يا رب رقني. يا رب نور بصيرتي. يا رب انا عايز ابقى من الابرار. لن تنالوا البر. حتى البر ان ربنا يقول لك رجل البر والاحسان. بيدي مساعدات ربنا اعظم اعظم بر في الوجود. ربنا حتى يقول لك بر النجاة. انا باغرق ولقيت بر. لقيت امان اخيرا. لن تنالوا البر لن تنالوا امان الله. لن تنالوا احسان له عطاء الله وفتح الله. واعظم بر هو الجنة لن تنالوا الفردوس الاعلى حتى السلام عليكم ورحمة الله وبركاته. اخواني واحبابي في الله وصلنا لفين ؟ لقطنا فكرة السلسلة ولا لأ ؟ احنا دلوقتي هنتكلم في الشعارات القرآنية من الجزء التالت بازن الله سبحانه وتعالى. يا ترى وانت بتقري الجزء الاول والتاني بدأت تخرجي الشعارات القرآنية؟ اللي احنا بنسميها بصمات القرآنية على قلوبنا بقى لما بتقري صفحة من صفحات القرآن فيه بصمات قرآنية بتفضل على قلبك فيه جملة كده علقت معك. الجملة دي بقت شعار قرآني بقت شعار تحمسك لقيام الليل بيخليك تتعاملي مع زوجك بطريقة مختلفة عن قبل كده. بيخلي شخصيتك واخلاقك مع الناس مختلفة عن قبل كده. بيخلي همتك في التربية او في التعامل مع القرآن مختلفة عن قبل كده. فكرة السلسلة الشعارات القرآنية. القوة بين ايديك. كل جملة من جمل القرآن معجزة بتديك قوة رهيبة وحماس في اتجاه من اتجاهات الحياة. تعالوا بقى اما نتكلم في بعض الشعارات القرآنية من الجزء التالت ركزوا معي يا جماعة. لان الفكرة مهمة خطيرة فكرة يتلونه حق تلاوته. ان احنا مش نقرا بس نقرا صح. نقرا صح ازاي نخرج من كل مرة بنفتح فيها المصحف او نسمع فيها القرآن من اي قارئ بنحبه نخرج بشعارات قرآنية جديدة ولو شعار واحد كل يوم هينور لنا حياتنا بعد كده. زي وعجلت اليك ربي لترضى. زي في اي الفريقين احق بالامن. زي وجهت وجهي للذي فطر السماوات شعار على شعار على شعار نور على نور على نور زي ما ربنا قال بصائر من ربكم عيون كل جملة في القرآن عين جديدة بتنور لك مساحة كانت ضلمة في حياتك. في اخلاقك في معاملاتك في همتك في دنيتك بكل جزئية من جزئيات حياتنا. اول شعار قرآني هناخده من الجزء التالت هو اول كلمة في الجزء التالت. تلك الرسل الله اكبر تلك تلك دي اسم اشارة للبعيد. بتيجي لما اكون زي اولئك على هدى من ربهم. اولئك اسم للبعيد. يعني الناس العالية قوي دي الناس اللي فوق تلك الرسل الشخصيات العظيمة دي هي ديت اللي ربنا بيختارها تشيل رسالة الدين. الكلمة دي جت بعد قصة سيدنا داود لما وقف في وش جالوت الجلود جالوت ده حواليه حرس ملكي مرعب. جالوت ده في معركة مرعبة في تحرير فلسطين وفتح المسجد الاقصى. داود وهو صغير عمل بطولة مزهلة مزهولين منها تلك الرسل كل الانبياء كده. كل حياتهم كده ابطال اكبر مدرسة لتعليم البطولة في الحياة هي قصص الانبياء. اكتر مدرسة هتذهلك وهتبني شخصيتك الايمانية وهتملى حياتك بعلو الهمة انك تقرا قصص القرآن في في قصص الانبياء في القرآن صح لما تلاقي قصة داود ولا سليمان ولا يعقوب ولا ابراهيم ولا موسى ولا ولا سيدنا عيسى عليهم الصلاة والسلام ركز ركزي كلمات الانبياء في القرآن طول ما انت ماسكة ربنا مش هيسيبك ولا هيتخلى عنك ابدا. خليك ماسك في طريق ربنا الشعار اللي بعد كده فاماته الله مائة عام ثم بعثه. واحد عدى على فلسطين لقاها محتلة وخرابة وفساد. قال انى يحيي هذه الله بعد دي اعزم مدرسة لتعليم البطولة في الحياة. قصص الانبياء في القرآن اكتر حاجة اسرت في حياتي. وانا طالب كنت اتخيل انها مدينة. اول ما ارفع راسي من فوق حوار السور بتاعها الاقي واحد قاعد في سجن بقى له عشر سنين يسبح ربنا. ولما الملك يبعت له يخرجه ويقول ارجع الى ربك. يوسف. واحد تاني يعقوب بقى له اربعين سنة فاقد ابنه ونور عينيه. ولما يفقد ابنه التاني يقول عسى الله ان يأتيني بهم جميعا. ربنا يقدر كل مشاكل حياتي في لحزة. وواحد تالت سيدنا ابراهيم زي ما هناخد الوقت طالع جبل نازل جبل عشان يتدبر في خلق الله. عشان يحصل اليقين الراسخ. وواحد رابع سيدنا سليمان عشرين الف فرس تتعرض عليه في جلسة زكر يدبحها ويقول طفق مسحب يعني ما لكوش مساحة في قلبي ولا في حياتي وعطلتوني عن جلسة زكر واحدة حتى لو تساووا مليارات. كلمة سبحان الله وبحمده اغلى عندي من مليارات الدنيا تلك الرسل. يا جماعة بتقروا قصص الانبياء في القرآن ركزوا اوي اوي اوي لان اكتر حاجة هتقلب حياتكم هي قصص الانبياء في القرآن وايات معرفة الله في القرآن اللي احنا هناخد منها الشعار التاني وسع كرسيه السماوات في اية الكرسي ايات معرفة الله هتعرفك ايه غايتك. وايات قصص الانبياء هتعرفك ازاي توصل لان دول اعظم من وصلوا الى الله. وسع كرسيه السماوات. اية الكرسي ده اعظم اية في القرآن كله. ربنا بيقول فيها وسع الملك الوحيد في الوجود اللي عرشه اكبر من مملكته هو الله. الكرسي ده مش العرص. الكرسي كما يقول ابن عباس موضع قدمي الرب. يعني وانت بتسجدي خدي كده وبتقولي سبحان ربي الاعلى وسع كرسيه السماوات والارض. يعني كل الكون تحت الكرسي والكرسي ده قدمي الرب من غير تشبيه ولا تمثيل. سبحان الله! يعني كل الكون ده تحت قدمي الرب بملوكه بعزماؤه مليارديراته بالدول السبعة الكبار بكل ما فيهم كله تحت قدمي رب العرش العظيم. عشان كده الاية دي قبلها ربنا جاب بطولة داوود جالوت وبيقتل جالوت في تحرير الارض المقدسة. وبعدها جاب بطولة ابراهيم وهو داخل على النمرود ومش خايف من النمرود وبيقول له ان الله بالشمس من المشرق فأت بها من المغرب قبلها بطولة امام طاغية جالوت وبعدها بطولة امام طاغية النمرود كأن وسع كرسيه السماوات بتعلمك البطولة. بتعلمك ان كل ما دون الله دون. بتعلمك ان كل من سوى الله خيالات مآتة. ما تخافش من حد. وانت شغالة في الدعوة الى الله افتكري كرسيه السماوات. وانت متردد ما بين ترضي ربنا ولا ترضي مخلوق. افتكر وسع كرسيه السماوات. ايات معرفة ربنا هتملى قلبك بيقين جبار الشعار التالت بعد اية الكرسي سبحان الله قال الله لا اكراه في الدين. ما هو اللي يعرف ربنا بقى خلاص لازم يروح له بحب. يعني ايه لا اكراه في الدين يعني الحاجة اللي انت هتعمليها في الدين وانت كارهاها دي ممكن ربنا ما يقبلهاش لأ ما هو في نفس الصورة فمن تطوع خيرا فهو خير. امتى ربنا بيقبل لما بتكون الموضوع طواعية؟ لما بيكون الموضوع انت جاية بتوعك لربنا جاية بقلبك انما اللي جاي برجليه وبيتجرجر ده اللي جاي مكره هو مش عايز يصلي مش عايزة تصوم. اللي بيعمل الدين ومكره ده ممكن ربنا ما يقبلش منه. لا اكراه في الدين شرط ان ربنا يقبلك انك تكوني جاية له بحب وبقلبك. اتعلموا حب الله يا اخواني. لان حب الله هو سر اصطفاء الله. بعد كده الشعار الرابع وربنا بنتكلم عن العضوة الوثقى وربنا بيتكلم عن الصلة اللي بينك وبينه. قال لا انفصام لها. لا انفصام. يعني ايه لا انفصام؟ مش لا انفصال. الانفصال لما يكون حاجتين يعني ايدي اليمين وايدي الشمال مسكوا في بعض وانفصلوا. دي حاجة ودي حاجة اصلا. انما الانفصام لما تكون حاجة كيان واحد وتشقط نصين قلبك والقرآن دي حاجة واحدة اصلا. لا انفصام اخطر مرض في الطب النفسي. ربنا يحفزنا فصام الشخصية. اللي هو الجنون. يعني ايه فصام؟ ان البني ادم انفصل عن الواقع بقى الواقع فيه احداس والبني ادم بيفكر فبيسموه مجنون. لان هو خلاص بقى بيحسب ان امه ديت آآ واحدة جاية تقتله وبقى بيحسب ان ابوه ده واحد بيراقبه وبقى بيحسب انفصل عن الواقع ربنا يحفزنا. اخطر من فصام الشخصية الفصام الديني ده اخطر مرض موجود في الوجود ان الانسان ينفصل عن الله. ان قلبك ينفصل عن القرآن. ان يبقى القرآن بيتكلم في مفاهيم وانت عندك مفاهيم تانية لا انفصام لها. يعني ربنا عمره ما هيسيبك. ولا هيتخلى عنك ابدا ابدا. انت اللي ممكن تنفصم. انت اللي ممكن تسيب. انما ربنا طول وربنا اماته مائة عام. فربنا بيقول فاماته الله مائة عام ثم بعثه. عشان بعد مائة عام لما صحي وشاف الدنيا اتغيرت ازاي؟ وفلسطين اتحررت الدين رجع والدنيا رجعت والاسلام بقى عزيز قال اعلم ان الله على كل شيء قدير. فيه حاجات تمنها غالي اوي يا جماعة الايمان تمنه غالي. الراجل ده دفع ميت سنة من عمره تمن انه يحصل كلمة اعلم ان الله على كل شيء قدير. يوسف دفع عشر سنين سجن من عمره عشان يحصل تمن كلمة ارجع الى ربك. اغلى حاجة تنفق فيها عمرك انك تزود ايمانك. اغلى حاجة تنفقه فيها عمرك انك تجاهدي في قراية القرآن في قيام الليل تجاهد في التدبر في الخلق عشان ايمانك يزيد. وده الشعار اللي بعد كده مع سيدنا ابراهيم ثم اجعل على كل منهن جزءا. بيقول يا رب انا عايز ليطمئن قلبي. هو انت لسة قلبك ما اتطمنش يا ابراهيم! ده انت كنت واقف قدام النمرود الوقتي بتقول له ان الله ياتي بالشمس من المشرق. كل اليقين ده ولسه عندك طموح اعلى من كده. المؤمن ما لوش حدود لطموحه مع الله. المؤمن مهما وصل لمقامات ايمانية عايز الاعلى. خدي بالك طول ما همتك عالية لازم هتدفعي تمن همتك طول ما انت احلامك كبيرة لازم هتتعب اكتر من غيرك. لانك هتوصل اكتر من غيرك. كان ممكن ربنا ما يقولوش قطع الطيور خمسين حتة واطلع خمسين حط على كل جبل حتة. ارميهم قدامك. وبعد كده نناديهم هيطلعوا تاني. وتبقى الاية اتحققت. ليه ربنا خلاه يطلع جبال وينزل جبال؟ ليه ربنا خلاه يبزل المجهود المزهل ده لانه عايز هدف عالي ما دام عايزة هدف عالي لازم تدفعي تمن الهدف العالي دا. لازم تعرفوا يا اخواني ان انتم اعلى ناس في الوجود عندكم همة. انتم عايزين الايمان. انتم عايزين الحاجة اللي مثقال ذرة منها بتنجي من عذاب جهنم. انتم عايزين الايمان اللي ربنا ما بيضيعوش ابدا وما كان الله ليضيع ايمانكم ادفعوا تمن الايمان. مهما تعبت عشان تحصل الايمان. مهما تعبت في قيام الليل. مهما تعبت وانت بتتدبر في الخلق. مهما تعبت وانت بتحاولي تعملي ختمة صح لاول مرة في حياتك في رمضان وتستخلصي الشعارات القرآنية وبصمات النور. القرآنية من كل جزء. افتكري ثم اجعل على كل جبل منهن جزءا هو ده تمن تحصيل الايمان انك هتتعبي اكتر ما غيرك هيتعب. بس هتاخد في الاخر ان ما فيش حد هياخده ابدا في غيرك من الشعارات الجبارة في الجزء التالت. وربنا بيتكلم عن اللي بينفقوا اموالهم عشان يصلحوا قلوبهم. عشان يزكوا نفوسهم. قال فان لم يصبها وابل فطل. الله! الجنة ربنا بيشبه ان فيه جنة. الجنة دي نزل عليها مطر. المطر ده ممكن يبقى وابل. يعني مطر كتير ممكن يبقى طل يعني ندى او رذاذ خفيف المطر ده هو العمل الصالح اللي انت بتعمله عشان ينزل المشاعر الايمانية على قلبك. والجنة دي هي قلبك بسبب الاعمال الصالحة. بسبب الصيام والقيام والتراويح والتهجد والزكر والتدبر في خلق الله قلبك بيبقى جنة. فان لم يصبها وابل لازم تغزي قلبك. لازم قلبك ينزل عليه مطر. امال هيجيب منين ؟ ما هو النبي عليه الصلاة والسلام كان بيقول ان تجعل القرآن العظيم ربيع قلبي. الربيع المطر. يا رب خلي قرآن وايات القرآن مطر نازل يخلي قلبي جنة. فان لم يصبها وابل لو ما انتاش قادر انك تجتهد في العمل الصالح. بحيس ان قلبك ينزل عليه من المشاعر الايمانية تخليه جنة فطل رزاز ندى اوعى تهمل قلبك. اوعي تهملي قلبك عشان ما يبقاش قفر وتيجي يوم القيامة يوم ما تبلى السرائر. تفاجئ ان قلبك خرابة لانك ما اهتمتش به. وما عمرتهوش وما غزتهوش بالاعمال الصالحة من الشعارات القرآنية الجبارة في الجزء التالت بعد ما ربنا خمس صفحات بيتكلم عن الانفاق في سبيل الله. كلنا بيتهيأ لنا ان ربنا بيقول انفقوا على الفقراء على اليتامى. فوجئنا ان ربنا بيقول انفقوا لمين؟ للفقراء الذين احصروا في سبيل الله. يعني ايه احصروا في سبيل الله؟ يعني بقى محاصر. مين اللي حاصره؟ وتحاصر ازاي؟ لأ احصر في سبيل الله يعني واحد شغال في الدعوة. وبقى من كتر النفع بتاعه في دعوة غير المسلمين او في الاعمال الخيرية. ما عدش عنده وقت يشوف دنيته. ربنا قال الناس اللي محترفة على صغور الدين دي اعزم ناس تنفقه عليها. واعزم ناس تكفلوها لان دول احصروا في سبيل الله. دول خير من مشى على وجه الارض. بعد الانبياء. ختام سورة البقرة امن الرسول بما انزل اليه من ربه والمؤمنون. اول من امن بمحمد هو محمد. عشان تنجح في دعوتك لازم تبقى انت اكتر واحد مؤمن بها. عشان انجحي في رسالتك وقضيتك. لازم تبقي اكتر واحدة مؤمنة باللي انت بتضحي عشانه. امن الرسول. سيدنا محمد وقف في وش الدنيا كلها ليه؟ لانه كان مؤمن باللي هو بيعمله. كان مصدق اللي هو بيعمله. يبقى لازم اللي بيدعو الحاجة واللي عايش عشان رسالة يبقى اكتر واحد مصدقها. فعشان كده ربنا ختم سورة البقرة بكلمة حلوة اوي. وقالوا سمعنا واطعنا. فيه ناس سميعة سمعنا وسمعنا وسمعنا. طب ما تطبق بقى يا عم فيه ناس سمعنا واستمتعنا الله! ده القرآن جميل! ماشي. فين بقى اطعنا! واو واطعنا دي! واو المصاحبة يا جماعة! لو دي واو المصاحبة يعني انت لازم وانت بتسمع القرآن تقوم تنفز. هو ده اللي ربنا بيحبه. هو ده اللي سورة البقرة كلها بتطلع النموزج ده. هو ده خليفة الله في الارض. اللي سورة البقرة كلها بتربيه. نقصد سورة البقرة اني جاعل في الارض خليفة. اخراج خليفة الله في الارض اللي هو شعار حياته سمعنا واطعنا. فيه ناس بقى سمعنا ولكن بس اصل انا عندي مشاكل ما تسيبش اي عوائق بينك وبين ربنا. فيه ناس سامعنا وفهمنا. لازم افهم الاول عشان اطبق. لأ شعار المؤمن سمعنا واطعنا لان في ناس سمعنا وعصينا. سمعنا وعصينا هيروح هيروح جهنم. سمعنا وفهمنا هيعطل نفسه. سمعنا واستمتعنا انا ما وصلش لحاجة. سمعنا وسمعنا ما طبقش حاجة. الوحيد اللي هينجو سمعنا واطعنا. اخر شعار بقى من الجزء لان الجزء مليان شعارات هو اخر اية ختم بها الجزء لن تنالوا البر حتى تنفقوا مما تحبون. لن تنالوا البر البر ان ربنا يطهرك من جوة. البر انك تبقى من الابرار الاطهار. البر ان ربنا يطهر قلبك. البر ان الشكوك اللي جوة قلبك في الدين او في وجود الله ربنا يشيلها من جواك. البر البر ان الغل والحقد والحسد اللي جواك. ناحية الناس اللي ربنا اداها حاجات انت ما خدتهاش ربنا يطهر نفسيتك منها. البر ان ربنا يقوي عزيمتك على الطاعة. البر انك تبقى من الابرار اطهر خلق الله عند الله. طب انا نفسي يا رب تنفقوا مما تحبون. لحد ما يبقى اللي انت بتديه لربنا هو احب شيء في حياتك لحد ما تؤثر ما يحب على ما تحب. لما ترتقي في معاملة ربنا بالمنزر ده. ربنا هيغير قلبك ونفسيتك عزيمتك واهدافك وبصيرتك وهيغير مقامك في الجنة وربنا هيغرقك عطاءات من بره واحسانه لن تنالوا حتى تنفقوا مما تحبون. كل كل كلمة من كلمات القرآن شعار من شعارات النور في الحياة. الجزء التالت مليان شعارات طلعوا انتم بقى. هتطلعي كم شعار كلما دخل عليها زكريا المحراب وجد عندها رزقا. العبادة هي اعزم سبب لفتح ربنا. كل جلسة عبادة كانت مريم بتقعدها ربنا كان بينزل لها مادي ومعنوي وبينور لها قلبها. عشان كده الكلمة اللي بعدها فنادته الملائكة وهو قائم يصلي. اعظم لحظة ربنا فتح حلمه وهو واقف بيصلي. وهو قائم واقف لربنا بيعبد. اعظم سبب للفتح في حياتك هو العبادة. اعظم سبب لعطاءات ربنا عليك. هو عبادة عشان كده عايزين نموت نفسنا من العبادة في رمضان. عايزين نجتهد يا جماعة. رمضان هو رمضان. مش معنى ان ما فيش جو رمضان في الارض ان رمضان مش في السماء ان السماوات السبع مش مقلوبة دلوقتي احتفالا بهزا الشهر المبارك. شهر تنزل القرآن مش عايزين نضيع لحزة في رمضان. عايزين نقطع سجاجيد الصلاة في عايزين نجتهد من كتر العبادة ان احنا نوصل لربنا كلما دخل عليها زكريا المحراب وجد عندها رزقا. اللهم اجعل القرآن العظيم ربيع ونور صدورنا وجلاء احزاننا وذهاب همومنا. اللهم امين