وجاء اهل المدينة يستبشرون ده انت بينك وبين الخلود في قاع جهنم خمس ست ساعات ومش عارف هي الغفلة ممكن توصل للدرجة دي هو الانسان ممكن يطمس على بصيرته ويطبع على قلبه ويختم عليه. للدرجة دي ممنوعة وما فيش مجال دعوة والدنيا صعبة. ولقد نعلم. ربنا بيقول للنبي انا عالم. عالم باللي انت فيه دلوقتي وانت في اخر مكة وسادين قدامك كل ابواب الدعوة انك يضيق صدرك بما يقولون. طب اعمل ايه؟ فسبح بحمد ربك لان الاية اللي قبلها وقضينا اليه ذلك الامر ان ندابر هؤلاء مقطوعا مصفحين. الناس دي الساعة ستة الصبح هينزل العزاب وستخلد في جهنم ده الحكم صدر جايين بقى الساعة عشرة بالليل سلام عليكم ورحمة الله وبركاته. النهاردة امر اربعتاشر يا رجالة يا ترى قمر الايمان في قلوبنا نور ولا لازم ما نورش ؟ النهاردة الجزء الاربعتاشر بازن الله سبحانه وتعالى. نبدأ مع سورة الحجر. ربما يود الذين كفروا لو كانوا مسلمين. لو كانوا بعد ايه ؟ عارفين سيدنا ابراهيم لما ابوه يجي له يوم القيامة يقول له اليوم اطيعك ولا اعصيك ابدا. سيدنا ابراهيم ييجي يرفع ايده عشان يقول يا رب فيقال انظر تحتك يلاقي ذيخ ملتطخ. يتمسخ ضبع ويحمل من قوائمي فيلقى في النار. بعد ايه ؟ انت جاي دلوقتي بتقول اليوم وطوعك امتى ؟ لو كانوا مسلمين. فيه ناس هتندم ؟ بلاش تندم على عمرك، بلاش تندمي على عمرك الحقوا يا جماعة وظفوا عمركم في طاعة ربنا عشان ما تجيش اللحظة اللي نقول فيها لو كانوا بلاش نعرض نفسنا للندم. الشعار كذلك نسلكه في قلوب المجرمين. قرآن ومنور. ولكن فاهم القرآن مش على حسب فهم اللغة. احنا لو موتنا نفسنا مش هنفهم اللغة العربية زي ابو جهل وابو لهب. ولكن ما كانوش بيفهموا حاجة لان العجمة عجمة القلب كذلك نسلكه في قلوب المجرمين مش فاهمين حاجة مش قادر يفهم مش قادر يستوعب اللي ربنا ما نورلوش قلبه بنور الايمان مش هيقدر يفهم حاجة. يعني فهمك للقرآن على حسب حال قلبك. كل ما قلبك كينور. كل ما قلبك هيصفو بينه وبين الله. كل ما الحجاب اللي بين قلبك وبين الله هيرفع. كل ما هتلاقي تسعة وتسعين في المية من معاني القرآن سهل انها تتفاهم. لما تلاقي معزم القرآن ما انتيش فاهماه اعرفي ان المشكلة مش مشكلة لغة. اعرفي ان المشكلة مش مشكلة عدم معرفة باقوال المفسرين. اعرفي ان هي مشكلة ان القلوب فيها مشاكل. فيها حجاب بينها وبين القرآن ولو فتحنا عليهم بابا من السماء فظلوا فيه يعرجون. ايوة الشعار بتاعنا لقالوا انما سكرت ابصارنا. لقالوا زي الوقت كده برضو مش عايز يفوق. ازمات مش عايز يفوق. آآ مشاكل اقتصادية مش عايز يفوق هو مش هيفهم. هو مش مش الزلازل مش عايز يفوق اسراب جراد مش عايز يفوق. حرايق استراليا. مش عايز يفوق. لقالوا انما سكرت ابصارنا. لا لا لأ انا بس اللي مش شايف. لأ هي النور قطع ليه. لأ هو حصل ايه في عيني؟ هو مش عايز يفهم. ده ربنا بيقول فتحنا عليهم بابا من السماء. يعني ايات السماوات المزهلة. فظلوا فيه يعرجون. خلاص هو جوة الوقتي جوة الايات المذهلة لقالوا انما سكرت ابصارنا. هو عمره ما هيفهم. هو خلاص مطموس على قلبه ومطموس على بصيرته والعياذ بالله وزيناها للناظرين. ربنا بيقول ولقد جعلنا في السماء بروجا وزيناها للناظرين. ربنا بيقول انا زينت السما. الصفحة اللي بعدها ابليس بيقول ربنا ربي بما اغويتني لازينن لهم في الارض شفتم ربنا بيقول انا زينت السما عشان تبصوا لفوق. فابليس بيقول له وانا هازين الارض عشان يبصوا لتحت ما يبصوش لفوق. ربنا مزين لك السما عشان تبص لفوق وتفتكر جلاله. والشيطان مزين لك الارض عشان تبص لتحت وتفتن عن الله وعن جلال الله. يا ترى ايه المعركة لا تحسب في قلبك لمين ؟ للسما ولا للارض؟ يا ترى انت هتبص فوق ولا هتبص تحت؟ وان من شيء. الله جبارة وان من شيء الا عندنا خزائنه. نفسك في ايه؟ خزاين ربنا مليانة عرسان. نفسك في عريس كويس خزاين ربنا مليانة عرايس نفسك في زوجة خزاين ربنا مليانة شقق. شاب متخرج ونفسك في شقة. خزاين ربنا مليانة موبايلات يا حبيب قلبي يا اللي في اعدادي ونفسك في موبايل جميل. خزائن وان من شيء مهما كان. الا عندنا عند ربنا مش آآ في جيب والدك مش في جيب جوزك. مش آآ في ايد فلان. مش في ايد ابوها اللي انت نفسك تتجوزها مش في ايد ابوها ده في ايد ربنا هي لا في ايد نفسها ولا في دبابة في ايد ربنا الا عندنا خزائنه اللي لو اتفتحت لك انت ممكن تزهد في اللي انت كان نفسك فيه لما تشوف بقى الحاجات التانية اللي من جنسه اجمل منه قد ايه ؟ سب ربنا يختار لك وسلم نفسك لله. يا بخته اللي هيقف على باب ربنا. يا بختها اللي هتصبر على باب الملك سبحانه وتعالى. ولقد علمنا المستقدمين منكم ولقد علمنا المستأخرين. مستقدمين فيه ناس عايزة تقدم فيه ناس عايزة تقرب فيه ناس في رمضان كل همتها تقرب من ربنا ازاي؟ مستقدمين. وفي ناس مستأخرين كل همته المسلسل اخباره ايه؟ برنامج المقالب عمل ايه؟ الفنان الفلاني في الحوار بتاعه ايه اليوتيوبرز بينزلوا ايه في رمضان؟ هو البرنامج الفلاني ده متصور في بلد ايه؟ هي الممسلة الفستان اللي لابساه في المشهد الفلاني جابته منين ولقد علمنا المستأخرين. ده تحت علم الله وده تحت علم الله. ولقد علمنا المستقدمين منكم. ولقد علمنا المستأخرين. يا ترى انت بتتقدمي ولا بتتأخري والاية فيها معنى جبار؟ ربنا قال انا اعلم اللي بيقدم لقدام واللي بيرجع لورا طب يا رب اللي واقف في النص ما فيش حد واقف في النص اللي مش بيتقدم مستأخر عشان كده لما ربنا قال ولقد علمنا المستقدمين. ها طب والباقي؟ مستأخرين. من ليس في تقدم في علاقته بالله فهو في تأخر قال هذا صراط علي مستقيم. ربنا بيقول لابليس. ابليس بيقول له لازينن لهم في الارض. ولاغوينهم اجمعين. انا انا اكتبهم عن انهم يبصوا للسماء. ربنا بيقول له هذا صراط علي. مستقيم. مش هذا صراط مستقيم. علي علي ده وعد من ربنا. وعد من ربنا لكل واحد عايز يوصل لربنا ان ربنا هياخد بايده ويدخله الطريق. وعد من ربنا لكل واحدة ماشية في الطريق وتعبانة. والواقع من حواليها صعب. وكنت الوقتي يعني يعني في جنازة واحد اخواني جه يقول لك بيبكي بالدموع بيقول لي انا تعبان. انا وحيد انا انا الدنيا صعبة. قلت له يا حبيب قلبي الايام اللي احنا فيها دي اصعب ايام في حياتك ممكن تعدي عليك في الدين. ابتلاء الكل وحيد. الكل تعبان. الكل مضغوط. المساجد مقفولة. الدروس ممنوعة. في الوقت ده بقى ربنا بيوعدك. يا كل واحد نفسك توصل لربنا قال هذا صراط علي علي وعد. وعد يا كل واحد عايز توصل انه يوصلك وعد يكون لواحدة صادقة مع الله سلمان الفارسي كان مستحيل يوصل للنبي مستحيل واحد في بلاد فارس هيوصل يعني بينه وبين النبي عباد النار. وبعد كده الوثنيين. وما بينهم النصارى. والنبي بقى في المدينة المنورة بينه وبينهم كل الحواجز دول. وربنا وصله لانه كان صادق ونزعنا ما في صدورهم من غل. الله! ربنا بيتكلم عن نعيم الجنة. بيقول ان من نعيم الجنة الاخوة في الله من نعيم الجنة الحاجة الوحيدة الوحيدة على وجه الارض اللي من الجنة موجودة في الدنيا اخوك بس اختك بس البيوت اللي في الدنيا دي اي كلام. العربيات اللي في الدنيا دي شوية صفيح. الجمال النساء اللي في الدنيا ده ولا حاجة اصلا في الجنة. الحاجة الوحيدة اللي في الدنيا موجودة من الجنة اخوك في الله. ونزعنا ما في صدورهم من غل. الاخوة من ضمن نعيم الجنة. استمتع مع اخوك استمتعي مع اختك في طاعة ربنا. بلاش تقضوها غل. بلاش تقضوها حسد. بلاش تقضوها مكابرة. بلاش تقضوها فراق. بلاش تقضوها عناد بلاش تقضوها استغناء. بلاش تقضوها زهد في بعض. ان تقوموا لله مثنى. كل اخ من اخوانك رزق ربنا بعته لك. جزء ان الجنة ربنا عجله لك في الدنيا. ليه؟ ليه بنزهد في بعض؟ ليه بنبيع بعض؟ ليه بنغير من بعض؟ ليه بنحسد بعض؟ ليه بنبقى احنا علاقتنا ببعض عزاب في حياة بعض. مش اني انا اخوك فلا تبتأس. اني انا اخوك فاترعب. هاهدمك. هانقدك ليه ليه ما نتمتعش بالملمح الوحيد من الجنة اللي ربنا اداه لنا؟ نتمتع باخوتنا في بعض في التعاون على طاعة الله صحبة الهمة ولا يلتفت منكم احد. الله! ده شعار كل واحد عامل لدين الله. وشعار كل واحدة سالكة الى الله. اوعى تبص يمين ولا شمال خلاص مش انت اخترت ان الذين قالوا ربنا الله. انا عرفت مين ربي. عرفت هدفي. عرفت غيثي ثم استقاموا. خلاص انا انا مستمر على الطريق ولا يلتفت منكم احد. ما عدتيش تبصي بقى مش بعتيها ؟ خلاص ما عدتيش تبصي ان الله اشترى من المؤمنين انفسهم واموالهم. مش انت بعت ربنا ما عدتش تتزبزب بقى ما عدتيش تترددي بقى خلاص انت بعت خلاص ركز بقى. ولا يلتفت منكم احد ركزوا الطريق الى الله عايز تركيز يا جماعة الشعار الجبار اللي بعد كده وامضوا حيث تؤمرون. الله! سيدنا لوط لسه خارج من عشرين سنة وسط مسجلين خطر. ووسط ناس قتالين قتلة ووسط ناس كانوا بيزنوا كانوا بيعملوا فعل قوم لوط في الشوارع. ووسط ناس خلاص بقى المفروض الملايكة تقول له بقى وارتاح بقى بتقول له وامضوا من المضاء يلا ما قمة القوة انت خارج آآ من تجربة شفت ايات ربنا المفروض تزداد قوة على قوة. ما فيش حاجة اسمها انا تعبت يا رب. احنا ما بنتعبش يا جماعة واللي بيقف بين ايدين ربنا في التلت الاخير ما بيتعبش. ما بيجيش وقت يقول خلاص انا خلصت. وامضوا حيث تؤمرون. ده انت في مهمة تانية طالع لها. هو انت خلاص اشتغلت دعوة وبطلت لأ انت على الدعوة حتى تموت انت خلصت سندوم معمورية انت رايح بلد تانية هتؤمر بمهمة تانية في نصرة دين ربنا وفي الدعوة الى الله يا رب دايما يا رب ما تحرمناش من الدعوة اليك. لاخر لحزة في اعمارنا يا رب. يا رب افتح لنا من ابواب الدعوة اليك ما ترضى به عنا يا رب يا رب يا رب خلينا نستمر على الدعوة اليك. في كل لحزة في عمرنا حتى الموت يا رب يا رب نموت. واحنا بنتكلم عن ربنا وجاء اهل المدينة يستبشرون. الاية دي دايما بتقطع قلبي لدرجة انه قاعد فرحان ومش عارف ان جهنم خلاص. الملايكة من راق. الملايكة اللي هترقى بروحه عشان يتقفل قدامه باب السما. عشان يترمى في قبره عشان يترمى في جهنم خلاص اتحددت الفرقة الملائكية اللي هتقبض عليه. ومكانه في النار اعد خلاص وهو مش داري اوعى تكون بتضحك وانت ربنا مش راضي عنك اوعى تكون غافل وقاعد تستبشر وتفرح بدنيا وعرب دنيا وحرام ولا حلال وانت ما انتاش عارف انت عند ربنا ايه لعمرك انهم لفي سكرتهم اكتر حاجة بتأسر في الاية دي لا عمرك ربنا بيقسم بعمر النبي عليه الصلاة والسلام عمر النبي غالي. ليل نهار دعوة. ليل نهار عبادة. عشان كده والضحى والليل اذا سجى نهارك ضحاك في الدعوة وليلك في العبادة فربنا بيقسم بعمر النبي لا عمرك انت عمرك غالي انت عمرك غالب والعزيم لا يقسم الا بعظيم. شوفوا عمر النبي بقى غالي عند ربنا للدرجة دي. يا ترى انت عمرك غالي عند ربنا ولا لأ؟ ايامك غالية ولا لأ ؟ ان في ذلك لايات للمتوسمين. المتوسم اللي بيجيبها اللي بيلقطها وهي طايرة. اللي بالسر بتاعتها مش لازم تبقى يعني والعياذ بالله مش لازم بقى يشوفها في الاخر كده عشان يقول ايه ده هي بيلقط عنده توسم عنده آآ آآ عنده حدس سليم المؤمن فطرته وقلبه بيخلوه ينوروا له حاجات مش باينة لغيره. ان في ذلك لايات للمتوسلين اكتر حاجة بتطمس البصيرة النزر للحرام. النزر للنساء. النزر للحرام على السوشيال ميديا. اوعى تطمس النور اللي ربنا اداه لك جواك. اللي بيخليك تشوف حاجات لسة ما حصلتش. ولكن انت من الملامح اللي في الواقع ما ما تبقاش من الناس اللي بتوصل متأخر وبتفهم متأخر ويعني للاسف الشديد الواحد بيزعل يا جماعة. اما موقف كده ما يفوقش فيه غير بعد فوات الاوان. ولقد اتيناك سبعا من المثاني. المثاني يعني اللي كله ثناء على الله وسبعا من المثاني قيل الفاتحة ووصف القرآن اصلا المثاني من من اقوال العلماء في المثاني اللي كله ثناء على الله. والقرآن العظيم قال له بعدها لا تمدن عينيك. يبقى ما دام المصحف معك ما عدتش تبص على الدنيا بقى. خلاص. انت هتبص على الدنيا بعد ايه؟ بعد ما ربنا اداك هزا الكتاب المجيد. هذا الكتاب الذكر هذا الكتاب هذا الكتاب العظيم بعد ما ربنا اداك القرآن الكريم. دنية ايه بقى خلاص ركز مع القرآن في استمسك بالذي اوحي اليك واخفض جناحك للمؤمنين. الطير لما بييجي يحضن فراخه الصغننة الكتاكيت بيقوم خافض جناحه. يدخلوا تحته يقوم حاضنهم. فربنا بيقول للنبي عليه الصلاة والسلام خد الصحابة في حضنك خد الاخوة في حضنك. دي رسالة لكل مربي. رسالة لكل داعية خد الاخوة في حضنك. خد الناس في حضنك احضنهم. كل الناس اللي ماشية في طريق ربنا ناقصة عايزة حد يحنوا عليها اخفض جناحك للمؤمنين اصدع بما تؤمر. اصدع الصدع ان انا اعمل شرخ في المبنى. اصدع بما تؤمر هم الوقتي بنوا بنيان للباطل. بنوا كافيهات وبنوا القنوات عريوا بنوا كليبات وبنوا سوشيال ميديا فاجرة وبنوا آآ مؤسسات لاخراج الشبهات وبنوا وبنوا وبنوا. طب انا اهد بنيان الباطل ازاي؟ اصدع بما تؤمر بالكلام عن الله. الدعوة الى الله هي اللي هتهد بنيان الباطل. افضل اشتغل فبعدها ربنا قال له انا كفيناك المستهزئين. اللي هيشتغل في الدعوة هو اللي ربنا هيكفيه. اللي هيشتغل في الدعوة هو اللي ربنا هيحفظه. اعظم سبب للحفظ هو الدعوة. عشان كده ربنا بيقول للنبي له معقبات من بين يديه ومن على قول ابن عباس ما هو معاقبات اي للنبي؟ المعقبات في اللغة هي الحرس الملكي. هي الحرس الجمهوري. هي حرس الملوك. اللي بتتعاقب عليها اربعة وعشرين ساعة بدون انقطاع فربنا بيبشر الدعاة ان لهم معقبات. ان الداعية اللي هيشتغل في الدعوة الى الله واللي هيموت نفسه في الدعوة ربنا هيحفزه اربعة وعشرين ساعة ربنا هيحفزه كانه ملك من الملوك. هيبقى له حرس ملكي. يعني حرس من الله سبحانه وتعالى ما دام شغال في الدعوة ولقد نعلم انك يضيق صدرك بما يقولون. كلنا بنتخنق بيعدي علينا لحزات صعبة اوي في طريق الدعوة الوضع رهيب وبالزات الايام دي الفتن رهيبة. وناس كتير بعدت عن الدين. والجولة لاهل الباطل مش لاهل الحق العبادة هي الحل طول ما احنا بنعزم جلال الله واحنا بنسبح بيعظم قدر الله في القلوب فيحقر قدر اهل الباطل في القلوب. وتحقر قدر المشاكل في القلوب ونحس ان الدنيا سهلة جدا ومن اليقين ما تهون به علينا مصائب الدنيا. ما تهون يعني اي مشكلة عادي ايه يعني؟ ربنا قادر اشفي المرض مهما حصل ما بيتجاش واعبد ربك حتى يأتيك اليقين. اليقين هو الموت وكل وعد من وعود ربنا يقين. الجنة يقين الاسر الدنيوي للطاعة يقين. نصرة الله للدعاء الى الله يقين. احنا عندنا يقين في الله. واعبد ربك حتى يأتيك اليقين. بعض عباقرة المفسرين قالوا حتى هنا مش بس معناها للاجل. يعني افضل اعبد لحد ما اليقين ييجي. لأ قالوا حتى هنا للتعليم اي من اجل ان يأتيك اليقين عشان يجي لك النصر ويجي لك الفتح. يعني لو ومن اجل ان يملأ قلبك باليقين. لو عايز قلبك يتملى يقين لو عايز وعد ربنا يتحقق في الدنيا لو عايز الجنة وهي يقين. لو عايز حسن الخاتمة وهو يقين للمؤمنين اعبد ربك. فالعبادة هي سبب تلاقي القلب باليقين وسبب نصرة الله للمؤمنين في الحياة. اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا شدوا حيلكم بقى يا اخواني. شدوا حيلكم. خلاص يا ترى وصلنا مع القرآن لفين ؟ ختمة صح عايزين ختمة صح يا جماعة. مش آآ قاعدين نكر آيات ورا بعض واحنا مش فاهمينها. عايزين نستخلص شعارات قرآنية من كل جزء بنقرأه. عايزين نعيش مع القرآن عايزين القرآن يغيرنا. عايزين فعلا نوصل لربنا. شعرنا في رمضان السنة دي ختمة صح بازن الله. جزاكم الله خير