سلام عليكم ورحمة الله وبركاته. شاب من الشباب بيسألني بيقول لي انا احترت الوقتي عاشوراء في بلاد قالت ان هي يوم الاربعاء زي مصر كده بكرة بازن الله سبحانه وتعالى عاشورا. نصوم طبعا بازن الله. وفيه دول اسلامية تانية قالت يوم الخميس. طب احنا هنصوم على مين بقى؟ يا اخواننا العلماء اتكلموا عن
جواز اختلاف مطالع الاهلة يعني ايه؟ يعني عادي ان البلد دي استطلعت الهلال لقاته الاربع والبلد دي استطلعت الهلال لقاته الخميس. طب انا امشي ورا مين تمشي ورا بلدك رمضان بتمشي ورا بلدك ولك الثواب عند الله بازن الله. غير ان في يوم عاشورا الموضوع بسيط. لان كده كده اكمل سنة زي ما قال العلماء انك بتصوم
يوم عاشوراء ويوم قبله ويوم بعده. فكده كده انت ان شاء الله بازن الله هيبقى الاربع والخميس من ضمن الصيام. بازن الله سبحانه وتعالى. وان كنت بتتعمد لله انك بتصوم على المطلع بتاع بلدك انت. يا جماعة انا جاي لكم بحديث فيه ممكن ناس كتير جدا مننا اول مرة يسمعوه. حديس صحيح
صححه الشيخ شعيب الارنقوط آآ في تحقيق المسند الامام احمد النبي صلى الله عليه وسلم يقول وصيام عاشوراء بصيام اسامة يا عم الشيخ هو الموضوع يعني ما ده اللي احنا عارفينه لأ. الحديس المشهور حديس صحيح مسلم ان صيام يوم عاشوراء
يكفر ذنوب السنة التي قبله. يعني ايه يكفر ذنوب السنة الماضية؟ يعني يكفر دي يعني ربنا بيضاعف حسناته لحد ما تغمر وتغرق وتمحي زنوب سنة كاملة. يعني اكتر من المغفرة كمان تكفير السيئات ان ربنا يكتر الحسنات ويضاعفها. لحد ما تغمر
وتمسح تماما زنوب السنة اللي فاتت يبقى صيام عاشورا ده شراب وقد ايه رهيب. انما حديس مسند الامام احمد والنسائي وابن حبان الشيخ الالباني صححه في ابن حبان وشعيب الارنقوط صححه في تحقيق المسند للامام احمد ان صيام عاشوراء بصيام سنة. يعني تلتمية
وستين يوم صيام في يوم واحد. يعني صيام عاشوراء ما احنا عايزين نعرف ايه اعمال عاشوراء. اول عمل الصيام. الصيام لانك انت كده بتاخد خطوة كبيرة باب الريان وبتاخد اجر صيام سنة كانك قعدت سنة كاملة صايم. وفي نفس الوقت بيكفر ذنوب السنة اللي فاتت كلها. فضل ومنة الله يبقى
ده العمل الاول في عاشوراء. العمل التاني التوبة والاستغفار. ليه بقى؟ لان يا جماعة صيام عاشوراء بيكفر زنوب سنة. والتوبة الى الله بتكفر ذنوب ذنوب العمر كله فانا لازم اجدد التوبة ده عمل يومي لازم يبقى في حياتنا ان الله يحب التوابين. يوميا بنتوب لربنا في شكل ركعتين توبة. بنتوب لربنا
شكل استغفار وتجديد توبة مع الله رب اغفر لي وتب علي. انك انت التواب الرحيم يبقى الاستغفار والتوبة. طب العمل التالت في يوم عاشوراء ايه العمل التالت ان عاشوراء ده يوم من ايام محرم. هو اعظم يوم في شهر الله المحرم. وشهر الله المحرم زي ما قال اه طائفة من اهل العلم هو
اعظم شهر في الاشهر الحرم. اعظم شهر من حيث المقارنة بين الشهور. مش المقارنة بين الايام. يعني ممكن يبقى فيه ايام اعظم من محرم. وفي شهور تانية ولكن محرم كشهر. هو تاني شهر في السنة من حيس فضل عند الله بعد رمضان. فاعظم شهر حرام هو محرم. واعظم يوم في محرم هو عاشوراء
يعني ايه محرم؟ ويعني ايه اشهر حرم؟ يعني مواسم بتعظم فيها قيمة المعصية. الذنب بتضاعف عقوبته. زي ما رمضان وعشر ذي الحجة طاقة بتضاعف مئات والاف الاضعاف في القبول عند الله. الاشهر الحرم المعصية الصغيرة بتبقى اكبر
عند الله سبحانه وتعالى. فيبقى في يوم عاشوراء عشان كده ليه العبادة بتاعة عاشورا الصيام؟ الصيام ده لما امتنع عن الحلال يبقى مش معقولة تمتنع عن الحلال. وتقعد قدام الانستا والتيك توك والريلز ومقاطع الرقص وقدام حاجات في اليوتيوب وقدام مواقع وحشة وقدام نظر للحرام
ومش معقولة! مش معقولة يا جماعة يبقى انا همتنع في يوم عاشوراء وفي شهر الله المحرم. المحرم بتعظم قيمة الحرام فيه. وفي الاجر سور الحوم امتنع آآ اصوم وامتنع عن الحلال واجي الحرام اعمله. يبقى من اعمال يوم عاشوراء الامتناع عن الحرام. تتفرجش على حاجة
حرام على انيستا ولا على تيك توك ولا على ولا تدخل على روم حرام على الكلاب هاوس ولا ولا تتفرج على مقطع حرام لاي يوتيوبر ولا لاي حاجة على اليوتيوب يكون فيها حاجة حرام او محتوى حرام. ابعد عن الحرام بقى. هو ربنا جعل الاشهر الحرم لموسم لتعظيم الخوف من الحرام في
قلوب الامة ذلك الدين القيم. مش هيقوم وما لدينك ولا هيبقى دينك عليه القيمة من غير ما تبعد عن الحرام. مش ده اللي ربنا قاله عن الاشهر الحرم؟ ذلك يبقى ده العمل التالت البعد التام عن الحرام في هذا اليوم وفي الاشهر الحرم لمعرفة ان الحرام بيزيد
تضاعف ممكن الصغيرة تبقى كبيرة عند الله في هذه الايام التي يعظم فيها قيمة الحرام. العمل الرابع من اعمال اه عاشوراء. يا جماعة عاشوراء عند جمهور المفسرين يوم من ايام الله. عند جمهور المفسرين سواء اللي قالوا اني وذكرهم بايام الله. ان ايام الله هي ايام النعم او قالوا ان ايام
في الله هي ايام النعم والنقم اي انتصار الله لاولياؤه ومحق الله لاعدائه. او اللي قاله ان ايام الله هي وقائع الله في الدهر. الايام اللي ربنا نسهر فيها الحق نصر كبير ونصر فيها الدعاة. ونصر فيها الاولياء ونصر فيها اهل العلم. واهل الديانة واهل الدعوة. واليوم والايام
اللي ربنا محق فيها الظالمين زي غرق فيها فرعون كده آآ في يوم عاشوراء وشق البحر لموسى فعلى قول جمهور المفسرين عاشوراء من ايام الله. والله الله يقول وذكرهم بايام الله ذكرهم. يبقى يوم عاشوراء ده لازم نفتكر اللي حصل في عاشوراء لازم نفتكر شق البحر لموسى. اللي شق البحر لموسى يقدر
الك اي ابتلاء في حياتك لازم نفتكر هلاك فرعون. الله قادر على اهلاك اي ظالم. لازم نفتكر انتصار موسى على السبعين الف ساحر. الله قادر على نصرة اهل الدعوة على كل دجالين الاعلام. وكل دجالين التوك شو. لازم نفتكر ان العقوبة بعد ما نزلت العذاب على قوم يونس رفعت
في هذا اليوم الله قادر ان الذنوب اللي انت بتتعاقب بها دلوقتي ترفع العقوبة عنك. وترفع الامراض والفقر اللي جه عليك بسببها. زي نفتكر ان اليوم ده ربنا ربنا تاب على اخوة يوسف وبقوا انبياء. فلازم تفتكروا ان ربنا ممكن ينقلك نقلة نوعية في دينك. لازم نفتكر بقى يا جماعة ده
اول يوم فرح فيه البني ادم على وجه الارض يوم عاشوراء. ليه؟ لان يوم عاشوراء اليوم اللي ربنا تاب فيه على ادم. ادم حياته كلها كانت احزان بعد ما نزل الارض لحد ما ربنا تاب عليه
في اول يوم فرحة في البشرية كان يوم عاشوراء. فلازم تفرح ولازم تفرح وذكرهم بايام الله. نفتكر الامل في الله. ونذكر ربنا بايام الله لازم نفضل ده يوم تسبيح. ده يوم حمد على نعم الله المهولة في حياة الصالحين. ده يوم دعاء لانه يوم من ايام الله
تفتكر فيه ربنا يقدر يعمل للطائعين ايه ؟ فقلوبنا بتشتاق وبتتلهف. عايز اقول لك ايه ؟ يلا استعدوا يا جماعة يوم الاربع بازن الله بكرة عاشوراء هنتسحر ان شاء الله بازن الله وهنصوم الاربع والخميس لان الخميس اليوم اللي بعد عاشورا. واللي في الدول الاسلامية اللي مطلعها ان عاشورا يوم الخميس يبقى هيصوموا الخميس كده كده
الاربع والخميس مستمرين بازن الله سبحانه وتعالى هنصوم بازن الله ونحتسب على الله ان يكفر زنوب سنة نصوم صيام حلو بقى. ونبعد عن الحرام لان مش معقولة نصوم عن الحلال ونقعد نقف في الحرام قدام السوشيال ميديا او مال حرام او نظر حرام. او علاقة حرام او مكالمة حرام. رقم تلاتة نجدد التوبة مع الله. عشان
تكفر زنوب العمر كله مش زنوب السنة اللي فاتت بس. رقم اربعة وذكرهم بايام الله نسمع مقاطع عن سيدنا موسى وعن شق البحر لموسى. نسمع بقى قصص ايام الله ويوم عاشورا ده ايه قصته؟ وايه حكايته؟ ويبقى يوم ذكر عظيم لله سبحانه وتعالى ودعاء لانه يوم من ايام الله. يوم من ايام الله
اعظم يوم في شهر الله المحرم اللي هو اعظم شهر في الاشهر الحرم. آآ لازم تقعدي مع ولادك لازم تقعد مع ولادك ومراتك وتحكي لهم عن يوم عاشوراء. اتقوا الله يا جماعة
ذكرهم بايام الله. فكروا اهلكم ذكروا الناس كلها اوعي تفتكري ان البنات عارفة يوم عاشوراء. يا جماعة ملايين على الانستا وعلى التيك توك وعلى الكلاب هاوس وعلى تويترز وعلى اليوتيوب والفيس والتليجرام ملايين مش عارفين حاجة عن يوم عاشوراء اوعوا تفتكروا ان الناس كلها عارفة اللي انتم عارفينه انشروا الكلام عن اليوم ده
انشروا المقاطع بتاعة اليوم ده. انشروا التذكير بصيام اليوم ده. انشروا الكلام عن فضل اليوم ده. وذكرهم بايام الله. فكروا الناس. منكر يا رب هنا عمل ايه للصالحين؟ فكروا الناس يعني ايه عاشوراء؟ يوم عاشوراء يوم معاني اكتر منه يوم عبادة. يوم استحضار لمعاني الامل في الله. وان ربنا قادر انه
اي وضع وقادر انه يشفي اي مرض وقادر انه يغني اي فقر. وقادر انه يفرج اي كرب وقادر انه يكشف اي غم وغم. يوم بيملى عشان كده جه في اول
انا عشان يملى قلبك ان السنة دي كلها تبقى سنة فرج وفتح. اللهم عانى خير ورشد. اللهم عانى خير ورشد. اللهم عام خير ورشد. ربنا ييسر ونتقابل بكرة في عاشوراء برضو بازن الله. ونفتكر معاني جبارة في هذا اليوم العظيم. وفي هذا الشهر المبارك. شهر الله المحرم. يلا شدوا حيلكم
يلا فكروا الدنيا يلا استعدوا للصيام. يلا ذكروا ولادكم اهلكم. يلا انشروا الكلام عن عاشوراء في كل مكان. في الدنيا كلها بازن الله. يلا نجدد التوبة والاستغفار ونذكر الله. اللهم اعنا على صيام يوم عاشوراء. اللهم اعنا على صيامه على الوجه الذي يرضيك عنا. اللهم تب علينا توبة ترضى بها عنا
اللهم تب علينا توبة ترضيك. اللهم تب علينا توبة نصوحا. اللهم تب علينا توبة لا نرد على اعقابها بعدا. على اعقابنا بعدها ابدا اللهم يا من تبسط يدك بالليل ليتوب مسيء النهار. تب علينا يا ربنا من ذنوب الليل والنهار. اللهم انا نستغفرك من كل ذنب عصيناك به
استغفرك من كل صلاة ضيعناها. ونستغفرك من كل ذنب تبنا اليك منه ثم عدنا فيه. ونستغفرك من كل امر فعلناه نظنه حلال وهو عندك حرام اللهم تب علينا اللهم تب علينا اللهم تب علينا اللهم اعنا على الصيام والقيام في شهرك المحرم. اللهم اعنا على الصيام
القيام في شهرك المحرم. اللهم اعنا على الصيام والقيام في شهرك المحرم. اللهم اغفر لنا ذنوبنا وخطايانا كلها اللهم ان عشنا واجبرنا واهدنا لصالح الاعمال والاخلاق. الله يوفقكم. يلا يا جماعة اتكلموا عن اليوم في كل مكان اشتغلوا دعاء الى الله. لو ما
دعاء الى الله في المواسم العظيمة دي هنشتغل دعاء الى الله. فين؟ لو ما ذكرتوش بايام الله في اليوم اللي جمهور المفسرين على انه من ايام الله. يوم عاشوراء فكروا بايام الله امتى؟ الله يعينكم يا رب يستعملنا جميعا في الدعوة ولا يستبدل بنا ابدا. سبحانك اللهم وبحمدك. اشهد ان لا اله الا انت استغفرك واتوب اليك