كسرت في حياة ناس قد ايه. لما يشوف ان لو مغني مشهور نزل مكانه يكلم الناس. البلد كلها هتتقلب وهو نازل وصل الناس لربنا ما حدش بيبص له اصلا. لما يشوف ده قلبه هيتحرق على الدين بقى. هيبدأ هم الدين ييجي جواه عمليا. يبقى
اللهم لك الحمد كله ولك الملك كله وبيدك الخير كله واليك يرجع الامر كله. اللهم صل على عبدك ونبيك محمد صلى الله عليه وسلم في الاولين والاخرين والملأ الاعلى الى يوم الدين. اما بعد اخواني واحبابي في الله النهاردة ان شاء الله سورة المؤمنون وسورة النور. بازن الله. سورة المؤمنون يعني بتتحدث
عن ايه؟ من اسمها كده يا اخواني في الله سورة المؤمنين بتتحدث عن يعني ايه؟ يا اما سورة المؤمنين يا اما سورة المؤمنون. آآ بتتحدث عن صفات المؤمنين عن صفات المؤمن اللي بحق وحقيقي. خد بالك في اولها اولئك هم الوارثون. الذين يرثون الفردوس هم فيها خالدون. الفردوس
الاعلى لم تزكر في القرآن الا مرتين. مرة في اخر سورة الكهف مرة في اخر سورة الكهف ان الذين ايه؟ آآ كانت لهم جنات الفردوس نزلا فيها لا يبغون عنها حولا يبقى الفردوس ذكرت في اخر سورة الكهف مرة وذكرت في اول سورة المؤمنون مرة. يبقى معنى ان الفردوس
الاعلى لم تذكر الا مرتين في القرآن. يبقى معناها ان المرتين دول يعني يعني في غاية الخطورة لان دي اعلى حاجة في الجنة. فاعلى حاجة في الجنة مع سورة الكهف سورة ان كل مؤمن لازم يبقى له ثغر واقف عليه. لازم يكون بيتحرك في مجال من مجالات الدين. يبقى ده معنى انما سورة
فنون هنا اللي ذكر معهم الفردوس. دي صفاتها ايه؟ قال تعالى قد افلح المؤمنون. قد افلح. عارفين الفلاح يا جماعة؟ اللي بيفلح وبيطلع ثمرة يبقى ازا مش كل واحد بيتعب بيطلع له سمرة. ايه مين هم اللي بيطلع لهم ثمرة؟ وقد لما تيجي مع الفعل الماضي معناها يقين قد افلح المؤمنون
الذين هم في صلاتهم خاشعون والذين هم عن اللغو معرضون والذين هم للزكاة فاعلون. المهم صفات المؤمنين لحد اولئك هم الوارثون بعد كده ولقد خلقنا الانسان من سلالة من طين ثم جعلناه نطفة في قرار مكين. ثم خلقنا النطفة علقة فخلقنا العلقة مضغة
فخلقنا المضغة عظاما. ايه الكلام ده؟ ده كلام الدعوة الى الله. لما نيجي ندعو الناس للدين هنكلمهم عن نعم ربنا سبحانه وتعالى. هنكلمهم ربنا عمل لهم ايه قلنا ان وزيفة الشيطان ولا تجد اكثرهم شاكرين. انما هانسيهم انت عملت لهم ايه. عشان كده جت سورة النحل واحنا بنتكلم فيها
قلنا سورة النعل ربنا بيفكرك هو عمل لك ايه. فهنا كلام الدعوة ربنا عمل لك ايه؟ من ايام ما كان الانسان شوية طين وبعد كده بقى نطفة من وسط تلتميت ربعميت مليون حيوان منوي. وبعد كده ربنا انشأه خلقا اخر. طيب ليه بقى صفات المؤمنين تيجي
قبل كلام الدعوة الى الله. كأن ربنا بيقول لنا ان صفات الدين قبل كلام الدين يا جماعة. ان الانسان اللي هيتكلم كلام الدين وما عندوش صفات الدين لن يؤثر ولن يغير ولن يكون له اي اثر تغييري في الواقع. ان دايما اهل الباطل ما بيضربوش الدين من الدين نفسه. لان
الدين كله نور هيضربه بايه؟ هيقول الدين الوحش اللي بيتكلم عن بر الجار مسلا الدين اللي مش كويس اللي بيتكلم عن صلة الرحم يبقى الدين كله نور اهل الباطل ما يقدروش يضربوا الدين من الدين. انما دايما بيضربوا الدين من رجال الدين. دايما بيضربوا الدين من اخلاق الملتزمين بالدين. فيقول لك هو ده الدين! شف بقى
كان عمل ايه؟ عشان كده لما حبوا يضربوا الانبياء ولقد ارسلنا نوحا الى قومه فقال يا قومي اعبدوا الله. فقال الملأ الذين كفروا من من قومه ما هذا الا بشر مثلكم! خد بالك بقى! مش بيضرب الدين من الدين! ده بيضرب الدين من الشخصية اللي بتتكلم عن الدين نفسه. ده دايما فكر اهل الباطل
انه عايز يضرب الشريعة الاسلامية في برامج التوك شو ؟ يضربها ازاي ؟ من خلال الناس الملتزمة نفسها. فقال الملأ الذين كفروا من قومه ما الا بشر مثلكم يريد ان يتفضل عليكم. دي ناس عايزة مواقع. دي ناس عايزة تشوف نفسها. دي ناس عايزة يبقى لها قيمة في الواقع
بقى على الايه ؟ على ان هي بتاعة دين ولو شاء الله لانزل ملائكة. يبقى لما حبوا يضربوا الدعوة ضربوها من الداعية. بعد كده ثم انشأت من بعدهم قرنا اخرين الصفحة اللي بعدها. فارسلنا فيهم رسولا منهم كلمة فيهم ومنهم دي بتلخص الدعوة كلها. ارسلنا
فيهم الانتشار ان الداعية يجب ان ينتشر وسط الناس وينزل للناس رسولا منهم ان الداعية لازم يكون واحد من الناس عايش الامهم ما لهم فاهم افكارهم واحلامهم عشان يقدر يتعامل معهم. يبقى اللي مش هيعيش وسط الناس عمره ما هيقدر يغير فيهم. اللي مش هيعيش وسط الشباب عمره ما
يقدر يغير فيهم. ارسلنا فيهم رسولا منهم ان اعبدوا الله ما لكم من اله غيره. افلا تتقون؟ وقال الملأ من قومه الذين كفروا وكذبوا بلقائهم الاخرة ما هذا الا بشر مثلكم. ما هذا الا بشر مثلكم يأكل مما تأكلون منه ويشرب مما تشربون. يبقى برضو لما حبوا يضربوا الدعوة
وضربوها من الداعية. يبقى اذا يا جماعة سورة المؤمنون بتقول لك ان دايما اهل الباطل بيضربوا الدعوة من خلال الداعية. من خلال الملتزم والملتزمة دي الدعوة. عشان كده سورة المؤمنون كلمتك عن اخلاق الدين وصفات الدين نموزج الدين العملي قبل ما اكلمك عن كلام الدين
كأن المؤمن اللي مش هتتحقق في هذه الصفات هو عمر كلامه ما هيأسر في الناس بالعكس كلامه هينفر الناس. عشان كده ناخد بالنا من سورة المؤمنون يبقى اول صفة من صفات المؤمنين في الصورة انهم ناس صفاتهم بتسبق كلامهم. انهم ناس بيمثلوا نموزج عملي قبل ما يكون
نموزج قولي عشان كده السيدة عائشة كان قرآنا ايه؟ ها آآ كان خلقه الايه؟ كان خلقه القرآن. يبقى اذا فيه قرآن بيمشي على الارض. وبعد كده في قرآن بيتلى يبقى لازم يكون فيه تجسيد عملي مش بس كلام مش بس كلام يقال عشان كده في اخر سورة المؤمنون حتى اذا جاء احدهم الموت
قال رب ارجعون لعلي اعمل. يبقى اذا ده واحد ساعة ما انا تنزلت عليه الملائكة ملائكة الموت وفزع. قال انا عايز ارجع اشتغل لعلي اعمل صالحا فيما تركت كلا انها كلمة هو قائلها. ده بتاع كلام. يبقى ازا اخر صفحة ونص في سورة المؤمنون
تحذير من النموزج بتاع الكلام. الكلمنجي اللي الدين عنده كلام كلا انها كلمة هو قائلها ده بتاع كلام. وهو جاي عند الموت بيقول لعلي يبقى اول حاجة في سورة المؤمنون النموزج العملي. الانسان اللي بيطبق الدين وبعد كده بيتكلم عن الدين. عشان كده شف معي كده
قول الله قد افلح المؤمنون الذين هم في صلاتهم خاشعون. البداية هي الصلاة والنهاية والذين هم على صلواتهم يحافظون يعني كأن الصلاة دي محطات الشحن بتاعة المؤمن. عارف عواميد النور اللي بتجدد الشحنة في في سلوك الكهربا كأن الصلاة دي هي العواميد اللي بتجدد
الذين هم في صلاتهم خاشعون دي مسألة العبادات. والذين هم عن اللغو معرضون. طب ما انا يعني ساعات تجرب كده بعد الصلاة تبقى عايز تقعد في مكان كانك لو عايز حد يكلمك ولا تكلم حد. انت عايز تعيش بقلبك مع جلال الملك اللي انت كنت واقف بين ايديه. يبقى ازا قضية العبادة المثمرة يا جماعة مش قضية
انا صليت انت بعد الصلاة العبادات اثمرت في اخلاقك ايه؟ اثمرت في علاقتك بربنا ايه؟ يبقى شف ثمرة العبادة في حياتك. وبعد كده في صلاتهم خاشعون. ده ضمير جمع يا جماعة. مش الذي هو في صلاته خاشع. كأن اللي مش هيرتبط ببيئة الخشوع مش هيبقى خاشع
الذين هم عن اللغو معرضون كأن اللي مش هيرتبط ببيئة الاعراض عن اللغو مش هيبقى معرض. والذين هم لفروجهم حافظون. كأن اللي مش هيرتبط ببقية العفاف مش هيبقى عفو يبقى ما فيش حد هيقدر يوصل للفردوس الاعلى لوحده. اولئك هم الوارثون الذين يرثون الفردوس. ما حدش هيقدر يرتقي للمقامات دي لوحده
الذين هم في صلاتهم خاشعون دي عبادات. والذين هم عن اللغو معرضون دي اخلاق ومعاملات. طب ربنا يجيب العبادات قبل الاخلاق ليه لانك عمرك ما هتقدر تستقيم على الاخلاق ولا على المعاملات ولا على الاحكام الا لو العبادات شحنت قلبك بنور الايمان الاول. يبقى البداية هي
العبادة ولكن العبادة بدون ما تثمر في الاخلاق والمعاملات انت هتدعو الناس الى الله باقوالك وتنفذ الناس عن طريق الله بافعالك. اوعى تكون داعية الى الله باقوالك. ومنفر عن طريق الله بافعالك. الذين هم في صلاتهم
الخشوع العبادة والذين هم عن اللغو معرضون الاخلاق والذين هم للزكاة فاعلون الفاعلية العبادة والذين هم لفروجهم حافظون الاخلاق والذين هم لاماناتهم وعهدهم راعون المعاملات والاخلاق. كلمة كبيرة اوي لاماناتهم وعهدهم راعون دي كلمة كبيرة اوي اوي
اوي اوي امانتهم في بيوتهم مع مراتاتهم في شغلهم في المعاملات المادية في المعاملات الاجتماعية قضية كبيرة جدا ان النموزج ده هي دي الاية اللي بيضربونا من خلالها دايما يا جماعة. والذين هم لاماناتهم وعهدهم راعون. والذين هم على صلواتهم يحافظون العبادة. يبقى اذا
عبادات اخلاق عبادات اخلاق عبادات اخلاق هو ده الموديل يا جماعة. هو ده النموزج. هو ده صورة الدين. السحرة وقفوا في وش فرعون يقولوا له لن نؤثرك على ما جاءنا من البينات. جابوا الجرأة دي منين ؟ لما دخلوا لقوا موسى بيقول له اني لاظنك يا فرعون مثبورا. لما شافوا النموزج
دخلوا على ان الدين ان انا اقف في وش فرعون وما اخافش. يبقى طلوع النموزج اللي في اول سورة المؤمنون ده بيوفر سنين طويلة من الكلام عن المنابر عن الدين. خليني اكلمك عن المنابر عن الدين وعن افعال الدين. وخليني انا اطبق الكلام ده
قدامك لما يطلع النموزج العملي اللي بيطبق الدين ساعتها هيحصل ايه ؟ ساعتها يا اخوانا كلام الدين مش هنحتاج نتشنج نفسنا عشان نوصل للناس المعاني ليه ؟ لان العمل بيغني عن كثير من الكلام. يبقى اذا الحاجة الاولانية
او الصفة الاولانية من صفات المؤمنين في سورة المؤمنون ان هم اهل الصفات للدين قبل ما يكونوا اهل كلام للدين. النبي عليه الصلاة سلام المدينة اتفتحت سنة اتناشر مكية. يعني المدينة كانت جاهزة لاستقبال النبي من سنة اتناشر. النبي سافر تلاتاشر ليه؟ لانه بعت الاول الموديل
اللي بقى له اتناشر سنة بيربي فيه. الموديل اللي بقى له اتناشر سنة بيصنع فيه. وداه الاول ودا المهاجرين الاول المدينة قبله بسنة يتخرط عليهم انصار وراح سنة تلاتاشر عليه الصلاة والسلام لقى المدينة كلها مهاجرين. ليه؟ لقى المدينة كلها صوامين قوامين ازاي؟ بعت الموديل بعت
نموزج بعت اهل صفات الدين بعد كده راح لقى المدينة كلها مخروطة على هذا على هذا النموزج. عمرنا ما سمعنا ان قوم لما الحاكم الظالم خيرهم ما بين الايمان اللي هم امنوه وما بين الموت اختاروا الموت. دايما الناس بتقول لك الرخصة. انما غلام الاخدود الناس اللي
لما الملك حفر لها نار اترمت في النار واختارت انها تتحرق بس وهي مؤمنة على ان هي تعيش خانعة تكتم ايمانها. ليه؟ لان غلام الاخدود ضحى بحياته عشان الدعوة. لان غلام الاخدود اتقتل عشان الدعوة تنتشر. ادى للناس مدلة يا جماعة. عشان
كده مهما صرخنا في الناس مهما اتكلمنا عن الدين طول ما احنا ما احناش اهل افعال طول ما احنا ما بنفزش الدين عمليا في الواقع الناس مش هتصدق. كان يعني الناس مش هتصدق ان آآ ان الاخرة مهمة غير لما احنا نزهد في الدنيا. الناس مش هتصدق عشان كده النبي
عليه الصلاة والسلام لما ادى غنم بين جبلين لبني ادم واحد عشان يقول لا اله الا الله. النبي اقنع جزيرة العرب كلها ان لا اله الا الله داليا الموضوع مش ان انا اطلع على المنبر واقعد اتكلم عن لا اله الا الله. لما النبي طلع غنم بين جبلين من فلوسه هو من الخمس بتاعه هو عليه الصلاة والسلام
عشان بني ادم يقول لا اله الا الله. جزيرة العرب كلها صدقت ان في لا اله الا الله. وان الاخرة تستاهل ان انا اضحي عشانها. فالناس بدأت تزهد لما شافت الكلام لما شافت التطبيق العملي. اول صفة من صفات المؤمنون اللي هي صفة النموزج بتاع الدين. صفات الدين قبل كلام الدين. بعد
صفات الدين بقى بعد اولئك هم الوارثون الذين يرثون الفردوس. دول اهل الفردوس الاعلى. اللي بيحققوا النموزج ده والموديل ده. اللي بيحققوا صفات الدين قبل كلامي دول اهل الفردوس الاعلى
بعد كده ولقد خلقنا الانسان من سلالة من طين. ثم جعلناه نطفة في قرار مكين. بعد كده كلموا الناس عن ربنا بقى. كلموا الناس عن نعم ربنا الناس هتصدق لان الكلام خارج من ناس عايشة عشان ربنا. من ناس مضحية عشان ربنا. من ناس بازلة عشان الدار الاخرة. كلموا الناس عن
في الجنة الناس شافت الملتزمين والملتزمات بيضحوا عشان الجنة يعني واحد دخل معركة واتقطع ايديه وبيكلم الناس عن الجنة هو ايديه مقطوعة الجنة اصلا. الناس مصدقة الجنة من قبل ما هو يتكلم. القلوب مؤهلة ان هي تسمع عن الجنة. عشان كده النموزج الذي نكلت به السورة في النهاية
نموزج الانسان الكلمنجي حتى اذا جاء احدهم الموت قال رب ارجعون لعلي اعمل انا هشتغل يا رب وابقى من اهل العمل وهابقى نموزج احقق صفات الدين كلا انها ايه؟ كلمة هو قائلها. ده راجل كلمنجي وبتاع كلام النموزج بتاع الكلام ده ما ينفعش. يبقى اهل اعمال وليسوا فقط اهل اقوال
الصفة التانية من صفات المؤمنين في سورة المؤمنون هنلاحز يا جماعة ان سورة المؤمنين سورة المؤمنون اتكلمت عن الفاظ الخوف من الله بتنوع لم يوجد في اي صورة اخرى. يعني ربنا يقول لك قد افلح المؤمنون الذين وقد افلح دي كلمة انت عارف زي ما تقول ايه؟ قد قامت الصلاة. يعني ايه
قد قامت قاد مع الفاعل الماضي قامت معناها اليقين. يعني ايه اليقين؟ هو المصلي مش مصدق ان الصلاة قامت. المصلي مش مصدق ان جت لحزة لقاء ربنا يعني صدق جت اللحزة اللي هتقف بين ايدين ربنا فيها. قد افلح المؤمنون
الذين هم في صلاتهم ايه؟ خاشعون. يعني ايه الخشوع يا جماعة؟ لفز الخشوع ده لفز يعني من الفاظ آآ آآ يعني من الفاظ تعظيم ربنا سبحانه وتعالى. ومن الفاظ الخوف الممزوج بالتعظيم. طيب خلاص عديها برضو. بعد كده قال تعالى ولقد ارسلنا نوحا الى قومه. فقال يا قوم
اعبدوا الله اول امر العبادة طبعا ودا اول امر في القرآن. ما لكم من اله غيره. افلا تتقون؟ يبقى بعد الخشوع ذكر لفظ. التقوى طب وبعد كده ان الذين هم من خشية ربهم مشفقون. يبقى زكر لفز الخشية وزق اللفز الاشفاق. يبقى لحد دلوقتي الخشوع والتقوى
والخشية والاشفاق والذين هم بايات ربهم يؤمنون. والذين هم بربهم لا يشركون. والذين يؤتون ما اتوا قلوبهم وجلة انهم الى ربهم ايه ؟ راجعون يبقى الوجل. ايه القضية دي يا جماعة؟ سورة المؤمنون زي ما بتوصف سلوك المؤمن زي ما بتوصف
اخلاق المؤمن زي ما بتوصف كلام الدعوة على لسان المؤمن بتوصف قلب المؤمن ان قلب المؤمن ده مهرجان من المشاعر التقوى والوجل خوف ايه الالفاظ ديت؟ ايه الفرق بين الالفاظ ديت؟ الذين هم في صلاتهم خاشعون ايه الخشوع ده؟ قال تعالى لو لو انزلنا هذا القرآن
على جبل لرأيته خاشعا متصدعا من خشية الله. يبقى الخشوع قبل التصدع. دايما المبنى بيتشقق الاول وبعد كده ينهار. يبقى اذا يا اخواني يعني ايه خشوع؟ يعني ايه خشع لك سمعي وبصري ومخي وعظمي وعصبي؟ يعني ايه لفظ
يعني ايه ومن اياته انك ترى الارض خاشعة. ارض بقى لها شهور ما نزلش عليها نقطة ماية اتشققت من مكانها. يعني ايه انسان خاشع. يعني ايه انسان هينهار من ثقل احساسه بجلال ربنا سبحانه وتعالى. يعني ايه اذن هتنهار وهتتضاضع من ثقل
احساسها بعظمة كلام الله سبحانه وتعالى. يبقى الخشوع ده لفظ عظيم يا جماعة. يعني حتة ان واحد في صلاته خاشع كلمة خاشع دي مش كلمة سهلة ده الخشوع ده لما وصف في الجبل الجبل انهار بعدها. الخشوع ده لما وصف الارض الارض الارض مشققة فيها. يبقى اذا الخشوع ده احساس ثقيل جدا
من اجلال الله على القلب البشري. طيب امال يعني ايه؟ ان الذين هم من خشية ربهم مشفقون. ايه الفرق ما بين الخشية والخوف الخوف هو خوف عذاب الله. واحد خايف من النار. امال الخشية هي خوف مقام الله. يعني الخوف هو ثمرة معرفة النار. انما الخشية هي
معرفة الله. عشان كده يقول لك مسلا فلان يخاف ما يختشيش. يعني ايه يخاف ما يختشيش؟ يخاف يعني لو ضربته بالعصاية يسمع كلامك. اومال يعني ايه ما يختشيش يعني لو عدى قدامه واحد عظيم ما يهابوش وما يعملش حسابه. يعني لازم الضرب. يعني فيه ناس يا جماعة دافعها هو النار. انما لما تقول له
وعن عظمة الله ما يقدرش ان هو يفهم الكلام العالي ده. يبقى الخشية ديت خوف مع تعظيم. انما الخوف هو خوف ايه ؟ عقوبة الله سبحانه وتعالى. يعني ايه ان الذين هم من خشية ربهم مشفقون؟ ايه الاشفاق ده؟ يعني ايه واحد مشفق؟ يعني ايه واحد؟ المشفق ده يا اخواننا اللي قاعد مع نفسه
طب وبعدين ؟ طب افرض دخلت القبر وما عرفتش اجاوب. طب افرض القبر داق علي وما كانش فيه عمل اقدر ان انا اتقي به. طب افرض تعدي من على الصراط اللي مشفق ده واحد مقدر خطورة الموقف وما هوش عارف يعمل ايه. وقاعد بقى يعني زي الكلمة بتاعة احد الصحابة
كده ابت نفسي الا ان استتر بكل شيء اجده من النار. يعني مهرجان. طب امال ايه الوجل ده بقى؟ والذين يؤتون ما اتوا يعني مجتهدين في الاعمال الصالحة ليل نهار. ومع زلك قلوبهم فيها وجل. الوجل ده احساس ليلة الامتحان. الوجل ده اللي هو واحد
مرعوب احسن يسقط. الوجل ده احساس قلب الطالب وورقة الامتحان بتتوزع عليه. ولسه ما بصش في الاسئلة يشوف هي صح ولا هي سهلة صعبة. الوجل ده احساس الطالب في لجنة الشفوي. والدكتور لسة ما سألوش وما هوش عارف هيسأله سؤال سهل ولا صعب. الوجل ده احساس
الطالب ليلة الامتحان وهو متخيل ان كلها ساعات ويتحط في اللجنة وما هوش عارف هيجاوب ولا لأ. الوجل ده احساس القلب وهو بينتفض داخل الصدر الانسان قاعد يفتكر طب هاعمل ايه لما اقابل ربنا؟ طب ساعة العرض على الله هاعمل ايه؟ طب امال ايه التقوى يا جماعة؟ امال افلا تتقون ايه التقوى
التقوى بقى هي المعنى العملي لكل مشاعر الخوف اللي احنا اتكلمنا عنها. يعني الخشية والوجل والاشفاق والخوف التقوى دي ان الكلام ده اترجم عمليا في شكل ان انسان عمليا بيتقي ما حرم الله. انسان سلوكه
املي بيطبق هزه المشاعر الداخلية. يبقى اذا عشان كده ربنا يقول في اخر السورة وقل رب اعوذ بك من همزات الشياطين. آآ واعوذ بك قل رب اما تريني ما يوعدون. يعني ايه تريني ما يوعدون؟ هم بيوعدوا بعذاب الدنيا. يعني يا رب لما تيجي تخسف بهم الارض قل رب
اما ترني ما يوعدون. ربي فلا تجعلني في القوم الظالمين. يا رب لما يتخسفوهم الارض ما يتخسفش بنا معهم. يا رب لما يعاقبوا في ارزاقهم ما يتعاقبش معهم يا رب لما تتنزل ملايكة العذاب عليهم ما تتنزلش علينا معهم. يعني ايه يا جماعة؟ ده انا اللي عايش حياتي عشان ادعوهم الى الله. انا خايف ان لما تنزل العقوبة تنزل
كمان هو ده مشاعر قلب المؤمن يا اخوانا. سيدنا نوح وهو بيركب السفينة قال اركبوا فيها بسم الله مجريها ومرساها. ان ربي لغفور رحيم. ايه علاقة الغفور الرحيم وانت بتركب السفينة يا سيدنا نوح لكانه بيقول احنا على زنوبنا ما نستاهلش نركبها. انما ربنا لولا مغفرته ورحمته
زمانا الوقتي بنغرق في الطوفان زينا زي الناس دي. احنا زنوبنا تستاهل الطوفان. زنوبنا تستاهل ان احنا نغرق في الطوفان. ولكن ربنا بمغفرته ورحمته. هو اللي جعلنا يعني نركب في هزه السفينة عشان كده يعني آآ يعني تلاقي اخر سورة المؤمنون وقل رب اغفر وارحم وانت خير الراحمين
يعني المؤمن خايف من ربنا. خايف من ذنوبه. يبقى اذا الصفة الاولى للمؤمن في الصورة هي صفة ان صفات الدين قبل كلام الدين وان اعمال الدين قبل اقوال الدين وانه انسان مرتبط بالعمل مش بالكلام. الصفة التانية انه آآ
اه اه انه انسان انه خايف من ربنا ان قلبه مليان وجل واشفاق وخشية وخوف وخشوع وتقوى انه انسان خايف فعلا ربنا انه مش بيدعو الناس الى الله وهو بيظن ان الفاسدين دول لو ما تابوش ربنا هياخدهم لا ده هو معتقد ان
هو يستحق العقوبة قبل الناس دي. ان هو يستحق لو العزاب نزل هو اولى الناس بهذا العذاب. يعني انسان فعلا حاسس انه مزنب يعني ايه يا جماعة؟ يعني مش بيكلم الناس عن النار وهو مش خايف منها. مش بيكلم الناس عن عذاب القبر هو مش مرعوب منه. مش بيكلم
الصراط وهو حاسس ان اول ما اجي على الصراط طلقة وهاعدي مش بيكلم الناس على الميزان وهو حاسس ان كفة الحسنات بتاعته طبة طبة مش بيكلم الناس عن تطاير الصحف وهو جوة باله كده يمين يمين. مش ممكن هاخدها بغير اليمين. انه فعلا مصدق الكلام اللي بيدعو الناس اليه
وده من عجيب سورة المؤمنون ان اسم المؤمن مرتبط بكلمة الامن. في حين ان سورة المؤمنون جابت كل مصطلحات الخوف. والخشية والوجل يبقى اذا اللي ربنا هيأمنه في الاخرة هو اللي خاف من ربنا في الدنيا. واللي هيخاف في الاخرة هو اللي امن عقوبة الله في الدنيا. يبقى من صفات
المؤمنين يا جماعة ان هم مصدقين ربنا انهم مصدقين الكلام ده. يعني يعني انا بادعو الناس الى النجاة من النار الا انا ليل نهار باهرب منها. مش آآ النار دي بتاعة العصاة الوحشين. انما انا راجل اللي باتكلم عن الدين الملتزم الحلو الكويس. ما فيش الكلام ده يا اخوانا
يبقى المؤمن دي الصفة التانية بتاعته. الصفة التالتة في قول الله سبحانه وتعالى يا ايها الرسل كلوا من الطيبات واعملوا صالحا اني كلوا من الطيبات الاول اكلة حلال وبعد كده اعملوا صالحة. الطاقة اللي هتتبلغ بها العمل الصالح لازم تكون جاية من حلال. اني بما تعملون
وان هذه امتكم امة واحدة. وانا ربكم فاتقون. وان هذه امتكم امة واحدة. وحدة الامة. وحدة الامة دي التالتة من صفات المؤمنين ان هو مش شخصية فردية. زي ما قلنا الذين هم في صلاتهم خاشعون انه ما هواش شخصية فردية. انسان عايش في وحدة
انسان عايش في ترابط. يا ايها الرسل وان هذه امتكم امة واحدة جت مرتين. جت في سورة الانبياء اللي كنا بنتكلم عنها امبارح ان هذه امتكم امة واحدة وانا ربكم فاعبدون. هنا في سورة المؤمنون وان هذه امتكم امة واحدة. وانا ربكم فاتقوني
سورة الانبياء كانت بتتكلم عن العبادة فجت في الاخر فاعبدون. وسورة المؤمنون بتتكلم عن تقوى الله والخوف من الله فجت فاتقوا طب يا جماعة يعني سورة الانبياء بتتكلم عن العبادة فجه فيها امة واحدة وسورة المؤمنون بتتكلم عن الدعوة الى الله والعمل لدين
فجت فيها امة واحدة هم دول الحاجتين اللي بيوحدوا الامة. هم دول الحاجتين. لو الكل اشتغل في الدعوة الكل هيفهم الواقع. اللي هو المصطلح اللي بنقول عليه اللي هينزل هيفهم. اللي هيشتغل هيفهم. اي حد هينزل الواقع هيفهم. لا يمكن الازمة بتحصل مع اللي ما بينزلش الواقع
فبيبقى القضية قضية صعبة ليه؟ اللي هينزل هيشوف المصيبة عشان كده ليه دايما يعني آآ آآ الواحد بيحرص ان الشاب الجديد ينزل جولة يكلم الشباب العصاة في الشارع ليه ؟ عشان يشوف المصيبة اللي احنا فيها. لما ييجي يوقف تلاتة شباب يقول لهم تعالوا ادخلوا صلوا. يقولوا له احنا جنب. لما ييجي يكلم
واحد عند ربنا يقول له يا عم الشيخ انا مش فاضي الله يكرمك. سبنا بقى في مصلحتنا وسبنا في طريقنا. لما يشوف الدين رخص عند ناس قد ايه. لما يشوف حرمات ربنا
الدعوة بتوحد يا جماعة ليه؟ لانها بتخلي الهم كله يتوحد. الكل بيشيل الهم بقى. زائد العبادة بتوحد. ليه؟ لان العبادة بتطهر قلوب وبتزكي النفوس فبتنتهي الاغراض فبتتوحد الايه؟ الامة. يبقى اذا الصفة التالتة من صفات المؤمنون وهي صفة
وحده وهي صفة الوحدة. يبقى آآ قبل ما ندخل في سورة النور سورة المؤمنون اتكلمت عن آآ صفات المؤمنين. ده رقم واحد انهم اهل الصفات. عشان كده صفات الدين جت قبل الكلام الدين. لان بعد كده في قصص الانبياء
المشركين ضربوا الدعوة من خلال الداعية. الاول شوهوا صورة الداعية. فخد بالك ان تشويه الدين هيبقى من خلالك انت من خلال اخلاقك انت من خلال سلوكك انت من خلال معاملاتك انت من خلال معاملاتك التجارية او الاجتماعية انت من خلال اخلاقك انت يبقى خد بالك
الدين لو اطعن هيطعن من خلالك فانت لازم تبقى نموزج عملي بيتحرك دين بيمشي على الارض ونكلت الصورة في النهاية باللي كان نموزج آآ آآ يعني حتى اذا جاء احدهم الموت قال رب ارجعون لعلي اعمل صالحا فيما تركت. كلا انها كلمة هو قائلها يفضل يصرخ في القبر الى يوم
القيامة ويقول رب ارجعون ليه ؟ لانه كان من اهل الكلام وليس من اهل الصفات ولا الافعال وباقي السورة آآ آآ بتندرج في هزا الامر. يعني لنعرج سريعا على سورة النور يا اخواني في الله. سورة النور بتتكلم عن ايه بقى؟ من اولها كده اسمها سورة النور يا جماعة. سورة النور من اولها النور جه. يعني النور لما يجي
مجتمع دايما اللي بيظلم المجتمع الشهوات. دايما اللي بيعيي بيعمي هو الارتباط بالشهوات. عشان كده شف الدخلة كده بتاعة سورة النور. ما فيش الف لام ميم بقى ولا فيه اه الف لام ميم صاد ولا فيه كاف هاء عين صاد ولا من اولها سورة انزلناها. وفرضناها وانزلنا
فيها ايات بينات. ده منشور ملكي. سورة انزلناها الكلام ده من عند الملك. اوعى حد يقول انا كنت باحسبه كلام عادي. ده من عند وفرضناها الكلام ده كله فرض ما حدش يقول انا كنت بحسبه نافلة. الكلام ده كله فرض على المجتمع. وانزلنا فيها ايات بينات
الكلام واضح. ما حدش يقول انا ما كنتش عارف. ما حدش يقول انا ما كنتش فاهم. لعلكم تذكرون. يبقى ده منشور ملكي من اولها ملك بينزل لنا النبراس اللي ينور لنا الطريق بتاعنا. سورة النور يعني لو ربنا نورها لنا
اهل الباطل عايزين يظلموها علينا. اهل الباطل في تمانية وعشرين قناة توك شو وعلمانية عايزين يضلموها على المجتمع. عايزين تنسى هزا الكلام وربنا عايز وربنا يريد ان هو ينورها لنا. تعالوا نشوف بقى سورة النور اربع اشواط. الشوط الاولاني بيتكلم عن ايه ؟ من اولها كده
الكلام منشور ملكي من اولها. الزانية والزاني. والزانية قبل الزاني. واللي هيعيش وسط الشباب هيفهم ليه ربنا قال الزانية قبل الزانية؟ الزانية والزانية فاجلدوا كل واحد منهما مائة جلدة. يبقى اول حاجة الاجراءات العقوبية اجراءات العقابية
ضد جريمة الزنا. واحد زنا عقوبته ايه؟ الاجراءات العقابية. بعد كده ان الذين جاءوا بالافك عصبة منكم لا تحسبوه لكم بل هو خير لكم. كلام ربنا عن المنافقين. يا ايها الذين امنوا لا تتبعوا خطوات الشيطان كلام ربنا عن الشيطان. ولا يأتلوا اولوا الفضل منكم
ان يؤتوا اول القربى والمساكين كلام ربنا عن النفس الانسانية اللي بتغضب لنفسها فتمنع الخير. ده ايه ده يا جماعة؟ ديت الاعداء دول اللي عايزين يوقعوك. دول اللي لو انت استسلمت لهم هيوقعوا المجتمع كله. المنافقين الشيطان اللي عايزين يوقعوك. طب
بعد كده قول الله سبحانه وتعالى آآ يا ايها الذين امنوا لا تدخلوا بيوتا غير بيوتكم حتى تستأنسوا وتسلموا على اهلها. وقل للمؤمنين يغضوا من ابصارهم وقل للمؤمنات يغضضن من ابصارهن وانكحوا الايامى منكم. دي اسمها ايه؟ الشوط التالت ده الاجراءات الوقائية. يعني ايه الاجراءات الوقائية
سورة النور يا جماعة بتفهمنا عظمة الشريعة الاسلامية. لما الشريعة الاسلامية بتتكلم عن الزنا ولما القانون الوضع بيتكلم عن الزنا. الشريعة الاسلامية في الاول جابت لك الاجراءات العقابية اللي هيقع في الجريمة هيحصل له كزا. وبعد كده جابت لك مين اللي بيوقعونا بقى؟ فجابت لك شوط تاني عن الاعداء اللي بيوقعونا في
هذه الجريمة. وبعد كده جابت لك شوط تالت عن الاجراءات الوقائية. ما انت ما تعمليش نص مليون موقع اباحي. وتقول لي الزنا حرام. ده كلام فارغ. يبقى انت انت بتضحك على الناس ما تسيبليش التبرج في الشارع والكوافيرات الحريمي في الشارع والفجور في الشارع وتيجي تقول لي ممنوع الزنا ممنوع
ايه ده انت ده انت يعني يعني ده انت نصاب ممنوع الزنا منين ده انت نفسك الناس كلها تزني. والا ما تسيبليش قنوات فاجرة اربعة وعشرين ساعة بتبص الشهوات والكليبات وتيجي تقول لي بعد كده ممنوع الزنا. ده انت نفسك ان المجتمع كله يزني. اللي بيعمل كده عايز الشباب يزني. مش آآ مش بيقول لك ممنوع الزنا. ده كلام
كله كلام نزري. يبقى ازا الاجراءات الوقائية ان لازم الشباب يتجوز. لازم المؤمنين والمؤمنات يغضوا من ابصارهم. لازم في اداب استئزان في البيوت. لازم يبقى فيه قواعد في العلاقة ما بين الرجل والمرأة في المجتمع. الموضوع ما يبقاش كده. الموضوع ما تحطليش النار جنب البنزين
وتقول لي مش هتولع هتولع. هتولع هتولع. يبقى الاجراءات الوقائية. بعد كده ولقد انزلنا اليكم ايات بينات. ومثلا من الذين دخلوا من قبلكم وموعظة للمتقين. الله نور السماوات والارض. كلام بقى عن نور الايمان في قلب العبد المؤمن. القلب المتوهج بالايمان
القلب اللي جواه نور يغطي على نور الشمس لو غلط لو خرج. الله نور السماوات والارض. مثل نوره كمشكاة في فيها مصباح العلاج الجذري يا جماعة. يعني ايه العلاج الجذري؟ يعني افرض ان الشياطين شغالة. والمنافقين قاعدين شغالين
الشهوات والصحف الصفراء والمواقع الفاسدة والقنوات الفاجرة والتبرج الرهيب. وكل حاجة مفتوحة. والزنا مباح وما فيش قانون بيقول حرام. يعني اللي عايز يعمل حاجة يعملها. بنام برضا الطرفين ما فيش قانون يقول حرام. ازاي يبقى
مؤمن من جوة هو نفسه لا يمكن انه يقع في الجريمة دي. ازاي؟ يبقى ده اسمه العلاج الجذري. ان ما فيش شريعة في الحياة عالجت قضية بهزه بهزه المعالجة. ما فيش شريعة في الحياة عملت تحصين ضد معصية بهزا المنزر
قال تعالى ان الذين يحبون ان تشيع الفاحشة تشيع. فاكرين الشيوعية زمان الشيوعية كان من المبادئ العالمية بتاعتها شيوعية الجنس. يعني ايه شيوعية الجنس؟ ان ما فيش حاجة اسمها واحدة مرات واحد. ما فيش حاجة اسمها الكلام ده. يقول لك الكلام ده كله كلام فارغ
كله بتاع كله. يعني ايه هي كده شيوعية. كله على المشاع. كل حاجة في المجتمع مشاعي. الفلوس مشاع. والجنس بشاع. فربنا جايب لك اللفز اللي بعد الف وربعميت سنة قالوا بالحرف ان الذين يحبون ده ده ده قلبه ده ده ميل قلبه ده نفسه يشوف المجتمع كده. عايز يقعد
يقول لك نسبة الزنا في الجامعات خمسة وتسعين في المية. من انهي مصيبة خمسة وتسعين في المية ؟ ما احنا عايشين وسط الشباب. فين ولا خمسة في المية! قال لها امال هو بيقول كده ليه
هو عايز يحسس المجتمع ان ما فيش فايدة. خلاص كله يا ابني بيقع في الجريمة اقع انت كمان. ان الذين يحبون ان تشيع الفاحشة في في في ديت يعني تبقى حاجة منتشرة انتشار النار في الهشيم. في الذين امنوا
لهم عذاب اليم في الدنيا والاخرة في الدنيا. يعني الناس دي ربنا مش هيسيبها يا اخوانا. الناس دي والله ربنا ما هيسيبها. الناس دي ربنا هيخليها عبرة ربنا هيخليها عبرة في الدنيا قبل الاخرة. واللي يظن ان الناس دي هتفلت من ان ربنا ينكل بها في الدنيا قبل الاخرة. المصيبة ان الامة تبقى مش فاهمة
مين حبيبها وبين عدوها؟ المصيبة ان الامة تبقى مش فاهمة يبقى بتتلقى كده وخلاص ومش فاهمة ان المصدر الوحيد للنور هو ربنا عشان كده في سورة النور الله نور السماوات والارض. كل التانيين دول عايزين يظلموها عليكم. الوحيد اللي بينورها عليكم هو ربنا سبحانه وتعالى. ما تسمعش غير كلامه. ما تتلقاش غير منه
ما تصدقش غيره. ما تجيبش واحد تاني لسانه جميل. ويقعد يقول لك كلام يودي المجتمع في مصيبة وهو بيضلمها على المجتمع. ما فيش مصدر نور غير عند الله سبحانه وتعالى. ايه المنزر ده يا جماعة؟ تخيلوا معي كده ان المسجد ده بيت ان المسجد ده مكان اوضة. وان الاوضة دي جواها مسلا امرأة
يعني ده رمز اللي هيدخل جوة ده يبقى ده رمز للزنا. والمسجد ده له شبابيك. الشبابيك دي بقى المداخل للزنا. المداخل الابواب الخلفية وفيه برة تلات ايه اعداء واقفين او تلات شياطين واقفين. دول الاعداء اللي عايزين يدخلوك جوة. وفي واحد الواحد ده
اللي هو عم الشاب او او الفتاة اللي مطلوب ان هو يدخل جوة هذا البيت اللي بيمسل الزنا. سورة النور عملت ايه؟ جابت لك اربع الاربع مناظر انت عارف بيسموها نظرة عين الطائر اللي هو بيبص من فوق على الاحداس كلها يبقى اذا جابت لك العلاج العقابي
الاجراءات العقابية اللي هيقع في الجريمة دي يحصل فيه كزا وكزا. يبقى فيه ناس هتخاف من العقوبة. طيب وجابت لك ايه تاني ؟ الاجراءات الوقائية. ما انا لازم اقضي على مثيرات الفتن في المجتمع. ما ولعهاش نار واقول للشاب آآ امسك نفسك ازاي يعني! ازاي! يبقى لازم يبقى فيه اجراءات وقائية
بعد كده الحاجة التالتة العلاج الجذري انا لازم اخلي الايمان جوة قلوب الشباب والفتيات. جوة قلوب الرجال والنساء. بحيس انه حتى لو وقدر ما يرضاش. وبعد كده معرفة الاعداء انك لازم تفهم مين الاعداء اللي عايزين يضيعوك. اللي هم هنا في السورة المنافقون الذين
ان الذين يحبون ان تشيع الفاحشة وبعد كده الشيطان لا تتبعوا خطوات الشيطان. وبعد كده النفس ولا يأتلوا اولي الفضل منكم والسعة ان يؤتوا اولي القربى اللي هو بقى النفس اللي بتأبى آآ آآ ان الانسان يسعى الى ايه ؟ الى الخير. بعد كده يا جماعة بعد الاشواط الاربعة ديت نلاقي ربنا سبحانه وتعالى
بيقول لك ايه انما كان قول المؤمنين اذا دعوا الى الله ورسوله ليحكم بينهم ان يقولوا سمعنا واطعنا. يعني ايه؟ يعني بنلاقي شوط عن الطاعة ويقولون امنا بالله وبالرسول واطعنا ثم يتولى فريق منهم من بعد ذلك. وما اولئك بالمؤمنين. ايه التركيز على الطاعة ديت؟ ايه
تركيز قل اطيعوا الله واطيعوا الرسول. التركيز على لفز الطاعة ده. لان يا جماعة كل الاجراءات الوقائية والعقابية والجزرية طب لو واحد ما بيسمعش الكلام الايات هتعمل له ايه؟ مستشفى خطيرة واجهزة مهولة واطباء عباقرة وادوية جبارة
ومريض الدكتور يدي له احونة الانسولين من هنا وهو مخبي تحت السرير صنية بسبوسة يقوم مطلعها بعدها واكلها من هنا. هيعمل له ايه المستشفى زي رمضان كده مستشفى مهولة ولكن شاب اصلا قاعد على القهوة هيعمل له ايه رمضان ولا هيعمل له اي حاجة. اهو بالزبط كده شريعة عظيمة
ولكن امة مش عايزة تسمع الكلام. هتعمل لها ايه الشريعة؟ ولا هتعمل لها اي حاجة. عشان كده التركيز على الطاعة. التركيز على مبدأ الطاعة. وبعد كده كده يا ايها الذين امنوا الشوط الخامس
الشوط السادس يا ايها الذين امنوا ليستأذنكم الذين ملكت ايمانكم والذين لم يبلغوا الحلم منكم ثلاث مرات. هو ايه ده يا جماعة؟ اداب الاستئذان جوة البيت والطفل يدخل على امه وابوه امتى يعني واذا بلغ الاطفال منكم الحلم فليستأذنوا. هو ايه الكلام ده! هو سيدنا جبريل نزل من فوق سبع سماوات
يعرف الراجل هو ومراته يعني ولادهم يخبطوا امتى وما يخبطوش امتى والطفل الصغير واللي كبر واللي ما كبرش هو ايه ده والقواعد من الست اللي عندها ستين سبعين سنة بقى التي لا يرجون نكاحا فليس عليهن جناح ان يضعن ثيابهم. هو ايه ده يا جماعة؟ هو ايه القضية ديت؟ ايه اللي بيحصل ده؟ دي
تبع ايه؟ من الاربع حاجات اللي احنا قلناهم في الاول. دي تبع ايه الاجراءات الوقائية طب ايه الفرق بين الاجراءات الوقائية اللي في اول السورة واللي في اخر السورة ايه؟ الاولى خاصة بالعلاقة بين الفتى والفتاة اللي ما لهمش دعوة ببعض. ما فيش حاجة اسمها تدخل شقة صاحبك كده وتقوم حدف كده
افرض اخته قاعدة وما فيش حاجة اسمها انها تقعد في الانتريه عادي ده ده اخويا ده زي اخوك يا بنتي ده كلام فارغ. يبقى دي العلاقة ما بين الغرباء. امال الاجراءات الوقائية
في الشوط الاخراني العلاقة ما بين اهل البيت الواحد. الله! هو ممكن هو ممكن واحد يبص لبنت خالته! هو ممكن واحد يبص لبنت عمه هو ممكن آآ يعني اخوات وما فرقش بينهم بالمضاجع يا عم ما بيحصل مصايب وبيحصل كوارث بسبب ده وبتحلم
الاهوال بسبب ده. يبقى ازا دي الاجراءات الوقائية داخل العيلة الواحدة. وداخل الاسرة الواحدة. وداخل العمارة الواحدة الاجراءات وهي داخل المكان الواحد وبعد كده انما المؤمنون الذين امنوا بالله ورسوله واذا كانوا معه على امر جامع لم يزهبوا حتى يستأذنوا
يبقى تاني التأكيد على مفهوم الطاعة. والتأكيد على مفهوم الارتباط بالجماعة. يعني ايه ده يا جماعة؟ ايه اللي بيحصل ده اللي بيحصل في سورة النور ان ربنا سبحانه وتعالى بيعرفنا عظمة هزا المنهج. وعظمة هزه الشريعة. يعني ارفع رأسك. لما ربنا سبحانه وتعالى بيقول
يعني قول الله سبحانه وتعالى وانكحوا الايامى منكم والصالحين من عبادكم وامائكم ان يكونوا فقراء يغنيهم الله ايه؟ من فضله اعفف الذين لا يجدون نكاحا حتى يغنيهم الله من فضله. والذين يبتغون الكتاب مما ملكت ايمانكم فكاتبوهم ان علمتم فيهم خيرا
يعني ايه فكاتبوهم ان علمتم فيهم خيرا؟ ربنا بيتكلم عن قضية الاماء والعبيد هنا اللي عايزين يتحرروا فربنا بيقول حرروهم. يعني العبد بتاع عايز يديك عشر تلاف جنيه هيشتغل لمدة سنة ويجيبهم لك ويبقى حر. خليه حر بس على شرط. ان علمتم فيهم ايه؟ ان علمتم فيهم خيرا. سنة
الف تسعمية خمسة واربعين لما الامم المتحدة قررت الغاء الرق في العالم والغاء الاستعباد في العالم وخدوا قرار فجائي ان كل السود اللي في امريكا وكل السود اللي في البلاد العربية وكل السود اللي وكل العبيد اللي في العالم يتحرروا فجأة. حصل ايه يا اخوانا؟ حصل ان الناس دي نفسها رجعت للناس
اللي كانت بتملكها قالوا لهم احنا عايزين نرجع لكم تاني ليه؟ لان ما فيش ان علمتم فيهم خيرا. الخير ده الخير ده ان يكون معه مهنة. الله! هو ده العبد ده انت هتحرره هياكل منين؟ انت كنت بتفطره وتغديه وتعشيه. مقابل انه يخدمك. يعني كان له مهنة. الوقت هيخرج يشتغل ايه؟ لا معه صنعة ولا
معه شهادة ولا معه حاجة هيخرج يسرق هيخرج يعمل عصابة. طب وفي نفس الوقت ان علمتم فيهم خيرا في دينهم. طب الوقت دول مش خايفين من ربنا. الناس اللي ما اتربتش
على الدين دي هيخرج يزني. يبقى اذا الامم المتحدة لما عملت التحرير بتاع العبيد فجأة لحد الوقتي لحد زلك الموضوع ده عامل ازمة في بقايا هؤلاء العبيد ليه ؟ لانه مش عارف يتكيف مع المجتمع، ما حدش اهله انه يقدر ينزل ويبقى معه
يواجه الحياة به. انما الاسلام قال لك حرر ولكن ان علمتم فيهم خيرا. عايزين تحرروهم اهلوهم الاول. عشان ينزلوا في المجتمع يضخ دم نضيف في المجتمع. يعني اذا يا اخوانا احنا معنا شريعة عظيمة اوي
ومعنا شريعة بتعالج الامور بشكل جذري. ومعنا شريعة بتحصن قلب الشاب وقلب الفتاة. وفي نفس الوقت بتطهر المجتمع خلي البيئة نضيفة ما هيش بيئة ملوثة تثير الشهوات وتهيج الشهوات. وفي نفس الوقت مجتمع ولا تأخذكم بهما رأفة في دين الله
يعني الرأفة ديت اللي هي ولو مرة واحدة ولو لحظة واحدة. يعني معناها ان اللي يقع في حدود ربنا لأ حدود ربنا يجب ان تراعى. لانك كده بيصعب عليك واحد
وبتدمر امة كاملة وبتدمر جيل كامل. وفي نفس الوقت بتعرفك مين اعدائك عشان نقفل المداخل بتوع هؤلاء الاعداء القضية وفي نفس الوقت بتستقصي جوة البيت وبرة البيت تنظيم عزيم جدا. فعلا سورة النور لو ربنا نورها لنا يا ترى ايه اللي هيحصل ؟ لو ربنا نورها لنا
ربنا بينورها لنا بس للاسف اهل الباطل عايزين يضلموها علينا. الله نور السماوات والارض. مصدر النور الوحيد في الكون هو ربنا مصدر نور الايمان في قلوب الملائكة وحملة العرش هو ربنا مصدر نور الايمان في قلوب الانبياء والصديقين والشهداء هو ربنا مصدر النور الوحيد في الكون
دور مادي او نور معنوي هو الله سبحانه وتعالى. عايزين يعني النور ييجي يا جماعة. عايزين نقرأ بازن الله سبحانه وتعالى سورة المؤمنون وسورة النور يعني احنا حرصنا ان النهاردة بفضل الله خمسة وتلاتين دقيقة اهو انجاز. يعني فرمنا الموضوع بفضل الله. يعني في خمسة وتلاتين دقيقة نخلص السورتين عشان ما نطولش
على الناس عشان الناس يعملوا ايه ؟ عشان الناس يمسكوا المصاحف الواطية يقرأوا كلام ربنا سبحانه وتعالى. يعني لسة في جلسة الضحى الوقتي حوالي نص ساعة. حوالي او اكتر كمان من نص ساعة. يعني انت قدامك الوقتي انك تقرأ جزء قرآن كامل في جلسة الضحى. امسك بقى سورة المؤمنون وسورة النور. وانت لسة سامع كلام عنهم! يعني
الموضوع لسه معلم في زهنك. وابدأ تدبر وابدأ اوصل. وابدأ قل يا رب نور لي حياتي. النور اللي ربنا بيتكلم عنه ده. الله نور السماوات والارض. عشان النور ده ييجي سيدنا ابراهيم طلع على سبعين تمانين جبل ونزل عشان يشوف اية واحدة النور ييجي بسببها. عشان النور ده ييجي سيدنا ابراهيم قعد اربعة وعشرين ساعة
كبر في الشمس والقمر والكوكب بلا اكل ولا شرب ولا نوم. عشان النور ده ييجي سيدنا داود كان بيقعد من الفجر للمغرب يسبح على رؤوس الجبال هو وحيد عشان النور ده ييجي سيدنا يوسف قعد عشر سنين في السجن لا يخرج عشان النور ده يكتمل في قلب العبد المؤمن. عشان
النور ده ييجي سلمان الفارسي ساب ابوه وساب بلده وساب سروته وساب شبابه وساب احبابه وهاجر في الارض يدور على حد يدله على هذا النور عشان النور ده ييجي الصحابة كانوا واقفين ورا النبي عليه الصلاة والسلام في دار الارقم رجليها رجليهم بتنتفخ كأنها جذوع النخل رجليهم
قم وارمت رجليهم اتشققت من طول قيام الليل عشان النور ده ييجي. عشان النور دهو ييجي الانبياء عبدوا ربنا قد ايه. والاولياء جاهدوا في الوصول لربنا يا ضيق. اتعب انت كمان. اتعب عشان ربنا ينورها لك. لان لو ربنا نورها لنا خلاص يا جماعة
الالام النفسية القاتلة اللي بتفترس المجتمع الوقتي. الاحباطات المهولة. الاحزان اللي مالية المجتمع. كل ده هيختفي. ليه لو ربنا نورها لنا يعني الحيرة اللي مالية صدور الناس وبصائر الناس النهاردة. الشتات الفرقة الخلاف الشقاق
كل ده هيتنسف لو ربنا نورها لنا سورة النور ربنا بينورها لك. ربنا بينورها للمجتمع كله. ربنا بيكبت اللي عايزين يضلموها اللي عايزين الدنيا تظلم ونور ربنا يطمس من هذا المجتمع وانى لهم ان يستطيعوا هذا نقرأ بمشاعر متدبرة نقرأ بقلوب
متفكرة نقرأ بعزاء مجاهدة نقرأ القرآن ونحن مثلنا مثل واحد في صحرا وحتى اذا ايقن بالهلاك لما تاه واحد قال له خريطة قال له ده خريطة الخروج من الصحراء وهو بيتعامل مع خريطة الطريق للخروج والنجاة. بيتعامل بان ده الامل الوحيد بتاعه وهو حريص على انه يفهم
كل حرف في الخريطة هو ده القرآن طريق النجاة لهذا المجتمع البائس. اللي للاسف للاسف الشديد ظلموها عليه ما بين النت وما بين اليوتيوب وما بين الفساد طبعا اللي فيهم ما الحاجات دي ممكن تبقى افكار عظيمة ولكن اتعملت بشكل شكله ايه
الشهوات اللي في كل مكان واللبس العاري اللي في كل مكان. والبعد عن هدي ربنا اللي في كل مكان. اهل ظلموها على الناس وربنا يريد انه ينورها لنا تاني. نسلم قلوبنا لكلام ربنا. نسلم قلوبنا للصورتين العظيمتين دول. لعل ربنا ينفعنا بهم. نسأل الله
وتعالى. اللهم اللهم بارك لنا. اللهم بارك لنا في رمضان يا رب. اللهم بارك لنا في رمضان يا رب. اللهم صلنا اليك يا رب اللهم انر قلوبنا بالقرآن. اللهم انر صدورنا بالقرآن. اللهم انر بصائرنا بالقرآن. اللهم انر طريقنا بالقرآن
اللهم نور لنا يا رب. اللهم نور لنا يا رب. اللهم ازل الحيرة عنا. اللهم ازل الحيرة والشتات. اللهم الشقاق والنفاق. اللهم ازل الخلاف عنا يا رب العالمين. اللهم الف بين قلوبنا على طاعتك وابتغاء مرضاتك. اللهم اجعلنا
اهل الفردوس الاعلى. اللهم ارزقني الفردوس الاعلى. اللهم اللهم ارزقنا الفردوس الاعلى. اللهم اقمنا على مرادك منا. لا نهلك وانت رجاؤنا ولا نضيع وانت مولانا ولا نضل وانت هادينا. اللهم لا تخرجنا من رمضان الا وقد غفرت ذنوبنا وطهرت قلوبنا وزكيت
نفوسنا وغفرت ذنوبنا وكفرت عنا سيئاتنا وعفوت عنا وعتقت من النار رقابنا انك ولي ذلك والقادر عليه سبحانك اللهم وبحمدك اشهد ان لا اله الا انت استغفرك واتوب اليك