لكن آآ انا اخشى انه قد يحرم القلب ويصرف من دخول النور في قلبه ان البعض يقول لك لا لا عادي جدا اللي معهم اموال في غاية السعادة اخشى ان يقدر عليك السلام عليكم ورحمة الله وبركاته الحمد لله رب العالمين له الحمد الحسن والثناء الجميع واشهد ان لا اله الا الله وحده لا شريك له واشهد ان محمدا عبده ورسوله. وبعد فاسعد الله اوقاتكم بكل خير واسأل الله سبحانه وتعالى ان يلطف بنا وبكم حيثما كنا وكنتم واسأله ان يكتب لي ولكم التوفيق والعمل الصالح والعلم النافع ما زال حديثنا حول عطور السكينة وما زال حديثنا حول الحياة الطيبة الله جل جلاله قال من عمل صالحا من ذكر او انثى وهو مؤمن فلنحيينه حياة طيبة واتكلمنا في مفهوم من الحياة الطيبة وقلنا ان معظم الخلق بيبحثوا عن الحياة الطيبة اللي هي السعادة اللي هي السكينة اللي هي الطمأنينة اللي هي الهدوء فاسأل الله ان يديم علينا هذا الطيب في الحياة وقلنا ان من عاش حياة طيبة مات ميتة طيبة الذين تتوفاهم الملائكة طيبين. نسأل الله ان نكون من اهل هذه الاية حتى نسمع سلام عليكم ادخلوا الجنة ومن مات ميتة طيبة بعث بعثا طيبا طبتم فادخلوها خالدين ومن كان بعثه طيبا كان مآله ومستقره طيبا طوبى لهم وحسن مآل وبضدها تتبين الاشياء على العكس حياة بلا ايمان حياة بلا عمل صالح قلق توتر يعني تنغيص خنق اه ضجيج في داخل الحياة كل اللي انا قلته ده اللي هو اسمه الضنك من من اعرض عن ذكري فان له معيشة. هذه المعيشة ضدك. نسأل الله العفو والعافية. معيشة ضنكا دي اللي ناس كتير لا ينتبهوا لها الناس جربوا انواع المتع واللذات يبحسوا عن السكينة والهدوء والسعادة وراحة البال وتوسعوا فيها اي ما تتسع ومع زلك ما حصلش ليهم العيش الطيب يعني من اعجب ما ترى البلاد اللي هي زي السويد وغيرها لا يشتكي اهلها الفقر لا يشتكي اهلها قلة ذات اليد ولا ضعف في الاموال كل شيء بيعانون عليه من الدولة. غلاء العيش التعلم اي حاجة سم مع زلك من اكثر معدلات الانتحار عندهم. طيب ليه ايه المشكلة ليه الموضوع ده وصل هل الموضوع ده له تفسير هل احنا كمسلمين واضح لنا قوي التفسير بتاعنا اه ان احنا يا جماعة ان السعادة ده السعادة دي شيء داخلي ولا خارجي ان السكينة شيء داخلي ولا خارجي هي اثار هذه الامور يظهر على الخارج لكن المنبع منبع النهر منبع بير السعادة هو فين تتداخل ليس في الخارج عشان كده كل اللي بيدور على سكينته وعلى سعادته وعلى راحته براه مش هيلاقيها مستحيل تلاقيها برك هي جواك وانت مش مش عاوز تواجه نفسك وشوفوا الناس اللي بيبحسوا عن السعادة في غير الطريق ده. بيبحسوا عن سعادة براهم يشرب مخدرات مسكرات ليه؟ بيدور على الاثر عاوز ينتعش عاوز يكون عنده انتعاش. فاذا لديه ارتعاش تلاقيه ماشي كده قاعد عمال يرتعش عادي وانت بتسلم على العيد وكده تحس ان ادع لي يا شيخ. تحس ان ايده بتتهري قدامك وهي معه بيدخل المصحة رغما عنه وبيهرب ويدخل مرة واتنين وتلاتة وبهدل حياة والدته وحياة والده كل اللي حواليه حياتهم ادمرت اولاده اسرته سبحان الله! كل من يحبه اخذ جانبا منه ليه اي طريق الناس مشيوا فيه عشان يجيبوا سعادته. فيه طريق فيه اسلوب سهل وحاجة يعني ممكن نقول عليها مهارة تفكيرية يعني حاجة بالتفكير ممكن ترتاح تظبطها. ايه هي؟ اي حد قال لك ده طريق السعادة اقف كده شوية وحاول تجيب اخرة الناس اللي مشيوا في السكة دي الناس دي اخرة الطريق ده وصلوا فين؟ يعني واحد بيقول لك تعالى نشرب وبتاع والمشروبات اللي بيسميها زلما وعدوانا روحيا والمسكرات دي. بيقول لك دي بتخليك رايق بتنعشك بتديك السعادة اهدى شوية خلاص؟ عن الايه؟ مفاهيم الايه الحلال والحرام دلوقتي. بالراحة خالص. انت تسأل نفسك كده سؤال واحترم عقلك واحترم نفسك ان هنيجي معنا ان في ناس يعني اه مخرب زاته استاز ورئيس قسم في تخريب الزات انت دلوقتي ربنا كرمك واعطاك بدن وجسد ربنا اثنى عليه ان هو كرمه. طيب هذا التكريم اللي ربنا اعطاه ده. احترمه بقى احترم ان اداك عقل اه اداك طريقة في التفكير اسأل بقى نفسك وقف كده الناس اللي مشيوا في الطريق ده نهاية الطريق كانت السكينة نهاية الطريق كانت السعادة وانت يا اللي حريص قوي قوي قوي انك يكون تطلع من الماستر تاخد الدكتوراه وبعدين استاز دكتور وبعدين نفسك بتعينك على وكيل الجامعة وبعدين عينك على رئيس الجامعة وبعدين عينك على وزير مش عارف تعليم وبعدين عينقك على الرئاسة وبعدين عينك على مش عارف بعد ايه كده اسأل نفسك اللي مشيوا في السكة دي من ميت سنة ومتين سنة وتلتميت سنة وحياتهم خلصت عاشوا سعداء بقوا سعداء وكانوا مبسوطين قوي قوي قوي ان هي ديت يعني اقصد ان الحاجة دي بعينها هي اللي جابت لهم السعادة اللي هيقول اه في نهاية السلسلة دي لازم يقول لأ ليه؟ لان هو بيقول اه دلوقتي لان هو مش فاهم يعني ايه سعادة الفتاة اللي مشيت مع كل شباب الجامعة وكانت شايفة ان دي السعادة وده الاسلوب اللي يخليها يعني مستمتعة لأ هي دي اسمها لزة وهمية مش سعادة وهمية البنت اللي تعيش في الجو ده ايه اللي بيحصل؟ نهاية الطريق ده ايه؟ خلينا بهدوء خالص ركزي كده مع نفسك. انت البنات اللي سبقوكي واللي كانت بتقول انا بفتخر ان انا اول واحدة لبست شورت في الجامعة كان في حد بيقول كده وحتة واحدة تانية كانت بتايه تفتخر ان هي اول واحدة لعبت باسكت في الجامعة. طيب السكة دي اللي دخلوها النهاية ايه اللي حصل بعضهم الكل اتجوز وهي ما اتجوزتش دفعت فواتير كل حاجة بتدور بقى في وقت الجد على زوج. هي كانت في الجامعة عايشة صداقة. الحقيقة عاوزة زوج للاسف الازواج ما ينفعوش يتجوزوا واحدة فكانت عايشة بمفهوم الصدقات مع غيرهم انا في يوم من الايام في واحد من الشباب بعيد قوي عن ربنا في يعني ايه؟ والاستقامة ربنا يهدينا ويهديه ففي يوم من الايام بيقول لي انا عاوز اتجوز فانا بقول له ياه ده انت مقضيها. ده انت يعني بنات حيك كله عارفينك وبنات الجامعة كلها عارفينك فقال لي كلمة جامدة قوي قال لي يا محمد انا عاوز زوجة مش عاوز صاحبة دول ما ينفعوش ان يكونوا زوجاتي. دول انا لا ااتمنهم على اولادي واوعي تكوني فاكرة ان هم مش بيبقوا فاهمين لا ده فاهمين قوي وعارفين قوي ان دي تمنها ايه وعارفين مين البنت الغالية ومين البنت الرخيصة ولو اتجوزت بيبقى معروف قوي الجواز ده رخيص ولا غالي ممكن يبقى بالفلوس غالي لكن بكل حاجة تانية رخيصة فانت بتشوفيهم زاهرا؟ اه ممكن تكوني اتجوزت اخ بس انت زي ما هتعرفوا في السلسلة دي هتعرفوا ان هم يعني الجسد متزوج لكن هتعرفي الروح اللي هيحصل فيها ايه دلوقتي واوعى تظن ان هناك انسان سيسعد في حياته من الداخل وهو بعيد عن الله والا فهناك ازمة معك باليقين في كلام الله بان ربك وعدك ان ده قانون نهائي. وان ده حكم ولا معقبة لحكمه ان ربنا قدر وقضى ان من اعرض لضنك ان ده ضنك واخدين بالكم المعنى ده مهم جدا فالشاب اللي انا كنت بقول لكم عليه ده هو عارف جدا يقول لك دي لا تؤتمن. طب هو فكر اهو. طبعا على اساس ان هو يؤتمن. هو نفس الكلام يعني هو عنده مشاكل كبيرة. بس احنا بنتكلم فين؟ دي ودي فواتير المعاصي فبتكون لقت نفسها ان هي في محطة في حياة غيرها وبارت سلعتها كما يقولون يعني. اقصد يعني اجمل ما فيها بيع بارخص ما تملك الشاب اللي دخل الغناء وصوته جميل والناس كلها اجتمعوا حواليه اخرة الطريق ده ايه الشاب اللي كان بيشوف ان السعادة في ارتكاب الخطأ والفاحشة بعد مرة واتنين وتلاتة واربعة يقول لك ان ده كله مسخ يمكن قلت قبل كده اللي بيشرب سجاير ده ليل نهار لو مستمتع وهو يعني بيجي في الاوقات السحر او بين الازان والاقامة او هو صايم ويجي يفطر بيدعي للي علمه شرب السجاير ودخله في نادي المدخنين لأ ليه مش هو دخلك في السعادة وهو كان السبب في انه هو دخلك نادي النجومية قانون القوانين في السكينة ومحكم المحكمات السعادة ان تعي هذه الجملة بكل وضوح اتعصيه وتطلب منه ان يسعدك وتعصيه ليل نهار. دي طبعا معصية اللي هي الطبيعي في خلق المؤمن مفتنا يعني عنده ايه زنب يعتاده الفينة بعد الفينة لكن في واحد لأ مقضيها عكس اتجاه السير وبيقول لك سيسعدني ناس كتير بيزن ان المال هو السعادة وربنا بيقول لنا فلا تعجبك اموالهم. لا لا لا اوعى تنبهر قوي بالاموال والاولاد. انما يريد الله يعمل بها ايه بقى؟ ليعذبهم بها. ياه يا جماعة انتم ما مرش عليكم في حياتكم ناس معها فلوس متعزبة بها عمركم عمركم ما مر عليكم ان في ناس معها فلوس اتعزبت بها سبحان الله كل حاجة لها قانون يا جماعة صح جرت العادة ان الماية بتغلي عندي كم درجة الماية بتغلي عند كم عند مية طيب هو في كلمة اتقالت ممكن تكون اتقالت بتهريج ان تغرق في مال لا يحصى ولا يعد ثم يقال لك ستكون عبرة حتى يراك غيرك فيعتبر جعلنا من حولك عبرة لك فلم تنتبه بل ادعيت انك لا ترى سنجعلهم يرونك انت خز من بعض مال قارون ما شئت وسنريهم اياتنا فيك فانتبهوا انتبهوا لان فيه ناس كتير الواحد بيكون عايش عيشة ظاهرا معها الطلاق الخارجي لكن حقيقتها عافانا الله واياكم نسأل الله السلامة. طبعا نحن نتكلم عن الذين يقعون في اللي واخدين طريق عكس اتجاه السير ده كان في واحد واخد طريق ربنا وبيقع كل شوية نرجوا ان لا يكون هذا هذا الامر يعني متلبس بيك ان اتكلم عن اللي واخد طريق بعيد عن ربنا وغرقان في المال اللي واخد طريق بعيد عن ربنا او ان الاستقامة ليست يعني من مبادئه من حياته. هذا الذي اعنيه ليس مجرد اي واحد ملك مالا فبنقول ان كل حاجة لها قانون كل حاجة لها قانون الحق الماية بتغلي عند مية ان المعادن بتتمدد بالحرارة تتقلص بالبرودة طب ايه هو قانون بقى الحياة؟ الحياة الطيبة الحياة الطيبة لها قانون عمل صالح وهو مؤمن. هو ده القانون وهو مؤمن يا جماعة وهو مؤمن ان بيجعل العبد الايمان يجعل العبد يرضى عن الله ويحب الله ويستسلم لحكمه وقضائه وهو مؤمن الايمان اللي بيمنع عبد القلب العبد يقين بان الله هو الخالق فهو الذي سيخلق الجنين في بطني وهو الذي سيخلق حب زوجي في قلبي لان الحاجات دي كلها يخلقها الله انك تتعبد وتبقى مؤمن انه هو الخالق. وانت بتاخد بالاسباب وهو الخالق وهو الرزاق. الايمان اللي يملى قلبك يقين. ان ربنا هو الرزاق سارة سقطوني في المادة وحسبي الله ونعم الوكيل وكنت المفترض وكنت وكنت وكنت وكنت طيب ده زلم والدنيا مش نهاية المطاف لكن سؤال هل انت اتحرمت رزق للاسف حرموني رزقي انت مسكين فين ايمانك فين الايمان بتاعك انه هو الرزاق هو القابض هو الباسط هو المعز هو المزل سبحانه وتعالى الايمان اللي يخلي العبد لا يبتغي العزة الا في طاعة الله ولا يتعلق قلبه باحد سواه ولا يلجأ الا الا يعلم انه لجأ الى ملك الملوك امان الخائفين. جابر القلوب المنكسر ان له رب ارحم به من امه التي ولدت ومن ابيه الذي رعاه وانه حين يأوي الى ربه آوى الى ركن شديد ان يكون عنده وهو مؤمن ان الدنيا دي دار ممر وليس مقر كتير منا بيتضايق وبيتوتر والسكينة بتبدأ تتشتت من قلبه. ليه جا له بلاء ما عافانا الله واياكم وسبتنا الله واياكم فتلاقيه متوتر جدا. احد اسباب التوتر. عارفين ايه ان هو في قرارة قرارة يقينه ان الدنيا ليست دار ممر هو يؤمن بها ويصدقها ولكن لا يستشعر الايمان بها الايمان يا جماعة هو الحضور الايمان هو حضور هذا في قلبك ان الدنيا دار ممر وليس مقر فلان توفي اول كلمة بيقولها يقول ايه انا لله وانا اليه راجعون ويعلم انه راجع وان هذه الدار دار ممر ليست مقر هذه ليست بلاد الافراح ولكن الاتراح الاصل ان دي مش بلد الافراح حتى لو كنت بتبتسم فيها فاللي يعرفها ما بيفرحش لرخاءها ولا يحزن لشقاء لانها مؤقتة دي دار مؤقتة جعلها الله دار بلوة والاخرة دار عقبة. عشان كده بعض الناس يقول لك ايه طب انا يا شيخ قطعت ربنا وابتليت يا مسكين اصلا مفهوم واضح مفهوم الايمان عنك ومفهوم طاعة الرحمن في مشكلة ضخمة كأنك تعبده بمقابل تقول له انا اديتك اهو حجاب واتحجبنا صلاة وصلينا دعاء ودعينا تاخد بابا بقى اه يضيق علي في شغل الحاجات دي. انا لأ انا على طول هاقول حتة هقول حد باطنا حتى لو مش زاهرة هسيب كل حاجة هقلع حجابي لا انا اسلمت على شرط اسلمت عشان اخد الايه؟ السعادة الزاهرة اما ان انا السعادة دي تتاخد مني نحن هلأ ما اقدرش اكمل ما اقدرش اكمل في الطريق ده عشان كده الناس دي اه ما بيستحملوش ابدا اي بلاء ليه؟ لانه بيتعامل مع الله والعياز بالله يعني ليس من ان هو ادى اللي عليه. يقول لك ربنا خد حقه حقه؟ وهل الله سبحانه وتعالى وتعامل معها هكذا يقول لك احنا ادينا ربنا حقه. يا مسكين عشان كده الشخصيات دي مهما عبد ربنا هو دايما فاقد السكينة مهما الشخصية دي عبدت ربنا وبقى عابد عملاق ومعاه القراءات العشر فاقد السكينة له لان هو فيه مشكلة مع مع في مشكلة يعني عارفين يا جماعة اقول لكم على حاجة عشان يعني اتمنى ان انا اوفق في توصيلها في واحد بيعبد ربه في واحد بيعبد رب الرب ده فقير هيأسر عليه في الدعاء والنفسية بتاعته ولا لن يؤثر لو فيه واحد بيعبد رب تصوره عن الرب ده انه فقير هل هيؤسر عليه وهو بيدعي؟ يعني هو بيدعي كده هيقول لك ايه؟ يا رب ارزقني مسلا مسلا الف جنيه. زميله بيقول له يا عم ما تقول مليون. لا لا ما هو هيجيب منين والعياز بالله هو بقى دي عقلية بعض اللي في في اديان قايمة على كده لما قالوا ان الله فقير فمن الذي اغناهم؟ خلاص بقى عقلهم صدى. لكن خلينا بقى نكمل كده اثر اكثر الاعتقاد ده في سلوك هؤلاء. ايه اللي حصل؟ الاسر ده الاسر ده شفه سمع معهم ايه؟ واحد في غاية البخل ما تلاقوش عندهم فكرة الانفاق دي ان يطلع اطلع كده وصدقاته وانفق وبتاع لأ. على الاقل يتشبه بربه. يعني من باب التخلق ما ينفعش خليك فقير سبحان الله بدها ناس بتعبد ربا هكذا وفي ناس تانية بيعبدوا رب محتاج للولد والصاحبة. طب هتأسر عليهم ايه دي بقى مم اتأسر عليهم في ايه؟ بيعبدوا رب بيحاسب واحد على جريمة غيره ويصلب واحد على جريمة اخطأ فيها غيره ده واحد بيعبد ربه هكزا. طب دي هتأسر معه في الفلسفة بتاعته بفلسفة فهم العدل ولا مش هتأثر هل في يوم من الايام دول هينتجوا قضية عادلة ازا كان الرب بيحاسب ناس على مكان ناس. وفيه ناس بتتصلب عشان ناس تانية فمستحيل صح؟ اه. انت بقى عشان كده يا جماعة هؤلاء يعبدون ربا لا نعرفه نحن. احنا مشتركين في في الكلمة بس اه ربنا. لكن نحن نعبد ربا لم يتخذ صاحبة ولا ولدا نعبد ربا غنيا يده ملأى سحاء الليل والنهار هذا ربنا الذي نعبده نفس الكلام بقى انت بتعبدي رب عليم خبير يعني انت بتعبدي رب خبير بك وايه اللي ينفعك انت بتعبدي رب له الحكمة البالغة ولا فيه حد احكم منه انت بتعبدي رب له الرحمة الشاملة الواسعة ولا فيه حد ارحم منه انت بتعبدي رب له القدرة المطلقة ولا فيه حد اقدر منه انت بتعبدي رب وهكزا بقى حطي كده المعاني الاسماء دي وشوفي هل انا باعبد ربا حكيما له الحكمة البالغة وقادر له القدرة المطلقة لو كنت باعبده وانا باعبد رب كده وبارفع ايدي باقول له يا رب اكرمني بكزا واعطني كذا فان اعطاني اللهم لك الحمد وان لم يعطيني فعندي يقين انا اعبد الحكيم الذي لطف بي ولحكمة ما اجل اعطاء الان ده امتى انا هعيش كده لو انا بعبد الرب الرب اللي انا بعبده لو الحكمة البالغة ده كان في واحد بيعبد رب المفترض يفكر زي يعني هو برضو نفس العقل بتاعي كده برضو انا هي اهي اهي شايفها واضحة جدا ان واضح جدا يا جماعة ان ندى تنفع هي اولى الناس بها عبدالرحمن شبه بعض وبحبوا بعض وكل حاجة. فليه يحرمهم من بعض؟ فليه ما يقدرش الاسباب هو فين فين الوعي وفين الحكمة وفين العلم؟ اه اللي بتعبد رب عليم حكيم خبير ودود لطيف بتقول ايه بقى؟ فوضت امري اليك ولا اثق الا فيك الموضوع عند ربي هو حسبي يعني كافيني ونعم الوكيل. خلاص انا وكلته في الموضوع ده الموضوع مش عندي فلما بتعامل انا بالطريقة ديت اه بادرك بقى. بابقى عارف كويس قوي لكن الدربكة بتيجي فين؟ الدربكة بتيجي هو انت كنت بتدعي مين يا جماعة المناجاة دي ده حوار بينك ومناجاة انت تناجي الله لازم تعيشوا لكن اما توب بقى انت بقى رافع ايدك اه يا رب ومش عارف ايه ويا رب ان آآ ما تخشش العملية يا رب تولد طبيعي ما تولدش ايه اه غير طبيعي فتولد غير طبيعي. ايه اللي يحصل تساقط قد كده ومتضايقة اوعى امال تتحسس نقابها تخلعه ولا ما تخلعوش. ليه لان هي رفعت ايديها لواحد مش حكيم قلت له يعمل كزا لكن للاسف ما حسبهاش صح حاشا الله سبحانه وتعالى طبعا يعني بقول ان دي نفسية بعض الناس نفسية بعض الناس عايش كده وحاسس ان الموضوع هو خلاص دي قدرته هو لا يملك قلوب العباد فانا اما قلت له غير قلب زوجي علي هو لا يملك ولو كان يملك لفعل هذا حاشاه سبحانه وتعالى. عشان كده لازم تفهم من الرب الذي تعبده ومن الرب الذي رفعت يدك تمرغ وجهك في التراب وتدعوه مين الرب ده مين مين اللي انت دعيته ده؟ انت عارفه ولا انت بتدعي حاجة تانية اوعى تكون بتدعي رب فقير عشان كده قلنا انك تصورك على اللي قدامك هيفرق كتير قوي التصور انت بتعبد دي عشان كده لو هتبدأ تفهم بقى وتدوق انما تقعد مع ناس فاهمة هيقولوا لك الكلام ده لو شاهدت عيناك من حسننا الذي رأوه لما وليت عنا لغيرنا ياه كأن القدر وتقدير الله سيقول لك هذا لو شاهدت عيناك من حسننا الذي رأوه لما وليت عنا لغيرنا. عمرك ما كنت هتروح انك تعترض على اقدار الله ولو سمعت اذناك حسن خطابنا اه لو تسمع صريف الاقلام ومكتوب لك ايه خلعت عنا ثياب العتب وجئتنا تيجي تقول له انا امين ولو ذقت من طعم المحبة ذرة اعذرت الذي اضحى قتيلا لاجلنا اه والله لو دقت طعم المحبة لو حبيته تعزر الناس اللي بتضحي ها قالس قتلى في سبيل هذه الشريعة الجميلة الذي تكلم بها الجميل سبحانه وتعالى هقول لك على حاجة وهقول لك على حاجة. البلاء اللي انت فيه ده اللي هو الشديد اللي هو فيه سرطان ولا هو فيه مش عارف ايه وانه زوج منعك وانه زوج كزا زاهره فيه شدة ولكن انك دايق ان الجميل هو الذي قدره عليك انت مدرك ان الله الجميل هو الذي قدره عليك يعقوب لما حصل ما حصل واخذوا ثمرة فؤاده قال لهم ايه؟ فصبر جميل انا ساكون انسان جميل ولن يدخل قلبي الا كل جميل ليه؟ لاني اعلم ان الذي قدر علي هذا هو الحكيم الجليل تخيلوا ان الله لم يقدر على يوسف ما قدره وابقى يوسف بين ابيه تخيلوا كده كمية السناء والمدح لشعيب قصدي يعقوب ويوسف كان هيكون موجود لغاية دلوقتي بعد كل القرون دي والاف السنين دي بنفس القوة طب لو خيره الله سبحانه وتعالى يوم البلاء وقال له تحب يوسف ادي صفحتين اهو شف القدر تحب يصغي ويبقى جنبك وقاعد يلعب مع هاكو وقاعد جمبك وفي الاخر خالص نبي زي الانبياء وانت زيك زي اي واحد صالح ولا نديك الصورة ديت ويظل كل البشر يحبوا سورة يوسف ده حتى ناس غير مسلمة بتحب تسمع سورة يوسف وتسمع صورتك وهخلي كل الناس تحبك يا يعقوب وهم بيقرأوا سورة يوسف. شوفوا يا جماعة واحنا بنقرأ سورة يوسف كلكم بتتعاطفوا تلقائي مع يعقوب حتى لو ما طلعتوش فوايد آآ من قصة من المواقف بتاعته بس تلقائي كده بتحسي الجد الطيب الراجل الصالح اللي هو حاجة جميلة اوي اوي اوي اوي اوي سبحان الله ربنا يرزقنا نعلق في يوم من الايام على ايات يعقوب آآ الحياة بقى الطيبة ديت بتيجي امتى؟ ما الحياة دي يا جماعة تتصل بالحياة دي تتصل باصل الجمال وهو الله الحياة الجميلة دي الطيبة تتصل باصل الكمال وهو الله وباصل الجلال وهو الله سبحانه وتعالى فانت مع المنعم لا النعمة وانت مع مقدر البلاء وليس البلاء وده اللي فلت به ايوب لما قال له مسني الضر وانت ارحم الراحمين يعني قول يا ايوب ايه اللي حصل لك؟ انت بقى لك اكتر من عشر سنوات تعبان فايه اللي حصل لك؟ كلمنا عن اللي عندك. انا؟ اه مسني الضر. انا ما فيش خالص انا فقدت اهلي؟ اه يا اهلي والمرض اقعدني والناس بيتكلموا علي اه كل ده؟ اه هو يعني يعني هو شوية مس يعني مسني مسني الضر لكن شوفوا اما جه يتكلم على ربه قال له ايه؟ وانت ارحم الراحمين ياه انا حسيت ان ايوب استحضر كل الناس اللي ممكن ترحمه في البلاء ده وتعالى على زاته وتعالى على الجميع وقال له انا مش شايف غيرك سبحان الله وانت ارحم الراحمين زي يعقوب كده لما استدرك على نفسه وقال لهم خلي بالكم منه وبعدين في الاخر قال لهم لا لا لا مش انتم اللي هتحفزوه الله سبحانه وتعالى هو الزي سيتولى امر يوسف حفظا ورعاية وكلاءة فنسأل الله ان يكون خير حافزا لنا فعرفتوا بقى يعني ايه يا جماعة كلمة ذاق طعم الايمان ذاق طعم الايمان. من رضي بالله ربا. يا سلام! يعني من رضي بالله ربا رضي بالله انك تكون راضي بربك الذي قدر عليك هذا فالمرء عندما يستحضر هذه المعاني يعرف فعلا يعني ايه ذاق طعم الايمان؟ لان الايمان له طعم يا جماعة. الايمان له طعم. دي الداء. يعني الله اكبر ربح البيع ابا يحيى ربح البيع ابا يحيى هسألكم سؤال فين البيع اللي تم هنا فين البيع؟ يعني هو هو باع ايه واشترى ايه ايه اللي هو باعه انت ممكن تدوق الايمان؟ اه انا ممكن ادوق الايمان تبادوه فين بقى؟ اه ما هوش اي حد يدوق كل الناس لهم السن سبحان من خلق الجميع بلسان وفرق بينهم في المذاق هو اعطى الناس كلها الكل عنده لسان بس مش الكل بيدوق في واحد بيدوق حاجة تانية خالص فما بيحسش بالطعم وما بيشوفش الايه الحاجة دي عشان كده يا جماعة قانون الحياة الطيبة ركنين عمل صالحا اه وهو مؤمن عمل صالح بالقلب عمل صالح بالكلام باللسان عمل صالح بالجوارح ده بيحدس في النفس اريحية لكن لابد ان يصاحبه ايمان عشان السكينة تكتمل وعشان الاجور فمن مميزات العمل الصالح مع الايمان يشعر صاحبه بانه في حياة طيبة وان قارعته القوارع وصارعه الالم عشان كده هيرقل الجملة مهمة قوي سأل ابا سفيان قال له هل يرتد احد منهم سخطة لدينه؟ يا سلام على اللفظة قولوا هو في حد ممكن يعترض كده وبتاع فقال له لأ. قال له وكذلك الايمان حين ايه بقى تخالط بشاشته القلوب يا سلام يا جماعة هل قلبك مليان ايمان فيه بشاشة انا اما ابص كده لو عملنا لك اشعة كده وانا يا منكد على الجهاز وعملنا لك اشعة وقلنا ان في اشاعات للقلوب. وهنطلع قلبك كده هنلاقيه مبتسم هنلاقي الايمان بتاعك فرحان طيران قعد عمال يضحك ويهزر وواحد يشوف الصورة دي ويقول لك بالله عليك يا عجوز تاخد نسخة اه نخالط بشاشاته القلوب. الصحابة يا جماعة كانوا عايشين عيشة مترفة ومنعمة في في بلادهم ومرة واحدة اتسلب منهم كل ده بسبب اسلامهم سلب منهم كل شيء. ولكن لم يأبى الصحابة بما سلب ما دام بقي له الايمان. يا سلام! ما كان يقول يعني واحد بيتكلم يعني من التابعين فبيتكلم على الايه الصلاة هيصلي وازاي والتوب يلبسه ازاي؟ فالصحابي قال ايه او كل له ثوبان؟ انتم كل واحد منكم له ثوبان ياه انتم عندكم فلوس كده وعندكم هدوم وكده سبحان الله! كنا نغزو مع رسول الله وليس لنا طعام الا النقل. التمر الرديء. يعني باقول احنا شوفوا يا جماعة احنا وصلنا مرحلة من المراحل لان احنا هاجرنا مع النبي فتركنا كل شيء ما هو بس خدوا ايه؟ شوفوا بقى بلال هيقول لكم بقى. بلال ده يا جماعة من النمازج اللي ربحت بلال ده كانوا بيتاخد رضي الله عنه يتسحل في صحراء مكة ففي يوم من الايام واحد بيقول له انا انا مستشكل شيء يا بلال. ممكن تقوله لي بوضوح هو انت ازاي استحملت اللي استحملته ده؟ اه تعال بقى انا اقول لك قال مزجت حلاوة الايمان بمرارة العزاب. والله انا عملت عصير انا جبت كده ايه مرارة العزاب قاعد عمال تعمل وتغلي في فرحت جايب حلاوة الايمان فمزجتها بمرارة العزاب فغلب حلاوة الايمان مرارة العزاب فصبرت يا سلام! شفتم يا جماعة! وهو معه ايمان زي الماء البارد العزب زي زمزم وقدامه نار قاعدة تلسوع ارحي كب الماية دي على النار فسمع ايه خلاص هدوء النار كسبت الماية صهيب الرومي رضي الله عنه معاه فلوسه وجاي من برة جاي بقى ده رومي بقى جاي من اوروبا. جاي من الغرب وقاعد في مكة تاجر كسب ربح جت الهجرة عاوز يهاجر خد فلوسه وطالع استقبلوه قالوا له تعال انت رايح فين جئتنا صعلوق لا مال لك سبحان الله العقلية الكافرة ديت عن ما بتبعد عن الوحي حتى بيبقى كله غباء في غباء وزلم في زلم. يا سيدي هو الراجل جاي فقير وتاجر وكسى. يقول له لأ بس انت كسبت في ارضنا فهي هتاخد الايه؟ تسيب الفلوس دي فقالوا له صعلوق لا مال لك. جاي تاخد الفلوس دي وتمشي؟ مش هنسيبك طبعا. فراح مطلع السهام بتاعته قال لهم بصوا بقى. انا استاز ورئيس قسم في رمي السهام. وانتم مجربيني وانتم عارفيني الموضوع ما فيهوش هزار وهو كان معه الجعبة بتاعته مليانة سهام الكنانة بتاعته. وراح مطلعها وقال لهم بصوا بقى هنشتغل مع بعض انا هرمي السهام بتاعتي ولن يخطئ سهم رجلا منكم او ادلكو على حاجة تانية اقول لكم فلوسي فين وتسيبوني قال له طب ده عرض كويس لان ده راجل ايده تقيلة وممكن ايه كلنا ايه يتحفل علينا النهاردة ما فيش مشكلة نسيبه وناخد الفلوس. فقال لهم المكان في كزا وكزا كزا وكزا بعتوا حد لقوها سابوه كان زمان برضو يعني ان الكفار احيانا بيصدقوا في الاتفاقات يعني دخل على النبي صلى الله عليه وسلم فحكى للنبي فقال له ايه بقى اذا كان الخيار ان يرى المرء رسول الله وتسمع اذنه كلام رسول الله وقدامي الدرهم والدينار. هختار ايه طبعا كلنا بنقول هنختار النبي بقى والكلام ده صح؟ هم ده انت يا ست الكل بنتك بتقول لك يا ماما انا عاوزة البس زي ام المؤمنين عائشة بتقول لها على جستي وانت اللي لسة من دقيقة بتقول لها في الدرس بتاع الساعة تمانية كنا هنختار الله والرسول ده انت مش عاوز تترك معاملة فيها ربا وعارف انت من جواك ان هي ربا وبتقول لي هي انا مش عارف هشتري لا لا لا احنا الموضوع مختلف تماما فقال له ايه؟ ربح البيع ابا يحيى ليه مصعب يا جماعة؟ مصعب ده كان فتى قريش المدلل يعني يمشي كده خلاص البنات كانت بتفتخر ان مصعب بص لها مصعب ابن عمير كان يمشي في الشارع يا جماعة ليه عطره المخصوص ما بيجبش عطور كده من ايه من منطقته لأ مصعب ما كانش يعني راجل آآ مش محلي. مصعب ده كان راجل دولي المصعب ده اول واحد بيعمل براندات في مكة فمصعب ده يجي له الحضرمة لبس الحضرمي من اليمن ويجي له العطور من الشام. ده راجل قصة مختلفة تماما عن غيره خلاص شعره فريد برضه متميز كده سايب شعره كده ايه له لمة كده يعني ايه لغاية كتفه كده لدرجة ان النبي صلى الله عليه وسلم بيقول انا ما شفتش حد اجمل منه. في ايه؟ في لقطة الشعر دي شوفوا مع الكلام ده كله بقى المصعب ده يا جماعة كانت والدته بتأكله الفلوزج وهو نايم. يعني ايه؟ سبحان الله! يعني ييجي ينام! اه لا لا خليك انت يا مسعد. عارفين انتم الامهات اللي بتدلع وتجيب اللي ايه اه الزبد والحاجات ديت جنب عيالها كده وده انها تلعب في خدودهم. اه هو كان مصعب بيتلعب في خدوده كده فمصعب ده من سان يعني دلوعة ماما وانسان مترف جدا الفلوزج ده كان حاجة كده زي الايه؟ حاجة من الحلويات بتاعة مكة يعني زي اي حاجة انتم بتعملوها دلوقتي وهم كان عندهم الفلوزك ده حاجة يعني بتاع الناس التقيلة اوي كم مصعب ده تقيل لما جه اسلم والدته بقى قالت له لا فله زج ولا لعب في الخدود. كله هيتنصب لك على الحدود نار فالمهم يعني سبحان الله! دفع الفاتورة بتاعة القرار اللي خده. قرار الاستقامة لأ هتدفع الفاتورة عمل ايه بقى يا مصعب ده بقى ما بكى على ما فاته ليه؟ لانه في عيش طيب امتى كان ممكن يبكي يا جماعة؟ وهو حس ان ما فيش عيش طيب ما في قصة طريفة قوي عمر رضي الله عنه اا زار ابا عبيدة في الشام فابو عبيدة ابن الجراح نادى على زوجته يعني وقال هنا امير المؤمنين وقالت مرحبا من وراء الساتر يعني بامير المؤمنين فعمر سمع صوتها فقال انت فلانة يعني انت زوجة ابو عبيدة فلانة قالت نعم. قال والله لا اسيء ان لك لاسيء لك يعني هي بتستغرب جدا ايه لا وفي سؤال انك ديت. ليه انا هيتسألي؟ فقالت والله لا تقدر والله لا تقدر ده عمر يا جماعة بدون بدون الاسلام يقدر ومع الاسلام يقدر وهو امير المؤمنين مش هيقدر فبيقول لها والله لا اسوءنك فقالت والله لا تقدر فلدرجة ابو عبيدة دخل يهدي الموضوع فابو عبيدة قال له لا تقدر يا امير المؤمنين ان شئت ده انت تقدر علي وعليها. لو عاوز تسيء لي يعني ايه يعني تقدر علينا تعزير هتقدر فقالت والله لا يقدر يا ابا عبيدة. الله اكبر واضح ان هي ايه مركزة خالص فسكت عمر والتفتوا اليها فقالت هل تقدر يا امير المؤمنين ان تسلبني الايمان بعدما قذفه الله في قلبي قال لا اقدر قالت فافعل ما شئت بعد زلك وبراحتك بقى اللي نفسك فيه تعمله اعمله. انت تقدر تاخد الامام من قلبي قال لها لأه طبعا. قالت له خلاص بقى. هو بيقول لها انا هاوصيك انا هعزرك هي قالت له ايه؟ ما تقدرش بيكاد تقصد معنى تاني خالص. طبعا هو عمر ليه قال كده ان هو عاوز يعزرها وكده لان يعني في واحدة زوجة امير كبير جدا من الروم ادتها هدية ولم ايه حصل يعني اه زي اه خلاف يعني هل دي تقسم على الغنائم ولا لا؟ المهم هي احتفظت بها. فعمر كان عاوز يحزر يعني نقول ان ده غلط يعني بغض النزر عن المشكلة بقى بس شوف فكرة الجمال بتقول له ايه؟ والله لا تقدر وهل تقدر ان تسلبني الايمان عشان كده في سورة البرود الله سبحانه وتعالى زكر اسمه العزيز. ليه العزيز لان هؤلاء الله قدر ان الايمان يبقى في قلوب هؤلاء الذين حفرت لهم الاخاديد فلا يأخذه احد. ازا العزيز ازا قدر شيئا لا يغالب. خلاص ما حدش يقدر يغلب فمن قوة العزيز انه ختم على القلب هذا بايمان لا يخرج منه. ما فيش حد قدر يطلع الايمان ده اللي احنا بنقول عليهم الجماعة اللي عايشين في السكينة ومستمتعين بها دول دول يا جماعة كانوا بيمشوا كده يقولون انا لنجد لزة لو علمها الملوك واولاد الملوك لجالدون عليها بالسيوف. اه والله بقول له اقسم بالله احنا جوانا شوية حاجات لو يعرفوها ليطلع السيف ويقول لك ايه طلع لي اللي جواك ده سبحان الله مرض كان بعضهم يقول كده انه لتمر علي اوقات. اقول في نفسي لو ان اهل الجنة في مثل ما انا فيه انهم لفي عيش طيب يعني كانه سبقهم يعني في ناس يا جماعة والله وبالله وتالله في ناس عايشين وسطينا الان بيقولوا نفس الكلام برودة ويعني ايه انا في يوم من الايام كنا بنصلي في رمضان فلقيت واحد كده وهو بيتسحر معي بيقول لي لو نعيم القبر هو بيكون نفس اللزة اللي احنا بنعيشها في التهجد ده يبقى متعة سبحان الله! هي كده عشان كده ابن القيم قال لك خد المتن بتاع السكينة في القلب شعث في تفرق لا يلمه الا الاقبال على الله. والله بقى حاول تلمه من اي حتة مش هيتلم هو زي ما بيقولوا كده ون واي مشهد هو طريق واحد عدل يا جماعة السعوديين يهزروا كده يقول لك العلم عبارة عن نخلة واتنين سيف ليه بقى قال لك تمشي يمين تتضرب بالسيف. تمشي شمال تتضرب بالسيف. تمشي على طول سيدا زي ما بيقولوا بتاكل تمر هو طريق واحد لو عاوز للتمر امشي كويس امشي عدل فهي الطرفة دي بقى فعلا انت تبدأ تفهم بها حياتك انك فعلا الطريق ده جرب فيه كل حاجة في القلب شعث لا يلم يلمه الا الاقبال على الله وفيه وحشة لا يزيل هذه الوحشة الا الانس به في خلواته وفيها حزن لا يذهبه الا السرور بمعرفته فيه نيران القلب ده فيه نيران حسرات لا يطفئها الا الرضا بامره ونهيه وفيه فاقة فقر لا تسد الا بمحبته ميزتنا يا جماعة كمسلمين احنا مرتاحين الكلام ده بيريح اما الناس بقى اللي هو كسير القلق والحيرة جئت لا اعلم من اين ولكني اتيت ولقد ابصرت طريقا قدامي فمشيت وسابقى ماشيا ان شئت هذا ام ابيت كيف جئت؟ كيف ابصرت طريقي لست ادري اجديد ام قديم؟ انا في هذا الوجود. هل انا حر طليق ام اسن في قيود هل انا قائد نفسي ام مقود؟ اتمنى ادري انني ادري ولكني لست ادري. لكن انا كمسلم ادري من اين اتيت واين اسير؟ والى اين اسير والطريق لان رسولنا تركنا على المحجة البيضاء ولان ربنا قال لنا ان فمن يمشي مكبا على وجهه اهدى اما يمشي سويا اه فجعلنا الله واياكم من الاسوياء ورزقنا عيشة السعداء والحشر مع الانبياء فنسأل الله سبحانه وتعالى ان ينفع بنا وبكم كان في واحد يحكى يعني ان الراجل ده ملك الملك دوت اتاه الله حكمة وعلم وملك ودانت ليه بقى مساحات شاسعة وبيحكم ملايين من البشر وربنا رزقه اه مال وسطوة وقصور جواري بساتين كله كله كله بس مش حاسس بالسعادة فكان دايما في ضيق داخله كده وهم طويل ومزاجه متعكر كان له خادم بقى حاجة الله اكبر بقى السكينة قاعد ينشرها فواحد السكينة في القصر ده الولد ده. خادم بقى ملازم له. بس الدنيا رايقة معه. يقضي نصف يومه في خدمة الملك. والنصف الاخر مع الاسرة الملك ده لاحز سكينة الغلام والطمأنينة بتاعة الروح بتاعته والابتسامة الدائمة اللي ما بتفارقوش ففي نهاية اليوم بقى يشوفوا يحاولوا يراقبه. شايفه رايح لاسرته الشوق ما شاء الله مليء قاعد يجالسهم ياكل معهم يضحك معهم يتناول الطعام معهم وبعديها بينام قرير العين. ده جميل اوي فالملك تساءل بقى وبدأ يقعد مع الحاشية ويسألهم ايه السر في الكلام ده وليه انا للملك وعندي الجاه وعندي المال وعندي الخدم وعندي القصور؟ لا انعم بربع راحت الخادم ده فسبحان الله واحد من المستشارين قال له ايه بقى انتو تتوقعوه ايه الجواب ايه اللي انتم تتوقعوه راحت الباء ايه كمان ده قلبه مليان على زوال ملكه. جميل في حد واضح ان هو ايه عارف الفكرة حب الله سلامة الصدر جميل قوي الدكتور خالد المنيف ذكر القصة دي وبيزكر فيها قاعدة تسعة وتسعين. ايه قاعدة تسعة وتسعين دي بقى؟ المستشار قال له قاعدة تسعة وتسعين مرتبطة بالكلام اللي احنا كنا بنتكلم فيه قال له جرب معه قاعدة تسعة وتسعين وهتعرفها ايه بقى قاعدة تسعة وتسعين؟ قال له انا ههديك قال لي الخادم انا هديك مية دينار وهرسلها لك النهاردة مع سين وسين ده كان امين اوي اوي اوي بعت له تسعة وتسعين دينار قصدا مش مية بس هو قال له انا هبعت لك مية الملك نفز وعمل كل حاجة وآآ والراجل صاحبنا جميل خد الخادم ده الدنانير دي وكان مبسوط قوي بس بدأ يعدها واحد اتنين تلاتة تسعة وستين تسعة وسبعين تسعة هوب لقاهم تسعة وتسعين في واحدة مش موجودة بدأ يوقز اهله ويدور انا كنت شايل هنا السرة وكان مفترض فيها ميت دينار. فين الدينار؟ الدينار وقع الدينار وقع. مضى الليل بتاعه وقاعد يدور حسم نفسه ضاقت ساءت نفسيته تاني يوم راح القصر خائر القوى ان ضائق الصدر. وانهكه السهر عندها ادرك الملك معنى مبدأ تسعة وتسعين ايه بقى مبدأ تسعة وتسعين ان الخادم ما شفش التسعة وتسعين دينار وعلق سعادته على ايه؟ على الدينار المفقود هو ده اللي بهدله الحقيقة الغائبة ان الموجود تسعة وتسعين دينار اكسر بكتير من المفقود اللي هو دينار واحد عشان كده يا جماعة خرج التربويين والنفسيين بمعنى جميل قوي ان من ابرز تقنيات السكينة والسعداء تقنية الاستغناء فان عز عليك امتلاك مزرعة كبيرة اخرجها من عقلك مش عارف تجيب عربية تويوتا موديل السنة دي يا عم طلعها من دماغك تعزر عليك انك تتجوز من بنت عمتك وواضح ان عمك الدنيا متلخبطة والدنيا فيها مشكلة ولا زميلتك اللي كانت معك وبتاع خلاص انساها فكرة الاستغناء لن تستطيع انك تملك كل ما تشتهي المعنى ده مهم اوي اوي اوي انك تعيشه لان السعادة مش في امتلاك مزيد من الاموال اومال العسور على ايه؟ السعادة انك تعسر على معنى من الحياة الجماعة النفسيين يقول لك العلاج بالمعنى واحنا اكتر حاجة عندنا كمسلمين المعاني بس اللي يعيشها اتسمين الموجود والموهوب ده من الحاجات اللي تديك نفسية عالية قوي قوي وسيبك من الجماعة اللي قاعدين يرقصوا قدامك رقصة الموت اللي شاغلينك اه يعني المسحوق الخارجي ده انتم عارفين الديك بيرقص ليه اه طبعا مبسوط الواحد عمال يرقص بس خلي بالك الديك ده احيانا بيرقص عشان فعل السكينة اللي بتقطع في وريده. واحتزت العنق بتاعته فدي اسمها رقصة الموت لا رقصة الطرب المتنبي بيقول لك لا تحسبوا رقصي بينكم تربى فالطير يرقص مزبوحا من الالم كان احد الفلاسفة بيقول لك ما تنخدعش بضحكهم لانهم لا يضحكون ابتهاجا وانما تفاديا للانتحار يا عم الحاج ما تركزش قوي كده انت بس بتحكم على الزاهر اه الدكتور مصطفى محمود كان بيقول احنا بنخرج من الدنيا بحزوز متقاربة برغم ما يبدو في الزاهر من بعض الفوارق ما بين غنى الاغنياء وفقر الفقراء. لكن المحصلة النهائية من السعادة والشقاء الدنيوي متقارب فالله يأخذ بقدر ما يعطي ويعوض بقدر ما يحرم وييسر بقدر ما يعسر وقول جملة جميلة قوي بيقول ولو دخل كل منا قلب الاخر لاشفق عليه انا لو دخلت قلبك سأشفق عليك وانت ان دخلت قلبي ستشفق علي ولا رأى عدل الموازين الباطنية اي الخفية برغم اختلال الموازين الظاهرية. ليه؟ لان الميزان الظاهر هذا ميزانك انت ايها البشري الناقص الترابي. اما الميزان الحقيقي الخفي هو ميزان الرب العلي فبيقول بقى لو رأى العدل دي لما شعر بحسد ولا بحقد لان هيجي معنا ان زعله في ناس زعولة والنكد اللي زاهرة النكد اللي موجودة دي. في ناس كده سبحان الله قال لا يجيد الا مهارة النكد. يعني يقول لك انا ما نكدتش النهاردة عليهم. هنكد عليهم ازاي؟ على فكرة في اوقات كتير قوي بتلاقي اللي قدامك هو فعلا ما فيش حاجة لكن هو يمارس هوايته ايه هي هوايته؟ ما هو هوايته النكد. بس يعني عشان انا عديت يعني قربت من الساعة خلاص. كنت ممكن اكلمكم في الجماعة دول وشكلهم وطريقة تفكيرهم يعني اللي بيعيش الحاجات ديت مش هيخش بقى في نعلة الايه؟ نعلة النكد مش هينشغل الديكور الخارجي خلاص الديكور ده اللي زاهر ده لا لأ عمره ما ما ينشغل به فانت ممكن تشوف واحد راكب العربية بتاعته هي دي. انت يا حبيب قلبي شفت ظاهره لكن انت ما وقفتش على الاوجاع الرهيبة التي يعاني منها في فقرات الضهر بتاعته البعض قاعد يحكم على الناس اه انت شفتش انت بقى السكن بتاعه بقى. اه لو كنت اه لو كنت معنا واحنا في مدينتي لما دخلنا عليه ولا في كومباوند مش عارف فين ولا ياه! ولا الجنينة بقى اللي فيها القطط حاجة كده يا اخي سبحان الله فالبعض بيحكم من خلال القصر ده ومش واخد باله ان صاحبه اللي قاعد عمال يحكي عليه ربنا ابتلاه باخت وعادي جدا منتقبة تعشق النكد عشق عشق تعشقك عشق اي حاجة عشق زاتها كده وبتهوي تشويه الجمال في الحياة. دي هواية كل حاجة جميلة بتشخبط عليها انت ما شفتش ده انت شفت القطط واتغديت ومشيت عارف الغدا اللي انت كلته ده؟ اه. عارف مين اللي عامله؟ اه ده ديت اخت صاحبك اللي ضيفك. عارف ليه؟ لان مراته قالت لي دول ضيوفك انا مش فاضية لك ودي اخت جوة حاطة رجل على رجل وبتقول له دول ضيوفك اه هتحدي يعني فجاب اخته انت شايف ايه بقى؟ شايف القطط قاعدة اومال تنونو؟ وقاعد تاخد معها صور سلم فالبعض قاعد يحكم على الظاهر قاعدة تحكمي على اللبس الجميل اللي هي لابساه وناسية خالص ان هي ربنا ابتلاها بزوج سليط اللسان بزيء الاخلاق عسير الطبع فما بلاش تنخدع في اشخاص انت شايفهم سعداء منبهرين. ومن الاخر يعني انت مشغول بهم ليه اصلا انت ليه قاعد بتبص ما قلنا لك ما تبصش على حد والشرع قال لك لا تمدن عينيك انت ايه اللي مودعه موقعك في كده؟ طب وانا امارس النكد ازاي يا عم الشيخ انا بقى همارس هوايتي ازاي لا ده دين كده زي كده ايه يعني شوفوا سبحان الله الموقف اللي انا هقوله ده غالبا معزمكم مر عليه عشان تعرفوا ان الجماعة دول موجودين يدخل على زوجته جايب التيشرت جايب وجبة جايب اي حاجة انت جبت الكلام ده ليه والله ما فيش يعني انا لقيت عليه عرض فجبته جبته بكم؟ تلتمية وتمانين تلتمية وتمانين وبقولها لك طبعا بطريقة كده يعني اشوف خلاص صوت يقطر منه الدم. خلاص انت هتتعلق انت طلعت على خشبة المسرح. يومك فضحكوا عليك هتروح انت بعد ما طب آآ يعني ايه يعني ضحكوا عليك. طب اقول لك بقى مفاجأة؟ اه بفضل الله جايب عليها عرض بايه؟ طلع وهو ايه؟ الاتنين دول مع بعض من تلتمية وتمانين. مش الواحد تروح ضحكة ضحكة اقل سخافة من الاولى وتلت تربع الاسنان زاهرة برضه ضحكوا عليك. انا زميلتي آآ ميادة كانت لسه عاملة لي منشن دلوقتي على مش عارف ايه والكلام ده كله وتروح انت ضاحك بقى ضحك اكبر اكبر طب والله العزيم جايبهم هم الاتنين بقى بمتين آآ خالتو بسنت كانت جاية من الكويت ولسه جايبة حاجة عليها عرض ومش عارف ايه طب ايه رأيك بقى انا اصلا كنت داخل لقيت زميلي هيسم هو اللي في المحل فاداها لي ببلاش. قالت له فيه ابلش منه اي حاجة في اي حاجة طيب ليه؟ هو الفكرة انك امارس هوايتي ازاي طيب؟ انا هومارس هوايتي ازاي؟ مش انت عارف ان احنا بعنا السكينة وبنروح ننزل الهايبرات بنقول لهم عاوزين اتنين كيلو نكد احنا جبنا النكد هاي انت عفوي عاوزه يحمض ونرميه صلاحيته تنتهي ناخده هو رايق كده عشان نلحق نشتري الجديد عافانا الله واياكم ان شاء الله هنكمل المرة القادمة بي عطور السكينة واسأل الله سبحانه وتعالى ان يجدد قلوبنا ويجدد الايمان فيها نسأل الله ان يرحمنا ويكفينا همومنا وينفس عنا كروبنا ويثبتنا واياكم ويمن علي وعليكم بحسن عمل وحسن خلقه حسن ختام. اقول قولي هذا واستغفر الله لي ولكم