يعني مسلا هقول لكم برضه حكاية للجماعة الكدابين دول. حكاية طريفة يعني. لما واحد يقول لك قل لا اله الا الله حلو ولا وحش؟ جميل. مرة واحد من الجماعة القصاص بتوع الموالد
المولد يقعد يقول لك حكايات ووزير ابو ليلة وميمونة اللي اتقطعت ودنها يوم النبي لازقها التاف ولازق لها وابنها ها هو تاب وانزلها مناخيرها والكلام ده انت قاعد على الجماعة بتوع الموالد دول هيصيتوا دول يقعدوا يقول لحد الصبح يغني. اهو كان واحد زي ده كده
يجي يقعد في مسجد زي ده ويجيب بقى حكايات وحاجات غريبة من اللي تقعد ايه اللي عوام بيقعدوا يقولوا يمصمصوا شفايفهم كده وتصعبوا على المسألة دي قال لي في الحديث الاتي. وطبعا كانوا زمان يتكلمون بالاسناد. ما كانش زينا يقول قال رسول الله صلى الله عليه وسلم
يقول حدثني فلان عن فلان عن فلان ان النبي صلى الله عليه وسلم قال كذا. كانت هي البضاعة ايامهم كده. ما فيش حد ايه كان بيتكلم كده كلام الا باسناد. قاعد في المسجد فين في العراق. وبعدين الامام احمد ابن حنبل
ويحيى ابن معين امام الجرح والتعليل دخلوا المسجد يصلوا فسمعوا الراجل ده بيحكي. الراجل ده قال ايه بقى؟ قال حدثني احمد ابن ويحيى ابن معين قال حدثنا فلان عن فلان عن فلان ان رسول الله صلى الله عليه وسلم
اقال من قال لا اله الا الله خلق الله له بكل كلمة طائر خلاص؟ كل طائر له سبعون الف رأس. كل لرأس فيه سبعون الف منقار. كل منقار فيه سبعون الف لسان
كل لسان يستغفر الله لهذا الرجل بسبعين الف لغة انا لو طرحت القصة دي على ابو لمعة ما يعرفش يركبها التركيبة دي. ها! يعني شف سبعين الف راس سبعين الف منقار. سبعين الف فم الف
سبعين الف لغة. الله! طب هي لا اله الا الله دي حاجة تقيلة يعني؟ لا اله الا الله خلاص خدت سبعين الف وسبعين الف وسبعين الف وسبعين الف. واروح اعمل اللي على كيفي بقى. طبعا الناس اتبسطت
وهو فارش المنديل وكل واحد يرمي بياضه. ها؟ يدفع اللي في النصيب يعني. فطبعا كل واحد ايه اداله ايه؟ اللي فيه النصيب صر المنديل وطبعا مين اللي قاعدين يسمعوا الكلام؟ احمد ابن حنبل ويحيى ابن معين. اللي هو ايه؟ قال في اول الكلام
حدثنا احمد بن حنبل ويحيى بن معين. فطبعا يحيى ابن معين اول ما سمع الكلام ده قال لك هياخد الفلوس ويمشي ها خفف من صلاته. وسلم ونادى له. فالراجل جاي فاكر انه هيدي له ايه؟ قرشين
فقال له اقعد. فجلس. قال له من حدثك بهذا حدثني احمد بن حنبل ويحيى بن معيد فقال يحيى له هذا احمد بن حنبل وانا يحيى بن معيس ما سمعنا بهذا الا الساعة. الراجل ابن بلد
ها حرك. مش آآ وشه يحمر ويضرب لخمة؟ لا يطلع زي الشعرة من العجين. عيال مفتحة وعيال فراودة فلما قال له كده ما تلخبطش. انما نظر اليه نظرة المحتقر. وقال له
قد كنت اسمع ان يحيى بن معين احمق. ما علمته الا الساعة لما شافه يعني اتظنان ان ليس في الدنيا احمد بن حنبل واحد ابن عيل غيركما؟ ها لقد حدثت عن سبعة عشر احمد بن حنبل وسبعة عشر واحد معي. اه شف كان ايامين
يخلى من شبه سبعتاشر احنا يخلى من شبه كم؟ اربعين. اشوف بقى شف اهو الراجل ده راجل متخصص مسلا وزيه جماعة. كانوا يضعون الحديث على رسول الله صلى الله عليه وسلم