﻿1
00:00:00.350 --> 00:00:22.000
السلام عليكم ورحمة الله وبركاته الحمد لله رب العالمين لله الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله وبعد فاسأل الله سبحانه وتعالى

2
00:00:23.250 --> 00:00:44.950
لي ولكم التوفيق في الدنيا والاخرة والسداد والرشاد وفي هذا الصباح نسأله انشراح الارواح ما شاء الله ننزل على قلوبنا السكينة ويغشانا برحمته ويذكرنا واياكم في الملأ الاعلى ذكرا حسنا

3
00:00:45.300 --> 00:01:05.750
ويستعملني واياكم استعمالا مرضيا مرضيا وان يفتح علي وعليكم في فهم كتابه والعمل بما فيه ويجعلني واياكم ممن رضي بالله ربا وبالاسلام دينا وبمحمد صلى الله عليه وسلم نبيا ورسولا

4
00:01:06.300 --> 00:01:31.400
ويجعل هذه المجالس مجالس نور لا مجالس رياء وزور واسأل الله لي ولكم حسن الفهم عنه ونسأله ان يجعلني واياكم ممن وفق للعافية في الدين والدنيا والاخرة ما زال حديثنا

5
00:01:31.800 --> 00:01:58.500
حول ايات سورة النور نور الله بها قلوبنا وعقولنا  كنا توقفنا عند قوله تعالى ليس على الاعمى حرج ولا على الاعرج حرج ولا على المريض حرج سورة النور اتكلمنا في

6
00:02:00.400 --> 00:02:25.300
بدايتها وقلنا ان هذه السورة فيها تطهير المجتمع المسلم وتربيته على الطهر والعفاف فيها وقاية المجتمع من الرزيلة وتوابع الرزيلة والفحش وفيها بناء المجتمع المجتمع اللي اتكلمنا عنه مجتمع النور

7
00:02:26.850 --> 00:02:51.150
مجتمع النور في مرتكزاته بناء الاسرة والتجمعات الصغيرة طيب بناء الاسرة ده من خلال آآ الايات الثلاث قبل الاخيرة هو استئزان العبيد وغير البالغين واتكلمنا عنهم ثم حجاب القواعد كبيرة السن واتكلمنا عنه المرة اللي فاتت

8
00:02:51.450 --> 00:03:15.800
واليوم رفع الحرج والاجتماع على الطعام فيقول الله سبحانه وتعالى في هذه الاية لما قلنا لما الله سبحانه وتعالى ذكر الاستسناء فيما يتعلق بالاستئذان وقلنا ان الايات سورة النور ذكرت ان الانسان في اداب ان الانسان لابد يتحلى بها وهي الاستئذان

9
00:03:16.500 --> 00:03:34.400
وازاي ندخل بيوت الغير؟ طيب داخل بيوت الانسان بيوت بيتي انا في اداب استئزان مش معنى ان ده بيتك انك تتحرك براحتك فيه لأ استئزان انك تدخل على اختك ولا هتدخل على والدك هتدخل على والدتك

10
00:03:34.550 --> 00:03:51.050
في اداة الاستئزان في اداب للذين لم يبلغوا الحلم وفي اداب للذين بلغوا الحلم طيب بالنسبة للقواعد من النساء حجابها زي حجاب الناس العاديين ولا في استسناء؟ في رخصة لهم

11
00:03:51.200 --> 00:04:18.700
وفيه ترغيب لهن انهم يبقوا على على الصورة الاكمل التي يحبها الله سبحانه وتعالى ثم ذكر الله سبحانه وتعالى شيء لان الانسان لو دخل بيت حد وجلس في آآ الطبيعي هيكون من الامور اللي محتاج ان احنا نتكلم عنها وموضوع الطعام. طب هو لو في اكل ياكل ولا ما ياكلش

12
00:04:19.650 --> 00:04:38.600
فجاءت هذه الاية العظيمة وهي ليس على الاعمى حرج ولا على الاعرج حرج ولا على المريض حرج الاية ديت لعلماء لهم فيها اقوال آآ منها ان لما نزل انزل الله سبحانه وتعالى

13
00:04:39.050 --> 00:04:59.200
قوله يا ايها الذين امنوا لا تأكلوا اموالكم بينكم بالباطل المسلمين بينهم وبين بعض لما سمعوا الحاجة دي قالوا ايه؟ ان الله قد نهانا ان نأكل اموالنا بيننا بالباطل والطعام هو افضل الاموال

14
00:04:59.850 --> 00:05:23.250
وبالتالي لا يحل لاحد منا ان يأكل عند احد ما فيش حد ياكل عند حد مش الاية بتقول لهم ما تاكلوش اموالكم بينكم بالباطل طيب هو قال لك الطعام ده من اموالنا بل هو افضل الاموال. هو انت اصلا انت بتتاجر ليه؟ وبتشتري ليه؟ وبتحاول تشتغل ليه؟ عشان تجيب فلوس وتعمل فلوس عشان تجيب بها ايه

15
00:05:23.250 --> 00:05:50.950
نجيب بها الحاجة واخدين بالكم  هؤلاء لما سمعوا هزا الامر بينهم وبين نفسهم حسوا ان كده في اشكال احنا كده ما ينفعش ناكل عند بعض فلا يحل لاحد منا ان يأكل عند احد

16
00:05:51.200 --> 00:06:08.500
فكف الناس عن ذلك فانزل الله بعد ذلك ليس على الاعمى حرج ولا على الاعرج حرج ولا على المريض حق وده معنى مهم جدا جدا ان احنا نستفيد منه. نستفيد منه ايه

17
00:06:09.300 --> 00:06:28.700
نستفيد منه قد ايه ان الصحابة رضي الله عنهم كانوا يسمعون للتطبيق وكانوا يستمعون القول ليتبعوا احسنه ده واحد مش مجرد بيسمع كده الدرس يقول لك الله درس جميل الله استفدنا جدا الله

18
00:06:29.300 --> 00:07:02.200
هو الكلام ده حلو لكن مش سامعنا واستمتعنا سمعنا واطعنا انك بتسمع عشان تطبق واخدين بالكم وبعدين آآ الصحابة رضي الله عنهم عرفوا من انزل هذا الكلام وبالتالي بيتعاملوا تعامل مختلف. ما يجيش بقى واحد يقول ايه؟ طب واللي فيها لما انا اكل مع صاحبي؟ واللي فيها لما ناكل من بيت ابويا

19
00:07:02.200 --> 00:07:19.700
اللي فيها في وقت التشريع وقت استقبال رسائل الرب وهم بيتعاملوا مع القرآن ان دي رسائل من الله سبحانه وتعالى كانوا يقرأونها بالليل ويطبقونها بالنهار مجرد ما يسمعوها ويفهموها على طول يبدأ يتفاعل

20
00:07:20.500 --> 00:07:41.000
فده مش مجرد ان هو بيسمع الاية كده وخلاص لا لا كده اما تيجي تقول لي انا نحن نزلنا الذكر. فتيجي تقول ان دية ايه ان دية آآ عائدة على الله سبحانه وتعالى وان دية آآ آآ للعظمة ومش عارف ايه والكلام ده كله. انت تعرف اه ان دي عائدة

21
00:07:41.000 --> 00:08:04.300
قال الله لكن هم كانوا يعرفون الله. فعشان كده بيروا التعظيم في ان آآ هم شايفين ان ديت شايفين التعظيم مش عارفين ان هي عايدة على التعظيم. واخدين بالكم  هناك من يعرف الله فلما بيقول ان دي للتعظيم

22
00:08:05.450 --> 00:08:30.250
قلبه بيرتجف وبيبقى له وقفة خاصة وفي واحد تاني ما البعد ده في تشويش عنده فهو مش يستوعبه كويس قوي فنسأل الله السداد فهذه الاية بتقول لنا ليس على الاعمى حرج ولا على الاعرج حرج ولا على المريض حرج ولا على انفسكم ان تأكلوا من بيوتكم

23
00:08:30.300 --> 00:08:43.700
ثم ذكر الله احدى عشر بيتا طيب العلماء في الاية ديت في اقوال. البعض قال ان الجزء الاولاني منها اللي هو السطر الاول ليس على الاعمى حرج ولا على الاعرج

24
00:08:43.700 --> 00:09:05.200
ولا على مريض حرج. المراد منها ان ليس عليهم حرج يعني اثم في التخلف عن الجهاد واخدين بالكم وبما ان الاية بتتكلم عن نفي الحرج فزكرت وبالنسبة لكم برضه ما فيش اثم على فالاية لنفي الحرج

25
00:09:05.350 --> 00:09:26.300
وده معنى بعيد لكن المعنى الصحيح ان شاء الله ان لما كان آآ حصل اللي انا قلته من شوية وانزل الله سبحانه وتعالى هذه الاية البعض شد ايه؟ تعافى وقال خلاص انا مش هينفع اكل مين؟ مع حد خالص

26
00:09:26.750 --> 00:09:52.100
الحاجة التانية المواقف التانية ان كان في بعض الناس يجد في نفسه شيء عندما يأكل مع الاعمى والاعرج وعلى المريض واخدين بالكم اوصل لكم الفكرة دي. كان بعض بعض المسلمين بيجد حرج. طيب حرج ان هو بيقرف

27
00:09:53.400 --> 00:10:23.750
لأ هو كان بيجد ان لو مسلا الاكل اتحط فانا شايف ان اللحم فين آآ الخبز فين الماية هو التاني ما يعرفش فانا بسهولة ان انا اكل من الاماكن انا لا ممكن كان الاعمى يتمنى انه ياكل منها

28
00:10:24.100 --> 00:10:48.650
وكأني هاكل اكله وصل لكم الفكرة دي كاني ساكل واه واه انا هكون اسبق للطعام منه واخدين بالكم وبالتالي انا هعرف اكل واسبقه والاعرج مش متمكن من القعدة ومش واخد راحته خالص

29
00:10:49.200 --> 00:11:02.800
فمش عارف ياكل والمريض كزلك ممكن ياكل لقمة وبعدين ينتزر شوية بتاع. فقال لك يا عم ليه انا ادخل في الضغط النفسي ده فقال لك لأ انا مش هاكل معكم

30
00:11:03.050 --> 00:11:21.650
انا مش هاكل معهم اريح بالي بقى واسيبهم خالص فانزل الله ليس على الاعمى حرج ولا على الاعرج حرج ولا على المريض حرج ان يتخلفوا عن الجهاد ده  هنا بقى معمل الجهات

31
00:11:21.750 --> 00:11:47.600
وبعدين لان الله يمهد لقلوب المؤمنين انه يسمعه ومش عليكم حرج يا جماعة ان هم ياكلوا معكم ماشي ده على معنى المعنى التاني اول من ودي كلها مواقف عادي ان ده ممكن يكون حصل من بعض الطوائف وده حصل من بعض الطوائف فانزل الله سبحانه وتعالى ما يزيل الحرج من النفوس الكثير

32
00:11:48.100 --> 00:12:12.200
ليس عليهم حرج في الاكل بعد ما ترفعوا عنه باسباب ايه هو الاعمى نفسه والاعرج والمريض هم نفسهم اللي كان في نفوسهم الحرج طيب الحرج جاي منين قال لك ما انا وانا باكل ايدي قاعدة اومال ايه

33
00:12:12.450 --> 00:12:32.150
يعني رايحة جاية في الطبق فممكن الناس تقرف مني فانا ما بحبش اكل هو في حد جنبي اشوف بقى ده مين بقى هنا؟ هنا اللي نفسه عالية قوي هو الضعيف

34
00:12:33.350 --> 00:12:54.950
اللي صاحب الاعزار بيقول لك لا يا عم انا كده باشق على اخواتي وممكن يقرفوا مني ممكن انا اعمل حاجة ممكن تضايقهم فانا مش هاكل او لئلا اتسبب ان اخواتي

35
00:12:55.450 --> 00:13:17.550
يسيبوا الاكل ايثارا لي فاكون من باب الحياء باضغط عليه اول حاجة التالتة اما كانوا بيخرجوا للجهاد وده اللي خلى بردو ايه ان المقطع لن يكون على الجهاد فكانوا بعضهم انا خارج للجهاد وطالع مع النبي صلى الله عليه وسلم فممكن اسيب مفتاح بيتي

36
00:13:18.400 --> 00:13:34.950
مع واحد منهم لان هم اصحاب الاعزار. ما انا مش هاخد مفتاح البيت واسيبه معه وكنت بقول له ايه لو عزت حاجة من البيت البيت بيتك زي ما انت بتشوف كده في فلسطين تلاقي الناس يقولوا للمقاومين الا لو عزتوا حاجة كلوا براحتكم خالص

37
00:13:35.850 --> 00:13:56.000
واخدين بالكم فكان الاعمى والاعرج والمريض يقولوا لأ ده هم مش سمحوا لنا الا تحت ضغط الزرف الراهن. فده من باب الحياة احنا برضو مش هناكل عندهم هينزل الوحي يزيل كل الاشكالات دي كلها

38
00:13:56.800 --> 00:14:09.700
واخدين بالكم بعض الناس اما ييجي يقرأ للعلماء يقول لك السطر الاولاني ده لنفي الحرج عن الجهاد يقول لك ايه علاقة الجهاد اصلا بالموضوع وسورة النور ومش عارف ايه ما انت لو فهمت اللي احنا بنتكلم فيه دلوقتي

39
00:14:09.700 --> 00:14:25.450
تبدأ تستوعب ان الوحي ان ان كلام المفسرين ده يوجه فعلا قوي لان المشهد ده آآ بعده حصل بسبب خروجهم آآ في سبيل الله مع النبي صلى الله عليه وسلم

40
00:14:26.300 --> 00:14:46.850
جميل الاية دي ربما البعض آآ بيبقى شايفها ايه علاقتك بها في ناس كتير ممكن يشوفوا الاية ديت من باب الاية دي في سورة النور بتوهني. احيانا بتلخبط فيها واخدين بالكم؟ فيتعاملوا مع الاية دي ان هي هي يعني هي حكم كده ان احنا ناكل فين وخلاص والموضوع انتهى بس الاية دي بتلخبط والموضوع ايه

41
00:14:47.050 --> 00:15:12.450
آآ امتى سبحان الملك يبقى ازا الاعرج نفسه عمل كده. طيب النسبة لهم هم بالنسبة بقى للاصحاء هم شددوا على انفسهم فحرموا ان هم ياكلوا من بيوت غيرهم ليه؟ زي ما اتفقنا بقى لما انزل الله سبحانه وتعالى لا تأكلوا

42
00:15:12.750 --> 00:15:32.300
اموالكم بينكم بالباطل فقال لك لا يا عم انا مش هاكل عند اي حد انتهى خلاص فازال الله هذه الوحشة من نفوسهم وكان من عادة العرب برضو من ضمن الملامح ان هم ناس عندهم كرامة عالية اوي وكرم عالي قوي

43
00:15:33.200 --> 00:15:48.500
فكان بعضهم لا يأكل منفردا ابدا ما بحبش ياكل لوحده ولدرجة لو ما لقاش حد ياكل معه يتعافى ويعافى عن الاكل ده يقول لك مش واكل انا مش هاكل الاكل ده

44
00:15:49.400 --> 00:16:14.600
واخدين بالكم والبعض كان يشدد على نفسه البعض كان يشدد على نفسه بيقول لك لأ انا آآ مش هاكل الا آآ من خلال كزا وكزا او من لو انا اللي عامل الاكل ويبقى في ناس معينين قاعدين ومش عارف ايه وكده. عارفين في ناس كده بيحطوا

45
00:16:14.600 --> 00:16:41.050
تقاليع لنفسه كده فازال الله كل هزه الامور ووسع جدا في الامر فانزل الله سبحانه وتعالى هذه الايات حتى يبين لنا تلك المعاني. الاية دي الاية ديت مليئة بالمعاني اتكلم يمكن في تلت اداب فيها ان شاء الله وانا ماشي معكم

46
00:16:41.400 --> 00:17:00.000
لكن هنشوف سبحان الله في الايات ديت قد ايه رحمة الاسلام بالضعفاء ومراعاة احوال ذوي الاعزار ان لهم عند الله سبحانه وتعالى مكانة خاصة وده مما يعني قصرت فيه الامة

47
00:17:01.350 --> 00:17:30.450
وهم وهو ان احنا يعني يكون عندنا في الحمد لله اماكن لكن ضعيفة وليست كافية اماكن آآ هؤلاء ازاي نساعدهم الاعمى ازاي نساعده؟ الاعرج ازاي نساعده اه بتلاقي سواء بقى في مستوى التعليم مسلا دار قرآن تخشها. طب لو واحد كفيف ازاي يتعلم

48
00:17:30.600 --> 00:17:53.950
طيب آآ او واحد اعرج ازاي يتعلم بردو يقعد فين او في المطار طب لو دخل الحمام يا سبحان الله لكن الوحي بيعلمنا الرحمة بالضعفاء الاية دي برضو بتعلمنا ان لما بيتعمق الحب والتآلف بين الناس

49
00:17:54.700 --> 00:18:22.200
التنافر بيزول على طول وتيجي بقى موضوع ايه التغاضي وتلاقي بقى ايه يعني مما آآ جرت به العادة ان في الحياء لا يتحرج منه وبنفهم ان الاسلام جاء باليسر واليسر في الاسلام ليس اليسر لمفهوم عند كثير من الآلام في اعراف الناس. يقول لك يا عم الدين يسر

50
00:18:22.650 --> 00:18:43.550
بيقولها امتى يشرب سجاير يسلم على واحدة لا تحل له عما يكون مقصر في الصلاة اما ييجي يقول آآ مسلا هو عاوز يعمل فرح واختلاط واغاني وبتاع فييجي البنت تقول له يا ابي مش عارف ايه يقول لها بقول لك ايه الدين يسر

51
00:18:44.650 --> 00:19:11.300
بطلوا بقى تزمت فهو عنده الدين يسر ديت كلمة  يعني كلمة حسنة لمعنى قبيح بمعنى قبيح. ايه هو المعنى القبيح؟ ان هو يريد ان يرتكب المخالفة ويسير مع هواه لا مراد مولاه

52
00:19:11.600 --> 00:19:36.700
هيقول لك الدين يسر. لأ الدين يسر ده يا جماعة معناه طالما شيء شرعه الله سبحانه وتعالى فهو يسير من باب لا يكلف الله نفسا نفسا الا وسعها فطالما ربنا قال انك تعمل كزا ربنا قال لك تعملي كزا فده يسر. ليه يسر؟ لان الذي خلقني هو

53
00:19:36.700 --> 00:20:07.950
هو الذي تكلم بما خاطبني به واخدين بالكم فاليسر ده مش بميزاني وبميزانك مش بميزان وبميزان تيجي تقول له آآ مسلا انت في الحج او في العمرة ما تيجي تقول له انا رايح عاوز اعمل عمرة. يقول لك بقول لك ايه لا ومش عارف ايه تقول له عشان بس ايه يعني يقول لك احنا عملنا عمرة قبل كده

54
00:20:08.150 --> 00:20:25.600
والدين يسر مش كل شوية بقى ندننا نباع عزاء في الفلوس والكلام ده فرح اخته بقى عملنا فرحي وقاعة قد كده واختلاط قد كده والمعازيم قد كده. ويوم في البيت. وبعدين تاني يوم في الجامع. وهنا ويوم للاصدقاء ويوم للقرايب

55
00:20:25.600 --> 00:20:47.450
وتأليف تأليف اعراف وتأليف اشياء وارهاق مادي وازعاج على العريس او مين اللي هيشيل اليوم ده لأ انتم اللي تشيلوا لأ احنا اللي نشيل وده يدن ونفتح باب الغيبة والنميمة تيجي انت تقفل الباب ده كله يقول لك ايه

56
00:20:48.450 --> 00:21:04.550
انتم بتوع اه انتم بتوع التنفير وانتم بتوع كزا. ده انا عاوز اوفر على حضرتك ده انا بقول لك يوم الفرح. والله يا جماعة انا اعرف ناس يوم الفرح بتاعه كله عن بكرة ابيه

57
00:21:04.750 --> 00:21:24.550
ده بيكلف الفين تلت تلاف جنيه تلت تلاف جنيه اليوم كله لكن ست الكل بتدور على الفستان اللي تطلع به الطلة صلة الايه صلة الحنة وطلة الخطوبة وطلة العقد وطلة الزفاف

58
00:21:25.100 --> 00:21:34.850
وتقول لك لأ الحمد لله انا مش زي فلانة انا ما اشترتش فساتين. امال انت عملت ايه؟ رحت اتأجرت. شف بقى انت الايجار ده انت فاكر ان الايجار ده مسلا بسبعتاشر جنيه ونص

59
00:21:35.800 --> 00:21:55.950
ماديات قد كده وبعدين بقت تحصل الهمهمة ايه هي الهمهمة؟ ده ما شاركش معها في فستان الخطوبة ولا شارك في فستان الحنة. ولا اشارك في فستان خالتي. ايه فستان خالتي دي مع عم خالتي تيجي تبارك لي بيبقى لها طلعة طلة فستان كده. بنطلع نسلم على خالتي بفستان معين

60
00:21:55.950 --> 00:22:07.000
ولا فستان عمتي ولا فستان مش عارف ايه تدور على الفساتين دي بقى بعد البناء تبدأ بقى تسأل تقول لي يا شيخ هو انا ممكن اسيب فساتين الفرح بتاعي ديت تبقى وقف لله

61
00:22:08.050 --> 00:22:18.550
ما شاء الله عليك. انت عشان عارفة ان انت مش لاقية لها همها حاجة دلوقتي الا ان هي تبقى قماشة في الايه في البيت ممكن تكنسي بها ولا تمسحي بها بلاط المطبخ

62
00:22:19.000 --> 00:22:35.450
وما عنتش عارفة تلبسيه فبتقولي طب ما اخليها وقف هو حاجة كويسة ان طب الحمد لله انا ناوية ان شاء الله ان انا هشتري فستان وان شاء الله بعد ما اخلصه هكون واقف. لا. اوعي تكوني فاكرة ان ده انت رايحة عشان الوقف. انت رايحة عشان

63
00:22:35.450 --> 00:23:01.950
وحطيت الحتة دي من باب يعني بقى تزوقي كده ايه تضحكي على نفسك يعني تطبطبي عليها يعني ده صح التعبير والله يا جماعة الاسلام يسرها واحنا بنعسرها اسلام يسرها. واحنا بنعصرها. يوم العقد مين اللي عليه البتيه؟ ومين اللي هيجيب البانيه؟ ومين اللي هيجيب الشاي؟ ومين اللي

64
00:23:01.950 --> 00:23:14.100
هيجيب القهوة وهندعي كم واحد. لأ ما تدعيش خيانة كلهم ولا تجيبي عمتك عماتك كلهم. وانت ما تجيبش قرايبك وانت ما تجيبش جيرانك اصل واحد حصل طب مين اللي هيشيل الليلة

65
00:23:14.750 --> 00:23:29.650
يا ربي عالهم هم ما يتلم على رأي الكلام العوام طيب مين اللي اهمك بالموضوع ده؟ يقول لك يا عم الشيخ الدين يسر. يسر ايه يا ابني ده انا جاي اخفف عنك. هو مين اللي بيعمل ايه

66
00:23:31.300 --> 00:23:46.650
وشوفوا بقى سبحان الله بعد ما يعملوا كل حاجة ايه اللي يحصل حد من جيرانهم يموت. او حد من قرايبهم يموتوا. ايه اللي يحصل بقى؟ نبدأ في حوار حرب الباسوس تبدأ تشتغل

67
00:23:47.050 --> 00:24:00.050
الخال بيقول يا جماعة هنلغي هنلغي الايه؟ العقد. ده بكرة وخلاص ده البنت لا دلوقتي اللي الحنة في ايديها. مش هينفع نلغي نقول لهم لا ما ينفعش الناس تاكل وشنا

68
00:24:00.150 --> 00:24:17.600
ابو العزا ده مرات عمتك اقسم بالله على مرات عمك دي اقسم بالله لو عملنا ما هيخشوا لنا بيت تاني وندخل بقى في حوارات يمين وشمال يمين وشمال ايه اللي يحصل؟ هوب لأ البنت عيطت البنت مش عارف ايه حرام عليكم منيرة ما شافتش يوم كويس من يوم ما ابوها

69
00:24:17.600 --> 00:24:36.150
ماتوا البنت تروح معيط مامتها تستسلم للموضوع. دوس في موضوع ليه؟ الفرح. يبقى في ناس في العزا وفي ناس في الفرح والدنيا ايه لخبطة وقطع ارحام وصلة قاطع الجيران لكن تعال كده نشوف لو انت هتعمل

70
00:24:36.400 --> 00:25:04.900
آآ حاجة شرعية منضبطة كان في احد الافاضل فرح بنته بكرة  وفي برضو فرح في اخر الشارع قدرا في نفس الايه؟ اليوم يعني قبلها بيوم حد توفي من نفس الشارع. يبقى الشارع دلوقتي عبارة عن ايه

71
00:25:05.250 --> 00:25:39.850
اوله فرح واخره فرح ووسطه في عزب العجيب جدة ان الراجل آآ صاحب العزاء راح للراجل الفاضل اللي فرح بنته وقال له اوعى حضرتك تلغي انت فرحك من ضبط انت مجرد ان فيه ناس هتيجي تسلم عليك انت لا في اغاني ولا في دوشة ولا في ناس لابسة لبس مش عارف ايه ولا في تشويش

72
00:25:39.850 --> 00:25:53.450
اصلا ما حدش هيحس اصلا ان انتم عاملين حاجة الناس التانية بقى انا حضرت الفرح ده بالمناسبة انا رحت باركت للشيخ ده والله انا كنت باعدي شايف العزا ودخلت الفرح

73
00:25:53.550 --> 00:26:10.450
سلمت على الشيخ وبتاع وباركت له وخرجنا. ما تحسش باي حاجة لقيت بقى فعلا المعنى ده ان الاسلام يسع كل الزروف في نفس الوقت الفرح التاني انا شايفه حاجة صعبة صعبة

74
00:26:11.350 --> 00:26:28.700
فشوفوا الراجل الحزين اهو يوافق على فرح وعنده غض طرية وبيدفع الافاضل انه يكمله وهو في قلبه شيء ولا يسامح الطرف التاني. الناس اللي في اخر الشارع التانيين واخدين بالكم

75
00:26:29.500 --> 00:26:53.550
شوفوا يا جماعة الاسلام جميل. وكل اللي هيطبقه هيحس بجمال الحياة هيحس بجمال الحياة. النهاردة بقول لكم طلعة الخطوبة دي ممكن نتكلم بقى خطوبة. وبعدين احنا مش هنقول لعمته ولا هنقول لخالي ولا هنقول ليه لعمي طيب ليه يا ابن الحلال اصل هما لو جم هيكلفونا

76
00:26:53.900 --> 00:27:07.550
ولو كلفونا مين هيشيل الليلة طب وانت قليل فييجي حد يزكرك بالله يقول لك يا عم الموضوع مش كده الموضوع بسيط وبتاع لأ احنا نصعبها طيب اتجوزوا يلا عشان نروح ننقطهم

77
00:27:08.150 --> 00:27:20.350
مش عارف ايه اللي مش عارف ليه كلمة التنقيط ديت جت يعني هنحط عليهم نقط مسلا ولا هنعمل ايه؟ المهم تعالوا نروح ننقطهم. نروح نزورهم ونديهم حاجة طيب رحنا عشان نزورهم

78
00:27:21.650 --> 00:27:40.650
اه كل الناس راحوا ما عدا مين؟ سين وصاد ولام وعين. ليه ما جوش رقم واحد آآ رقم واحد ان تلاقي ان في في حد يقول لك انا مش رايح اصل هم مش جونة

79
00:27:42.400 --> 00:27:57.750
ابو رقم اتنين يقول لك اصل انا مش معي اللي اديهم فايه اللي يحصل لن ادخل عليه السرور اللي انا ابارك له. مش رايح ولخبطة بقى. شفتم الدوشة دي كلها؟ اه

80
00:27:57.800 --> 00:28:15.800
هيجي واحد يقول لي ربنا يجزيك خير يا شيخنا والله ربنا يحفزك ويبارك فيك. يا ريت البنات تسمع واخدين بالكم ليه؟ لان هو ياخد الكلام على صدره. ويقول لك بس انا كسبان بقى انا هروح بقى واقول لها شفت الشيخ واسمعي الدرس ده ونفسه يعرف الاسم. الدرس ده اسمه ايه

81
00:28:16.650 --> 00:28:28.550
ماشي؟ عشان يروح وهو داخل الرؤية الشرعية يقول لها على فكرة في شيخ اسمه محمد ياه! اقسم بالله بيزكرني بليه بالجيل الاول اما تسمعيه كده هتحسي ان انت فاهمة اوي

82
00:28:30.400 --> 00:28:40.900
ماشي السلسلة بتاعة النور اه انا سمعتها من البداية كان بيتكلم على الغيرة والايه والعفة اما بيتكلم ازاي لا يقول لها بس الدرس الاخير سيبك بس من الدروس الاولى دي

83
00:28:42.250 --> 00:29:01.250
بصوا يا جماعة بصوا يا جماعة اي واحد يبقى داخل هو اللي بيسمع كلامي دلوقتي. بيبقى فاكر اللي انا بقول للرجالة آآ اللي انا بقول للآباء آآ هدوا الدنيا شوية وطبقوا الاسلام والكلام ده كله

84
00:29:01.250 --> 00:29:15.950
خففوا وبلاش تعملوا الحاجات اللي فيها تكاليف دي كلها اللي بياخد زاهر كلامي يقول لك بس الحمد لله دي دي صفقة بسيطة يا جماعة الناس ديت آآ مشكلته لا فالح دنيا ولا اخرة

85
00:29:17.050 --> 00:29:30.900
واخدين بالكم؟ هو انت فاكرة يعني اما تيجي تقول لي ايه لا يا شيخ عشان مش يسترخصني انا ايه؟ هادي له على دماغه. هتعمل ايه بقى انا هخليه يجيب لي كزا وهنعمل الفرح في كزا وتعملي في كزا. اقول لك على حاجة

86
00:29:31.000 --> 00:29:53.100
اسوأ الناس قاطبة اللي هتقابليه اللي هتكوني فاكرة اللي انت قيدتيه بالفلوس ده اللي هيخليكي هيقول لك الخلع اه دي تعمليها في قضية في في محكمة سوهاج. يا ابني احنا في اسكندرية. انا غيرت اقامتي بقى. انا بقيت في سوهاج. انا بموت في سوهاج. اصلا سبحان

87
00:29:53.100 --> 00:30:14.800
ان اجداد سوهاجيين كده بيحب الصعايدة وهيبهدلك واوعي تكوني فاكرة فاكرة ان الحتة ديت هي دي اللي قالت لها يا جماعة طول ما انت ما اتجوزتيش راجل صاحب مروءة يطبق الشرع انتهت كل كل الحاجات دي مش هتفرق مع مش هتعمل اي حاجة

88
00:30:15.400 --> 00:30:35.550
آآ رخصتي معه هو رخيص. هيبهدلك. غليتي معه هيدبحك. يقول لك لا ده انا دفعت فيك فانت صفقة وانا شريكي خلاص اتدفع فاللي بيكون فاكرين ان القايمة دي او الفلوس او المؤخر هو اللي هيأدب

89
00:30:35.800 --> 00:30:52.250
في ناس رخيصة في ناس رخيصة بتتقدم بالحاجات دي بس اي حد بيتقدم بالحاجات دي لرخصه ادب عشان هو رخيص فانت لو بتجوز بنتك لحد رخيص ليه يبقى من البداية ما تجوزهاش لحد رخيص

90
00:30:52.500 --> 00:31:15.050
جوزها لحد جوزها لحد لو مش ما مضى لك على اي ورقة ولا آآ معه ماديات عنده عنده ان تتخلع عينه وما يجيش على حق شرعي للبنت دي قيد انملة

91
00:31:16.550 --> 00:31:36.350
وان يكون فاهم كويس قوي ان ارخص شيء اعطى لها هو القايمة والمؤخر والكلام ده كله. ليه؟ لانه خد اغلى ما عندك واحد هيقول لي ده خيال مش موجود في الواقع. اقول له في الواقع بتاع حضرتك اللي انت عايش معه

92
00:31:37.500 --> 00:31:52.800
كان موجود في واقع ناس كتير بفضل الله موجود لكن كما قال النبي صلى الله عليه وسلم ايما طريق سلكت وردت على اهله فمن سلك طريق الابرار ورد على الاطراف

93
00:31:53.100 --> 00:32:17.750
ومن سلك طريق الفجار ورد على الفجار انت الساكن وقاعد ضمان قاعد في شارع حي اليهود واحد امال ايه؟ في حارة اليهود تلعب غالبا هتشوف يهود واخدين بالكم اللي ماشي في شارع مليان قهوة ومليان شباب بعيد عن ربنا هيقابل مين يعني؟ مش هيقابل حد يعني عليه سمت الصلاح

94
00:32:18.100 --> 00:32:35.250
واللي رايح واللي بيمشي في شارع في مساجد ومستوصفات خيرية وفي دار قرآن وفي ناس محترمة هيلاقي ناس محترمة في الشارع ده واخدين بالكم اه اللي بيطبق الحاجات ديت قبل ما تقول لي ما فيش شاب بيعمل كده

95
00:32:37.050 --> 00:32:46.550
اول ما تقول لي ما فيش شاب بيعمل كده ده معناه انك اتهمت الاب والام اللي انت قاعد معهم قبل ما تتهم غيرك. ليه ما فيش شاب يعني اخوكي كده

96
00:32:47.300 --> 00:33:09.300
طب ومين اللي ربى اخوك مع والدك ووالدتك فاول ما تقولي ما فيش شباب يا شيخ آآ بالحاجة دي ما فيش بيوت كده فانت اول بيت هدتيه واتهمتيه هو  لانك لو قلت لا يا شيخنا بيتنا غير اقول لك ما كل الاخوات اللي بيسمعوني دلوقتي بيقولوا بيتنا غير. يبقى فين البيوت الوحشة

97
00:33:09.750 --> 00:33:25.300
واخدين بالهم؟ يبقى فين البيوت الوحشة طيب انت بتقولي ان ما فيش عريس كده طيب هو فيه اباء بقى كده انت حاسة ان باباكي كده ؟ ان باباكي لو لقى حد يتقي الله فيك

98
00:33:25.500 --> 00:33:42.050
هيبقى انت ايسر الناس مؤنة اقلهم واقلهم مهرا هتقولي اه في اباء كده هقول لك في عرسان كده هتقولي في اباء كده بس قليلين هقولك في عرسان كده وقليلين بصوا يا جماعة مجتمعنا ده

99
00:33:42.100 --> 00:33:58.150
الاسلام هو مش بيتعامل بالفرد احنا امة واحدة امة واحدة عاوز عبدالرحمن ابن عوف اللي يقول لك امسك عليك ما لك دلوني على السوق اديني سعيد ابن ابو ايه؟ الربيع. سعد ابن الربيع هتديني سعد ابن الربيع هديك

100
00:33:58.150 --> 00:34:28.850
عبدالرحمن بن عوف لكن انت عاوز بس العريس الشهم ما انا هقول لك هو عاوز الحماة الراجل عاوز الحما اللي يتقي الله خلاص كده فهي مجتمع متكامل وعاوز بنت ما تقولش انا عاوزة زي بنت عمتي. زي ما هي الشبكة بتاعتها. الشبكة بتاعتها ما تقلش عن سبعين جرام. فانا برضو شبكتي سبعين جرام

101
00:34:29.750 --> 00:34:47.600
ماشي؟ طب وانت فين البنات اللي ما كانوش فين البيانات بقى يا شيخ؟ وهو برضو هيقول الباقي. هو يا جماعة مفاهيم دخلت في دماغنا شوشت اه فبلاش ان احنا نحصر لو اتكلمنا عن مشاكل الشباب بس اللي رايحين يتجوزوا هنلاقي مشاكل كتيرة قوي

102
00:34:48.150 --> 00:35:02.250
ماشي وهي مامته على فكرة مامته ديت اللي بتقولي آآ لا احنا يا جماعة عاوزين مهر خفيف وايه وبتاع ومش عارف ايه هي اللي هتعمل مع بنتها ريم مهر ما لا طاقة لنا به

103
00:35:03.200 --> 00:35:20.800
واخدين بالكم لكن في ابنها عبدالرحمن بتفاصل وبتعمل فهو يعني كده لو طبقنا الاسلام هنرتاح. نرجع نقول ان الاسلام جاء برفع الايه؟ الحرج عن الناس وجاء باليسر. بس اليسر الهون

104
00:35:21.000 --> 00:35:43.250
اليسر اول حاجة اللي من الشرع. تاني حاجة ان الدين يسر بمعنى ايه بمعنى ان الذي خلقك واوجدك من عدم وانعم عليك بنعم لا حد لها ينبغي عليك ان تظل طول عمرك

105
00:35:44.550 --> 00:36:03.700
آآ مشغول بسد هذا الدين تجاه النعم دي فانزل عليك بعض التيسيرات وبعض التشريعات يقول لك انا ارضى منك دي فكان من لطف الله ان الاسلام يسر ان ربنا بعد ما خلقني وكده كنت هتعب اوي عشان ارد

106
00:36:03.900 --> 00:36:18.000
الشكر ده. قال لك انا شكري انك تطبق الحاجات دي مجرد ما تعملها انت كده ايه عملت ايه؟ شفت انا يسرت عليك ازاي يسرت عليك الامور بسيطة خالص هذا ملمح الدين يسر

107
00:36:18.300 --> 00:36:33.900
ازا الاسلام جاء ليرفع عن الناس الحرج. ويفتح لهم ابواب السعة واليسر ففي كان البعض يعافي ان ياكل منفرد الاسلام يقول لك لأ عادي انت ممكن تاكل لوحدك ما فيش مشكلة خالص

108
00:36:35.750 --> 00:36:54.150
الاية دي برضو بتقول لنا ولا على انفسكم ان تأكلوا من بيوتكم او بيوت ابائكم او بيوتي امهاتكم. على انفسكم ان تأكلوا من بيوتكم. طب ما الطبيعي ان احنا هناكل من بيتنا

109
00:36:55.350 --> 00:37:13.750
البيت هنا مش مجرد بيتي انا بس لأ ما البيت ده فيه زوجة وفيه اولاد فا ابني جايب اكل آآ فيه اكل آآ حد كان بعته لمراتي مراتي انا كنت جايب اكل هل مراتي تستأذن من الاكل اللي انا جايبه؟ هل مش عارف ايه؟ لا الامر فيه سعة

110
00:37:14.650 --> 00:37:34.450
ابني عادي يعني ولا على انفسكم ان تأكلوا. واحد من بيوتكم اتنين او بيوت ابائكم او بيوت امهاتكم او بيوت اخوانكم او بيوت اخواتكم او بيوت اعمامكم انت تحس قبل ما تعرف اسباب النزول والسبب كنت تحس ايه طب ما هو الطبيعي ان الواحد بيعمل كده. بياكل عادي في اي حتة يعني. لأ

111
00:37:34.600 --> 00:37:49.000
مش الده الطبيعي عندهم ما كانش ده الطبيعي. كانوا هم يتحرجوا جدا. فالشريعة وسعت قوي عادي تاكل عند اي حد من قرايبك عادي كزا والكلام ده كله او ما ملكتم مفاتحه

112
00:37:49.700 --> 00:38:05.850
انت واخد مسلا نازر على الارض بتاعتي ديت وبتاع على الشجر الشجر ده. ممكن تاكل من السمار ما تسد به حاجتك عادي انا مديك البستان ده ومديك المفاتيح بتاعته ومديك المكان ده. عادي انت ممكن تاكل من الايه؟ الحاجات دي

113
00:38:05.950 --> 00:38:27.550
او بيوت آآ او ما ملكتم مفاتحها او صديقكم. سبحان الله جعل الله سبحانه وتعالى الصداقة رحم بين اهلها للاسلام خلى الصداقة فين فمن حرمة الصديق انجعه الله من الانس والثقة والانبساط بمنزلة النفس والاب والاخ والابن

114
00:38:28.600 --> 00:38:41.750
لكن ده الوقت تحس فيه واحد يقول لك بس اللهم لك الحمد. انا من هنا ورايح اروح عند فلان الله اكبر عليه مامته بتعمل اكل ايه تحفة احنا من هنا ورايح هاروح انا رايح وادوس

115
00:38:42.800 --> 00:39:01.500
واروح انا بقى اشيل آآ لسه هتكلم في نقفل الباب ده دلوقتي ان شاء الله. اذا ان الاية بتقول يا جميع المؤمنين ما فيش حرج عليكم انكم تاكلوا من بيوتكم

116
00:39:01.950 --> 00:39:17.150
وقلنا البيوت هنا ان البيت بياكل الانسان فيه ومع وزوجته. فيجوز ان هو ياكل جميعا او ياكل اشتاتا ياكل لوحده ياكل معهم اه لو لان في بعض الناس طبعا الافضل انك تاكل ايه

117
00:39:17.200 --> 00:39:27.200
آآ الاجتماع على الطعام. بس انا عندي امتحانات فما لحقتش ومش عارف ايه. هل غلط ان انا اكل لوحدي؟ لا ما فيش حاجة غلط خالص. طبعا بعض الناس ممكن يقول لي

118
00:39:27.200 --> 00:39:43.300
المعهد الطبيعي لا هو ده الطبيعي اللي انت عايشه بس في فرق انك تنطلق من قوله اشتاتا ان انا النهاردة باكل لوحدي اه انا مأزوني اللي انا اعمل كده وانت مستحضر دي تفرق كتير جدا نفسيا في الطاعة حتى

119
00:39:45.100 --> 00:40:00.000
وفيه ملمح يدل على عظم شأن هؤلاء الاقارب. وانهم من الرحم المعظمة عند الله حتى ان ان المال اللي بتجيب به الطعام الطعام يعني يصير كأنه واحد وانه لا حرج في الاكل منه

120
00:40:01.400 --> 00:40:22.150
ما فيش حرج انك تاكل ايه منه واخدين بالكم وان الاصل في العلاقات المودة والمحبة حتى لو حصلت بلا قرابة لانها تقوم مقام الايه؟ القرابة كل ده موجود فين؟ في الاية

121
00:40:23.650 --> 00:40:39.950
وجميع نواش تاتا قلنا ان البعض كان عنده ورع شديد جدا ان ياكل مع الناس. طيب ليه اما انا هو يعني الا عادة عندهم ككرم والا حاجة تانية كمان ملمح

122
00:40:40.350 --> 00:40:57.500
راقي جدا يخاف لما يقعد مع الرفقة ياكل اكتر منهم ولكي لا يأكل اكثر منهم فيكون كأن اكله ده ان هو فيه قدر ما فاتوا من الاداب فيقول لك يا عم انا مش هاكل مع حد

123
00:40:57.550 --> 00:41:14.500
لوحدي ربنا يقول له لأ ما فيش مشكلة انك تاكله جميعا واخدين بالكم في بعض الناس يقول لك احنا مش بناكل مع الضيوف مش شايف ان ده من قلة الايه الادب

124
00:41:15.500 --> 00:41:29.850
آآ وبعضهم لا يأكل من زاد من طعام يعني صنع صنع لغيره. يعني انت رايح لواحد يقول لك تعال تعال والله ده كنا عازمين الاخ احمد بس ما جاش تعال انت كله. يقول لك لأ

125
00:41:29.850 --> 00:41:49.350
طالما مش معمول لي مش واكل كل ده بالاية دي بالسطر ده اتنسف ان في طقوس كده عندنا معاصرة البعض يسميها اداب الطعام والتهزيب. وتلاقي دايما حتى كمان في الاماكن الاسلامية وتدور المساجد والمدارس الاسلامية

126
00:41:49.600 --> 00:42:16.700
آآ بدل ما يعلموا الاولاد الاداب بتاعتنا الواضحة لازم يلعب في المصطلحات الاتيكيت ومش عارف الايه وده نوم يلعبوا في المصطلحات ليه هو عنده هزيمة نفسية بس بيبرر الامر ده يقول لك لأ عشان بس الناس تستوعب والناس مش عارف ايه. انت عندك مشكلة. انت خايف ان الناس يشوفوك انك بتطبق سنة

127
00:42:17.500 --> 00:42:34.750
انت انت عاوز تعيش عيشة الغرب بس بنفسية الصحابي. مش هتيجي يا نجم ده مش هتيجي. الاتنين ضد بعض شفت انت الغرب عما بيكشر انيابه وبيبقى عامل ازاي اديك شايفهم اهو

128
00:42:35.300 --> 00:42:55.300
تلاقي ان البعض عنده اداب كده يحطها له والشوكة والمعلقة ده في ناس يا عيني بتستحي بتستحي تروحي تزور ناس عشان بيعرف يمسك الشوكة. ياه وهتمسكها ازاي؟ يقول لك فضحنا فضحنا امبارح. ماسك الشوكة بيمينه. والتاني يقول له عادي عادي يا جاهل ما عادي ده. مش عارف انا كنت في هولندا وكنت مش عارف

129
00:42:55.300 --> 00:43:27.600
وتحس كده حوار ياه لانحطاط هذه الهمم واخدين بالكم فتلاقي ان  زودوا على نفوسهم مشقة الشريعة يا جماعة بتدعو بتدعو الناس الى الفطرة والعفوية واخدين بالكم الشريعة الفطرة عفوية احيانا تبقى انت قاعد بتاكل كل مبوظك نفسيا انك مش عارف تمسك الشوكة والمعلقة

130
00:43:27.750 --> 00:43:45.250
الاتنين في نفس واحد وتقطع هنا ازاي وتعمل والدنيا بقى دخلت في ايه في حرب الباسوس ايدك تايهة ووشك جاي بالوان الطيف له مع اصل انت فضحتنا يقول لك آآ بابا ياه! والله العظيم كنت في ربع هدومي

131
00:43:46.700 --> 00:44:01.900
دي تبقى في ربع هدومك ما ينفعش تبقى في ربع هدومك اومال التلات تربع ده هنوديهم فين اصل انا اتحرجت ومش عارف ايه ماما بعد ازنك بابا ما يجيش معنا تاني آآ عند طنط آآ فلانة. ليه اصل ما بيحرجونا بقى

132
00:44:02.750 --> 00:44:23.450
بصوا يا جماعة الادب حلو بس ما تخليش الاداب العرفية تكون سياط تجلد به الناس. وتقيد به الناس يخافوا ياكلوا يخافوا يقعدوا معك. يخافوا مش عارف ايه عموما يا جماعة من سقتك بنفسك

133
00:44:24.550 --> 00:44:41.750
وثقتك بعطاءات الله لك وتمكنك من آآ مبادئك بتلاقي نفسك وما انت من المتكلفين. بتحط يعني بتاكل عادي جدا ولا فارق معك. اصل انا دخلت بقى مش عارف كنت في مطعم ايه. ودخلنا

134
00:44:41.750 --> 00:45:00.550
في ايه؟ ومش عارف واحنا كنا في الحرم ودخلنا الفندق وكنا بنفطر فدخلنا لقينا الوضع بطريقة معينة وكل واحد بقى ايه يخدم نفسه بنفسه. وكنت تايه ومرعوب. يقول لك لا يا عم تعال نجيب سندوتشين تحت هنا من عند ابراج الساعة. فيه واحد بتاع فول هنا وطعمية

135
00:45:00.550 --> 00:45:17.400
وما اطلعش فوق اكل معه والله بتحرج موت ليه بتتحرج؟ لانك انت حاطط انت بتبص على نفسك من خلال مرايات غيرك انت لسة هنا ما فيش حد غالي عليك انك تراعي نزراته

136
00:45:17.950 --> 00:45:30.950
الحاجات اللي اذن لك في شرعا انك تعملها خلاص انا مش فاهم انت مش كبير عندي عشان انا ادن اشوفك انت يعني ايه ادني مراعي ان حضرتك هتبقى راضي عني وانا ماسك الحاجة ديت ولا لأ

137
00:45:31.700 --> 00:45:52.750
ما فيش حد غالي عليك انك دمك مهيب بتاع اصل آآ وانت بقى لسة في الخطوبة وبتاع وقدموا لك الحاجة وقاعدة تشربي البتاع بطريقة معينة  يا حبيب قلبي المانجة مش عارفة تطلع. مش مش كل اما تشفط المانجة ما بتطلعش وانت تايه. وفي ربع هدومك العصير حلو

138
00:45:52.750 --> 00:46:06.300
ومش عارف تشربه ليه؟ ما هو خلاص كله بيشرب من هنا وانت مش عارف المنجة مش خلاص قفشت طب ما تشرب يا حبيبي كده لأ الناس تاكل وشي. وبقى وايه وفي الاخر اوصل قالت لي اصل انا ما ليش في المانجا قوي

139
00:46:06.700 --> 00:46:16.300
بعد ما عقد عليها كانت كل شوية تقول له هات لي مانجة يا حمادة قولي لها يا بنتي انا عرفت ان انت بتشتكي المانجة لا هيقول لك ده الموضوع ده له قصة ابقى احكيها لك بعدين

140
00:46:17.250 --> 00:46:28.700
يدخل بقى بعد الجواز يقول لها علي لها بقى بتشرب الفسيخ عادي جدا طلع الموضوع بسيط اهو وبتاع وده بقى هو يقول لك لأ يا شيخ انا اتغشيت وشيخ هل يجوز ان انا افارق

141
00:46:28.850 --> 00:46:49.600
لان انا لما اتجوزت هم قالوا لي ان هي ما لهاش في اللي هي في الفسيخ. انا لقيتها بتشربه  نسأل الله السلامة الايات دي بقى بتعلمنا معاني جميلة قوي المعنى الاولاني او تلت اداب يعني. الادب الاولاني وهو اباحة الاكل من الحداشر بيت ده

142
00:46:50.300 --> 00:47:05.700
اللي احنا زكرناه من شوية حداشر بيت ده ان الايات بتقول لنا اعادي انكم تاكلوا منهم ما فيش مشكلة وقلنا طبعا بعد الشرح ده اللي احنا اللي احنا قلناه ده هنفهم نكون فهمنا الصورة كويس قوي

143
00:47:05.800 --> 00:47:34.000
طيب جميل هل معنى كده اننا لو دخلت البيت يجوز ان انا بما ان الطعام ده مأزون فيه هل الموضوع ده يتمدد ويروح لحاجة غير الطعام لبس مسلا الفلوس اي حاجة تانية

144
00:47:34.500 --> 00:47:53.750
ولا ده خاص بالطعام بس واخدين بالكم هل ده خاص بالطعام بس ولا لأ وهل ان ما فيش مشكلة انك تاكل من بيوتهم كده على الاطلاق بدون قيد ولا فيه قيد الازن

145
00:47:54.500 --> 00:48:13.650
خلي بالك الاية بتقول ايه ما فيش مشكلة انك تاكل في بيت خالتك لو اذنت لك في واحد ممكن ياخد الاية ديت على الاطلاق. يقول لك ايه انا بدخل بيت عمتي بفضل الله بسلم عليها من هنا اه رح داخل على التلاجة على طول

146
00:48:13.750 --> 00:48:28.700
قل لي بتعمل ايه؟ باقول لها باعمل سورة النور انا بطبق سورة النور يا خالتو حالتك خالتك هتبعت عيالها كلها يطبقوا سورة النور والفرقان عندكم بالطريقة دي طالما انت ايه فاهم ليه الفكرة ديت

147
00:48:28.850 --> 00:48:52.700
لا الموضوع مش بيمشي كده لكن زي ما الامام النووي زكر لنا قال ان ده اذا علم انه يرضى زلك لمودة بينهما او غير زلك. ده يا جماعة الخير مأزون في اللي يغلب على زنك ان هو ازن وراضي. طيب مين اللي بيعمل كده؟ مسلا تيتة مسلا

148
00:48:54.150 --> 00:49:10.000
بتلاقي ان آآ ان الجدة بتحب ان ولاد ولاد ولاحفادها ييجوا عندها يروحوا داخلين على ايه عادل يروح عالمطبخ بس خلي بالك برضو الدنيا حدود الدنيا حدود. يعني انت تدخل

149
00:49:10.100 --> 00:49:30.950
تلاقي مسلا آآ مش عارف آآ جوافة فتاكلها آآ في عصير تشرب منه المساحة ديت الجدات في العموم اتسامح فيها لكن خلي بالك خالتك سايبة شيكولاتة جلاكسي ورا كيس الجبنة عايناها

150
00:49:31.400 --> 00:49:48.600
رح انت فاتح تاخد الجلاكسي ده ولا تشرب مش عارف المشروب اياها ده هندخل في اشكالات وبعدين اختك خاتم مامتك تيجي تزعل جاية ده انا كل عم آجي هي بتبص لاولادي بطريقة معينة. طب ما انت ليه ما قلتيش لولادك كزا ؟ سورة النور يا شيخة

151
00:49:49.000 --> 00:50:01.850
حضرتك مش شرحت لنا ان احنا عادي ان احنا ندوس في الباب ده الخلاصة اللي انا عاوز اوصلها لكم ان الموضوع ده راجع للرضا يغلب على زن الرضا ولا لأ؟ وفيه بيوت كده

152
00:50:02.450 --> 00:50:24.350
في بيوت هو عنده هو بيستمتع انك تتصرف عندي بعفوية واخدين بالكم؟ طيب اه ده فيما يخص الاكل يبقى الاكل باستئزان او يغلب على زنك انه راض جميل في ابن عبدالبر

153
00:50:25.800 --> 00:50:41.900
زكر الاجماع على انه ان هذا الامر لا يتجاوز الطعام ما يروحش بقى للدناق درهم والدنانير والحاجات دي كلها واحد يقول لك والله انا ايه خلاص بقى انا بعمل اللي انا عاوزه. ماشي

154
00:50:42.800 --> 00:51:08.550
خلي بالكم بقى ان في بعض الحموات خاصة في القرى بتتعامل مع ان هي اه مرتب لها ده اه ده بيتها؟ اه الكلأ المباح او المطبخ الاساسي لها والدولاب عادي ده دولاب بنتي آآ ادخل. طب بقى البنت يا عيني تكون مسافرة مسافرين ومعهم المفتاح عادي جدا يخشوا يناموا

155
00:51:08.600 --> 00:51:20.700
يخشوا يستعملوا كل حاجة ياكلوا كل حاجة تحس ان آآ والبنت تيجي تتكلم الولد يقول لها لأ ده دي عادتنا او امي بقى وهعمل ايه لأ امك تمشي على الوحي وتتربى

156
00:51:22.550 --> 00:51:35.650
ماشي؟ الوحي يربيها. ما فيش حاجة اسمها والدتي الدود دي يا جماعة خربها جاي جاي في الاصل يعني في الغالب جاي جاي هيحصل مشكلة وهتتخرب وهيحصل ازمة وتوترات وهيحصل فيها فمن

157
00:51:35.650 --> 00:51:53.450
اول كل واحد يعرف حدوده والشرع بيقول ايه في المسألة ديت آآ يبقى الادب الاولاني اللي اباحته الاية دي اباحة الاكل من احد عشر بيتا من بيوت المسلمين اللي احنا ايه؟ ذكرناهم وسمتهم الان

158
00:51:54.650 --> 00:52:11.700
الادب التاني وهو اباحة الاكل بين المسلمين. مجتمعين ومتفرقين وقلنا اللي علقنا على الاية ديت وقلنا ان كان من بعض عاداتهم في الجاهلية ان البعض لا يأكل طعاما على انفراد

159
00:52:13.550 --> 00:52:29.350
والعكس كان البعض ما يحبش ياكل مع الناس عشان لان لا يأكل اكثر منهم او غير ذلك خاصة لو كانوا من اصحاب الاعزار زي الاعرج والايه؟ او الاعمى وهكزا طيب الادب التالت

160
00:52:30.500 --> 00:52:52.500
فاذا دخلتم بيوتا فسلموا على انفسكم تحية من عند الله مباركة طيبة كذلك يبين الله لكم الايات لعلكم تعقلون سوق جمال الوحي بعد الانتهاء من بيان ادب الحالة اللي بيكون عليها الاكل عند الاكل

161
00:52:53.450 --> 00:53:15.100
ذكر الله سبحانه وتعالى ادب دخول البيوت اللي هيؤكل فيها. او البيوت عموما وزكرهم بادب الدخول  عشان يا جماعة البعض ممكن لما خد الازن بالاطعام او الاكل في البيوت دي

162
00:53:15.250 --> 00:53:40.650
كانه قد يأتي مفهوم عند بعض العقول اسقاط الادب ادب الاستئذان والدخول على الناس فلان لا يجعلن القراب والصداقة والمخالطة دي مريحة لاسقاط الاداب فانزل الله سبحانه وتعالى هذا الامر. لان بعض الناس شعره ازا استوى الحب سقط الادب

163
00:53:41.700 --> 00:54:01.150
الكلام ده مش مش صحيح خالص وزكر الله سبحانه وتعالى رغم ان احنا اصلا خدنا الاية دي اه في الاول حتى تستأنسوا وتسلموا على اهلها. لكن جه هنا اعاد الله هذا الادب في هذا الموطن

164
00:54:01.200 --> 00:54:22.650
بيسموه ايه بقى هنا؟ حد عارف دي حاجة في القواعد القرآنية يعني. اسمها ايه؟ الاحتراز. الاحتراز انك تفهم فهم معين واخدوا بالكم انك ممكن تفهم كزا فيجي الوحي احترازا عشان ما تفهمش الفهم الخطأ ده. فيبين لك يقول لك هنا بقى ركز هنا ايه؟ انك تسلم

165
00:54:22.950 --> 00:54:40.450
فسلموا على انفسكم اصح الاقوال ان السلام على المسلمين اللي معنا الاية ديت يعني تسلم على المسلمين اللي موجودين في البيت ده وجعلهم الله سبحانه وتعالى بمسابة النفس. زي كده ولا تلمزوا انفسكم

166
00:54:40.950 --> 00:55:03.800
فليسلم بعضكم على بعض. وده تعبير لطيف جدا يقول لك قوة الرابطة بين المزكورين في الاية دي فاللي بيسلم منهم على قريبه او صديقه كانما يسلم على نفسه كانما يسلم على نفسه. والبعض خد ملمح انك ممكن لو دخلت البيت وما فيهوش حد قل السلام عليكم. فايه

167
00:55:04.200 --> 00:55:20.100
آآ انك ممكن تسلم ما فيش مشكلة خالص آآ وتسلم يا جماعة السلام السلام النبوي. طريقة السلام النبي صلى الله عليه وسلم كان اذا دخل تسلم تسليما لا يوقظ النائم

168
00:55:20.800 --> 00:55:37.700
ويسمع اليقظة صلى الله عليه وسلم يعني سلام بسيط صوت هادي عارف بعض الناس كده اللي هو ايه يدخل البيت يفتح الانوار. سلام عليكم يا جماعة انتم فين ؟ يا حاجة

169
00:55:38.800 --> 00:55:58.350
اللي عنده امتحان نايم والحاجة اللي مريحة شوية واللي مش عارف فين وبتاع والقصة دي كلها وطاح في ويصحي الانوار وبتاع طب دخل حسان الدنيا ايه يدخل بقى على زوجته ولا بناته ولا اي ولا اولاده نايمين. يفتح الباب انتم نمتم

170
00:55:59.000 --> 00:56:13.250
انتم نمتوا يعني مسلا يعني انت حضرتك مش واخد بالك يعني الناس خلاص اهل كهف نايمين انت بتعمل ايه النبي صلى الله عليه وسلم يسلم سلام اللي صاحي هيسمع. طب واللي نايم لا يوقظه

171
00:56:14.500 --> 00:56:34.200
لا يوقظك وده يا جماعة اه نصيحة حتى وانت داخل المسجد سلم سلام لا يزعج القارئ ويسمع الخالي خلي كده دايما عندك الرقيبة السلام من السلامة من الامان دي عطايا الله لعباده بل من اوائل العطايا

172
00:56:34.550 --> 00:56:58.700
من اوائل ما اعطى الله للبشرية صحيح البخاري ان الله لما نفخ الروح في ادم قال اذهب فسلم على اولئك النفر. فانظر بما يحيونك فعلمه اول كلمة السلام فقال ادم السلام عليكم فردوا عليه وعليكم السلام ورحمة الله

173
00:56:59.300 --> 00:57:15.800
فزاد رحمة الله كان تحية الملوك في الجاهلية عن صباحة فابدى الله هذه الامور هي اصلا اصل التحية ايه اصل التحية من البداية حياك الله دي يعني جعل لك حياة

174
00:57:16.500 --> 00:57:36.750
جعل لك حياة لكن الاسلام خلاها السلام عليكم ليه بقى؟ ان هي سبحان الله من جوامع الكلم ان المقصود من التحية تأنيس الداخل بتأمينه ان كان لا يعرفه انت تدي له القنص كده لو انت مش عارفه

175
00:57:36.850 --> 00:57:55.500
وباللطف والحفاوة لو كان معروف. كلمة السلام ادت لاتنين. لانها مشتقة من السلامة هي دعاء بالسلامة وتأمينه بالسلام لان ازا دعا له بالسلامة فهو مسالم له فكان الخبر ده كناية عن التأمين

176
00:57:56.500 --> 00:58:16.750
السلامة يا جماعة لا تجامع شيئا من الشر ابدا في زات السب الايه؟ اللي بيطلق السنة فهي دعاء ترجى اجابته وهي عهد بالامن يجب الوفاء به يعني دعاء السلام عليكم. يعني انا بادعي لك بالسلام

177
00:58:16.800 --> 00:58:34.500
واؤمنك وعهد بيني وبينك ان لا يأتي مني اليك الا السلام. وكلمة السلام عليكم يعني متمكن السلامة تقر عليك متمكنا  عشان كده هم بيحسدوكم على السلام. كما قال النبي صلى الله عليه وسلم

178
00:58:35.650 --> 00:58:52.100
ربنا قال ان هي من عند الله كل التحايا مهما كانت طيبة. غير تحايا المسلم. ليه؟ سماوية من عند الله كلامك جميل اه لكن انا بحبك انك تحييني الا من عند الله. حيين يا اخي التحية اللي جاية من عند ربنا

179
00:58:53.350 --> 00:59:14.450
المعنى ده مهم جدا التحية اما تقول لواحد سلام عليكم اول عشر حسنات قلت ورحمة الله عشرين وبركاته تلاتين شوف وانت ماشي كده في الشارع  وقاعد معدي على الناس تقول السلام عليكم. السلام عليكم. طب احنا كأخوات منفع نقول قول للأخوات يا ستي

180
00:59:15.150 --> 00:59:32.050
او لو دخلت محل ولا بتاع قولي السلام عليكم انا احبش اقول سلام عليكم عشان بس يعني صباح الخير الحاجات ديت هي افضل يعني قبرك هتعرفي اللي كان افضل مشكلة الموضوع ده انك مش ضيعت حسنات بس. لا انك جت لك فرص

181
00:59:32.300 --> 00:59:49.450
تدرب نفسك على الافتخار والانتماء بالدين وعددها فالسلام ده بركة على اهلك. بركة منك على اهلك كما في الحديس الصحيح. ومن اعظم اسباب المحبة بين المؤمنين افشاء السلام قال النبي صلى الله عليه وسلم الا اخبركم بشيء

182
00:59:49.850 --> 01:00:06.500
اذا فعلتموه تحاببتم افشوا السلام بينكم تخيل انت لو سلمت النهاردة على عشرة وانت رايح وعشرة وانت جاي وخدت كم حسنة؟ بس ماشي كده تقول السلام عليكم خدت كم حسنة؟

183
01:00:07.650 --> 01:00:22.200
عشرة في عشرة كده كم؟ مية ده ميت حسنة والحسنة ايه ربنا بيبارك فيها بقى والحسنة بعشر ويضاعف الله لمن يشاء. ادي كده مية. وانت راجع مية. ادي متين. ده دول ميتين. لو قلت السلام عليكم بس

184
01:00:22.300 --> 01:00:38.450
في واحد دايما يقول السلام عليكم ورحمة الله ده خد كام ربعمية طب الاول وبركاتو ده خد ستمية شفت حاجات بسيطة اوي بتضيع عليك حاجات كتل من الخيرات والبركات. كل طلعة مشوار

185
01:00:39.150 --> 01:00:51.150
طول ما انت رايح جاي رايح جاي رايح جاي رايح جاي. السلام السلام. بس مش السلام السلام اللي هي عبود. عبود السلام السلام. لأ. السلام تبقى من جوة قلبك انت عايشها

186
01:00:51.550 --> 01:01:12.600
النبي صلى الله عليه وسلم بيقول ايه؟ الا اخبركم بشيء اذا فعلتموه تحاببتم افشوا السلام بينكم  لو في مشاكل زوجية يكثر الانسان من السلام داخل خارج البيت سلام ليه النبي صلى الله عليه وسلم يقول واذا خرج فليسلم فليست الاولى باولى من الاخرة

187
01:01:13.500 --> 01:01:27.650
ورجل دخل بيته بسلام ده من البيوت اللي ربنا بيضمن لها الجنة فانت هتفارق الناس داخل عليهم وتسلم. خارج الناس اتسلم في مشاكل في الحي او القبيلة. شيعوا السلام بينكم

188
01:01:29.000 --> 01:01:45.300
وطلق السلام على من عرفت وتلقي السلام على من عرفت ومن لم تعرف وزلك في اواخر الزمان يتناكر الناس ولا يلقى السلام الا على من يعرف دي من ايه؟ من علامات

189
01:01:45.550 --> 01:02:01.750
زهابز ايه؟ الخير هو في فين المشقة يا جماعة؟ ما فيش مشقة بسيط خالص سدد وقارب. السلام ما فيهوش ازعاج خالص بل هو زكر لله ودعاء لاخوانك. وبيورسك آآ محبة الله سبحانه وتعالى في قلوبهم

190
01:02:01.900 --> 01:02:20.200
تشيع الحب ولا لازم بقى نعمل بقى حملة آآ حملة السلام وآآ وعاوزين بقى نعمل سلام دايما السلام بيبقى جاي مع العدو بيبقى له طعم بين المسلمين يقول لك يا عم بقى ما ما تحبكهاش

191
01:02:20.500 --> 01:02:36.850
تحية من عند الله هذه تحية من عند الله مش اختراع حد من من الخلق الهام من الله بحري بك يا عبد الله ان تكون معظما لما جاء من عند الله سبحانه وتعالى

192
01:02:37.000 --> 01:03:01.450
مباركة البركة اصلها ان هي كثيرة الخير سلم على زوجتك على ولادك ده خير يكثر عليك آآ الخير يبقى كتير فانت تحب الخير لهم وربنا يبارك لك فيه. طيبة. يعني بتحبها النفوس. وبتتلذذ بها. الفطر السوية بتحبها

193
01:03:01.950 --> 01:03:22.450
الفطر السوية بتحبها بتشوف فيها الطهر والنقاء بنشوف فيها لزة  نفس السامع بتبقى في ايه؟ فيها طيب. والطيب ده عشان كأنه لاهل الطيب اهل الطيبة الى ان يدخلوا ومساكن طيبة

194
01:03:23.650 --> 01:03:41.550
المعنى ده لما تعيشه هتفهم كويس قوي ان التحية ديت مليانة خير وبعدين ربنا سبحانه وتعالى زكر فسلموا على انفسكم تحية من عند الله مباركة. مليانة خير منعش طب فين الخير؟ السواب والاجر اللي فيها

195
01:03:42.100 --> 01:03:56.900
حسن اللقاء والمحافظة على الود اللي بينك وبين الناس آآ ان هي بتحمل آآ روح ان هي من عند الله فتلاقي عطر فيها تربط القلوب بالعروة الوسقى التي لا انفصام لها

196
01:03:57.100 --> 01:04:19.550
وبالتالي تطيب لها نفوس المسلمين السلام تحية من عند الله. لان الله امر به وهي مباركة طيبة لانها دعاء للسلامة كذلك يبين الله لكم الايات لعلكم تعقلون انت عقلك قاصر

197
01:04:19.750 --> 01:04:38.050
مش هتستوعب كل الكلام دوت الا من خلال الخبير الذي خلقك هلا الله العليم اللطيف سبحانه وتعالى. فربنا بيبين لك اللي هينفعك وهيخليه عندك مجتمع منور كذلك يبين الله بيان ما فيهوش تشويش

198
01:04:38.800 --> 01:04:57.600
والكلام ده لك انت يبين الله لكم الموضوع اهو له كله عائد عليك انت بالخير وعلى اسرتك وعلى اهلك وعلى وعلى لعلكم تعقلون كده اللي بيطبقوا الايات دي ده اللي تقول عليه والله ما شاء الله عليه ده عاقل

199
01:04:58.200 --> 01:05:11.700
لكن اللي بيبعد عن الحاجات ديت ده لو دنه مكمل بالطريقة ديت عافانا الله واياكم يتعرض على يتعرض على السعير ويجي يقول لي لو كنا نسمع او نعقل اه لو كنت بشغل دماغي

200
01:05:12.200 --> 01:05:35.850
شغل دماغك صح مع الوحي لا شغل دماغك صح في لتطبيق الوحي لا ندا للوحي العقل ده مش مصدر تشريع ولكن الهام في التطبيق. طبق ازاي مش اتشرع ازاي؟ التشريع ده مش بتاعك. كفاك الله التشريع

201
01:05:36.300 --> 01:05:55.500
قال لك دي مش بتاعتك لكن ده هو محل تطبيق مش محل تشريع طهر الله قلوبكم ويسر الله اموركم ونور الله عقولكم ويسرا لكم تطبيق ما سمعتم في امن وامان وسلم واسلام

202
01:05:55.650 --> 01:06:00.500
اسأل الله لي ولكم حسن العمل وحسن الخلق وحسن الختام. اقول قولي هذا واستغفر الله لي ولكم