1
00:00:02.250 --> 00:00:28.000
السلام عليكم ورحمة الله وبركاته. اهلا بحضراتكم في المقطع رقم ستمية اتنين وستين من مقاطع حظر التجول وحلقة تدبر سورة الناس. ارجو من حضراتكم تجيبوا المصاحف وافتح معي صورة الناس اخر سورة في القرآن الكريم. اخر سورة في المصحف

2
00:00:28.650 --> 00:00:47.150
سورة الناس سورة مكية. نزلت في اول سنتين من بدء نزول الوحي على النبي صلى الله عليه وسلم في ترتيب النزول هي رقم واحد وعشرين في ترتيب المصحف العثماني اخر سورة. رقم مية واربعتاشر

3
00:00:47.250 --> 00:01:15.600
اسماؤها سورة الناس هو الاشهر والمستخدم في المصاحف. وسورة قل اعوذ برب الناس وهو الوارد في السنة وسورة المعوذة الثانية  عدد ايات سورة الناس ست ايات وفي خلاف في دوا في من عدها السبع ايات بانه قسم الاية بتاعة من شر الوسواس الخناس. قسمها. بس الجمهور على انها اية واحدة

4
00:01:16.350 --> 00:01:40.000
قبل ان نقرأها عاوز من حضرتك وحضرتك ان كل واحد فيكم يستحضر انه بيوصل للصورة دي في ختام المصحف بعد ما قرأت مية وتلتاشر صورة وفرحان او فرحانة آآ انكم خلاص بتختموا

5
00:01:41.450 --> 00:02:09.050
ومستحضرة روحانيات معينة وبنستعد دلوقتي لاخذ ثواب ختم القرآن كاملا. فيأتيك الامر بالاتي اعوذ بالله السميع العليم من الشيطان الرجيم. بسم الله الرحمن الرحيم قل اعوذ برب الناس ملك الناس. اله الناس

6
00:02:09.100 --> 00:02:34.800
من شر الوسواس الخناس الذي يوسوس في صدور الناس. من الجنة والناس اكتر كلمة تكررت في السورة ايه ؟ الناس ده بيديني شعور ان هذا الكتاب اللي انا قرأته نازل علشان الناس

7
00:02:35.150 --> 00:02:55.600
بنربي الناس وانا واحد من الناس فتخيل بقى بعد ما تنتهي من قراءة كتاب كبير مية واربعتاشر فصل ذكروا لك او الكاتب ذكر لك في الكتاب احداث في التاريخ والعبر والدروس المستفادة منها. وذكر لك في الكتاب ده قوانين وتشريعات

8
00:02:55.600 --> 00:03:15.850
ووعظ ونصايح تمشي عليها وكلام في العلم وحقائق كونية والفلك والنجوم والشمس والقمر وانواع المخلوقات المختلفة ومخلوقات انت لا تراها كمان جن وملائكة مش بس حيوانات وبتاع انك في اخر الكتاب ده

9
00:03:16.850 --> 00:03:34.300
يفاجأ ان ربنا او ان كاتب انا اسف مش كتاب وخلاص. ان الكاتب مركز عليك انت وبيكلمك انت بالاسم من دون كل المخلوقات اللي زكرها في الكتاب وبيوصيك انك تكون على تواصل مستمر معه

10
00:03:34.600 --> 00:03:51.950
وتستنجد به فروة لو احتجت حاجة تشعر بايه تجد الاهتمام ده من كاتب الكتاب بك انت في الاخر مع ان انت لا بتأكله ولا بتشربه ولا بتفيده في اي حاجة. يعني اللي كاتب الكتاب ده هو مش مستفيد منك في حاجة

11
00:03:52.300 --> 00:04:16.650
لكنه بيكلمك وبيخاطبك في اخر الكتاب وبيقول لك اي حاجة استنجد بي بسرعة هتلاقيني معك يبقى هو بيحبك  واضحة جدا. الصورتين الاخيرتين اللي اسمهم المعوذتين بيشعروني بحب ربنا لنا انت دلوقتي لو ابنك نازل من البيت

12
00:04:17.950 --> 00:04:30.500
آآ مسافر اسكندرية رايح آآ مدينة تانية رايح اياد. تقول له خلي بالك من نفسك. حاضر وبص يمين وشمال قبل ما تعدي الشارع يقول لك حاضر وما تسوقش بسرعة. حاضر

13
00:04:30.700 --> 00:04:56.450
وبلاش رمرمة واكل مش نضيف. حاضر بس الابن بيشعر بحب ابوه لما بيوصيه بالوصايا دي واحنا في ختام قراءة هذا الكتاب بنجد الله سبحانه وتعالى بيوصينا باننا نخلي بالنا من نفسنا وبيقول لنا قل اعوذ برب الفلق

14
00:04:56.450 --> 00:05:16.450
من شر ما خلق ومن شر غاسق اذا وقب. ومن شر النفاثات في العقد. ومن شر في حاسد اذا حسد. قل اعوذ برب الناس ملك الناس. اله الناس من شر

15
00:05:16.450 --> 00:05:35.100
الوسواس الخناس الذي يوسوس في صدور الناس من الجنة والناس يبقى اللي بيقول الكلام ده بيحبني ده فيه كلام عن النار ولا كلام عن الجنة خلاص الكلام ده اتقال اتقال. دلوقتي بيوصيني اخلي بالي من نفسي بقى

16
00:05:35.750 --> 00:05:57.650
احتمي به من شرور كثيرة قل اعوذ برب الفلق صفة واحدة هنستعيذ بها من ايه من شر ما خلق ومن شر غاسق اذا وقب ومن شر النفاثات في في العقد ومن شر حاسد اذا حسد

17
00:05:57.800 --> 00:06:15.200
شر كل دول لانهم ممكن يصيبوا الانسان باذى في صحته او في ماله او في حاجات كتير وبعدين وبعدين قال لي قل اعوذ برب الناس ملك الناس اله الناس. تلات صفات من صفات الله

18
00:06:15.300 --> 00:06:36.100
نستعيذ بهم من ايه حاجة واحدة من شر الوسواس الخناس  يعني الحاجة الواحدة دي هستعيذ باسماء الله التلاتة او بصفات الله التلاتة دول عشان حاجة واحدة يبقى الحاجة الواحدة دي خطيرة جدا مدمرة جدا

19
00:06:36.750 --> 00:07:00.050
اكتر من اي حاجة تانية لانها الوسوسة بتصيب الانسان في دينه مش في ماله مش في جسده مش في صحته لا لا الوسواس بيأمر الانسان بالذنوب. وبعدين بالكبائر. كبائر الذنوب وبعدين بالشرك. وبعدين بالكفر

20
00:07:02.200 --> 00:07:21.250
قريت هزا الكتاب؟ اه طيب خلي بالك بقى فيه حد هيحاول يشكك في الكتاب ده وهيشكك في انا كمان. فربنا بيقول لك خل بالك فيه حد هيحاول يشكك تعمل ايه بقى بعد ما قرأت هذا الكتاب

21
00:07:21.350 --> 00:07:44.000
تتعوذ به. قل اعوذ برب الناس. ملك الناس. اله الناس من شر الوسواس الخناس. الذي يوسوس في صدور الناس من الجنة والناس قل امر من الله سبحانه وتعالى للنبي صلى الله عليه وسلم

22
00:07:44.500 --> 00:08:02.950
ولنا احنا كمان من خلال النبي عليه الصلاة والسلام قل اعوذ برب الناس وما قلش قل يا محمد اعوذ برب الناس. عشان تاخد الامر ده يا من تتدبر القرآن انت ايضا

23
00:08:03.050 --> 00:08:26.300
على انه امر لك انت كمان. قل اعوذ برب الناس. بعد ما قريت مية وتلتاشر سورة اعوذ كنا امبارح يجمع بين اعتصم والوذ اعتصم اتمسك التصق الجأ  والوذ الجأ اليك. اختبئ

24
00:08:26.650 --> 00:08:47.550
انه انسان يلوذ يعني ياخد مخبأ. يحتمي بحاجة يتقي بحاجة طيب انت بقى بتعوز بالله من ايه تعود باللامي بتعوذ بمين ؟ برب الناس قل اعوذ برب ما قلش بربي

25
00:08:48.800 --> 00:09:06.950
ما قال لك شي ، قل اعوذ بربي والله يعني ممكن كنت بقول اعوذ بربي حلوة برضه اهي. وبعدين شخصية كده فيها علاقة شخصية بينك وبين ربنا يعني طب ليه ما نزلتش كده ؟ قل اعوذ برب

26
00:09:08.200 --> 00:09:26.800
قل اعوذ برب الناس. وكأنك بتطلب لكل الناس. بعد ما شفت حب ربنا للناس انت كمان بتحب الناس وبتطلب من الله بتستعيذ لكل الناس. قل اعوذ برب الناس وانت واحد من الناس

27
00:09:28.000 --> 00:09:46.500
منها انك بتطلب من ربنا حبا في الناس انت بتحب الناس فبتطلب لهم وايضا بتذكر نفسك ان الشر ممكن يأتيك من الناس. وهو رب الناس وقادر ان يمنع عنك شر الناس. ما هو لي معنيين

28
00:09:47.200 --> 00:10:06.950
يا وجهين ما هو مش كل الناس اخيار. فيه ناس اشرار مش لسة مستعيذين بالله من برب الفلق من شر ما خلق. ففي ناس اشرار فانت بتستعيذ بالله. قل اعوذ برب الناس

29
00:10:07.400 --> 00:10:29.650
انه يعيذ الناس ويعيذني من الناس برضو بعض الناس مش كويسين في النهاية كل الناس دول ناصيتهم بيده هو قادر على حمايتك منهم لو كل الناس اجتمعوا على ان يضروك بشيء

30
00:10:30.300 --> 00:10:50.400
لم يكتبه الله عليك مش هيقدروا وده حديث الرسول عليه الصلاة والسلام ولو كل الناس اتفقوا انهم يفيدوك بشيء ربنا لم يكتبه لك مش هيقدروا يوصلوه لك ورب الناس المسيطر على الناس

31
00:10:52.750 --> 00:11:18.600
قل اعوذ برب الناس ملك الناس اله الناس. هو اللي خلق الناس بالتالي هو من يملك الناس اية بتحمل داخلها الاعتراف بالعبودية لله ملك الناس انت مش بتعترف بان هو الملك باس انت بتقر بعبوديتك

32
00:11:19.600 --> 00:11:34.300
انت ومش لوحدك انت وكل الناس كل خلقه عبيد له اللي عاجبه واللي مش عاجبه ما فيش حاجة اسمها واحد عبد لله والتاني مش عبد لله. الكل عبيد لله. بس فيه عبد

33
00:11:34.350 --> 00:11:59.800
صالح وعبد ابق. عبد بيحاول يهرب من ربنا بس مش هيقدر يهرب من ربنا وبعدين هو المالك بيملك ازاي بالشراء او بالوراثة او بالخلق. يعني انت اشتريت حاجة بتصبح انت المالك الجديد بتاع الحاجة دي. اشتريت موبايل

34
00:12:00.100 --> 00:12:21.650
من حد بقيت انت المالك الجديد انتقلت لك الملكية او ورفض اه اه فيلا من بابا الله يرحمه. يبقى انت كده بقيت ايه؟ المالك الجديد بتاع الفيلا في بقى طريقة اخرى للملكية وهي الخلق. يعني انت مسلا كتبت قصيدة

35
00:12:21.750 --> 00:12:39.600
كتبت عمل فني تصبح انت المالك بتاعه. يعني انت ما اشترتوش ما اشترتش العمل ما اشترتش القصيدة اللي كتبتها وما ورستهاش امال انت ايه سند ملكيتك؟ انك انت انشأت هذه القصيدة بلاش نقول كلمة خلقت دي عشان ايه هتعمل مشكلة عند بعض الناس حساسية

36
00:12:40.400 --> 00:13:01.450
انت انشأت القصيدة. فانت اصبحت مالك القصيدة لله المثل الاعلى الله وملك كل شيء هو خالق كل شيء وحتى املاكك هو اللي خلقها وملكها لك. فبقيت انت مالك اضافي يعني ايه ربنا قال في سورة ياسين

37
00:13:02.100 --> 00:13:28.500
اولم يروا انا خلقنا لهم مما عملت ايدينا انعاما فهم لها مالكون ربنا خلق انعام حيوانات احصنة حمير بقر آآ جمال آآ معيز آآ خرفان  وملكها لنا احنا. فبقينا احنا مالك اضافي

38
00:13:28.750 --> 00:13:52.750
ان هو الخالق بتاعها عشان نستفيد منها ناكل ونشرب البان. بس نطلع الزكاة بتاعتها وما ننساش نشكره عليها ونتذكر ان دي نعمة من الله وده الكلام ده يجري على كل النعم اللي عندنا. ملك الناس هو يملك الناس وما يملك الناس

39
00:13:53.400 --> 00:14:21.800
يملك كل شيء اله الناس اله الناس بتذكرك الاية بالالوهية بمنتهى الوضوح. ليه لانه هو رب الناس. قل اعوذ برب الناس. ربهم اللي خلقهم ورزقهم ورعاهم وحفزهم وهداهم في الربوبية

40
00:14:21.800 --> 00:14:46.500
اعمال تربية ورعاية وعناية من الله لنا. ربنا هو اللي بيعمل الاعمال دي لنا اما التأليه انت اللي بتعمله تجاه الله. انت تؤله الله المشرك يؤله غير الله او يؤله مع الله الهة اخرى. يعني ايه بيؤله؟ يعني بيتخذ الهة

41
00:14:47.700 --> 00:15:09.750
انت لما تقول اله الناس انت تعترف بألوهية الله في ناس الهت بشر في ناس الهت الاصنام في ناس قلهت الملائكة ده لا يجعلهم الهة حقيقية لأ الهة مزيفة اللي عاوز اقوله هو انه التأليه هو عمل انت اللي بتعمله تجاه الله

42
00:15:10.250 --> 00:15:30.300
فتجعل في نفسك انت انت بتقول بتذكر نفسك انه الهك الوحيد دون ان تشرك به الها اخر قل اعوذ برب الناس ملك الناس اله الناس ايه بقى كل ده بتستعيذ بالصفات التلاتة دي من ايه

43
00:15:31.400 --> 00:16:00.050
من شر الوسواس الخناس الذي يوسوس في صدور الناس من الجنة والناس السعيد بالله من اخطر شيء في الدنيا الوسواس مين بقى الوسواس ده ارجع بقى للكتاب تاني ما انت عرضت مية وتلتاشر صورة لو انت ناسي ارجع بقى للي قريته

44
00:16:00.200 --> 00:16:25.300
وشف مين اللي بيوسوس فستجد  فوسوس لهما الشيطان اللي هو ايه ؟ في سورة الاعراف لا هم اللي هم ادم وحواء ازا الشيطان بيوسوس اللي هو ابليس الجن مش بالضرورة لكن هنا المقصود به ابليس

45
00:16:27.050 --> 00:16:56.200
وفي سورة قاف ولقد خلقنا الانسان ونعلم ما توسوس به نفسه يبقى الشيطان والنفس الانسانية النفس اتكلمنا عنها كتير وقلنا ان الشهوات لما بتضغط القلب لازم يكون مستعد بانه يبقى مشحون بالايمان في كل المشاعر بتاعته. فيواجه هزه الوسوسة بنجاح

46
00:16:56.200 --> 00:17:14.650
ويقدر آآ يتغلب عليها ما يقعش في الحرام الشيطان بقى ده ده بالنسبة للنفس لكن النفس لما القلب يكون ضعيف ومش مشحون بالايمان بيستسلم ووسوسة النفس بتسيطر عليها على طول

47
00:17:14.750 --> 00:17:45.250
الشيطان بقى ربنا حزرنا منه قال لنا ايه سورة الاعراف يا بني ادم لا يفتننكم الشيطان كما اخرج ابويكم من الجنة ينزع عنهما لباسهما ليريهما سوآتهما ان انه يراكم هو وقبيله من حيث لا ترونهم. انا جعلنا الشياطين اولياء للذين لا يؤمنون

48
00:17:45.900 --> 00:18:02.500
يبقى الوسواس سواء من الشيطان او من النفس الامارة بالسوء بيضرب في صميم الدين عند الانسان لا يفتننكم الشيطان كما اخرج ابويكم من الجنة. ده يعني الشيطان ممكن يبقى سبب

49
00:18:02.650 --> 00:18:24.300
في دخولنا النهر اهو ربنا بيحزرنا ينزع عنهما لباسهما ليريهما سوءاتهما انه يراكم هو وقبيله من حيث لا ترونهم. الله! فازا الشيطان بيضرب في صميم الدين ازاي بقى بيعمل ايه

50
00:18:25.050 --> 00:18:51.300
الشيطان بيعمل ايه ربنا قال في الاعراف عشرين فوسوس لهما الشيطان ليبدي لهما ما وري عنهما من سوءاتهما. وقال ما نهاكما ربكما عن هذه الشجرة الا ان تكونا ملكين او تكونا من الخالدين

51
00:18:52.500 --> 00:19:16.250
بيوسوس بيلقي الشكوك في مصداقية الله بل بيشكك ان ربنا بيحبك اصلا يقول لك ربنا مش بيحبك ربنا قال لهم ايه وقلنا يا ادم اسكن انت وزوجك الجنة وكلا منها رغدا حيث شئتما. ولا تقربا هذه الشجرة فتكون من الظالمين

52
00:19:16.500 --> 00:19:31.500
انت ومراتك انت وزوجتك يا ادم اسكنوا الجنة. وكلوا منها زي ما انتم عايزين بس الحاجة الحرام الوحيدة هي الشجرة دي. ما ما تخافوش منها. مش ما تاكلوش منها. ما تقربوش. لا تقربا

53
00:19:32.300 --> 00:19:51.700
لان ربنا له حمى المنهيات اللي ربنا بينهانا عنها المفروض لا نقترب منها. مش ما نعملهاش. ما نقتربش من الخمرة مش ما نشربهاش ما نقتربش فتكون من الظالمين. ولا تبقوا ظالمين. فالشيطان راح عامل ايه بقى

54
00:19:51.750 --> 00:20:17.850
قال لهم لا انتم بتصدقوا الكلام ده ده قال لكم كده عشان مش بيحبكم ومش بيحب لكم الخير ده انتم لو اكلتم من الشجرة دي هتبقوا من الخالدين وقال ما نهاكما ربكما عن هذه الشجرة الا ان تكون ملكين تبقوا ملائكة. او تكونا من الخالدين

55
00:20:19.650 --> 00:20:36.100
الخالدين يعني مش هتمرضوا ومش هتعجزوا وبالتالي مش هتموتوا هو ده اسلوب الشيطان في القاء الشكوك في قلب الانسان عن ربنا انه يخليك تشعر ان ممكن يكون فيه اختيار افضل من امر ربنا

56
00:20:36.600 --> 00:20:49.850
ربنا قال نعمل كده. اه انا عارف بس بس دي بقى يعني ايه يعني انا شايف حاجة احسن احسن من ايه! احسن من العربية بيقولوا  ربنا قال ده غلط خلاص غلط

57
00:20:50.150 --> 00:21:02.100
ايوة انا عارف بس بس دي يعني انت شايف حاجة احسن من ربنا بقى! ما هو ده ده الشيطان على طول فالانسان في الحالة دي يمتنع عن طاعة امر الله ويقدم على المعصية

58
00:21:02.150 --> 00:21:21.450
فلما اقول الشيطان يكون مفهوم ان انا اقصد كل انواع الشياطين لزلك لو تلاحزوا ربنا لم يقل الشيطان في الصورة يعني ناس كتير قوي بيربطوا الشيطان بالجن. وده غلط كلمة شيطان يعني اي شيء ضار

59
00:21:21.650 --> 00:21:37.950
ربنا قال الوسواس الوسواس الخناس وما قالش الشيطان كمان ليه ؟ عشان هو النفس بتوسوس والشيطان بيوسوس. والشيطان انواع. هناك شياطين. جن شياطين انس. حتى شياطين حيوانات. ايه رأيكم بقى

60
00:21:39.000 --> 00:21:57.950
القلب النبي عليه الصلاة والسلام قال الكلب الاسود شيطان ممكن يكون يقصد كلب معين هناك روايات اخرى بتقول ان كان الكلب كان كلب مصاب بالسعار. لذلك اللي يجوز قتله بل يجب قتله الكلب المسعور

61
00:21:58.750 --> 00:22:14.100
اللي بيخليه ده النداء اللي عنده اللي هو بيعض الناس في الشوارع وده مرض قاتل انا عجبني قوي الحقيقة فهم الشيخ آآ ابن العثيمين رحمة الله عليه لهذا الحديث مع ان انا مش من مدرسته

62
00:22:14.150 --> 00:22:35.550
لكن بصراحة وجدت تعليقه رائع جدا على هذا الحديث قال هو من شياطين الكلاب لا من شياطين الجن والشيطان ليس خاصا بالجن. هذا فهم سليم مية في المية. اتمنى كان يبقى كل الناس فاهمة الكلام ده. كلمة شيطان يعني شيء ضار

63
00:22:35.550 --> 00:22:57.000
شياطين الحيوانات يعني الحيوانات الضارة الميكروبات دي شياطين لانها بتضرنا شياطين الجن يعني الجن اللي بتوسوس وتجيب لك افكار زفت افكار مهببة تحاول تخليك تتفرج على حاجات غلط تعمل مش عارف ايه هو ده الشياطين الجن

64
00:22:57.050 --> 00:23:17.300
وشياطين الانس بقى هنتكلم عنهم دلوقتي لزلك ابليس لم يصبح شيطان الا بعد ما كفر واقسم انه يضل الناس عن سبيل الله كده بقى شيطان لانه بقى ضار ربنا قال في سورة الانعام

65
00:23:18.250 --> 00:23:38.450
وكذلك جعلنا لكل نبي عدوا شياطين الانس والجن اي حد بيضرك هو في اللحظة دي شيطان زميلك في المدرسة اللي وشوش لك في ودنك وقال لك تاخد سيجارة معي علبة سجاير

66
00:23:38.700 --> 00:23:55.700
انت قلت لأ فراح رجع بعد يومين لما لقاك متضايق او زهقان وراح موشوش لك تاني. جرب مش هتخسر حاجة لو ما عجبتكش ما تكملهاش. ده شيطان وخناس كمان هقول لك يعني ايه

67
00:23:56.250 --> 00:24:17.100
الوشوشة دي اسمها وسوسة هو كده وسوس لك ولما راح اول مرة لما انت قلت لأ هو خنس وبقى خناس يعني كثير الخنس والرجوع لما رجع لك تاني وانت في حالة الضعف النفسي

68
00:24:17.250 --> 00:24:42.650
يعني ايه ضعف نفسي؟ لقاك زهقان لقاك متضايق ده اسمه ضعف نفسي فيقوم راجع لك تاني عارف ان هنا في الحالة دي غالبا هتقول له اه. هات هو بيراقبك انت قلت له لأ بيخنس بس ما بيفقدش الامل فيك. ربنا قال في سورة الاعراف انه يراكم هو وقبيله من حيث

69
00:24:42.650 --> 00:25:02.450
ترون هم اول ما الشيطان يجدك في حالة ضعف نفسي يعاود المحاولة معك مرة اخرى زهقان متعصب يقوم جاي لك يقول لك ايه ها فكر بقى ياللا خد واحدة يوم الانسان واقع زي الايه زي الجردل

70
00:25:03.450 --> 00:25:24.650
والعكس الانسان الصالح لما يلاقي حد متعصب بيتجنبه لغاية ما يهدى وبعدين ينصحه لكن لو نصحه وهو متعصب قد يكفر الانسان. يعني يقول له واحد متعصب وعمال يزعق صل على النبي بس صل على النبي ممكن واحد يقول لك طب مش مصلي على النبي بقى انت بتكفر خلاص

71
00:25:24.650 --> 00:25:34.650
طلعت الراجل من الدين ليه ؟ سبه لما يهدى. الشيطان العكسي يجي له وهو متعصب ويقوم مدي له الحاجة الغلط يقوم واخدها. انما انت تحاول تدي له الحاجة الصح يقوم رافضها

72
00:25:34.650 --> 00:26:01.500
اللي خلاك تتفرج على افلام اباحية من شياطين الانس واللي بيخرج فيديو كليبس فيها بنات وولاد بيرقصوا بالمايوهات شيطان. واللي انتج الفيديو كليب شيطان واللي عرض الفيديو شيطان وكل من يضللك عن سبيل الله شيطان

73
00:26:02.150 --> 00:26:20.650
حتى لو كان بيصلي حتى لو عنده زبيبة في راسه قد كده شيطان يعني مضر بيبعدك عن الله مش معنى كده ان هو شيطان في الحقيقة يعني لما بيرجع بيته بيقلب لونه احمر ويطلع له ديل على شكل شوكة وقرون ما فيش الكلام ده

74
00:26:20.650 --> 00:26:45.700
هو شيطان في اللحزة ايه اللي بيضرك فيها؟ شيطان في اللحزة اللي بيبعدك عن ربنا فيها. بس ده معناها  شيطان آآ جذرها اللغوي شطان ومنها الاشطان اللي هي الحبال الطويلة اللي بيروضوا بها الخيل البرية

75
00:26:47.700 --> 00:27:08.150
والشتم هو الحبل الطويل اللي في اخره الدلو بيبقى في البئر العميقة جدا وتسمى بئر شاطون انا محتاج حبل طويل فكذلك الشيطان هو اللي بيبعدك عن الله سبحانه وتعالى. او بيبعدك عن اي خير

76
00:27:09.600 --> 00:27:23.100
عن الصحة عن اي حاجة كويسة ده شيطان اما شيطان جن يعني مش بني ادم واقف قدامك بيكلمك افكار بتيجي لك في راسك ده معناه ان فيه وسوسة بتم في راسك

77
00:27:23.500 --> 00:27:51.900
لتحثك على المعصية او شيطان انس بيوسوس لك في ودنك او آآ بيقوم جواك الشهوات بطريقة اخرى حسية فممكن يوسوس لك بطرق اخرى يعمل لك فيديو تتفرج عليه بعينيك وما كلمكش اهو. او يقول حاجة في بودكاست يعني حتى مش فيديو تتفرج عليه. فانت بودانك برضو يعني. يستغل حواسك علشان

78
00:27:53.000 --> 00:28:10.050
يهيج الشهوات جواك تقوم تقدم على المعصية شيطان الانس لا يقل خطورة عن شيطان الجن ان ما كانش اخطر لان عنده طرق كتيرة اوي يدخل بها لك وكمان شكله زيك

79
00:28:10.550 --> 00:28:23.800
فبيخليك عاوز تبقى زيه بيزهر لك انه مبسوط وان المعاصي مخلياه عايش مبسوط وهو مليان اكتئاب على فكرة بس قدامك بيزار بيضحك وبيعمل ايه وبيشرب وبيرقص اما بيرجع بيبقى هيموت نفسه بيبقى عايز يرمي نفسه من البلكونة

80
00:28:27.150 --> 00:28:49.350
من شر الوسواس الخناس. الذي يوسوس في صدور الناس من الجنة والناس. قلنا جن  ايه ده انت ختمت قراءتك للقرآن بانك سألت الله بصفته رب الناس وملك الناس واله الناس

81
00:28:49.600 --> 00:29:09.800
انه يعيذك من اخطر شيء وهو الوسوسة في الدين لان اغلى حاجة عندك هي دينك ثم تبدأ تقرأ القرآن من اوله تاني. بانك تعمل ايه؟ تحمده بنفس الصفات التلاتة. اول سورة بعد كده سورة ايه

82
00:29:09.800 --> 00:29:34.750
الفاتحة الحمد لله رب العالمين قصاد رب الناس ما لك يوم الدين قصاد ملك الناس اياك نعبد واياك نستعين قصاد اله الناس. ما انت بتعبده وبتستعين ازا بتألهه  خلاص فهي

83
00:29:35.350 --> 00:29:50.300
في النهاية الرسالة نفسها بتاعة صورة الناس بتعاد مرة اخرى بتفصيل اكبر في سورة الفاتحة. وهنشوف بكرة ان شاء الله مع بعض ليه ربنا سماها الفاتحة وايه اسماءها كثيرة جدا

84
00:29:50.350 --> 00:30:10.100
ونتكلم فيها غالبا دارسين تلاتة على الاقل ان شاء الله. قل اعوذ برب الناس ملك الناس. اله الناس من شر الوسواس الخناس الذي يوسوس في صدور الناس من الجنة والناس. وبذلك نكون قد اتممنا بفضل الله تدبر واحد وعشرين جزء

85
00:30:10.450 --> 00:30:30.450
في ستمية اتنين وستين حلقة فلو ربنا وفقنا واستطعنا اننا نستمر دون توقف كده ومشينا بهذا المعدل فمن المتوقع نختم في شهر سبتمبر بازن الله ونبدأ غدا سورة الفاتحة بازن الله

86
00:30:30.500 --> 00:30:46.650
اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب

87
00:30:46.800 --> 00:31:18.800
اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك عبادك الصالحين. اللهم احيي قلوبنا بحبك. واجعلنا لك كما تحب. اللهم اجعلنا نحبك

88
00:31:18.800 --> 00:31:47.450
لقلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا  اسأل الله العلي العظيم ان يجعل هذا التدبر في ميزان حسناته وحسناتكم جميعا

89
00:31:47.550 --> 00:32:07.550
اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحقكم كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من

90
00:32:07.550 --> 00:32:36.250
شرورهم ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة في فلسطين. وكن مع اخواننا في تركستان الشرقية وفي الشام وفي كشميرا وفي الهند وفي سرلانكا. وانصر كل من نصرهم واخذل كل من خذلهم

91
00:32:36.250 --> 00:32:59.000
طهر المسجد الاقصى من الدنس فانهم لا يعجزونك اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل

92
00:32:59.900 --> 00:33:20.200
ومن لم يوصف به فقه شره وابعده عنه. ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك

93
00:33:20.200 --> 00:33:41.350
وتعاهدت على نصرة شريعتك فوثق اللهم رابطتها. وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك

94
00:33:41.450 --> 00:33:51.450
انك نعم المولى ونعم النصير. والسلام عليكم ورحمة الله. ونراكم غدا بازن الله في نفس هذا الموعد. ان كنا من اهل الدنيا