الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم. اما بعد آآ بازن الله تعالى اليوم سنتناول آآ ما يتعلق بفقه الصيام نحاول نجمل في درس واحد اه اغلب المسائل او اشهر المسائل المتعلقة بفقه الصيام واستعدادا يعني لهزا الشهر الطيب المبارك. نسأل الله سبحانه وتعالى ان يبلغنا واياكم رمضان هنمشي ازاي في الدرس دوت؟ هيكون الاصل معي ان انا آآ ماشي مع كتاب الفقه الميسر. كتاب الفقه الميسر كتاب ساهل جميل متاح يعني اللي عنده الكتاب عنده واللي ما عندوش هو موجود بي دي اف على النت سهل جدا تكتب كتاب الفقه الميسر ينزل معك بسهولة وهنشتغل من كتاب الصيام هنمشي مع كتاب الصيام في كتاب الفقه الميسر. وهنتطرق لمسائل تانية لكتاب ما زكرهاش. يعني هخرج كده احيانا اقول بعض المسائل الكتاب ما زكرهاش ونرجع تاني نمشي مع الايه؟ نمشي مع الكتاب. هنحاول ان احنا يكون آآ المسائل آآ نحدد المسألة نمشي كأن سؤال وجواب. ايه هي المسألة؟ ايه هي الاجابة هو الدليل خلاص ونتجاوز بحيس ان احنا ايه نقدر نحصل اكبر عدد ممكن من المسائل في الدرس دوت هي ساعة يعني صعب ان انت تخلص فقه الصيام واحدة لكن نحاول ان احنا ايه نضغط نفسنا بحيس ان احنا ناخد لزلك يعني ممكن مش هتطرق لبعض المزارع مش هتكلم عن الاعتكاف مش هتكلم على اا اا احكام الصيام المستحب هنركز فقط في ما يتعلق بصيام رمضان فقط علشان الدرس يحتمل ايه ان احنا نقول اكبر مسائل في الايه؟ في الجزئية ديت هنبدأ بازن الله تعالى بيقول كتاب الصيام في كتاب الفقه الميسر اول حاجة بيقول ما هو الصيام؟ الصيام في اللغة يعني الامساك. الامساك. الامساك عن اي شيء يسمى صيام. قالت مريم عليها السلام اني نزرت للرحمن صوما والصوم هنا كان مقصود به الايه؟ السكوت. فكانت سمة الامساك عن الكلام ايه؟ صوم. فاي امساك هو صوم. هو صوم. لكن ده في معنى اللغة صام يعني امسك لكن في الشرع الصيام هو الصيام المعروف الامساك عن الاكل والشرب والجماع او عموما سائر المفطرات مع النية مع وجود النية وذلك من طلوع الفجر الصادق الى غروب الشمس. من التعريف دوت نقدر نطلع اركان الصيام الركن الاول الامساك. عن جميع المفطرات. اكل والشرب والجماع من طلوع الفجر الى غروب الشمس. الدليل قول الله تعالى فالان باشروهن وابتغوا ما كتب الله لكم. وكلوا واشربوا حتى تبان لكم الخيط الابيض من الخيط الاسود من الفجر ثم يتم الصيام الى الليل. يبقى كده الصيام يبدأ من الفجر الصادق الى غروب الشمس. يبقى دوت الامساك عن المفطرات سواء اكل او شرب او او اجتماع زائد النية زائد النية فازا كانت النية ان هذا عبادة والصيام لله يبقى ديت عبادة مقبولة. قد يكون انسان عن الطعام والشراب والجماع قدرا كده من غير ما يكون قصده حاجة. واحد ساعة الصبح ما فطرش وقاعد طول اليوم ملخوم ومشغول وروح بيته على المغرب فهل هذا يعد الصائم؟ لا يعتبر صائم لان هو فاقد الايه؟ فاقد النية انما الاعمال بالنيات. وهو ما كلش وما شربش وما جمعش عشان ما كنش فيه وقت لكده يعني مش اكتر لكن لو كان في وقت كان اكل وشرب. فلازم تكون النية مع الايه؟ مع الامساك. فالامساك زائد زائد النية بزلك يكون اه دوت الايه؟ الصيام. بعد كده يقول لنا المسألة اللي بعد كده ما حكم صيام رمضان؟ طبعا هذا في لا يختلف احد من اهل الاسلام ان صيام شهر رمضان ركن من اركان الاسلام الخمسة بني الاسلام على خمس. ذكر النبي عليه الصلاة والسلام وصوم رمضان. وقال جل في علاه كتب عليكم الصيام. كما كتب على الذين من قبلهم فمن شهد منكم الشهر فليصمه. كل هذا ادلة على وجوب او فرضية صيام شهر رمضان. وانه ركن من اركان الاسلام بعد كده بيقول لنا ما هي اقسام الصيام؟ بيقول لنا الصيام اما صيام فرض او صيام تطوع. ايه هو صيام الفرض؟ صيام الفرد تلات انواع. الصيام الاول هو صيام رمضان. ده اللي احنا عارفينه الصيام التاني النزر. النزر. والنزر هو عبارة عن شيء لم يكن فرضا. وانت الذي فرضته على نفسك. يقول انسان لله علي ان اصوم كزا وكزا او ان حصل كزا لاصومن كزا وكزا. حصل الكزا دوت. يبقى هو تحول العبادة دي بالنسبة له هو بس من نفل الى فرض تعالى اصوم يوم عرفة كل الناس صيام عرفة هيبقى بالنسبة لها نفل ما عدا هو. هي بالنسبة له صيام عرفة ده ايه؟ فرض لان هو اوجبه على نفسه. يبقى النذر يحول مستحب اليه الى واجب. بل يحول المباح الى الى واجب. تمام؟ ويبقى دوت النوع التاني من الصيام الواجب. النوع التالت من الصيام الواجب هو صيام الكفارة الكفارات زي كفارة مسلا الزهار في صيام شهرين متتابعين كفارة الجماع في شهر رمضان في نهار رمضان آآ في برضو صيام شهرين متتابعين آآ كفارة آآ مخالفة اليمين ازا كان الانسان لا يقدر ان يطعم عشر مساكين او يكسوهم فيها صيام سلاسة ايام. يبقى ده نوع من الصيام الواجب. ده صيام برضو ايه؟ واجب اللي هو اي اي كفارة في العبادات. او في الاشياء اللي ربنا ديت الكفارة كانت صيام يبقى الصيام ده ايه؟ هيكون واجب. ما عدا ذلك ما عدا ذلك من انواع الصيام فهو صيام مستحب الاتنين والخميس عرفة شوال ذي الحجة كل الصيام ده صيام مستحب. ليس فيه فرض. فان الرجل جاء الى النبي عليه الصلاة والسلام قال ما افترض الله علي من الصلاة. قال خمس صلوات في اليوم والليلة. قال ما افترض الله علي من الصيام. من ذكر له صيام شهر رمضان. قال هل علي غيرهن؟ قال لا. الا ان تطوع شيئا. فعلم ان لا يوجد فرض خلاف في خلاف رمضان. وطبعا الكفارات والنذر عشان معروف ايه ان لها اسباب مستقلة. يبقى دوت الصيام اما فرض او او نفل. وبعد كده كلمنا عن فضل صيام شهر رمضان وده يعني باب يذكر في ابواب التزكية. وهذا باب عظيم يعني يحتاج الى درس مستقل. ذكر بقى انواع من الفضائل والحكم. لكن خلينا نركز على الاحكام. ايه المسألة اللي بعد كده؟ بيقول لنا ما هي الشروط وجوب صيام رمضان على الفرض يعني امتى اقول ان انت يجب عليك تصوم شهر رمضان؟ لازم تتوفر فيك شروط. الشرط الاول ان تكون شخص مسلم. ان تكون شخص مسلم والكافر لا يجب عليه ان يصوم شهر رمضان فلا يجب صيام شهر رمضان على الكافر لان الصيام عبادة. والعبادة اصلا من الكافر لا تقبل ولا تصح اذا اسلم الكافر هل يمر بقضاء ما فات من رمضانات لا يؤمر بذلك لان الاسلام يجب ايه؟ يجب ما قبله. كما قال النبي عليه الصلاة والسلام. الاسلام يجب ما قبله. وعم عمرو بن العاص اشترت اشترت على النبي عليه الصلاة والسلام لما جه يسلم حط ايده وسحبها بسرعة قال ما لك يا عمرو؟ قال اشترط قال ما تشترط؟ قال اشترط ان يغفر لي وانا اخش كده بالشيلة دي بتاعتي ده انا شايل شيلة ايه زلت. انا عايز ايه تشترط الاول. فقال يا عمرو قال اما تعلم يا عمر ان الاسلام يجب ما قبله. وان التوبة تجب ما قبلها. زكر له النبي عليه الصلاة والسلام بشره. واما الاعمال الخير اللي عملها عمرو في حياته. قال اسلمت الا ما اسلفت من خير. يعني لو فيه عمل كنت عملته لله في يوم من الايام وكان خير فانه يبقى لك حتى بعد الايه؟ حتى بعد الاسلام. فالذنوب يعني تبدأ من الصفر والحسنات تبدأ من حيث انتهى. يعني حتى رغم انها ما قبلتش منه وهو كافر. لكن مجرد ما اسلم اتقبلت. لو كان عملها لله مش لوجاهة او لنفسه او او او يبقى الاسلام يبقى الاسلام. نمرة طبعا مش معنى كده ان الكافر مش هيتحاسب على الصيام. على فكرة الكافر آآ هيتحاسب يوم القيامة على الاسلام وعلى العبادات قل لي طب ما انت قلت مش واجب عليه او مش واجب عليه ان هو ما يقبلش منه. لكن ربنا يعاقبه ان هو ما اسلمش وان هو ما صامش وما صلاش. هم هم اللي قالوا كده. قالوا ما سلككم في سقر؟ قالوا لم نكن الايه؟ من المصلين. طب ما انت كافر اصلا. ليه بتقول لم نك من المصلين؟ لان هو لقى ان هو بيتحاسب على ايه؟ بيتحاسب على الصلاة في الايه؟ في جهنم. لان هو مطلوب منه يسلم ويصلي ويصوم. زي مسلا واحد مطلوب منه يصلي. بس هو مش متوضي. يبقى هو مأمور ضمنا بالايه؟ بالوضوء. مش كده؟ فلو ما توضاش مش صلي هو هيتحاسب على ترك الوضوء ولا ترك الوضوء والصلاة الاتنين كزلك الكافر يتحاسب على ترك الاسلام والصلاة طبعا انا ما ينفعش اصلي. طب ما عشان انت ما اسلمتش يبقى لازم تسلم وايه؟ وتصلي. فيؤاخز بترك الاسلام ويؤاخز بترك الصلاة والصيام. لكن هي عموما ما تجبش عليه الى ان يسلم يبقى الاسلام البلوغ فلا يجب الصيام على الايه الولد اللي هو دون البلوغ. والبلوغ يعرف ايه بالايه؟ اما بالاحتلام او بوصول الولد الى او ظهور شعر العانة مثلا الاحتلام لو احتلم يبقى بلغ بدأ يظهر له شعر في في منطقة العانة يبقى بلغ آآ او لو ما زهر لوش علامات الى سن خمستاشر سنة يبقى بلغ لان اقصى سن البلوغ هو خمستاشر سنة. ونفس العلامات دي للمرأة وتزيد عليها المرأة الايه؟ الحيض والحمل. فازا حاضت المرأة وحملت يبقى اكيد ايه اكيد بلغت. تمام؟ يبقى ازا بلغ الولد او بلغت البنت بدأت تخاطب بايه؟ الاحكام كلها. وبدأ يفرض عليها كل الاحكام بعد ما كان بالنسبة لها مستحبة هتبقى فرض هتبقى فرض عليها. لكن من جمال هذا الدين ان العبادة تقبل من الشخص دون البلوغ. فاذا صام الولد او البنت وهي دون البلوغ يقبل منها وتؤجر لكن بشرط ان تكون مميزة او مميز. يعني ايه مميز مميز يعني بيعرف يميز العبادة. يعني يعرف ان ده حلال وده حرام ويعرف ان هو يعني ايه صايم. ويعني ايه فجر ومغرب ويعني ايه انا ما باكلش ما بشربش. اما ازا كان الطفل صغير دون السابعة او دون السادسة هو مش فاهم هو بيعمل ايه فده لا يقبل منه يعني لا يقبل منه. ما فيش داعي لتكليفه. انما الولد تبتدي نعوده لما ايه؟ لما يبقى مميز يبتدي يفهم بيعمل ايه. ساعتها ابتدي اعوده. قبل كده اسيبه يعمل اللي هو عايزه. ما تراهقوش يعني. هو كده كده مش هيقبل منه. ان هو مش مميز. اما ازا صار يميز عبادة ايه الحلال وايه الحرام وايه الوقت واحنا بنعمل ايه واحنا بنعبد ربنا والكلام ده يبتدي يؤجر على ايه؟ على الصيام وانت تؤجر على انك انت بتساعده ان هو يصوم. تمام يبقى عندنا الاسلام والايه؟ والبلوغ. نمرة تلاتة العقل فلا يجب الصيام على المجنون ولا يؤجر وان صام ولزلك لو شخص مجنون ما بلاش ان احنا نكلفه بعبادات فيه ناس فاكرين المجنون دوت اهل الله دول ها؟ المجانين. شغل بقى الفاطميين وشغل الصوفية ده الله يكرمك ما فيش الكلام دوت المجنون مش اه مش بتاع ربنا ولا حاجة لأ المجنون ده يوم القيامة ليه حساب تاني فاكرين قولنا في العقيدة المجنون ده هيتحاسب ازاي يوم القيامة يوم القيامة ربنا هيرجع له عقله هيكلفه ايه التكليف؟ هيأمروا يوم القيامة هيمر ويدخل النار. يرجع له عقله خلاص تمام فاهم اللي بيحصل خلاص فاهم كل حاجة. يقول ادخل النار فاذا دخل النار كانت عليه بردا وسلاما وكان من اهل الجنة. وازا لم يدخلها كان من باب اولى سيكون من اهل المعصية في الايه؟ في الدنيا. ازا كان يوم القيامة ربنا بيقول له قدامه ما رضاش يسمع الكلام. وكان اسم على الغيب ازا كان قدام ربنا ما سمعش الكلام. لان ده اولى ما كانش هيطيع ربنا فين؟ في الدنيا. فالمجنون فيه احتمالين فيه احتمال نخش الجنة واحتمال يخش النار عادي. هيكلف يوم القيامة. لزلك ما فيش داعي ان انت تدخل مجنون الايه المسجد. تقول ياخد له شوية حسنات طب ما انت هتكعبلنا من غير داعي ليه هو مش هيستفيد حاجة واحنا اللي بنتأزي. سيبه. ما تكلفوش بالصيام. المهم يعني المجنون مش هيقبل منه الايه؟ العمل عموما. قال النبي عليه الصلاة والسلام رفع القلم عن ثلاث المجنون حتى ايه؟ حتى يفيق مش كده؟ طيب يقاس على المجنون الايه؟ المصروع مسلا اللي عنده صرع يقاس عليه. لكن المجنون ده جنونه دائم دائم لا ينقطع. طب لو ان انسان بيفقد عقله احيانا اسناء النهار. بسبب صرع زي ما قلنا كده. تمام؟ او اغماء احيانا فقد عقله اسناء الايه؟ اسناء اليوم. فازا كان هذا امر في جزء من اليوم في جزء تاني من اليوم هو ادرك هو بيعمل ايه؟ يبقى يصح منه الصيام ويقبل. ان هو انتوى الصيام في جزء من اليوم وكان واعي وعاقل بيعمل ايه فاذا صرع الانسان في واحد جا له صرع تشنجات في اسناء النهار او كده فقد عقله لسبب ما اغمى عليه لسبب ما يصح صيامه عادي طالما كان في جزء من مش كل النهار. طيب ازا كان الانسان كان مصروعة من اول من قبل الفجر الى بعد المغرب. فده اصلا حكم حكم المجنون. ليس عليه شيء. لا صيام ولا ولا قضاء ان هو لم يخاطب بهزا اليوم. ان اليوم ده هو كان اصلا في ايه؟ مجنون. والمجنون لا يخاطب اصلا بالايه؟ باحكام الشريعة. فبالتالي لو ان انسان مجنون من قبل الفجر الى بعد المغرب فده ليس عليه الصيام وليس عليه حتى ايه؟ قضاء. حتى وان عقل. يعني لو كده بعد كده رجع له عقله ما نقولوش بقى اليوم اللي انت كنت مجنون فيه ده تقديم لان هو اصلا ما كانش مكلف ما كانش مكلف باليوم دوت. خلاف للمغمى عليه في فرق بين المجنون والمغمى عليه المجنون احنا قلنا قلنا كلهم كلهم لو كان الجنون او الاغماء في جزء من اليوم اصلا هيصح ايه؟ صح صيامه عادي كان نفترض ان هو فقد عقله طوال اليوم دوت لو كان مجنون ما شعرهوش لا ايه لا حرج ولا قضاء ولو كان اغماء لا هنا المغمى عليه مخاطب بالشريعة اصلا المغمى عليه غير غير المجنون لان المغمى عليه عنده عقل اصلا بس هو عنده اغماء لسبب ما. فالمغمى عليه لو اغمى عليه اسناء اليوم هيصح صيامه. طب لو اغمى عليه من قبل الفجر بعد المغرب ازا كان نوى بالليل ان هو يصوم عادي. فدوت ده صيامه حتى لو نوى صيامه مش يصح. هيبقى عليه بس ليه ان هو يقضي لان هو مش مجنون هو عاقل بس هو اغمى عليه طول الايه؟ طول اليوم. فدوت هنقول له عليك القضاء بس ولا اثم عليه. ده طب واحد نام بقى نام من قبل الفجر لبعد المغرب فيه كده؟ اه فيه كده عادي. عادي. بييجي الاسئلة ديت يقول لك ان نمت قبل الفجر صحيت بعد المغرب ما تسألنيش ازاي؟ بس بيحصل. فالنائم ازا نام من قبل الفجر الى بعد المغرب اذا كان نوى بالليل الصيام يصح صيامه عادي. يلا عيشوا بقى ها ما حدش يصحى بقى. يصح صيامه لان النوم لا يزيل الاحساس بالكلية مش زي الاغماء الاغماء بيفقد الانسان احساس كان اللي تزقه تكلمه تزعق فيه مش هيقوم. لكن النايم لو صحيته اصلا كان ايه؟ كان هيصحى. فلان النوم لا يزهب الاحساس بالكلية فلا فلا يبطل الايه؟ الصيام. خلاف الاغماء والايه؟ يعني هم تلات درجات. غياب العقل كاملا بالايه؟ بالجنون. يسقط التكليف اصلا فلا صيام ولا قضاء الاغماء يخليه لا يصح صيامه. لان هو فاقد الاحساس بالكلية لكن مأمور بالايه؟ بالقضاء لان عقله ما كانش هو كان عاقل بس هو مغمى عليه. اما لو كان نوم نوم فالنوم لا يفقد الاحساس بالكلية فنقول اصلا يصح ايه؟ يصح صيامه. بعد كده بيقول لنا بقى من شروط وجوب الصيام الصحة. فلا يجب الصيام على المريض قال تعالى فمن كان منكم مريضا او على سفر فعدة من ايام اخر. اي مرض المرض الذي يشق معه الصيام اي مرض. يعني واحد عنده تعويرة في صوبعه مش مش دي ما فيهاش اشكال. تمام؟ ممكن واحد كمان رجله مكسورة حتى. ممكن يبقى يجب عليه الصيام عادي لان ممكن الموضوع ده ما يأسرش معه خالص. على صيام الا لو كان محتاج من اجل الكسر ده ياخد دواء ولو ما خدوش هيحصل مشكلة او مضاعفات او ضرر. لكن المرض اللي بنقول يشق معه الصيام. بمعنى المرض ده لو انا صمت آآ بالمرض ده يزيد مرضي او يتأخر شفائي او او محتاج دواء ولازم اخده وايه اللي يحصل مشكلة. لكن مرض اصلا ما لوش اي علاقة بالصيام. ما ما يتأثرش بالصيام ولا محتاج دواء ولا هو يتعبه ان انا فده مش هو ده المرض اللي نتكلم عليه. فكلمة مريض المريض المرضي لا يشق معه الايه؟ الصيام. فشرط عشان يجب عليه الصيام ان هو ما يكونش مريض من مرض من النوع دوت. اما ازا كان مريض مرض من النوع دوت فنقول لا يجب عليك الصيام. لك ان تفطر ولك ان تصوم لك ان تفطر ولك ان تصوم. فيكون هنا الصيام له يعني مش واجب. مش واجب. طب انهي افضل يصوم ولا يفطر؟ اه هي المسألة كده بقى طب المريض الافضل يصوم ولا يفطر؟ الافضل دائما الايسر الافضل الايسر. ازا كان هو اه ممكن هيتعب بس هو يعني يستحمل وسهلة يعني بالنسبة له هو راجل جامد يعني الدنيا تعدي. يقول لك لا لا انا اصوم دلوقتي انا اصوم بعد كده وبكسل الصلاة بعد رمضان وانا استحمل عادي مش هيحصل حاجة فدوة نقول له خلاص صم لا ده انا هتعب وبتاع خليني بعدين احسن لي كده ابقى فايق بعد رمضان احسن. خلاص افطر. فدايما الافضل الايه؟ الافضل الايسر يعني. ازا تيسر لي تيسر ما تيسرش ليه الصيام فيأخز بالرخصة من كان مريضا او على سفر فعدة من ايام اخر فاذا زال المرض بعد كده يجب عليه ان هو تقضي هذه الايام التي افطرها. بيقول من الشروط كمان الاقامة. الاقامة عكسها الايه؟ السفر. فلا يجب الصوم على المسافر عدة من ايام اخر كما بينا من كان منكم مرينا او على سفر. فازا كان الانسان مسافر فلا يجب عليه لا يجب عليه الصيام وله ان يفطر ويقضي بعد ان يقيم لما يقيم يقضي. برضه انهي الافضل؟ الافضل بالنسبة له هيبقى الايسر. كان الصحابة يسافرون مع النبي النبي عليه الصلاة والسلام فكان منهم المفطر ومنهم الصائم وكان المفطر لا ينكر على الصائم. وكان الصائم لا ينكر على الايه؟ على المفطر. على المفطر. لكن النبي عليه الصلاة والسلام ورد عنه في بعض السفريات ان كان سفر شاق جدا. شاق فعلا وكان شيء متعب جدا من الصحابة كان في ناس صايمين. وكان باين عليهم ان هم تعبانين قوي وهم صايمين. فالنبي عليه الصلاة والسلام وقف قدام الناس كلها وشرب وقالوا له في ناس صايمين قال اولئك العصاة اولئك العصاة. ليه بقى قال هنا اولئك العصاة؟ لان فعلا كان الصوم ايه؟ فيه مشقة شديدة فلما حس ان مشقة شديدة قال لهم افطروا. مش مش للدرجة دي. اه ممكن تصوم وانت مسافر بس مش ما تشقش على نفسك للدرجة دي. فازا كان الايه الصيام فيه مشقة ما تصومش يا اخي. فيه رخصة. فلا يعني خد بالعزية خد بالايه؟ خد بالرخصة. خد بالرخصة. لك زلك يعني. الانسان ما يتحركش. قل لي بس احيانا طب لو السفر ساهل؟ وما فيهوش تعب خالص ينفع افطر؟ ينفع تفطر برضو بس احنا نقول لو هو ساهل طب ما تصوم وخلاص. يعني يوم من رمضان جميل. وما تضمنش بعد كده يعني. لكن اه الزمك بالصيام. هنقول ما يجبش. الصيام على المسافر. حتى لو السفر يقول لي ده مش بيتعبني خالص ده هي خطوتين وحاوصل. ده بالطيارة. انما ما فيهاش حاجة خالص. ده انا متعود على السفرية لك زلك ولو كل يوم لك انك انت ايه تفطر وتقضي بعدين. لا يلزمك احد حتى لو كان السفر ما فيهوش اي تعب هو السفر نفسه تعب لوحده. يعني هو السفر من غير تعب هو تعب السفر فيه انواع من المشاغل. هو اللي مسافر وسافر ليه؟ اكيد مسافر وراه حاجة وراه مشاغل والدماغ وزهنه مشغولة عايز يرجع بعيد عن اهله بعيد عن بيته. دي لوحدها متعبة نفسيا متعبة من غير ما تتعب بدنيا. في ان انا اشغله كمان او اشغله ان هو يصلي كل صلاة في وقتها. لأ لم يأتي الشرع بزلك. انما خفف عنه خالص عشان يعني خلص نفسك وارجع بنسهل لك كل حاجة. فالمسافر لا عليه ان يصوم. فان صام وكان الصيام يسير فهو جيد. وان افطر فله زلك. فله زلك. من الشروط ايضا بالنسبة للمرأة ان من غير حائض ولا نفساء ولا نفساء. فاذا حضر المرأة الحيض او النفاس يجب عليها الافطار. وهنا بقى نقول الافضل تصوم ولا تفطر انما يجب عليها الافطار. فازا صامت اثمت تاخد زنب. لان حرام تصوم وهي حائض. حرام تصوم وهي نفساء مش زي المسافر المريض يعني ينفع وينفع لأ الحائض نفسها لا يجوز ان هي تصوم اصلا. والواجب عليها ان تفطر. فازا حاضت المرأة ولو في اخر خمس خمس دقايق في يوم من رمضان فسد صومه. ويجب عليها ان هي ايه؟ تجيب اليوم ده بعدين. والعكس ازا طهرت المرأة قبل الفجر بدقيقة واحدة وجب عليها الايه؟ الصيام. تاني؟ ازا حاضت المرأة قبل مغرب احد ايام رمضان فسد صوم الايه؟ اليوم دوت يجب عليها ان هي ايه؟ تقضي. العكس ازا طهرت المرأة من الحيض او النفاس قبل فجر احد ايام رمضان. وجب عليها ان هي تنوي على طول تبدأ ايه؟ تبدأ في موضوع الايه؟ الصيام فورا. واضح كده؟ فالمرأة الحائض والنفساء ليس عليها الصيام. قالت قال صلى الله عليه وسلم اليست ازا المرأة لم تصلي ولم تصم. فزلك من نقصان دينها. قالت عائشة رضي الله عنها لما سئلت عن ذلك قالت كان يصيبنا ذلك. فنؤمر بقضاء الصوم ولا نؤمر بقضاء الصلاة. معروف الحائض ما بتصليش برضو زي ما هي ما بتصومش ما بتصليش. بس هي بتقضي ايه تقضي الصوم بس لان قضاء الصلاة فيه مشقة. ان هي تقضي صلاة سبعة ايام وعشرة ايام او خمسة عشر يوم من هذا كثير. فربنا خفف عنها. لكن الصيام تقطيعة في سنة كاملة تقعد تقضي في سبع تيام الامر ايه؟ الامر سهل. فلازم المرأة لا تكون لا حائض ولا ايه؟ ولا مفصل. يبقى الشروط اهي سهلة جدا الاسلام البلوغ العقل الصحة الاقامة خلو المرأة من الايه؟ من الحيض والنفاس. سايل كده؟ بعد كده بيقول لنا كيف يثبت دخول شهر رمضان ازاي يسبت دخول شهر رمضان؟ دخول شهر رمضان يسبت بحاجتين واحدة منهم ما فيهاش كلام والتانية هي اللي فيها ليه مناقشة. الاولانية ان يكتمل شعبان ثلاثين يوما ازا اكتمل شعبان ثلاثين يوما اكيد تاني يوم هو رمضان لان الشهور العربية ليس فيها اه شهر واحد وتلاتين يوم. قال النبي عليه الصلاة والسلام الشهر عندنا هكزا وهكزا. واشار بيديه عشرة وايه؟ وتسعة الشهور العربية ما فيهاش تمانية وعشرين وما فيهاش واحد وتلاتين يا تسعة وعشرين يا تلاتين بس ما فيش اختيارات؟ ما فيش اختيارات تانية. ما فيش اختيارات تانية. لزلك مسلا مسائل لطيفة. يقول لك مسلا لو لو جم في شهر شوال شهر شوال وشافوا الهلال ليلة تسعة وعشرين. هلال ايه؟ ذي القاعدة. يعني يعني طلع شوال تمانية وعشرين يبقى عليهم يوم من رمضان اكيد. افترض ان شوال طلع تمانية وعشرين. يبقى هو تمانية وعشرين ولا فيه غلط في رمضان؟ يبقى لازم يكون فيه غلط في رمضان ان الشهر العربي ما ينفعش يكون تمانية وعشرين يوم. وده حصل قبل كده مرة. انما بعد ما صاموا رمضان كله شافه في شوال لقوه تمانية وعشرين فقدوا يوم من ايه من رمضان ده اكيد ده يؤكد ان رؤية رمضان كان فيها ايه؟ ان فعلا غلط. لان ما ينفعش شهر عربي يكون تمانية وعشرين. كذلك ما ينفعش شهر عمرو يكون واحد وتلاتين. فازا اكتمل كمان تلاتين يوم خلاص انتهى الايه؟ انتهى الامر اكيد تاني يوم رمضان. الحاجة التانية ان هو يسبت برؤية الهلال رؤية الهلال والمقصود بالرؤية الرؤية فعلا البصرية سواء بالعين او بشيء من الاجهزة عادي فلابد من الرؤية. وربنا سبحانه وتعالى تعبدنا بذلك. وقال النبي عليه الصلاة والسلام صوموا لرؤيته وافطروا لرؤيته هو ربنا كلفنا بشيء ينفع الناس كلها. مش كل الناس تحسن الحسابات اللي هي الفلكية. مش كل الناس عندها اجهزة وعلم. لكن اي حد يستطيع ان هو يرى الهلال ربنا جعل حكم يناسب كل زمان وكل مكان. هو ربنا تعبدنا بزلك. شفنا الهلال صمنا شفناهوش ما صمناش. ربنا لا يؤاخذنا ازا اخطأنا حتى لو اخطأنا عندنا حل اللي هو الايه؟ القضاء لكن العبودية تتم بالايه؟ بالرؤية. طيب رؤية الهلال ازا رأى الناس الهلال خلاص يبقى تاني يوم على طول هيبقى طيب يا رمضان مش كده المسألة اللي بعد كده كيف تثبت رؤية الهلال؟ بيقول لنا تسبت رؤية الهلال برؤية رجل واحد عدل ثقة. يعني رجل واحد عدل ثقة مضمون في دينه. مضمون في صدقه وعدالته. بيفهم في موضوع رؤية الهلال. شاف الهلال واخبر ان هو شاف الهلال يصدق ويلتزم المسلمون بصيام شهر رمضان. لان ابن عمر رضي الله عنه قال تراءى الناس الهلال على عهد رسول الله صلى الله عليه وسلم فرأيته هو بيقول ايه؟ فرأيت. فاخبرت النبي صلى الله عليه وسلم فصام وامر الناس بالصيام المخدر بكلام مين بس؟ كلام ابن عمر رضي الله عنه وارضاه. خلاف اي شهر على فكرة. لان النبي عليه الصلاة والسلام اخبر في مسألة الايه؟ مسألة الشهر قال صلى الله عليه وسلم فازا شهد مسلمان عدلان فصوموا وافطروا يبقى النبي عليه الصلاة والسلام في كلامه قال ان عشان يدخل الشعر ويخرج لازم مشاهدين عادلين مسلمين. وفي نفس الوقت خد بكلام ابن عمر بس في دخول شهر رمضان. لزلك اهل العلم يقولوا شهر رمضان بس ممكن يسجد دخوله بشهادة مسلم عدل. ما عدا شهر رمضان لا يسبت الا لمسلمين يبقى انا عشان اثبت هلال شوال مش هينفع واحد لازم ايه؟ لازم اتنين يبقى دخول شهر رمضان فقط لفعل النبي عليه الصلاة والسلام يسبت دخول شهر رمضان بشهادة رجل مسلم واحد. عدل. اما ما عدا ذلك من الشهور العربية فلا يسبت الا بشهادة ايه؟ اتنين عدول. يبقى دي المسألة قال النبي عليه الصلاة والسلام صوموا لرؤيته وافطروا لرؤيته فاذا غبي عليكم يعني حصل بقى في سحاب في غمام في مش عارف ايه مش قادرين نشوفه. قال فاكملوا عدة شعبان ثلاثين. عادي يعني ربنا لا يكلفنا اذا لم نرى الهلال حتى لو كان موجود لكن لا يكلفنا. ازا احنا شفناه خلاص نصوم ما شفناهوش لا نصوم. نكمل عدة شعبان ثلاثين يوما. تمام؟ يبقى ديت الايه؟ المسألة اللي بعد كده. ممكن مسألة فرعية هي اذا اذا اختلف حصل اختلاف في المطالع. ايه اختلاف المطالع دوت ان آآ بلد شافته بلد ما شافتوش. السعودية قالت والله احنا شفنا زي ما حصل في شعبان كده. احنا شفنا الهلال. احنا في مصر ما شفناهوش هل يلزم الناس اللي آآ طبعا مين مين اللي عنده معلومة زيادة اللي شاف اللي شاف عنده معلومة زائدة عن اللي ما شفش هل اللي ما شفش ملزم برؤية اللي شاف ولا مش ملزم بها. هذه مسألة فيها خلاف. من اهل العلم. بعض اهل العلم يقول طالما البلدين دول مشتركين في ليل واحد طالما البلد دي شافته يبقى يبقى البلد دي كمان تلتزم به. ان انتم الاتنين في ليل ايه؟ في ليل واحد. واكيد الهلال ده هو الهلال اللي عندكم برضه ازا كانت البلاد مشتركة في ليل واحد يبقى لازم كله يلتزم برؤية ازا واحد من البلاد شافه كله يلتزم به. ده قول. القول التاني ان لأ كل بلد ليها مرجعية معينة تعتمد عليها في الرؤية ليس لها ان تلتزم برؤية غيرها القول ده قد يكون اقرب لان ثبت عن ابن عباس رضي الله عنه وارضاه. ابن عباس عارفين في المدينة كان قاعد في المدينة في زمان خلافة معاوية او كان في زمان آآ معاوية كان في الشام اقصد كان معاوية في الشام. كان امير الشام معاوية. كان في رجل اسمه قريب. القريب ده راح الشام قعد هناك فترة وشهد رمضان كله. وبعد كده رجع المدينة. فابن عباس قابله فبيحكوا بقى ايه الاخبار وعملتوا ايه وبتاع. فوسط الكلام قريب يقود بيقول له لقد رأينا الهلال لقد رأينا الهلال ليلة الجمعة قال ابن عباس ولكننا رأيناه ليلة السبت فقال كريب الا تكتفي برؤية معاوية فقال لا هكذا امرنا رسول الله صلى الله عليه وسلم. واضح ان عباس عنده فهم من النبي عليه الصلاة والسلام ده ينفع والله احنا في المدينة ما شفناهوش خلاص مش ملزم انا انت شفته في الشام رغم ان الشام والمدينة اكيد مشتركين فيليه. في الليل لان الشام شمال المدينة هم اكيد بيجي لهم ليل واحد رغم زلك ابن عباس شاف الهلال ليلة السبت ومعاوية شاف الهلال ليلة الجمعة. فلم يلتزم ابن عباس برؤية معاوية ولم يلتزم معاوية برؤية ابن عباس والله تعالى اعلم يجوز ان البلاد ازا اختلفت في المطالع ان كل بلد تعمل تعمل بما رأته ما فيش مشكلة في الايه؟ في الموضوع دوت. طيب بعد كده مسألة آآ تانية بيقول وقت النية في الصوم وحكم زلك امتى الانسان ينوي الصيام؟ هنفرق بين صيام الفرض وصيام النفل. صيام الفرض يجب يجب ان ينطوي ينوي الانسان الصيام قبل الفجر قبل الفجر ازا مر عليه الفجر ولم ينوي الصيام لا يصح منه الايه؟ الصيام. ودي مسألة فرع عن مسألة تانية وهيزكرها هنا هوت. هو اصلا رمضان يجزئ فيه نية واحدة ده اول الشهر ولا لازم كل يوم له نية مستقلة؟ هو هنا اختار في الكتاب ان هو تكفي نية واحدة لجميع الشهر تكفي نية واحدة لجميع الشهر. ده اختياره وده فعلا ده قول معتبر. وان كان الذي يعني اميل له انه لا تكفي نية واحدة لجميع الشر. بل يجب ان ينوي الانسان كل يوم في في الليل لازم ينوي ان هو يصوم اليوم الجديد. لان رمضان ليس وحدة واحدة ليس وحدة واحدة يا جماعة انا عارف هو ينفع نية واحدة للشهر كله يعني انا لو صمت يوم يبوز مني ليه يبوز الشهر كله ان هو نية واحدة زي ايه؟ يعني مسلا مسألة تانية. في صيام الشهرين المتتابعين اللي هي بتاعة كفارة الزهار او كفارة الايه؟ او كفارة الجماع. هل زهنية واحدة نعم توجز نية واحدة. ليه؟ لان الشهرين دول وحدة واحدة متتابعين لان انت اصلا لو افطرت اي يوم فيهم هتعيد تاني فالشهرين يبوظوا. لزلك قالوا ينفع لهم نية واحدة. لان هم اصلا وحدة واحدة طب صيام رمضان لو انا فطرت يوم في رمضان يبوز الشهر مني؟ لأ. لزلك قالوا يبقى لازم كل يوم له ليه نية مستقلة. طالما كل يوم هو وحدة مستقلة يبقى كل يوم يبقى له نية مستقلة. هو الموضوع ده بيفرق في ايه؟ يعني ممكن المسألة دي ما تحصلش اصلا يعني. بس هو نفترض واحد مسلا حصل ان هو العكس بقى نام المغرب صحى الفجر في يوم من ايام رمضان ما نواش خالص. ندعي نقول له يصح على قول ده هيصح صيامه لان هو اصلا قبل رمضان ناوي يصوم رمضان لكن على القول اللي احنا بنقوله مثلا مش هيصح منه صيام اليوم دوت. هيبقى عليه القضاء. المهم يعني طيب موضوع النية اسهل من كده بكتير. النبي عليه الصلاة والسلام. قال من لم يبيت النية من الليل فلا صيام له. وده الدليل بقى احنا اتكلمنا بالعقل. لكن دليل اولى. قال من لم يبيت النية من الليل من لم يبيت الصيام قبل الفجر فلا صيام له. وده صريح. ان الانسان المفترض يبيت الصيام قبل الايه؟ قبل الفجر. ما قالش قبل رمضان. قال من لم يبيت الصيام من الفجر قبل الفجر فلا صيام ايه له. موضوع النية ده ابسط من زلك كسير. الناس بتعقد اوي موضوع النية دي. يقول لك يعني انوي ازاي؟ الصلاة سهلة جدا. يعني على فكرة موضوع انك ما تنويش اصعب من انك تنوي يعني لو قلت لواحد ما تنويش هيقول لي ازاي؟ ما اعرفش. يعني انا غصب عني بانوي انا عايز اقول ايه؟ موضوع النية ده في كل حاجة في العبادات كلها عشان وسوسة. خد القاعدة دي ان انا اقول لك ما تنويش اصعب من ان انا اقول لك ايه انوي للنية دي بتجري كده زي زي الهوا كده نويت انا خلاص انا نويت انت بتقول لي وانت بتقول لي انا نويت. طب اعمل ايه دلوقتي في نفسي؟ يعني انت اللي فكرتني. يعني هي ان هي اسهل من زلك كثير. مجرد ما انت رحت اشتريت فول العربية انت نويت. مجرد ما انت رحت اشتريت زبادي انت نويت مجرد ما انت يا اخوانا حضرت السحور انت ناوي الموضوع سهل. مجرد ما انت فكرت كده بكرة هنفطر انت نويت الموضوع مش محتاج بقى يقعد بقى يركز وايه ونشغل البخور وبتاع نويت رمضان مش يعني بالراحة يعني الموضوع سهل جدا جدا. سواء الناس موضوع ان هي يقول لك ما اعرفش انا ايه دخلت الصلاة نويت اصلي امال دخلت ليه اصلا؟ انت جاي لي المسجد تعمل ايه يعني اكيد نويت يعني ما بلاش الايه؟ بلاش الوسوسة دي. واقعد اتوضى ونزل البيت ودخل المسجد يقول لي مش فاكر نويت ولا ناويتش ده حاجة صعبة اوي يعني. فدي احيانا بتبقى وسوسة يعني فيه مبالغة. النية اسهل من ذلك كتير. لكن لو كان نافلة يبقى الموضوع مختلف بقى. النافلة يعني ممكن الانسان ينوي اه بعد الفجر. ممكن ينام بعد الفجر. زي ما النبي عليه الصلاة والسلام صحي يوم من الايام قال يا عائشة ما عندنا من طعام او رجع لها يعني قبل الضهر كده قال ما عندنا من طعام قالوا ليس عندنا شيء. قال اني صائم. يبقى يجوز الانسان ينوي في النوافل فقط. الصيام يعني في جزء من النهار طالما آآ ومش لازم يبيت النية من الايه؟ من الليل. بعد كده بيقول لنا الاعزار المبيحة للفطر ومفطرات الصائم. هيفصل بقى تاني في المرض والسفر وليه والكلام دوت بعد ما زكروا اجمالا كده في الشروط هيرجع تاني يتكلم عنه بشيء من التفصيل لكن خلينا نقول اه ماشي خليها ديت لما نوصل لها. اه مسائل متعلقة اول حاجة هتكلم عن المرض والكبر يوليو باح الفطر في رمضان لاحد هزه الاعزار. اول حاجة المرض والكبر المرض غير الكبر زي ما هنبين. يقول الاول المريض حاجة من الاتنين. اما مريض يرجى شفاؤه او مريض لا يرجى شفاؤه احنا هنرجم بالغيب لأ احنا لنا الزاهر يعني. كلام الاطباء والخبراء ربنا قادر على كل شيء صح بس احنا لنا ليه؟ كلام الايه؟ الظاهر كلام اهل العلم هم اللي يقولوا وهنعتمده في الاحكام. هو بقى خف بعد كده خلاص هو احنا ساعتها اعتمدنا حكم معين عشان نرجع فيه تاني والله الدكاترة يقولوا لي والله يا عم الحاج انت هتفضل كده طول حياتك وربنا يقويك خليك على الدواء ده وخلاص والله انت المسألة انك تخف دي صعب. انت يعني كبر سنك والسنة دي اسهل من السنة الجاية. يبقى ده اسمه مريض ايه؟ لا يرجى شفاؤه لا يرجى شفاؤه. لكن في مريض تاني يرجى شفاؤه شهرين تلاتة سنة سنتين وهتخف طيب ايه الفرق من الاتنين؟ فرق الاولاني المريض الزي يرجى شفاؤه ازا افطر في رمضان بسبب المرض فيلزمه ان ينتزر الى ان يبرأ ثم يقضي. ربنا قال فعدة من ايام فخار. لازم. طب انا ما عنديش ايام اخر يبقى ده عشان كده يبقى فيه مريض بقى لا يرجى برء. معنى فعدة من ايام اخر ان هو هيجي له ايام اخر. معنى كده ان هو ايه؟ هيخف تمام فالمريض اللي يمكن ان يشفى لا يدفع فدية ولا تقبل منه الفدية انما ينتزر الى ان يبرأ ثم ايه؟ ثم يقضي الايام التي افطرها طيب المريض التاني بقى اللي هو مش هيخف ده ويلحق بي الشيخ الكبير والمرأة العجوز لان هي شبه المريض الزي رجبور واحد خلاص كبر سنه جدا وضعف عن الصيام ما يقدرش يستحملش يصوم. فاكيد هو لو عنده سبعين سنة على الحال ده اكيد واحد وسبعين اصعب اكيد خمسة وسبعين اصعب. يبقى هو هيلحق بالمريض اللي ايه؟ اللي لا يرجى برؤه اكيد يعني. فالمريض الذي لا يرجى برؤه حتى لو كان شاب صغير او الشيخ الكبير والمرأة العجوز فدولا هيفطروا ويفدوا يبدو يعني يطعمه عن كل يوم مسكين. قال الله سبحانه وتعالى وعلى الذين يطيقونه فدية طعام مسكين لا يحتملون الصيام. مين اللي لا يحتمل الصيام؟ الشيخ الكبير المرأة العجوز والمريض الذي لا يرجى ايه؟ برؤه. فدعا عليه فدية طعام مسكين. يعني عن كل يوم يفطر ويطعم يطعم مسكين. قال الامام البخاري واما الشيخ الكبير اذا لم يطق الصيام. يعني هي المسألة مش معلقة على شيخ كبير بس. شيخ الكبير الذي لا يطيق الصيام. ممكن واحد يبقى كبير عنده سبعين وتمانين وتسعين سنة بيعرف يصوم عادي على فكرة. هي ما لهاش علاقة بسن. لكن احنا قلنا مريض لا يرجى برؤه دي ده ضابط. لكن الشيخ الكبير ده مش ضابط لازم شيخ كبير لا يحتمل الايه؟ لا يحتمل الصيام. فقال الامام البخاري فقد اطعم انس بعدما كبر عاما او عامين عن كل يوم مسكين وقال ابن عباس الشيخ الكبير والمرأة الكبيرة لا يستطيعان ان يصوما فليطعما مكان كل يوم مسكينا. يبقى يطعم عن كل يوم مسكين. يطعمه قد ايه؟ المقياس الشرعي لو عايز المقياس الشرعي بيقولوا مد من طعام. ايه المد ده؟ المد ده ربع الصاع. طب ايه الصاع؟ عارف انت اللخبطة كان في واحد معنا في درس قبل كده ايه كان الشيخ بيقول ايه كان بيتكلم عن الصاع. كان بيتكلم عن زكاة الفطر يعني كان لسه اول مرة يحضر دروس فقه يعني غلبان. فاحنا كلنا فاهمين هو متوه يعني. فقال لي يا شيخ يعني ايه صاع؟ قال له اربع امداد طب الله ينور نورتني انت كده نورت المحكمة. فهو يا عيني الشيخ مش واخد باله ان دوت يعني كان جديد يعني مش فاهم حاجة. فبيقول له ايه الصاعقة؟ قال له فاتكسف قال له تمام انا فهمت الصاعة عشان تقول لي اربع امداد. فيعني ايه يبقى المد ربع الصاع يعني؟ ايه الصاع دوت تقريبا اتنين كيلو وربع. اتنين كيلو وربع من قوت البلد. رز آآ قمح تمر حسب ايه؟ حسب قوت البلد. يبقى المد اللي هو ربع الصاع هيبقى حوالي سبعميت جرام. حوالي سبعميت جرام. من اه قوت البلد. يعني كيلو الا ربع رز يعني لو واحد عايز يعمل على القد بالزبط على قد الايه الفدية بالزبط. لو اعطى مسكين كيلو الا ربع رز عن اليوم الواحد كده وعملنا عليه. خلاص لو عايز بقى ربنا يكرمه ويزود يدي له بقى وجبة فعلا يأكله بقى بجد. يجيب له اكلة. سواء جاهزة او مش جاهزة يعني مش موضوع جاهزة دي مش مش ما لهاش علاقة بموضوع اكلة نية اكلة جاهزة جاب له فرخة جاب له وجبة من مطعم. جاب له اسرة شنطة رمضان تكفيها ممكن بالجملة يعني مسلا ايه مش لازم كل يوم يطعم مسكين ممكن كل خمس تيام يطعم خمس مساكين بس ما ينفعش يطعم قبل ما ايه قبل ما يفطر يعني ينفع مسلا اول الشهر يقطم تلاتين مسكين وبعد كده يفطر؟ لأ لازم يفطر الاول عشان هي اصلا ما تجبش الا لما يفطر. يعني ممكن طول الشهر ما يطعمش خالص. يجي على اخر الشهر يطعم تلاتين مسكين وخلاص. زي ما تيجي بقى ممكن يجيب مسلا ايه في اسرة خمس افراد كزا اسرة خمس افراد. ييجي على ست اسر كل اسرة خمس افراد شنطة شنطة شنطة شنطة شنطة خلص الموضوع. خلص التلاتين يوم اصل ناس بتصعب الموضوع يقول لك مسكين ازاي؟ اصل انا ما اعرفش مساكين. طبعا دي دي كوم له دي. الشعب تلات تربعه مساكين اصلا. اي حد ماشي في الشارع ادي له. هو ده مسكين. يعني انا مش محتاجة يعني يعني الاصل اللي ماشي مسكين انت تقول لي فين الاغنيا؟ ده ده السؤال. لكن اي حد في الشارع يدي له عادي يعني. هو مسكين اكيد يعني فيعني مسكين عمره سهل جدا يعني. كل جيرانا وكل اصحابنا كلنا مساكين يعني. الفكرة يعني انك انت الموضوع اسهل من كده بكتير. زي ما قلنا اسرة كده يعني على قد حالها. اصل الناس بتفتكر ان المسكين ده هو اللي يعني اللي ايه اللي بيلحس التراب. لأ المسكين ده ممكن يكون بياكل ويشرب زينا بس هو يعني يا عيني الشعر ما بيكملش معه يعني. فده في الشرع ده مسكين يعني مش لازم يكون يعني بيلحس التراب يعني. الخلاصة يعني ان دي سهلة فاهم مش لازم يوم بيومه. ممكن كل خمس تيام كل عشر تيام نخلص الموضوع دوت. تمام. بيقول طيب لو المريض بقى صام خلاص صح صيامه اجزأ ما لوش اي ايه؟ ما علوش حاجة بس طبعا يعني ايه حكم صيام المريض؟ بنقول ازا كان الصيام سهل عليه لا يشق عليه له ان يصوم. ازا كان الصيام يشق عليه يكره له وان يصوم. لكن يقبل منه ويجزئ وخلاص وعدد. بس اللي فعله ده مكروه عند ربنا. لان هو شاق على نفسه ما انزلنا عليك القرآن ليه؟ لتشقى. لا ده المرض ده قد الصيام ده قد يهلكه هنا يحرم عليه الصيام. اذا المريض خالف الطبيب والطبيب قال له انت لو صمت ممكن تموت قالوا لا انا عايز اصوم بقى ورمضان وبتاع وقعد يسخن السخونية دي. في ناس كده مشكلة الناس الكبار بالزات. لا لازم اصوم ما ينفعش يا ابني وبتاع. فاكر ان هو بيعمل كده حاجة كويسة. نقول له غلط حاجة غلط حرام اللي انت بتعمله امتى الصيام ممكن يموتك؟ ما تصومش. ليس لك زلك. فننبهه ان انت ممكن تأثم اصلا بصيام رمضان. فاذا كان الصيام ممكن يموته. فلا يجوز له ان يصوم لا يجوز ان يصوم. بل يجب ان هو ايه؟ يفطر. تمام؟ مم. اهو حسب اليوم بيوم لقى في يوم ان هو نشيط والدنيا سهلة يصوم. لا يوم لا يوم فيه مشقة شديدة عليه. اه اه كده هوة بس هو عموما هو له ان هو يفطر حتى لو ما في يعني لو مشقة يعني مش لازم يكون هيهلك عشان يفطر يعني. الطبيب بيقول له انك انت لازم تفطر خلاص يفطر. والامر للطبيب يعني طيب بعد كده بيقول لنا آآ مساء طب الشخص لو كبير وخرف بقى كبير وخرف فدوت حكمه ايه؟ حكمه ان هو ليس عليه ايه ليس عليها صيام اصلا. ان هو هياخد حكم ليه حكم المجنون انه فاقد العقل الان اذا كان شخص كبير ومخرف ما ندفعش عنه فدية ما يجيش اولاده مسلا يدفعوا لنا عن كل يوم فدية لان هو اصلا غير مكلف الان خلاص انتهى الموضوع تمام؟ بعد كده بيقول لنا احكام متعلقة بالسفر. السفر واحد بيقول لنا مسافر بحلو الفطر في نهار رمضان زي ما بينا حتى لو ما فيش مشقة السفر نفسه خلقة مشقة. تمام؟ طيب اني اه اه السفر السفر اه متى يجوز للمسافر ان هو يفطر؟ اذا تلبس بالسفر بالفعل بعض الناس يقول لك انا هسافر النهاردة بفطر بقى ايه قبل ما قبل ما اطلع. نقول له لا ليس قال كزلك ربنا قال وان كنتم ايه على سفر على سفر. مش ناويين السفر. على سفر يعني انت مسافر بالفعل فليس لك ان تأخز احكام السفر قبل ان تتلبس بالسفر. انت النهاردة مسافر هتطلع هتركب عربية الساعة قطر الساعة تمانية. هتركب عربيتك الصبح الساعة سبعة ما لكش انك انت تاخد احكام السفر الصبح ما تقولش انا هفطر بقى خلاص طالما انا مسافر النهاردة او منتهى الصناديق اروح آآ لا. انما احكام السفر تبدأ لما تتلبس بالسفر. فليس لك ان تجمع الصلاة ولا تقصر الصلاة قبل ان تكون على سفر بالفعل ان يا وارد ان يعرض لك اي عارض يمنعك من السفر. واحد صايم الصبح فاته القطر. هي هتعمل ايه بقى في اليوم اللي صمت؟ ده ايه ده؟ حكمه ايه بقى؟ ما انت ايه ده انت لا سافرت ولا طب ده اسمه ايه؟ فما ينفعش انك انت تاخد الاحكام قبل ما تتلبس بالفعل بالايه؟ بالسفر. يعني ايه؟ يعني انا لو ركبت القطر يبتدي القطر يطلع كده ونبتدي اسكندرية تبعد خلاص ابدأ بقى ايه ابدأ افطر بقى وصلي زي ما انت عايز مش عارف ايه. ابتديت خدت عربيتك معتم بوابة اسكندرية خلاص افطر بقى واقصر واعمل اللي انت عايزه. مجرد ان انت مجرد ايه بدأت مسكت السفر وخلاص بدأت تبقى على سفر. يبقى اسمك مسافر بالفعل اللي هو ما فيش مش هترجع خلاص. تمام؟ فهنا تبدأ احكام السفر تبقى لك. لكن قبل زلك ليس لك انك انت تأخذ خذ احكام السفر. طيب بعد كده بيقول لنا طب لو صام المسافر يصح يصح منه الصوم ويجزئه. وليس عليه اشكال ليس عليه اشكال تمام في مسألة معينة هو يعني المسألة دي ما حبتش اتطرق اليها ان هي فيها خلاف كبير. مسألة السفر ايه هو السفر؟ ايه هو السفر؟ هي القولين المشهورين ان السفر هو السفر مم خمسة وتمانين كيلو متر. ده من اشهر الاقوال اللي اتكلمت في المسافة. ان الاقوال على قسمين. قبل اتكلم في المسافة وقول الكلام في المعنى يعني القول اللي اتكلم في المسافة اشهر قول فيه خمسة وتمانين كيلو. ازا كانت سفر يتجاوز خمسة وتمانين كيلو من حدود البلد يبقى مقاس مصفر. اقل من زلك لا يسمى سفر هنا في ناس تانية نزر الى خمسة وتمانين انا ماشي. مش هتفرق هي ولا سيرة. راكب سيارة طيارة مش تفرق. ما هم اعتبروها بالمسافة بخمسة وتمانين كيلو دي ممكن تتاخد في نص ساعة. لكن هي هي دي تعتبر سفر فما لهاش علاقة بالوسيلة الامر التاني في ناس نزروا الى معنى السفر قالوا كل ما يسمى في عرف الناس سفر فهو سفر. حتى لو قل عن خمسة وتمانين كيلو. ممكن يكون في مسافة معينة او بلد معينة المجاورة الناس كلها بتطلق عليه سفر وبتعتبر ان الزهاب الى هزا المكان سفر. فازا كان تعارف الناس الى ان المكان ده سفر يبقى سفر. فيا اما الخمسة وتمانين كيلو وديت احوط او ما يسمى في عرف الناس ايه؟ سفرا. تمام؟ طيب بعد كده آآ بيتكلم عن الحيض والنفاس. طيب احنا قلنا الحيض والنفساء ليس لها ان تصوم ويحرم عليها الصوم ولو صامت لا يقبل منها ويحرم عليها ان تقضي بعد زلك الايه؟ ما افطرته في رمضان بسبب الحيض والنفاس. الحامل والمرضع الحامل والمرضع ديت من المسائل الايه؟ اللي فيها خلاف كبير. فيها خلاف كبير. من من مسائل الصعبة في مسألة اللي هي الصيام. مسألة الحمل مرضع لان في اقوال كتير الحامل والمرضع. هو الكلام في الحامل والمرضع مشكلة في قياس الحامل والمرضع. هل الحامل والمرضعة تقاس على المريض ولا تقاس على الشيخ الكبير. يعني هل الحمل والمرضع هتقضي ولا تفدي خلينا نقرا هو قال هنا اختار في الكتاب ايه؟ سواء اختار في قول تالت بقى كمان. في قول ان هي تقضي وتفدي. ان هي قال في ثلاث اقوال مشهورة. القول الاول انها تفدي فقط. تفدي فقط. وده قول ابن عباس وابن عمر وسعيد ابن الزبير. ابن عباس ابن عمر السعيد ابن الزبير كانوا يقولون بالفدية دون القضاء. يعني عن كل يوم تطعم مسكين زي الشيخ الكبير المزهب التاني مزهب عطاء والحسن انها تقضي ولا تفدي عليها القضاء وليس عليها الايه؟ الفدية. وقاسوها على المريض. قالوا لان الحامل شبه الايه؟ شبه المريض. مش شبه الرجل الايه؟ الشيخ الكبير القول التالت بقى هو قول الامام الشافعي واحمد ان المرأة ازا كانت افطارها هم فرقوا المسألة قالوا لو فطرت عشان خايفة على على نفسها او على نفسها وابنها المهم نفسها في الموضوع. لو خافت على نفسها او على نفسها وابنها يبقى عليها القضاء بس قالوا اما لو خافت على ابنها بس يبقى عليها القضاء والفدية. ان هي كانت هي نفسها كانت تقدر تصوم لكن هي افطرت عشان مين ؟ عشان ابنها بس هيبقى عليها القضاء والفدية المهم مسألة فيها كلام كتير وعلى فكرة هو اختار في كتاب الفقه الناصر القول دوت لان الكتاب بيميل في اختياراته غالبا للمذهب الحنبلي. فهو اختار المذهب دوت. في زلك هو بيقول هنا تقضي الحامل والمرضع مكان الايام التي افطرتها وذلك اذا خافت على انفسها. اما اذا خافت على على جنين او الرضيع اطعمت مع القضاء عليها ايه؟ كل عن كل يوم تقضيه وتطعم ازا كانت خايفة على الايه؟ على الجنين او الرضيع بس مش خايفة على ايه؟ مش خايفة على نفسها. يبقى هي لو خافت على نفسها يبقى عليها القضاء بس. لو خافت على الجنين بس ما كانتش خايفة على نفسها. ما فيش اي ضرر هيعود عليها هي سواء حامل او مرضع. يبقى عليها القضاء والايه؟ والفدية. قول عمر ابن عباس وسعيد ابن الزبير ان عليها الفدية بس وما عليهاش القضاء. لذلك المسألة دي محيرة شوية. محيرة شوية. فانا يعني عندي اشكالية في الترجيح في المسألة دي بالزات. خاصة ازا كانت المرأة انت هي بتبقى حامل بعد الحامل هتبقى ايه سنتين مرضع ممكن بعد كده ربنا يكرمها بحمل جديد. وبعد كده تخش في موضع تاني. فممكن تقعد المرأة بالتلت اربع خمس سنين مضطرة تفطر فهل ساعتها هنقدر نقول لها تقضي؟ ممكن الامر فيه مشقة. وممكن ساعتها تأخذ بالقول بتاع الايه؟ بتاع الفدية هيكون اسهل عليها. ان هي يجتمع عليها كزا رمضان كتير هيبقى عليها تسعين ممكن مية وعشرين يوم ممكن يبقى فيه مشقة. فالمسألة يعني فيها فيها كلام كتير فيها كلام. يعني طبعا الاحوط للمرأة الاحوط ان هي تاخد بالقول ان هي تقضي وتفدي كده هي طلعت من المسائل كلها. لو قضت وفدت طلعت من كل حاجة. اما لو كان يشق عليها القضاء وكان يجتمع عليها رمضانات كتير فلعل القول بالفدية بس يكون في مخرج ايه؟ مخرج المرأة اللي يشق عليها الايه؟ يشق عليها القضاء. يعني هو سبحان الله الخلاف ده يكون فيه يعني سعة ورحمة للايه؟ ورحمة للناس. والله تعالى اعلم بعد كده بيقول لنا مفطرات الصيام. ايه هي الاشياء التي تفسد الصيام؟ طبعا اي شيء الى الجوف يفسد الصيام. مين اولا الاكل والشرب عمدا حتى لو اكل وشرب ما لا يؤكل. واحد بلع طوبة مسلا يفطر. طالما الايه الحاجة دي دخلت في الحلق والجوف يبقى يفطر بها. قال تعالى وكلوا واشربوا حتى سيتبين لكم الخيط الابيض من الخيط الاسود من الفجر. يبقى ايه؟ يبقى لا يباح للصائم الاكل والشرب بعد طلوع الفجر حتى غروب الشمس. ازا معنى زلك ان هو يبقى احلى والاكل والشرب الى الى الفجر تمام؟ ودي مسألة بيترتب عليها مسألة تانية. نتسأل فيها بيقول لك ينفع اجامع زوجتي لغاية صلاة الفجر مسلا او قبيلي الى قبيل الفجر اللي حصل قدرا مسلا ان هو حصل كده. انه لا يجوز. ايه ده ينفع يعني يعني ما بقاش اه اخش الصيام وانا جنب نقول له يجوز ما لهاش علاقة اصلا. ما لهاش علاقة ان الدليل ده اللي على زلك ربنا قال وكلوا واشربوا حتى ايه؟ يتمالك. ممكن تحط عليها كلوا واشربوا ايه وجامعه مش هو دي الحاجات اللي كانت ممنوعة؟ الاكل والشرب والايه؟ والجماع فيلحق بالاكل والشرب الجماع. فممكن انسان يجامع الى قبيل الفجر. معنى زلك ان هو اكيد هيأذن عليه الفجر ومش هيكون ايه يكون اغتسل وده دل على انسان جواز ان هو يستقبل يوم رمضان وهو جنب. حتى لو كانت الجنابة دي بسببه هو ان هو جامع مراته بالفعل لكن اللي هو ما لوش ان يعمله ان هو يجامع مراته في ايه؟ في نهار رمضان. لكن هو جامع قبيل الفجر وبعد كده اغتسل بعد الفجر يجوز. حتى لو ما وصلش للزنقة ديت هو جامع مراته بالليل بعد العشاء مسلا. مكسل يغتسل. جه يازن الفجر قال لك خلاص نغتسل عشان نصلي. هل في اشكال بالنسبة له ما فيش اشكال. حتى لو تعمد تعمد تأخير الغسل الى بعد الفجر ما فيهوش اشكال. ما لوش اي علاقة بالايه؟ بالصيام تمام؟ ويلحق بزلك مسائل واحد وقاعد نام بالليل صحى احتلم صحى محتلم بعد الفجر جاي يصلي لقى نفسه محتلم ايه قال لك فيه مشكلة؟ لا ما فيش مشكلة ايه المشكلة يعني؟ تمام؟ واحد احتلم في نهار رمضان برضه ما فيهاش مشكلة. انما المشكلة اللي يجامع او يستمني هي دي اللي هيبقى فيها ايه؟ المشكلة بعد كده. واضحة كده؟ ماشي. بعد كده بيقول لنا اه مم اما اذا اكل او شرب ناسيا يصح صومه والامر ده بعض الناس يقول لك في الفرض ولا في النفل. الراجح ان هو في الاتنين. قال النبي عليه الصلاة والسلام من اكل او شرب ناسيا فليتم صومه فانما اطعمه الله وسقاه. وده في الفرض والنفل. ما فيش دليل ان الحديس ده مخصوص بالايه؟ بالنوافل بس. فانسان لو اكل او شرب ناسيا يتم صومه عادي جدا. اما لو اكل او شرب فعليه ليه؟ هو ده اللي عليه الايه؟ القضاء. اه ممكن نقول بسرعة مسائل متعلقة بالايه القضية ديت ان هي بيكثر السؤال فيها اول مسألة بسرعة حكم المضمضة والاستنشاق حكم المضمضة والاستنشاق جائزة جايزة يجوز للانسان قال النبي عليه الصلاة والسلام بالغ في المضمضة والاستنشاق الا ان تكون صائما. بالغ فمعنى زلك يقول له مضمض واستنشق عادي بس ايه ما تبالغش يعني ما تبالغش عشان ما يحصلش مشكلة. فيجوز الانسان يتمضمض ويستنشق اسناء الصيام لكن يكون حويط شوية. فازا مضمض لسانه واستنشق طبعا هيطلع بقى هل يلزمه بعض يقعد يوسوس بقى يقعد كل شوية يطلع اكيد غصب عنك هيفضل شيء من البلل يعلق في فمك. ده معفو عنه ما تقعدش توسوس. شكون اللي شكون اللي سانيتين تخش الحمام؟ خلاص ده شيء مش هتقدر تطلعه. انت خلاص عملت اللي عليك وطلعت المية اللي قدرت عليها ساعتها. خلاص ما توسوسش هو لازم هيفضل مية غصب عنك. تمام؟ لكن لو الانسان بقى ما بالغش في المضمضة والاستنشاق وبلعن ميه نقول له يصح صومك عادي ان انت ما قصرتش. لقى واحد بقى بالغ في الموضوع وخلف كلام النبي عليه الصلاة والسلام بلع ميه هنقول له انت افطرت. ليه؟ لانك انت خالفت كلام النبي عليه الصلاة والسلام. قال لك ما تبالغش. وحزرك من كده. فالانسان يكون حويط بس يمضمض تنشق لكن يكون ما حكم المرأة اللي بتدوق الاكل عشان تشوف مسلا ايه الملح سخن ولا بارد والكلام ده. لو مجرد لسان وما وصلش لايه لاكل الجوف يجوز ان هي تفعلي زلك. طالما بلسانها بس. تشوفه سخن ولا بارد تشوفه مسلا لازع ولا مش عارف ايه بس. ما حكم السواك؟ يجوز استعمال السواك في نهار رمضان لكن يكون الانسان حويط ان هو ما يتفلتش من السواك ده ايه آآ اجزاء ويبلعها يعني السواك ممكن يتفرفت منك فتخلي بالك القصة ديت. معجون الاسنان معجون الاسنان يعني السواك استعماله سهل. معجون الاسنان ممكن يكون اصعب شوية يعني الانسان بعض العلماء يقولوا يجوز بس يعني ينبغي يحتاط جدا جدا بقى في استعمال المعجون الايه؟ الاسنان والسواك احوط واسلم يعني ما حكم ابتلاع النخامة؟ النخامة اللي بتأتي من الانف للايه؟ للجوف لا بأس انسان يبتلع النخامة ازا احتاج الى زلك. ازا احتاج الى زلك يبتلعها. اما ازا حصل ان هي خرجت الى الفم يعني هو طلعت وبعد كده طلعت في الفم هنا بقى اختلف العلماء قالوا ازا في ناس قالوا ازا ابتلعها يفطر. في ناس قالوا يعني يمكن ممكن ان هو يبتلعها. فلاحظ ازا خرجت الى الفم ان هو يخرجها جاب منديل بقى على طول خلاص. لكن لو هي من الانف الى الجوف ولا اشكال لا اشكال. ما حكم تدخين السجاير؟ تدخين السجاير بلا خلاف مفطر. مفطر. ازا كان مدخن هو اللي بيدخن السيجارة يعني. ليه؟ لعدة اسباب. السبب الاول ان هي يمكن التحرز منها. ممكن ما تدخنهاش. سانيا سبت بالعلم ان التدخين ده مش هو انما هو عبارة عن ايه؟ جسم. هو جسم يدخل شيء يدخل جسم الانسان بالفعل. فيها اجسام بتدخل جسم الانسان. قطران ومش عارف ايه. وقصص بقى اللي هي ممكن تجتمع في الرئة بتعمل تراكمات. ده دليل ان في اجسام بتدخل الى الجسد. ثم اجماع العلماء المعاصرين على انها مفطرة وسيبك من اللي بيخرف يقول ان هي ايه؟ مش مفطرة. فالتدخين مفطر بلا خلاف. لكن المدخن السلبي اللي هو بيشم التدخين المواعين جنبه دوت ما يفطرش ليه؟ اولا لان ده لان ده لا يمكن الاحتراز منه يصعب الاحتراز منه. واحد ماشي جت في في مناخيره دخان سيجارة هيبقى زي ما واحد بلع تراب وهو مش حاسس او او او ايه حاجة كده دخلت في واحد آآ هبت حاجة دقيق مسلا كان في الجو فدخل مناخير ولا بتاع ده معفو عنه اصلا فكذلك دخان عدى عليك شميته ما يفطرش كزلك البخور فيه بخور في البيت ولا في مسجد وانا دخلت شميت هتحرز منه ازاي؟ لكن لو واحد ماسك البخور بقى عامل زي السيجارة حطها كلها في في الماء ولا كوباية حشيش ولا حاجة اه زيها بالزبط يقول لك ده دخان يا شيخ ما فيهوش حاجة احنا بنشم هوا يعني فده يفطر ان هو آآ خده خد كمية كبيرة وهو كان ممكن ما ياخدهاش. وهو اللي اتعمد يحط انفه في الكمية الايه؟ الضخمة ديت. يبقى التدخين السلبي غير مفطر والتدخين الايجابي هو المفروض يسموه العكس يعني. التدخين السلبي اللي هو سلبي خالص. سلبي سلبي. السلبي نص نص ما بيفطرش. السلبي خالص يفطر. عشان ما فيش تدخين ايجابي يعني مسألة كمان على السريع اهو. حكم قطرة العين قطرة العين لو ما حسش بها في جوفه وحلقه في الطرش. في ما بين العين والجوف قناة دمعية قناة دمعية فممكن القطرة تسلك فيها وتخش وممكن ما يحصلش. فلو ما حصلش خلاص سمك سليم. لو حصل انك انت حسيت بطعم القطرة دي في جوفك يبقى انت افطرت. تقول لي هيبقى انا عملت حاجة حرام؟ لا. انت افطرت على طول انك مريض. خلاص. انت مريض عشان كده ما تحطش القطر الا لو انت محتاجها يعني اوي يعني. لو مش محتاجها اجلها. محتاجها اوي حطها وشوف. والله ما حستش بطعمها يبقى انت ايه صيامك سليم. حسيت بطعمها يبقى انت زي ما افطر عليك قضاء يوم وخلاص. قلنا البخور والغرغرة. الغرغرة ما تفطرش طالما ما بلعتش منها حاجة. نزيف الاسنان واحد عنده اسنانه بتنزف شوية. نقول والله لو اه في تقدر تتحرز منه يعني ايه استعمل منديل. ما تقدرش تتحرز منه يبقى معفو عنه. اقراص القلب واحد يحط قرص قلب تحت لسانه. اكيد ده بيفطر. ان هو بيدوب وبيتبلع. فبالتالي دوت هيفطر. تمام؟ المراهم والدهانات ما بتفطرش. الابر والحقن آآ في الابر والحقن الابر الغير مغزية امرها بسيط دي ما بتفطرش خالص الخلاف كله في الابر المغزية. خلاف العلماء في الابر المغزية. بعض العلماء بيقول الابرة مش مدخل الى الجوف. يعني الابرة ليست مدخل الى الايه؟ الى الجو فبالتالي ما تفطرش حتى لو كانت مغزية وبعض العلماء بيقول لا لان هي تحمل معنى الغزاء هتبقى مفطرة. والاحوط يعني القول التاني يعني النوع الابر المغزية الانسان يحتاط فيها. لو مش مضطر يستعملها ما يستعملهاش ما تعملهاش اسناء الصيام لو اضطر يستعملها يقضي اليوم دوت احتياطا وخروجا من الخلاف العلماء الحجامة الحجامة كان في اول الامر النبي عليه الصلاة والسلام قال افطر الحاجم والمحجوم طب المحجوم افطر لسبب ما طب الحاجب افطر ليه؟ لان هم زمان كان الحجامة بيعملوها في بقهم. ما كنش في اجهزة الشفط دي. كانوا هم بيعملوها بايه؟ بالبوق. فكان في هذا الحجم ما بيسلمش من ايه؟ نقطة دم تخش او كده. فالنبي عليه الصلاة والسلام تشديدا عليهم قال افطر الحاجم والمحجوم. بعد كده روى آآ الصحابة الكرام ان النبي عليه الصلاة والسلام ارخص في الحجامة. يبقى اول امره كان بيقول ان الحجامة ايه؟ تفطر. بعد كده عليه الصلاة والسلام ارخص في الايه؟ في الحجامة للصائم. فالحجامة جائزة لكن تكره لمين؟ تكره لمن يضعف ازا احتجم. يعني واحد كويس هيكمل صيامه عادي. عمل حجامة سخسخ مننا. طب ليه طب ما انت كنت كويس خليها بعد الفطار يعني مش مش لازم. زي التبرع بالدم نفسها بالزبط. تبرع الدم ما بيفطرش. بس اللي يضعف بعد التبرع بالدم هيموت بقى وعايز اشرب طب عصير ومش قادر طب ما كانش له لازمة مش مش مضطر انك تعمل كده. فيكره لمن يضعف. عن الصيام. اما من يقوى على الصيام عادي فما يكرهش بالنسبة له الحجامة وعلى التبرع بالايه؟ بالدم. الجماع. بيقول يبطل الصيام بالجماع. فمن كما هو صائم بطل صيامه وعليه التوبة والاستغفار وقضاء اليوم الزي جمع فيه وعليه مع القضاء كفارة. ايه الكفارة بقى؟ اما عتق رقبة وده مش موجود. او صيام شهرين متتابعين او اطعام ستين مسكين او اطعام ستين مسكين فالذي جامع في نهار رمضان عليه اما رقبة او صيام شهرين متتابعين او اطعام ستين مسكين. هل الكفارة دي مرتبة؟ ولا فيها تخيير؟ فيها خلاف بين اهل العلم لكن والله اعلم. في رواية للحديث اللي راجل اتكلم فيه قال النبي عليه الصلاة والسلام عن الذي افطر في نهار رمضان بالجماع قال اعتق رقبة او اطعم ستين مسكينا او صم شهرين متتابعين فخيره عليه الصلاة والسلام سلام. فدي غير ازدهار. الزهرت كفارة مرتبة فيها. لكن والله اعلم الجماع الكفارة تخييرية. فممكن انسان يصوم شهرين متتابعين عن كل يوم او ان هو ايه يطعم ستين مسكين عن كل يوم جامع فيه. لو جمع في اليوم عدة مرات عليه مرة واحدة كفارة واحدة. لو جمع كزا يوم في رمضان يبقى كل يوم عليه ستين مسكين او ستين يوم يصومهم. طب المرأة عليها برضو؟ عليها ان طاوعت. اما ازا ارغمها على زلك ولم يكن لها حيلة معه فليس فعليها شيء. هي تقضي بس. واما هو عليه القضاء والكفارة. لكن هي ان طاوعت يبقى عليها برضو القضاء والايه؟ والكفارة زيه بالزبط. فازا لو انزل الانسان بغير جماعة بالاستمناء او او نحو زلك او باللمس او كده. فعليه فيها خلاف بين اهل العلم بعض قال عليه او الكفارة برضه. لكن هو اختيار صاحب الكتاب هنا. بيقول ان عليه الايه؟ القضاء بس. لان الكفارة دي خاصة بالايه؟ بالجماع بس. قضاء وكفارة جماعة بس. لكن اي افطار تاني غير الجماع هيقولوا عليه القضاء بس. طبعا والاسم بقى وعليه توبة وبتاع. ما هو الناس ما تستاهلش يقول لك طب ما عليه قضاء. طب ما هو المسافر عليه قضاء. اي مسافر عليه قضاء وما عندوش زنب ده عليه قضاء وعليه اسم كبير جدا لسة بقى عايز يتوب بقى مع ربنا مع نفسه بقى. موضوع كبير عشان يحله مع الله سبحانه وتعالى. لازم توبة صادقة ويمتنع وقصة كبيرة. خلاف الايه خلاف التاني دوت المسافر. يبقى احنا قلنا الاكل والشرب متعمد الجماع. التقيؤ عمدا. التقيؤ عمدا بيقول هو اخراج ما في المعدة عمدا. قال النبي عليه الصلاة والسلام من زرعه القيء يعني غصب عنه تقيء فليس عليه قضاء. ومن استقاء عمدا فليقضي وارد انسان يحتاج الى تقاء عمدا بتقول لي هو في حد ادخال؟ ده وارد يحتاج زلك. مسلا شخص بلع حاجة وبتاع او حط صبعه في بقه عشان يتخيل. عشان نحتاج لازم يعمل كده اللي هو عنده مشكلة. فده هنقول له افطرت هو عليه قضاء ما فيش مشكلة. هو هنا اختار ان الحجامة مفطرة واحنا فصلنا في الحجامة وقلنا نراجع ان هي مش مفطرة. خروج دم الحيض والنفاس وقلناها ديت لو قبل المغرب حتى بلحظة خرج تم الحيض والنفاس افطرت المرأة. بيقول بعد كده نية الافطار دي مهمة جدا. يشترط الانسان يبقى ناوي الصيام على طول. لو ان انسان ناوي يفطر بس ما فطرش يبقى كده ايه؟ يبقى افطر. لان هو في جزء من النهار قطع الايه؟ قطع النية. لان احنا قلنا الصيام هو الامساك مع ايه مع النية. ازا كان ما فيش نية يبقى فسد الصيام. واحد طلبت معه قال لك ان هي اروح اشرب سيجارة مش قادر. راح ما لقاش العلبة في البيت خلاص نكمل صيام وخلاص. نقول له انت افطرت خلاص. افطرت. مم. رح هات سيجارة بقى. واحد طلبت معي كولان لك انا اروح اكل. فتح التلاجة ما لهاش حاجة ايه؟ ما لهاش حاجة حلوة تتاكل. قال لك خلاص صم بقى وخلاص. نقول لها انت افطرت كده خلاص. طبعا يعني ينبغي ان هو يمسك يمسك باقي اليوم احتراما لحرمة الشعر هو كده يبقى افطر وعليه ليه؟ وعليه القضاء. بيقول السابع الردة. طبعا الردة بتبطل اصلا الايه؟ العمل. كله طيب علشان اه ما نطولش عليكم اه اخر مسألة هنتكلم فيها وهي مسألة مهمة جدا. ويكثر السؤال فيها خاصة الايام ديت وهل يجوز للطالب ان هو يفطر علشان الامتحانات او علشان المزاكرة وعشان التركيز والكلام دوت. نقول ان لا شك ان المزاكرة مع الصيام فيها مشقة. اه لا شك ان الامتحانات مع المزاكرة فيها مشقة. لكن المشقة ديت المشقة دي مشقة مش هي دي المشقة التي ترخص في الافطار. والا فهو الصيام لاي احد في ايه؟ في مشقة هو اللي بيزاكر بس هو اللي حاسس بالمشقة؟ ولا اللي بيمتحن بس؟ طب ما هو الموظف حاسس بالمشقة. والست اللي قاعدة في المطبخ قدام النار حاسة بالمشقة. والعامل في في الشارع المشقة هو الصيام نفسه فيه ايه؟ فيه مشقة. فالمشقة دي مش هي دي المشقة اللي اعتبرها الشرع سبب للافطار. والا فكل عبادة فيها مشقة؟ ما هو العمرة فيها مشقة والحج فيه مشقة والصلاة فيها مشقة. لو احنا قلنا اي مشقة تبيح ترك العبادة يبقى ما فيش حد هيعبد ربنا. انما ربنا اصلا كلفنا بامور وفيها مشقة وهي دي التكليف. هو ده التكليف. لكن امتى نقول ان ينفع يفطر الطالب او غير الطالب؟ ازا تحول تحولت المشقة دي الى نوع من المرض فبقى هنا بقى مريض ما ليش دعوة بقى بيزاكر ولا شغال ولا في فرن ولا بتاع هنا تحول الى مريض. بمعنى ان الطالب اغمى عليه لسبب ما او آآ الدكتور قال له لا لا ده انت لو صمت هيحصل لك مشكلة كبيرة. انت لازم تفطر مش قاعد عشان التركيز لا هو خلاص جسمه ضعيف جدا ومع المزاكرة ومع البتاع اغمى عليه او حصل له نوبة او سكر او كده او او او فمحتاج ان هو يحصل تدخل طبي سريع او يفطر عشان ينقز نفسه من ان هو حالته تسوء. فهنا هيفطر من باب ان هو ايه؟ مريض. مش باب ان هو طالب وبيزاكر. والا فنفس الحكم ده هنقوله للفاعل اللي بيشتغل لرفع الرملة والزلط هنقول له هتصوم عادي. والله لو حصل لك انك انت اغمى عليك اسناء اليوم بتاع هتفطر. مش باب انك انت عشان شغلتك. باب انك انت تحولت الى مريض كزلك المرأة في بيتها اي شخص يتحول معه الصيام اسناء اليوم الى مرض او هو تحول الى مريض اسناء اليوم هيفطر. لكن هل المزاكرة او الامتحان ده سبب كافي ان الانسان يفطر؟ لا طبعا ليس هناك رخصة رخصة لزلك. طيب ايه هو الحل؟ الحل ان الطالب اول حاجة اول حاجة يتسحر على اخر الوقت خالص. من قبل الفجر يتسحر. ويركز في السحور ان هو ياكل كويس. ويركز في السحور على السكريات. ويركز في السحور على الفواكه ركز جدا على الفواكه والسكريات عموما لان دي اللي هتطول معه اسناء اليوم. الحاجة التانية لو هي ايام المزاكرة يحاول ان يغلي غالب نومه في النهار يعني زاكر مسلا بعد الفجر وهو لسه ايه لسه مفوق كده يزاكر لغاية الضهر مسلا. وبعد كده ممكن ينمي الضهر العصر وبعد كده ينمي عصر المغرب. لو هو الوقت ده هيبتدي يفقد فيه تركيزه تماما ما فيش مشكلة. وبعد كده يخلي اغلب مزاكرته ايه؟ بالليل. خلاص كده ما فيش ما فيش ازمة. طيب بالنسبة ليوم الامتحان بقى نفسه. يوم الامتحان اصلا ما فيش مشكلة فيه. ليه لان الامتحانات بتبدأ الساعة كم يا اخواننا تسعة عشرة بالكتير غالبا في الوقت ده بيكون الانسان لسه لسه مفوق لسه مفوق لسه مفقدش تركيزه يعني تسعة عشرة مفيش عزر انك انت تقول الامتحان ده انت لسة متسحر من تلات اربع خمس ساعات. تمام؟ سم ان اصلا المعدة الفارغة بتخلي التركيز احيانا اعلى من الاكل الجامد هو ممكن يخلي الدم يهرب من المخ الى المعدة ويؤدي الى فقدان التركيز. بيكون احيانا فراغ المعدة هو السبب الايه سبب التركيز. كذلك الانسان ليه ليه الطالب مش ناسي الجانب الروحي؟ الجانب الروحي ده جانب عظيم جدا. الله ان الله مع الذين اتقوا والذين هم ايه؟ محسنون شخص صائم في رمضان ويراه رب العزة جل وعلا يعني بيبزل وقته تعب ومجهود في الامتحانات عشان يعني يعني يجيب درجة كويسة لا شك ان هو اقرب الى التوفيق الشخص اللي افطر دوت ان ربنا مش راضي عنه ان هو ما لوش عزر. فما تنساش ان التوفيق بيد الله. التركيز بيد الله. انك انت تفتكر الاجابة هذا بيد الله ان ربنا ييسر لك الاجابة والامتحانات بيد الله. فترضي الله سبحانه وتعالى بالصيام. يوفقك رب العزة جل وعلا في الامتحانات. فالجانب الروحي والجانب الرباني ده ما ينفعش ان الصايم ايه ينساه ابدا فالتوفيق بيد الله سبحانه وتعالى. طبعا الفتوى دي مش مش فتوة علاء انما انا سمعتها من ناس كتير جدا جدا قبل ما اقولها لكم. بل من ناس ازهريين يعني معروفين بالفتوى في الازهر الشيخ احمد عمر هاشم سمعت منه هزه الفتوى باذني والشيخ علي جمعة سمعت منه هزه الفتوى باذني فلا فلا انسان يعني ينبغي ان يحزر صيام يوم في رمضان لا يعوض بحال من الاحوال فالطالب يعني يصوم رمضان ويسأل الله الثبات والتوفيق فنسأل الله سبحانه وتعالى ان يوفق اخواننا في امتحاناتهم وان ييسر لهم امتحاناتهم. وان يدبر لهم امورهم وان يقويهم على الصيام. وان يجعلهم سهلا ميسرا عليهم. نسأل الله سبحانه وتعالى القبول. جزاكم الله خيرا. الحمد لله