الحمد لله واشهد ان لا الا الله وحده لا شريك له واشهد ان محمدا عبده ورسوله صلى الله عليه وسلم. اما بعد اهلا ومرحبا بكم في لقاء جديد من لقاءات مدرسة الزاريات مدرسة الزريات لكل مرة بنتعلم فيها. آآ نحاول ناخد صفحة كاملة آآ من جزء الزاريات نتدبر يفهم تفسيره نفهم كلام السلف نضبط التفسير لان يا جماعة الانطلاق في التدبر بدون تفسير ممكن يعني بيبقى فيه اما هتتدبر على قدك لو انت منضبط اوي اوحى تتجرأ وتتهور وتخش في حتة انت مش قدها احنا بنقول ان حتى لو انت مش قاري تفسير كويس ممكن تتدبر بس في حدود فهمك للكلام العربي يعني لكن فيه جزء فيه مساحة كبيرة جدا من التدبر هي واقفة على التفسير عشان كده احنا وكل ما تعرف كلام اكتر من كلام السلف وكل ما تضبط التفسير اكتر كل ما تحس ان انت مجال التدبر اتفتح لك اعلى واعلى واعلى. العمل الفهم استمتاع بالصلاة. كل الحاجات ديت بيت اتفتح لك جامد جدا فيعني احنا بنحاول نقرب لكم كلام السلف. نقرب لكم تفسيرات يمكن بتعتبروها صعبة زي تفسير ابن كثير وغيره. ان شاء الله اي تفسير نقراه بعد المحاضرة ديت ميسر وكمان بنعلمكم سبب الخلاف وليه اختلف العلماء حتى التلاوة نفسها بنحاول نوصلها بحيس انت معك حقيبة متكاملة التلاوة فيها التفسير كعلم فيها قواعد كمان في التفسير وفيها كمان جانب من التدبر وتربويات على قد ما الوقت بيكفي. وبعد كده المجال مفتوح لك ان انت تتفكر عقلك وربنا يفتح علينا وعليكم النهاردة هنبدأ بسورة الرحمن. السورة العظيمة الجميلة نتدبر فيها نتفكر فيها. نقرأها الاول. تمام؟ وبعد كده ننطلق فيه في محاولة فهم هزه السورة الطيبة المباركة يا رب يفتح علينا وعليكم بخير يلا بنا اعوذ بالله من الشيطان الرجيم بسم الله الرحمن الرحيم الرحمن خلق علمه البيان الشمس والقمر والنجم والشجر يسجدان والسماء رفعها ووضع الميزان واقيموا الوزن بالقسط ولا تخسروا والارض وضعها للانام فيها فاكهة والنخل ذات الاكمام والحب ذو العصف والريحان. فباي رب بكما تكذبان خلق الانسان من فخار وخلق من نار تكذبان مرجا بحرين بينهما برزخ لا يبغيان يخرج منهما اللؤلؤ والم ربكما تكذبان وله الجوار المنشآت في البحر كالاعلى تكذبان رب المشرقين ورب المغربين. فباي الاء ربكم ما تكذبان مرج البحرين يلتقيان بينهما برزخ لا يبغيان ربكما تكذبان. يخرج منهما اللؤلؤ ربكما تكذبان وله الجوار المنشآت في البحر كالاعلام. فباي هذه الاية الكريمة من هذه السورة المباركة سورة الرحمن سورة الرحمن. سورة الرحمن قرأها النبي صلى الله عليه وسلم على الصحابة الكرام جلسوا يستمعون ما تكلموش قال عليه الصلاة والسلام لهم لقد قرأت هذه السورة على الجن وقد قرأت هذه السورة على الجن فكانوا احسن مردودا منكم فكانوا احسن مردودا منكم كانوا كلما قلت فباي الاء ربكما تكذبان قالوا لا بشيء من الائك ربنا نكذب فلك الحمد كانوا احسن مردودا منكم كانوا كلما قلت لهم وباي الاء ربكما تكذبان قالوا لا بشيء من الائك ربنا نكذب فلك الحمد يعني ده يفضل انسان يقول هذه الجملة كلما سمع فبأي الاء ربكما تكذبان السورة سورة مكية بلا بلا خلاف. تمام؟ بدأت بهذه بهذا الاسم العظيم. اسم الله سبحانه وتعالى. قال تعالى الرحمن علم القرآن خلق الانسان علمه البيان تمام الرحمن علم القرآن خلق الانسان علمه البيان. تمام هذه آآ انظر الى قول الله تعالى الرحمن الرحمن الرحمن دال على الرحمة الواسعة. اسم دال على الرحمة الواسعة. ما معنى بسم الله تعالى الرحمن الله تعالى الرحمن تمام بسم الله تعالى الرحمن هو اسم دال نعم سورة الرحمن برضو للامانة العلمية الامانة العلمية فيها خلاف هل هي مكية مدنية قبل ما نبدأ حتى المسألة ديت لكن الاقرب والله تعالى اعلم انها مكية. انها مكية. اغلب المفسرين اغلى المفسرين على انها مكية. اي مسألة فيها خلاف يعني فيها خلاف بعض الحالة المدنية البعض المكية لكن اغلب آآ آآ اغلب المفسرين وآآ جمهور الصحابة والتابعين على انها آآ مكية قوله تعالى الرحمن مسألة بسيطة يعني فيها خلاف يعني قوله تعالى الرحمن الرحمن هو اسم دال على على الرحمة الواسعة الرحمن هو الذي شملت رحمته كل شيء الرحمن من فعلان. وفعلان صيغة مبالغة فهي دالة على المبالغة في الرحمة دل على المبالغة في الرحمة تمام فعلان دلت على المبالغة في الرحمة الرحمن اي الذي اتصف بالرحمة الواسعة هنا الرحمة المقصود بها الرحمة التي شملت المؤمن والكافر البر والفاجر الرحمة التي شملت الانس والجن والطير والحيوان والحشرات كل خلق الله تعالى مرحوم باسم الله تعالى الرحمن هو اوسع صفات الله تعالى ورحمته وسعت كل شيء تمام فاسم الرحمن والايدز الاسم ده اثره بيظهر على كل خلق الله تعالى الكافر والعاصي والمؤمن والطائع وكل خلق الله تعالى متأثر باسم الله تعالى الرحمن وتظهر فيهم اثار اسم الله الرحمن واما اسم الله الرحيم وفي العادة يختص بالمؤمنين قال تعالى وكان بالمؤمنين رحيما. فاسم الرحمن هو يدل على رحمة زائدة ورحمة خاصة خص الله تعالى بها اهل الايمان فقط تمام لزلك لما كان اسم الله الرحمن هو اوسع الاسماء على الاطلاق لانه بيشمل كل خلق الله تعالى ابن القيم له تعليق لطيف على قوله تعالى الرحمن على العرش استوى الرحمن على العرش استوى قال استوى حديس زكر الرحمن بالزات لما تكلم عن العرش قالوا لان العرش هو اوسع المخلوقات العرش واوسع المخلوقات تناسب من يذكر اوسع الصفات يقول ابن القيم استوى باوسع الصفات على اوسع المخلوقات باوسع الصفات على اوسع المخلوقات. فلما زكر اسمه في حال الاستواء ذكر الرحمن كان ممكن يقول العظيم الكريم الوهاب على عرش استوى ولكن خص الرحمن لانه اوسع الصفات واستوى به على اوسع المخلوقات ما معنى اوسع الصفات؟ زي ما قلنا هو اسم دل على رحمة عامة شملت كل خلق الله سبحانه وتعالى طيب ما معنى ان الله رحم الكافر؟ ما معنى ان الله رحم العاصي؟ هنا بنقول ان كل خلق الله مرحوم بالرحمة العامة طيب ما هي الرحمة العامة وما هي الرحمة الخاصة الرحمة العامة تشمل نوعين رحمة الابدان ورحمة الارواح. تاني رحمة الابدان ورحمة الارواح اما الرحمة الاولى هي رحمة الابدان. فالله تعالى رحم جميع خلقه بان دبر لهم رزقهم ومعاشهم وطعامهم وشرابهم وملبسهم ونومهم وحياتهم والكون من حولهم سخر لهم السماوات والارض. كل المخلوقات مش للانسان بس ده الانسان وجواه المؤمن والكافر والبر والفاجر فضلا عن المخلوقات فكله يجري رزقه. وكله بينام وكله بيأكل وكله بيشرب لا لم تمنع يعني لم يمنع يوما رزقه عن عباده سبحانه وتعالى وفي الحديس لا احد اصبر من الله. لا احد اصبر من الله. يدعون له الصاحبة والولد. يدعون له الصاحبة والولد. وهو يرزقهم ويغنيهم ويعافيهم. سبحان الله! رغم زلك تجري ارزاقهم فاجر ارزاقهم سبحان الله يعني البر والفاجر يرزق. العاصي والطاعة يرزق. المؤمن والكافر يرزق. تمام؟ فالكل مرحوم بهذه الرحمة العامة. تمام كله منتفع بتسخير الكون من حوله الشمس والقمر والليل والنهار والارض مهادا والسماء بناء وهذه الاشياء كلها ينتفع بها خلق الله تعالى البر والفاجر والمؤمن والطائع والكافر وكله فكل مرحوم بهذه الرحمة العامة التي شملت العناية بالابدان. العناية بالابدان فضلا عن رحمته بسائر الخلق. خارج دائرة الايه؟ الانسان تماما. يعني ده الانسان يعني رحمة ربنا في غير الانسان اعلى واظهر اعلى وازهر تمام اعلى وازهر. فنجد ان مثلا آآ قوله تعالى ان قوله تعالى وما من دابة في الارض الا الا على الله رزقها. يعني الانسان عنده قدرة على التدبير. الانسان عنده عنده عقل عنده ادوات عنده زراعة وعنده صناعة وربنا الهمه اشياء يعني اسبابه كتير اوي الاعجب في زلك ان ان ترى رحمة الله تعالى بمن لا حيلة له لمن لا حيلة له. تمام؟ آآ وما من دابة في الارض الا على الله رزقها ويعلم مستقرهم استودعها. ربنا بيقول في سورة العنكبوت وكأين من دابة لا تحمل رزقها وكاين من دبري لا تحمل رزقها. الله يرزقها واياكم يعني ايه اصلا في دواب لا تحسن حتى الادخار كالطير تغدو خماصا. تروح بطانا كل يوم. كل يوم يجري ارزاقها. ما فيش يوم كده ما فيش حاجة النهاردة هنموت. ده الانسان لو ما عندوش حاجة يجي له هلع على طول رغم ان الانسان بص بيدبر وبيدخر وتلاجات وبتاع ومصانع وسوبر ماركتات وخزين والكلام ده. الاعجب هو رحمة الله بخلقي. كيف يرزق النملة والنحلة والحوت في الماء والسمك سبحان الله! فرحمة واسعة جدا. يبقى دي رحمة الايه؟ رحمة كل كل الخلائق اللي هي رحمة ارزاق ورحمة آآ نوم واكل وشرب وراحة والكلام دوت ده النوع الاول من الرحمة في رحمة تانية رحمة عامة برضه. لكن هي رحمة الارواح. وده يختص بالمكلفين الانس والجن الله تعالى رحمهم ارسل لهم الرسل انزل الكتب بين الشرائع بين الهداية بين لهم طريق الخير والشر رحمهم بان اعرفهم بنفسي. وعرفهم بالغاية من خلقي. وعرفهم بما يصلحهم. وعرفهم بما يفسدهم. وعرفهم بما يعني بما كيف يعود عليهم الخير ما الذي يوصلهم الى جنة الرحمن؟ يبقى رحم الجميع لان الجميع وصلته الرسل والكتب وآآ وبيان الرسل ومعرفة الخير والشر والكلام دوت. فدي رحمة عامة ده من اساس الرحمة. ازا كان وده مهم جدا نفهمه. لان احنا بنقول الذي اعتنى بالابدان من باب اولى يعتني بالارواح كده ده رد على المشركين. المشركين اللي بيقولوا ما انزل الرحمن من شيء اللي قاله لأ ربنا ما انزلش شيء. ورد على الملاحدة النوع اللي هو بيقول ربنا فيه رب خلق وترك زي صانع الساعة كده عملها ماشية لوحدها تمام؟ خلق وترك نقول هذا لا يمكن لا يمكن كيف يتصور ان هذا صاحب الخلق البديع الدال على الحكمة. زائد الذي رحم الناس كل ابدان الناس رحم ابدان الناس واعتنى بابدانهم والبدن ده اقل من الروح. كيف يعتني بهذا البدن ثم يترك الروح هملا سودان بلا دلالة ولا بيان. ما ما الامر؟ وما النهي؟ وما الخير؟ ما الشر؟ هذا لا يتصور. لذلك في قصة مؤمن قال ياسين العجيب ان هم ردوا عليه لما اه قال فعززنا بثالث فقالوا انا اليكم مرسلون. قالوا ما انتم الا بشر مثل مثلنا وما انزل الرحمن من شيء. العجيب ان ثم ردوا على نفسهم في نفس كلامهم. بيقولوا ما انزل الرحمن من شيء. طب ازاي بتقولوا ما انزل الرحمن من شيء كلام متناقض. يعني الاسم الدال على انه انزل شيء. لان الرحمن هو الذي وسعت رحمته كل شيء. والذي اعتنى بالابدان ومن باب اولى بالارواح كيف ينزل ارزاق الابدان؟ كيف ينزل ارزاق الابدان؟ ثم لا ينزل ارزاق الارواح. هذا لا يتصور. ايحسب الانسان ان يترك سدى لا يؤمر ولا ينهى. الم يكن نطفة من مني يمنى؟ افحسبتم انما خلقناكم عبثا وانكم الينا لا ترجعون. هذا لا يتصور من الرحمن طيب يبقى ده الرحمن الذي رحم الابدان ورحم الايه؟ الارواح. يبقى دوت اسم الايه؟ اسم دال على شمول الرحمة. عشان كده ده يفهمك يعني ايه؟ الرحمة اوسع الصفات وما بعد زلك الرحمة الخاصة الرحمة الخاصة باهل الايمان. وكان بالمؤمنين رحيما. ده اسم الله الرحيم الرحمة الخاصة دي في الجزئين برضو في الارزاق والابدان ورحمة خاصة في اللي هي الارواح اما رحمته الخاصة باهل الايمان في مسألة الابدان بانه يجعل لهم في رزقهم بركة يجعل لهم في ارزاقهم بركة انه يسددهم انه يوفقهم انه معهم معية خاصة انه لا يخذلهم هذه رحمة ايه خاصة واما رحمته بهم في مسألة الارواح انه هداهم للاستجابة للحق يعني رحمة للعامة نبين دلالة البيان في حاجة اسمها دلالة البيان دي الرحمة العامة دي بقى دلالة الهداية دلالة الهداية. دي خاصة باهل الايمان اللي ربنا عالم منهم انهم يعني يليق بهم الايمان. يعني ارض طيبة. فالهمهم الايمان وهداهم الحمد لله الذي هدانا لهذا وما كنا لنهتدي عليه. لولا ان هدانا الله. فاجتمع فيهم الهداية الرحمة العامة والرحمة الخاصة واما الكافر والفاجر فاجتمع فيه الهداية ليه؟ العامة بقى فيه الهداية العامة بس. اما الهداية الخاصة ما حصلتش ليه وده الفرق بين الرحمن والايه؟ الرحيم كده هنلاحز هنا في السياق ان ربنا قال ايه؟ الرحمن. بعد كده زكر النوعين من الهداية علم القرآن خلق الانسان. لاحظت؟ ركزت صليت على النبي؟ عليه الصلاة والسلام. علم القرآن دي اللي هي ايه؟ رحمة الارواح خلق الانسان دي رحمة الابدان تمام علمه البيان ده بقى ادى له الادوات اللي تخلي البدن يا طواق يفهم يبين ويفهم ويستوعب ما يأتيه من من القرآن. وده هيأتي كمان شوية. بس عايز اقول لك ان فيه تناسق بين اسم الرحمن مع بيان انه نوعي الرحمة الرحمة رحمة الارواح بالقرآن ورحمة الابدان بالعناية بخلق الانسان تمام يا احباب الدنيا تقرب كده لكن الملاحز انه سبحانه وتعالى بدأ بالقرآن الاول علم القرآن. خد بالك. بدأ بده الاول. قبل خلق الانسان وده له كزا دلالة. دلالته الاولى ان العناية بالارواح اولى من العناية بالابدان الله سبحانه وتعالى قد يبتلي انسان في بدنه قد يخلق انسان مسلا ايه؟ مشوه. قد يخلق انسان اعرق. قد يخلق انسان يعني ابكم. قد يخلق انسان معاق ده اشكال قد يحصل هذا لحكمة تمام ولكن قد قد يجوع انسان مسلا احيانا هذا لا اشكال فيه انما يكون برضو لحكمة ولكن اهم من زلك الارواح لان ممكن واحد يبقى يبقى معاق يخش الجنة. يبقى مشوه ويخش الجنة. يبقى جعان ويخش الجنة عادي طالما روحه سليمة ما فيش اي مشكلة حاصلة ضرر البدن بيتحول الى ثواب اما الذي لا حل له ولا يمكن ان يكون في في خير ابدا هو فساد الارواح ازا فسدت الروح فلا خير. مهما كان البدن منعم. مهما كان خلق الانسان مكتمل. مهما كان فيه عنده من النعيم والراحة. لا قيمة لكل هذا اذا راحت الروح لان في النهاية اللي بيفضل في الاخر في النهاية ايه اللي بيفضل في الاخر؟ في الاخر الجسد ده هو ده اللي بيموت. هو في الحقيقة الروح مش بتموت. هو الموت هو انفصال الروح عن الجسد المجسد ده في الاخر هو اللي بيتوقف. وبيبتدي يبلى في القبر. والروح بقى بتكمل طريقها. الروح بتكمل طريقها. فالعناية بالمستمر اولى من العناية بالايه؟ بالفان الهالك هزه الروح بدأ باهم شيء علم الايه؟ القرآن ثم ذكر قال خلق الايه؟ خلق الانسان وده ينقلنا الى مفهوم تاني مفهوم مركزية القرآن في آآ في في في فكر المسلم الانسان المسلم لما يقرأ ان ربنا بدأ بالقرآن ثم سنى بخلق الانسان يعرف انهي اولى. مين بيدي قيمة لمين فين القيمة القيمة الحقيقية في القرآن وليست القيمة الحقيقية في الانسان القيمة الحقيقية قيمة الانسان في القرآن وليس الانسان قيمة مطلقة تمام علم القرآن تدلك على مركزية النزرة المركزية للانسان المسلم يرى ان المركزية هي القرآن وليست المركزية هي الانسان ان احنا عندنا دلوقتي خطاب جديد خطاب جديد خطاب عالمي بيدفع ناحية ان المركزية هي الانسان. الانسان هو مركز الكون الانسان هو القيمة المطلقة بغض النزر عن اي شيء. طب تفرق في ايه ديت؟ لأ تفرق طبعا بيفرق في التقييم. يعني دلوقتي احنا بنسمع كلام زي ايه؟ كلام بيبقى شكله حلو على فكرة. شكله معسول. بس انا دلوقتي هتسمعه هتفتكره حلو. لكن لما اجي اناقشه هتكتشف ان هو فعلا كلام فاسد. مسلا بعض الناس يقول لك ايه ربنا خلق الانسان ده وبيحبه بيحب الانسان بيحب ليه الانسان تمام طيب آآ ربنا آآ ربنا سبحانه وتعالى مثلا آآ بيحب كل الناس وبيحب كل خلقه. حلو الانسانية دي لازم كلنا نلتف حوالين الانسانية. ولازم نعزم قيمة الانسان. ولازم الانسان ده يبقى يبقى ده المكرم عند ربنا تمام؟ وبعد كده نفضل بقى ايه؟ نطوف حوالين الانسان دوت. حلو ده الكلام شكله حلو. تعال انزل في التطبيق بقى الكافر ها؟ اخباره ايه معك بيقول لك اه اكرهه ولا ما اكرهوش؟ هو يعني اتبرأ من كفره ولا ولا ايه؟ يقول لك لا ده احنا يا جماعة مش احنا اتفقنا ان الانسانية تجمعنا وبالتالي لازم كلنا نحب بعض ولازم كلنا نقبل بعض ولازم كلنا نعيش ويبقى قيمة الانسانية هي الحاكمة علينا. شف بقى اما تفهم التطبيق ترجع تاني للكلام صح الكلام غلط الكلام ده بيودينا بيدوب الولاء والبراء. ما فيش ولاء وبراء. ما هو المؤمن والكافر انسان البر والفاجر انسان صح معلش الشاز انسان الملحد انسان الزانية انسانة الفاجرة انسانة كلنا انسان يا جماعة ولازم كلنا نقبل الاخر. وكلنا نعيش في ظل المعنى الكبير الانسانية تجمعنا لو احنا مركزنا الانسان هو ده القيمة المركزية اللي بنطوف حواليها هتضيع الاديان الاديان تضيع الاعراف تضيع العقائد تضيع كل القيم لان انا المفروض انت انسان يبقى خلاص. انت مقبول طالما انت انسان وده بيدوب كل المعاني اللي احنا بندور حواليها لكن لو انا قلت لأ يا جماعة القيمة المركزية هي القرآن والانسان يعرف قيمته على حسب القرآن. القرآن هو الاساس او الوحي يعني هو القيمة المركزية هو الوحي وبعد كده الانسان دوت هنشوفه بقى نقيمه حسب الوحي نعرف ساعتها نقول ده انسان مقبول ولا مرفوض يتحب ولا يتكره ولا نص نص حسب حاله القيمة المركزية عند المسلم ايه؟ عند المسلم هي الوحي هي الوحي الفرق يا جماعة بين الاتنين. فرق كبير جدا بين الاتنين ان انت تقول القيمة لانساني وقيمة القرآن. وده نجده في كتاب ربنا. ربنا بيقول قل ما يعبأ بكم ده الانسان اهو قل ما يعبأ بكم ربي لولا دعاؤكم انت ما لكش قيمة الا بالعبادة. ما لكش اي قيمة عند ربنا الا بالعبادة. فقد كذبتم فقد كذبتم فسوف يكون لزاما يعني ساعذبكم عذابا اليما فلو ربنا بيحب الانسان طب هيدخل ناس النار ليه صح؟ ربنا لما قال وقالت اليهود والنصارى نحن ابناء الله واحباؤه قال لهم ايه؟ قل فلم يعذبكم وانا بعزبك طب وانت وانت حبيبي اعزبك ليه ؟ فلو ربنا بيحب الانسان من حيس هو انسان يبقى مش هيعذب حد يبقى يلغي الجنة والنار بقى. هي جنة بس لكن لو انا قلت ان القيمة المركزية للانسان وقدر الانسان عند الله بقدر ارتباطه بالوحي كده المفاهيم عندي متسقة ما يحصليش اي خلل ولا تعارض في المفاسد تمام؟ وبالتالي اوالي واعادي على الوحي. لو واحد قال لك يا عم ده ربنا قال ولقد كرمنا بني ادم. ايوا صح ربنا كرمه وادى له ادوات ندوات ادى له عقل ادى له فهم علمه البيان. ازا احسن استعمال هزه الادوات صار محبوبا. هو ادى له ادى له تكريم انا اديتك حاجة حلوة. فانا كده اكرمتك فضلتك على البهايم انت بقى استعملتها صح تبقى محبوب عندي انت استعملتها غلط تبقى مرفوض عندي فرفضت الكرامة وايه لم تحسن استعمالها يبقى انا بشوف القيم بترتيب الايه القرآن. القرآن بيقول علم القرآن دي القيمة المركزية اللي انا بطوف حواليها. خلق الانسان ده تابع للقيمة المركزية فالانسان لا يكون انسان موقر لا يكون انسان له قدر الا بقدر ما عنده من القرآن. وبالتالي يصل الى قدر الزي يستحقه الرحمة تمام؟ بص كأننا بنرجع تاني الرحمن ادي الرحمة القرآن هو الوحي. الانسان. تعال نرجع تاني الانسان بياخد قيمته على قدر ما عنده من الوحي وبينالمقابل زلك الرحمة اللي بتوصله الجنة ايه رأيكم في الكلام ده الانسان اللي اتخلق على قد ما ياخد قرآن وحي على قد ما ينال من الرحمة وبالتالي تكون منزلته في الجنة. تمام؟ يبقى ده ده معنى خطير جدا بص مع ان تلات ايات كده بتعدي عليك بس بتأسس مفاهيم وافكار بتواجه افكار رهيبة خطيرة جدا بتحاول ان هي تبث في ولادنا دلوقتي تحت مسميات الانسانية وتجمعنا والكلام ده وتحتيها دوب دوب دوب العقائد دمر الاديان دمر دمر دمر عشان كله يدوب في كله الحقيقة هو كل اللي مستهدف به المسلمين. وكده كده الكفار ما ما بيمشيش معهم الكلام دوت الحاجة التانية اللي متعلمة من الحتة ديت ان ربنا آآ قدم العلم الرحمة ثم العلم ثم الخلق وده ترتيب مهم ان مبدأ كل شيء الرحمة الرحمة قبل العلم وان العلم لن يكون علم نافع الا مع رحمة فلابد ان يكون المعلم رحيما ولابد ان يكون الداعية رحيما. ولابد ان يكون الرسل رحماء تمام؟ وما ارسلناك الا رحمة للعالمين. فلازم نتعلم يا جماعة عند التعليم الرحمة. البسمة الصبر على المتعلم. هوصل لك المعلومة. مش زي ما بنشوف دلوقتي بعض المشايخ للاسف طالب يمشي من درسه يهزأه يهزقه اه طالب يصل يسأله سؤال يسخر منه هذا لا يكون ده واحد ما قرأش سورة الرحمن تمام؟ وبعد كده نرى ان الله قدم العلم على الخلق وكأن العلم هو الاساس ده القيمة الضخمة اللي الانسان بيتلقاها علشان وكل ما يزداد علمه كل ما يزداد في معنى الانسانية ومعنى القيمة. طبعا العلم الشرعي هو الاساس وبعد كده العلم الدنيوي مع العلم الشرعي يخلي قيمتك اعلى. اما علم دنيوي بس بدون علم شرعي خالص لا ينفع الانسان ولا قيمة له وهنا في فايدة كده آآ بيقولوها على السكة يعني آآ بيقولوا ان ربنا فصل علم القرآن عن خلق الانسان في فايدة في العقيدة. احنا درسنا في العقيدة ان القرآن كلام الله غير مخلوق صح كلام الله غير مخلوق لان كلام الله صفة من صفاته وصفات ربنا غير مخلوقة. اي ان القرآن بدأ بان الله تكلم به الله تكلم به اذا القرآن ابتداؤه انه صفة من صفات الله سبحانه وتعالى غير مخلوق زلك هنا ده دليل على ان القرآن غير مخلوق. لانه فصل الخلق عن القرآن قال علم القرآن سم قال خلق الانسان وهذا مثل قوله تعالى في سورة الاعراف ال له الخلق والامر بصل بين الخلق والامر البصل بين الخلق والامر. فالامر اللي هو الوحي يعني اللي ربنا بيتكلم به. فده غير مخلوق. خلاص خلق الانسان احسن خلقته وتنزيمه وفي انفسكم ايات يعني في انفسكم افلا تبصرون ثم قال تعالى علمه البيان ادي اول من اه يعني من نعم الله على الانسان انه علمه البيان. ما معنى ما معنى علمه البيان ما معنى علمه البيان؟ علمه البيان يعني علمه ان يبين عن نفسه تعلمه ان هو يعبر عن نفسه. جعل له لغات جعل له شيء يعبر به عن نفسه. يقدر يعني ايه؟ فكما قال تعالى فاذا هو خصيم مبين يعني يستطيع ان يبين حجته. ويتكلم ويصف ما فيه. لو اردت ان تعرف قيمة هزه النعمة فانزر الى العجماوات من بهائم. هو قلنا ممكن يكون الانسان عنده قطة مسلا او او حاجة زي كده فممكن تكون مريضة مسلا. مريضة يعني بتصرخ مسلا تتلوى يعني بيقف قدامها فعلا عاجز. يعني اللي عنده حيوان اليف مسلا قطة او او او نحو زلك يعني فبيبقى فعلا لما الحيوان ده بيتألم يقعد يصرخ كده تبقى انت كانك عايز تقول له انطق قل مالك انا مش عارف اعمل لك حاجة. ده مغص ولا ولا فيروس ولا بكتيريا ولا ما لك وممكن يموت قدامك وانت بتبكي بتبكي وانت مش عارف ما له والدكتور مش عارف ما له. ليه ما عندوش الافصاح ما يقدرش يبين هذه نعمة يا اخوان الانسان يوبين يقدر يقول انا في ايه. يقدر يعبر عن مشاعره. يقدر يعبر عن احاسيسه. يقدر ان هو يوصف دواء. يقدر ان هو يحول المعلومات اللي في دماغه الى كلام بيان حتى ما قال علمه الكلام البيان يعني كلام يعبر به بادق الالفاز وبين في سورة العلق نعمة تانية قال سبحانه وتعالى آآ علم بالقلم كمان علم الانسان ما لم يعلم. مش بس اداله البيان اللي هو بيفصح به علمه الكتابة. يا جماعة دي حاجة انسانية محضة. غير موجودة في الحيوان ولا في اي مخلوق اخر. الانسان استطاع كمان مش يتكلم طب ما احنا لو قعدنا نتكلم هننسى. علم الانسان التدوين ان هو يدون بالقلم وبعد كده فكرة التدوين عموما بعد كده اتحولت من قلم الى حواسب وسيديهات وفلاشات وهاردات كل ده تحت علم بالقلم. كل ده علم ربنا علمه الانسان. ولولا زلك الانسان ما كانش عمره يتطور ابدا. هو ايه اللي بيخلي الحيوانات عمرها ما بتتطور ابدا. الاسد بيعمل نفس الاداء منز خلقه الله. كزلك القرد والسمك لان هو ما بيتطورش. وعنده فكرة تطوير. اولا لا يحسن البيان غير معلم لا يحسن التدوين عشان اللي بعده يستفيد من تجربته. لكن البشر بيبين بيفهم بيقدر يطور نفسه بيقدر يسجل علشان اللي بعديه يبدأ من حيس انتهى ونبدأ سلسلة التطوير ويتطور الانسان وتزهر يزهر المرحلة اللي احنا فيها ديت. فالانسان دائم التطوير وفي نفس الوقت الحيوان متوقف تماما عن هزا الامر. ده كل ده ربنا علمه. العجيب بقى ان الانسان الغبي بعد كل ده لانه اتطور ولانه وصل للقمر ووصل لتحت البحار ووصل للزكاء الصناعي والروبوتات قال لك خلاص انا كده ايه شكرا احنا تغنينا عن الاله واحنا ايه؟ الحدنا وعرفنا سر الكون وعرفنا قوانين الكون وعرفنا الفيزيا والكيميا والفلك. ففكرة الاله دي فكرة قديمة خلاص احنا دلوقتي مستوعبين كل حاجة. ما اغبى هزا الانسان يعني دماغ بهزا الانسان هو مش مدرك ان اصلا كل اللي انت فيه بسبب الكلمة دي علمه البيان. علم بالقلم. لولا علمه البيان وعلم بالقلم ما كان هناك اي علوم ستجري على الانسان ولا يوصل للي هو صله. فمفروض كل ما الانسان يتطور ويوصل اكتر يسجد لله شكرا عشان كده قال بعديها ايه الشمس والقمر بحسبان. يعني يا انسان لما تتعلم وتلاقي ان الشمس والقمر بالحساب الدقيق ده وتتعلم وتفهم الافلاك يبقى اعمل زي النجم والشجر اه والنجم والشجر بيعملوا ايه؟ يسجدان يخضعان لله فالاولى بك لما تعلمت ووصلت للفلك ووصلت الحسابات الدقيقة دي انك تبقى ما يكونش النجم والشجر احسن منك. انت اللي متعلم وانت اللي فاهم وانت اللي مدرك هذا الكون بابعاده الدقيقة الدقيقة انت كنت اولى انك تقول سبحان الله! انت كنت اولى انك انت تقر لهذا الكون بصانع خالق عظيم له غاية من هذا الخلق وان اكد انه واحد وانه يستحق العبادة نجم الشجر صاروا احسن منك. انت عرفت ان الشمس والقمر بحسبان الحد واللي مفروض اللي يعرف ان الشمس والقمر بحسبان كل ما يزداد علم يزداد سجود بقى الكلام جاي ببعضه ازاي؟ علمه البيان. الشمس والقمر بحسبان حساب دقيق. لا الشمس ينبغي لها ان تدرك القمر ولا الليل ايه؟ سابق النهار. فالقصر وجعل الليل سكن والشمس والقمر حسبانا. ذلك تقدير تقدير العزيز العليم. سبحانه وتعالى. قدر كل شيء خلقه بقدر كما قرأنا فيه سورة القمر في المرة الماضية. الشمس والقمر بحسبان يعني بحساب دقيق جدا. يعني شف الافلاك يا جماعة ديت زي ما هنشوف كده والسماء رفعها. ووضع الميزان. الافلاك دي يا جماعة يعني يعني يعني كل ما الناس بتتطور في فهم ازاي الارض بتدور والشمس والكلام ده الموضوع مبهر لدرجة غير طبيعية مسألة دقيقة لدرجة غير طبيعية. يا جماعة الثوابت الكونية مسلا. فكرة السوابت الكونية كلنا خدنا فيزيا. خدنا السوابت ثابت ثوابت الجاذبية آآ السوابت الكونية كلها. الناس بتتكلم ان الثابت الكوني ده لو اتغير واحد صفر بعد صفر صفر واحد آآ الحياة تنهار تماما. يعني يعني اي سابت من السوابت الكونية في الفيزيا في الكيميا في الكلام دوت لو اتغير بس يعني واحد من مية الف الحياة تنهار وتدمر. الموضوع ماشي بميزان ادق من الدهب بكتير. يعني الارض بتدور بميل معين. سرعة معينة والشمس لها كتلة معينة جازبية معينة وسرعة الطرد دي بتساوي سرعة الجزب دي وبالتالي الارض بتسير في مسار سابت منز خلقها الله سبحانه وتعالى لو زادت السرعة سنة هنطير برة خالص. قلت السرعة سنة هنتشفط جوة الايه؟ جوة الشمس وكزلك عطارد وبلوتو كل واحد واخد سرعة على حسب مكانه وكتلته حسب مكانه. في الاخر عشان يظل في الاخر ماشي في مسار سابت لا بيتشفط ناحية الشمس بالجازبية ولا بيتطرد نتيجة السرعة. شيء مخيف. شيء رهيب. شيء دقيق جدا. حسبان عثمان ولا ده يختلط ده ولا يدخل في دوت ولا المجرة تخش في مجرة ولا في كل واحد ماشي كل في فلك ايه يسبحون. طب مين اللي بيعمل ده الانسان هو انت مجرد اكتشفت ماشية ازاي الحد؟ طب هو مين اللي ممشيها يعني يعني هل انت وصلت ان انت اللي بتمشيها؟ فتقول خلاص انا رب انت اللي دلوقتي بتسيرها ولا انت مجرد عرفت بس؟ عرفت ماشية ازاي فتلحد يا حلاوة طب مين بقى اللي عمل كل ده ؟ ده المفروض انت تسجد لما بتعرف. حاجة عجيبة والنجم والشجر يسجدان النجم والشجر الجدد قيل النجم هو النجم المعروف الشجر الشجر اللي هو اللي ساق. اللي ساق بيسموه شجر يسجدان قول تاني قول تاني ان النجم خدوها دي دي جديدة عليكم. النجم هو ما لا ساق له. يعني النبات اللي ما لوش ساق زي ايه؟ زي البصل والبطيخ والحاجات ديت ده بيبقى نبات ما لوش سائق زي الشجر. والعرب تسمي ما لا ساق له نجم العرب تسمي ما لا ساق له زي البطيخ وكده سميه نجم احيانا. فاختلفوا في النجم. البعض قال النجم هو ما لا ساق له والشجر هو ما له ساق خلاص القول التاني النجم والنجم المعروف والشجر الشجر الايه؟ المعروف طيب اللي قال ان النجم ما لا سقى لو قال كده ليه؟ قال للمناسبة لان الكلمة دي عند العرب اللي هي المعنيين لها معنى النجم اللي احنا عارفينه ومعنى ما لا ساق له طيب فيه واحد بص للمقابلة قال طالما قلنا دي شجر يبقى نقوله ديت الايه؟ ما لا ساق له عشان تمشي مع بعض. فده اختار القول ده على اساس كده تمام آآ اللي اختار النجم قال ان ما جاش في القرآن خالص من اوله لاخره ان النجم بمعنى الايه؟ ان النجم بمعنى بمعنى آآ ما لا ساق له وحتى في ادلة في القرآن تدل ان المقصود بالنجم النجم. الم ترى ان الله يسجد له من في السماوات ومن في الارض والشمس والقمر نجوم والجبال والشجر والدواب وكثير من الناس فبيقول ده استعمال القرآن واستعمال القرآن للكلمة دايما في في معنى معين بيكون قرينة بترجح المعنى في الحتة المختلف فيها. يعني احنا مختلفين دلوقتي النشب. معناه ما لا ساق له ولا النجم اللي في السما؟ نشوف استعمال القرآن. النجم بتيجي في القرآن معنا اكتر. تيجي بمعنى النجم اللي في السماء خلاص يبقى هو النجم اللي في السماء. وده الراجح. وده الاقرب. ان النجم هو النجم الايه؟ اللي في السماء وكان هنا المقصود ما انت ممكن تبص لها من ناحية تانية. اللي فوق واللي تحت. ما انت بتقول هنا مناسبة بين ما لا سق له والذي ساق. طب ممكن نقول قول تاني تمام؟ نقول ان ربنا جاب اعلى حاجة واقل حاجة بتشوفها. ايه اقل حاجة بتشوفها في مستوى نزرك الشجر؟ اعلى حاجة النجم. ده كله بيسجد لله. وما بينهما بقى والنجم والشجر يسجدان. ما معنى يسجدان؟ القول الاول ناس جدان يعني يخضعان لله تعالى وجود بمعنى الخضوع والانقياد. ده المعنى الاول والمعنى الثاني يسجدان اللي هو السجود السجود. طب ايه هو بقى سجود النجم والشجر البعض قال السجود هو سجود الظل يتفيأ ظلاله يتفيأ ظلاله عن اليمين والشمال سجدا لله. قالوا ان ان الشجر لما ضله بيتحرك كده هو هو ده سجود الايه؟ الشجر واختلفوا بقى في سجود النجم هيبقى عامل ازاي والبعض قال هذا امر نتوقف فيه ونقول يسجدان وخلاص ونقول كل مخلوق له سجوده الذي يعلمه الله لا نعلم كيف يسجد النجم كيف يسجد كزا وكزا كل مخلوق له سجود يعلمه الله سبحانه وتعالى زي ما ربنا قال في سورة آآ النور كل قد علم صلاته وتسبيحه. خد بالك من هو ديت. كل قد علم ايه؟ صلاته. يعني كل واحد له صلاة لوحده وتسبيحه تسبيحه لوحده وان من شيء الا يسبح بحمده ولكن لا تفقهون ايه؟ تسبيحهم. كزلك كل شيء يسجد لله. لكن مش ضروري ان يكونوا عارفين كيفية سجوده. فده احد الاقوال ثم قال تعالى والسماء رفعها. نفس الكلام بقى اللي قلته لكم في الافلاك بيتكرر هنا. كيف رفعها؟ وازاي هي متماسكة؟ وازاي الاجرام دي كلها بتسير بهذا والاتقان. اه ثم قال تعالى ووضع الميزان يعني وضع العدل المقصود ان بالميزان العدل العدل والبعض قال الميزان هو الميزان المعروف وكأن واحد فص وما فيش تعارض. كأن واحد فسرها بالعدل واحد فسرها باداة العدل واحد فسرها بالعدل. والتاني فسرها باداء ادوات العدل. ما فيش تعارض. فالمعنى الاعم احسن نقوله الميزان العدل عموما ويشمل ادواته يشمل ادواته الا تطغوا في الميزان يعني لا تفسدوا لا تزلموا. الله خلق كل شيء بعدل وامر بالعدل. ونهى عن الظلم وحرم الزلم على نفسه وعلى عباده وبالتالي لا تفسدوا ولا تزلموا. ومن اظلم الظلم ان يجعل لله ندا. نبص بقى الكلام ايه الكلام يجيب بعضه. تمام؟ من اظلم الظلم ان يجعل الانسان لله ندا. يبقى هو خلقه ورزقه وبتاع. وبعد كده يجعل له شريك ان الشرك ايه؟ لظلم عزيم. والعدل ان يعبد الله ولا يشرك به شيئا واقيموا الوزن بالقسط بالعدل. ولا تخسروا الميزان. تمام ثم قال تعالى مبينا قدرته ونعمته على عباده. السورة دي مليئة بالنعم قال سبحانه وتعالى والارض وضعها للانام يعني هيأها ومهدها وبسطها ومهدها وفرشها لتصلح لعيش الناس والا لو كانت تميت بهم ما تصلح الحياة. لو كانت كلها كالجبال ما تصلح للحياة. فهذه من نعمة الله. احيانا احنا بنتعامل مع حاجات كانها حق مكتسب لكن كون الارض بهزه التهيئة كان ممكن يبقى حاجة تانية يحمد الله انه هيأ الارض كان ممكن يخلق انسان في زروف صعبة جدا. تخيل حياتنا كلها جبال هتعيش هتعيش غصب عنك بس معاناة مأساة. تمام تخيل ارض بتميد بك كل شوية شيء شيء مرعب يعني انسان لا يستطيع ان يحيا لكن ربنا الارض قرار جعل السماء بناء. كل ده عشان عشان الانسان وفي الاخر ايه الهدف من وراء زلك؟ الانسان يشكر بقى انسان يعبد الله كل ده مهيأ علشان هدف مش عشان خاطر انت حلو زي ما قلنا الانسان قيمته في الوحي في الاخر. علشان ينقاد لله سبحانه وتعالى قال مبينا نعمة فيها فاكهة والنخل ذات الايه؟ الاكمان يا فاكهة والنخل مع ان النخل من الفاكهة بس قالوا ان النخل فاكهة مميزة والفاكهة كل الفواكه والنخل طب ما النخل من الفواكه؟ قالوا النخل طبعا لعزيم النعمة بالنخل النخلة يا جماعة عجيب النخل ده هو فاكهة وهو غزاء في نفس الوقت ينفع واحد يعيش عليه تمام؟ وهو دواء وهو وهو آآ حلو المزاق فاكهة حلاوة غزاء دواء النخل ما ما لوش مسيل يعني والتمر وانواعه واشكاله ودرجاته حاجة روعة يعني النخل النعمة بالنخل حاجة كبيرة اوي والنخل زات الاكمام ايه الاكمام ديت بيقول لك الاكمام هي الايه هي بيسموها ايه النخل زاد الاكمام كم كده عارف انت حاجة زي الكم الكم هي ايه؟ هي اوعية الطلع. يعني النخلة بتطلع كده وبعد كده بيبتدي يطلع ايه؟ حاجة كده زي زي لسان كده يطلع وبعد كده يبدأ الطلع يطلع فيه تمام وبعد كده بينشق تمام ويبتدي يطلع منه الايه العزق بتاع التمر دوت يعني والنخل زات الاكمام النخل بتطلع وبعد كده يطلع لها حاجة زي الاكمام كده. زي زي اوعية اللسان ضخم كده. وعاء كبير. والوعاء دوت بيبقى جواه الطلع. اللي هو بعد كده بينبت ويتحول لعزق. والعزق ده يطلع منه ليه التمر؟ العزق ده اللي هو لما تمسك كده ايه ؟ تمر كده بالعزق بتاعه طالع كده التمراية فيها كل الفروع ديت ده ده الوعاء. الوعاء بتاع الطلع ده اسمه الكم الاكمام يطلع منه جواه الطلع والطالع دوت يبتدي ينشق ينشق يتحول لعزق والعزق يطلع ايه؟ تمر بعد كده تمام زات الاكمام. ثم قال تعالى والحب ذو العصف والريحان ركزوا بقى عشان دي حلوة والحب ذو العصف والريحان طيب الحب اللي هو الحب الحبوب يعني ما معنى زو العصر؟ قالوا ذو العصر يعني زوق التبن يعني الحبوب لما بتطلع بيبقى فيها ايه؟ لها لها لها لها لها حواليها كده بيبقى هو الحباية في الحباية نفسها. الحباية نفسها حواليها قشر بيبقى يابس تمام؟ والقشر اليابس ده لما بينزل تحت كده وينشف بيتحول لتبن الحب زو العصر العصف ده اللي هو التبن يعني تمام وكأن ربنا بيمتن عليك ان كمان الحباية ديت هي حباية وبيطلع منها كمان تبن والتبن ده بيكون غزاء للارض وغزاء للبهائم يبقى الحباية نفسها غزاء لك وتنفع غزاء للبهائم والتبن يبقى غزاء للارض وينفع غزاء للبهائم فكن لها منافع. حتى اللي بيفلت منها حتى اللي بيقع على الارض فيه مصلحة لك ولارضك ولدوابك الحب زو العصف يعني التبن او الاشياء اللي هي بتهش كده من الايه؟ من العصر من الحبة وتتساقط حلو والريحان ركز بقى في الريحان عشان في آآ في آآ قراءتين في الريحان والحب ذو العصف والريحان القراءة التانية والحب ذو العصف والريحان والريحاني بالكسر لو قلنا هي مضمومة يبقى معطوفة عليه على العصر لو قلنا ان هي مكسورة تبقى معطوفة على الايه انا اسف لو قلنا ان هي مضمومة تبقى معطوفة على الحب الحب ذو العصف والريحان يبقى الريحان وده حاجة تانية غير الحب خالص ولو قلنا والحب زو العصف والريحان يبقى الريحاني دي حاجة من تبع الحب. يبقى الحب ده فيه عصف وفي ريحان طيب نفسر الاتنين لو قلنا ان الريحان مضمومة الريحان ده هنا بنتكلم في حاجة تانية غير الحب زو العصر قالوا لما قالوا ان هي المضمومة ديت كسروها بالريحان المعروف. الريحان يعني هزا النبات طيب الرائحة والبعض فسر تفسير اوسع قال كل نبات له رائحة جميلة يسمى ريحان تاني البعض فسرها بانه الريحان المعروف الريحان زهرة الريحان والبعض عمم الريحان هو كل نبات له رائحة طب هنا يبقى الكلام ماشي ازاي؟ كأن ربنا بيقول الحب زو العصر اللي هو دوت رزق واكل وللدواب وكله وكمان جعلت لكم نباتات لها رائحة طيبة. حتى لو لم تؤكل ولكن ينتفع بريحها وصارت النعمة في الطعام والدواب وحتى الرائحة فيها نعم وانعمت عليكم بما يؤكل وما تأكله الدواب وانعمت عليكم بما له رائحة طيبة فمنه ما يؤكل ومنه ما لا يؤكل ولكن ينتفع بريحه الطيب ده على ان هي مضمومة وعلى ان هي مكسورة. يبقى الحب زو العصف والريحان اه هنا لما اتكسرت البعض فسرها ان الريحان هو الرزق الريحان فسروها بالرزق والمقصود بالرزق اي الايه؟ الحبة نفسها بقى. يعني احنا بنقول الحب الحب ده زو العصف. العصف ده اللي هو التبن اللي هو بتنتفع به الدواب. والريحان هو الرزق اللي في الحبة للانسان نفسه تاني والحب زو العصف والريحان لو مكسورة هيفسروا يقولوا الريحان هو رزق الانسان من هزه الحبة اللي هيقول ان الريحان مكسورة على قراءة الكسر يعني. هيبقى عنده الحب زو العصر العصر هو رزق الدواب والريحان هو رزق الانسان من هزه الحبة كده والحب زو العصف والريحان قال فباي الاء ربكما تكذبان. يعني باي شيء من نعم الله تكزبون ولا تؤمنون ولا تسجدون لله تعالى ثم قال تعالى خلق الانسان من صلصال كالفخار خلق الانسان من صلصال يا الفخار. يعني ايه بقى الكلام دوت الفخار عارفين الفخار؟ الطين لما ييبس ويبقى له صوت صلصلة بيسموا الصوت ايه؟ صلصلة. لما تخبط على الفخار كده بتسمع ايه؟ صوت. ده بيسموه صلصلة صلصال كالفخار طيب الانسان المقصود به هنا اصل الانسان اي ادم عليه السلام لان ما بعد ادم خلق من نطفة خلاص بدأت التناسل الطبيعي لكن لكن آدم عليه السلام خلق من تراب طيب هنا نرى ان ربنا زكر ادم في ايات خلق من تراب في ايات خلق من طين وفي ايات من حما مسنون وفيه ايات صلصال كالفخار هل في اشكالية في الجمع بين المعاني دي هقولها لكم بسرعة وانتم ازكيا وبتلقطوا بسرعة كل الحاجات دي مش متعارضة انما هي مراحل مراحل خلق ادم مراحل هو بدأ تراب تراب التراب هنحط عليه ماء تاني تراب هنحط عليه ماء هيبقى ايه يبقى خلقه من طين تمشي الطين لما لما يطول مكثه ان ربنا خلق ادم وما نفخش فيه روحه على طول ترك وطين لفترة طويلة حتى ييبس فلما الطين بيطول بيتغير فبيسموه لما يتغير حما لما ايه لما بيتغير ويطلع له ريحة كده بيسموه حمق. فده معنى حماء مسنون. يعني الطين بعد ما طول وبدأ يتغير فصار له رائحة لما يتصلب خالص يبقى ايه يبقى فخار كده تمام فده هنا زكر المرحلة الاخيرة اللي هي الفخار لما تصلب خلاص ما قبل بقى نفخ الروح وخلق الجان من مارج من نار. يعني ايه مارج مارج يعني خليط من نار يعني ايه مارج من نار؟ قالوا المارج من النار هو آآ اعلى اللهب الذي يختلط فيه اللون الاحمر مع الازرق مع الاصفر كده خليط وهذا يعتبر اصفى اللهب انتم عارفين تعالوا نركز كده لما يبقى في لهب قدامك يبقى تحت احمر خالص او او او برتقالي جدا اعلن اللهب كده حتى تلاقيها في عين الفرن نفسها اعلى اللهب بتلاقيه بيبتدي يطلع الوان بقى. في اعلى اللهب الوان بيبقى ازرق وبيبقى فيه ازرق مع احمر مع اصفر مع برتقالي. فتحس الحتة دي فيها خليط من الالوان الحتة دي بيسموها اصفى اللهب. اصفى حتة في اللهب هي بتبقى ايه؟ اعلى اللي فيه الخليط دوت فربنا خلق الجان من مارج من هزا الخليط من نار يعني هتلاقي في تفسيرات اللهب خليط وتلاقي في تفسيرات اللهب اعلى اللهب ما فيش تعارض. لان اعلى اللاعب تختلط الالوان في هتلاقي الاحمر مع الازرق مع الاصفر خلق الجان من ايه؟ مارج من نار من مارج من نار ثم قال تعالى فبأي الاء ربكما تكذبان. اه اصفى اللهب لان هو ما بيبقى فيهوش دخان فعلا رب المشرقين ورب المغربين. كل اية يا جماعة ممتعة كلها بنفهمها سورة الرحمن على فكرة يعني من الصور التقيلة جدا في الكلمات يعني انا بحاول على قد ما اقدر هوصل لكم المعاني كل اية فيها اعجاز كل اية فيها ابهار. كل اية كل اية فعلا الدال على صدق النبي عليه الصلاة والسلام. كل كلمة رهيبة. بصوا اللي جاي بقى ديت شفتم لما قلت لكم صلصلك الفخار والمارج من نار. وازاي فهمنا العصف والريحان والاكمام وحاجات تعال بقى في اللي جاي قال رب المشرقين ورب المغربين. يعني ايه الكلام دوت اقول لك المشكلة وبعد كده احلها لك ربنا قال في سورة في سورة آآ المزمل. رب المشرق والمغرب لا اله الا هو فاتخذه وكيلا طيب في سورة المعارج قال رب المشارق والمغارب رب المشارق والمغارب سورة الرحمن رب المشرقين ورب المغربين. تتحل ازاي ديت بقى تعال نقولها واحدة واحدة. اللي تفهمها ببساطة جدا الشمس علشان حركة الارض. الارض اولا فيها ميل شوية. تمام؟ فيها ميل شوية بتدور حوالين الشمس وبتدور حوالين نفسها في نفس الوقت ولان مكانها من الشمس بيتغير كل يوم يعني كل يوم مش بتبقى في نفس المكان من الشمس بيتغير مكانها من الشمس فنقطة الشروق مش هي نفسها كل يوم يعني انت بتحسها هي نفسها بس لأ هي اتحركت سنة حركت سنة كل يوم الشمس بتشرق من نقطة مختلفة. هي هي قريبة. بس مش هي نفسها ابدا. مش ممكن تشرق النهاردة من نفس النقطة بتاعة امبارح ولا كل يوم بتتحرك هي تتحرك كده على مدار الايه مسلا الشتاء كله. تقعد تتحرك لغاية ما توصل لاقصى نقطة وبعد كده لما يجي الصيف ايه تبتدي ايه ترجع تاني بعد كده الفصل سنة تلف تاني يبتدي تتحرك شمس مسلا من من الشمال لليمين مسلا. بعد كده ترجع تاني من اليمين للشمال. فطول السنة بتبتدي تتحرك حركة الى اليسار الى اليمين على حسب اختلاف الفصول لها اقصى ما كان في الصيف واقصى مكان في الشتاء فلو نزرنا الى ان هي كل يوم لها مشرق وكل يوم لها مغرب يبقى رب المشارق والمغارب ولو بصينا لاقصى درجة في الشتاء واقصى درجة في الصيف يبقى مشرقين ومغربين ولو بصينا لعموم فكرة الشروق والغروب يبقى رب المشرق والمغرب يا رب تكون اتفهمت تاني لو بصينا لكل نقطة كل يوم يبقى مشارق ومغارب. رب المشارق والمغارب لو بصينا لاقصى نقطة في الصيف واقصى نقطة في الشتا يبقى مشرقين ومغربين ولو بصينا لعموم الشروق والغروب يبقى مشرق ومغرب ما فيش تعارض اعجاز يا جماعة ابهار ده كل ده دليل على التدبير. بص ربنا بيدبر الشمس مش كل يوم في حتة. وترجع وتروح وانت الحياة ماشية عادي معك فباي الاء ربكما تكذبان ثم قال تعالى مرج البحرين يلتقيان بينهما برزخ لا يبغيان مرج البحرين يلتقيان. هنا زكر البحرين تحتمل كل انواع البحار البحرين المالحين او البحر المالح او البحر العذب اللي هو النهر كل الاحتمالات واردة مرج البحرين يلتقيان. قال في سورة آآ الفرقان وجعل بينهما برزخا وحجرا محجورا بينهما برزخ لا يبغيان اللي هو الخلط. خلط البحرين يلتقيان يلتقيان فازا التقوا من بديع صنع الله تعالى انه يكون بينهما برزخ فلا يبغيان. يعني ايه الكلام ده يا جماعة الكلام ده كلام كبير انت دلوقتي بتشوف البحر جنب المحيط صح؟ البحر المتوسط مسلا بيصب في المحيط في الاخر او بيلاصق المحيط الخليج العربي ملاصق للمحيط النهر ملاصق للبحر طيب رغم ان انت ممكن تنزل البحر تلاقيه لون كسافة ملوحة ولو رحت المحيط هتلاقي ممكن درجة لون تانية مسافة مختلفة ملوحة مختلفة تمام حتى بيسموه التوتر السطحي مختلف تحية كده في الفيزياء تنزل الخليج العربي الخليج العربي ملوحة تانية مسافة آآ توتر سطحي مختلف نروح المحيط حاجة تانية خالص. رغم ان هم لازقين في بعض كزلك النهر والبحر ده تشرب منه هنا عزب مسافة تانية ملوحة تانية هنا مالح لا لا يسمن ولا يغني من جوع العلماء بيقولوا ان لما البحرين بيلتقوا سواء بحر وبحر او بحر ونهر على طول بتتكون بينهما منطقة دي اللي اسمها البرزخ. منطقة محايدة يعني ايه منطقة بتتكون منطقة بين الاتنين على طول بحيس ان خواص ده لا تأتي على خواص الاخر ويزل كل واحد من الاتنين محتفز بخواصه ما يدخلش خواص ده على خواص ده ابدا. لا الملوحة ولا ولا الكسافة ولا التوتر السطحي ولا الكلام دوت البرزخ ده بيقولوا بيتدرج يعني لو هنا عزب وهنا مالح يظل البرزخ ده يتدرج. العزوبة تقل تقل تقل لغاية والملوحة تزيد تزيد لغاية ما نوصل للملوحة. والكسافة تتغير لغاية ما نوصل لكسافة الناحية التانية وقالوا ان هزا البرزخ لو خصائص مختلفة عن الاتنين هزا البرزخ له خصائص مختلفة عن البحرين وقالوا هذا البرزخ تعيش فيه انواع من الكائنات. لا هي تعيش هنا ولا تعيش هنالك دي كائناته لوحده اللي هي تتحمل الايه الخصائص الجديدة ولزلك كائنات البحر ما بتخشش على النهر. ولا كائنات النهر بتخش على البحر ولا كائنات المحيط تخش على الخليج حاجة رهيبة تدبير رهيب لا يبغيان عمرك ده مهما طال الزمان ومهما لزقوا في بعض ومهما اقتربوا لا الخصائص دي بتتغير ولا الخصائص دي بتتغير رغم التناسق هو طبعا ده ابداع يعني سبحان الله يعني. بينهما برزخ لا يبغيان ولو ان هم لو بغوا على بعض الحياة تدمر الحياة تدمر تخيل بقى لو المالح طغى على العذب والعذب طغى على المالح والكسافة اتغيرت مش هنعرف نعيش ونعرف نعيش فجعل ربنا هزه القوانين العجيبة بينهما برزخ لا يبغيان وباي الاء ربكما تكذبان قال يخرج منهما اللؤلؤ والمرجان قالوا اللؤلؤ هو كبير اللؤلؤ الكبير اللي احنا عارفينه اللؤلؤة الكبيرة والمرجان وصغير اللؤلؤ. يبقى الكبير اسمه لؤلؤ الصغير اسمه ايه؟ مرجان وده من يعني الناس في ناس بتحب الصغير ان له رونقه. وده بيتحط في الخواتم ويتحط لو كله كبير مش هنعرف نستعمله. والكبير مهم. والصغير مهم فربنا نوع جعل لؤلؤ كبير ولؤلؤ صغير للاستعمال فباي الاء ربكما تكذبان ثم قال امتن على العباد بانه علمهم صناعة السفن اللي يمشوا بها وسط كل هزه البحار وله الجواري الدواري اللي هي الايه؟ السفن سفن فاكرين خدناها في الزاريات. الجاريات يسرا واتكلمنا على ان استعمال القرآن غالبه في الجواري السفن وله الجواري اي السفن المنشآت الضخمة. شف بقى دلوقتي احنا فاهمين المنشآت دي ازاي. وانت بتشوف حاملات الطائرات وناقلات البترول والسفن العملاقة اللي بتوصل لعشرين وتلاتين تمام؟ منشآت تخيل بقى ربنا جعل قوانين ان البحر الماية دي الماية يا جماعة ما تشيلش مسمار لو حطيت مسمار في الماية ينزل لكن بطريقة معينة بشكل معين بقوانين معينة في الكسافة واللزوجة والكلام ده سفينة تبلغ الاف الاطنان تمشي على الماية بكل سهولة مين اللي جعل القوانين دي؟ ومين اللي علم الانسان صناعة السفينة؟ ومين اللي علمه ان هي لو كانت بالهيئة دي بالمواصفات ديت تسير في الماء وله الجواري المنشآت في البحر كالاعلام. هنا الاعلام مش مقصود بها الاعلام اللي هي اعلام البلاد. الاعلام جمع علم والعلم هو الجبل الاعلام كالجبال ده بيتقال لهم زمان. امال دلوقتي نقول عليها ايه؟ دي جبال جبال فعلا. جبال سفن كالجبال في البحر كالاعلام فباي الاء ربكما تكذبان وكده نكون خلصنا محاضرة النهاردة بفضل الله سبحانه وتعالى. يعني حاولنا نلم على قد ما نقدر المعاني. ونوصل ان سورة الرحمن فعلا كل لفظ فيها مش لأ تقيل جامد محتاج تقعد تفكر فيه كتير وفيه تدبر وفيه تأمل ويعني حسب ما بيسع الوقت يعني بنقدر نقول لكن ارجو من الله ان احنا نكون استمتعنا فعلا بالصفحة الاولى سورة الرحمن لسة اللي جاي احلى واحلى ان شاء الله. ربنا يبارك فيكم. عايزين نحفز بسرعة قبل ما نسرح. عايزين نقرا تفسير. عايزين نتدبر. عايزين نصلي بها ربنا يتقبل منا ومنكم صالح الاعمال. جزاكم الله كل خير السلام عليكم ورحمة الله