التعامل مع كتاب الله عز وجل عندو واحد العدد ديال الدرجات كاينة الدرجة اللولة لي الإنسان كيقرا ومكيفهمش كيقرا انما كيقرا او مكيفهمش يعني يعني مكيفهمش كاع فخطرة معندناش هادي مموجوداش ديال المسلمين علاش مموجوداش صلوا على خير الانام المصطفى بدر التمام. صلوا عليه وسلموا يشفع لنا يوم الزحام. حليمة لما رأت. انواره قد اشراق صلوا على خير الانام صلوا عليه وسلموا يشفع لنا يوم الزحام فاقبلت وهي تقول لبعضها منا القبول. لا شك فيها ذا رسول هذل طيب هذه هذه امرأة تسأل انه كثير من الآيات مكتفهمش المعنى ديالها رغم انها كتختم القرآن مرات ومرات طيب مزيان اولا ماموجوداش لأن الحمد لله العامية يعني هاد الكلام ديال الدارجة اللي كانتكلموا به مابعيدشاي عالعربية بالزاف قريب ماشي بعيد بالزاف ولذلك انا عارفو نتوما عارفين باليقين باليقين مفيهش الشك. انه مرا نفرضو واحد المرا عمرها الى قرات في المدرسة مكتعرفش كاع اللغة العربية الفصحى. ولكن تسمع الناس كيقراو القرآن ماشي مكتفهمش مكتفهمش المعاني الجزئية المعاني الدقيقة مكتفهمهاش اما المعنى العام كتفهمو يعني كتعرف بأنه هاد الآيات راه على جهنم وكتعرف بأن هاد الآيات كتكلم على الجنة. كتعرف هادشي مكاينش مكيعرفوشاي. لكن الآية الفلانية بالضبط وبالتدقيق يمكن متفهموشي فعلا لا بأس بهذا يعني ماشي مشكل كبير لأنه الله سبحانه وتعالى هادي درجة اللولة عطى فيها الأجر للتلاوة راه كل حرف كتقرايه عندك عشرة د الحسنات ومحدك تقراي ونتي كتعلاي. اقرأ وارتقي. راه شيء عجيب جدا. فلذلك لا ضرر ولا ضير. لكن لكن واجب علينا نتعلمو بمعنى انه هدا كتاب الله سبحانه وتعالى وتصوري نعطيك واحد المثال كتجيك برية المرا الى كان عندها لولاد بعاد مثلا او الرجل ديالها كتجيها برية بعيدة من اوروبا او امريكا او من الشرق العربي اذا كان هاد لي صيفط بريا ولد محبوب او زوج غايب او كدا الى اخره ديك الرسالة شحال كنعتنيو بها وانا كنشوف ملي كنت صغير تا الان كنشوف الامهات ملي كتجيها شي برية من ولدها غايب عليها شحال من شحال من سنة والله باقي نعقل هاد الحالة وانا صغير كنت واحد المرا من العائلة ديالنا كانقرا لها البراوات ديالها كانت مرا امية ماتقراش كاتقبط هاديك البرية وتعطيها غادي نقراها نقرا لها وتبكي وتقبط عاود ديك المرا وتشدها ما كترميهاش كتحتفظ بها تعاود واحد دوز واحد المدة هي نيت هاديك المرا تعاود تعطيها لي نقراها من جديد عاود نقراها من جديد وتأسر بها ما شاء الله وتعاود تقبطها وتخبعها هذا مرية جاية من بنادم لعند بنادم. برية ديال اله لأن القرآن رسالة راه ما هو الا رسالة رسالة صيفطها رب العالمين لينا ليا وليك ولخرا ولخرا ولاخور ولاخور. رسالة الله. فهاد الرسالة هادي واجب علينا نقراوها ونعاودوها ونعاودوها كتر مما كنقراو الرسائل ديال لولاد ديالنا والاحباب ديالنا والازواج ديالنا. ماشي معقول باش يعني الانسان يقرا القرآن واحد المرة او ميقراه تا مرة. ويرميه هذا منكر كبير. لابد من الانسان انه يبدا يقرا القرآن. طيب اذا كان كيقرا اذا القرآن كثير فلا شك انه باذن الله عز وجل غادي يبدا يفهم اليوم وغدا وبعد غدا غادي يفهم اكثر واكثر واكثر. ما يتقلقش الإنسان يعني يصبر راه مازال يزيد ربي تعالى يعلمه اكثر واكثر. فإذا المداومة على الذكر ذكر الله عز وجل والقرآن هو ارأس الذكر وسيد الذكر كيفقه القلب فديك المعاني هذا مستوى مستوى اخر اعلى اننا نطلب العلم وطلب العلم فريضة على كل مسلم ومسلمة واجب علينا اننا نبداو نتعلمو ونمشيو نقلبو على مجالس التفسير باش نسمعو وباش نبداو نتعلمو لأنه دائما لي علمو الله تعالى شي معنى ويخدم بيه كيكون حسن من لاخر انما يخشى الله من عباده العلماء دائما مالين العلم الدرجة ديالهم عالية اذا طبقوا الدرجة ديال اهل العلم اللي علمهم الله تعالى اذا كانوا صادقين في علمهم وانما العالم الصادق من عمل بما علم ولهذا واجب يعني على هاد المؤمنة هادي اولا ما تقلقش ما تضيقش واخا ما كتفهمش راه عندها واحد الخير كبير غير بالتلاوة غير بالقراية. ولكن راه بإذن الله عز وجل خصها تبدا تعلم. هذه امرأة المبتلات ابتلاها الله تعالى بزوج سكير مع الأسف الشديد يعني وكتكلم يعني بأحوال انا بالنسبة ليا عندها الحق فيما يقول اذا كانت الحكاية هي هادي لأن هو خدام فحانة مع الأسف الشديد نطلبو الله تعالى يعفو علينا وعليه هي توجه لله سبحانه وتعالى بالدعاء راه دعاء الأخت الكريمة يرد القضاء في الحديث الصحيح. الدعاء يرد القضاء. يعني توجهي الله سبحانه وتعالى قومي بجوف الليل فتلت الليل الأخير وتوضاي وتوجهي الله تعالى كاع لي ضاقت بها الضائقة فشي امر من الأمور يا اما ضائقة مالية تزيرت بها الدنيا في المال. يا اما مرض عافانا الله واياكم يا اللي كان من هموم الدنيا كلها. نوضي بالليل نوضي بالليل ودقي باب راه كاين باب الله سبحانه وتعالى وكيفتح راه ما كيسد الباب على حتى واحد. وقال ربكم ادعوني استجب لكم. واذا اذا سألك عبادي عني فاني قريب. اجيب دعوة الداعي اذا دعان. فليستجيبوا لي. وليؤمنوا بي لعلهم يرشدون. فلذلك دقي الله فجوف الليل يفتح لك الله. والله سبحانه وتعالى ضمن لك انه الى طلبتيه بصدق وبكيتي عليه ربي يجاوبك. وغادية تشوفي البرهان فداك الدعاء ديالك وفديك العبادة ديالك. طلبي الهداية للزوج ديالك. لأن قلبو راه ماشي بيدك. قلبو بيد لي خلقو هو لي راه مقدر لو سبحانه وتعالى انا باش يكون فهاديك الحالة بما كسبت نفسه. يعني هو نيتو ما كانتش صالحة. ولكن اله عز وجل يعني جعلهم في تلك الحال شاء لقالبه الى افضل حال. القلوب بين اصبعين من اصابع الرحمن يقلبها سبحانه كيف يشاء. ولذلك توجهي لله واطلبي وبكي على اله لعله رجلك يعاود يتوب ويصلح حالو ويولي خير منك. وهادشي شفناه شحال من مرة سبحان الله العظيم. شفناه شحال من مرة. كانت زوجات مؤمنات الصالحات ابتلاهم الله بأزواج سكارى مفلسين ما يصلاحو لتا صلاة وبقاو صابرين صابرين وبالدعاء والتقرب لله سبحانه وتعالى حتى جات الوقت لي ربيتها على ادم عطا الإذن. عطى الإذن سبحانه فإذا به احوال هادي دابا كنتكلم على واحد الحالة كنشوفها بعينيا بخيالي الآن ديال واحد السيد كنعرفو. فإذا اله عز وجل كيقلب الحالة ديالو من شيطان من شيطان بمرة. الى احوال الملائكة. هادشي غريب جدا راه ربي كاين سبحانه وتعالى متيأس تا واحد ايه هل يمكن تأخير صلاة الشفع والوتر الى صلاة الفجر؟ نعم ولكن على اشرت ان تؤدى قبل الصلاة قبل الأذان يعني قبل الأذان ديال الفجر. متخليش تيدخل عليك الفجر. ولذلك في الحديث فإذا خفت الفجر فأوتر بواحدة. ملي تشوفي الفجر راه غادي صافي خاص ديك الساعة تودري يعني هادي امرأة تشتكي من اخيها كتقول بأنه كيآديها وتكرفص عليها ودعاتو للمحكمة وخايفة من انه يعاقبها الله بقطع صلة الرحم. ليلى كان اذا كان هاد الأخ هو كيآديها فعلا دابا غير تكون هي صادقة فهاد الكلام لي قالت كنحكم على داكشي اللي سمعت فإذا كان صحيح انه كيآديها وتكرفص عليها حساب داكشي اللي قالت في الرسالة راه هو اللي يتعاقب ماشي هي لأنه هو اللي اقترح هو دابا هي مرا هو لي بعدا اولا الشرع مطلوب منو يزورها ماشي هي تزورو ها واحد تانيا نفرضو بقات هاديك لمرا مبقالها ولي ولا تالي بمعنى انه ما لقات لي ينفق عليها راه واجب عليه في شرع الله باش ينفق عليها. المرأة الا مبقالهاش والديها مبقاتش عائلتها ومبقالها غي خوها. هداك الاخ ديالها واجب عليه في شرع الله ينفق عليها كيما كينفق على بنتو. ولذلك راه هو لي يتعاقب ماشي هي