انا نورا بالكتاب الاعظم فلتسعدي يا نفس ولتتنعمين سيري الى المولى الكريم الاكرمين. في نور ايات الكتاب الاقومي. يا نستنون بالكتاب السلام عليكم ورحمة الله وبركاته. اخواني واخواتي في الله لا زلنا مع هذه الرحلة الماتعة مع تدبر كلمات كتاب الله سبحانه وتعالى. لا زلنا مع هزه الرحلة العظيمة مع استخراج شعارات قرآنية ربنا ينور بها حياتنا. ربنا سبحانه وتعالى يملى قلوبنا بها علو همة في الحياة. كل ما تفتكريها ازاي تتعاملي مع زوجك. شعار ازاي تحل المشكلة الفلانية؟ شعار لما يجي لك فتور تفتكر ايه عشان تقوم وتنشط؟ شعار لما الزنب بتاع معصية السر اللي كل شوية تقع فيه. شهوتك تثور تجاهه تفتكر ايه يا جماعة الشعارات القرآنية دي ؟ هتنور حياتنا هتبقى هي النور هتبقى هي القائد. اللي ربنا هتبقى طوق النجاة اطواق النجاة اللي ربنا بينقزنا فيها في مواقف ومهالك في غاية الخطورة يلا بقى مع شعارات الجزء السابع بعض شعارات الجزء السابع نتابع الشعر الاول شعر جميل اوي يا جماعة. يعني يا رب ربنا ينور قلوبنا بانوار هزا الشعار. ولا حبة في ظلمات الارض حبة ربنا مراقب حبة. تحت الارض مدفونة مردوم عليها. الحبة دي لسة ما بقتش شجرة. الحبة دي لسة ما طلعتش سنابل قمح. الحبة دي لسة ما طلعتش ثمرة ولكن من وهي مدفونة ربنا مراقبها ويعلم الحبة دي هتطلع امتى والحبة دي هتطلع كم حباية قمح او كم ثمرة والحبة دي اسم اللي هياكلوها مين ؟ ار دي رزق مين دي طالعة من تحت الارض لمين ؟ تخيل انت يعني الثمرة الثمرة اللي ربنا كاتب لك انها تبقى رزقك. حباية القمح اللي ربنا كاتب لك انها تبقى في رغيف عيش هتاكليه بكرة دي ربنا مراقبها لك من وهي بزرة تحت الارض. من وهي حبة تحت الارض. يعني ايه يا جماعة؟ قلقانين على رزقكم ليه؟ ده ربنا بيقول لك انا مش مراقب رزقك. انا مش مراقب رغيف العيش. انا مش مراقب الثمرة اللي مكتوب عليها اسمك هتيجي لك ولا لأ ؟ ده انا مراقب البذرة اللي تحت الارض اللي لسة ما حدش يعرف عنها اي حاجة ولا حتى اللي رماها. يعرف عنها اي حاجة. قلقان على رزقك ازاي ؟ سبحان الله ما امشي في الشمس كده ويجي شعاع شمس على وشي اقول سبحانك يا رب. احنا خدنا في في كتب العلوم ان شعاع الشمس بياخد تمن دقايق اما يوصل من الشمس للارض ويقطع تلاتة وتسعين مليون ميل. يا جماعة ده عاما يوصل من سطح الشمس للارض. انما شعاع الشمس وكلت ناسا دي معلومة من وكالة ناسا. شعاع الشمس عما يخرج من الشمس لسطح الشمس بياخد ميت الف سنة عما بيتولد ويخرج لسطح شمس ميت الف سنة شعاع الشمس اللي ربنا نور لك ايه عنيك النهاردة ده بيترتب لك من ميت الف سنة. الشمس اللي منورة لنا النهاردة دي بتترتب لنا من مية الف سنة. رغيف العيش العلماء قالوا بيشترك في صناعته تلتمية وستين جندي من جنود ربنا منهم الريح. منهم السحاب منهم الارض منهم ملايكة اخر جندي فيهم الخباز اللي خبزه لك وتيجي في الاخر تقول هو هو انا هجيب اكل منين؟ انا هجيب رغيف العيش منين؟ ولا حبة في ظلمات الارض. الشعار التاني ثم يبعثكم فيه. ربنا بيقول وهو الذي يتوفاكم بالليل ويعلم ما جرحتم بالنهار ثم يبعثكم فيه. يبعثكم في ايه؟ المفسرين قالوا يبعثكم في النهار ولا يبعثكم في النوم وانتم نايمين. الشوكاني التفت لاشارة جبارة. يبعثكم في في دي ممكن تعود على ما جرحتم. يبعثكم في اللي انتم كنتم بتعملوه يعني ايه يبعثكم فيه؟ يبعثني في العمل اللي انا كنت بعمله. يعني اللي انت مت فيه هو اللي انت هتصحى فيه. يعني انت اللي حدد ملامح يوم القيامة وبترسمها من دلوقتي. يعني انت اللي بتفرشي قبرك من الوقتي. يعني الواقع بتاع الاعمال الصالحة اللي انت عملتيه في الدنيا هو اللي هيستناك بكل تفاصيله. وانت داخلة قبرك وانت طالع من قبرك يوم القيامة. يعني انت اللي بترسم ملامح جنتك من الوقتي معنى الجبار يبعثكم في ايه ؟ الواقع اللي انا هاطلع فيه هو الواقع اللي انت كنت عايش فيه. يعني افرشي قبرك من الوقتي. يعني يوم القيامة ربنا قال عليه لتركبن طبقا عن طبق يعني مراحل يوم القيامة ربنا سماها اطباق ليه ؟ لانها نسخة طبق الاصل من اللي انت عملته مع ربنا في الدنيا. عشان كده ربنا قال في سورة البقرة فقرة عن الجنة هذا الذي رزقنا من قبل واتوا به متشابها. يعني نعيم الجنة يشبه عملهم في الدنيا. على قد ما ضحيتي الدنيا عشان طاعة الله. على قد ما الجنة هتبقى مليانة رفاهية. على قد ما جاهدت في الدنيا عشان رضا الله. على قد ما الجنة هتبقى مليانة ملذات ومتع يعني من الاخر انت اللي بتحدد ربنا يعاملك ازاي. على حسب ما هتعامله على حسب ما هيعاملك. الشعار اللي بعد كده شعار خطير يا جماعة قل هو القادر على ان يبعث عليكم عذابا. العذاب ده ايه يا رب؟ عذاب غريب جدا اللي هتبدأ يا رب ان هيحصل خسف في الارض العزاب ده يا رب ان من فوقكم او من تحت ارجلكم او يلبسكم شيعا. الشعار اللي بعد كده وذكر به ان تبسل بما كسبت لحظة رهيبة. ربنا بيقول للدعاء حزروا الناس الناس الناس مش ناس كتير مش عارفة ناس متهيأ لها انها لعبة. فيه ناس متهيأ لها انها تدخل القبر الملكين هيدوا لهم قلمين ويقولوا لهم ما عدتوش تعملوا كده تاني. يلا اجروا الجنة فهموا الناس انها مش لاعبة. ربنا بيتكلم عن لحزة رهيبة اسمها لحزة الابسال. لحزة تسليم الرهائن. لحزة تسليم المحتجزين خزنت جهنم هيعملوا فيهم ايه ؟ هيعملوا فيهم اللي انت تتخيله. واللي انت لا تتخيله. يعني ايه البسل ؟ الباس للحبس. الحبس في زنازين انقع جهنم وفي توابيت جمر والعياذ بالله. يعني بالزبط كده يا جماعة هي ان تبسل نفس. عارفين لما مجرم بيقبض عليه الانتربول ويسلمه لبلده؟ اهو لحزة التسليم لبلده هيعملوا فيه ايه بقى ؟ بعد ما اشتغل جاسوس ضد بلده هيعملوا فيه ايه هي دي لحزة لما بيتسلم المجرمين اللي عصوا ربنا في الدنيا لخزنة جهنم. استلموهم شوفوا خزنة جهنم يعملوا فيهم ايه ؟ فربنا بيقول للدعاء ذكر به. الناس. فهموا الناس ان الموضوع جد. فهموا الناس ان الموضوع خطير. طب يا رب الجريمة اللي الناس عملتها ايه؟ وذر الذين اتقوا قضوا دينهم لعبا يعني ايه اتخذوا دينهم لعبا؟ المفسرين قالوا يا اما لعب بالدين يا اما لعب في الدين. لعب بالدين مجرم. مجرم وبيلعب بالدين انما لعب في الدين واحد ممكن يكون عنده عاطفة دينية ولكن واخد الدين لعبة. شوية يلتزم وشوية ينتكس. شوية يصلي وشوية ما يصليش. شوية مزاج وطلبت معه قيام وشوية لأ. شوية انسان واخد الدين لعبة. مش واخد الدين جد. الامر خطير يا جماعة. الشعار اللي بعد كده ده روشتة انقازية جبارة. عشان ما حدش يقول انتم بتوع شعارات انما ما فيش نهاو نو يعني كي ان او دابلو يعني عرفونا ازاي انتم قاعدين تقولوا شعارات نزرية وخلاص. لأ يا باشا ادي شعار نهى اهو ادي شعارها يعرفك ازاي تنقز المجتمع بعد ما ضاع. الروشتة الثلاثية لانقاز اي مجتمع. لو انتم يا ملتزمين عايزين بجد تنقزوا المجتمع. بدل ما قعد يشتم وخلاص على الفيس. قعد يشتم وخلاص على السوشيال ميديا. انت بتعمل ايه ؟ انتم بتعملوا ايه ؟ قال تعالى له اصحاب. اتنين يدعون تلاتة الى الهدى ائتنا. لو الملتزمين عايزين يغيروا المجتمع دي التلات طرق لتغيير المجتمع. الخطوة الاولى له اصحاب ان احنا نصاحب الناس الناس يا جماعة واخدة عننا صورة بشعة من الاعلام اللي بيشوه صورتنا. وعلى فكرة الاعلام ده مش كل ابو جهل وابو لهب ولا حاجة. احنا فعلا عندنا تصرفات غلط. احنا فعلا منا منفر احنا فعلا عندنا اخطاء كتير ومحتاجين ان احنا نصالح المجتمع. ونصالح الاعلام ونصالح الدنيا كلها. وبعد كده اللي يشتم بقى يبقى هو واحد فعلا بيشتم في الدين انما لو ان احنا نصاحب الناس. ان يبقى فيه علاقة اجتماعية بينا وبين الناس. ان الناس تشوف منك شهامة. زمايلك في دفعتك يشوفوك شهم. يشوفوك لما صاحبك ابوه مات عملت جروب وعملت سهم بعشرة جنيه ولميت من اصحابك كلهم ورحت وديت لصاحبك اللي ابوه مات آآ آآ حاجة باسم الدفعة الملتزمين يبقوا قادة مجتمعيين. ان الملتزمين يقفوا مع المجتمع في افراحه واحزانه. له اصحاب. ان اخواتك بعد ما انت التزمت يلاقوك يا عم كل شهرين قمت جايب مرة عزمتهم على دليفري ان والدك ووالدتك يلاقوك بعد ما التزمت بقيت شهم معهم. بقيت بتخدمهم اكتر من اخواتك. يا جماعة له اصحاب اول المجتمع يشوف اخلاق الدين. اتنين يدعون جت هنا بقى العلاقة الدعوية. وجات بالمضارع المستمر يعني ان احنا نتكلم في الدين بقى. بس بعد ما الناس صدقوا ان احنا فعلا بنحبهم. وانما الوقت انت بتيجي تتكلم في الدين الناس اصلا فاكراك اصلا صاحب اغراض. مش مصدقينك. يبقى بعد كده جت الدعوة والكلام عن الجنة والنار. طب بعد ما كلمت الناس قلنا لهم يلا روحوا شوفوا حالكم لأ الى الهدى ائتنا. مش الى الهدى اذهبوا ائتنا. احنا عندنا بيئات ايمان. احنا هنتابعكم بعد الالتزام. احنا عندنا تحفيزات قرآن وعندنا عمرات ايمانية وتربوية وعندنا معاهد وعندنا صفحات على السوشيال ميديا وعندنا مساجد فيها دورات علمية وطلب علم وتحفيز القرآن وعندنا احنا عندنا واقع بندعوكم اليه مش بنسيبك تلتزم وبعد كده تمشي هو ربنا بيكلم هنا مين ؟ كان لازم استهوته الشياطين. ده واحد بقى في الهاوية ده مجتمع وصل لقاع الرزيلة. ومش استهواه الشيطان. الشياطين. ده الشياطين عاملة حفلة على البني ادمين. البني ادمين بقوا عاملين زي اللعب اللي الشياطين متحركة بالخيط. ومع زلك ربنا قال المجتمع ممكن ينصلح بس لو الملتزمين عملوا الخطة السلاسية الجبارة واحد صحوبية الناس اتنين يدعون الدعوة بتيجي بعد العلاقة الاجتماعية. تلاذى الى الهدى ائتنا بنو واقع. تربوي وايماني الناس تيجي عليه بعد ما التزمت آآ كلام عزيم يا جماعة ويعني صراحة الواحد آآ يعني الشعارات بتاعة الجزء كتير جدا. طيب ناخد كمان آآ آآ شعار واحد بس تنبيه الحلقة فقد وكلنا بها قوما ليسوا بها بكافرين. فان يكفر بها هؤلاء انت الخسران لو ما شلتش دين. انت الخسرانة لو ما اشتغلتيش في الدعوة ربنا مش خسران حاجة استغل فرصة ان الدين الوقتي محتاج رجالة ينصروه. لان ربنا كده كده هيبتعس ناس فقط وكلنا بها. وكلنا زي ما الدولة تعهد كده الزابط او حد يعني بيقدر يعمل حاجات خاصة انت هتؤدي مهمة خاصة هتنقز بها الدولة من ازمة معينة. وكلنا بها قوما يقدروا يقوموا القضية ويقومه واقع ليسوا بها بكافرين. لو سابوا الدنيا مش هيسيبوا الرسالة. ربنا بيتكلم عن اصحاب الرسالة. ربنا بيقول لك خليكي صاحبة رسالة. لو انت ما شلتش الدين ربنا هيجيب اللي يشيله وساعتها هتندم. وربنا بيقول للي شاله الدين يؤتكم كفلين من رحمته. انت مش اكرم من ربنا. زي ما تكفلت بالدعوة الى الله ربنا هيتكفل بكل شئون حياتك. زي ما حملت هموم الدين ربنا هيحمل عنك هموم الدنيا. وهيشيل من صدرك هموم الاكتئاب والتوتر وهيخليك انسان سعيد انا اعطيناك الكوثر. هيديك اكتر من اي حد. لانك انت اديت للدين كتير. فربنا هيتكفل بك دنيا واخرة فقد وكلنا بها قوما ليسوا بها بكافرين. اولئك الذين هدى الله زي ما اب يفخر بابنه. ده ابني. ربنا سبحانه وتعالى ولله المثل الاعلى. بيقول للدنيا كلها شوفوا اصحاب الرسالة يا ترى يوم القيامة هتبقي من اصحاب الرسالة ولا لأ ؟ هتبقى محشور مع اصحاب الرسالة للفردوس الاعلى ولا لأ ؟ يعني كنا مع بعض الجزء السابع مع بعض الشعرات القرآنية العظيمة. اللي ربنا بينور لنا بها حياتنا. وبيشحن بها قلوبنا. ان شاء الله بكرة مع شعارات الجزء التامن اقروا الجزء يا جماعة. حضروا الجزء ما انساش ابدا مدرس زمان واحنا طلبة قال يا جماعة واحنا في المدرسة. قال يا جماعة اللي عايز يفهم الحصة حلوة اوي يقرا الحصة قبل ما ييجي المدرسة. فطبقت الكلام رحت لقيتني فاهم كل كلمة الاستاز قالها في الحصة بعد كده. فاتعلمت ان انا احضر الجزء قبل ما اصلي تراويح اقراه قبل ما اسمعه في التراويح. انتم كمان حضروا الجزء قبل ما تسمعوا الشعارات القرآنية. معنا بازن الله سبحانه وتعالى الله يوفقكم. الله يسددكم. الله يجعله خير رمضان مر علينا في حياتنا. الله سبحانه وتعالى يجعلنا من اهل القرآن. الذين هم اهل الله وخاصته. اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا. اللهم امين اللهم امين انا است نورا بالكتاب الاعظم فلتسعدي يا نفس ولتتنعمين سيري الى المولى الكريم اللي اكرميه. في نور ايات الكتاب الاقومي. يا نستنون بالكتاب