السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله وبعد آآ نسأل الله سبحانه وتعالى ان يرزقنا واياكم توفيقا في هذا الطريق
وراحة في النفس وتيسيرا في الامر ونعوذ بالله مما يشغلنا عنه ونسأل الله سبحانه وتعالى ان يمن علي وعليكم بعيشة نقية وميتة سوية ويرزقنا واياكم من واسع فضله ورحمته. ويغنينا بحلاله عن حرامه
وبفضله عمن سواه ويحسن خلقنا كما حسن خلقنا وان يبارك لنا في كل علم نتعلمه ويسددنا باعمال صالحة يقبلها منا ونسأل الله سبحانه وتعالى كما جمعنا على غير معرفة سابقة
ان المعنى غدا على سور متقابلين في امن وامان ويرزقنا صحبة النبي العدنان صلى الله عليه وسلم والصحابة الكرام ثبتنا الله واياكم على الاسلام حتى نلقاه ورزقنا واياكم العيش بالاسلام وبالاسلام
ما زال حديثنا او لا تزكية القلوب لعلام الغيوب ونسأل الله ان يطهرها وينقيها ويرفع قدرنا وقدركم تكلمنا عن التزكية واهمية التزكية اتكلمنا عن فضل التزكية ومعنى طبعا تزكية في البداية وهي تطهير
القلب وزيادة الاعمال الصالحة لان قلنا ان التزكية تشتمل على ركنين اساسيين وهو التطهير واه التعطير ازا صح التعبير اما التطهير فهو انك تنزف ما في القلب والعقل مما يعيقه
واما التعطير فهو النماء والزيادة لما الانسان يقول لك تزكى اي لابد ان ترتقي ويحصل لك نماء العقل والقلب نماء في الايمان ان الايمان يزيد ودي خلاصة التزكية ان ايمانك يزيد
ويزيد بالعلم والعمل. لان الصالح نافع والعمل الصالح المقبول. فنسأل الله ان يرزقنا واياكم عمل صالح يرضاه سبحانه وتعالى لان ممكن يكون العمل صالح وهو لا يرضى فنسأل الله ان يدخلنا واياكم في رحمته ويوفقنا للعمل الصالح الذي يرضاه
وتكلمنا عن من اساسيات التزكية هو مفهوم الاتباع ومفهوم التعامل مع الطاعة. اتكلمنا عن خصائص الطاعة. ومن اراد ان يجدد هذه المعاني فيعود للقاءات السابقة وتكلمنا عن يعني مبررات الترك. المبررات الموجودة في النفس البشرية
لان كل واحد منا الطبيعي هو يميل لهواه فانزل الله الرسل ومعهم الكتب من مقاصد هذا الارسال ان الانسان ينتقل من اتباع هواه للبحث في مراد مولاه سبحانه وتعالى فاتكلمنا في الموضوع دوت وقلنا ان من من الاشياء بقى
اللي بتكون عند النفس داخليا بتجرأها على الترك انها تترك ولا يكون شعارها سمعنا واطعنا حاجات منها التحريف انه يحرف المعنى من الاختزال ان يختزل زي الست اللي بتكون بعيدة عن ربنا وقاعدة ترتكب مخالفات وتيجي تقول ايه بقى
انا اكتر واحدة بحب ربنا انا اكتر واحدة بحب ربنا فدي واحدة اختزلت العلاقة مع الله سبحانه وتعالى اختزلتها فين؟ في فكرة الحب. وقلنا ان احنا لا نرفض الحب ولكن نرفض اختزال الدين
بمعنى ضيق جميل وقلنا ان برضو من ضمن الحاجات هو مبدأ الارخمة او التاريخية النص يقول لك ان النصوص دي اتوجدت في زمان ومكان معين فالنص القرآني سمكاني. يعني مرتبط بزمان ومكان معين
فبلاش يعني انك ايه تخرجه من طبيعته وتجعله لجميع المشاهدين الله اعطاكم كنموذجا وده كان للزمن القديم. وقلنا ان الجملة دي خطيرة جدا جدا جدا واتكلمنا في الموضوع ده والرد على الموضوع ده كويس قوي
فنسأل الله سبحانه وتعالى ان يلهمنا التوفيق منهم قلنا ان خلاصة الفكر ده النيوري انه يحصر قدرة الله في اصلاح الناس على فترة عشرين سنة لان هو حابس ان الله يعلم ما كان. طيب وما يكون وما سيكون؟ لا
فمش قادر يستوعب ان قدرة الله على انزال نص يصلح البشرية لمدة الفين وتلتلاف وميت الف سنة كقدرته على انزال نص يصلح البشرية عشرين سنة. لا فرق عند الله لكن الفرق ده عند المخلوق
فرق متوهم عند المخلوق ان اصل القرآن عند هؤلاء بشري وليس رباني ودي نقطة مركزية في الصراع مع الشيطان واتباعه شياطين الانس وبالتالي بيلغوا فكرة حاكمية الدين على كل الاعصار والامصار
ودي كلها من حركات الهوى طبعا في فرق كبير يا جماعة بين العاصي التائب والعاصي المسر يعني في السر والعاصي اللي مصر من الاصرار والعاصي المجاهر دول مش حاجة واحدة. يعني في واحد عاصي وبيتوب
لعلام الغيوب وقاعد يعيط ويبكي ويندم وبعدين يقع تاني فده عاصي تائب في واحد بقى عاصي مصر السر وبيحاول بقدر الامكان يستتر بستر الله عليه وفي واحد بقى عاصي مصر
سواء كان في السر او في العلن العلن الضيق. لكن في واحد بقى عاصي بيجاهر بالمعصية ليل نهار بل يدعو الناس له. هنا الخطر فنسأل الله العفو والعافية آآ في بقى دي يمكن مسوغات الترك
دي مسوغات الترك او الاسباب اللي ممكن تخلي حد يبعد عن ربنا ويعني النفس تضحك عليه بالحاجات ديت يحفزك الله. في برضو العوام او عامة الناس عندهم برضو مبررات لاسقاط التكييف
احنا قلنا ممكن الواحد يسقط التكليف ازاي بالحاجات اللي احنا زكرناها من شوية دي. ان هو يختزل العلاقة مع الله ان هو يحرف في النص. لأ الحجاب ده مش المراد منه آآ
اه احنا خالص لا هذا كان زمان كان البنات مش عارف بتعمل ايه فربنا امرها بكزا. فده اسمه التحريف. تحريف المعنى والتأويل الفاسد والكلام ده اليومين دول بقى لا في واحد ما بيجيش ناحية النص خالص
طب بيعمل ايه بقى بيسقط التكليف عليه ازاي ما يا جماعة الشيطان مش هيسكت لان الشيطان هو مش فارق معه انك تقع ازاي لان الشيطان زي بالزبط واحد ماشي على الطريق
اه ان في واحد يزنق عليه بالعربية عشان يوقعه يمين ناحية الماية البحر او ترعة او اي حاجة مش هتفرق معه طالما هو ساب الطريق وعمل حادسة او يقع ناحية الشمال وسط الصخور والجبال مش هتفرق معه. هو اهم حاجة يسيب الطريق
وهو الشيطان مش فارق معه انك تسيب الطريق ازاي. تسيبه من باب العلم ماشي يلا بيدخلك بقى في حتة ايه العجب والبتاع وانت سيدة نساء العالمين. وانت احلى واحدة في الدنيا كلها في العلم وانت الوحيدة اللي فاهمة وانت
جيدة وانت اللي معك القراءات وانت اللي معك العلم الشرعي وانت اللي معك الانجازات وكل الناس دي لا تصلح لشيء عادي جدا بقى بعدها بقى تقع في مشاكل ضخمة جدا الشيطان مش هيفرق معه انه يوقعك
بالدين من الدين عادي جدا يدخل لك من من باب طاعة اهو بيقول لك انت الوحيد اللي فيهم يعني. انت الوحيد اللي بتسوى وهم ما يسوش بقى الشيطان مش هتفرق معه. فمن ضمن الحاجات
ان الشيطان بيستعملها او النفس الامارة بالسوء بتدوس معها كلمات بنسمعك دي منها انا مش شيخ انا مش معصوم الدين يسر الطبيعة البشرية يا شيخ. الله غفور رحيم. صح؟ اسمعوا الكلام ده
تلات اربع جملات دي الجمل دي دي مبررات الترك عند ناس كتيرة قوي. فتعالوا نمسك واحدة واحدة كده ونفندها على قد ما نقدر الجملة الاولى ان هي انا مش شيخ لست شيخ
اول حاجة احنا عاوزين نحرر الجملة دي. هي الجملة دي معناها ايه وكلمة شيخ دي عبارة عن ايه كلمة الشيخ دي ده لفز موروث شعبي اصطنعه الناس عشان يسقطوا عن انفسهم التكاليف
طبعا اما لا اعمم لكن اقصد ان في ظاهرة الشيطان استثمرها عشان الناس توقع التكاليف عن نفسها عمل لهم ايه؟ يا عم انت مش شيخ يا عم اه صحيح ايوة فكرة حلوة قوي دي انا مش شايف
ان هو شايف ان لبس لنفسه مفهوم ان المشايخ هم اللي بيطبقوا الدين والسنة وهم اللي لهم لحية وكده. ولزلك انت لما تشوف واحد ملتحي بتقول عليه فيه شيخ اهو
مين قال لك ان ده شيء اه هو ده احد الموروثات السيئة في شيخة اهي دي احد الموروثات السيئة. لا هي دي مسلم اللي انت شايفه ده مسلم متسنن بهدي رسول الله
كن بقى والدك غير متسنن كل انك اتوجدت في بيئة لا تعظم هذه الشعيرة ده حاجة دي مشكلة شوف بقى الموضوع ده وقع عندكم ازاي لكن مش كل واحد انت تشوفه لانه تسنن اه زاهرا يبقى ده شيخ لأ
فهو الشيطان ضحك على ناس كتير ودخل لهم المصطلح ده في حياتهم في غير المعنى المراد الحقيقي فعملوا ايه بقى خرجوا المصطلح ده مصطلح يخص هؤلاء الناس تقول له اعمل اوامر الدين يا ابني انت دي مش ملتحي؟ هو انا شيخ يا عم الشيخ
لا انت مسلم ومخاطب بامر رسول الله اعفو اللحى اوفروا اللحى. مش ده امر من محمد صلى الله عليه وسلم مش هدي سيدك وهدي الانبياء كلهم كانوا كده وهارون بيقول لموسى لا تأخذ بلحيتي وربنا بيقول فبهداهم اقتضى
وده من ضمن هديهم مش ده النبي صلى الله عليه وسلم؟ يعني انت لو شفت النبي صلى الله عليه وسلم في الشارع هتشوفه ملتحي ولا هتشوفه غير ملتحي؟ لو شفت ابو بكر وعمر وعثمان وعلي وابو عبيدة وهنشوف خالد ابن الوليد وعبد الله ابن
عمر ابن مسعود كل دول هتلاقيهم عاملين ازاي هتلاقيهم بوصف وسمت الليل نهار انت بتتغزى في الاعلام والتعليم وفي الوسط اللي حواليك انك تكره المنزر ده وانك تكون صورة سلبية ضد المنزر ده
شفت بقى اللعب جه معك منين؟ لزلك انت عمالة تشوف مسلا منظر زي كده بتلاجيت في نفسك ايه اه شوكة تلاقي نفسك في ازمة كده جواك وبالتالي انت مش عاوز ابنك يبقى شبه الناس دي
انت مش عاوز الاطار ده على فكرة مش عشان فكرة بس ان انت خايف لأ حتى لو انت في بلد في غاية الامن والامان والسلمي والاسلام. هتلاقي نفسك وواخد موقف خفي
من السيستم ده من الطقم ده من الشكل ده دايرين ده من المعاني اللي اترسبت في الداخل ان هم قسموا الناس اقسام ناس شيوخ وناس عاديين وناس سيئين الشيوخ اللي بيطبقوا الدين والسنة واللي لهم لحية
طب والعاديين؟ دول بقى الناس المتوسطين اللي ما عندهمش افراط وتفريط دول اصحاب الدين يسر دول اللي بيصلوا ويصوموا ولكن بيعملوا بعض المعاصي شرب دخان سماع اغاني يلا بنروح بقى فرح طنط مش عارف مين والاختلاط وبتاع هتضيقوا علينا ما احنا
طول عمرنا كده يا جماعة انتم هتيجوا تعلمونا الدين احنا طول عمرنا كده ودينا واحنا طول عمرنا في العيلة احنا الدين الوسطي الجميل. احنا ماشيين على الصراط المستقيم عارفين الناس دي
والناس التالتة هي السيئة اللي بيعملوا بقى الكبائر واما تيجي تأمر واحد بتطبيق مراد الله يقول لك ايه انا عادي مش شيخ هي التقسيمة دي اصلا مين اللي قسمها لك
اللي قسمها لي ابليس. عندنا درس كده اسمه درس القديس هو ابليس اللي بيديه. كلنا بنحضر بقى. ومعنا ورقة وقلم وايه؟ وحتى احيانا بيعمل لنا تدريبات اللي احنا نطلع ونشرح
فهو ده اللي بقى كده. في حد بيقول بس اللحية دلوقتي بقت موضة طبخة اعملوها موضة طبعا دي من ضمن المزانق دي برضو من ضمن مبررات الترك دي دلوقتي من مبررات الترك. عشان انا اتركها اعمل ايه؟ اقولها اصل اللحية يا شيخ بقت موضة. يا ولد يا لعيب
ما هي ده زنب وده زنب! انت ليه تدبسيني في الزنب والله دي مشكلتك حضرتك مع شرع ربنا مش معايا انا يا امي انت قولي لي اعملي شوفي اطلبي مني اي شيء حلال اعمله لحضرتك انا وجهي مداس
يعني انت دلوقتي حالق عشان هي موضة فاي كلام في اي كلام يعني دلوقتي لو فيه موضة ان البنات تغطي شعرها وتلبس النقاب هيلبسوا النقاب كلهم هيلبسوا النقاب طيب لو هم كلهم لبسوا النقاب عشان الموضة ما انا جاي لحضراتكم اهو اللي لابسين النقاب يقلعوا
لأ انتم هتيجوا عندنا لأ طب احنا هنخلع بقى فارجع واؤكد على المعنى الاولاني ان فكرة ان انا مش شيخ دي من ضمن مبررات الترك دي من ضمن مبررات الطلب
طيب مبررات الترك معلش يعني ايه برضو تقصد ان هو حدد الاوامر اللي ينبغي انه ينفزها والغى الاوامر التي لا يريد ينفزها وطبعا احنا مش بننفي لفظ ان في حاجة اسمها شيخ
تاني احنا مش بننفي لفز ان في حاجة اسمها شيخ لو تقصد بكلمة شيخ ان هو العالم بامور الدين المتخصص ماشي يعني راجل عنده تخصص في العلم الشرعي فده سميته انت شيخ جميل يا عم
ما فيش مشكلة ده لفظ يعدي. لكن لو تقصد بكلمة شيخ ان دول اللي بيطبقوا هم دول المطالبين ان يطبقوا امر الدين لكن احنا لأ لا يا جماعة اللي بيطبق امر الدين ربنا رسم لنا تقسيمة غير التقسيمية
ربنا قسم الناس تلاتة سابق بالخيرات كل المسلمين يعني يعني ومقتصد وظالم لنفسه ازا كلمة انا لست شيخ عاوزين نلغيها من مفردات الناس فوصف المتدين بالشيخ لازم تتلغي من مفردات الكلمات اللي عند الناس
واصلة الفكرة الناس اما طائع او عاصي. والطائع تالت اصناف سابق بالخيرات مقتصد زالم النجوس والظالم لنفسه ده بيتوب والعاصي هو اللي بيقول لربه سمعنا وعصينا تنفس بعض الاوامر ولا يريد تنفيز بعض الاوائل
هما رتبتين ما لهمش تلاتة الركبتين دول على التفاوت بقى سمعنا واطعنا وسمعنا واطعنا ومقاومتك للزنب وعدم رضاك به ومحاولتك للتخلص منه دي الضمان الوحيد لبقائك في رتبة سمعنا ومطعمه
اما انك تعمل الزنب ولا فارق معك عظمة الرب ولا بتفكر في الترك وانت في رتبة سماعنا وعصب يبقى عندنا مفهوم بيدندن عليه الناس يقول لك انا مش بطيع عشان انا مش شيخ
يبقى كلمة شيخ دي دي من مبررات الترك الخفي او المبررات المشهورة عند العامة اولا شيخة هتحضري فرح آآ بكرة ان شاء الله آآ فلانة نيرة اه كلنا هنعمل فتلاقي واحدة تقول لها على فكرة انتم جايبين حمو بيكا
واغاني وقرف وبتاع والكلام ده كله. يا شيخة بقى انت هتعملي لنا فيها شيخة او احنا مشايخ يعني ايه احنا مشايخ هي بتقول لك جايبين في الفرح فلان وهيغني وبتاع
وحاجة صعبة جدا وكرب ولبس فيه عري وفيه اختلاط وبتاع والكلام ده كله ولا تلاقي الاباء سامحهم الله والامهات اللي يخنقوا على ولادهم ويبهدلوهم عشان يحضروا الفرح الافراح المختلطة ويضغطوا عليهم والله العزيم لاطردك من بيت والله لهعمل ومش هعمل وانا بقول اهو اوعي
يكون في حد غالي عليك انك تضيعي حسناتك بسببه يوم القيامة اقفي معهم للاخر خالص روحي لبنت خالتك وجهزيها للفرح واعملي اللي نفسك فيها وروحي نضفي معهم الشقة وروحي قبل الفرح
اسبوع لكن انك تحضري هذا المكان هذا مكان فيه سخط الرب فانا لا اتعرض لمساخط سيدي ابدا وبعدين ليه نرفع شعار يوم فرحي يوم ان اعصي ربي مش الفرح ده البنات بيسموه ليلة العمر والولاد
انت ليه مصممة ان ليلة عمرك بدل ما تشكري ربنا فيها وانت تشكر ربنا تقول له يا رب انا ساعلنها صاخبا باعلى صوتك. ومعي المزمار الان والطبل والمزمار ساعلنها باعلى صوتي واقول
يوم فرحي هو يوم ان اعصيك هذه هي شكر النعمة هو ده يعني اللي بتقابل ربنا به بعد ما يسر لك امر الزواج جاي تجمع كل هؤلاء وتقول لهم بكل وضوح تعالوا اتفرجوا علي وانا بشكر النعمة
هي دي هو ده وهو ده اللي بتدفع حضرتك فيه فلوس تروح تتأجر فيه القاعة لبنتك ولا لابنك عشان هو ده شكر النعمة علشان تظهر قدام الناس خالها يقول ايه علينا؟ عمها حمدي يقول ايه علينا؟ يقول آآ حطيتوا وشنا في الارض؟ لا والله
وبعدين يا جماعة هو كل حط هو كل واحد بيحط وشه في الارض ده هيحصل فيه ايه لا يا جماعة في ناس بتتحط في الارض واسجد واقترب وبيكون قرب هيحصل مشاكل كبيرة جدا مع امي. والله هي اللي عاملة المشكلة مش انا. هي امي لو قالت لي دلوقتي قومي احضني الولد ده. اقولها تحصل مشكلة
لحضرتك لكن ان انا اسمع حضرتك في المعصية مش هيحصل ولو دخلت قبري مش هيحصل ولازم الكل يبقى فاهم كده يا جماعة انا مهما بلغت من الطاعة ومهما بلغت من البرج والكلام ده في النهاية في حاجات على جستي مش هتحصل
ولن استطيع ان انا اجاريك فيها كيف القى الله لو انا مت المكان ده اقول له ايه اقول له وانا قاعدة وانا بسمع اغاني واماكن مختلطة كل ده اقابل ربنا وانا هنا انت هتحبي ان بنتك
الملتزمة اللي قاعدة من وقت طول السنتين تلاتة لعدم ما تصلي وتصوم تحفظ القرآن وتبرك يسرك يوم القيامة او يسرك في الدنيا انك تشوفي بنتك ماتت في المكان ده والله لتدنك طول عمرك
في حاجة في زورك هتدنك طول عمرك حاسة بالالم انك كنت السبب في المبلغ يتقال علينا معقدين نعم هذا التعقد جميل ايه يا جماعة؟ هو عشان يتقال علينا اتقال عليه ساحر ويتقال عليه مجنون واتقال عليه كزا. شوفي بصي حضرتك
انت هيتقال عليك في الملأ الاعلى عاصية او في الدنيا معقدة. شوفي انت عاوزة تختاري ايه ما من عبد الا وله صيت في السماء براحتك شوفي انت عاوزة يتقال عليكي ايه
والله يا جماعة بصوا كل واحد يختار اللي غالي عليه ويعمله انا بقى غالي علي اصل انا ما بحبش المشاكل خلاص المشاكل تقصد ايه؟ اقصد مشاكل الدنيا انا ما بحبش ان في حد في البيت يعمل معي مشكلة. جميل طيب انا كنت فاكرك انك مش بتحب المشاكل في
الاخرة لا يا شيخ مشاكل الاخرة سهلة مشاكل الاخرة سهلة ان احنا نيجي يوم القيامة نلاقي الصحيفة متبهدلة دي سهلة ما تقلقش. المشكلة كلها ان طنط ليلى ما تزعلش. وخالته ياسمين ما تفصلش
اه انت في الدايرة دي؟ اه الله يعينك يا جماعة بصوا هي في الاخر خالص فواتير واختار تدفعها فين انت هتدفع فاتورة عاوز تدفعها في الدنيا ادفعها عاوز تدفعها في الاخرة ادفعها بس وخلي بال حضرتك وخلي بال حضرتك هو انت فاكر كل اللي سبقك في الطريق ده
ما اتعرضش عليهم برضو موضوع الافراح والكلام ده ده انت مسكين كل اللي انت شايفاهم دول اه اتعرض عليهم برضه واتضغط عليهم وتحضري الفرح والكلام ده. هو ما هي محطة وهتعدي
فاكرة يعني ان كل فرح هيعملوا لك الكلام ده واللي متضايق من الكلام ده انت متضايق من شرع ربنا مش متضايق مني. حضرتك متضايق مني انا ليه؟ هو انا بقول ما تحضرش الفرح
صح انا بقول الفرح اللي منضبط اللي ربنا يحبه روحي احضري فيه واقعدي فيه اسبوع وشيلي بنت عمتك على كتفك لكن الفرح اللي فيه غضب لله حضرتك عاوزاني انا اقول لبنتك او اقول لابنك اجري واحضر لا انا اكون خاين
لو انا عملت كده ان حضرتك ما ينفعش تخلي بنتك بعد كده تحضرني. تقول لها اتقي الله الولد ده خاين. الولد ده غاشش. الولد ده غير ناصح للمسلمين اوعي تحضري له
لان ده هيدمرك يبقى قلنا من ضمن الحاجات اللي بتساعد على الترك هي فكرة ايه؟ فكرة ان انا مش شك على فكرة عمري ما كلمتك ان ده شيخي يعني هو مهما اقول لحضرتك اعملي كزا هو انت فاكرة ان انا باكلمك انك شيخة
شيخة هو انت يعني ما شاء الله عليك يعني متخصصة وانا جاية اسألك في الفتوى انا بقول لك انت مسلمة؟ اه الله خاطب المسلمين وقال لهم يا ايها الذين امنوا كزا بس
هو ده اللي انا بقوله لك من المبررات التانية في الترك الدين يسر الدين يسر. دي كلمة صحيحة ولا كلمة غير صحيحة الدين يوصل كلمة صحيحة ولا كلمة غير صحيحة
شيخ الدين يسر يا شيخ ها دي كلمة صحيحة ولا غير صحيحة كلمة صحيحة لكن استعمالها في مواضع بيكون خطأ في حد بيقول لي في ناس كتير يا شيخ بيكون في دماغها طالما هتقول لا اله الا الله هتخش الجنة وتتعزبلك حبتين كده صغيرين وتخش
والله النبي صلى الله عليه وسلم طبعا مش يعني ايه هرد بس على حتة كده معينة واقول استحضرها. اولا حاجة دي تفكير يهودي ده تفكير يهودي. ليه تفكير يهودي لان اليهود قالوا كده برضو
ما هي ايام معدودة نخش النار ايام معدودة وبعد كده نستقر في الجنة فده تفكير اليهود لكن خلينا نعدي النقطة ديت نار الدنيا جزء من سبعين جزء من نار الاخرة
طب ما تيجي نقول للناس عن الطبيعة المؤمنة يقول لك احنا انتم عاوزينا ملايكة يا حبيب قوي انا قلت لك ما تاكلش. المايك ما بتاكلش انا قلت لك ما تشربش. انا قلت لك ما تأتيش النساء. انا قلت لك
شوفي بقى اعلى نار في الدنيا نار الشمس مسلا بلاش هقربها لك اكتر بشيء محسوس. شايفة النار الفرن الحديد اللي بيسخنوا فيه الطوب الاحمر والكلام ده شايفة ان البتاع ده مرة فيه واحد من الشباب العمال وقع
في الفرن ده وقفه جدا كل حاجة مش لاقوه قدام. عضمه داب كله داب. ما لقوش الولد. شفت النار دي بقى؟ دي جزء من سبعين جزء عندك استعداد بقى انت حضرتك تقعدي مسلا ايه اربع شهور ونص وبعد كده اخش الجنة
والله براحتك وانا قلت لحضراتكم قبل كده لو اتقال لكم دلوقتي في اجمل بنت في الدنيا الاوضة دي خش اعمل اللي نفسك فيه معها بس بعد ما تطلع اه شايف الولعة اللي قدامك دي في فرن اهو
الفرن ده هتخش فيه انت وهي هتخش تروح تقابلها هتقعد معها ساعة هندخلك الفرن ده ساعة. هتقعد معها يوم هندخلك الفرن ده يوم. تقدر مستحيل ده مجنون اللي يقبل كده
ايوة مجنون اللي يقبل كده فحتة ان اللي يقول لا اله الا الله هيدخل الجنة بس هيعدي كده على لسعتين تلاتة كده والله لو انت تقدر تستحمل تقعد يوم يوم
يا جماعة من علم النار فهو عرف النار كان احد السلف يقول هذا لا يدعو بها على احد مقبول اللي بيعيشها قوي بينصعب عليه يدعي بها حتى على الكافر. يبقى نفسه ان الكافر يؤمن عشان ما ينفعش تخش النار
ولما اسهب القرآن والنبي صلى الله عليه وسلم في الكلام على النار كانهم يريدون ان يغيثوا فينا ان هذه النار دار لا تليق بك ما ينفعش تخشها دي نار دي مكان ما ينفعش تعدي منه
نسأل الله العفو والعافية نرجع للناس اللي بيقولوا الدين يسر دي جملة صحيحة دي كلمة صحيحة لكن استعمالها في مواضع بيكون خطأ. نحن نجزم بان الدين يسر. ويسر الدين لكن ليس على المعنى ان كثير من العامة بيقولوه
المعنى العامي بيساوي ان الدين ليس فيه تكاليف شاقة وده معنى غير صحيح فالدين اصلا دعاك لمخالفة نفسك. هو ده التكليف. وفيه فرق بين التكليف والحرج الدين ما فيهوش حرج
يعني ما فيهوش مشقة غير اعتيادية لا يستطيع الانسان الدوام عليه يعني صيام رمضان فيه مشقة لكنها مشقة اعتيادية يعني سهلة تعملها زي نزولك للشغل ومزاكرتك ما دي فيها مشقة بس سهل تعمليها
لكن المشقة التي يصعب عليك انك تعتادها الشرع لم يأت بها فازا وصلت وصلت المشقة الى حد المشقة الغير الاعتيادية كالمريض مسلا تأتي الرخص على طول يوجد في الاسلام تكاليف فهم مشقة زي الجهاد صلاة الفجر يا جماعة ما هو ده تكليف شاقة على بعض الناس
فمعنى الدين يسر انه يتيسر لك فعله وتستطيع ان تفعله فلا يوجد فيه شيء غير قابل للفعل. الصوم متيسر للفعل ولو بالمشقة فالله لم يكلف نفسا الا وسعها. اي لم ينزل
تكليف الا وبوسعك انك تفعله لكن الناس بيزنوا ان المعنى ان الله ما كلفك من تكليف الا ويسعك ان تتركه طبعا ده خطر ان ناس عايشة كده وبرضو من معاني ان الدين يسر
لو والدتك امرتك بامر انت احيانا بتستحلي هذا الامر ولا ترى فيه مشقة يعني بعض الناس تأمره والدته بشيء وتأمره صديقته بشيء. يطيع صديقته. ليه لان في حب وهمي بينه وبين صديقته
سهل الامر فشافه يسير صح معلش انا تعبتك النهاردة يا هيثم. لا لا ابدا تعبك راح ليه؟ لان هو اليسر جه من مين؟ من المحبة من استحضار الدين يسر في مقابلة في مقابلة الامر مين اللي امرك؟ فاليسر بييجي من هنا فدي برضو احد مفاهيم ان الدين يسر
على حسب مين اللي امرني فكان الشغل بيقول لي تيجي الساعة تمانية. وانا على قلبي زي العسل وهيبقى الساعة تمانية ياه بتصحى الساعة تمانية صعبة قوي. ايه ده يا عم ده صعوبة فيها كده
فالدين يسر دي برضو من ضمن والدين يسر من جهة المآلات بتاعته ان مقالاته كلها يسر فحينما تعلم ان الله هو الذي امرك فلا يصبح شيئا عسيرا عليك بعدما تعلم ان الله لا يآمر
الباب ده ضروري فاهمه وسبحان الله احيانا تلاقي الناس كده آآ يعني ايه برضو دي جملة بتستعمل اه في المزاج يعني يعني ايه تستعمل في المزاج يعني مسلا تيجي تعمل عمرة ايام العمرة وايام اسأل الله ان يرفع الوباء
بيجي المرء بقى يقف مع نفسه كده ويراجع اه يجي له برضو لبوس التقوى ولباس التقوى. يخش له من باب ايه؟ مغتابه لله. يلا نغتاب النهاردة الاخ فلان لله؟ اه والله. يلا
يجعل الافئدة تهوي الى البيت ايام العمرة والاكثار منها يقول لك ايه حرام عليك والفقير اولى بالمال ده وبتاع. بتسمعوا الجملة ديت في الرحلات والحفلات بتاعة الساحل حرام عليكم والفقير؟ لا هو الفقير مرتبط
باخرتك بس الفقير بيبدأ انه يتكلم فيه اول ما ايه؟ ما تيجي تطلع فلوس تطلع فلوس للعمرة يا اخي حرام عليك تبني جامع يا اخي حرام عليك. يا اخي حرام عليك
فبيخشوا لك في الباب ده والشيطان يعظ وانت تقول برضو يا شيخ صحيح. هي لو انا لو معي فلوس احطها فين اعمل بها مسجد ولا اعمل بها ايه ولا اعمل بها ايه والكلام ده كله
فشوفوا سبحان الله هو مخارج سلم طوارئ فبيستعملوا الحاجات دي في اماكن اغير استعمالها اه فكرة الدين يسر برضه دي. فتيجي مسلا تيجي آآ تعمل حاجة يقول لك ايه يا اخي الدين يسر يا اخي بلاش تكلفه كده وحرام عليكم ووفروا فلوس وكده. نيجي نعمل الفرح
تقول له يا اخي اديني يسر يا اخي ما ما تأجرش قاعة وتحمل تكاليف الشاب ده المسكين وكده وازاي لأيه ونفرح وخلينا نفرح هو مش الدين يسر بردو فكرة التشدد
عملية تيجي تتكلم في حاجة يقول لك بطلوا بقى تشدد في حين هو متشدد جدا يا عيني مع المسكين اللي جاي يخطب بنته. احنا هنعمل فرح في قاعة. يا عمي والله انا ظروفنا وده هياخد ماديات فخليه على القد كده وعلى قد البيت ونعمله في الفيلا
لا عند حضرتك لا وتضغط عليه هو ده مش اسمه تشدد يا حاج ولا اسمه ايه ده ولا ده اسمه كيوي باللبن ده اسمه ايه ده يعني كنافة بالمانجة صح
دي ناس كده في وقت الجد هو كلمة الدين آآ بطلوا تشدد دي هو بيستعملها بمزاجه اما بيحبك يقبلك لكن اما بيجي يعمل اي حاجة تانية اديني نسأل الله العفو والعافية
برضو من الحاجات اللي تخلي ناس كتير تنزل من سلم السمع والطاعة وتدور على مكان طوارئ مخرج احاديس الرجاء احفزوا الجملة دي لان احاديس الرجاء لها اثر عند غير الصادقين في اسقاط التكليف. من خلال تسويغ
فعل المعصية يعني يقول لك ربنا بيغفر وربنا بيرحم الناس وربنا مش عارف ايه. يا شيخ ده في واحد قتل مش عارف ميت واحد ويا شيخ ويا شيخ ويا شيخ
طيب هو دلوقتي بيستعمل ايات واحاديس الرجاء عشان ايه عشان التوبة ولا عشان يكمل في اللي هو فيه ها هو بيستعملها عشان التوبة ولا عشان يكمل في اللي هو فيه
يعني واحد بيتفرج على افلام محرمة تيجي تقول له يا اخي اتق الله يقول لك يا شيخ مش النبي صلى الله عليه وسلم يقول كل ابن ادم خطاء والنبي صلى الله عليه وسلم يقول لو لم تذنبوا لذهب الله بكم فاحنا غير معصومين. بطلوا بقى مثالية
دي طبيعة بشرية انك متضايق جدا ان انا خدت الفلوس ديت ما هو مش انت مش بتقرأ انت وقرأت الدين في صلاة الفجر في سورة الفجر وتحبون المال حبا قل انت
ربنا بيقول لنا اعصوا عشان لو لم تعصوا انا هزهب بكم واجيب قوم تاني يزنبون. الله عليك فهو بدأ يتعامل مع الاحاديس دي بطريقة مختلفة تماما عن المراد وهضرب لكم مسال يتضح به الحال
ففي ناس عايشة الوهم ده احاديس الرجاء يا سادة اذا كانت احاديس الرجاء سببا خدوا المؤشر ده عارفين بقى في حاجة اسمها كده في الادارة وفي يعني والجماعة بتوعة الجودة يقول لك مؤشر الاداء
او مقاييس آآ المهم يعني مقاييس او مؤشر او معايير وكده. في حاجات تريحك خالص. ازا كانت احاديس الرجاء سبب في ازديادك من الطاعة او توبتك من الزنب او عدم تسويغك للمعصية فانت تفهمها فهما صحيحا
وهنيئا لك بها اما اذا كانت احاديس الرجاء سببا للمعصية. او انك تتهاون في المعصية. او انك تأجل التوبة فانت تفهمها فهما خاطئا لان الله لا يدعو الى الفحشاء واضح الفكرة
عندنا تلميزين التلميذين دول المدرس اداهم اختبار وقال لهم انا عاوزكم تجيبوا مية في المية حاولوا تسددوا كده وتقارنوا فانا هدفي انكم تتدربوا وترتقوا عشان تبدأوا تجيبوا ايه؟ مية في المية
بس خلي بالكم ان الخطأ وارد وان الخطأ لابد ان يكون موجود فمستحيل انك ما تغلطش لكن انا عاوزك تتدرب انك انا هنزل كزا اختبار عاوزك تتدرب بعد كده انك تجيب الاختبار النهائي
انك تجيب الدرجة ايه؟ العالية. انك تجيب ممتاز مسلا بس عادي هتلاقي في البداية ان في اخطاء فجه واحد من الشباب بدأ مسك الورقة وبدأ يحل يحل يحل يحل في النهاية جت تصحح النتيجة لقيناه جايب خمسة وتمانين
فده يتقال له ايه؟ عادي ما احنا قلنا ايه؟ ان الخطأ هيحصل يعني ما فيش مشكلة جيت تاني بقى معنتخ قاعد وجايب فراولة باللبن وحطيتها قدامه وقعد عمال يضحك ويهزر. يا ابني حل
يا شيخ اصل انت ما شفتش المدرس قال لي والله العزيم كان لسة من شوية بيقول لك انت كده كده هتغلط ما فيش مشكلة بقى عادي جدا لما نيجي نصحح نقول له كده انت جايب صفر يقول لك ايه مش انت قلت يا مدرس عادي ان ان في اخطاء هتحصل
اه يبقى الولد ده فهم جملة المدرس بطريقة صحيحة ولا لأ الاستاز لم يقل له هذه الكلمة الكلمة حتى يخطئ انما وصف لي طبيعة الترقي مش هتترقى الا وحتى تخطئ لا ان تتعمد الخطأ
واصلة الفكرة دي طبيعة التكليف في الارض ولو لم تذنبوا اه عادي جدا هو طبيعة الطريق كده زي كده تسديد السهم. عارفين اللعبة بتاعة السهم كده؟ اه يقول لك بص انت معك عشر اسهم اهو اتدرب انا
عاوزك بعد شوية كده تقدر ترمي العشرة تجيب العشرة بس في البداية عادي هيحصل اخطاء وانت بترمي عادي حتى لو بقيت متمكن جدا ممكن وانت بتدرب مرة بتعمل التمرين مرة في واحدة تفلت ما فيش مشكلة
حاول تاني فانت ماسك بقى الاسهم وبترمي وبتاع في واحد بقى يرميها بعيد بعيد عن الايه المكان ده وقاعد يرميها مسلا في الحيطة ولا في المروحة ولا في اي حاجة. يا ابني بتعمل ايه؟ مش هو قال
ان كده كده يبقى فيه غلط هيحصل اه لا ده هنا خطر ففي فرق بين الخطأ عن اضطرار مع صدق في الاصابة ومحاولة الترقي وخطأ عن قصد واصرار مع كذب في الاصابة وعدم محاولة في الترقي
البون شاسع جدا وده اللي خلى العلماء يقولوا سيئات المقربين حسنات الابرار يعني فكرة فليفعل عبدي ما شاء فقد غفرت له مادام بيعود وبيستغفر وماشي في الطريق فده واحد ماشي واحد كل شوية يتكعفل ويقوم ويتكعبل ويقوم ويقوم تاني وهكزا
لكن مش واحد بقى مقضيها ويقول لك ايه؟ ربك ايه بقى؟ غفور ايه؟ قل انت. قل انت يا عم الشيخ. قل انت يا عم الشيخ؟ لأ قل انت يا عم الشيخ. انت الشيخ يا عم. انا عملت الشيخ خلاص انا عملت
الدرس انت اللي هتدي الدرس اه من الحاجات برضو فكرة الطبيعة البشرية دي برضو من ضمن المصوغات للترك. مبررات الترك. ومن سلم الطوارئ اللي بيركبه ناس كتير جدا يقول لك ربنا خلقني انا بحب النساء يا عم الشيخ
اعمل ايه انا تقول لي احصن نفسك من النساء. هو مين اللي حببني فيها مين اللي خلقني ضعيف قدامها وخلق الانسان ايه ؟ قل انت يا عم الشيخ انت حافز سورة النساء وسبحان الله ده في سورة النساء خلق الانسان ضعيفا. اهو
اما وفي الركعة التانية مش قرأت العاديات وانه لحب الخير لشديد دي طبيعتنا احنا ربنا فطرنا كده هنقول له ان في شيء اسمه الطبيعة البشرية. وفي شيء اسمه الطبيعة المؤمنة
زي ما في حاجة اسمها الطبيعة الملائكية والطبيعة الشيطانية وفي بعض الناس بيضيفوا الطبيعة الحيوانية. انت في فرق بين الطبيعة البشرية والطبيعة المؤمنة من جهة الشهوات التي يعني جبل الله الناس عليه
ان الذي لم يؤمن تتحكم فيه شهوته ان الايمان مش عادي. الشهوة هي اللي بتقوده ففي فرق كبير مين بيتحكم في دي المؤمن يتحكم بجميع شهواته من اجل الله اح دي نقطة مهمة قوي قوي
يبقى المؤمن ايمانه بيدعوه للتحكم بالشهوات. ان الانسان خلق هلوع. اذا مسه الشر جزوع. واذا مسه الخير منوع الا هنا الايمان زبط الدنيا المصلين فالانسان خلق بطبيعته البشرية هلوع جزوع منوع
لكن المؤمن المصلي تحكم بهذه الطبيعة فالقرآن بيقول لك ان وظيفة الصلاة ووزيفة الايمان هو خروجك من الطبيعة البشرية المحضة الى الطبيعة المؤمنة السوية هل هذا الخروج يقتضي ان الانسان يتحول من بشريته لا
فستبقى برضو بتاكل وتشرب وتنام وتعمل وتصحى لكن الفرق بين المؤمن وغير المؤمن هو التحكم في الشهوات اللي بتغضب بالله سبحانه وتعالى. فالاسلام لا يمنعك من الاكل والشرب الطبيعة الملائكية ليس فيها مزوة او تحكم او شيء من هزا. فهي حاجة بعيدة خالص
مش عارف ايه ما تضحكش على نفسك لان هو احيانا لما تيجي تقول له الطاعة عاوز ينقل نفسه. من الطبيعة البشرية الى الطبيعة الملكية على طول. يقول لك اه يبقى انت بتقول لي ان انا اكون ما لاقيكش. لا ما انا بقول لك يا عم. انا باقول لك
كن مؤمن انا عاوزك في الطبيعة المؤمنة. يبقى احنا عندنا تلات حاجات. عندنا طبيعة بشرية طبيعة ايمانية طبيعة ملائكية مع الناس الطبع البشري اه فيه حاجات يعني الله سبحانه وتعالى
في سورة ال عمران لما وصف الله سبحانه وتعالى الاشياء اللي فيها تزيين. قال زين للناس حب الشهوات اول حاجة كان ايه؟ من النساء اول حاجة من النساء وطبيعة بشرية ان الناس تحب النساء. وعلى فكرة بصوا
الرجالة في الشارع يعني كتير منهم نسأل الله يعني يرحمنا ويرحمهم الا من رحم ربي لكن معزم بيبص على النساء طب والنساء بتبص على النساء ان كله بيبص على النساء
بس الرجالة بتبص لحاجة تانية. طب والنساء؟ شوفي لابسة ايه؟ عاملة ايه؟ ده جابت شنطة. شوفي العربية اللي هي راكباها. شف مش عارف ايه. فكل هم كله يبص على ايه هو حاجة واحدة بس. والكل بيبص عليها. الرجالة بيبصوا لحاجة معينة والنساء بتبص لحاجة معينة. واللي مش متأكد
ترجع وتسأل اخواتها على الخاص بقى بينكم وبين بعض كده خلاص؟ درس بدون الرجال. اسألوا انفسكم كده. هو صحيح احنا بنبص على بعض. يقينا بتبص على بعض حتى المنتقبين كله بيبص على كله
ماشي يعني انا لو لو حسبناها كده النساء بتبص اكتر على الرجالة ولا بتبص اكتر على النساء؟ الاجابة عند النساء هي عارفاها واللي هتعافر بقى تعافر فنرجع ونقول ان في حاجة اسمها الطبيعة البشرية في حاجة اسمها الطبيعة الايمانية
لما نتكلم على الطبيعة الايمانية اما نتكلم على الطبيعة الايمانية في اخت بتقول انا اول مرة اخد بالي يا جماعة ده كلام وحي. زي ما للناس حب الشهوات منه. افتح قوس
كل جاي للناس ما انت كنت في الناس في البداية زل للناس ديت الناس دي حضرتك منهم فانت ايه حب بايديك وما ليه القصة كلها بنقول ان الناس اما تيجي تتكلم معهم تقول لهم يا جماعة احنا آآ عاوزين نعمل كزا يا جماعة الرشوة حرام يقول لك ما هي طبيعتنا بقى
ربنا خلقنا كده يا شيخ بتحب الفلوس. ايوة تحب الفلوس لكن لابد ان هذه النفوس تقاد بالنصوص انه النفوس دي لابد ان تقاد بالنصوص وتهزأ بالنصوص الباب ده اتمنى ان احنا نكون ياسين
آآ ولذلك علماء السلوك لهم كلمة كده يعني ايه هي كلمة اسمها تصلح ان هي تتكتب على التكاتك لان في تكاتك كده بتكون ايه مليانة حكم يعني آآ ان الشهوة كالحمار. اما ان تركبها واما ان تركبها
يا سلام على الكلام بتاع علماء السلوك ده ان فعلا الشهوة كده هي كالدابة. اما انك تركبها او هي تركبك مين اللي بيسوق مين؟ هنا بقى اللي كل واحد بقى وهو
في تهزيبه وتزكية الجنازة اخوة يوسف يا جماعة كانوا بيقولوا اقتلوا يوسف او اطرحوه ارضه. ليخلوا لكم وجه ابيكم وتكونوا من بعدي قوما صالحين شوفو المعصية بتتسول ازاي المعنى المشهور انكم هتوبوا بعد ما تقتلوه
يا جماعة ده زنب صغنن ده ده حاجة صغننة خالص اخونا القمور ده يعني اقتله وخلاص بقى وبعدين هنتوب يعني صح؟ ده معنى مشهور. في معنى تاني خفي ايه هو بقى
في معنى تأجيل التوبة ان اخوة يوسف جعلوا سبب عصيانهم وجود يوسف اللي مخليهم واقعين في المعصية وبيعقوا والدهم هو يوسف نفسه فاهمين فعاوزين بقى نخلص من المعصية دي نعمل ايه؟ نقتل يوسف. بقول لك والله هاقتله لوجه الله. والله العظيم ليس لي هي لله هي لله لا للمنصب ولا
والله انا هقتله لله فاقتلوه حتى تكونوا صالحين شفتم دي برضو من ضمن التسويغ للمعصية بلبوس التقوى. يا اخي حرام عليك يا اخي يعني نشوف انت هي داخلة الجامعة داخلة متأخر وجاي من السعودية بنت مسكينة
ما تعرفش حد ما لهاش صحاب حرام عليك هو انت شايف زيها عامل ازاي رسمتها وماشية في الارض ما بكلمش حد ايه المشكلة يعني معاك انك تزاكر وتلخص ليها وتديها الموضوع
الا تخشى الا تخشى ان الكلام ده كله وخلي بالك الدنيا بتدور والايام دول وكل الحاجات دي هتشوفها في بناتك. اتق الله! انت عندك بنات. اتق الله! انت عندك اخوات
هيا بنا نأتي هيا بنا ايه نعصي ساعة بقى مش نطيع ساعة والله تيجي تقول له يا اخي تتقي الله. لا تغتابه يقول لك والله العظيم لمصلحته. يعني اللي مصلحته بتغتابه اللي مصلحته بتطعن فيه
انا اطعن فيه حتى ابين خطره. الله الله الله ففي ناس بيخشوا من الباب ده انت ليه بتاكل ربا؟ والله عشان اطعم امي وسطي وعمتي وعندي ديون وبتاع هعمل ايه يعني
ويديك بقى يعطيك جولة من الرحمة والحنان بترقصي ليه وتخشي الاماكن ديت وبتاع والله العزيم بسعى على ايتام والله العزيم انت لو بص بص هو ربنا اللي عالم بقلبي. والله العزيم انا جوة هنا فيه معاني
والله ما عندكم انتم يا شيوخ فيبدأ الانسان يسوغ لنفسه فكر الايه؟ فكر المعصية. عافانا الله واياكم. يعني دي كانت من الاشياء. طبعا في اشياء كتير فيها مشاكل يعني لكن الواحد يمكن ازن بالامسلة آآ يتضح الامر ان فكرة تلبيس ان الشيطان يلبس عليك وانه يضحك عليك. خلي لي عندكم
تشفى انت حضرتك مش عاوزة تلبسي الحجاب مش عشان ما فيش دليل انت حابة المنزر ده فبلاش تضحكي على نفسك. قولي يا رب انا عاصية يا رب انا غلطت. انت انت بتسمع اغاني مستمتع بها وانت عارف ان هي معصية
قول يا رب انا مبتلى بالاغاني انا مبتلى بشرب السجاير متنش بقى زي طول الشيخ حودة حللها انك انت وحودة مش هتنفعه ايه حد يوم القيامة آآ بلاش تدنك تبحسي بلاش تدنك تبحسي على النت تدوري على مخرج طوارئ
في حد بره بعت لي سؤال وفي نهاية السؤال كده ايه بالله عليك الحقني قل لي الحكم الشرعي ايه واوعى واوعى تقول لي حرام. والله هزعل يا حبيب قلبي انت جاي تاخد مني ايه
مش انا مش انا مش يعني لا انا ولا اي حد يقدر يا جماعة كل الدعاة على وجه الارض هم سعاة ريد انت جاي لحضرتك طرد في واحد باعت لك هدية انا دوري انا راجل موصلاتي انا ما لي انا
العب في الهدية ليه انا نفس الكلام انا راجل بقول لك قال الله قال رسوله بس اه ما العبش في في النص يا شيخ حرام عليك طب ما تبحبحها يا حبيبي مش انا اللي بابحبحها
هو انا اللي جبتها كده فنسأل الله سبحانه وتعالى يسترنا واياكم ويرفع قدرنا وقدركم يسترنا بالدارين واسأل الله ان يمن علي وعليكم بحسن عمل وحسن خلق وحسن ختام