1
00:00:02.450 --> 00:00:27.600
بسم الله السلام عليكم ورحمة الله وبركاته. اهلا بحضراتكم في المقطع رقم ربعمية سبعة وعشرين من مقاطع حظر التجول والحلقة الخامسة من حلقات تدبر سورة صاد. ارجو من حضراتكم تفتحوا معي المصاحف على سورة صاد. الاية واحد واربعين

2
00:00:28.000 --> 00:00:50.450
هناخد النهاردة تلات ايات. هناخد من واحد واربعين لاربعة واربعين اربع ايات نقراه مع بعض الاول اعوذ بالله السميع العليم من الشيطان الرجيم واذكر عبدنا ايوب اذ نادى ربه اني مسني الشيطان بنصب وعذاب

3
00:00:51.000 --> 00:01:21.850
اركض برجلك هذا مغتسل بارد وشراب ووهبنا له اهله ووهبنا له اهله ومثلهم معهم. رحمة منا وذكرى لاولي الالباب وخذ بيدك ضعفا فاضرب به ولا تحنث انا وجدناه صابرا نعم العبد انه اواب

4
00:01:23.250 --> 00:01:43.750
سيدنا ايوب من الانبياء اللي مش معروف عنهم معلومات كتيرة عن تفاصيل حياتهم اول حاجة ليس من المؤكد انه كان من بني اسرائيل اصلا. اليهود بينسبوه لانبياء بني اسرائيل لكن مش من المؤكد هناك اقوال اخرى انه كان رومي من الروم يعني اوروبي ابيض

5
00:01:44.200 --> 00:02:04.450
وقصته ذكرت في موضوعين في موضعين اتنين في القرآن وبطريقة مقتضبة جدا هناك بعض الاحاديس عنه لكن قليل منها الصحيح انا هعتمد النهاردة على الصحيح وعلى القرآن فقط سيدنا ايوب

6
00:02:05.250 --> 00:02:31.850
مش عرف بالصبر لأ. ده الصبر هو اللي عرف به يعني بقت ناس تقول يصبر صبري كصبر ايوب. فالصبر بيعرف بايوب من شدة صبره اقرأ معي الاية واحد واربعين واذكر عبدنا ايوب اذ نادى ربه اني مسني الشيطان بنصب وعذاب

7
00:02:32.450 --> 00:02:49.950
سيدنا ايوب نادى ربه اذكر عبدنا ايوب اذ نادى ربه نادى ربه قال له ايه ؟ يا رب انا الشيطان مسني بتعب ومرض ووسوسة سيدنا ايوب طبقا للاحاديث ابتلي تلات ابتلاءات

8
00:02:50.850 --> 00:03:14.300
اول ابتلاء المرض الشديد مرض جسماني مرض شديد ومؤلم اقعده عن العمل وعن الحركة تماما وفي بعض الروايات ان هذا المرض استمر تمنتاشر سنة. في روايات تلتاشر سنة  اتنين فقد المال

9
00:03:14.700 --> 00:03:25.200
ما فيش حركة ما فيش شغل بالتالي المال اللي موجود انفق بقوا على الحديدة زي ما في مصر بنقول بقوا على الحديدة يعني بقوا على ايه صفر يعني الحساب بقى صفر

10
00:03:26.500 --> 00:03:41.250
تلاتة فقد الاهل. يقال ان اولاده ماتوا وبعض المفسرين قالوا لأ هم هاجروا وتركوه راحوا يشوفوا حالهم. ما بقاش عنده اولاد. ما بقاش عايش مع اهله. آآ زوجته فقد اللي قاعدة معه

11
00:03:43.450 --> 00:04:06.900
بالتالي الابتلاء بتاعه كان شديد في الجسد وفي المال وفي الاهل في سورة صاد اقرا معي بقى واحد واربعين واتنين واربعين واذكر عبدنا ايوب اذ نادى ربه اني الشيطان بنصب وعذاب اركض برجلك هذا

12
00:04:06.900 --> 00:04:27.500
اغتسل بارد وشراب اخبط برجلك الارض كده يطلع لك ماء ينبع من الارض تغتسل منه وتشرب منه وتشفى اقرا تلاتة واربعين ووهبنا له اهله ومثلهم معهم رحمة منا وذكرى لاولي الالباب

13
00:04:27.700 --> 00:04:41.800
وكمان ولاده رجعوا له واهله رجعوا له وكل شيء رجع خلاص. الحمد لله خلاص تعالوا بقى نشوف في سورة الانبياء بدل ما اخليكم ترجعوا كل شوية في المصحف وتقلبوا كتير بين الانبياء وبين آآ صاد

14
00:04:41.900 --> 00:05:00.050
انا آآ طبعت لكم الايات بتاعة سورة الانبياء اهي. ماشي؟ الناس اللي على اليوتيوب وعلى الفيسبوك هيشوفوها الناس بتوع بتوع الانستجرام للاسف هتظهر لهم مقلوبة. انا قدرت ان انا اقلب الكاميرا في الفيسبوك فقط في حاجة معينة في الفيسبوك

15
00:05:00.050 --> 00:05:20.800
خليني اقدر اقلب الكاميرا. فدلوقتي لو تلاحزوا مكتوبة معدولة. وبشرب دلوقتي بالايد اليمين قدامكم. زمان كان يزهر لكم الشمال. لكن انستجرام هتحتاجوا انكم يا اما افتحوا انتم كلاب هاوس يا اما تفتحوا على سورة الانبياء يا اما آآ يعني حد فيكم يفتح يعني تفتحوا اليوتيوب او الفيسبوك تبصوا فيه

16
00:05:21.250 --> 00:05:40.100
انا هكون ماسك الايه الاية قدامكم بدل ما كل شوية اقول لكم اقلبوا قلبوا من صاد للانبياء  الاية تلاتة وتمانين واربعة وتمانين في سورة الانبياء وايوب اذ نادى ربه اني مسني الضر وانت ارحم الراحمين

17
00:05:40.400 --> 00:05:56.800
فاستجبنا له فكشفنا ما به من ضر واتيناه اهله ومثلهم معهم رحمة من عندنا. وذكرى للعابدين. انا عندي عدة ملاحظات بقى في سورة صاد وفي سورة الانبياء واضح ان ربنا استجاب لسيدنا ايوب

18
00:05:57.500 --> 00:06:19.500
بس سؤال هو فين الدعاء؟ طلبات سيدنا ايوب كانت ايه بص معي كده في صورة الانبياء اهي. ماشي وايوب اذ نادى ربه اني الضر وانت ارحم الراحمين بيقول له يا ربي انت شايف الضرر اللي مسني

19
00:06:19.600 --> 00:06:31.900
وانت ارحم الراحمين ما طلبش حاجة وما طلبش خير في اصلا ما طلبش يرجع له فلوسه. ما طلبش ولا ما طلبش حاجة. انا مش شايفه طلب حاجة خالص مجرد قال له يا رب انت شايف حالي

20
00:06:32.250 --> 00:06:45.050
وانا راضي باللي تعمله يا رب انت ارحم الراحمين وفي رواية ان زوجته قالت له يا راجل ادعي ربنا يشفيك قال لها وانا قعدت كم سنة في صحتي؟ قالت له اربعين

21
00:06:45.250 --> 00:06:56.100
قال لها وبقالي كم سنة مريض؟ قالت له بقى لك سبع سنين. قال لها خلاص مش هطلب ربنا يشفيني الا اما يفوت اربعين سنة علي مريض. زي ما قعدت اربعين سنة استمتعت بصحتي

22
00:06:57.350 --> 00:07:15.350
سيدنا ايوب ما طلبش حاجة. هو بس تواصل مع الله نادى ربه. اقرا معي في سورة صاد الاية واحد واربعين. واذكر عبدنا ايوب اذ نادى ربه اني الشيطان بنصب وعذاب. بينادي الله بس

23
00:07:15.500 --> 00:07:34.400
يستحي حتى انه يطلب من ربنا حاجة هو في امس الحاجة ابتلاءات من كل ناحية. جسدية ومادية ونفسية كله فالشيطان هنا دوره ان هو يوسوس سورة صاد قال اني مسني الشيطان

24
00:07:35.650 --> 00:07:48.600
ما هو الواحد بقى لما يبقى كده حاله مرة واحدة يفقد ولاده ويفقد فلوسه ويفقد صحته كمان ويبقى قاعد متألم جدا. هنا الشيطان يخش يقول له ايه هو ربنا بيعمل فيك كده ليه

25
00:07:49.600 --> 00:08:15.850
مش احيانا بيجي السؤال ده بعض الناس لما بيحصل لهم مصيبة في ناس ما بتصليش وعايشين احسن مننا ومبسوطين. هو ربنا بيعمل فينا كده ليه ؟ الافكار دي بتيجي الشيطان يستغل المرض والفقر والفقد وكل ده عشان يدخل المداخل بتاعته

26
00:08:16.200 --> 00:08:32.750
اكبر سبب من اسباب الالحاد ومعضلة الشر ازاي يبقى فيه كل الشر ده في الدنيا لو فعلا فيه ربنا وهو اله رحيم ودود. يبقى ازاي يبقى موجود ويترك الشر ده كله

27
00:08:33.150 --> 00:08:49.400
الشيطان يدخل يقول لك ايه ؟ طالما ان وجود الشر متعارض مع وجود الاله الخير اللي كله خير ورحمة وانت متأكد من وجود الشر وشايف الشر بعينك. يبقى ايه ما فيش اله

28
00:08:49.650 --> 00:09:09.350
ده مدخل الشيطان ازاي بقى نقاوم هذه الافكار نقاوم هذه الافكار بان الاجابة تكون مفهومة كويس جدا في قلب كل واحد فينا هو ان وجود الشر ووجود الله مش متعارضين اطلاقا مع بعض

29
00:09:10.850 --> 00:09:31.600
الله سبحانه وتعالى خلق الدنيا عشان تبقى دار اختبار وبالتالي وجود الشر وجود المصائب وجود الصعوبات وجود الشيطان مهم عشان يجعل الدنيا دار اختبار ليميز الله الخبيث من الطيب. لما النبي عليه الصلاة والسلام دعا الله

30
00:09:31.950 --> 00:09:51.200
قال اللهم ارزقني يقينا يهون علي مصيبات الدنيا النبي عليه الصلاة والسلام مات له ست عيال منهم تلاتة بنات عرايس بعد ما اتجوزوا واتنين منهم خلفوا. ماتوا وسابوا له وعيالهم

31
00:09:52.600 --> 00:10:16.400
واحد بيموت له ست عيال ما يجيلوش اكتئاب؟  ازا الدنيا هي مكان المصايب. النبي ما طلبش دنيا بدون مصائب النبي طلب يقين يهون عليه المصايب. لانه يعلم ان ما فيش حاجة اسمها دنيا بدون مصايب. ما فيش حاجة اسمها كده. احنا جايين مكان المصايب اصلا. جايين عشان المصايب دي

32
00:10:16.400 --> 00:10:37.800
تحصل نقف نتعامل معها بحكمة بصبر نعدي الابتلاء بتاعنا نعدي الاختبار ونروح بقى الحياة اللي من غير مصايب بقى هناك دي الجنة دي الجنة فالواحد لازم يكون فاهم الحتة دي. ما فيش حاجة اسمها ما فيش كل ما الانسان زاد ايمانه كل ما مصيبته بتزيد كمان. ايه رأيكم بقى

33
00:10:38.000 --> 00:10:59.900
يبتلى المرء على قدر دينه اشد الناس بلاء الانبياء ثم الصالحون ثم الامثل فالامثل لكن ابتلاءات ناس مختلفة بقى. واحد بيجي له ابتلاءه في مرض في جسمه. واحد بيجي له في المال. واحد بيجي له في امور تخص علاقاته الاسرية. كل واحد عنده ابتلاءاته

34
00:11:01.000 --> 00:11:26.650
طب مطلوب ايه عشان نعدي من الاختبار الصبر الصبر والصبر اربع انواع هناك صبر على المصيبة وهناك صبر على الطاعة عشان تواظب في العبادة محتاج صبر اصحى كل يوم في ميعادك بتقف بتصلي في ميعادك تمام

35
00:11:26.750 --> 00:11:45.550
محتاج صبر تروح تصلي في المسجد ده محتاج صبر كل فرض ده صبر وهناك الصبر على المعصية عشان تمنع نفسك من المعاصي ولا تستسلم للشهوات ده صبر قبر خاصة لما تبقى المعاصي سهلة

36
00:11:45.700 --> 00:12:09.200
احنا في زمن المعاصي فيه سهلة  اخر نوع من انواع الصبر  وهو اصعب نوع هو الصبر على النعمة الفقير ما قداموش غير انه يصبر لكن الغني ازاي يصبر وما يسرفش وما يبقاش مبذر ومسرف

37
00:12:10.000 --> 00:12:35.850
صعب سيدنا يوسف مر في كل الانواع دي الصبر على المصيبة حصل له لما حصل له مصيبة خيانة اخواته وتآمرهم عليه الصبر على الطاعة لما كان جوة السجن وما زال بيدعوا الناس جوة السجن. فاهم الدعوة واهمية الدعوة

38
00:12:36.600 --> 00:12:57.500
الصبر على المعصية لما راودته امرأة العزيز والنسوة اللي راودناه عن نفسه لكن العلماء قالوا ان اشد نوع من من الصبر واجه يوسف هو الصبر على التمكين. لما مكن له لما اصبح

39
00:12:57.500 --> 00:13:16.750
عزيز مصر مصر ايامها كانت امريكا بتاعة العالم مش آآ دلوقتي لا لا لا مصر كانت بتدي مساعدات دولية وقتها يعني اليو اس ايه كان فيه في العالم كله مجاعات مصر بتبعت اكل

40
00:13:18.100 --> 00:13:38.450
اقوى واغنى دولة وقتها بقى هو المتحكم فيها ازاي الواحد بقى يبقى غني ولا يسرف؟ ازاي الواحد يبقى قوي ولا يظلم؟ ده نوع ده صبر. الصبر على النعمة ايضا العلماء قالوا ان الصبر نصف الاخلاق. ده في احياء علوم الدين

41
00:13:38.900 --> 00:13:56.150
ابو حامد الغزالي كتب الصابرنس في الاخلاق فطبعا ردوا عليه قالوا له يعني بلاش بقى مبالغة الصبر مهم طبعا ما تقولش نصف الاخلاق! يعني فيه اخلاق كتيرة مهمة الشجاعة والعفة والكرم كل دي اخلاق مهمة واكتر منها موجود

42
00:13:56.250 --> 00:14:17.050
كل دي هنوديها فين لما تقول لنا الصبر لواحدة نص الاخلاق انتم مش فاهمين حاجة ده كل اللي قلتوه ده من انواع الصبر يعني الشجاعة هي نوع من انواع الصبر. الشجاعة مسلا في الحرب هي صبر على القتال. صبر الا يفر الانسان من القتال. مسلا

43
00:14:17.600 --> 00:14:39.150
مسلا الكرم صبر على الانفاق الصبر انك لا تبخل على ضيوفك وعلى الناس العفة انك تمنع نفسك من المعاصي ده صبر على المعاصي. ده العفة صبر. ان العيب في انك تتعفف انك تطلب من الناس وتشحت من الناس وتتزلل للناس

44
00:14:39.500 --> 00:15:03.650
ده صبر كل ده بييجي بالتربية سيدنا ابو بكر الصديق كان راكب الجمل بتاعه وهم ماشيين كلهم بالجمال وفيه ناس ماشية على رجليها وبعدين مرة واحدة وقف الجمل واناخ البعير منزل الجمل كده

45
00:15:03.700 --> 00:15:17.250
كده بتاخد لها بتاع دقيقة كده عشان الجمل ينزل والراجل ينزل من عليه اوقف الدنيا وقف الجمل ونزل ونزل من على الجمل اتاري العصاية بتاعته الخرزانة اللي بيمشي بها الجمل وقعت منه

46
00:15:17.700 --> 00:15:32.350
يجيبها واحد من الصحابة كان ماشي على رجليه جنب الجمل فمش فاهم. فقال له ايه اللي انت عملته ده انت كنت بس تشاور لي او تقول لي كنت هناولك العصاية ولا توقف الجمل ولا تنزل ولا الكلام ده

47
00:15:32.450 --> 00:15:57.250
انت ليه عملت كده قال له اكتم عني اسمع السر ده لقد عاهدت رسول الله صلى الله عليه وسلم في خمسين من اصحابه الا نطلب من الناس شيئا ازا كان النبي عليه الصلاة والسلام عنده دوائر تربوية

48
00:15:57.500 --> 00:16:11.150
في دائرة كان فيها خمسين واحد دول اقوى الناس تربية بعد ما وصلوا لمرحلة معينة في التربية عاهدوا النبي صلى الله عليه وسلم الا يطلبوا اي خدمة من اي حد ابدا في حياتهم

49
00:16:11.550 --> 00:16:34.050
هيعيشوا عشان يخدموا الناس وما يتخدموش وما يطلبوش من حد اي حاجة الا نطلب من الناس شيئا دي التربية دي الصبر بقى يجي بالتربية انما العلم بالتعلم وانما الحلم بالتحلم

50
00:16:35.050 --> 00:16:59.900
يعني انت عايز تتعلم عايز يبقى عندك علم اتعلم اقرا احضر عايز يبقى عندك حلم اتحلم حلم نفسك صبر نفسك انا الحقيقة انصح الناس بقراءة احياء علوم الدين بتقول لي بقى في احاديس ضعيفة وبتاع مش مشكلة

51
00:17:00.250 --> 00:17:26.850
مش مشكلة. لكن الكتاب نفيس كتاب مهم جدا في اربع تربع ربع اسمه ربع العبادات. عن العبادات والسنن وعلاقة الانسان بربنا وربع اسمه ربع العادات عن ممارسات الانسان اليومية وربع اسمه ربع المنجيات. الاشياء اللي تنجينا الصفات اللي لازم تتخلق بها وتبقى فيك

52
00:17:27.750 --> 00:17:48.350
وربع اسمه ربع المهلكات. الصفات المذمومة اللي تهلك صاحبها  فابو حامد الغزالي قال ان التحدي اللي بيواجه كل انسان فينا عشان يربي نفسه وانه يكتشف عيوبه ثم يبدأ يشتغل عليه عشان يصلحها

53
00:17:48.650 --> 00:18:06.850
طب عيوبك بتعرفها ازاي قال لك فيه طريقتين اساسيتين اول حاجة تعرفها في لسان عدوك شف عدوك بيشتمك يقول لك ايه واحد بيكرهك عدوك بيكرهك جدا ويتخانق معك كل يوم عشان ركنة العربية مش طايقك. مش طايقك

54
00:18:08.250 --> 00:18:30.250
فشتمك وقال لك انت جبان وقال لك انت بخيل بدل ما تغضب وتشتمه لأ ادع له ربنا يغفر له لو كان بيفتري عليك وربنا يبارك له لو فعلا انت فيك شيء من هذه الخصال وهو لفت نظرك لها. فشف عدوك قال لك كده ليه؟ قد يكون هو

55
00:18:30.250 --> 00:18:42.550
مبالغ شوية بس انت فيك شيء من ده فعلا. والا ما كانش قاله. فابدأ اتهم نفسك وشف اعدائك بيوصفوك بايه. وحاول تدور في كلامهم عن شيء فعلا العيب فيك. فعلا ايه المشكلة؟

56
00:18:44.500 --> 00:19:03.400
الطريقة التانية اللي تعرف بيها تعرف بيها عيوبك هو الكلام اصدقاءك لك. واخوانك. شف الرسول عليه الصلاة والسلام بيقول المؤمن مرآة اخيه يعني ناس كتير مش فاهمين الحديس ده يعني ايه المؤمن؟ هو انت بتبص في المراية عشان تشوف ايه

57
00:19:04.000 --> 00:19:21.500
ها ايه نفسك لو انت قلت عشان اشوف نفسي ده انت غلطان انت عايز تشوف نفسك شيل صورة سيلفي حلوة كده على الموبايل بتاعك. وكل ما يجي لك المرض النفسي بتاعك اللي عايز تشوف نفسك. ابقى افتح الموبايل بتاعك وبص على نفسك

58
00:19:22.400 --> 00:19:41.050
انت بتبص في المراية عشان تشوف عيوبك يا استاز بص المراية عشان تشوف عيوبك. وبعدين تبدأ تصلح عيوبك. خلاص؟ اول ما العيوب اللي ينفع تتصلح بتتصلح وتفضل العيوب اللي ما ينفعش تتصلح

59
00:19:41.400 --> 00:20:06.350
بتمشي وبتسيب المراية. فانت بتقف قدام المراية عشان تشوف عيوبك وتصلح اللي ينفع يتصلح فيها المؤمن مرآة اخيه يبقى المؤمن يدل اخوه على عيوبه ينصح اخوه تقعد كده مع اخوك وتقول له والله ما هزعل بس من فضلك قل لي انت شايف في ايه. شايف ايه عيوب في. والله ما هزعل منك يا شيخ

60
00:20:06.600 --> 00:20:20.750
وخليه يفتح قلبه ويقول لك اوعى تزعلوا منه بجد انا عن تجربتي مسلا لقيت عيب من اكبر عيوبي اني ما عنديش سطر ما عنديش صبر انا انا صعب جدا في الصبر

61
00:20:22.100 --> 00:20:40.450
في باب اخر في الاحياء احياء علوم الدين اسمه باب الرياضة يعني ايه؟ يعني ترويض النفس الرياضة يعني ازاي تروض نفسك ازاي تصلح عيوبك بعد ما تكتشفها انت خلاص اكتشفت عيوبك بالطريقة اللي قلناها في لسان عدوك او لسان صديقك

62
00:20:40.900 --> 00:20:56.600
بعد كده عايز تصلحها تعمل ايه ؟ تقوم تبالغ في عكسها واحد مسلا اكتشف ان هو بخيل شوية ماسك حبتين يبالغ شوية في الانفاق. ويعمل شوية عزومات كده كتير ويعزم الناس ويعزم اصحابه وينفق عليهم وبتاع

63
00:20:57.000 --> 00:21:14.300
فده يقوم عامل عملية ايه؟ وسطية عنده شوية. بعد كده يرجع للطبيعي نفسه وسطي خلاص هو انفق كتير ونفسه لا اتفقر ولا حصل له حاجة ولا مات من كتر الصرف خلاص فهيتغير مفهومه عن الانفاق وطريقته في التعامل مع الفلوس

64
00:21:14.300 --> 00:21:31.050
انا اكتشفت ان ما عنديش صبر كان العلاج ان احط نفسي في مواقف تحتاج صبر شديد واصبر نفسي بالعافية ربنا بيقول واصبر نفسك مع الذين يدعون ربهم. انت تصبر نفسك

65
00:21:33.200 --> 00:22:00.000
كنت باخد عربيتي وانزل شارع رمسيس الساعة تلاتة العصر في عز الزحمة قبل ما ينشأ كوبري ستة اكتوبر اي مصري عاش المرحلة دي عارف انها انتحار انت هتدخل شارع رمسيس مش هتخرج قبل تلات ساعات اربع ساعات. ما بيتحركش الشارع. الاف السيارات واقفة وكله واقف ما بيتحركش. كل عشر دقايق

66
00:22:00.000 --> 00:22:13.350
اتحرك مترين كل عشر دقايق نتحرك مترين. فبقيت اخد عربيتي وانزل الساعة تلاتة العصر وادخل بقى الشارع من فوق كده الاقي الشارع مليان على الاخر واقوم عامله زيي الله اكبر قال قال يعني انا فرحان بقى اني هاقف

67
00:22:13.500 --> 00:22:30.150
واقعد اضحك على نفسي واصبر نفسي واهيأ لنفسي ان ايه المشكلة؟ طب ما هي عدت اهي مشيت في ساعتين ونص وعدت. بكرة هاجي تاني. وهكزا لغاية ما عودت نفسي على اني اتحكم في نفسي في الحتة دي

68
00:22:32.550 --> 00:23:00.700
نرجع لسيدنا ايوب من الحاجات بقى اللي انا لاحزتها في سورة الانبياء وايوب  اذ نادى ربه اهو بص معي اهو اذ نادى ربه اني مسني الضر مسني الضر بينما في سورة صاد بص قدامك واذكر عبدنا ايوب اذ نادى ربه اني مسني الشيطان

69
00:23:01.100 --> 00:23:20.650
الضر ولا الشيطان؟ يا جدعان ما نفكر شوية. في معنى كلمة شيطان للاسف الشديد كل ما بتذكر كلمة شيطان بييجي في زهننا مباشرة الجن ان الشيطان ورد في القرآن الكريم وفي السنة

70
00:23:20.750 --> 00:23:39.950
على انه كل شيء مؤزي. كل شيء مضر ده في حديس شريف الكلب الاسود شيطان هو شيطان ولا حيوان؟ ما فيش تعارض اصلا بانه يبقى شيطان وحيوان. مين قال ان الشيطان لازم يبقى جن؟ مين قال هزا الكلام

71
00:23:40.150 --> 00:24:01.000
ربنا قال في سورة الانعام. وكذلك جعلنا لكل نبي عدوا شياطين الانس والجن يوحي بعضهم الى بعض زخرف القول غرورا. ازا البشر فيهم شياطين بشر بني ادمين عاديين قرايبك وزملائك شياطين

72
00:24:01.300 --> 00:24:15.650
مش مع كده ان هو لما بيرجع البيت شكله بيتغير وبيطلع له قرون وبيحمر لأ ما فيش الحاجات ده خالص تعالوا بقى نشوف بقى جذر الكلمة ايه ؟ الشيطان الجذر بتاعها ش ط ن

73
00:24:16.200 --> 00:24:39.450
الشطن هو الحبل الطويل اللي بيترمي في البئر. وبيبقى في اخره الدلو اللي بينزل في البير نطلع به الماية يسمى الشطن لانه طويل وبيفصلك بيفصلك عن الدلو ده الاشطان هي الحبال الطويلة اللي بتستخدم في ترويض الخيول البرية

74
00:24:40.150 --> 00:25:00.800
يسمى اشطان لانها طويلة بتفصلك عن الخيل بتبعدها عنك لما يبقى الخيل الخيل البري ممكن يبقى مفترس قبل ما يتروض ابليس ما اسموش شيطان. اسمه ابليس واصبح اسمه شيطان لما اشتغل الوزيفة دي. شيطان دي وظيفة

75
00:25:01.000 --> 00:25:18.200
يعني مضر يعني مؤزي ابليس في سورة الاعراف الاية حداشر ربنا قال فسجدوا اللي هم الملائكة الا ابليس. ما قالش الا الشيطان لم يكن من الساجدين. في الاية ستاشر اقسم ان هو يغوينا بقى

76
00:25:18.350 --> 00:25:34.300
قال فبما اغويتني لاقعدن لهم صراطك المستقيم اقسم انه يقعد على الصراط المستقيم عشان ايه يخلينا نقع احنا في النار بقى بعدها اصبح شيطان الاية عشرين بقى فوسوس لهما الشيطان

77
00:25:34.550 --> 00:25:52.000
اه هنا بقى شيطان ليه ؟ لانه اصبح مؤزي ازا الشيطان دي وزيفة اي شيء بيفصلك عن الخير. بيفصلك عن الدين. بيفصلك عن الصحة. بيفصلك عن الاخلاق. شيطان. الكلب الاسود شيطان ليه؟ لانه

78
00:25:52.000 --> 00:26:09.650
الابل. الابل كانت تطلع تجري وتهرب. بسبب انا خايفة من الكلاب السوداء ولانه شديد الشراسة لاي حاجة بقى حتى الابل نفسها تسمى آآ الشياطين الحيوانات او حاجة زي كده. شياطين الانعام حاجة كده

79
00:26:09.750 --> 00:26:36.750
عشان خاطر الجمل لما لما بيتنرفز ممكن يموت. ممكن يدغدغ الدنيا يسمى شيطان هو كمان سيدنا آآ عمر بن الخطاب ركبوه على برذون برذون يعني اه بغل بغل يعني يعني نصه حصان ونصه حمار. فبيطلع حاجة اسمها البغل

80
00:26:36.900 --> 00:26:53.850
والبغال بتبقى قوية جدا شكله زي الحمار لكنه قوي قوته تقريبا زي قوة الحصان فسيدنا عمر قال لقد آآ لقد اركبوني شيطانا يعني مضر ده ممكن يوقعني يكسرني. ممكن اقع من عليه

81
00:26:54.450 --> 00:27:10.850
اي شيء مضر شيطان. المرض شيطان الميكروبات شياطين كورونا فيروس الشيطان الرسول عليه الصلاة والسلام هو بيرقي مريض بعد ما رقاه ودعى له قال اخرج يا عدو الله. اخرج يا شيطان

82
00:27:11.050 --> 00:27:36.000
ازا المرض شيطان. اي شيء مضر شيطان  اتنين واربعين تلاتة واربعين اركض برجلك هذا مغتسل بارد وشراب. ووهبنا له اهله ومثلهم معهم رحمة منا وذكرى لاولي الباب وذكرى لاولي الالباب. يعني الناس اللي عندها مخ. الناس اللي بتفكر الناس اللي بتعقل

83
00:27:36.600 --> 00:28:00.750
الناس اللي هتاخد العبرة من قصة ايوب لان فيها اشياء كثيرة جدا للتفكر فيها في سورة الانبياء فاستجبنا له فاستجبنا له فكشفنا ما به من ضر واتيناه اهله ومثلهم معهم. رحمة من عندنا وذكرى للعابدين

84
00:28:00.750 --> 00:28:30.400
دين وذكرى للعابدين اقتصاد وذكرى لاولي الالباب. هنا للعابدين يعني اولي الالباب لما يتفكروا في قصة ايوب ويتأسوا به في الصبر فيصبحوا من العابدين اللي بيتعبدوا الى الله بالصبر صبر عبادة. الصبر مش عبادة. الصبر اكتر عبادة عليها ثواب

85
00:28:30.700 --> 00:28:50.400
الحسنة بعشر امثالها. الى سبعمائة ضعف لكن الصبر سوابه اكبر. الصبر ثوابه لا نهائي الصورة اللي جاية هتكون صورة الزمر بازن الله. هناخد فيها انما يوفى الصابرون اجرهم بغير حساب

86
00:28:51.350 --> 00:29:15.800
يعني ايه بغير حساب؟ يعني مش عشر اضعاف ولا سبعمئة ضعف ولا ميت الف ضعف زي في مكة الحسنة بميت لا بانفينيتي بغير حساب لا نهائية اضعاف لا نهائية  اسمع سورة النحل ولنجزين الذين صبروا اجرهم باحسن ما كانوا يعملون

87
00:29:17.250 --> 00:29:31.950
يعني كل عمل يتشاف احسن مرة عملته فيها والباقي كله يتعمل له ابجريد يبقى زي ده. يعني مسلا انت اول حاجة هتسأل عنها الصلاة يفتح الايه الملفات بتاعتك كان عليه كم صلاة

88
00:29:32.200 --> 00:29:53.250
كان عليه خمسة وتلاتين الف ربعمية ستة وخمسين صلاة ماشي طلعهم كلهم؟ اه صلهم كلهم حلو كان من الصابرين لو كان من الصابرين هيتحاسب بطريقة مختلفة هيتحاسب باحسن ما كان يعمل

89
00:29:53.550 --> 00:30:14.250
اه كان من الصابرين يلا ازاي يتحاسب بقى ايه افضل صلاة صلاها في الخمسة وتلاتين الف ربعمية ستة وخمسين صلاة دول اطلع صلاة المغرب يوم اتناشر رمضان سنة الف وربعمية واتناشر مسلا

90
00:30:14.350 --> 00:30:28.150
ليه ؟ اصله توضأ في بيته ونزل بدري وصلى في المسجد وواقف ورا الامام وبكى ورا الامام وكان خاشع جدا وكان في منتهى وربنا يتقبل صلاته. فدي افضل صلاة صلاها في حياته

91
00:30:29.000 --> 00:30:50.600
ومن الصابرين هيجزى اجره باحسن ما كانوا يعملون. ازاي بقى؟ الخمسة وتلاتين الف ربعمية خمسة وخمسين صلاة الباقيين كلهم يتعمل لهم ترقية ويبقوا في قوة الصلاة دي. وكلهم يبقوا مقبولين كأن كلهم كانوا كده

92
00:30:51.150 --> 00:31:06.800
اللي بعده الصوم كان عليه كم يوم صيام؟ تسعمية آآ وحاجة. طيب آآ احسن يوم فيهم ده الباقي كله يعتبر كانه زي اليوم ده. وهكزا سؤال بقى هو اذ ليه الصبر ثوابه كبير اوي كده

93
00:31:07.050 --> 00:31:30.150
ده سواب كبير اوي ليه الصبر سوابه كبير كده ببساطة لانه صعب  الصبر صعب جدا. عشان كده برضه سوابه غير عادي عايز السواب الغير عادي؟ اصبر بقى انت عايز الاتنين مش عايز تصبر وعايز تاخد بالسواب الغير عادي. انا بعد الدروس الدرس ده هيجي لي مسجات

94
00:31:30.300 --> 00:31:42.300
حضرتك انا بصراحة آآ عملوا في كزا وعملوا في كزا ومش قادرة اصبر عليهم طب اعمل لك ايه ينفع اخد بقى سواب الصبة انت مش عايزة تصبري وعايزة تاخدي سواب الصبر طب انا اعمل لك ايه

95
00:31:45.450 --> 00:32:05.500
اقرا معي اربعة واربعين وخذ بيدك ضعفا فاضرب به ولا تحنث انا وجدناه صابرا نعم العبد انه اواب يقال ان زوجة سيدنا ايوب اللي كانت بتخدمه في مرضه وقعدت معه الوحيدة من اهله اللي قعدت معه التمنتاشر سنة

96
00:32:06.100 --> 00:32:23.450
قصة شعرها قص الضفاير بتاعتها وراحت باعتها عشان تشتري طعام البيت ما فيش فيه حتى الحديدة خلاص لما شافها قصت شعرها زعل منها والله والله العزيم لاضربك ميت عصاية لما اخف

97
00:32:23.700 --> 00:32:39.000
هو مش عارف هيخف ولا لأ وقالها وخلاص حبا فيها ومن زعله انها عملت في نفسها كده زي ما ابنك يعمل لك خدمة ويجي على نفسه شوية عشان يخدمك. فانت تقول له والله لاضربك لا عملت كده

98
00:32:39.250 --> 00:32:54.650
انت بتقولها حبا فيه. هو اعلى حبا فيها يعني  لكن اكيد هو غلط لانه دخل اسم ربنا في الموضوع اقسم بالله وما ينفعش نقسم بالله على حاجة الا لو احنا فعلا هنعملها

99
00:32:55.150 --> 00:33:18.450
المهم ربنا شفاه اصبح في مأزق هو عليه يمين لازم ينفزها. هينفزها ازاي هيضرب مراته ميت جلدة سيدنا ايوب اصبح في مأزق. طيب هل يحنث؟ يحنث في يمينه يعني ما ينفزش يمينه ده اقسم بالله

100
00:33:19.050 --> 00:33:47.500
طب يعني هيضرب زوجته؟ حبيبته اللي وقفت جنبه  بقى في مأزق وما كبرش ربنا راعى زروفه واعطاه مخرج ياخد ميت عود ريحان كده ريحتهم حلوة. ميت وردة وقال له اخبطها بهم كلهم مرة واحدة كده وخلص الموضوع. كده انت لم تحنث في قسمك وفي نفس الوقت عملت جاست لطيف كده حطيت على شوية حاجات لونها حلو

101
00:33:47.500 --> 00:34:12.850
خضراء وشوية ورد وبتاع رحت خابطها بها وخلص الموضوع. كده انت كفار ومش محتاج تكفر عن يمينك وختمت الاية انا وجدناه صابرا نعم العبد انه اواب وصف بانه اواب زي داوود وزي سليمان في الاية سبعتاشر بص في الاية سبعتاشر. واذكر عبدنا داوود ذا الايدي انه اواب

102
00:34:12.850 --> 00:34:33.650
بص في الاية اربعين ووهبنا لداوود سليمان نعم العبد انه اواب. سليمان كمان اواب. في الاية اربعة واربعين وجدناه صابرا نعم العبد انه اواب. ده داوود التلاتة اخطأوا والتلاتة لم يكابروا

103
00:34:34.000 --> 00:34:56.400
واستغفروا وربنا غفر لهم ورفع عنهم الابتلاء وقبلهم وكأن شيئا لم يكن فيا جماعة ذكر الانبياء مع بعض بيبقى له علاقة بموضوع الصورة يعني مسلا تجد كثيرا جدا يذكر نوح

104
00:34:57.000 --> 00:35:20.050
ومعه هود وصالح وشعيب ولوط. طب ايه المشترك في دول ان الاقوام بتاعتهم استأصلت فيبقى موضوع الصورة في تحذير شديد للمشركين مسلا فاو مسلا آآ مسلا آآ بشرى للنبي مسلا وللصحابة ان ربنا هينصرهم وعلى اعدائهم وآآ

105
00:35:20.100 --> 00:35:36.450
فيبدأ يضرب مسل بدون اللي امامهم استئصلت استئصال شديد لكن لما نيجي هنا هو نجد ان موضوع الصورة هو الكبر من اولها. سورة صاد بدأت بالكلام عن الكبر اللي كان عند الكفار اقرا معي اول ايتين في سورة صاد

106
00:35:37.150 --> 00:36:00.450
بسم الله الرحمن الرحيم. صاد. والقرآن ذي الذكر. بل الذين كفروا في عزة وشقاق. عندهم عزة مزيفة عندهم كبر اقرا من الاية اربعة. وقال الكافرون هذا ساحر كذاب. كذاب النبي اللي هو كان بيعرف بالصادق الامين. ده استكبار ده مكابرة

107
00:36:00.950 --> 00:36:16.150
انتم مسميينه الصادق الامين طول عمره دلوقتي بقى ساحر وكذاب! ده كبر خمسة اجعل الالهة الها واحدا؟ ان هذا لشيء عجاب. طعنوا في وحدانية اللامع ان المنطق والعقل ضد تعدد

108
00:36:16.150 --> 00:36:42.400
دي مكابرة لان الاله لازم يكون مطلق القوة فهو لو محتاج اله تاني معه يبقى مش مطلق القوة العقل بيقول الاله لازم يكون واحد اقرا ستة وانطلق الملأ منهم ان امشوا واصبروا على الهتكم ان هذا لشيء يراد. قرروا ان هم

109
00:36:42.400 --> 00:37:03.000
بعبادة الاصنام مهما كان. مكابرة اقرا سبعة ما سمعنا بهذا في الملة الاخرة ان هذا الا اختلاق انزل عليه الذكر من بيننا؟ مش عاجبهم انه بشر ومش عاجبهم ان ترك الاغنيا وزعماء القبائل دول كلهم والتجار الكبار. واختاره هو

110
00:37:03.850 --> 00:37:27.350
فالكبر منعهم ان هم يؤمنوا ربنا اتذكر التلات انبياء دول اللي غلطوا ولم يكابروا ولم يستكبروا وكانوا اوابين رجاعين الى الله علشان نتأسى بهم وناخدهم قدوة لنا وبعد كده جاب القدوة بتاعة المتكبرين. مين قدوة المتكبرين؟ بص معي في الاية تلاتة وسبعين واربعة وسبعين

111
00:37:27.700 --> 00:37:48.600
هات لي تلاتة وسبعين واربعة وسبعين صورة صاد فسجد الملائكة كلهم اجمعون الا ابليس استكبر وكان من الكافرين فالصورة سورة صاد بتتعامل مع الكبر وبتربي القارئ المتدبر على عدم التكبر

112
00:37:48.900 --> 00:38:08.550
اختم بقول النبي صلى الله عليه وسلم قال رسول الله صلى الله عليه وسلم لا يدخل الجنة من كان في قلبه مثقال ذرة من كبر ونتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك

113
00:38:08.650 --> 00:38:26.550
اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ

114
00:38:27.350 --> 00:38:56.150
اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب وانبيائك ورسلك وعبادك الصالحين. اللهم احي قلوبنا بحبك واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا

115
00:38:56.150 --> 00:39:15.400
كله في مرضاتك. اللهم اجعل القرآن الكريم ربيع قلوبنا. ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا

116
00:39:16.000 --> 00:39:32.000
اللهم بحق كل حرف في كتابك تلوناه او تدبرناه. اكفنا واهلينا شر كل من يكيد لنا ولهم واحفظنا واياهم من شرورهم. ونجعلك اللهم في نحورهم. فانت الوكيل ولا حول ولا قوة الا بك

117
00:39:32.550 --> 00:39:50.700
اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وانصر انصرهم وانصر من نصرهم. واخذل من خذلهم وطهر المسجد الاقصى من الدنس فانهم لا يعجزونك

118
00:39:51.050 --> 00:40:05.450
اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من تاريخنا او من علمائنا او من اصحاب الحقوق علينا

119
00:40:05.500 --> 00:40:32.350
حاملا له او مريضا به فالبسه ثوب الصحة والعافية عاجلا غير اجل ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك. وتوحدت

120
00:40:32.350 --> 00:40:56.900
على دعوتك وتعاهدت على نصرة شريعتك فوثق اللهم رابطتها وادم ودها واهدها سبلها. واملأها بنورك الذي لا يخبو. واشرح صدورها بفضل قيض الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك

121
00:40:56.900 --> 00:41:10.100
انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا