السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله وبعد فاسأل الله سبحانه وتعالى ان يتقبل منا ومنكم صالح الاعمال واسأله سبحانه وتعالى ان يعفو عنا ويجمع لنا ولكم بين العفو والعافية بالدنيا والاخرة ويحفظ لنا صحتنا ويحفظ لنا اعمالنا ويتقبلها منا نسأل الله ان يستعملنا واياكم استعمالا مقبولا ويشرفنا واياكم تشريفا مشهودا غدا يوم القيامة ويجعلنا واياكم ممن تعرف في وجوههم نظرة النعيم ويسقون من رحيق مختوم لابن الجوزي بيقول عنهم وجوه تخبر عن القلوب اخبار العنوان حرس الوقت باليقظة وحفظوا الزمان وشغلوا العيون بالبكاء والالسن بالقرآن. وشغلوا العيون بالبكاء والالسن بالقرآن فاذا رأيتهم يوم الجزاء رأيت الفوز العظيم اعرف في وجوههم نظرة النعيم وجوه ما توجهت لغيري ولا استدارت واقدام الى غيري لا يرضيني ما سارت وعزوم لغير مرضاتي ما ثارت وقلوب بغيري قط ما استجارت وافئدة بغير ذكر ما استنارت ولو رأت عيون الغافلين ما اعددت لهم لحارت من فضل عظيم وملك جسيم تعرف في وجوههم نظرة النعيم اشرقت وجوههم في الدنيا بحسن المجاهدة وتشرق وجوههم يوم القيامة بالقرب والمشاهدة. يا سلام وتشرق وجوههم يوم القيامة بالقرب والمشاهدة اشرقت وجوههم في الدنيا بجريان الدموع على الخدود وتشرق غدا في جنات الخلود فاذا رأيتهم في سرور ما فيه ما يضين. تعرف في وجوههم نظرة النعيم يا له من كأس مصون تقربه العيون يقول له الملك كن فيكون اذا شربوه لا يحزنون اذا استوعبوه لا يسكرون نعيمهم لا كدر فيه ولا هموم يسقون من رحيق مختوم شراب قد حلا وطاب كأس يصلح للاحباب نعيم من فضل الوهاب لذة الدار ودار الشراب كمل الصفا وزال العتاب طاب الوقت ورفع الحجاب صفت الحال وفتحت الابواب زار المحب وسمع الخطاب ثم فرح القوم بقرب القيوم يسقون من رحيق مختوم زال العنا عنهم واقبل الروح والفرح وارتفعت الهموم عن الصدور فانفسح الصدر وانشرح ورضي الرب فاعطى المنى واولى ومدح وطاف عليهم الولدان بالاكواب فيا لذة الشراب ويا حسن قدح واستراح من التعب من كان يسخر ويصوم يسقون من رحيق مختوم فنسأل الله سبحانه وتعالى ارزقنا واياكم ونكون ممن يتنافس مع المتنافسون كان يقول ايها الغافل ربح القوم وخسرت وصاروا الى الحبيب وما سرت وقاموا بالاوامر وضيعت ما به امرت وسلهموا من رق الهوى واغتررت فاسرت فالدنيا تخدمهم والسعادة تقدمهم حين يحشرون وفي ذلك فليتنافس المتنافسون فنسأل الله سبحانه وتعالى ان يشوقنا واياكم ويتقبل منا ومنكم صالح الاعمال هذا الكلام ان الامام لم يتجوزه رحمة الله عليه وهو يستعمل قلمه ويستعمل ما اتاه الله للدار الاخرة. فنسأل الله سبحانه وتعالى ان يرزقنا واياكم الحسنى والزيادة ما زال حديثنا عن الحسنى عن الجنة واليوم يتكلم عن فهرس سريع ادي فهرس لانه اطلالة على الجنة وما فيها صفة الداخلين الى الجنة. يا ترى الناس لما يخشوا الجنة هيكون شكلهم عامل ازاي ووصفهم هيكون ازاي اما السن فتلاتة وتلاتين سنة واما الصورة فصورة ادم واما القلب فعلى قلب ايوب القلب على قلب ايوب وتخيل بقى الجمال والرضا جمال القلب الايوبي وعلى لسان محمد شوفوا بقى عفة محمد وجوامع الكلم ورحمته في كلامه صلى الله عليه وسلم ويا اول ما الناس تدخل هيخشوا وهم جرد لا يوجد عليهم شعر لا شعر على اجسادهم وسبحان الله وبرضو الرجال يدخلوا الجنة وليس على وجوههم شعر برد فما فيش شعر فمش هيكون فيه لحية في الجنة طبعا في ناس مش فارقة معهم لانه لم تكتسي وجوههم ولم تتزين في الدنيا بسنة نبيهم نسأل الله ان يحفظ من يتسلم من سنة نبيه ويلهم من لم يتسنن السنة سبحان من زين الرجال باللحى ايه الجمال انه يكون بدون لحية من مرة سبعمية بعد الالف العقلية اللي احنا بنحكم بيها في الدنيا والنفسية دي هتتغير انت وانت ستنشأ تنشئة اخرى هذه التنشئة تصلح ان يتغير مذاقك عايش كشك لدعابته لما واحد بيقول له كلمة جميلة قوي بقول له هو فيه فسيخ في الجنة قال له يا ابني هو انت رايح ترمم ضيعني على قد ما هو كان بيداعبه في الجواب بس كان اجابة عفوية لزيزة احيانا كده في بعض الناس يكون المزاق مختلف عنده يقول لك يعني ايه في يوم في الجنة رمان؟ انا ما بحبش الرمان على فكرة وهي النفسية ديت هتتغير ان يدخلك الله الجنة تجد ما طابت نفسك وتلذذ تلز الاعين خلاص تلذ نفسك كل حاجة انت تتلزز فيها هتلاقيها موجودة. بس انا ما بحبش كزا هتعرف لما تدخل فنسأل الله سبحانه وتعالى ان يدخلنا الجنة يدخلون الجنة جماعات يعني ايه جماعات انت في الصلاة بتقول اياك نعبد وانت بتصلي الوتر لوحدك ممكن تكون بتصلي الوتر لوحدك وتقول نعبد دايما تستحضر انك مع اخوك تستحضر ان المرء باخوانه يا جماعة شعور انك تكون عندك الشفقة والرحمة على المسلمين وانك فرد منهم شعور يا جماعة عالي اوي اوي اوي للي بيطبقه يا جماعة اصل الشعور ده له ترجمة النبي صلى الله عليه وسلم لما اراد ان يقول لك انت علاقتك مع اخيك المسلم عاملة ازاي فمسل الجسد الواحد يعني انت واخوك عامل زي صابع رجلك مسلا وعينك وودنك لو صابع رجلك الصغير وجعك جسمك كله متفاعل ومش عينك بقى وودنك وايدك ما لهاش علاقة احنا ما لناش دعوة ده ديت صبر صبر لا لا لا فلو صابعك الصغير ده قال لك ده احنا انت على فكرة صابعك ساخن انت يا ابني سخن انت درجة الحرارة عندك عالية ضهرك ولع مش هنيجي بقى نقيس لك نلاقي بقى ان الضهر بس. اما الايد والعين والرجل ما لهمش دعوة. لأ تداعى سائر الجسد بالسهر والحمى الكل يتفاعل بس ده مين اللي بيحصل يا جماعة مع المؤمن بس مع المؤمن اللي حاسس ان اخوه ده حتة منه يا جماعة شعور انك تعيش في المسلم وتحب المسلمين ماشي كده تبخ سعادة على اي مسلم بيقابلك في الحياة داسوا شعور عالي قوي قوي قوي بيخليك نفسية مختلفة ومعاني حاجة كده عالية قوي مش اخويا اللي هو ابن ابي وامي لا اخوك انسان هو مسلم سبحان الله! حياتك بتتغير بامور بتتغير يا سبحان الله كنت راكب مع واحد كده ففي واحد راح قطع عليه كده بسرعة وقعدت تعدية كده يعني بزيئة خالص يعني في حد اتضايق يعني من اللي راكبينه التاني ده بكل هدوء فقال لي يا سبحان الله! قال لي ده لعله لو هو فعلا مستعجل مع اللي عنده مشكلة كبيرة لا عنده آآ بيلحق زوجته في مستشفى ولا حاجة لعله يعلق او لعل الله يهديه ولد واخد العربية من والده لعل شعور لعل ده وهو قاعد عمال يستحضر اه احسان الزن الهادي ده بتلاقيه عند آآ اشارة المرور وواحد تاني عاوز يجري وبتاع والكلام ده كله فسبحان الله تلاقيه يهدى كده يقول له اتفضل. يا عم دي تخليه يتفضل ما انت تعدي وتاخد انت طريقك والله يعني انا عارف ان هو فاته امر خلاف الاولى وان هو اخطأ بس وايش راح يحصل يعني ان اخوك تعين الرجل على دابته لك صدقة سيبه يا عم يعدي يعني ايه اللي هيحصل يعني؟ هو اللي هيعدي الاول ده هيكون دخل الجنة من الباب الايمن ما تخليك هادي كده في ناس بتبقى موترة متوترة جدا حاسة ان لو واحد خد بس قرص العربية شوية وخد مكانه بس خلاص خد ورس اه والدته منه وخناقة واحاول اجيبه ولازم اعلم عليه واسبقه واعمل ياه انت عايش الشعور ده انت للدرجة دي فاضي من جوة فشعوري انك تبقى عايش بالمفهوم اياك نعبد ده تبقى قاعد بتعبد لوحدك بس نستحضر انك مش لوحدك انا ما انا مسلم سبحان الله! السلامة دي بقى يا جماعة عاوزة عاوزة ايمان عالي وعاوزة تربية بيتوتية صحيحة. انك تتربى تربية كويسة يعني انا كنت مولود في قرية. القرية دي لو في واحد مات في الشارع او واحد تعب او مستشفى والكلام ده كله ممنوع التليفزيون يتفتح انت بقى طفل وعاوز تتفرج على ماتش كورة ولا كابتن ماجد لا كابتن ماجد ولا كابتن آآ مجدي خلاص في دلوقتي تلت تيام ممنوع التليفزيون يشتغل طب الراجل ده في اخر البلد يعني لا جارنا ولا اي حاجة اعيب ممنوع فمهم جدا مع الايمان يكون فيه بيت كده. يكون انت متربي في بيئة بتطلع المعاني ديت منك المعاني دي عشان انت ممكن تبقى ايمانيا كويس وعبد كويس. بس ما تربتش على السلوك النفسي دوت الشعور انك تحترم جارك ان عمه اما يقول لك يا حبيب قلبي الصوت انك تتكسف وتتحج وتقول له انا اسف يا عم فلما بتربي ابنك على المعاني الراقية ديت غير ما بتقول له لو اي حد كلمك قل له انا بلعب في بيتي وما فيش حد له كلمة عنك. ما هو الجرأة دي هي دي اللي بتخرج جيل بعد كده ما بيحترمش الجيران هي دي اللي بتخرج جيل بعد كده ما يعرفش يعني ايه كان النبي صلى الله عليه وسلم يقول ما زال جبريل يوصون يوصيني بالجار حتى ظننت انه سيورثه. هيجي في يوم من الايام يقول لي والجار للربع الجار له تمن ده انا جاي ما اعرفش اسمه. ما اعرفش اسمه ده انا بحاول اركن الاول عشان هو ايه ما يلاقيش مكان ويركن في الشارع التاني. ما شاء الله عليك تؤجر بنيتك فيوم القيامة من جمال الناس اللي داخلة الاول يقول النبي صلى الله عليه وسلم اول دفعة داخلة سبعين الف السبعين الف دول ايه اللي بيحصل بقى سبعين الف يدخلوا الجنة على قلب رجل واحد. لا يدخل اولهم حتى يدخل اخرهم. ماسكين في ايدين بعض داخلين زمرا يا سلام! اول زمرة تدخل الجنة اقيل مع كل الف سبعين الف دي ناس بقى داخلة يا جماعة عارفة عملت كده في المطار وجاي وفي واحد لوا زميل والدك بقى وحاجة كبيرة قوي مستنيك فبيعديك كده من الايه من ناحية اليمين كده بعيد عن الجوازات وهو يخلص لك كل حاجة فبيوم القيامة في ناس هتعدي بلا حساب ولا عذاب. انتم يا جماعة انا يعني عارفين مفهوم يعني ايه بلا حساب؟ يعني انت تطلع كده من تربتك اه اتوكل على الله اعدي. طيب انا بالنسبة ليوم الحياة ده بالنسبة لحسابي انا انا ازا كنت بعمل وكنت بتفرج كنت غلطت لا لا انت من ضمن الناس انا؟ اه يعني انا مش هقفل لا حساب ولا عذاب. عدي ياه على المعنى دوت يا جماعة ما الواحد يعيشه فالنبي صلى الله عليه وسلم بيقول دول بيخشوا الجنة لا حساب ولا عذاب اللهم اجعلنا منهم واول واحد يدخل الجنة يكون النبي صلى الله عليه وسلم واول ما يخشوا الجنة يقولوا الحمد لله الذي اذهب عنا الحزن. ويقولوا ايه واخر دعواهم ان الحمد لله. يا سلام كله قاعد بقى يحمد ربنا ويقول مي وبعدين هو بيحمدوا اللي جابهم هنا لانهم عرفوا كويس قوي ان الموضوع مش بمجرد احمدهم. لا لا لا الموضوع اكبر بكتير من هذا العمل سبحان الله يقول الله سبحانه وتعالى وقالوا الحمد لله الذي هدانا لهذا وما كنا لنهتدي لولا ان هدانا الله قاعدين بقى يستحضروا يقولوا ياه عارف كده اما تبقى انت في سانوي وفرق معك المستوى الرفيع كنت زمانك دلوقتي جايب صيدلة المنيا ربنا كرمك ودخلت طب الايه؟ طب عين شمس. على ايه يقول لك على درجة هو برضو يوم القيامة لما يلاقي ان هو دخل الجنة على ايه؟ يقول لك بعد ما خلصت صلاة الوتر ليلة تلاتة وعشرين رفعت ايدي كده وقلت استغفر الله استغفر الله. اللهم اغفر لي ما تعلم ولا يعلمون كنت انا فكتبت في اليوم ده ان من المستغفرين بالاسحار فعديت ده اما يشوف اللقطة دي فيقول ايه ياه الحمد لله الذي هدانا لهذا وما كنا لنهتدي لولا ان هدانا الله ان هو تصدق غرس نخلة ليتيم آآ عمل سقيا ماء لفقير اه كفل معلمة قرآن لمدة سنة. هيجي يوم القيامة يقول له ايه؟ عديناك عشان الموقف ده ياه هنا يقول بقى لولا ان هدانا الله وما كنا لنهتدي لولا ان هدانا الله. ياه! عديت سبحان الله واول ما يخشوا الجنة يسمعوا النداء. ان لكم ان تصحوا فلا تسقموا ابدا الحديس اللي زكرناه قبل الجمعة والابواب بقى يشوفوها تمن ابواب مفاتحة لهم الابواب وما بين مصرعين الباب لاربعين سنة وليأتين عليها يوم وهي كظيظ من الزحام الدرجات بقى تدخل بقى تلاقي الدرجات ولكل الدرجات مما عملوا. دخول الجنة بالرحمة والفضل والارتقاء في الدرجات بالعدل يعني انت تخش الجنة برحمة ربنا. لكن تطلع درجة معينة ده عدل بقى ما انت مش هتيجي تقول انا عاوز اقعد مع مؤمن ال فرعون ولا عاوز اكون انا جنب آآ جوي روبنت الحارس لأ ازاي انت تبقى جنب شوية بنت الحارس الدنيا مش هتمشي كده انت تخشي الجنة ماشي لكن تقعدي بقى مع زينب بنت جحش ولا تقعدي مع ام سلمة ده انت استني بقى تعالي نشوف الملف بتاعك ايه غدا وكنت وكنت وكنت وكنت وكنت وكنت وكنت وكنت اه لا تطلعي طبعا انت اصلا هم منتزرينك ده انت هتكوني اول جارة لك فاطمة بنت محمد فالمعنى ده الانسان اما يعيشه شعري كده انك تكوني بجوار زوجة عثمان ورقية عاوزة ايه انت معناه اكتر من كده الدرجات بقى ميت درجة كل درجة بينها وبين التانية زي ما بين السما والارض يعني احنا مش بنتكلم في الدور التاني احنا بقى يا جماعة بنربي ولادنا ان هم في الدنيا يطلعوا الاوائل. طب وفي الاخرة الست ادخل بس انت الجنة. لأ علمه. ازا سألتم الله فسلوه الفردوس الاعلى. ربي ابنك دايما ان يكون عنده الشغف يطلع الاول في الاخرة ويكون كلامك ده مش كلام. يكون كلام له عمل زي ما انت بتقول له انا هربيك انك تطلع الاول في الدنيا وجايب له احلى مدرسين فيزياء واحلى مدرسين يدفع دم قلبك وموديه مدارس خاصة وتسافر برة كمان ما شاء الله عليك عشان ابني يبقى بس في الانجليزي كويس وفي العلوم يبقى اكوس ومش عارف ايه يبقى وقاعد تكيس في الولد عشان يطلع ايه كيس وفطن في كل حاجة. جميل قوي اللي انت بتعمله ده لكن هو السؤال بقى المهم بقى حضرتك انت اما كنت بتقول له بقى انا سمتك صهيب عشان تطلع كويس وتبقى زي صهيب الرومي ايه المدخلات اللي انت حطيتها في ايه عشان يطلع صهيب الروم هو انا شفت المدخلات عشان يطلع رومي؟ لكن انا ما شفتش المدخلات اللي تطلعه صهيب فين بقى المدخلات اللي تطلعه صهيب ده القرآن بنقول له هنخلي القرآن في الاجازة عشان ما ياخدش وقت منك صح في ناس بتعمل كده لو هنسيب القرآن للاجازة انتم عارفين اللقطة دي بتعمل ايه في الولد عارفين بتعمل ايه في الولد اول لقطة بتعملها فيه ان بيخلي القرآن ما لوش قيمة عنده لان في وقت الجد القرآن احنا مش فاضيين له ووقت الجد ما فيش حاجة اسمها القرآن. مش انت يا امي كنت بتقولي لي القرآن اذا دخلنا ندخل الدراسة ما فيش قرآن هو ده فالموضوع يبقى في الجامعة وفي المدارس ما فيش مجموع وفي البيت ما فيش وقت لا يعلو فوق صوت الكيميا صوت خلاص انتهى احنا دلوقتي عندنا فرمة فدخلنا الفرن لكن القرآن يا ريته يا ريته يدخل يكون في درجة المستوى الرفيع سبحان الله في يوم من الايام اعلمني شيخي كان معايا مجموعة كده تقريبا في الفين واتنين كده لا الفين واربعة الفين وخمسة فشباب في سانوي وكنت آآ مهتم بالنصح لهم. ومتابعتهم يعني فسألت شيخي مرة قلت له تنصحني اعمل ايه معهم؟ فقال لي كلمة سبحان الله احسن ان احنا وفقنا معهم فيها وصار لها ما بعدها قال لي خلي الدين عندهم مادة هو عنده كم مادة؟ عنده سبعة. بقى من النهاردة فيه تمانية وفي للمادة ديت فيها حصص وفيها امتحانات وفيها كل حاجة كمتابعة وفيها زي بالزبط كده مادة الانجليزي مادة العلوم مادة الاحياء مش هو عنده مادة الاحياء اه بياخد من مدرس اه طبعا دي الرواية الحسنة في رواية صحيحة فيها اللي هو بياخد درسين في الاحياء فالمهم يعني ان في درس بيتاخد؟ اه والدرس ده تلت حصص في الاسبوع ويوم الجمعة امتحان وفي متابعة من الوالد والوالدة وحل الواجبات والمستر ولا بقى المدرسة ولا المهم فيه وفيه مدرسة وفيه تعرفي الدين ياخد بقى ايه؟ طبعا دي الحد الادنى بالمناسبة عشان تبقى انتم عارفين الحد الادنى للي عاوز ابنه يجمع بين الفلاح الاخروي والنجاح الدنيوي. ده الحد الادنى ان هو يعمل كده في ناس بقى مش مخلية الدين مادة في الاجازة وبالتالي اما تيجي الاخرة تيجي الاجازة يا ابني انا نفسي كده تمسك مصحف يا ابني وما تشوف لك اي حاجة. لا طبعا يا ماما انت شايفاني انا مضغوط جدا طول الدراسة طب نعمل ايه؟ نبحبحها شوية على العمر. هنعمل ايه يا عم عمر عمر نسيبه اول اسبوعين لانه طالع يا عيني مكبوت. لسه مخلص كيميا لو الكنية دي عملت له كيميا فطب نعمل ايه بقى لعمر؟ سيبه شوية معلش طب نسيبه عمر اسبوعين وبعد الاسبوعين آآ نطلع بقى الساحل بقى عشان نزيل الكيميا والبهدلة اللي حصلت في دماغه دي مسكين شايف شايف ان ده ضعف ازاي يا عيني الولد نفسه يروح الساحل طب نوديه الساحل نقعد اسبوع نرجع بقى من الساحل بصوا بقى سيبوه يتنفس اسبوع كمان لان خلاص كلها اسبوعين وهيبدأ ايه؟ يدخل لان هو داخل على داخل على عنق زجاجة ايه عنق الزجاجة اللي دخل تانية سانوي وتانية سانوي ديت اللي بتقول الانسان هيخش الجنة ولا هيخش مع ابو لهب؟ فطبعا لازم ايه بسرعة طب هنلحق ايه؟ طب القرآن طب بص كده اسأل الشيخ كده يا عم الشيخ ممكن آآ يبقى الاسبوع الجاي ييجي يوم الجمعة بس وينتهي الموضوع على ايه؟ ان عمر ما شفش الشيخ او تعرف عليه كده يوم الجمعة وكلوا مع بعض زلابية كده والدنيا انتهت خلاص ويجي الجمعة الجاية يلاقي الشيخ وهو تحت البيت كده من انتر كام كده قال والله انا معلش بس عمر تعبان النهاردة وانتهى الموضوع ونرجع بقى تاني دوامة بقى تانية سانوي طبعا تانية سانوي دي هتقابله امتى في جامعة مينفعش تيجي التانية دي تعمل اي حاجة لغاية ما يخلص تالتة واول ما يخلص تالتة اتق الله بقى خلاص دخل الجامعة خلي بالك بقى يا بسنت. الطب ده غير سانوي دخلنا بقى الطب ونركز بقى خلاص اللعب اللي كنا بنلعبه في سانوي انا كنت بلعب في سانوي يا امي! ده انا دخلت دخلت المستشفى ميت مرة بسبب الاغماء بتاع المزاكرة عشان كده كتير من الاهالي لن يغادروا يوم القيامة اللي هم بيتحاسبوا على الامراض النفسية اللي غرسوها في ولادهم وهم بيعملوا لهم صنم الاله اللي اسمه التعليم ده سبحان الله حجة المزاكرة وبحجة التعليم مرض العيال والاولاد اللي بينتحر واللي بيبقى خلاص ما فيش لأ اتذاكر في ناس خلوا ولادهم كأنهم ما خلقوا الا للكتاب والنهاردة بيشكروهم بيشكروهم زاهرا ولكن ارواحهم بتلعن الوقت اللي قضوه بالطريقة ديت طبعا ليست هذه دعوة للتسيب ولا آآ تهميش العلم ان شاء الله مسلكهم فاهم كويس انا بتكلم في التوازن. بتكلم فين في الافة اللي موجودة لا اتكلم ابدا في التهميش فالواحد اما يدرك المعنى ده يدرك كويس قوي ايه اللي انا بعمله مع ابني فهل انا كنت بخليه ياخد الدرجات في الدنيا ولقوا ياخد بقى كورس الماني عشان يدخل ايه يتفرم صح اما يدخل طقم جميل اوي. ياخد بقى كورس ياخد بقى آآ حصص مع عالم ولا عالم عشان يفهم دينه على فكرة يا شيخ على فكرة انا مدخلة بنتي طب عشان تخدم دينها طب هي لو دخلت علوم ممكن تخدم الدين؟ لأ هتخدم ابو لهب احنا هنضحك على بعض طب تفهم دينها عشان تخدمه طب هي عارفة ايه بقى؟ ده ممكن تبقى داخلة الطب ولغاية دلوقتي مش عارفة تلات اربع ادلة على ايه؟ وجوب الحجاب وتقول عشان تخدم دينها ربنا يسترنا. طيب هل انا بقى بحفظه القرآن او هعلمه عشان ييجي يوم القيامة يقرأ وارتقي فان منزلتك درجتك عند اخر درجة كنت اقرأها كنت عند اخر اية كنت بتقرأها اقول لك يا شيخ وما تزعلش منا اه ما فيش وقت للكلام ده ما قلنا لك لا صوت يعلو فوق صوت الكيمياء لكن خلي بالكم دي فواتير وقاعد تتحاسبوا عليها حاسبه عليها في الدنيا وقدام عنيكم. وهتتحاسبوا عليها في الاخرة صحيه عادي جدا الساعة ستة ونص عشان يلحق الباص واوعي تصحيه ستة الا ربع عشان يلحق الفجر بحجة ايه ان اللي لسه صغير لسه في تانية ابتدائي ما فيش الصلاة مش واجبة عليه ما فيش مشكلة. بس خليه يتربى ان الباص واجب عليه. وان المدرسة واجبة لكن الفجر مش واجب عليه بس بكرة هتتحاسبي على المشاريع دي وهتشوفيها في يوم من الايام. لو ما فقتوش فالدرجات ميت درجة بقى ولكل درجات منا تفتح بقى ابواب الجنة وانت شايف الدرجات دي بقى كده والباب وتلاقي الارض لبنة من زهب ولبنة من فضة. ايه ده يا جماعة ايه ده! شف كده الارض ايه جمال الارض دي؟ لبنة من زهب طوبة من دهب ولبنة من فضة وملاطها الطين مسك والتراب الزعفران الحصباء الحصى الصغير اللؤلؤ والمرجان من يدخلها ينعم لا ييأس يخلد لا يموت لا تبلى ثيابهم ولا يفنى شبابهم. ايه الجمال ده بقى والانهار اربع انهار واعظم الانهار الكوثر سبحان الله والحور تكلمنا على النساء في عفتهن قاصرات الطرف في حسنهن يسطع نور في الجنة. الدنيا تنور كده في الجنة كده. لقطة كده زي البرق كده في رفع اهل الجنة رؤوسهم. ناس حيرانة كده مستغربة ايه في ايه في ايه في ايه؟ ما فيش يا جماعة ده واحدة بس تبسمت لزوجها يعني. ليه يعني الموضوع؟ زي ما كانت بتتبسم زوجها وكانت ما شاء الله برضو بتنور الدنيا كلها ادنى اهل الجنة ادنى اهل الجنة اتكلمنا عليهم الراجل يقول وجدتها ملأى يا رب وقد اخذ الناس منازلهم واخذوا خلاص اخذتهم واخذوا الاعطيات بتاعتهم سبحان الله ربنا يدي له قد ما يتمنى عشر مرات وقيل خمسين مرة الشجرة يا جماعة اللي موجود في الجنة الراكب لو واحد راكب حصان وبيجري يسير الراكب تحت زله مائة عام لا يقطعها يا جماعة انت عارف يعني ايه؟ يعني انك تقول سبحان الله وبحمده يعني نخلة في الجنة شجرة في الجنة شجرة في الجنة شجرة في الجنة الظل بتاعها مية سنة انا ماشي ده اللي بيشوف شجرة عاملة بس يعني شبه الشمسية مضل كبير الناس بتروح الغابات عشان تشوف الزل الجميل الكبير ده ده دي شجرة واحدة امال بقى الفردوس هيبقى فيها ايه سبحان الله! الانهار قاعدة تتفجر من عند الفردوس تفو واحد لابس اسورة. اسورة زي ساعة كده يعني لو ظهر السوار بتاعه لطمس نور الشمس كما يقول النبي صلى الله عليه وسلم. طب او احكيلنا عن الفاكهة. اخبار الفاكهة ايه طبعا دي كده يعني احنا بنحاول يعني ايه نحكي من بعيد الفاكهة عبارة عن ايه اول حاجة الفاكهة زوجان يعني ايه زوجان؟ يعني من كل فاكهة زوجان نوعين اي اي فاكهة هتلاقي فيها نوعين. الله الله طب انا هحتاج ان انا اطلع يعني مسلا المانجة لازم يبقى في خطاف كده وتطلع تجيبها ومش عارف التمر لازم نطلع له كده لا لا لا قطوفها دانية ايه ده انت تطلع اذا بقى خلاص انت مش تعبت في الدنيا وقلنا كفاية تعب خلاص كله ييجي يقرب منك وذللت قطوفها اتزلل لك. العنب يتزلل لك. كل حاجة تتزل لغاية عند حضرتك ان قام ارتفعت بقدره وان قعدت تدلت له تذليلا وتدليلا بس انا بخاف الصراحة يعني من موضوع الفاكهة ده طيب ليه؟ اصل انا عندي البطيخ بحبه قوي وبيجي في وقت البطيخ ما بيجيش لا لا لا ما ربنا قال لك ايه ان هي لا تنقطع اكلها دائم الجنة دائم لا مقطوعة خلاص انتهى فكرة الصديق موسم كزا والمانجة شهر تمانية خلاص بقى هتقضيها مانجة وعيش بقى طبعا مش عاوز اقول لك اه اي نوع من انواع المانجة لان الكلام اللي انت بتاكله ده حاجة تانية خالص طيب انا احيانا باجي اكل المانجو بحس كده ايه؟ احيانا الشعر بتاعها بيدخل في اسناني وبيعمل لي شوشرة واحيانا بتضايق قوي من الايه؟ الرمان بتاعه كده البزر بتاعه عاوزه يتعب لي ضرسي قال لك الجنة الفاكهة فيها امنة يدعون فيها بفاكهة امنين. عم امن يا عم لا هتلاقي في حاجة اتعودت تبهدلك ولا في حاجة تشوشر عليك هتبقى مستمتع وفي اللذة طيب انا كلت مستمتع ومليت بطني معلش بقى الاكل ده هيروح فين؟ لا يبولون ولا يتغوطون. هم. الله اكبر. امال الاكل هيروح فين قال لك الاكل ده بقى ما هو انت في الدنيا ربنا جعلك لك ان هو يخرج في صورة الايه اللي ما تعلمون لكن في الاخرة يخرج بطريقة تانية خالص. ايه الطريقة التانية بقى يخرج رائحة كالمسك الله اكبر بس انا ما ليش في الاكل قوي. ودايما ماما تقول لي انت ضعيف وانت ضعيفة خالص يا بنتي كلي. يا بنتي هتتجوزي ازاي؟ ده انت داخلة على زواجك. كلي بقى شوية كلي ده انت السانوي كل مش عارف ايه يؤتى في يوم القيامة قوة ميت رجل في الاكل. وحش الله اكبر عليك. ده اللي بيروح يلعب جيم يومين تلاتة والدته بتقول ايه خلاص يا جماعة انا عاوز اسحب الاشتراك بتاعه. ليه؟ ما عدش فيه بيض في التلاجة سبحان الله ويسقون من رحيق مختوم والانهار بقى يفجرونها تفجيرا والولدان يطوفوا عليكم ومش عارف ايه. سبحان الله! واعلى نعيم طبعا رؤية الايه؟ الكريم سبحانه وتعالى والموت يزبح وانتهى سبحان الله كده النبي صلى الله عليه وسلم ما كانش في يوم هو فيه موقف يمر عليه ويجد ان في فرصة انه يزكر بالاخرة الا ويفعل الصحابة يجروا كده فيشوفوا ايه مناديل كده يمسكوها مناديل لواحد كبير اوي من علية القوم وهم بيقاتلوا الكفار من الروم فيقولوا الله جميل الله مش عارف ايه بيقول لهم عاجباكم؟ اه. لما ناديه لسعد بن معاذ وكان سعد لسه ميت ولهم مناديل سعد. انتم عارفين طبعا المنديل الواحد بيمسح فيه ايده بيمسح فيه العرق ويرميه. فالمناديل ده كناية عن الحاجة الايه؟ بتاعة سعد اللي مش مهتم بها خير من ملء الدنيا من هذا. ما هي دي سعة. ياه المناديل بتاعته افضل من ملء الارض من هزه. يا سلام يا سلام يا سلام ياخدهم النبي صلى الله عليه وسلم يسفرهم في حتة تانية خالص لحاد الارواح لبلاد الافراح منتهى امل المشتاقين وطموح الطامحين منزهة عن المنغصات يا جماعة. لا يسمعون فيها لغوا حتى اللغو الكلام اللي ينبغي ان يلغى اللي ما لوش لازمة خلاص انتهى سبحان الله! خلق الله الجنة بديع السماوات والارض الجميل الكريم الغني خلق الجنة وجعلها دارا لاولياءه مقرا لاصفيائه وسماها دار السلام. عارف يعني ايه سلام؟ سلام سلام من كل حاجة سلام من اي منغص سلام من الهم سماء من الكرب سماء من المرض سلام من من اي حاجة هم ضم حقد حسد قالوا لي كلمة تزعلني. سلام سلام الله يدعو الى دار السلام لكن يهدي من يشاء. نسأل الله ان يجعلنا ممن يشاء هدايته فنعيم لا ينفد وفيها من كل خير مزيد يا رب الكعبة نور يتلالأ. ريحانة تهتز وقصف نشيد نسأل الله سبحانه وتعالى ان يعلق قلوبنا بها الصحابة لما قاعدين مع النبي صلى الله عليه وسلم وقاعدين بقى بيبايعوه على الموت وبيبيعوه ان هم يدافعوا عنه قالوا يا رسول الله كل ده لك اشترط في نفسك واشترط لربك ما شئت. قل يا رسول الله انت عاوز ايه فقال لهم اللي هو عاوزه انا عاوز كزا وكزا وكزا وكزا وكزا وكزا بنود البيعة معروفة قالوا يا رسول الله وما لنا طب احنا هيكون لنا ايه عم نضحي نضحي بولادنا وانفسنا واموالنا ونتبهدل ونضحي بارضنا وعرضنا وكل حاجة لنا ايه؟ قال لهم الجنة. قالوا الجنة امدد يدك نبايعك هناخد الجمع اللقطة دي؟ لا بقى ربح البيع سبحان الله! يبقى الصحابة قاعدين كده في الغزوة ومستنيين الكفار وبتاع واول ما الدنيا تبدأ والجهاد يبدأ يقول النبي قوموا الى جنة عرضها السماوات والارض فعمير ابن حمام يقول جنة عرضها السماوات والارض بخ بخ الله الله وراح على طول كان بياكل تمر قال انها لحياة طويلة ان امضغ تلك التمرات. ياه ده حياة طويلة قوي انا لسه قاعد باكل سبحان الله! فدايما يعلق قلوبهم صلى الله عليه وسلم. وهنشوف ان شاء الله بكرة كيف كان يعلق هزه القلوب وازاي الجنة كانت بتحرق الناس دي كانت بتحرك قلبهم وتخليهم طايرين في السما كده. لمجرد بس الجنة. الجنة دي مجرد ما يستحضروها. سم عارفين يا جماعة جنة يا جماعة افهموا الجملة دي واحفظوها كويس اسمها جنة الخلد عارف يعني ايه جنة الخلد؟ جنة الخلد يعني لو واحد دلوقتي قال لك ندخل في جسمك كورونا وتتعب جدا رئتك لمدة شهر. وتدنك على جهاز الاكسجين ونضمن لك من باب التنزل في الخطاب انك هتعيش بعدها وهتبقى رئة متميزة جدا وهتعيش ميت سنة بعدها هنجوزك افضل اربع واجمل واغنى اربع بنات وهيكونوا خاتمين القرآن عشان ما تقوليش انا عاوز حد من الاخوات. خلاص وهتاخد على كل اخت مليار دولار وهتسكن في اربع دول يكون لك شارع كامل بتاعك هتستحمل هتقول بخن بخن مرحبا بكورونا. صح والله يا جماعة دي عروض رغم ان انا باهزر ده كان الفرق رهيب بين اللي انا بحكيه وبين الجنة فايه اللي هيحصل يعني واحد بيقول لك انا هجيب العيال معي في العرض ده اه فعلا هتجيبوا العيال معاكم نسأل الله سبحانه وتعالى ان يحفظنا ويلحق مم. ذريتكم وذريتنا بناو وانتم مع النبي صلى الله عليه وسلم في الجنة بغير حساب ولا عذاب نسأل الله ان يتقبل منا ومنكم ويمن علي وعليكم بحسن عمل وحسن خلق وحسن ختام خلقه لهذا واستغفر الله لي ولكم