السلام عليكم ورحمة الله وبركاته. اخواني واخواتي في الله اللهم لك الحمد ساعات كتير الايام دي بنسمع عن رجل اعمال جاب هدية لزوجته مش عارف آآ قطعة ماس في روسيا بتسعة مليون دولار. لقى عربية مش عارف بكم
مليون جنيه. آآ لأ خاتم مش عارف بنص مليون دولار. لأ. الموضوع ده يا جماعة بيقلب الموازين. معي حديس خطير جدا عن النبي عليه الصلاة والسلام حديس جبار. يعني اول حاجة ندعي البعض بالشفاء الواحد في زروف مرضية كده نسأل الله اليقين والعافية. نسأل الله اليقين والعافية. فاحنا بنستشفي بالدعوة الى الله. وبنسترزق
بالدعوة الى الله وبنستفتح الابواب المغلقة بالدعوة الى الله. وبنسترضي الله رب العرش العظيم مولانا وحبيبنا. واملنا ورجاءنا وركننا الشديد وغياثنا وزادنا وكنزنا بالدعوة الى الله. الدعوة الى الله دي حياتنا يا جماعة. فالواحد سبحان الله العظيم في الظروف المرضية دي قال يعني نتكلم
نتكلم في الوعظ نزكر بعض بالله. المقصد واحد اعرابي اه جه للنبي عليه الصلاة والسلام. فالراجل لابس جوبة سيجان جبة سيجان مزرورة بالدباج جوبا ده عارفين انتم في يعني بعض شيوخ الخليج كده يلبس آآ زي روب كده زي روب المحاميين كده ده جبة آآ زي الجبة بتاعة
علماء الازهر كده الشيك دي اللي بتتلبس فوق الجلابية. جوبا يعني زي كده اللبس الاسود المفتوح من قدام ده اللي بيتلبس فوق الجلابية البيضا عند بعض مشايخ الخليج او بعض ملوك الخليج وامراء الخليج. دي الجوب بقى حاجة فوق الهدوم بس شيك اوي. سيجام جمع سجى. السجا اللي هو التايلسون
اللي هو الشال الكبير زي الشال بتاع اليهود كده بتوع ايران. فمش طبقة واحدة ده الجبة دي مش طبقة ده سيجان سجى فوق سجى فوق سجى. طبقات طبقات الطبقات ومزرورة بالدباج يعني لها زراير حرير الديباج اللي هو الحرير الطبيعي. يعني البدلة اللي الراجل ده لابسها للاعرابي ده لابسها
تعادل الوقتي الوقت في ايامنا دي مسلا خمسين ستين الف جنيه. الراجل ده لابس حاجة روب كده بخمسين ستين الف جنيه. فطبعا داخل على الصحابة العينين اتخطفت انت بتعمل ايه ؟ دول احفاد قارون يا جماعة. شوفوا النبي عليه الصلاة والسلام غضب ازاي ؟ دول احفاد قارون يا شباب. اللي بيجيب عربية بعشرة مليون جنيه ويركبها في الشارع ده
ولا المغني ولا الممسل اللي يجيب عربية مش عارف شكلها ايه ويركبها في الشارع. سياب الشهرة دي انت عارف النبي عليه الصلاة والسلام توعد بعذاب الله قد ايه ايه؟ اللي يلبس سياب الشهرة يعني ايه سياب الشهرة؟ يعني ما لبسش لبس جميل وعربية جميلة لأ ساب الشهرة مش معناها اللبس الجميل والعربية الجميلة. معناها الوان بيس الحاجة اللي مش موجودة في المجتمع
زيها ان كل المجتمع عينيه تتلف عليها. اللي كل المجتمع اول ما يشوفها مقاييسه تنقلب. هو ده طريقة قارون بالظبط على قومه في زينته. انا هوريكم العربيات اللي عمركم ما تخيلتوها. انا هاوريكم اللبس اللي عمركم ما تخيلتوه. انا هاوريكم الجواري والجمال اللي عمركم ما تخيلتم انه
انا هاوريكم الموديلات يا بنات ويا نساء اللي عمركم ما تخيلتم ان هو موجود في لبس النساء والجواري اللي ماشيين في الموكب. انا هاوريكم النعيم واليخوت والهدايا والالماز والمجوهرات اللي عمركم ما تخيلتوها. انا انا هاجنن المجتمع. انا هاقلب مقاييس المجتمع. النبي عليه الصلاة والسلام اول ما شاف الراجل اللي لابس الجوب بس
في جيم حديس صحيح حديس في مسند احمد. وصححه الالباني رحمه الله. والحديس حديس صحيح ثابت عن النبي عليه الصلاة والسلام. الراجل جاي بالجبة السيجاني اللي مزرورة بالدباج اللبس المزهل الفخم بقى الحاجة اللي ما حصلتش. النبي عليه الصلاة والسلام قال ان صاحبكم هذا يريد ان يضع كل فارس ابن فارس ويرفع كل
عن ابن راع بيقول لهم ايه ده؟ ده هيقلب موازين المجتمع الراجل ده. الراجل ده هيضع كل فارس. خلاص الدين ما عدش يبقى له قيمة. الفروسية العلماء المجاهدين الدعاء الى الله. كل دول ما عدش هيبقى له قيمة. الدين ما عدش هيبقى له قيمة. ان يضع كل فارس ابن فارس. امال ايه اللي هيترفع وهيبقى له قيمة بعد المنازر دي ما بتظهر
المجتمع ويرفع كل راع ابن راع هيرفع بقى الرعاع اللي ما لهمش قيمة. اللي معه فلوس يركب عربية. حتى لو جابها بالحرام. حتى لو جابها بتجارة المخدرات. حتى لو جابها بسرقة اموال الدولة العامة
حتى لو جايبها باي سكة المهم ان خلاص ده بقت القيمة. بقت كل الناس عايزة تعمل فرح زايد البنت الفلانية. بقت كل الناس عايزة تركب عربية زي العربية الفلانية بقى كل الناس بقت كل البنات عايزة تلبس لبس زي زي فلانة. النجمة الكبيرة شايفين الواقع يا جماعة؟ فالنبي غضب قال ان صاحبكم
ادم يريد ان يضع كل فارس ابن فارس. ويرفع كل راع ابن راع. الراجل ده عايز يقلب موازين المجتمع. الراجل ده عايز يجنن الفقراء. الراجل ده عايز طموحات الناس الراجل ده عايز يخلي الدين ما عدش له احترام. من كتر ما ما خلى الدنيا آآ شكلها مبهر وملفت وفوق طاقة احتمال
الناس هو ده اللي عمله قارون. قارون يا جماعة من اخطر العبر اللي في قصة قارون. لما فرعون دبح آآ اولاد بني اسرائيل بني اسرائيل اللي اتبعوا موسى. لما فرعون في
سجن بني اسرائيل اتبعوا موسى. لما فرعون هددهم بالموت اتبعوا موسى. لما قارون خرج في زينته الناس ما حدش تبع موسى. كل الناس سابت موسى. فتنتين الدنيا الرهيبة دي هي دي اللي بتخطف العين وبتخلي الناس ما عادش حد عايز يسمع دين. ولا يسمع دروس دينية ولا يحضر دروس دينية خلاص. وبعد كده النبي عليه الصلاة والسلام قام قايم وقام
واخد بمجامع ثوب هزا الاعرابي هزا الراجل بتاع البدو اخز بمجامع ثوبه وقال له الا ارى عليك ثياب من لا يعقل؟ انت لابس المجانين انت انت لابس ثياب من لا يعقل. انت فكرك انك انت كده باشا والناس كلها بتبص لك. ده ده احنا في مستشفى مجانين كده. انت الانسان اللي
عارف قيمة الدنيا عمره ما يلبس اللبس ده ابدا. عمره ما يلبس ثياب الشهرة اللي مش موجودة في المجتمع واللي كل المجتمع يتجنن عليها. انت انت بتعمل ايه؟ الا ارى عليك ثياب من لا
اعقل وبعد كده النبي عليه الصلاة والسلام كلم بقى الجميع قال لهم ان نبي الله نوح. لما حضرته الوفاة. النبي عليه الصلاة والسلام بقى جاب مشهد سيدنا نوح وهو النبي شوفوا الحياة خاطفة عنين الناس قام النبي جايب لهم مشهد الموت. والموت مين ؟ ده اولي العزم من الرسل اقدم وصية في التاريخ. موجودة الى الان. وصية سيدنا نوح
هو بيموت ان نبي الله نوح لما حضرته الوفاة وهو بيموت قال لابنه وفي رواية لابنيه قال لابنه اني قاص عليك الوصية انا هاقول لك قبل ما اموت يا ابني. وفي رواية اني قاصر عليك الوصية. قاصر. يعني هاقصرها. يعني هاجيب لك من الاخر. يعني انا هاجيب لك
في الاخر يا ابني انا هجيب لك كلمتين هم خلاصة الدنيا كلها. هجيب لك كلمتين هم خلاصة الحياة كلها. اني قاصر عليك الوصية. طب ايه وصيتك يا نبي الله نوح. فقال يا بني اوصيك باثنتين وانهاك عن اثنتين
اوصيك بلا اله الا الله. شوفوا الكلام الجميل. النبي خطفهم من الدنيا للاخرة. اوصيك بلا اله الا الله فلو كانت السماوات والارض في كفة. فلو كانت السماوات السبع في والاراضين السبع في كفة. ولا اله الا الله في كفة لرجحت بهن
لا اله الا الله ولو كانت السماوات السبع والاراضين السبع حلقة مبهمة مقفولة مبهمة ما لهاش مدخل. الكنوز اللي جواها ما حدش مش عارف يوصل لها. لقسمتهن لا اله الا الله. وفي رواية لفصمتهن لا اله الا الله. شوفوا الكلام الخطير. النبي عليه الصلاة والسلام بيقول لا اله الا الله دي توصلك لكل
كنوز لا اله الا الله دي اثقل شيء في الوجود كله لا اله الا الله. قولوا لا اله الا الله لا اله الا الله. واوصيك سبحان الله وبحمده فانها صلاة كل شيء. الكون كله بيسبح بحمد الله. ده اسم الله ايه؟ السبوح. ان شاء الله سلسلة قريبة ان ربنا احيانا. ان شاء الله بازن
ان ربنا احيانا سلسلة قريبة باسم الله. السبوح اللي الكون كله بيسبح بحمده. اللي الكون كله في نفس واحد بيسبح بحمده. واوصيك بسبحان الله وبحمده. فان الصلاة كل شيء. اسمعي بقى. اسمع بقى اسرار الرزق من نبي الله نوح. اسمع مفاتيح خزائن الله من نبي الله نوح وهو بيموت. وبها يرزق الخلق
سبحان الله وبحمده هي سر الرزق. عايزة ربنا يرزقك يلا الليلة ساعة كده سبحان الله وبحمده. سبحان الله وبحمده سبحان الله وبحمده. شفتم الوصية الجميلة وانهاك عن اثنتين الشرك والكبر
ما هو النبي بقى عايز يرد على الراجل المتكبر ده بتاع الجبة السيجان اللي مزرورة بالدباج ده اللي لابس حرير طبيعي وجاي وطبقات وجبة وجاي باشا بقى والناس كلها عنيها اتخطفت على اللبس اللي بسبعين تمانين الف جنيه اللي هو لابسه ده. انت بتعمل ايه ؟ انا باقول للناس. اللي بتفتن المجتمع بعربياتها اتقوا الله
اتقوا الله. ركوب عربية جميلة مش حرام. اعطاء هدية غالية لمراتك مش حرام. اعطاء خاتم غالي لمراتك مش حرام آآ انك انت انك انت تبقي انسانة آآ لك وضع كل الدنيا مش حرام. انما ثياب الشهرة يا جماعة. ثياب الشهرة دي النبي عليه الصلاة والسلام حذرت
الرهيب منها وعربيات الشهرة واحزية الشهرة وخواتم الشهرة وسلاسل الشهرة ومجوهرات الشهرة عايزين نتقي الله هدايا يا اصحاب المال لصاحبات الجمال اللي بتفتن المجتمع. عايزين نتقي الله. اخر وصية على فراش الموت من سيدنا نوح عليه الصلاة والسلام. رسالة
يا شباب اخطر وصية في الحياة. لا اله الا الله وسبحان الله وبحمده. ان شاء الله لنا وقفة تانية مع هزا الحديس لانه حديس خطير. حديس ان صاحبكم يريد ان يرفع كل يريد ان يضع كل فارس ابن فارس. ويرفع كل راع ابن راع. عايز يقلب موازين المجتمع. عايز يضيع قيمة
مين عايز يضيع قيمة العلم؟ عايز يضيع قيمة اساتزة الجامعة. عايز يضيع قيمة السقافة والمثقفين. عايز يضيع قيمة المتدينين والعلماء والدعاة والوعاظ عايز القيمة للدنيا للبس للمظاهر بس انا انا كم عربية داتسون شالت الشوار بتاع بنتي في القرية اللي انا ساكن فيها في ليلة الدخلة بتاعتها
هي دي بقت القيمة. انا جبت مغني مين لبنتي في الحفلة بتاعتها ؟ انا عملت لها حفلة فرحها في جبت لها فستان فرح بكام ؟ وعملت لها الفرح بتاعها في انهي قرية في
الساحل الشمالي انا خلاص بقت دول احفاد قارون. دول اللي بيدمروا المجتمع زي ما قارون دمر دعوة موسى في لحزة من اللحزات لحد ما ربنا خسف بالارض الكبر وحش وانهاك عن الشرك والكبر. الرسول قرن سيدنا نوح قرن بين الشرك والكبر. الكبر بيؤدي في النهاية لضياع الدين والعياذ بالله
اتقوا الله يا اللي يا اللي بتفتنوا المجتمع بالفلوس اللي ربنا اداها لكم بدل ما تخدموا المجتمع بها. بدل ما تعبدوا ربنا بها بدل ما تتصدقوا بها وتتنعموا زي ما انتم عايزين بس من غير فتنة المجتمع
حافزوا على دينكم يا شباب. ما تتأسروش كل ده صفيح. كل ده كلام فارغ. كل ده ضايع. والله العظيم يا اخواني. الواحد وهو مريض كده اللهم لك الحمد يعني دكاترة طالبين من الواحد يعني ايه زي عزل منزلي كده نسأل الله اليقين والعافية نسأل الله اليقين والعافية. واحد بيبص للدنيا كده ايه الدنيا دي يا جماعة؟ ليس فيها الا اليقين والعافية
هي دي النعمة وان احنا نعبد ربنا ونعيش عشان دعوة ربنا. ونعيش عشان نبلغ دين ربنا سبحانه وتعالى. شدوا حيلكم يا شباب. الدنيا ما تستاهلش والله. كونوا من اهل للاخرة وطبقوا اخطر وصية في الحياة وصية سيدنا نوح على فراش الموت سبحانك اللهم وبحمدك اشهد ان لا اله الا انت استغفرك واتوب اليك