ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا ومن سيئات اعمالنا. انه من يهده الله تعالى فلا مضل له ومن يضلل فلا هادي له. واشهد ان لا اله الا الله وحده لا شريك له. واشهد ان محمدا عبده ورسوله. ثم اما بعد آآ احنا كنا آآ يعني انهينا الكلام امس بان احنا محتاجين نتتبع المواقف آآ التي توصف في حياة النبي صلى الله عليه وسلم بانها موقف تدبرية بانها مواقف تدبرية. تمام؟ وقلنا ان احنا المواقف دي هتاخدنا لان كان في شيء بيفعله النبي صلى الله عليه وسلم قبل التفكر في العواقب وفي شيء بيفعله بعد التفكر في العواقب. سواء كان الشيء ده هو جزء من من حقيقة التدبر. او ممهد له او والشيء اللي يلحقه هو جزء من حقيقة التدبر او متمم له. مش مهم هو طبيعته ايه؟ المهم ان احنا يهمنا اجرائيا ازاي نقدر نمارس التدبر تمام؟ فهناخد بعض المواقف كده ويتضح من خلالها اللي احنا بنقوله ده. آآ اول موقف هو آآ مم ما حصل مع النبي صلى الله عليه وسلم في هذه رواية ابي ذر رضوان الله عليه. بيقول قام صلى الله عليه وسلم ليلة باية حتى اصبح وهي ان تعذبهم فانهم عبادك. وان تغفر لهم فانك انت العزيز الحكيم بها يركع وبها يسجد وبها يدعو فلما اصبح قال له ابو ذر يا رسول الله ما زلت تقرأ هذه الاية فاصبحت تركع بها وتسجد بها وتدعو بها. وقد علمك الله القرآن كله. لو فعل هذا بعضنا لوجدنا عليه قال اني سألت ربي عز وجل الشفاعة لامتي فاعطانيها وهي نائلة ان شاء الله لمن لا يشرك بالله شيئا. وفي رواية دعوت تمام؟ طيب نلاحظ هنا ان النبي صلى الله عليه وسلم هذه الاية ان تعذبهم فانهم عبادك وان تغفر لهم فانك عبدالعزيز الحكيم النبي صلى الله عليه وسلم قرأها او رددها وبكى. طالما بكى يبقى ده موقف ايه؟ تدبره. بكاء متعلق بالقرآن فده موقف تدبري منه صلى الله عليه وسلم. طيب بها يركع بها يسجد وبها يدعو يعني من ظاهر الكلام ان النبي صلى الله عليه وسلم كان يصلي يقرأ بها وبعدين يركع بعد كده يسجد وبعد كده يقوم تاني يقرأ بها تاني وهكزا. فتكرار اه عجيب انها اية واحدة يكررها طوال ليلة ويكررها برضو في ركعات الصلاة برضه عجيب. فلذلك قال له ابو ذر لو فعل هذا بعض لوجدنا عليه يعني لو حد مننا عمل كده احنا كنا ايه يعني ننكر عليه فعله. نستغرب ازاي يفعل ذلك؟ لو فعل هذا بعضنا لوجدنا عليه. لان للاسف للاسف الشديد برضو زي ما بنقول يعني يعني حتى ده موجود في واقعنا ان كثير من الناس للاسف هو عنده متصور انه لو هو بيردد الايات هو كانه خلاص هياخد سواب على اول مرة بس انما المرات التانية ما ياخدش سواب. او كأنه مسلا ما بيقراش قرآن. المرة الاولى قرآن والتانية بتبقى مسلا توراة ولا انجيل ولا غيره. فالله المستعان طيب لما نيجي نحلل هذا الموقف للنبي صلى الله عليه وسلم نسأل انفسنا سؤالا مهما. السؤال الاول هذه الايات جاءت في في سياق كلام مين؟ مع مين؟ ان تعذبهم فانهم عبادك وان تغفر لهم فانك انت العزيز طيب يبقى الايات دي في سياق كلام سيدنا عيسى او حوار سيدنا عيسى مع مين؟ مع الله عز وجل. صح كده؟ طيب. سيدنا عيسى قال لربنا كده ليه؟ انا قال له ان تعذبهم فانهم عبادك ان تغفر لهم فانك انت العزيز الحكيم. ليه؟ لما ربنا قال له ايه؟ يا عيسى يا مريم اانت قلت للناس اتخذوني وايه؟ وامي الهين صح؟ من دون الله؟ قال يعني طيب يبقى في مشكلة حصلت مع سيدنا عيسى ان قومه بعد وفاته اتخذوه اله اتخذوا امه الهة. مريم رضوان الله عليها. صح كده طيب. المشكلة دي تخص سيدنا عيسى. وهو بيحاور فيه الله سبحانه وتعالى. طيب تخص النبي في حاجة؟ تخصه يعني مش زاهر الكلام ان الكلام عن مين؟ عن سيدنا عيسى اصلا. مش يعني ما يخصش النبي. يبقى اول ملاحظة نلاحظها ان النبي صلى الله عليه وسلم نظر وللاية واخذ نصيبه منها. يعني انزلها على نفسه. رأى انه المخاطب بها ماشي؟ دي اول ملاحظة ان النبي صلى الله عليه وسلم اسقط هذه الاية على نفسه او انزلها على نفسه او رأى انه المخاطب بها ماشي رغم ان واضح جدا الاية بتتكلم عن مين؟ عن سيدنا عيسى واللي حصل من قومه وكلام ربنا عز وجل معه يبقى دي اي حاجة هو كده يتفكر في العقبة اللي لسه لسه لأ دي اول حاجة اعملها خالص قبل ما تفكر في العواقب. طيب دي اول لحظة نلاحظها. الملاحظة التانية او النقطة التانية لماذا بكى صلى الله عليه وسلم؟ ليه بكى؟ يعني النبي صلى الله عليه وسلم شهد الحالة دي بقلبه شهدها بقلبه. يبقى ده تفكر في العواقب. النبي صلى الله عليه وسلم شهد العاقبة اللي بتتكلم عنها ليه؟ او المآل اللي هيحصل شهده النبي صلى الله عليه وسلم بقلبه فلنفسه في هذه الحالة خلاص وان امته ممكن يحصل فيها كده ممكن يحصل فيها كده هنشوف الروايات التانية توضح لنا الامر اكتر. روايات ابن بس بتقول قال رسول الله صلى الله عليه وسلم تحشرون حفاة عراة غرلا. ثم قرأ كما بدأنا اول خلق نعيده وعدا علينا انا كنا فاعلين فاول من يكسى ابراهيم ثم يؤخذ برجال من اصحابه ذات اليمين وذات الشمال. فاقول اصحابي فيقال انهم لم يزالوا مرتدين على اعقابهم منذ فارقتهم. وفي صحيح مسلم وانه سيجاء برجال من امتي فيؤخذ بهم ذات الشمال فاقول يا ربي اصحابي. فيقال انك لا تدري ما احدثوا بعدك. اسأل الله العافية. فاقول كما قال العبد الصالح عيسى ابن مريم وكنت عليهم شهيدا ما دمت فيهم فلما توفيت ليتني كنت انت الرقيب عليهم وانت على كل شيء شهيد. ان تعذبهم فانهم عبادك. وان تغفر لهم فانك انت العزيز الايه؟ الحكيم. تمام يبقى الرواية دي بتوضح ان النبي صلى الله عليه وسلم اخبر او نبأ ان فيه موقف هيحصل الموقف ده مشابه الموقف اللي هيحصل مع سيدنا عيسى رغم انه مش نفس الموقف بالضبط. يعني هل الناس دول اللي النبي صلى الله عليه وسلم بيتكلم عنهم؟ هل هم اتخذوه اله؟ ما اتخذوش اله؟ يعني هل كان فعلهم زي فعل بني اسرائيل؟ مش فعلهم زي فعل بني اسرائيل مش في فعلهم زي فعل قوم عيسى صلى الله عليه وسلم. ولكن رغم ذلك النبي صلى الله عليه وسلم عمل ايه؟ قاسي الموقف على الموقف وشاف نصيبه منه. صح؟ والنبي صلى الله عليه وسلم لما مرت به الاية دي افتكر النبي صلى الله عليه وسلم تذكر ماشي؟ ومثل نفسه في هذه الحالة. تفكر في العاقبة ومثل نفسه في هذه الحالة. فيقول هذا الذي اقوله. يعني في روايات اخرى الا واني فرطكم على الحوض واكاثر بكم الامم ازود الناس عن حوضي كما تزاد الغريبة من الابل عن الحوض. من مر علي شرب ومن شرب منه لم يظمأ ابدا فلا تسودوا وجهي. فلا تسودوا وجهي. فاني الا واني مستنقذ اناسا ومستنقذ مني اناس والذي نفسي بيده ليردن علي الحوض رجال ممن صاحبني. حتى اذا رفعوا الي وعرفتهم اناديهم الاهالم فخرج رجل من بيني وبينهم فقال هلم فقلت اين؟ فقال الى النار والله فاقول اي ربي انهم مني ومن امتي اصيحابي فيقول انك لا تدري ما عملوا بعدك انهم قد بدلوا بعدك. فاقول سحقا سحقا لمن بدل بعدي. ورواية عبدالله بن عمرو بن العاص ان النبي صلى الله عليه وسلم تلا قول الله عز وجل في ابراهيم ربي انهن اضللن كثيرا من الناس فمن تبعني فانه مني. وقال عيسى عليه السلام ان تعذبهم فانهم عبادك وان تغفر لهم فانك انت العزيز الحكيم. فرفع النبي صلى الله عليه وسلم يديه. خد بالك من الموقف ده بقى. فرفع النبي صلى الله عليه وسلم يديه وقال اللهم امتي امتي وبكى. فقال الله عز وجل يا جبريل اذهب الى محمد وربك اعلم فسله ما يبكيك. فاتاه جبريل عليه السلام فسأله فاخبره رسول الله صلى الله عليه وسلم بما قال وهو اعلم فقال الله يا جبريل اذهب الى محمد فقل انا سنرضيك في امتك ولا نسوؤك تمام؟ فالنبي صلى الله عليه وسلم هنا نلاحظ حتى الان تلات حاجات الملاحظة الاولى ان الايات كانت تخص سيدنا عيسى. ولكن رغم ذلك النبي صلى الله عليه وسلم ايه؟ انزلها على نفسه ورأى نصيبه من ماشي؟ النقطة التانية النبي صلى الله عليه وسلم تفكر في هذه الحالة وشهدها بقلبه. تفكر في المآل وشهده بقلبه. النقطة التالتة ان النبي صلى الله عليه وسلم دعا تفاعل مع ذلك بالدعاء. طب حد يقول ما الدعاء ده هو العمل المطلوب. لأ مش ده بس العمل المطلوب. العمل المطلوب نحذر امته ونهى امته ونبههم لخطورة هذا الموقف. تمام؟ لكنه دعا صلى الله عليه وسلم وكانت الليلة كلها عبارة عن تجاوب بالسؤال او تجاوب بالدعاء. تمام؟ ده اول موقف مر علينا ولاحزنا فيه فيه حاجة سبقت وحاجة لاحقة. طيب من المواقف ايضا اللي استوقفنا آآ حديث آآ عطاء قال دخلت انا وعبيد بن عمير على عائشة فقال ابن عمير اخبرينا باعجب شيء رأيته من رسول الله صلى الله عليه وسلم. قال فسكتت وفي رواية فبكت. ثم قالت لما كان ليلة من الليالي قال يا عائشة اني اتعبد الليلة لربي. قلت والله اني لاحب قربك واحب ما سرك. قالت فقام فتطهر ثم قام يصلي. قالت فلم يزل يبكي حتى بل حجرة قالت ثم بكى فلم يزل يبكي حتى بل لحيته قال ثم بكى فلم يزل يبكي حتى بل الارض. فجاء بلال يؤذنه بالصلاة. فلما رآه يبكي قال يا رسول الله لم تبكي وقد غفر الله لك ما تقدم وما تأخر قال افلا اكون عبدا شكورا لقد نزلت علي الليلة اية وفي رواية وفي رواية ايات ويل لمن قرأها ولم فكر فيها ان في خلق السماوات والارض واختلاف الليل والنهار ايه؟ الى اخر الايه؟ الايات. النبي صلى الله عليه وسلم هنا ما سر بكائه؟ ان في خلق السماوات والارض واختلاف الليل والنهار لايات لاولي الالباب. الذين يذكرون الله قياما وقعودا على جنوبهم ويتفكرون في خلق السماوات والارض ربنا ما خلقت هذا باطلا سبحانك فقنا عذاب النار. ربنا انك من تدخل النار فقد اخزيته وما للظالمين من انصار. ربنا اننا سمعنا مناديا ينادي للايمان ان امنوا بربكم فامنا. ربنا فاغفر لنا ذنوبنا وكفر عنا سيئاتنا وتوفنا مع الابرار. ربنا واتنا ما وعدتنا على رسلك ولا تخزنا يوم القيامة انك لا تخلف الميعاد. لماذا بكى النبي صلى الله عليه وسلم وهو يقرأ هذه اول نقطة لو لاحظنا هييجي هييجي في الايات ذكر الايه؟ سبحانك فقنا عذاب النار انك من تدخل النار فقد اخزيت السؤال النبي صلى الله عليه وسلم لما يمر على ذكر النار يعني والدعاء ان ربنا ينجيه منها يبكي لو حد مكان النبي صلى الله عليه وسلم للاسف مننا ممكن ما يبكيش ليه؟ وخصوصا لو كان في في نفس الموقف اللي كان فيه النبي صلى الله عليه وسلم. ايه بقى الموقف؟ غفر له ما تقدم من ذنبه يعني احنا لا نعلم النبي صلى الله عليه وسلم ذنبا يبكي لاجله. تمام؟ وفي نفس الوقت وغفر له ما تقدم من ايه؟ من ذنبه. صح ورغم ذلك النبي صلى الله عليه وسلم يبكي شكرا لله سبحانه وتعالى. يبكي شكرا لله يبكي يعني فرحا بفضل الله عز وجل عليه يبكي سبحان الله لما يستحضر هذه الحالة بابي وامي صلى الله عليه وسلم. فالشاهد ان النبي صلى الله عليه وسلم هنا تفكر في هذا فبكى بابي وامي صلى الله عليه وسلم. طيب هنروح يعني موقف مهم برضو هيوضح لنا حاجة بشكل يعني صريح جدا وهو موقف آآ النبي صلى الله عليه وسلم خرج في من بيته فلقي ابا بكر فقال ما اخرجك فقال يا رسول الله والله ما اخرجني الا جوع. تمام؟ فلقي عمر فقال ما اخرجك؟ فقال وانا والله ما اخرجني الا طيب توجه الثلاثة الى بيت واحد من الانصار في رواية الترمذي ان هو ابو الهيثم ابن التيهان. ماشي توجه الثلاثة الى الى هذا البيت قدم لهم الصحابي سبحان الله لما ننظر لما قدمه لهم قدم لهم لحم وتمر وماء. يعني احنا لو هو وجد على مائدته في يوم من ايام رمضان او في يوم في اي يوم حد داخل بيته لو وجد على مائدته هذه الاشياء يعني مراته تقول له ما فيش الا ربع كيلو لحمة او نص كيلو لحمة في البيت وهناكل بلحتين كده او تمرين ونشرب شوية ماية. ثم جاء رجل فقال له اشكر الله على النعيم الذي انت فيه. هيصدق بلاش لو فتح كده الايه؟ فتح المزياع مثلا وايه؟ ولقاه بيقرأ قول الله عز وجل ثم لا اسألن يومئذ عن النعيم هيتصور ان هو في نعيم؟ في واقعنا ما يتصورش انه في نعيم. هيتصور بقى ان المنعم ده اللي هو صاحب المائدة الفلانية للاسف الشديد الانسان كده اللي راكب عربية متصور بقى اللي راكب عربية احلى منه ده اللي في النعيم. واللي ساكن في شقة متصور اللي ساكن في شقة اعلى منه هو ده اللي في النعيم. واللي مثلا لابس ثوب متصور اللي لابس ثوب اعلى منه هو ده اللي في النعيم. انما هو مش في نعيم. رغم ان النبي صلى الله عليه وسلم قال اول ما يسأل عنه العبد من النعيم يوم القيامة ان يقال له الم نصح لك جسمك ونرويك من الماء البارد يعني اول نعيمة تسأل عليه يعني سبحان الله الانسان يعني قد لا تخطر له على بال. ان انت توقف بين يدي الله تسأل على ده. الم نصح لك جسمك ونرويك من الماء البارد. ده لو صح التعبير الحد الادنى للنعيم. نعيم اهو ده كده منعم ده اسم منعم خلاص وداخل في السؤال. كل ما فوق ذلك نعيم. فسبحان الله! لو بعضنا في موقف زي كده طب تخيل بقى بقى لو انت لك تلات تيام مسلا اكيد النبي صلى الله عليه وسلم وصاحبيه ما خرجوش يعني من بيوتهم اخرجهم الجوع وهم واكلين مسلا من ساعتين فجاعوا. لأ ده هم اكيد يعني هم لهم فترة ما اكلوش. طب هم تخيل حد له فترة ما اكلش واكيد قبلها ما كاتش الحالة الكويسة خرج فاصاب طعاما يا ريته مسلا خد معه وهو مروح ولا عادي. كل تمر وماء ولحم. يعني فبالنسبة لنا فواقعنا اكل عادي. فاقصى ما يتصور انه يعمله نقول ايه؟ الحمد لله. او رب بقى فرج عننا ما نحن فيه. انما ان يحصل ذاك الذي يعني قاله النبي صلى الله عليه وسلم فهذا يعني امر عجيب. قال له من لهما النبي صلى الله عليه وسلم والذي نفسي بيده لتسألن عن هذا النعيم يوم القيامة. اخرجكم من بيوتكم الجوع ثم لم ترجعوا حتى طابكم هذا النعيم. طب هنا النبي صلى الله عليه وسلم قرأ الاية او سمعها؟ لأ استحضرها. وعمل ايه؟ انزلها على على اصحابه في الايه؟ على صاحبيه في الموقف ده. رغم ان الموقف قد يكون بعيد جدا. صح؟ يعني ممكن لو تقرا الاية تقول ايه؟ فين النعيم اللي هنا لكن النبي صلى الله عليه وسلم اخذ نصيبه من هذه الاية. ودعى الصحابي انهم يأخذوا نصيبهم منها ثم لتسألن يومئذ عن الايه؟ عن النعيم فحتى الان بنلاحظ النبي صلى الله عليه وسلم بيعمل حاجة اسمها اسقاط او انزال الاية على النفس. آآ سميها اسقاط سميها تنزيل سميها زي تسميها سميها آآ عرض النفس على الاية. المهم ان في حاجة بيعملها النبي صلى الله عليه وسلم قبل التفكر في العواقب. هو ان هو النبي صلى الله مسلا بيرى نفسه مخاطبا بالاية. وينزل هذه الاية على نفسه. وينظر اين هو منها. اين هو من هذا الكلام. تمام؟ فيقيم حاله ويتفقد مواطن الخلل. يعني النبي صلى الله عليه وسلم اباهم ليس عنده ذلك. بس آآ المواطن خلل يعني بس يعني بيدعون لذلك صلى الله عليه وسلم من خلال فعله الشريف طيب ده ما كانش موقف واحد النبي صلى الله عليه وسلم. بل سيدنا جابر بيقول جاءنا رسول الله صلى الله عليه وسلم وابو بكر وعمر عماهم رطبا وسقيناهم من الماء. المرة دي بقى ما فيش لحم كمان. يعني رطب وماء بس. فقال صلى الله عليه وسلم هذا من النعيم الذي تسألون ممكن تنزعيه ابدا. لكن النبي صلى الله عليه وسلم اخر الاية وانزلها على ايه؟ على نفسه في هذا الايه؟ في هذا الموطن. تمام؟ وتفكر في هذه العاقبة. وخشي انه يكون داخل في فسبحان الله نلاحظ النبي صلى الله عليه وسلم هنا برضه اخذ هذه الاية وانزلها على نفسه رغم انه ايه؟ شوية ماء وايه وتمر تمام؟ طيب آآ من المواقف برضو اللي احنا محتاجين نقف معها هي آآ قول سيدنا ابو بكر النبي صلى الله عليه وسلم يا رسول الله قد شبت شيء بحقيقي مش مش شيب معنوي يعني ولا مجاز ولا واحد يقول ده انتم خلاص كبرتوني قبل سني ولا هو شيء حقيقي قد سبت. قال شيبتني هود واخواتها من المفصل قبل المشيب. ويمكن دي اصح الروايات الواقعة والمرسلات وعن ما يتساءلون واذا واذا الشمس كورت. ماشي؟ يبقى هود والواقعة والمرسلات وعما يتساءلون واذا الشمس كورت. طيب سبحان تطلع. ليه بقى النبي صلى الله عليه وسلم شاب؟ يعني ليه حصل هذا الاثر الجسدي فيه؟ مش احنا قلنا ان التأثر ممكن يبقى قلبي لان الانسان اصلا اول نقطة ينبغي ان ينتبه لها في العمل انه ايه؟ انه يستجلب عون الله سبحانه وتعالى اذا لم يكن عون من الله للفتى فاول ما يجني عليه اجتهاده. النقطة التالتة او نفسي او جسدي ده اثر جسدي حقيقي حصل في النبي صلى الله عليه وسلم انه شاب فعلا. يمكن مستقر طبيا شوية ان الشايب بيحصل مع الفزع الشاي بيحصل مع الايه؟ مع الفزع. يعني الشاي مرتبط الى حد كبير بالفزع والرهبة والخوف. طيب النبي صلى الله عليه وسلم بابي وامي ركز معي. غفر له ما تقدم من ذنبه وما تأخر. ووعده الله عز وجل في هذه في الموقف العصيب يوم القيامة بانه امن ورغم ذلك سبحان الله النبي صلى الله عليه وسلم لما تدبر في هذه السور سبحان الله اصابه الشيب في اول حاجة نلاحظها ان النبي صلى الله عليه وسلم اخذ ما في هذه السور وانزله على نفسه. انا المخاطب طيب ايه اللي في الصور دي يدعو للشيب؟ يعني ايه اللي في الصور دي يدعو للشيب؟ طبعا في كلام كتير للعلماء ان شاء الله لعلكم تجدوه في الكتاب بازن الله. بس ايه اللي في الصور دي يدعو الى الشيب ايوة المثلات التي نزلت بالامم الماضية وعذاب الاقوام ايها القصص صح. ايه تاني؟ ده كده في الدنيا. استغفر الله العظيم. ممكن يعني هذا التوجيه الشديد وان كان يعني بعض العلماء ضاعف الكون بسبب دي. لان فيه صور كتيرة فيها توجيهات صريحة للنبي. فاصدع بما تؤمر وغيرها. بس هنا من الحاجات اللي هي المرهبة المثلات والنوازل اللي نزلت بالامم. ده ده في الماضي ولا في الحاضر؟ في الماضي. صح؟ طيب ما فيهاش حاجة تاني؟ ايوة اهوال يوم القيامة فيها اهوال يوم القيامة. يعني فيها من اهوال يوم القيامة ما تشيب وله الولدان. صح؟ طيب سبحان الله! تخيل لو انت مكان النبي صلى الله عليه وسلم وانت يعني عندك وعد بان مغفور لك ما تقدم من ذنبك وما تأخر. وعندك وعد انك مؤمن من العذاب. وعندك وعد ان انت تبقى حامل لواء الحمد يوم القيامة وعند الايات دي هتفرق معك؟ ما تفرقش معك. لكن سبحان الله النبي بابي هو وامي صلى الله عليه وسلم يبقى اول حاجة ان الايات دي وراء نفسه ايه؟ مخاطبا بها. صح؟ وانزلها على نفسه. وبعد ما انزلها على نفسه تفكر فيها شهدها بايه؟ احنا قلنا التفكر في العواقب اللي هو التحديد والايه؟ والشهود. شهدها بقلبه صلى الله عليه وسلم. تمام؟ ومثل نفسه في هذه الحالة مثل نفسه في هذه الحالة. فلذلك بكى بابي هو وامي صلى الله عليه وسلم. وطبعا لا يتسع المقام لذكر كلام كتير للايه؟ للعلماء في هذا الباب. طيب آآ وهرجع لحاجة مهمة بس في في الباب ده. بعد ما نتكلم عن الموقف ده لو انت قرأت اية انما اموالكم واولادكم فتنة. تمام؟ هتقول ان دي تخصنا احنا ولاد الصور ابدا النبي صلى الله عليه وسلم يستدعي هذه الاية في امر يخصه. طيب حديث بريدة الاسلامي بيقول كان رسول الله صلى الله عليه وسلم يخطبنا اذ جاء الحسن والحسين عليهما قميصان احمران يمشيان ويعثران فنزل رسول الله صلى الله عليه وسلم من المنبر فقطع كلامه فحملهما ثم عاد الى المنبر ووضعهما بين يديه. النبي صلى الله عليه وسلم بيخطب الحسن والحسين جاء فايه؟ فعليهما هذين او هذين القميصان الايه؟ الاحمران بيمشي في القميص اللي هو الثوب يعني اللي هو لابسه يتعثر في القميص. نقوم النبي صلى الله عليه وسلم ايه؟ انشغل بهما فنزل من على المنبر قطع كلامه واخذهما وعاد الى المنبر. فوضعهما بين يديه ثم قال ركز بقى في اللي قالها انما ام صدق الله انما اموالكم واولادكم فتنة. نظرت الى هذين الصبيين يمشيان ويعثران في قميصيهما فلم اصبر حتى قطعت حديثي ورفعتهما. يبقى عمل ايه النبي في الاية؟ رغم ان الاية قد تبدو انها مت ايه؟ ما تخصوش ومش ممكن ايه في هذه الاية؟ واضح ده اللي احنا بنسميه الاسقاط او آآ تنزيل الاية على النفس او اللي هنسميه تفكر في الحال ان شاء الله او النظر وفي الحال هنسميه عرض النفس على الاية ايا كان المسمى لكن نلاحظ ان النبي صلى الله عليه وسلم قبل التفكر في العواقب عمل حاجة. خلاص؟ طيب ده كان هذا الامر في يعني في واقع النبي صلى الله عليه وسلم. تعالوا نشوفه بقى في واقع الصحابة ان احنا لاحظنا ان النبي صلى الله عليه وسلم بيعمل تفكر في العواقب وقبله حاجة. اول حاجة حديث ابن مسعود. حديث عرجة الثقفي قال استقرأت ابن مسعود سعود سبح اسم ربك الاعلى. فلما بلغ بل تؤثرون الحياة الدنيا ترك القراءة. واقبل على اصحابه وقال شوف بقى سبحان الله ابن مسعود اصلا ترك المدينة وراح للكوفة قعد فيها خمستاشر سنة عشان بالقرآن. ده واحد اختار الدنيا ولا اختار الاخرة؟ ساب دنياه وساب كل ما فيها وساب وراح الكوفة. وطبعا قارنت المدينة بالكوفة الكوفة اصلا بلاد مشاكل وفتن وبتاع يعني مقارنة دي بدي يعني ترك كل ده تركه وراء ظهره وذهب الى الكوفة. فالطبيعي جدا لما يقرأ اية بل تؤثرون الحياة الدنيا. يعتقد انها تخصه؟ لا طبعا. لكن لما كان واحد بيقرا عليه اللي هو عرجشة الثقافية. وجه عند الاية دي فتوقف سيدنا علي بن مسعود وقال اثرنا الدنيا على الاخرة فسكت القوم فقال اثرنا الدنيا لانا رأينا زينتها ونساءها وطعامها وشرابها وزويت عنا الاخرة فاخترنا هذا العاجل وتركنا الاجل. وفي رواية هل تدري باي شيء ابتدأ الحياة الدنيا؟ لاي شيء اثر بالحياة الدنيا؟ عجلت لنا الدنيا واوتينا لذتها وبهجتها وغيبت عنا الاخرة وزويت عنا فاجبنا العاجل وتركنا الاجل. فطبعا نلاحظ هنا النبي صلى الله عليه وسلم ماذا فعل قال صلى الله عليه عذرا سيدنا عبدالله بن مسعود نلاحظ ماذا فعل انه اخذ الايات دي وعمل ايه؟ اسقطها على نفسه. نزلها على نفسه. تمام؟ عرض نفسه واصحابه عليها رأى انه مخاطب بها. تفكر في حاله. كده ده تفكر في المآل ولا في الحال؟ في الحال بس لسه بقى المآل ما دخلش في الايه؟ في المقام او هيجي بعد كده تفكر في المعدة. طيب في بس كلام كده يحصل ان احنا نذكره وهو كلام آآ يعني هيبقى واضح جدا لما نذكر الموقف الذي بكى فيه النبي صلى الله عليه وسلم احنا كده النبي بكى في لما قرأ اية صح؟ طيب في موقف تاني بكى فيه النبي صلى الله عليه وسلم فاكرينه؟ ايوة. لما وابن مسعود هل في الصحيحين استقرأ ابن مسعود فقرأ عليه ابن مسعود من سورة ايه؟ النساء ركز عشان الاية اللي هو بكى فيها وهو بيقوم كت في سورة الايه؟ المائدة. تمام؟ ليه؟ ان تعذبهم. دي كانت في سورة الايه؟ النساء. تمام حتى اتى على قول الله عز وجل فكيف اذا جئنا من كل امة بشهيد وجئنا بك على هؤلاء ايه شهيدة تمام؟ طيب عبد الله بن مسعود في روايات كثيرة يقول ايه؟ فنظرت فاذا عيناه تذرفان النبي صلى الله عليه وسلم يبكي. طيب ايه سر بكاؤه في الاية دي؟ فكيف اذا جئنا من كل امة بشهيد وجئنا فعل هؤلاء شهيدا. لماذا بكى صلى الله عليه وسلم؟ آآ في رواية بس في صحيح مسلم مهمة. النبي صلى الله عليه وسلم قال بعد ما ما التفت اليه سيدنا ابن مسعود وجده بيقول ايه؟ شهيدا عليهم ما دمت فيهم او ما كنت فيه. يعني النبي صلى الله عليه وسلم قال كده. قال شهيدا عليهم ما دمت فيهم او ما كنت فيهم. تمام الكلام ده تجاوبا مع الايه؟ مع الايات التي سمعها. الكلام ده اكده الطبري في رواية ابن مسعود بسند صححه الشيخ احمد شاكر في روايتين الاولى الف آآ ان هو آآ لما سمع الاية قال فلما توفيتني كنت انت الرقيب عليهم وانت على كل شيء ان هو قال كلام زي اللي قاله سيدنا عيسى فين؟ في سورة الايه؟ المائدة. وفي رواية انه قال شهيدا عليهم ما دمت فيهم فاذا توفيتني كنت انت الرقيب عليهم وانت على كل شيء شهيد. نلاحظ هنا في الموقف ده ان النبي صلى الله عليه وسلم هذه الايات هو هنقول اسقطها على نفسه انزلها على نفسه انزلها على نفسه بس هي صريحة في توجيه الخطاب ايه؟ له كيف اذا جن من كل امة بشهيد وجئنا بك على هؤلاء ايه؟ شهيدا. يبقى النبي صلى الله عليه وسلم ايوة يرى انه المخاطب بها ودي خلاص معدية بس يمكن هنا مش مش زي فان تعذبوا فانهم عبادك. بس آآ الواضح جدا هنا ان النبي صلى الله عليه وسلم ايه؟ تفكر في هذه الحالة تمام؟ تفكر في هذه الحالة وتجاوب معها بدعاء او بسؤال. طيب ولذلك لما نريد ان احنا نجيب على سؤال لماذا بكى صلى الله عليه وسلم في هذه الحالة نفسح المجال لابن بطال في شرحه لصحيح البخاري يقول لانه مثل لنفسه اهوال يوم القيامة وشدة الحال الداعية له الى شهادته لامته بتصديقه والايمان به وسؤاله الشفاعة لهم ليريحهم من طول الموقف واهواله. وهذا امر يحق له طول البكاء والحزن ابن حجر بيقول في فتح الباري والذي يظهر انه بكى رحمة لامته. لانه قد علم انه لابد ان يشهد عليهم بعملهم وعملهم قد لا يكون مستقيما فقد يفضي الى تعذيبهم والله اعلم فالهمها فجور وتقواها وتقول له اللهم اتي نفسي تقواها وزكها انت خير من زكاها انت وليها ومولاها. يبقى انت بتعلن انك ناوي الايه في العمل يبقى اعلان انه ناوي العمل. تاني حاجة استجلاب لعون الملك القاري له كلام كويس لانه هيدي بعد جديد. بيقول ايه؟ بيقول وفي بكاء النبي صلى الله عليه وسلم وجوه. الاول قال ابن الجوزي بكاؤه صلى الله عليه وسلم عند هذه الاية لانه لابد من اداء الشهادة والحكم على المشهود عليه انما يكون بقول الشاهد. فلما كان صلى الله عليه وسلم هو الشاهد وهو الشافع بكى على مفرطين منهم. الثاني بكى لعظم ما تضمنته هذه الاية الكريمة من هول المطلع وشدة الامر اذ يؤتى بالانبياء عليهم السلام شهداء عناوين بالتصديق والتكذيب. الثالث انه بكى فرحا لقبول شهادة امته صلى الله عليه وسلم يوم القيامة. وقبول تزكيته لهم في ذلك اليوم العظيم. الشاهد ان هو اشار لايه لابعاد تانية. النبي صلى الله عليه وسلم بكى لنفسه على كلام القاري ولامته. بكى لنفسه لانه هيكون في موقف الايه؟ الشهادة. ده موقف صعب ان انت هتشهد وانت مستأمن على شهادتك يعني ضروري انك تكون يعني في ايه في ادق صورة وفي نفس الوقت هتشهد على مين على حد انت اصلا يعني انت نفسك تشفع ليه ونفسك تساعده ونفسك تستغفر له وتدعو له. فبكى لاجل نفسه وبكى لاجل ايه؟ امته صلى الله عليه وسلم. على على الكلام القارئ وكلام او حاصل كلام القارئ وابن جوزي ابن بطال وابن حجر رضوان الله عليهم اجمعين. تمام كده يبقى نلاحظ في هذا الموقف لما نضيفه الى الان. نجد النبي صلى الله عليه وسلم بكى او تدبر اية مقروءة اللي هي ايه ان تعذبهم فانهم عباده. واية مسموعة فكيف اذا جئنا من كل امة بشهيد. واية مستحضرة من الذاكرة. اللي هي ايه؟ ثم لتسألن واذا معي تمام كده؟ طيب انا هاخد امثلة للصحابة في نفس الصدد. للصحابة في اية مقروءة اللي هو حصل مع سيدنا مين؟ مع سيدنا عبدالله بن مسعود ماشي بل تؤثرون الحياة الدنيا. وهيجي معنا موقف تاني مهم جدا لسيدنا عبدالله بن عباس هتتضح فيه حاجات كتير الحقيقة الموقف ده بيرويه عكرمة تلميذ سيدنا عبدالله بن عباس بيقول جئت ابن عباس يوما وهو يبكي واذا المصحف في حجره فاعظمت ان ادنو ثم لم ازل على ذلك حتى تقدمت فجلست. فقلت ما يبكيك يا ابا عباس؟ جعل الله فداك. قال فقال هؤلاء الورقات واذا هو في سورة الاعراف وذكر حال اصحاب السبت يبقى دلوقتي بيقرأ قرآن وبكى ما دام موقف ايه تدبري لان الصحابة ما كانش عندهم بكاء الطقوسية. كان بكاؤهم كله بكاء عبودية. يقرأ قرآن وبكى. ده موقف تدبري. فدلوقتي عكرمة دخل على سيدنا عبدالله بن عباس وجده يبكي المهم ايه يعني تلكأ شوية ان هو يدخل عليه المهم فقرب منه قال ما يبكيك فقال له هؤلاء الورقات اللي هو بيقرأ فيها فاذا هو يقرأ في سورة الاعراف ويقرأ في ايه؟ في قصة اصحاب السبت. ثم قرأ ابن عباس فلما نسوا ما ذكروا به فلما نسوا ما ذكروا به انجينا الذين ينهون عن السوء واخذنا الذين ظلموا بعذاب بئيس بما كانوا ايه؟ يفسقوا تمام؟ قال فارى الذين نهوا قد نجوا. ولا ارى الاخرين ذكروا. ونحن نرى اشياء ننكرها ولا نقول فيها سبحان الله. شف بقى انزل الايات على ايه؟ يعني سبحان الله! لما تبص على الاية دي الايات انتهت اصحاب السبت او قصة اصحاب السبت فيها تلت اصناف اللي وقعوا في المنكر واللي نهوهم عن المنكر واللي ايه؟ والساكتين. صح كده؟ طيب. ولو حد سألك سؤال كده اول عبرة تخرج بها من قصة اصحاب السبت ايه ليه ربنا بيقص علينا قصة اصحاب السبت؟ عشان ما نتحايلش تحايل صح؟ طب وتاني عبرة تخرج بها ما تسكتش عن المنكر. صح؟ فشوف سبحان الله سيدنا عمر ابن عباس لو حد غيره مر على السورة على الاية كان يقول لك ايه؟ الحمد لله انا على شرع ربنا ويجي ماشي. لأ ده هو وكمان عبدالله ابن عباس اصلا حياته كلها في الامر بالمعروف والنهي عن المنكر في طاعة الله سبحانه وتعالى والدعوة اليه تعليم الناس ولكن رغم ذلك اخذ نصيبه منها. خد الايات رغم انها في مين؟ في اصحاب الايه؟ السبت في قوم خلوا. تمام انزلها على نفسه اسقطها على نفسه عرض نفسه عليها اخذ نصيبه منها. تمام؟ وبعد كده تفكر في العواقب. عاقبة ايه؟ ان هو ممكن ممكن يكون بيشبههم في حالة او بيشبه بعضهم في حالة. ان هو بيرى اشياء ينكرها بقلبه يعلم انها مناكير ويسكت ايه؟ ويسكت عنها ورأى ان دول سكت الله عز وجل عنهم ومحتمل على ظاهر الايات ان هم يكونوا ايه؟ معذبين. لما تفكر في العاقبة دي ايه واضح؟ فده موقف واضح جدا جدا جدا في ايه؟ في اللي بنقول عليه ان قبل التفكر في العواقب في حاجة بتحصل اسمها اسقاط او تنزيل الاية على النفس او عرض الاية على النفس او عرض النفس على الاية او اخذ النصيب من الاية او التفكر في الحال ايا كان اسمع وضح كده الجزء اللي هو قبل التفكر في العواقب واضح كده يا اخوة؟ طيب. بعد كده هننتقل بقى لما بعد الايه؟ التفكر في العواقب. لاحزنا ان النبي صلى الله عليه وسلم بيعمل حاجة سؤال يعني لما اية توصي بعمل معين. يعني المفروض ان الايات بتوصينا باعمال نعملها صح؟ طب لما انسان يدعي يبقى كده عمل ولا ده استعان على العمل او تمهيد العمل؟ يعني انا مثلا لو وصيت حضرتك قلت لك ايه الله يكرمك يا ريت تجمع الاطفال اللي عندكم في الحي. وتعمل لهم مسلا حلقات لتعليم القرآن في المسجد. وانت قلت لي ايه نسأل الله ان يعيننا على ذلك. كده انت عملت؟ ما عملتش صح؟ طب انت لما قلت كده فرقت في ايه معي؟ هم؟ صح؟ اعلنت ان انت ناوي تعمل. تمام كده واستعنت الله سبحانه وتعالى لاجل ان يكون الامر ايه؟ ايسر عليك. صح؟ بس هل هو ده العمل؟ لا امش العمل لو دي واضحة بس هتفهموا اللي جاي. حاجة بقى مهمة جدا كان بيفعلها النبي صلى الله عليه وسلم. ودي من الحاجات اللي انا اوصيكم بها. وخصوصا بقى في رمضان او في غير مع وردنا في القراءة والسماع لانها مفيدة جدا جدا جدا. اللي احنا بنسميه التجاوب بالسؤال. حتى الان عرفنا ان في تفكر في المآل. صح؟ الواد في فكر في العواقب قبله وعرفنا ان في حاجة اسمها التفكر في الحال. تمام؟ بعده هنعرف ان في حاجة اسمها التجاوب بالسؤال. او التفاعل بالدعوات والتنزيهات. خلاص؟ يبقى تفكر في المآل وقبله في تفكر في الايه؟ في الحال. وبعده في تجاوب بالايه؟ بالسؤال. تمام؟ طيب. وده هيبقى ملخص الحقيقة. طيب تعالوا نشوف مواقف بس توضح لنا الخطوة بتاعة التجاوب بالايه؟ بالسؤال دي او التفاعل بادعاءات التنزيهات. او اول حاجة هناخد من حال النبي صلى الله عليه وسلم وبعد كده نروح لادلة من القرآن تشهد عليها وادلة من السنة تشهد عليها. هناخد من حال النبي صلى الله عليه وسلم في السنة العملية اشهر ما فيه احاديس ايه حذيفة؟ قال صليت مع النبي صلى الله عليه وسلم ذات ليلة فافتتح البقرة فقلت اركع عند المائة ثم مضى فقلت اصلي بها في ركعة فمضى فقلت يركع بها في ثم افتتح النساء فقرأها ثم افتتح ال عمران فقرأها. يقرأ مترسلا اذا مر باية فيها تسبيح سبح. واذا مر بسؤال سأل واذا مر بتعوذ تعوذ. ركز معي بقى عشان هنشوف يعني هنا آآ سيدنا حذيفة فبيصف قراءة النبي صلى الله عليه وسلم بانها فيها حاجتين. انها مترسلة. تمام كده؟ وانا اعرف ايه معنى الترسل؟ بس ببساطة طاطا الترسل ده ترتيل بطء. يعني مش قراءة حجر القراءة بسرعة على الكلام ده خالص. تمام كده؟ ده ترتيل بطء. القراءة المترسلة وهييجي انا فيها كلام ايه؟ كلام ابن منظور في وصف هذه القراءة الايه؟ المترسلة. طيب دي اول حاجة ان هو بيصف القراءة بانها ايه؟ مترسلة. حتى ابن منظور يقول اهو. والترسل في الكلام عند العرب معناه التوقر والتفهم والترفق من غير ان يرفع صوته شديدا. يعني بيقرأ قراءة ايه بطيئة. خلاص؟ طيب يبقى دي اول حاجة في وصفه للقراءة. الحاجة التانية ان هذه القراءة التي يقرأها مش بس بطيئة. ده هو يقرأ قراءة مالها فيها تجاوب مع الايات. نركز بقى فيها تجاوب مع الايه؟ مع الايات وهنا ستطرح اسئلة مهمة التجاوب كان مع انهي نوعية من الايات؟ هل مع كل الايات ولا مع نوعية معينة من الاية نشوف سيدنا حذيفة بيقول اذا مر الاية فيها تسبيح سبح. فيها تعوذ تعوذ فيها سؤال سأل. تسبيح معروفة. طب فيها سؤال زي ايه؟ السؤال الفضل. دي هتلاقيها قليلة ولا كتيرة؟ قليلة. ده بقى بيوسع كتير جدا واسع جدا. طب فيها تعوذ؟ يعني الاية اللي بتقول فتعوذ او فاسأل اسألوا الله من فضله فيها ايتين في القرآن يبقى اكيد مش دي ده الموضوع ايه واسع جدا. ولذلك بقى نشوف الروايات الروايات الصحيحة التانية يقول ايه؟ لا يمر باية فيها تخويف الا وقف عندها. وفي رواية ولا باية عذاب الا استجار لو ركزت في القرآن هتلاقي اغلب ايات ووعد او وعيد. يبقى لو اية وعد بيقف عندها فيها سؤال ويسأل. ولو اية وعيد بيقف عندها وايه ويتعود خلي بالك ده هيوسع الدايرة جدا. ماشي؟ مش زي ما يتصور البعض ان لما يمر على اية مسلا ايه؟ فيها ذكر الجنة يقول او غيرها. لذلك اليوتيوبي حفظه الله بيقول ايه؟ وكان اذا مر باية عذاب اي باية تذكر فيها النار او الوعيد وقف عند تلك الاية وتعود اعتصم بالله تعالى من عذابه واذا مر باية رحمة ان يجي معه روايات تانية. باية تذكر فيها الرحمة او الجنة او الوعد وقف فدعا. اي سأل الله تعالى ان نعطيها اياه. يبقى ركز بقى. يبقى على الكلام ده مش مش جنة ونار بس. اي وعد او ايه؟ او وعيد. طيب. الروايات التانية كمان هتوضح الموضوع اكتر ازاي في عندنا رواية السيدة عائشة وتقول كان رسول الله صلى الله عليه وسلم يقوم ليلة التمام. فيقرأ بسورة البقرة وال عمران والنساء. لا يمر باية فيها استبشار الا دعا الله سبحانه وتعالى ورغب ولا يمر باية فيها تخويف الا دعا الله تعالى واستعاذ. تمام يبقى دي وضحت برضو ان الموضوع ايه؟ وعدو وعيد. مش مرتبط بالجنة والنار بس. دي رواية عائشة. كمان في رواية عوف بن ما لك. بيقول كنت مع رسول الله صلى الله عليه وسلم ليلة فبدأ فاستاك ثم توضأ ثم قام يصلي فقمت معه فاستفتح من البقرة لا يمر باية فيها رحمة او باية رحمة الا وقف فسأل ولا يمر باية عذاب الا وقف فتعول. برضو النطاق ايه؟ واسع. وجاء في تعظيم قدر الصلاة عن حذيفة قال صليت مع رسول الله صلى الله عليه وسلم ليلة فكان اذا مر باية رحمة سأل واذا مر اية عذاب تعوذ واذا مر باية فيها تنزيه لله سبح يبقى هنا وسع الدايرة قال اية؟ رحمة مش سؤال. تمام كده؟ طيب. الروايات دي كلها ظاهرها يفيد انه كان بيقف تقريبا مع كل الايات ماشي مش مع ايات بس الايه يعني الجنة وايات النار ولذلك اسمع بقى احنا عندنا نقلين مهمين جدا هنقولهم يعني يوضحوا ان الوقوف كان بيبقى مع اغلب الايات تقريبا. الاول عن ابن هبيرة ماشي؟ آآ والتاني عن شيخ الاسلام زكريا الانصاري. ابن هبيرة بيقول ايه؟ بيقول وفيه ايضا من الفقه انه اذا كان في صلاة فمرت به اية رحمة فشاء ان اسألها الله تعالى مغتنما ما في القرآن من مناسبة الطلب سألها فان القرآن وحي مجدد. واذا مر باية فيها تسبيح لله تعالى فانه يسبح الله بما روي في الاخبار. وليعلم انه في مقام كريم لا يلائمه المطالب الدنيا. واذا مر باية عذاب للكافرين استعاذ بالله تعالى من مثل ان يقرأ قوله هيدينا امسلة بقى فيقول مسلا ان يقرأ قوله واستغفر لذنبك. فيقول الحديث المروي هو اللهم اني ظلمت نفسي ظلما كثيرا ولا يغفر الذنوب الا انت انت فاغفر لي مغفرة من عندك وارحمني انك انت الغفور الرحيم. يعني الاستغفار ده مش مذكور في ظهر الروايات. بس هو يقول لو مر به يقول لان ده سؤال. ومثل ان يأتي قوله عز وجل ما لكم لا ترجون الله وقارا؟ فيقول ها هنا اللهم اقسم لنا من خشيتك ما تحول به بيننا وبين معاصيك ومن مثل قوله سبحانه في ذكر تسبيحه سبحانه يسبحون الليل والنهار لا يفترون. ثم يقول وبحمده اي وبحمده سبحته. ولذلك يقول سبحان ربي العظيم. تمام وقوله تعالى انما يؤمن باياتنا الذين اذا ذكروا بها خروا سجدا وسبحوا بحمد ربهم وهم لا يستكبرون جنوبهم عن المضاجع يدعون ربهم خوفا وطمعا ومما رزقناهم ينفقون. خد بالك ان التجاوب القولي ده التجاوب بالسؤال واضح يبقى الشاهد ان هو هنا ابن هبير عمل ايه؟ وسع لك الدايرة جدا وبين لك امثلة طرحها صريحة في ان الامر مش مرتبط بالجنة والنار بس شيخ الاسلام زكريا الانصاري بيقول ايه؟ فان قرأ في الصلاة اية رحمة كقوله تعالى ويغفر لكم والله غفور رحيم. شفت امثلة الرحمة بقى ويغفر لكم والله غفور رحيم. سألها كأن يقول ربي اغفر لي وارحمني وانت خير الراحمين. او اية كقوله ولكن حقت كلمة العذاب على الكافرين. استعاذ منه كان يقول ربي اني اعوذ بك من العذاب. او اية تسبيح كقوله فسبح باسم ربك عظيم. سبحك ان يقول سبحان ربي العظيم. ماشي؟ او اية مثل. فقوله تعالى ضرب الله مثلا عبدا مملوكا. تفكر فيها او قرأ كاخر مثل اخر التين والتين. قال بلى وانا على ذلك من الشاهدين. وكقوله اي او قرأ مثل قوله فباي حديث بعده يؤمنون؟ قال امنا بالله وكذا يفعل المأموم ذلك لقراءة امامه كما يفعله لقراءة نفسه وكذا غير المصلي يفعله لقراءة نفسه وقراءة غيره ابقوا ركزوا عشان الحتة دي مهمة جدا. اول سؤال بنسأله بنقول يا ترى التجاوب ده بيبقى مع او التفاعل ده مع ايات بعينها مع الايات كلها الظاهر انه مع الايات ايه؟ كلها. خلاص كده؟ النقطة التانية. طب الكلام ده للمصلي بس ولا للمصلي وغير المصلي؟ السؤال التالت الكلام ده في النافلة بس ولا في النافلة والفريضة؟ السؤال الرابع ده للامام بس وللامام والمأموم. ماشي واحنا سنفسح المجال للامام النووي رحمه الله ليجيب على ذلك. يعني احنا بنقول الخلاصة انه يستحب في صلاة الفرض والنفل ويتأكد استحبابه في النفل كما يستحب للامام والمأموم والمنفرد وفي داخل الصلاة وخارجه. اسمع بقى الايام اللي هو بيقول ايه؟ بيقول فيه استحباب هذه الامور لكل قارئ في الصلاة وغيرها ومذهبنا استحبابه للامام والمأموم والمنفرد يبقى الامام النووي قال انه في ايه؟ في الصلاة وفي ايه؟ وفي غيرها. وقال انه للامام والمأموم والمنفرد. وبيقول قال الشافعي اصحابنا يسن للقارئ في الصلاة وخارجها. قال اصحابنا ويستحب ذلك للامام والمأموم والمنفرد. تمام كده؟ هو حتى وقال في نهاية كلامه وقال بمذهبنا جمهور العلماء من السلف ممن بعدهم. ده كلام الامام الايه؟ النووي. وطبعا في بحث طويل احنا عملناه فيها. يعني الكلام عند حنفية ايه وعند الشافعية ايه وعند الحنابلة ايه وتقريبا عامتهم يجوزونه في الايه؟ في النفل بل يستحبونه في النفل. يبقى الخلاصة ان الكلام ده في بداخل الصلاة وفي خارجها. للامام والمأموم والمنفرد. تمام كده؟ وعلى الظاهر ان ده في ايه؟ في عامة الايات. الشيخ العثيمين الحقيقة له جميل جدا جدا في التعليق على اللي حصل ده. اللي هو النبي صلى الله عليه وسلم اللي كان بيقرأ قراءة متمثلة. بيقول ايه؟ بيقول فجمع عليه الصلاة والسلام بين القراءة وبين الذكر وبين الدعاء وبين التفكر لان الذي يسأل عند السؤال ويتعود عند التعوذ التعوذ ويسبح عند التسبيح لا شك انه يتأمل قراءته ويتفكر فيها. فيكون هذا القيام روضة من الرياض الذكر قراءة وتسبيحا ودعاء وتفكرا. خدت بالك يبقى هنا النبي صلى الله عليه وسلم جمع في قراءته كم عمر عبودية القراءة وعبودية التسبيح او الذكر وعبودية الدعاء وبودية الايه؟ التفكر. وسؤال مهم جدا. هل الانسان اللي ادعي بدعوة تناسب الكلام اللي بيقوله. مش هيبقى فاهم اللي بيقوله هيبقى فاهمه ده يبقى فاهمه يبقى تفكر فيه كمان. خلاص؟ طيب وده اصرخ الادلة في هذا الباب اللي هو بنقول عليه التزاوج بالسؤال او الدعاء. ولذلك حتى ورد عن جابر رضي الله عنه انه قال لما نزلت هذه الاية قل هو القادر على ان يبعث عليكم عذابا من فوقكم. قال رسول الله صلى الله عليه وسلم اعوذ بوجهك. قال او من تحت ارجلكم. قال اعوذ بوجهك او يلبسكم شيعا ويذيق بعضكم بأس بعض. قال رسول الله صلى الله عليه وسلم هذا اهون او هذا ايسر ابن عباس بيذكر لنا ان النبي صلى الله عليه وسلم تجاوبه كان واسع برضه. فقال كان رسول الله صلى الله عليه وسلم اذا قرأ سبح اسم ربك الاعلى قال سبحان ربي الاعلى. ماشي؟ وهذا الحديث صحيح. صححه الشيخ الالباني في صفة الصلاة. وحتى الشيخ العثيمين بيقول تعليقا عليه. ويجوز للانسان اذا مر باية رحمة او اية وعيد ان يسأل عند اية الرحمة ويستعيذ عند اية الوعيد في الفريضة والنافلة ففي صلاة الليل بل في جميع النوافل يسن. اما في الفرائض فجائز لكن تركه افضل. لان الواصفين لصلاة رسول الله صلى الله عليه وسلم لم يكونوا يقولون انه نروح عند باب التسبيح ويتعود عند ايات الوعيد يسأل عن ايات الايه؟ الرحمة. لكن الشيخ قال بجوازه حتى في الايه؟ في الفريضة. واحنا بنقول حتى على الاقل التقديرات في الفريضة طيب ولذلك الشيخ العثيمين كان بيقول على ان انت تتجاوب مع الايات يقول ايه معانيه. الشيخ العثيمين ماشي؟ ناخد بالنا من القول ده يا جماعة. الشيخ العثيمين. كان يقول هذا مما يعين الانسان على تدبر القرآن والتفكر في معانيه. اللي هو ايه؟ ان هو يتجاوب بالدعوات والايه؟ والتنزيهات. تمام وعن موسى ابن ابي عائشة قال كان رجل يصلي فوق بيته وكان اذا قرأ ليس اليس ذلك بقادر على احياء الموتى؟ قال سبحانك فبلى. فسألوه عن ذلك فقال سمعته من رسول الله صلى الله عليه وسلم. ركز بقى في دي عشان دي مهمة جدا. لان للاسف بعضنا متصور ايه؟ ان التجاوب ده التجاوب بيحصل في مواطن مخصوصة بس. زي مسلا فسبح باسم ربك العظيم. يقول سبحان ربي العظيم. فسبح باسم ربك الاعلى. قل سبحان ربي الاعلى. اه زي مثلا اليس ذلك بقدر ان يحيا الموتى؟ يقول سبحانك فبلى. لا النبي صلى الله عليه وسلم زي ما قلنا في حديث حذيفة ان كان بيتفاعل تقريبا مع اغلب الايات. وانظر الى هذا الاثر هو من رواية ابن عباس وهو حديث حسن وحسنه الشيخ الالباني بشواهده. ماشي في ظلال الجنة شف بقى ابن عباس بيقول كان رسول الله صلى الله عليه وسلم اذا مر بهذه الاية ونفس وما سواها فالهمها فجورها وتقواها وقف ثم قال اللهم ات نفسي تقواها انت وليها ومولاها وخير من زكاها. تمام يبقى ده دي نصوص صحيحة صريحة في ان النبي صلى الله عليه وسلم تقريبا كان في قراءته مع كل الايات اللي بتمر عليه كان جاوب بالسؤال. السؤال اما يكون آآ تنزيه او دعاء. ماشي؟ آآ بنسميه دعاء ثناء او انه يكون مسألة خلاص كان النبي صلى الله عليه وسلم تقريبا لا يكاد يمر باية الا وايه؟ الا ويقف عندها. احنا ذكرنا يعني سريعا بعض كلام العلماء في ايه؟ في ذلك ولولا ضيق المقام لفصلنا في ذلك ايه؟ تفصيلا. خلاص؟ بل ان حتى اغلب دعوات النبي صلى الله عليه وسلم اللي تلاقيه بيدعيها هتلاقيها اصلا متأولة من ايه ؟ من الايات. يعني مثلا النبي صلى الله عليه وسلم كان يقول اللهم حبب الينا الايمان وزينه في قلوبنا وكره الينا الكفر والفسوق والعصيان واجعلنا من الراشدين. طب ما هو ده ايه ؟ ولكن ان الله احب اليكم الايمان. صح؟ لما كان يقول اللهم لا تجعل الدنيا اكبر همنا ولا مبلغ علمنا. فاعرض عن من تولى عن ذكرنا ولم يرد الا الحياة الدنيا ذلك مبلغه من العلم. وهكذا اغلب ادعية النبي صلى الله عليه وسلم كانت في ايه؟ في هذا في هذا الباب. ماشي؟ حتى المناوي بيقول القارئ او السام كلما مر باية تنزيه ان ينزه الله تعالى او تحميد ان يحمده او تكبير ان يكبره وقس عليه. يعني اي حاجة في الباب ده قس عليها. الشيخ العثيمين يقول وقوله هو عند اية وعيد اي كل ما يدل على الوعيد. سواء كان بذكر النار ام بذكر شيء من انواع العذاب فيها؟ ام بذكر احوال المجرمين وما اشبه ذلك. وقوله والسؤال عند اية ايوة للمصلي ان يسأل الرحمة اذا مر باية رحمة. مثاله مر على ذكر الجنة يقول اللهم اني اسألك الجنة وله ان يسأله من فضله. ولو مر ثناء على والاولياء وما اشبه ذلك فله ان يقول اسأل الله من فضله او اسأل الله ان يلحقني بهم او ما اشبه ذلك. وفيه ايات كثيرة كقوله في سورة النمل االه مع الله فهل يصح ان يقول لا؟ الجواب نعم يصح ان يقول لا اله مع الايه؟ مع الله. تمام؟ واضح جدا كده من الكلام ان ده ايه؟ بفضل الله عز وجل جائز في تقريبا في كل الايه؟ الايات اللي تمر عليه. وجائز بسورتين. اما انك تستدعي دعاء مأثور او انك تتأول دعاء. اما انك تعمل ايه؟ تستدعي دعاء مأثور او تتأول دعاء. تتأول دعاء ازاي؟ صح ان السيدة عائشة قرأت قول الله عز وجل فمن الله علينا وقانا عذاب السموم. انا كنا من قبل ندعوه انه البر رحيم. فوقفت وظلت تدعو تقول اللهم من علينا وقنا عذاب السموم انك انت البر الرحيم. واضح؟ يبقى هي تأولت دعاء مناسب للايه؟ للايات. او انه يقول دعاء مأثور وفي هذا الباب زي اللهم ات نفسي تقواها وزكها انت خير من ايه؟ من زكاها. وللاسف هذا الامر للاسف يعني كثير من الناس اهملوه. يعني كثير من الناس في قراءتهم وهو مهم جدا جدا جدا في مساعدة الانسان على ان هو يكون متفهم لقراءته. يعني كتير مننا وهو بيقرأ لو حط نصب عينيه ان وانت بتقرا تتجاوب مع القراية بتاعتك بالشكل ده او انت بتسمع تتجاوب بالشكل ده بفضل الله عز وجل فعلا ستخرج بفائدة كبيرة جدا من القراءة. فانا اوصي بهذه يعني المهارة في التعامل مع القرآن الكريم. وخصوصا في ايه؟ في في رمضان. اللي هو احنا بنقرا فيه يعني زي ما قلنا اغلب الايات تقريبا في تفاعل معها ولولا ضيق المقام لفصلنا في مواقف كثيرة. الحمد لله احنا عندنا كتاب تيسير التدبر فيه يعني ما وعلى يعني تلتميت موقف تدبري احنا راصدينها للصحابة وايه وغيرهم وللنبي صلى الله عليه وسلم وحتى لغيره صلى الله عليه وسلم من الانبياء مواقف معينة تبين تعاملهم مع الوحي وكيف كان تلقيهم للوحي. تمام كده يا جماعة؟ ايه رأيكم بقى ان النبي صلى الله عليه وسلم نفسه قوليا انكر على اللي مش بيتجاوب في حديث جابر ماشي؟ وهذا الحديث في صحيح السنن الترمذي وصححه الشيخ الالباني سيدنا جابر بيقول ايه؟ خرج الرسول صلى الله عليه وسلم على اصحابه. فقرأ عليهم سورة الرحمن من اولها الى اخره. فسكتوا فقال لقد قرأتها على الجن ليلة فكانوا احسن مردودا منكم. كنت كلما اتيت على قوله فباي الاء ربكما تكذبان قالوا ولا بشيء من الائك ربنا نكذب فلك الحمد. واضح؟ يبقى هنا مش السنة العملية على مستوى السنة القولية النبي انكر على مين؟ على الصحابة ان هم ايه؟ لم يتجاوبوا. مش ييجي واحد ينكر عليك انك تقول بالتجاوب وسط واضح النبي صلى الله عليه وسلم انكر على الصحابة انهم لم يتجاوبوا. بل انت لما تنظر للقرآن الكريم هتجد ان المواقف التدبرية فيها التجاوب ده. انا لو رجعت بك الموقف بتاع النبي صلى الله عليه وسلم هتجد ان تقريبا اغلب المواقف النبي صلى الله عليه وسلم تجاوب فيها. ازاي؟ يعني لو رجعت للنبي صلى الله عليه وسلم؟ فاكرين الموقف ان تعذبهم فانهم عبادك؟ النبي قال دعوت لامتي. الدعاء ده هو العمل؟ لا ده كان تمهيد لعمل. النقطة التانية لما ترجع للموقف بتاعك فكيف اذا جئنا من كل امة بشهيد؟ النبي عمل ايه؟ قال شهيدا عليهم ما دمت فيهم فلما توفيت يعني حتى اغلب المواقف للنبي صلى الله عليه وسلم كانت كده. حتى القرآن لما بيمدح او بيثني على بعض المواقف التدبرية بنجد ان هو بيذكر فيها ان اصحابها تفكروا. ازاي؟ ان في خلق السماوات والارض واختلاف الليل والنهار. هم تفكروا بعدها تفاعلوا. ان في خلق السماوات والارض واختلاف الليل والنهار لايات لاولي الالباب. ركز الذين يذكرون الله قياما وقعودا وعلى جنوبهم ويتفكرون في خلق السماوات والارض. بعد ما تفكروا سكتوا ربنا ما خلقت هذا باطلا سبحانك قبل تنزيه. فقنا عذاب النار. ادي دي ايه؟ مسألة. ربنا انك من تدخل النار قد اخزيت يبقى ده دليل صريح اصلا من القرآن على ان ايه؟ الانسان بعد التفكر بعد التدبر ان هو ينبغي ان يتجاوب مع ذلك الذي ايه؟ حصل. كمان نشوف ربنا عز وجل وصفهم في الايات دي بانهم ايه؟ من اولي الالباب ووصفه وبشرهم بانه قد استجاب لهم سبحانه وتعالى في سورة الاسراء ربنا يقول قل امنوا به او لا تؤمنوا ان الذين اوتوا العلم من قبله اذا يتلى عليهم يخرون الاذقان سجدا. ويقولون سبحان ربنا ان كان ربنا لمفعولا ويخرون الاذقان يبكون ويزيدهم خشوعا. ويقولون سبحان ربنا ان كان وعد ربنا التفاعل برضه بالايه؟ بالتنزيهات بعد الايه؟ اللي حصل معه. برضو ودي حتى المواقف اللي اغلب الناس اللي بتتكلم في التدبر بتجيبها وللاسف يعني كثير من الناس لا ينتبه لمسألة التفاعل دي بشكل واضح. برضه شف المائدة واذا سمعوا ما انزل للرسول ترى اعينهم تفيض من الدمع مما من الحق. ده موقف دبوري ولا لأ؟ بكى اهو سمع وحي فبكوا. زي اللي فات. اذا يتلى عليهم يقرؤون الاذقان يتلى عليهم. سمعوا الايات فبكوا. ده موقف دبوري يقولون ربنا امنا فاكتبنا مع الشاهدين. يبقى برضو تفاعلوا بايه؟ بدعاء. وما لنا لا نؤمن بالله وما جاء من الحق ونطمع ان يدخلنا ربنا مع القوم الصالحين فاثابهم الله بما قالوا. اثابهم الله بما ايه؟ بما قالوا. تمام جدا في كل الايات امن الرسول بما انزل اليه من ربه والمؤمنون. قل امن بالله وملائكته وكتبه ورسله. لا نفرق بين احد ورسله. وقالوا سمعنا واطعنا غفرانك ربنا واليك المصير. يبقى حتى المواقف التي ذكرها القرآن على انها مواقف تدبرية واثنى فيها على اصحابها نلاحظ انه ذكر فيها ان اصحابها عملوا ايه؟ تافهة او تجاوبوا بالايه؟ بالسؤال او تفاعلوا بالدعوة وبالايه؟ وبالتنزيهات. فدي مهارة مهمة جدا جدا جدا. ولولا زي ما بنقول دق المقام كنا فصلنا في ادلة عليه. بس السؤال السؤال هو ليه النبي صلى الله عليه وسلم كان بيفعل كده يعني ليه كان بيتجاوب بالسؤال او يتفاعل بالدعوات والتنزيهات ايه فايدة الخطوة دي ؟ يبقى اللي قلنا اعلان انه ينوي العمل. لما مسلا ربنا يقول ونفسي وما هيبقى دعاؤه اقرب للاجابة ليه دعاء واقرب الاجابة؟ يعني اغتنم الفرصة يختبل الفرصة. ازاي؟ ان اولا قلبه حاضر. صح؟ ما هو فاهم اللي بيقوله وقلبه حاضر. وان الله استجيبوا دعاء من قلب غافر الله غافر الله مش هيدخل فيها هو بالعكس قلبه حاضر يبقى يغتنم الفرصة. تمام؟ النقطة التانية ان عنده بشرى بان الدعاء بعد التفكر مستجاب. فاستجاب لهم ربهم تمام؟ يبقى تلات حاجات حتى الان. بيعلن انه ينوي العمل بيستجلب عون الملك. تمام؟ دعاؤه يكون اقرب الاجابة ان قلبه فيه حاضر وفي نفس الوقت فيه بشرى باجابة الدعاء الذي بعد التفكر فاستجاب لهم ربهم. الفايدة الرابعة وهي مهمة جدا انه يكون جمع بين اكثر من عبادة وده كلام الشيخ العثيمين بين القراءة والذكر والتفكر والدعاء ودي حاجة الانسان لا لا يفوتها ولا يفرط فيها تمام. حتى الان الحمد لله لعلها تكون قد تمت الصورة اللي احنا بنقول عليها بقى عن التدبر نلخص الكلام في الاخير نلاحظ ان النبي صلى الله عليه وسلم والمواقف اللي حكيناها عن الصحابة بتؤكد ان التدبر كان بيتم عندهم في تلت خطوات اجرائية. الخلاصة وده مهم جدا. هنقولهم كده بصورة مسجوعة النظر او التفكر في الحال والنظر او التفكر في المآل والتجاوب بالسؤال. خلاص؟ يبقى التفكر في الحال تفكر في المآل تجاوب بالايه بالسؤال ومش مهم تعرفوهم ولا تحفزوهم ولا تعرفوهم المهم عندي انكم تعرفوا تعملوهم تمام الخطوة الاولى اللي هي التفكر في الحال. ماشي؟ او النظر في الحال. ده يتم ازاي؟ بحاجتين الاول تقييم النفس والتاني تفقد مواطن الخلل تقييم النفس وتفقد مواطن الخلل. طب تقييم النفس يتم ازاي؟ باجابة هذا السؤال اين انا مما اوصى الله به في هذه الاية احنا فين سمعت حافظوا على الصلوات والصلاة الوسطى وقوموا لله قانتين. للاسف اول ما بتشوف الاية بتقول دي بتاع مين؟ لا ما بيصلوش لكن لو سألت نفسك اين انا مما اوصى الله به في هذه الاية هتكتشف ان انت في صلوات بتفوتك. هتكتشف ان صلاة العصر بتتلخبط عندك في ايام بتكتشف انك عندك تقصير في الخشوع يبقى التفكر في الحال بعد ما ما تسقط الاية على نفسك وترى انك المخاطب بها وتنزلها على نفسك وتعرض نفسك عليها. العرض هيتم بامرين. الاول تقييم النفس وتقييم النفس سيتم باجابة سؤال ايه اين انا من ايه؟ مما اوصت به هذه الاية. طيب تفقد مواطن الخلل تقول بقى اين مواطن الخلل في اتباعي لهذه الاية تحدد بقى تكتشف ان انت مسلا عندك ايوة صلاة العصر يوم الاربعاء مسلا انت ربما بتروح منك مسلا في جماعة عشان خاطر بتيجي مأخر من شغلك وبتنام وبيحصل وبيحصل تكتشف ان انت مسلا في الغالب صلاة مسلا العشاء عشان تبقى مستعجل ويبقى عندك مش عارف ايه وما تبقاش خاشع فيها. او بتروحها متأخر يبقى تتفقد مواطن الايه؟ الخلل تمهيدا لانك تتزكى منها يبقى عرفنا كده التفكر في الحلقة يتم ازاي او اي اية تقراها الاية دي تخص مين؟ تخصني ما تجيش تقرا من الناس من يشتري لهو الحديث ليضل عن سبيل الله بغير علم. تقول ايه؟ بتاعة الناس اللي بيسمعوا اغاني. مين قال له الحديس والاغاني بس ده كلام ابن مسعود وغيره انه الغناء ده اسمه تفسير بالمثال اسمه تفسير بالايه؟ بالمثال والا فله الحديث اوسع كتير جدا من الغناء مجلس غيبة ونميمة وده لهو حديث يعني وغيرها كتير واحد بيتابع برنامج توك شو ما لوش اي لازمة في اي لازمة ما هو ده له حديث خلاص يبقى انت لما تيجي اول حاجة لازم تتعامل بيها مع كل ايات القرآن انك مخاطب بكل حرف في القرآن وكل حرف منه ينادي زي ما قال ابن ابن عمر انا رسول الله اليك لتعمل بي وتتعظ بمواعظي. خلاص لما تعرض نفسك عليها تقيم نفسك تكتشف ان انت لأ ده انت اغلب حديثك له لا تكاد تتكلم بكلام نافع طيب لما تتفقد مواطن الخلل تقول ايوة ده انا عندي مجلس كل جمعة مسلا بقعد مع صحابي بنعمل كزا يبقى تحدد مواطن الخلل خلاص يبقى التفكر الحال او الاسقاط او تنزيل الاية عن نفسه زي ما قلت ما يهمنيش قوي المصطلح يعني تمام؟ او عرض النفس على الاية او غيرها يمكن حتى احنا في كتاب تيسير التدبر جايبين عبارات كتير استخدمها العلماء للتعبير عن هذه الخطوة ماشي؟ يعني عبارات كتيرة جدا يعني استخدموا اكتر من عشر عبارات ليعبروا عن هذه الخطورة. زي عرض النفس على الاية وغيرها كتير من العبارات. طيب بعد كده اتفقنا في الايه؟ في المآل. والتفكر في المآل قلنا حاجتين امبارح. هم ايه ازاي نعمل تفكر في المال تحديد وشهود تحديده ايه؟ وشهود. انا حتى بحاول يعني اجيبها لك بشكل مسبوع عشان تبقى سهلة عليه يبقى قلنا تفكر في الحال وتفكر في المآل وتجاوب بالسؤال. وكل حاجة فيها اتنين. التفكر في الحال هيبقى تقييم وتفقد خلاص؟ والتفكر في المآل هيبقى تحديد وايه؟ وشهود. طيب التجاوب بالسؤال هيبقى اه اما تنزيه واما مسألة. صح كده؟ تنزيه اما مسألة او الاتنين. يعني لما تسمع االه مع الله تقول ايه لا اله الا الله. لما تقرأ ونفسي وما سواها فانها مفجورة وتقواها تقول ايه؟ اللهم ات نفسي تقواها وزكاها انت خير من زكاها. طيب دعاء اللي انت هتستخدمه في التجاوب بالسؤال اما انه يكون مأثور وده الافضل. ما لقتش مأثور تتأول ايه؟ دعاء ولك فيما فعلته السيدة عائشة سلف لما قالت اللهم من علينا وقنا عذاب السموم انك انت البر الايه؟ الرحيم. خلاص؟ طيب. ده ملخص التدبر اجرائيا ملخص تدبر ايه؟ اجرائيا. يعني انا ما يهمنيش زي ما قلت لك في اول الدورة خالص. ما يهمنيش ان انت تعرف خلاص اه تعريف التدبر وماذا يقال فيه ومش عارف ايه بقدر ما يهمني انت اجرائيا تعرف كيف ايه كيف تتدبر وانك تقدر تعمل الحاجات دي وتمارسها خلاص يعني احنا لو لو خدنا مثال مثال على الاية مثلا اللي احنا اتكلمنا عنها اللي هي ومن الناس من يشتري له والحديث ليضل عن سبيل الله بغير علم ويتخذاه هزوا. قلنا اول حاجة هتعمل ايه؟ قبل التدبر خالص لان برضو دي حاجة مهمة بمعنى ان للاسف كتير مننا بيتصور التدبر جزيرة منعزلة لأ التدبر فيه قبله جزيرة اسمها جزيرة العلم وفيه بعده جزيرة اسمها جزيرة العمل وهو الجزيرة اللي بتصل بين الجزيرتين. خلاص؟ فلذلك ما تنساش جزيرة العلم دي فيها الفهم واستخراج الوصايا العملية وجزيرة العمل فيها الخطة التشغيلية. تعمل ازاي؟ والاتباع. تمام؟ فلزلك الناس اللي هي بتتكلم عن التدبر كده وتاخده كده مستلا من السياق مع نفسه للاسف الشديد يعني هي بتسيء اكثر مما تايه؟ يعني مما تحسن. انما هو منظور حكومة متكاملة. ازاي الاية دي ان انا احقق مراد الله مني فيما يتعلق بها؟ ازاي اوفيها حقوقها؟ فالتدبر حق من حقوقها يبقى مسلا اية زي ومن الناس من يشتري لهو الحديث. اقراها كويس. اسمعها كويس. اضبطها. بعد ما تضبطها افهمها. تفهمها زي زي ما قلنا يكفيك الدائرة الايه؟ دائرة المعنى الايه؟ الاجمالي. افهمها بتفسير ميسر من تفسير الشيخ السعدي. واحنا بنوصي ودي كان بيوصي بها الشيخ فاهمين؟ اسأل نفسك الاول يا ترى معنى الاية ايه؟ وبعدين بص على كتاب التفسير. وده هيبقى مفيد جدا لك. لان انت ممكن ما تكونش عارف المعنى خالص تبقى متشوف تعرفه ممكن تبقى عارفه غلط فالصح يلزق في دماغك ممكن تبقى عارفه ناقص فاللي كان ناقصك يكمل ممكن تبقى عارفه فتبقى عملت له انعاش في زهنك. ففي كل الحالات انت مستفيد. تمام؟ انما ممكن تقرأ على طول التفسير بس هتنساها. فلو انت عملت كده وانا كنت في لقاء مع الشيخ بن ماجد ربنا يحفزه وسألته في مشكلة في كده قال لأ طالما للتدارس او التعليم ما فيش مشكلة. ده مش قول في القرآن بالرأي. ده انت بتحاول تستثير زينة وتشوف ايه اللي فيه. وبعدين تقرأ التفسير. تمام كده؟ طيب فهمنا الاية خلاص ان الناس من يشتري لهو الحديث. نطلع حاجة اسمها الوصية الايه؟ الرئيسية. ونطلعها ازاي؟ نجيب على سؤال بسيط جدا. ما ابرز ما ينبغي علي فعله. انا ايه ابرز ما ينبغي علي فعله؟ الا اشتري لهو الحديث. ان انشغل بالعلم مين نافع؟ صح كده؟ او ان اعمر وقتي بالعلم النافع. اهو دي اسمها الوصية الايه؟ الرئيسية. مش عارف تطلعها مش عارف تطلع الوصية الرئيسية؟ في حاجات ممكن تساعدك زي ايه؟ انك تسأل نفسك لماذا قال الله لي ذلك؟ ممكن حاجة تاني تساعدك انك مسلا تقول ايه المشكلة اللي الاية ايه الكلمة اللي يتمحور حواليها الكلام في الاية؟ دي حاجات هتساعدك على انك ايه؟ تعرف الوصية الرئيسية كده انت تدبرت لسه انت كل ده بتجهز للتدبر التدبر يتم في التلات خطوات اللي هم ايه التفكر في الايه؟ الاسقاط او التفكر في الحال. التفكر في المآل والتجاوب بالايه؟ بالسؤال. طيب التفكر في الحال هيتم على خطوتين اللي هو ايه تقييم النفس وايه وتفقد مواطن الخلل تقييم النفس تقول لنفسك اين انا مما اوصى الله به هنا تقعد كده تحاسب نفسك تفتش نفسك وتفاتشها تسمح للاية انها تقراك تعرفك بموقعك بالزبط تحدد الواقع بتاعك عشان تنتقد قل للموقع الذي ينبغي ان تكون عليه. زي ما بقول الاستاز بوشيخ ربنا يحفزه ان انت لازم احنا عندنا يعني هو بين الواقع والموقع انا واقعي ايه وموقعي ينبغي ان يكون ايه فبتساعدك انك تحدد واقعك عشان تروح ايه؟ موقعك الذي ينبغي ان تكون فيه. او الذي يريده الله عز وجل لك. تمام يبقى انت بتعمل ايه؟ بتسبت بتقول اين انا؟ تكتشف تكتشف ان انت عندك مجالس بتبقى لهو واحيانا بتابع حاجات هي لهو وما لهاش قيمة. طيب تفقد مواطن الخلل. تعمل ايه؟ تحدد ايوة انا عندي ميعاد بقعد فيه مع مسلا اصحابي كل يوم كزا بيبقى فيه كزا والله لما بروح الشغل بنقعد قاعدين كده الزملا ما بنقضيش مصلحة ومش عارف ايه واولى لي كنت تفقدت مواطن الخلل بعد كده التفكر في ايه في المآل صح كده؟ والمآل ده يا اما مآل ده هيتم مآل حسن او مقال سيء. ويبقى فيه تحديد وايه؟ وشهود. اه حددت المقال انك نسأل الله العافية يضل او انه ايه نسأل الله العافية انه ايه العذاب المهين. صح؟ يحدده يشهده بقلبه. ودي اتكلمنا عنها بالتفصيل الحمد لله. بعد كده تجاوب بالسؤال. ايه التجاوب بقى ازاي؟ ممكن يتم هنا؟ تقول ايه بقى؟ ايه الدعاء اللي ممكن تدعي بعد الاية دي؟ انت عايز تقول ان اعمر وقتي بالعلم النافع مش ممكن تقول اللهم اني اسألك علما نافعا ورزقا طيبا وعملا متقبلا ما كان كده في ازكارك صح مش ممكن تقول اللهم اني اعوذ بك ان اضل او اضل او ازل او ازل او اظلم اظلم صح؟ ليضل او ليضل. صح؟ ممكن تبقى مناسبة هنا وهكزا يعني اقصد ان انت هتدعي دعاء هتلاقي دعاء مناسب للاية. تمام؟ واضحة المسألة دي كده؟ طيب بعد كده خلاص خلصنا لأ ده بقى ممكن يتم في القراءة. يعني احنا لازم يعني نفرق بين حالتين. حالة القراءة اللي هو انت بتقف فيها عند الايه عند الدعاء انما في حالة التدارس او الدراسة الدراسة لأ الدراسة انت ما بتوقفش هنا لانك بتقعد تفكر بقى طب الاية دي تعملها ازاي؟ الخطة التشغيلية لاتباعه وده ان شاء الله انتم هتحتاجوا فيه بقى ان شاء الله تدرسوا مشروع القرآن وعمل ان ده مشروع الحمد لله مشروعنا متكامل لاحياء المنهج النبوي في التعامل مع القرآن الكريم. ازاي تتعامل مع الاية من الالف للياء ازاي انت اصلا تبدأ حياة جديدة مع القرآن الكريم؟ والحمد لله يمكن دلوقتي احنا عندنا دورات موجودة على على الانترنت من خلال الواتس كل يوم يوصل لك ساعة. يا ريت حتى الاخوة يتركوا واسمهم ويبقى يسجلوكم في دورة يجيلك كل يوم ساعة ساعة ساعة واحدة بس تسمعه وتتمم عليها وبفضل الله عز وجل انت هتبقى عرفت ازاي تتعامل مع الاية اخر ازاي تعمل لها خطة تشغيلية؟ ازاي تتبعها؟ ازاي تعمل بها؟ ازاي تدعو اليها؟ ازاي تكون من اهلها؟ والى نهاية الامر. بس انا اتكلمت على نقطة محددة. ليه؟ لان في تدبر كده كده ده لازم يتم مع ايه؟ مع القراءة. تمام؟ اللي هو زي ما قلت لك ممكن يتم مع القراءة. ممكن يتم مع السماع. طب بعد التدبر انت كده خلصت لأ ده لازم تعمل ايه لازم تعمل وتتبع خلاص طيب فلزلك انا عندي شوية تنبيهات بس في الاخير لو الحمد لله العدد اتضح الاول ان التدبر الكامل ليس حالة ذهنية محضة بل هو مزيج من حالة ذهنية وجوارحية وقلبية يعني ما حدش يتخيل التدبر عبارة عن ايه؟ نشاط عقل او ذهن. لا ينبغي تطبيق التدبر في معزل عن بقية حقوق القرآن الاخرى. والا جاء مبتورا مشوها فبقية حقوق القرآن الاخرى تغذيه ويغذيها وتنميه وينميها. والتأثر المجرد الغير مسبوق بفهم. وغير متبوع باتباع لا يؤتي ثمرته الكاملة ابدا عشان كده بقول مش عايزين تدبر بلا تدبير ولا تأثر بلا تأثير ولا ترتيل بلا تفعيل يعني انت ما ينفعش تاخده كده معزول. مهم الحاجات اللي قبله زي الفهم واستخراج الوصية الرئيسية. واللي قبل الفهم كمان من التلاوة والاستماع والقراءة الصحيحة وما بعده من ايه؟ من الاتباع والتعليم والدعوة وغيرها. ماشي؟ الاثر المترتب على قراءة القرآن او او تعليمه او تجويده مش هو التدبر. يعني ممكن واحد يجلس في مجلس كده حفز حفز محض مباني محض. فيجد راحة هو ده التدبر؟ لأ ممكن هو ده التدبر؟ لأ الانسان ممكن يبكي لمجرد انه فهم اية او انه مسلا سمع اية فزكرته بحاجة معينة ممكن اصل ارتضيتوا بحاجة ما لهاش دعوة بالاية فيبكي فالاثر المترتب على قراءة القرآن او سماعه مش هو ده التدبر. التدبر زي ما قلنا في فرق بين البكاء التدبري والبكاء التأثري بفرق بين بكاء الطقوسية وبكاء العبودية البكاء التأثري ده ممكن يحصل بغير التدبر ومش طقوسية بس بغير التدبر. انما البكاء التدبري اثره التدبر. ده اثر للتدبر طيب النقطة اللي بعد كده الحمد لله اعتقد ان احنا وبقى واضح عندنا ان المتدبر مش مفسر يعني الخلط اللي كان بيحصل بين تلت مصطلحات بين الفهم والتفسير والتدبر. الفهم فرض عين ولا فرض كفاية الفهم فرض عين. صح؟ يعني ينفع انت تفهم لي؟ ما ينفعش. انت لازم تفهم بنفسك. طيب التفسير فرض عين ولا فرض كفاية؟ فرض كفاية لا يفسر الا عالم متخصص او طالب علم مميز. طيب فيه ناقل التفسير. واحد ينقل التفسير يقول قال ابن كثير كزا تمام؟ انما انا من حقي كشخص عادي افسر؟ لا مش من حقي. طب انا افهم منين؟ لو انا عايز افهم افهم منين؟ من كلام المفسرين من كتب المفسرين من سؤال المختصين بالتفسير. واضح؟ يبقى الفهم فرض عين والتفسير فرض ايه فرض كفاية. التدبر قلنا على على الصحيح انه فرض ايه؟ عين. انا اتدبر لنفسي. لما اتدبر بقى انا باقعد اتكلم في تفسير الاية ما ليش دعوة بها. ده الفهم عدى خلاص واضح؟ فالتدبر ما بعد الايه؟ الفهم. واضح؟ فعشان كده انا بخش في المنطقة دي لا انا واحد بستنبط احكام ولا واحد مطلع تأملات ولا بخترع لطائف لأ انا كل ما هنالك ان انا واحد بتدبر في الاية زي ما قلنا كده التفكر في الحال والتفكر في المآل والتجاوب ايه؟ بالسؤال. طب سؤال المخرج الوجداني للتدبر. يعني امتى الانسان يبكي او يجد اثر في قلبه؟ ممكن يحصل مع الفهم. ممكن ممكن يحصل مع التفكر في الحال ممكن يحصل مع التفكر في الايه؟ في المآل بس انت بتكمل عشان تتمم للايه؟ للاخير. هو هل ممكن اوصل لصورة ان الكلام ده يتم بسرعة ومع بعضه ايوة لزلك هو مهارة واضح؟ زي انت لما بقيت بتشوف مسلا ناس ما شاء الله من اللي هم اللي هم معلمي القرآن تلاقيه بيسمع اتنين تلاتة في وقت واحد ولذلك لو غلط يقول له ايه؟ وقفه ده يوقفه رغم انها حاجة ايه؟ صعبة جدا تلاقيه الاول مسلا بيبقى مهتم انه يطلع الحروف كويس. بعد كده بيطلعها كويس وبيهتم ان هو يجيب مسلا قراءة تانية يعني يقدر يعمل اكتر من حاجة في وقت فقدرتك على ان انت عارف الحمد لله مع الوقت تلاقي نفسك انت ايه الحمد لله بقى بيحصل عندك التفكر في الحال والتفكر في المآل والتجاوب بالسؤال الكلام ده ايه؟ بيحصل متزامن وقت قصير جدا لا تتخيلوا بس اقدر اجزم لك بانه يستحيل يحصل مع السرعة مع السرعة ما ايه؟ ما يحصلش. ان لازم تدي نفسك فرصة الكلام ده يمر على قلبك. انما على السرعة يستحيل ان الكلام ده يحصل تمام يا جماعة؟ يستحيل تقريبا انه يحصل يحصل مع الايه؟ مع السرعة. فلزلك لابد من القراءة المتأنية الايه؟ البطيئة. خلاص؟ لابد من القراءة المتأنية لايه البطيئة وحتى انتم ان شاء الله لو راجعتم كتاب الهروب من الفهم من الكتب اللي انتم محتاجين تقرأوها. آآ وهو الدورة حتى موجودة على الانترنت. دورة الهروب من الفهم. انتم هتشوفوا فيها كيف فكانت قراءة النبي صلى الله عليه وسلم. وهي تكتشف ان النبي صلى الله عليه وسلم ما كان يقرأ هذه القراءة السريعة ابدا. كانت قراءة النبي صلى الله عليه وسلم قراءة بطيئة. آآ في في بعض روايات الصحة الشيخ الالباني آآ يرتل السورة حتى شيء اطول من اطول منها. يقطع قراءته اية اية وغيرها من الايه؟ من الصفات اللي يعني آآ اتصفت بها قراءة النبي صلى الله عليه وسلم. تمام كده؟ طيب. آآ اخر حاجة نختم بها هي مسألة آآ مم عبودية التدبر في واقع الامة ما انا معلش انا مش عايز حضرتك لوحدك. انا عايزك وعايز غيرك. ان الناس تحمل مشعل يعني احياء منهج النبي صلى الله عليه وسلم في التعامل مع القرآن الكريم في الامة. وده واحد من معالمه. ان يتدبر كتاب الله. والا تهجر هذه ودي. لما نبص على مستويات غياب العبودية دي في الامة هنجد ان في ناس اصلا ما تعرفش ان في عبودية اسمها التدبر اصلا. يعني الناس عارفة فكتير من الجماهير عارفين ايه؟ ان في عبودية اسمها الايه؟ القراءة في عبودية اسمها الحفز. تمام كده؟ في عبودية اسمها السماع انما ان التدبر ده عبودية للقرآن ما يعرفوش طيب فيه ناس تانية تعرف ان فيه عبودية اسمها تدبر بس شايفاها ايه؟ مباحة مستحبة ما يعرفش انها ايه؟ فرض على اقل التقديرات تستحب استحبابا شديدا تمام؟ طيب الصورة التالتة او المستوى التالت من مستويات الغياب ناس حولتها من فرد عين الى فرض كفاية للاسف وان كانت الازمة الاولى والتانية عند الجماهير فالازمة التالتة دي عند المتخصصين. فاصبح يقول لك لا يستطيع ان يتدبر الا من كان لديه دراية باللغة وبعلوم القرآن وبكزا. انا قلت هو يفسر انا بقول هيتدبر انا قلت ان هو هيشتغل مسلا عالم في في علوم القرآن لأ يبقى تحويل فرض العين الى فرض ايه؟ كفاية او تعقيد ما يسره الله. خلاص كده؟ ده مستوى مستويات الغير. المستوى الرابع مستويات الغياب ان للاسف الشديد البعض بيعتبر التدبر هو ايه ينظر اليه بنظرة فيها تعقيد شديد جدا فيقول على التأملات واللطائف والنكات والاستنباطات يقول عليها ايه؟ تدبر. واحنا ردينا على الكلام ده. ده المستوى الكام الرابع قلنا ناس اصلا ما تعرفش الفوضى دي اسمها التدبر. ناس عارفة ان الفوضى دي اسمها تدبر بس تزن انها مباحة ولا مستحبة لاحسن التقديرات ناس تانية بتعمل ايه؟ بتحول الفرد فرد العين الى فرد ايه؟ كفاية. ناس آآ رابعة المفروض بيعملوا ايه؟ بيقولوا ان التدبر وتأملات ولطافة طوائف ونيكات واستنباطات. لا التدبر مش ده اصلا. خلاص فئة خمسة بتنزر بقى هنروح لمجموعة كده بتنزر للتدبر بشكل غريب شوية سطح شوية ازاي؟ فيه ناس بتعتبر التدبر هو التركيز. انك مركز يبقى كده دبرت والتدبر مش هو التركيز. خلاص؟ التدبر ده نشاط بيتم انسان بيسقط على نفسه بيتفكر يعني دول رقم خمسة. فيه ناس بتشوف ان التدبر هو انك فهمت الايات يقول لك الحمد لله عملنا قعدة حلوة وتدبرنا الايات وكده وفهمناها وبتاع. قروا التفاسير فهم الايات في ناس تانية بتعتبر التدبر هو العمل بالايات. لو عملت بالاية يبقى انا كده ايه تدبرتها. فيه ناس تانية بتعتبر التدبر هو ايه هو استخراج وصايا عملية من الايات يعني المفروض اعمل ايه؟ اعمل ايه؟ اعمل ايه؟ هو ده التدبر عنده. فيه ناس تانية بقى انا باسميهم مجرمين بيعتبروا التدبر ان هم يجيبوا الايات ولا يقروا تفاسير ولا غير تفاسير او حتى لو قروا تفاسير كل واحد يتكلم في معناها من دماغه. واضح؟ يقول لك والله ارى فيها وشايف فيها واعتقد انه قال كزا عشان كزا. يمكن ان في مستوى ان هم قالوا ان تدبر ولطائف والنكات. فقلنا يعني ممكن نقول عليه تدبر عقلي لان هم علماء او متخصصين. انما لا يكونوا متخصصين. والعلماء ولا عندهم خلفيات ويقعدوا ويتجنوا على كتاب الله عز ويجترئ على كتاب الله ويقعدوا يتصوروا انهم لما يقعدوا يقولوا ايه يقول لك سيب الناس وادي الناس الفرصة لأ لا سيب الناس الفرصة. بالعكس دي مصيبة. كل اللي انا تحدثت دي مستويات من يعني من غياب او اضطراب. غياب او ايه؟ او اضطراب هذه العبودية في واقع الايه؟ المسلمين. لذلك انا بحملكم بحملكم امانة ان انتم تبصروا الناس بهذا الامر لان امر زي ما هرجع للي قلته في اول الدورة. مش ممكن يكون فرض علينا حاجة احنا ما بنعملهاش. لان الله قال لا يكلف الله نفسا الا ما سيؤتيها ولا اتاها؟ اتاها اصلا. لا يكلف الله ونفس الا وسعها وقلنا ان ابن حزم قال ولو لم يكن في وسعهم التدبر لما ايه؟ لما امرهم به. خلاص؟ لذلك انا اوصي نفسي واياكم بان احنا نبدأ نشرة ان شاء الله في قراءتنا تكون قراءة متدبرة حتى لو بطيئة. طب واحد يقول لي طب انا هعمل ايه؟ اديني خطة بقى اعمل ايه دلوقتي اقدر اعمل ده كله انت على الاقل يوميا خد اية اعمل فيها كده تفكر في الحال تفكر في المئال تجاوب بالسؤال ولو اية في اليوم واعمل ختمات ختمات ازاي؟ ابدأ بختمة فهم. ختمة ايه؟ فهم. لازم تكون فاهم القرآن كله. تاخدها من التفسير الميسر. آآ هتاخدها لها حوالي سبعين ساعة تقريبا او تسعين ساعة بالكتير خالص. من سبعين لتسعين ساعة. تمام؟ بعد كده اعمل ختمة وصايا. اللي هي اجابة سؤال ما ابرز ما ينبغي علي فعله كده اعمل ختمة دعوات. ايه الاية ايه الدعاء اللي ادعي به هنا؟ بعد كده اعمل ختمة تفكر في الحال. ختمة تفكر في المآل. وانت ماشي كده تمام بحيس ان انت كل ختمة تكون اجود من الخاتمة التي ايه؟ التي قبلها. يعني آآ امل ان انا اكون يعني جليت الامر ووضحته وآآ امل اني اكون اللي قلته في الاول من تيسير التدبر. واللي اكدت عليه ان التيسير مش معناه التسطيح. لأ التيسير يعني تأصيل الامر يعني تقريبه. خلاص؟ والتيسير لا يتنافى مع التفصيل. لو ان التفصيل ده بفضل الله واضح ومفهوم بالنسبة لايه؟ للناس عشان انا عايز في الاخر اقول لك ان التدبر هو التلات كلمات دول التفكر في الحال والتفكر في المآل والتجاوب بالسؤال او النظرة والتفكر في الحالة اللي كنا بنسميه اسقاط او بنسميه اسقاط. والتفكر في الحياة اللي بنسميه تفكر والتفكر في المآل او التجاوب بالسؤال اللي بنسميه التفاعل. في تلات كلمات اسقاط تفكر تفاعل. عايز اقول لك ان تدبر كده في الاخير بس الحمد لله دلوقتي انت فاهمهم. وعارف خلفياتهم وعندك امثلتهم. بل كل خطوة من الخطوات نقول انك ضروري تعرف فيها تعرف فيها تعريفها وتعرف فيها ادلتها وتعرف فيها اهميتها وتعرف فيها الياتها. الحمد لله كل خطوة كنا حريصين على انك تعرف في هذا الكلام. بعض الناس غروهم تعريفات العلماء للتدبر. والعالم لما يعرف ممكن يعرف باكتر من طريقة. ممكن يعرف وسيلة وممكن يعرف بالغاية. ممكن يعرف بالالية وممكن يعرف بالمقصد. ازاي؟ يعني مثلا ان تعبد الله كأنك تراه فان لم تكن تراه فانه يراك ده تعريف للاحسان صح؟ طب تعريف للاحسان بغايته ولا بوسيلته يعني بالثمرة ولا بالطريقة والالية؟ بالطريقة والالية. ازاي تبقى محسن؟ والا فالاحسان ان هو ايه؟ ان يكون الشيء على احسن ايه احسن الاشياء اكملها واجملها. صح؟ يبقى ده تعريف الاحسان بوسيلته ولا بغيته بوسيلته باليته صح انما مش بغايته مش بثمرته انما لو عرفنا الاحسان قلنا ايه؟ ان يكون الشيء على احسن حال وده تعريف الاحسان بايه؟ بالغاية بالثمرة بالمقصد. واضح فللاسف كتير من الناس غرها بقى ايه ان بعض العلماء احيانا يعرف التدبر ببدايته بمبادئه او يعرفه ماشي بغايته. زي مثلا ما الحسن البصري يقول ايه؟ وانما تدبر اياته اتباعه بعمله عشان ينبه ان التدبر ده هدفه تيسير الايه؟ الاتباع والتدبر لو ما عملش اتباع مش هيحقق الغاية الايه؟ المقصودة التدبر بالغاية ممكن حد تاني يعرف التدبر تعريف تاني خالص يعرفه لأ بالوسيلة بتاعته بل حتى احنا لما نشوف تعريفات العلماء يعني مسلا السيوطي كان يقول ايه؟ في التدبر يقول واصفة زلك ان يشغل قلبه بالتفكير في معنى ما يلفظ به فيعرف معنى كل اية ويتأمل الاوامر والنواهي ويعتقد قبول ذلك. فان كان مما قصر عنه فيما مضى اعتذر واستغفر. واذا مر اية رحمة استبشر وسأل او عذاب اشفق وتعوز او تنزيه نزه وعظم او دعاء تضرع وطلب. نفس الحمد لله اللي احنا قلناه في الايه؟ في الخطوات التلاتة ده اسمه تعريف اجرائي اللي هو التعريف بالايه؟ بالاليات او الوسائل اللي ممكن يكون بها التدبر. خلاص؟ هنجد مثلا ان الغزالي من قبله كان يقول ايه؟ يقول وتلاوة القرآن حق تلاوته. هو ان يشترك فيه اللسان والعقل والقلب. فحظ اللسان تصحيح الحروف بالترتيل وحظ العقل تفسير المعاني شف الخطوات اللي احنا ماشيين بها وحظ القلب للتعاظ والتأثر بالانزجار والائتمار فاللسان يرتل والعقل يترجم والقلب يتعظ وغيرها هتجد مسلا تعريف مسلا للشيخ الشنقيطي للتدبر او غيره. فممكن العالم يعرف التدبر بايه؟ بمبادئه. ممكن عالم يعرفه بايه؟ بغاياته ومقاصده. ممكن عالم يعرفه بايه؟ بوسائله والياته. فلزلك بعض الناس لما اقول لك التدبر هو العمل ده تعريف بالغاية. بس ايه هو بقى التدبر؟ اللي هيوديني للعمل ده. بعض العلماء تلاقيه يقول لك تدبر الايات فهمها والتفكر في عواقبها جابها منين؟ من ايه؟ مما قبل التدبر. لان احنا عندنا التدبر وعندنا وعندنا لواحقه. فممكن احيانا يعرفه التدبر بالسوابق باللواحق. واحيانا يعبر بالسوابق بس. لو جاب السوابق يقول لك انت كمل بقى مسارك واحيانا يعبر باللواحق بس. فكل التعريفات دي لو فهم لماذا يعرفونك ذلك؟ هتبقى واضحة. انما زي ما قلنا انت عندك تعريف لغوي واضح وعندك تعريف شرعي واضح لهذه المسألة. خلاص؟ سبحانك اللهم ربنا وبحمدك اشهد ان لا اله الا انت استغفرك واتوب اليك