الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وهو بيدك الخير كله واليك يرجع الامر كله. اللهم صل على حبيب قلوبنا وعلى طبيب قلوبنا وعلى شفيعنا يوم العرض عليك
محمد صلى الله عليه وسلم في الاولين والاخرين. والملأ الاعلى الى يوم الدين. اما بعد. شبابنا الجميل. بناتنا. ربنا يبارك فيكم. ربنا عايزين نقف مع بعض وقفة يا جماعة. يعني سبحان الله من عدة ايام في استقبال المستشفى واحد اخواني واقف في استقبال المستشفى في يعني قرب يعني
يعني في نص الليل جه اتنين شباب الاتنين اوفر دوس الاتنين واخدين جرعة مخدرات زايدة. الاتنين حصل لهم توقف في عضلة القلب. يعني الاتنين بيموتوا يا جماعة والاتنين فعلا خلاص يعني شبه ماتم وهي لحزات ويبقى ده اسمه ميت وده اسمه ميت. ودخلوا اوضة الافاقة وفضل طاقم الاطباء يحاول بكل كهنة
انه يرجع نبض القلب بتاع ده وبتاع ده. ولكن سبحان الله العظيم الاولاني مات. نبض القلب ما رجعش تاني. والتاني بعد محاولات جاهدة اخيرا على الفجر بدأ نبض القلب يرجع وبدأ الشاب يقدر يتكلم تاني. يعني صاحبي وقف جنب الشاب اللي نجا فبيقول له انت تعرف ان اللي كان نايم على
السرير جنبك ده كان واحد برضه اوفر دوس في المخدرات واحد منهم واخد حقنة وواحد منهم شم يعني فبيقول له انت تعرف اللي كان نايم جنبك ده هو كان كمان اوفر دوس في المغترات. فالشاب يعني فتح عينه وبص بفزع. قال له طب وحصل له ايه ؟ قال له مات. مات مات. هو خلاص فرصته
وراحت وانت ربنا اداك فرصة تانية. انت كانك كتب لك عمر جديد دلوقتي. انت تضمن منين ان انت اللي كان ممكن تموت مكان الشاب الاولاني ده؟ يا جماعة الاتنين نفس القضية مخدرات. الاتنين اوفر دوز. الاتنين نبض القلب توقف ولكن ربنا كتب ان ده خلاص فرصته انتهت. وربنا اده لده فرصة تانية
تضمن منين بقى ؟ تضمن منين ان انت لا تاخد فرصة تانية ؟ تضمني منين ؟ انت صاحبك مات وانت لسة ما اتغيرتش. صاحبتك ماتت ماتت وانت لسة ما فيش حاجة فيك اتغيرت
يا اخوانا الشباب الوقتي بيموت بالبطيء. الشباب الوقتي لو ما فصلش ووقف مع نفسه الشباب بيموت بالبطيء. ايه اللي بعد كده غير اسوأ من اللي هو فيه؟ فيه كتير الوقتي يا يتوب يا اما هيوصل لمرحلة الانتحار. يعني سبحان الله كنت قاعد مع احد مغسلين الاموات بنفطر مع بعض من عدة ايام. فبيقول لي
يعني يعني راح يجيب واحد مات عشان ينقله من بلد لبلد. ركب مع الميت في العربية تلاتة. تلاتة رايحين يجيبوا الميت ويساعدوا في غسله ويساعدوا في يعني في تجهيز الجنازة بيقول طلع من البلد ومعه واحد ميت وتلاتة راكبين مع الميت. بيقول لي عن ما وصلت للبلد بتاعة الميت
كان بقى معي اتنين ميتين واتنين عايشين. واحد من التلاتة جا له سكتة قلبية في الطريق مات. بيقول وصلنا البلد بجستين. يعني واحد راح يجيب ميت مات واحد راح يغسل ميت مات. واحد رايح يجهز ميت مات. تضمن منين؟ يا اخوانا ما فيش اي حد يضمن اي حاجة. والله طول ما احنا عايشين في
الدنيا دي ما نضمن لحزة فيها. شبابيك. شبابيك ده الشعار بتاعنا في البرنامج ده. شبابيك ده الكلمة اللي احنا هندور عليها في البرنامج ده. شبابيك لما نزلت الساحل الشمالي وانت بتاخد الساحل الشمالي من اوله وانت معدي على القرى بتاعته كلها وانت معدي على مارينا وعلى جولف بورتو وعلى هايسيندا وعلى مراسي وعلى سيدي عبدالرحمن
وعلى وانت قاعد تشوف ما لا يتخيله عقل شبابنا وصل للمرحلة دي. تحس ان الشباب عاملين بالزبط زي بيقولوا لك فيه واحد بيموت جوة شقة وكل الابواب مقفولة وكل الشبابيك مقفولة. لازم حد يكسر شباك. يدخل منه ينقزه. لازم يا جماعة الشباب الوقتي عايش جوة بيوت مقفولة. بل كل
البيوت دلوقتي مقفولة على مشاكل. عايزين نفتح شبابيك يا جماعة. شبابيك يدخل منها النور تاني. شبابيك تنور لنا حياتنا تاني. عايزين نفتح في قلوبنا شبابيك تنور لنا تاني. تنور للشباب قلوبهم تاني. عايزين كل واحد مننا يفتح شبابيك في حياته. تنور له عشان ننقذ لازم
يا اخوانا انا حاسس انها مهمة مقدسة. ان احنا لازم نفتح شبابيك على الشباب اللي عاد عايش جوة بيوت مقفولة حتى الفيسبوك. الفيسبوك كانت فكرته ايه ان الشباب رفض المجتمع. ان الشباب عمل لنفسه مجتمع مغلق عليه. ما حدش له دعوة به. كانت فكرة الفيسبوك في الاول ايه؟ فكرة الساحل الشمالي. ان
الشباب قافلين عليهم القرى السياحية لا لهم دعوة بالواقع. ولا الواقع له دعوة بهم. الوقتي شباب المخدرات لوحدهم كانها بيوت زجاجية بالصبر. كانها بيوت زجاجية والعياذ بالله الشهوات والزنا لوحدهم. شباب الشبهات لوحدهم. الشباب مقفول عليه. عايزين نفتح شبابيك. يدخل النور منها. تاني
يعني سبحان الله العظيم يعني ابن اتصلوا به يعني ابن امه مرضت مرض شديد جدا وكان لازم تعمل عملية خطيرة وسافرت عشان تعمل العملية في بلد تانية او محافظة تانية فالابن نتيجة زروفه وارتباطاته ما قدرش يسافر مع والدته. الام حالتها تدهورت جدا اتصلوا بابنها قالوا له الحق والدتك
ساعات يا تلحق تشوفها قبل ما تموت يا اما هتوصل بعد ما تكون ماتت. الابن طار عشان يلحق والدته. وهو على مدخل المدينة اللي والدته بتعمل العملية فيها جا له سكتة قلبية مات. المفروض انه كان رايح عشان يرجع بجسد والدته. امه هي اللي رجعت بجسده. المفروض انه
رايح عشان يرجع بجنازة الام. الام هي اللي رجعت بجنازة الابن وهو رايح عشان يجيبها هي اللي جابته ورجعت تضمن منين؟ تضمني منين انت وقعت في معاصي ووقعت في كبائر ودخلت على كبائر. وصاحبك مات وكان بيعمل نفس المعاصي ده وانت لسة مكمل عليها. صاحبك
اللي كانت متبرجة ودخلت تاخد دش بس بعد ما كنتم انتم الاتنين في محاضرة واحدة وفي سكشن واحد وفراوند واحد وعرفت انها ماتت وفضلت انت على اللي انت فيه وفضلت انت على نفس الطريق اللي انت فيه هنتغير امتى يا جماعة؟ هنتغير امتى؟ شاب من الشباب؟ يعني ساكن جنبنا جنب البيت بيت عندي وهو معدي كده في احد
اخواني بيقول له تعال يا فلان تعال صل معنا. الكلام ده يا اخواننا يعني لسه في رمضان يعني في نص رمضان اللي فات دهوه. يعني الكلام ده لسه ما عداش عليه شهر تقريبا. تقريبا
بيقول له تعال يا فلان صل معنا. قال له باقول لك ايه انت وانت قدي انت كنت عايش حياتك بالطول وبالعرض. سبني اعيش حياتي ولما ابقى قدك هاصلي تاني يوم كانت المنطقة بتصلي على الشاب داهو تاني يوم وقع من الدور التامن او التاسع في العمارة بتاعته وهو واقف في الشباك مات في لحزة
كل حاجة انتهت في لحزة. الفجر كانت صلاة الجنازة عليه. تضمض منين؟ مين فينا يضمن يا جماعة؟ مين فينا لو ما اتغيرش يضمن شبابيك؟ لازم لازم الواقع ده يتغير يا اخوانا. لازم الشاب اللي قافل على نفسه مش عايز يسمع حاجة. مش عايز يسمع حد مش عايز حد ينصحه. مش عايز حد يخرجه من اللي هو فيه
عايز يوهم الناس كلها ان هو مبسوط كده ومش عايز يتغير. لازم نفتح شبابيك على الشباب دول. ولازم هم يفتحوا شبابيك. وزيفة البرنامج ده. ان احنا نقنع كل شاب لكل فتاة انهم لازم يفتحوا شباك على الحياة. لازم يفتحوا لنفسهم شباك النور ييجي منه. والا لو فضل كده لا يلومن الا نفسه. الشاب
اللي جاي مخنوق وبيقول لي انا خلاص انا هانتحر. انت يا ابني ما تعرفش ان كل يوم فيه اربع تلاف واحد بينتحروا في الدنيا. كل يوم في اربع واحد بينتحروا في الارض انت مرشح لو ما تبتش انك تبقى واحد من الاربع تلاف دول. انت مرشحة لو ما توبتيش لو ما تغيرتيش انك تبقي واحدة من الاربع تلاف دول
تضمن منين؟ في الغرب وفي الشرق وفي كله الانتحار عاد منتشر يا جماعة. لان خلاص الشباب عمل كل حاجة وعايش تعيس. لما تنزل في الساحل الشمالي وفي شرم اوي. تلاقي الشباب ما عادش بيبصوا لبعضه اصلا. ما عادش الشاب بيبص للبنت وخلاص. من كتر المعاصي اللي عملوها هو ما عدش عنده حاجة يبص لها
هو بقى ماشي الشاب اللي بيعصي ربنا انا باقول لك انا باقول لك الوقتي نفسيتك وانت بتعمل المعصية. نفسيتك وانت بتشرب المخدرات. قاعد تضحك وسط اصحابك وانت قلبك بيبكي. وانت قلبك بيتقطع. وانت قلبك بيتمزق من جوة
كل يوم الصبح تصحى وتحس انك مخنوق ما انتش طايق لحزة الصحيان من النوم. ما انتش طايق اللحزة اللي بتفتح فيها عينيك وتكتشف انك انت لسة عايش. وما انتش عارف تعمل ايه؟ تنزل تدور على اي معصية تهرب بها من الهم اللي انت فيه. وبعد المعصية كل حاجة اتحرقت. شباب جايين يقولوا لي احنا كل حاجة عندنا اتحرقت
طقم المخدرات اتحرق. طعم الزنا اتحرق. طعم المواقع الفاسدة اتحرق. باقول لهم انا خايف عليكم من الفتن. قالوا لي فتن ايه! احنا ما عدش فيه معصية لها علينا في حياتنا. انتم عارفين انت لسة شفت حاجة! انت لسة شفت حاجة! يا اخوانا معزم الشباب الوقتي وصل لمرحلة يا اما تتوب! يا اما تنتحر! اربعة
شباب جايين من الساحل الشمالي ما سابوش كبيرة الا وعملوها. زنا مخدرات. عملوا كل حاجة وهم راجعين العربية اتقلبت. تلاتة منهم ماتوا. صاحبهم الرابع لما وعرف ان اصحابه التلاتة هيصلوا الجنازة عليهم تاب لربنا الاربعة كانوا اصلا جنب. يعني الاربعة ما ينفعوش يصلوا غير لما يغتسلوا. صاحبهم لما
هؤلاء اصحابه التلاتة ماتوا بعد زنا ماتوا جنب. صاحبهم اتقلبت حياته. وهو دلوقتي اخ من الاخوة الدعاة الى الله. بعد ايه؟ هو كل واحد فينا مستني ان تلاتة من اصحابه
ويموتوا عشان يتغير. انا كنت واقف مع شاب من الشباب. باقول له يا حبيبي فكر. حبيبي ما تضمنش. يا حبيبي ملك الموت مش هيستأزنك مش هيستناك. الشاب ده مات بعد اتنين وسبعين ساعة. اتنين وسبعين ساعة بالزبط ومات. اتنين وسبعين ساعة وكان من اهل الاخرة. مات تحت يعني مات وهو بيخدر
مات واصحابه رموه من العربية وطلعوا يجروا. مات في لحزة كل حاجة بتنتهي في لحزة. كل حاجة بتحصل في لحزة. شبابيك. عايزين نفتح شباك يا جماعة. عايزين يا جماعة. عايزين النور يدخل يا جماعة. يا انت تفتح شباك النور يدخل لك منه. يا اما حد يا جماعة يوصل لكل شاب يوصل لكل مكان
يوصل لكل قرية سياحية يوصل لكل مصيف. يوصل لكل صفحة فيسبوك ما لهاش دعوة بالدين. يوصل لكل شباب قافلين بيت زجاجي على نفسهم وبيعصوا ربنا فيه يوصل لهم ويقول لهم مش هتقدروا تكملوا كده. والله ما هتقدروا انت وانت بتعصي ربنا في الاول. انت اول ما بدأت تعصي ربنا كان قلبك بيتقطع وانت بتعصي المعصية اللي انت
مدمنها وكت خايف من عقوبة ربنا تنزل عليك. شوية بقيت بتعمل نفس المعصية بس وانت قلبك قاسي. شوية بقيت بتعمل نفس المعصية بس وانت قلبك ميت ما عدتش بتفكر. خلاص شوية بقيت بتعمل نفس المعصية. وانت معتقد ان ما عادش قدامك بديل تعيش غير بنفس المعصية دهيه. هتحس ازاي؟ بكلمة
اهدنا الصراط المستقيم في الصلاة. وانت قاعد تسمع غني لي وبص لي واعملي لي وحبيني. هتحس ازاي؟ باهدينا الصراط المستقيم وانت لما الامام في خطبة الجمعة بيقول تبنا الى الله بتخاف تقول امين. احسن تتورط وتدبس. هتحس ازاي باهدنا الصراط المستقيم
ما فيش حاجة ربنا حرمها الا وبتسمعها وانت ما فيش منزر او فتنة او متبرجة عدت عليك لو بصيت لها. هتحس ازاي بالصلاة؟ هتحس ازاي بكلمة الله الله اكبر. هتحس ازاي بكلمة اهدنا الصراط المستقيم؟ هتحس ازاي بالسجود وبالركوع؟ هتحس ازاي بالوقفة بين ايدين ربنا؟ واحنا طبعنا على قلوبنا
من كتر المعاصي اللي احنا عملناها. يا اخوانا اللي يشوف منزر الشباب ليلة سبعة وعشرين رمضان. وهم واقفين سادين الشوارع وقاعدين يقولوا يا رب. في التهجد ويشوف منظر الشباب ليلة العيد وهم ما فيش معصية الا وبيعصوا ربنا بها. نص الشباب اللي زنا طول حياته اول مرة زنى ليلة العيد
نص الشباب اللي شرب خمر في حياته اول مرة شرب خمر ليلة العيد. نص الشباب اللي وقع في المخدرات اول مرة شرب مخدرات في حياته ليلة العيد المنزر ده قسمة الشاشة نصين احنا قفلنا عليها الحلق دهي. قفلنا عليها اول لقاء لنا في شبابيك. اول لقاء لنا في
اللي احنا هنبدأ فيها يا جماعة. رسالة ان لازم نفتح شبابيك على الشباب اللي قافل على نفسه. وان شاء الله بازن الله هنبدأ بالرسالة دهيت الحلقة التانية هنبدأ بالرسالة دهيت الحلقة الجاية هنبدأ بالرسالة داهية الخطوة الجاية كل يوم بيفوت علي
حبي لك بيزيد شوية. هنبدأ مع ازاي نوصل لحب ربنا. اول شباك لازم نفتحه. شباك حب الله. شباك ازاي نقرب من ربنا سبحانه وتعالى اول نور لازم يدخل علينا عشان نتغير. سبحانك اللهم وبحمدك اشهد ان لا اله الا انت استغفرك واتوب اليك