1
00:00:02.300 --> 00:00:21.300
السلام عليكم ورحمة الله وبركاته. واهلا وسهلا بكم جميعا. ارحب بكم انا الدكتور يوسف مسلم وهذه دورة حوارات علاجية باذن الله تعالى يكون هذا البرنامج او هذا البرنامج التدريبي تحديدا وهذه الساعات خفيفة علينا وعليكم ونسأل الله بركة العلم والفهم وانه يوفقنا

2
00:00:21.300 --> 00:00:39.550
ان الله عز وجل للتطبيقات التي نسأل الله عز وجل انه يعينا عليها ليش اجت دورة حوارات علاجية؟ لانه الان احنا عمالنا يعني ماشيين برنامج طوعي بحيث انه نقدم للاخصائيين في مجال المعالجة النفسية

3
00:00:39.600 --> 00:01:06.600
الحد الادنى من المهارات اللازمة حتى نرفع من مستوى الكفاءات الموجودة عند المعالجين. وايضا نقوم اه التخفيف وخفض مستويات الضرر التي قد تكون واقعة على من يطلب العلاج لانه هذا العلاج او هذا الممارسات السريرية او الارشادية هي ممارسات لها طريقة ولها اسلوب يجب ان تتم بطريقة

4
00:01:06.600 --> 00:01:32.500
علمية صحيحة حتى نستطيع فعليا ان نفيد ونقدم هذه الخدمة للناس بالطريقة المناسبة وبالتالي خلينا نتفق على بعض القواعد بالنسبة لالنا ارجو منكم جميعا الان الموجودين بالاجتماع عدم فتح المايك لا صوت ولا صورة ولا كاميرا حتى. الا اذا كان بده يشارك او طلبنا المشاركة

5
00:01:32.500 --> 00:01:53.500
بركة فممكن ترسل على اه مربع او سحابة الحوار انه انت حاب تشارك وبتشارك باذنه تعالى. اي حوارات حتم اليوم هي حوارات بيننا لو سمحتم لان هي تقع في خصوصية المتدرب. خصوصية المتدرب وممكن نحكي عن بعض اجزاء تخص بعض المراجعين. فنرجو انه الحوارات تكون

6
00:01:53.500 --> 00:02:08.200
هذه المادة مادة ابتكارية فنرجو منك انه هاي المادة تستفيد منها شخصيا. لكن لا احل امام الله عز وجل لاحد انه يقوم بعرض هذه المادي او التدريب عليها لاحقا الا باذنه

7
00:02:09.300 --> 00:02:27.550
بدك تشارك بتقدر تشارك بدورك والمشاركة مسموحة. لكن اكتب على سحابة الحوار وعندك رفع اليد بتقدر تشاركنا الحضور يكون من جهاز جيد. فاللي ما فتح جهاز جيد لحد الان ارجوكم يفتح اللابتوب. حتى يستطيع يتابع ويستمتع ايضا في الباور بوينت ويستمتع في

8
00:02:27.550 --> 00:02:45.450
هذه الدورة ما استطعنا. والمدرب اللي هو حضرتي انسان وانا انسان متفهم اتفهم انه احنا مختلفين عن بعضنا البعض. من يحضر لنا ممكن يفهمنا خطأ عند نقطة معينة. تأكدوا كل ما سيرد الان

9
00:02:45.750 --> 00:03:00.850
وخلال الخمس ساعات القادمة باذن الله تعالى. لا اقصد في شخص احد ولا اتطرق فيه لشخص احد. فلو ضربت مثال ولقيت انه لمسك او لمس حدا بتعرفه تأكد انه مش قصدي. هي

10
00:03:00.850 --> 00:03:13.150
كن في ذهنك لكن مش قصدي وانا اعتذر مسبقا اذا كان في هنالك اي تشبيهات او توضيحات لا سمح الله ممكن تمس احد فيكم احنا من عدد من الدول المختلفة

11
00:03:13.150 --> 00:03:30.750
من عدد من المشارب المختلفة فممكن بعض الاشياء تمس احد تأكدوا تماما اني في غنى وبعيد كل البعد عن استقصاد احد المقصود في هذا هذه الدورة لوجه الله تعالى الدين اللازم وان يكون لنا اجر باذنه تعالى فيما تقدموه لمراجعيكم

12
00:03:32.900 --> 00:03:54.800
مسار الجلسة احنا يعني بلشنا اربعة وربع على كل الاحوال لكن حتكون اول استراحة عالساعة الخامسة باذنه تعالى هذه الاستراحة اللي حتكون استراحة الصلاة ثم نعود بعد عشرين دقيقة ثم نستكمل حتى الساعة ستة ونص ونخرج باستراحة مدتها تقريبا نصف ساعة واقل بقليل حسب قديش بنكون ماشيين بالمادة. ثم بدنا نشد حيلنا باخر ساعتين

13
00:03:54.800 --> 00:04:16.550
لانه احنا مضطرين انه نضغط باخر ساعتين محاور اليوم مغطيها بداية التواصل وفنيات التواصل ثم الصلة وفنيات الصلة ليش؟ لانه التواصل بالكلام اصل التواصل في العلاج النفسي. على اذا سمحتم من يتفق معي

14
00:04:16.900 --> 00:04:34.250
او قديش نسبة اتفاقك معي من واحد لعشرة. انه التواصل بالكلام اصل التواصل في العلاج النفسي. يلا نشوف من واحد لعشرة قديش بتفق معك عشرة الف عشرة تسعة عشرة عشرة عشرة

15
00:04:39.400 --> 00:04:59.800
سبعة طيب خلينا نشوف ميس بتحكي انه ستة. شاركينا صوتيا يا ميس. لماذا تعتقدي انه التواصل بالكلام اصل التواصل في العلاج النفسي اعطيتيه او اكدتي على هاي العبارة بست درجات. اذا الاربع درجات هدول اللي انت مش متفقة تماما مع العبارة او ما بتأكدي على العبارة. وين

16
00:04:59.800 --> 00:05:34.600
خلينا نسمع صوتك وشاركينا. تفضلي ميس ميس البوريمي طيب اذا مايس مش قادر تشارك في عنا نسرين فؤاد بتحكي انه سبعة يعطيكم العافية. تفضلي. بالنسبة الي بحكي سبعة وممكن اقل. لانه في هناك مش بس الكلام المنطوق

17
00:05:34.600 --> 00:05:48.350
لغة الجسد الايماءات هاي كتير مهمة في العلاج والتوازن تمام تمام تمام. طيب برأيك انا اطلعي بما انه دورك حتى لو حولك اطفال وضجة ما بننزعج. بس احنا بننزعج بفتح بغير ضوء

18
00:05:48.550 --> 00:06:05.850
ما عرفت الله يخلي لك اياهم الصغار اه يا ست انا في الحديقة يلا الله يخلي لك اياها. يا ست نصرين. اذا. نعم. انت بتحكي انه في تلات او اربع درجات لصالح الكلام غير المنطوق. واللي هي

19
00:06:05.850 --> 00:06:26.000
ما نقول عنه لغة الجسد. انا ما بفضل لغة الجسد. انا بفضل اقول الايماءات الجسدية. الايماءات والحركات. شخصيا هذا ما افضله. صحيح. تمام  فهل الايماءات الايماءات واوضاع الجسم لوحدها كافية للتواصل برأيك في العلاج النفسي

20
00:06:26.200 --> 00:06:47.450
لأ اكيد لأ اذا لما منحكي اصل التواصل هو الكلام اصل التواصل. يعني النسبة الاعلى للتواصل هو في الكلام في الكلام صحيح شكرا الك يا شكرا الك يا نسرين. اذا اه هذا هذا فقط

21
00:06:47.450 --> 00:07:00.600
لننشط اذهاننا بداية. فعليا حيكون في ناس ما حتتفق لانه احنا تعودنا في اقسام علم النفس. اقسام الارشاد في دورات العلاج النفسي انه نعرف قديش اهم التواصل غير المنطوق او التواصل غير اللفظي

22
00:07:00.750 --> 00:07:20.750
وهذا صحيح. لكن الاصل لما نحكي الاصل فهو الغالب على ذلك. فالغالب على ذلك في العلاج النفسي. وخصوصا في العلاجات النشطة. شو العلاجات النشطة ما بعد التحليلية اللي هي اكتيف حقيقة وفي تفاعل اكبر مع المراجعين الغالب عليها هو التواصل. لانه في العلاج

23
00:07:20.750 --> 00:07:40.750
التحليلي اكيد فيه تواصل لكن انتم بتعرفوا انه المحلل النفسي يسمع اكثر ويحاول ان يحلل الرمزيات بطريقة او باخرى فدور كبير بكون على المتعالي. لكن في لهجات النشطة بعد ذلك احنا منعرف انه قديش انه التواصل غير اللفظي حتى لو كان مهم لكن من ادوات العلاج النفسي او ادوات العلاج النفسي

24
00:07:40.750 --> 00:08:02.300
خليفة واستراتيجياته مبنية عالكلام. مبنية عالكلام. فانت لما بدك تعمل اي استراتيجيات انت مضطر بهالكلام مع الموت  وبالتالي هذه هي فكرة الدورة. فكرة الدورة انه للحظة من اللحظات احنا محتاجين نفهم اذا جزئية المنطوق

25
00:08:02.350 --> 00:08:30.050
جزئية المنطوق هلأ جزئية غير المنطوق للحظة من اللحظات هاي اللي بنتعلمها في دورات الاشراف هاي بنتعلمها بالاشراف لانه بلحظة من اللحظات لما احنا بنتدرب تمام؟ التدريب لوحده تمام؟ بيعطينا ايش المهارات لكن اذا بدنا نشوف المهارات بعينا ونسمع باذننا كيف تتم يجب ان نحضر اما جلسات مع مشرف

26
00:08:30.050 --> 00:08:50.050
او المشرف يشاركنا بعض الجلسات ويتدخل فيها بحيث نرى كيف تتم الفنيات. لاجل ذلك بنصحكم بداية في محاضرة مرفوعة عن الاشراف في العلاج النفسي على قناة اليوتيوب بنصحكم تحضروها حتكمل هذا المربع الخاص بالاشراف وطبيعة الاشراف

27
00:08:50.050 --> 00:09:11.150
واحمد كلامنا يطرق اي باب يا ترى او يا ترى بل بكتب اللغة العربية الفصحى تمام لما احنا نتكلم مع المراجع كم واحد فيكم الان يعطيني من واحد لعشرة من واحد لعشرة بكون واثق

28
00:09:11.350 --> 00:09:30.150
واثق وين اجا الكلام عند المراجع. وهل هو طرق الباب الصحيح ولا لا يلا اشوف من واحد لعشرة كم حدا فيكم بكون واثق اين طرق الكلام؟ اي باب من ابواب ذهن المراجع

29
00:09:40.100 --> 00:09:57.750
اذا فعليا احنا بحاجة لمهارات كثيرة بطرق حوارنا مع المراجع. حتى اتأكد انه انا طرقت الباب الصحيح في حدا فيكم صار معه موقف موقف طريف بيكتب لنا برضه عطشات مش الموقف اذا صار معه

30
00:09:57.950 --> 00:10:10.900
كان بيحكي او بشارك المراجع بشيء واستغرب انه المراجع فهم الامور بغير طريقة او بغير موضوع. بلاش ازا ما مش اه يعني ما ما غريت بهذا الموقف الطريف مع احد المراجعين. مع حدا كنت

31
00:10:10.900 --> 00:10:30.000
بتحكي معه من الاصدقاء. تمام؟ واكتشفت انه انت بتحكي عن اشي وبعدين هو بيفهم على اشي تاني وبيشاركك عالاشي التاني اللي هو فاهمه. صارت معكم هاي هل حصل اذا هذا الشيء قابل انه يحصل معنى

32
00:10:30.500 --> 00:10:50.500
وطبيعي انه يحصل معنى تمام؟ بحيث انه احيانا بنكون نحاول نوضح نحكي نشرح نوصل فكرة وبتكتشف انه الفكرة اللي عمالك بتوصلها رغم وضوحها لالك لكن المتلقي بيهمها بغير طريقة بهمها بغير شكل

33
00:10:50.800 --> 00:11:11.500
وبالتالي هذا معناه انه هذا الموضوع اللي انت بتتحدث فيه مع الشخص صديقك اخوك. وزي ما حكينا والمراجع حتى وهذا تواصل قد يكون فتح باب اخر غير الباب اللي انت معني انه يفهم هذا الكلام يتركن هذا الكلام في ذهنه

34
00:11:11.500 --> 00:11:30.850
وهادا بصير بشكل كثير كبير هلأ بيصير احيانا كيف يعني انه في بعض الاحيان بكون الشخص انت بتحكي في الموضوع بطريقة معينة تنبهه لشيء تمام؟ طب دقيقة في عندي تشويش

35
00:11:30.900 --> 00:12:36.650
ردوا بعتوا لي خلينا       دقيقة بس خلينا نتأكد من طيب الان الان واضح. راح التشويش تمام. تمام وبالتالي  اقتراح واضح  طب الان  الصوت واضح؟ الصوت واضح. طيب. ممتاز. يلا اذا نتابع

36
00:12:36.700 --> 00:12:52.400
فهادا اللي بصير وهاي هي وحدة من الاشكاليات الكبرى في التواصل انه في لحظة من اللحظات بتكون بدك تفتح باب معين للتواصل. تدخل من باب معين في ذهن المراجع. تخيلوا هاي الابواب الخمسة اللي امامكم

37
00:12:52.450 --> 00:13:08.200
هي ابواب في ذهن المراجعة. انا بدي ادخل من الباب اللي بالوسط بدي اطرق هذا الباب لكن المراجع مش ضروري بكون وصل لانه يفتح لك هذا الباب. ممكن عماله تدخل المعلومة من باب اخر. بنرجع وبنحكي حتى على مستوى تربوي

38
00:13:08.200 --> 00:13:23.500
الامهات والاباء بيعرفوا بتكون تحكي مع ابنك بالشرق زي ما بنحكي احنا الاباء. تمام؟ وهو فاهمك بالغرب. فواضح انه باب التواصل ما فتح بالشكل المناسب. فتح باب اخر في ذهن الشخص المتلقي

39
00:13:23.600 --> 00:13:46.200
فكلامنا يطرق اي باب يا ترى لاجل ذلك في العلاج النفسي من الضرورة من الضرورة انه نزيد مهاراتنا بحيث نتأكد قدر الامكان قدر المتاح قدر ممكن انه احنا عمالنا بنطرق الباب الصحيح وبنتوجه للباب الصحيح حتى نكون على نفس الارضية نتحدث نحن

40
00:13:46.200 --> 00:14:09.600
المراجع وبالتالي هون كيف ندخل هاي البيوت من ابوابها مش من شبابيكها تمام؟ كيف ندخل الباب الصحيح هذا اللي بدنا اياه. لانه في كثير من الاحيان ما يتم ممارسته في العلاج النفسي حقيقة هو الحديث على الشباك وليس الدخول من الباب

41
00:14:10.000 --> 00:14:26.600
لبساطة تشبيه وحتشوفوا انه معظم الثيم تبع التدريب اليوم شبابيك وابواب. حتى تعلق هاي الفكرة في ذهنكم صوريا تمام وتتصوروها فعليا كثير من المعالجات تتم كانه شخص عالشباك وبتحكي انت واياه من الشباك

42
00:14:26.750 --> 00:14:46.450
احنا بدنا ندخل من الباب ونحكي مع المراجعة على نفس الارضية ونفهمه بنفس الطريقة ونطرق ذهنه للشيء اللي احنا بدنا نساعده فيه وهو بيطلب المساعدة من خلاله خلينا نشوف يعني بتشبيه بسيط او بتمرين بسيط. كيف الاستجابات وتأثيرها

43
00:14:46.500 --> 00:15:06.750
هذا مراجع بيحكي للمعالج. لم استطع النوم طوال ليلة البارحة لقد كنت افكر كثيرا فيما يخص اليات العمل؟ وهل سينجح مشروعنا الجديد هون اللي احنا منا اياك تتعلمه لما بتسمع عبارة من هذا النوع

44
00:15:06.850 --> 00:15:30.950
وسامحوني رجاء يسامحوني الزملاء الموجودين والدكاترة الافاضل اللي عندهم خبرة كبيرة. لما بحكي تتعلموا لا اقصد او لا اقصد نهائيا انه انا افضل من احد لكن نحن نتشارك الخبرة مشان هيك الاساتدة الكبار الدكاترة اللي لهم فضل علينا حتى وعمالهم بيحضروا رجاء يتنبهوا

45
00:15:30.950 --> 00:15:48.850
الكلمات انا لا اقصد شيء. تمام اه طبعا لا تستغربوا انا بمارس هاي المهنة من عشرين عام والتدريب تقريبا من سبع سنوات فيعني بعرف بعض الاستجابات كيف مش بتصير فبستبقها يعني بشكل او باخر فلا تستغربوا ليش بحكيك

46
00:15:49.450 --> 00:16:05.900
فالمراجع بيحكي لم استطع النوم طوال ليلة البارحة لقد كنت افكر كثيرا فيما يخص اليات العمل وهل سينجح مشروعنا الجديد بالتالي هون بيجي التساؤل اللي بيطرق اذهاننا. اذا كيف استجيب

47
00:16:06.050 --> 00:16:24.100
بما يتحدث عنه المراجع هذا اللي بدنا نتعلمه اليوم كيف نستجيب؟ وكيف لما نستجيب او نتفاعل نطرق الباب الصحيح. اللي من خلاله فعليا ندخل من الباب مش بنتحدث على الشباك. ونتحدث مع

48
00:16:24.100 --> 00:16:50.600
على ارضية واحدة شوف مين بيحب يلعب معنا دور. بدي خمس متطوعين خمس متطوعين. يكتب عالتشات انا مشان واحد واحد يحكي لنا يلا سريعا ايمان حنبلش مع ايمان عبيد ما نشوف مين اللي بيرغبه بلعب الدور

49
00:16:50.750 --> 00:17:11.150
ايمان اقرئي الجملة من جديد تمام؟ اذا ايمان رامز هاجر مريم ضل واحد السلام عليكم آآ لم تستطيع النوم طوال ليلة بارحة لقد كنت افكر كثيرا فيما يخص اليات العمل. وهل سينجح مشروعنا الجديد

50
00:17:11.200 --> 00:17:28.700
تمام. بدي بدي بدي هاي العبارة تمام؟ انت تفكري فيها تخليها في ذهنك وها الكلام للخمس متطوعين اذا تكرمتوا. خلي العبارة في ذهنك تمام احفظيها جيدا واحكيها بلغتك. انت معلش

51
00:17:29.800 --> 00:17:48.650
تمام. خليها باذنك. وهذا كلام لجميع المتطوعين الافاضل. خليها بذهنك. احفظيها جيدا. وعيدي لي اياها يلا تفضلي. بصراحة مبارح ما عرفت انام طول الليل وانا بفكر يعني كيف ممكن هالمشروع ينجح ولا لأ

52
00:17:49.100 --> 00:18:03.950
ما عرفت تنامي نعم يعني طول الليل وانا بفكر بس يعني اه ما في نوم من مرة بس وانا بفكر وبدرس انه المشروع رح ينجح ولا لأ؟ كيف ممكن انا ازبط اموري فيه؟ ما قدرت من مرة انام

53
00:18:04.600 --> 00:18:24.100
فما عرفت تنامي طول امبارح نعم نعم وطبعا اثر علي كتير بشكل صعب اه صباحا يعني طيب لاحظتوا كيف اللي تم الان مع زميلتنا ايمان ماشي؟ انا الكلمة اللي كبست عليها الزر النوم

54
00:18:24.750 --> 00:18:47.250
فقلت لها ما عرفتي تنامي فاجابتها او جاوبت على موضوع النوم. خلينا نشوف لو ركزت على كلمة تانية تمام لو ركزت على كلمة تانية. استاذ رامز تفضل تفضل احكي الجملة

55
00:18:47.450 --> 00:19:18.500
بس بلغتك بطريقتك زي ما حكينا وخلصها ولما انا بحكي كلمة معينة بدك تستجيب للكلمة اللي حكيتها اتفضل تفتح المايك اذا بدك تحكي طيب معلش استاذ رامز اذا عندك مشكلة حروح لهاجر وبرجع لك. هاجر تفضلي

56
00:19:18.800 --> 00:20:11.450
بفتح المايك هل ممكن انا عندي مشكلة مش مسموع استاذ رامز  هاجر بتقدر تفتح المايك اذا تكرمتي  طيب مريم مريم تقول ايمان ايمان بما انه متأكدين انه المايك عندك مزبوط. ممكن تحكي كمان مرة بس خليني اتأكد انه ما في عنا مشكلة في السماعة

57
00:20:12.000 --> 00:20:32.350
تمام دكتور. هيك واضح اه واضح طيب مها مها بتقدري تشاركي بتفتحي المايك يسعد اوقاتك يا هلا اهلا فيك يا مها واضح اه واضح الصوت. تفضلي اقرأي العبارة بس اقرئيها بطريقتك

58
00:20:33.000 --> 00:20:49.450
مم. دكتور انا مريم رجعت بس حبيت اخبركم في مشكلة عندكم جهاز تمام خلينا نسمع مها وبعدين نرجع لك يا مريم ولا يهمك. تفضلي مم مبارح اه طول الليل ما قدرت انام. كنت قاتلة هم وعم فكر بموضوع الشغل

59
00:20:49.850 --> 00:21:12.650
وقلقانة كتير طول امبارح  طول الوقت طول الوقت في اكلي هم طول الوقت طول الوقت بالي كان مشغول وعمر شكرا لالك يا مها احنا مع مها الان ركزنا على مبارح عكلمة مبارح اكتر طول الوقت او مبارح

60
00:21:12.700 --> 00:21:33.250
طيب مريم تفضلي كمان مرة احكي العبارة وهلأ منحكي لكم ايش بدنا نوصله تمام. مبارح عانيت من اسلوب من تفكير زائد ما خلاني انام اه لدرجة انه اه صرت افكر بكل اشي حتى يعني بالشغل وبالاشياء اللي بتصير معي اثناء اليوم. كان عندي تفكير زائد كتير

61
00:21:33.850 --> 00:21:55.200
ففكرت كتير كتير مبارح اه كتير كتير فكرت تمام. طيب شكرا لالك يا مريم رامز ازا فتح معك كان في بعد مريم مسموع؟ اه في صوت الان. نعم. اه تمام. اه ما عرفت كلام طولي مبارح كنت افكر كتير بالشغل والمشروع

62
00:21:55.200 --> 00:22:13.200
جديد تمام. تفكيرك كان بالشغل كله بالزبط كان بالشغل والمشروع كيف راح ينجح او لا تمام شكرا لالك طيب وضل عنا هاجر. هاجر فتح معك المي كله لأ سلام عليكم

63
00:22:13.600 --> 00:22:33.450
وعليكم السلام  آآ اه ما قدرت امس انام طول الليل حتى كنت افكر في الشغل وتفاصيله وما اعرف ايش حنعمل فيه والايام الجاية معلش انا ما سمعت اخر اشي مش واضح ان قطش الصوت

64
00:22:34.950 --> 00:22:51.850
اه قلت اه امس سمعت ما قدرت انام عشان الشغل نفكر في تفاصيله ومش عارفة صراحة ايش حياته في الايام جاية مش عارفة شو حيصير في الايام الجاية اه ايوة يعني

65
00:22:52.050 --> 00:23:12.000
ايوة ايوة ايش ؟ كملي آآ ايوة حاسة انه يعني خايف الواحد اه ما يسلم المشروع في وقته ويتفشل الله يستر بس فخايفة تتفشلي اه ايوة تمام. طيب شكرا لالكم

66
00:23:12.950 --> 00:23:41.450
شو لاحظتوا؟ خليني اشوف اللي كانوا بيسمعوا. شو لاحظتوا شو لاحظتوا بهذا التمرين على التشات اذا سمحتم شو لاحظتوا؟ نفس العبارة حكاها اشخاص مختلفين بس نفس العبارة وهاي العبارة تمام؟ كل مرة انا ركزت على كلمة معينة

67
00:23:50.350 --> 00:24:09.450
طيب خلينا نشوف ما شاء الله الاستجابات كتيرة. طيب اه كل شخص اكمل شكواه حسب استجابتك له. احسنت لاحظت يا مريم؟ وكانه الجملة اللي انحكت او حكاها الشخص او عبر عنها

68
00:24:09.900 --> 00:24:28.050
وين انا ركزت على كلمة من الكلمات وكأنه كبست زر وفتحت الباب لهاي الكلمة اللي يحكي عنها او هو فتح الباب تمام ؟ لهاي الكلمة انه يحكي عنها اكثر تغير مسار الحوار بحكي اه بتحكي رنين. صحيح

69
00:24:28.100 --> 00:24:48.100
وهاي واحدة من الاشياء المهمة جدا. اللي لازم تتنبهوا لها. انه حواراتنا مع المراجعين بتغير مسارها حسب على اي جزئية من الكلام بنركز. لانه لما ركزت عالنوم بلش يحكي عن مشكلة النوم. لما حكيت مبارح صار يحكي بعموم مبارح. لما حكيت عن التفكير والافكار

70
00:24:48.100 --> 00:25:04.400
هذا اللي ركزت عليه. وانا كل اللي عملته اني عمالي بعكس محتوى او بعكس مشاعر معينة لهذا الشخص. تمام؟ مجرد ما حكيت كلمة معينة تفاعلية معه تفاعلت معه بكلمة معينة فتح الباب لهاي الكلمة وبلش يحكي فيها

71
00:25:05.850 --> 00:25:23.550
اه اه فرح بتحكي فيه اختلاف لاسباب المانعة في النوم حسب وين ركزت ففرح برضه بتحكي التركيز على كل كلمة بيعطي استجابة مختلفة من المراجعة. احسنت ورامز نفس الشيء بيحكي انه التركيز بخلي المسترشد يركز على العبارة نفسها

72
00:25:23.600 --> 00:25:40.650
اه حسب استجابتك كان تركيز انا بفضلشي الاسم الحالي لانها ترجم للانجليزية ومعناهم مختلف. بالنسبة لي كليا. بفضل المراجعين نقطة نقطة مختلفة كل مرة. تكرار السؤال عن شيء واحد تمام احسنتوا شكرا لالكم

73
00:25:41.300 --> 00:25:59.500
اه احمد النقطة المرجعية احسنت وهي النقطة المرجعية اللي انا ركزت عليها. تنوع الاستجابات. اذا لاحظتم ليش الحوارات مهمة تمام اه فتيحة بتحكي مقاصد العبارة اللي تغيرت. احسنت. لانه وين انا ركزت على اي نقطة من الكلام ركزت

74
00:25:59.550 --> 00:26:15.650
وعملت عكس محتوى او عكس مشاعر المراجع ركز معي واسف انا بحكي المراجع بس احنا بنلعب دور. تمام على هاي الكلمة لاحظتوا اذا وكأنه قبل شوي زي ما حكينا في عنا خمس ابواب

75
00:26:16.500 --> 00:26:42.350
فمشان هيك جدا مهم لما انا عمالي بتفاعل لفظيا مع المراجع بتفاعل لفظيا مع المراجع على اي باب بدي ادخل برن الجرس واضح وبعديها في الجملة اللي بعديها على اي جزئية بدي استفسر برن الجرس او بدخل الغرفة اللي بدي ادخلها. وكأنه انت بتدخل لبيت المراجع. بيت

76
00:26:42.350 --> 00:27:02.200
رجع مكبون من خمس ست غرف. بس اول اشي بدك ترن الجرس لتدخل البيت وبعدين بتقدر تدخل الغرف. اما بخليك زي الضيف في غرفة الضيوف اما بدخلك عغرفة المعيشة وبكون صريح اكثر وبيحكي بجزئيات واما بدخلك على الغرف الخاصة وانك انت من اهل البيت وهذا معناه انه

77
00:27:02.200 --> 00:27:21.250
فتح سريرته لالك واعطاك فرصة انك تتعرف على خصوصياته بشكل اكبر لاجل ذلك في نقطتين مهمات في ابعاد الحوارات العلاجية النقطة الاولى اللي هي التواصل. كيف بتواصل والنقطة الثانية اللي هي الصلة

78
00:27:21.450 --> 00:27:34.450
باللغة الانجليزية اللي مش كثير بفضل انه نحكي فيها وبفضل انه دائما تكون الاشياء معربة او بالاصل باصولها العربية وليست معربة باصولها العربية العميقة واللي الها فهم في مجتمعنا حقيقي

79
00:27:34.600 --> 00:28:03.700
تمام التواصل اللي هو زي ما بيحكوا بالانجليش كيف اتواصل الصلة كيف اعمل صلة مع المراجع؟ وهناك فرق كبير بين التواصل والصلة يكاد يكون مهم جدا كمعالجين لدرجة ضخمة جدا جدا جدا. لاهميته وجوهرته الحقيقية

80
00:28:03.800 --> 00:28:16.750
في موضوع الحوارات العلاجية في موضوع الحوارات العلاجية. اذا احنا منحكي لسا في الحوارات العلاجية وطول اليوم حنضلنا نحكي في الحوار العلاجي. ما عمالنا بنحكي عن تكنيكات العلاج. نهائيا مش حنتطرق لتكنيكات العلاج

81
00:28:16.750 --> 00:28:37.100
احنا بنتطرق للحوارات العلاجية والجو العلاجي. اللي بخص بعدين اساسيات من ابعاد الحوارات. البعد الاول اللي هو التواصل والبعد الثاني اللي هو الصلة وبالتالي بداية خلينا نحكي عن التواصل التواصل القدرة

82
00:28:37.200 --> 00:28:59.850
قدرتك او قدرة الشخص اللي بتواصل بتواصل على ايصال المعنى او المبنى بشكل مقصود او غير مقصود لفظي او غير لفظي بلغتك الخاصة بكلمتين على التشاد شو فهمت من هذا

83
00:29:00.500 --> 00:29:29.400
التعريف اهم كلمتين بالنسبة لالك بلغتك الخاصة  نختار ما الذي نركز عليه بنحدد طول استجابة المراجع توصيل الفكرة لو تعيد التعريف لطفا. طيب. القدرة على ايصال المعنى او المبنى بشكل

84
00:29:29.400 --> 00:29:43.750
مقصود او غير مقصود لفظي او غير لفظي في التواصل اذا من الوسط المعنى من الوصل رسالة وبده يكون في قدرة لفظية او غير لفظية لنوصل هذه الرسالة بشكل صحيح

85
00:29:44.050 --> 00:30:00.750
كيف نوصل الفكرة للمراجعة؟ احسنتم واحيانا في جزء من التواصل غير مقصود وهذا اللي بنحذر منه لانه ممكن تكون انت جالس مع المراجع. وللحظة من اللحظات وخصوصا شغلة التلفون اللي بتلاقي معظم الناس. تمام؟ تبدي حركة

86
00:30:00.750 --> 00:30:22.100
معينة تمام؟ يفهم منها انه انت تنتقد او ما عجبك اللي حكاه المراجع او لست موافقا عليه وانت لكل اللي صار انشغلت فهادي مهمة جدا فهو لما احنا بنتحدث مع المراجع. ويتحدث المراجع معنا

87
00:30:22.250 --> 00:30:45.450
بدنا يكون عنا قدرة على توصيل المعنى ايش بنقصد بشكل واضح مشان هيك ما بيزبط انه نكون مغمغمين او غير مفهومين وايضا المبنى للموضوع اللي هي المبنى بيختلف عن المعنى انه كيف بتكون الامور تسلسلية يعني انا بوصل فكرة قصدي بعديها اوصل

88
00:30:45.450 --> 00:31:01.250
الفكرة قصدي بعديها اوصل فكرة فبتعطي معنى هذا الامر ممكن يكون مقصود او غير مقصود. لاجل ذلك آآ لما احيانا يعني بروح للعيادة وبكون مرهق جدا او الواحد شوي في حالة مرضية خفيفة

89
00:31:01.400 --> 00:31:22.300
لما يدخل المراجع اول شيء بوضح له اياه انه اه اعذرني بس انا اليوم مريض فيعني مش حتشوفني بنفس معالم الوجه اللي انت معتاد عليها ليش لانه المراجعين بيقرؤوا وجوهنا وبيقرؤوا ردة فعلنا. فبدي اوضح له هذا الكلام. تمام؟ طبعا هذا الكلام

90
00:31:22.650 --> 00:31:38.400
اذا كنت انا متعب جدا الافضل ما اشتغل الافضل ما اشتغل. لاجل ذلك انا عندي اعتبارات اساسية. وحقيقية في الكلام اللي قيل في فترة كورونا عن الفائدة للعلاج عبر الاونلاين

91
00:31:39.300 --> 00:32:04.150
عبر الاونلاين لانه عبر الاونلاين في الجزء الغير محكي في الجزء الغير محكي ومشان هيك شوفوا على رسائل الواتساب كثير من الاحيان ممكن نختلف لكن لما بنحكي وجها لوجه نتفق انه احنا لما اختلفنا لانه كان في شيء غايب انا ما فهمتك كويس وانت ما فهمتني كويس لانه كان حضور

92
00:32:04.150 --> 00:32:20.450
نعم بعض غائب حضورنا عن عن بعض غائب. بالتالي المقصود بالمبنى هون انا احيانا بكون بدي اوصل عدد من الافكار للشخص. يعني طريقة بنائية معينة زي اعادة مثلا البناء المعرفي

93
00:32:21.250 --> 00:32:44.100
واضح؟ فهي طريقة مسلسلة لانه العلاج عملية مش معناه بكلمة وكلمتين واربعة وشريح واحد وتوضيح واحد واضح اذا في هذا الجزء الصلة شو بتختلف عن التواصل الصلة الصلة لما يكون في صلة الصلة بينك وبين حدا

94
00:32:44.150 --> 00:33:01.350
تمام؟ فهو القدرة على تعميق العلاقة. لما بتعمق علاقتك او العلاقة بتكون عميقة بس بايش شرطها؟ عمق عمق العلاقة بالثقة والامان كن في ثقة وامان. بشكل مقصود او غير مقصود لفظي او غير لفظي

95
00:33:01.550 --> 00:33:20.100
لانه ليش احنا بنحط بشكل غير مقصود؟ لانه ممكن بشكل غير مقصود يصير العكس  تمام؟ فقدرتك على تعميق العلاقة بالثقة والامان مهم مشان هيك قبل شوي انكتبت كلمة الاصالة حنين كتبت كلمة اصالة

96
00:33:20.950 --> 00:33:42.950
هادي من اصعب الفنيات اللي ممكن يتعلم عليها المعالج المعالجون يستعجلون العلاج يستعجلون بايش؟ بكون اخد تدريب فاعتقد انه يستطيع ان يدرب يعني ان يعالج فورا او يدرب حتى وهاي هاي الطامة الاكبر

97
00:33:43.100 --> 00:34:04.250
تمام؟ بكون لسا ما مشى في العلاج دائما انا بشارك طلابنا اللي بياخدوا معنا مثلا الان عمالنا بنطرح برنامج سنتين بالعلاج المعرفي السلوكي هذا بنطرحه تقريبا كل عام ونصف انه وحدة من الاشياء اللي لازم تتعلمها الصياغات. كيف احنا منصيغ الكلام وكيف منصيغ السؤال وكيف بنحكيه

98
00:34:04.400 --> 00:34:20.750
بيجي مثلا شخص مشان هيك مثلا انا اي حدا من غير متدربينا ما بقبل يحضر جلساتي تمام؟ اذا من المتدربين انه يفهم ما الذي يحتاج ان يراه في الجلسة؟ اذا من غير متدربينا تمام؟ هو مش عارف شو اللي بده ياخده من جلستك

99
00:34:20.850 --> 00:34:41.650
فبالتالي عندي اعتبارات للتدريب المتدرب الفاهم ايش بده يوخد من جلستك بيعرف انه مجرد حتى طريقتك في الكلام اسلوبك في طرح الاسئلة. اسلوبك في طريقة ادارة الحوار اللي عماله بصير بشكل او باخر. اصالتك وعكس اصالتك هذا فن

100
00:34:42.300 --> 00:35:05.900
يشكل نصف العلاج. فالصلة مهمة وليست بسيطة جيش طبعا لانه بدنا نعرف شغلة كثير مهمة واساسية هاي الجزئية من رسالتي في الدكتوراة تمام في رسالة الدكتوراة اه كان بحثي الاساسي عن

101
00:35:06.300 --> 00:35:34.250
آآ برنامج لتبليغ الاخبار السيئة. في قطاع الصحة النفسية عموما والازمات تمام لاجل ذلك وضعت نموذج جديد تمام في موضوع تبليغ الاخبار. كان الفكرة انه في نموذج جديد طرحته تدربنا عليه مجموعة وعملنا عليهم اشراف وقسنا الاثر والحمد لله كان الاثر

102
00:35:34.300 --> 00:35:53.950
مناسب جدا وما زلنا بندرب على هذا الكلام تبليغ الاخبار هو واحد من اساليب التواصل اللي بحاجة لصلة قوية للحظة من اللحظات تمام؟ لصلة قوية وتعرف تعمل الصلة سريعا لانه بجوز

103
00:35:54.000 --> 00:36:08.750
انت ما شفت مراجعك الا جلسة واحدة وبدك تبلغه خبر بالنسبة لاله سيء. عن نفسه او عن ابنه او عن زوجته تخيل لما تبلغ الاهل انه ابنهم عنده فصال او الابن يعاني من التوحد

104
00:36:09.100 --> 00:36:27.900
او انه هذا الابن تم التحرش فيه او تبلغ شخص انه الاثار اللي عنده هي اثار اضطراب ما بعد الصدمة او تبلغ الام انه الان انت تعاني من الاكتئاب هذه امور هذه امور ممكن تكون مقبولة للبعض لكن قد تكون غير مقبولة للبعض او غير واردة

105
00:36:28.500 --> 00:36:43.450
لاجل ذلك  اللي حكيت لكم عنه اللي هو نموذج تبليغ الاخبار بالسيئة اسمه نموذج الاطوار الثلاث في تبليغ الاخبار السيئة كان وحدة من السبق اللي بنحاول نعمله في هذا النموذج

106
00:36:43.800 --> 00:37:01.500
اه ولاجل ذلك يختلف عن غيره من النماذج مش احسن يختلف مش احسن يختلف عن غيره من النماذج انه يأخذ بعين الاعتبار قياس تأثير الحساسية الانفعالية شو يعني يعني لما بيجيني المراجع بدي سريعا اقرأ انفعاليا

107
00:37:02.250 --> 00:37:17.200
تمام ؟ مشان اتأكد هو في اي حالة مزاجية الان اسمه نموذج الاطوار الثلاث لتبليغ الاخبار السيئة. نشرناه كذا مرة في كتيبات نشرناه بي دي اف كذا مرة تمام ودربنا عليه كذا مرة حتى كانت التدريبات مجانية

108
00:37:17.500 --> 00:37:40.350
تمام؟ واللي بتركيا دربنا عليه تدريب طويل كان تمام فا بهمني اني اقيس الحساسية الانفعالية ليش بدي اقيس الحساسية الانفعالية؟ افهموني جيدا افهموني جيدا نرجع لسورة الابواب تمام لما تكون انت في حالة من الحزن

109
00:37:41.650 --> 00:38:02.750
او انخفاض المزاج هل استقبالك للي بينحكى بكون بنفس الطريقة اذا كنت في حالة من التوتر والقلق هل بيكون بنفس الطريقة اذا فيك اذا كنت في حالة من الغضب والحدة

110
00:38:04.450 --> 00:38:20.700
هل حيكون بنفس الطريقة اذا كنت في حال من ردة الفعل الانسحابية بتعرف هاد اللي بيجيك وهو بدوش يحكي مش جاي عباله يحكي لانه الزوجة او الزوج او الابن مش جاي تمام من خاطره

111
00:38:21.450 --> 00:38:36.850
تمام مثلا اللي بعانوا من الادمان بنلاحظ عندهم هذه المشكلة الابناء في في في مرحلة المراهقة بجيبوهم الاهل بنلاحظ عندهم هذي المشاكل لانه بكونوا في حالة من الحساسية الانفعالية العالية. وانت بدك تتواصل معه

112
00:38:38.000 --> 00:39:03.600
اه هو اسمه نموذج الاطوال الثلاثة لتبليغ الاخبار السيئة تمام فبالتالي بهمني انه اعرف عن الحساسية الانفعالية الموجودة عند الشخص حتى يكون تواصلي صحيح واعرف كيف اعمل الصلة الحزين او اللي بيميل للحزن. اجاني مريض اكتئاب او في مزاج اكتئابي

113
00:39:05.350 --> 00:39:32.350
كيف بيفهم الاشياء برأيكم كيف يميل دماغه لفهم الاشياء ما هي الابواب التي تفتح في ذهنه على الاغلب لفهم الاشياء. اكتبوا لي حيكون ميوله للسلبية والتشاؤمية اعلى فلاجل ذلك لما انت

114
00:39:32.500 --> 00:39:57.300
تحكي معه في امور فيها بالاصل هي سيئة حياخدها بسوء اكبر مما هي عليه واضح في المقابل المتوتر والقلق الخائف كيف بياخد الامور؟ عالاغلب عالاغلب كيف يميل لاخذ الامور كيف يميل لاخذ الامور

115
00:39:57.400 --> 00:40:19.500
اقرب للكارثية اقرب ليتخيل السيناريو الاسوأ احسنتم احسنتم. ردة فعل سريعة يستشعر التهديد اسرى. المبالغة تضخيم احسنتم احسنتم جميعا وبالتالي هذا الشخص كمان بدي اتنبه لانه الان ممكن يضحي بالامور

116
00:40:20.550 --> 00:40:43.400
ويكبرها ويجعلها كارثية طب لو كان غضبان او في حال من الحدة كيف حياخذوا الامور بشكل شخصي بشكل تهديد بس هو هون تهديد مش حيهرب زي الخائف. وبده امان بده يكسر راسي للحظة من اللحظات اذا زدتها عليه

117
00:40:43.500 --> 00:41:07.000
بشكل عدائي ممكن ينفعل ممكن يعصب وللعلم يعني فكرة تبليغ الاخبار هي جاءت بصراحة يعني في فترة الدكتوراة في الالفين وعشرة لما بلشت ادرس الدكتوراة كان الفكرة انه اه اه للحظة من اللحظات تتكرر احداث الها علاقة بضرب بضرب

118
00:41:07.250 --> 00:41:29.000
الدكاترة الدكتور الدكتور المعالج في المستشفى وكان الفكرة انه نشوف ونطلع على بعض الاسباب وطلع واحد من اهم الاسباب طريقة نقل الاخبار فبعدين صار الفكرة في طرق لنقل الاخبار او نماذج لنقل الاخبار موجودة لقطاع الانكولوجي اللي هو قطاع الاورام وكذا

119
00:41:29.100 --> 00:41:49.900
القطاع اللي مش مدروس كفاية بنقل الاخبار كان القطاع النفسي. تخيلوا قديش احنا نتواصل مع الشخص مع ذلك قطاعنا اقل قطاع مدروس من ناحية نقل الاخبار ولقيت انه في عدد من الاساتذة العرب الكبار اللي اهتموا بنقل الاخبار اخذوا نماذج اجنبية صحيح وترجموها

120
00:41:50.000 --> 00:42:08.750
ثم طبقوها لكن مثلا اه اه مثلا اه كان في دراسات مهمة كثير عن نقل الاخبار. للام التي تنجب طفل عنده اعاقة تبليغ اهل المتوفى تبليغ مريض السرطان انه الوضع متقدم او تبليغ اهله

121
00:42:09.650 --> 00:42:34.050
تمام الغريب اعمل تدريب في الجامعة الاردنية وكان الحضور من طلاب البكالوريوس تمام البعض منهم لما اجيت وحكيت لهم انه كان في في زي تصوير فيديو اه لعب دور مع احد المراجعين. بنفرجيهم كيف المهارة لنقل الاخبار. تمام

122
00:42:35.050 --> 00:43:01.600
فكان يعني في في شخصين اعترضوا انه معقول الاكتئاب بعتبروه الناس خبر مزعج او سيء وانت بحاجة تنقلوا لهم الخبر بطريقة معينة قديش بتتفقوا مع هذا الكلام؟  هل تتفقي انه فعليا عادي تيجي تبلغ حدا انت عندك اكتئاب او عندك اضطراب ما بعد الصدمة او القلق اللي بتوصفه هذا قلق مرضي عادي

123
00:43:04.300 --> 00:43:33.050
تبوا لنا عالجات وبالتالي وبنرجع بنحكي احنا ما بنتحدث عن الاشخاص بعينهم لكن بنحكي عن انه احيانا نقص الكفاءة في فهم القطاع بتخلي بعض الناس تفكر بعض الامور تمام؟ انها لأ عادية يعني انه بما انك انت بتعرف عن الاكتئاب الاصل انه المريض يتقبل الاكتئاب وهذا مش صحيح. وهذا مش صحيح

124
00:43:33.500 --> 00:43:55.700
بالتالي قياس الحساسية الانفعالية قياس مهم. يحتاج منا ان نفهم الوضع الذي يكون الشخص فيه في الحالة الانفعالية. لانه هون كيف نتواصل؟ وكيف نؤكد الصلة مهم الحزين الصلة اللي بده اياها تكون مبنية عوجود امل وثقة

125
00:43:56.950 --> 00:44:13.750
الخائف والمتوتر والقلق الصلة اللي بده اياها بده اياها تكون قائمة على نوع من الامان والجو الامن الغاضب تمام؟ بده برضه نوع من الامان ويعرف انه ما في تهديد من قبلك

126
00:44:14.400 --> 00:44:32.600
والمنسحب بده يتأكد انه يثق فيك لاجل ذلك الجزء غير المحكي عادة تمام؟ في التدريبات هو الجزء اللي بخص الصلة. كثير منركز عالتواصل. اخدتوا فنيات اه اه كيف انا مثلا اعمل عكس المشاعر وعكس المحتوى

127
00:44:32.600 --> 00:44:54.750
مطروح في كثير تدريبات واللي درسوا في الاقسام. لكن الصلة الاقل طرح لاجل ذلك بنبلش دائما بتأثير الحساسية الانفعالية طيب بدنا نفصل بالتواصل بشكل اكبر فقلنا التواصل هو القدرة على ايصال المعنى او المبنى بشكل مقصود او غير مقصود لفظي او غير لفظي

128
00:44:55.400 --> 00:45:18.950
اذا هذا التواصل حتى يتم بدنا نعرف فنيات خاصة بالتواصل. الفنية الاولى هي فنية الاسئلة والتساؤلات الفنية الثانية هي فنية الافتراضات الفنية الثالثة اللي هي فنية التوضيحات والفنية الرابعة والاخيرة هي فنية التوجيهات

129
00:45:20.250 --> 00:45:36.950
وهذا اللي بنطرحه اليوم هو مقدمة في الموضوع يعني قد تكون عندكم بعد ذلك اسئلة كثيرة وديروا بالكم لما تكثر اسئلتك عن شيء هذا يعني امر مهم انه بلشت تطلع من جهلك في الامر

130
00:45:38.600 --> 00:45:55.000
لانه اللي بحس انه الموضوع عادي بسيط اذا هو ما ولج هذا الامر حتى يعرف قديش في اشياء في داخله من العلم فاذا صار عندك اسئلة اكثر نتأكد تماما انه الحمد لله احنا وصلنا لهدفنا بشكل اكبر

131
00:45:55.500 --> 00:46:14.700
لكن زي ما حكينا اللي بنطرحه اليوم مقدمات في الموضوع وبالتالي الاسئلة الاسئلة فيما يخص العلاج الان طبعا الاسئلة تخص التربية والتعليم الاسئلة تخص اولادنا الاسئلة الموجودة في كل شيء. كلنا بنطرح اسئلة

132
00:46:14.950 --> 00:46:41.850
لكن هون ما نقصده الاسئلة في العلاج هي عبارة عن طرح استفسارات واستفهامات بستفسر بستفهم حول ظروف وتفاصيل معينة تخص المراجعين لظرف معين لتفصيل معين سواء كنت بعمل دراسة الحالة او باخد تاريخ الحالة. انا عمال

133
00:46:41.850 --> 00:47:07.300
بستفسر وبستفهم عن الظروف الاوقات الاوضاع الاعراض التفاصيل اللي بتخص المراجعين ولما بيعطيني مواقف وبنحدد مواقف انا برضه بدي استفهم واستفسر حتى افهم اكثر هذه المواقف اللي بطرحها المراجع وبالتالي

134
00:47:13.750 --> 00:47:38.300
في توجيهات الممارسة المثلى زي ما بسموها ايش اللازم افعله في سياق الاسئلة؟ وايش المحاذير الاشياء اللي ما افعلها على قدر الامكان لازم تكون طريقة الاسئلة اللي بتطرحها استفهامية هل بتقصد كذا

135
00:47:39.050 --> 00:47:54.750
يا ترى كيف ممكن توضح لي الموضوع هون اكثر؟ استفهم واستكشف السؤال الثاني طرحته كيف ممكن توضح لي الموضوع اكتر شو في موقف صار ممكن يعبر عن الموقف اكثر هذا الاستكشاف

136
00:47:56.000 --> 00:48:16.250
في نوع من الاسئلة اللي هي في المقابل لا تفعل الاستنكارية طب وانت ليش عملت هيك من الاصل؟ هذا بطل استفهام وبطل استكشاف صار استنكار طيب خليني اسأل سؤال استفهامي وسؤال استنكاري

137
00:48:16.750 --> 00:48:38.400
وتحكوا لي وتحكوا لي شو الفرق كان بين السؤالين سؤال الاستفهامي يا ترى ليش انت اتصرفت هيك في تلك اللحظة؟ هل هذا استفهامي؟ تتفقوا مع انه استفهامي مين بيتفق معي انه استفهام؟ من واحد لعشرة

138
00:48:47.450 --> 00:49:19.650
طيب خلينا نشوف لو كان بهاي الطريقة طب ليش انت يا ترى تصرفت هيك في هديك اللحظة تمام نبرة السؤال هي اللي بتخلي الاسئلة استفهامية او استنكارية استكشافية او فضولية

139
00:49:20.300 --> 00:49:46.350
من اكثر المطبات اللي ممكن يتعرض لها المعالج اذا بلش يسأل بفضوله تمام صار دافعه الفضول مش دافعه اللي هو مصلحة المراجع. وهذا بصير من كثير من المعالجين الجدد للاسف

140
00:49:46.650 --> 00:50:06.700
انه بصير بعدين يسأل بفضول في قاعدة اساسية وفي برضه على قناة اليوتيوب الخاصة فيي موجود او مرفوع. اه اللي هو وحدة من المعالجات اللي بنعتقد انها الجيل الجديد في الوسط العربي اللي هي العلاج المرتكز على المناعة النفسية

141
00:50:07.950 --> 00:50:26.200
القاعدة الاساسية في العلاج المرتكز عالمناعة النفسية هي قاعدة علاجية اصيلة وهي انه احنا ما بناخد معلومات زائدة عن الحد واذا اخدنا معلومة من المراجع بكون الهدف استخدامها في العلاج وتوظيفها للعلاج

142
00:50:27.050 --> 00:50:44.500
وما بناخد المعلومة فقط بطريقة وبعدين ما بنهتم فيها وهاد وحدة من المطبات في الكلينكال سيكولوجي في علم النفس العيادي انه احيانا يتم السؤال باستفاضة عن كتير من التفاصيل تمام

143
00:50:44.700 --> 00:51:06.200
لمعلومات هي لا تفيد حقيقة في موضوع فهم مشكلة المراجع وتشخيصها لاجل ذلك من فنيات المعالج وفنيات الكلينيكال سيكولوجيست انه تكون اسئلته دقيقة وواضحة بحيث انه لما يعرف انه بيقدر يكتفي بكفي

144
00:51:06.850 --> 00:51:20.000
يعني انت احيانا الموقف مثلا في العلاج المعرفي في العلاج العاطفي العقلاني الانفعالي في العلاج السلوكي انت الموقف بايش بهمك ؟ بهمك عناصر معينة في الموقف ما بهمك تفاصيل كثيرة في الموقف

145
00:51:20.850 --> 00:51:38.100
لاجل ذلك في العلاج المعرفي او في العلاج العاطفي العقلاني دائما بعلموك كيف كيف يصاغ او يكتب الموقف ليش لانه الموقف في عناصر مهمة هاي اللي بدك تفهمها وتعرفها اما يقعد يفصل لك

146
00:51:38.200 --> 00:51:52.750
والله وطلعت انا واياه ووقفنا عند اه تبع القهوة هاد وشرينا كاستين قهوة. كل وحدة بنص دينار واعطانا اياهم بكاسة ورق قدر الامكان وهدا ديروا بالكم ترى بصير من بعض المراجعين

147
00:51:53.200 --> 00:52:09.300
وخصوصا مشكلتهم انه الاحيان بفصلوا كثير تفاصيل يظن انه لازم يحكي لك كل التفاصيل مشان هيك هم من الاصعب في ادارة الحوارات. تمام ؟ كل التفاصيل الدقيقة لانه بتوقع هيك بفهمك مشان تعرف تفيده

148
00:52:09.450 --> 00:52:28.550
ولما بتحاول بطريقة او او باخرى تدير الحوار بحيث تاخد المفاصل مش التفاصيل. مفاصل الموضوع هذا ممكن يخليه للحظة من اللحظات يستاؤوا ينزعجوا مشان هيك نرجع وزي ما حكينا بنوضح انه احنا اه اه بدنا نحاول نفهم روح الموقف

149
00:52:28.550 --> 00:52:50.300
مفاصل الموقف اللي بتفيدك حقيقة وبتخلينا قادرين انه نتعامل مع الموقف لاجل ذلك منا اسئلتنا تكون استفهامية وليست استنكارية استكشافية وذات صلة مش ضايعة مش اللي بخطر عبالي بسأل عنه. لأ

150
00:52:50.700 --> 00:53:11.600
في العلاج احنا مش المخترع عبالك بتسأل عنه انت بده يكون عندك طريقة منظمة. مشان هيك احيانا ممكن المراجع يحكي لك كثير من الاشياء وتسأل عن تفصيل معين انت كتبت على دفتر ملاحظاتك تفاصيل اخرى بدك تسأل عنها لاحقا. لكن طريقة العلاج حتى تضلها يعني يسترسل

151
00:53:11.600 --> 00:53:37.150
مش بالكلام يسترسل بالتفاصيل المفاصل المهمة العلاج وبالتالي تحديد ايش اللي بدك اياه؟ مفاصل الموضوع. الاولويات كيف تبني فهمك للموضوع هذا بيرجع لك لاجل ذلك بنقرر ساعتها لما نتساءل بدنا نسأل اسئلة اتوسع بشكل افقي في الموضوع افهم تفاصيل حواليه ولا بشكل عمودي

152
00:53:37.850 --> 00:53:53.750
اخد قضية من اللي حكى واتوسع فيها اكتر زي ما طرحنا مثال المراجع. حكى عن النوم. اخد موضوع النوم وهو الموضوع اللي اغوص فيه وانزل فيه بشكل عمودي. طب هذا اول مرة بصير معك مشاكل انه قديش بتصير معك وببلش استفهمه واستكشف اكثر

153
00:53:55.050 --> 00:54:14.650
الاسئلة كل ما كان السؤال قصير مباشر محدد مفهوم هاي الاربع ميزات للسؤال الجيد وبالتالي الاسئلة اللي منبعها الفضول او الزائدة عن الحد او استكشاف زائد للموضوع بدنا نتنبه لها

154
00:54:16.250 --> 00:54:35.300
اسئلة ذات حساسية عالية وهذا بصير اكثر اشي في العمل مع اللاجئين مع ضحايا التعذيب مع قضايا الاغتصاب مع قضايا مهمة. تمام في اسئلة ذات حساسية عالية انت حتضرب على باب

155
00:54:35.400 --> 00:54:56.150
اذا فتح هذا الباب لالك ممكن انك تفعل صدمة في صدمة معينة ورا هذا الباب وتفعلها وانت لسه بتبلش مع المراجع يعني في قاعدة في العلاج انه بدك تتنبه لو هنا طغوص مع المراجع احيانا بتعرف انه هناك في حدث سيء

156
00:54:57.550 --> 00:55:11.750
واحدة من الاشياء الصعبة في العلاج عنا وبرجع وبحكي هادا اساس العلاج المرتكز عالمناعة. بتقدروا تسمعوا اللي قدمناه وتفهموا كيف هذا العلاج ماشي واحدة من الاشياء السيئة انه احيانا احنا بننطلق

157
00:55:11.900 --> 00:55:28.200
بس بدنا نعالج من غير ما نعرف اي ابواب بنطرق. لازم يتكون عنا فهم اي ابواب النطوق لانه لما بتروح لاي طبيب وعندك شكوى من الم او وجع او بدك عملية بعمل اجراءين

158
00:55:28.350 --> 00:55:44.300
بعمل اجراء مسكن وبعمل اجراء علاجي يعني بعطيك العلاج بس بعطيك مسكن رحت عطبيب الاسنان عندك التهاب بعطيك دوا للالتهاب تمام مضاد حيوي ويعطيك ايضا مسكنا حتى تتحمل عبين ما تتعالج

159
00:55:45.100 --> 00:56:15.700
السؤال هون هل في علاجنا النفسي مسكنات نعم او لا يلا جاوبوني هل في مسكنات وايش هي هاي المسكنات؟ اذا وجدت هل فيه مسكنات وايش هي؟ الاسترخاء. التركيز على الجانب الايجابي قد لا يكون من مسكنات

160
00:56:16.050 --> 00:56:39.250
المسكن اللي بنقدر نعطيه للمراجع هو بداية ستابليتي طرق الاستقرار طرق الاستقرار. وبنفهمه انه طرق الاستقرار مش كلها بنفس الدرجة بتعطيه وبنفهمه كيف يتحمل الانزعاج وانه الانزعاج ما يصير عنده الفزع من الالم او الانزعاج

161
00:56:39.900 --> 00:57:06.400
تمام احنا ما عنا المسكنات نفسها اللي بيعطيها الاطباء لاجل ذلك احنا بحاجة ايش ؟ احنا بحاجة الى تيقظ الذهني اسماء مش من المسكنات. تمام؟ وهذا يعني اله طريقة احنا بحاجة بداية قبل ما نطرق ابواب صعبة عالمراجع لما نبلش بالعلاج هلأ. عمالي بدرس الحالة ممكن اطرق بعض الابواب بس مش لازم ادخل جوة. خلص بدي

162
00:57:06.400 --> 00:57:26.200
افهم فاهم عام. توسع افقي في الاسئلة استفهم واستكشف بشكل عام لكن لما اقرر اي باب بدي اطرقه تمام بدي اتأكد انه انا عندي العدة والعتاد لما بدي ادخل هذا الباب وافتح على نفسي قبل ما افتح عالمراجع

163
00:57:26.400 --> 00:57:43.300
افتح على نفسي قبل ما افتح المراجع باب ليس سهلا لانه اذا في صدمة في الم في اذى في تحرش في في في خبرات صعبة حيروح مع المه انا بخلص شغلي لكن هو حيروح مع المه

164
00:57:43.600 --> 00:58:06.200
لاجل ذلك فنية طرح الاسئلة. والاستكشافات واعرف كيف اطرح الاسئلة ذات الحساسية. تمام؟ او الاسئلة الاشكالية في حد ذاتها مهمة  احيانا مع المراجعين وخصوصا المراجعين اللي اوضاعهم صعبة. بنروح بنشتغل عالاشياء السهلة في حياته البسيطة وبنفهمه انه احنا عمالنا بنشتغل عالاستقراء

165
00:58:06.200 --> 00:58:22.400
بنشتغل بعض الاشياء بتخرج حياتك بتكون الامور شوي شوي تحسنت بشكل بسيط بعدين بنفتح الموضوع الاصعب. لانه اذا فتحنا الموضوع الاصعب واصلا حياته متعطلة او حياته صعبة. تمام؟ حتزيد صعوبة حياته بشكل كبير

166
00:58:22.450 --> 00:58:42.300
بدك دائما تتأكد انك فاهم مصلحة المراجع. وفاهم انك ممكن تفتح عليه باب. هذا الباب لو فتحته. هو باب يعني صعب صعب انه يخرجوا منه بسهولة. لاجل ذلك بدك تكون عارف كيف تطرح الاسئلة وقديش تطرح الاسئلة وقديش تتعمق في الاسئلة وخصوصا في البداية

167
00:58:42.600 --> 00:59:02.200
لاجل ذلك فهمك للحالات بشكل تكاملي هو اللي بخليك تقرر الان على ايش بدك تشتغل؟ فدائما منا نتأكد انك بدك تعرف تدخل للباب اللي ما بيأذي بداية ويخليك تفهم من خلاله المشكلة العامة ثم

168
00:59:02.500 --> 00:59:22.350
لما بتفكر هيك مناحي الاستقرار لو زدتها بحياته حيتحمل تفتح الابواب الصعبة. بس زي ما منحكي مثلا في تبليغ الاخبار. الخبر السيء دايما سيء. يعني طريقة نقل الخبر حتى لو كانت لطيفة حتخلي الخبر سيء. بس اللي بيختلف انه بدل ما يكون الخبر سبب في الصدمة

169
00:59:22.450 --> 00:59:36.300
بصير فقط هو خبر سيء مش سبب في الصدمة وفي نفس الوقت فتح الابواب الصعبة حيكون دايما صعب. لكن بيختلف انه هاد المريض عنده شوية استقرار تخليه يتحمل اكثر. مش مية بالمية

170
00:59:36.300 --> 00:59:54.400
يتحمل اكثر ولا انت تجيه في ظرف وبتدخل عالصدمة مباشرة وبتضرب الضربة القاضية اللي حتخليه بالعكس وضعه اسوأ. مش احسن. طيب هنتوقف الان لمدة خمسطعشر دقيقة حنرجع على الساعة خمسة ونص بعد ما نصلي المغرب تقبل الله من الجميع. السلام عليكم