1
00:00:00.050 --> 00:00:20.050
السلام عليكم ورحمة الله وبركاته. انا جاي اقول يا جماعة شكرا استازة اماني. انا جاي اوجه رسالة لاستازة اماني مدرسة اللغة العربية عربية اللي احنا كلنا اتفرجنا لها على مقطع والله حاسبها اه اه يعني وهي بتهوي على الطلبات في الامتحان في وقت الحر الشديد. اللي احنا كلنا يعني حاسين به

2
00:00:20.050 --> 00:00:40.050
ولكن انك تحس بغيرك. انك انت تخاف على غيرك. ان المشاعر ترجع في قلوبنا تاني تجاه بعض يا جماعة. مش انا كل مشاعري تجاه زوجتي واولادي وبس انا ما اعرفش حد تاني. الاول درس انت وصلتيه يا استازة اماني ناس كتير اوي مننا انا وكلنا اول درس درس التراحم

3
00:00:40.050 --> 00:01:00.050
جماعة درس الرحمة زي ما ربنا في سورة الفتح نهايتها. بعد ما اتكلم اربع صفحات عن الفتوحات المهولة. اللي اداها للمؤمنين. السبب ايه يا رب؟ قال في الاخرة رحماء بينهم بسبب مشاعرنا في قلبنا تجاه بعض. بس بل المشاعر كمان تجاه حتى غير المسلم. ربنا في سورة البلد. اكتر سورة فيها كلام عن

4
00:01:00.050 --> 00:01:20.050
عزيب المشركين للنبي عليه الصلاة والسلام فعامل حزن ربنا قال وتواصوا بالمرحمة. ان احنا نرحم الجميع زي ما الحبيب محمد عليه الصلاة والسلام. بيقول الراحمون يرحمهم يرحمهم دي مضارع مستمر يعني بتتنازل عليهم رحمات مستمرة. يرحمهم الرحمن. يعني انت بترحم الناس

5
00:01:20.050 --> 00:01:40.050
طب ومين بقى اللي مين اللي هيشكرني ما الناس ما بتقدرش والله يقدر. ربنا هيرحمك الراحمون يرحمهم الرحمن. ارحموا اهل الارض شوفوا الرواية بتاعة النبي عليه الصلاة والسلام. ارحموا اهل الارض. يعني الرسول ما قالش ارحموا المسلمين. ولا قال ارحموا المتدينين. قال ارحموا اهل الارض العاصي والطائع

6
00:01:40.050 --> 00:02:00.050
المسلم والكافر الانسان والحيوان. ارحموا اهل الارض. يرحمكم من في السماء. يعني اللي هيرد لك الجميل ده ربنا اللي هيرد لك رحمتك وتراحمك مع الناس ربنا. الواد فين التراحم يا جماعة؟ فين التراحم؟ نفس الموقف بتاع استازة اماني ده انا يعني يعني مرة كنت

7
00:02:00.050 --> 00:02:20.050
في لجنة امتحان من لجان امتحان العلوم الشرعية يعني تبع جامعة القاهرة وحصل ان الامتحان كان صعب جدا جدا يعني فبعض الناس بقيت المراقب قام انا هعمل لكم تحقيق. انا هطردكم برة اللجنة. انا هعمل لكم مش عارف محضر غش. يا عم ارحم الناس. الناس يعني يعني بلاش

8
00:02:20.050 --> 00:02:40.050
ايه الطريقة دي! يا جماعة عايزين نتعامل مع بعض برحمة عايزين نخاف على بعض. عايزين نحس ببعض. ارحم بنتك. ارحم ابنك. ارحم الاطفال اللي في دار الايتام اللي جنبك ارحم ارحم حتى اللي غلط في حقك وهو ما كانش قصده ومش فاهم. او ما اتعلمش اللي انت اتعلمته او ما لقاش حد يفهمه. اللي انت اتربيت عليه

9
00:02:40.050 --> 00:03:00.050
ايه من القيم ارحم مراتك ارحم ضعفها. حتى لو هي غلطانة. ارحم والدك ارحم اصحابك. عايزين الرحمة ترجع بنا تاني ارحموا اهل الارض يرحمكم من في السماء. ده الدرس الاولاني. معلمة بدرجة ام. والله يا جماعة الدرس التاني الضمير. الضمير

10
00:03:00.050 --> 00:03:20.050
يا ايها المسلمين الضمير يا جماعة يعني انا راجل مصري ويعني واكلم كل مسلم وباكلم الشعب المصري يا جماعة الضمير عايزين يبقى عندنا ضمير في شغلنا. انا باشوف موزفين كتير. فاكرين كان فيه مسلسل زمان كده اسمه ضمير ابلة حكمت لأ احنا يعني طفل صغير كده

11
00:03:20.050 --> 00:03:40.050
ابلة اماني. يعني احنا عايزين انا عايز القط حتة الضمير دي غير حتة الرحمة. مهمة اوي. ان كتير كتير من المدرسين والموظفين والدكاترة بينزل الشغل بتاعه الساعة تسعة يروح يمضي. الساعة اتنين يمشي وعايز اخر الشهر يقبض المرتب. وانا ما لي! حصل مشاكل ما حصلش مشاكل

12
00:03:40.050 --> 00:03:50.050
طب انت ما انت شغال ليه؟ يا عم على قد فلوسهم. يا جماعة عايزين يبقى عندنا ضمير بقى. عايزين يبقى عندنا امانة. انا عايز اقول لكل دكتور بينزل مستشفى حكومي حكومي انا

13
00:03:50.050 --> 00:04:10.050
عايز اقول لكل مهندس شغال في هيئة مساحة انا عايز اقول لكل موظف في شهر عقاري ولا في اي شركة خاصة او عامة انا عايز اقول لكل درس ولكل مدرسة انا عايز اقول لكل عامل دليفري. شغال دليفري تبع اي ابليكيشن ولا تبع اي انا عايز اقول لكل واحد شغال في اي شغلانة في القطاع العام

14
00:04:10.050 --> 00:04:20.050
والخاص حديس النبي عليه الصلاة والسلام. حديس صحيح عن النبي عليه الصلاة والسلام. العامل ازا استعمل اي واحد مننا دكتور في مستشفى اي واحد استعمل في عمل من اعمال الدنيا

15
00:04:20.050 --> 00:04:40.050
فاخز الحق ما خدش فوق حقه. بقى عنده امانة في الشغل بتاعه واعطى الحق. يعني ادى بامانة. ادى الضمير اشتغل ضمير فلا يزال كالمجاهد في سبيل الله حتى يرجع الى بيته. يعني سواب سواب الجهاد في سبيل الله طول

16
00:04:40.050 --> 00:05:00.050
الدوام بتاعه. طول الشغل بتاعه طول ما الدكتور في المستشفى انا بقول لكل طبيب كل مريض فرصة انك توصل للفردوس الاعلى. انا بقول لكل مدرس ومدرسة كل طالب في فرصة انك توصل للفردوس الاعلى. انا انا بقول لكل موزف كل عميل للشركة او للمصلحة الحكومية. فرصة ان ربنا يرحمك الزي في السماء يا جماعة الضمير

17
00:05:00.050 --> 00:05:20.050
يا جماعة احنا عايزين نحس بالام بلدنا شوية. نحس بالام واقعنا شوية. نحس بالام امتنا شوية. نحس يا جماعة ان احنا مسئولين يعني ايه الامانة؟ الامانة اللي الدين كله بيقوم عليها يعني تحمل المسئولية. انا مسئول هي المدرسة يا استازة اماني يعني يا ابلة اماني ميس اماني. هي كانت مشكلتها ايه؟ الطالبة

18
00:05:20.050 --> 00:05:30.050
عايشة في الحر ولا انا مالي! انا وظيفتي ان انا اراقب ولو اي بنت طلعت ورقة او كده آآ آآ انا ما لي! الانا مالية دي ودتنا في داهية! وودى الدول

19
00:05:30.050 --> 00:05:40.050
في داهية. وودت اقتصادنا في داهية. احنا قاعدين نشتم في الدنيا. الدنيا وحشة. الدنيا غدارة. الناس هي اللي وحشة. والناس هي اللي غدارة. الناس هي اللي بتاكل برص بعض. الناس هي اللي بتاكل مال اليتام

20
00:05:40.050 --> 00:05:50.050
الناس هي اللي ما بترحمش بعض. الناس هي اللي ما بتساعدش بعض. الناس هي اللي عاد كتير جدا. ما فيش شهامة مع بعض. نعيب زماننا والعيب فينا. وما لزماننا عيب

21
00:05:50.050 --> 00:06:10.050
ونشكو ذا الزمان بغير جرم ولو نطق الزمان لنا هجانا. شعر الامام الشافعي الله يرحمه احنا قاعدين نشتم في الدنيا احنا المشكلة فينا احنا المشكلة في الناس آآ يعني شكرا استازة اماني آآ يعني حاولت ان انا آآ استفيد لنفسي واستفيد لكل واحد

22
00:06:10.050 --> 00:06:30.050
الشعب المصري وفي الواقع العربي وفي العالم الاسلامي الدرسين دول التراحم بينا وبين بعض. شفتم ربنا شكر لها ازاي ؟ شفتم ربنا موقف موقف بسيط ده وما كان ربك نسيا. ربنا رتب امور ان الدنيا كلها تعرف انها عملت موقف رغم انها ما كانتش واخدة بالها. ده ده كاميرة الفصل كمان ده مش حتى كاميرة موبايل ولا

23
00:06:30.050 --> 00:06:50.050
ولا عارفة ولا حد واخد باله ولكن ربك سبحانه وتعالى يراك. ربنا ما دي ارحموا اهل الارض يرحمكم من في السماء. انتشار هزا مقطع دليل على صدق النبي عليه الصلاة والسلام وعلى ان دي فعلا معاملة ربنا. والحاجة التانية الضمير. ازاي يبقى عندنا ضمير؟ ازاي ما نبقاش مجرد موزفين؟ ازاي نبقى اصحاب

24
00:06:50.050 --> 00:07:10.050
رسالة في شغلنا الدنيوي دا هو. يا بنتي شغلك الدنيوي داهو يا ابني شغلك الدنيوي دا هو والله فرصة لدخولك الفردوس الاعلى زي بالزبط الدين والدعوة وقيام الليل. يا جماعة عندنا في الاسلام ما فيش فرق بين الدين والدنيا. الاتنين طريق للفردوس الاعلى. بس يبقى عندنا امانة مع دينا. وامانة مع

25
00:07:10.050 --> 00:07:23.200
وامانة مع مهنتنا وامانة مع العملاء والمرضى والناس اللي بتيجي لنا في شغلنا يبقى عندنا امانة ربنا سبحانه وتعالى يدخلنا بها الفردوس الاعلى اللهم اغفر للمؤمنين والمؤمنات اللهم امين