انا است نورا بالكتاب الاعظم فلتسعدي يا نفس ولتتنعمين مسيري الى المولى الكريم الاكرمين. في نور ايات الكتاب الاقومي. يا نستنون بالكتاب السلام عليكم ورحمة الله وبركاته. اخواني واخواتي في الله الحلقة العشرين في اني انست نورا الموسم الثاني بفضل ومنة الله. قال ما خطبكما؟ نبدأها شهامة بقى يا رجالة. عشان الاكلاشيهات اللي باسم الاخوة اكلشيهات. الاخوة في الله بقت اكلاشيهات يا جماعة. واحنا بندرس في علم اللغة العام. كانوا بيدرسوا لنا بيقولوا لنا ان ان في حاجة اسمها من وظايف اللغة الاكلاشيهات يعني ايه ؟ اخبارك ايه ؟ الحمد لله. آآ انت امورك عاملة ايه ؟ الحمد لله. قال لك ان اللي بيقول لك اخبارك ايه مش قصده انك تقول له ده انا عندي مشاكل لو قلت له عندك عندك مشاكل بيقول لك لأ يا ابني انا مش قصدي كده. ده دي اكلاشيهات. اكلاشيه بيرد على اكلاشيه. يعني هو الرد الحمد لله ده اسطمبة انما انا مش قصدي فعلا اني اعرف اخبارك اهي الاخوة في الله بقت كده اكلة شيهات. جزاك الله خيرا يا اخي. اخبارك ايه يا اخي؟ طمنيني عليك يا اخت يا جماعة وطبعا كل مسلم آآ آآ اخ لكل مسلم. لأ احنا عايزين الاخوة العملية. عايزين فيه حاجة فيه طاقة جبارة في الدين متعطلة. اسمها الاخوة خد يعني شهامة. اخويا دي يعني اخوك مزنوق ماديا تقف في ضهره مش قادر او مش قادر تقف في ضهره. تقف في ضهره باللي انت تقدر تعمله حتى لو هتكلم له حد. انت المهم انك انت تبقى حاجة عملية. اخوك بينقل عفش تقف في ضهره افراحه احزانه تقف في ضهره اخوك عنده ازمة في صلاة الفجر تبدأوا تتعاونوا مع بعض في صلاة الفجر لانها سلف ودين. هو النهاردة بكرة انت هتحتاجه. يبقى دي الشهامة. الشهامة ما خطبكما. الخطب ده اللي هو المصيبة. الامر الجلل. ربنا اصطفى موسى للنبوة من اسباب اصطفاء موسى لنبوة الشهامة. الشهم ربنا بيحب الشهامة يا جماعة دي من اعزم الصفات في الدين. اللي ربنا بيحبها. سيدنا موسى فزع لما لقى اتنين ستات واقفين والرجالة قاعدين يملوا الماية من البير وهو ما بيملاش. قال ما خطبكما الشهامة من الايمان. حبيت ابدأ الحلقة ان انا اذكركم يا اخوانا ان الاكلاشيهات اللي احنا بنقولها في الدين دي ده مش دين يا جماعة. الدين هو الشهامة العملية الدين انك انت من ساعة ما التزمت يبقى كل اسبوع فيه مرة بتشطب لمامتك المطبخ بتنضف الشقة بتلمع احزية والدك بتكوي الهدوم اللي المفروض تتكوى تبقى دي الشهامة ده الكلام العملي. الدين انك انت كل شهر كل شهرين تحوش حاجة وتقوم عازم اخواتك على دليفري في البيت تقوم تبهر والدك والدتك اديني انك انت كل مرة في الشهر تتصل بقرايبك تروح تزور خالتك. تروح تزور عمتك وتجيب لها يا عم حتى اتنين كيلو استفندي كده لو معك فلوس ما عكش خلاص هتتفتح على ايد التلاتة شئت ام ابيت اخوك ربنا هيفتح عليه زي ما فتح عليك والداعية التاني ربنا هيفتح على ايده زي ما فتح على ايدك. وهو ربنا وربكم. ربنا مش بتاعك انت لوحدك. ربنا مش هيديك وهيحرم غيرك. ربنا هيجبر خاطر دي الشهامة يا جماعة الشهامة ان لما واحد صاحبك في الدفعة يمرض ولا تقوم عامل جروب ومدخل الدفعة ليه؟ وتقول لهم اسهم والسهم بعشرة جنيه ويلا يا جماعة نجمع مبلغ لصاحبنا يبقى انت قائد مجتمعي. دي الشهامة او تعمل مزكرة. تساعد اصحابك فيها. دي الشهامة. الشهامة ان اصحابك في الصحبة الصالحة تعزمهم عندك في البيت مرة. تعزمهم على غدا مرة. الشهامة تبقى انسان عملي. انما اخوة الاكلاشيهات دي يعني ايه مش عارف والله يا جماعة يعني مش شايف ان ده دين بصراحة يعني. الشعار التاني فسقى لهما ثم تولى يعني انت ولا ذهب الى ما هو اولى. هو رايح للرجالة دول عشان يساعدوه وهو هربان من مصر. فلما لقاهم اندال مع الفتاتين قال هم دول هيستندلوا مع اللي محتاجين بالمنزر ده ويسترجلوا معي انا فخلاص ما سألش حد حاجة وراح تحت شجرة وقال يا رب انا بقول الشعار ده ليه ثم تولى ما تضيعش عمرك في اختيارات انت عارف من الاول انها غلط ما تضيعيش عمرك في سكك انت عارفة من الاول انها غلط. فيه يا جماعة اختيارات عاملة زي الحامل في جنين ميت. هينزل هينزل يعني ما تقعدش تعشم نفسك باماني كدابة. انت عارف انه فلان هو لا راجل ولا شهم ولا بيقف في ضهر حد. ولا بيسند حد. واقف على بابه ليه؟ انت عارف ان فلان عمره ما كان له تأثير ايجابي في حياتك. في دين او في دنيا. وعلى طول رسايله سلبية بتحطمك وبتحبطك. بتصاحبه ليه؟ خليك زكي. افهمها من بدري ما تقعدش تضيع عمرك ورا اوهام وانت عارف انها اوهام. بس قاعد تضيع عمرك وراها. سيدنا موسى شاف كده فهم على طول ان في ذلك لايات للمتوسمين اللي بيفهمها وهي طايرة. المتوسم اللي مش مش لازم يدفع عمره تمن انه يفهم. اللي من برة كده بيفهم الطريق الصح من الطريق الغلط. او الانسان كويس من الانسان الوحش. سيدنا موسى شكلهم ناس وحشة. خلاص ثم تولى. اروح اشوف المصلحة اللي بحق وحقيقي. الشعار التالت على استحياء الشعار هنا فين على دي ؟ على على اللي بتفيد الاستعلاء يعني الاستعلاء على حاجة كده بتفيد الاستعلاء ان فيه حاجة عالية. على دي رفعت البنت دي قد ايه بنت مقابلة سيدنا موسى وسيدنا موسى عمل لها خدمة هي واختها وهي كانت حية وروحت بيتها. على دي رفعتها. من بنت عدية لزوجة رجل الله رفعتها من بنت عادية لزوجة موسى كليم الله. رفعتها من بنت عدية لامرأة من ال البيت. بسبب علا شفتم الحياء ازاي؟ شفت الحياء هيرفعك عند الله وعند الخلق ازاي؟ الشعار الرابع ان خير من استأجرت القوي الامين. القوي قوي دنيويا فاهم في شغله الامين عنده دين. عنده امانة لا هتنفع من غير دنيا ولا هتنفع من غير دين ولو باسم الزهد دمرنا نجاح الملتزمين في الدنيا يبقى احنا مجرمين مش متدينين ولو احنا باسم النهضة والتنمية دمرنا ارتباط الملتزمين بقيام الليل والعبادة. يبقى احنا برضو ناس مجرمين مش متدينين. لا هتنفع من غير نجاح ولا من غير نجاح ديني مش لازم كل ملتزم يبقى ناجح في الاتنين. ولكن لازم يبقى الفكر عند الملتزمين وكل واحد وهمته ان خير من استأجرت القوي دنيويا الامين دينيا سنشد عضدك باخيك. الشعار اللي بعد كده يعني ايه سنشد عضدك؟ زمان لما كان مسلا فلاح هيشتغل في الغيط شغل رهيب العضد بتاعة العضد هتتحرق من كتر الشغل ما وراهاش شغل رهيب. فكانوا يقوموا رابطين العضد عشان مهما اشتغل بالعضلات ما تتحرقش العضلات. سنشد عضدك مش برباط. انت يا موسى وراك مهام دعوية جبارة. لو نزلت لوحدك هتتحرق عضلاتك هتتحرق ما فيش حد يقدر لوحده. ما حدش يقدر يشيل الدين لوحده. عليه ما حمل وعليكم ما حملتم. ما حدش يقدر يشيل الحمولة لوحده ابدا. لازم كل الملتزمين يشيلوا مسؤولية الدين عشان الدين ينجح. في الواقع فربنا بيقول له انا هاحمي عضلاتك. من الحرق ساشد عضدك بس باخيك. اخوك من غير ما نتعاون مع بعض قارئ لما بشوف واحد بيغير من اقرانه في الدعوة او اقرانه في العمل الديني. آآ واحد صاحب موقع اسلام وبيغير من وصاحب موقع اسلامي تاني. واحد بيغير من ده تاني باقول سبحان الله العظيم. انت بتغير من مفتاح نجاحك. من اللي انت لو ما حطتش ايدك في ايده انت هتتحرق وهو هيتحرق يبقى ما تنساش امانك من الحرق في مجهود الدعوة الى الله. اخوك اتعاون واقبل الشراكات وبطل انانية والصخرة مش هتتفتح على ايد واحد ابدا الدعاء. وهيجبر خاطر كل العاملين للدين بمزاجك او غصب عنك. اتعاون مع الكل. وافرح للخير اللي ربنا اداه لغيرك. وحط ايدك في ايد والا انت اللي هتتحرق في النهاية ولقد وصلنا لهم القول لعلهم يتذكرون. كلمة جميلة بتأسر في قلبي اوي يا جماعة. يعني اه وصل الحبال ان ان احنا نقعد نربط الحبال ببعض لحد ما تايه تكفي المسافة كلها. يعني ربنا مش هيقطع رسايل التسكير عنك يوم ربنا ما قطعش رسايله عنهم. ما قطعش رسالاته عنهم. بل وصلها ان ربنا بعت لهم الرسل لحد عندهم. ربنا بيوصلك الرسايل لحد عندك وما بيقطعش رسايله عنك. وفيه قول تالت وصلنا لهم خير الدنيا بخير الاخرة. يعني ما قلتلكوش ان انتم لو تدينتم تسيبوا الدنيا وتاخدوا الاخرة. هتاخد دنيا وهتاخد اخرة الخير هيفضل موصول في حياتك دنيا وقبر واخرة مش عايز ربنا ليه ده ربنا بيقول لك انا هاديك الخير دنيا واخرة. مش عايز ربنا ليه؟ مش عايز الخير الموصول ليه ربنا اقام حجته على البشر كلهم. الشعار اللي بعد كده شعار بتوع الجدية واهل علو الهمة في الحياة. واذا سمعوا اللغو اعرضوا عنه. مش ازا يا جماعة بلاش كلام كتير اللغو الكلام اللي في الفاضي يعني. اعرضوا عن ده ما ليش دعوة انا اصلا بتاع اللغو والناس الكلمنجية انا ما بصاحبهاش اصلا. انا ما بصاحبش واحد يدمر لي ديني نجاحي انا مش مش اؤثر راحتي على مصلحتي انا عايز ارتاح وعايز مصلحتي في نفس الوقت. يبقى انا صاحب الناس اللي عارفة تبقى ناجحة وعارفة تبقى سعيدة. لها صاحب السعيد الفاشل. ولها صاحب الناجح التعيس انا عايز الاتنين لان ربنا علمني ان انا لازم اسعى للاتنين دنيا واخرة بازن الله. واذا سمعوا اللغو اعرضوا عنه وقالوا لنا اعمالنا. لنا انا ما ليش غير عممي. انا ربنا هيديني بسبب عملي برحمته طبعا سبحانه وتعالى. انا عملي هو المقياس اللي عندي في الحياة. هو ده اللي بيني وبين ربنا يبقى انا مش بتاع كلام بتاع اعمال. يا ريت لو الملتزمين كلهم يطبقوا هذه الكلمة الشعر اللي بعد كده ولا تنس نصيبك من الدنيا تلات اقوال تلات اقوال يا جماعة جمهور المفسرين وهيقول لك ولا تنسى تصفيقك من الدنيا يعني اتمتع برضو بجمهور المفسرين ان نصيبك من الدنيا هو العمل الصالح هو ده اللي انت بتخرج به كل الباقي فاني. بعض المفسرين قال نصيبك من الدنيا هو الكفن. ما انتش هتخرج منها غير بالكفن بعض المفسرين قال نصيبك من الدنيا وده الامام مالك رحمه الله نصيبك من الدنيا هو متعة الدنيا. يبقى اجتهد في الدين وما تنساش استمتاع بحياتك الشعار اللي بعد كده فخرج على قومه في زينته. السوشيال ميديا بقى الدور القانوني اللي بيأديه الوقتي الفيس والانستا والسوشيال ميديا والمنصات التواصل الاجتماعي بكل براعة. هو ليه الاكتئاب بقى دلوقتي حياة الاطفال والبانيك التاكسي بقت بتيجي للاطفال. هو زمان يا جماعة احنا واحنا في العشرينات ما كانش الكلام ده عندنا اصلا. هو ايه اللي حصل؟ اللي حصل ان دنيا خرجت بزينتها على السوشيال ميديا. دلوقتي اي طفل عنده عشر سنين شايف اكبر ملكات جمال للعالم. الشاب اللي عنده عشرين سنة شايف قصور العالم. كل الشباب عايزين يهاجروا عايزين يسيبوا البلد ليه ؟ لانه هيتجنن على الدنيا اللي شافها على السوشيال ميديا. خرجت الدنيا في زينتها. لما فرعون رفع سيفه ودبح اطفال بني اسرائيل واغتصب نسائهم الدعوة ما وقفتش لما لما قارون خرج في زينته حواليه ملكات جمال العالم الجواري حواليه الدهب والجواهر اللي بمليارات حواليه الجنود وحواليه الابهة واللبس اللي ما حصلش في الدنيا بني اسرائيل بطلوا يمشوا ورا موسى والدعوة وقفت. اللي دهب اللي سيف فرعون ما عملوش دهب قارون عمله وهو ده اللي السوشيال ميديا بتعمله دلوقتي. عشان كده مهمة الدعاء بقت صعبة اوي يا جماعة. لان السوشيال ميديا ورت الشباب كلهم اجمل قصور اجمل شباب. اجمل آآ نساء. اجمل جوازات في العالم متجوزين ملكات جمال العالم. اجمل يخوت. اجمل مجوهرات. الدنيا بقت قدامه عينه بنص جنيه. نت يتفرج على كل النعيم اللي في الدنيا. زمان كان الفقير بينام في الكوخ ويقول يا سلام يا رب! ده انا واخد اللي الملوك ما خدوش النهاردة الملياردير بينام في القصر ويقول يا رب حرمتني ليه ؟ من المتع اللي انا غيري واخدها دلوقتي غرف نوم ملوك الارض العفش اللي فيها بقى قدام عينين الشباب على السوشيال ميديا بعشرة ساغ نت يبقى السوشيال ميديا الوقتي اللي عايز يحطب نفسه هو حر يسيب عينيه لا تمدن عينيك. اللي هيمد عينيه هو حر هيتحطم نفسيا. زي ما الاطفال الوقتي بسبب السوشيال ميديا بقى بيجي لهم اكتئاب تاكس. ونوبات فزع وهلع عشان كده ربنا قال بعدها ولا يلقاها الا الصابرون. يعني ايه؟ يعني المعاني العالية دي اللي العلماء قالوها ويلكم ثواب الله خير. مش اي حد بيقدر يوصل المعاني العالية دي. مش اي حد يا جماعة بيرزق المعاني العالية والفهم العالي في الدين. امال ايه اللي صبر على طاعة الله. لحد ما ربنا من عليه بالفتحة على قلبه بهذه المعاني النورانية العالية. الشعار اللي بعد كده لولا ان من الله علينا لخسف بنا. ليه؟ عشان بيقولوا لولا ان ربنا من علينا كان زمانا اتخسف بنا مع قارون. طب وعشان ايه؟ لانهم كانوا بيتمنوا الدنيا مش لانهم مارسوها لانهم تبنوها. تمني الدنيا حرام احنا عايزين الدنيا عشان تبقى خدامة للدين. عشان دعوتنا نركبها البي ام. مش عشان احنا نركب البي ام. احنا عايزين الدنيا عشان الدنيا نعمة الخادمة للدين زي ما ربنا زي ما الرسول سماها نعمة صاحب المسلم. لانها فعلا بتخدم الدين وبتخدم الدعوة. انما الدنيا ولا لها لازمة. يا اخوانا احنا مستقبلنا الحقيقي في الجنة. الشعار الاخير تلك الدار الاخرة نجعلها للذين لا يريدون علوا في الارض ولا فسادا ابن تيمية بيقول الناس اربع انواع. واحد عايز علو ومش عايز فساد وواحد عايز فساد ومش عايز علو وواحد عايز علو وفساد وواحد لا عايز علو ولا عايز فساد اللي عايز علو وفساد قال الحكام الظلمة. هو لازم الناس تفسد عشان هو يفضل عالي قال لك طب واللي عايز فساد ومش عايز علو قال لك الشباب الفاسدين. هو عايز فساد بس مش في دماغه الوضع بتاع العلو. قال لك واللي عايز علو ومش عايز فساد. قال لك علماء الدين المنافقين. اللي هو هو عايز العلم يوصله لانه يسود ويعلو. طب واللي مش عايز علو ولا فساد دول الصديقين الاطهار اللي نسأل الله سبحانه وتعالى ان يجعلنا منهم. اللهم امين اللهم امين. آآ يعني تعال سريعا كده انا عايزكم بس يا جماعة تقروا الف سنة الا خمسين عاما. كلمة مرعبة. فيه ناس صبرت تسعمية وخمسين سنة. يعني لو مرة عمل جولة بالنهار مرة عمل جولة بالليل تلت تربع مليون جولة دعوية عملهم في الدعوة الى الله. ده لو جولة بالنهار وجولة بالليل. لو ليلا ونهارا مرة بالنهار ومرة بالليل. عايزكم قدام قول الله واعبدوه واشكروا له. ايه اللي جاب الشكر بعد العبادة؟ ما دام عبادته هيفتح عليك وهيملى حياتك بكرم فاشكره على الكرم اللي هيده لك بعد العبادة واخر حاجة اولئك يأسوا من يعني ايه اولئك يأسوا من رحمة؟ ربنا بيتكلم على الكفار. قال اللي خلاهم يكفروا انهم يئسوا من رحمة ربنا. لو كان عندهم حسن ظن في رحمة ربنا ما كانوش كفروا يبقى اللي وداهم في داهية انهم مش مستنيين ان ربنا يعمل لهم حاجة. المعنى التاني ان ربنا هييأسهم من رحمته يوم القيامة. خلاص والعياذ بالله. انما المعنى الاول عند المفسرين اولئك يأسوا من رحمته ان هم ما كفروش. غير لانهم ما عرفوش رحمة ربنا قد ايه. غير لان كل نعم ربنا في الحياة هم. وكل ايات رحمة ربنا في القرآن والسنة ما اقنعتهمش للاسف بسبب فشلهم ان ربنا ارحم الراحمين. يبقى اللي هيوصلنا للفرحة والسعادة ان احنا نؤمن برحمة ربنا ونرجو رحمة الله سبحانه وتعالى. ان شاء الله بكرة نبدأ بقى في الجزء الواحد والعشرين بازن الله. يلا يا رجالة عشان العشرة الاواخر من رمضان هنعتكف ولا لأ ؟ يا اخوانا الاعتكف كيف ده سنة النبي عليه الصلاة والسلام؟ العشرة الاواخر من رمضان ده اعظم فرصة انك تفضل تقرا القرآن ليل نهار انك تقرا القرآن بتركيز ليل نهار وليلة القدر اللي من الزمان هنفوز بالقرآن وهنفوز بليلة القدر ازاي الا لو اعتكفنا شدوا حيلكم في الاعتكاف اوعي تترددي اوعى تتردد بازن الله الاعتكاف للرجال وللنساء وربنا سبحانه وتعالى هيرزقك لو انت صادق في طلب هذا الامر. ما تضيعوش الفرصة واحدة من امهات المؤمنين اعتكفت وعندها نزيف وعندها ناس حتى كانوا يضعوا الطاسة تحتها من كتر الناس في اللي عندها. يعني واحدة المفروض تروح الطوارئ ومصممة انها تعتكف عشان ما تضيعش حظها من القرآن ولا من ليلة القدر الله يجعلنا من الفائزين بليلة القدر هذا العام. الله يرزقنا خير العشر الاواخر هذا العام. اللهم ما انزلته من فتح نصر ومدد ونور وهدى وبركة وثواب على عبادك الصالحين في العشر الاواخر من رمضان. فاجعل لنا منه اعظم حظ ونصيب برحمتك يا ارحم الراحمين. سبحانك اللهم وبحمدك اشهد ان لا اله الا انت استغفرك واتوب اليك وجزاكم الله خيرا انا نورا بالكتاب الاعظم فلتسعدي يا نفس والتتنعمين سيري الى المولى الكريم الاكرمين. في نور ايات الكتاب الاقومي. يا نستنون بالكتاب