السلام عليكم ورحمة الله وبركاته. اهلا بكم في حلقة جديدة من برنامج زكاتي. وهتكلم معكم النهاردة عن تكملة للحلقة اللي فاتت اللي بدأناها بعنوان اسمه زكاة الاستسمارات طويلة واتكلمنا فيها عن تعريف الاسهم. واتكلمنا فيها عن تعريف السندات. واتكلمنا عن
حكم زكاة الاسهم وازاي نزكيها سواء كانت بالقيمة السكالة او بغرض التجارة او بالناتج منها ازا كانت بغرض ضار الدخل او الاستغلال وما تكلمناش على ازاي نزكي السندات؟ بس قلنا ان السندات هي عبارة عن دين. الدين ده هو مستحق لحامل السند عند الشركة. يعني الشركة بتعمل مجموعة من السند
ما زالت بتطرحها على حاجة اسمها العام بييجي حملة السندات يشتروا الدين من الشركة او بيشتروا السند من الشركة وتبقى الشركة ملزمة بقيمة هزا الدين لصاحب السند ده. طيب هل السند بيكون له ربح؟ ولا السند بيكون له فايدة؟ لأ السند بيكون له فايدة. ايه الفرق ما بين الربح والفايدة؟ في الاسهم بتاعة المرة
اللي فاتت كان الموضوع مرتبط بالارباح والخسائر. يعني لو الشركة كسبت بتديك ارباح ولو الشركة خسرت ما بتديكش ارباح. اما في السندات احنا قلنا ان هو عبارة عن دين مش حصة في رأس المال
وبالتالي انت بتاخد عليه فايدة سابتة. وبناء عليه هيكون طبعا الحكم واضح لكل الناس ان الفايدة بتاعة السندات دي من الفوايد الربوية اللي النبي صلى الله عليه وسلم نهى عنها. طيب
ازاي نزكي السندات؟ السندات كده بقى عندي فيها قيمتين. حاجة اسمها القيمة الاسمية للسند وحاجة اسمها فايدة السند. الزكاة هتكون على القيمة الاسمية للسند وليس فايدة السند. لان الفايدة غير جائزة يجب تطهير المال بالكامل منها. يبقى
ايه اللي هينضم الى الوعاء الزكوي بتاعي؟ او ايه اللي هيضم للاموال الزكوية؟ هي الاصول او قيمة السند نفسه اللي انا اشتريت به السند من الشركة طيب فبقى كده عندي الاوراق المالية الاسهم هتزكى بقيمتها السوقية
او الناتج منها لو هي كانت بغرض ضار الدخل زائد القيمة الاسمية للسندات. طيب هيتبقى لي نوع خاص برضو بالاوراق المالية او مرتبط بالاوراق المالية ومشهور جدا حاجة اسمها ازون الخزانة. ازون الخزانة هي عبارة عن ديون
مطرحها الدولة الى الحملة الاوزون الخزانة سواء كانت من البنوك او من الشركات وبرضو بفايدة سابتة. يبقى ازا زكاتها هتبقى ملحقة بالاسهم ولا بالسندات؟ لأ ملحقة بالسندات. وبناء عليه فزكاتها على القيمة الاسمية بس. اما الفايدة الناتجة
يجب تطهير المال منها بالكامل ولا يجوز دخولها داخل الاموال الزكوية. تعالوا بقى للنوع الاخير من الاستسمارات طويلة الاجل وحاجة اسمها الاستسمارات في العقارات الشركات الكبيرة لما بيكون عندها فائض من السيولة يا اما بتستسمره في الاوراق المالية يا اما بتستسمره في السندات يا اما بتستسمره في العقارات. طب العقارات لها كزا غرض
يا اما تكون بغرض التجارة يا اما تكون بغرض دار الدخل يا اما تكون بغرض الاستخدام داخل المشروع. لو هي استخدمناها في المشروع مش هيتم تسجيلها محاسبيا ضمن الاستسمارات طويلة الاجل. او الاوراق المالية. امال هتتحط
بنحط في الاصول السابتة لان يجي يستخدمها في المشروع اما لو كانت بغرض ضر الدخل يبقى ازا هي كمان الاصل بتاع العقارات دي الاصل بتاع العقارات ما فيهوش زكاة والناتج منه بس هو ده اللي هيدخل جوة النقدية. وهيزكى في تاريخ الزكاة. بالمتبقي منه في تاريخ الحول. طيب امال ايه اللي عليه زكاة
في الاستسمارات العقارية اللي هو بغرض التجارة. يا اما اشتريت عقارات بغرض التجارة يبقى ازا كانتها زي عروض التجارة لما اتكلمنا قبل كده تزكى بقيمتها السوقية في تاريخ الحول. وبناء عليه وملخص الحلقة زي ما احنا متعودين ان لو الاوراق المالية دي كانت بغرض التجارة فتزكى بقيمتها السوقية
لو العقارات بغرض التجارة تزكى بقيمتها السوقية لو بغرض ضر الدخل يبقى الناتج منها بس هو اللي هيضمن للوعاء النقدي ولو كانت سندات او ازون خزانة فالقيمة الاسمية بس اللي هي تكلفة السند هي اللي هتضم للوعاء الزكوي. اما الفوايد فيجب تطهير المال منها بالكامل. وبكده يبقى انا خلصت بند مهم جدا
من بنود الزكاة وحاجة اسمها زكاة الاستسمارات طويلة الاجل. ان شاء الله المرة اللي جاية هندخل في بند جديد هو اشهر البنود اللي موجودة في الزكاة ازاي ازكي البضاعة وازاي ازكي النقود وازاي ازكي الديون تابعونا ان شاء الله اشوفكم على خير والسلام عليكم ورحمة الله وبركاته