باحث

السلام عليكم ورحمة الله وبركاته اهلا بكم في حلقة جديدة من برنامج زكاة. هتكلم النهاردة معكم في حلقة متخصصة شوية وهي زكاة الانعام زكاة الانعام خلينا الاول اقول يعني ايه كلمة انعام؟ انعام يعني معروف بها تلات انواع. اول حاجة الابل بكل الانواع بتاعتها اللي هي الجمال يعني. الحاجة التانية اللي هي الغنم - 00:00:01ضَ

والماعز بكل برضو اشكالها. والحاجة التالتة هي البقر والجاموس اللي هو معروف عندنا في مصر وفي غيره. دي تلات انواع اسمها الانعام. طيب هل كل الانعام خاضعة للزكاة ولا لها شوية شروط عشان تخضع للنوع المتخصص من الزكاة ده ؟ لأ هي لها شوية شروط. الشرط الاولاني ان هي تكون - 00:00:28ضَ

سائمة. يعني ايه سائمة؟ يعني بترعى كده في الكلأ. ماشية في الصحراء عمالة بتاكل لوحدها. ومش بتتكلف خالص في موضوع الاكل. الحاجة التانية ان هي تكون مقتنعة ده بغرض النسل والضر. يعني بتجيب لبن وتولد وكده. مش مقصود بها ان هي بنية الحرث آآ ان هي تحرس الارض يعني او بنية التجارة. طب واحد يقول لي - 00:00:48ضَ

طيب معلش هو الموضوع ده موجود فين؟ ده ممكن يكون موجود في البدو او يكون موجود مع العرب او ما يكونش موجود اصلا في مصر. ماشي؟ بس احنا بنقول يعني ايه كلمة زكاة انعام؟ واحد يقول لي طب خلاص يبقى احنا كده - 00:01:08ضَ

مش هنزكي بقى زكاة انعام. مش هنزكي زكاة انعام بس دي مش هيخليها تخرج من زكاة التجارة او عروض التجارة او عروض المستغلات زي ما هنيجي نتكلم بعد كده. طيب خلينا نكمل زكاة الانعام - 00:01:18ضَ

احنا قلنا الانواع بتاعتها ونشرطها. تعالوا نتكلم على النصاب بتاعها. نصاب زكاة الانعام ايه؟ اول حاجة في نصاب زكاة الانعام ان هي الابل. الابل لازم تزيد عن خمس جمال او خمس ابل. طيب الغنم لازم تزيد عن اربعين غنمة. البقر لازم تزيد عن تلاتين بقرة. تخيل! دي لازم - 00:01:28ضَ

عن الارقام دي عشان نبدأ ندخل في جدول زكاة الانعام. طبعا الجدول مشهور موجود على ويجي اللي ممكن تبحس عليه لانه فيه تفاصيل كتير. بس احنا بنقول ان انت لازم الحد - 00:01:48ضَ

عشان ابدأ اشتغل على زكاة الانعام ان هي تكون بدأت بالارقام دي. تاني الابل اكتر من خمسة الغنم اكتر من اربعين. البقر اكتر من تلاتين. طيب تعالوا نروح هل للانعام حول؟ اه الحول بتاعها هو سنة هجرية عادي ما فيش اي فيه خلاف ولا فيه اي مشكلة. يبقى احنا كده عرفنا شروطها وعرفنا النصاب بتاعها وعرفنا انواعها - 00:01:58ضَ

وعرفنا الحول بتاعها. طيب تعالوا بقى نتكلم لو الانعام خرجت برة الشروط دي. هل هنتعامل معها على ان هي نوع تاني من انواع الزكوات؟ اه. لو انا جايب عندي سواء كان البقر او الغنم او غيره جايبه عشان خاطر بغرض استخدام اخر استخدام اخر يعني يعني جايب مسلا البقرة عشان احرث بها الارض. جايب مسلا الجمل عشان ان انا - 00:02:18ضَ

انقل به البضايع بتاعتي. كده بقى نوع من انواع العروض. وبناء عليه هياخد احكام العروض لو تفتكروا بقت انواع العروض يا اما عروض بغرض القنية الشخصي يعني او الاستخدام في غرض المشروع وبالتالي ليس عليه زكاة. يا اما ان انا جايب الجمال دي عشان اؤجرها للحرث او عشان يجي لي منها دخل يعني وبقت عروض مستغلات - 00:02:38ضَ

الناتج منها ازا بلغ النصاب وحال عليه الحول ففيه زكاة يا اما تزكى عروض تجارة لو انا جايبها بغرض البيع والشراء. تزكى عروض تجارة ازاي انا اجي في تاريخ الحول واشوف انا عندي كم بقرة؟ عندي كم غنم؟ عندي كم آآ ماعز واجمعهم كلهم واقيمهم بقيمتهم السوقية وتزكى بقيمتها السوقية - 00:02:58ضَ

هي في تاريخ الحول اللي هو ثمن البيع. واحد يقول لي طيب انا عندي طول السنة مسلا عندي عشرين او تلاتين بقرة بغرض التجارة. وجت قبل الحول وبقرة منهم خلفت وبقوا واحد وتلاتين او اتنين وتلاتين. هل الزكاة هيكون على الاتنين وتلاتين ولا على التلاتين اللي بدأت بهم الحول؟ لأ على الاتنين وتلاتين ودي مسألة احنا اتكلمنا فيها قبل كده - 00:03:18ضَ

الحلقات اللي فاتت اسمها زكاة المال المستفاد. واللي هتزكى زكاة اصلها. يعني البنت او المولود اللي طلع ده هيزكى زكاة امه وبالتالي هيزكى في الحول بالاتنين وتلاتين آآ بقرة او اتنين وتلاتين غنمة او ايا كان. مش هنبص طبعا للعدد بتاعهم. انما هنبص لنصاب جديد اسمه نصاب الاوراق - 00:03:38ضَ

او نصاب عروض التجارة اللي احنا اخدناها قبل كده. اللي هو حوالي خمسة وتمانين جرام دهب. عيار اربعة وعشرين. يعني بمعنى ان لما تيجي تقيم البقر وتقيم الغنم وتقيم الابل اللي عندك لازم النصاب بتاعها يتخطى قيمة الخمسة وتمانين جرام دهب. عيار اربعة وعشرين في تاريخ الحول. والزكاة بتاعتها هنا هتبقى زكاة نقدية - 00:03:58ضَ

يعني هتطلع فلوس مش زي زكاة الانعام هتطلع من عين النوع او من عين البقر او من عين الابل او من عين الغنم زي الجدول اللي احنا قلنا لازم تبحس عنه. يا رب - 00:04:18ضَ

واكون قدرت ان انا الخص موضوع زكاة الانعام باختصار اكيد الموضوع فيه تفاصيل ان شاء الله نبقى نتكلم فيها بعد كده واشوفكم على خير والسلام عليكم ورحمة الله وبركاته - 00:04:28ضَ