اياتك جمعت اثارك وشواهد عظمى وبهيروني في النفس كذلك والافق في الشرع كذلك توازنني فاجعلني دوما اتفكر. يزداد يقين يغمرني في قولك ايضا اتدبر يشهد كل تشهد عيني ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا ومن سيئات اعمالنا انه من يهده الله تعالى فلا مضل له من يضلل فلا هادي له. واشهد ان لا اله الا الله وحده لا شريك له. واشهد ان محمدا عبده ورسوله. ثم اما بعد اه يعني انا بس كنت بقول الجزء اللي فات ان بقول ان احنا في اه بعض المشاريع انتم ما خدتوش عليها امثلة كتير بس المفروض ان انتم تبقوا بدأتوا رحلتكم يعني مع الحاجات دي. يعني هي تبقى الرحلة بدأت مش انتهي. آآ مسلا زي ما كنت قلت مسلا في الاسماء الحسنى لو انت خدتي اسم واحد كل اسبوع كل شهر. وبدأت كده تدرسيه بالشكل ده. يعني في ميت شهر في عمرك هتكوني خلصتي الاسماء الحسنى. ميت شهر انت بتهرج ما هو انت عدى ميت شهر زيهم من عمرك وما عملتيش اي حاجة. يعني عادي. لو خدتي لك كل شهر قصة بعد ميت مسلا شهر تكوني خلصتي ميت قصة ميت شهر ما هو عدى ميت شهر من نهارك وما عملتش اي حاجة اصلا ما هو برضو حتى في استقلال الاية واحد يقول لي اية ما هي اية دي يعني انت في عشر سنين هتختمي القرآن كله تبقى عديتي على القرآن كله وانت برضو لك عشر سنين ما عملتيش كده. رغم ان علي ممكن قبل ما تيجي عندنا كانت عندك الرؤية بان انا عايز افهم القرآن واعمل به والحوارات دي بس ما حصلش فيعني يعني يعني احب العمل الى الله ادومه وان قل. الانسان يدوم على حاجة يعني ربنا عائشة وهي بتوصف عمل النبي صلى الله عليه وسلم قالت كان عمل رسول الله صلى الله عليه وسلم دينا اي دائما. فالانسان زيي يدوم يدوم على الحالة دي يدوم على لذلك النبي بيقول للصحابة لو انكم تدومون على الحالة التي كنا فيها عندي لصافحتكم الملائكة. لان دي حالة يعني عالية اوي. صعب تدوموا عليه انتم دوموا على ايه؟ اكلفوا من العمل ما ما تطيقون. اكلفوا من العمل ايه؟ ما تطيقون. يعني ايه؟ يعني كلفوا نفسكم والاعمال بالايه؟ باللي تطيقوه بس ما تقطعوش ابدا. ما تقطعش ابدا وردك ده. فعادي مش مشكلة اني اكون ماشي ببطء. بس ازا اكون كل يوم بتقدم كل فترة بتقدم كويس. انما للاسف لما بتحطوا حاجات معينة بشكل معين ما بتايه ومشكلتكو لما بتحطو مسلا حاجة بتخلوها عرضة للايه للعوارض اي عارض ييجي يقطعها اشتغلت شوية كت بجهز البت البت كانت هتتجوز بتاع وانت عارف وبتاع وام العروسة مش عارف هي مشغولة وهي فاضية والحوارات اللي بتتقال دي. ماشي؟ معلش اصل مش عارف بنتي مش عارف كانت بتولد ومش عارف ايه. اصل مش دخلت علي امتحانات انا كنت مسلا عندي ورد كنت من المغرب يا باشا ده مخلي لي القرآن ما بخلش به حتى لو عندي امتحان الصبح ما لوش دعوة باي حاجة في الدنيا. ييجي اللي ييجي ده ما ايه؟ ما فيش اخلال به. خالص. فانت اعملي ورد ما فيش اخلال به خالص ايا كان مين ايه ولا جاي ايه ولا ايه القصة خالص. جالك ضيوف اهلا وسهلا يا مرحب معلش يا ام فلانة بس كده خليكي معايا كده عشر دقايق عادي وامسكي وردك قدامها ايوة قدامها عادي شخصية النبي قال كده ما فيهاش مشكلة. ما تقطعيش وردك. يعني ما احنا كنا مسلا كتير جدا بنشتكي كان قعدنا نشتكي فترة من ان يبقى مسلا احنا بادئين انا واخ بنقعد يعني نتدارس في حاجة كده فهو ظروفه ما كتش بتسمح فكنت بنقعد انهار في الصيدلية بتاعتهم. فبنقعد الصيدلية ما كنش بيجي لها زباين وكانت الدنيا بالليل والدنيا هادية فعادي كاننا قاعدين في مكان بس طبعا مشكلته انه مكان مفتوح. فاخ كده سهران مع الاخوة وبتاع وماصص قصب وعايش حياته وكده. وجاي كده مع حد لقى الصيدلية مفتوحة. الله الدكتور شريف والدكتور فلان طب تخش ايه؟ اساهر معهم شوية. يخش يسهر ايه؟ فاحنا كنا الاول بقى نقول ايه؟ يعني الرياء وكده ونيجي مخبين الكتاب ونيجي ايه ساكتين او بتاع شوية نستحي ان احنا الراجل قاعد وهو شوية خمس دقايق وهيمشي والخمس دقايق تجيب ايه خمس دقايق والعشر دقايق تجيب عشر دقايق وتجيب ساعة وتجيب ساعتين المهم ايه فكلمنا يعني استشرنا واحد من المشايخ فقال بص انت ما توقفش. اخيه ما توقفش. ففعلا باينة كده ازيك سلم عليه بنوقف. وعامل ايه واخبارك ايه وبتاع ونيجي نقول ايه طب احنا بنقرأ في كزا. كمل معي طب لأ السلام عليكم بس عندي مصلحة. يجي ماشي يصرف الله عنكم البطالين. البطال ده اللي هو ما عندوش حاجة يعني معلش البطال ده ممكن يكون حد يعني بنحبه كويس بس هو بطال هو بيضيع وقته هو ما يعني انا من الحاجات اللي عجبتني ان انا كنت مكان في القاهرة من مقرات في القاهرة اما عملت مقابلة مع معلمات الدبلومة فواحدة من المعلمات بقول لها يعني ايه الحاجات اللي انت خرجت بها من الدبلومة؟ فقالت لي بصراحة بصراحة ان انا بقيت بحترم الوقت. انا ما كنتش الاول بايه؟ كنت عادي يعني كده اي حد ينهى بوقتي عادي. بقيت بحس ان الوقت له قيمة بقيت بخاف على ان انا الساعتين دول وانا مرتبة فيهم حاجة وممكن اهرب من حاجة كده ايه ما لهاش اي لازمة قعدة فاضية كده ما لهاش لازمة بقيت بحس ان يعني بقى عندي مفهوم الوقت ويا جماعة الوقت هو الحياة. والله انتم متخيلين ان اللي بيعدي ده ها هو يعني اه دقايق وساعات ده بيعدي ابعادكم يعني ايه ابعادكم يعني اجزاء منكم بتعدي. آآ حتى الحسن البصري كان يقول ابن ادم انما انت ايام فاذا ذهب يومك ذهب بعضك. ويوشك اذا ذهب البعض ان يذهب الكل ان انا اللي بيروح ده حتة مني راحت. ما هو احنا ايه الا زمن؟ صح؟ يعني احنا ايه الا زمن؟ احنا ايه؟ هو العمر اللي احنا هاد شنو دا ايه الا زمن؟ ما احنا عبارة عن زمن ممكن نترجم في الاخير لعبارة عن دقايق وثواني اصبر. احنا وحدات زمنية. يعني احنا كبشر وجودنا في الحياة وحدات زمنية فلما بيروح يوم راح ايه؟ جزء مني. اللي هو المكون الزمني ده. ازاي ان انا اشوف نفسي وحدات زمنية لو نجحتم تشوفوا نفسكم وحدات زمنية هتستثمروا حياتكم جدا جدا جدا. انما لو يعني انا مسلا عن نفسي كنت بقول طب هيك يعني تقييم للزمن ان دي وحدة زمنية ان احنا نشوف نفسنا وحدات زمنية؟ طب ما دي وحدة زمنية انا عايز ان احنا نشوف الوحدات الزمنية دي خزانات. يعني الحسن البصري من الناس الحقيقة اللي كانت مهتمة جدا بمفهوم الوقت ده. لدرجة انه يستحق ان حد يدرس كده مفهوم الوقت عند الحسن البصري. يعني كان له تعبير جميل جدا. كان يعني يعبر عن كل يوم بانه خزانة بتمر علي. عارفين انتم الناس انتم واقفين في المصنع دول بيبقى بيعدي عليهم كده منتجات ويحط هو اللي بيحط البتاعة دي. زي كده ان احنا واقفين كده واليوم ده عدى علينا واحنا هنحط فيه. في اللي بيحط محرمات وفيه اللي بيحط مباحات ييجي مسلا لما يفرز يلاقيها ايه؟ مش له اصلا. يعني يعني لا يحط مباحات في الخزانة. عارفة ازاي انت ايه؟ قعدت تملي حاجات تملي حاجات. وبعدين كده بقى تفرزيهم وماشية في حاجات لقيتيها ايه؟ انت اصلا المفروض ان انت بتلمي مسلا تفاحة. لقيتي بقى مش عارف ورق ولقيتي مش عارف ايه. يعني هو مش مضر بس في ايه؟ ما لوش لازمة. هو خد مساحة وخلاص. خد مساحة من وقتك ساعتها ومن جهدك ساعتها ومن فكرك ساعتها. وخد مساحة من الخزانة دلوقت فتيجي هي خزانة لو فهمت مفهوم الخزانة انت بتحطي فيها فهتيجي تقولي طب انا لما احط دي هلاقيها ليها لازمة ساعتها ما لهاش لازمة. انا انا برم تفاح لو حطيت عزرا من حتى موبايلات هتفرق معي؟ ما لهاش لازمة برضه. لان انا انا بلم حاجة محددة فيمكن حتى لما لما حاولنا نتكلم عن المفهوم ده مع الولاد وكنت بجهز لهم قصة تدبرية للزلزلة قلت فكرة قريبة من كده. عشان ازاي فعلا نشوف في الحياة كده نشوف الحياة ان احنا معنا سلال وبنجمع فيها. ان احنا بتعدي علينا كل يوم خزانة خزانة احنا بنعمل ايه؟ بنحط في اللي بيسيب الخزانة تمشي فاضية. لا حط فيه حاجة ولا ما حطش فيها حاجة. وتخيلوا بقى الواحد يجي يوم القيامة يفتح الخزانات دي ايه ونشوف اللي فيها بقى ايه اللي يلاقي فيها تفاح معفن واللي يلاقي فيها حاجة ما لهاش لازمة واللي يلاقي فيها يفتح بقى ويجمع ما ازاي تشوفه كده تشوفه ان كل يوم ده خزانة انت املئ في اليوم ده وحطي. وفي الاخر الخزانة بتتقفل وبتتشمع. حد يعرف يفتحها تاني؟ خلاص دي سنة الانتخابات اللي بتتشمع دي كده. الصندوق اتشمع ما حدش يعرف يفتحه تاني. لأ بيفتحوه تاني. ما حدش يعرف يفتح الصندوق خلاص. ما تعرفيش تفتحي الصندوق اللي عند ده عدى خلاص. فازاي مفهوم ان انا اشوف نفسي انا وحدات زمنية؟ كل ما عدت وحدة زمنية كل ما نقص بعضي بالمعاني اللي احنا ممكن ندخل منها على قلوب الاطفال فنربطهم بربنا سبحانه وبحمده اياتك جمعت اثارك وشواهد عظمى وبهيروني في النفس كذلك والافق في الشرع كذلك سناني فاجعلني دوما اتفكر. يزداد يقين هي الحقيقة كده ان احنا مجموعة وحدات زمنية. كلنا كل واحد بقى والوحدات اللي ربنا ادها له. واحد ربنا اداله وحدات مسلا اقل واحد المهم كل واحد ربنا يدي له وحداته ما بقاش زلمه. ماشي؟ بس هاخد وحدات تناسبه. في واحدة يملاها وواحد مش هيملاها. واحد هيغتنام وواحد مش هيغتنام طيب فلذلك انا بقول ان انت المفروض ابدأي رحلتك في الحياة. يعني رحلتك مع الحاجات دي كلها. المشاريع اللي انت خدتيها المفروض المفروض ان انت تبقي لو بدأت رحلتك مع كل حاجة من الحاجات اللي خدتيها وعملتي لنفسك جدول كده وانت ماشية عليه. ولزلك انا كنت دايما اقول الدبلومة دي مش النهاية الدبلومة هي البداية انت بتبدأي رحلتك في الحياة مع الوحي ازاي ان انت فعلا تحياي بالوحي ماشي طيب ولزلك انا قلت الكلام ده بين يدي ايه؟ بين يدي القصص المفروض انت تكوني خدتي القصص لو كل يوم حطيتي كده على نفسك خدت على نفسك عهد او كل شهر خدتي على نفسك عهد ان انت هتدرسي قصة بس احنا اديناك المفاتيح اللي تنتفعي يعني من خلالها بالقصة. اديناك اللي تخليكي تنتفعي بالقصة. وخلناكي عملتي مشروع تخرج مخصوص عشان كده. فلو انت خدتي يعني كل شهر قصة هتخلصي قصة القرآن وهتشوفي قد ايه ده منعكس عليك. فلذلك يا جماعة آآ لازم الانسان يكون بيخطط مش بس للنهاردة وبكرة وبعده بعده يعني بيخطط للحياة زي ما قلت كده بالزبط بالزبط زي مسلا انت عارفة ان انت رايحة المكان الفلاني وقدامك عشر ساعات والعشر ساعات دول انت عايزة تشتري مش عارف شنطة وعايزة تشتري جزمة وعايزة تشتري مش عارف ايه لجوزك عشان مش عارف ما يتخانقش معك على الشنطة والجزمة اللي انت جبتيهم بسعر غالي وعايز تشتري مش عارف ايه لعيالك عشان ما يقولكيش يا ماما يعني المهم ان انت ايه عندك عشر عشر ساعات وبتخططي لها كويس. بتخططي للساعة دي. والاربع خمس الساعات دول وتخططي للعشر ساعات. فانت عندك وحدات زمنية محددة لها حد اقصى انت مش عارفة نهايته امتى اصلا للاسف الشديد دي مش عارفة نهايته امتى. فلازم تخططي كويس لان ده هيفيدك قوي في ايه؟ في منة عظيمة وحاجة صراحة انا شايف انها من اعظم اكرام الله لنا. يعني سبحان الله مع ان احنا اللي بنشوف ان في حاجات كده نقول ايه؟ طب وانا مش عارف اموت امتى بس تلاقي ربنا اداكي نعمة هايلة جدا. ليه؟ اه نعمة ان انت اذا مرض العبد او سافر كتب الله له ومن الاجر كما كان صحيحا مقيما. ان كل حاجة شرعت فيها هتكتب لك مت ما كملتهاش مكتوباه. لغاية ما كنت واضح؟ انما مش ايه؟ انما اللي ما شرعش ما يكتبلوش اصلا. انه طالما ما شرعش هي امنية مش نية فانت متخيلة ان هيتكتب لك لغاية يعني اخر ما انت كنت عايزة. يعني مخططة انك هتدومي للكلام ده مسلا لغاية ما يبقى عمرك تمانين سنة معك التمانين سنة مكتوبة واضح؟ فلذلك ربنا بيقول لك خططي على ان انت عايشة مية سنة. وحطي خطتك الكلام ده مت النهاردة مكتوب لك كل الكلام ده. فدي حاجة عظيمة جدا. احنا لو لو بنفهم نستسمرها استسمار كبير قوي ولزلك انا شخصيا بحب اعمل ايه؟ احب افتح في كل حاجة. يعني افتح مسلا حاجة في دي. واقول ان شاء الله مسلا في خلال سنة اجيب التاني منها السنة التانية اجيب التالت منها اجيب الرابع منها. بس ابدأ واحدة النهاردة. عشان ابقى شغال مكتوبة لي خلاص. مت مكتوبالي لغاية ما كنت انوي. فانت مسلا بدأت الشهر ده قلت خلاص انا اخد كل شهر قصة واسم من الاسماء الحسنى واخد مسألة ايمانية وحاجة من الحاجات اللي خدتها. فجيتي انت خلاص الشهر ده شرعت في الكلام ده. الحمد لله شرعت فيه الشهر اللي بعده واضح؟ الشهر اللي بعده. جيتي بقى انت مت يبقى مكتوب لك كل المسائل الايمانية اللي انت كنت ناوية تروحي لها. وكل القص اللي كنت ناوية تروحي لها وهكزا ولزلك اصلا احنا مأمورين في الخير بالمبادرة. المبادرة خلاص المسارعة المسابقة التسابق عليه وكأن في سباق عليه ليه؟ علشان انت اشرعي بس خدي خطوة تمام؟ ومتي كتب لك مرضتي كتب لك. جا لك عزر قهر كتب لك واضح؟ فيبقى ربنا فتح لنا الباب ده وما نستثمروش تبقى خسارة والله. ولزلك انا بشوف ان ده خالص ما هيجيبش معه ما بنكتبهم له ما بيكتبش الراجل دهان ابدا. الدهان ده بقى يقعد يغسل مكانه وبعدين يحط الايه الدهان بعد ما يحط الدهان يفضل عامل ايديه كده لغاية مسلا ايه ساعتين تلاتة نعم ده لو انا لو ده لو هموته ما يعملش كده. في ايه او مش انا بشوف انتم في رأيكم التاجر اللي بيكسب التاجر اللي معه فلوس كتير ولا التاجر الزكي؟ الزكي. الزكي. مش اللي معه فلوس كتير. انا عادي ممكن واحد ومعه فلوس كتير ويروح يحطهم كلهم في صفقة خسرانة يفلس بعد شوية. ولزلك مسلا مسلا كان واحد صاحبي يقول لي ايه انا حابب اتاجر. اقول له انت فاشل في التجارة مش مش هتنفع في التجارة. انا معي فلوس والدنيا حلوة هتفشل في التجارة. انت التجارة دي مش محتاجة ان انت يكون عندك يعني امكانيات. هي محتاجة زكاء انت مش بتاع تجارة ريح دماغك. فهي مش فكرة ان اللي يتاجر ده ايه؟ اللي هو معه امكانيات اللي يتاجر مين زكي ولزلك هي دي الفكرة. انت ممكن يكون اصلا امكانياتك محدودة. امكانياتك المادية محدودة. امكانياتك حتى العقلية من ناحية القدرات والكلام ده محدودة امكانياتك الفكرية محدودة جدا. آآ ظروفك وانشغالك محدود يا مخلي الامكانيات محدودة جدا. تمام فانت ده محدود بس زكية. احسنت استثمار الموجود. عوضت به المفقود حققت به المنشود اما هي احسنت استثماره بشكل كويس. فهي دي الفكرة كلها انك تحسني الاستثمار. ان انت عرفت حاجة ايه؟ ودي فكرة اصلا ان احنا ليه بنعمل بعلمنا؟ ان انا كل اللي اعلمه ليه الصحابة كان اللي يعلمه يعمل به عشان خلاص هو سار من اهله وده كلام عامر عمرو ابن قيس اصلا. يقول اذا اتاك الخبر فاعمل به ولو مرة تكن من اهله. عشان خلاص هو ناوي انه ما يوقفش وبقى من اهل ممكن اصلا بعد وقت تلاقي نفسك نسيت العمل ده خالص نسيتيه. يعني انت ما تركتيهوش اهمالا. ان تركتيه ايه ومكتوب لك. بس انت كنت ناوية تعمليه بس جت حاجة تانية شغلتك عنه ذهلت بها عنه هو ايه؟ مكتوب لك والدنيا ماشية في المسار فهي دي هي هي دي الفكرة الاستثمار لو لو الانسان نجح في الاستثمار هينجح ان هو يصحح المسار يجود المسار يحسن المسار بس هو ينجح في الاستثمار ان هو ازاي يستثمر فعلا المتاح الموجود ده مهما كان محدود هيقدر يعوض به المفقود ويحقق به المنشود خلاص؟ طيب فانا بس قبل ما اتكلم عن القصة المفروض تكونوا بدأتوا رحلتكم مع القصص. حتى عزرا يعني لما تكوني بقى سمعتي الكلام اللي سمعتيه عن القصص ده والقصص مهمة وفيها الكفاية وفيها الغناية ومش عارف ايه والتحديات اللي بتواجهنا والكارتون والعيال والكلام من ده كله. وبعد كل ده هو احنا كنا بنكلم ايه؟ حجارة ما تاخديش اي خطوة؟ ما تبدأيش حتى حتى تتعرفي على القصص تبصي لها حتى بنزرة جديدة يعني بتقعدي تسهري مسلا بتقعدي تسهري مع جوزك قد كده بتقعدي تسهري مع عيالك قد كده. بصوا انا لا اقتنع ابدا بفكرة ما فيش وقت. ابدا. لسببين. السبب الاول ان الاوقات الضائعة عندنا جدا جدا جدا. السبب التاني ان حتى ان ضاقت الاوقات تبقى البركة في عنصر تاني خالص اسمه البركة. ان نفس مساحة الوقت تعملي فيها حاجات كتيرة جدا لا تخيل كنت تعمليها فين؟ فانا لا اقتنع بكلمة ما فيش وقت. خالص. لان بقى مسلا اللي ما فيش وقت تقعدي معها تلاقيها بتنامي كم ساعة؟ تصدمت بعدد ساعات النوم بتاعها. طيب بلاش بتنامي كم ساعة؟ بتقعدي على الواتساب ومش عارف ايه والكلام ده كم ساعة؟ طيب بتقعدي مش عارف تعملي؟ هتلاقي مسلا واحدة كانت ممكن ايه عبال ما بتلبس وتقعد تلف مش عارف الطرحة وتعمل مش عارف ايه وتحط الدبوس هنا وتقلب الدبوس كده وتجيبه من كده كانت بتقعد يجي نص الساعة مسلا بتلبس طب ما هو ممكن تعمل الكلام ده كله في خمس دقايق او في عشر دقايق. هو هو برضو. بس لا لازم تتلف كده اطمن انها تلف تلف فيها تاني كده وبعدين تعمل كده. كانت مش عارف بتقعد تعمل مش عارف ايه يعني وقت كتير بيبقوا خصوصا عند النساء يعني هو الراجل اصلا لو لقى نفسه كده قاعد مش يعني يعني بس الراجل مش هو اللي هيعمل ماسك ويقعد مستني الماسك لبكرة الصبح ما فيش الكلام ده. ولزلك احنا لما كان يجوا لنا الرجالة العيادات اكتب له علاج اللي هو ايه؟ النهاردة وبكرة بالكتير. ده ما يمشيش على العلاج اربع خمس تيام وكلام زائد في الايه؟ في الحاجات دي كماليات بزيادة قوي. يعني ما فيش داعي لكده يعني ايه لازمته في الاخر؟ وقت بيروح وخلاص وجهد روح وفي النهاية ليه؟ لان احنا مع الوقت بقينا بنقلد حياة الفارغين البطالين. هتلاقي نفسك اللايف ستايل بتاعك يعني ايه الفرق بين اللايف ستايل بتاعنا واللايف ستايل بتاع الغرب؟ اللايف ستايل اللي هو نزام الحياة يعني. واللايف ستايل بتاع الغرب. الغرب اللايف ستايل بتاعهم عملي جدا جدا هم عمليين جدا. ممكن تلاقي مسلا واحد منهم اختار يلبس تيشيرتات ليه؟ ما تقعدش بقى تتكوي ومش عارف ايه والكلام ده. ما يلبسش فورمال الا في اوقات معينة وبوسيس في الجامعة يلبس تيشرتات وينزل خلاص؟ ما ممكن تلاقيه مسلا بيلبس كوتش عشان الكوتش مش عارف ايه اريح ومش هيحتاج مش عارف ايه يعني بيختاروا حاجات عملية. اللايف ستايل بتاعهم ماشي نضيف بس عملي. يعني هي الفكرة كده ان انا ابقى اللايف ستايل بتاعي ماشي ما قولش انه مش نضيف تنضيف بس عملي النبي صلى الله عليه وسلم والصحابة كان كان اللايف ستايل بتاعهم لو صح التعبير او نزام حياتهم بسيط. لان البساطة بعدا التعقيد بيوفر وقت جامد جدا. انما بقى اللي هتقعد تلف الطرحة دي وتحط الازرق وبعديه اللون الاخضر وبعديه اللون الاحمر تلات طرح وكل طرح ده ودي لازم اتنين سنتي ودي اتنين سنتي ودي زاهر منها اتنين سنتي وتقعد مش عارف ايه وبعدين تحط ورداية هنا ولا تحط توكة هنا ده قصة دي قصة طويلة جدا. دي بقى اصلا يعني اما يبقى لايف استايل يعني ده شكله اصلا عند وقت بيستنزف بشكل رهيب في كل كل حاجة. ليه بقى؟ لان اللايف ستايل اللي اعتدنا عليه الدين ما لوش فيه مكان. الدين وجوده فيه طقوس. اللي هو بقى في وسط الكلام ده كله تروح تصلي لأ ولو ولو هي طبعا هتصلي الضهر مسلا في الكلية ولا في الشغل وهتفك السبع طبقات دول تمام لأ يبقى تصلي لما اروح او ايه تدور على رأي فقه بيقول لها امسحي على السبع طبقات. خلاص؟ فما فيش مشكلة. فتعدي القصة كده. يعني بتاعنا الدين فيه على هامشه. ماشي؟ مش هو اللي صنع اللايف ستايل بتاعنا. يعني مش الدين هو اللي صنع يعني نزام حياتنا واضح؟ لأ ده هو لنا نزام حياة. فيه الدين على الهامش. ولزلك بقى صار عادي خالق واقع حياة البطالين واقع حياة الفارغين. انما اللي حياته لها معنى هتلاقيها بتعمل كل حاجة غير بقى قلت العامل الاقوى والاهم ان يبارك الله في الوقت. ان تجد في الوقت القصير تنجز حاجات كتيرة جدا. ما كانت تتصور انها تنجزها. ولزلك يا جماعة لما القرآن يخش في الوقت لما القرآن يخش في الحياة يعمل ايه في الوقت؟ يعمل فيه بركة بركة عجيبة يبارك الاوقات ويبارك المجهودات. لان هو كتاب مبارك. ما دخل على شيء الا باركه. هو ايه كتاب مبارك ما دخل على شيء الا ايه؟ الا باركه. يدخل على وقتك يباركه. يدخل على دماغك يباركها. يدخل على جهدك يباركه. يدخل على على ما لك يباركه اي شيء القرآن هيدخل عليه يباركه. انه كتاب مبارك. يمنح البركة لاي شيء يدخل عليه ولزلك اي شيء احتف بالقرآن ربنا وصفه بالبركة. لانه اخذ من بركة القرآن لان ده كلام ربنا. وربنا تبارك سبحانه وبحمده. هو الذي يبارك الاشياء. فلو حطيتي كمان بقى العامل بتاع البركة ده الدنيا خالص خالص خالص تجدي نفسك انت سبحان الله بتنجزي ونفسك مطمئنة ولزلك يعني احيانا الواحد بيتلطف بالاخت اللي لسه مش عارفة بس يعني احب ابقى صريح معها في اوقات تقعد تقول لي وانا اعمل ايه وشوف لي حل وكزا وجوزي مش عارف والشغل ومش عارف ايه ومش قادر اوفق لان احنا للاسف الشديد اعتدنا على امور مش مستعدين نسيبها. انما لما تقعدي عارفين بقى هي المشكلة في ايه؟ في الاساسيات الكلام ده حتى انا بيحصل معايا في الكتب. مسلا لما انا الكتاب عايز اقفله على متين واربعتاشر صفحة. طب هو دلوقتي متين وتمنتاشر يعني انا هحزف قرابة اربع صفحات. كان الاول يكلموني اقول له مش ممكن احزفهم منين؟ بدأت بعد كده اجد كتاب تاني والاقي الكلام ده ممكن يغني عن ده. فالاقي نفسي في النهاية حزفتهم بسهولة. انتم بقى عندكم حاجات غير قابلة للحزف. يعني ليه مسلا ليه تكوني بتنامي عشر ساعات ولا تمن ساعات؟ ايه المشكلة ما بين ست ساعات؟ لا غير قابل للحزف الساعتين دول غير قابلين للحزف. ما تجيش عند نومي انهي كلب؟ احنا ما عندناش في النوم بقى الا النوم. والله يعني ما ما تجيش في مش عارف في الاكل. بص كل الاكل ده وبعدين نتكلم في حاجات غير قابلة للحزف وبعدين نشكي. لأ ما هو يعني لو لو احنا الاساسيات دي قعدتوا تفكروا فيها هتلاقوها ايه؟ ممكن تنجز في اوقات ايه؟ قصيرة جدا جدا عن كده والدنيا تبقى زي الفل. ما فيش اي مشاكل خالص. واللي تعرفي تعمليه مش عارف ايه كزا. تقدري تستثمري وقتك ده برضو كله راجع لمفهوم ان احنا نفهم ان احنا عبارة عن وحدات زمنية. وازاي ان كل وحدة زمنية يحسن استثمارها؟ تستثمرين يعني في اكبر فائدة ممكنة. انا كنت بقول لو كانت القضية ان احنا يوم القيامة هنتحسر بس على الساعة اللي ضاعت في معصية او في خسارة كان يبقى الامر هادئ بجد انما المشكلة ان احنا نتحسر على الساعة اللي ما انجزناش فيها اكبر قدر ممكن يعني الساعة اللي انت مسلا كنت ممكن تنتفعي بها تمانين في المية وانتفعت سبعين والله بتحسري عليه. النبي صلى الله عليه وسلم يقول ما حسر العبد يوم القيامة على شيء حسرته على ساعة مرت لم يذكر الله عز وجل فيها. لم يذكر ما قالش ساعة غفل فيها عن ذكر الله. يعني ما استثمرهاش كفاية. هي دي الفكرة كلها. ان انت الخزائن اللي انت بتمليها مش هتندمي ولا تتحسري اصلا على خزينة جت فاضية. ولا خزينة فيها محرم. انت هتتحسري على خزينة ملأتها بس لزلك المتنبي يعني له رأي انا بيعجبني وانا متفق معه تماما في رأيه ده. ولم ارى في عيوب الناس عيبا كنقص القاضي على الثمانين. اعظم عيوب البشر على الاطلاق هو انهم يكون عندهم قدرة انهم يصلوا الى التمام. ويأبوا الا ان يعيشوا النقصان عيش على حاله. فلزلك لما تيجي تفكري تلاقي الامور عادي تقدري ان شاء الله وانا قلت في عامل قوي جدا جدا جدا جدا للغاء من هنا لغاية القاهرة. الا وهو توفيق الملك سبحانه وبحمده وعونه يعني المؤمن ده لما يستعين بربنا ويتوكل عليه لو عايز يزيح حجاب المكان ويزيحه. ما عندوش حاجة اسمها حاجة توقفه. فانت عايزة تزيحي وقت كزا ما هتلاقيش هتلاقي هتلاقي يعني المؤمن اللي يقدر بعون ربنا يزيح جبل من مكانه ما يعرفش يزيح شوية مشاغل عشان يفضي وقت يعرف يزيح. يعرف يفسح وقت. الله المستعان. طيب اه قصة الهدهد الحقيقة انا اخترت ان القصص اللي انا هحاول اشرحها في في الزيارات الناس آآ حاولت اختار القصص اللي هي مناسب نشرحها للاطفال. طبعا كل القصص مناسبة يعني بس مناسب بها آآ بحيس حتى لو انتم حكيتوها للولاد يبقى عندكم فكرة كويسة عنها. يعني بتبقوا فاهمين الابر بتاعتها وما يتعلق بها بدل ما انتم تبقوا ايه؟ يعني اه متسابين لدماغتكم يعني. فانا بحاول اعمل كده ان انا على قد ما اقدر حتى بقول لو وقفت عند مسلا حتى مجرد الشرح بتاع المعاني والوقوف عند بعض العبر المهمة هتبقى فتحت الباب للناس ان هم يقدروا يكملوا بعد كده ماشي آآ طبعا انتم يعني عارفين او اتكلمت انا في القصة دي في القصص ان الولاد في السن الصغير خصوصا تحت عشر سنين بيبقى يعني بيحبوا القصص المرتبطة بالعالم اللي حواليهم. اللي هم مع القصة بيستكشف عالم جديد. وطبعا بالنسبة للطفل اول عالم بيحتك به غير عالم الانسان هو ايه؟ عالم الحيوان. يعني هو يعني مش عالم الجدران والعالم البنيان لان كده كده الابنية والجدران بالنسبة له معروفة يعني. خلاص؟ فاول عالم يحتك به من العوالم اللي موجودة اما اما عالم انساني اما عالم حيواني يعني بالمفهوم الواسع للحيوان بقى بما فيه من اسماك وطيور كل كل الحيوان واضح؟ كل ما يدب على الارض سوى الانسان يعني. ولزلك في هذا العالم الاخر بالنسبة للطفل بيبقى جدا جزاب. والطفل بيبقى حابب ان هو يشوف حاجة مختلفة عني يعني. وفي السن ده بيبقى مدرك جدا لفكرة ان اه اه الا امم امثاله عادي انها امة زينة بس مختلفين عننا في الاشكال مختلفين عننا في الحاجات اللي بتاكلها اللي بتشربها في الواقع بتاعها. آآ دي نقطة طيب ليه بقى مسلا هو ما بيفكرش في عالم الملايكة؟ طب ما هو ده عالم برده مختلف. ليه ما بيفكرش في عالم الجن؟ ما هو ده برضه عالم ايه مختلف اه لان هو عنده برضو هو لا يزال بصري. يعني الجزء البصري عنده اعلى. ومش بس البصري الحسي. يعني اصلا في في الطفولة دي او في هذه المراحل العمرية من الطفولة الجزء السمعي هو الاقل. للاسف الشديد للاسف الشديد اللي احنا اصلا بنعزف على وتره مع الاطفال يغمرني في قولك ايضا اتدبر يشهد كل تشهد علي السمع هو الاقل. الاعلى عنده البصري والحسي. يعني الحاجة اللي فيها نشاط اللي فيها جزء بصري هو عنده دي ايه؟ عالية جدا. دي اعلى مسارات الادراك يعني لو قلنا الادراك كده ليه يبقى فويز او ليه مسارات وفيه المسار السمعي والبصري والحسي المسار الحسي والبصري اعلى بكتير جدا من السمية عند الاطفال وخصوصا تحت عشر سنين. فطبعا بما ان عالم الحيوان مرتبط بالمسار الايه؟ البصري والحسي برضو يعني يقدر يرسم يقدر نجيب له الطائر ده ويلعب معه. يقدر في عالم الحيوان وجوده في في حياة الطفل السنة قريته جدا. يعني يا ابا عمير ما فعل النغير؟ تمام؟ النغر ده هو كان طائر خلاص النبي صلى الله عليه وسلم كان السيدة عائشة لها ايه؟ عرائس من عهن او عروس من عهن في بيته خلاص عروس العروس دي بقى هم عاملينها من صوف كان الصحابة بيسكتوا صبيانهم ويصبروهم على الصوم في حديس الربيع بايه؟ بالعرائس من العهن. وفي ضبط من العهن اللي هو الصوف يعني. خلاص فمفهوم اللعبة اللي مرتبطة بالحيوان او بعالم الحيوان او مفهوم وجود عالم الحيوان ده في حياة الناس ده مفهوم ايه؟ يعني حاضر جدا في حياة الصحابة حتى لو لو تذكروا احاديث النهي عن الحذف بالذات. الحذر مش انه يحذف اللي هو ايه؟ اللي هو ان هو يرمي اه القذف بالنبل عارفين نبلة؟ اه زي النبلة كده ويبقى فيها ايه؟ حجارة حجارة صغيرة فكانوا بيرموا طائر كده. خلاص؟ فالنبي صلى الله عليه وسلم نهى عنه قال انها تفقأ العين وتفعل كزا وان ما تحدثش فايدة يعني بالنسبة للامر ده. ان كان ده كان ساعتها بيرموا ايه؟ طائر. فقاصد المسألة دي مسألة حاضرة جدا في السنة مسألة حاضرة جدا في السنة مسألة وجود عالم الحيوان في حياة الاطفال. خلاص؟ وخصوصا الحيوانات المألوفة او الاليفة ولزلك هتلاقوا ان القرآن الحيوانات اللي زكرها اغلبها الحيوانات الاليفة اللي هي بتستعمل يعني الحاجات اللي من حوالين الانسان يمكن تقريبا كل اللي الطفل هيبقى شغوف به يعني انت لو لاحزتي هتلاقي ابنك شغوف جدا بالطير. لان الطير اشبه شيء بالطفل. الطير اشبه شيء بالطفل. يعني انا لو لو لو قالوا لي اوصف الطائر اوصف الطفل ده في كلمة واحدة اقول طائر فعلا الطاير يحب الحرية جدا يكره الاقفاص الاقفاص وكذلك الطفل وما يحبش القفص ابدا يحب الحرية والانطلاق ما لا يحب الجدران. ولزلك من الضروري وده اللي نسأل الله عز وجل انه يعين عليه ان البيئة التعليمية للطفل تبقى اصلا ما فيهاش جدران. وان تبقى الجدران اللي فيها يعني ابعد ما تكون عن بعضها. كل ما عينه تجيب مساحة فراغ اكبر كل ما ريح نفسيا اكتر دي دي اول حاجة في مسألة الاقفاص لكن في الحقيقة ان احنا اولادنا آآ فعلا يعني اقول ايه طيور مسجونة. هو قاعد في البيت فين؟ في اوضته. لو طلع من الاوضة بيطلع للصالة. هنطلع من الحبس اللي اسمه اوضته بحبس اسمه الصالة ولو في ضيوف ولا بهدل الصلاة ومش عارف ايه يخش اوضته ايه تاني. ولو دخل الزنزانة اللي جنبه بتاعة ابوه وامه خلاص يطلعوه بسرعة الزنزانة دي خلاص؟ وفي زنزانة كده بيروح يقضي فيها حاجته وزنزانة جنبها يخش يشرب مية ولا يخطف له مزاية ويطلع. ماشي يقوم من النوم الصبح يفتح عينه يلاقي واحد واخده من ايده وبيركبه زنزانة متحركة خلاص؟ وبعدين ييجي حطه في زنزانة تاني اسمها المدرسة هيخش المدرسة او الحضانة او ايا كان يخش جوة زنزانة. يفضل في الزنزانة دي وقت ما في حاجة اسمها الفسحة يخش زنزانة اوسع. تمام؟ نطلع على الزنزانة الاوسع دي. يخلص الزنزانة يلاقي واحد مستنيه برة. ياخده من ايده في الزنزانة المتحركة يا اما يرجعوا الزنزانة تاني يا اما يوديه زنزانة جديدة في الدرس. او في الكتاب خلاص؟ ييجي يكمل بقية يومه في الزنزانة دي خلاص لغاية ما ينام جوة الزنزانة ويصبح يكمل رحلة الزنازين. تمام؟ حب يخرج في مرة ولا حاجة اه بناخده برضو نفس القصة مكتفينه على قد ما نقدر في واحد مسئول عنه زي اللي هو العسكري كده اللي واخدينه بتاع كلبش في ايده ومعاه تمام يروح يروح مسلا عند عمته عند خالته هنا ما تخشش مش عارف ايه وما تعملش جوة الزنزانة دي. بس هو الفكرة بس ان ايه بيشوف وجوه جديدة في بس هي في النهاية زنازين. من زنزانة لزنزانة بس ده الفرق. يدوب يعني ايه كل فين وفين كده اما ييجي خارج برة كده شوية يروح مش عارف كزا وايه اطفال العرب ما كانوش كده. الطفل مسلا في الفترة الاولى دي من عمره اه يروح يرضع مش عارف فين في البادية. اه بعد شوية لما يبقى عنده سنتين تلاتة يصحى من النوم الصبح يبص كده يشوف السما ما لهاش اخر يبص كده مش شايف حاجة ومش شايف حاجة ومش شايف حاجة يقوم يدور على حاجة ياكلها ويدور ولا حاجة يشربها يفضل يلعب بيجري بيمرح بيطلع بينزل طول اليوم لغاية ما يتهلك وينام. طائر. ولزلك اصلا حياة العرب زمان كانت افضل حياة ممكن يعيشها انسان. او على الاقل افضل حياة ممكن يعيشها طفل. احنا بقينا مضطرين للزنزين غصب مع اننا لان ما عدتش قادر انزله الشارع. لانه هيرجع بقى ملوث. بكل يعني ما لذ وطأ. وما اقدرش اسيبه لوحده انا لو سبته دقيقة ممكن يتخطف مني ولا يتسرق ولا يتحرش بي. لازم تفهمه دي. ولزلك انكم تدوهم مساحة انطلاق. كنتم دايما حتى اقول في المتدبر كل اسبوع رحلة. ده تصوري اللي اتمناه. ان كل اسبوع يروح يشوف العالم الطلق ده. اللي هو ما بيشوفوش اصلا لان هو حتى لما بيخرج مع ابوه وامه بيبقى خارج برضه ايه؟ مضغوط. ممكن الولد يحب يخرج مع المعلمة وانت ممكن تصبري على ابن الناس اكتر ما تصبري على ابنك يعني الواد عمال يتنطط ويروح هنا وبعدين يا حبيبي بقى ومش عارف ايه امه وعاطيه له كمان. انما ابنك الشبشب يشتغل على طول. بعد خمس دقايق لازم يتنكد عليه الخروج. فدي حقيقة. سبحان الله! يمكن انت يقيد لك كده ان يعمل حد مع ابنك كده وانت اعملي مع ولاد الناس كده الدنيا تمشي اشبه شيء بالطفل والطائر. في مسألة ان هو ما بيحبش الحبس. في مسألة التوكل على الله. هو ايه ماشي هات الهم اي حاجة في الدنيا. يصبح من يوم يوم الصبح اشاعات الهم بقى. يا بابا هات المصروف. يا ماما هات المصروف. ما فيش يبقى كده لي مصروف النهاردة ها بكرة هاخد مصروفين. يعني الدنيا عنده ايه؟ بسيطة جدا. مش عاطل هم هياكل ايه النهاردة ويشرب ايه النهاردة واخر الشهر فيه ايه؟ مش اخر الشهر فيه ايه؟ عادي. بس عنده يقين عجيب في ان ربنا هيرزقه. ومع الوقت لما بيعرف ربنا بيعرف ايه بيعرف يعني كنز لا ينفد ابدا. فكل حاجة بيتمناها بيرفع ايده بتتحقق له. واحنا نبقى مستغربين بيتحقق لهم الحاجات دي. عايش زي الطير في التوكل على الله زي الطير في فؤاده افئدتهم كافئدة الطير. فؤاد الطير ده فؤاد رقيق جدا طائر هو مخلوق رقيق. اه يتكسر جدا لو مش عارف عملنا ايه اه يبتسم طولا بيدحك بيحب يمرح يفرح فؤاده رقيق افئدتهم كافئدة الطير. زي الطير في افئدتهم زي الطير في حريتهم ورغبتهم في ان هم يتحركوا زي الطير في توكلهم على الله. آآ زي الطير الحقيقة في قربهم من السماء. هم جدا من السما. الاطفال دي قلوبها في السما مش في الارض اصلا. قلوبهم في السماء. ولزلك النبي صلى الله عليه وسلم بفطرة الطفلة لما يقول لها اين الله؟ تقول له في هم قلوبهم في السما زي ما الطيور دي قلوبها في السما مش هنا اصلا. ما علينا كتير من الحاجات الحقيقة اللي موجودة في عالم الطير لو تأملتوه هتجدوه في الطفل الاطفال تحب الطيور جدا. لان في الغالب الطفل يحب الطائر. لان الطائر اشبه شيء بالطيور. الطائر ده حياته بسيطة جدا فيها حرية وفيها انطلاقة كبير قوي في حين مسلا ان في معاني بقى بتبقى غايبة عنه يعني مسلا هنقول لنفسنا ليه الطيور ما جتش في القرآن جه مسلا نمل وجت حيوانات تانية لان فيها معاني الطفل مفتقدها اصلا ولازم تتبنى فيه. حتى الطائر اللي جه في في يعني اللي جه في القرآن طائر بمواصفات معينة بيقوم بمهامه معينة. طائر يعني بيوصل للطفل رسائل معينة. خلاص طيب الطفل بيحب عالم الحيوان زي ما قلنا وده قريب جدا جدا من تكوينه النفسي وبالنسبة له الطائر بالزات بالزات اقرب اقرب حاجة للطيور يحب الطيور جدا. يعني انا لا انسى ان انا في مرة كده يعني متعود لما لسه مسافر حوالي اجيب حاجة لولادي الغالب مش بجيب بس بحاول اجيب اي حاجة كده تبسطهم وخلاص. ففي مرة ما عرفتش اجيبه انا في السعودية او نسيت اتشغلت مش عارف ايه اللي حصل اللي بيدفعه بالاساس حب الاستكشاف. هو شايف النملة دي يعني احنا الاطفال دايما بيشغلهم في عالم الحيوان ايه؟ البهرجة والاختلاف والتنوع وانها حاجة جديدة مختلفة. لكن الوحي بقى شفتم روعة الوحي فنزلت مصر فقلت مش هخش لازم اجيب لهم اي حاجة. فاخ كده قال لي بقول لك ايه ما تجيب لهم عصافير. عصافير ايه؟ لا مش عصافير وبتاع مش وبتاع والكلام ده. قال لي عمال تلوم عصافير وخلاص حتى لو هياكلوها هتقعد مع امهم ياكلوها. يعني يعني انا بمزح معنا بس انا متخيل انهم الشيطان موتوها ومش هيراعوها ومش هيهتموا بها. جبت العصافير. يا الله! ايه ده! حتى مسلا ممكن من بعض اولادي اللي كنت متخيل انما ايه الصفير ايه وكلام فاضي ايه كلهم بقى مركزين مع العصافير وقاعدين والعصفور ده عمل العصفور كزا يا بابا اه ده العصفور مش عارف بيوشوش العصفور التاني في ودنه. يا بابا ده انا اللي جبته لنفسي. ليل ونهار العصافير العصافير. المهم كنت مسافر بعد اربع خمس تيام وبعدين بزوجتي الحق في مناحة في البيت. ايه؟ خديجة بتعيط لها ساعتين. ومش عارف ومين بتعيط؟ وعبد الملك بيعيط. عبدالملك كمان بيعيط ده ده راجل بيعيط ازاي؟ كله كلهم بقى انهيار فزيع عصفور مات. انهيار ايه ده؟ ده انا لو مت قطع الفلوس كده. مش متخيل ايه؟ مش متخيل الانهيار آآ والعصفور التاني بقى يا بابا احسن يموت. طب نعمل مش عارف طب نوديه لحد تاني مش مشكلة احنا بنحبه بس نوديه لحد تاني. والانسانية بقى اللي في الالوهية ايه اللي طالع ده كل ده؟ انا مش متخيل ان دول هم ايه؟ انا مش متخيل اطلاقا ردود افعالهم مع العصافير بالشكل ده خالص. بس سبحان الله وجدت فعلا الطير ده بالنسبة للطفل او الطيور بالنسبة للطفل لا يعني وكأنه شايف نفسه فيها. اشبه حاجة به. قاعد كده يا بابا هو احنا هنفضل حابسينهم كده كتير مش هنطلعهم؟ طب ممكن مسلا نحطهم مسلا في حتة كده ايه رأيك نقفل البيبان ونطلعهم هنحطهم القفص تاني؟ يعني مشغولين بهم بشكل كبير جدا جدا جدا هو حقيقة الطائر اشبه شيء بالطفل. والطفل يحب الطائر جدا. والطفل يشوف بقى والطفل خلي بالكم عنده مفهوم انه اعلى من الحيوان ولزلك لما بيشوف حاجة الحيوان بيعملها بيقول عيب عليك انت ما تعملهاش. فتلاقي الطفل اصلا بيعملها بالمفهوم ده كان عنده مشكلة في اي حاجة بنحكيها له تاني في الكبار. انه شايف انهم مش زي الكبار. آآ من الحاجات اللي انا يمكن اشرت اليها لو وانا بتكلم كتير عن الاطفال ان كتير للاسف اللي بيتعاملوا مع الاطفال اه مسلا مسلا تروحي المكتبة عايزة تشتري مسلا ايه؟ قصص الانبياء للاطفال. فتبقي بقى فرحانة بقى هتبقى حاجة كويسة ولو ابني او بنتي قروها وبتاع تيجي تمسكيها انت وتقري فيها تلاقي نفسك انت اللي الخطاب لك انت مش للعيال خالص آآ مش هتكلم حتى على على الاسلوب نفسه وقد ايه بيحتاج اطناب وقد ايه بيحتاج آآ زكر مترادفات له طريقة يعني. لأ اتكلم حتى كمان عن المعاني. يعني معاني اصلا مش ايه؟ ما تخصش الطفل خالص. آآ ولزلك يبقى المفهوم اصلا في كتب الاطفال اقصى ما في الامر انهم يعملوا ايه اه زي ما قلت يكبروا الخط ويلونوه ويحطوا صور. بس. وده اصبح ايه كتب الاطفال يا اما يعملوا حاجة مهترئة جدا جدا حاجة كده الطفل نفسه استحقرها. يعني في حبكتها او في احكامها او الطفل نفسه برضه بيتعاملوا معه لانه كائن ايه؟ غبي قوي. يعني عيلة عبيط عبيط يعني. فانت تبصي على القصة كده تقريها. يعني الحال مش عبيطة للدرجة دي يعني مش للدرجة دي فالمهم طبعا في اعمال جيدة يعني اه بس اكيد في اعمال جيدة وفي ناس عملت حاجات كويسة المهم الشاهد ايه بقى مشكلة ان احنا يعني اللي بيتعمل ده ان الطفل اصلا عنده مفهوم يا بابا هو انا كبير! يا ماما بتقولي لي كده ليه! هو انا كبيرة! انا صغيرة! ولزلك كل النمازج اللي بنعرضها له ايه كبار فهو اصلا اصلا بيسمع النموزج بنفسية ايه؟ بتاع الكبار انا مش هعمله اصلا. فلزلك كنت حريص جدا في بناء المتدبر ان اخلي الابطال اطفال. علشان هو يحس ان ده حد زيي انا اصلا. انما تخيلي مسلا نفس اللي بيحصل مع الكبار لما ما يفهموش ان الانبياء العصمة مش زي ما احنا متصورين. يعني مسلا كتير من من الكبار تيجي تحكي له عن الانبياء يقول لك ايه؟ دول انبيا انبيا انبيا دول صحابة صحابة. ان عنده مفهوم ان دول ايه؟ انبياء يعني ما ما مسلا للشر زينا ولا مسلا مم يعني ممكن يبقى عندهم ما بيجحدوش نفسهم عشان يعملوا الطاعة انبيا انبيا. بيطيعوا اوتوماتيك. خلاص وكانوا بيقولوا ملايكة يعني ملايكة ملايكة مش بشر. بينسى الجزء البشري في الانبيا وفي الايه؟ وفي الصحابة. صح؟ فاحنا بالنسبة لنا فلزلك بقى كتير من الناس تقعدي تحكي له وسيدنا موسى عمله سيدنا موسى عمله سيدنا موسى عمل فهو بيسمع بس للانبهار وللاكبار ماشي؟ انما لا لا لا مش للاقتداء والتأسي والكلام ده خالص. ولزلك مسلا تقعدي تكلمي اخت تقولي لها مش عارف ده السيدة عائشة عملت السيدة خديجة؟ هو احنا صحابة يا عم ما نبقى لما تبقى سيدنا علي نبقى نتكلم على السيدة فاطمة. خلاص؟ كده يعني خلاص المفهوم حاضر تعطيل التأسي والاقتداء بنعمل له كده تعطيل داخلي جوانا. ان بما ان لأ التعطيل ده بقى احيانا احيانا مسلا ايه ولزلك ده دايما بيطرح هو انت ليه جبت القصص في البيئات المعاصرة؟ يعني انا كنت ممكن اجيب قصة مسلا كان في قديم الزمان ايام الخليفة العباسي هارون الرشيد حصل وحصل لأ لان برضو في اوقات كتيرة جدا بنعتبر الزمان عامل من عوامل تعطيل التأسي والاقتداء. الزمن غير الزمن يا دكتور دول ناس كانت عايشة في زمن طاهر وناس كانت طاهرة ومش عارف وكانوا بيهملوا وكانوا بيعملوا انما احنا زمانا زمان خربان والناس مش عارف ايه والحوارات ايه طب برضو هو هي دي المفهوم ده دي عوامل تعطيل التأسي والاقتداء احيانا اختلاف البعد الزماني احيانا اختلاف البعد المكاني احيانا اختلاف البعد الانساني. البعد الانساني دول انبيا دول صحابة. البعد المكاني مكانهم غير مكاننا. فيه ناس عايشة في مكة يعني هم كانوا عايشين هنا زينا في بلاد مش عارف مالها ده احنا هنا عندنا السياح رايحين والسياح جايين والسياح مش عارف ايه المكان مختلف الطفل بقى عنده مقيدات التأسي والاقتداء دي برضو اصلا حاضرة عنده زي ما احنا ككبار حاضرة عندنا حاجات تعطلنا التأسي والاقتداء هو حاضر عنده حاجات برضه. ان ايه الصين اصل معلش يعني هو مش طفل اصلا. هو لو طفل مستحيل يعمل كده. يعني هتقول لي اه وكان فلان الفلاني لا يلعب قط ولا يضيع وقتا قط. يا عم انت بتهرج! هو فيه طفل ما هيلعبش وما ضيعش وقت؟ وكان فلان الفلاني مش يعني لزلك حتى لو تلاحزوا مسلا في كل لما اتكلمت عن مفهوم الحفاظ على الوقت ما قلتش مفهوم الحفاظ على الوقت ما تلعبش. لأ تلعب شوية وتايه وتقل متأكدة يعني ما تاخدش وقتك كله في اللعب. لان اصلا مش المفهوم ده مش ممكن يبقى حاضر عنده اصلا. لان في الحقيقة هو مش مفهوم شرعي. هو طفل يعني لازم يلعب مصر. هو مش مكلف. بيكلف ازاي؟ المهم. فالطفل بالنسبة له الكبير ده ما له؟ غير صالح للاقتداء. يعني ما ينفعش اقتدي به. ونقتدى به بيبقى لانه ما ركزش قوي. لو ركز قوي وحب يشرعن تقصيره هيبقى عنده حاضر قوي ان ده غير قابل للاقتداء. لان دايما الكبير فوقه. بس الحيوان يقتدي به اكتر. لان الحيوان دايما هو شايفه تحته. دي قط فعملت كزا ده مش عارف شف طائر صغنون وقدراته ضعيفة بس فهم اللي انت ما فهمتوش. دي نعمل ايه هي عملت مش عارف ايه. ده مش عارف غراب فتلاقي اللي ادنى منه ايه قابل عنده انك تقتدي به. ولزلك احيانا انت تقولي مسلا ابنك مش قادر يعمل حاجة. تقول له يا حبيبي ده اخوك الصغير طاهر بيعملها يسخن ويعملها. انما مسلا لو قلت له حاجة وتقول له طب ده بابا بيعملها وانا باعملها. يقول لك يا ماما انتم كبار انما اخويا الصغير بيعملها عادي يعملها. ده كل الولاد حبيبي اللي في سنك بيعملوا كده. بجد يا ماما؟ اه كلهم بيعملوا كده. خلاص ان شاء الله عملوا. فهو عالم الحيوان بالنسبة للطفل لا مهم جدا. ليه؟ لان هو عالم الحيوان دايما بيشوفه ادنى منه. ولزلك اي صفة هتصدر عنه هو عنده استعداد يعمل ايه؟ يتأسى بها ويقتدي بها ومش عنده اي مشاكل خالص ويعمل زيه بالزبط واضح؟ فلزلك اه مهم قوي عالم الحيوان. ومهم كمان الحيوان اللي الطفل بيايه؟ بيحتك بكتير. يعني الخضار اللي بيحتك به. واللي بيحبه ويحب يشوفه ويطلع عليه. فلزلك تلاقوا مسلا لو انتم في البيت كده ومسلا في عش نمل كده ظهر تلاقي ابنك قاعد جمبه. وعايز مش عارف يحط ايه ويعمل ايه وقعد يبص على النملة دي وتروح فين وبتعمل ايه وكزا. هو طبعا ان الوحي اراد ياخدهم من الحاجات اللي عاجباهم واللي شادة انتباههم واللي فعلا آآ بتشغلهم انه يحط لهم في وسط الكلام ده معاني جميلة هم ينبغي ان يشعروا فابنك اللي هو ممكن ولزلك حتى كنت اقول لما نيجي ندرس للولاد مسلا آآ القصة بتاع النملة دي آآ يعني انا انا استخدمتها لما حبيت اعمل قصة الجمهورية بتاعة سورة العاديات. فاصلا بدأتها بان اب عمال يكلم ولاده عن الجمال ويكلمهم عن الاحصنة والاحصنة فيه والجمال فيها وهم سعداء جدا ومبسوطين جدا. وبعد ما اتكلم الكلام ده قال لهم طب لاحزتوا يا ولاد ان الجمال بتعمل كزا والاحصنة بتعمل كزا والمفروض تعمل كزا واحنا المفروض نعمل كزا واضح ولزلك حتى دايما اقول تدريس القصص دي اللي هي في القرآن اللي متعلقة بالحيوان للاطفال لازم يبدأ من عرض حياتهم. تفكر في حياتهم ان هو الطفل الاول يعرف النمل ده وحياته ايه وهو مين وبيعمل ايه وبعض الصفات العلمية المتعلقة به. وشفت ولاحزت وكزا لو خدت بالك زهقوا متعاونين وازاي كزا وازاي كزا وبعدين نيجي ناخد معنى بقى ونقعد نتكلم عنه. بنعرض الهدهد بنعمل كده. الهدهد هو مين وحيوان ايه وغطاه والطائر ايه وبيعمل ايه وصفاته ايه يعني مسلا هييجي معنا من الحاجات العجيبة للمفسرين اتكلموا عنها رغم انها معلومة يعني ممكن تبقى عابرة بس اكيد غيرها هيكون مهم. الهدهد لما آآ اتكلم مع سيدنا سليمان عن اللي لقاه في في مملكة سبأ. بيقول الا يسجدوا لله الذي بيعمل ايه بقى؟ يخرج الخبأ صح؟ يقول لك ان الهدهد اصلا هو اغلب غزاؤه كده ان هو بيخرج الخبأ. يعني يخش ينخرب على بتاع مش عارف نبتة ويجوا ونخرب على مش عارف ايه اصلا هو غزاؤه كده. فهو الهدهد يعني وصف ربنا بالايه؟ بالحاجة اللي هي اعزم من اللي عنده لادراكه ليه؟ ان هو ولزلك اصلا دي صفة مبهرة في الهدهد كمخلوق. ان هو الهدهد كمخلوق اصلا الناس استغرب جدا من طريقة حصوله على الغزاء ان هو يروح مسلا مكان يقعد ينخرط كده يطلع نبتاية طب عرف ان انا لقيت فيه نبتاية ازاي؟ طب جابها منين؟ ده وعنده رادارات عنده قمر صناعي عنده قرن استشعار عرف منين؟ فالهدهد اللي بيعمل كده ده لما الصفة دي الطفل ينبهر بها ونيجي بقى قل له ان الهدهد نفسه قال بان ربنا هو اللي بيخرج الخبأ في الايه؟ يعني اللي يخفى على اي حد واخدين بالكم من الفكرة ان ازاي هو الطفل بينتقل من العالم المادي الملموس لعالم بالنسبة له معنوي محسوس او من الاخر من عالم الشهادة الى عالم الغيب. ان ازاي يستدل على عالم الغيب بعد عالم الايه؟ بيعلم الشيطان. كنت امبارح انت لسه في حوار كده مع خديجة بقول لها يا خديجة يعني انت مصدقة ان ربنا موجود تلاقوها يا بابا مصدقني موجود قلت لها طب يعني ايه اللي مخليكي مصدقة؟ مصدقني انه موجود يعني. ويعني انت قالت له لا مش شايفاه بس هو موجود. قلت لها ما هو مش بالكلام بقى. يعني انا عايزك تقنعيني بوجوده دلوقتي. قولي له هو موجود ولا مش موجودة مش يعني موجود ازاي؟ قالت لي ما هو انا انا هقول احكي لك مواقف. مرة دعيت كزا كزا كزا كزا وحصل كزا كزا وكزا كزا وحصل كزا مرة بايد كزا وكزا حصل كزا هو اكيد موجود بيسمعني. قلت لها بس ممكن تدعي ما يحصلش قالت لي اه ما انا عارفة بس هو بيبقى سمعني بردو بس يمكن مش الخير لي ان هو ايه الكلام ده ايه يحصل؟ قلت لها طب خلاص سيبينا من دي لو واحدة مسلا مش مؤمنة هي اصلا مش هتدعي ربنا. فمش هتلاقي اللي انت بتقوليه ده اصلا. عايزين نقول لها يعني ربنا موجود ولا مش موجود؟ فقالت لي اقول لها ان ربنا هو اللي خلقنا. قلت لها طب ما هتقول لك ومين قال لك ان ربنا اللي خلقنا انا بنقل معه كلام كده يعني بشكل آآ قالت لي وهو طب ما هو مين اللي خلقها يعني؟ يعني انما هي ما هو هي مين اللي خلقها؟ مستغربة كده. هي طبعا بترد بشكل فطري. ما هي مش مفيرسة. انما في نسبة فيروس؟ طب ومين قال لك؟ قلت لها تعرفي يا خديجة بقى ان ربنا اتكلم في الحتة دي بشكل جميل جدا. يعني ربنا قال ايه؟ ام خلقوا من غير شيء ام هم الخالقون ام خلقوا السماوات والارض بل لا يوقنون. يعني لو سألتيها قلت لها مين اللي خلقك؟ انت اللي خلقتي نفسك لا طب اتخنقت كده لوحدك كده كده طلعتي كده كده مين اللي خلقك البشر زيك هم كانوا عدم برضه زيك. ومش عارفين يعملوا زبابة. يبقى فيه حاجة في حد يعني مختلف خلقه. ايه مين مين المختلف ده اللي خلقك؟ ما هو طب خلاص بلاش انت خالص. انت خلاص انت جيتي كده ايه؟ كبر نزرية الصدفة. ولا لأ؟ ما هو زي ما دايما كنت تقول ايه هم يعني الناس اللي بتقول الصدفة او الطبيعة هم لازم برضو بيحطوا اله بس بيسموه الصدفة او الطبيعة في النهاية اللي عمل الكلام ده مين؟ الصدفة. يبقى ازا في اله اسمه الصدفة. اللي عمل الكلام ده مين؟ الطبيعة. في اله اسمه الايه؟ الطبيعة. بس هو هو عايز يعني كده النفس مفتورة على ان فيه اله. فيه صانع فيه خالق. ما هي النفس ما تقدرش تقول انا خلقت نفسي. صح انا اوجدت يعني ما اقدرش. ازا فيه حد. طيب قلت لها طب خلاص بقى بالصدفة بقى والعشوائية دي ام خلقوا السماوات والارض؟ طب تصنع ازاي بقى سماء بالاحكام ده وارض بالاحكام ده؟ انت بتقولي انها صدفة ازا لو صدفة الدنيا كلها ايه؟ تخبط في بعضيها بقى ما هو ما صدفة. ما فيش نزام ما فيش احكام بقى بالشكل ده وكلام بالشكل تعرفي ان ربنا قال كده قالت اه الله! جميل قوي يا بابا! ده حلوة جدا دي! سبحان الله! ازددت يقينا في ان قد ايه اولادنا محرومين لما احنا ما عيشناهمش حتى معاني القرآن فهما. ان ازاي بس لمجرد انه يفهم الكلام ده هيعمل ايه؟ هيقضي على كتير كتير من الاشتباهات والحوارات والاضطرابات اللي جوة قلبه. بل جوة قلبك انت حتى. انت نفسك ما فكرتيش تعملي مع نفسك كده. ما هو سبحان الله كلام بسيط جدا ومش محتاج بقى السفسطائية بقى وتسبت له مش عارف ايه وتجيب له ايه واكتشفوا ان طبقات الارض فيها مش عارف ايه ينبوع يطلع مش عارف يعمل فيه الحقائق يعني دي ازهر ملايين المرة بالدقائق. ما احناش محتاجين دقائق. الحقائق واضحة جدا جدا زي الفل سبحان الملك يعني فطرة نقية والطفل لما بيبص كده على الكلام ده من حواليه ويشوف الكلام ده كده بوضوح آآ يشوف الكون ده ويشوف الحاجات اللي المادية الملموسة يستدل بها على المعاني المعنوية المحسوسة. كنت بقول الكلام ده ليه؟ عشان فكرة الانتقال من الشهادة الى الغير. الاستدلال بالشهادة للغيب واضح؟ المشهود ده نستدل به على الغائب. ولزلك ربنا يعني يعني ادانا ادلة على وجود كتير جدا ادلة ما لها؟ مشهودة. البعث ده معنى غيب ولا شهادة؟ غيب بس ربنا استدللنا على معنى او دللنا على معنى البعث بايه حاجات كتيرة اوي كتيرة اوي اوي اوي ، صح؟ الزرع والنبت ومش عارف ايه ، والنار وكزا وكزا. كل ده عشان ايه ؟ مفهوم البعث ان ازاي فعلا الانسان يصدق المعنى الغيبي من خلال تلك الشواهد الشاهدة الحاضرة اللي دايما يقول عليها القاهرة الظاهرة الباهرة قاهرة يعني خلاص بتحسم المسألة ظاهرة واضحة وضوح الشمس باهرة مبهرة جدا جدا جدا لا مثيل لها فتلك الشواهد والظواهر اللي هنشوفها قدامنا في حياتنا يعني نخلص الموضوع بس هو ازاي ان الانسان ده تحسن عرض الشهادة دي وتربطها بالغيب الايه؟ الذي غاب. فلذلك بالنسبة للطفل هذه المعاني التي يراها في عالم الشهادة مع تلك الحيوانات وغيرها تاخده لمعاني كتيرة من الغيب الهائل الرائع. معاني عزيمة احنا ممكن ننقله لها. ولزلك زي ما قلت ان الطفل آآ كانت المعاني اللي حواليه مهمة في انه حاجة بيشوفها مشاهدة بيحتك بها ممكن بعد كده تنقله لغيرها. فلزلك كنت بقول ان اه الولوج الولوج الى اه ابواب امثال هذه الانواع من القصص بيكون من خلال التفكر في تلك المخلوقات. ان الطفل يشوف المخلوقات دي ويشوف سبحان الله مجتمع زي مجتمع النمل ده. يشوف ازاي هو اشوف مجتمع زي مجتمع الطيور حتى مسلا طائر زي الهدهد ده يشوف الهدهد. وزي ما قلنا اما الهدهد نفسه بيقول اما الطفل بيشوف ينبهر بان الهدهد بيعرف يخرج الخبأ. لما يسمع بقى ان الهدهد بيقول ان الله هو الذي يخرج الخباء. وهو اللي بيخليني انا اخرج الخبائث. ما هو انا كده خدت الطفل المعنى الايه؟ توحيد الملك وبحمده ببساطة دي صورة مش هتغيب عن زهنه ابدا. تفضل حاضرة في قلبه طول الوقت. آآ ولزلك حتى الهدهد خد البطلين اللي فيهم اه بطلين بيرعوا النعمة. بطلين بيشكروا النعمة. والبطل الرئيس مع كل مشهد منهم بيحصل بايه؟ بيشكر ربنا بيشكر ربنا. هو اصلا بداية حديسه بادئ وقال الحمد لله الذي فضلنا على كثير من عباده الايه خد يعني المفروض السامع من فكرة الخبر ده ان فكرة ايه مش المخبوق بس في الارض والسماء المخبوء في الايه؟ في الصدور. اللي بتسروه وبتعلنوه واللي بتبدوه وتكتموه وده مخبوق ربنا يخرجه بقى. اه يعني اقصد ده خلاص بيخرجه بيطلعه ايه؟ لعالم اخر. فاقصد شف هذا يعني المعنى ما كان لنا لو احنا قعدنا نغني ما جمب الطفل مش هنقدر نوصله بالايه؟ بالبساطة دي والوضوح ده تلقائية دي تمام؟ ولزلك هي الفكرة دايما مين مين يعني هو ايه اللي يفرق المحاضر الجيد عن غيره؟ ان المحاضر الجيد عنده قدرة انه يوصل لنا المعلومة بشكل واضح جدا مش مختلط بغيرها وبسيط جدا قريب جدا من ازهاننا تمام وبشكل محكم قوي ولزلك نجد ان فعلا ده ده طريق واضح قوي وبسيط جدا وتلقائي ومحكم جدا ما افوتش حاجة من آآ من اصول الفكرة. تمام؟ آآ دي بس كانت مقدمة حوالين آآ يعني مسألة الاختيار القصص المناسبة للاطفال ولزلك امثال هذه القصص اللي بتتعلق بعالم الحيوان سواء كان في فلان وفي السنة هي اولى بانها يعني آآ يعني تدرس للاطفال في الاول. آآ وخصوصا الاطفال اللي تحت سن عشر سنين وفي رأيي ان المعاني اللي فيها ينبغي انها تتجمع كده على بعضها ونركز فيها تربط بقى بعد كده لان المفروض ان القصة هي نسخة منزورة ولها في القرآن نسخة مستورة ولها في السنة آآ نسخة مستورة ومنزورة في انا هزا العزيم هزا المعنى العزيم اللي ربنا اثنى عليه في مخلوق ومخلوقاته نشوفه لا شك في حياة النبي صلى الله عليه وسلم وفي حياة الصحابة الكرام نشوف هذا المعنى واضحا ظاهرا. تمام؟ في رأيي برضو اه ليه البداية في قصة النملة وقصة الهدهد بالزات؟ يعني مسلا ممكن اه البعض يقول طب ما احنا ممكن ناخد قصة بقرة بني اسرائيل. طب ممكن ناخد آآ قصة الفيل صح؟ طب ليه ما ناخدهمش الاول؟ ما هو مسلا حد ممكن يقول ان البقرة دي ممكن تكون في المجتمع بتاع الطفل اكتر من تحس انهم مش ابطال اصلا يعني هم مش ابطال. يعني هو مش بطل بايه؟ بيتكلم وبيمارس والكلام من ده. احنا بالعكس هنجيب النوع ده من القصص علشان خاطر بس الحيوان يخلي الطفل فيه ايه لما يبقى محور حديس شوية او ليه علاقة بالحديس طفل ينتبه له شوية. انما ما يميز هذا النوع من القصص ان الحيوان بطل النملة بطل قصة والهدهد بطل قصة. خلاص؟ آآ لاحزت حاجة سبحان الله في في القصتين دول بالزات ان هما اصلا جايين في معرض الانعام والشكر الشكر والانعام والشكر والانعام وكده تمام اا وسيدنا سليمان البطل الرئيس لو صح التعبير في القصتين هو بداية بيتكلم في قضية الشكر ولاحزت ان الولاد يعني انا قعدت اعمل حوار كده مرة مع ولادي مع مسلا عبدالملك وخديجة فعبد الملك يعني السن الصغير ده حبيت اسأله كده قلت له قلت له يا عبده هو انت تعرف ايه عن ربنا؟ يعني انا لو حبيت اقول لك يعني ربنا ده مين؟ آآ تقول لي ايه؟ كلمني عنه كده. فانا قلت شوف هو يعني دماغه ايه عن ربنا؟ آآ طبعا اول معنى كلمني فيه ان ربنا هو اللي خلقنا هو اللي خلقنا وقاعد بيتك عليها كتير ربنا اللي خلقنا اللي خلقنا اللي خلقنا. المعنى التاني اللي قعد يتكلم فيه كتير جدا يمكن لما اتكلمت مع خديجة اتكلمت في نفس الكلام بس بشكل اعمق شوية. الانعام. ما هو اللي بيدينا الاكل والشرب وهو اللي بابا وماما وهو اللي مش عارف يدينا الصلاة ويدينا القرآن. البابين دول بشكل واضح قوي وبشكل قوي جدا. ان الحاجات اللي فبدأت الاحز ان هم بيعرفوا عن ربنا الحاجات المرتبطة بالايه؟ بواقعهم المشهود. ان انا مين السؤال بتاع انا مين؟ انا هنا ازاي اول حاجة ربنا خلقني. فدي اصلا في حد زاتها آآ حضورها قوي جدا في زهن الطفل حاجة مرتبطة به هو. برضو ربنا مين؟ ربنا اللي عاطيني كزا وعاطيني كزا وعاطيني كزا وعاطيني كزا. يمكن مسلا لما اتكلمت مع اخوك اتكلمت على مفهوم تاني ان مفهوم آآ يعني ان انا مسلا لو اخطأت ربنا يعني المهم الشاهد ايه ان برضه الباب اللي بيدخل على قلوب الاطفال من خلاله عشان نعرفهم بربنا باب الانعام. ولزلك ازاي دي ان هو برضه يمكن سبحان الله لاحزت من قصتين دول بعد كده لما تيجي سيرة النقل لما يجي حدس النملة اه يقول رب اوزعني ان اشكر نعمتك ولما يجي يجي له عرش بلقيس او عرش ملك سبأ يقول هذا من فضل ربي ليبلوني آآ اشكر يعني ده ايه؟ حاضر جدا في البطل الرئيس آآ وكان المعنى ده يعني من