السلام عليكم ورحمة الله وبركاته. دعاء عظيم رواه الامام مسلم في صحيحه عن النبي صلى الله عليه وسلم. اللهم اني اعوذ عزتك ان تضلني. يعني ايه؟ يعني ايه النبي عليه الصلاة والسلام بيستعيذ بعزة الله ان يضله. اللهم اني
اعوذ بعزتك ان تضلني. ضل اللبن في الماء يعني اللبن حطيت نص كيلو لبن على مسلا برميل ماء. فاللبن تاه جوة الماية تاه يقول لك ايه اإذا ضللنا في الارض يعني بقينا تراب والتراب تاه جوة الصحراء والغابات والبحار والدول
قارات تؤنى في الارض. اللهم اني اعوذ بعزتك ان تضلني. ما تسبنيش تايه يا رب. ما تسبنيش مشتت. ما تسبنيش محتار يا رب. ما تسبنيش مش عارف سكة ما تسبنيش مش عارف الاقي طريق ما تسبنيش. جوايا خناقة اتنين بيتخانقوا علي جوايا. او خمسة بيتخانقوا علي جوايا
مية حاجة مقطعاني من جوة وانا مش عارف اسمع كلام مين. اروح يمين ولا اروح شمال امشي في انهي سكة؟ يعني من الاخر قالوا يعني ايه اللهم اني اعوذ بعزتك ان تضلني. يا رب ما تحرمنيش من التوفيق. هداية التوفيق. الضلال عكس الهداية
يا رب ما تحرمنيش من هداية التوفيق. وفقني في حياتي يا رب. وفقني. يا جماعة التوفيق ده خلاصة الحياة. التوفيق ده اعظم نعمة احنا بنرجوها من الله التوفيق ده انك انت تعمل الصح. ان ربنا يلهمك الصح. ان ربنا يسدد خطات تحط رجلك في الطريق
الصح ان ربنا سبحانه وتعالى يفتح لك الابواب اللي مقفولة قدام غيرك. ان ربنا يوفقك للاعمال الصالحة اللي غيرك مش عارف يعملها ازاي ؟ فيبصوا لك كده عملتها ازاي ؟ ازاي ؟ قدرت تعمل في الدين ده. ده ده ان ربنا ييسر لك الابواب
ابواب مراد الله منك والطاعات اللي ربنا يحبك بسببها. ويرضى عنك بسببها ويعطيك بسببها ويكرمك بسببها. ان ربنا يوفقك للدعوة الى الله ان ربنا يوفقك ويشرح صدرك للعبادة وقيام الليل. ان ربنا يوفقك لصلة الرحم. ان ربنا يوفقك توفيق الله. الطريق الى توفيق الله
ازاي يقول لك في في الطب توافق الاعضاء؟ يعني ان الاتنين الاتنين وفق بعض. نسخة طبق الاصل من بعض. يقول لك توافق فصيلة الدم الاتنين فصيلة واحدة التوفيق ان يكون عملك وفق مراد الله سبحانه وتعالى. ان ربنا سبحانه وتعالى يفتح لك اللي مقفول
غيرك ويسره لك ويشرح صدرك له. ويحبب قلبك فيه. وييسره لك وتبقى ماشي في رضا الله سبحانه وتعالى حياتك كلها صح. حياتك كلها في الجون. حياتك كلها مسددة بالله سبحانه وتعالى
طيب الطريق للتوفيق. اول طريق للتوفيق يا جماعة. اول حاجة هي اصل التوفيق ده اغلى نعمة في الحياة. اول حاجة قوة الافتقار الى الله. قوة الطلب اللهم اني اعوذ بعزتك ان تضلني وفقني يا رب ما تسبنيش تايه ومشتت. عرفني الصح ومشيني في الطريق الصح يا رب. اقضي على الحيرة اللي جوايا دي يا رب
حب وسدد خطايا في الحياة. يبقى الدعاء واذا لم يكن من الله عون للفتى. فاول ما يجني عليه اجتهاده. عشان كده الامام ابن ابن القيم رحمه الله يقول اجمع العارفون بالله ان التوفيق هو الا يكلك الله الى نفسك. ان ربنا ما يسبكيش لدماغك
ان ربنا ما يسيبكش لنفسيتك. ان ربنا ما يسيبكش لمعلوماتك وخبراتك في الحياة ان ربنا يوفر عليك عمرك وهو اللي يديك خط السير وهو اللي يفتح لك الابواب اللي انت كنت هتضيع عمرك قدامها على ما تتفتح. فاجمع العارفون بالله على ان التوفيق الا يكلك الله الى نفسك. عشان كده
الامام الذهبي آآ رحمه الله كان يتكلم عن آآ ابن الروندي ده واحد كان من اهل الدين وآآ وبعد كده والعياذ بالله بقى بدأ يعني يقول كلام ضلال كم الحاد وكلام فقال الامام الذهبي تعليق عظيم على قصة ابن الراويندي قال لعن الله الذكاء ان لم يكن معه ايمان
لعن الله الذكاء ان لم يكن معه ايمان. ما ائمة الالحاد ما دول عباقرة ولكن ما فيش ايمان والعياز بالله. فدماغه بقت في الضلال. والعياذ بالله لعن الله ذكاء ان لم يكن معه ايمان يبقى اول حاجة قوة الافتقار الى الله. اللهم اني اعوذ بعزتك ان تضلني. قوت الافتقار الى الله. رقم اتنين قوة الارادة
الارادة ان يريدا اصلاحا يوفق الله. يبقى التوفيق دي بعد ايه؟ بعد قوة الارادة. قوة الحاجة التالتة قوة الاتصال بالله. انك انت يبقى بينك وبين ربنا صلة. ان انت انت صافية مع ربنا. انت صافي مع ربنا من اكتر الحاجات اللي تصفي قلوبنا لربنا. ذكر نعم الله. باكلمكم دلوقتي بعد جلسة
الضحى وبعد فضل ومنة الله سبحانه وتعالى يعني الواحد وقاعد في المكان الخلوي الجميل ده يا جماعة اقعد افتكر نعم ربنا سبحانه وتعالى يعني امبارح يعني يعني حد من احبابي كده فبيقول لي نفتكر نعمة ربنا فبيقول له نعمة الاسلام. فقال لي لأ خلينا نفتكر النعم اللي بجد. فانا يعني انا
في نعمة الاسلام. نعمة انك مسلم نعمة القرآن. نعمة معرفة اسماء الله الحسنى اللي هي سبب السعادة في الحياة. نعمة اجابة الدعاء كل مرة ربنا دعاءك فيها ربنا اداك دليل دامغ على انه معك وسمعك. وان هو موجود وانه عظيم وانه قادر. نعمة كل رؤية صالحة شفتها
ربنا يوجهك بها وارشدك بها. وحصنك من مصايب كانت هتحصل لولاها. نعمة معاملة ربنا لك نعمة اللحظات الحلوة اللي ربنا اداها لك. كنت من يومين كده ويعني ماشي بالعربية يعني انا ببكي من يعني من من ان انا زعلان فقلت افتكر اللحزات الحلوة اللي ربنا عايشها لك. افتكر كل
كل جلسة ضحى جميلة ربنا قعدها لك. افتكر كل اية ربنا فهمها لك. افتكر كل حديس ربنا نور لك في معانيه. افتكر كل مرة ربنا استعملك في حاجة في الدعوة. افتكر كل درس اديته. افتكر بقى كل ده فاتحة. افتكر كل جلسة تدبر ربنا فتحها لك. افتكر كل جولة دعوية
افتكر نعم ربنا افتكر اللحظات الحلوة افتكر كل اعتكاف جميل افتكر كل عمرة جميلة افتكر كل افتكري كل مرة فتحت المصحف وقلب عاش مع ربنا. افتكر كل اسم من اسماء الله الحسنى علمه لك. افتكر كل مرة استعملك في اطعام الفقراء والمساكين. او في عمل
من اعمال الخير افتكر كل ما بتقع فتحه لك. افتكر الاستعمال اللي ربنا استعمله لك تفتكر نعم الله سبحانه وتعالى عليك لان نعم الله لا تعد ولا تحصى. اللحظات الحلوة اللي بينا وبين ربنا كتير اوي. ايامنا مع الله كتير اوي
يا ما ورانا وربنا ياما عمل لنا ربنا عمل لنا كل ده. لانه كريم. طب لو عبدناه بقى هناخد من كرمه اكتر واكتر سبحانه وتعالى التوفيق هو اعظم نعمة. ربنا ممكن ينعم بها على العبد في حياته هداية التوفيق. عشان كده كنا النهاردة مع دعاء جبار يا جماعة. عايزين ندعي به النهاردة
كتير قوي وعايزين ندعي به كل ما نحس بالشتات والتوهان. عايزين ندعي به على طول عشان ربنا يبارك لنا في عمرنا. يا ويله اللي هيدفع عمره تمن انه يفهم يا بخته اللي ربنا هيوفر عليه ان ان هو يكتسب الخبرات بدفع عمره تمن وضريبة للخبرة وربنا هيسدده
من الاول ويوفقه من الاول. التوفيق والسداد دول توفير عمرة يا جماعة. توفير عمر وتوفير تجارب اليمة وتوفير عذاب والام ومعاناة عشان في الاخر ابقى فهمت. يا رب فهمنا من عندك. يا رب نورها من عندك. يا رب صلحها من عندك. يا رب افرجها من عندك
يا رب سهلها من عندك. يا رب وسعها من عندك. الكلمة اللي الواحد بيلاقيها على عربيات النقل وهو مسافر. هاتها من عندك جمايل يا رب انا يا رب احنا ضعفاء يا حي يا قيوم
برحمتك نستغيث. اصلح لنا شأننا كله ولا تكلنا الى انفسنا طرفة عين. اللهم انا نعوذ بعزتك ان تضلنا. اللهم انا نعوذ بعزتك ان تضلنا. اللهم انا نعوذ بعزتك ان تضلنا
يا حي يا قيوم يا ارحم الراحمين. سبحانك اللهم وبحمدك اشهد ان لا اله الا انت استغفرك واتوب اليك