ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا من يهد الله تعالى فلا مضل له ومن يضلل فلا هادي له واشهد ان لا اله الا الله وحده لا شريك له واشهد ان محمدا عبده ورسوله اما بعد فان اصدق الحديث كتاب الله تعالى واحسن الهدي هدي محمد صلى الله عليه واله وسلم وشر الامور محدثاتها وكل محدثة بدعة وكل بدعة ضلالة وكل ضلالة في النار اللهم صل على محمد وعلى ال محمد كما صليت على ابراهيم وعلى ال ابراهيم في العالمين انك حميد مجيد وبارك على محمد وعلى ال محمد كما باركت على ابراهيم وعلى ال ابراهيم للعالمين انك حميد مجيد قال الامام ابو عبدالله محمد ابن اسماعيل البخاري رحمه الله تعالى حدثنا علي بن عبدالله قال حدثنا ابو صفوان عبدالله بن سعيد قال اخبرنا يونس عن ابن شهاب قال اخبرني سعيد ابن المسيب ان ابا هريرة رضي الله عنه قال سمعت رسول الله صلى الله عليه واله وسلم يقول لا يزال قلب الكبير شابا في اثنتين بحب الدنيا وطول الامل قال ليث عن يونس وابن وهب عن يونس عن ابن شهاب قال اخبرني سعيد وابو سلمة هذا هو الحديث الثاني من الاحاديث التي اوردها الامام ابو عبدالله تحت قوله باب من بلغ ستين سنة فقد اعذر الله اليه في العمر وكنا اه بنتكلم عن رجال الاسناد ووصلنا في المرة الماضية الى الكلام عن ابن شهاب لو محمد ابن مسلم آآ ابن شهاب الزهري المعروف بلقبه معروف بالزهري اكثر من من اسمه زي الاعمش كده مسلا يعرف بلقبه اكثر من اسمه وساعات تتلخبط اه بعض طلاب الحديث لما يقول مثلا شعبة او ابو عوانة او اه مسلا اه هشام الدستوائي او غيره يقول حدثنا السليمان فيقوم ايه؟ يقعد يدور سليمان مين لقى سليمان هو الاعمش سليمان هو ابن مهران الاعمش ابو محمد والاعرج مسلا عبدالرحمن بن هرمز احد الرواة عن ابي هريرة يعرف بلقبه اكثر من اسمه وهكذا فكما قلت الزهري منتسب الى بني زهرة وذكرت آآ شيئا من تصرفه في المرة الماضية لما جاءه رجل بعدما قطع التحديث وقال فابى ان يحدثه قال حدثني او احدثك فقال الزهري له حدثني فقال حدثني الحكم آآ عن يحيى بن الجزار قال سمعت علي بن ابي طالب يقول ما اخذ الله عز وجل الميثاق على اهل الجهل ان يتعلموا الا وقد اخذ الميثاق على اهل العلم ان يعلمه وذكرت دليل هذه ودليل هذه. دليل اخذناه اخذ الميثاق على اهل الجهل ان يتعلموا وقوله تعالى فاسألوا اهل الذكر ان كنتم لا تعلمون والدليل على ان على ان يعلم اهل العلم قوله تعالى واذ اخذ الله ميثاق الذين اوتوا الكتاب لتبيننه للناس ولا تكتمونه وتكلمنا بما فتح الله عز وجل به في المرة الماضية. بعد ما انتهيت من الحلقة الماضية لقيت اكتر من رسالة اه جاية لي على المحمول تذكرني بهذا الايه بهذا الكلام يقولون عملنا الذي علينا ولم تعملوا الذي عليكم عملنا الذي علينا اي فاسألوا اهل الذكر ان كنتم لا تعلمون نحن نتصل بالهاتف بصفة مستمرة الهاتف مغلق ايضا بصفة مستمرة ينبغي لكم ان تردوا علينا وكلام من هذا القبيل. جاءتني اكثر من رسالة تعقيبا على كلامي هذا وانا سعيد الحقيقة بان يعني آآ يكون في انفعال مع الحلقة واجد نوعا من التجاوب حتى لو كان نقدا وانا رددت على هذا الكلام مرارا لكن كلما احدثوا الاعتراض احدثت الجواب انا هعمل ايه ان في بعض الناس الذين يقولون هذا الكلام ربما لم يسمعوا كلامي في المرة الماضية اه انا اتكلم آآ ساعات ساعات في اليوم يعني ممكن اتكلم لحد ما ينتهي شحن البطارية بالكامل وآآ كنت اتكلم وانا بواصل لحد ما يفصل شحن بعض اخوانا من الدكاترة قالوا لي هذا خطر شديد آآ انك انت آآ يعني تتكلم والبطارية ضعيفة جدا بتديك انزار ان آآ خلاص ضعيفة. قالوا لي هذا خطر شديد جدا تكلم والمحمول مشحون. طبعا وكثير برضو من اخواننا الاطباء قال لا يجوز ان تتكلم في المحمول اكثر من خمس دقائق والا ده بيؤثر على ايه على المخ والكلام ده انا سمعت هذا الكلام مرارا من اخواني الاساتذة والكلام دهوت ومع ذلك لا اعيره اي التفات لان خلاص بقول ايه يعني ايه ازا كان المحمول هيقتل الواحد فان قتلي شهادة ارجو ان يكون كذلك يعني. والواحد يعني اذا آآ يعني اصاب شيء وهو بيرد على اسئلة الناس وآآ يفك كربات الناس وينصح لهم طالما انهم طلبوا النصح. انا باعتقد ان الله عز وجل قنا شر هذا الامر يعني لكن انا اتكلم في المحمولين بس عشان خاطر اريح الكل جبت العدة خطين علشان يبقى كله داخل على كله. يعني ليه؟ لان معنى ان يبقى كل عدة في خط كل خط في عدة من الايات خلاص يبقى لازم اقفل ده وارد على ده. وبعدين اقفل ده عشان ارد على ده. خلاص قلت اعمل المسألة اه يعني بهذه الطريقة حتى ارد على كل اه المتصلين بي ومع ذلك اتكلم كما قلت لكم اه يعني ساعات طويلة ويعني مش معنى انك انت اتصلت وانا مغلق للمحمول ان انا قاعد يكون عندي تحضير بيكون عندي آآ مزاكرة بيكون عندي آآ جلسة عرفية بيكون عندي آآ مسلا آآ سفر بقى اكون نائما. اي احوال مما تعرض للانسان يعني فانا ارجو من اخواننا ان يحسنوا الظن يحسنوا الظن. احنا بنعلم بقدر آآ الطاقة وبقدر ما نستطيع. ولم يعد المرء يعني فيه جلد الشباب القديم اللي هو ممكن يتحمل ان يتكلم كثيرا وكثيرا جدا في الهواتف ده زي زمان يعني فانا بس ايه انا بقول بس الكلام ده علشان ايه اه بس استميحوا الاخوة الغضبانين مني عذرا ان هو انا ما بردش لأ انا برد. لكن قد يصادف انني لا ارد لاي سبب من هذه الاسباب اه ونواصل بقى الكلام عن اه اه اظهار شخصية الزهري وانا حريص على اظهار شخصية الزهري اللي سبب ساذكره بعد ذلك وانا بتكلم عن الصعيد المسيب ليه انا بحاول اظهر شخصية العالم اه الشافعي رحمه الله حدث عن عمه قال دخل سليمان بن يسار على هشام ابن عبدالملك هشام ابن عدنان امير المؤمنين سليمان ابن يسار ده احد الفقهاء السبعة في المدينة فقال يا سليمان من الذي تولى كبره اللي هو في قصة الايه؟ قصة الافك من الذي نقل الخبر ووشى بعائشة في المجتمع المسلم في المدينة فقال عبدالله بن ابي بن سلول فقال له هشام كذبت بل هو علي علي ابن ابي طالب سكت سليمان دخل الزهري على هشام قال له يا زهري من الذي تولى كبره قال عبدالله بن ابي قال كذبت قال له الزهري انا اكذب لا ابى لك شف الجرأة والقوة ده بيكلم امير المؤمنين. انا اكذب لا ابى لك. والله لو نادى مناد من السماء ان الله احل الكذب ما كذبت حدثني سعيد بن المسيب وعروة ابن الزبير وعبيد الله بن عبدالله بن عتبة وعلقمة ابن وقاس اربعتهم عن عائشة رضي الله عنها انها قالت الذي تولى كبره هو عبدالله ابن ابي ابن سلول لم يزل آآ الجماعة الجلوس بمجلس هشام يغرون هشاما بالزهري بيحرضوه على الزهر يعني عارف آآ حسد الاقران حسد الاقران يعني والمعاصرة حرمان بالزات لما يكون واحد له حظوة اللي هو له حظوا ده احنا كنا في المرة الماضية ان امير المؤمنين عمر ابن عبدالعزيز رضي الله عنه هو الذي امر ابن شهاب اللي هو الزهري يعني ان يكتب الحديث وكان مقربا من امير المؤمنين عمر ولا زال الذين اتوا بعد عمر يقربون الزهري فيبقى محل غبطة كسير من الذين لا يستطيعون الوصول الى مجالس الخلفاء ولو جالسوا الخلفاء لا يكون لهم من الحظوة والمكانة مال الزهري فبيحصل بقى ايه الحسد اللي النبي صلى الله عليه وسلم قال دب اليكم داء الامم من قبلكم الحسد. ذكر منها الحسد فقعدوا يغرون جلسوا يغرون ايه او آآ فتواتروا في آآ يعني ايه آآ تقليب هشام ابن عبدالملك على الزهري فقال له هشام ارحل فوالله ما كان ينبغي لنا ان نحمل عنك اي ان نحمل العلم عنك قال له الزهري ولم انا اغتصبتك على نفسي او انت اغتصبتني على نفسي هو انا جيت لك ده انت الذي ترسل لي. انا ما اتيتك اطلاقا ولا تطوعت ان اتي اليك انت الذي ترسلني فانا لم اغتصبك على نفسك وان انا افرض نفسي عليك وادخل عليك في المجلس قال له الزهري فخلي عني فانا مش عايز اجي هذا المجلس ولا عايز احضر هزا المجلس. ازا لا ترسل الي قام ماسكه بقى من ايه؟ من ايده اللي بتوجعه قال له لا ولكنك استدنت الفي الف اتنين مليون يعني قال له اسيبك ازاي ده انت عليك اتنين مليون كيف اتركك فقال له قد علمت وابوك من قبلك انني ما استدنت هذا المال عليك ولا على ابيك ابوه اللي هو عبدالملك ابن مروان بقول له لا انت قبل ما تمشي انت خلي بالك انت عليك اتنين مليون قال له انت عارف كويس وابوك يعلم قبلك انني ما استدنت هذا المال لا عليك ولا على ابيك. يعني ايه الكلام ده هو الزهري الدين ده جه ازاي كان الزهري رجلا سخيا جدا مش عايز اقول يعني الى درجة الاسراف ينصب الموائد ها اللي هي شبيهة بمائد الرحمن دلوقتي ينصب الموائد للناس ويأتي بافخر الطعام من اللحوم المشوية ومن الفاكهة الطازجة والكلام ده وينصبها للناس في الطريق يوم كل واحد جاي يعدي ياكل والزهري ماشي ما بين الموائد ايه؟ يشوف ده عنده ناقص ايه وده ناقص ايه وبتاع والكلام ده وايه وحط فكان الزهري بيستدين حتى من العبيد بتوعه عشان يشتري اكل يأكل الناس فابو حازم سلمان كان من يعني آآ اقران الزهري من اصحابه لما شاف الكلام ده وشاف الزهري عمال يستدين اخذ عليه العهد والميثاق ان هو ما يقربش المسألة دي ابو حازم زي ما هو واضح من من كنيته كان حازما وما ليش دعوة بالخلفاء ما تدخلش عليهم وله معهم وقائع مشهورة فكان الزهري لما بيستدين فيدخل يجلس مع هشام ابن عبدالملك مسلا او يجلس مع امير المؤمنين ولا حاجة يقول له ايه يا زهري عليك كم وعارف انه ايه مدين بصفة مستمرة يقول له عليك كم قولوا والله علي مبلغ آآ تلتميت الف خلاص؟ يقول ايه؟ ادوا عنه دينه. وده امير المؤمنين اللي بيقول ادوا عنه دينه فلن لان ابا حازم رجل حازم ولا يخالط الامراء ولا الكلام دهوت فكان بيقول للزهري لا تستدن حتى لا تذهب الى هؤلاء يعني المهم اخذ عليه العهد والميثاق ان هو لا ينصب هذه الموائد مرة اخرى مرت ايام وبتاع والكلام ده والزهر ايه نصب الموائد وهات جاب الاكل والفاكهة وبتاع وقعد يأكل وماشي في وسط الناس واذا ابو حازم مارر في الطريق فلقى المنزر ده كان يركب حماره فوقف ونادى على الزهري قال على هذا اتفقنا قال له مبتسما انزل فان السخي انزل فكل فان السخي لا تؤدبه التجارب فكان الزهري بيستدين بقى كل هم عارفين ان طريقة الزهري وعارفين ان هو بينصب الموائد والكلام ده فكان الخليفة نفسه هو اللي يسأل الزهري يقول له وانت عليك كم النهاردة؟ يقولوا علي كزا او كزا. يقول له ايه سدوا عنه فلما آآ اغرى القوم هشاما بالزهري وقعد بقى ايه يطعنوا عليه والكلام ده الله! ده ده بيقول لك لا ابى لك. الله مين اللي ينطق ويقول لك لا ابى لك ده؟ يطلع ايه بقى ان شاء الله؟ وهو مملوء واحد من رعاياك يا مولاي وبتاع الكلام ده فكبرت في دماغ هشام فالزهري قال له خلاص انا ما اغتصبتك على نفسي ولا اغتصبت نفسي عليك. لا انا باجي لك ده انت اللي بتبعت لي. خلاص زهقت مني اتركني. خلي عني. قال له لأ قال له لا لا لا اخلي عنك. ليه عليك اتنين مليون عليك اتنين مليون طبعا كانت كبيرة على الزهري ان يقول له آآ هشام ابن عبد الملك هذا الكلام فقام رادد عليه على طول بقى قال له قد علمت وعلم ابوك من قبلك انني ما استدنت هذا المال عليك ولا على ابيك. يعني ايه؟ يعني انا ما دخلتش طرقت الباب وقلت لك والله انا مدين. واديني دي فلوس عشان اسدد ديني انت اللي كنت بتعملها من نفسك ادي معنى كلام الزهري خلاص خلي عني. فطبعا لما لقى ان الزهري هاج وزعل وغضب والكلام دهوت قال ايه؟ ما ينبغي لنا ان نهيج الشيخ طبعا في على اه قدر اه قوة الزهر وان ما حددتلوش على طرف على قدر نبل هشام برضو ده امير المؤمنين والزهري عمال يكلمه بالطريقة دي والقصة دي. ومع زلك لم يفتك به ولا ما دخلوش السجن ولا عمل فيه ولا خلى ولا سوى ولا بتاع. ليه كان عنده دين برضو وراجع في الاخر وعارف قيمة الزهري وقدر الزهري والكلام ده. لكن الذي يعنيني هنا الان التنبيه على هزا الاسر المثل القائل اطعم الفم تستحي العين هذا فصل من العزة التي ينبغي ان يتحلى بها العالم وطالب العلم ان يكون مستقلا ما يمدش ايده لحد. ما عنديش ما يلزمنيش اجعل هذا شعارا لك تعيشوا عزيزا لا يدوس لك احد على طرف اذا اردت شيئا فاذهب لمن تستوثق انه يعرف مكانك ومكانتك ولا يمن عليك واذا غضب لا يعاقبك كما قال ابن المبارك ان الملوك بلاء حيثما حلوا فلا يكن لك في اكنافهم ظل ماذا تأمل من قوم اذا غضبوا جاروا جاروا عليك وان ارضيتهم ملوا فاستغن بالله عن دنياهم ابدا ان الوقوف على ابوابهم ذلوا هو ده اللي يعيش طول عمره عزيز تمدش ايدك لحد وما تاخدش حاجة من حد ولا تشتكي لاحد الفاقة الا لمن تثق بانه يرفع عنك سؤلك يرفع عنك الحاجة يعني ثم يعرف قدرك ولا يمن عليك. زي الشافعي رحمة الله عليه ما قال ما حك جلدك مثل ظفرك فتولى انت جميع امرك واذا قصدت لحاجة فاقصد لمعترف بقدرك لكن تذهب الى رجل لا يحترمه وانت عنده لا في العير ولا في النفير ولا الكلام دوت ثم تطلب منه وبعدين تريد ان ترجع بغير هوان فهذا كان يعني ما فعشان كده الزهري هنا برغم بالمجالسته الامراء والكلام دهه ما كانش بيطلب من حد حاجة هم لانهم عارفين مكانة الزهري وقدر الزهري كانت الرحلة الى الزهر في المدينة وانت عارف زمان الخلفاء كانوا اصحاب دين وكان يهمهم العلم الشرعي ينتشر فان العلم الشرعي ينتشر. مين اللي هينشره؟ العلماء نجيب العلماء الموجودين في البلد ونجلسهم في المجالس والطلبة سيرحلون الى المشايخ. تبقى البلد عامرة انت عارف البصرة خربت بعد آآ وقعة الزنج. كت حصل فتنة كده ايام ابي داوود السجستاني وخربت البصرة ليه بيقتلوا في بعض فكل واحد يطلع من بيته يتقتل او يرمى بسهم فالناس اللي خايفين على آآ نفسهم وخدوا اولادهم والاسر بتاعتهم وفروا من الايه؟ من البصرة حتى خربت فاراد امير البصرة ان يرجع السكان مرة اخرى الى البصرة وخلي البصرة عامرة كده بالناس فكر في ايه قال لك اللي هيلم لي الناس تاني وترجع البصرة مأهولة بالسكان كما كانت ان ابا داود السجستاني سليمان الاشعسل هو صاحب السنة المشهورة سنن ابي داوود ييجي البصرة ويعقد مجلسا للتحديث الدنيا هتيجي على البصرة كده. قام رايح له قال له ايه انا عايز منك تلات حاجات. من ضمن التلاتة دول قال له واريد ان تعمر البصرة بك تريد اريد ان تعمر البصرة بك قال له نعم وعقد ابو داوود مجلسا للتحديث واذا طلاب العلم كالسيل المنهمر يزهبون الى البصرة ويسكنون في البصرة. لان طبعا آآ راح واد جاي من الكوفة وواحد جاي من بلاد ما وراء النهر والكلام ده كله ايه عشان آآ يأخذ من اجل ابي داود الاحاديث مش هيروح بقى يروح ويرجع فبيسكن في البصرة لحد ما تنتهي المدة التي حددها لنفسه حتى يأخذ بعلم ابي داود يبقى كانوا يعلمون ان العلماء هم الذين يجمعون الناس فكان فيه اهتمام بالغ باهل العلم لا سيما الصفوة منهم لان مش اهل العلم مش كلهم على درجة واحدة من اللمعان ولا من النباهة بل يتفاوتون في ذلك مالك مسلا كان في المدينة كانت تشد الرحال الى آآ المدينة كانت رحال تشد الى مالك في المدينة وآآ مالك رحمة الله عليه كان ملكا بغير تاج كان ملكا بغير تاج فعمرت المدينة مكة عمرت بسفيان ابن عيينة وعمرت بابن جريج وهؤلاء المهم ان الزهري بعد ما اغروا به والكلام ده قال خلاص احلني ولم يستطع هشام ابن عبدالملك ان يتخذ قرارا بابعاد الزهد لان دي هتبقى مشكلة عليه. زهري امام من ائمة المسلمين وكان لامعا ومرموقا والدنيا كلها عايزة حديس الزهري يطلع الزهر من المدينة ازاي ما ينفعش فعشان كده انا بقول طول مطالب العلم مستغني آآ صاحب همة يعني انت تستطيع ان تعود الفقر ان ان تعوض الفقر بعلو الهمة انك انت الكتاب اللي مش عندك تنسخه تعمل له ملخص طالب علم المستعجل فاحنا دلوقتي في زمان السلق بنسلق ما عدش حد بيطيب براحته بنسلق كله بيسلق دلوقتي يقول لك لسه هكتب الكتاب مع انه لو كتب الكتاب لحفظه وفيه طلبة علم عندهم كتب بقى لها سنين طويلة ما شدش الكتاب من على الرف وتلاقيه هيتهبل عشان يجيب الكتاب ويستدين عشان يجيب الكتاب ومد ايده لاي حد عشان يجيب الكتاب. ومع زلك لا يقرأ في الكتاب لا انا بقول لك لو كتبت الكتاب نسخت الكتاب عملت ملخص الكتاب حتى لو على فترات متباعدة يبقى علو الهمة بيعوض الايه؟ يعوض نقص المال. يبقى انت عشان كده العلماء طائفة منهم كانوا ينهون العلماء ان يأتوا السلاطين السلطان عارف يجيبك ازاي رجل الاعمال يعرف يجيبك ازاي برغم ان قصدك حسن يعني انت مسلا لما بتروح لحد من رجال الاعمال تطلب مالا هو انت عايز الفلوس ليه عشان في محاويج من ابناء المسلمين وانت رجل مشهور والشهرة من اعظم ما يبتلى به المرء وانا ما عرفتش القصة دي الا بعد ما اه الشهرة زادت شوية لما دخلت في التليفزيون والكلام ده عرفت حقيقة البلاء وصرت اغبط الخاملين ليه جاي لك طوفان من الناس انت وزير الداخلية وانت وزير الدفاع وانت وزير المالية وانت وزير الصحة وانت وزير الهجرة وانت كل حاجة ده يجي لك يقول لك عايز اشغل ابني في الخليج انت راجل بتروح الخليج عايز عقد عمل للولد يا جماعة انا ما اعرفش حد اعرف امم بس ما خدتش تليفون حد خالص انا لو اردت ان اتصل باي حد في الخليج ما اعرفش اجيبه ليه مخدتش تليفونات حد وكنت بروح عشان اقدم محاضرات وارجع طب اعملها ازاي يقول يا عم الشيخ وزروف الولد وبتاع يتحايل عليه لدرجة ان هو يملك من كتر ما الالحاح وانا اقول له يا اخي انا ابقى افهمك انا ما احبش حد يلح علي انا ازا كان في مقدوري ان افعل شيئا سافعله من اول كلمة مش محتاج انك انت تقعد تزن على وداني لحد ما يضجرني اول امبارح جاي واحد بيقول لي ابني آآ خدوه في قسم الشرطة تعال طلعه قلت له آآ اطلعه لك ازاي ما اعرفش اطلعه لك يقوم يقول لي الله طب ما انت رح بس للمأمور وقول له مش عارف ايه والكلام ده تقول له يا ابني ما اعرفش انا لو كان لو كنت فعلا استطيع ان انا اطلعه لك انا ما اعرفش. بالاضافة لاني خدوه ليه ما انا لازم اعرف التاريخ بقى بتاعه واعرف القصة دي وانا راجل مش فاضي انا نازل عشان ادي محاضرة مش فاضي غير بقى اللي يجي لك عشان عنده مرض واللي عنده يدخل مستشفى واللي عايز يتزوج واللي عايز يتطلق واللي عنده ازمة نفسية واللي عنده وسواس قهري واللي عنده الكلام ده فكل واحد متصور ان الحل عندك. يقول لك انت اخر باب طرقت الباب الفلاني والفلاني فقلت بس انت اللي هتخلص لي الموضوع. ما اعرفش والله يا ابني اخلصه بيبيع عبء عبء كبير وبتطلع في الاخر اه ملوم تخرج ملوما في النهاية لان انت ايه راجل منتاش جدع وما عندكش مروءة مسلا بس ما عملتش للناس الطالبات اللي هم عايزينها يا اخواننا دي عايزة دولة مش عايزة شخص فيوم اي واحد من المشايخ ممكن احيانا يروح لحد من رجال الاعمال ولا حاجة يقوم يطلب عشان يسد ايه حاجة هؤلاء المحاويج ممكن يساء به الظن ويقال زاهب قعدته كلها مع رجال الاعمال وقعدته كلها مع الناس الكبراء ومش عارف ايه وفي الاخر. وزي ما بيقولوا ايه في المجلات والجرايد والكلام. يقول لك وفي اخر الجلسة الراجل صاحب الفيلا ولا صاحب مش عارف ايه وهاتوا له باكو كده وحطيتوه في مصروفه وحطيته له في جيبه كذب وافتراء قد يكون هذا موجود عند بعض الناس الكلام ده بس مش موجود مع العلماء الكبار اللي هم يعني اكرمه الله عز وجل وسترهم واغناهم والكلام فيقوم يساءوا ايه؟ يساءوا به الظن. فيقوم يأتي الرجل بقى العالم يقول لك طيب المصلحة والمفسدة العالم سمعة حتى وان كان قليل العلم لكن يمكن ان يؤتسى بسمته ودله وهديه حتى لو كان ساكت لكن لما تزال النعال خافقة على ابواب الاغنيا وابواب الامراء وابواب الوزراء وابواب المش عارف ايه والكلام ده يقوم الناس ايه يسيئون الظن لفيف من اهل العلم منعوا المسألة دي بتاتا واخرون فصلوا فيها تفصيل انا تكلمت فيه قبل ذلك اكثر من مرة لن اعود اليه. لكن انا عايز اقول ارجع واقول ان الزهري كان عنده من قوة النفس الكلام مع هشام بن عبدالملك امير المؤمنين بسبب انه مستغني انت اللي سديت ديني انا ما طلبتش منك ولا مليم. ولا قلت لك انا مدين ومحتاج كزا كزا كزا كونك انت تصدقت لا تمن ما تقوليش بقى اللي عليك الف اي الف. لان انا ما طلبتهاش انت اللي تبرعت بها فليس لك عندي شيء ده يبين لك شخصية العالم يخلي الحاكم لو كان ذا مروءة مش هقول ذا دين يعني يحترم العالم ويعرف ان الرجل ده رجل محق فعلا. ممكن يعاديه يعني ممكن الامير يعادي هذا العالم لكن يحترمه ويعرف انه لا يبدل وانه لا يغير وانه اذا قال كلاما فهذا هو الذي يعتقدوه من داخله غير ان الواحد بقى يلعب سياسة والسياسة انت عارف ما لهاش مبادئ ولا اخلاقيات السياسة حيث توجد المصلحة ايا كانت المصلحة لو حتى ابليس هو الذي املاها هي مصلحة تلاقي سياسة مع ابليس. ما تفرقش الغاية تسوغ الوسيلة قعد الميكافيلية دي فممكن انا عايز آآ مسلا ابقى غني ما فيش معنى اقتل واسرق وارتشي اهم حاجة انا عايز الفلوس اما الغاية اما الوسيلة التي ذهبت بها لهذه الغاية قال لك ما يهمنيش فالعلماء لعزة بضائعهم يترفعون عن مسل هزه الاماكن اللي فيها مشاكل اللي فيها مشاكل اه ابن خلدون ذكر في المقدمة انه كان يجلس مع بعض الناس من اصحاب الوجهات ووقع تحت ايديهم زي ما تقول دفتر حسابات آآ فيه مرتبات موظفي الدولة فقام لقى بقى الامراء والوزراء وولاد الوزراء ومش عارف اللي على بيت المال واللي على ايه واللي على ايه لاصحاب المناصب الادارية في البلد يعني وبعدين لقى مرتباتهم مرتفعة نزل للعلماء واذا مرتبات العلماء متدنية قليلة فلفت نزره القصة دي فسأل صاحبه ايه ده ليه دول دايما مرتباتهم مرتفعة والعلماء اللي هم يعتبروا الجهاز المناعي للامة هم العلماء ما فيش حد ممكن يكون هو الجهاز المناعي الا العلماء بس فقط علماء الشريعة ليه؟ لان علماء الشريعة يدلون الناس على الله هو كل الزلازل والمهلكات والعواصف والبراكين الرعد والبرق ده كله ليه ده كله بسبب ذنوب العباد فدمدم عليهم ربهم بذنبهم فسواها وشف زلزال هايطي اكتر من متين الف في تلاتين سانية تلاتين سانية يعني فتح عينك وغمضها تلات مرات لو اني دولة عظمى كاسحة دخلت بالاسلحة الفتاكة والكلام ده ما تعرفش تبيد المتين الف الا في خلال عدة ايام لو رمت قنبلة نووية ما تهلكش القصة دي كلها الا في كم يوم او في عدة ساعات على الاقل لكن زلزال تلاتين سانية يكون النتيجة اكتر من متين الف قتيل سيبك بقى من الجرحى بقى واصحاب العاهات المستديمة واللي اتكسر له دراعه واللي اتكسر له الحوض واللي اتكسر له آآ ناس بقى خد المرضى واصحاب العاهات خد بالالوف المؤلفة الذين نجوا فكل الحاجات دي بتبقى انذار. كما قال تعالى وما نرسل بالايات الا تخويفا فيقوم من الذي يدل الناس على على مساخط الله يقول اياك ان تقترب من هذه ويدلوه على ما يحب الله يحذر الناس من مساخط الله يدل الناس على ما يريد الله. هم علماء الشريعة عشان كده هم الجهاز المناعي للامة ايام عايزة تنتصر وتعز لابد ان ترفع علمائها وتحترم العلماء ولا تضعهم في مواضع التهمة. ما يبقاش العالم متهم خلاص خلص دوره عند التهمة المعلبة موجودة على الرف ارميه بها لا علماء الشريعة لا ينبغي ان يعاملوا بالسياسة التي لا دين لها ولا اخلاق النهاردة انا رجل مسلا خطي معتدل انت كرجل سياسي اداري شايف انك انت ان انا كويس لا بعمل قلاقل ولا بعمل زلازل ولا بقلب الناس ولا بعمل حاجة ولا بتاع. مية مية. ماشي كويس والناس بتسمع لي وهادية وكويسة ولا آآ اضرابات ولا انقلابات ولا مظاهرات ولا الكلام ده يقوم يقول لك مسلا ايه سيبه ما بيضرش بالعكس احنا محتاجينه بس هو عامل له خط احمر اهو طول ما هو ماشي في المسافة اللي انا عايزها والله ده يعتبر شغال ببلاش لابد له مرتبات ولا بدي له حاجة ولا الكلام دهوت وشغال لي ببلاش خليه شغال مشي بدأ يتقدم بقى خطوة خطوة وخطوة للامام والناس بتلتزم والناس بدأت بها الفتوى بتاعته هي تبقى هي المسموعة ومش عارف ايه والكلام ده وعايز يتجوز يستفتي العالم عايز يطلق يستفتي العالم عايز ياكل يستفتي العالم عايز يسافر برة يستفتي العالم بقى مرجعية ها فكل يوم عمال يكسب ارض. يكسب ارض ايه؟ الناس عمالة تلتفت حواليه وصل للخط الاحمر ده بقى خطر يقوم يعامل هذا العالم معاملة خير الحكومة خير الحكومة ان الحصان او الفرس او الحمار اللي شغال لما يبقاش منه منفعة بياكل فول وما بيشتغلش ندي له رصاصتين رصاصة الرحمة ها فيقوم يقول له ايه موضبين له تهمة وفي حاجات ما فيش بني ادم في الدنيا ما يتاخدش عليه مآخذ ابدا حتى لو لم يقصد حتى لو لم يقصد يعني مسلا الكلام اللي انا قلته الحلقة اللي فاتت لما بقول عايزين شباب يدرس المصادر الاصلية عايزين كوماندوز عايزين حرس حدود عايزين شرطة الموت وبالمناسبة لما حكيت لكم الحكاية بتاع الاخ اللي انا لقيته على آآ بابس البيت عندي وقال لي انا من شرطة الموت. هذا الاخ لما خرجت من الحلقة علمت انه مات اه يعني الحقيقة صدع قلبي انا لم اره الا هذه المرة ربما كان بيحضر في محاضرات ربما التقيت به لكن انا مش حافز وشه يعني. لكن هو كان آآ كما قال لي بعض اخوانه كان هو في صيدلة آآ جامعة ستة اكتوبر وآآ هو من اسيوط هو وبعدين هو رايح آآ مسافر في مرة من المرات حصل حادث فمات الطريقة نسأل الله ان يرحمه وان يرفع درجاته في المهديين فالنهاردة مسلا لما اجي اجى مصطلح زي ده شرطة الموت ممكن الكلمة دي تتعان على جنب وممكن يؤخذ المرء بها. شرطة الموت اه يعني انت بتاع بقى العمليات الفدائية والانتحارية ها مش انت بقى حرضت وبتاع وفلان الفلاني سمع شرطة طول الوقت وما خدش باله منها وما خدش باله من المصطلح وقام واخد بندقية وراشش له رشتين ومش عارف ايه وبتاع انت بقى المتهم وانت مفتي التنزيم لكن يا جماعة انا ما ما قلتش كده ولا اقصد كده وموضح تماما ان كلمة شرطة تموت حديد واخد كلمة واخدتها من حديس ابن عباس وقايل معناها ايه ها عايز رجالة عشان يدرسوا البخاري ويدرسوا مسلم ويدرسوا بتاع ما لهاش علاقة بالتكتيك ولا بالتكتكة ولا لها علاقة بحاجة خالص. ها فيقوم ايه؟ يعامله علماء الشريعة هذه لا احنا بنقول ده بيبقى من قلة التوفيق ليه؟ لان العالم في النهاية يريد المصلحة العامة للمسلمين طالما ان احنا الخط بتاعه جيد ممكن انا اخد وادي معه اقول له والله الكلمة دي ممكن تتفهم غلط انا نفسي فهمتها غلط فهل ممكن تتطوع وتفهمها صح عشان ما تتفهمش غلط واستبقي جهد هذا العالم الذي علم هؤلاء وجمع هؤلاء ويتكلم بلسان الشريعة يأتي بالقرآن ويأتي بالسنة ويأتي باقوال العلماء السابقين قال فلان كذا وقال علان كذا يعني قول انا ما اخترعتوش من عندي ها يقوم تتنزل بقى الرحمات تتنزل الرحمات. فعشان كده احنا بنرجع ونقول العلماء دول هم الجهاز المناعي للامة ابن خلدون لاحز بقى ان العلماء اللي هم الجهاز المناعي المفروض ياخدوا اعلى المرتبات عشان يعزوا بعز الذي يحملونه من الوحي قرآنا وسنة لقى المرتبات متدنية فقعد يتناقش مع مين؟ مع صاحبه فابن خلدون قال له ايه بقى قال انما كان ذلك لعزة بضائعهم لعزتي بضائعهم العلم مانع من ان تريق ماء وجهك عند عند اي انسان كائنا من كان وكل شيء بقدر حتى العجز والكيس العالم يحافظ على مروءته واي رجل الدين يصدر عن الدين لازم تبقى عنده مروءة الا ازا كان عنده خلل في فهم الدين يعني آآ الزبير العوام والحديث في صحيح البخاري وحديث ممتع لما وقف في الصف ايام بقى القتال اللي كان بين علي ومعاوية رضي الله عنهما نادى ابنه عبدالله بن الزبير وآآ قال يا بني لن يقتل اليوم الا ظالم او مظلوم لن يقتل يوم الا الظالم مظلوم واني ساقتل مظلوما فادي ديني الدين الزبير ابن العوام كان مليون وستمية الف مليون وستمية الف قال يا بني انا تركت دورا وعقارا بع كل هذا فاذا عجزت عن سداد ديني فاستعن بمولاي فقال عبدالله بن الزبير فوالله ما دريت من مولاه حتى قلت له يا ابي من مولاك؟ قال الله قال فما وقعت في كربة من كرب دين الزبير الا استعنت بمولى الزبير فقضاه طب الزبير العوام الدين ده جه ازاي ده لا كانوا آآ بيتفسحوا ولا بتوع منجهة ولا بتوع اكل مش عارف ايه ولا الكلام ده ييجي عليه مليون وستمية الف ازاي كان الناس يستأمنون الزبير ابن العوام على الامانات عندي مبلغ خايف عليه اقول للزبير شيله عندك فيحتفظ به الزبير فالزبير بقى ممكن الامانات اللي عند زبير تتسرق يدخل علي بابا وشركاه يشيلوا الخزنة ويمشوا طيب لو جه صاحب المال الذي اعطاه للزبير وقال له مالي؟ قال له والله يا علي بابا ومش عارف ايه وشال الخزنة الراجل هيصدقه يقول له لأ معلش فخشي الزبير ان تضيع مروءته اذا سرق المال ولم يضمن لم يستطع الضمان انه يسد المال فكان كلما اتى انسان بامانة يقول لزبير يعني آآ احفظها لي يقول له اجعلها دينا علي مش امانة فكده الزبير كتف نفسه لان ممكن الانسان الضامن ممكن الانسان المؤتمن لا يضمن اذا لم يفرط وحاطط الفلوس في خزنة مسلا اتنين طن ولا حاجة جم جماعة شالوا الخزنة على غير المعتاد وعلى غير قوة البشر وشالوا الخزنة والبتاع والكلام ده. وانا محترز وقافل الابواب وعامل اقفال ومش عارف ايه وحاطط حراس واتسرقت. لا اضمن لكن خشي الزبير رضي الله عنه ان تضيع مروءته بين الناس فكان كل واحد ياتي ياتيه بمال يقول له اجعله ايه اجعله دينا علي حفاظا على مروءته فاي واحد تدين تدينا صحيحا لابد ان يكون صاحب مروءة لان الدين كله كل الدين بيأمر بمكارم الاخلاق ابن خلدون قال ايه لما لقيت المرتبات قليلة قال ذلك لعزة بضائعهم وانهم لا يريقون ماء وجوههم عند اصحاب الدنيا وشوف نموذج من من من هؤلاء الخليل ابن احمد الفراهيدي الكلمة دي يعني عجباني جدا وكلما جاء هذا الموضوع انا اذكرها ليه؟ لان منزلة الخليل كانت منزلة عالية جدا. خليل ابن احمد الفراهيدي صاحب كتاب العين. واول من وضع مهجما عربيا وهو اول من بحر بحور الشعر لما دخل سوق النحاسين في القصة المعروفة وعمل للشعر آآ بحورا وتفعيلات والكلام ده وكان رجلا من افراد الزمان وهو استاز سيباويه الذي يضرب به المثل في ايه؟ في النحو امام اهل البصرة ارسل اليه امير المؤمنين وكان يعيش في اه اه شيء يشبه الخس كوخ يعني وكان تلاميذه يأكلون الدنيا بعلمه يتعلموا العلم عند الخليل بقى صار عالما في العربية او صار عالما في الشعر اول ما ينبو الخليفة ياخده من الايه؟ من الحاشية بتاعته فيتمتع بقى بمزايا القرب من الخلفاء ها المال بقى والاكل الجميل والفراش الناعم والبتاع والكلام ده في الوقت اللي استازهم الخليل بن احمد عايش في ايه في خص فقام امير المؤمنين بعت له ايه او الوالي بعت له آآ رسالة يقول له يعني اإليك يعني ترغب منا وصلا او نفقة او تريد ان نصلك بشيء انت عارف قال له ايه قال له جملة واحدة تدل على عزة بضاعة العالم سيبك من اشباه العلماء واللي لابسين زي العلماء واللي عاملين نفسهم علماء. باتكلم انا عن العلماء بعت له سطر واحد قال له اني مستغن عنك بالذي اغناك عني وهو الله عز وجل بالذي اغناك عني. ليه؟ لان الامير ده ما جاش في يوم من الايام الى الخليل ابن احمد وقال له والله علمني بحور الشعر او علمني العربية او علمني ازاي الكلمة الثلاثية تطلع منها عشرة خمستاشر كلمة تجيب الحرف الاولاني في النص والاخير في الاول وبتاع وتطلع كلمات فانت انت مستغن عني فانا ايضا مستغن عما في يديك ادي كلام الخليل ابن احمد الفراهيدي فطول ما العالم عنده عزة بيبقى محترم حتى لو مختلف مع الامير الامير يحترمه ويعرف ان هو لا يبدل ولا يغير ولا بيلعب على الحبال ولا بيغير الاقوال ها ايام ما كان استاز غلبان كان كلامه من الكتب بعد ما ترقى منصب من المناصب العليا قام مبدل الكتب ونسي المسألة عايزة ايه المشهد يحتاج الى فتوى تفصيل نفصل له الفتوى النقاب زمان وانا لسة استاز ولا حاجة كان بيقول بوجوبه الائمة الثلاثة ابو حنيفة والشافعي واحمد لم يقل يعني بعدم الوجوب الا مالك خلاص ده لما كت ايه انا بقرأ من الكتب لما قفلت الكتب وبقيت بقرا المشهد السياسي ما بقراش كتب بقى اقرأ المشهد السياسي يصبح النقاب بدعة ضلالة ويصبح النقاب لا اصل له في الاسلام ويصبح ازاي طب ده انا ممكن افهم يعني لو في الاول انا قلت مسلا النقاب من وجهة نظري آآ مباح قلت كده وبعدين بدلت الفتوى فيما بعد وقلت ايه؟ لا اصل له لما اجي اسألك واقول لك ازاي غيرته يقول لك يا اخي تغير اجتهادي ها كنت ارى بدلائل علمية ان النقاب مباح الان رأيت بدلائل ظهرت لي لم تكن ظهرت لي قبل ذلك انه بدعة تبقى المسألة بالرغم انها فجة برضه بس ايه؟ قريبة لكنني انقل كلام علماء والنقل ده يا صادق يا كاذب ما يقدرش يقول تغير اجتهادي. لان انت لما بتيجي تقول هو واجب عند ابي حنيفة والشافعي واحمد ده صار نقلا وليس اجتهادا. ما عدتش فتوى انا الان اطالبك بتصحيح النقل لما قلت واجب عند الائمة التلاتة هل كنت تكذب عليهم وتكلم اي كلام من كيسك ولا الائمة قالوا هزا الكلام الائمة قالوا هزا الكلام طيب لما خالفت الائمة الذين يقولون بهذا او نكتشف في الكتب ان الائمة ما قالوش كده الائمة قالوا مستحب بس هنفترض يعني قال له مستحب بس يبقى كذب في دعواه النقل عن الائمة انهم قالوا بالوجوب يعني المسألة اللي عايز اقوله ما عدتش مسألة اجتهاد ورجعت عنه حتى يقال المسألة قريبة لأ ده نقل لما تيجي تقول النقاب لا اصل له في الاسلام وانت من شوية قبل كده ناقل لي عن ابي حنيفة والشافعي واحمد انه واجب الكلام ده ممكن افسره بايه فاذا كان الانسان ممكن بهذا يتصور انه سيتبوأ منصبا اعلى من المنصب الذي فيه فهو واهم حتى اذا كسب المنصب فحسابه امام الله عسير يا رجال الدين يا ملح البلد من يصلح الملح اذا الملح فسد هم اللي وازنين الطبخة كلها هم اهل العلم فعشان كده احنا بنقول اهو بنرجع ونقول اذا تمسك العالم بما انزله الله عز وجل في القرآن المجيد وبما قاله النبي صلى الله عليه وسلم وتكلم بحكمة وليس بغشم ده كتير بقول ممكن يكون معك دليل صحيح تضعه في مكان لا يحتمل هذا الدليل الواقع غير ملائم تعمل مشكلة لنفسك ولدعوتك ولبلدك كلها بل ولامتك الاسلامية كلها اذا كنت مسموع الكلمة ليه؟ والدليل برغم انه صحيح لكن الواقع غير ملائم ولزلك اجمع اهل العلم على انه يجوز ان يكتم المرء بعض العلم الذي لو اظهره احدث فسادا انا بقول الكلام ده ليه؟ لان كتير من الاخوة اللي بيبعتوا رسائل يأتون على قضية من قضايا المشتعلة على الساحة ويقول لك انت لماذا لم تتكلم فيها حتى الان لماذا تجبنون لماذا لا تقولون الحق في المسألة الفلانية والمسألة الفلانية والمسألة الفلانية وينسى ان هذا اصل عند اهل العلم نعم في مسألة على الساحة موجودة انا لم اتركها ولم اتكلم اما لان ليس عندي معطيات حقيقية استطيع ان اوسع عليها فتوى ولازم الناس تعرف كده المسألة مش مسألة حماس مسألة ان انا اتنطط واسرخ واهيج الدنيا. القصة مش كده خالص الكلام ده يرضي العوام لكن اهل العلم لا يصدرون عن هذا حتى وان خالفتهم لما مسلا اه في اه اه حرب الخليج التانية لما صدام حسين دخل الكويت ووصل للجنة الفتوى برئاسة فضيلة الشيخ العلامة الشيخ ابن باز رحمة الله عليه ومع العلماء الافاضل الذين مات اكثرهم ودخل لهم تقرير من الدولة بتقول مثلا ده انا بفترض كده يعني تقرير من الدولة تقول ان صدام حسين آآ سيدخل الى المملكة وسيهدم الحرمين ها على اساس انه رجل بعثي ومش عارف ايه والكلام ده خلي المعلومة غلط ها لا هيهدم ولا يحزنون. خلي المعلومة غلط. وهيدخل يشعل ابار البترول اللي موجودة في المنطقة الشرقية وبالتالي حتبقى قنبلة موقوتة تولع في المنطقة الشرقية كلها ويمتد الولعة دي للمش عارف المحافزات الاخرى والكلام ده. لو وصل تقرير بهذا الى مفتي وقال لك ممكن نستعين بقوات اجنبية علشان خاطر القصة اللي هتحصل دي انت كمهتة لما يصلك هذا الكلام تقول نعم يجوز كلامي الان ضرب مثل مش رأيي انا الشخصي هل يجوز الاستعانة ولا لا يجوز؟ المسألة فيها تفصيل عند اهل العلم الجواز واضح من حيس الادلة لكن الجواز يحتاج الى حاجة جنبيه ها اللي هي بقى ايه؟ الواقع الملائم او قراءة الاحداث وهل الفتوى دي تصلح في هذا المكان ام لا لان انا ممكن آآ استجير من الرمضاء بالنار صح يجوز الاستعانة بقوات اجنبية. بس الاجنبي ده لو دخل هل سيحدث من الفساد اعظم مما سيحدثه الغازي اللي هو صدام حسين ولا لا؟ عايزة قراءة اخرى عشان اقدر انزل الادلة عليها فانا الكلام اللي انا بقوله مجرد ضرب مثل ما اقصدش ان انا اجيب القضية واحقق فيها واقول آآ الدليل كزا ودليل دول كزا والترجيح كزا لكن انا بقول لو ان اي مفتي في الدنيا قدم له تقرير خليه تقرير كذب مغلوط غير حقيقي انا رجل لي معطيات محطوطة امامي باقرأ المعطيات وعلى ضوء هذه المعطيات اقول الفتوى بخصوص هذا الموضوع المكتوب امامي كذا كذا كذا هذا الكلام قد يغضب الجماهير التي لا تعرف الحقيقة. ويتهم المفتي بالعمالة للدولة وانه منافق وان الدولة اشترته والكلام ده وهذا الكلام كله ايه؟ غير حقيقي. يعني اذا في بعض الاحداث لم نتكلم فيها مش خوفا من حاجة الحق نصرح به ولا نجمم وما قدر سيكون لكن لازم يكون عندي معطيات صحيحة ان احنا نقعد نتكلم بالعلم ها مش بالمغرفة بنتكلم بعلم اديني معطيات صحيحة اعطيك جوابا صحيحا. ادتني المعطيات غلط يبقى الجواب هيطلع غلط لا تلمني ولكن لوم الذي اعطاني المعطيات فان اهل العلم يعرفون كيف يتكلمون وكيف يؤسسون وكيف يبنون الفروع على الاصول ما يبقاش العالم هو الايه؟ العالم هو المتهم. كل ده يا اخواننا انما يدخل في ايه؟ في مسألة عزة العلم عزة العلم اذا تدين المرء بالعلم عز به وارتفع حتى عند خصمه يقول لك ما بيغيرش ما بيبدلش انا صح مش عاجبني الخط بتاعه بس محترم ها وممكن يوقفك وممكن يعاقبك وهو معتقد ان انت راجل ما بتغيرش لكن الاوامر جت اعتقلوا امنعوا آآ مش عارف يعمل فيه ايه يخلي ايه؟ هو من قرارة نفسه بالداخل يحترمك ويعرف انك انت مزلوم لكن هو يبرر لنفسه القصة ايه يسوغ لنفسه القصة ويقول آآ اوامر وجات لي والكلام ده فانا عايز نستفيد من آآ القصة اللي قدامنا دي رد الزهري على هشام ابن عبدالملك والانفة التي آآ تحلى بها الزهري وآآ الرد بتاعه حتى ان هشام ابن عبدالمالك في النهاية قال ايه لا نريد ان نهيج الشيخ مش عايزين نزعله وآآ مضى هذا المجلس. يبقى ده لنا فيه عبرة وبانت شخصية الزهري كرجل يتدين بالحديث وكان الزهري من احفظ الناس وكان يقول افة العلم النسيان وحياته المذاكرة حياته المزاكرة طلبة العلم ينبغي ان يستفيدوا من هذا يعمل مذاكرة مش منازرة هناك فرق المذاكرة بتستفيد منها اولا ان تعرف قدر من تناظر من تذاكر وداخلين مش داخلين عشان نفطس في بعض ولا داخلين علشان ابين ان انا اعلم منك. لأ احنا داخلين نستفيد اقول مسلا الموضوع الفلاني ماذا عندك فيه يقول عندي كزا كزا كزا كزا كزا خليني انا مخالف له في الرأي اقول طيب ما هو انت كيف تجيب عن دليل فلان يقول اجيب بكذا وكذا وكذا. اقول له طب ما في اعتراض هيرد عليك وهو كزا وكزا وكزا ها يبقى ايه المذاكرة فتح باب الفائدة والمناظرة حرمان من الفائدة. المناظرة داخل عشان ابين انا اعلم منك وانت ما بتفهمش ، انا اللي بافهم فانا بقول لطلبة العلم ينبغي ان تعيدوا مجالس المذاكرة انك انت تعرف ما عند اخيك من العلم. مش داخل عشان تقول له اللي عندك غلط واللي عندي صح فالزهري لما كان يذهب الى مشايخه وهم كثر يا سعيد المسيب عروة مسلا ابو سلمة ابن عبدالرحمن علقمة ابن ابي وقاص الليثي والجماعة دول فعايز يحفز الحديث او المجلس اللي هو حفظه فعايز يايه يكرر فيقوم كان عنده جارية ييجي من بالليل كده من عند اي واحد من المشايخ يلاقي الجارية نايمة يصحيها يقول لها قومي تقوم بقى ايه عمال تفرك في عينيها بقى ولسه بتحلم ها؟ يعني لسة بتحلم مش مش واخدة بالها انها قاعدة يعني فيوم الزهري يقعد يقول لي حدثني سعيد عن ابي هريرة حدثني ابو سلمة عن عائشة حدثني عروة عن عائشة حدثني مش عارف مين عن مين عن مين عن مين ويقعد يقول لي الايه الاسانيد والمتون والكلام ده بيسمع لنفسه بيسبت الحفز يعني الجارية تقول يا سيدي ما لي ولسعيد؟ ما لي ولابي سلمة انا مالي ومال الجماعة دول يعني مصحيني وقالق من امي والكلام ده فيقوم يقول لها الجملة دي كده يقول لها افة العلم النسيان وحياته المذاكرة دي كانت طريقة الزهري لما يحب يسبت الايه؟ لما يحب يسبت الحفظ كان الزهري اه اه كان الزهري سلفيا اعادة كل الامة المسلمة الا المبتدعة سلفيا يعني ايه يعني متبع وليس مبتدعا ادي كلمة سلفي لي سلف فيما اقول لي سلف فيما اقول يعني لم اقل هذا الكلام من تلقاء نفسي فكان اذا مر به شيء آآ لا يفهمه يقول امروا الاحاديث كما هي. زي لما سألوه عن حديث ابي هريرة لا يزني الزاني حين يزني وهو مؤمن الى اخر الحديث. قال من الرسول البلاغ امروها كما جاءت لان ممكن العالم لا يستحضر يعني فهم الدليل في الحال طب هيردوا يقولوا الكلام ده مش معقول والكلام ده مش راكب على دماغي والحدوتة دي ده الاسناد صحيح واديكم شايفين في الحكاية اللي فاتت لما هشام ابن عبدالملك قال له للزهري من تولى كبره قال علي عمل ايه الزهري اتى بالاسناد الذي يدل على صدق ما معه من النقل لما روى عن اربعة من عيون شيوخه من عيوني شيوخه فعل مسيب وعروة بن الزبير عبيد الله بن عبدالله بن عتبة وعلقمة المقاص الليثي قال حدثني هؤلاء الاربعة عن عائشة انها قالت ان الذي تولى كبره هو عبدالله بن ابراهيم بن سلول. يعني المسألة جاية من المنبع بس قضى على القصة كلها بالايه؟ بالاسناد يبقى طالما صح الحديث وند فهمه عنك ومش قادر تفهم الوجهة بتاعته كله الى عالمه قل الله اعلم انا لاعلم لي في ذلك سل غيري ربما يكون عنده ايه؟ علم وكان في احاديس الصفات ايضا اذا مرت به احاديس الصفات يقول امروها كما جاءت الجماعة بقى اللي مش فاهمين القضية يقول لك الزهري مفوض لأ التفويض شر من التعطيل خلي بالك من الكلام ده لانه كلام غالي التفويض شر من التعطيل لان التعطيل ممكن ترده الله! واحد يقول ان الله لم يكلم موسى تكليما ولم يتخذ ابراهيم خليلا ده ترد عليه عدل بالقرآن وكلم الله موسى تكليما واتخذ الله ابراهيم خليلا. ازاي تقول هزا الكلام؟ المعطل يعني ايه؟ ممكن تعرف ترد عليه. انما المفوض بيلعب بالالفاظ طب هل كان السلف يفوضون الجواب لأ ليه؟ لان ايه معنى التفويض التفويض ان تقول لا افهم هذه الكلمة ولا افهم معناها وده كلام غير حقيقي لانك مخاطب بلغة العرب والله عز وجل وصف القرآن كثيرا في القرآن بانه مبين مبين واضح حتى تقوم حجة الله بهذا الكتاب على الاولين والاخرين فلو كان هناك شيء غامض لا يعلم البتة لما قامت حجة الله على كل الناس فلابد ان يكون القرآن ميسورا مفهوما الرحمن على العرش استوى يقول لك ايه؟ السلف يفوضون اقول له غلط السلف لا يفوضون المعنى انما يفوضون الكيفية تيجي تقول لي استوى مش عارفين ايه معناها اقول لك لأ استوى معناها معروف علا وارتفع لان الله عز وجل بائن من خلقه ليس من خلقه شيء آآ منه ولا ولا فيه شيء من خلقه. بائن من خلقه. بائن يعني مرتفع استوى الرحمن على العرش استوى اي علا وارتفع يبقى الاستواء معروف في اللغة لكن لما تيجي تقول لي الاستواء والله ما انا عارف يعني ايه الاستواء ازاي الكلام ده طب ما هو مالك قال الكلام اللي احنا بنقوله لما واحد فعلا استواء قال له الاستواء معلوم والكيف مجهول يبقى انا بفوض الكيفية كيف استوى على العرش؟ ما اعرفش لكن يعني ايه استوى؟ اعرف وده معنى كلام مالك فما تقوليش بقى السلف كانوا يفوضون الصفات. الكلام ده غلط بهذا الاطلاق لكن اقول السلف كانوا يفوضون الكيفية فقط والقول بقى المتأخرين مذهب السلف اسلم ومذهب الخلف احكم. يعني السلف دول كانوا ايه عندهم لحمة راس ما بيفهموش يعني اسلم. يعني يقول لك ايه؟ آآ ابعدها وخلاص ابعدها وخلاص مررها مررها. مش عايزين ندخل في كلام وندخل في مشاكل ومش عارف ايه. السلف كانوا كده لا والله لقد كانوا ادرى بالله عز وجل واسمائه وصفاته من كل من جاء بعدهم يبقى العبارة دي عبارة خاطئة فيها تجني على السلف وفيها رفع للخلف الذين اظهروا البدع لكن انت عشان تصحي العبارة تقول ايه تقول مذهب السلف اسلم واحكم اه ده اللي انت تقدر ايه؟ تقدر تقوله. فلما كان الزهري يعرض عليه مسل هذا الكلام. كان يقول ايه؟ امروها كما جاءت ولا ايه ولا تتعرضوا لها آآ الزهري الكلام عنه كتير جدا والفوائد المستقاة من خلال تراجم العلماء يمكن ان يطول امرها وانا كنت النهاردة ناوي اخلص الاسناد الحقيقة واتكلم عن سعيد المسيب. لكن انا عندي اسئلة كثيرة جدا. يعني انا كان عندي آآ المرة اللي فاتت حوالي عشر ورقات قد اسئلة وجاي لي برضو اا مجموعة من الاوراق النهاردة آآ ادارة القناة بتقول لي ان الناس يلومونهم ان انا انهم لا يوصلون الرسائل اليه. لأ بيوصله الحقيقة الرسائل الي لكن الرسايل دي بتبقى محتاجة حلقة كاملة او حلقتين وانا مش عايز اخرج برة الموضوع لان احنا متأخرين جدا في ما يتعلق بكتاب الرقاق. فانا ان شاء الله في في الفترة القادمة دي ما بقي من البرنامج احاول اجاوب عن آآ ما تيسر من الاسئلة وان لم استوعب كل الاسئلة لانها كثيرة جدا يعني آآ يقول آآ سائل ما صحة حديث ابن عباس عن اه قص اللحية بعد قبضة اليد وقد سمعت بعض الناس يقول اذا كانت المخالفة لليهود والنصارى هي علة الحكم فينبغي ان يكون حلق اللحية هو السنة فهل هذا صحيح آآ الاول الحديث مش حديث ابن عباس الحديث حديث ابن عمر وهو موجود في صحيح البخاري بعد ما روى ابن عمر رضي الله عنهما عن النبي عليه الصلاة والسلام آآ اعفوا اللحى آآ قصوا الشارب وخالفوا اليهود والنصارى بعديها على طول قال الراوي وكان ابن عمر اذا حج او اعتمر قبض على لحيته فما زاد عن القبضة اخذه تحت القاعدة التي تقول الراوي ادرى بمرويه من غيره قال بعض العلماء الاعفاء هو اخذ ما زاد عن القبضة. قال لك لان ابن عمر لما نقل عن النبي صلى الله عليه وسلم اعفوا اللحى والاعفاء هو الترك ها كما قال تعالى ثم بدلنا آآ مكان السيئة الحسنة حتى عفوا اي كثروا الاعفاء هو ايه؟ هو تمام الايه؟ تمام الترك. قال لك ابن عمر كان متبعا فمش ممكن ابن عمر ها يروي حديث الاعفاء وياخد من لحيته يبقى الاعفاء من منظور ابن عمر هو الاخذ من اللحية الكلام ده قد يبدو وجيها عند بعض الناس ولكن الحقيقة غير ذلك الجزء الموقوف من الحديث خلاص المرفوع احنا عرفناه ان النبي صلى الله عليه وسلم قال ايه ؟ اعفوا اللحى وقصص الشارب المرفوع اي الذي قاله النبي عليه الصلاة والسلام الموقوف ما قاله الصحابي المقطوع ما قاله التابعي هنا بقى فعل لابن عمر يعني موقوف على ابن عمر. كان ابن عمر اذا حج او اعتمر قبض على لحيته فما زاد عن القبضة اخذه يبقى ابن عمر رضي الله عنهما جعل قيدين للاخذ من اللحية القيد الاول قيد زماني والقيد الثاني قيد موضعي القيد الزماني كان اذا حج او اعتمر في غير الحج والعمرة ما كان ابن عمر يأخذ من لحيته شيئا القيد الموضعي يضع ايه يأخذ ما زاد عن القبضة يأخذ ما زاد عن قبضة في الحج او العمرة لان من منظور ابن عمر رضي الله عنهما ان اللحية من جملة الشعر والشعر في النسك اما ان يحلق واما ان يقصر وطبعا حلق اللحية حرام لا يجوز فكان ابن عمر يحلق رأسه ويقصر لحيته اذا العلة التي جعلت ابن عمر يأخذ من لحيته هي النسك يأخذ ما زاد عن الايه؟ ما زاد عن القبضة. والا هناك صحابة اخرون كانت لحاهم وافرة كما ثبت عن علي ابن ابي طالب رضي الله عنه كانت لحيته سابغة ترى من الخلف وقد صح هذا عنه باسانيد صحيحة وآآ كثير من الصحابة كانوا يعني يعفون لحاهم بل النبي صلى الله عليه وسلم هو سيدهم وهو اللي كان يعفي لحيته ما اخذ منها قط والحديث الذي رواه الترمذي ان النبي صلى الله عليه وسلم كان يأخذ من طولها وعرضها حديث مكذوب موضوع لا يصح وما يعني آآ ثبت ابدا ان النبي صلى الله عليه وسلم اخذ باللحيته فهو يعني آآ الاسوة وهو القدوة دي الايه؟ الشطر الاول من السؤال. الشطر التاني انه يقول انه سمع بعض الناس يقول اذا كانت مخالفة لليهود والنصارى آآ الاخذ من ازا كانت اعفاء اللحية هو علة الحكم في مخالفة اليهود والنصارى فالمفترض النهاردة ان احنا نحلق لحانا. ليه؟ قال لك اليهود والنصارى مش يعني ملتحين ليه؟ قال لك القصص اهم آآ ملتحون وآآ الرهبان ملتحون والاحبار اليهود ملتحون والكلام ده. يبقى طالما انه سبتت انهم آآ مربيين لحاهم يبقى احنا ايه نحلق لحانا الكلام ده كلام خطأ لا شك فيه ولا يمكن ان يتورط فيه عالم الكلام ده يقوله واحد جاهل اه لكن ان يتورط فيه عالم؟ اه نص نص ممكن يتورط فيه متعلم ممكن يا ترى فيه مثقف ممكن يطفي فيه عالم لا ما يتورطش. ليه احنا عندنا النبي صلى الله عليه وسلم يقول ايه اعفوا اللحى قصوا الشارب خالفوا اليهود والنصارى وارفعوا خالفوا المجوس اسم الجنس المحلى بالالف واللام يفيد العموم قاعدة اصولية قاعدة اصولية العموم له صيغ والعموم اما ان يكون عموما لفظيا يتبع الصيغة او عموما ذهنيا او استعماليا مش هدخل في قصة العموم الاستعماري او العموم الذهني لكن هدخل في العموم عموم الصيغة ان انا بعرف اللفظ ده عام ولا لا بوجود آآ اداة من اداة العموم اما الالف واللام او ما ومن والاسماء الموصولة وآآ مسلا لفظة جميع وكل ومعاشر وكده دي اسمها الفاظ الايه؟ في العموم. منين ما تلاقي واحدة من دول في اي نص يبقى يفيد العموم الا ازا كان في قرينة صارفة عن هذا العموم خلاص فالنهارده النبي صلى الله عليه وسلم يقول خالفوا اليهود يبقى اليهود كلمة يهود اسم على جنس معين حلي بالالف واللام يبقى يفيد كل يهودي على وجه الارض السؤال يهود العالم يعفون لحاهم الجواب وانت مغمض لأ نصارى العالم وهم اكتر من اتنين مليار ولا حاجة يعفون لحاهم الجواب لأ يبقى اذا القس مش هو النصارى ده واحد منهم الحبر مش هو اليهود ده واحد منهم فلا تأتي بهذا العموم تنزله لي على شخص مخصوص يبقى انت كده ضيعت دلالة النص فلما النبي عليه الصلاة والسلام يقول خالفوا اليهود لا زالت المخالفة قائمة خالفوا النصارى لا زالت قائمة الى الجنة جميع هؤلاء السواد الاعظم يحلقون لحاهم. يبقى بقي اعفاء اللحية هو المخالفة نمنا وصبحنا الصبح فجأة كده لقينا كل نصارى العالم ملتحيين ووجدنا كل يهود العالم ملتحين تبقى نحلق لحانا اقول لك لأ برضو طب ليه ما بيقول لك خالفوا اليهود والنصارى اقول لك لان اللحية من سنن الفطرة سنن الفطرة هي القدر الثابت بكل شريعة لان الفطرة هي الدين ها الدين والدين عند الله الاسلام من يوم ان بعث الله عز وجل الانبياء الى ان تقوم الساعة. الدين الاسلام ما فيش نبي الا وهو مسلم يبقى الفطرة هي الدين والدين قدر ثابت لا يتغير. انما الذي يتغير الشرائع جملة الاحكام الشرعية التي يختص بها قوم دون قوم. هي دي اللي تتبدل انما الدين كدين لأ ما بيتبدلش. يبقى لو فرضنا جدلا ان كل يهود العالم التحوا كل نصارى العالم التحوا هؤلاء يبقى سلمت فطرتهم في هذه الجزئية يبقى انا في هذه الحالة لا احلق لحيتي لانني انا مطالب كصاحب رسالة سماوية او عفوا متبع لرسالة سماوية انا زي اليهود والنصارى في هذه الجزئية لان هذا من الدين الذي لا يتغير كما قلت مع تغير الايه؟ الشرائع. يبقى الكلام ده كما قلت كلام خطأ لا يصح آآ هل صح حديث عليكم بالسمع والطاعة وان تأمر عليكم عبد حبشي؟ نعم حديث العرباض ابن سارية اه عند اه اصحاب السنن اللي اوله ايه؟ آآ وعظنا رسول الله صلى الله عليه وسلم موعظة بليغة ذرفت منها العيون ووجدت منها القلوب وقلنا يا رسول الله لعلها موعظة مودع فاوصنا قال عليكم بالسمع والطاعة وان تأمر عليكم عدل حبشي وعليكم بسنتي وسنة الخلفاء الراشدين مهديين من بعدي الى اخر الحديث آآ يذهب سائل عفوا يسأل سائل عن حديث علماء امتي كانبياء بني اسرائيل هذا الحديث لا يصح لا اصل له ويسأل اخر عن ما حكم الاذان في اذن المولود هذا الحديث منكر لا يصح وان صححه الامام الترمذي حتى قال فيه حسن صحيح لان هذا الحديث تفرد به راوي اسمه عاصم بن عبيد الله وهو منكر الحديث ولم يتابعه احد على هذا الحديث. فالاذان في اذن المولود لا يصح والاقامة في اذن المولود حديثها كذب ها من من من اقام في الاذن اليمنى ومن اذن في الاذن اليمنى واقام في الاذن اليسرى لم تضره ام الصبيان كما قلت هذا حديث ايه آآ مكذوب لا يصح آآ يسأل سائل برضو عن حديث من قرأ سورة الكهف يوم الجمعة اضاء الله له ما بين الجمعتين هذا حديث ضعيف وعلته الاضطراب مضطرب سندا ومتنا حديث تسموا باسمي ولا تكنوا بكنيتي. هذا حديث صحيح يقول ايه فقهه يعني نقول هذا الحديث كان له مناسبة كان النبي عليه الصلاة والسلام الخاتم بتاعه ابو القاسم اه عفوا محمد رسول الله ده كان الخاتم بتاعه وكنيته ابو القاسم عليه الصلاة والسلام فمرة في من المرات وهم في جامع كده والنبي صلى الله عليه وسلم موجود كان واحد بينادي على صاحب له يكنى بابي القاسم ايضا فنادى صاحبه قال يا ابا القاسم فظن النبي صلى الله عليه وسلم ان الرجل يناديه فقال له لبيك قال لم اعنك مش انت. انا اقصد ده فحتى لا يقع احد في سوء الادب في مخاطبة النبي صلى الله عليه وسلم قال لهم هذا تسموا باسمي ولا تكنوا بكنيتي. من جعل هذا علة للحديث اجاز ان ان يكنى الرجل بابي القاسم بعد وفاة النبي صلى الله عليه وسلم ليه؟ لان الحكم يدور مع علته وجودا وعدما فالنبي عليه الصلاة والسلام حتى لا يقع انسان في سوء الادب في مخاطبة الرسول صلى الله عليه وسلم وهو حي قال له لا تكن بكنيتي. طب النبي صلى الله عليه وسلم آآ توفي يبقى خلاص زال زال المحظور فحينئذ يجوز ان يعني ايه يكتن المرء بابي القاسم. ان كان يعني الراجح عند الشافعية انه لا يجوز ان يكتمل المرء بابل قاسم يكره له ذلك سواء كان في حياة النبي صلى الله عليه وسلم او بعد وفاته عليه الصلاة والسلام آآ برضو آآ حديث من صلى آآ في مسجدي هذا اربعين صلاة كتبت له براءتان براءة من النفاق وبرأت من النار. هذا لا يصح اصلا كلمة مسجدي هذا انما المشهور من صلى في الجماعة اربعين صلاة اي مسجد وهذا ضعيف ايضا ضعيف ايضا فبعض الناس اللي صححوا الحديث مسجدي هذا قال لك يا اخي اذا كان المسجد العادي المسجد العادي ما لوش فضيلة معينة يعني آآ لو صلى اربعين صلاة تكتب له براءتان. فكيف بمسجد النبي صلى الله عليه وسلم القصة عندنا ما هيش قياس اصلا. القصة عندنا ثبوت النص ام لا النص لم يثبت فلا يجوز القياس عليه وهذا ضعيف وهذا ضعيف. يعني بس الاضعف مسجدي هذا واللي قبليه ضعيف وان كان بعض اهل العلم يعني يمرره او يجعل له اصلا وبعضهم يحسنه احاديث رحم الله امرء صلى قبل العصر اربعا هذا حديث حسن اه واحد بيقول نرجو ان نسمع رأيك في مسألة تضارب الفتوى وهذه الفوضى التي نعيشها على الفضائيات وغيرها طبعا ده عايز محاضر لوحدها او محاضرتين اه بواحد بيسأل على احاديث اللهم اني اشكو اليك ضعف قوتي وقلة حيلتي وهواني على الناس. الدعاء الجميل الرائق الذي يمس شغاف القلوب ولكنه بكل اسف الطفل لا اصل له ضعيف يعني بعض العلماء يقول لك ضعيف وبعض العلماء يقول لك ايه لا اصل له وطبعا كلمة لا اصل لها ودي اللي بتتقال دي كان زمان العلماء يأتون بالحديث المسند اللي فيه حديسنا فلان عن فلان عن فلان يقول لك هذا حديث لا اصل له اي من جهة الصحة وده كلام الائمة القدامى زي ابن حبان وابن عدي والدركوت والجماعة دول انما ائمتنا المتأخرين مصطلح لا اصل له مش زي المتقدمين يقول شيخ الاسلام ابن تيمية رحمة الله عليه قولهم لا اصل له اي لا اسناد له ما لوش اسناد بالمرة لا صحيح ولا ضعيف ولا موضوع لكن ائمة القدامى كانوا يطلقون هذه هذا المصطلح لا اصل له على الحديث المسند بس كانوا يقصدون لا اصل له صحيح اما علماؤنا المتأخرون كابن تيمية وغيره يقولون لا اصل له اي لا اسناد له. لان الاسناد هو نسب الحديث الاسناد هو نسب الحديث. وهذا حديث الطائف ده لا اصل له في الوجهين جميعا او من جهة الصحة لأ ما فيش اه يعني اي طريق صحيح لهذا الحديث. والذي وقفت عليه برضو ايه معضل ومراسيل وحاجات زي كده. برضو ايه يعني اسنادها ايه لا يصح آآ يسأل سائل عن احاديث اعمل لدنياك كانك تعيش ابدا واعمل لاخرتك كانك تموت غدا. هذا حديث مكذوب على رسول الله صلى الله عليه واله وسلم والحديث ده بيفكرني مرة بواحدة كانت في برنامج جماهيري والتقت بواحد على كوبري النيل وبعدين بتقول له ايه كان شخصية يعني له رتم بقوا كده يعني فبتقول له يعني قل لنا كده مبدأك في الحياة قال قول الله عز وجل اعمل لدنياك كانك تعيش ابدا واعمل لاخرتك كانك تموت غدا فالمزيعة قالت له صدق الله العزيم يعني ايه؟ يعني ايه ضغط على اقبالك كما يقال آآ يسأل برضو سائل يقول هل هناك آآ صلاة تسمى صلاة الاوابين؟ اه اه صلة الاوابين حديث وحديس زيد ابن ارقم الذي رواه مسلم في صحيحه قال صلى الله عليه وسلم صلاة الاوابين حين ترمض الفصال آآ ترمد من الرمضاء الفصال البعير الذي فصل عن امه كان بيرضع لبن وبعدين ايه اتفطم يعني تلاقي الخف بتاعه طري مش زي امه ولا زي ابوه ها ازا كان له ازا كان له اب يعني آآ الخف بتاع الجمال البعران الكبيرة دي من كتر ما مشيت ومشيت على الصحرا ومشيت فقام ايه الخف من تحت زي ما يكون مات فبيقوم يتحمل حرارة الايه؟ الجو وحرارة الرمل وهو ماشي عليها ومحمل وبتاع فيواصل انما الفصيل ده لسه الخف بتاعه من تحت طري فيقوم لو مشي على الرمل ما يستحملش الايه؟ الحرارة فيقوم يتنطط على الرمل علشان ما يقدرش يسبت الخف بتاعه مسلا خمس ست سواني على ما ينقل رجله فيقوم يتنطط وهو ماشي ايه فهو ده صلاة الاوابين في ذلك الوقت الذي تبدأ في حرارة الشمس في الاشتداد فيقوم يسخن الرمل فيقوم الفصيل ما يعرفش يمشي آآ بثبات كامه مثلا فيقوم يتنطط على الباب. ده احنا ممكن نقدره ها بمسلا من الساعة تسعة للساعة احداشر ونص مسلا او تسعة ونص لحداشر ونص سميت صلاة الاوابين برضو فضلها فضل كبير. لان في هذا الوقت هو ذروة السعي على المعاش آآ في الدنيا تلاقي الموزفين في شغلهم والتجار في تجارتهم واللي مش عارف فلاحين في اراضيهم والبتاع والكلام ده قل من يثبت لله عبادة في هذا الوقت عشان كده ايه يقوم يختص اللي يصلي في الوقت اللي معزم الناس لا يصلون فيه بسبب الانشغال عن الانشغال عن المعاش يقوم ايه يبقى يدخل ياخد ايه يعني فضل هذه الصلاة آآ حديث الغناء ينبت النفاق آآ في القلب هذا حديث ضعيف جدا وحديث من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب ضعيف حديث اذا رأيتم الرجل يعتاد المساجد فاشهدوا له بالايمان ضعيف ايضا علته دراج دراج ابي السمح آآ بيرويه عن ابي الهيثم عن ابي سعيد الخدري ودراج بالذات دراج ابن سمعان في في ابي في اب عن آآ ابي السمح ضعيف لكن عن ابي الهيثم العتواري وغيره آآ الترمزي بيحسن الحديث. يعني دراج ابن سمعان عن ابي الهيثم ضعيف. اما دراج عن غير ابي الهيثم ها العلماء زي الترمزي يحسنون اديس اهو هل حديث تأخير صلاة العشاء صحيح نعم صحيح قال النبي صلى الله عليه وسلم بعد ما ترك جماعة المسجد وجي آآ جاء له جائن فقال يا رسول الله نام الصبيان ونام الولدان ها ما كنش صلى العشاء لسه قال انه لا الوقت الوقت المستحب لصلاة العشاء هو نصف الليل انه لا الوقت لولا ان اشق على امتي لامرتهم بتأخير العشاء الى نصف الليل طيب يبقى احنا ناخر العشاء لنصف الليل نقول لك لأ اذا اخر المسجد كله او اخر الحي كله جماعة المسجد واتفقوا ان يؤخروا الجماعة الى نصف الليل فهذا مستحب انما ازا كان زي ما هو حاصل في الدنيا النهاردة بعد الادان بمدة بسيطة عشر دقايق ربع ساعة والكلام ده كل الناس يصلون فلا يستحب للرجل ان يؤخر العشاء الى نصف الليل. انما يستحب للمرأة ليه؟ لان المرأة الجماعة يعني غير مفروضة على المرأة فيبقى هذا الحديث فضله باق في حق المرأة. وفضله باق في حق الرجال اذا اخر رجال المسجد كلهم او رجال الحي كلهم صلاة العشاء الى نصف الليل آآ فاضل بس حديثين بس لان عارف الوقت خلص وآآ وعبدالحميد كل شوية يديني انزار طيب ماشي. عندنا حديث لو كنت وبيقول لي التسجيل هيفصل لو كنت امرا احدا ان يسجد لاحد لامرت المرأة ان تسجد لزوجها هذا حديث صحيح رواه جماعة اه من الصحابة يتجاوزون الاربعة عشر صحابيا اخر حديس بقى لا يتضلع من ماء زمزم منافق لا بنقول الحديس مش لفظه كده. الحديث ان يعني اية ما بيننا وبين المنافقين هو التضلع من ماء زمزم. بعض اهل العلم صح هذا الحديث زي الحاكم مثلا وزي البوصيري في زوائده على ابن ماجة. الحديث رواه ابن ماجة وهو الحاكم صحح هذا الحديث ولكن الصواب ان هذا الحديث مضطرب صحيح انا لها حديس ضعيف مضطرب ليه؟ حصل اختلاف على بعض رواته فيه عشان كده انا قلت انه بقى ضعيف معلم وبهذا يكون نحن ايه؟ يعني اجبنا عن بعض هذه الاسئلة وان شاء الله يعني اخر تلت ساعة من الحلقة القادمة ان جمعنا الله بكم مرة اخرى ولم يكن ثمة موانع نجيب عن بعض الاسئلة حتى نستوفيها جميعا باذن الله تبارك وتعالى. اقول قولي هذا واستغفر الله العظيم لي ولكم. وصلى الله وسلم سلم وبارك على نبينا محمد والحمد لله رب العالمين