يقول ايها الناس افشوا السلام واطعموا الطعام وصلوا بالليل والناس نيام تدخلون الجنة بسلام. الله اكبر ايها الناس افشوا السلام. دي بقى الاركان والركائز اللي بتبني علاقة المجتمع بينهم وبين بعض افشوا السلام انت النهاردة مسلا في الاماكن المفتوحة الكبيرة قوي زي القاهرة والاسكندرية والحاجات ديت تبقى ماشي في الشارع مين فيكم بيبقى ماشي في مول وبيسمع السلام عليكم لأ ايه يتقال عليك ايه جاي من الزقازيق انت ايه جاي من الفلاحين اوعى تكون جاي من المنوفية ولا جاي من آآ جاي من اي حتة فيها ايه يعني لأ لازم تكون ما ينفعش تخش الدايرة ديت. والا كده ايه بتتصنف تصنيفة وحشة خالص واحد آآ لازم يتربى على المعنى دوت يتربى افشوا السلام لا احنا بنسلم واحنا داخلين بس المكان نفسه. يعني اول ما داخل بقى اشتري ممكن ايه او طبعا يعني احيانا باتضغط يعني فبضطر اقول لكني اه ممكن اقول صباح الخير عشان برضو ايه دي بتفك شوية يعني فافشوا السلام كم واحد ممكن يقول بتلاقوه في الشارع؟ طبعا النساء مع النساء والرجال مع الرجال يعني ما نلخبطش الدنيا والعضلة. هو لا يجوز ان انا اقول لراجل ولا يجوز سيبك بس من الجواز دلوقتي بس خلينا ايه نركز انك قولي بس للاخوات اللي جمبك وبعد كده اسأليني بقى لو لقيت راجل اقول له لأ بس اما تخلصي بند انك بتقولي للاخوات اسأليني في الرجالة والعكس صحيح ايها الناس افشوا السلام يبقى ايه؟ منتشر كده واطعموا الطعام وطبعا هو من الكلام الجميل جدا يقول ايه؟ فكان اول ما سمعته منه تمام التركيز مهتم جدا باللي بيقوله مش بعد ما يخرجوا ماذا قال انفه؟ هو كان بيقول ايه في ناس كده ممكن تبقى ايه بتحضر مجالس زي دي يقول لك انا ما فهمتش حاجة والمفروض انت ما فهمتش ولا ما كنتش سامع الفرق كبير افشوا السلام طيب ديت افشوا السلام فيها حاجة متعدية على الناس يعني مسلا مش صلخفة خاصة بيا لأ افشوا السلام دي حاجة فيها نفع عام على الناس واطعموا الطعام انك تطعم الناس تطعم الطعام تكون دايما ايه؟ لك مساهمة في الباب ده. هل انت لك مساهمة في الباب ده اه الحمد لله انا بطلع وجبات كتير في رمضان بس ايه ده هو فيه حد بيطلع غيره رمضان؟ اه طبعا انا اعرف انا اعرف ناس بتطلع اسبوعيا. اتنين وخميس بيطلعوا. فيه ناس بتطلع كل جمعة اطعموا الطعام مش ده هو النبي صلى الله عليه وسلم قال اطعموا الطعام في الليالي الفردية اطعم الطعام يا اخي ايه المشكلة يعني؟ ايه المشكلة ان يكون عندك مطبخ اه في بيت البلد ولا مطبخ في اي مكان تتفق. المطبخ ده انت جايب فيه ادوات المطبخ كل حاجة ويوم في الاسبوع بتبعته اخت في المكان ده بتطبخ مسلا حوالي تلاتين اربعين وجبة وتوزعهم لله سبحانه وتعالى ممكن فيه عقد؟ اه ممكن فيه كده جميل يعني وممكن لو ما عملتش الفكرة ديت مع نفسك تعمل حاجة تانية حضرتك انت عندك كم فرد؟ بتأكليه حضرتك وزوجك وولدين جميل يعني اربعة خلي يوم الخميس ان هم حوالي ستة وجبتين زيادة وتتفقي مع حد ان كل يوم خميس يعدي عليك بس. حاجة جميلة قوي فكرة اطعام الطعام. انك تقابلي ربنا وعندك العبادة الجميلة ديت من العبادات اللي تزين الصحيفة في بتاعتك والله يا جماعة يوم القيامة واحنا بنفتح الصحيفة كده ونلاقي ياه ده في حتة هنا اتعرضت سطر اطعام الطعام ده هتلاقوه جميل قوي وده هتلاقوه شوفوا النبي صلى الله عليه وسلم لما دخل المدينة اراد ايه الدستور اللي هتحطه يا رسول الله ايه الكلمة لان الحاجات دي يا جماعة بتعمل حب بينها وبين الناس انا اعمل فقير يشوفني قاعد آآ بجيب اكل دليفري يمين وشمال وقاعد باكل مش عارف ايه والكلام ده كله. ما الراجل بيحتقن تجاهه نفسيا تجاه المجتمع ده كده معظم الفقراء او كتير من الفقراء وكتير من الناس اللي مش لاقية تاكل وكتير من الشباب اللي بيكون مش لاقي حد يوجهه والكلام ده ما بيكونش منتمي المجتمع يكون عنده وحشة من المجتمع. ولزلك رسول الله صلى الله عليه وسلم قال لك الساعي على الارملة والمسكين له اجوره عالية جدا وبرضو انا وكافل اليتيم له اجر عادي جدا. طيب ده له اجورهم عالي. ليه ده عامل زي المجاهد وده عامل زي الصائم وده عامل زي القائم وده عامل مرافق لرسول الله لان الناس ديت ان لم يهتم بها يبقى هو عايش في مجتمع لا يهتم به فلا ينتمي له لا يهتم بالمجتمع ده. ولزلك الاهتمام المنفعي والمصلحي ما بيجبش نتيجة انت مسلا عاوزه ان هو ايه اه مسلا يسندك في حاجة معينة في انتخابات معينة مش عارف اه ترشيح ايه في الجامعة اتحاد طلاب فتهتم بايه؟ بخمسة ستة. لما الموضوع ينتهي من هنا تسيبه هو يعرف انك انسان لم تكن تهتم لي لاجل الايه؟ لاجله هو وخلاص. لأ انت كنت بتهتم بي لاجلك انت لكن لو كنت بتهتم بي للدين اهتم بيا لاخرتي وبتهتم بيا ان انا اطلع انسان سوي ربما يكون الامر مختلف. وطبعا في افاضل كتير بيعملوا كده اللهم لك الحمد للامة ولادة ايها الناس افشوا السلام واطعموا الطعام وصلوا بالليل والناس نيام برضو وانت شغال بقى مع نفسك وشغال مع مجتمع ما تنساش نفسك بقى وانت شغال معهم يعني اما تروح البيت خلاص نصيب النهار طب نصيب الليل هتعمل ايه بقى ادخلوا الجنة بسلام جنان بسلام. فجعلت اتفرس فيه واتملى منه وايقنت ان وجهه ليس بوجهي كذاب. شف المنهجية الجميلة دي تفرست ايقنت دنوت بيقول انا لقيتني كده ايه؟ اتفرس عارفين في ناس كده عندها قابلية الانبهار العالي. عارفينهم يبقى قاعد كده يقول لك لأ لأ لأ مش قادرة ايه الجمال ده! عارف انت الجماعة دول اه لتكتب بوست لسه اصلا انت تقريبا ما خلصتش الحروف بتاعته. يعني يا دوب كده وايه وتقول لو انا تكملة. قالت لي واو مش واو الدنيا مقلوبة والناس مش قادرة ولا لأ مش قادرة لا لا ازاي انت عملتها كده ايه يا حاج في ايه ما تهدى كده وتسترسى كده استهدى بالله كده. حاول بقدر الامكان تبص كده بصة بالراحة اهدأ عارفين الجماعة اللي لهم عرق كده على طول بيروح طالع آآ بين عينيه وينبهر. او نسبة عرق الاندهاش ده كان كان لرسول الله منهم صلى الله عليه وسلم لكن آآ في بعض الناس بقى عنده الحاجة دي بس ما بيقدرش ايه يعني آآ يهدي مشاعره في اظهارها فدول لا عبد الله بن سلام رضي الله عنه. طبعا الجماعة دول هم الابداعيين. ده انا اقصدهم عبدالله بن سلام كان راجل يتفرس يتملى منه. قاعد عمال يملى كده ويحاول ايه؟ واحد يقول لك ايه رأيك ما تيجي نسمع للاخ فلان ده يقول لك اهو فقعد يسمع او يسمع يسمع يسمع بتركيز كده وبتاع ويقول لك ايه لا يا راجل ده كويس. الراجل ده عجبني الراجل ده مخمخني بس هو بعد ما بيدي نفسه مساحة من الهدوء للسماع وفي ناس ما شاء الله على طول من اول دقيقة يقول فايقنت ان وجهه ليس بوجه كذاب. يقول خلاص بقى عندي يقين ان هذا الشخص ليس بوجه كذاب. ثم دنوت منه وشهدت ان لا اله الا الله وان محمدا رسول الله شف التوازن مش قاعد بقى يعني قاعد يتفرس ويشوف ويتأخر ويحسبها مع نفسه وبعدين يقول لك ايه انا هقرر بقى السنة الجاية. عارفين برضه الناحية التانية بقى دي الشخصيات المنبهرة في الشخصيات التانية يقول لك لأ اصل انا بتابع في صمت عارف بقى اللي هو لازم يشعرك الناحية التانية ان هو عميق التاني محسسك ان هو يعني الدنيا عنده زايدة قوي. والتاني بقى لأ انا العمق. انا العمق. تبقى انت بقى قاعد بين الاتنين كده حاطط ايدك على خدك كده. هو مين فيكم يعني يا ابني تهدا والتاني تقول له يا ابني اتحرك بقى ادي لايك. لا لا لا خلي البوست كده يمخمخ عاوز احسبه من كزا جهة. هتحسبيه من كزا جهة خلاص ده هيتمسح ففي بعض الناس تلاقيه عاوز لأ لازم يشعرك ان انا بفكر في العواقب ومش عارف ايه والكلام ده كله. حاج بيقولوا لك هتعمل ايه في العيد؟ بتفكر في عواقب ايه؟ من من شعبان بيقولوا لك هنعمل ايه للاولاد في العيد وهنروح لتيتة ولا مش هنروح. سيبوني كده احسبها. يا حاج بكرة هيشوفوا الرؤية الشرعية هنعمل ايه ان شاء الله بكرة كده ارد عليكم ويحطهم في توتر لغاية ما تيتة نفسها تيجي هو كنت بحسبها بتحسب ايه؟ لا فهو رضي الله عنه مجرد من الحق اتعرض على قلبه وخلاص تأكد خلاص انت متأخر ليه على طول وشهدت ان لا اله الا الله وان محمدا رسول الله. فالتفت الي الله اكبر فالتفت الي وقال ما اسمك؟ تشوف الادب شوفوا السلوك النبوي والاخلاق النبوية النبي صلى الله عليه وسلم بيعلمنا انك اول حاجة اتعرف على اللي قدامك يا عم يسلم عليك ومش عارف يقول الكلام ده كله. شفت واحد عجبك في المسجد في الحلقة اي حاجة كده وانت بتسلم كده عليه انت اسمك ايه وطبعا في ادوات كتير انك تبدع انك تاخد اسم منك وبتاع والكلام ده لكن احيانا بعض الشباب يكون معك في المسجد يصلي العشر تيام معك. يصلي التلاتين يوم في التراويح. كل مرة هو جنبك على يمينك وانت قاعد بتصلي جنبه وما شاء الله نفسك تتعرفي عليها والبنت يا عيني مسكينة اول مرة تدخل ايه؟ المسجد طيب الا تلتفتي اليها وتقولي لها اسمك ايه لا انا ما بحبش لا انا لا اصل احنا احنا بقى هنا وضع النساء معلش انت ما تعرفوش. وضع النساء احنا عندنا حاجة تانية. احنا عندنا وخيرهم الذي يتقل في السلام مش يبدأ في السلام لأ اتقل ما تبدأش انت قال لي هو اللي ايه هو اللي يدور عليك وعمال يدور هو عليك انت برضو ايه؟ اتقل وقل له بعد الصلاة. وبعد الصلاة اعمل اكنك انسان عميق بترد على رسايل عميقة جدا في الموبايل. لان في حاجات كبيرة جدا اذا في الامة منتظراك فحاول ترد عليها وبعد ما تخلص كده تروح بصة اللي مذهول انا اسف جدا ما انتبهتش وتبدأ ترجع تاني ففي ناس بيبقى عايشة العيشة ديت وفي بعض الناس يقول لك لأ آآ من باب الهيبة من باب الهيب ما تكسرش هيبتك وتروح تقول له تتعامل معه بالطريقة ديت انك لو كده تكسر الهيبة بتاعتك يا عم اكسر هيبتك يا عم فالتفت ايه؟ اليه صلى الله عليه وسلم وقال ما اسمك قال له اسمك ايه مشكلة العدم الاهتمام بالناس ان بعد فترة هي بتمشي وتسيب المسجد وهو بيمشي ويسيب المسجد. يقول لك ايه يرجع تاني بقى لعادته ما كان الشيطان مسلسل. وابواب الجنة مفتحة ويا باغي الخير اقبل ويا باغي الشر اقصر. وقاعد جاي يصلي تراويح وجاي بدري عشان يلحق المسجد احنا عندنا المسجد ما شاء الله يعني الساعة سبعة وربع خلاص بيتقفل او سبعة وتلت. البيبان بتتقفل اللي هيصلي يصلي في الشارع رغم ان هو ما شاء الله يعني ست ادوار تقريبا ما خلاص فانت رايح ستة وربع ستة فالراجل اللي جاي ده بدري ده وجاي اه مهتم قوي كده وجاي لعبادة مش واجبة. صلاة التراويح والتهجد مش واجبة واول مرة يدخل المسجد بقى وبتاع والكلام ده كله. انت ليه مش تلحقه في الوقت ده ليه كده ما تحاولش مرة تعمل معه يعني ايه حاول تحسسه ان هو ما ايه مسنود من اهل صلاح يلاقي حد يعينه طب بدل ما تيجي تقول له شف حد صالح يقول لك والله ما اعرف حد بعد رمضان ايه اللي بيحصل ده بتلاقيه راجع تاني واقف في الميادين وقاعد عمال يهزر مع الشباب وبيشرب حاجات مش كويسة او هي مسلا ماشية بطريقة معينة والكلام ده فتيجي تقولي سبحان الله شايفين البنت دي اه كانت معانا في التراويح عارفة بقى هي بتقول ايه ؟ شايفين دول كلهم؟ اه دول كلهم انا قعدت معهم شهر كامل. ما فيش واحدة منهم بصت لي بصة هي بصراحة واحدة بس خدتني كده من كتفي كده وراحت شداني قدام قالت لي اطلعي قدام شوية والبسي الكمامة لو سمحت لكن الباقي كله ما حدش ايه؟ في يوم من الايام قال لي كلمة انا ممكن اكون سبب بدون ما اشعر ان انا رجعت الناس دي تاني اه من ثلاثة ايام او اربعة بنتين لابسين لبس صعب جدا وبشعرهم صلوا التراويح ويعني عملوا اي حاجة كده من باب النوم غلابة بقى ومش فاهمين او فاهمين ما تعرفش الله اعلم بحالهم نسأل الله ان يحفظ قلوبهم ويثبتهم على ما يحب ويرضى المهم دخلوا المسجد وطلبوا ان هو يصلوا التراويح وبتاع والكلام ده وبعد ما صلوا التراويح الاخ المقيم الشعائر في المسجد والعامل يقول لي انت تعرف البنتين اللي جم التراويح وكنت بقول لك عليهم دول جم الساعة اتناشر قاعدين يخبطوا على باب المسجد بيقولوا يا عمو معلش مش ممكن تفتحلنا ونتهجد احنا لوحدنا بيقول لي انا طلعت يعني يا جماعة انا ممكن افتح لكم بس انتم وضعكم كده اصلا على بعضكم كده يعني تبعت هتهجدوا ازاي وانتم كده فنقول لي سبحان الله حسيت قد ايه الصدق وهما جايين الساعة اتناشر بالليل ويخبطوا وتحس في عيونهم ان آآ الدموع ونفسهم يخشوا. نفسهم فشوف بقى الشعور بقى ان الناس دي رمضان وجو الايمانيات والكلام ده ويجي في الاخر خالص يبقى جنبكم وبيصلوا جمبكم وانت ما تهتمش بهم او نهتم باللي شبهنا بقى يعني هنا في موقف زي كده النبي صلى الله عليه وسلم لانه بقى ايه يتكلم مع ابو بكر ويتكلم مع ابو عبيدة ما انتم طول اليوم مع بعض انتم طول اليوم مع بعض لكن النهاردة انت ليه ما بتتصاحبش عليهم اقول لكم بقى على حاجة تعالوا نعكسها كده تعالوا معلش كده نعكسها مع الفارق الكبير ربنا يعافينا واياكم لو فيه واحدة منتقبة ودب للاسف في قلبها والاسى خلعت النقاب ومشيت بشعرها وراحت بيوت مش كويسة وراحت اماكن مش كويسة في حد بيسألها انت اسمك ايه؟ ويتعرف عليها وبتاع الكلام ده كله ولا بيسيبوها ما لناش دعوة عاوزة تشرب بقى عاوزة تعمل اي حاجة هتيجي تقضي ايه الوقت بتاعها وتمشي شفتم اهل المعصية بيعملوا ايه؟ طب واهل الطاعة اهل الطاعة بقى بيعملوا ايه؟ الا ما رحم ربي فالمعنى ده مهم قوي يا جماعة. المعنى ده مهم قوي. وان شاء الله ربنا يكرمني كده والاقي وقت اكلمكم عنه والمهارات بتاعته وتقولوا ايه وتتكلموا معهم ازاي لان الموضوع ده محتاج ان الواحد بيفكر فيه بكل ما اوتي من قوة لان سبحان الله انت ممكن في لحزة تكون سبب ان في ناس تهتدي وتكمل في طريق الاخرة. والسبب ايه؟ حضرتك واذا جاءك الذين يؤمنون باياتنا فقل سلام عليكم كتب ربكم على نفسه الرحمة انه من عمل منكم سوءا بجهالة ثم تاب من بعده واصلح فانه غفور رحيم شفتم الاية بتقول ايه واذا جاءك الذين يؤمنون باياتنا فقل سلام عليكم اتحرك افتح باب افتح الشهية سبحان الله! الباب ده مهم اوي يا جماعة ان الواحد يدرك هؤلاء فالنبي صلى الله عليه وسلم التفت اليه. يا رسول الله انت مشغول به او ده يهودي يا رسول الله تنشغل باليهودي ومعك ابو بكر ومعك عمر ومعك عثمان ومعك علي ومعك كل النجوم دي فسبحان الله فالتفت الي ياه هتسيب كل دول يا رسول الله؟ نعم لان القرآن اعلمه خلاص طالما جاءك يسعى انتهى سبحان الله هتكونوا يا جماعة في موقف لا يحسد عليه. لو جيتوا يوم القيامة وظللت عشر سنوات في طريق الاستقامة ولم تهتدي على يديك امرأة ولم تكوني سبب في ادخال السرور على قلوب كتير من الفتيات ويرجعوا بدين الله والاستقامة هتكوني في موقف محرج جدا اما تلاقي فيه ناس جنبك وكانوا في نفس السن بتاعك ونفس الوزيفة ونفس المهنة ونفس كل حاجة الامكانيات المادية وكل حاجة وتلاقيهم ياه ده انتم طلعتم مركزين اوي وتلاقي بقى في ميزانهم تلتميت ربعميت خمسميت اخت ولا خمسمية الف اخت حببتهم في ربنا. ياه! هو ممكن اه طبعا ممكن. ازاي خمسميت الف؟ ما هي انت مش هي اهلك. ربنا جعلك سبب في هداية مية متين اه. والقيامة قامت امتى؟ بعد ما انتم متوا بعشر قرون. شف العشر قرون بقى اللي اهتدوا دول خلفوا قد ايه والدنيا مشيت ازاي وحفيد واحدة حفيد حفيد واحدة منهم عمل مسجد زي الازهر كده وواحد تاني كان حاجة كبيرة في سبيل الله والتالت والرابع والخامس كل ده في ميزانك خلاص؟ والحاجات دي يا جماعة مش بمجرد الابتسامة والحاجات بتاعة التنمية البشرية ديت وايه وياللا هيا بنا نؤمن ساعة وخلاص كده وايه ياللا بسم الله نزرع شجرة اه الكلام ده جميل قوي بس انا ببتسم عشان اقربه لدين الله ايه ده هو انت ناوي تلعب في دماغه؟ اه العب في دماغه ايه المشكلة يعني؟ بلعب في دماغه على رأي واحد ما الدماغ المصدية عاوزة تنضف يعني فهو الدماغ الوحشة لازم تنضف يعني ما حدش يرهبك يقول لك ايه خلي بالك عملوا لك غسيل مخ. اه امال غسيل غسيل مخي لانه كده مطرب ما هو لازم يتغسل فطبعا انا امزح يعني بس هي الفكرة ان احنا لازم يا جماعة ده الخير يكون لنا اهداف. يعني النبي صلى الله عليه وسلم مش بيقول له اسمك ايه عشان يتعرف عليه وخلاص وياه طب ممكن بقى انت ساكن فين بقى ونبقى نتقابل آآ بالمغرب طب احنا بنبقى قاعدين هنا؟ لأ طبعا فمعاني تانية خالص قال له اسمك ايه فقال اسمي الحصين ابن سلام فقال النبي بل عبدالله بن سلام بل عبدالله بن سلام النبي صلى الله عليه وسلم معنى جميل قوي ان يختار له دايما بيختار دايما الحاجة اللي تحببك في طريق ربنا سبحانه وتعالى. واللي تحببك مع نفسك احيانا يعني ايه واحد يكون آآ هو له نظرة سلبية مع نفسه اه او واحدة طالعة او الجماعة بقى اللي الله يهديهم ويغفر لهم الاسر اللي نسأل الله العفو والعافية. اللي بيطلعوا اسم او بيطلعوا تنمر بقى او سخرية ما تعرفش. المهم ما في واحد في العيلة اللي عليه اسم اللي عارفين انتم العائلات دي والبيوت دي لازم كل واحد ياخد لقب آآ ده ياخد لقبه الصغير ياخد لقبه والكبير ياخد لقب ويبقى البيت كله يبقى عارفه خلاص والاسرة كلها والعيلة كلها والناس كلها تكون عارفاه ونحفل عليه مش حاجة حلوة ولا وحشة لأ فيه في ميزانك فيه حاجة اسمها سخرية. هو انت فاكر مسلا اما طلعت عليه آآ كلمة الكلمة ديت انت فاكر ان هي انت خلاص كده؟ ليوم الدين كل واحد يقولها له انت ما شاء الله بتاخد. الا ان تتوب توبة عالية قوي يعني عشان كده مهم قوي يا جماعة انك ما تسمحش لابنك آآ او تربي ابنك ان هو ما يسمحش ان فيه حد من العائلة يطلع عليه كلمة يقول له لو سمحت انا ما احبش حد يناديني بكده انا ما احبش ان حضرتك تكلمني بالطريقة ديت انا الموضوع دوت يا عمو ويتعلم بادب. يا عمو انا شايف ان ده بيؤلمني وبيضايقني وانا اعرف ان النبي صلى الله عليه وسلم نهى ان انا اقول لواحد كلمة تضايقه فالمعنى ده مهم وممكن يستدعي حد كبير يكلمه فقال بل عبدالله بن سلامة. لا انت اسمك يا ابو عبدالله بن سلامة. على طول بقى الايمان يا جماعة اما بيبقى بقى مفرتك القلب نور وخلاص مش بيبقى تردد يقول له ايه؟ نعم عبدالله بن سلام عادي زي ما بيقولوا بيقولوا اه اه نسيت انا فعلا اه انا اصلا اسمي عبدالله ابن سلام. يعني سبحان الله النبي صلى الله عليه وسلم بيقول له ايه بدل الحصين انت عبدالله يعني انت فعلا عبد لله فقال نعم عبدالله بن سلام والذي بعثك بالحق ما احب ان لي به اسما اخرا بعد اليوم. هو فيه كده يا جماعة هو في كده ناس قلوبها سالكة فكده بحب قوي كده ان في واحد يكون بيستشير حد من الفضلاء من العلماء وبتاع وبعدين يقول له بس الكلام ده غلط. يقول له طيب دلني على الحق وهي تكون في غاية انفعالها وهو يكون في غاية الايه؟ العصبية. وبعدين تقول له ايه؟ بس الكلام ده مش صح انت المفترض تبقى عارف كويس جدا وفي ناس بقى عندها الكلكعة في ناس بيعشقوا الكلكعة. عاملين الكلكعة ديت كعبة وبيطوفوا حواليها بقى. بيستمتعوا بها. بيقول لك احنا بنتضايق اول ما نحس ان الامور سلكت لأ خليها كده ايه طول ما في تشبيك حلو انا احب يعني انا لو دخلت البيت ولقيت البيت سايل ازعق لمين ما انا عندي انا الدكتور قايل لي كده انت لك كل يوم حوالي تقريبا تلات كبسولات لازم تعملهم تلات كده حاجات لازم تعملهم لازم تتعب حد لازم تعلم على حد ولازم تجرح حد بكلمتين ولازم الكل يهابك ومش هيهابوك الا بعد ما ايه يعني لازم كده في كلام خشن خلاص اوعى تتكلم معهم لأ العيال ياخدوا عليك ويبدأ بقى يجري كده ويروح ماسك رقبتك وبتاع ويلعب معك لأ خلي بالك انتبه لو عملها معك مرة اه انت هتخسر كتير هي لو سمحت لها بالطريقة ديت هتتعبك. تيجي بقى النهاردة تتكلم معها بكرة تيجي تقول لك ايه انت مش قلت لي ليه؟ بعدها بقى تبدأ تقول لك استشيرني خلي بالك من الحاجات دي كلها لأ فالحل اقفل فاول ما تروح البيت وتلاقي الدنيا جميلة قوي كده وتلاقي الدنيا زي العسل والكلام ده كله وعاملين حاجة جميلة قوي لازم تعلق على حاجة امال انت ايه اسمك سيد البيت ليه وانت تقيم عليه ليه؟ واو انت كبير اخواتك ليه؟ او انت المحرم بتاعهم محرم البنات ليه؟ عارف ليه؟ عشان انت بتعلق على الحاجات دي. فانت تدخل انت بقى الوحيد اللي فاهم. فاول ما تدخل تروح قايل ايه؟ على فكرة الزينة ديت وحشة على فكرة الالوان مش متسقة مع بعض على فكرة فيه ارخص منها وانت لازم برضو زوجك كل اما يعمل حاجة لازم تعلقي عليه فجاب الحاجة بالف جنيه على فكرة انت الله يهديك وضحكوا عليك امال انت يجيب الحاجة والدنيا تعدي؟ لا ما ينفعش الدنيا تعدي. ضحكوا عليك والله لا ده في واحد اداها لي اه رخيصة خالص ده كان سبعميت جنيه وانا كنت بضحك عليك بقى برضه على فكرة ضحكوا عليك. عندنا آآ بطنط ميادة عاملة جروب عندنا على الخاص وبتعمل عرض كده آآ التلاتة بتلتمية جنيه طب اقول لك بقى على حاجة انا جايبه ببلاش فيه ابلش منه هو لازم في الاخر خالص مد خلاص هو اصل هو علاج. هو علاجها كده هو حاسة ان دي هو ده العلاج. هي مش هتتعالج الا اما تاخد الايه؟ الجرعة فخلاص اديها الجرعة زي في واحد تيجي تتناقش معاه هو لازم يكسبك في الحوار لازم تكسبك انت يكسبك في الحوار. فالحل ايه سيبه يكسب دايما اقول للشباب كده اما تروح لوالدك ووالدتك معهم وهم من الشخصيات اللي قدرا ما سداد شوية وانت كده يقول لي انا لو كلمت والدي لازم يا شيخ يقول لي لأ. اقول له ليه؟ يقول لي هو كده. اه اصل انا اقول له يقول لي اه. فيقول لك لأ. وانا اقول لك لأ. اه ليك ما ينفعش فانا اقول له طيب بص انت رايح تقول لوالدك على حاجة اه خليهم خمس حاجات وخلي حاجتك رقم اربعة يعني انت عاوز تسافر معهم الساحل في العيد مع ولاد خالتك وكده وراجل كبير وعاقل وبتاع طب تعمل ايه بقى قل له يا ابني انا عاوز آآ عاوز اروح ابات عند تيتة اول ليلة في العيد. هيقول لك لأ آآ طب انا عاوز اخد العربية واخرج مع اصحابي. لأ طب انا عاوز عيدية بقى السنة دي بقى كبيرة فوق الالف جنيه. لأ طب عاوز اروح الساحة بقى مع ولاد خالتي ودي بقى ما تقوليش لأ. وتضغط شوية كده مع دخول الوالدة وبتاع ان شاء الله الدنيا هتفك ليه؟ لانك انت اشبعت العلاج بتاعه. هو علاجه ان هو لازم اول حاجتين تلاتة يقول لك لأ كده خلاص خد الجرعة. خدت الجرعة اديني بقى واحدة وتعدي ان شاء الله طبعا مش معقول الناس هتصلح الطريقة ديت لان ممكن ناس تيجي تقول لهم كده يقول لك لأ ما انا سامع الدرس انا اصلا هقول لك على التلاتة الاولانيين اه عبدالله بن سلام رضي الله عنه قال والذي بعثك بالحق ما احب ان لي به اسما اخرا بعد اليوم ثم انصرفت من عند رسول الله صلى الله عليه وسلم. وقبل ما هو ينصرف عند رسول الله في رواية تانية سأل النبي سلاس اسئلة لا يعلمهن الا نبي قال له ايه؟ ما اول اشراط الساعة بيقول له ايه هي اول اشراط الساعة يا رسول الله وطبعا ده يدل ان ان هو كان حبر وكان عارف التوراة قبل ما تحرف وعارف علامات النبي اللي جاي فيه معلومات ما يعرفهاش الا نبي فقال للنبي صلى الله عليه وسلم انا هسألك تلات اسئلة ما يعرفهاش الا نبي الحاجة الاولى ما هي اول اشراط الساعة؟ اتنين ما اول طعام يأكله اهل الجنة؟ يا سلام وما بال الولد ينزع الى ابيه او الى امه امتى الولد يكون شبه والده وامتى الولد يكون شبه والدته فالنبي صلى الله عليه وسلم قال اخبرني بها جبريل انفا وجاوب النبي صلى الله عليه وسلم ايه عليه في حديس طويل عشان بس الوقت نعدي يعني الفكرة بس المهم ان هو ايه كان اصل بعض الناس بيتعامل كده من الصحابة والناس دي كانوا طيبين كده. لا يا جماعة هم كانوا طيبين اه وقلوبهم في السما بس عقلهم برضه قد جبال ناس كانت واعية جدا وتفكيرها ده عالي جدا عشان كده يا جماعة الدين ده لا يستمتع بي ولا يعنيه يطوف كده ويحلق بسماء الايمان الا انسان قلبه سليم وعقله سليم لانك طول ما بتفهم الدين صح بتلاقي نفسك كمكوك فضائي لكن احيانا يكون قلبك كويس بس انت فاهم غلط. فبيحصل كلكعة كتير. ولزلك من من من توفيق الله لك ان يكون انت قريب من صحبة او قريب من حد يبصرك بالاسلام بوعي انك تفهم صح يقول سم انصرفت من عند رسول الله صلى الله عليه وسلم الى بيتي ودعوت زوجتي واولادي واهلي كل دول دعاهم للاسلام فاسلموا جميعا يعني ايه اسلموا جميعا بقى؟ وليه اسلموا جميعا واسلبت معهم عمتي خالدة. فاكرينها عمته؟ اللي قالت له خيبك الله وكانت شيخة كبيرة بقت ست كبيرة لكن كلهم اسلموا. ليه بقى لما اصل لما كان له هم يا جماعة احيانا الاهل اما بيسقوا فيك وفي وعيك وفي آآ نضجك وفي معلوماتك واما بتكون انت لك رصيد عالي جدا عندهم بتكون انت ايه لك هيبة ولزلك مهم جدا يا جماعة انك تحافزوا على الهيبة وده حاجة مهمة قوي ان احنا نعملها. الهيبة بلا اه بلا تطرف. يعني ايه الهيبة؟ يعني انت مسلا كشخص ما ينفعش مسلا قاعد بتاكل لبان في الشارع ولا في البيت برضو بصراحة يعني بالنسبة للرجالة بس خلينا في الشارع يعني بتاكل لبان شاب كده عندك تمنتاشر سنة وبتاكل لبان يعني موقف كده انت انت كده بتخلي ناس كتير جدا تسحب من رصيد انه يهابك وان يحس انك انسان متزن ولا اخوات منتقبات وماسكين ايس كريم وقاعدين في الليل قدام هايبر ولا قدام اي حاجة تانية وقاعدين شغالين ويضحكوا ويهزروا والكلام ده كله. جائز جائز. اهو ما حدش سامعكم كده. بس انا شايفكم من برة كده وبتاع والكلام ده كله. طب ما تقعدوا على جنب تقعدوا في العربية تاخدوا يعني كلما ازددتم طبعا انا بتكلم في حتة دلوقتي في ناس ممكن تعمل ليفت جروب دلوقتي ايه ده هو بيتكلم هنا امال لو عرف الباقي ولا يخشوا مسلا مطعم ويكونوا قاعدين كده قاعدة وتلاقي في طريقة معينة في الحوار تحس ان انت في حاجة مش مزبوطة فالباب ده مش كل حاجة يا جماعة هو جائز يا شيخ ولا مش جائز ولأ يا جماعة في حاجات تانية غير كده غير ان فكرة يعني اقولكو على حاجة عورة الرجل من السرة للركبة. صح ينفع حد يلبس كده مسلا شورت كده اسلامي كده يعدي الركبة وماشي في الشارع كده ويقول لك ايه انا ساتر العورة ولا مش ساترها انت انت ساتر العورة بس لكن مش ساتر اي حاجة لا ساتر مروءتك ولا ساتر عقلك ولا ساتر حياءك ولا ساتر اي حاجة تانية مش دايما على طول الخط انك اه زي مسلا تكون في اخت مأنكشة جامد جدا في زوجها وهي منتقبة وماشية في الشارع الموقف ده انتم شايفين كده اما حد يشوفه كده وبتاع وانت ماسكة اوي وبتاع والكلام ده كله حتة بقى احنا مش انا نفسي امشي بالطريقة ديت وعاوزة بقى الناس تحس وبتاع والكلام ده كله ما هو جميل بس انت اما تيجي تعمله راعي في السياق العام فمش كل حاجة تروح لازقها لزقة ايه؟ جائز ولا مش جائز؟ جائز ولا مش جائز؟ الباب ده مهم يا جماعة ان احنا نرتقي فيه. رجالا ونساء تاء رجالا ونساء والحاجات دي بتدي بقى ايه؟ بتدي للانسان وقار تدي للانسان الهيبة الاخوات اللي تلاقيهم عاملين الصورة بتاعتهم كل شوية بقى الخمس ست منتقدات وقاعدين مع بعض وعشان طبعا هم منتقبات واخوات فاهمين كويس اوي ادي ضهرك للكاميرا وبصوا بقى للشمس بقى وبصوا للايه للمش عارف ايه. الكلام ده لو بتعملوه بينكم وبين بعض كبنات جميل والله يعينكم واعملوا براحتكم واكتر من كده براحتكم. لكن صفحة وتبقى للجمهور والكلام ده انا لا اقول ان هذا حرام. هذا يعني ليس من باب آآ استطيع ان انا اتكلم فيه. لكن آآ اقصد لكن انا شايف ان ده يعني لا لا احب هذا لمن اخذ طريق الاستقامة وطريق ان يحافز على آآ وقاره وده لا يمنع انك تاخد راحتك خالص يعني. هل ده يمنع انك آآ تتبسط جدا مع الناس وتلعب معهم كورة وتخرج وتعمل نفسك في وتنزل حمام السباحة وتكون احسن واحد بتعوم والشيخ احسن واحد بيجيب جوان واكتر واحد بيزق الناس في الماية عادي جدا بس في الاخر خالص كان عمر بن الخطاب بيجيب ابن عباس ويهزروا مع بعض ويخشوا في الماية ويجيبوا اتنين من الصحابة يروحوا حاطين راسهم في الماية ويشوف مين اكتر واحد يقدر ايه يحافز على نفسه وهم ايه محرمين لابسين الاحرام ففكرة التبسط ده حاجة وفكرة انك تضرب آآ وتسحب من رصيدك وتضرب في بتصور الناس عنك لأ خلي الناس كده تزل تهابك تقول لك الاخ ده لزيز وجميل وكل حاجة بس خلي بالك شف بيلعب معنا كورة وبيهزر معنا وبتاع بس انا وانا بتكلم معه لأ خلي بالك برضو انت ايه ما تخشش معه في العمق قوي انا اتكسف في اللي انا اقول له كده. جميل قوي انك الشعور ده يدن وموجود لما تكون جميل قوي من الناس بس في الاخر في شهور الهيبة المتزنة ده يكون موجود فعبدالله بن سلام عبدالله بن سلام كان ده حاجة جميلة عنده. وبالتالي لما قال لهم انا اسلمت خلاص والكلام ده موجود بقى عند ناس كتير سعد بن معاز هل انت النهاردة في عيلتك لما تاخد طريق الاستقامة العدا تهتز العيلة كده تهتز يقول لك ايه ده ازا كان ده عمل اكيد فيه لأ استنى اكيد فيه حاجة ممكن فعلا انت تأسر في عيلتك كلها؟ اه انا اعرف ناس كده بفضل الله يقول ثم قلت لهم اكتموا اسلامي واسلامكم عن اليهود حتى اذن لكم. بس بصوا بقى يا جماعة عاوزين ايه؟ نعمل خطة ايه الخطة اللي هتعملها يا عبدالله بن سلامة؟ قال انا شخص منزم وبرتب حياتي كلها بطريقة معينة فاكتموا اسلامي مش عاوز حد يقول ان انا اسلمت واكتموا اسلمكم اسلامكم كلكم لغاية ما ايه؟ نعلن فقالوا نعم خلاص طبعا ده راجل مهاب بيتسمع له الكلام. مش يلاقي بقى ايه في يوم من الايام واحد قاعد بايه ماسك بوق يهودي وبيقول ايه احنا اسلمنا انا والشيخ وعبدالله وابن سلام لا لا يا جماعة يقول ثم رجعت الى رسول الله وقلت له شف التربية على المرجعية من اول يوم ييجي يتحرك بيستشير. ييجي بيتحرك بيستشير اهل الايه؟ اهل الفضل واهل الديانة واهل التخصص في الباب اللي هو عاوز يستشير فيه وجماعة سبحان الله ما فقد انسان الشورى الا وقد فقد توفيق كبير جدا جدا جدا. لانها كانت هتخسر ايه يعني اما تستشير. انت اما تستشير النهاردة حد امين سقة هتخسر ايه لو قال لك معلومة مش عاجباك خلاص انت يا جماعة بيستشير ده بياخد عقول الناس كلها ويبدأ يفكر بقى معهم. فياخد عقول الناس يحطها على الترابيزة ويبدأ يفكر فانت كسبان من كل الجهة ومحمد قال من ما خاب من استشار فانت ليه بقى مصمم على كده؟ يا جماعة ده فرعون لما قال زاروني اقتل موسى الشورى ديت نفعت لأ بلاش نقتل سبحان الله يقول ثم رجعت الى رسول الله صلى الله عليه وسلم وقلت له يا رسول الله ان اليهود قوم بهتان وباطل اول حاجة اوضح الامر للنبي صلى الله عليه وسلم واداله ايه؟ رفع تقرير مين دول واني احب ان تدعو تدعو وجوههم اليك. انك يا رسول الله انا حابب انك تجيب الرؤساء والسادة وتقول لهم تعالوا وان تسترني عنهم في حجرة من حجراتك ثم تسألهم عن منزلتي عندهم قبل ان يعلموا باسلامي ثم تدعوهم الى الاسلام فانهم ان علموا انني اسلمت عابوني ورموني بكل ناقصة وبهتوني يا سلام! الكلام ده عاوز آآ درسين تلاتة لوحده الخطة دي لكن خلوني اعلق على عنوان واحد او اتنين بالكتير هو باختصار بيقول له يا رسول الله آآ اليهود دول ناس آآ يهود. يهود وانت هتتعامل بقى معهم في المدينة وهتشوف فدول يهود قوم بهتان وباطل. اتنين انا احب رقم اتنين يعني اول معلومة دي المعلومة التانية انا احب انك يا رسول الله تجيب الدماغات اللي فيهم الحاجة التالتة انك تسترني في اوضة من الحجرات اربعة انك تسألهم عني انا قبل ما يعرفوا اسلامي ورقم خمسة انك تدعوهم للاسلام والكلام ده كله انا بقوله عشان انهم ان علموا انني اسلمت عابوني ورموني بكل نقز نستفيد من طريقة التفكير ديت ايه بقى يا جماعة فيه ناس مدمنة مشاكل في ناس مدمن مشاكل يعني ايه هو واحد دايما بيفكر بعقلية المشكلة؟ يجي يقول لك ايه انا يا عم الشيخ انا زوجتي بتقول لي كزا وكزا وكزا او والدي او هي تقول زوجي وبتاع وبيعمل واحد يعني واحد اتنين تلاتة اربعة فتيجي تقول لها طيب ايه رأيك وندخل حد؟ لا مش هينفع عشان ندخل حد قبل كده وموته طيب ما فيش مشكلة عشان ما يموتش حد طيب ممكن يكلمني؟ لا ما بيكلمش رجالة وبيقول ما بيستشرش حد طيب انت ممكن ترقي نفسك؟ لأ ما بحبش آآ حد يرقيني. طب انت انت ترقي نفسك يعني انت تحطي ايدك كده ما بعرفش طب نعلمك ما بحفزش آآ عارفين ان انتم فكرة الشخص اللي جوبا جاي يقول لك يا شيخ انا مصدع وقبل رمضان قبل المغرب كده يقول لك انا مصدق فتقول له خلاص ده باقي ساعة مش قادر طيب حاول تنام آآ نمت ومش جاي لي نوم آآ طب حاول تدخل كده ايه حط راسك تحت الماية. عملتها تلات مرات ما هو انت لو ناوي ان انا اقول لك كل انا مش هقولها لك. عشان بس اريحك انت اخر المكالمة دي عاوزني ان انا اقفل معك قفلت يلا ناكل مع بعض مش هيحصل فلو هو ده انت بتزق فيه مش هتاخده مني فاستهدى بالله كده وحاولت افكر في اللي انا باقوله لك نرجع تاني بقى فاللي انا عاوز اوصله لحضراتكم ان في شخصيات وهو قاعد حاطط المشكلة قدام نقطة مهمة قوي تركزوا فيها في ناس يا جماعة عنده شماعة عنده كعبة. الكعبة دي قاعد بيطوف حواليها اسمها ايه انا والدي مش مهتم بي. جميلة قوي بقى. والدي مش مهتم بي. اه الاربع كلمات اربع اركان الكعبة بتاعته راح حاططها. وبسم الله والله اكبر واستلم الحجر يبدأ يطوف فتبدأ تقول له ايه؟ انا كلمت والدك وهيبدأ يهتم بك. يبقى يبقى الكعبة هتتشال صح؟ لأه طبعا. ده هو مخلي حياته كلها بايزة بسبب الايه ان هو قاعد عمال يلف حواليها ده انا اتطلقت عشان والدي مش مهتم بي ولما زوجي قال لي بتاع هو والدي مش اهتم بي وما ردش عليه. ماشي. فهي عشان والدها مش بيهتم بيها وهي ما اشتغلتش عشان والدها مش اهتم بها. ليه؟ لان والدها زمان لما دخل سالي جامعة خاصة ما دخلهاش هي جامعة خاصة وهي كانت نفسها وداتها عيط واعيط في نفسي طبعا ما رضيتش اقول له. وهو ما حسش بي واتحملت كل الوجع اللي فيا واتدلنا بقى نخش في الايه؟ القصة دي ففي ناس بيبقى مستمتع ان عنده مشكلة خارجه تيجي تقول له على فكرة المشكلة مش في الخارج المشكلة في داخلك تعال نحل في الداخل لأ بقى لأ ما تموتنيش ده دي الشماعة ده ده دي العوامة دي طوق النجاة اللي انا قاعد فيها في المحيط هتاخدها مني هغرق لأ انا هاخدها منك واقول لك على فكرة ده ما لوش علاقة اصلا. انت بس عايش الوهم ده. انت عايشة ان مشكلتك كلها زوجك. هي مشكلتك مش زوجك على فكرة. هي مشكلتك تصورك انت ما بيعرفنيش راتبه. واقول له كنت فين ما يردش علي. واقول له مش عارف ايه يعمل كزا. ونفسي مش عارف ايه. على فكرة تسعين في المية من اللي انت قلتيه اصلا ده انت اللي حطيتي المشكلة ديت هو اصلا لا شرعا ولا واجب ولا عرفا ولا اي حاجة ان هو يعرفه كل التفاصيل دي وتيجي بقى يا عيني تقعد مع احيانا معه يقول لك ده انا معرفها طب انت ليه داخلة في الحتة دي اسأل الله سبحانه وتعالى ان يسددنا واياكم. فارجو ان احنا ما نخشش في متاهات يعني اه في مشاكل لا شك في فعلا اه اداء صعبين وفي ازواج اصعب منهم وفي اولاد اصعب من الاتنين اللي فاتوا وفي زوجات اسهل من كل دول عارفين ان في مشاكل كتير لكن يا جماعة كل حاجة تاخد الحيز بتاعها. ما تزدش عن كده خلاص المشكلة ديت هي خلاص تاخد عشرة في المية بلاش نديها تسعين في المية انت فعلا زوجك مش مهتم بالاحتياجات العاطفية بتاعتك؟ اه متفقين معها. وما بيعرفش يقول الفاظ كويسة؟ اه متفقين معها. الحاجة دي اخرتنا فيها كمشكلة دي مشكلة عويصة ورخمة بس هي خمسة وعشرين في المية بلاش تخليها مية خمسة وعشرين في المية عشان تقدري تعيشي نظرية تكملي طيب هنا عبدالله بن سلام يبقى واحد جه حكى للنبي صلى الله عليه وسلم فيه مشكلة يا رسول الله هتقابلنا دلوقتي. ايه هي المشكلة؟ واحد اتنين تلاتة اربعة يبقى المشكلة اهي. وانا يا رسول الله ودي بقى النقطة المهمة جدا الفايدة التانية في في الخطة دي ان انا جاي اعرض عليك حل يا جماعة من جمال الصحابة انهم لم يتعاملوا مع رسول الله انه حلال مشاكل نفسية وحلال مشاكل الارادة لا تعاملوا معه انه نبي هيدلهم على الرب جل وعلا يعني مصعب بن عمير في يوم من الايام ما رحش قال له يا رسول الله انا عاوز آآ احكي لك حاجة. قل يا مصعب وانت اطرف شاب في مكة وكان الشباب كلهم بيحبوني والفتيات كلها تتمنى انها تشوفني. وكانت امي بتجيب لي وكان ابويا وكان وكان وكان وكان وكان وكان وكان وكان وكان وكان وكان وكان وكان وكان وكان وكان وكان وكان وكان انا دلوقتي خسرت كل حاجة وباب وصولي اعمل ايه؟ في حواديت كده كتير ما كانوش بيحكوها. طب هو مش بيحكوها ليه لان في حاجات هو عارف ان دي ضريبة الطريق في حاجات عارف ان ديت محتاجة انك تقف على رجليك انت لازم تقف ولازم تتعامل في خشونة تقوم وتحاول تساعد نفسك فيها فهنا عبدالله بن سلام ابداع مع عرض حلول مش يشغل النبي بمشاكله بس عشان كده انا بنصح دايما اي حد يستشار انه يدخل يدخل الانسان اللي بيستشيره في الحل يقول له طيب انت شايف ايه انت ايه وجهة نظرك يقول لك ما انا لو عارف ما كنتش جيت قبل ايه؟ يا عم خليني كده بص اعتبرني انا اللي بستشيرك. وعندي المشكلة ديت. طلع نفسك من الحدس وتعال نفكر كده. ممكن يكون سببها ايه؟ هل مسلا ممكن يكون مشكلة مع ربنا علاقتي مع ربنا مش الصبر اه صح ممكن طيب ايه كمان ايه كمان ايه كمان؟ هو يبدع ويشاركني لان لو اتفق معي على الحل والحل طلع من جواه يتبناه ان شاء الله ترضاه لامك؟ لا طيب ترضاه لاختك؟ لا طب ترضاه لكزا؟ لا. فالنبي صلى الله عليه وسلم ايه بيطلع الحل من جوة والقناعة من جوة فادخلني رسول الله في بعض حجراته. بيقول بقى النبي صلى الله عليه وسلم انا عرضت عليه الفكرة ديت خدني وده اخدني ايه في بعض حجراته اه غدا نعرف اه ايه اللي حصل؟ والنبي صلى الله عليه وسلم استجاب لي وآآ اتم الخطة كما اراد ولا النبي صلى الله عليه وسلم غير في الخطة؟ وهل استمع لي كمربي وهو بيسمع الامر ده ولا لأ فاسأل الله سبحانه وتعالى ان يسددنا واياكم ويمن علي وعليكم بحب هؤلاء وان نحشر معهم في امن وامان. جزاكم الله خيرا