السلام عليكم ورحمة الله وبركاته. بسم الله والحمد لله والصلاة والسلام على رسول الله. يعني رسالة كده سريعة وتذكير سريع لحبايبنا اللي لسه بيناموا عن صلاة الفجر الناس اللي بتسهر
آآ قاعد بقى سهران بيتفرج على المسلسلات والافلام وبيضيع صلاة الفجر في ليلة من الليالي كان حد من الصحابة اسمه آآ ربيعة سيدنا ربيعة رضي الله عنه كان بايت عند النبي عليه الصلاة والسلام بيخدمه
فجاب للنبي المية اللي بيتوضا بها النبي عليه الصلاة والسلام قال سلني يا ربيعة نفسك في ايه؟ اطلب مني ايه طلب فقال ربيعة رضي الله عنه اسألك مرافقتك في الجنة
قال له انا عايز ابقى معك في الجنة. ابقى في المنزلة بتاعتك في الجنة النبي عليه الصلاة والسلام قال اوغير ذلك؟ عايز حاجة تانية يعني نفسك في اي حاجة تانية من امور الدنيا
قال هو ذاك. مش عايز اي حاجة غير ان انا ابقى معك في الجنة. فقال صلى الله عليه وسلم فاعني على نفسك بكثرة السجود نفسك تبقى من اهل الجنة النبي عليه الصلاة والسلام قال له عايز تبقى في نفس المنزلة معي في الجنة اعني على نفسك بكثرة السجود
احنا عايزين نبقى من اهل الجنة وعايزين نبقى من اهل الفردوس الاعلى وعايزين ننجو من النار فعايزين اهم حاجة الانسان يعملها اكتر حاجة تقرب الانسان من ربنا وتبعده عن النار
ابعدوا عن غضب ربنا سبحانه وتعالى هو ان هو يكون من اهل الصلاة. النبي عليه الصلاة والسلام قال قال الله تعالى في الحديث وما تقرب الي عبدي بشيء احب الي مما افترضته عليه. يعني اكتر حاجة ربنا بيحبها تقربك منه ان انت تعمل فرائض. ومن اهم الاركان ومن اهم الواجبات ومن اوجب
الوجبات على الانسان هي الصلاة وصلاة الفجر مميزة يعني صلاة الفجر هي في الواقع فعلا دليل صدق محبة ربنا سبحانه وتعالى. ودليل اخلاص براءة من النفاق لان النبي عليه الصلاة والسلام قال ان صلاة الفجر هي اتقل صلاة على المنافق
اثقل الصلاة على المنافقين. الفجر والعشاء وهي دليل ان انت بتحب ربنا فعلا وان انت معزم ربنا في قلبك لو الانسان بيحب ربنا ومعزم ربنا سبحانه وتعالى هيحب ربنا اكتر من من آآ
من هوى نفسه ان النفس بتحب النوم وبتحب الراحة فلما ييجي في وقت ان انا المفروض ان انا انام فيه وارتاح فيه واسمع الاذان الله اكبر الله اكبر واقوم اصلي
دي علامة ان انت مؤمن بتحب ربنا سبحانه وتعالى وعلامة براءة من النفاق مش بس كده دي علامة ان انت فاكر الاخرة لان كل ما الانسان بيبقى متذكر الدنيا ومنغمس فيها
ومشغولة عن الاخرة بيبان قوي في حتة صلاة الفجر دي يعني احنا ايام من فترة قبل قبل الاحداث والحزر والكلام ده لما كانت المدارس شغالة والفجر كان ايه يعني كان لسه في الشتا شوية متأخر شوية الساعة خمسة مسلا كنت لما تنزل ساعة الفجر تنزل ساعة الفجر ما تلاقيش حد في الشارع خالص الشوارع
آآ ربنا يا رب يرد المساجد تاني يا رب ويكشف عنا الوباء والبلاء يا رب دلوقتي ساعة آآ ساعة بعدها بساعتين بس تشوف الناس وهي نازلة للشغل ونازلة للدراسة ونازلة
بتلاقي الناس منتشرة في الشوارع فده دليل ان احنا احنا بنعرف نقوم اهو بنعرف نصحى. معزمين الدنيا يعني الامهات بتصحي العيال وبتنزلهم للباصات في الشوارع والناس نازلة موزفين نازلين والطلاب رايحين المدارس والناس رايحين الجامعات
فاحنا بنعرف نصحى وبنعرف ننزل من بدري الساعة سبعة الصبح لكن ساعة الفجر قليل مننا اللي بيصحى يصلي فده دليل ان احنا معظمين الدنيا. قال تعالى بل تؤثرون الحياة الدنيا
والاخرة خير وابقى طيب عايزين نقول كده ايه؟ انا اخد ايه يعني ايه ثواب وايه الحاجات اللي انا ممكن اخدها لو انا حافظت على صلاة الفجر؟ اول حاجة ان صلاة الفجر سبب لدخول الجنة
والنجاة من النار النبي عليه الصلاة والسلام قال من صلى البردين دخل الجنة. اللي يصلي الفجر والعصر بازن الله ده وعد من ربنا سبحانه وتعالى ان هو يكون من اهل الجنة. من صلى البردين دخل الجنة
وقال صلى الله عليه وسلم لن يلج النار احد صلى قبل طلوع الشمس وقبل غروبه لن يلج يعني لن يدخل. يعني اللي بيحافظ على صلاة الفجر قبل طلوع الشمس اللي هي صلاة الفجر وقبل غروبها اللي هي صلاة العصر
اللي يحافز على الفجر والعصر بازن الله ده مش هيدخل النار بازن الله تالت حاجة ان ان صلاة الفجر سبب ان انت سبحان الله يوم القيامة تشوف ربنا سبحانه وتعالى في الجنة. النبي عليه الصلاة والسلام لما نظر الى القمر وقال انكم سترون ربكم
كما ترون هذا القمر لا تضامون في رؤيته فان استطعتم الا تغلبوا على صلاة قبل طلوع الشمس وقبل غروبها فافعله يعني النبي عليه الصلاة والسلام بيقول لنا ان احنا ان شاء الله في الجنة هنشوف ربنا
دي من اعظم اعظم لزة اعظم لزة على الاطلاق في الجنة فالنبي عليه الصلاة والسلام بيقول لنا عشان توصل للنعيم ده توصل للذة دي لرؤية وجه الله سبحانه وتعالى لازم تكون من اهل صلاة الفجر لازم تكون من اهل صلاة الفجر فان استطعتم الا تغلبوا على صلاة
قبل طلوع الشمس وقبل غروبها فافعله مش بس كده صلاة الفجر كمان زي ما النبي عليه الصلاة والسلام علمنا قال ان صلاة الفجر سبب لحفظ ربنا سبحانه وتعالى. قال صلى الله عليه وسلم من صلى الصبح فهو في ذمة الله
في ذمة الله في حفز ربنا وربنا يوفقك طول اليوم مش بس كده صلاة الفجر كتير مننا هو يعني عبادته ضعيفة بيسمع عن اخبار قيام الليل والصلاة الطويلة والناس اللي كانت بتصلي
طول الليل ويصلي بيختم القرآن في في في ليلة واحنا مش عارفين نعمل ده عبادتنا ضعيفة والهمم بتاعتنا ضعيفة صلاة الفجر ترفعك المنزلة دي. ان انت تصلي الفجر في جماعة
لو انت دلوقتي خلاص المساجد مقفولة صلي في البيت صحي اهل بيتك وصلوا مع بعض جماعة النبي عليه الصلاة والسلام قال من صلى العشاء في جماعة كان كمن قام نصف الليل
اللي يصلي العشاء في جماعة كأنه صلى نص الليل. ومن صلى الصبح في جماعة او الفجر في جماعة كان كمن صلى الليل كله يعني الفجر يديك نص الليل والعشاء كأنك خدت اجر وقيام الليلة كلها. لو صليت الفجر والعشاء في جماعة
تمام آآ صلاة الفجر فيها خصوصية ان دي صلاة كل كل يوم بينزل فيها ملايكة يعني كل يوم في الفجر وفي العصر الملايكة بتنزل وبتقول لربنا سبحانه وتعالى بترفع الناس اللي كانت بتصلي صلاة مشهودة محظورة من الملائكة
النبي عليه الصلاة والسلام قال يتعاقبون فيكم ملائكة بالليل وملائكة بالنهار ويجتمعون في صلاة الصبح وصلاة العصر وبعدين ايه النبي عليه الصلاة والسلام قال ثم يعرج الذين باتوا فيكم فيسألهم ربهم وهو اعلم بهم
اه فيسألهم ربهم وهو اعلم بهم كيف تركتم عبادي كانوا بيعملوا ايه؟ قالوا يا رب تركناهم وهم يصلون واتيناهم وهم يصلون اتخيل كده كل يوم الملايكة بتطلع تقول لربنا سبحانه وتعالى
ان في وقت الصلاة دول كانوا معزمين الصلاة. كان واقف بيصلي تركناهم وهم يصلون في كتير مننا وبقاله يعني بقاله شهور وبقى له مدة طويلة جدا في وقت الفجر نايم
ما بياخدش الاجر ده. يعني وقت الفجر كمان من الخصوصية بتاعته ان ده وقت آآ بركة تقسيم الارزاق ان الرزق بيقسم فيه صلاة مشهودة من الملائكة وقرآن الفجر مشهود ده ركعتين الفجر السنة بتاعة الفجر
النبي عليه الصلاة والسلام كان بيقول ان هي احب الركعات دي الركعتين دول احب للنبي عليه الصلاة والسلام من الدنيا وما فيها ركعتا الفجر خير من الدنيا وما فيها خير من الدنيا وما فيها. ركعتين بس بتوع ايه؟ نافلة
النبي عليه الصلاة والسلام علمنا ان يعني لو احنا عارفين الثواب بتاع صلاة الفجر هننزل من بيتنا نزحف يعني النبي عليه الصلاة والسلام قال لو يعلمون ما في العتمة والصبح
دواب العتمة اللي هي صلاة العشاء والصبح لاتوهما ولو حبوا يعني لو نعرف الفضل في صلاة الفجر ننزل زحف اخر حاجة نختم بها ان صلاة الفجر كل ليلة في معركة يومية مع الشيطان عشان ما تصحاش عشان يقطع عنك سقتك بربنا سبحانه وتعالى في بداية اليوم
لان صلاة الفجر بتديك سكينة وبتديك راحة وبتديك طمأنينة وبتخليك طيب النفس كده وتخليك في نشاط نشاط للطاعة. النبي عليه الصلاة والسلام قال يعقد الشيطان على قافية رأس احدكم اذا هو نام ثلاث عقد
عليك ليل طويل فارقد يجي يقول لك نام ده اليوم طويل عليك ليل طويل فارق قال فاذا قام فذكر الله انحلت عقدة فاذا صلى فاذا قصدي توضأ انحلت عقدة فاذا صلى انحلت عقده فاصبح نشيطا طيب النفس
والا اصبح خبيث النفس كسلان الشيطان عايزنا نبقى ايه خبيث لنفسي كسلان دي علشان يقدر ان هو يبعدنا عن كل خير ويوسوس لنا يوقعنا في كل شر فعايزين نجتهد ان احنا نكون من اهل الفجر
ننام بدري آآ بلاش السهر المحرم قاعدين نتفرج على المسلسلات والافلام ونسمع اغاني ونعمل معاصي في في الليل فده سبب ان المعصية يعني بتخلي انسان تقيل مش قادر يعمل العبادة ومش قادر يعبد ربنا سبحانه وتعالى صح
هتخلي الصلاة تقيلة على قلبك فنحاول ان احنا ننام على طاعة ما ننامش على معصية تنام على طهارة تزكر ربنا سبحانه وتعالى نام بدري خد بالاسباب اتفق مع حد من اصحابك يصحيك
هات منبه حلو آآ يعني آآ تقدر تصحى عليه. الله اكبر الله اكبر ربنا يجعلنا من اهل الفجر ويتقبل منا ومنكم يا رب ويبلغنا رمضان. والسلام عليكم ورحمة الله وبركاته