ما كنتش عايش. انا ما كنتش بقرا قرآن. انا ما كنتش باصلي. انا اول مرة اصلي. انا اول مرة اقوم ليل. انا اول مرة احس ان انا عايش في الدنيا. بقيت باحب ربنا سبحانه وتعالى. حب ربنا اكتر ولما اشوفها اشتاق لها اكتر. انت لما بتقف بين ايديه حبك له بيزيد ولا لأ ؟ اسأل نفسك. انا عايزك تسأل نفسك معي الوقتي وتواجه نفسك. انا باحط لك مراية دلوقتي لحد اكتر من شعوره لحب الملك الجليل العظيم. انتم حاسين الوقت يا جماعة؟ انتم حاسين الوقتي ان فيه حد بيتكلم عن ربنا وفيه ناس بتسمع عنه. وفيه ودان الوقت قاعدين انتم واقفين يا جماعة ليه الله! الله يعني الحبيب الله يا جماعة معناها اللغوي يقول لك من ولها الفصيل الى امه. يعني ايه الفصيل؟ يعني ايه ولها الفصيل الى امه السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير كله واليك يرجع الامر كله. اللهم صل على محمد وعلى ال محمد كما صليت على ابراهيم وعلى ال ابراهيم. انك حميد مجيد ثم اما بعد اه لو عرفنا ربنا. اه لو عرفنا ربنا بس عرفناه معرفة حقيقية. يا جماعة فيه حاجة اسمها معرفة عامة ومعرفة خاصة. المعرفة العامة ما تغنيش الغنى المطلوب يعني مسلا الطب رح لمزارع طيب قل له ايه رأيك في الطب؟ يقول لك ده حاجة عظيمة جدا. يا ريت ولادي كلهم يبقوا دكاترة. رح لدكتور قل له ايه رأيك في الطب؟ يقول لك ياه! انا مش عارف مين اللي زقني ست سنين شقة وبعد كده في الاخر متين وخمسين جنيه في الشهر. فده معرفة خاصة فله رؤية تانية خالص. يا جماعة احنا عارفين ربنا بس معرفة عامة. احنا عايزين تعرف ربنا المعرفة اللي تخلينا تحبه نحبه. اللي تخلي كل زرة في قلوبنا وكل زرة في كياننا تهتف. بحب الله سبحانه وتعالى. زاهدين في ربنا ليه؟ ليه في ربنا. كان احد السلف قاعد بيذكر الله بحب رهيب لله. فجه ناس حواليه عايزين يسألوه وياخده ويدوا قال لهم اذكروا الله. بيتكلموا تاني اذكروا الله بيتكلموا تالت فقام وهو يضرب كفا بكف ويقول كل الناس زاهدون فيك يا رب. كل الناس زاهدون فيك يا رب. فعلا يا جماعة الكلام ده حقيقي احنا زاهدين في ربنا. احنا فينا مين اللي زاهد في ربنا ومين اللي راغب لربنا سبحانه وتعالى. كل يوم بنقول لربنا سبعتاشر مرة منا يوصل لك يا رب. من نوصل لك يا رب في الفاتحة اهدنا الصراط. اهدنا خليك معنا خطوة خطوة ما تسبناش. مش عايزين نتعطل. مش عايزين نتأخر عنك يا رب. منانانا هنوصل لك يا رب كل كل سانية الاف الناس بيطوفوا حوالين الكعبة بيقولوا له منانانا يوصل لك يا رب ليه؟ الطواف ده انتم عارفين يعني ايه طواف يا جماعة؟ عارفين لو جبنا قطة ولدت وجبنا بنتها حبسناها في بيت. القطة تفضل تطوف حوالين البيت عشان عايزة توصل لبنتها. احنا بنطوف واحنا بقلوبنا بتهتف منايا يا رب بل كل زرة في الكون في كل سانية بتهتف منا يوصل لك يا رب. المفاجأة الرهيبة ان مش احنا بس اللي بنطوف. ده كل زرة في بتطوف الالكترونات في كل زرة بتطوف حوالين النواة. الكون كله كل زرة فيه. بتهتف من اعماقها لربنا في كل سانية. مناهية يا رب لسة واقفين على بابه وعايزين نوصل له. الليلة يا جماعة اخطر خطوة في الستيرة كلها. الليلة الخطوة اللي لو خدناها نسبق غيرنا سنين. الليلة لو دخل قلوبنا هنسبق كل اللي حوالينا. الليلة هنعيش في ظلال حب اغلى حب في حياتنا. اغلى حبيب في حياتنا ربنا سبحانه وتعالى. الليلة اخطر دوا في الروشتة اللي احنا بقى لنا كزا حلقة بادئين فيها. روشتة الوصول الى الله حب الله. هنتكلم عن حب ربنا سبحانه وتعالى. يا ترى انت بتحب ربنا قد ايه عارفين هدف الليلة ايه؟ هدف درس الليلة ان ربنا يبقى اغلى حاجة في حياتنا. ان ربنا يبقى اغلى شيء في حياتنا. عايزين يا اخوانا ربنا يبقى اغلى من ومن روحنا عايزين ربنا عايزين نحب ربنا. الهي كيف انساك؟ الهي كيف انساك؟ وحبك في دمي يا رب ده انت حبك بيجري مع دمي. بيغزي كل زرة في جسمي بحبك. كل زرة في جسمي بتحبك. سانسى الكل الاك وابقى عمري وابقى مخلصا عمري. حب الله سبحانه وتعالى. حب الله اقوى عاصفة تغييرية. اقوى عاطفة تغييرية. ما سمعتيش عن البنت اللي انتحرت لما المغني اللي بتحبه مات؟ ما سمعتش عن اللاعب اللي في الدورة الاوليمبية اللي فاتت اللي حرق نفسه قبل الماتش وقبل اللعب وقال انا باوهب الفريقي وللوطن بتاعي حب كل ده حب يا جماعة. ما سمعتوش عن المغني اللي بيشتغل خمستاشر ساعة في اليوم. ايه يعني ملحنا هابط على كلمتين هابطين. وكله سفول في سفول والعياز بالله والقزارة في قزارة ليه بيشتغل كل ده حب ده مش موضوع لحن هابط وكلمات هابطة. بيحب اللي بيعمله. ما سمعتوش عن ناس اتنازلت عن عروش وممالك وامبراطوريات عشان علاقة حب عشان حب سكن في القلب تجاه المخلوق. ما شفتش واحد صاحبك قبل كده ما حدش بيشرب سجاير. ايه يا عم انت التزمت وتبت ولا ايه؟ لا بس انا اتفقت مع اللي باحبها ان انا ما عدتش اشرب سجاير. ما شفتش واحد صاحبك قبل كده. بقى بيزاكر رغم انه ما كانش بيطيق المزاكرة. انت بتعمل كده ليه ؟ يقول لك اصل انا اتفقت معها ان انا هابقى راجل وهابقى انسان جد وهزاكر. هو لما خاف من الامتحان ما زاكرش. يبقى الخوف مش قد الحب. وهو ده اللي انا عايز اقوله لكم النهاردة. انا اكتشفت ان حب ربنا عاطفة تغييرية اكتر من الخوف من ربنا سبحانه وتعالى. ولازم الاتنين ولكن حب ربنا اقوى. اقوى من الكلام عن الموت وسكراته اقوى من الكلام عن صبر واهواله اقوى من الكلام عن القيامة وحسراتها. اقوى من الكلام عن الصراط والميزان. اقوى من الكلام عن النار. وزقومها وحاممها وسلاسلها حب الله عاصفة تغييرية في قلوبنا. حب الله لو انت حبيت. لو انت لما واحد بيحب واحدة يجيب لها هدية دهب. تقول له مش كتير ده. يقول لها كتير على مين؟ كتير على مين يا الحب اللي هيفجر جواك وجواك طاقة رهيبة. لطاعة ربنا سبحانه وتعالى. حب ربنا سبحانه وتعالى اقوى من الخوف. اقوى من الخوف من ربنا ولازم اتنين تخيلوا واحد مراته طلبت منه طلب وواحد خطيبته طلبت منه طلب. نهول ينفز الطلب اقوى خطيبته طبعا ليه؟ لان اللي بينفز طلب خطيبته بينفز بحب انما اللي بينفز مراته بينفز بخوف مرعوب ما هوش عارف يقول لأ. يبقى الحب اقوى ولا الخوف؟ حب الله سبحانه وتعالى. حب الله لما واحد بيحب بيقول انا بقيت انسان تاني انا اتغيرت. حب الهي يخليك انسان تاني. انسان تاني تماما. انسان متغير. حب الله هيخلي كل حاجة في حياتك لها طعم. مش الرسول عليه الصلاة والسلام بيقول ثلاث من كن فيه وجب حلاوة الايمان بقى الصلاة لها طعم. الذكر بقى له طعم. العبادة بقى لها طب ما قيام الليل بقى له طعم ليه؟ زي ما الجونيت كده بيقول واها يا ايام البدء. فينك يا ايام زمان؟ ايام بداية الالتزام وبداية الاقبال على الله ليه؟ ده حاجة مش عارف ينسى طعمها عبادة بحب ده عبادة بفرح. حب الله هيخليك عايش عايش صلاة. عايش زكر هيخليك عايشة. مش اللي بيحب يقول لك ده انا ما كنتش عايش. انت لو حبيت ربنا هتقول هيخليك فرحان. فرحانة وانت بتلبسي نقابك وخمارك. فرحان وانت ايه بتصلي قيام ليل. فرحان وانت بتجري على المسجد عشان الصف الاول. او عشان صلاة الجمعة او عشان التبكير يوم الجمعة. فرحان وانت رايح تحضر درس هيخليك فرحان. هيدوقك لاول مرة في حياتك. يعني ايه انتزار الصلاة بعد الصلاة؟ يعني ايه مستني ميعاد ميعاد الوقوف بين ايدين حبيبك. انتزار القيام بعد القيام. انتزار جلسة الضحى بعد جلسة الضحى. انتزار ورد العبادة اللي جاي. يا اخوانا حب الله هيعمل في حياتنا انقلاب. الخوف من ربنا هيخليك تسيب حاجات. انما حب الله يخليك تعملي حاجات عمرك ما تصورتي انك كان في يوم من الايام ممكن تعمليها. انقلاب في حياتنا انقلاب بعد ما كان الشاب لزته مش عارف واحدة يعاكسها ولا هتبقى لزته في قيام ليل بعد ما كانت البنت لزتها في طقم معين هتبقى لزتها في مناجاة ربنا بعد ما كانت العيلة لزتها في مصيف بتقعد تعمل له جمعية عشان تطلعه هيبقى لزتها انها تطلع على مكة تعمل عمرة كل سنة وتستنى من السنة للسنة معادها. واحد تعرفوا اول ما التزم بيقول انا كان امنية حياتي اسيب الدنيا كلها. وامشي في الدنيا كلها اكلم الناس عن ربنا. اكلمهم عن ربنا سبحانه وتعالى. ليه يا جماعة لما اشيل بتلتزم مع بعض واحد منهم بتلاقي سبقهم كلهم ليه ؟ لانه حب ربنا اكتر منهم. فبقى هو اللي سابقهم. حب ربنا عاطفة تغييرية رهيبة. عايزين نتغير. عايزين نتغير بقى يا جماعة. عايزين احنا دلوقتي في نهاية السلسلة اهو عايزين نتغير عايزين ننطلق الى الله سبحانه وتعالى. انا عايز اقول لكم فيه ناس حبت ربنا قد ايه فيه ناس عاشت حب ربنا قد ايه ؟ فيه ناس حب ربنا سكن في كيانها وقلبها وكل زرة فيها قد ايه ؟ فيه ناس عاشت قد ايه حب عارفين ملايكة السما السبعة الملايكة اللي بتطوف حواليه لأ الكمال الاعلى الطوافين حوالين العرش وترى الملائكة حافين من حول العرش حافين يعني قربوا اوي مشتاقين اوي لربنا حافين من حول العرش من حول العرش قاعدين يطوفوا يطوفوا يطوفوا يعني مش احنا بس اللي بنطوف مش كل زرة في الكون اللي بتطوف. ده كل الكون بيقول منى هيوصل لك. من اول حملة العرش والطوافين حواليه. لغاية احنا واحنا بنطوف حوالين الكعبة. لكل زرة في الكون وهي بتطوف الكل بيقول مناي اوصل لك يا رب. انا مش هاكلمك عن حب الانبياء لله لأ. انا هاكلمك عن حب الحجر لله. عن حب الشجر لله. الحجر لما سيدنا موسى جاء لميقات ربه وكلمه ربه. وسيدنا موسى لما سمع كلام ربنا اشتاق لربنا. قال له رب ارني انظر اليك. عايز اشوفك يا رب. مشتاق يا رب قال لن تراني صبر عليها ازاي مش عارف! ازاي صبر على كلمة لن تراني! ازاي صبر انك مش هتشوفني دلوقتي يا موسى! لما تجلى ربه للجبل يا موسى انظر الجبل لما تجلى ربه للجبل لما الجبل عاين جلال الله وجمال الله وكمال الله وعظمة الله الجبل اتشتت الحجر اتفتت وانت قلبك ما اتفتتش من حبه. الجبل انهار وانت قلبك لسة ساكن. الحجر وكل زرة طافت من كتر تشق ليه ؟ وانت قلبك لسة حجر ليه ؟ ليه يا جماعة كلا بل ران على قلوبهم ما كانوا يكسبون. زنوب كل دي زنوب انهم عن ربهم يومئذ لمحجوبون. يعني ايه يا رب ليه الايتين دول وراء بعض؟ لو ذنوبك حجبت قلبك عني في الدنيا هتتحجب بعينك عن رؤيتي في الاخرة. خدوا بالكم يا جماعة. المؤمنين حب ربنا صاحبهم حتى لما نزلوا قبورهم. حتى في القبور في صحيحين لما الرسول عليه الصلاة والسلام مر على قبر سيدنا سيدنا موسى في المعراج في الاسراء والمعراج وجده يصلي في قبره. بيصلي عايز يوصل لربنا. مشتاق للوقوف بين ايدين ربنا فحتى يوم القيامة لما بعد تلاتين اربعين الف سنة اهوال. المؤمنين يتسألوا. المنافقين والمشركين واليهود والنصارى عايزين ايه؟ نريد ان تسقينا. عايزين المؤمنين اتسألوا ماذا تريدون؟ فيقولون نريد ان نرى ربنا عايزين نشوفه. تركنا الناس احوج ما كنا اليهم. احنا سبنا الناس في الدنيا وضحينا بكل كل حاجة. عشان النهارده نشوف ربنا سبحانه وتعالى. وجوه يومئذ ناظرة. وجوه يومئذ ناضرة الى ربها ناظرة. اخيرا شفنا يا رب اخيرا عيني شافتك. اخيرا ودني سمعتك. اخيرا شفت جمالك وجمالك يا رب. يا جماعة انا عايز اكلمكم قد ايه المؤمنين حبوا ربنا. قد ايه هاجر حب ربنا لما النبي عليه الصلاة والسلام ترك جذع الشجرة وطلع يخطب على المنبر الشجر حن. الرسول قال حن الى ما كان يسمع من ذكر الله. كان بيسمع عن ربنا اللي بيحبه سبحانه وتعالى. انتم تعرفوا ان فيه ناس حبت ربنا لدرجة ان قلبه فضل متعلق في مكان قايم نايم رايح جاي. قلبه متعلق في مكان ورجل قلبه معلق معلق بالمساجد. قلبه متعلق هو في الدنيا وبيجري ومع مراته ورايح وراح دنيته ونايم وقلبه متعلق في المسجد ليه ؟ مكان لقاء حبيبي. المكان اللي بقابل فيه حبيبي سبحانه وتعالى تخيلوا النبي عليه الصلاة والسلام لما شاف في المسجد نخامة. كحتها بايديه يعني زي بصقة. عليه الصلاة والسلام كحتها بايديه ليه؟ مكان لقاء حبيبي. ما يجيش فيه حاجة زي ديت انتم متخيلين يعني ايه انتظار الصلاة بعد الصلاة. تصلي العصر امتى المغرب هييجي؟ امتى؟ ليه؟ ميعاد لقاء حبيبي ومولاي سبحانه فيه ناس حابة تربينا للدرجة ديت سيدنا محمد عليه الصلاة والسلام كان لما ينزل المطر يقعد ياخده بالثوب بتاعه ويقول حديث عهد بربه حديث عهد بربي ده جاي من عند ربنا ده جاي من عند مولاي ده حاجة جاية. انت عارف لما ولاه المثل الاعلى ده من ريحة الحبايب يعني حاجة اسمها المسل الاعلى يعني. حاجة من عند ربنا الرسول كان يمر على الحجر الاسود يبوسه. يقبله ليه؟ لما تجي لك رسالة من حبيبك تبوسها. لانها جاية من عند حبيبك. الرسول عليه الصلاة والسلام احب الناس للسيدة عائشة يقرب منها لغاية ما يمس جلده جلدها. وبعد كده يقول لها ذريني سيبيني. ليه؟ ذريني اتعبد لربي. لا. انا جوايا شعوري دلوقتي مش مش مش عايز اي اتصال باي مخلوق. انا عايز ابقى مع حبيبي ومولاي يقف يصلي عليه الصلاة والسلام يبكي. البكاء يبل لحيته ويبل هدومه ويبل الارض. انا عمري ما شفت زي ده! ده بكاء الحب يا جماعة! ده فاضت عيناه! فاضت ورجل ذكر الله! مش زكر النار! لأ الله! بيحبه! خالقه ان ففاضت مش نزلت دمعتين. فيضان الفيضان ده ما بينزلش غير بالحب. الحب هو اللي بينزله بس. من حب الله فيه ناس من حب ربنا لربنا رسايل بدمها كتبت له بدمها بدم رقبتها. انا بحبك يا رب. عبدالله بن جحش يوم غزوة احد اللهم ارزقني اليوم رجلا كافرا شجاعا صنديدا يقتلني فيبقر بطني ويقطع انفي ويدع اذني. فالقاك يا رب بدمي متغرق دم. عبدي لما فعل بك كهذا فيك يا رب. باحبك يا رب. فيه ناس دموعها فاضت عيناه كتبت لربنا رسايل حب ياما بدموعها لما سمعت كلمة الله بنسمع الكلمة دي كتير بس يعني ايه ؟ الفصيل الحصان الصغنن اللي خدوه منامه بعد ما اتولد بعد ما اتعود ان هو ملتصق بامه وقريب منامه. خدوه عزلوه لوحده فلما بعد عن امه اتجنن فقعد يسهر وقعد ينط وقاعد هيتجنن عايز يروح الام بقى ولهان ولهان مش قادر عايز يروح لامه باي طريقة عايز يرجعه. انت مشتاق لربنا كده! ده معنى كلمة الله. معنى كلمة الله اللي احنا ما بتبكيش لما بتسمع كلمة الله ليه؟ ما بتبكيش من حبه ليه؟ انت في عمرك بكيت كم مرة من حبه. بكيتي كم مرة دموع حب فاضت عينيك بها من حب الله سبحانه وتعالى. حاسين يا جماعة بعظمة ربنا وحب ربنا سبحانه وتعالى امرأة كانت جميلة من السلف قعدت تبكي من الشوق الى الله. فالطبيب قال لها عينيك هتروح. فقالت بكائي شوقا الى ربي احب الي من طريقة عمى بس قلبي شايف جمال ربنا سبحانه وتعالى. مش كحالة عينيها وحطت فيها لا لا. ربنا احب لها من اي شيء. امرأة زهبت الى الكعبة فقالت اين بيت ربي؟ اين الكلام ده دلوقتي يا جماعة قصص واقعية بنشوفها من بتوع جنوب شرق اسيا لما بنروح نحج ناس بتموت من لما بتوصل هناك من الشوق. ناس احنا بنشوف قصص رهيبة للي بيروح ربنا يرزقنا كلنا الحج بعد الحج والعمرة بعد العمرة. يا رب اللهم امين يا رب الى الله. للمشتاقين للطواف. للمشتقين. لكلمة مناه يوصل لك يا رب اين بيت ربي؟ اين بيت ربي؟ فقالوا هذا هذا بيت ربي فذهبت اليه فوضعت خدها عليه فهزوها فوجدوها قد ماتت من حب ومن الحب ما قتل. بس من حب ربنا. سبحانه وتعالى. انا عايزك تعيش حب. انا عايزك تعيشي بحب الله. انا عايز كل سجدة بتسجدها تبقى يا رب حبنا يا رب. اللهم امين الولد لما بيحب بنت بيعمل ايه ؟ فاتورة التليفون بتيجي لابوه. ابوه بيصوت ومش راضي يبطل. لو عدى كروت التليفون اللي خلصها عليها هيلاقيه اكتر من رسالة حب ليه؟ انا عايز كل واقعة بتلقائية تبقى رسالة حب له. انا عايزك بكل تسبيحة بتسبحي هتقولي له بحبك يا رب. انا عايزك تعيش نهار اليه. وليه المحبين الوالهين بين ايديه؟ انا عايزك تعيش اعظم حب في التاريخ. اعظم حب حب الله سبحانه وتعالى. انا عايز نعيش حب ربنا سبحانه وتعالى يا جماعة. عايزين نعرف يعني ايه حب ربنا. حتى في الجنة يلهمون التسبيح كما يلهمون النفس. يعني مش بس في القبر المؤمن حب الله طلع عليه. وفي القيامة حب الله طلع عليك كمان في الجنة ازاي ؟ يعني ايه يلهمون التسبيح؟ حب الله بقى بيجري في دمهم. حب ربنا بقى بيجري في دمهم. بتحبه ولا لأ ؟ بتحبيه ولا لأ ؟ حاسين بحب رب حاسين بكلمة رسول الله صلى الله عليه وسلم. اللهم اني اسألك حبك يا رب وحب من يحبك وحب عمل يقربني. الى حبك. حسيت برسول الله لما كان بيقول للسيدة عائشة في صحيح البخاري. يا عائشة ان عيني ولا ينام قلبي. الرسول ما نامش من حب ربنا. يا اللي ما بتناموش من حب بنت ولا حب. الرسول ما نمش من بالله انت نايم وشايف قلبك هم ايه ولا حب ايه؟ ولا رغبة في ايه؟ فين قلوبنا يا جماعة؟ قلوبنا فين؟ عايزين قلوبنا ترجع لنا. عايزين قلوبنا الفترة اللي زي ما ربنا خلقها لنا ترجع لنا. عايزين نحس بالايمان بيتدفجر في قلوبنا اللي جوة صدورنا دي. عايزين نحس بحب ربنا اطهر احساس في الوجود اعظم احساس في الوجود. اخطر احساس في الوجود. اجمل احساس ممكن تعيش فيه وتعيش به وتعيش له. في الدنيا كلها احلامك ايه ؟ احلام رسول الله صلى الله عليه وسلم كانت ايه ؟ احلام البنت ايه ؟ انا نفسي ان انا وانا ماشية في الشارع كل الناس تعجزني وكل الناس تقف على رجل ادخل بيتي الاقي الشباب واقفين على السلم طوابير. كل واحد مستني والدي يفتح له بس ويرضى ان هو يتقدم. انت ده احلامك. طب وانت احلامك ايه؟ احلامي ان انا اول ما اشوف البنت اللي انا نفسي اشد نزرها اه الاقي الف شاب دخل علي قد لده حركة جاكي شأن و ده حركة برسمي ولديه حركة كروتين باهر بي احلام رسول الله صلى الله عليه وسلم كانت ايه؟ وددت لو اني اقاتل في سبيل الله فاقتل ثم ارد فاحيا فاقاتل في سبيل الله فاقتل. ثم ارد! مستحيل! ما انا عارف انه مستحيل. بس انا عايز اقول لربنا انا باحبك قد ايه انا عايز ابزل له روحي قد ايه. فيه ناس حبت ربنا اوي يا جماعة اوي. اويس القرني كان يقعد يعبد ربنا. واحد راح له مرة عايزه في حاجة سيد التابعين زي ما الرسول صلى الله عليه وسلم قال في صحيح مسلم. اويس القرني كان يقعد يعبد ربنا. فواحد راح له. لقى بعد الفجر قاعد يعبد. خلص جلسة الضحى. خلاص يا اويس. قعد يصلي للضهر. الراجل مشي رجع الضهر صلى الضهر وقعد يصلي العصر. الراجل مشي رجع له العصر قعد يزكر ربنا للمغرب. الله! خلص المغرب قعد يصلي للعشاء خلص العشاء قعد يصلي لقرب الفجر. بيقول اقترب الفجر سقطت رأسه. راسه وقعت كده غفوة بسيطة بيقول سم استيقظ فقال اعوذ بالله من عين النوامة ايه ده! ده عبادة حب! هو فيه حد انتم فاكريني هتصدق الكلام ده ولا ايه! ليه يا حبيبي! اللي بيحب واحدة جديدة بيجيه الصبح الكلية عينيه منفوخة وما نامش طول من التفكير وماشي يعني ايه زي قاعد يدور عليها ويبص يمين وشمال ده لما حب مخلوق. امال اللي بيحب ربنا سبحانه وتعالى. يبقى ايه يا جماعة؟ ابن مسعود كان يمسك المصحف قل كلام ربي. كلام ربي. يعني مش قضية بس ان الكلام جميل. ده الكلام ده من عند حبيبي. قبل ما يكون الكلام جميل. الكلام من عند حبيبي. القضية مش ان فيه واحد حب المصحف ده فيه واحد حب السجن عشان ربنا سبحانه وتعالى. سيدنا يوسف رب السجن احب اليه. مش افضل عندي او مسلا او اهون علي احب الي. ليه؟ لانه مع حبيبي. مع ربنا خلوة مع الله. سبحانه وتعالى. اللي بياكل مال حرام. انت بتحب المال اكتر من ربنا. اللي ساعة الادان ما بيرضاش يسيب شغله ويروح يصلي في الجامع انت بتحب شغلك اكتر من ربنا. اللي بتفكر فيه شاب في الصلاة انت بتحبي اكتر من ربنا. مين اللي بيحب حد اكتر من ربنا يا جماعة؟ مين اللي في قلبه شعور فيها كلام عن الله وفيه لسان قاعد يطلع كلام عن الله لو ربنا من فوق سبع سماوات. نازر لنا ومطلع علينا ومطلع على قلبي وعلى قلوبكم سبحانه وتعالى ولعل ربنا فرحان بنا الوقتي. واحنا بنتكلم عنه وبنسمع عنه وبنقرب اليه. وعايزين نوصل له. انتم حاسين يا جماعة؟ حاسين يعني ايه حب الله؟ يا اخواننا كلمة حبي دي اصلا حبي دي اصلا جاية من الحبة. الحبة الصغيرة بتترمى في الارض بتبقى بعد شوية شجرة اعلى من اعلى برج. حب ربنا هيشيب روضات ايمان ويقين في قلبك. حب ربنا زي الحبة هي اصل كل حاجة. الاصل حب ربنا اصل الايمان في قلبك. حب قد كده هوت يخلوا قلبك جنة. اومال بقى انهار حب لله. تخلي قلبك ايه؟ الحب يا جماعة. الحب حبة الايمان في القلب. هنحب قد ايه ام هندية اولادها ولد التوأم عمي امي ما بيشوفوش. خلعت عينيها الاتنين. خلت الدكاترة ياخد القرنية بتاعة العين الاتنين. قرنية لدي وقرنية لدي. ضحت بعينيها الاتنين عشان ولادها ازا كان ده حب المخلوق للمخلوق. اومال حب المخلوق للخالق يبقى قد ايه؟ انا عايز اكلمكم دلوقتي عن ازاي نقيس ربنا في قلوبنا. ازاي يا جماعة نقيس قد ايه احنا بنحب ربنا سبحانه وتعالى. حب الام لولادها قد ايه ؟ طب انت مستعد تضحي بربنا قد ايه ؟ هو الام هتحب ولادها اكتر ما انت بتحب ربنا اكتر بنت بتحب ربنا. انت هتحبي ولادك اكتر من حبك لله! مستحيل! مش ممكن! ازاي! ازاي يا جماعة! تبقى نكسة! طب حب الصاحب لصاحبه! كل واحد في حياته واحد اول ما يزعل اول واحد يجري عليه. اول ما يفرح اول واحد يجري عليه. انت مين اول واحد في حياتك بتجري عليه؟ ربنا اول ما بتفرح اول ما بتزعل بتجري على مين؟ اول ما خايف اول ما بتقلق اول ما يبقى نفسك في حاجة او اول اي حاجة بتجري على مين مش على ربنا سبحانه وتعالى حب الزوجة لزوجها. يعني في الخطوبة تبقى المشاعر حلوة بس لسة. انما بعد سنين من العشرة لو راجل جا له فشل كلوي تقول ايه ؟ خدوا كليتي ازرعوها له. انت ممكن تدي لربنا ايه؟ تدي لربنا ايه من حياتك سبحانه وتعالى؟ حب الولد للبنت للاسف انا بقول لكم الكلام ده ليه؟ عشان تقيسوا عشان كل واحد يقيس الوقت حبه لربنا قد ايه انا بقول لكم حب المخلوق للمخلوق. انا عايز دلوقتي يبقى حب المخلوق للخالق قد ايه. احنا لازم نحب ربنا اكتر من كل دول. اكتر ما الام حبت ولادها. اكتر ما حب ابنه اكتر ما الزوجة حبت زوجها. اكتر ما الصاحب حب اقرب اصدقاؤه اليه. اكتر من اعصف عاصفة علاقة حبي في التاريخ كله لازم تحب ربنا اكتر من كل ده. الولد لما يحب البنت يعمل ايه ؟ اول حاجة يقول لك انا باشتاق لها اوي. ولما اقف معها باشتاق لها وباقول لك شف انت بتحبه ولا لأ. يقول لك انا امنية حياتي ابقى انا وهي في مكان لوحدنا. انت بتحب الخلوة مع الله. لما تبقى انت وربنا بس. بس ما فيش حد معك في هزه الخلوة قبل ما ينزل يقابلها يعمل ايه يقعد يقلد الحركات اللي عملها لها في المراية ويقعد يحضر الكلام اللي هيقوله لها انت قبل ما بتصلي بتحضر الادعية اللي هتقولها بتمسك كتيب دعاء وتشوف الادعية اللي هتناجي مولاك وحبيبك بها. يا جماعة تدخل الجامعة تلاقي الولد واقف مع البنت في الدفعة. ده جايين من قبل المحاضرات ما تبدأ تدخل الكلية وتدخل المحاضرات وتخلصها وتدخل السكاشن والراوندات وتخلصها تطلع تلاقو لسة واقفين مع بعض. رجليهم ايه دي! رجلهم ايه! دي ما بتتعبش ولا ايه! ده احنا في التراويح بعد ربع ساعة بنبدأ خلاص نهنج. ده احنا في الصلاة بس العادية لو الامام طول شوية شف الناس بتعمل ايه. ويروح بيته يقعد خمس ساعات يكلمها في التليفون تاني تاني ، ده احنا يا جماعة لو قرينا القرآن نص ساعة بنحس ان احنا خلاص زهقنا. امال دول ما بيزهقوش ؟ عشان حب! ما انا عشان كده باقول لكم الحب هيقلب كل حاجة في حياتنا هيحببك في القرآن هيحببك في الزكر هيخليكي ما انتيش قادرة تبطلي عبادة. ما انتيش قادرة تبطلي طاعة بتحبيه. حبه مسيطر على تفكيرك كيانك حب مسيطر على كل حاجة في حياتك. حب الله سبحانه وتعالى. ياه يا رب ياه يا رب يا رب يا رب خلينا نحبك يا رب الايام الصيام اللي صامها لربنا سبحانه وتعالى. ويسيب ابوه ويسيب امه ويسيب الكلية ويسيب الدنيا عشانها. انت تسيب ايه عشان ربنا سبحانه وتعالى؟ وفي الاخر راكب ميكروباص راجل مديني ورقة ربع جنيه مكتوب عليه لولا الخوف من الله لعبادتك. قلت ياه بيقول لها عايز اعبدك وهي مع اول ركبة ميكروباص باعته وباعت الربع جنيه بتاعه واديته للتبع. يعني يعني بعد كل ده حب ربنا يا جماعة عايزين نحب ربنا سبحانه وتعالى اللي حبه الوحيد يستاهل. ان قلوبنا دي تتعمر بحبه سبحانه وتعالى. ولما يحب بنت يعمل ايه؟ لما الولد يحب بنت يعمل ايه؟ يقول بس انا اتمنى انها تطلب طلب وانا اوريها هنفزه لها ازاي. انما احنا ده فرض ولا سنة؟ فرض وسنة مين يا ابني؟ السنة دي اسمها مستحبات. يعني ربنا بيحبها. حبيبك بيحبها. وحبيب حبيبي حبيبي يقول انا اتمنى بس انا طب هي تطلب طب هي تقشر طب هي تشاور واللي هي بتحبه يعمله لها. بتحب السكسوكة ماشي السوالف ماشي الدوجلاس ماشي. بتحب يلبس لها لو بتحب البرمطو زي لبستها برمطوز ويمشي في الشارع. ما فيش عنده مشكلة. طب انت حب ربنا هيغير ايه فيه؟ كم امر من اوامره انت مكسره؟ كم نهي من نواهيه انت مخترقه يا جماعة عايزين نقف مع نفسنا. ده حب المخلوق للمخلوق. امال حب المخلوق للخالق. يبقى قد ايه؟ قيسي نفسك بقى. قيس نفسك بقى. يا جماعة الدين كله حب الاسلام كله حب. هو احنا دينا اسمه ايه؟ الاسلام. عارفين يعني ايه الاسلام؟ يعني سلمت لك نفسي وسلمت لك روحي. وسلمت لك قلبي وسلمت عمري وسلمت لك كل ما املك يا رب هو فيه حب بعد كده ؟ يا جماعة كلمة الله يعني الحبيب الذي تشتاق اليه القلوب. حتى الاسماء الحسنى يقول لك الاول والاخر. اول حب واخر حب في حياتك الاول والاخر. حتى الاسماء الحسنى كلها حب. القرآن اول كلمة في القرآن ايه؟ الحمد لله رب العالمين. الحمد لله يعني ايه؟ الثناء بحب مش اي ثناء بحب مش الثناء لله الحمد يعني اول كلمة في القرآن حب الله سبحانه وتعالى. عشان كده لما ربنا خلق سيدنا ادم في مصحة عن الرسول النبي صلى الله عليه وسلم لما ربنا خلق سيدنا ادم يعني سيدنا ادم عطس فقالت الملائكة قل الحمد لله. فقال الحمد لله. اول كلمة لانسان قالها الحمد اللي هو الثناء بحب. بحب يا رب. اول كلمة لانسان قالها لربنا سبحانه وتعالى. فربنا قال يرحمك الله اللي هي نفس اول الفاتحة. الحمد لله رب العالمين الكون كله طالع منه الثناء والحب لله. الاية التانية الرحمن الرحيم رحمات ربنا نازلة على الكون كله. يعني لو حبيته واسنيت عليه بحب رحماته هتغرقك. لو حبيتيها يغرقك بكرمه. لو حبيته هيغرقك برحمته في دينك ودنيتك وقلبك لو حبناه سبحانه وتعالى. الحمد لله. يعني القرآن كله حب. يا جماعة كل عبادات الاسلام حب. الصلاة. الاذان والاقامة. يقول لك ايه؟ قد قال اقامة الصلاة يعني ايه خلاص ابشروا خلاص معاد لقاء الحبيب جه الناس تفرح اللي بينتزر الصلاة بعد الصلاة. هم بس اللي هيحسوا بالكلمة دي. قد قامت خلاص مؤكد المعاد جه. طب والصلاة من اول كلمة لاخر كلمة حب. اول كلمة في الصلاة الله اكبر اكبر حب في حياتك. اكبر حب في حياتك واخر الصلاة اخر الصلاة التحيات. التحيات دي يا جماعة طوفان حب. التحيات دي فيضان حب. التحيات دي بعد ما خلصت الصلاة المفروض بقى خلاص اسلم لا. انا مش قادر اسيبك يا رب. مش قادر. فانت قاعد بتقول التحيات لله. كل التحيات لك انت بس يا رب. والصلوات كل الصلوات لك انت بس يا رب والطيبات كل الاعمال الطيبة والاقوال الطيبة لك انت بس يا رب انت اللي تستاهل عمري وحياتي. واعمالي كلها يا رب. فلما الحب اوي اوي اوي بدأ يفيض على احب خلق الله الى الله اللي هو مين؟ سيدنا محمد. السلام عليك ايها النبي ورحمة الله وبركاته مش السلامة عليك السلام التاء بتاعة السلامة يقول لك تاء التحديد. يعني مسلا حمد الله على السلامة من السفرية. حمد الله على السلامة من العملية. انما السلام اللي هو السلامة في كل حب رهيب. حب ربنا فاض. حبيت النبي. حب ربنا لسة بيفيض. اللي بعد النبي مين الصالحين؟ السلام علينا. وعلى عباد الله الصالحين الصالحين حب رهيب وفي الاخر قبل ما بتسلم النبي علمنا نقول ايه اللهم اغفر لي اللهم ايه اللهم اني اللهم اغفر لي ما قدمت وما اخررت وما اسررت وما اعلنت وما اسرفت وما انت اعلم بي مني ايه اغفر لي ذنوبي كلها لا ده مش قادر يسيب ربنا قاعد يفصل عشان يطول في مقامه بين ايدين ربنا زي سيدنا موسى. هي عصاي اتوكأ عليها واهش بها ولي فيها. عايز اول عشان يطول مقام المناجاة. مع ربنا سبحانه وتعالى. كل حاجة حب يا جماعة. العبادات هي الزكاة ايه؟ انك انت قدمت ما يحب على ما تحب. انت بتحب الفلوس. بس ربنا بيحب انك تطلق. الصوم ايه؟ قدمت ما يحب على ما تحب. انت بتحب الاكل والشرب. بس هو بيحب انك تصوم. الحج ايه؟ كل العبادات قدمت ما يحب اعلى ما تحب. الدين من غير حب روحه ايه ؟ والا يبقى ايه الفرق بين ربنا وبين دكتور المادة اللي انت خايف اخر السنة تدخل تمتحن معها وتدخل تمتحن ايه دي ؟ حب ربنا ده كل حاجة في الدين طعم رهيب. حب الله. العبادات كلها حب. الصلاة. الحج يا جماعة. الحج بتقول لبيك. لبيك يعني ايه؟ يعني جاي لك يا رب طب هو اي حد بينادي لك بتقول له جاي لك! اي حد بينادي لك بتدفع ستين الف جنيه وتروح له! اي حد بينادي لك بتركب طيارات وتتشعلق في المواصلات! وتسافر بلد غربة تروح له لأ امال اشمعنى ربنا باحبه. ومن قبل المكة بربعمية كيلو عند ابيار علي في المدينة. تلبس الاحرام وتقعد تقول لبيك اللهم لبيك يعني ايه ؟ لبيك يعني جاي لك. الرسول ما كانش بيركب مواصلات زينا. كان بيروحها على رجليه، عليه الصلاة والسلام، او بيروحها على الدابة. يعني تخيل ان كل تلبية هتاخد قد ايه ؟ هتاخد اربعة متر يا اخي هي اربع جمل. لبيك اللهم لبيك. لبيك لا شريك لك لبيك. ان الحمد والنعمة لك والملك. لا شريك لك. اربع جمل في اربعة متر المسافة ربعميت كيلو لو حسبتوها هتلاقوا النبي كان بيقول ميت الف مرة لبيك. قبل ما يدخل على ربنا سبحانه وتعالى وبعد كده اول ما تدخل وتشوف الكعبة والجمال والجلال والكمال تقعد تطوف وتطوف وتطوف عايز اوصل لك يا رب اوصل لك ازاي قاعد تطوف عايز توصل له باي طريقة. عايز توصل لي؟ اه. يبقى اللي بعد الطواف ايه؟ السعي. عايز توصل له اسعى. عايز توصل لي اجتهد. تروح تسعى السيدة هاجر كانت بتعمل ايه في السعي؟ تروح وتيجي وتروح وتيجي. كانك بالزبط بتقلدها. انت بتروح وتيجي معناها ايه ؟ انا يا رب مش هاسيب باب يوصلني اليك. مش هاقف عليها روح واجي يا رب هدور على اي باب يوصلني اليك. طب والسيدة هاجر كانت بتروح وترجع لنفس المكان وترجع يعني الباب يا رب اللي هاعرف انه هيوصلني لك هاقف عليه وبعد كده اروح لباب تاني وبعد كده ارجع له تاني. وارجع له تالت لغاية ما تفتح لي يا رب. وربنا سماه السعي. يعني وانا جاي لك هاسعى. هاجيب اخري. هابزل اقصى جهد رب حب دين كل حب من اول اسمه الاسلام. لاسم الله. لاسماء الله الحسنى. للقرآن. للصلاة. للعبادات. للادان والاقامة باحب دين كل حب كل حب عايزين نحب ربنا. طب احب ربنا ازاي؟ احبه ازاي؟ عايز تحب ربنا سبحانه وتعالى عايزة تحب ربنا سبحانه وتعالى انا هاقول لكم الوقتي يا جماعة مفاتيح لحب الله. مفاتيح بازن الله ان ربنا اذن هتبقى حب الله. اول حاجة اول حاجة كل مفتاح معهم لازم تسأل نفسك بعدها انت لسة ما حبتوش ؟ انا باقول لكم هدف درس الليلة ان ربنا سبحانه وتعالى يبقى اغلى حاجة في حياتنا. اغلى حاجة. اول حاجة بنحب ربنا عشانها نعم ربنا نعم سبحانه وتعالى. واحد كان رجليه اتكسرت ونام في المستشفى بيقول انا اول مرة اعرف في حياتي نعمة ان انا اتألم. اتقلب يمين شمال وانا نايم. واحد جا له سكر بيقول اول مرة اعرف نعمة ان انا انام تلات ساعات ورا بعض. من غير ما اصحى ادخل الحمام. انت دلوقتي قاعد كم شاب في سنك بيلعب ماتش كورة ومش قادر. انت دلوقتي قاعدة كم واحدة في سنك نايمة في المستشفى الوقتي وانت قاعدة دلوقتي بكل صحتك بعافية الله سبحانه وتعالى. فوتوا على مستشفى العيون شوفوا كم واحد فقد بصره. فوتوا على مستشفى الباطنة والطوارئ شوفوا كم واحد عايش على المحاليل. فوتوا على مستشفى الحروق شوفوا كم واحدة تشوه وشها. شوفوا يا جماعة نعم ربنا. اعرف واحد من فضلاء جدا. كنت رايح له في مشوار لقيته بيقول ان هو مبتلى بمرض ان جفونه رموش عينيه اربع خمس رموش بس. بيقلبوا يطلعوا هو بدل ما يطلعوا لبره. الراجل والله يا جماعة قطع قلوبنا كلنا واحنا قاعدين معه. لما بيحكي لنا عن القرح اللي بتجي له. والمئات اللي بيصرفها اللي على مستوى مصر بيروح لهم. والمعاناة والالم قلت يا رب اهدى اربع شعارات اتقلبوا. واحنا شعر حد فكر بس في النعمة ديت نعمة ان شعرك طالع لبرة. ما هواش طالع. ما هواش داخل لجوة العين. حد فكر في دي. سيدنا داود كان بيقول يا رب كيف اشكرك؟ وفي كل شعرة من جسدي لك فيها نعمتان ان اخفيت اصلها والا كان شكلنا كله مشوه. ولينت ولينت رأسها. والا لو كان رأسها المدبب ده دخل في عينك ولا رأسها المدبب ده دخل في جلدك كان زمان حياتنا كلها عزاب في عزاب. يا جماعة عايزين نحس بحب ربنا سبحانه وتعالى. احد السلف كان عنده قرحة في رجله كده كده ، فرايح جاي واحد يا عيني! ياه! يادي الابتلاء! فالراجل بص له في الاخر قال له يا هذا ان لي سنة احمد الله انها ليست في عيني. انت بتقول ايه ؟ نعم ربنا يا جماعة. لو ربنا سحب مننا اللسان. يبقى الكوباية فيها خمس معالق سكر ما هيش فارقة في الطعم عن كوباية خمس معالق ملح. لو سحب مننا الغدد اللعابية يبقى انت ما فيش بلع ما تعرفش تبلع. لازم يكون اتنين واقفين معك يقعدوا يخبطوك على ضهرك عشان اللقمة. تنزل ولا تموت الجوع لو ما فيش حد معك. اللقمة هتخنقك وهتقف في زورك. انت دفعت تمن اجهزة جسمك. دفعت تمن اتنين ونص مليون جهاز ترشيح. في كلتك فلتر ترشيح. دفعت تمن مليون ومتين الف. كاميرا ربانية في عينيك. دفعت تمن الصيانة الربانية. كبدك درجة حرارته اربعين. عينيك درجة حرارتها تسعة. المفروض الحرارة بالاستدراك انتقل لو درجة حرارة عينك زادت عينيك تسيح ما عدتيش تشوفي. لو درجة حرارة كبدك قلت كبدك ما عدش يشتغل ما ما يطهرش الدم من السموم تطلع على المخ تصيبنا بالجنون. نبقى ستة مليار مجنون عايشين على وجه الكرة الارضية. لو الحرارة انتقلت بس لو الصيانة الربانية ما تمتش. انت جسمك فيه الف مليار خلية. يبقى قبل ما نتكلم في النعم لو خلية واحدة جالها سرطان خلاص هيحصل ايه؟ انت عارفة هيحصل ايه الا ان يشاء الله. يبقى معنى ان الف خلية بيقول لك خلية فيهم فيها سرطان ان فيه الف مليار نعمة انت قاعدة فيها الوقتي. نعمة العافية يا جماعة. ربنا خلاك مليونير مليونير تبيع عينك بعشرة مليون دولار! رجليك بعشرين مليون جنيه عينيك ودنك بتلاتين مليون يورو تبيع ايدك بخمسين مليون استرليني تبيعه ايه؟ تبيع كبدك باربعين مليون ريال ولا اربعين مليون دينار ما يبقى انت كل اموال العالم دي ما تجيش حاجة. ده انت بنك دولي متجمد في صورة نعم. انتم مش عارفين نعم ربنا قد ايه؟ لما كان الواحد يعني يعني في مرضى الكلى مع مرضى الكلى ربنا يعافيهم. اكتر مرضى الواحد شافهم عندهم معاناة اكتر حتى من مرضى السرطان ربنا يعافيهم جميعا يا رب. لما كنت اشوف مريض الكلى اقول يا رب ده الواحد كلته بتتغسل بتغسل دمه طبيعي اتناشر مرة في اليوم. العيان ده بيتغزى على الجهاز الصناعي تلات مرات في الاسبوع بخمسميت جنيه. الدولة هي اللي تدفعهم له. ولو الدولة مش هتدفع هو اللي هيدفع يعني الفين جنيه في الشهر. يعني انا تخيلت الاتناشر مرة الطبيعي بيتغسل دمك فيهم دول. لو ربنا حاسبك بمية وخمسين جنيه يعني لو خمسين جنيه يا حبيبي. ده لو الحساب مش هتدفع مليون جنيه في المرة. انت قاعد دلوقتي من غير الم ولا بهدلة. ولا اتعطلت ولا مضاعفات المرض ولا اي حاجة. لقيتها في الشهر ستة وستين الف جنيه. الاوبن بوفيه اللي ربنا فتحه لنا في الدنيا الاف انواع الفواكه والخضار دفعت تمنه. الفندق الخمس نجوم اللي احنا عايشين فيه ده ومزبط ابعاد الشمس وابعاد القمر ونسبة الهوا ونسبة الاكسجين. ونسبة الغلاف الجوي ارتفاع نسبة سمك الارض دي كلها. انت الفندق الخمس نجوم ده الوناسة الصغيرة اللي اسمها القمر اللي بتنور لنا بالليل احسن الليل يبقى ضلمة ونخاف صحينا بالليل. يعني ربنا للدرجة دي ادانا ونسك يعني يا رب يا رب كمان نونسها يا رب. يا رب فرشت لنا الشقة وعبانت لنا الشقة وفرشتها وجهزتها ومريت التلاجة اكل. ومليتها بكل الخيرات يا رب. وكمان الوناسة عشان بالليل ما نجحتش لسة ما حبتوش ؟ لسة ما حبتوش ؟ لسة ما حستش ان هو اغلى حاجة في حياتك. لسة ما حسناش بحب الله سبحانه وتعالى. لو عليك خمسين مليون جنيه الواحد وانت كل يوم بتكسب خمسين قرش. تروح كل يوم تدي له تلاتين خمسة وتلاتين قرش. وتديهم له كمان وانت ايه متكبر علي! انت يا ابني عبادتك دي ايه في نعم ربنا سبحانه وتعالى لسة ما حبتيهوش ؟ طب باحبه عشان ايه تاني ؟ عشان حلمه. نحبه عشان حلمه يا جماعة. لو انت دلوقتي واحد صاحبك جا لك وبقى له زمان ما عبركش يعني. وجه قال لك انا حبيبي واحدة اتصل بك قال لك خد بالك ده عايزك في مصلحة. واول ما المصلحة ياخدها منك هيسيبك وهيمشي. تعمل ايه ؟ والله ما تفتح له. ربنا يعلم انك جاي له في مصلحة وهتمشي بعد ويفتح لك بابه. طيب لو انت عملت نعمة لواحد تاني يوم وسط الناس قال لهم ده فلان واحد تاني هو اللي عملها. تعمل ايه؟ تفضحه قدام الناس. طب انت ربنا بيديك النعم وتروح تقول ده من نفسي او تنسبها للبشر اللي كان سبحان الله العظيم. وربنا ما بيفضحكش. طب لو انت الوقتي بعد كده وترجع له تاني بعد كل اللي عمال يفتح لك باب تاتش وترفع ايدك يجيب دعاءك تاني رغم انك بترجع تاني ما بتقولش يا رب حبك ورضاك. بتقول يا رب الدنيا ويديك. ولو منعك مرة تبقى عامل زي اللي كل مرة يقول لواحد عشرة جنيه يدي له عشرة جنيه. يقول له فلوس يدي له عشرة جنيه عشرة جنيه. فمرة ما ادالوش العشرة جنيه. فضحه في الشارع. هي العشرة جنيه! ده انت شحات ده احنا بنقول له يا رب ادانا مليارات المرات. مرة ما اداكش يا اخي الحكمة لرحمة يا اخي يرجوه. لرحمة يريدها بك يا اخي. ربنا ما ادانيش. ربنا معه كده ليه ؟ ربنا وتمشي تكلم على اللي خلقك. يا حلم ربنا. ولسه ما حبتوش. يا حلم ربنا. ده انا لو جيت ازورك في بيتك مرة. وعايزة المصلحة لك انت مش لي انا. لقيتك بتبص علي من العين السحرية وقمت داخل وعملت نفسك نايم. والله ما اجي لك تلج. ربنا يتنزل كل ليلة. يتنزل هل من مستشفى في سائل فاعطيه مستغفر فاغفر له. وما تقومش وينزل لك تاني. السنة اللي فاتت تنزل لك تلتمية خمسة وستين مرة. وما قمتش وبينزل لك تاني وهات ده ناظر الليلة سبحانه وتعالى. يا سلام يا رب! ايه يا رب ده يا رب! ايه الحلم ده! لو رئيس الجمهورية ركب عربية من القاهرة وجا لك لغاية المحافظة بتاعتك وخبط على بابك وقال لك انا يحل لك مشاكلك. قلت لمراتك مين ده رئيس الجمهورية جاي يحل لي يحل لك مشاكلك. الصبح بقى قولي لي الصبح قولي لي الصبح ما انا مش فاضي انا عايز انام. انا يعمل فيك ايه ؟ طب الملك ملك الكون مش رئيس الجمهورية بيتنازل عشان مشاكلك. وما بتقومش. يا حلمك يا رب ويديك النعم وتعصي بها مصيبة المعاصي انك ما بتعصيهوش غير بنعم وبيحلم عليك. لسة ما حبتهوش ؟ لسة ما حبتيهوش ؟ طيب نكمل مع بعض عشان نحب ربنا. نحب يا جماعة عشان حبه لنا عشان حبه ربنا بيحبنا ده زرة من حب الله نزلها في قلب امك وابوك عاشوا عمرهم عشانك هم الحبوا قد ايه اتفرجت يعني مرة في برنامج انتجته البي بي سي برنامج صور طبيعية. اتفرجت على حمار وحشي النمور هجمت النمور الصغيرة هجمت على ابنه الصغير فالمنزر قدامك متصور الفيلم كله. فهو مش قادر يضحي بابنه رغم انه سريع وهو المفروض ينجو بنفسه اسرع من ابنه. فضل يجري ورا ابنه بحيس انه يبقى بين النمور وبين ابنه يعني لو لحقوه هينهشوه هو. مش هينهشوا ابنه. ضحى بحياته عشان ابنه ما يموتش. ضحك الرحمة دي جزء من جزء من ميت جزء من الرحمة اللي ربنا سبحانه وتعالى خلقها سبحانه وتعالى. تخيل ده غير الرحمة بقى رحمة زات الله ده حاجة تانية. يا اخوانا ده رحمة ربنا قد ايه ؟ تحبه عشان رحمته سبحانه وتعالى. تحبه عشان حبه لك. بيحبني انا؟ اه والله. لو ملك قال للرعية انا باحب ابني قوي اللي هيأكل ابني هادي له كزا. ربنا قال اللي هيأكلك ويشربك هيدي له غرف يرى ظاهرة من باطنه. وباطنة من ظاهرها لمن اطعم الطعام. واللي هيفرحك ويضحك هيبقى احب عمل احب الاعمال الى الله سرور تدخله على مسلم. احب حاجة ان واحد يبسطك ويضحكك. اقول لك نكتة؟ نكتة يا سيدي. ياللا اضحك يا عم خليني اخد سواب الليلة يا عم. اضحك يا عم انت الضحك هو الضحك بفلوس. يعني لو انا قلت دلوقتي نكتة انت ضحكت انا خدت سواب عند ربنا. لانك انت فرحت بسبب حاجة انا عملتها. ياه! يعني شف بيحبنا قد ايه يا جماعة! شوفوا حبه لنا قد ايه! كنت من وسط ميت مليون نطفة ربنا اختار انت واختارك انت تبقى بني ادم من اختارك. بيحبك. بيحبك انت. شوفوا يا جماعة. يعني هو بيحبك وانت ما بتحبهوش ؟ يعني هو بيحبك والكون كله بيحبه وانت ما بتحبوش ازاي! ازاي حبه ما هو السكن قلبك! تحب ربنا عشان حبه لك. عشان رحمته بك. رحمته بالعاصي. شوفوا يا جماعة لما ربنا هنا الاف الرسل وكتب والقرآن وستلاف متين ستة وتلاتين اية. المفروض بعد كده ان اللي يعصي ربنا يتنسف. لأ المعصية بمعصية واحدة مزاية واحدة. واللي يطيع ربنا ما ياخدش فلوس هو قوانين المرور اللي اللي بيكسرها بياخد مخالفة. طب اللي بيعملها صح بياخد فلوس؟ لأ. طب احنا اما بنعمل حسنات عشر حسنات. طب لو عملت زنب! لأ يا ملك السيئات في حديس صح الرسول صلى الله عليه وسلم ما تكتبش السيئة. قال لها طب امال ايه يمكن يستغفر؟ طيب لو عدت الست ساعات واستغفرت تتمحى. طب لو عملت حسنة تمحو سيئة؟ لأ عشر سيئات. طب افرض ما رضتش تستغفره وتماديت سنين في المعصية ما يفضحكش. ولو قلت يا رب وسط المعصية يجيب لك. ويفضل يبسط ايده بالنهار عشان تتوب بالليل ويبسط ايده بالليل عشان بسوق النهار ويفضل يناديك عبد انك ما دعوتني ورجوتني. غفرت لك على ما كان منك ولا ابالي. بس تعال سبحانه وتعالى وكل شوية اوكازيون رباني رمضان ما الكفارة يوم الجمعة كفارة الصلوات كفارة طيب افرض بعد سنين معصية قلت راجع لك يا رب يقبلك. ويفرح بك ويبدل لك كل سيئاتك حسنات. وانه كان بي حفيا يحتفي بك. بعد كل اللي انا عملته بعد كل اللي انت عملته. تحبه عشان رحمته بك تحبوا عشان معاملته لك. كل واحد بيعاملك بيعاملك عشان يكسب منك. ربنا بيعاملك عشان يكسبك. ده يعني ربنا بيبتليه. يعني لو اديتك عشرة جنيه وخدت منك خمسة. ابقى انا وحش ازاي يا جماعة! ازاي يا اخوان! يا اخوانا معاملة ربنا احنا لما بنبتلى بنقول لربنا ما رأيت منك خيرا قط بتتقال بتتقال بلسان الحال يا جماعة مش بلسان المقال. يا اخوانا عايزين نعرف يعني ايه حب ربنا. عايزين نحب ربنا سبحانه وتعالى. تحبه عشان نعمه. تحبه عشان عشان حلمه. تحبه عشان رحمته حتى وانت عاصي. تحبه عشان فرحه بك لما بتوب اشد فرحة من اب ابنه راح منه. وكل يوم ابنك مش المخدرات ابنك ضاع ابنك انتهى ابنك. وفجأة لقى الباب بيخبط لقى ابنه بيقول له انا رجعت لك يا ابويا. يحضنه بفرح قد ايه! شف فرح ربنا بك قد ايه شد فرحة من هزا والله. تحبه عشان حبه لك. تحبه عشان معاملته لك سبحانه وتعالى. قد ايه ده انت لما عملت امك وابوك عرفت قد ايه بيحبوك لو عملتيه هتعرفي هو بيحبك قد ايه. سبحانه وتعالى. وصلنا لنهاية الحلقة يا جماعة. وصلنا للنهاية. خلاص. احنا دلوقتي تقريبا تقريبا يعني ما عدش لنا غير حوالي خمس دقايق او ست دقايق على نهاية الحلقة. فاحنا عايزين يا جماعة انا عايزكم تعيشوا معي في معنى حب الله سبحانه وتعالى. عايزكم تعيشوا معي في المعنى الرهيب ده الناس وصلت لحب الله. فيه ناس حب الله وصل لدرجة انها عايزة تقابل ربنا حتى لو هتموت. فيه ناس وصلت لدرجة تانية. ان هي اي حاجة تعطلها عن ربنا تكرهها فيه ناس وصلت لدرجة تالتة ان هي بقت بتعبده في فرح. ناس بقى قيام الليل اجمل لحزات عمرها. ناس بقت بتقدم ما يحب على ما تحب. ناس فما عندهاش ما يحب وما تحب لأ اللي بيحبه حبيبي انا باحبه. انت كده. انتم حبوا ربنا وصلك ان اللي بيحبه ربنا انت بتحبيه. انت حب ربنا وصلك ان قيام الليل ايه اجمل لحزات حياتك؟ انتم حب ربنا وصلك انك نفسك تقابليه حتى لو هتموتي وتسيبي الدنيا. انت حب ربنا وصلك انك بقيت بتكره اي حاجة بينك وبينه انتم حب ربنا وصلك انك بقيت بتعبديه بفرح؟ انت حب ربنا وصلك انك بقيت بتقدم ما يحب على ما تحب. يا جماعة الجنيد مرة بيتكلم عن ربنا بكى الناس كلها لانه كان بيحبه. نحسبه كذلك طبعا. بيقول لهم عبد اسمعي بقى اسمع دي بقلبك بقى عشان دي دي بقى ايه في الحلقة دي دي التفاحة بتاعة الحلقة اللي في الاخر. قال لهم عبد ذاهب عن نفسه. ما عدتش فاكر نفسي يا رب. متصل بذكر ربه. لساني ما بيبطلش كلام يا محمد وزكر لك قائم باداء حقه جوارحي ما بتبطلش عمل في طاعتك. ناظر اليه بقلبه. قلبي مش عايش غير مع معك انت يا رب. فاذا نطق فبالله وازا تكلم فعن الله. واذا تحرك فبامر الله وازا سكن فمع الله فهو بالله ولله ومع الله. فبكى القوم حتى اخضرت لحاهم لانه بيحبه زكاهم لما اتكلم عنه لانه بيحبه. الاب الابن لما يروح لامه يقول لها عايزة اتجوز فلانة. تقول له يا ابني ده فيها كزا وكزا. من حبه لها يقعد يكلم امه عنها كلام يخلي لامه تقول احسن انسانة في الدنيا لانه بيحبها. لو بتحب ربنا هتقول كلام مبهر عنه. هتبهر الناس كلها بالكلام عنه. حب الله يا جماعة. حب الله. هنعيش مع حب الله قد ايه من يستحق الحب؟ مين اللي يستحق الحب؟ مين اللي يستحق قلبك؟ اللي يستحق حبي اللي بيحبني. اكتر واحد بيحبني. ومين كمان اللي لما لما باطلب منه حاجة يديها لي. اللي ما باطلبش منه حاجة ابدا ويتأخر عني. اه ومين كمان ؟ اللي يعني اللي ما يتشغلش عني ابدا لو احتجته. ما هو ده ربنا هو ده ربنا. اغلى حبيب في حياتنا. درس الليلة كان هدفه ان ربنا يبقى اغلى حبيب في حياتنا. درس الليلة كان هدفه ان احنا نعرف يعني ايه حب الله نعيش مع حب الله. وصلنا للتوصيات يا جماعة. توصيات انا عايزك تقولي له بحبك بس حب عملي. حب عملي ازاي؟ انت يا رب بتحب قيام الليل يا رب؟ بتحبه يا رب؟ والله ما والله ما عدت هسيبه. انت يا رب بتحب سبحان الله وبحمده سبحان الله العظيم. والله ما هبطل زكر. انت يا رب بتحب الصيام وبتحب خلوف فمش صائم قم يا رب اتنين وخميس او يوم ويوم حتى لو بموت اصومهم يا رب حبي لك. انت يا رب بتحب الصدقة! انا هاطلع اغلى حاجة عندي صدقة لك الليلة يا رب وبكرة يا رب. انت يا رب انت يا رب اللي بتحبه انا هحبه يا رب. حب ربنا يا جماعة. انا عايزكم تعملوا ورقة اسمها ورقة حب الله او ورقة النعم. اكتبوا فيها كل نعمة ربنا اداها لكم في الدين والدنيا. اكتبوا فيها الكلام اللي انا قلته الليلة. اكتبوا فيها كل اللي انت اعمليها دلوقتي واكتبي فيها كل اللي افتكرتيه من درس الليلة. ولما تعمليها يبقى الاسبوع بعد اسبوع الحمد اقعدي بصي والله عملتها مرة. كنت ابص فيها كده واقعد اقول الف حمد وشكر لك يا رب. قال والله كنت باحس ان انا قلبي ده بيدوب بيدوب كده هو يا رب انت عملت لي كل ده يا رب. كل ده يا رب. عملت الورقة دي كتير عملتها زمان ايام الكلية. وعملتها في الحج اخر حجة حجيت وكنت حاسس ان انا هاموت. يا رب انت اديني كل ده. الواحد ما بيحسش والله يا جماعة الا اما بيحط الموضوع قدامه. يا رب كل ده لي. الواحد بيقعد عايش على الورقة ده سنين من غير ما يبص لها بعد كده. قلبه دايب من نعم ربنا سبحانه وتعالى. انا عايزكم تركزوا معي. انا كان النهاردة عندي ظروف وكنت مش هاقدر اجي. عارفين انا جيت ليه ؟ انا جيت عشان تلاتاشر واربعتاشر وخمستاشر انا جيت عشان افكركم بصيام تلتاشر واربعتاشر. والله يا جماعة اكتر حاجة جابتني النهاردة ديت. ولولا ده كان تسعة وتسعين في المية ما اناش جاي بقدر الله. تلتاشر يوم الخميس الجاي الخميس والجمعة والسبت تلتاشر واربعتاشر وخمستاشر رمضان قرب ياللا يا رجالة. رمضان قرب عايزين نوصل لربنا. خدوا بالكم ان الجمعة الجاية هتبقى اربعتاشر نهارها صيام. ليلتها هتبقى ليلة النصف من شعبان. الليلة اللي صاحي تلات اسانيد فيها عن رسول الله. انا انا لاقي تلات اسانيد تلات اسانيد الالباني صححها عن رسول الله في ليلة النصف من شعبان. يتنزل الله في ليلة النصف فيغفر لكل مسلم. الا لمشرك او مشاحن. طب هو ربنا بيغفر. طب خلاص اقوم ليه؟ هو لو مدير الشغل نزل يطلع على الشغل. هتنام ولا هتشتغل بايديك وسنانك؟ ربنا هيطلع علينا يا جماعة ليلة النص من شعبان. ده فيه اسر ان ليلة النص دي اللي بيترفع فيها اعمال السنة كلها. عايزين نموت تفسير يا جماعة. يعني ممكن في خلال اسبوع اعمال السنة اللي فاتت تترفع! الموضوع اللي كلمتكم عنه المرة اللي فاتت! يعني يا جماعة عايزين عايزين نفسنا بقى الاسبوع ده نجيب اخرنا. صيام وقيام وقرآن وزكر وصدقة. ليه؟ لان ليلة النص من شعبان او رفع اعمال السنة في خلال ايام يا جماعة. خلاص يا اخواننا وصلنا لاخر حاجة في التوصيات واخطر حاجة في التوصيات طول عمر الواحد هيموت. هيموت عشان انقاز غير المسلمين من النار متين الف واحد يوميا بيموتوا على غل لا اله الا الله. يا مسلمين اتقوا ربنا فيهم. اتقوا ربنا. الواحد والله العزيم يا جماعة والله بعد كل صلاة وبدعوا ربنا للكفار. اللهم اهد غير المسلمين كما هديت المسلمين. يا رب انت قادر. جمعية كنت زمان جبت كتاب لواحد اسلم على ايده اربع تلاف واحد بالمناسبة المهندس محمد عبدالمنعم توفيق الله يرحمه. فوجئت من فترة قصيرة جدا ان الله يرحمه كان بيبعت جوابات الناس بتسلم. ان فيه جمعية دلوقتي امتداد لجهد طالعة بتبعت لكل دول العالم بمية وحداشر لغة كتب عن الاسلام وعاملة مشروع اسمه الفري قرآن يعني قرآن ببلاش بعتت اربع تلاف مصحف مرة لاربع تلاف واحد اجنبي الف واحد منهم بعتوا ان هم اسلموا. يعني مجهود رهيب بمية وحداشر لغة بيبعتوا كتب عن الاسلام. وبيبعتوا واحد بالانجليزي واخر حاجة آآ اتزكر ان هم كانوا بيتبعوا مع اصحاب بالفرنساوي. جمعية تبليغ الاسلام في اسكندرية يا جماعة. انا هاديكم رقمها الوقتي رقمها اكتبوه معي. واحفزوه معي عشان الجمعية دي نتصل بها الليلة. واللي معه فلوس واللي معه فلوس واللي معه حتة دهب. احنا يا جماعة بنتكلم عن حب الله. لو بتحبوا شارك في ان الكافر اللي ما هوش عارفه يعرفه. لو بتحبيه شارك ان كل الناس تعرفه وتحبه زي ما انت بتحبيه. ده امتحان عمله هو لحب الله صفر عشرة ده نمرة امين الجمعية بازن الله سبحانه وتعالى تتصلوا بهم بعد الحلقة وبكرة وبعده وبعده وطول العمر بقى خد النمرة دي ان شاء الله كل ما الجامعة بتاعة مبلغ ده من مشاريع حياتي والله يا جماعة انا مش مصدق ان جه اليوم اللي بتكلم فيه عن حاجة ممكن بسبب غويشتك ولا بسبب حلقك ولا بسبب الالف جنيه ولا بسبب الميت ولا بسبب اللي انت هتديه للجمعية يطلع مصاحف للناس ويطلع كتب للناس في كل العالم. ناس تسلم وتقول لا اله الا الله وتيجي معك على حوض النبي. حسوا بالخطورة دي. صفر عشرة ستة واحد صفر صفر تلاتة تلاتة خمسة. صفر عشرة ستة واحد صفر صفر. تلاتة تلاتة خمسة. حفزتوها يا جماعة؟ اتمنى بس ان المخرج يكتبها معنا الله يخليك. ربنا يبارك فيكم. صفر عشرة ستلاف ومية ستة واحد صفر صفر تلاتة تلاتة خمسة. بقولها للمرة الاخيرة احفزوها بقى صفر عشرة ستة واحد صفر صفر تلاتة تلاتة خمسة. نمرة جمعية دار تبليغ الاسلام في اسكندرية. اتمنى يا اخوانا ان ان شاء الله بازن الله ما ننساش التوصيات الحب العملي لله تلتاشر واربعتاشر وخمستاشر. ليلة النص من شعبان جمعية دار تبليغ الاسلام. اتمنى ان نتبرع لها بكل ما نستطيع من قوة. ده رسالة في رقبتنا قدام في رقبتك وفي رقبتك. انا الوقت حطيت في رقبتكم رسالة. والله العظيم. ودي من رسايل حياتي وعمري. اللي طول ما بازن الله ربنا واحياكم هتلاقوني بتكلم عنها على طول. انقاز الكفار من النار. نطلع بقى لرسالة عمرنا اللي النبي اتعاش عشانها. عليه الصلاة والسلام. لو بنحب ربنا. الله انا نسألك حبك وحب من يحبك وحب عمل يقربني الى يقربنا الى حبك. اللهم اجعل حبك احب الينا من الماء الظامئ المرق البارد على الظمأ. اللهم املأ قلوبنا بحبك. اللهم اصطفينا واستعملنا لنصرة دينك. برحمتك يا عظيم السماوات والارض سبحانك اللهم وبحمدك اشهد ان لا اله الا انت استغفرك واتوب اليك. وجزاكم الله خيرا