حبيبتي ام ما زلنا منزلة الادب وانا دايما بقول ان المنزلة دي هي المنزلة الفارقة في حياة كل انسان فينا. كل انسان منا اكيد بيجي على دماغه دايما الهادي يا ترى هو انا يوم القيامة من اهل الجنة ولا من اهل النار؟ منزلة الادب هي متحدد دايما انت فين وعايز ابدأ معاكم بخمس احاديس متنسوهمش ابدا يا اخوانا في حياتكو دايما بيقولوا ان الملتزمين المتدينين عندهم سوء ادب. وطبعا ده كذب لان لا يمكن ابدا بحامل احوال انسان تلاقيه تدين الى الله بحق وتلاقيه عنده سوء ادب. لان المتدين دايما عنده قاعدة اساسية. انه لا يكمل له الايمان. ولا يكمل له الاسلام الا بالادب ده قانون عندنا النبي قال لنا كده اكمل المؤمنين ايمان ايه؟ احسن الخلقا. انا ايماني لا يكمل ادب مع كل الخلق. مش مع المتدين اللي زيه بس. مش مع الملتزم اللي زيه وبس. لا. لا يكمن لك ايمان الا لما تنزل في منزلة الادب وتطبق الواجب عليك في منزلة الادب. ولو حابب في يوم من الايام تعرف اجابة عن السؤال انت مع اهل الجنة ولا مع اهل النار؟ انا اديك خمس احاديس اوزن بهم نفسك. يا جماعة درس النهاردة مهم جدا. درس النهاردة في غاية الاهمية. وحابب ابدأه بالخمس احاديس دول علشان يقولوا لنا احنا حديثي الاولاني رواه ابن ماجة باسناد صحيح من حديث عبدالله ابن عباس رضي الله عنهما. ان النبي صلى الله عليه وسلم قال اهل الجنة من ملأ الله اذنيه من ثناء الناس عليه خيرا واهل النار من ملأ الله اذنيه من ثناء الناس عليه شرا. ده اول شيء يقول لك انت فين؟ اول شيء يقول لك راجع نفسك بقى. فتجد دايما الانسان اللي نزل في مقام الادب يا احمد وعنده ادب واحترام وخلق ويتعامل مع كل الخلق بادب واحترام من نعم الله عليه انه بيدي له اشارة كده انت فين فيملأ الله عز وجل اذنيه من ثناء الناس عليه تلاقيه وهو في الكلية الدكاترة كلها تثني عليه وعلى ادبه تلاقيه في الشارع جيرانه واهل المكان يثنون عليه خيرا ويشاء الله سبحانه وتعالى انه يصل هذا الثناء الى اذنيه وتلاقي التاني نسأل الله السلامة وان يعافينا من الصنف الثاني ده. اللي هو والعياذ بالله فعلا انسان شر انسان بمجرد ما تشوفه كده تفتكر ابليس في سوء خلقه. ده سبحان الله! يا اخي الناس بتقول هل الكلام مش كويس يا اخي اتق الله. اللي عايز يقول يقول. لا المسألة مش كده. المسألة مش كده. وتلاقي رسالة تيجي له رسالة ورا التانية ورا التالتة ولا الرابعة ومع ذلك هو مش هنا اصلا انا ما يهمنيش كلام الناس. لا ده النبي هنا صلى الله عليه وسلم وضع لنا الميزان اللي يوزن لكل انسان فينا اين هو؟ اما الحديث الثاني فيقول النبي صلى الله عليه وسلم حديس عند احد وابن حبان وابن ماجة من حديث ابن ابي زهير رضي الله عنه قال خطبنا رسول الله صلى الله عليه وسلم النبي صلى الله عليه وسلم في يوم قام فينا خطيبا. فقال يوشك ان تعرفوا اهل الجنة من اهل النار يوشك ان كل انسان منكم يعرف مين من اهل الجنة ومين من اهل النار فقالوا وبم ذاك يا رسول الله؟ قال بالثناء الحسن والثناء السيء الناس بتتكلم عليك بتقول ايه؟ انا مش بلفت نظرك لكلام الناس ولا بلفت نظر اختنا اللي بتسمع الان لكلام الناس. ولكن انا بلفت نظرك ان الناس بيحكموا على اخلاقك ويحكموا على ادبك وما يحكم عليه الناس به عليك انت بتاخد اهل المكان ده. فبالثناء الحسن انت من اهل الجنة. وبالثناء السيء نسأل الله السلامة والنبي صلى الله عليه وسلم يقول كما في حديث انس ما من مسلم يموت فيشهد له اربعة ابيات من جيرانه. انهم كانوا لا يعلمون عنه الا خيرا الا قال الله عز وجل شب منكم ربنا يا رب يبارك فيكم جميعا يا رب. شاب منكم بنت من بناتنا ما شاء الله. بنت سانوية عامة بنت جامعة ان شاء الله تروح درس تروح كورس ما شاء الله روحي حاطة عنيها في الارض من الحياء. مش من النوع اللي يقعد يهزر ويضحك مع الشباب هي ما شاء الله لا قوة الا بالله ظاهر عليها الادب في زيها في لبسها في طريقة كلامها في اسلوبها في حوارها فسبحان الله البنت الكل بيشهد لها بالادب. فالنبي صلى الله عليه وسلم يقول من مسلم يموت فيشهد له قبعة ابيات من جيرانه ان هذا الرجل والله ما علمنا عنه الا خيرا. البنت دي عمرنا ما سمعنا لها صوت. البنت ما شاء الله على ادبه دي. شوفوا يا جماعة ولادها في ادبهم واخلاقهم عاملين ازاي ؟ طالعين لوالدتهم. الكلام الجميل ده. يشهد لها اربعة من جيرانها الا قال الله عز وجل اسأل الله ان يجعلني واياكم من اهل هذا الصنف. قال النبي صلى الله عليه وسلم فيقولون والله لا نعلم عنه الا خيرا الا قال الله عز وجل وعزتي وجلالي قد قبلت علمكم فيه. وتجاوزت عنهم ما لا تعلمون عنه. انا اقبل من هذا الانسان العلم اللي انتم عارفينه عنه. فكل عمل عمله انتم تعلموه عنه انا قبلت منه هذا العمل. وما لا تعلمون عن هذا الانسان من اشياء انا قد غفرتها لهذا الانسان. بايه؟ يا جماعة بالادب ده انسان كان مؤدب ده كان شاب محترم. ده كان شاب على ادب وخلق. ما شاء الله لا قوة الا بالله. المدرسين كلهم بيشهدوا له بالادب هو انسان مؤدب. يا اخوانا خلوا الشباب كلهم يفعلوا ما شاءوا من سوء خلق ومن سوء ادب خليك انت الغريب وسط هؤلاء. فطوبى لك. طوبى لك. خل البلد كلها ماشية غلط وانت الوحيد اللي ماشي بادب وحسن خلق. يا اخوانا طوبى لك واحنا في الجيش كان كل واحد فينا مؤدب بدرجة غير طبيعية ليه؟ لانه عايش في النهاية وهو خارج بعد فترة الخدمة بتاعته ياخد الشهادة مكتوب فيها ايه؟ قدوة حسنة فتلاقيه لو في يوم من الايام يعني معدي الزابط. تلاقي الادب والخلق وده مثل الاخلاق ويدي له التحية كده. لو في يوم من الايام كيري زميله عسكري زميله عمل معه مشكلة. يقول له رح يا عم الله يسهل لك. هو ايه اللي مصبره على ده كله؟ حاجة واحدة. انه عايز يطلع الشهادة مكتوب فيها قدوة حسنة مش عايز يطلع فيها حاجة تانية فاللي يصبر انسان على اذى لمدة سنة او اتنين او تلاتة في جيش عشان كلمة تتحط في الشهادة لا تقدم ولا تؤخر فمن باب اولى صبر الانسان على الضر والمكروه علشان شيء واحد. ده الجنة يا اخواننا. ده الجنة. والله والله لو لم يكن من فضائل الادب الا الحديث ده يكفي. اعيد الحديث ثاني. ما من مسلم يموت فيشهد له اربعة ابيات من جيرانه. انهم لا يعلمون عنه الا خيرا. الا قال الله عز جل وعزتي وجلالي قد قبلت علمكم وغفرت له ما لا تعلمون. عايزين خمسة ها يلا خمسة كده ورا يا اخواننا الله يبارك فيهم ونبدأ نتبرع بالدم كده ان شاء الله. الله يحفزكم. الحديس الرابع حديس يوضح ليكم ازاي الاعتبار الاساسي في زمن النبي كان الادب الاعتبار الاساسي في زمن النبي الادب. حديث رواه احمد وابن حبان وعبد ابن حميد في مسنده من حديث ابي قتادة رضي الله عنه قال كان النبي صلى الله عليه وسلم اذا دعي الى جنازة سأل عنها يا رسول الله في حد ميت وعايزينك تصلي عليه فيقول النبي صلى الله عليه وسلم فيسأل عنه فيسأل النبي عن اللي مات ده اخباره ايه؟ فان اثنى الناس فيه خيرة قام النبي فصلى عليه. وان اثنى الناس عليه شره. قال لاهلها شأنكم بها. صلوا عليه النبي كان بيقول انا مش هاصلي الا على المؤدب. من اثنى الناس عليه خيرا. احاديث دي يا اخواننا تجاوب لك على فكل سؤال بيدور في ذهنك. الاحاديث دي وامثالها يوضح لنا قد ايه الادب ده في دينا شيء مهم اوي. شيء مهم جدا. امبارح رحت مشوار غفر الله لنا ولهم. الادب ما اعلم عملا اعطى الله عز وجل عليه اجرا وفضلا ثناء زي الادب. فوالله لربما يتعبد العابد مائة سنة. قيام وصيام وفي موقف واحد انت تقوم في هذا المقام في هذا الموقف بادب تأخذ ثواب من قوم مائة سنة صيام وقيام والله يا اخوانا النبي صلى الله عليه وسلم بيقول لنا في الحديث وان الرجل ليدرك بحسن خلقه درجة صائم النهار قائم الليل. انت وقوفك مع والدك ووالدتك بادب يساوي عند الله من ظل سنين طوال يصلي قيام ليل ويصوم النهار. شفت الادب بيوصلك فين؟ شفت الادب بيوصل بل قال صلى الله عليه وسلم ان اكتر حاجة تخلي القلوب بينا وبين بعض متألفة. اكتر حاجة يا اخواننا نكسب بها الناس. مش هتكون ابدا لا بفلوس ولا بجمال ولا بشكل ولا بمنصب ولا بجد بنشوف واحد رئيس جمهورية وطوب الارض بيكرهه بنشوف واحد امير ولا ملك والناس كلها بتدعي عليه بنشوف واحد ملياردير والناس كلها كارهة تبص في وشه. صح؟ لان الوصول الى قلوب الناس لا يكون ابدا بمنصب ولا بجاه ولكن الوصول الحقيقي لقلوب الناس بادبك. اكتر حاجة تخلي الناس كلها اسرى في حبك ادبك. انك تكون مؤدب واحنا بنشوف ده ممكن انسان بسيط جدا بس مؤدب يعني خلاص يعني انا ظني ظني من وجهة نظري. ان محمد صلاح بازن لو فضل كمان تلات اربع شهور اجوان وحاجات من كده. بازن الله بازن الله. يعني ان شاء الله صلاة عيد الاضحى بازن الله هتقام هناك في بريطانيا هو اسر الناس بالادب. اسر الناس بالادب. انتم يا اخوانا سروا الناس اللي حواليكم بادبكم قال رسول الله عليه الصلاة والسلام انكم لن تسعوا الناس باموالكم ولا احسابكم مش هتملكوا قلوب الناس لا ابقى اموالكم ولا باحسابكم. وانما يسعهم منكم بص الوجه وحسن الخلق تؤسروا قلوب الناس بالادب وبحسن الخلق. تلاقي شيخ داعية الى الله سبحانه وتعالى يعني علمه على قده بس مؤدب بيتعامل مع كل الناس بتواضع. تلاقي كل الناس بتحبه طوب الارض بيدعي له. وتلاقي واحد تاني عنده علم ما شاء الله لا كويس ولكن لم يهدد نفسه. تلاقيه بيتعامل مع الناس بكبر وعنطب. تيجي تتكلم معه تحس ان هو بيتنطط عليك. ايه يا عم تلاقي سبحان الله وان كان قد حوى في قلبه علما كثيرا الا ان طوبى الارض يبغضه. ليه؟ الادب وانا لا اصل ابدا الى قلب الناس الا بالادب انت لا تصل ابدا الى قلب الناس الا بالادب بكرة بإذن الله لن تأثر قلب زوجتك الا بالادب. ولن تأسر قلوب ابنائك الا بالادب. هو الادب يا اخواننا الادب والاحترام. والله لو لم يكن للاخت المحجبة او المنتقبة وهي ماشية في الشارع كده حاطة وشها في الارض والله يا اخوانا تلاقي كل الشباب اللي الشباب طبعا الفاسد. تلاقي اغلب الشباب المتدين او اللي عنده دين يبص للبنت وهي داخلة بادب وماشية ابو خارجة بادب تلاقي سبحان الله سبحان الله ربنا سبحانه وتعالى يقذف على قلوب والسنة هؤلاء يدعو للبنت دي. روحي ربنا يسترك زي ما والله يا اخوانا حد يعرف فيكم بنت شعيب كان اسمها ايه كان عندها كم سنة؟ طب كانت جميلة ولا مش جميلة؟ دوروا يا اخوانا دوروا يا اخواننا وده كلام بقى بوجهه لبناتنا. ربنا يا رب يبارك فيهن جميعا. انا بوجه الكلام ده لبناتنا. هو اشمعنى ربنا سبحانه وتعالى ساق موسى عليه الصلاة والسلام لمدينة. لا ارض مدينة. اشمعنى؟ اشمعنى الارض بالذات؟ ليه ما راحش اي حتة تانية ولماذا لما توجه لمدين ما توجهش الا للحتة اللي فيها البئر ما راحش ليه في اي حتة في بلد معينة. يعني بلد زي منصورة ممكن يخش من جهة صندوق ممكن يخش من جهة المحافزة ممكن يخش من جهة طلخا. فبلد كبيرة نادية ما كانتش صغيرة ده بلد كبيرة جدا. بص عليه الصلاة والسلام يسوقه الله سبحانه وتعالى الى هذا المكان. ده ربنا كان بيدبر لبنت مؤدبة على خلق ربنا بيختار لها نبي وواحد بنقول العزم من الرسل. ليه؟ ماذا نعرف عن هذه البنت؟ نحن لا نعرف عن هذه البنت بتقل حاجة واحدة ان هي كانت ايه ؟ مؤدبة بس. فالزوج الصالح لأ هو عطية من الله سبحانه وتعالى عطية يعني هبة. يعني عطاء. عطية مش اسمه عطية. الزوج الصالح عطاء من الله سبحانه وتعالى. هو رايح لمين؟ رايح اليمين للبنت المؤدبة. انا والله يا اخوانا سيدنا موسى عليه الصلاة والسلام سافر كتير وخد رحلات كتير جدا طبعا زي ما انتم عارفين ولكن ان ربنا سبحانه وتعالى يدفعه دفعا للارض دي. علشان يتعرف على البنت دي. علشان ابوها يدعوه وبعد كده كده يعني يتزوجها والله يا اخوانا الزوج الصالح لا تناله الا البنت الدينة. اللي عندها ادب. عشان تعرف عطاء الله سبحانه وتعالى لها ان ربنا سبحانه وتعالى يدفع موسى عليه الصلاة والسلام من اراضي بعيدة عن مدين. اراضي بعيدة جدا. وسيدنا موسى تفضل رجليه واخداه لحد ما يصل لهذا المكان فداك العطاء من الله سبحانه وتعالى لصاحبة الادب. اللي ربنا اثنى عليها فقال فجاءته احداهما تمشي على استحياء على استحياء قالت اليه يدعوك. هو كده. هو كده. ده عطاء ربنا لها. علشان كده باقول لكم دايما يا اخواننا من تمسك بمنزلة ادب نال الكرامة. ربنا يرسل له من الكرامات ما لا يعلمه الا الله. ربنا يبعت له كرامات. ان شاء الله لا قوة الا بالله. بل قال صلى الله عليه وسلم لما سألوه حديث اسامة بن شريك رضي الله عنه او شريك رضي الله عنه بيسأله النبي صلى الله عليه وسلم بيقولوا له يا رسول الله والله من احب عباد الله الى الله؟ ها يلا مين دول؟ مين؟ قال صلى الله عليه عليه وسلم احسنهم خلقا. ما قالش اكثرهم عبادة ما قالش اكثرهم صياما او قياما. وان اكتر حد ربنا سبحانه وتعالى بيحبه فبيدي له العطاءات دي كلها. المؤدب. احسن الناس خلقا. بل قال صلى الله عليه وسلم ان صلة الرحم وحسن الخلق وحسن الجوار. لا يزيدان في الاعمار ويعمران الديار. سبحان الله! تلاقوا دايما بيت اتخرب على دماغ اهله. بسبب ايه؟ ما عندهمش ادب. لا الزوج ولا الزوجة مؤدبين. لا الزوج ولا الزوجة لا هو محترم ولا هي محترمة. البيت خرب. صح؟ تلاقي امة من الامم وقع عليها العذاب وخربت. بسبب ايه لو دورتم يا اخوانا على كل الامم اللي ربنا اهلكها من قبلنا. سواء امم او جماعات او افراد هتلاقوا دايما ان كل امة دي ما اهلكت الا بسبب السوء خلقه اللي كان عندها. قوم لوط عندهم سوء خلق. قوم شعيب غشاشين. سوء خلق. قوم عدس متكبر سوء خلق. فرعون متكبر سوء خلق. قارون طغى عليهم سوء خلق. دور على اي حد من من من الامم او الجماعات او الافراد اللي ربنا ذكرهم في القرآن انه انزل عليه عليهم هلاكه هتلاقي دايما بسبب سوء الخلق. انما سبحان الله! اللي عنده ادب واحترام حاجة تانية. علشان كده يا اخواننا اعدائنا اعدائنا اقصى اهتماماتهم دلوقتي ازاي تطلعوا مجموعة من الشباب مدمرين اخلاقيا؟ على فكرة هم قاعدين برة بيتابعوا بس كده حاجة جميلة جدا حاجة جميلة جدا. احنا احنا نجحنا في كده. اه احنا نعمل واتس علشان مجموعة الدعاة يشتغلوا عليه دعوة. ايه المشكلة؟ خلي فيه الف داعية في الامة شغالين دعوة على الفيس. بس بقى خلوا بقى باقي شباب الامة هي تصور نفسها وتبعتها لمين وهو يصور نفسه ويبعتها لمين؟ صح. خلي بقى في شاب من الاتنين قربوا لهم الحرام لحد عندهم. دمروا سوء دمروا حسن الخلق اللي كان عندهم. ما هم قالوا كده كأس وغنية دمروهم باشغيلوهم في شهواتهم كأس وغانية يفعلان في الامة المحمدية ما لا يفعله الف مدفع ده ده هم اللي قالوه. وهم كانوا بيقولوا في بروتوكولات آآ يعني خبثاء صهيوني. ينبغي علينا ان نعمل على الاخلاق في كل مكان. احنا محتاجين ندمر الاخلاق في كل مكان. لان الاخلاق دي ازا انهارت استطعنا ان نقول تبدد الجيش المنتصرين للدين. اللي هو انتم علشان كده هم حريصين غاية الحرص على انهيار الاخلاق فينا. هم حريصين بالتمويل بتاعهم ليه لمنتج فاسد انه يعمل شوية افلام فاسدة هم مستعدين ان هم ينفقوا على مخرجة ياخدوها يربوها هناك في اوروبا. ويجيبوها بعد كده عشان تدمر هم مستعدين ان هم النهاردة يجيبوا امير ولا ولي عهد ولا رئيس ولا مش عارف مين ولا ابن ملك ولا مين ياخدوه يربوه هناك على الفساد علشان من بكرة ابوهم ايبوه يموت وهو ييجي بعد كده يتولى نشر الفساد في البلاد. هم مستعدين لده. لان هم عارفين كويس جدا ان انهيار معناه انهيار الامم ودوركم انتم يا شباب. ودوركم انتم يا شباب. كل واحد فيكم لازم يكون داعية الى الله بادبه قبل علمه لازم تفهموا ده. كل واحد فيكم في بلد من البلاد لازم يكون شايل هم كده اسمه نشر الاخلاق والفضيلة بين الناس انا محتاج منكم ان كل واحد فيكم يا اخوانا. يرجع للاوضة بتاعته في المدينة الجامعية او للبلد بتاعته اللي جاي منها وجاي من سفر بعيد. انا عايزك يا ابني انت لحد امتى بتفضل سميع؟ لحد امتى هتفضل تسمع؟ يا ابني لازم كده كل انسان فينا يبقى عنده كتاب للسنة مسلا زي صحيح الترغيب والترهيب وهات كتاب الادب او كتاب رياض الصالحين. وكتاب الادب من رياض الصالحين. وقم في المسجد افتح الكتاب كده اهو وقل يا ناس احنا هنقرأ مع بعض من كتاب الادب للامام النووي. قال النووي رحمه الله. قال رسول الله واشرح للناس حديس عن الادب اشرح للناس حديس عن الخلق النهاردة يا اخوانا بيشتروا قنوات بمئات الملايين علشان يدمروكم. ويدمروا اخوانكم ويدمروا اولادكم من بعدكم ان لم يكن لاهل الحق جنود ان لم يكن للحق جنود واهلي يدافعون عن هذا الحق. مين اللي هيتحرك مصر للحق الشباب اللي بيضيع منك مين اللي له يا اخوانا؟ مين اللي ينصحه؟ ومين اللي يذكره بالله سبحانه وتعالى؟ اقسم لكم بالله البلد الان مستعدة لقبول اي شيء متعلق بالدين. لان هم خلاص باقوا مرارة المعصية ومرارة الفساد اللي عايشين فيه. الشباب الان بيمر بمرحلة من وحال العلمية والفكرية غير طبيعية. انتم اهل الحق. انتم دعاة الحق. انتم اللي لازم تعلموا الناس دين ربنا سبحانه وتعالى لحد امتى هفضل قاعد سميع في الدرس؟ ولحد امتى اختنا اللي قاعدة معنا في الدرس؟ هتفضل قاعدة سميعة. بنشوف في الشوارع ام من امهاتنا منتقبة بنتها شبه عارية. بنتها. اصل الام خدت ان هي تيجي تسمع الدرس وتمشي. وعمرها ما فكرت في يوم من الايام ان هي تدعو بنتها او تذكر بنتها او تجيب بنتها الدرس في امهات شغالين في الدعوة اه في امهات شغالين. بس الواحد بيحزن. كنت بصور حلقات رمضان من ايد يومين تلاتة. حد من اخواننا المصورين جايب معه حد من قرايبه شاب في اولى سانوي في مدرسة جاد الحق ايه اللي في شارع بورسعيد فطبعا كالعادة ما يعديش من تحت ايدينا لازم نذكره بالله. فقعدت اهزر معه وادحك معه. فبقول له ها يا جميل انت في مدرستي؟ قال لي انا في اولى سانوي. ها في مدرسة ايه الف مدرسة جاد الحق قلت له جاد الحق وتعرف اسمه كامل؟ قال لي اه طبعا هو فضيلة الشيخ جاد الحق علي جاد الحق قلت له طيب مين هو بقى يا فضيلة الشيخ جاد الحق؟ قال لي ده ده اول مدير مسك المدرسة عندنا اخوانا الامر بشع. الامر اه ممكن يسير جوانا ان احنا نضحك! بس صدقوني الامر اسود مما نتخيل. الولد على ادب وخل طبعا ان اشهد له انه مؤدب وعلى خلق. بس احنا وصلنا للحالة دي. وصلنا ان الحالة النهاردة ان زمان كانت لو فيه بنت واقفة مع ولد في الشارع وشافت شيخ معدي يستخبوا. لا دلوقتي انت لو وهم واقفين قدام المسجد وطالع تكلمهم ايوا انت في ايه يعني؟ انت ما لك انت مدخلين انت مالك يعني احنا بنعمل ايه غلط! ده صاحبي في الدرس. اخواننا لازم يكون للحق دعاة. مش حازم الداعية يقعد عشرين سنة يطلب عليهم بعد كده يتحرك. انتم لازم تتحركوا. ابو بكر اتحرك وما عهوش شيء من القرآن. ابو ذر اتحرك وما عهوش شيء من القرآن. الطفيلي ابن عمرو الدوسي تحرك وما عهوش شيء من القرآن. اتحركوا يا اخواننا اتحركوا وخليكم دعاة للحق. يا جماعة ايه اللي هيكلفنا؟ هيكلفنا ايه؟ ان انا اطلع تليفوني كده اهو كده اهو وهاعمل بس مباشر بس مباشر لكل اصحابي يا جماعة انا عامل بس مباشر اهو انا هشرح معكم كتاب الادمي كتاب رياض الصالحين. وكل يوم تقول للناس حديس الناس بس تسمع تسمع حديث عن في الادب وفي الخلق. هيكلفك ايه؟ هيكلفك باقة بخمسة وعشرين جنيه. ايه خمسة وعشرين جنيه! يا اخواننا هم بيدفعوا ملايين علشان يفسدوكم ايه المشكلة؟ لو كل واحد فينا اتعلم انه ازاي يبزل علشان يعيد الفضيلة مرة تانية للمجتمع. طيب استأزنكم عايزين ارباح شباب كمان التبرع بالدم. ربنا يجزيكم خير. اربعة كمان ان شاء الله. هم الخمسة خلصوا اربعة كمان. فاحنا محتاجين للحق فضيلة. محتاجين للحق والفضيلة دعاة يدعون اليه الدعاء دول مش هيكونوا الا انتم انتم اللي لازم تتحركوا. كتاب زي رياض الصالحين في بيت كل حد فينا. بص في الفهرس هات كتاب الادب وكتاب المنهيات. وابدأ اتكلم مع الناس في كتاب الادب ده اللي احنا محتاجينه. محتاجين ان كل حد فينا يبقى انموزج من الادب. والله يا اخوانا موقف واحد من الادب والخلق ممكن يغير مساره امم مش افراد امم مش افراد. وده اللي احنا محتاجينه. ادبك وخلقك. النبي صلى الله عليه وسلم يقول ان اكثر ما الناس به الجنة تقوى الله وحسن الخلق. اكتر حاجة تدخلك الجنة. ان تتقي الله وان تكون على خلقه. بل قال صلى الله عليه وسلم الحديس اللي جاي ده المهم جدا. وهيفرق معنا كتير جدا في دعوتنا للحق وللخيص قال ابو هريرة سمعت النبي صلى الله عليه وسلم يقول ما عمل ابن ادم شيئا افضل عند الله عز وجل من الصلاة وصلاة ذات البين وخلق حسن. الانسان منا مش هيعمل عمل يقربه من ربنا زي التلاتة دول. الصلاة ده ادب مع الله سبحانه وتعالى اصلاح ذات البين دي اخلاق بينا وبين بعض وخلق حسن بينا وبين بعض اخلاق برضو. نرجع بقى لمنزل قلة الادب بعد الجولة البسيطة دي السريعة دي في كلام النبي صلى الله عليه وسلم. نرجع فاقول فيه يا اخوانا عندنا اربع خصال ترفع العبد عند الله سبحانه وتعالى لا متن الحديث يقول ابو هريرة رضي الله عنه سمعت النبي صلى الله عليه وسلم ما عمل ابن ادم شيئا افضل منه. الصلاة اصلاح ذات البين. وخلق حسن علمائنا لما قرأوا الاحاديث واستبينوا الايات اللي ربنا اتكلم عن الادب عنها عن الادب او فيه عن الادب آآ استخلصوا التالي. الامام السري رحمه الله كان يقول تدبرت كتاب الله عز وجل من اوله الى اخره فوجدت الله عز وجل يقول في كتابه اربع خصال ترفع العبد. انا قرأت القرآن من اوله لاخره. فانا وجدت ان القرآن من اوله لاخره وربنا بيقول لنا ان فيه اربع خصال دي ترفعك عند الله عز وجل. العلم والادب والامانة والعفة العلم والادب والامانة والعفة. طب لو قلنا العفة ترفع حد فين في القرآن يوسف عليه الصلاة والسلام هو من العفة على طول طلع على طول على الكرسي على طول. والامانة والادب والعلم. وكان بعض السلف يقول من العبد الادب. ومن الله الكرامة. خليك انت من العبد انت عليك انك تتحرك فيه مسألة الادب. واما الله سبحانه وتعالى فلا يعطيك الا الكرامة. سبحانه وتعالى. وكان ابو الخير الزاهد رحمه الله ويقول ما وصل العباد الى الله الا بثلاث. الانسان ابدا الى الله سبحانه وتعالى الا بتلات حاجات بمعانقة الادب. واداء الفرائض وصحبة الصالحين. تلات حاجات. تصل بها الى الله سبحانه وتعالى يقول ابن القيم رحمه الله والادب هو الدين كله. الادب هو الدين كله. وقال ان الادب تلات سور. النوع الاول هو الادب مع الله. والثاني هو الادب مع رسول الله. والثالث هو الادب مع الناس. وبدأ يتكلم مع عن الادب مع الله. فقال واما الادب مع الله بصوا بقى ايه آآ ذوق الانسان اللي عنده ادب في تعامله مع ربه سبحانه وتعالى. قال اما الادب مع الله فان ان الله سبحانه وتعالى اوفى ان النبي صلى الله عليه وسلم نهى المصلي ان يرفع بصره الى السماء ادبا مع الله وانت بتصلي يجوز ان انا وانا بصلي عمال التفت يمين وشمال كده وابص لفوق ليه؟ ربنا بيقول عن النبي صلى الله عليه وسلم وادب النبي صلى الله عليه وسلم في الاسراء والمعراج ما زاغ البصر ايه؟ اه يعني انت لما تكون جاي بتكلمني فانت مقبل علي عينك في عيني بتكلمني. انما اتخيل في يوم من الايام انا بكلمك وانت عمال تبص في السما. ده اسمه ايه؟ سوء ادب. تخيل في يوم من الايام اب بيتكلم ابنه وابنه ماسك التليفون عمال يتكلم فيه او بيلعب عليه. ايه الوضع؟ سوء ادب. فابن القيم بيقول احنا نهينا عن الالتفات في الصلاة ان ده من سوء الادب مع الله. كيف يقبل الله عز وجل على عبد بوجهه والعبد ملتفت عنه؟ حديث النبي صلى الله عليه وسلم ان العبد اذا هو ما يصلي اقبل الله بوجهه على عبده يناجيه. تخيل! وانا عايز الحديس ده عايزين نطبقه واحنا النهاردة في صلاة العشاء. ان العبد لما بيقوم يصلي يقبل الله تبارك وتعالى عليك بوجهه يناجيك ما لم يلتفت اذا التفت التفت الله عنك. فليه نبي ينهانا عن الالتفات؟ اللي ده سوء ادب لذا قالت عائشة كان النبي صلى الله عليه وسلم اذا صلى طأطأ رأسه يعني ايه طأطأ رأسه مش طقطها فرقعها. لا طأطأ يعني ايه نزلها كده ده ذل ده ادب بين ايدين ربنا. طأطأ رأسه ورمى ببصره في موضع سجوده. ادب مع الله سبحانه وتعالى ادب مع الله سبحانه وتعالى. النبي صلى الله عليه وسلم كما يقول بلال دخل النبي فصلى في جوف الكعبة والله ما خالف بصره موضع سجوده من اول ما النبي بدأ الصلاة عامل كده اهو له ادب مع الله وكان ابو هريرة رضي الله عنه يقول الا ترى من ادبه صلى الله عليه وسلم بين يدي الله ان يضع يمينه على يساره على صدره ويطأطأ رأسه ادب بين ايدين ربنا. ادب بين ايدين ربنا. بل وامرنا الله تبارك وتعالى باخز عند القيام بين يديه. وانت قايم تصلي انت مش بتستر عورتك. ربنا ما قلناش استروا عوراتكم وانتم قايمين تصلوا. ولكن قال خذوا زينتكم. ييجي واحد للنبي آآ اصلي في ايه يا رسول الله؟ آآ اصلي في ثوبين اصلي في ثوب. النبي صلى الله عليه وسلم ما جاوبوش على سؤاله ولكن قال له الله احق من تزين له واحد يجي يقول لي يا شيخ ايه رأيك اصلي بالفانلة الحمالات ايه رأيكم؟ ايه رأيكم؟ النهاردة هنقدر نفهم فقه ازاي بالادب مع الله ايه رأيك ان انا اصلي واكتافي مكشوفة؟ هاقول لك سؤال. طب وايه رأي سيادتك انك تروح امتحان الشفوي في ستة طب وتخش على الدكتور بفانلة حمالات هيعمل معك ايه؟ هو هيفهمها ازاي؟ الله احق من تزين له. قال شيخ الاسلام ابن تيمية ولذا شوفوا يا اخوانا ولذا نهانا النبي ان نقرأ القرآن ونحن في ركوع او سجود. يجوز ان انا اقرأ القرآن راكع او ساجد يجوز ان انا اقرأ القرآن راكع او ساجد يجوز ليه بقى ؟ فابن القيم وابن الشيخ الاسلام ابن تيمية رحمهما الله بيقول لك ايه ؟ لان القرآن كلام الله وكلام الله من الله واما الركوع والسجود فهو موضع ذل للعبد فلا ينبغي ان يأتي كلام خرج من رب العزة ليقال في موطن الذلة ادب. ادب مع الله سبحانه وتعالى امرنا ولذا امرنا اذا قمنا الى الصلاة ان نتوضأ. ليه نتوضأ واحنا قايمين نصلي بين ايدين ربنا؟ ادبا مع الله مع الله. فالادب مع الله يا اخواني له ابواب كتيرة جدا. نعد مع بعض كده الله يحفزكم. فمن الادب مع الله طاعته اول حاجة في الادب مع الله. انك تطيعه. زي ما احنا شايفين ان الادب مع الاب والام لو قالوا كلمة. نقول حاضر. فلله المثل الاعلى قال الله وهو يوضح افضل سورة من سور الادب مع الله. طلبة العلم اللي بيخطبوا سجل معي عشان دي الخطبة الجاية بتاعتك. اول شيء من سور الادب مع الله وهو اعظم صور الادب مع الله. طاعة الله في كل ما امر والابتعاد عن كل شيء نهى عنه وزجر. قال الله وما كان لمؤمن ولا مؤمنة اذا قضى الله ورسوله امرا ان يكون لهم الايه؟ الخيرة منهم. ربنا امر بشيء فوق دماغي من فوق ادبا مع الله. لان ده الادب. عمرك شفت في يوم من الايام دكتور بيطلب من طالب شيء قال له ما نيش عامل اصل انت يا دكتور ما انتاش عارف احنا اللي عارفين. اصل انت يا دكتور قديم اوي. احنا الجيل الجديد اللي فاهم وعارف لو حد قام عمل كده بيتقال عليه ايه؟ ايه قلة الادب دي؟ يا اخواننا ما ينفعش نعمل مع ربنا نقول اصل تعاليم ربنا بتاع زمان ده سوء ادب مع ربنا. سوء ادب مع ربنا. الله لما قال بي وما ارسلناك الا رحمة للايه؟ للعالمين. للعالمين ان مكانا وزمانا. فلما تقول ان اللي ربنا قال عليه انه هيبقى للعالمين زمانا. مم اللي في كانوا في زمن النبي واللي بعد كده. وتقول ربنا لم احسن التشريع دي مصيبة. سوء ادب مع الله. واحد من حسن الادب مع الله طاعة الله في كل ما امر. اتنين شكر الله على نعمه. ده من الادب. تخيل في يوم من الايام الان انا جبت عم عبدالله كده قلت له يا عم عبدالله وربنا يكرمك انا ما شفتش حد حريص على المسجد زيك وقدام الناس بقى كلها وقمت قايل له ايه عم عبدالله احنا جايبين لك هدية الهدية لك. آآ لا والله ما باخدش هدية من حد. لا يا عم عبدالله مات ليه كده ؟ فيه ناس مع نعم الله سبحانه وتعالى بترد كده. او بتاخد النعم تخيل في يوم من الايام انا طب تعالوا نعكس المثال. عم عبدالله هو اللي بيقول لي. عم عبدالله راجل محترم ودين. عم عبدالله في يوم من الايام بيقول لي انتهت جدا في المسجد. فالناس هنا جايبين لك هدية قمت واخد ايديا من ايديهم وانت ماشي. حتى ما قلتلوش ايه والناس بقى كلها واقفة فمنتزر ان انا اقول لهم ايه يا جماعة والله كتر خيركم وجزاكم الله خيرا ومش عارف اقول لكم ايه بس يا جماعة ده واجبي وفرض علي قمت واخد الحاجة وقمت ماشي. فالناس عمالين يبصوا ايه ده لا يا جماعة احنا مش كده. في كتير من الاوقات ده حالنا مع ربنا ادانا النعمة ومشينا. او بعض الناس بقى ادى لهم النعمة سخروها في معصيته. والله يا اخوانا حق كل انسان في يوم من الايام قام الصبح وبيعمل كده فاديه جت على عينه وعلى مناخيره وعلى بقه وعلى ودانه كده نقول اللهم لك الحمد النعم دي كلها اللهم لك حق لكل انسان منا في يوم من الايام ماشي في الشارع قدام مستشفى لقى مريض شايل القسطرة بتاعته فيها دم او فيها اعزكم الله نقول يا اللهم لك الحمد. حق لكل انسان منكم. والله يا اخوانا بات ليه لو هو مرتاح ما فيش عنده مرض يحمد ربنا. تلاقي خراج صغير قد كده طلع في سنانك. وعامل لك مشاكل وعامل لك تعب يعني ما انتاش عارف تنام الليل. تقول ياه شف كم ضرس عدى علي السنين اللي فاتت دي كلها ما كانش فيه حاجة؟ انا في نعمة من الله. والله يا اخوانا احنا ربنا عمال يدينا نعم خالي اسأل الله ان يرحمه رحمة واسعة واسأل الله ان يتقبله شهيدا عنده. مات مبطوم. آآ جا له قنصة في الامعاء الامعاء مسدودة الغدة السرطانية قفلت الامعاء. فبالتالي الطعام والشراب بييجي ينزل من المعدة. عايز ينزل من المخرج الطبيعي بتاعه فيلاقي الغدة السرطانية ايه ها؟ قافلة سدة. فيا عيني دي والله يا اخوانا يقول لي يا ابني نفسي اخش الحمام والله يا اخوانا والله انا لا انسى ابدا انسى كلمته والله عمري ما انساها يقول لي يا ابني انا نفسي اخش الحمام. عارفين علشان يخش الحمام يتعمل له ايه؟ ربنا يا رب يعافيكم يا رب. يتعمل له وفتحة في جنبه من هنا كده علشان يخرج منها الحمام. ويحطوا له حزام على بطنه. بكيس بلاستيك من جلد كده. يتحط هنا يخرج منه وربنا يعافيك وعلشان المكان خارج من المكان من غير المكان الطبيعي بيبقى طالع بريحة سيئة للغاية بيقول له يا ابني انا مع كل مرة باكره نفسي فكنت لاول مرة في حياتي اعرف قيمة ان انا اخش الحمام. والله العظيم نعمة ما بعدها نعمة احنا مش واخدين بالنا منها اخونا الشيخ محمد الحليم اسأل الله ان يشفيه وان يعافيه وان يصرف عنه السوء. لما تعب شوية بموضوع الكلى والكلام وتشوف يا عيني وشه اسود! اتاري المفترض ان الكلى بتغسل السموم اللي موجودة في دم الانسان فالكلى تعبانة عطلانة ما بتشلش السموم بكلمه من قيمة كم يوم ها هتعمل ايه في رمضان وعايزينك معنا؟ قال لي يا شيخ انا بغسل دلوقتي بروح تلات ايام والله العظيم برجع ميت مش قادر مش شايف دمي. خلاص انت عاش ان كل تلات تيام في الاسبوع يوم ويوم لازم يغسل ويرجع يا عيني بيقول والله العزيم انا برجع جسمي يرتعش. انت كل يوم الكلى بتاعتك بتغسل كم مرة؟ فقلت سبحان الله! كان معنا واحد شغال معنا في المسجد ما بيعرفش يتنفس الا على جهاز السباك. جهاز صغير كده هو خلاص العضلات بتاعة الشعب الهوائية عشان تفتح وتقفل عشان تستقبل هوا حصل فيها مش عارف ارتخاء ولا ضمور ولا ايه كده. فمش قادر ياخد نفسه مش قادر ياخد نفسه. لك ان تتخيل ان في وقت زي ده هو في وقت زي ده لازم يحط جهاز كده هو علشان يدخل الهوا بدفع معين بقوة ومعينة علشان يعرف يتنفس انت بتعرف تتنفس. انت بتعرف تتنفس. والله يا اخواننا والله من حسن الادب مع الله الا ترى نعمة من الله عز وجل بها عليك الا وانت تعترف لله بتقصيرك عن شكرها. يا رب انا مش قادر اشكرك على النعمة اللي انت اديتهاني. اي نعمة يا اخواننا ازاي نشكر اصلا ان انت هنا في المسجد؟ مش برة في قهوة ولا في خمارة ولا مع بنت في حتة هنا ولا هنا. نعمة ان ربنا من عليك بالهداية اي نعمة ازاي هنشكرها اصلا النعمة دي؟ ازاي نشكر النعمة دي؟ سبحانه وتعالى. فمن الادم مع الله. علشان كده شرع النبي صلى الله عليه وسلم. النبي كان في كل موطن على لسانه كلمة الحمد لله. كان النبي اذا اتاه الامر يسره قال الحمد لله الذي بنعمته تتم الصالحات. واذا اتاه الامر يسوء قال الحمد لله على كل حال. كان اذا اكل حمد واذا شرب حامد واذا قام من النوم حمد بل كان صلى الله عليه وسلم اذا انهى صلاته حمد. للمستشعر ان انا صليت بنعمة كبيرة جدا دي نعمة كبيرة جدا. فكان من الاذكار اللي بعد الصلاة انك تحمد ربنا تلاتة وتلاتين مرة. تحمد الله عز وجل. ده من الادب مع ربنا سبحانه وتعالى ربنا من عليك بالزرية ومن عليك باولاد كل يوم بيعدي عليك واولادك في قمة السعادة والفرحة بيتحركوا حواليك دي نعمة محتاجة لشكر دي نعمة محتاجة لشكر. والله يا اخواني الهداية الهداية هي من اجل نعم الله عز وجل قال العبد انك تعرف بالليل يعني حد من اخواننا يعني اخونا محمد مسلم اسأل الله ان يشفيه وان يعافيه وان عنه السوء والمكروه اللهم امين. اخونا محمد حد من اخواننا الاحباب برضو الشاغلين في الميديا والتصوير والمونتاج اخونا محمد شوية تعب. شو التعب؟ والدكاترة بيقولوا له اشتباه يكون فيه قنصر. فتخيل بقى انسان قاعد في بيته منتظر تحاليل تاني يوم تبين فيه ولا ما فيش. تخيل الليلة دي هتعدي عليه ازاي ما بين الخوف والاضطراب والقلق اخوانا احنا بنتقلب في نعم الله من حسن الادب مع الله سبحانه وتعالى ان تحمد الله على كل نعمة يحدثها الله سبحانه وتعالى لك. بل اسمعوها مني يا اخوانا اسمعوها مني ودي حاجة من الحاجات اللي اتعلمتها من مشايخنا ربنا يا رب يبارك فيهم. احد مشايخنا كان يقول اللهم لك الحمد على كل نعمة عرفتها او لم اعرفها. فانا كنت مستغرب اوي هو ايه النعم التي لم اعرفها؟ قال لي يا ابني انت جوة في جسمك مليون حاجة ممكن تسبب لك ضرر؟ وربنا دفع ده عنك. فانا لازم احمده على اللي اعرفه على اللي ايه؟ اتعلموا المعنى ده لانه معنى جديد جدا. اللهم لك الحمد على كل نعمة ايه اعرفها او لا اعرفها. فاللهم لك الحمد. فمن الادب مع الله ان نحمد الله تبارك وتعالى على كل نعمة اعطاها لنا. نرفع الاذان ونكمل طيب السلام عليكم ورحمة الله وبركاته. بسم الله والحمد لله والصلاة والسلام على رسول الله صلى الله عليه وسلم وبعد. ايه؟ اه تسلم في اول ادب من الاداب التي ينبغي علينا ان نتوجه بها الى ربنا عز وجل واحد. سامع اه. سامعني؟ هم. اول ادب من الاداب التي ينبغي علينا ان نوجهها الى ربنا واحد الطاعة. اتنين شكر الله سبحانه وتعالى على نعمه التي عرفناها والتي تلاتة. حسن المراقبة. تالت ادب ينبغي علينا وده بقى هو يعني رمانة الميزان ركز فيه شوية. الامام الثوري رحمه الله وهو بيتكلم معنا على مسألة ان من الادب مع الله يعني الا تشوب العلاقة بينك وبين ربنا عز وجل بمعصية. فالامام الثوري حب يربي التلامزة فقال لهم كلمة عايزكم تفهموها كويس. قال الثوري رحمه الله لو كنتم تعلمون ان معكم من ينقل حديثكم الى امن الدولة. اكنتم تتكلمون بشيء آآ كده ولا كده؟ ها ربنا يبارك فيهم. لا طبعا. ايه يا عم عبدالله؟ فقالوا لا فقال لو كنتم تعلمون. تعالوا نرجع بقى للكلام السوري تاني. لو كنتم تعلمون ان معكم من يرفع حديثكم الى السلطان كنتم تتكلمون بسوء؟ قالوا لا. قال فاعلموا ان معكم من يرفع امركم الى الله سبحانه وتعالى. نعم. حسن الادب مع الله سبحانه وتعالى ان تعلم انك في كل موقف الله مطلع عليك. ومن حسن الادب مع الله الا يراك الله حيث خلوت بمعصية الله سبحانه وتعالى. لذا كان حاضر. لذا كان صلى الله عليه وسلم يقول فيك ان تستحي من الله كما تستحي من الرجل الصالح من قومك. لو كان في حد هيبة كانوا علم ودين وخلق. ممكن قدامه تكذب؟ ممكن قدامه تغتاب؟ ممكن قدامه تعمل مشكلة مع والدتك؟ تخاف او بلاش تخاف تستحي. فالنبي صلى الله عليه وسلم جزاكم الله خيرا. فالنبي صلى الله عليه وسلم قال اوصيك ان تستحي من الله كما تستحي من الرجل الصالح من قومك. وفي الحديث ان النبي صلى الله عليه وسلم بيسألوه يا رسول الله عوراتنا ما يبدو منها وما يظهر. ايه نكتمه وايه اللي يظهر؟ فقال ان استطعت الا يرى عورتك احد فافعل. الا زوج او ما ملكت يمينك. قلت يا رسول الله احنا رجالة في بعض يعني احنا في المدينة الجامعية واحنا رجالة في بعض. فعادي نقلع يعني فقال النبي صلى الله عليه وسلم ان استطعت الا يرها احد فافعل. وانا مع الناس. فقال يا رسول الله فالرجل يكون وحده فقال صلى الله عليه وسلم فالله احق ان يستحي منه. فالله احق ان يستحيا منه وان كان الانسان لما بيدخل الخلاء او كان بيغتسل العورة بتظهر. ولكن النبي هنا في الحديث يؤكد خلي دايما عينك ان ربنا يراك. خلي دايما وجهتك ان ربنا مطلع عليك. سبحان الله! ادب يا اخواننا ادب. ادب اللي النبي كان بيعلمه لنا صلى الله عليه وسلم. فالادب التالت مع ربنا سبحانه وتعالى يا اخواننا ان الانسان منا يصون علاقته التي تربط هو بين ربه عز وجل من ان تشابه بمعصية. الانسان منا وهو قاعد على الكمبيوتر بتاعه الله احق ان يستحي منه. خدوا الحديس ده حطوه قدامكم يا اخوانا وانت قاعد لوحدك في اوضتك الله احق من يستحيا منه. يا اخوانا وانت ماشي في الشارع الله احق من يستحي منه. مسكت هتعمل به حاجة الله احق ان يستحي منه. تعاملك مع والدك ووالدتك الله احق من يستحيا منه. تعاملك في الشغل بتاعك مع الناس الله اح من يستحي منه لو اطبق المعنى ده في حياتنا وتعاملنا مع ربنا بالادب ده يفرق معنا كتير جدا. الادب الرابع وهو الرضا بقضاء الله وان كان شر من وجهة نظرك. عايزين اربعة كمان للتبرع بالدم ربنا يحفزكم. اربعة كمان بقى الله يحفزكم. يلا. الادب الرابع مع الله ان يرضى الانسان منا عن قضاء الله. ربنا عز وجل ابتلاك في احب الناس اليك. فاعلم يقينا ان حسن الادب مع الله ان ترضى عن الله عز وجل. وان تعلم يقينا ان هذا البلاء وهذا الضر وهذا المكروه هو الخير الذي ساقه الله اليك وهي النعمة العظمى التي لا تراها على حقيقتها الا اذا انكشف الغطاء. يوم ما ينكشف الغطاء عنك وترى ما اعطاه الله لك على هذا البلاء تعرف قد ايه ربنا كان بيحبك لما ابتلاك بهذا البلاء. لربما ابتليت في بلاء في اعز الناس وفي احب الناس بس ولكن والله يا ابني والله يا ابني هذا هو الخير. يعني من اعجب ما جاءني من الاوراق بتاعتهم. من اعجب ما جاءني من الاوراق بتاعتكم. بنت من البنات هي ما شاء الله من من من اخواتنا دلوقتي. ربنا يا رب يحفظها ويبارك فيها. تقول لي انا آآ بعيد شوية عن الدين. فانا كنت بكره اصلا الملتحين والمنتقبات بكرههم كده اصلا. آآ كنت بتعرفها على ولد وبحبه حب ما بعد حب؟ احنا ايه علاقات وخروج ومش عارف ايه والكلام دون وانا حاسة ان هو بيلعب بي وان هو مش عارف بيعمل ايه وبيعمل ايه وبيعمل ايه وصاحباته يقولوا ايه ده شفناه ماشي مع فلانة وفلانة فسبحان الله لحد ما جه في وقت من الاوقات جرحني باسوأ الكلمات وتعامل معي اسوأ الافعال. كنا في مطعم رفع ايديه وضربني بالقلم قدام الناس وسابني ومشى. قال لي انت قالت لي مش متخيل الوضع اللي انا فيه. رجعت رجعت البيت. وانا عمال اقول لو كان للكون ده اله هو سب ليه اتألم كده لو كان في اله فعلا هو انا باتألم كده ليه لسبع اتعذب كده. لسابني اتهان كده. انتم عارفين بقى دماغ الشباب النهاردة مع اول بلاء كالعادة السؤال فسبحان الله يا اخواننا ولكن يشاء الله سبحانه وتعالى بعد يومين تلاتة لما هدت كده لما هدت كده وبدأت تفكر وعلمت ان المشكلة اصلا كانت عندها وتقول ربنا سق لي بنت كده من البنات. تقول لي سبحان الله! قال هات لها الكلمة بقى الجميلة. ان ربنا سبحانه وتعالى قدر وكتب ان كل قلب من تعلق بشيء سوى الله عذب به. هي بتحب ولد يعني بتموت فيه ربنا يعذبها من قبيل الولد ده. حبت حاجة معينة وقلبها تتعلق بحاجة معينة تقع في الحرام طبعا. العذاب يكون بين الجهة دي تقول سبحان الله ويشاء الله ان البلاء ده ييجي علشان التزم وابدأ احفز قرآن واقرب من ربنا سبحانه وتعالى اخوانا ما فيش بلاء ربنا بيبتليك به الا وراه كمية خير غير طبيعية البلاء ده احنا دايما بنبقى عاملين فيه زي مثال اللي دايما بقوله لكم. زي الابن لدرجة حرارته وصلت اربعين. ولازم ياخد حقن دلوقتي مضاد حيوي وخافض حرارة ومش عارف ايه. والولد ابوه يشيله كده ويروح به الصيدلية. وتلاقي الدكتور بيدي له حقنة قد كده وبيرزع في الولد والولد طفل الصغير ما هو مش فاهم الطفل الصغير ده عمال يقول لابوه ليه بتعمل فيا كده ؟ انت مش بتحبني. لو بتحبني ما خدش الحقنة. انت مش عارف ايه. انا مش بحبك. انا بكرهك انا صح ولكن الولد ده بكرة لما بيكبر وبيبقى عنده ابن وربنا ادى له من العلم والحكمة يعرف كويس جدا ان الحقنة اللي خدها وهو صغير وابوه شايله كده وبياخد الحقنة وهو صغير ابوه كتفه كده يعرف ان الحقنة دي كانت هي الايه؟ هي الخير الحقيقي له. الادب مع الله ان ربنا سبحانه وتعالى اذا ببلاء انك على طول لا تفعل الا ان تقول كما قال الله انا لله وانا اليه راجعون. سيدة ام حبيبة زوجة النبي صلى الله عليه وسلم في في تهاجر بدينها الى الحبشة. وهي في الحبشة طبعا مهاجرة هي وزوجها. تحملوا العناء والسفر والتعب. كل ده علشان الدين. ويوصلوا الى الحبشة. ويبدأوا خلاص. اخيرا اعبد ربنا وتفاجئ ان زوجها امام الشبهات يترك الاسلام ويتنصر. اي بلاء بتمر به السيدة ام حبيبة رضي الله اي بلاء ده هي بنت العز وبنت الحسب وبنت النسب اي بلاء تمر به لما تخرج وحيدة فقيرة لا مال ولا لا تملك من الدنيا الا الزوج. ثم تبتلى في هذا الزوج. ام حبيبة انا لله وانا اليه راجعون. لا ده انت ربنا عاين لك حاجة تانية كبيرة جدا. والنبي صلى الله عليه وسلم لما يعلم بالبلاء اللي وقعت فيه ام حبيبة رضي الله الله عنها يبعت النبي صلى الله عليه وسلم يطلب الزواج من ام حبيبة. وربنا يخلفها بزوجها بمين؟ عن زوجها بالنبي صلى الله عليه وسلم. اخوانا البلاء ده نعمة بس المشكلة عندنا ان احنا لسة فيه غطاء على عيوننا احنا مش شايفين. والله يا اخوانا احنا مش شايفين ولو رفع عنا هذا الحجاب لرأينا بحق ان البلاء ده هو الخير اللي ربنا سبحانه وتعالى ساقه اليك. ومن الادب مع الله سبحانه وتعالى تعظيم شعائره. انك تعظم شعائر الله سبحانه وتعالى. تعظيم الشعائر ومعنى تعظيم الشعائر معنيين. ان تأتي بها على احسن الوجوه. الله لما قال ذلك ومن يعظم شعائر الطيف انها ايه؟ كان ابن عباس يقول الشعائر هنا دي الايات دي نازلة في سورة الحج وهي بتتكلم على الحج ومناسك الحج. فمعنى الشعائر هنا انك لما تيجي تذبح بتاعك ما تدورش على اي حاجة آآ دابة تعبانة عندك كدا خروف ولا حاجة تعبان مريض هزيل انك تجيب اي حاجة تعبانة وتقول اهو خلاص تعظيم الشعائر قال ابن عباس ان تبحث عن اسمنها واعظمها وانفثها. اعظم حاجة عندك وانفس حاجة عندك واكبر دي اللي قربها لربنا فتعظيم الشعائر لما لما تيجي تبذل شيء لله انك تدور على ايه احسن الاشياء واكمل الاشياء. تعظيم الشعائر واسأل الله ان يتجاوز عن تقصيرنا من تعظيم الشعائر تسمع الله اكبر كل حاجة في ايدك تتساب. تعظيم الشعائر انك لما تيجي تعمل حاجة تعملها لله على اكمل الوجوه ضمن الادب مع الله سبحانه وتعالى. آآ عايزين اربعة يا اخوانا للتبرع بالدم. اربعة كمان الله يحفزكم. يلا. من تعظيم الشعائر من تعظيم الشعائر او من تعظيم الله سبحانه وتعالى هو الا خدوا بالكم من الكلام اللي جاي لانه مهم جدا. قال ان تصون معاملتك مع الله من ان يشوبها التفات لغير الله عز وجل. من الادب مع الله انك لما تيجي تعمل العمل تعمله لمين؟ بس قلبك لا يلتفت لاحد اخر. قلبك لا يلتفت الى شيء اخر. هو لله بس سبحانه وتعالى. من الادب مع الله. واحد طاعة الله. اتنين شكر النعمة. تلاتة حسن المراقبة. اربعة الرضا بقضائه خمسة. تعظيم شعائره ستة صيانة المعاملة ان يلتفت قلبك لغير الايه؟ لغير الله. دول ست حاجات يا اخوانا. الدرس الجاي من اهم الدروس الادب مع النبي صلى الله عليه وسلم. وهتجده في الدرس ده من الرقة. احنا والله يا اخوانا يعني سبحان الله هو كان جاهز للاسف الوقت كالعادة بييجي بسرعة. ولكن والله يا اخوانا من ارق الدروس اللي ممكن تسمعها في حياتك. لما هنجيب كده هدي السلف والصحابة والتابعين واتباع التابعين وعلمائنا المعاصرين. ازاي عندهم ادب ورقة في التعامل مع النبي صلى الله عليه وسلم؟ حياتنا كلها هتتغير مع النبي صلى الله عليه وسلم الدرس جاي لما نتعرف على مسألة الادب مع الله سبحانه وتعالى سريعا احاول اخد الاسئلة بتاعتكم. طيب لو في حد من صحتها كويسة. صحتها كويسة. عشان ما تعملناش مشكلة زي المرة اللي فاتت. صحتهم كويسة. تكون ما شاء الله بس يا عم عبدالله وربنا يبارك. آآ اللي ما شاء الله يعني ما شاء الله كويسة وما بتاخدش ادوية او عندها حاجة. وقادرة ان هي تتبرع بالدم ممكن ان شاء الله تتبرع بالدم. ماشي. انا عارف يا عم عبدالله ده هيودينا في ان شاء الله طيب تعالوا نشوف بس بعض الاسئلة بتاعتكم سريعا كده. هل يجوز الحج بمال فوائد البنوك؟ لا يجوز. لان فوائد البنوك ربا حرام لا يجوز ان آآ يعني الانسان يحج بها. ولا يجوز اصلا ان ينتفع بها. بل يخرجها الى الفقراء والمساكين. والنبي يقول ان الله طيب ولا يقبل الا الا طيبا. هل حج النبي مفردا او متمتعا او قرنا؟ النبي صلى الله عليه وسلم حج قارنا. النبي حج قارنا. وامر واصحابه ان يحجوا متمتعين. القعدة على القهوة حلال ولا حرام؟ ارى والله اعلم ان القعدة عليها حرام. لان كثرة الاخطاء والشتايم وسوء الخلق والشيشة والكلام ده. اه لان كل ده اصلا اشياء لا ترضي الله سبحانه وتعالى. ولو سألت حد بس يا جدع انتم ولو سألت حد تحب تموت على القهوة هيقول لك ايه ؟ آآ خليت المسجد احسن. آآ بعض الناس بيقولوا ان عند الدفن الميت ما ينفعش نزور ميت تاني. علشان ده بيجدد عليه الحساب. هل هذا صحيح؟ هذا غير صحيح. وانا عايز انصحكم النصيحة. اي امر متعلق بالموت متعلق بالقبور يا اخوانا لا يقبل من كلام الناس الا اذا جاء من قبل الله او من قبل رسول الله. لان ده يا اخوانا عندنا غيب. اللي جوة القبر ده نحن لا نعرفه. فاللي يقول لك على اي حاجة متعلقة بالقبور اسأله على ده دليل ولا ما عليهوش دليل؟ الله اعلم آآ هل يجوز اذا دخلت الى صلاة الجماعة ورأيتهم يسجدون؟ ان انا اسجد مثلهم وهل تحسب علي لي ركعة آآ بصوا النبي صلى الله عليه وسلم يقول كما عند الترمذي باسناد صحيح اذا اتى احدكم والامام على حال فليصنع كما يصنع الامام اذا جيت ولقيت الامام راكع الحديس بيقول لك اعمل ايه واذا جيت والامام ساجد تعمل ايه؟ وازا جيت ولقيت الامام قاعد بين السجدتين تعمل ايه فانا ازا اتيت الى المسجد اصنع ما يصنعه الامام. اما اللي الناس بتعمله لو الامام ساجد يفضل واقف مكانه كده لحد ما الامام يقوم نقول له لأ ده خطأ وهذا مخالف للسنة. طيب هل تحسب عليها ركعة ام لا؟ لا تحسب لك ركعة. لان الركعة انما تدرك بادراك الايه؟ الركوع. على قول الجمهور قال النبي صلى الله عليه وسلم من ادرك الركوع فقد ادرك الركعة. اما اذا اتى والامام بعد القيام من الركوع او وهو ساجد لا تعد له ركعة اذا اتى احدكم الامام على حال فليصنع كما يصنع الامام. حديث رواه الترمذي باسناد صحيح. هل يجوز قراءة سورة الناس فقط او الفلق فقط في ركعة واحدة ام قراءة المعوذتين معا؟ ثبت من حديث عقبة بن عامر انه قال كنت مع النبي صلى الله عليه وسلم في سفر اه اه قال النبي صلى الله عليه وسلم لي يا عقبة لقد انزل علي الليلة سورتان لم ينزل في التوراة ولا في الانجيل في الزبور مثلهم مثلهما. قل اعوذ برب الفلق وقل اعوذ برب الناس. قال فتعجبت ان الصورتين صغيرين قصيرتين النبي يقول لا التوراة ولا الانجيل ولا الزبور ولا الكتب اللي قبلنا نزل فيهم صورتين بالمكانة والعظمة بتوع الصورتين دول. قال فلما رأى النبي مني العجب اذن لصلاة الفجر فصلى النبي بالركعة الاولى بالفاتحة وقل اعوذ برب الفلق وفي الثانية بالفاتحة وقل اعوذ برب الناس. نعم علشان يأكد ان الصورتين دول ايه؟ اه عظيمتين. ماشي كده؟ كنت ببحس عن عروسة مش انا ده سؤال كنت سؤال سؤال والله. طيب. اخوانا هو اهم حاجة ان الواحد يأمن نفسه. اه انتم مش عارفين دلوقتي حد يقوم جاي قاصص من هنا وقاصص من هنا ويبعت آآ السؤال اهو طيب كنت ابحث عن عروسة كان يبحث عن عروسة فوجد بيقول فوجدت اخ يطلب مني مال مقابل هذا. فهل اعطيه ام وهل يجوز له ان يطلب مقابل هذا العمل الخيري ام لا؟ هو الاصل الا يطلب. ده الاصل افضل الا يطلبه ازا كان بقى بيعمل اتصالات هنا وبيعمل اتصالات هنا وبيربط هنا وبيربط يعني بيعمل خدمات وبيصرف آآ اتصالات وحاجات من كده. فلا بأس ان يطلب ولكن لا يغالي لا يا غالي. الشباب اصلا يعني مساكين. فالاصل انه يعمل هذا الامر حزبا لله سبحانه وتعالى. اما اذا اخذ عليه اجرا فلا بأس باذن الله تبارك وتعالى آآ انا ذاهب لقريتي غدا باذن الله وهناك عزاء اواسي احد راني توفي بالامس. لكن غدا الخميس ولست متفرغ غير ذلك اليوم. فهل الذهاب بدعة؟ ارى انه ان شاء الله ليس ببدعة باذن الله تبارك وتعالى. اه روح مش ما تروحش على ساعة الصوم. روح قبل او روح بعد. آآ تذكرة بصيام بكرة الخميس ان شاء الله. طيب السلام عليكم ورحمة الله. اه اريد فقط ان اعتذر لزوجي فقد ابو الدكتور بالامس واريده ان يسامحني وانا حزينة من امبارح على اساءتي في كلامي. ايوة انا مالي انا طيب. ايه؟ هو لعله يعني موجود معنا هنا. انت عرفت منين اوعى تكون انت. طيب. يعني اه يعني خلاص طالما هي اعترفت واعتذرت خطأها مقبول باذن الله. اتفضل لما هو واقف عشان ربما ما شاء الله. احنا نشكر كل يوم لما حضرتك تيجي اول ما نشكر اشكر الزملاء الاعزاء اللي بيتبرعوا الدم. ما شاء الله. وجميل عليهم. وربنا بيعوضهم بكل خير. يا رب كلنا نشكر هؤلاء وربنا يزيد من امثالكم. اللهم امين يا رب. ربنا يا رب يحفظك يا رب وده لفتة جميلة بيعلمنا ان احنا اخوانا اللي كل مرة بيتبرعوا بالدم ربنا يا رب يجزيهم خير. ويتقبل منهم عملهم يا رب. اللهم امين. جزاكم الله خير. اعوذ بالله عز وجل. طب انتم عايزين اربعة وتمانين دم؟ اربعة يا جماعة متبرعين يلا اما بالنسبة للزوج فطلب اعتذرت انا انصحك انك تقبل ان شاء الله. اقبل النصح وطالما هي بتطلب العفو امام الجميع. فانا اشفع لها عندك. انك تسامحها النهاردة وتعزمها كمان. طيب تركيب الاظافر والرموش والعدسات اللاصقة في الفرح. طيب اما اذا كان الفرح مختلط فقولا واحدا كله حرام. اما اذا كان الفرح فيه نساء في جنب بعيد عن الرجال. الاظافر والرموش حرام. الاظافر والرموش تركيب الرموش الصناعية هذا من الذي لعن النبي صلى الله عليه وسلم من يفعله؟ لعن الله الوصالة والمستوصلة من شعر الرأس بس هو شعر الحاجبين. فده حرام. اما العدسات اللاصقة فلا شيء في ذلك. ما فيش فيها مشكلة حلال. تعملي عدة صلاصقة وانت راحة حلال ما فيش فيها مشكلة بس لا يراها الا من طبعا عدسات لاصقة بتبقى حاجة كده عيون كده جميلة. تلفت انظار الناس. تعمليها هناك ما فيهاش فيها مشكلة. آآ وسط النساء ما فيش فيها مشكلة والله اعلم لو سمحت يا شيخ في لعبة نزلت اسمها الحوت الازرق. اللعبة بتخلي الانسان ينتحر. ما حدش ينزل لعبة الحوت الازرق. حاضر. امبارح يعني انا الناس كلها عاملة هيصة على على الحوت الازرق انا نفسي الناس برضه تعمل هيصة على المواقع الاباحية. ازا كان الحوت الازرق الانسان بيفقد به حياته. فان المواقع الاباحية بيفقد الانسان بها قلبه. دينه. دينه. نعم. انا نفسي الناس برضه تعمل هيصة كده على والعياذ بالله التطبيقات اللي فيها اشياء محرمة لان الدين عندنا اغلى من الحياة. ديني ده اغلى ما املك. يا ريت النهاردة برضه المجتمع زي كل القنوات النهاردة عاملة هيصة على الحوت الازرق. يا ريت برضو بتعملوا هيصة على العري اللي في الشوارع. يا ريت تعملوا هيصة على العري اللي في الشوارع. يا ريت برضو القنوات اللي داعي ان هي بتحب المجتمع والكلام ده. يا ريت برضو بتعملوا هيصة على المخدرات جوة المجتمع وضرر المجتمع ويا ريت برضو زي ما انتم عملتم هيصة عن الحوت الازرق والشو اللي انتم عملتوه كبير في القنوات بتاعتكم. يا ريت برضو الله يبارك فيكم. تعملوا لنا برضه كده ان في حاجة اسمها افلام ومسلسلات بتدمر اخلاق الشباب. دي اسوأ من الحوت الازرق. دي اسوأ من الحوت الازرق. يا ريت والله يكون عندنا برضو كده ايه زي ما الناس كلها ما شاء الله يعني. انا ظني ان اللي كاتبة الورقة دي بنت صغيرة. او ولد صغير. لان خاص اتعمل كده ايه بيقولوا عليه ايه زوم على اللعبة دي فالكل بيتكلم عنها. يا ريت برضو يبقى آآ يقودوا حملات على السوء الخلقي في الشوارع. يا ريت يقودوا حملات على الاولاد اللي قاعدين ليل نهار قدام مدارس البنات. يا ريت يعملوا يعني آآ يعني زوم كده عن المشاكل بتاعة المجتمع الله يحفزكم. يا ريت. حكم دعاء الامام للميت بعد دفنه وعلى القبر مع استقبال القبلة والناس تؤمن وراءه. ارى ان كل واحد يدعو وحده لان النبي قال استغفروا لاخيكم واسألوا له التثبيت فانه الان يسأل. حكم بدء الصلاة بغير اول الاية مثل قوله مثلا والله غفور رحيم يريد يريد الله ليبين لكم سورة النساء. ارى انه لا يجوز. ابدأ الاية من بدايتها. لم يثبت عن النبي صلى الله عليه وسلم ولا عن الصحابة ولا عن التابعين ولا عن احد ان كان بيجيب الاية من اخرها او يجيب الاية من نصها. هات الاية من اولها. والله اعلم. ما حكم التختم بالحديد؟ ارى انه جائز. فالنبي يقول حديد. ده او ده. ما معنى حاضر لو انا مثلا بصلي صلاة فقريت اول وجه في اول ركعة وتاني واجب. ما فيش فيها مشكلة خالص. خالص. هو بيقول مسلا جاب من نص الاية. انما لو قرأ اية هنا او اية هنا ما فيش فيها مشكلة. قرأ وجه ووجه ما فيش مشكلة. ما معنى قول النبي صلى الله عليه وسلم لم يلغو؟ الساعة كم دلوقتي كم؟ ياه! طيب انا اسف جدا خالص اخر سؤال. ما معنى قول النبي صلى الله عليه وسلم لم يلغ في قوله من بكر وابتكر فاستمع ولم يلغ. معنى لم يلغ اي لم يتكلم. اللغو في الجمعة نوعين. النوع الاول قوله صلى الله عليه وسلم من حصن من مس الحصى فقد لغى ان هو مشغول زي مسلا تلاقي مسلا حد بيخطب وفيه واحد وراه ماسك التليفون عمال يلعب ده اسمه لغو. المعنى التاني اللي ورد برضو في احاديث النبي في اللغو في يوم الجمعة من قال لاخيه صه فقد لغى لغوا هنا له معنيين. معنى ان الانسان ينشغل بشيء عن الامام؟ المعنى التاني ان يتكلم والامام يخطب فيشغل نفسه تشغل مين؟ ويشغل من حوله. ده المعاني والله اعلم. جزاكم الله خيرا انا طولت عليكم النهاردة. ونكمل ان شاء الله الادب مع رسول الله صلى الله عليه وسلم الاسبوع القادم هذا وصلى الله