1
00:00:01.350 --> 00:00:29.950
السلام عليكم ورحمة الله وبركاته. اهلا بحضراتكم في المقطع رقم تمنمية واحد وتلاتين من مقاطع حظر التجول الحلقة الثامنة عشر من حلقات تدبر سورة النساء دي تاني حلقة من تورنتو كندا ومعنا هنا احد الاخوة المتدبرين معنا من زمان الاخ كريم. بقى لك قد ايه معنا يا كريم متابع التدبر كل يوم ايه

2
00:00:30.200 --> 00:00:45.450
سنة كاملة. طب الحمد لله كويس اهو طبعا في تصحيح عايز اقوله في اول الحلقة. وان انا امس اخطأت تقريبا كل مرة قريت فيها وان امرأة خافت من بعلها نشوزا وقلتها وان امرأة

3
00:00:46.050 --> 00:01:03.900
لما تلاقوا حد بيخطئ في الاية كل مرة كده اعرفوا ان المشكلة هو انه حفزها لو هو صغير غلط ارددها غلط كتير فمهما تصلح له هيرجع تاني يغلط فيها. ربنا يا رب ايه يذكرنا يعني. انت بيفكرني بجار ليه كنا في المقرأة في المسجد في مدينة نصر

4
00:01:03.950 --> 00:01:16.200
بنقرأ سورة الكهف كل يوم جمعة كان دايما يقع واحنا بنقسم الصورة احنا عددنا كم مسلا عشرة يبقى كل واحد ياخد حداشر اية احنا حداشر كل واحد ياخد عشر ايات كده يعني. فدايما يقع في قرعته الاية خمسة وتلاتين

5
00:01:16.200 --> 00:01:42.200
اللي هي ودخل جنته وهو ظالم لنفسه قال ما اظن ان تبيد هذه ابدا يبدو من وهو صغير حافزها ما اظن ان تبيض هذه ابدا ونصلح له ما فيش فايدة. واقول له قل تبيدي قل تبيد. ييجي يقراها في الاية يقول تبيض. لغاية ما بقينا نبعد الاية دي عنه واحنا بنقسم الايه السورة

6
00:01:42.200 --> 00:02:04.600
الاول يعني طيب احنا تدبرنا في الحلقتين السابقتين مسألة العلاقات الزوجية مسألة القوامة وشفنا ان القوامة مسئولية وليست تشريف القوامة في الانفاق على الزوجة والاولاد وفي حماية الاسرة هي مسئولية على الرجل

7
00:02:04.900 --> 00:02:26.000
بتعطيه الحق في ان تكون له الكلمة الاخيرة في المسائل اللي يحدث فيها الخلاف ادي آآ وازا كان مش هو اللي بينفق على الزوجة وهي اللي بتدبر المال المطلوب لفتح البيت ولنفسها. يبقى القوامة هنا مش هتبقى له في مسألة انفاق المال

8
00:02:26.450 --> 00:02:39.850
وده لا ينزع منه القوامة في مسألة حماية الاسرة وكذلك اذا كان الراجل غير قادر على حماية الاسرة نتيجة مرض او ضعف اصابه والزوجة هي اللي بتقوم بهذا الامر. برضه هتبقى القوامة مش له في هذه المسألة حتى

9
00:02:39.850 --> 00:02:59.750
اتعافى وربنا يشفيه. وتعود له القوامة تاني في هذه المسألة. وقلنا ان كل مؤسسة في الدنيا لازم يكون فيها هيكل اداري لازم يكون في رئيس مجلس ادارة ونائب رئيس مجلس ادارة وموزفين. فالطبيعي هو ان الرجل رئيس الاسرة. ولكن ده مش معناه انه يستغل

10
00:02:59.750 --> 00:03:23.200
في هذا الوضع ويجبر زوجته حتى اولاده على ما لا يريده فربنا قال في اشياء بسيطة جدا بالنسبة مسلا فطام الرضيع ربنا قال فان اراد فصالا عن تراض منهما وتشاور فلا جناح عليهما. ده بالنسبة للمطلقين فما بالكم

11
00:03:23.200 --> 00:03:47.250
المتزوجين. لازم كل قرار يكون بالتشاور والتراضي ولكن لو ازمت اوي وما فيش طرف اقنع التاني خلاص يبقى كلام واحد لازم ينفز كلام من الطبيعي في اي شركة في اي مؤسسة محترمة قرار رئيس مجلس الادارة هو اللي ينفز. يعني خلي بالكم رئيس مجلس الادارة هو ايه؟ هو المسئول

12
00:03:47.250 --> 00:04:06.300
التنفيز اللي هيحاسب على التنفيز ازاي هنجبره ينفز شيء هو شايفه غلط ففي النهاية لابد ان رئيس السلطة التنفيزية ينفز اللي هو مقتنع به برضو   نقرا بقى مع بعض الاية خمسة وتلاتين

13
00:04:08.050 --> 00:04:33.900
وان خفتم شقاق بينهما فابعثوا حكما من اهله وحكما من اهلها ان يريدا اصلاحا يوفق الله بينهما. ان الله كان عليما خبيرا الناس لما تشوف زوج وزوجة مشاكلهم كترت وصوتهم علي وخناق وصويت طالع من البيت وضرب كمان لازم الناس تتدخل للاصلاح

14
00:04:34.000 --> 00:04:54.800
وان خفتم شقاق بينهما فابعثوا. ييجوا بقى حكم من اهلها من اهله وحكما من اهلها ده معناها مش لازم من الاهل. لكن من طرفها ومن طرفه عشان ما حدش يرجع يشتكي. انتم جايبين اتنين من طرفه او انتم جايبين اتنين من طرفها؟ لأ. حد من طرفه وحد من طرفها

15
00:04:54.850 --> 00:05:07.800
ازا كان الاهل ما فيش منهم ناس حكماء وعندهم علم بالشرع. ما هو لازم الحكم ده يكون حد عنده علم بالشرع وعنده حكمة على الاقل يكون حد من طرفه وحد من طرفه

16
00:05:08.800 --> 00:05:31.150
يقعدوا مع بعض هما الاتنين وبهدوء يحلوا المشكلة ويوصلوا لحكم  يريد اصلاحا يوفق الله بينهما ان الله عليم عليم ان الله كان عليما خبيرا يعني ربنا بيوفق اللي نيته صافية وصالحة

17
00:05:32.050 --> 00:05:56.100
لو ارادة الاصلاح موجودة ربنا هيوفقهم للاصلاح ومن اصلح نيته فيما يتحراه اصلح الله مبتغاه هكذا ايه تعلمنا من في العلماء زمان من اصلح نيته فيما يتحراه اصلح الله مبتغاه

18
00:05:57.250 --> 00:06:12.750
يعني ربنا يدي له اللي هو بيبتغيه يصلحوا له. الحكمين دول لازم يتفقوا ازا لم يتفقوا وكل واحد بقى له حكم غير حكم التاني حكم مختلف لا ينفذ اي حكم فيهم. ويرفع الامر للقاضي

19
00:06:15.400 --> 00:06:35.550
اه اولا لازم الحكمين يكونوا على علم شرعي عندهم حكمة عندهم خبرة ويحكموا بقى بالاصلاح بينهم بالتفريق بينهم ممكن جدا يوصل للحكم للتفريق. يفرقوا بينهم ولكن اذا حكموا بالتفريق لا ينفذ التفريق

20
00:06:35.600 --> 00:06:49.750
الا عن طريق القاضي لازم السلطة اللي تنفز التفريع. مش خطر اتنين قعدوا وخدوا قرار غلط يبقى هيتنفز. لازم يرفع الامر للقاضي. القاضي بينظر فيه تاني ويشوف يفرق ولا  ازا حكم القاضي بالتفريق

21
00:06:50.100 --> 00:07:12.200
بتطلق المرأة طلقة بائنة يعني ايه بقينا؟ يعني كانها اتطلقت والعدة انتهت ما يقدرش يرجعها الا بعقد جديد ومهر جديد ونبدأ الايه؟ القصة من اول وجديد تاني طب ليه ليه ربنا قال

22
00:07:12.250 --> 00:07:35.900
يريد اصلاحا يوفق الله بينهما. ليه ما قالش او تفريقا؟ ما هم بيحكموا بالاصلاح او بالتفريق. ليه ربنا ما قالش يريد اصلاحا او تفريقا يوفق الله بينهما واحيانا التفريق او الطلاق او انهاء الزواج بيكون هو الحل الافضل على فكرة انا انا مسلا ايه قعدت مسلا في جلسات اصلاح وحاجات كده هو وانا في احدى المرات حكمت

23
00:07:35.900 --> 00:07:50.000
بانه انه الحكم كان انه لا يتطلقوا احسن. دي كانت الامور وصلت لمرحلة هو ما ينفعش يعيش مع بعض بعد كده خلاص ليه ربنا قال ان يريد اصلاحا وحدد الاصلاح؟ مع ان ممكن جدا يكون التفريق

24
00:07:50.250 --> 00:08:13.850
هو الحل الافضل يريد اصلاحا يوفق الله بينهما ربنا بيذكر الحكمين انكم جايين في الاساس عشان تصلحوا فلا تتعجلوا بالحكم بانهاء الزواج لازم تحاولوا جاهدين وتعملوا كل ما في وسعكم

25
00:08:13.900 --> 00:08:26.000
انكم ايه تصلحه بين الزوجين. انتم جايين تصلحوا في الاساس. مش جايين تنهوا الزواج؟ عشان خاطر واحد فيكم مستعجل ووراه جلسة لا لكن ده حل ممكن تلجأوا له لو اضطررته

26
00:08:27.450 --> 00:08:48.150
وان خفتم شقاق بينهما فابعثوا حكما من اهله وحكما من اهلها ان يريد اصلاحا يوفق الله بينهما. ان الله كان عليما خبيرا. قلنا من اصلح نيته فيما يتحراه اصلح الله مبتغاه. يعني لو صلحت نوايا الزوج والزوجة ونوايا

27
00:08:48.150 --> 00:09:14.650
كمين ربنا ربنا آآ اعلم بهذا بنواياهم فبعلمه ربنا هيوفق الحكمين للاصلاح ولاصلاح هذا البيت واصلاح هذا الزواج والمصلحين دايما لهم اجر كبير ربنا قال سبحانه وتعالى انا لا نضيع

28
00:09:15.000 --> 00:09:33.800
اجرى انا لا نضيع اجر المصلحين انا لا نضيع اجر المصلحين والاصلاح بين الزوجين ده سنة نبوية. خلوا بالكم في الحديس الصحيح عن سهل بن سعد قال جاء رسول الله صلى الله عليه وسلم بيت فاطمة. راح لبنته. السيدة فاطمة الزهراء

29
00:09:34.950 --> 00:09:53.550
فلم يجد سيدنا علي الى اين ابن عمك؟ فين ابن عمك؟ قالت بيني وبينه شيء فغضبني فخرج. غاضبني على وزن فاعلني وقلنا المفاعلة بتبقى بين طرفين يعني زعلني وزعلته وخرج

30
00:09:53.650 --> 00:10:07.600
شوفوا شوفوا شوفوا شوفوا الاخلاق. اخلاق المسلم. لما يزعل مراته ويتخانقوا يخرج. مش يقول لها اطلعي برة مش راجل يقول لمراته اطلعي برة. انت اللي تطلع برة مراتك هتروح فين هي بالليل دلوقتي

31
00:10:07.850 --> 00:10:21.400
تروحي عند اهلك! عيب انت اللي تروح عند اهلك. انت تروح تعمل عند واحد صاحبك. لكن مراتك ما تخرجش. لا تخرجوهن من بيوتهن ولا يخرجن الا ان يأتينا بفاحشة مبينا دي حاجة تانية. ولكن

32
00:10:21.550 --> 00:10:39.100
سيدنا علي شد مع السيدة فاطمة فخرج قالت فخرج ولم يقل عندي ولو ولم يقل عندي. يعني ايه جاية من القيلولة. يعني ما نامش الضهر هنا فقال الرسول صلى الله عليه وسلم مم

33
00:10:39.300 --> 00:10:53.300
لواحد انظر اين هو دور لي عليه راجل راح بص قال يا رسول الله هو في المسجد راقد هناك راقد في المسجد فجاء رسول الله صلى الله عليه وسلم ودخل على المسجد لقى سيدنا علي في اخر المسجد كده ايه مضطجع نايم

34
00:10:53.450 --> 00:11:09.400
وقد سقط رداؤه عن شقه واصابه تراب. فيه تراب جه على جنبه وعلى كتفه فجعل رسول الله صلى الله عليه وسلم يمسح عنه التراب ويقول قم ابا تراب قم ابا تراب قم يا ابو تراب

35
00:11:09.600 --> 00:11:23.950
قم يا مطرب. قم يا معفر. قم بالعفرة اللي عليك دي. هزر معه. يدحك معه واخده على البيت واصلح بينهما. اذا الاصلاح بين الزوجين سنة النبي صلى الله عليه وسلم

36
00:11:24.300 --> 00:11:49.900
خلاص؟ طيب معي ستة وتلاتين واعبدوا الله ولا تشركوا به شيئا. وبالوالدين احسانا وبذي القربى واليتامى والمساكين والجار ذي والجار الجنوبي والصاحب بالجنب وابن السبيل. وما ملكت ايمانكم ان الله لا يحب من كان

37
00:11:49.900 --> 00:12:19.300
مختالا فخورا. بعد ما ربنا امر بحسن التعامل بين الازواج وبالاصلاح بين الازواج وصى على الاحسان بفئات اخرى في المجتمع الناس المحيطين بالانسان الوالدين ذي القربى اليتامى المساكين الجار ذي القربى الجار الجنب الصاحب بالجنب ابن

38
00:12:19.300 --> 00:12:46.050
سبيل يعني المسافر والعبيد الاماء المملوكين والعبيد المملوكين  اللي عايشين مع الانسان في البيت او في المزرعة بتاعته ثم حذر من ان الانسان يكون مختالا فخورا حذر باشد صيغة وهي ان الله لا يحب

39
00:12:46.900 --> 00:13:07.750
حذر ان الانسان يتعالى على الناس دي اللي حواليه. ولا على العبد بتاعك ولا على القمة بتاعتك ما فيش تعالي على حد. ان الله لا يحب اشد صيغة تحذير ان الله لا يحب من كان مختالا فخورا

40
00:13:08.050 --> 00:13:21.750
واكيد ما فيش حد يحب انه يبقى من الفئة اللي ربنا لا يحبها ولكن نلاحز انه قدم الاحسان للوالدين على كل الاقارب المحيطين بالانسان. طبعا ده طبيعي. هتقول لي ايه

41
00:13:21.750 --> 00:13:40.900
اللي ملاحزه يعني ما ده شيء طبيعي طبعا لازم يتكلم عن الوالدين الاول. صحيح ولكن قدم ايه على الوالدين اللي ربنا قدمه قبل الوالدين واعبدوا الله ولا تشركوا به شيئا. وبعدين وبالوالدين احسانا

42
00:13:44.000 --> 00:14:08.850
كل المرات اللي ربنا اوصى فيها بالاحسان للوالدين  قرن الاحسان بالوالدين بالتوحيد بالتوحيد يعني مسلا في سورة البقرة الاية تلاتة وتمانين واذ اخذنا ميثاق بني اسرائيل لا تعبدون الا الله وبالوالدين احسانا

43
00:14:09.350 --> 00:14:25.800
كمل بقى وذي القربى واليتامى والمساكين. بس اول حاجة لا تعبدون الا الله. التوحيد وبالوالدين احسانا لازم تجد لا تعبدون الا الله الصبر وبالوالدين احسانا الانعام مية واحد وخمسين انعام

44
00:14:26.000 --> 00:14:45.250
قل تعالوا اتلوا ما حرم ربكم عليكم. ايه حرم ايه؟ الا تشركوا به شيئا وبالوالدين احسانا دايما ستجد الامر بعدم الشرك او او بعبادة الله وحده بيسبق الامر بالاحسان للوالدين. حاولت اتدبرها كتير

45
00:14:45.950 --> 00:15:02.500
وجدت الحقيقة عدة رسائل في المسألة دي اول حاجة حب الانسان للوالدين حب فطري لانهم سبب وجود الانسان في الدنيا يعني ما فيش حد بيحب ابوه وامه لانهم ناس كويسين

46
00:15:02.950 --> 00:15:12.950
ما فيش حد بيحب ابوه وامه لان امنا اسمه ثقبي! اه ممكن تحب في ابوك وامك ان هم ناس كويسين. تحب فيهم الناس مسقفين. لكن الواحد بيحب ابوه وامه حتى لو مش مسقفين

47
00:15:13.400 --> 00:15:27.850
بيحب ابوه وامه حتى لو مش ناس كويسين لان هذا حب فطري مغروس في فطرة الانسان واكيد يعني مش كل واحد فينا اهله هم احسن ناس في الدنيا. طب ازاي يعني! امال مين فيهم بقى اللي احسن

48
00:15:28.050 --> 00:15:49.600
ازا الناس بتحب اهاليها لانهم بيشوفوهم سبب وجودهم في الدنيا. فربنا بيذكرك ان ابوك وامك دول هم السبب التاني بعد الله في وجودك في الدنيا. السبب الاول هو الله سبحانه وتعالى في وجودك ووجودهم هم كمان

49
00:15:49.600 --> 00:16:03.800
دي رسالة من الرسائل الحقيقة اللي جات لي في التدبر الامر التاني لان الواحد مهما احب ابوه وامه عادة الناس بتحب ابوه وامها جدا. ده الشيء الطبيعي ان الانسان يحب ابوه وامه جدا

50
00:16:04.050 --> 00:16:23.050
الا بقى لو في كارسة بقى حاصلة يعني لكن مش لازم مهما الانسان احب ابوه وامه ان حبه لهم يكون اكبر من حبه لله. حب الله لازم يكون اكبر  ربنا بيقول

51
00:16:23.550 --> 00:16:43.550
قل ان كان اباؤكم وابناؤكم واخوانكم وازواجكم وعشيرتكم واموالا اقترفتموها وتجارة تخشون كسادها ومساكن ترضونها احب اليكم من الله ورسوله وجهاد في سبيله فتربصوا حتى يأتي الله بامره والله لا يهدي القوم الفاسقين هذا

52
00:16:43.550 --> 00:16:59.100
فسق انك تحب اي حد من دول او تحب الدنيا اكتر من ربنا ومن النبي ومن الجهاد في سبيل الله هذا فسق اصلا اخطر حاجة لما حب الدنيا يصبح اكبر من حب الدين

53
00:16:59.450 --> 00:17:26.200
الدين انت جاي الدنيا دي اصلا لاقامة الدين حب الله ورسوله والجهاد في سبيل الله الذي به حماية الدين يجب انه يتقدم على حب اي حد تاني سيقدم توحيد الله دايما وعدم الشرك بالله بعد كل ده. قبل كل ده اقصد

54
00:17:26.750 --> 00:17:51.800
ثم بقى تيجي العنكبوت ولقمان يقولوا حاجة غريبة اوي نجد في سورة العنكبوت مسلا  ووصينا الانسان بوالديه حسنا وان جاهداك لتشرك بي ما ليس لك به علم فلا تطعهما. الي مرجعكم فانبئكم

55
00:17:51.800 --> 00:18:13.750
بما كنتم تعملون ان جاهداك يعني بيعملوا كل اللي يقدروا عليه علشان يخرجوك من دينك. ويخلوك تعبد الهة اخرى يعني واحد بيقول لابنه اتركوا الاسلام واعبد بوزة. ويجيب له صنم بوزة كده ويقول له اعبد ده

56
00:18:15.150 --> 00:18:31.000
فربنا بيوصي ابنه عليه انه يحسن اليه. يقول له بس ما تسمعش كلامه بس احسن اليه الله احنا بنتكلم عن ابوين مجرمين اصلا ومع زلك ربنا بيوصي بهم مين ارحم

57
00:18:34.300 --> 00:18:49.500
مين ارحم بالولد ده ؟ الام المجرمة اللي عايزاه يكفر. او الاب المجرم اللي عايز ابنه يكفر ولا ربنا سبحانه وتعالى؟ اللي بيقول له ما تسمعش كلامهم عشان ما تروحش في داهية. بس برضه

58
00:18:49.750 --> 00:19:06.400
خليك طيب معهم يبقى قلب الام وقلب الاب مهما كان رحيم ولا حاجة جنب رحمة ربنا اللي بيوصي الولد على ابوه وامه الكفار. اللي بيسبوا ربنا. ممكن يكونوا بيسبوا ربنا وبيسبوا الدين

59
00:19:06.500 --> 00:19:24.600
عشان يخلوا ابنهم يكفر ويشرك لقمان بقى اعجب واعجب بص في لقمان الاية تلتاشر واربعتاشر واذ قال لقمان لابنه وهو يعظه يا بني لا تشرك بالله ان الشرك لظلم عظيم

60
00:19:24.900 --> 00:19:48.650
بعدها ووصينا الانسان بوالديه حملته امه وهنا على وهن. وفصاله في عامين ان اشكر لي ولوالديك الي المصير وان جاهداك على ان تشرك بي ما ليس لك به علم فلا تطعهما. وصاحبهما في الدنيا معروفا

61
00:19:48.850 --> 00:20:13.000
يوصي الولد انه يصاحب والديه الكفار المجرمين اللي بيعملوا جهد رهيب لاخراج الولد من دينه ويخلوه يعبد بقرة او يعبد صنم او يعبد انسان او يعبد اي حاجة بيوصيهم يقول لهم وصاحبهما خليك معهم في الدنيا. ما تقاطعهمش خالص. صاحبهما في الدنيا معروفا

62
00:20:13.700 --> 00:20:36.350
مش معقول مجرمين ربنا بيوسع عليهم يعني انا بصراحة مش قادر ابلع ان ده فقط بدون ما يكون في يعني مجرد رحمة ربنا بالاب والام لأ مش قادر ابلعها اكيد في حاجة كمان. في حاجة اكيد تعود على الابن او البنت المسلمة

63
00:20:37.550 --> 00:21:04.250
قلت لكم ان احد اسباب الالحاد والشزوز وفساد العلاقة بالاب وربما كمان يكون في حاجة دور للام ان بيكتشفوا علم النفس بعدين. ولكن فساد العلاقة بالاب اساسا اللي بيصلح العلاقة دي عند الانسان اللي عنده مسلا عندنا مسلا اخونا مسلم عبدالله في مصر مسلا بيعالج حالات شازة كتير

64
00:21:04.500 --> 00:21:28.000
ولما بيلاقي السبب الرئيسي بتاع الشزوز هو ان فيه فساد علاقة بالاب بيعمل ايه؟ بيصلح بينهم هم الاتنين ويتأكد ان العلاقة آآ مشيت تمام بنفاجأ انه العرض بتاع الميل لنفس الجنس ده بيخف جدا بالتدريج

65
00:21:28.050 --> 00:21:44.650
او فجأة احيانا عند بعض الناس والميل الجنسي الاخر اللي هو الطبيعة تبدأ تزهر عند انسان ما كانش موجود عنده خالص لدرجة ان مسلم لما لقى بعضهم حتى آآ يعني يعني ابوه ميت مسلا

66
00:21:45.350 --> 00:21:56.100
وهيعمل ايه؟ هو الولد محتاج ابوة مسلم بقى يخليهم يقولوا له يا بابا وبيقولوا له كده بابا واحد فيهم بيكلمني بيقول لي بابا قال لي رحت انا جيت عند بابا بابا انت كم عميل

67
00:21:56.200 --> 00:22:17.750
ربنا قال وصاحبهما في الدنيا معروف. يعني الولد المسلم نفسه محتاج للعلاقة دي مع الابوين تكون كويسة. عشان هو يكون سوي حتى لو هم مجرمين ولا يستحقوها بس هو محتاجها نفسيا حتى لا يصاب باضطرابات نفسية

68
00:22:17.950 --> 00:22:29.100
على فكرة هي الحاجات دي بتسبب اضطرابات نفسية كثيرة. هو من ضمنها ممكن يحصل شزوز ممكن يحصل الحاد ممكن لكن فيه اكتئاب وفيه حاجات ثانية على فكرة فكل هذه هي مظاهر

69
00:22:29.200 --> 00:22:46.150
لمشكلة موجودة عند الانسان آآ نفسيا والله اعلم انا ارى ان هو صاحبهما في الدنيا معروفة في الاساس هيستفيد منها الولد نفسه او البنت نفسها قبل آآ آآ الابوين الكفار

70
00:22:46.550 --> 00:23:14.150
نرجع للاية ستة وتلاتين ارجع للقسط وتلاتين واعبدوا الله ولا تشركوا به شيئا وبالوالدين احسانا وبذي القربى بالقربى يعني الاقارب المقصود بهم الاقارب بالنسب الاخ الاخت العم العمة اولاد العمة اولاد العمة والخال والخالة وولادهم

71
00:23:15.650 --> 00:23:39.000
كل الاقارب حتى ان الرازي رجع قال لك وده يشمل الوالدين ايضا والاولاد والاحفاد  ربنا وصى بالاحسان اليهم لانه قال وبالوالدين احسانا وبذي القربى يعني وبذي القربى احسانا ايضا  ويكون الاحسان ايضا للجيران

72
00:23:39.600 --> 00:23:58.500
لكن قبل الجيران ربنا اتذكر فئتين ضعيفتين وقال ايه؟ واليتامى والمساكين. قبل ما يوصي على الجيران اليتيم دايما يقدم على المسكين كمان. عمرك ما هتلاقي المسكين واليتيم هتلاقي الوصية دايما باليتيم قبل المسكين

73
00:23:59.550 --> 00:24:21.900
ليه؟ قال لك لان اليتيم عنده ضعفين. الضعف الاول صغر السن والضعف التاني عدم وجود الايه؟ ما ينفق فممكن يكون المسكين ما عندوش ما ينفقه. وبالزات ان هو لو فلوسه كمان حتى لو عنده مال بيؤخذ منه والوصي بايه؟ بيثمره له او بيستثمره له او بيدي له على قد

74
00:24:21.900 --> 00:24:40.450
ما يحتاج. لكن اليتيم عنده ضعفين بينما المسكين وهو الفقير كلمة مسكين يعني فقير اسكنه الفقر يعني ما عهوش فلوس حتى يركب مواصلات يروح يشتغل معهوش فلوس ولا قليلة يبدأ بهم شغلانة صغير ما عهوش

75
00:24:40.800 --> 00:24:56.700
بينما الفقير ممكن يكون واحد بيشتغل بيدخل دخل لكن دخله لا يكفيه فاتح بيتين فاتح بيت امه واخواته وبيت زوجته وولاده وعنده ممكن بيت تاني في زوجة يعني لكن دخله

76
00:24:56.700 --> 00:25:13.750
لا يكفي ده اسمه فقير اه ربنا دايما يقدم اليتيم على المسكين. قلنا بسبب صغر سنه ولانه لا يستطيع انه يعرض مشكلته على الناس الا بازن حد اكبر منه يعني

77
00:25:13.850 --> 00:25:38.300
بينما المسكين ممكن يسأل الناس فعادة السائل ان لم يكن بيسأل معلومات يعني طالب علم يبقى معناه مسكين. بيسأل مال فربنا قال في سورة الضحى  تأمل اليتيم فلا تقهر. واما السائل فلا تنهر

78
00:25:39.000 --> 00:25:55.900
خلاص؟ برضو هتجد في سورة الماعون برضو بيقدم اليتيم على المسكين اه فذلك الذي يدع اليتيم ولا يحض على طعام المسكين خد بالك من الترتيب ده حتى الترتيب ده له معنى

79
00:25:57.200 --> 00:26:26.300
طيب. نفس الكلام هنجد في الاية بتاعتنا واليتامى والمساكين هات بقى كمان. والجاري ذي القربى. والجار الجنب والصاحب بالجنب هذه النوعية مهم جدا الاحسان اليها. اللي هي الجيران قال النبي صلى الله عليه وسلم ما زال جبريل. ده حديس متفق عليه. ما زال جبريل يوصيني بالجار حتى ظن

80
00:26:26.300 --> 00:26:44.950
اعلنت انه سيورثه يعني جبريل قاعد يعني يوصيني بالجار باستمرار لغاية ما تخيلت ان الجار هيخش يورس بقى مع الورسة ايه الاهتمام الشديد بالجار ده وقال ايضا والله لا يؤمن

81
00:26:45.000 --> 00:27:08.350
والله لا يؤمن والله لا يؤمن. قيل من يا رسول الله؟ قال من لا يأمن جاره بوائقه  يعني اللي جاره مش امن من الشرور بتاعته يعني مش مؤمن لا يمكن يكون انسان مكتمل الايمان

82
00:27:08.650 --> 00:27:21.400
الانسان اللي جاره قاعد خايف منه وخايف من شروره وخايف هيعمل فيه ايه وخايف هيبلغ فيه مين وهي خايف انه هيكتب فيه جواب يقول عليه ايه ويتبلى عليه ايه ويحاول يسيء له

83
00:27:21.450 --> 00:27:31.450
الانسان ده اللي هو جيرانه خايفة منه ربنا قال عليه الصلاة والسلام قال والله لا يؤمن والله لا يؤمن والله لا يؤمن طب فرضنا واحد بيصلي وبيقول لا اله الا الله محمد رسول الله ازا

84
00:27:31.450 --> 00:27:49.050
هنلاقي يكتمل ايمانه خلاص؟ طيب ازا على الانسان انه يحذر جدا من انه يسيء لجاره اي اساءة. ازا حسيت ان انت اسأت لجارك باي طريقة لازم تروح وتستسمحه. اوعى له حق كبير جدا عليك

85
00:27:49.700 --> 00:28:09.350
وقالوا ان من الاساءة اسمع بقى جهز نفسك رائحة الطبيخ رائحة الشواء كفارة هذه السيئة. لو جارك شم ريحة الطبيخ بتاعك هذه سيئة كفارتها ان يهدى اليه من الطعام اللي شم ريحته

86
00:28:11.700 --> 00:28:30.100
من السيئات انه يخرج اولادك في ايديهم حلوى بياكلوها معهم شوكولاتة انت جاي بقى راجع من برة جايب لهم توبليرون فالحقيقة بتاكل تبليرون قدام ولاد جارك كفارة هذه السيئة انك تديهم شوكلاتة لولاد جارك

87
00:28:30.150 --> 00:28:42.800
ياكلوها مع بعض يبقى الطبيعي ان الانسان لما بيروح بيشتري فاكهة بيشتري لجاره. بيشتري لحمة يشتري لجاره. يعمل مش يطبخ حاجة يدي حتة لجاره. وجاره كده ده احنا يعني يا جماعة

88
00:28:42.800 --> 00:28:55.400
انا اتزكر زمان كان طول النهار فيه اطباق طالعة نازلة في الادوار في العمارة بتاعتنا بيدوا فلانة عملت كيكة تقوم قاطعة حتة لدي فلانة عملت مش عارف آآ صينية ايه؟ طب عاملة طبق صغير لدي

89
00:28:57.750 --> 00:29:18.200
انا فاكر بيت جدتي بقى كانوا يقفلوا التليفزيون اربعين يوم لان فيه واحد في العمارة مات الجيران بتعمل حداد على جارهم  وحق الجار بيزداد كل ما ازداد قربه منك عن عائشة رضي الله عنها

90
00:29:19.250 --> 00:29:38.400
اه قلت يا رسول الله ان لي جارين فالى ايهما اهدي عندي حاجة هاديها هدية آآ شوية شوربة شوية حتة لحمة اي حاجة اديها دي بس عندي جارين اديهم لمين

91
00:29:38.600 --> 00:30:06.750
قال الى اقربهما منك بابا يبقى الاقرب منهم في المسافة هو ده الاولى بالبر وبالاحسان  والجار ذي القربى والجار الجنب والصاحب بالجنب. الجار ذي القربى يعني ايه الجر ذي القربى يعني جارك وقريبك في نفس الوقت

92
00:30:07.200 --> 00:30:23.750
اخوك وجارك له حق عليك اكتر من اخوك التاني اللي مش جارك وله حق عليك اكتر من جارك اللي مش اخوك. لان ده جار ذي قربى بيحمل هويتين انت مشترك فيهم معه

93
00:30:24.000 --> 00:30:41.400
هوية الجيرة وهوية القرابة والجاري الجنب عكس الجار ذي القربى يعني ايه؟ الجنب من الاجنبي. يعني اجنبي عنك مش من اقاربك ممكن مش من قبيلتك ممكن مش من بلدك كلها جار اجنبي

94
00:30:42.000 --> 00:30:57.800
جه واستوطن البلد اللي احنا عايشين فيه يافا ده اسمه ايه؟ والجاري آآ اسمه ايه؟ والجاري الجنب. وايه كمان؟ والصاحب بالجنب ده جار مؤقت بيبقى جارك لان ربنا قدر انكم تقعدوا جمب بعض في الطيارة

95
00:30:58.550 --> 00:31:16.150
اسم الصاحب بالجنب بيصاحبك عشان قاعد جنبك والصاحب بالجنب او في الاتوبيس او مكتبك جنب مكتبه في العمل فبيبقى بيصاحبك فترة كل يوم كده يعني الخلاصة هي ان الاسلام بيطلب منك تبقى لطيف

96
00:31:16.650 --> 00:31:30.850
ما تبقاش غلس. ما تبقاش بتتعالى على الناس. لاطف الناس احسن الى الناس. قال النبي صلى الله عليه وسلم المؤمن الف مألوف ولا خير في من لا يألف ولا يؤلف

97
00:31:32.250 --> 00:31:50.800
كمل باقي الاية وبني السبيل. وما ملكت ايمانكم ان الله لا يحب من كان مختالا فخورا. ابن السبيل هو المسافر في طريقه وبيدخل البلد استريح او ياكل ويشرب او يشتري مؤن للطريق يجيب اكل ويشتري ويملى مية وبتاع

98
00:31:51.750 --> 00:32:13.000
دول يجب انك تحسن لهم وما ملكت ايمانكم لانهم ضعفاء مملوكين ان كان عبيد او اماء يعني هي لازم تحرروهم تساعدوهم يتحرروا بعض الناس فاكرين ان ممكن السيد لا يكاتب العبد. لو العبد طلب المكاتبة واتكلمنا عن المكاتبة في سورة النور

99
00:32:13.650 --> 00:32:32.950
ده اختراع اسلامي من اروع ما يمكن حاجة في منتهى العبقرية ربنا قال في سورة النور والذين يبتغون الكتاب مما ملكت ايمانكم فكاتبوهم ان علمتم فيهم خيرا واتوهم من مال الله الذي اتاكم

100
00:32:34.000 --> 00:32:49.800
لو العبد او الامة طلب كتاب من سيده يلتزم فيه بطمنه يقول له انت تمنك كزا. خلاص العبد او الامة. يبقى معهم ورقة بتقول ان هم تمنهم كزا. الراجل ما يقدرش يرجع في كلامه بعدين. خلاص انت

101
00:32:49.800 --> 00:33:01.050
قلت لي انا تمني مسلا تلات تلاف دولار. اربع تلاف دولار. خمس تلاف دولار. خلاص. معي ورقة بتسبت ان انا ايه ده اسمه كده لو قدر العبد او الامة يجمعه

102
00:33:01.650 --> 00:33:21.200
حق الثمن ده يشتري حريته بعض الناس افتكرت انه لما عشان ربنا قال فكاتبهم ان علمتم فيهم خيرا يعني الموضوع اوبشن كده يا اوبشنال يعني انت ممكن تكاتبه ازا حبيت لأ

103
00:33:21.550 --> 00:33:46.800
لما سيرين العبد بتاع عبدالله بن عمر بن الخطاب رضي الله عنهما طلب انه يكاتب سيدنا عبدالله بن عمر الاربعة سيدنا عبدالله بن عمر رفض يكاتبه لانه بيحبه جدا مش قادر يستغنى عنه مش عاوزه يتركه بيعامله زي اخوه. لكن عايزه يفضل العبد

104
00:33:46.800 --> 00:34:00.050
بتاعه عشان ما يفارقوش من كتر ما بيحبه. فسيدنا عمر عنفه تعنيف شديد. قال له لا هذا امر من الله الله! فكاتبوهم ده فعل امر ان علمتم فيهم خيرا انت عارف عنه خير

105
00:34:00.100 --> 00:34:15.400
طالما ان هم مؤمنين واخلاقهم كويسة وعارف ان ده لو تحرر مش هيسرق مش هيغتصب حد. واحدة لو تحررت مش هتمشي على حل شعرها. الله! انت عارف ناس عندهم اخلاق ومؤمنين خلاص يبقى لازم تكاتبوهم

106
00:34:16.500 --> 00:34:33.650
تمام؟ طيب بحيس لان هو العبد لما يكاتب يبقى عنده ضوء في اخر النفق بيدي له امل بحريته  الاحسان اليهم الى المماليك دول او العبيد دول بيكون باطعامهم من نفس طعام اهل البيت

107
00:34:33.950 --> 00:34:48.600
وكسوة من نفس كسوة اهل البيت وقلنا اللي عايز يبقى عنده عبد هيأكلونا في سلك هيلبسه نفس اللبس وعدم تكليفهم بالاعمال الشاقة وبمساعدتهم وقلنا كل هزا لما اتكلمنا في المسألة دي

108
00:34:48.950 --> 00:35:12.400
خلاص هو من السبيل وما ملكت ايمانكم ان الله لا يحب من كان مختالا فخورا. المختال والمتكبر اللي بيدخلوا العشب في قلبه عشب فرحان بنفسه قوي ماشي كده بيختال. ها والفخور هو اللي طول النهار يفخر

109
00:35:12.700 --> 00:35:27.800
بزكاؤه وبغناه وبعلمه ودي تفخر بجمالها وبشياكتها وتتكلم عن المواقف اللي بتحصل لها اللي الناس بتوقفها في الشارع تتصور من كتر شياكتها. اللي هو بقى ايه اللي هو الناس المنفوخة اوي دي

110
00:35:28.500 --> 00:35:51.150
او اللي بيفخر باجداده وهكزا او حتى بالاعمال الصالحة ويقعد يتكلم عن اعماله الصالحة طول النهار وعن تبرعاته طول النهار كل ده ممنوع كل ده بيرجعنا لعدم الاشراك بالله لان الاغتيال والفخر دول ممكن يحبطوا عمل الانسان

111
00:35:51.350 --> 00:36:09.300
واحد مسلا واقف يصلي فلما شعر ان في شخص دخل المكان وباصص عليه الخشوع زاد قوي مطول في القراءة واطال الركوع واطال السجود. الصلاة اصبحت مش لله. هذا ممكن يحبط العمل

112
00:36:09.400 --> 00:36:31.850
ان العمل ما بقاش لله خلاص؟ واعبدوا الله ولا تشركوا به شيئا. وبالوالدين احسانا وبذي القربى واليتامى والمساكين والجار ذي والجار الجنوبي والصاحب بالجنب وابن السبيل وما ملكت ايمانكم ان الله لا يحب من كان مختالا فخورا

113
00:36:33.050 --> 00:36:55.100
خلي بالك واعبدوا الله ولا تشركوا بي شيئا اللي في الاول دي. مرتبطة بايه؟ ان الله لا يحب من كان مختالا فخورا طب وايه العلاقة بينهم العلاقة بينهم الاحسان للايتام والمساجين والاقارب والجيران وابن السبيل والعبيد. ده معناه ان الاحسان لهؤلاء

114
00:36:55.150 --> 00:37:18.700
وعدم هو عدم التكبر عليهم كمان التواضع لهم وعدم لا تتكبر وتتواضع حتى للعبد والامة تتواضع له اسف على الاطالة وان شاء الله بكرة احنا هنتأخر نص ساعة بس في البداية بتاعتي يعني بكرة بس فقط بكرة هنأخر البداية بتاعتنا نصف ساعة

115
00:37:18.700 --> 00:37:40.900
ان شاء الله اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب. وما ما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد

116
00:37:40.900 --> 00:38:00.900
منظمة. اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيك ورسلك وعبادك الصالحين. اللهم احي قلوبنا بحبك. واجعلنا لك كما تحب. اللهم اجعلنا نحبك بكل قلوبنا

117
00:38:00.900 --> 00:38:25.300
بكل اجسادنا. اللهم اجعل حبنا كله لك. وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا

118
00:38:25.350 --> 00:38:49.000
اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل حق حرف في كتابك تلوناه او تدبرناه اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم ونجعلك اللهم في نحورهم فانت الوكيل

119
00:38:49.000 --> 00:39:06.800
ولا حول ولا قوة الا بك اللهم بحق كل حرف في كتابك تلوناه او تدبرناه بنصرك المرابطين في الارض المباركة فلسطين. اللهم سدد رميهم وخيب رمي عدوهم. وتقبل شهداءهم وكن مع اخواننا في تركستان

120
00:39:06.800 --> 00:39:21.900
الشرقية وفي الشام وفي كشميرا وفي سريلانكا وفي الهند. وانصر يا رب من نصرهم واخف يا رب من خذلهم وطهر المسجد الاقصى من الدنس انهم لا يعجزونك. واكتب لنا يا ربنا ختم القرآن فيه

121
00:39:22.100 --> 00:39:42.100
اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك فوثق اللهم رابطتها وادم ودها واهدها سبلها واملأها بنورك الذي لا يخبو واشرح صدورها بفيض الايمان

122
00:39:42.100 --> 00:40:00.932
وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير اللي هو سلم على محمد وعلى اله وصحبه ومن تبع هداه. والسلام عليكم ورحمة الله. نراكم غدا بازن الله في نفس هذا الموعد ان كنا من اهل الدنيا