ان الحمد لله تعالى نحمده ونستعين به ونستغفره ونعوذ بالله وتعالى من شرور انفسنا ومن سيئات اعمالنا. انه من يهده الله تعالى فلا مضل له. ومن يضلل فلا هادي له. واشهد ان لا اله الا الله وحده لا شريك له. واشهد ان ومحمدا عبده ورسوله ثم اما بعد. خطوة محتاجينها ايه؟ صحح الايه؟ القاموس وانا هاخد بقى الخيط من هنا واروح لموضوع اوهام الفهم وده كان اجابة السؤال اللي سألته لحضراتكم واحنا ليه مش بنفهم؟ انا الحقيقة لي اكتر من عشر سنين بحلل الظاهرة دي على نفسي اولا انا دايما افكر في نفسي قبل ما افكر في اللي بره بص واحد من ائمة القراءات الكبار كان يقول ايه لا تؤخذ معانيه الا مما يعانيه الموسيخي كان يقول لي عليها المكابدات بص الكلام اللي بيخرج من قلب مش عايشه ويخرج ميت والاموات لا يحيون الاموات انما الكلام اللي هيخرج من قلب عيشه في خروج حي ويستطيع ان هو يحيي غيره لذلك كنت دايما اقول للمعلمة مش مهم عندي ادائك بقدر مهمة عندي روحك مهم عندي جدا ان الولد وهو بيسمع المعلمة وهو بيسمعك يحس انك بتحب ربنا ان لما جت سيرة ربنا ما تملكتيش دموعك ان لما قلنا الله حس قد ايه انت مشتاقة ليه كلامك بيشب كده انت مش يعني ايه مش قادرة حاجة ما يملكهاش الانسان. الشوق هذا شيء لا يملكه الانسان. ما هو مش قادر يتمالك اقدامه حتى هو واخدهم ورايحين للميقات السم شوق اسرع من حركته حركة قلبه اسرع من حركة بدنه فما قدرش يتمالك نفسه انه يمشي على خطاويهم البطيئة قال له وما اعجلك عن قومك يا موسى؟ قال هم اولائي على اثري وعجلت اليك ربي لترضى. ما قدرتش استنى مش قادر استحمل ان حركة قلبه كانت اسرع بكتير من حركة بدنه فلقى نفسه مش قادر اصلا يمشي على خطاويهم هي القصة كده القصة ان انا بقول عشان كده انا عندي في المتدبر ما فيش حاجة اسمها معلمة هتعلم الواد سورة الفلق وهي ما عاشتش معنا سورة الفلق بفضل الله احنا عندنا المعلمات طالبات في المعهد. ولذلك حتى احنا السنة دي صممنا نظام الدبلومة عشان خاطر ان انا ادي المعلمة مساحة انها تعيش الرؤية دي اهم حاجة هي تعايش تكابد بأهلها لنفسها تدوق تبدأ هي بان تتدبر كتاب ربنا. تتعامل مع السنة ازاي انا كنت المعلمات يقولوا لي يا دكتور بص انا مش عايزة حاجة في الدنيا والله علمت ما علمتش بس بالله عليك ما تحرمنيش من الخير ده انا لقيت نفسي انا بحس وانا عايشة في كنف المباني ان انا كل يوم بقل وبزهق انا الصورة كل ما بعلم معانيها بحس بمعنى لا يخلق على كثرة الرد بحس بمعنى ان انا كل ما اقعد اردد المعاني احس ان انا ايه كأن لاول مرة بتكلم عنها او بسمعها. والله الذي لا اله الا هو يا اخوة انا في صور ممكن اكون شرحتها مسلا ميت مرة اقسم بالله كل مرة اشعر لها بنفس بريق المرة الاولى بل ويزيد ولو سمعتها مليون مرة مليون مرة لدرجة يجي عليها اوقات كده لو عطرت في محاضرة مسجلة عندي عايز اسمع تاني مشتاق ان انا اسمع عن عن ربنا هي القصة كده فلذلك انا عايز حضرتك بقى ندلف للاوهام دي ولو هم دي انا الصراحة قعدت افكر فيها مع نفسي الاول. قلت شريف طه يونس ايه الحاجات اللي خلتك ما كنتش بتفهم القرآن اكتشفت انها مش حقائق بقدر ما هي ايه او هنا ولذلك اصلا الكتاب ده كان اسمه اوهام الفهم بس انا سميته الهروب من الفهم عشان احكي الواقع لان الهروب هو ده الظاهرة وسببها الاوهام الاوهام كتيرة قوي بس انا عندي خمس اوهام رئيسية هتكلم عنهم اجمالا وخليني بعد كده اتكلم عنهم تفصيل هاتصور الخمس اوهام ان انا بحاور حضرتك فقلت لك هو انت ليه مش بتفهم القرآن قلت لي طب وانا ليه هفهم القرآن معي دي؟ انا ممكن اقرا وما افهمش قلت لك لأه سواني مين قال كده ده ربنا ذم اللي ما بيفهمش مين قال كده؟ ده النبي صلى الله عليه وسلم ذم القراءة بلا فهم ونهى عبدالله بن عمرو انه يقرأ طالما هي ايه ما يفقهش قال لي اه تصدق صح خلاص ماشي ما فيش مشكلة. بس بص بص اه ماشي هو صح يعني ما ينفعش اقرا وما افهمش. بس بصراحة القراية لا عايز اقرأ اكتر عشان عايز اخد حسنات اكتر قلت له مين اللي قال لك كده مين اللي قال لك ان انت القراءة بدون فهم اللي تقرأ اسرع اجرك اكبر قلت له انت عامل زي ايه زي واحدة دخلت على مامتها ماما جايبة لك هدية بقى كبيرة جدا. جابت صندوق كبير اربعة خمسة رجالة داخلين شايلينه. تمام؟ وبعدين ايه؟ افتح افتح غمضي عينيك غمضي عينيك وجت فاتحة الصندوق لقته كله مليان توك توكة قلت لها ده انا قلت انت ايه ايه بقى ؟ يعني انت عمالة وتهري وصندوق ومالية الدنيا ده انا قلت انت ايه دخلت التانية بقى اللي وراها جت دابة ايدها في جيبها وطلعت بتاعة صغنونة كده علبة صغنونة كده وجت مطلعة منها خاتم دهب ولا الماظ اتفضلي يا ماما شافتني بيفهموا شوف البت بتفهم الاجانب الانجليز كان يقول لك في ناس تقبل انها تمرر نفسها كان حد بيضربه مثال بايه؟ يقول لك مسلا لو لو انت اديت واحد صخرتين كبار صخرة مسلا كده ولنفترض انها مربعة وضلعاها متر ونص في متر ونص اديت الصخرتين دول الاتنين فواحد وقلت له المفروض انك تحرك الصخرة دي من الحيطة دي للحيطة دي. فواحد عمل ايه؟ بدأ ياخد المرحلة بتاعته يزق يزق يزق في الصخرة عمال يعرق وتعبان والتاني قال لك ده انا كده هموت قبل ما اوصل فجري بسرعة طلع برة فزميله بيقول له انت رايح فين؟ قال له لأ هاروح بس آآ اجيب آآ اجلة واجيب شاكوش قال له هتعمل ايه؟ قال له هحولها لكورة. قال له ده انت تيجي تلاقيني وصلت. ابقى خلي الكلام ده ينفعك راح وجه وهو صاحبنا لسه في ايه؟ في تلت الطريق قعد يكسر فيها يحولها لكورة وصاحبنا كان وصل ايه؟ نص الطريق وكل شوية يبص له يضحك ابقى قابلني مم فجه صاحبنا بعد ما حولها لكورة اه زقة بسيطة كده. اللي واقف ده عمال يزق في الحجر بتاعه لقى طلقة ماشية جنبه. ايه ده الكورة عدل ده نفس منطق اللي عمال يهابر وخلاص المباني عايز يبني بالايه؟ بالمباني. وخلاص يقول لك اه عشر سنين ولسه بقى هتعلموا معاني وهتأهل معلمة وهنحفز مش عارف ايه قابلني لا بقى قابلني انت هنتقابل انا وانت بعد عشر سنين انت حفزته في سنة في سنة وانا هحفزه في عشر سنين ونتقابل مع بعض بعد عشر سنين وريني ابنك وانا اوريك ابني بعد عشر سنين هي دي القضية القضية كده تهابرة وخلاص مجهود وخلاص. انا قلت له ده على المستوى العقلي بس على المستوى النقلي ده ربنا بيذم هو ربنا قال الذي الذي خلق الموت والحياة ليبلوكم ايكم اكثر عملا ولا الاحسن؟ العبرة عند ربنا بالتحسين مش بالتكثير وقال ليبلوكم ايكم يحسن ولا احسن عشان يفهمنا ان الحياة سباق. عشان كده دايما لما كان يقول لي اقرا قليل مع تدبر ولا اقرا كتير بدون تدبر. اقول له اقرا كتير بتدبر فدايما اجابة سؤال التكفير ولا التحسين؟ التكفير مع التحسين فان تعارض فالتحسين وطبعا دي مسألة هناقشها في قيم التفصيل قلت له خرجنا من دي يا عم الشيخ؟ قال لي خرجنا منه بس بقى بصراحة بصراحة انا مش هكدب عليك انا مشكلتي ان انا فهمي على قدي شوية قلت له والله قال لها اه والله فاهمة على قدي قلت له هو انت حضرتك شغال ايه عشان يضرب هو دلوقتي خايف ينتزم في برنامج تعليمي الايه ابقى بقوم الصبح تقعد آآ لا او مش عارف ايه وحضور وانصراف وشلق مشوار بقى فالجبن ده الخوف من التبعات قال لي آآ انا شغال ميكانيكي السيارات قلت له اخبار الكرولا الايام دي؟ قال لي لا اسكت ده الكورولا بازت خالص السنة اللي اتبسطت ليه؟ السنة اللي فاتت كان نزام الاكصدام بتاعها ايه الاكصدام ده؟ كزا. وعمل يا باشا ده انت استاز دكتور واحدة تقول لي يا ابني ده انا كبيرة في السن ده انا فهم على قدي اللي فهمها على قدها دي. اجي داخل عليها اقول لها خدي يا حاجة جايب لك خاتم هدية عيار اربعة وعشرين. تمسكه كده تطبل عليه ده عيار تمنتاشر يا حبيبي مش تدحك عليه مم مش فهمك على قدك الموزف اللي بيقول انا فهمي على قدي ومش هقدر افهم تلاقيه فاتح الجرنال لقى ايه التضخم الاقتصادي وعلاقته بالحد الادنى للاجور اجور وادنى يعني انا لي فيها ويقعد يعيد ويزيد في المقالة عشان يفهم يعني ايه التضخم الاقتصادي. اللي هيمسه منه. ايه اللي هيمسه؟ اه ايه اللي هيمسه؟ مش فاهم. يمسك التليفون. ايوا الاستاز فلان ده شغال محاسب يمكن يفهم التضخم استاز فلان ويعني ايه تضخم؟ يا عم انا بفهم تضخم؟ هديك رقم واحد في البنك. اسأله يفضل ورا التضخم لغاية يفهمه عشان الحد الادنى للايه؟ والحد الاقصى للاجور مش شاغله ولك هسا ما فهمش فهمة على قدي. سامحوني. كنت دايما اقول لهم في المحاضرات اللي هيقول لي فهمي على قدي هصدقه في حالة واحدة ان يبقى هو جاي من بيتهم واحد جره. في حد كده يعني طالما في عقل يبقى في ايه فهم نتفاوت في سرعة فهمنا نتفاوت في عمق فهمنا بس كلنا بنايه؟ بنفهم مش بنفهم احنا عندنا مشكلة في عقولنا احنا مش عقلاء اصلا والحمد لله ده مش منعقد. قلت له خرجنا من دي قال لي خرجنا من قلت له خلاص يلا بقى نفهم قال لي لأ بس بصراحة بقى عشان ابقى صادق معك هو المشكلة ان القرآن صعب يتفهم شوية قلت له مين قال لك ان القرآن صعب يتفهم؟ ده ربنا قال ولقد تيسر وقعدت قلت له الكلمتين اللي قلتهم ليه للشيخ. خلاص يا عم هنفهم؟ قال لي ماشي بس ايه المشكلة بقى ان انا صراحة لو فهمت يبقى انا كده بقول في القرآن برأيي وده حرام يحرم القول في القرآن بالرأي قلت له آآ مين قال لك كده ؟ قال لي مش انا هافسر ؟ قلت له مين قال لك انك هتفسر ؟ انت عندك خلط بين الفهم والايه والتفسير. التفسير في في يعني في كلمتين هو بيان المعاني لانه من الفسر اللي هو الايضاح مين اللي من حقه يبين المعاني المفسر العالم اللي له ادوات اجتهاد صيانة لجناب القرآن اي حاجة في القرآن كله كده اللي من حقه يبين المعاني مين العالم. طالب العلم المميز على اقصى تقديرات طيب يبقى ده فرض كفاية ولا فرض عين كفاية اذا قام به من يكفي مش البعض. من يكفي سقط عن الباقين طب امال بقى المسلمين ايه اللي فارضة عيني عليهم؟ الفهم طب انا افهم ازاي؟ بالتفسير. بمطالعة الايه مش بتأسيس التفسير يبقى انت فرض عيني عليك تعمل ايه تفهم والتفسير ده فرض ايه كفاية مش بتاعك انت طب افهم منين؟ افتح تفسير واقرأ فيها اسمع تفسير اسأل عن تفسير واضح؟ بس ما تستقلش بفهم بايه بنفسك. ليه؟ لان للاسف الشديد كتير مننا بيفهم الايات على المعاني العرفية وثمود الذين جابوا الصخر بالواد. متصور ايه جابوا الصخر بيحطوه في الايه رغم خلي بالك برضو انه لو ركز في السياق مش ممكن يفهمها الفهم الخاطئ ده. لان ربنا بيقول ان ثمود دول كانوا ايه يعني ايه القوة في انهم بيجيبوا الصخور ويحطوها في الوادي؟ طب ما الناس اي حد يعمل كده لا جابوا قطعوا ان الواحد فيهم يمسك الجبل كده كانه يمسك حتة عجين يروح يمسك ويحفر وبتاع ويعمل له يعني ويمد ايده من الجبل ده يطلعها من الجبل التاني يعني قطعوا الصخرة بالوأد ماشي بيقطعوا الصخر بايديهم. يبقى برضو سبك من حتة الايه يعني الفهم العرفي بتاعك فان ارادا فصالا عن تراض منهما ايه؟ وتشاور يقول لك ايه؟ انفصلوا اطلقوا يعني. شف الزرف على اساس ان هم ايه بيطلقوا بيتراضوا على الطلاق. حاجة كده يعني هو حتى السياق بيقول ان ايه فده اللي بيحصل مع بعض الناس. مسكين بيعمل ايه؟ يقول لك اصل كده كده انا هافهم مش هاعمل به فانا ما احملش نفسي احسن ما تبقاش حجة علي ويفتكر نفسه فتك هو بيتكلم عن ناس اصلا مطلقين يعني. صح؟ اه يعني السق فانا بقول حتى الفهم العرفي الغلط ما هنفهموش ايه يعني برضو المفروض ما يفهموش لو فاهمين السياق او مركزين مش مركزين في السياق. عشان كده بقول لحضرتك برضه لازم ترجع للتفسير. بس انت بتحاول تختبر فهمك وترجع للتفسير اساسي المعتمد عندك اللي فين اللي في التفسير. وبفضل الله تفسير واضح ما فيش اي ازمة خالص. واللي بيستشكل عليك بتسأل فيه ما فيش مشكلة. المهم انك تبقى فاهم الكلام على وجهه. فقلت له انت عندك خلط بين الايه فاهمه ليه؟ والتفسير. والتفسير ده فرض كفاية. انما الفهم فرض ايه طيب والله لا يامر الا بمقدور ميسور. المفروضات مقدورة ميسورات. ودي قاعدة في اصول المفروضات ايه مقدورات ايه انت عارف بيفرض ليه؟ عشان كلنا نقدر نعمله طب واللي بعضنا يقدر يعمله ما يقدرش يعمله يخليه مستحب انما المفروضات يعني ايه؟ يعني مقدورات ايه؟ لا يكلف الله نفسا الا وسعها عارف يعني ايه؟ يعني اي تكليف اللي اداهولك من القدرات اوسع من التكليف. زي وسع كرسيه السماوات والارض الناس متفسرة غلط تقول لك ايه لو كان يعني نقدر عليها لا لا ده بيقول لك ان اللي اداه لك من قدرات اوسع من اللي فرضه عليك من التكليفات يعني مسلا ممكن تكون قدرتك مية اداك تكليف واحد في المية محتاج قدرة واحد في المية زي وسع ايه كرسي والتانية يقول لك لا يكلف الله نفسا الا ايه ما اتاها عشان يقول لك ما فيش تكليف الا وقبل ما يكلفك اداك اللي تقدر تستخدمه في القيام بالتكليف الا يعلم من خلق صح؟ اه يعني الله المستعان. قلت له خرجنا من دي قال خرجنا من دي خلاص نتوكل على الله نفهم بدأ يحاول يفهم بس لقى عنده شوية ايه حاجات كده سميناها عوائق الفهم عواقل ايه؟ الفهم دي كانت اوهام صح اومال العوائق الاوهام دي هيتحرك ولا ما يتحركش؟ ما يتحركش اصلا. اومال العوائق وبدأ يتحرك بس بدأ يحس ان في حاجات ايه؟ موقفاه في السكة هتعوقه هتوقفه قعدنا كده نحصر العوائق لقينا احنا قدام حوالي عشر عوائق. خلاص العشر عوائق دول قلت له احنا لو نجحنا في تجاوزهم ان شاء الله نقدر نبقى الدنيا زي الفل نجم لهم وبعد كده يجي التفصيل العائق الاول نقص القوة العلمية والعائق التاني نقص القوة العملية كل عائقين مع بعض كده التالت والرابع العجز والكسل الخامس والسادس الجبن والايه؟ والبخل السابع والتامن الهم والحزن التاسع والعاشر غلبت الدين وقهر الايه؟ الرجال ودي فعلا عوائق مش بس للفهم لاي خير يريده الانسان ايه اللي بيعوقه مشكلة مفاهيمية ودي خلصنا عليها التانية مشكلة مهارية هو راغب بس مش ايه مش عارف يعمل كده ازاي عدم الالمام بمهارات الفهم وقلنا له ان الموضوع بسيط جدا وهنديك روشتة في الاخر التالت كان العجز. ايه العجز ده يا جماعة اه مش مستطيع خالص اصلا طيب ايه الفرق بقى بينه وبين الكسل اه يعني عنده قدرة بس ما عندوش ارادة. صح كده؟ او همة انما العاجز ما عندوش قدرة اصلا تمام آآ ولذلك مين يسبق مين يقول لك الكسل يجيب عجز لانه بيجيب الاول حاجة اسمها العجز المعنوي. وبعدين العجز الحسي. الحقيقي بقى معنويا حاسس انه مش هيقدر رغم ان هو عنده الايه القدرة لذلك احنا نعرف العجز بانه اليأس وغياب الثقة بما وهبه الله للنفس وغابت سقتي انا ما بحبش الكلام اللي بيقولوه بتاع الثقة بالنفس والكلام ده. بحب الثقة بما وهبه الله ما تقوليش الثقة بنفسك انت ما فيش حاجة اسمها تثق النفس تثق بايه؟ بما وهبك الله اياه. خلاص في الثقة بما وهبه الله عز وجل ايه طب امال الكسل؟ بنقول دايما قلة الحوافز وكثرة الحواجز الكسول ده مشكلته ايه؟ حوافز ايه قليلة وايه وحواجز كتيرة خلته مش مريد للامر رغم ان عنده الايه القدرة فهو يرجى ان دول يكونوا ازيلو الجبن والخوف ايه الجبن ده بقى؟ الجبان ده بيعمل ايه؟ على الاطلاق. اه على الاطلاق. يعني ايه واحد جبان ليه يتهيب يعني خوف. نعم ماشي خوف من ايه؟ خايف يواجه مسلا احكام العواقب او من العواقب ايوة احسنت. الجبن الخوف من التبعات واحد بيزعق له وخايف يقوم يضربه ولا يزعله ليه وهو بيورط نفسه اصلا. ليه لانه الزنب زنبين تمام؟ انما هو لما عرف كده خلص من ايه من زنب ويرجو من الله انه يخلص من الايه؟ من التاني. لو كانت نيته صادقة حد انما التاني يعمل نفسه فتك بقى على ربنا يقول لك ايه لا انا ما خايف افهم ولا ما افهمش عشان لو فهمت هيبقى واجب علي اعمل واقيم الحج على نفسي وانا مش عايز ايه؟ اقيم الحج على نفسي يبقى برضو من عوائق الفهم الجبن اللي هو الخوف من الايه من التبعات من العوائق البخل ايه بقى البخل ده الجهد سواء لأ هو مش بس في كده ده هو البخل عدم الرغبة في التضحية والاستسلام للواقع انا لسه بقى هقعد اقرأ انا كنت اكلم مسلا بعض المعلمين والمعلومات اقول له ايه تفهم الولد. يقول لي يعني انا لسة هجيب التفسير واقعد افهم انا اصلا واشوف انا فيهم صح ولا غلط انا افهم الولد ده ايه يا بخيل. في علاقة كده بينهم وبين الاسد. هم؟ اه بس لا ده حاجة تانية ده ما بيضحيش الكسول ما عندوش ارادة مش مريب لا ده ممكن يكون مريض بس مش عايز ايه عايز حاجة تيك اواي سهلة سهلة ودايما يعني من اكثر ما ابتلي به الناس التكاوية لدرجة ان لما واحد يجي لي مسلا يقول لي عايز اعمل دبلومة ولا عايز ااهل المعلمات اعقده صراحة بقول له خلي بالك انا عندي التأهيل رخم وهطفشك ولازم بص مش اي حد هازله بسهولة ليه؟ لان الناس اصلا بص يا دكتور اديني الخلاصة الزتونة اللي انتم مستنيينها من الصبح. خلاص؟ اديني الخلاصة ايوة انا عايز انا عايز من الاخر عارف بص لدرجة والله مرة واحد في كنا رايحين نزور يعني اخوة يعني وكده عندهم مؤسسة فقال لي ايه طب آآ اديني حاجة كده قبل ما تمشي. حاجة قبل ما تمشي قلت له والله مش مش معي بونبون. قال لي لأ يعني اديني حاجة يعني حاجة كده يعني اية كده وبتاع بحس ان اشتغل بها الاسبوعين اللي تقول لي لغاية ما نقابلك قلت له والله يعني انا عمال اهري ده كله. وفي الاخر تقول لي ايه انا فاهم انت؟ تصبيرا. هو متصور ان الموضوع ايه تصبيرا لأ الموضوع مش كده خالص يعني اية ممكن تصبرها بحاجة تانية انا اقول لك لأ اديني ايتين خليني كده اتدبرهم مع العيال وبتاع واعمل المنهجية لغاية ما انت تيجي. عايز حاجة على السخان كام ؟ اه والله طعم منطق التيك اوا ده فهو مش عايز يضحي تيجي تقول له مسلا اه هو انت الدورة قد ايه ؟ تقول له تلاتين ساعة. تلاتين ساعة! ليه يا عم! ما بتشتغلوش ولا ايه! اه انت ايه هو مش عايز يضحي هو عايز حاجة ساعتين تلاتة يعني نص ساعة كويس قوي لو ايه انما اكتر من كده بقى مش عايز كده اصلا. فلذلك بخيل ان انا لسه اقعد افهم واقرأ التفاسير واجيب تفسير واقعد اقرأ فيه ولسه هقعد واية مش فاهمة هسأل عنها. يا عم فكك ما هو كده ينفع وخلاص الله المستعان العائق السابع الهم ايه الهم ده طب بقى الهم انشغال انشغال صح كده. طب انشغال بايه؟ الهم صح كده. انشغال بالقلق على ما هو ات مهموم. مهموم النهاردة عشان حاجة بكرة. مهموم عشان ده الهم. ومنه هم محمود. ان يكون هم الاخرة وهم المعاد. بس بيتكلم عن انهي هم اللي هو ايه؟ اللي بيسموه القلق يعني طيب وده عائق عن الفهم ازاي؟ هو قاعد النهاردة مش مركز في المصحف. ليه عمال يفكر بقى في بكرة ومش عارف ايه وعندي موضوع مهم يا سيدي ما مضى فات والمؤمل غيب ولك الساعة التي انت فيها يا سيدي انت ضامن تعيش دقيقة بعد كده خلاص يومك يومك يقولوا دايما يوم الانسان نصفه يضيع في حزن على ما فات والنصف الاخر في قلق على ما هو وقت واليوم بيروح وبكرة هيبقى نفس الشكل بتاع النهاردة لأ يومك ايه النهاردة انا هموت النهاردة انا مش عارف آآ بس طول الامل ينسي العمل فلذلك مهم خالص حتة ايه الهم عائق لأ قعدت مع المصحف انسى كل حاجة كل حاجة جاية في المستقبل واخوه بقى قال ايه؟ الحزن. الحزن ده برضو ايه؟ انشغال بس انشغال بايه؟ بالتأسف. يبقى ده انشغال بقلق وده انشغال بالايه تأسفي على شيء فات خلاص انا بتصور بتصور والله العزيم انا كنت بقرأ الحديس زمان يا اخوة ما كنتش بحس به بس ارجو ان يعني ان شاء الله انك تستشعروه لان انا بقيت بستشعره جدا واعلم ان ما اصابك لم يكن ليخطئك وان ما اخطأك لم يكن ليصيبك. يا سلام انت زعلان ليه زعلان لي على حاجة اصابتك في الماضي ما كتش هتخطئك. كانت هتصيبك هتصيبك طب انت زعلان ليه على حاجة فادتك اخطأتك ما كتش هتجي لك. ريح دماغك. انت عمال محزون ليه لذلك اه عجبني قوي انه قال له في بداية الكلام قال يا بني انك لن تطعم طعم الايمان حتى تعلم ان ما اصابك مش هتحس بطعم الايمان الا اما تعيش المعنى ده ما نحزن ليه على امبارح. احزن ليه على ان انا فاتني الشيء حتة الارض اللي كان نفسي اشتريها دي ما انا مش عارف اصلا ما ده ممكن كان يبقى ازى ليه ما اصابك لم يكن ليخطأك وما اخطأك لم يكن ليصيبك فلذلك تلاقيه قاعد مسلا انا كنت بقول المفروض ان المحزون يعمل ايه يعني انا كنت بقول الشيطان بيصرعنا في الاحزان مرتين بيسرعنا في الاحزان ايه مرتين. المرة الاولى بانه يحزنا والمرة التانية انه يقطعنا عن الحاجة اللي هتزيل عننا الحزن يبقى بيهزمك كم مرة؟ مرتين. المرة الاولى انه يخليك تحزن اصلا ليحزن الذين امنوا ومما يراه الانسان في منامه تحزين من الشيطان ده المصرع الاول. المصرع التاني انه يعمل ايه لأ يخليه المفروض بقى ان حل الحزن لانه كان يعمل ايه يقرا يصلي يقرب يخليه ينقطع عن الكلام ده كله عن اسباب ازالة الحزن ده يبقى صرعوا المرة التانية لذلك ربنا يقول ايه؟ فلولا اذ جاءهم بأسنا تضرعوا عشان ما يسرعش السرعتين واضح ولذلك يقول لك ايه؟ يقول لك ان بعد العسر يسرا فان مع يعني اليسر نازل مع العسر لأ مش يسر واحد دول يسرين ولن يغلب عسر يسرين اومال ايه اللي بيأخر اليسر اللي نازل مع العسر ده سوء تعاملنا مع العسر. لو احسنا التعامل معه يروح في لحزته. في لحظته خلاص الله المستعان باقي تسعة وعشرة من العوائق غلبة الدين وقهر الرجال ايه غلبة الدين دي؟ طبعا في في تبادل في الروايات في رواية قهر الدين وغلبة الرجال وبيقشر الروايات. غلبة الدين النبي صلى الله عليه وسلم بيقول كده بيقول ان المديون مهموم بالليل مهموم ويحمله على ان يكذب بكرة هو عارف انه مش هيقدر يجيب الفلوس ايه بكرة فلذلك الانسان وسط على ذلك سبيل ان يتجنب الدين لانه اهم بالليل وبالنهار ذل بالنهار فغلبت الدين. الدين ده خلوا بالكم مش لازم فلوس لا هو مدين بحاجة لازم يعملها مدين بشيء لازم يؤديه قاهر الرجال اسأل الله ان يعافينا من غلبة الدين ومن قهر الرجال ان هو يبقى ايه مقهور ممكن رجل يبقى عايش في وسط مسلا مؤسسة مقهور يبقى مسلا امرأة عايشة في بيت مقهورة فده مستولي على رأسه تبقى مشكلة غلبة الدين وقهر الرجال انهم هيؤولوا للهم وليه؟ والحزن. دي عشر عوائق تلك عشرة كاملة. اهم عشر عوائق آآ اما احنا مش عارفين نخلص من واحد. انت بتصعبها علينا ولا بتسهلها؟ لأ بسهلها على حضرتك. اقول لك ازاي بقى. ايه رأيك بقى ان العشرة دول يعني حلهم اسهل مما لا تتخيل تعال يا سيدي نبص ازاي؟ اول حاجة عايزك تحطها ما بين عينيك ان مهما بدت العوائق كبيرة فالله اكبر لذلك دايما كان يقول انت ما تقولش يا رب انا عندي هم كبير. قولي يا يا هم انا لي رب كبير. لذلك اصلا مهما ما بدت العوائق كبيرة فالله اكبر ومهما بدت العوائق خطيرة فالله اقوى واقدر عارف انا وانت بنحس بالصعوبة ليه لما دايما نبص على المسائل في مواجهة قدراتنا دايما كنت اقول ليه الانسان ييأس ما يأسش الا لما دايما يربط الامور بقدراته وامكانياته. انما اللي دايما كل الامور يربطها بقدرة الله لا ييأس ابدا. لذلك الامل في ديننا عقيدة انه لا ييأس من روح الله الا القوم الكافرون. فانت ما فيش مش مسموح لك تيأس فازاي تعيش الكنز ده كنز الحوقلة لا حول ولا قوة الا لا تحول عن شيء ولا قوة على شيء الا بالله اللي قواك على انك ترفع ايدك هيقويك على ما هو ايه اصعب منها. بس انت ايه اللي خلاك رفعت ايدك وخلص الكلام ايه اللي خلاك رفعت ايدك وما استصعبتش الموضوع لما قلت لك ارفع ايدك يا شيخ لان انت شايف انك تقدر تعمل كده. ومين اللي اداك ومين اللي اداك الرؤية انك تقدر تعمل كده الله لازم يبقى عندك يقين ان انت تقدر تعمل اي حاجة طالما معك ربنا ايه الصحابة دي كانت رؤيتهم؟ ما كانش عنده حاجة اسمها عوائق اصلا. ما كانش عنده دي سبحان الله حاجة عجيبة جدا شف من قديم الزمان يوشع ابن نون خلاص هو دلوقتي لازم يدخل القرية دي قبل غروب الشمس لازم باي شكل والاسباب الارضية بتقول ايه بتقول انه هيدخلها بعد غروب الشمس ما عندوش حاجة اسمها عواقب. يا رب اوقف لي الشمس اوقف لي الشمس ودخلها قبل الشمس ايه ما هو ما عندوش حاجة اسمها عوائق انا باسير فيما امرني هو يتكفل بما يعوقني. خلاص الى علاء بن الحضرمي. وصلوا خلاص ما فيش لا ينفع يرجعوا ولا يمين ولا شمال قدامهم بحر ولازم يعبروه عشان يكملوا طب ده لا معانا سفن ولا هنقدر نسبح ده كله. يا رب هنمشي على الماية يمشوا على الماية كلهم ولا واحد منهم يضيع. واحد خطاه مش عارف يرجع ياخده تاني. ما فيش حاجة اسمها عوائق. عقبة ابن نافع خلاص هم انتهى بهم الطريق لغابة سموها بيسموها مأسدة يعني مليانة اسود وحوش ما ينفع نرجع ولو مشينا هنفترس طيب وقف على رأس هذه المأساة ايتها الوحوش انا فلان انما اتيت لكذا وكذا اني امرك ان تخرجي الان طبعا الجنود يا عيني على عقبة اتجنن مش متخيلين الايه تمام لو حد من زماننا يقول لك ده ما فاذا بالوحوش تخرج بصغارها من اوكارها ويجوز بجيشه. الكلام ده اوعى تفتكروا انه خرافات ده ثابت تاريخيا بالتواتر فمهما تكون العوائق دي خطيرة اهم نقطة ان ربك ايه؟ اقدر ما تكون العواقب كبيرة اهم نقطة ان ربك ايه؟ اكبر. وفي قاموس المسلم المستعصم بالله لا وجود لكلمة صعب او مستحيل. لانه لا يجابه الصعاب او المستحيلات بقوته بل بقوة ربه القويم. انا دايما باستقوي بالقوي واستقدر بالقدير واستغني بالغني. لذلك عجبا لضعيف يستقوي بضعيف وعجبا لفقير يستغني بفقير الله المستعان. لذلك ازاي تعيش معنا هو علي هين مم الامر ايه بيقولوا عليه مستحيل بس ربنا بيقول ايه؟ هو علي ايه هين بس خلص الكلام مو علي هي سبحان الله! لذلك الله سبحانه وتعالى يعني حوالي سبع مرات في القرآن بيقول وعلى الله فليتوكل المؤمنون خد بالك من البناء بتاع بتاع الجملة وعلى الله عشان توحيد التوكل. توحيد القصد الاهتمام بالمتقدم فليتوكل المؤمنون. يعني ما ينفعش غيره هو ربنا بس ويقول الله ومن يتوكل على الله فهو حسبه ان الله بالغ امره. ما يريده الله ابلغه لا مستكره له. عزيز مليء الجنان وان يمسسك الله برحمة ما تتصورش ان الله سبحانه وتعالى ايه له مستكره. ان اراد شيئا قال له كن فيكون. فقصة كده ازاي انت تعيش المعنى ده تعيش انك تستمد عزتك من عزة العزيز وقوتك من قوة القوي وغناك من غنى الغني وقدرتك من قدرة القدير ازاي تعيش هذا المعنى اه الله يقول ومن يتوكل على الله فان الله ايه عزيز حكيم عزيزي لا مستكن له. اذا اراد شيئا امضاه. طيب والتوكل هو صدق اعتماد القلب على الله مع استفراغ الوسع في الاخذ بالاسباب يبقى اول نقطة في العوائق ايه؟ تعمل ايه يصدق اعتماد قلب حضرتك على مين؟ طيب استفراغ الوسع في الاخذ بالاسباب الاسباب ايه؟ شف بقى الاسباب المشروعة من الاسباب الدعاء. تعرف ان اذكار الصباح والمساء لوحدها كفيلة بان الكلام ده كله يخلص؟ كله كله؟ اه شف كده مسلا. انا هادي لحضرتك امثلة. الاول يعني الاذكار اللي احنا بنسميها الاوراد دي كفيلة بالكلام ده كله. مش بتقول يا حي يا قيوم برحمتك استغيث اصلح لي شأني كله ولا تكلني الى نفسي طرفة عين صح؟ تستجلب ليته فبتقولوا في اذكار الصباح والايه والمساء انهي ذكر واحد خلاص انت ايه بالايه؟ كل هذه الاشياء مثال تاني بتقول له اللهم اني اسألك علما نافعا ورزقا طيبا وعملا متقبلا. الدعاء ده كفيل انه يديك القوة العلمية علم خلاص والعلم النافع هو المعمول به العلم نافع ولا ايه والمعمول به. خلاص ويديك الرزق والعمل المتقبل. الدعاء التالت اللهم اني اعوذ بك الثمانية دي من الهم والحزن والعجز والجبن والبخل وضلع الدين وايه؟ وقهر الرجال. خد بال حضرتك بقى سيدنا انس بيصف الدعوات دي بوصف مهم جدا. بيقول ان النبي صلى الله عليه وسلم كان اكثروا ان يقولها بقولها كتير جدا جدا جدا وفي رواية كان لا يدعهن ما يسيبوهمش خالص لدرجة سيدنا انس في البخاري بس له عشر روايات في البخاري بس في مواقف مختلفة وكان النبي صلى الله عليه وسلم بيدعو ببعضها في اذكار الصباح والمساء انا كان في اذكار الصباح والمساء بيقول ربي اعوذ بك من الكسل والهرم وسوء الكبر وفتنة الدنيا وفتنة الدجال. وكان يدعو بعد الصلاة اللهم اني اعوذ بك من البخل واعوذ بك من الجبن واعوذ بك ان ارد الى ارذال العمر واعوذ بك من فتنة الدنيا وفتنة الدجال واعوذ بك من عذاب الايه؟ القبر. هذه الادعية وحدها كفيلة بتبديد العوائق الثمانين صح ويتبقى الانسان بقى اوراده من ذكر وغيره تأتي على كل هذه الاشياء. انا بس بتكلم على بعض امثلة لو انت فلذلك هذه العوائق لا يكون لها وجود لو ان الانسان استعان بربه سبحانه وتعالى اجابة السؤال الاخير ازاي افهم القرآن؟ ان شاء الله هتجدوا تفاصيل المبحس ده في الكتاب بس خلينا نجمل الكلام ببساطة شديدة جدا المفروض ان انتم هتخرجوا من النهاردة بايه؟ ركز بس. هتخرجوا بايه؟ بامور واضحة اول امر هو نهي اول امر ايه؟ نهناه يعني ايه؟ ما فيش حاجة اسمها حد يوقف حاجة بيعملها يجودها مش يوقفها فده مراد الشيطان واضح؟ حد يقول لك لا انا خلاص بقى انا اتعقدت ما هحفزش انا اتعقدت ما هروحش لأ بالعكس ده انت عايزك تعمل ايه تجود يبقى احسن واضح ده اول نقطة دايما بخاف من التخوف ده. ان البعض يفهم من كلامي له دعوة انك توقف لأ ده دعوة ان انت تايه تحسن تشتغل اكتر تحس بالمسؤولية اكتر التخوف التاني بخاف ان حد يفهم من كلامي ان انا بنتقص المباني بالعكس انا بس الفكرة كلها ترتيب اولويات الفكرة مين الوسيلة ومين الغاية بس طيب مطلوب من حضرتك تعمل حاجة اسمها خاتمة فهم يعني ايه بقى ختمة فهم؟ انت بتعمل خاتمة تلاوة وختمة تجويد وختمة حفظ اعمل خاتمة فهم. هتمسك المصحف وتبدأ تفهم تفهم ازاي؟ وردك يبقى فهمه ومن فضلك خلي ورد القرآن وقت مش كمل يعني ورد القرآن ايه؟ ساعة من من العصر للمغرب. من الضهر للعصر ماشي ورد وقت بتمسك المصحف وتفتح مسلا صفحة ماشي؟ الصفحة دي هتعمل فيها التالت. اول حاجة اقراها بس المرة دي قراها بنية ايه فاهم عايز اشوف ربنا بيقول لك ايه طيب ده حق اسمع معلش شغل دلوقتي انا بوصيكو مصحف اسمو ايات عاملة مجمع الملك فهد ايقونته خضرا كده على الاندرويد وفيه نسخة منه ديسك توب. يبقى انت حضرتك هتقرا وبعد ما تقرا تعمل ايه عبودية عارف عبودية ليه يا سيدنا؟ لعلكم ترحمون بنغفل عنها والرحمة دي هي الحنان مع الاحساء. الرحمة ايه؟ يعني ربنا يرحمني يعني يترفق بي ويحسن الي لان الرحمة في اللغة كده شفقة مع احسان بس ربنا ما يقولش شفقة. يقول ايه؟ ترفق او حنان. حنان مع ايه؟ مع احسان. ان ربنا كده يحسن اليك ويترفق بك فسهل يبقى قراءة وبعدين ايه قراءة ولا تلاوة تلاوة لان عايزين قراءة للاتباع وده الفرق بين القراءة والتلاوة. طب سماع ولا استماع استماع ايوة لان السماع ده ممكن يكون بقصد ودون قصد انما استماع افتعال والسماع ممكن يكون سماع اذن ممكن سماع قلب انما الاستماع سماع قلب انت بتسمع كده اه لأ الانصات السكوت. الانصات السكوت. خلاص طيب المهم يبقى قراءة تلاوة بعد التلاوة ايه؟ استماع. بعد كده تضبيطها لو انت مش ضابطها. ان الضبط هيعينك على الفهم. لو واحد مش مجود يضبطها طيب وبعد كده هتعمل حاجة مهمة بقى تقول ايه انا النهاردة لو ابني الصغير قال لي يا بابا معنى الصفحة دي ايه؟ هقول له ايه؟ فكر في المعنى. بس لو انتهيت اللي في دماغك تأثم انتهيت اللي في دماغك تأثم لو وقفت عنده تأثم. الفكرة كلها انك تعمل ايه؟ برضو الناس بتتخيل انا بقول احنا الحمد لله بننقل لكم تجربة عشر سنين. في الخطأ بتاع الفهم دي لقينا الناس لما بتاخد التفسير على طول بتنساه بس لما بيعمل كده هتقروا تفاصيل الكلام ده في الكتاب بفضل الله لقينا ان الانسان صعب ينسى المعلومة. لانه بيعمل استثارة ذهنية لاستقبال المعلومة الجديدة وفي نفس الوقت بيتفقد معلومته القديمة فبفضل الله مفيدة للغاية. طيب وده اصلا موجود الناس اتدرون من المفلس وغيرها. اه فالمهم الشاهد الشاهد. ان انت هتقعد كده تشوف. طيب عرفت المعاني دي كتبتها في ورقة قعدت تفكر فيها تيجي تقرأ التفسير تمام كده طيب بعد ما تقرأ التفسير ركزي بقى خالص بعد ما تقرأ التفسير تعمل ايه تسأل نفسك سؤال المفروض اعمل ايه ايه ابرز ما ينبغي علي فعله؟ حاول كده درب نفسك ولو من كل صفحة طلع ايه؟ وصية وصيتين تلاتة. مع الوقت خلي كل اية تطلع منها ايه؟ وصية. المفروض ان كل اية اصلا عبارة عن وصية ايه؟ عمل ايه بس ده بيساعدك على انك تفهم بشكل كويس. انك تحدد ايه اللي ينبغي عليك فعله المرحلة دي كويسة جدا بنسميها مرحلة الدراية ده كويس دلوقتي انك تعمل خادمة فهم لان الفهم فرض. الفهم ايه؟ فرض. فرض التلاوة مستحبة على احسن التقديرات. تجويد في خلاف في الافتراض او في الفرض والاستحباب. ماشي؟ ناس كتيرة بتقول انه مستحب كله والناس اللي بتقول فرض الفرض في اللي هو ايه؟ قال لي قال حنان الحننجالية تمام فاذا اكتر من تسعين في المية منه مستحب. بالاجماع الحفظ فرض كفاية. اذا قام به من يكفي سقط عن الايه؟ عن الباقي. خلاص كده؟ طيب وكده كان القرآن محفوظ ففيه ناس عشان كده بتقول ان هو حكمه ايه؟ لاستحباب مطلقا انما الفهم فرض بالاجماع. التدبر فرض بالاجماع العمل فرض بالايه؟ بالاجماع. كنت دايما بحكي لهم قصة ظريفة كده اقول لهم ايه؟ المصلي الذي ليس من اهل الصلاة. كنت بقول لهم واحد ظريف قوي بيعمل ايه؟ بيقوم قبل الفجر بتلات ساعات يصلي قيام ليل. والفجر يأذن يصلي ركعتين السنة اللي يصومه الفجر. وما بيصليش الصبح صلي تمن ركعات ضحى ويصلي اربعة قبل الضهر واربعة بعده ما يصليش ضهر بيصلي اربعة بالعصر ما بيصليش عصر بيصلي اتنين قبل المغرب واتنين بعد المغرب وما بيصليش مغرب وكذلك الكلام مع العشاء في حاجة اسمها كده لأ ده اظرف حاجة بيقول انا من اهل الصلاة ده انا بصلي اكتر من اربعين ركعة سنة في اليوم والليلة بس تارك لفرض انت بقى عايزاني اصدق ان انت من اهل القرآن وانت تاركة للفرد اللي هو العمل بالقرآن اللي النبي قال انه كده قال الذين كانوا يعملون به في الدنيا احنا عايشين فين؟ في كنف الايه المستحبات وسايبين الايه الفرائض ازرف ما في الموضوع ان لما جه واحد اسلم جديد وبدأ يعلمه الصلاة. قال له هعلمك صلاة الضحى بقينا نعلمك صلاة قيام الليل وبدأ يعلم ابنه نفس الشكل. في حد بيعمل كده اتعلم الفرائض قبل يعلم النوافل قبل الفرائض ده اللي احنا بنعمله بنعلمه النوافل قبل الايه الفرائض. فالفهم فرض على الاقل اسقط عن نفسك الفرض. واهتم بالفهم الاجمالي. السؤال بقى المهم بعديها. طب المصادر اعمل ايه؟ افضل احنا من تجربتنا افضل الكتاب يناسبك دلوقتي التفسير الميسر بتاع مجمع الملك فهد. وما تستكبرش على الكتاب بعض الناس بقى شايف نفسه ايه اه واحد من الناس شايف نفسه ايه بقى؟ اصل انا بقى وعايز اخوض في التفاسير انت مطالب تفهم القرآن كله يفهم القرآن كله وبعد كده نتكلم في ايه؟ بعد كده بقى يا سيدي توغل براحتك ماشي؟ فاسمه التفسير الميسر بتاع مجمع الملك فهد. التفسير الميسر ده مطبوع على هامش المصحف وموجود في برنامج ايات اللي بقولكو عليه ده ده انا اروع تفسير شفته في التفسير الجملي. بيعمل ايه؟ الاية سطرين تفسيرها سطرين. وبيجملها لك كده بشكل جميل ما تحسش بالايه بالكلمات الغريبة بيقولها لك في وسط الكلام اجمل ما فيه انه معتمد جدا على تفسير السعدي. وتفسير السعدي فيه نفس توحيدي ونفس ايماني غير عادي لذلك لو انت عندك متسع من الوقت خد معاش ساعة دي ماشي؟ في برضو المختصر في التفسير كويس وبعض الناس يقول لي ايه؟ الجلالين الجلالين تفسير للمتقدمين مش المبتدئين يا سادة لانه مختصر مش ميسر ده الجلالين في قضايا ومسائل شائكة جدا. هم ما عملوهوش للايه على شرط التيسير اعملوه على شرط الايه باختصار الجلالين اللي هو الجلال المحلي والجلال السيوطي. اتنين من علماء مصريين. تمام؟ فده في انا انا كاتب لكم في الكتاب ترتيب التفاسير. لو حبيت تقرأ اللي بعدها ايه اللي بعدها؟ ايه اللي بعدها؟ تمام كده؟ السؤال اللي بعد كده. يبقى انا دلوقتي انا قلت لك هتعمل ايه؟ الالية ايه؟ وقلت لحضرتك الكتاب ايه المصدر السؤال اللي بعد كده الترتيب ابدأ من البقرة ولا من منين؟ لا ابدأ باللي بتستخدمه في اورادك الاول النبي صلى الله عليه وسلم سيدنا عقبة بن عامر قال له يا رسول الله اقرئني من سورة هود او سورة يوسف قال انك لن تقرأ شيئا عند الله شيئا ابلغ عند الله ولا احب اليه من قل اعوذ برب الفلق بيوجهه قبل ما تروح شاغل بالك بانك تاخد صورة وصورة وصورة. الصور اللي بتستخدمها في اورادك اكتشف كنوزها الاول فلزلك ابدأ باللي بتستخدمه في اورادك. خواتيم البقرة. اية الكرسي. آآ قصار المفصل. الفاتحة. يبقى احنا احنا الترتيب عندنا ترتيب تقرأه في المتدبر اسمه ترتيب التعليمي. بنبدأ بالفاتحة. اية الكرسي خواتيم البقرة. المعوذات الثلاثة. الكافرون. اه قصار المفصل بعد كده المفصل بعد كده نخش على المشهور بتاع الباقي نخش على السجدة نخش على الكهف البقرة ال عمران كده يعني ما تقرأش بالترتيب اقرأ بالاستخدام مكتوب برضه في الكتاب ده؟ موجود في الكتاب بفضل الله الكلام ده. كل اللي انا بقوله الكتاب اكثر تفصيلا من كده. انا بحاول بس ايه؟ اطوف لكم عليه. تمام اه ده يبقى احنا جاوبنا على سؤال الالية ايه وجاوبنا على سؤال المصدر ايه وجاوبنا على سؤال ايه الترتيب ازاي خلاص وهتلاقوا ان شاء الله تفاصيل كتيرة في الكتاب اه لذلك لذلك وصيتي النهاردة انسى انك تقرأ وما تفهمش وردك لازم تفهم اللي انت قاريه بتركز فيه الحاجة التانية انسى تحفز حد حاجة مش فاهمها هتسأل امام الله يا عم الموضوع صعب لا قوة الا بالله. وحد منكم باعت لي كده؟ باعت لي كده والله حتى اهو. واحد باعت لي كان عندي مشكلة مع ابنتي ان مع ابنتي ان مستواها جيد في كل ايه كده تقريبا ما عدا القراءات حتى توصلت للنتيجة الوحيدة ان اللي امامي وهي اني بدأت افهمها الايات من كتاب التفسير سم اتركها تحفز وحدها سم رأيت العجب العجاب ولدرجة ان انا بدأت احفز الرجال في معهد الرجال وانا افتح كتاب تفسير يعني ده حصل معنا بفضل الله عز وجل ان الامهات او المعلمات لما بتفهم ابنها الورد بيحفزه بشكل اروع بكتير جدا فلزلك ما تحفزهمش حاجة مش فاهمينها طب انا مش هقدر حاولوا تخلوه واجب في البيت طب مش قادرين ما فيش حاجة اسمه مش فاهم. لانكم هتسألوا عند ربنا على الفرائض قبل الايه؟ النوافل. اللي بتعملوه نوافل. ودي فرائض ما تتركوهاش لو حتى قلنا انها فرائض بس الفهم افرض ايه؟ افرض منها فبس دي توصيات سريعة في النهاية هيبقى في الاخير ان شاء الله يتبقى لحضراتكم بازن الله رب العالمين ان احنا نبدأ نتكلم بازن الله في شوية تساؤلات كده ودي انا احيلكم فيها على الكتاب. يعني حد يقول لي ايه؟ يا دكتور بس آآ الشيخ فلان قال وفي ناس بتقول كزا هتلاقوا مبحث اسمه تساؤلات بفضل الله احنا ناقشنا المسألة علميا بشكل مأصل وواضح جدا. اتمنى تقرأوا الكتاب مش بس تقرأوه اتمنى ان انتم اه تحملوا هذه الامانة عند المسلمين دايما انا في محاضراتي بقول انا جاي اصدمكم وافتحلكو باب امل بفضل الله انا بقول ان الكلام ده موجود بفضل الله وحملكم المسئولية انتم مسؤولين امام الله مسئولين امام الله انكم تنبهوا المسلمين. مسئولين امام الله انكم تنبهوا اللي بيتعلموا معكم المهمة دي مش مهمتي والرسالة دي مش رسالتي لوحدي دي رسالة كل مسلم. القرآن امانتي وامانتك. ومنهج النبي صلى الله عليه وسلم امنت وامانتك. النبي صلى الله عليه وسلم قال للصحابة واقسم بالله كل ما بقرأها وبفتكرها بتقطع قلبي. لدرجة ان انا لما سجلت حلقات في قناة زاد كنت بتكلم على منهج النبي السلام في في التعليم القرآني فقالوا لي اختار لها عنوان فقلت لهم هسميها لا تسودوا وجهي لان النبي صلى الله عليه وسلم قال للصحابة الاواني فرطكم على الحوض فلا تسودوا وجهي افتكري دي كده وافتكرها انت وافتكر معلش الملائكة وهي بترد ايه وترد بعض الناس عن الحوض وقل له انك لا تدري ما احدثوا ايه واحنا غيرنا بعده يا رب ما نكونش منهم ولا شك طبعا ان دول في المبتدعين البدع شديدة بس الانسان يخاف انه احدث في طريقة ايه؟ النبي صلى الله عليه وسلم. لا دي طريقته هو الشخصية ولي طريقته كمعلم فنخاف من دي نخاف من لا تسودوا وجهي. فاسألكم بالله لا نريد ان نسود وجه رسول الله. اسألكم بالله بالله يعني انقذوا انفسكم وانقذوا المسلمين من انك لا تدري ما احدثوا بعدك انقذوا المسلمين من هذه الفتنة سيدنا حذيفة النبي كلمه عن الفتن والحديس عشر صحيحة. فسيدنا حذيفة قال له يا رسول الله فمن نجا فتن كتيرة زي اللي احنا فيها النهاردة قال تعلم كتاب الله واعمل به فهو النجاة فسألته مرارا. سأله تلات مرات تاني قال يمكن يقول حاجة ايه قال له تعلم كتاب الله واعمل به فهو المخرج من ذلك. لذلك احنا مشروعنا اسمه القرآن علم وعمل