قاعد ده احنا كنا بنقعد كده ونسمع عشان ننزل نضل الناس. هو ايه اللي حصل اي حد بيقرب من السماء دلوقتي ان الشياطين بيتكسف ليه؟ في داعية هيشتغل في الارض في دعوة ربنا انا نورا بالكتاب الاعظم فلتسعدي يا نفس ولتتنعمين سيري الى المولى الكريم الاكرمين. في نور ايات الكتاب الاقومي. يا نستنون بالكتاب السلام عليكم ورحمة الله وبركاته. اخواني واخواتي في الله خلاص يا جماعة احنا دلوقتي في المحطة قبل الاخيرة في سلسلة اني انست نورا الموسم الثاني. وصلنا للجزء التسع وعشرين وانا اعيش مع كلام الله سبحانه وتعالى. عايزين رمضان ما يبقاش اخر عهدنا بالقرآن ولا اخر عهدنا بتدبر القرآن. عايزين رمضان يبقى بداية ما يبقاش نهاية يا جماعة رمضان بداية مش نهاية يا جماعة. يا اخوانا اذا فرغت فانصب مش ازا فرغت فالعب. يا جماعة عايزين نخطط لبعد رمضان من الوقتي. يا اخوانا اذا ارتاح غفل والنعيم لا يدرك بالنعيم. وعلامة قبول الطاعة في رمضان هو فتح ربنا لك في الطاعة بعد رمضان. لو انت عايز تعرف ربنا قبلك ولا لأ؟ عايزين نجتهد من الوقتي الشعار الاولاني يخشون ربهم بالغيب ان الذين يخشون ربهم بالغيب. فيه ناس كتير اوي تقدر تخشى ربنا قدام الناس وتقدر تعمل اعمال عظيمة في الدين قدام الناس. انما بالغيب بقى واول ما تقفل على نفسك اوضتك بتلاقي انا مش هقول لك انك بتفتح اليوتيوب وتتفرج على مواقع وحشة. انا بقول لك انك بتقوم رامي نفسك على السرير ونايم. يعني ايه يخشون ربهم؟ يعني خشية الله تتفجر القلب مش يخافون يخشون تعظيم الله في القلب يتفجر اول ما تلاقي نفسك لوحدك. ونظر ربنا بس لك. ساعتها تقوم تصلي. وساعتها تبقى اعلى وانت لوحدك مع ربنا اكتر من وانت همتك قدام الناس اللي اللي خلوته اعظم حالا من جلوته. ده ثواب ايه؟ لهم مغفرة لذنوب السر والعلن. واجر كبير. لما الكبير يقول كبير. يبقى حاجة اكبر مما تتخيل الشعار الثاني لا يزلقونك بابصارهم. وان يكاد الذين كفروا ليزلقونك بابصارهم لما سمعوا الذكر يزلقونك اي يقتلوك ويطعنوك. يعني هيدوك نص نزرة حسد ولا عضة اسد هلأ هو الحسد بيقتل؟ اه الحسد بيقتل يا جماعة. الرسول عليه الصلاة والسلام يقول ان العين لتولع بالرجل. يعني تتنشى عين تلاقي نفسك ولعت. جالك اكتئاب وتوتر لو خدت شريط مهدئات ما بيعملش معك حاجة لا يطولع بالرجل حتى يتردى من على الجبل يطلع ينتحر ويرمي نفسه من الدور العشرين وما به الا العين. يعني كان محتاج رقية. ما كانش محتاج ان هو ينتحر فالعين بتقتل العين بتقتل. طيب يبقى نقول افكارنا بازن الله سبحانه وتعالى. ماشي صعب عليك انك تقول مرة الصبح ومرة بالليل. اعوذ بكلمات الله التمات من شر ما خلق. ولكن برضو فيه فايدة تانية مهمة اوي ان الدين بيتحسد زي ما الدنيا بتتحسد. ربنا ما قلش ليزلقونك بابصارهم لما رأوك المدير التنفيزي لشركة السيدة خديجة التجارية. ما قالش ربنا ليزلقونك بابصارهم. لما لاقوك بتكسب ملايين في رحلة الشتاء والصيف بعد ما تاجرت مع خديجة قال له لما سمعوا الذكر. يا جماعة الدين بيتحسد اكتر ما الدنيا بتتحسد السعادة الزوجية بتتحسد اكتر من الفلوس بتتحسد. راحة البال والضحك بيتحسد. اكتر من اي حاجة بتتحسد. الصلاة وقيام الليل ما تقعدش بقى تصلي على نفسك ربنا فتح عليك في قيام الليل. ما تصحش على نفسك بقى. ربنا فتح عليك في عبادة. ما تقعدش بقى تتكلم كتير. يا جماعة خافوا من الحسد. طب اخاف من الحسد ازاي انك انت تحافز على الازكار بتاعتك وتبقى حكيم ما فيش اي حاجة تتقال قدام اي حد. الشعار التالي وتعيها اذن واعية لنجعلها لكم تذكرة وتعيها اذن. اذن هنا مفرد. ليه؟ لان مجرد ان واحد يسمع دين ويتعظ مجرد ان واحد يلتزم على ايدك. مجرد ان ودن واحدة بس تسمع دين بسببك؟ انت عملت مكسب كبير اوي عند ربنا سبحانه وتعالى. وفي نفس الوقت مش مجرد ان احنا اتكلمنا في الدين الناس هتلتزم لأ لازم الازن تبقى واعية. لازم كل واحد يبقى واعي لمصلحته. لازم كل واحد يبقى فاهم مصلحته. ومركز في الكلام اللي بيتقال بتاع الدين. انما احنا بالنسبة لنا ودن واحدة تسمع دين بسببك واحد يسمع دين بسببك وربنا يقبلها. انت بقى لك حظ كبير عند ربنا. سبحانه وتعالى الشعار التالي ولا يحض على طعام المسكين ولا يا جماعة ربنا بيتكلم على خذوه فغلوه وهيترمى في جهنم وهيتسلسل في جهنم. عشان يا رب عشان حاجتين. رقم واحد كان لا يؤمن بالله العظيم جريمة جبارة. طب والجريمة التانية في حق الله؟ لأ في حق الفقير والغلبان. ولا يحض على طعام المسكين. قيمة الحياة الاجتماعية في الدين. قيمة الاعمال الخيرية في الدين. قيمة الصدقة في الدين. قيمة الاخلاق والمعاملات في الدين لدرجة ان ربنا قال اتسلسل في جهنم بسبب جريمة في حق الخالق وجريمة في حق الفقراء الشعار التالت التالي عن اليمين وعن الشمال عايزين هو ايه اللي حصل؟ النبي عليه الصلاة والسلام اول ما بدأ يشتغل في المرحلة الجهرية قبل ما مكة تعاديه بقى الاعلام المضاد يشتغل الناس اول ما سمعت النبي النبي طبعا كان شخصية جبارة. النبي كان شخصية مجتمعية جبارة هو اللي شال الحجر الاسود في التوب بتاعه عليه الصلاة والسلام في بناء الكعبة النبي عليه الصلاة والسلام كان شخصية تجارية لامعة في المجتمع المكي. النبي كان شخصية في في حلف الفضول. يعني من قادة المجتمع المدني ومن الناس اللي بتحرك الاحداس في مكة قبل البعسة اصلا عليه الصلاة والسلام. فالنبي شخصية جزابة وشخصية عالية جدا في الرقي الاجتماعي والذوق فاول ما جه يتكلم في الدين الناس انبهرت بكلامه. ساعات يا جماعة داعية يطلع يتكلم في الدين في فضائيات معينة وبس هو ما بيتكلمش في الحلال والحرام يجيب الكلام اللطيف بس اللي بيعجب الناس حقيقة ما فيش حد بيسمعه بيتغير حقيقة ممكن تسمع تسعين في المية من التعليقات اللي بيسمعوه. يقول لك انا مش قادر اصلي. مش قادر اصلي. طب يعني ازا كانت اللي بيسمعك ما بيصليش. اومال انت بتغير ايه؟ في المجتمع وبتغير ايه في الواقع ازا كان يبقى هنا مين النجم لازم اي داعية يسأل نفسه في الاخر مين اللي بقى نجم انا ولا الدين مين اللي باع نجم؟ انا ولا القرآن مين اللي بقى نجم انا ولا السنة؟ فربنا لما النبي عليه الصلاة والسلام بدأ يشتغل في الدعوة الناس انبهرت بشخصية النبي الكفار. فربنا بيقول فما للذين كفروا قبلك بيجروا عشان يسمعوك. عايزين يسمعوا الكلام الحلو. كانك مدرب تنمية بشرية ولا معالج نفسي. ولا لأ يا باشا انا لا مدرب تنمية بشرية ولا معالج ولا مرشد اسري ولا بتاع علم شخصيات ولا بعمل تحليل الاربعة وتلاتين صفة بتقعد جالوب في تحليل الشخصية ولا بتاع زكاء انفعالي وزكاء عاطفي وزكاء تحياتي انا يا باشا مش بتاع هيلبي بروفيشنز. انا راجل بتاع جنة ونار. انا راجل بتكلم عن عذاب القبر ونعيم القبر. اوعى بقى تقوم بقى لابس اللبس الحلو اوي واللسان الجميل اوي والميديا العالية اوي وفي الاخر كل ده بدل ما يخدم على قال الله وقال رسول الله يبقى انت اللي بقيت نجم في الاخر. الناس بتحبك. قبلك. الناس بقت قبلك يا مهطعين. عن اليمين وعن الشمال عايزين. عايزين يتصوروا معك. وعايزين اه يبقوا جنبك وعايزين بس في النهاية كل دول ولا واحد بيتغير منهم. على فكرة الدين ما كسبش حاجة من وراك على فكرة لو انت اللي بقيت النجم انت كده مش ماشي ربنا بيقول للنبي خد بالك. انت المفروض مش انت النجم. النجم هو القرآن. فلو الناس جت تسمعك على انك لزيز ولطيف وفي الاخر ما حدش اتغير انت كده بقيت انت النجم اوعى اوعى انت المفروض الدين هو اللي يبقى النجم. اومال احنا بنلبس حلو وبنستخدم الميديا وبنستخدم الاعلام وبنعمل كل ده ليه ؟ عشان الدين هو اللي يركب البي ام مش انا اللي اركب البي ام كل داعية لازم يراجع نفسه الشعار التالي فلا اقسم برب المشارق والمغارب. انا لقادرون. كلمة جبارة حب المشارق والمغارب الواحد لما بيجي يرفع ايده كده ويقول يا رب المشارق والمغارب. الواحد بيقعد يحس ساعتها يا جماعة يا ترى مشارق الارض بلاد الشرق كلها دلوقتي كم واحد الفقير اغتنى النهاردة كم واحدة ما كانتش بتحمل وعملت اختبار حمل وطلعت حامل النهاردة. كم واحد كان مريض وراقي النهاردة كم ومغارب الارض يا جماعة؟ كم واحد كان مكروب وربنا فرج كرب النهاردة كم واحد كان مأزوم وربنا فرجها عليه النهاردة يا رب ده انت كريم اوي. يا رب ده انت مالي المشارق والمغارب خير وفتح كم واحد كان كافر واسلم النهاردة؟ كم واحد كان عادي وربنا خلاه والي النهاردة كم واحد كان جاهل وربنا علمه الشرع النهاردة كم واحد كان ما بيصليش وصل يا رب وانا يا رب وانا يا رب يا رب المشارق والمغارب يا اللي مليت الشرق والغرب كل يوم من فتحك ونصرك ونورك وكرمك وبرك واحسانك انا كمان يا رب يا رب ما انزلته على عبادك الصالحين. من فتح ونصر ونور ومدد وبركة وحفظ. فاجعل لي منه اعظم وانا يا رب مد ايدك وقل له يا رب المشارق والمغارب. انت بتدي كتير اوي اديني انا كمان يا رب. فلا اقسم برب المشارق والمغارب لقادرون لما تشوف معجزات قدرة الله على الرزق وعلى الخلق وعلى شفاء في المشارق والمغارب تعرف ان ربنا سبحانه فعلا قادر سبحانه وتعالى فمن يستمع الان يجد له شهابا رصدا. هو ايه اللي حصل؟ ايه قوات الكوماندوز الملائكية اللي مالية السماوات دي؟ ايه اللي حصل؟ ده بيقولوا انا كنا نقعد منها ربنا بينصر الدعاة وبيأيد الدعاة اشتغل في الدعوة وما لكش دعوة يا بخته اللي هيصبر على باب الدعوة الى الله يا بخته اللي هيشتغل في دعوة ربنا. يا بختها اللي هتفني عمرها في بلاغ عن الله. وفي نشر الهداية. يا جماعة اشتغلوا في الدعوة. يا جماعة زي ما الحسد البصري بيقول على الداعي الى الله في قول الله سبحانه وتعالى ومن احسن قولا ممن دعا الى الله. قال هذا حبيب الله. هذا ولي الله هذا صفوة الله هذا خيرة الخلق عند الله. هذا احب اهل الارض الى الله يا بخته اللي هيشتغل في الدعوة والتربية. الشعار التالي وربك فكبر. الفاء دي بيسموها في اللغة فاء الحسم زي فليعبدوا رب هذا البيت. يعني ايه الفاء هنا في اي حزم؟ يعني ايا ما كان الزروف ايا ما كان المشاكل ايا ما كان العوائق ايا ما كان الحجج اعبد رب هزا البيت زي واياي فاره هابون. الفاء نفق حسم. يعني ايه ؟ يعني مهما كان سطوة الباطل. مهما كان اللي بيهددوك لا ترهب الا الله. هنا وربك فكبر فالحسم مهما كان اهل الباطل كبار ولهم قدر واصحاب سطوة لا يكن في قلب بك كبيرا الا الله. كبر ربنا سبحانه وتعالى. كبر ربنا وانت بتقول الله اكبر الله اكبر. افتكر ان ربنا اكبر من اهل الباطل كلهم. وربنا اكبر من الدنيا اللي شاغلاك عنه وربك فكبر خليك حاسم في غيرك خلي عندك حسم وتصميم وعزيمة في دينك الفاء هنا بتنطق بمعاني كتير جدا لاهل الدين ولاهل الايمان. الشعار التالي اولى لك فاولى ثم اولى لك فاولى. مدار كلام المفسرين في الاية دي يا جماعة على حاجتين. اولى لك فاولى اي اقترب العذاب نهايتك قربت اولى اي صار يليك الذي يليني هو اقرب واحد لي. اولى لك اي صار العذاب يليك. ما عدش فيه حواجز بينك وبين انتقام ربنا يعني خلاص نهايتك قربت الحق نفسك. بينك وبين الضياع خطوة. خلاص الحق نفسك. طب والمعنى التاني؟ اولى من الاولويات هو انت مش هتفوق بقى ؟ هو انت هتفضل اولوياتك بايظة في الحياة اولى لك؟ كان اولى لك غير هذا. ايه رقم واحد في حياتك؟ ايه رقم اتنين في حياتك ايه رقم تلاتة في حياتك ايه اصل نفس السورة دي سورة القيامة ربنا قال فيها على يوم القيامة ينبأ الانسان يومئذ بما قدم واخر بما قدم يعني ايه اولوياته ايه الحاجة اللي كانت مقدمة ايه الحاجة اللي كانت لها قيمة؟ واخر ايه الحاجة اللي كان عادي؟ جت جت ما جتش ما جتش. يوم القيامة يوم حساب على الاولويات. فربنا بيقول لك من الدنيا اولى لك فاولى ثم اولى لك في اولى رتب اولوياتك صح رتب اولويات انفاقك المالي. رتب اولويات انفاق وقتك وجهدك. رتب اولويات اهدافك في الحياة. عشان ما تندمش. يوم القيامة الشعار التالي فاسجد له فسبحه ليلا طويلا العبادة اللي ربنا طالبها مننا يا جماعة العبادة اللي ربنا طالبها من اصحاب الرسالة وطلاب الفردوس الاعلى عبادة كبيرة يا جماعة. فمن الليل فاسجد له وسبحه ليلا طويلة انت عايز العبادة فعلا تجيب لك سعادة خلاص ما تاخدهاش خطف بقى عايز العبادة اللي بتجيب سعادة؟ عايز العبادة اللي بتجيب كرامات؟ عايز العبادة اللي ربنا بيغير لك بها رزقك؟ عايز العبادة اللي ربنا بيدخل بها الفردوس الاعلى بفضل الله. طبعا عايز العبادة اللي ربنا بيفتح عليك بقى في الدين والدنيا. عايز العبادة اللي ربنا بيتولى فيها اختياراتك ويسدد خطاك في الحياة ويقوي عزيمتك وسبحه ليلا طويلا. العبادة الطويلة الهادية. اللي انت عندك وقت فيها تعيش مع معاني معرفة الله. سبحانه وتعالى. الشعار الاخير في الليلة والمرسلات عرفا. فالعاصفات عصفا. ايه اللي قلب العرف عصف المرسلات فيه رسايل جاية لك من ربنا. بس جاية لك عرف بالمعروف. يعني جاية لك بطريقة انت مش مستنكرها. انت مش مستصعبها. يعني رسايل ربانية جاية لك بطريقة هادية. ربنا بعت لك حد ينصحك ربنا بعت لك مقطع كده وانت داخلة على الفيس او على السوشيال ميديا فيه حل مشكلتك او فيه توجيه لعبادة معينة. طيب اللي جا له الرسايل اللي بالمعروف وما رضاش يسمعها فالعاصفات عصفا. هتيجي الرسايل العاصفة بقى هتيجي بقى الرسايل الابتلاء بمرض الابتلاء بمشكلة مالية. الابتلاء بمشكلة نفسية. هو ايه يا رب المعاملة اتغيرت ليه ؟ ما انت ما رضتش تسمع الرسايل في الاول. ما تتأخرش. حتى لو انت صالح. السونابحي اتأخر خمس دقايق خمس تيام عن موت يعني عن النبي عليه الصلاة والسلام خرج مهاجر من اليمن للنبي عما كان بينه وبين خمس تيام النبي مات عليه الصلاة والسلام. فما لحقش النبي ما لحقش يبقى صحابي. ما لحقش يبقى الصونابحي رضي الله عنه بخمس تيام ازا كان بيندم طول عمره يقول كان بيني وبين رسول الله خمس ليال كان بيني خمس تيام اطلع بدري وكان يبقى اسمي رضي الله عني وارضاني سبحان الله العظيم مش عايزين نتأخر يا جماعة. القرآن بيقول لك يلا قم يلا قم و هتقدر قوم العباس ابن عبد المطلب خرج مهاجر. والنبي على مشارف مكة لحق الهجرة في اخر لحظة قم وهتلحق بازن الله. اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا. اللهم اجعلنا من اهل القرآن الذين هم اهلك وخاصتك بكرة ان شاء الله. الحلقة الاخيرة السلسلة المباركة دهي سلسلة اني انست نورا الموسم الثاني اللي اسأل الله ان يتقبلها خطوة في طريق ان الامة تعرف عظمة القرآن وتسلك طريق التدبر في القرآن ونحقق قول الله وجاهدهم به به بالقرآن جهادا كبيرا. سبحانك اللهم وبحمدك اشهد ان لا اله الا انت استغفرك واتوب اليك. وجزاكم الله خيرا انا است نورا بالكتاب الاعظم فلتسعدي يا نفس والتتنعمين سيري الى المولى الكريم الاكرمين. في نور ايات الكتاب الاقومي. يا نستنون بالكتاب