كل فعل له رد فعل مساو له في القوة ومضاد له في الاتجاه. يعني لما تخبط كورة كده بقوة للحيطة ترجع لك بنفس القوة. خدت بالك فارتد يعني ايه؟ سيدنا غالية في حياتك. الشعار التالت ولا تقف ما ليس لك به علم. الشعار ده يا جماعة جبار يا جماعة. انا لا اعلم اية في كتاب الله بعد قول الله ويتبع غير سبيل المؤمنين. لا اعلم انا نورا بالكتاب الاعظم فلتسعدي يا نفس والتتنعمين سيري الى المولى الكريم الاكرمين. في نور ايات الكتاب الاقومي. يا نستنون بالكتاب السلام عليكم ورحمة الله وبركاته. اخواني واحبابي في الله وصلنا في هذه الرحلة المباركة بفضل ومنة الله. لنصف القرآن الكريم. احنا النهاردة في الجزء الخمستاشر النهاردة هنتكلم عن شعارات نورانية قرآنية من الجزء الخمستاشر باذن الله سبحانه وتعالى. شعرات قرآنية تنور قلوبنا وتشحذ عزائمنا وتقوي هممنا في العمل الصالح وتوصلنا لربنا. يا جماعة اسوأ انسان هو الانسان اللي بيدفع عمره تمن الفهم. ما تدفعيش عمرك تمن انك تفهمي ما تدفعيش عمرك انك تدخلي في تجارب كتير فاشلة عشان في الاخر. تعرفي مفاهيم كنت لو عرفتيها وانت صغيرة كان زمان حياتك يعني كان زمان يعني ممكن تبقي انت بقى بتستقبلي الحياة بفكر تاني وبوعي تاني. يا جماعة القرآن بيوفر عمرنا. القرآن بيدينا الخلاصات زي ما ربنا قال ويعلمكم الله ولله المثل الاعلى زي ما الاب بيدي لابنه خلاصات الحياة. روشتات النجاح والسعادة في الحياة. اللي لو الابن عرفها وسمع كلام فيها هيوفر عمره في الانطلاق نحو السعادة والنجاح. ربنا بيعلمنا تعالوا اما نشوف شعارات النهاردة. الشعار الاولاني اقرأ كتابك بنفسك اليوم عليك حسيبا. احساس رهيب. احساس اللحظة اللي في يوم من الايام اللي انت هتستلم فيها صحيفتك صوت وصورة. وانت هتقفي قدام صحيفتك اربعين بتتفرجي على نفسك تاني بتتفرجي على لحزة موتك. بتتفرج على انت وانت بتموت قلت لا اله الا الله ولا لأ وكنت شاكك ولا موقن بتتفرج على اليوم اللي انت بلغت فيه وبقيت مكلف. بتتفرجي على نفسك وانت شغالة في الدعوة بتتفرج على نفسك وانت بتقوم الليل. او قاعد جلسة الضحى بتتفرجي على نفسك كنت نايمة وضيعت وقت كتير اوي في النوم. تتفرج على نفسك وانت بتستعد لرمضان بتتفرج على نفسك وانت بتعصي ربنا. او وانت بتخطط للمعصية الرسول عليه الصلاة والسلام يقول في حديس في صحيح الترغيب والترهيب يجمع الله الاولين والاخرين الى ميقات يوم معلوم. قيام شاخصة ابصارهم الى السماء ينتظرون فصل القضاء اربعين سنة. لما الحشر بيتم الناس بتفضل واقفة اربعين سنة مستنية الحساب ولما بتتطاير الصحف اللي هو بداية الحساب. الناس بتفضل واقفة كل واحد بيقرأ كتابه. كفى بنفسه اليوم عليه حسيبا لحظة رهيبة اعد للحزة دي خد بالك. سيناريو حياتك هتتفرج عليه تاني بس يوم القيامة انا هتفرج على نفسي وانا بتكلم. وانت بتتفرجي اتفرجي على نفسك انت بتتفرجي هنتفرج على نفسنا تاني بس يا ترى ساعتها هيبقى انطباعك ايه عن حياتك؟ راضي عن اللي انت عملته ولا ما انتاش راضي الشعار تاني واما تعرضن عنهم ابتغاء رحمة من ربك ترجوها. فقل لهم قولا ميسورا. بسميها اية الذكاء العاطفي. اية الحياتي اللي علماء الدنيا قالوا ان عشرين في المية من نجاح الانسان في الحياة متوقف على زكاؤه الدراسي يعرف يجمع ويحسب ويحفز وتمانين في المية مية من نجاحه ومجده في الحياة على حسب الزكاء الحياتي. الزكاء العاطفي اللي عنده زكاؤه في الحياة. مش زكاؤه في الدراسة. دي اية زكاء عاطفي زكاء انفعال يا جماعة. دي اية الناس الناجحة. دايما الناس الناجحة واقفة في اشكالية ما بين حاجتين. ما بين علاقاتي وصحابي وحبايبي. وما بين نجاحي انا عشان انجح عايز اقعد ازاكر عشان انجح عايز اسافر عشان انجح عايز اقدم ماجستير ودكتوراه عشان انجح عايز احترف على ثغر من صغور الدعوة واو ثغر من ثغور. الدنيا النجاح عايز انطلاق. والصحبة عايزة سهر ووقت حلو وفرفشة. فدايما الانسان الناجح اصحابه انه اناني. اصحابه بيبصوا له انه بيشوف مصلحته وبيسيبهم وبيشوفوا ان دي مش دي المجد دعوة للرجولة ولا الشهامة. في حين ان الفكرين غلط. طب الفكر الصح ايه واما تعرضن عنهم. ربنا بيكلم الناس الناجحة. هتعرض عن اصحابك وحبايبك ليه؟ ابتغاء رحمة من ربك ترجوها. وراك مصلحة. وراك خطوة من نجاحك وعايز تشوف مستقبلك ونجاحك. طب اعمل ايه بقى ؟ قل لهم انا ما عنديش وقت يا جماعة لو سمحتم لأ. فقل لهم قولا ميسورا. استعمل الكلام استعمل الكلام اللي ما يحسسش الناس انك بتتكبر عليهم. او انك اناني وشايف مصلحتك وسايبهم. او انك انت ما فيش في قلبك مشاعر ناحيتهم. قل لهم قول ان شاء الله بازن الله خلاص انا هاخلص كزا بس وهاجي لكم. ده انت اغلى حد عندي. خل كلامك جميل. ما تخسرش نجاحك ولا تخسر العلاقات اية في كتاب الله بتنصر المنهج السلفي في التفكير في الحياة والتفكير في الدين مسل هزه الاية. ولا تقف ما ليس لك به علم. اصل الوقت فيه كتير بقى عندها سلفوبيا. فوبيا من السلفية. فوبيا من فكرة الدليل. فوبيا من فكرة اللي انت بتعمله في الدين. ده انت جايب دليل عليه منين؟ يا عم انتم خنقتونا يا عم انا نمت شفت حلم يا عم انا مشاعري النفسية. يا عم انا شيخي قال لي السلفية يا جماعة ما فيش فيها الكلام ده. السلفية بتطبق الاية دي بالحرف ولا يعني يطفو الاثر يعني ماشي خطوة ورا خطوة ورا حاجة يبقى القفو الاتباع الاتباع الكامل ما تمشيش ورا ولا تكفو فليس لك به علم. اللي ما عندكش دليل من قرآن وسنة ما تمشيش وراه. يعني انت يوم القيامة ولا تقف ما ليس لك به علم. ان السمع والبصر والفؤاد كل اولئك كان عنه مسئولا. كل اولئك يعني سمعك وبصرك كانوا عنك عنه اللي هو انت مسؤولة سامعك وبصرك هيتسألوا عنك يوم القيامة. هيتسألوا يعني ايه علاقة الاية ببعضها؟ ان كل عمل عملته في الدين سامعك هيتسأل انت سمعت دليل على ده بصرك هيتسأل. انت قرأت دليل على ده الدين مش لعب يا جماعة في ناس ماشية في الدين ورا نفسياتها. ناس ماشية في الدين ورا الذوق والمواجيب. ناس ماشية في الدين ورا حلم حلمته ولا حلم آآ شيخها حلم ناس ماشية في الدين ورا دماغها وافكارها ناس ماشية في الدين ورا شيخ اللي يقولوا يمين يمين شمال شمال لأ ولا تقفوا ما ليس لك به علم. هتتساءل عن كل عمل عملته في الدين. البدعة هتتسأل عنها. والسنة هتتسأل عنها. اللي انت عملته ده كان عندك دليل ولا لأ ومش انت اللي هتتسأل سامعك وبصرك اللي هيتسألوا انتم قرأتم وسمعتم دليل شرعي على اللي انت عملته ولا لأ ؟ طب المعنى التاني لا تقف ما ليس لك به علم. ما تقعدش بقى تراقب الناس او ما تقعدش تتكلم في اعراض الناس بقى. وتغتاب ده وتطلع اشاعة على ده. يبقى ما تتكلمش على الناس من غير علم. طب واللي هيحصل يوم القيامة ايه ؟ كل كلمة قلتها في عرض حد كل كلمة قلتيها في عرض حد نسأل الله العفو والعافية. هييجي سمعك وبصرك وفؤادك يوم القيامة ويتسألوا. يا ودن انت سمعت الكلمة دي اللي هو قالها فهو قالها لانه سمعها من مصدر موثوق وانت يا عينه انت شفت انت شفت يعني ايه الحادسة دي عشان يبقى وهو شاف سمعك وبصرك هيطلعوك كداب في معزم اللي انت بتقوله طبعا عشان كده الاية دي ولا تقف ما ليس لك به علم بتتعلق بحاجتين في غاية الخطورة الحاجة الاولانية كل عمل عملته في الدين هتتسأل عنه جبته منين ؟ دليل ولا لأ ؟ الحاجة التانية كل كلمة قلتها على حد من الناس. هتتسأل عنها انت كان فعلا علم يقيني ودليل على اللي انت قلته ولا لأ تخيل لحزتها في العرض على الله هيبقى شكلها ايه. الشعار التالت واستفزز من استطعت منهم بصوتك شعار جبار ربنا بيكلم ابليس. بيقول له الفز اللي هو الطور الصغير. عارفين انتم في اسبانيا يجيبوا آآ حاجة حمرا والطور ييجي يهجم يقوم مصارع الثيران يعمل له القماشة الحمرا يقوم التور داخل عليها. بيسموا ده الفز يعني سهل الاستفزاز. يعني نتائج وما بيفكرش واستفزز يعني الشيطان اول خطوة من خطوات تدمير ابليس. استفزز من استطعت منهم من الشباب والبنات والرجال والنساء من الناس بصوتك قال لك هو المعازف. الاغاني والمعازف يبقى الاول خطة عند ابليس انه يحولك لفز يحولك لواحد شهواتك هائجة وخفيفة وما انتاش حكيم وما بتفكرش. ايه طريقته اللي هي المعازف والاغاني. دي اول طريقة ابليس ما بيعرفش يشتغل في مجتمع ما فيش فيه معازف واغاني يا جماعة ابليس دي الخطوة الاولى عنده. عشان كده اول خطوة حاربوا بها النبي لهو الحديث. حفلات الاغاني. اول خطوة ابليس عملها عشان يفسد الارض بعد موت ادم لما تنكر في زي راعي صوته جميل وهو بينزل مرة في السنة يعمل حفلة غنائية للناس. وبعد كده بقى الزنا يبقى دي اول خطوة. طب الخطوة التانية واجلب عليهم بخيرك ورجلك. اجلب الجلبة اللي هي الصياح. نادي على جيشك بقى. هو ابليس قائد جيوش؟ اه. هو ابليس عنده جيوش؟ اه يعني سلاح فرسان. رجلك يعني سلاح مشاة. ابليس عنده جيوش. الجيوش دي فنى عمره في انه يبنيها. الجيوش دي ما دخلهاش من الاول ليه؟ الجيوش دي تسعين المية منها شياطين انس بشر ولكن مضلين دول جيوش الشهوات والشبهات والزنا والربا والتشكيك في الدين والالحاد الجيوش طب الجيوش ما دخلهاش في الاول؟ لأ الاول استفزز. الاول يخليك شهواتك هائجة. الاول يخليك مخمور متخدر بعد ما يخدرك بالمعازف والغناء بصوتك يقوم داخل بجيوش الشهوات والشبهات. يبقى دي المرحلة التانية المرحلة التالتة وشاركهم في الاموال والاولاد. ربنا خطة ابليس بالظبط. الخطة الرباعية المرحلة التالتة شاركهم في الاموال والاولاد. يعني ايه شاركهم في الاموال؟ شجعهم على المال الحرام. شجعهم انهم ياكلوا من حرام او حلال لان المال الحرام بيودي جهنم والاولاد يعني ايه الاولاد؟ شاركهم في تربية اولادهم شاركهم في الاولاد شاركهم في تربية اولادهم. رب الطفل من الاول على انه يبقى فاسد ومفسد. عشان كده لازم نربي عيالنا ونحميهم من الشيطان لان الشيطان بيشتغل على الطفل. من وهو عنده سنة وسنتين وتلاتة يا جماعة بعد الشيطان بيحاول ان هو يكون موجود في الجماع. عشان ما تذكرش الله وانت زوجتك بتحمل عشان الطفل يطلع في اول لحظة فعمره لم يذكر اسم الله سبحانه وتعالى في هذه اللحظة الاولى. طب والمرحلة الرابعة واعدهم واعدهم يعني ايه؟ اوعدهم بقى ان كل الضلال ده نهايته الجنة هم كده بيعملوا الصح وان ده الدين الوسطي الجميل. وخلاص كل سنة وانت طيب ركبوا القطر وما لكش دعوة بهم. الشعار اللي بعد كده وقل رب ادخلني مدخل واخرجني مخرج صدق. شعار جبار يا جماعة ادخلني مدخل صدق واخرجني مخرج صدق. قال لك ادخلني في القبر. مدخل صدق اي مدخلا عظيما. كريما بدون مشاكل يا رب. انا دخلني في المكان ده دخول عظيم سهل من غير مشاكل. وخرجني خروج عظيم سهل من غير مشاكل. دخلني فين بقى وخرجني منين؟ قال لك دخلني القبر وخرجني من القبر. ادخلني مدخل صدق يا رب وانا داخل القبر. انا عايز ادخل الاقي ملايكة الرحمة مستنياني والنعيم. طب وخرجني من القبر يا رب الاقي القرآن مستنيني بيقول لي انا صاحبك القرآن يوم القيامة. والاقي يا رب الملايكة واقفة بتقول لي هذا يومكم الذي كنتم توعدون. طب القول الثاني دخلني مدخل صدق الدعوة اليك وخرجني مخرج صدق. في الدعوة لك. يعني ايه ؟ يا رب اهل الباطل كل شوية وقعونا ويعملوا لنا حاجات توقعنا وتوقفنا. يا رب كل ورطة نقع فيها في الدعوة خرجنا منها. كل فترة يتمنع فيها الدعوة افتحها من عندك يا رب. طب اخرجني من ورطات الدعوة. طب ادخلني افتح لنا ابواب دعوة حلوة يا رب. افتح لنا قلوب الناس يا رب. افتح لنا الاماكن المغلقة اللي فيها بركة لو دخلنا نشتغل في الدعوة فيها يا رب. افتح لنا كل مكان يا رب ده القول التاني. طب والقول التالت في الدنيا بقى؟ ادخلني مدخل صدق في الدنيا واخرجني مخرج صدق في الدنيا. يعني يا رب الدنيا مليانة ابتلاءات ومشاكل خرجني من الورطات اللي انا فيها. خرجني من الفقر خرجني من المرض. خرجني من المشاكل الزوجية. خرجني من المرض النفسي اللي عندي. طب وادخلني يا رب انا في حاجات في الدنيا نفسي. نفسي ادخل كلية حلوة. نفسي يا رب اشتغل في شركة حلوة. نفسي يا رب يبقى عندي دخل حلو من خلال شغلي في مشروع كبير يا رب دخلني في الفرص الدنيوية الحلوة. اللي فيها رزق وما تفتنيش في ديني. طب القول الرابع؟ القول الرابع ادخلني في الطاعة واخرجني من المعصية. يعني يا رب فيه عبادات انا مش قادر عليها. قيام الليل مش قادر عليه. الصيام يا رب مش قادر عليه. يا رب دخلني برحمتك في العبادات دي. طيب واخرجني يا رب في معاصي مش قادر في معصية سر زلاني زلاني يا رب مش قادر اتخلص منها. خرجني. خرجني من العبودية للمواقع الاباحية. خرجني من العبودية للعادة السرية. خرجني من علاقة محرمة فزت فيها ومش عارف اخرج منها. خرجني من صاحب سوء بيشربني مخدرات او بيضيعني. ومش قادر اسيبه. يا رب دخلني في الطاعات اللي مش قادر عليها خرجني من المعاصي اللي مش قادر ان انا اسيبها الاية مليانة يا جماعة كنوز ولكن يعني انا قلت بس جزء من هذه الاية لان اظن ان احنا يعني آآ هنا انتهت الحلقة. طيب البنبوناية بتاعة النهاية بتاعة كل حلقة في الاخر فارتد الكلمة اللي ربنا قالها على موسى ويوشع لما حاولوا انهم يروحوا للخضر وبعد كده عدوا المكان بتاعه واول ما اكتشفوا ان المكان عدى فارتد الارتداد ده يقول لما اكتشف ان هو عدى المكان يعني انا اكتشفت ان انا غلطت انا ما يجيلكش احباط بقى. وقعت في زنب ما تموتش بقى ويجي لك احباط. جا لك شوية فتور. اخطأت اخترت اختيار غلط في حياتك. ما فيش احباط فارتد بكل قوة ارجع تاني. بكل قوة خلي عندك مرونة نفسية في الحياة. الانسان اللي نفسيته صلبة آآ شديدة. اللي هو ما عندوش ما بيقبلش ويغلط. ما بيقبلش انه يذنب. ما بيقبلش انه يفطر. ما بيقبلش انه يختار اختيار غلط. عادي. يا عم خلاص اتعلمت. طب المهم ايه؟ ارتد. ارجع فورا. بقت الكورة ما بتروحش الحيطة تقعد نص دقيقة تعيط وبعد كده تقوم راجعة لك فورا صد رد يبقى انت كمان خليك كده صد رد هجمة مرتدة بقى. ريمونتادا كده حياتية جميلة. ايه يعني اخترت اختيارات خاطئة في حياتك اللي فاتت؟ ايه يعني ضيعت سنين من عمرك اللي فات. المهم اللي جاي فارتد بكل قوة نرجع عشان ان شاء الله الباقي من عمرنا يبقى كله اختيارات سليمة. ويبقى كله اختيارات صحيحة ما عدناش نختار اجابات غلط في ورقة الاجابة بتاعتنا. اللي هي بتمثل قيمة النجاح والسعادة في حياتنا نسأل الله سبحانه وتعالى ان يجعلنا من اهل القرآن. الذين هم اهل الله وخاصته اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا. سبحانك اللهم وبحمدك اشهد ان لا اله الا انت استغفرك واتوب انا نورا بالكتاب الاعظم فلتسعدي يا نفس والتتنعمين سيري الى المولى الكريم الاكرمين. في نور ايات الكتاب الاقومي. يا نستنون بالكتاب