طيب شوفوا حنسجل البيت ايش دحين؟ فاحفظه يا بني واحفظيه بنيتي ولتفهمي ما فيه ها فاحفظه يا بني اللي هو انت يا صهيب واحفظيه يا بنيتي واحفظيه ولتفهم ما فيه. يلا نكرر البيت او اه احنا مشغلين المسجل يلا ما في مشكلة. نبدأ بسم الله. السلام عليكم ورحمة الله وبركاته. بسم الله الرحمن الرحيم. الحمد لله رب
العالمين وصلى الله وسلم على نبينا محمد وعلى اله وصحبه اجمعين. اما بعد فحياكم الله وبياكم في هذا الدرس وهو الدرس كم؟ الرابع ان شاء الله في هذا النظم. ايش البيت اللي معانا اليوم؟ البيت الذي معنا اليوم فاحفظه يا بني واحفظيه. بنيتي
افهما ما فيه. ايش يقول يا لولو احفظه يا بني واحفظيه. بنيتي ولتفهما ما فيه. ها يا صهيب ايش يقول؟ احفظه يا بني واحفظيه. بنيتي ولتفهم ما فيه يلا نقول مع بعض فاحفظه يا بني واحفظيه بنيتي ولتفهما ما فيه فاحفظه يا بني واحفظيه بنية
ولتفهم ما فيه فاحفظه يا بني واحفظيه بنيتي ولتفهما ما فيه. فاحفظه يا بني واحفظيه ولتفهم ما فيه فاحفظه يا بني واحفظيه. بنيتي ولتفهم ما فيه. طيب هذا البيت بيوصيكم يا بني ويا بنيتي بيوصيكم بوصيتين
الوصية الاولى الوصية الاولى الوصية بالحفظ شوفوا العلم لازم له من حفظ لا حد يضحك عليكم ويقول لك لا لا تحفظ بس افهم لا لابد من ايش من الحفظ فالله عز وجل ايش قال في القرآن
قال بل هو ايات بينات في ايش في صدور الذين اوتوا العلم فلابد من الحفظ ولا لا لابد من الحفظ تمام؟ يقول صاحب الرحابية هذي منظومة ان شاء الله لما تكبر وتاخدوها في الفرائض اسمها الرحابية. يقول فاحفظ فكل حافظ امام
تمام؟ فانا ودي ااكد عليكم بقضية حفظ هذه المنظومة. انت لو تحفظ كل يوم بيت واحد منها تقريبا شهر وكم يوم وانت مخلصها بلا لا تقصر في الحفظ الحفظ مهم
تمام في ابيات كثيرة واشياء جميلة وكثير يعني ان شاء الله نقول لكم عليها بعدين عن اهمية الحفظ كويس طيب وبعدين لانه الحفظ مهم احنا حطينا هذي المنظومة لانه الواحد يمكن لو يحفظ منظومة سهلة كانها انشودة قاعد ينشدها انتم حافظين قديش اناشيد
صح ولا لا لكن يمكن الواحد لو شي ما هو منظوم يقول اوه يمكن اصعب مدري ايش لاحظنا لكم هي ابيات كلها اثنين وثلاثين بيت وانت حافظها. كويس. الوصية التانية اللي اوصيك
قم بها يا بني ويا بنيتي ايش هي؟ الوصية بالفهم. نحن تقول لنا الحفظ. يجي واحد يقول طيب الفهم نقول حتى الفهم مهم ما ينفع تحفظ بدون ما تفهم تقول له اقعد احفظ احفظ احفظ ولا افهم شيء ايش استفدنا
ولا تفهم بدون حفظ حيتبخر معاك هذا الفهم اللي فهمته وما تقدر تستحضره وقت الحاجة كويس؟ اذا عندنا في هذا الدرس وصيتان. الوصية الاولى ايش هي الحفظ. الحفظ. والوصية الثانية ايش هي يا صهيب
الفهم. الفهم اذا الحفظ والفهم كالجناحين للطائر طالب العلم يحتاج الحفظ والفهم كالجناحين للطائر الطائر يقدر يطير بجناح واحد لا هذا اللي حبينا نوصيكم بيه في هذا الدرس والسلام عليكم ورحمة الله وبركاته